येणापूर च्या नाल्याजवळ एका इसमाला चक्क जाळले 

आष्टी:-
पोलीस स्टेशन हद्दीत एका इसमाला येणापूर नाल्या शेजारी चक्क जाळून मारल्याची घटना उघडकीस आली आहे.
दि.सहा नोव्हेंबर दुपारच्या दोन वाजताचे सुमारास ही घटना घडली असून मृतकाचे नाव मनोज आनंदराव मेकर्तीवार वय ३५ रा. सोमणपल्ली ता.चामोर्शी जिल्हा गडचिरोली असे आहे 
आष्टी पोलीसांना घटनेची माहिती मिळताच त्यांनी घटनास्थळी धाव घेतली पंचनामा करून  मृतदेहाची ओळख पटवली लागलीच संशयित दोन तरुणांना अटक करण्यात आली
राहुल गुंजनकर रा.चंद्रपूर व श्रीनिवास मेकर्तीवार रा.सोमणपल्ली असे आरोपी 
 असून त्याचा खुन का करण्यात आला याचा तपास पोलीस निरीक्षक विशाल काळे, पोलीस उपनिरीक्षक मानकर व कर्मचारी करीत आहेत मृतकास का मारले प्रश्न अनूत्तरीत आहे

अल्पवयीन मुलीवर तरुणाने केला अत्याचार 

आरोपी तरुणा विरोधात आरमोरी पोलीस ठाण्यात गुन्हा दाखल.

अशोक वासुदेव खंडारे वैनगंगा वार्ता १९ 

आरमोरी:-
फेसबुक वर ओळख करून तरुणीला प्रेमाच्या जाळ्यात ओढून अत्याचार केल्याची घटना 3 नोव्हेंबरला उघडकीस आली आहे. पोलिसांनी चंद्रपूर जिल्ह्यातील आरोपीला बेळ्या ठोकल्या आहेत. सूजीत कैलास गेडाम वय 22 वर्षे राहणार मोहाडी तालुका शिंदेवाही जिल्हा चंद्रपूर असे आरोपीचे नाव आहे. पोलिस सूत्रांकडून मिळालेल्या माहितीनुसार एका 17 वर्षीय पीडित युवती सोबत सुजित गेडामची काही महिन्या पूर्वी फेसबुकच्या माध्यमातून ओळख झाली एकमेकांना फेसबुकच्या माध्यमातून मेसेज करणे सुरू झाले. दरम्यान याचे रूपांतर प्रेमात झाले एकमेकांची फेसबुक वर ओळख झाली होती अशातच दोघांनी परस्पर एकमेकांना भेटण्याचा निश्चय केला. परस्पर एकमेकांना भेटल्यानंतर सुजित गेडामने युवतीला शरीर सुखाची मागणी करून युवतीवर अत्याचार केला. झालेल्या प्रकारामुळे युवती घाबरुन जावून सोबत
घडलेला सर्व प्रकार युवतीने आपल्या स्वगावी जावून कुटुंबीयांना सांगितला. असता कुटुंबीयांनी लगेच आरमोरी पोलीस ठाणे गाठून सुजित गेडाम विरोधात तक्रार दाखल केली पोलिसांनी आरोपी विरोधात भारतीय दंड न्याय संहिता 64 (1)64(2)(1),64(2)87 137 (२) अन्वये गुन्हा दाखल करून 31 ऑक्टोबरला आरोपी सूचित गेडाम ला पोलिसांनी त्याच्या स्वगावातून ताब्यात घेतले आणि न्यायालयामध्ये हजर केले असता न्यायालयाने पाच दिवसाची पोलीस कोठडी सुनावली आहे. सदर घटनेचा तपास पोलीस निरीक्षक कैलास गवते यांच्या मार्गदर्शनाखाली पोलिस उपनिरीक्षक दिलीप मोहूर्ले तपास करीत आहेत

शेतशिवारा जवळील तलावात बुडून इसमाचा झाला करुन अंत

आरमोरी तालुक्यातील लोहारा येथील घटना.

प्रमोद झरकर वैनगंगा वार्ता १९ गडचिरोली

आरमोरी:-
 शेतशीवाराजवळील तलावात बुडून इसमाचा करुन अंत झाल्याची घटना आरमोरी तालुक्यातील लोहारा येथे  दिनांक 4- नोव्हेंबर-2024 सोमवार रोजी 11.30 वाजताच्या दरम्यान घडली

 सविस्तर वृत्त असे की लोहारा येथील मृतक वामन बाजीराव कुमरे वय 45 वर्ष हे आपल्या मुलासोबत नामे सुमित वामन कुमरे वय 17 वर्षे याला सोबत घेऊन शेतातील धान्य कापले असल्याने ते पाहण्याकरिता शेताकडे गेले होते . मात्र ते शेतामध्ये गेले असताना त्यांना शौचास लागल्याने ते शेतापासून जवळच असलेल्या खोलबोडी तलावात गेले मात्र  तलावातील काठावर गेले असता त्यांना चक्कर मिर्गी आल्याने ते तलावातील पाण्यामध्ये पडले व त्यातच त्यांचा मृत्यू झाला. वामन कुंमरे यांचा मुलगा शेतामध्ये त्यांची वाट पाहत होता. वडिलांना शेताकडे येण्याकरिता अति जास्त वेळ झाला म्हणून मुलगा सुमित तलाव कडे गेला असता वामन कुमरे पडलेल्या अवस्थेमध्ये दिसले.
लगेच मुलाने आरडाओरडा  करून घटनेची माहिती गावातील लोकांना दिली घटनास्थळी गावातील लोकांनी धाव घेऊन घडलेल्या घटनेची माहिती पोलीस पाटील यांना दिली लगेच पोलीस पाटील यांनी घटनेची माहिती आरमोरी पोलिसांना दिली. आरमोरी पोलीस लगेच घटनास्थळी दाखल होऊन मृताचा पंचनामा करुन  मृतदेह शवविच्छेदनाकरिता करिता आरमोरी येथे पाठवीण्यात आला. घटनेचा तपास एपीआय कामतूरे, पीएसआय विजय चलाख हेड कॉन्स्टेबल पिल्लेवान करीत आहेत.

अति प्रेमभराने लुप्त झालेल्या प्रियकराने प्रेयसीच्या नादात स्वतःहला लावला गळफास 

 सिरोंचा : 
अती प्रेमाने लुप्त झालेल्या प्रियकराने प्रेयसीच्या मृत्यू झाला अशी भावनिक माहिती मिळताच त्याने गळफास घेऊन आपली जिवनयात्रा स़पवली
कोटा पोचमपल्ली येथे घरगुती भांडणातून पतीने २३ ऑक्टोबरच्या रात्री झोपेत असलेल्या पत्नीचा गळा चिरून हत्या केली होती. आता या प्रकरणाला नवे वळण मिळाले असून, विवाहित महिलेचे गावातीलच एका युवकाशी विवाहबाह्य प्रेम संबंध असल्याच्या संशयातून पतीने महिलेची हत्या केली. दरम्यान, महिलेच्या प्रियकराचाही मृतदेह अहेरी तालुक्याच्या आलापल्लीजवळ २६ ऑक्टोबर रोजी सकाळी गळफास घेतलेल्या स्थितीत आढळला

लिंगय्या गट्ठ येलकुच्ची (३२, रा. कोटा पोचमपल्ल) असे गळफास घेऊन आत्महत्या करणाऱ्या प्रियकराचे नाव आहे. समय्या मुतय्या बोल्ले याला पत्नी पद्मा हिचे समय्या बोल्ले गावातीलच लिंगय्या येलकुच्ची याच्याशी विवाहबाह्य संबंध असल्याचा संशय होता. याच संशयातून दोघांमध्ये भांडण होत होते. गत आठवड्यापासून दोघांमध्ये खटके उडत होते. २३ ऑक्टोबर रोजी पद्मा हिचा धारदार शस्त्राने खून करून पसार झाला होता. या घटनेमुळे प्रियकर लिंगय्या गट्ठ येलकुच्ची याच्यावर मानसिक आघात झाला. त्यानंतर त्याने हे पाऊल उचलले.
ह्या घटनेचा पोलीस तपास करीत आहेत लवकरच सत्यता समोर येणार आहे

प्रेमाची भाषा बोलून अल्पवयीन मुलीशी केले शारिरीक संबंध, मुलगी राहीली गर्भवती व फुटले बिंग 

शारीरिक संबंध करणाऱ्या इंजेवारी येथील युवकास आरमोरी पोलिसांनी केली अटक

आरमोरीः
प्रेमाची आस दाखवून एका अल्पवयीन मुलीशी शारीरिक संबंध ठेऊन तिला गर्भवती करणाऱ्या आरोपी युवकास आरमोरी पोलिसांनी पोस्को अंतर्गत गुन्हा दाखल करून अटक केल्याची घटना दिनांक २४ ऑक्टोबर रोजी घडली. विनोद घनश्याम पात्रीकर वय (२०) रा. इंजेवारी ता. आरमोरी असे अटक करण्यात आलेल्या आरोपीचे नाव आहे. त्याला दोन दिवसांची पोलीस कोठडी ठोठावण्यात आली आहे.

पोलिसांनी दिलेल्या प्राप्त माहितीनुसार यातील फिर्यादी पिडीतेची आई ही दि २२ ऑक्टोबर २०२४ रोजी काम करुन घरी आल्यावर त्यांना त्यांची मुलगी पिडीता ही घरी आढळून आली नाही. त्यांनी सर्वत्र शोध घेवुनही ती मिळून नआल्याने आरमोरी पोलीस ठाण्यात रिपोर्ट देण्यासाठी आली असता आरमोरी पोलीसांनी तिच्या लोकेशन बाबत माहीती काढुन तिचा त्वरीत शोध घेतला. मुलगी मिळुन आल्याने कोणतीही तक्रार करायची नाही असे लेखी दिले व रिपोर्ट न देता मुलीला ताब्यात घेवुन घरी गेली.

त्यानंतर दि. २३ ऑक्टोबर रोजी पिडीतेच्या आईला व नातेवाईकांना पिडीता गर्भवती असल्याबाबत शंका आल्याने पिडीतेच्या आईने केलेल्या तपासणीत पिडीता ही गर्भवती असल्याचे लक्षात आले. पिडीतेला विश्वासात घेवून तिच्या आईने विचारले असता पिडीतेने इंजेवारी येथील विनोद पात्रीकर याने आपल्यासोबत शारिरीक सबंध प्रस्थापित केल्याचे सांगितले.यामुळे पिडीतेच्या आईने आरमोरी पोलीस ठाण्यात येवून तोंडी रिपोर्ट वरून आरमोरी पोलीस ठाण्यात आरोपी विरोधात कलम ३७६ (२) (१), ३७६ (२) (नं, भा. द. वी. सहकलम ४,६,८,१२, बालकांचे लैंगिक अपराधापासुन संरक्षण अधिनियम २०१२ अन्वये गुन्हा नोंद केली व दिनांक २४ ऑक्टोबर रोजी आरोपीला अटक करण्यात आली.

आरोपीवर गुन्हा दाखल होताच आरोपीस न्यायालयापुढे उभे केले असता न्यायालयाने दोन दिवसांची पोलीस कोठडी सुनावली आहे. पुढील तपास आरमोरी पोलीस ठाण्याच्या महिला पोलीस उपनिरीक्षक ज्योती राक्षे करीत आहेत.

पीडितेला पुढील वैद्यकीय उपचारासाठी गडचिरोली येथील महीला व बालरुग्णालय येथे पाठविण्यात आले आहे 

आरमोरी तालुक्यात पोक्सो अंतर्गत गुन्ह्यांची वाढली संख्या

आरमोरी हे विद्येचे माहेरघर असल्याने तालुक्यातील ग्रामीण भागातील विद्यार्थी, विद्यार्थीनी आरमोरी येथे शिक्षणासाठी येतात. मात्र समाजमाध्यमांच्या आहारी जाऊन नको ते कृत्य करीत असल्याने आरमोरी पोलीस ठाण्याअंतर्गत पोक्सो खालील गुन्ह्यामध्ये वाढ होत असल्याचे दिसुन येत आहे. याकरीता शाळा, कॉलेजमध्ये प्रबोधन करण्याची गरज व्यक्त होत आहे.

गडचिरोली  जिल्ह्यात कामगार म्हणून आलेल्या इसमास रानटी हत्तीने चिरडले.

सेल्फीचा नाद जीवाच्या अलंगट आला 

गडचिरोली, दि. 24 : रानटी हत्ती परिसरात आल्याने त्यासोबत सेल्फी काढण्याचा नाद एका मजुराच्या जीवावर बेतला. रानटी टस्कर हत्तीने हल्ला करीत मजुराला चिरडून जागीच ठार केल्याची घटना गुरुवार 24 ऑक्टोबर रोजी सकाळी 8 वाजताच्या सुमारास चामोर्शी तालुक्यातील आबापूर जंगलामध्ये घडली. श्रीकांत रामचंद्र सतरे, रा. नवेगाव (भु), ता. मूल, जि. चंद्रपूर असे ठार झालेल्या मजुराचे नाव आहे.

गडचिरोली जिल्ह्यात मागील दोन वर्षापूर्वी ओडिशा राज्यातून रानटी हत्तीचा कळप दाखल झाला. जिल्ह्यातील विवध भागात कळपाने मार्गक्रमण करीत शेतपिकांची नासाडी केली तर विविध घटनेत नागरिकांचा हत्तीच्या हल्यात मृत्यू झाला.श्रीकांत सतरे हा आपल्या काही सोबत्यांसह गडचिरोली जिल्ह्यात केबल टाकण्याचे काम करण्याकरिता आला होता. दरम्यान गडचिरोली वनविभागातील कुनघाडा रै. वन परिक्षेत्रांतर्गत आबापूर गाव परिसरातच काम सुरु होते. 23 ऑक्टोबर रोजी चातगाव व गडचिरोली वन परिक्षेत्रातून रानटी टस्कर हत्तीने कुनघाडा रै. वन परिक्षेत्रात प्रवेश केलेला होता. नियत क्षेत्र मुतनूर वनक्षेत्रातील आबापूर जंगलात हत्ती वावरत असल्याची माहिती केबल टाकणाऱ्या मजुरांना मिळाली असता तिघेजण हत्ती पाहायला गुरुवारी सकाळीच गेले होते. हत्ती दूरवर असताना श्रीकांत हा हत्तीसोबत सेल्फी काढण्यात मग्न असताना हत्तीने हल्ला करुन त्याला चिरडले. घटनेच्या वेळी अन्य दोघांनी तेथून पळ काढत आपला जीव कसाबसा वाचविला. जिल्ह्यात आणखी एकाचा रानटी हत्तीच्या हल्यात मृत्यू झाल्याने खळबळ उडाली असून रानटी हत्तीच्या जवळ जावू नये, सेल्फी च नाद करु नये, हत्ती असलेल्या परिसरात प्रवेश करु नये अशा सूचना वारंवार वनविभागामार्फत देण्यात येत आहेत. तरी मात्र काही नागरिक हत्तींना बघण्याकरिता जंगल परिसरात जात असल्याने अशा घटना समोर येत आहे.

गडचिरोली विधानसभा क्षेत्राची उमेदवारी विद्यमान आमदार डॉ. देवराव होळींनाच द्यावी 

महायुतीच्या नेत्यांनी पत्रकार परिषदेत केली मागणी 

अशोक वासुदेव खंडारे मुख्य संपादक वैनगंगा वार्ता १९
गडचिरोली:-
भाजपचे गडचिरोली विधानसभा क्षेत्राचे विद्यमान आमदार डॉ. देवराव होळी यांनाच महायुतीच्या शिवसेना,राष्ट्रवादी पक्षाच्या नेत्यांनी भाजपने उमेदवारी द्यावी अशी मागणी आज पत्रकार परिषद मधून करून राजकीय वर्तुळात खळबळ उडवून दिली आहे. भाजपाच्या पहिल्या यादीत
डॉ. होळी यांचे नाव नसल्याने त्यांचे समर्थक हे नाराज
झाले असून त्यांच्या मदतीला मित्र पक्ष धावून आल्याने
राजकीय समीकरण बदलत आहेत.

२५ ऑक्टोंबरला डॉ. देवराव होळी हे भाजपा, शिवसेना, राष्ट्रवादी काँग्रेस व आमदार डॉक्टर देवराव होळी मित्रपरिवाराच्या २५ हजार कार्यकर्त्यांचा मेळावा गडचिरोली येथे घेऊन शक्तिप्रदर्शन करणार आहेत. या मेळाव्यात २५ हजार कार्यकर्ते येणार असल्याचा दावा महायुतीतील नेत्यांनी केला आहे.

आमदार डॉक्टर देवरावजी होळी यांनी गडचिरोली विधानसभा क्षेत्रातच नाही तर संपूर्ण जिल्ह्यात यापूर्वी कधीच न झालेला विकास करून दाखवलेला आहे . त्यांनी भाजपासोबतच मित्र पक्षांच्या सर्व नेत्यांना सोबत घेऊन या ठिकाणी काम केलेले आहे. त्यामुळे विकास कामाच्या आधारावर त्यांचा विजय निश्चित आहे करिता जिंकून येणाऱ्यांनाच आमचा पाठिंबा असून भारतीय जनता पार्टीने आमदार डॉक्टर देवराव होळी यांनाच उमेदवारी द्यावी अशी मागणी शिवसेना राष्ट्रवादी काँग्रेस व आमदार डॉक्टर देवराव होळी मित्र परिवाराच्या वतीने आयोजित पत्रकार परिषदेच्या माध्यमातून केली.पत्रकार परिषदेला शिवसेना जिल्हाप्रमुख राकेश  बेलसरे, उपजिल्हाप्रमुख हेमंत  जंबेवार, राष्ट्रवादी काँग्रेसचे नामदेवजी दुधबळे लौकिक भिवापूरे, भाजपा जिल्हा महामंत्री योगिताताई पिपरे, शहराच्या अध्यक्षा कविताताई ऊरकुडे, पंचायत समिती सभापती मारोतराव इचोडकर, प स उपसभापती विलास दशमुखे, ज्येष्ठ नेत्या प्रतिभाताई चौधरी, पल्लवीताई बारापात्रे, विधानसभा प्रमुख रोशनभाऊ मसराम, दीपक भारसाकडे युवासेना जिल्हा प्रमुख, जिल्हा सचिव दिलीप चलाख, साईनाथजी बुरांडे, चामोर्शी तालुका प्रमुख पप्पी पठाण, तालुकाप्रमुख सोपान म्हशाखेत्री, ज्येष्ठ नेते जयराम चलाख, धानोरा महिला आघाडी प्रमुख वरगंटीवार ताई, आतिश मिस्त्री बंगाली आघाडी जिल्हाप्रमुख, युवा सेना उपजिल्हाप्रमुख सागर भांडेकर, यांचे सह २०० हून अधिक पदाधिकारी प्रामुख्याने उपस्थित होते.

माते तु झाली ग वैरीणी,माझी दया का आली नाही, नवजात अर्भकाचा टाहो 

गडचिरोली , 
माते तु झाली ग वैरीणी माझी दया का आली नाही असा टाहो नवजात अर्भकाचा लोकांना ऐकू आला त्यामुळे नवजात अर्भक फेकल्याची घटना उघडकीस आली आहे 
सदर घटना गडचिरोली जिल्हा मुख्यालयापासून जवळच असलेल्या खरपूंडी येथे आढळून आल्याने एकच खळबळ उडाली आहे. मिळालेल्या माहितीनुसार, खरपूंडी ते आकरटोली कडे जाणाऱ्या कच्चा व सिमेंट काँक्रेटच्या रस्त्याच्या बाजुला कचऱ्यामध्ये अज्ञात व्यक्तीने नर जातीचे जिवंत अर्भक फेकूण दिले. याबाबत रस्त्याने जाणाऱ्या नागरिकाला  कळताच त्यांनी गावातील व्यक्तींना माहिती देत गडचिरोली पोलीसांना कळविले. पोलीसांनी घटनास्थळ गाठून अर्भक ताब्यात घेत महिला व बाल रुग्णालय गडचिरोली येथे दाखल करण्यात आले आहे. सदर अर्भक हे पुरुष जातीचे असुन कोणीतरी आपले पाप लपविण्यासाठी हा लाजिरवाणा प्रकार केला असून पोलीसांकडून त्यांचा शोध घेणे सुरु आहे. अद्याप बाळाला जन्म दिलेल्या मातेचा थांगपत्ता लागलेला नाही
मात्र माता एवढी वैरीणी कशी होऊ शकते हा यक्ष प्रश्न निर्माण होतो आहे

गडचिरोली पोलीसांनी  पाच नक्षल्यांचा केला खात्मा

अन्न व औषधी प्रशासन मंत्री धर्मरावबाबा आत्राम यांच्या दौऱ्या दरम्यानची घटना,

प्रमोद झरकर उपसंपदक गड़चिरोली वैनगंगा वार्ता १९

भामरागड; (गडचिरोली)
तालुक्याला लागून छत्तीसगड राज्य सीमेवरील कोठी पोलीस स्टेशन हद्दीतील कोपर्शी गाव जंगल परिसरात पोलिसांकडून नक्षलविरोधी अभियान राबवितांना पोलीस पथक आणि नक्षलवाद्यांमध्ये झालेल्या चकमकीत पाच नक्षल्यांचा खात्मा करण्यात पोलिसांनी यश आले आहे.

सदरच्या चकमकीत एक सुरक्षा जवान जखमी झाल्याची माहिती आहे. राज्याचे अन्न व औषध प्रशासन मंत्री धर्मरावबाबा आत्राम हे आज भामरागड तालुक्याच्या दौऱ्यावर असून चकमकीच्या पार्श्वभूमीवर त्यांच्या सुरक्षेत मोठ्या प्रमाणात वाढ करण्यात आली आहे. हे विशेष!

कोपर्शी गाव जंगल परिसरात मोठ्या प्रमाणात नक्षलवादी असल्याची माहिती पोलिसांना गुप्तचर यंत्रणा द्वारे प्राप्त झाली होती. त्यावरून (ता. २१ ऑक्टोंबर) सोमवारी पोलिसांच्या नक्षल शोध अभियान पथकाने मोठ्या प्रमाणात शोध मोहीम राबवत असतांना दुपारी एक वाजता दरम्यान नक्षलवाद्यांनी पोलिसांच्या दिशेने अंदाधुंद गोळीबार केला प्रत्युत्तरात पोलीस जवानांनी नक्षल्यांविरुद्ध चोख प्रत्युत्तर दिले. यात पाच नक्षल्यांचा खात्मा झाला असून एक पोलीस कर्मचारी जखमी झाल्याची माहिती आहे.

चकमकीत ठार झालेल्या नक्षलवाद्यांची अद्याप ओळख पटलेली नाही. विधानसभा निवडणूक जाहीर पार्श्वभूमीवर नक्षलवाद्यांचा मोठ्या प्रमाणावर घातपात करण्याचा इरादा असल्याचे बोलले जात असून या घटनेमुळे पोलिसांकडून नक्षल्यांचा हातापती मनसुबा हाणून पाडण्यात आला आहे.

राष्ट्रवादी काँग्रेस अजित पवार गटाचे वरिष्ठ नेते, अन्न व औषध प्रशासन मंत्री धर्मराव बाबा आत्राम हे सकाळपासूनच भामरागड तालुक्याच्या दौऱ्यावर होते. अशातच भामरागड तालुक्यात चकमक घडल्यामुळे आत्राम यांच्या सुरक्षेत भरपूर प्रमाणात वाढ करण्यात आली आहे. आत्राम यांना पोलिसांचा तगडा बंदोबस्त देण्यात येणार असल्याची माहिती आहे. त्यामुळे आत्राम यांच्या सुरक्षेतही वाढ करण्यात आली आहे. चकामकीनंतर पोलिसांकडून परिसरात नक्षलविरोधी शोध मोहीम तीव्र करण्यात आला असून मृत  ओळख पाठविली जात आहे.

लिटील हार्ट्स विद्यालयाच्या विद्यार्थ्याची गोळाफेक स्पर्धेत राज्यस्तरावर झाली निवड

अशोक खंडारे/ मुख्य संपादक वैनगंगा वार्ता १९

आष्टी:- लिटिल हार्ट्स विद्यालयाच्या विद्यार्थ्याची गोळाफेक स्पर्धेत राज्यस्तरीय निवड झाली आहे 
जिल्हा क्रीडा संकुल चंद्रपूर येथे नुकत्याच पार पडलेल्या विभागस्तरिय मैदानी स्पर्धेत तन्मय चंद्रमणी फुलझेले या विद्यार्थ्यानी 14 वर्षे वयोगटातील गोळाफेक या स्पर्धेत द्वितीय क्रमांक प्राप्त करत रजत पदक पटकावले व राज्यस्तरीय स्पर्धेसाठी आपले स्थान निश्चित केले आहे .
तन्मय चंद्रमणी फुलझले या    विद्यार्थ्यानी केलेल्या उत्तम कामगिरीबद्दल संस्थेचे अध्यक्ष अनिल आल्लूरवार, सचिव रमेश आरे, मुख्याध्यापक  कृष्णमुर्ती गादे, क्रीडा शिक्षक नितेश पुंगाटी यांच्यासह विद्यालयातील सर्व शिक्षक तथा शिक्षकेत्तर कर्मचारी व विद्यार्थ्यांनी कौतुक केले.

महिला पोलीस शिपाई विवाहित राहुनही, केलं दुसरे लग्न पोलिसांनी केला गुन्हा दाखल.

 सांगली:- 
येथे पोलिस महिला पोलीस हिने विवाहित राहुनही दुसरे लग्न केले हि खळबळजन घटना उघडकीस आली आहे 
पोलीस महिला शिपाई महिलेने पहिले लग्न लपवून ठेवत चक्क दुसरे लग्न करीत पतीची फसवणूक केल्याची घटनेने एकच खळबळ उडाली आहे. याप्रकरणी वंदना महेश कांबळे वय 39, रा. इनाम धामणी, ता. मिरज या महिला विरोधात सांगली ग्रामिण पोलिसांनी गुन्हा दाखल केला. तिच्या विरोधात पती महेश लक्ष्मण कांबळे वय 36 वर्ष, रा. आष्टा यांनी न्यायालयात दावा दाखल केला होता, न्यायालयाच्या आदेशानुसार पोलिसांनी गुन्हा दाखल केला. वंदना ही सांगली पोलिस विभागात कार्यरत आहे. वंदना कांबळे सह जनाबाई चंद्राप्पा कांबळे वय 60 वर्ष, राजशेखर चंद्राप्पा कांबळे वय 42 वर्ष, उषा शंकर माळी वय 40 वर्ष, सर्व रा. इनाम धामणी यांच्यावरही तरुणाची फसवून केल्या प्रकरणी गुन्हे दाखल करण्यात आले आहे.

पोलिसांनी दिलेल्या माहितीनुसार, महेश कांबळे हे आष्टा पोलिसांनी दिलेल्या माहितीनुसार, महेश कांबळे हे आष्टा येथे मजुरीचे काम करतात. त्यांचे लग्न वंदना बरोबर 22 जून 2022 रोजी झाले होते. लग्नानंतर एका आठवड्यात म्हणजे 30 जून 2022 रोजी ती पतीला काही न सांगता आपल्या माहेरी इनाम धामणीला निघून गेली. त्यानंतर पती महेश यांचे मामा सुहास पठाणे व त्यांच्या जवळच्या नातेवाईकांना बोलावून घेऊन महेश हे वैवाहिक संबंध ठेवण्यास पात्र नाहीत अशी तक्रार केली.

मी नांदण्यास त्यांच्याकडे जाणार नाही. महेश व त्यांच्या कुटुंबाने माझी फसवणूक केली, त्याबद्दल 9 लाख रुपये नुकसान भरपाई द्यावी अशी मागणीही केली. पैसे न दिल्यास खटल्यात अडकविण्याची धमकी दिली. यादरम्यान, वंदना, जनाबाई, राजशेखर व उषा यांनी महेशच्या घरी माणसे पाठवून दिली. महेशच्या कुटुंबातील माणसांचे बरेवाईट करण्याची धमकी दिली.

दरम्यान, महेश यांनी न्यायालयात तक्रार केली की, वंदना हिच्या आरोपांमुळे आपल्या लौकिकास बाधा पोहोचली आहे. वंदना विषयी चौकशी केली असता तिचा पहिला विवाह सांगलीतील संजय राजाराम शिंदे रा. वखारभाग यांच्याशी झाल्याची माहिती मिळाली. त्यामुळे तिने आपली फसवणूक केली आहे. पोलिसांनी वंदना व अन्य तिघा संशयितां विरोधात गुन्हे दाखल केले.

आमोरासमोर झालेल्या दोन दुचाकीच्या धडकेत ग्रामसेवक  ठार

अहेरी; (गडचिरोली)

तालुक्यातील आलापल्ली वळणावर दोन दुचाकीच्या सामोरासमोर झालेल्या जबर धडकेत रघुनाथ तुगे मुळमा, (वय ३८ वर्ष) रा कुकामेट्टा, ता. भामरागड यांचा उपचारार्थ रुग्णालयात हलवितांना मृत्यू झाला असून त्यांच्या निधनाने पंचायत समिती प्रशासनात शोककळा परतली आहे.रघुनाथ मुळमा हे एटापल्ली तालुक्यातील घोडसुर ग्रामपंचायत मध्ये ग्रामसेवक म्हणून कार्यरत होते, ते (ता.१५ ऑक्टोंबर) मंगळवारी सायंकाळी सहा वाजता दरम्यान एटापल्ली येथून स्वतःच्या दुचाकीवरून भामरागडच्या दिशेने जात होते, त्याच वेळी विरुद्ध दिशेने येणारी दुचाकीत समोरासमोर भीषण धडक झाली, यात रघुनाथ मुळमा याच्या छाती व डोक्याला जबर मार लागला होता, त्यांना नागरिकांकडून उपजिल्हा रुग्णालय अहेरी येथे उपचारार्थ दाखल करण्यात आले, मात्र त्यांची प्रकृती गंभीर असल्याने प्राथमिक उपचार करून जिल्हा सामान्य रुग्णालय चंद्रपूर येथे हलविण्यात आले होते. चंद्रपूरला जात असतांना त्यांचा वाटेतच मृत्यू झाला आहे.रघुनाथ मुळमा यांच्या मृतदेहावर जिल्हा सामान्य रुग्णालय चंद्रपूर येथे उत्तरीय तपासणी केली जाऊन अंत्यविधीसाठी मृतदेह नातेवाहिकांना सुपूर्द करण्यात आला आहे. घटनेचा पुढील तपास अहेरी पोलिसांकडून केला जात आहे.

चुलत मामाने केला भास्याचा घात मात्र उमरखेड पोलीसांनी अवघ्या बारा तासात  खुनाच्या आरोपीला केले जेरबंद 

उमरखेड:- . चुलत मामाने केला भास्याचा घात मात्र पोलीसांनी तात्काळ शोध घेत अवघ्या बारा तासात आरोपी मामास जेरबंद केले आहे 
दि. १२ ऑक्टोंबर रोजी पोलीस स्टेशन उमरखेड येथे
तक्रारदार रतेराव अप्पाराव सोळंके वय ७० वर्ष धंदा सेवानिवृत्त कर्मचारी रा. महागाव रोड जि. प. कॉलनी उमरखेड यांनी तक्रार दिली की, त्यांचा पुतण्या मृतक सुमीत प्रभाकर सोळंके वय २३ वर्ष रा. जिल्हा परिषद कॉलनी महागाव रोड उमरखेड हा दि. १२/१०/२०२४ रोजी चे सकाळी ०९:०० वा.चे दरम्यान हा कामा निमीत्ताने नेहमी प्रमाणे घराबाहेर गेला व सायंकाळी उशीरापर्यंत तो घरी परत आला नाही म्हणुन दिनांक १३/१०/२०२४ रोजी पोलीस स्टेशन येथे तो हरविल्याबाबत तक्रार दिली त्यावरून पोलीस स्टेशन उमरखेड येथे हरविल्याची क्र.५७/२०२४ दाखल करून शोध सुरू केला.दरम्यान दुपारी १२ वाजताच्या सुमारास माहीती मिळाली की, सुमित हा चुरमुरा शेत शिवारातील जंगलामध्ये मृत अवस्थेत पडुन आहे. लगेच पोलीसांनी घटनास्थळी धाव घेऊन पाहिले असता चुरमुरा फाट्यापासुन चुरमुरा फुलसावंगी रोडवर रोड पासुन सुमारे १०० मीटर अंतरावर जंगलात मृतक सुमीत प्रभाकर सोळंके वय २३ वर्ष जिल्हा परीषद कॉलणी उमरखेड याचे प्रेत रक्ताने माखलेले दिसुन आले त्याचा चेहरा कपडे व शरीरयष्टीवरुन ते प्रेत सुमीतचे असल्याचे खात्री झाली. त्याच्या मानेवर व गळ्यावर कापल्याच्या जखमा दिसल्या.

कोणीतरी अज्ञात आरोपीने मृतकचा खुन केल्याचे दिसत असल्याने तक्रारदार रतेराव अप्पाराव सोळंके यांनी दिलेल्या तक्रारीवरून अपराध क्र.६८८/२०२४ कलम १०३ (१) भारतीय न्याय संहिता २०२३ अन्वये गुन्हा नोंद करून तपासामध्ये घेतला.

गुन्ह्याचे गांभिर्य लक्षात घेता  अपर पोलीस अधीक्षक  पियुष जगताप यांनी प्रत्यक्ष घटनास्थळी भेट देऊन आरोपीने केलेल्या खुनाची माहिती पाहता आरोपी शोध बाबत महत्वपूर्ण सुचना दिल्या. उपविभागीय पोलीस अधिकारी उपविभाग उमरखेड  हनुमंत गायकवाड  व पोलीस स्टेशन उमरखेड पो. नि. पांचाळ  यांच्या आदेशाने वेगवेगळ्या टीम तयार करून आरोपी च्या शोध साठी रवाणा करण्यात आल्या. स्थानीक गुन्हे शाखा यवतमाळ येथील अधिकारी सपोनि गजानन गजभारे, पोउपनि शरद लोहकरे यांचे पथक तपास करीत असतांना मृतक हा त्याचा चुलत मामा संदीप अवधुत जगताप रा. नेर ता. माहूर याच्या दुचाकीवरून  बसुन जातांना दिसल्याने त्याच्यावर संशय बळावल्याने आरोपीला ताब्यात घेण्यासाठी एक टीम नेर ता. माहूर येथे रवाणा केली.

आरोपी हा मृतका च्या अंतविधीसाठी आला आहे अशी माहिती मिळाल्याने आरोपीला महागाव रोडवरून ताब्यात घेऊन त्याला गुन्ह्याबाबत विचारणा केली असता आधी त्याने उडवा उडविची उत्तरे दिली परंतु विश्वासात घेऊन विचारणा केली असता आरोपी ने गुन्ह्याची कबुली दिल्याने आरोपीला गुन्हात अटक करण्यात आली आहे.

आरोपी याने मृतकला पैशाच्या वादातुन धारदार शस्त्राने गळा चिरुन खुन केल्याचे प्राथमिक तपासात निष्पन्न झाले असुन अधिक तपास सुरु आहे

जन्मदात्या बापानेच तुझ्या आईला मारुन टाकतो अशी धमकी देत अल्पवयीन मुलीवर  करायचा बलात्कार 

 तक्रारीवरुन बापाविरुद्ध गुन्हा दाखल

नागपूर (Nagpur): दारुड्या बापाने सख्ख्या १४ वर्षीय मुलीला तुझ्या आईला जीवे मारुण टाकतो अशी धमकी देऊन बळजबरी शारीरिक संबंध प्रस्थापित केले. गेल्या तीन महिन्यांपासून ती मुलगी बापाचा लैंगिक अत्याचार सहन करीत होती. शेवटी आईला प्रकार सांगितल्यानंतर या प्रकरणाला वाचा फुटली. लकडगंज पोलिसांनी तक्रारीवरुन बापाविरुद्ध गुन्हा दाखल केला.

आरोपी किसन (बदललेले नाव) हा बेरोजगार असून पत्नी, मुलगी आणि मुलासह लकडगंज पोलीस ठाण्याच्या हद्दीत राहतो. तो गेल्या चार वर्षांपासून बेरोजगार असून त्याला दारुचे व्यसन आहे. किसन कामाला जात नसल्यामुळे पत्नी घराबाहेर पडली. ती खासगी काम करुन संसाराचा गाडा हाकत आहे. मुलगी १४ वर्षाची असून ती नवव्या वर्गात तर मुलगा पाचवीत आहे. दारुड्या किसनाची गेल्या काही दिवसांपासून आपल्या सख्ख्या मुलीवर वाईट नजर होती. गेल्या तीन महिन्यांपासून तो तिला बाहुपाशात घेऊन अश्लील चाळे करीत होता. तू आता मोठी झाली आहेस, म्हणून मी तुझा लाड करीत आहे. असे सांगून तो वारंवार तिच्याशी लगट करीत होता. मुलीने बापाच्या या घाणरेड्या कृत्याकडे दुर्लक्ष केले. मुलगी आंघोळ करुन बाहेर आल्यानंतर तिला  त्याच्यासमोरच कपडे बदलण्याची सक्ती करीत होता. गेल्या काही दिवसांपूर्वी पत्नी नातेवाईकाकडे धार्मिक समारंभासाठी गेली असताना मध्यरात्रीनंतर झोपेत असलेल्या मुलीशी बापाने अश्लील कृत्य केले. शारीरिक संबंध प्रस्थापित करण्याचा प्रयत्न केला. मात्र, मुलीने नकार दिला. त्यामुळे तिला बापाने मारहाण केली. त्यानंतर बळजबरी शारीरिक संबंध प्रस्थापित केले.

आईला जीवे मारण्याची धमकी -

पत्नी कामावर गेल्यानंतर किसन हा मुलाला खेळायला बाहेर पाठवायचा. त्यानंतर मुलीला शारीरिक संबंधाची मागणी करायचा. ती अनेकदा त्याला नकार द्यायची. त्यानंतर तो शिक्षण बंद करण्याची धमकी द्यायचा. तसेच आईला जीवे मारण्याची धमकी द्यायचा. त्यामुळे मुलगी घाबरुन त्याला संबंधासाठी होकार द्यायची. शिक्षण बंद आणि आईच्या जीवाला धोका असल्यामुळे झालेला प्रकार ती आईला सांगत नव्हती.

नातेवाईकांनी दिली हिम्मत

गेल्या आठवड्यात आई कामावरुन लवकर घरी आल्यानंतर मुलीने पोटात दुखत असल्याचे सांगून रडायला लागली. आईने तिची आस्थेने विचारपूस केल्यानंतर वडिलांनी नुकताच शारीरिक संबंध प्रस्थापित केल्याचे सांगितले. त्यामुळे चिडलेल्या पत्नीने पतीला विचारणा केली. त्याने कबुली दिली आणि पोलिसात गेल्यास जीवे मारण्याची धमकी दिली. त्यामुळे महिलेने काही नातेवाईकांना घडलेला प्रकार सांगितला. नातेवाईकांनी हिम्मत दिल्यामुळे ती मुलीला घेऊन पोलीस ठाण्यात गेली. लकडगंज पोलिसांनी तक्रारीवरुन गुन्हा दाखल केला.

वनमंत्री यांच्या निर्वाचन क्षेत्रात चक्क  बिबट्याने घरात शिरुन महिलेवर केला हल्ला

चंद्रपूर :- . वनमंत्री यांच्या निर्वाचन क्षेत्रात आता चक्क घरात शिरून बिबट्याने महिलेस जखमी केले असल्याची घटना मूल तालुक्यातील मौजा शिवापूर चक येथे काल शुक्रवारी पहाटे ४ वाजताच्या सुमारास उघडकीस आली. झोपेत असलेल्या महिलेवर बिबट्याने चक्क घरात शिरून हल्ला केल्याने परिसरात खळबळ माजली आहे. वंदना परशुराम निमगडे वय ४८, रा. शिवापूर चक, असे बिबट्याच्या हल्ल्यात जखमी झालेल्या महिलेचे नाव आहे. मूल तालुक्यातील मौजा- शिवापूर चक येथे परशुराम आबाजी निमगडे आपल्या कुटुंबीयासह राहतात. घराला लागूनच बगिचा तसेच काही अंतरावर बफर क्षेत्राचे जंगल आहे. निमगडे यांचे कुटुंबीय रात्री झोपेत असताना शुक्रवारी पहाटे ४ वाजताच्या सुमारास बिबट्याने घरात शिरून वंदना परशुराम निमगडेवर हल्ला केला. काही अंतरावर असलेल्या कुत्र्यांनी बिबट्याला बघून भुंकण्याचा आवाज केल्याने निमगडे कुटुंबीय जागे झाले. दरम्यान,बिबटया वंदनावर हल्ला करीत असल्याचे दृश्य बघुन इतरांनी घाबरलेल्या अवस्थेत आरडाओरड केल्याने बिबट पळुन गेला. मात्र, बिबट्याच्या हल्यात वंदना निमगडे ही जखमी झाली. घटनेची माहिती वनविभागाला देण्यात आली. वनविभागाचे कर्मचारी घटनास्थळी दाखल होऊन जखमी वंदना निमगडे हिला मूल येथील उपजिल्हा रूग्णलयात उपचारार्थ दाखल केले. वनविभागाने पंचनामा करून पुढील तपास करीत आहेत.

मुल तालुका हा बल्लारपूर मतदार संघात येतो. या क्षेत्राचे आमदार सुधीर मुनगंटीवार हे वनमंत्री असल्याने चक्क वनमंत्र्याच्या गृहक्षेत्रातच वन्यप्राण्यांची एवढी दहशत निर्माण झाल्याने तालुक्यातील नागरिकांनी कोणाकडे दाद मागावी असा प्रश्न निर्माण झालेला आहे. वनमंत्र्यांनी विधानसभा क्षेत्रातील वन्यप्राण्यांच्या हल्ल्यावर तत्काळ उपाययोजना कराव्यात अशी मागणी आता जोर धरू लागलेली आहे.

डॉ. बाबासाहेब आंबेडकरांची धम्मक्रांती ही नव्या जीवन मार्गाची क्रांती- खोब्रागडे   

    गोकुळनगर येथे धम्म चक्र प्रवर्तन दिन संपन्न

गडचिरोली -डॉ बाबासाहेब आंबेडकरांनी केलेली धम्मक्रांती ही नव्या जीवन मार्गाची क्रांती होती. या धम्मक्रांतीमुळे दलितांच्या जीवनात नव्या पर्वाची सुरुवात झाली आणि त्यांच्या जीवनात आमूलाग्र परिवर्तन झाले. धम्मक्रांतीची हि पताका अधिक डौलाने फडकविण्यासाठी प्रयत्नरत राहिले पाहिजे असे प्रतिपादन प्रसिद्ध आंबेडकरी विचारवंत  डॉ प्रेमकुमार  खोब्रागडें   यांनी केले.   
    सम्यक समाज समिती, विशाखा महिला मंडळ व सम्यक ज्येष्ठ नागरिक समितीच्या संयुक्त विद्यमाने येथील गोकुळनगर येथील सम्यक बुद्ध विहाराचे प्रांगणात आयोजित धम्म चक्र प्रवर्तन दिन कार्यक्रमात प्रमुख पाहुणे म्हणून ते बोलत होते. 
   सम्यक समाज समितीचे अध्यक्ष हंसराज उंदीरवाडे कार्यक्रमाच्या अध्यक्षस्थानी होते तर रिपब्लिकन पक्षाचे नेते रोहिदास राऊत, डॉ. खुशाल दुर्गे, माली समाज संघटनेचे हरिदास कोटरंगे, ज्येष्ठ नागरिक संघाचे कवडूजी उंदीरवाडे, विशाखा महिला मंडळाच्या चंद्रकला  टेम्भूर्णे प्रामुख्याने उपस्थित होते. 
   बाबासाहेबानी माणसाला माणुसकीची जाणीव करून दिली. त्यांच्यात स्वाभिमान जागृत करून बुद्धाचा नवा मार्ग दिला आणि मूकनायकाला प्रबुद्ध भारतात रूपांतरित केले . त्यांचे हे कार्य अतुलनीय आहे आणि धम्माच्या या दिशेनेच मानवी समूहाचे कल्याण होणार आहे असेही डॉ. खोब्रागडे याप्रसंगी म्हणाले आणि धम्म प्रचाराचे कार्य पुढे नेण्याचे आवाहन केले. 
   रोहिदास राऊत म्हणाले बुद्धाचा धम्म आज सर्व जगात पोहोचला आहे. धम्म मार्गाचे अनुसरण देश विदेशात केल्या जात आहे हि बौद्धांसाठी अत्यंत अभिमानाची बाब  आहे. बाबासाहेब आंबेडकरांनी केलेली धम्मक्रांती आज सर्व मानव जातीसाठी उपकारक झाली आहे. धम्मचक्र प्रवर्तन हे बाबासाहेबानी केलेले अलौकिक कार्य आहे आणि त्यामुळे  दलितांच्या जीवनात झालेले परिवर्तन ही अत्यंत ऐतिहासिक बाब आहे.
अन्य मान्यवर पाहुण्यांचीही यावेळी समयोचित भाषणे झालीत. कार्यक्रमाचे प्रास्ताविक गौतम मेश्राम यांनी केले. संचालन नमिता वाघाडे यांनी तर आभार प्रदर्शनअश्विनी  साखरे यांनी  केले. कार्यक्रमाला बौद्ध बांधव व अन्य नागरिक मोठ्या संख्येने उपस्थित होते.
   प्रारंभी पंचशील ध्वजारोहण तथा गौतम बुद्ध व डॉ बाबासाहेब आंबेडकरांच्या प्रतिमान वंदन करण्यात आले व बुद्ध वंदना घेण्यात आली.

तलावात नेले देवी विसर्जनाला मात्र खड्ड्यात पडून 3 तरुणांना झाली जलसमाधी 

गोंदिया : देवी विसर्जन दरम्यान तलावात खोदलेल्या खड्ड्यात तोल गेल्याने तीन तरुणांचा त्यात बुडून मृत्यू झाल्याची घटना सावरी टोला (रावणवाडी) येथील संकुलात शनिवारी रात्री 10:30 वाजताच्या सुमारास घडली.

आशीष फागुलाल दमाहे वय, 22 वर्ष, अंकेश फागुलाल दमाहे वय, 19 वर्ष, यश गंगाधर हिरापुरे वय, 19 वर्ष तिघे रा. सावरी ता. गोंदिया असे या घटनेतील मृत तरुणाचे नाव आहे. या घटनेमुळे गावात हळहळ व्यक्त केली जात आहे.

गावातील तलावात रस्त्याच्या कामासाठी मे 2024 मध्ये खोदण्यात आलेल्या खड्ड्यात देवीच्या मूर्तीचे विसर्जन करताना तीन तरुणांचा तोल जाऊन खड्ड्यात पडून मृत्यू झाल्याची घटना सावरी येथे घडली.

12 ऑक्टोबर रोजी रात्री 10:30 वाजता रावणवाडी पोलीस ठाण्यांतर्गत हा प्रकार घडला. या घटनेची माहिती मिळतात जिल्हा आपत्ती व्यवस्थापन पथकाने रात्री 3 तास तलावात मृतदेह शोधून एक मृतदेह बाहेर काढण्यात यश मिळवले आणि दुसरा मृतदेह रविवारी सकाळी सापडला आणि एक उपचारासाठी घेवून जात असताना तिसऱ्या तरुणाचा मृत्यू झाला.

शनिवारी सावरी गावातील इतर रहिवासी दुर्गा देवी मूर्तीचे विसर्जन करण्यासाठी ढोल-ताशांच्या गजरात विसर्जन कार्यक्रमात सहभागी झाले होते. अंतिम टप्प्यात सावरी टोला येथील तलावात मूर्तीचे विसर्जन करण्यासाठी गावातील 9 तरुण देवीची मूर्ती घेऊन तलावाकडे गेले असता.

यश हिरापुरे, आशिष दमाहे, अंकेश दमाहे आणि मागून मूर्ती धरून बसलेला आणखी एक युवक पुढे आला. तलावात खोदलेल्या खड्ड्यात तीन तरुणांची जलसमाधी झाली आणि दुसऱ्या तरुणाने कशी तरी वरून मूर्ती हलवून त्यांचे प्राण वाचवले.

या घटनेत मृत्यू झालेल्या आशिष दमाहे या तरुणांची नुकतीच लष्करात निवड झाली होती आणि काही प्रशासकीय प्रक्रियेनंतर तो सरकारी सेवेत रुजू होणार होता.

तलावाच्या खोल खड्ड्यात बुडून या तिन्ही तरुणांचा मृत्यू झाल्याची माहिती मिळताच रावणवाडी पोलीस व जिल्हा आपत्ती व्यवस्थापन चे पथक घटनास्थळी दाखल झाले. या हृदय द्रावक घटनेमुळे रावणवाडी, सावरी, सावरीटोला परिसरात शोकाचे वातावरण निर्माण झाले आहे. रावणवाडी पोलिसांनी गुन्हा दाखल केला असून पुढील तपास रावणवाडी पोलिस ठाणे चे पोलिस निरीक्षक वैभव पवार यांच्या मार्गदर्शनाखाली सुरू आहे.

शिक्षक पदभरतीत घोळ करणाऱ्या शिक्षणाधिकाऱ्यास निलंबित करा :- आझाद समाज पक्षाची मागणी

गडचिरोली :- जिल्ह्यातील जिल्हा परिषद कंत्राटी शिक्षक भरती मध्ये शिक्षण विभागाच्या भोंगळ व मनमानी कारभारामुळे गडचिरोली जिल्ह्यातील अनेक बेरोजगारांवर सातत्याने अन्याय होत आहे. त्यामुळे शिक्षणाधिकाऱ्यास निलंबित करण्याची मागणी आझाद समाज पक्षाच्या वतीने करण्यात आली.          ज्या उमेदवारांनी Bed झालेच नाही अशाही उमेदवारांना नियुक्ती दिली. परंतु ज्ञानेश्वर नंदेश्वर, नलिनी भोयर, मीना गोवर्धन यांचा Bed झाला असताना नियुक्ती दिली नाही. यामध्ये गैरव्यवहार झाल्याचा संशय आहे.

         05 सप्टेंबर रोजी आझाद समाज पार्टीच्या वतीने जिल्हा परिषदेवर काढलेल्या मोर्च्यात मुख्य कार्यकारी अधिकाऱ्यांनी दखल घेत शिक्षणाधिकाऱ्यांनी जाहीरपणे स्थानिकांना प्राधान्य देणार असल्याचे कबूल केले आणि राज्य सरकारने सुद्धा याची दखल घेऊन नविन 10 पेक्षा कमी पटसंख्या असलेल्या शाळेत पदभरती करताना निवृत शिक्षकांना या प्रक्रियेतून बाद केले, पंचायत समिती अंतर्गत स्थानिकांना प्राधान्य दिले आणि CTET, TAIT सारख्या अट शिथिल केल्या या तिन्ही मागण्या पूर्ण करून आदेश काढला. 

          शिक्षण विभागाने 11 ऑक्टोबर ला 189 उमेदवार बाहेर जिल्ह्यातील बोलविले हे मात्र समजले नाही. नेमके जिल्हा परिषदेने चालविले काय, शासकीय आदेश असताना आणि स्वतः उघडपने कबूल केले असताना आता अशा प्रकारे जिल्ह्याबाहेरील उमेदवारांना स्थान देणे म्हणजेच हा मनामानी कारभार असल्याचा आरोप आझाद समाज पक्ष व बेरोजगार संघटनेने पत्रकार परिषदेतून केला आहे.

        एक तर ज्यावेळी पदभरती चालू होती त्यावेळी Tait, Ctet नसलेल्या Ded, Bed धारकांचे अर्ज आले असताना स्वीकारले नाही. त्यामुळे आता जिल्ह्यातील Ded, Bed धारकांना संधी असताना अर्ज नाही म्हणून बाहेर जिल्ह्यातील उमेदवारांना स्थान देत आहेत यातून “शिक्षण विभागाने भ्रष्टाचार तर केला नाही ना? ” असा सवाल उपस्थित होतो.  

          एवढेच नव्हे तर 7 ऑक्टोबर 2024 रोजी 10 पेक्षा कमी पटसंख्या असणाऱ्या शाळेत कंत्राटी शिक्षक भरतीची जाहिरात प्रसिद्ध करून केवळ 3 दिवस मुदत देऊन 10 ऑक्टोबर अर्ज करण्याची शेवटची तारीख देण्यात आली हा प्रशासनानी बेरोजगारांशी मांडलेला खेळ आहे. कोणतीही भरती निघाली तर 2 दिवस ती माहिती होण्यासाठी लागतात मग केवळ 3 दिवसाची मुदत देऊन जिल्हा परिषद नेमके काय साध्य करायचे आहे हा प्रश्न आहे. आचारसंहिता लागणार म्हणून काय कशाही पद्धतीने मनमानी चालवीणार का?

          तसेच कंत्राटी शिक्षकांची नियुक्ती करताना उमेदवारांना त्याच्या गावाजवळ चीं शाळा देण्यात यावी असे असताना गावाजवळचीं शाळा न देता 100-150 km दूर पाठविण्यात आले. सुरुवातीला आदेशात 20 हजार मानधन असताना आदेशात 15 हजार मानधन करण्यात आले हा मोठा प्रमाणात भोंगळ कारभार असल्याचे सिद्ध होत आहे..

          आझाद समाज पार्टी व बेरोजगार संघटनेकडून बाहेर जिल्ह्यातील उमेदवारांची पदभरती त्वरीत स्थगित करून, जिल्ह्यातील DEd, Bed धारक उमेदवारांना अर्ज करण्याची संधी उपलब्ध करून द्यावी व न्याय द्यावा. आणि या प्रकरणाची सखोल चौकशी करून शिक्षणाधिकारी यांना निलंबित करण्यात यावे अशी मागणी करण्यात येत आहे.

          राज बन्सोड जिल्हाध्यक्ष, आझाद समाज पार्टी गडचिरोली यांनी प्रेस नोट द्वारे कळविले आहे.

धारदार शस्त्राने केली सख्या भावाने मोठ्या भावाची हत्या

सिरोंचा:-
तालुक्यातील रंगय्यापल्ली येथे दोन सख्ख्या भावांच्या झालेल्या भांडणात लहान भावाने मोठ्या भावाची धारधार शस्त्राने हत्या केल्याची धक्कादायक घटना दिनांक दहा ऑक्टोंबर शुक्रवारला रात्रो पाऊणे अकरा वाजताच्या सुमारास घडली.

चीन्नना मल्लया वडगुरी वय 40 वर्ष रा. रंगय्यापल्ली ता. सिरोंचा असे मृतकाचे नाव असून सत्यम मलय्या वडगुरी वय 31 वर्ष रंगय्यापल्ली असे आरोपीचे नाव आहे.

सविस्तर वृत्त असे की, रंगय्यापल्ली येथील चीन्नना वडगुरी व सत्यम वडगुरी या दोन भावंडा मध्ये जुन्या काही कारणाने वाद झाला. हा वाद इतका विकोपाला गेला की, लहान भाऊ सत्यम वडगुरी याने मोठा भाऊ चिन्नना वडगुरी यांच्या वर धारधार शस्त्राने वार केला. चिन्नना च्या कानाच्या पाठीमागे जबर दुखापत झाली. यावेळी रक्तस्त्राव मोठया प्रमाणात झाल्याने त्याचा जागीच मृत्यू झाला. घटनेची माहिती मिळताच सीरोंचा पोलिस घटनास्थळी पोहोचले व मृतकाचे शव उत्तरीय तपासणीसाठी सिरोंचा येथील ग्रामीण रुग्णालयात पाठविण्यात आले आरोपीला अटक करून त्याच्यावर गुन्हा दाखल केला घटनेचा तपास उपविभागीय पोलिस अधिकारी संदेश नाईक व ठाणेदार यांच्या मार्गदर्शनाखाली पोलिस उपनिरीक्षक गणेश जंगले हे करीत आहेत

आदिवासी समाज संघटनाच्या वतीने गडचिरोली जिल्ह्यात महाआक्रोश मोर्चा 

गडचिरोली:-
 गडचिरोली जिल्हा कार्यालयावर आदिवासी समाज संघटनाच्या वतीने महाआक्रोश मोर्चा काढण्यात आला या मोर्चात गडचिरोली -चिमूर लोकसभा क्षेत्राचे खासदार डॉ. नामदेव किरसान सहभागी झाले, आदिवासी बांधवांच्या न्याय हक्कासाठी  रस्त्यावर,  संसदेत का मग न्यायालयातील लढा असो लोकप्रतिनिधी म्हणून नेहमी मी त्यांच्या सोबत आहे असे मत खासदार डॉ. किरसान यांनी व्यक्त केले.
 यावेळी मोर्चात जिल्हा काँग्रेसचे अध्यक्ष महेंद्र ब्राह्मणवाडे, माजी आम. आनंदराव गेडाम, माजी जि. प. उपाध्यक्ष मनोहर पा. पोरटी, शहर अध्यक्ष सतीश विधाते, युवक काँग्रेस प्रदेश सचिव ॲड. विश्वजीत कोवासे, डॉ. सोनल कोवे, रामदास मसराम, छगन शेडमाके, माधवराव गावडे, गुलाब मडावी, पुष्पलता कुमरे, भारत येरमे, मिलिंद खोब्रागडे, निजान पेंदाम, रुपेश टिकले, दिलीप घोडाम, प्रशांत कोराम, गिरीधर तीतराम, विश्वेश्वर दरो, रमेश कोडापे, सदानंद ताराम, वर्षा आत्राम, सह इतर काँग्रेस पदाधिकारी आणि हजारोच्या संख्येने आदिवासी बांधव मोर्चात सहभागी झाले होते

ट्रकची स्कुटीला जब्बर धडक , आजोबा नातवाचा जागीच ठार 

उमरखेड :- मध्य धुंद अवस्थेत भरधाव ट्रक चालवीत स्कुटी वरील दोघांना अक्षरशा चिरडून टाकले यात आजोबा व नातू जागीच ठार झाल्याची घटना दि. ५ रोजी सकाळी १० वाजताचे दरम्यान बोरी तुळजापुर महामार्गावरील महागाव रस्त्यावरील नांदगव्हाण घाटात घडली 
दोघांना चिरडून वाहनासह फरार होऊ पाहणाऱ्या ट्रकचालकास पोलिसांनी पाठलाग करून पकडले 
रमणीकभाई भीमजीभाई पटेल (६५) व केतव राजेश पटेल (१९) दोन्ही रा. हनुमान वार्ड उमरखेड असे भीषण अपघातात मृत पावलेल्या आजोबा व नातवाचे नाव असून रमनिकभाई पटेल यांचा ऑटोमोबाईल चा व्यवसाय आहे ते महागाव येथे नातवाच्या कॉलेजच्या कामासाठी स्कुटी वरून नातवाला घेऊन जात होते.

यावेळी नांदेड कडून यवतमाळ कडे जात असलेल्या ट्रक क्र.एम एच ४९ एटी २९०८ चे चालक महेंद्र नथुजी बागडे (५६) रा. सावनेर. हा अमली पदार्थाच्या नशेत भरधाव वेगाने ट्रक चाळवीत असल्याची माहिती प्रत्यक्षदर्शिनी दिली.भरधाव वेगात झालेल्या भीषण अपघातानंतर ट्रक चालकाने ट्रक अधिक भरधाव वेगाने कळवला.

सदर घटनेची माहिती प्रत्यक्षदर्शिनी  तत्काळ उपविभागीय पोलीस अधिकारी हनुमंत गायकवाड यांना दिली त्यानी महागाव पोलीस ठाण्याचे पोलीस निरीक्षक मिलिंद सरकाटे, सहाय्यक पोलीस निरीक्षक सरस्वती राठोड, शेख वसीम, आणि पोलीसांचा ताफा सोबत घेऊन ट्रकचा पाठलाग सुरू केला. अवघ्या १० मिनिटात अंबोडा गावाजवळ या ट्रक चालकाच्या मुसक्या आवळण्यात आल्या.

महिंद्र नत्थुजी बागडे (५६) असे ट्रकचालकाचे नाव असून तो सावनेर येथील रहिवासी असल्याचे कळते. मृतदेहावर उमरखेड येथील शासकीय रुग्णालयात शवविच्छेदन करण्यात आले असून पुढील तपास पोलीस करीत आहेत

अमृत आहार योजनेंतर्गत काम करणाऱ्या महीलांनी केले अभारीप च्या माध्यमातून धरणे आंदोलन 

कुरखेडा:-
अमृता आहार योजनेंतर्गत काम करणाऱ्या महीलांनी अभारीप च्या माध्यमातून उपविभागीय अधिकारी यांच्या कार्यालया समोर धरणे आंदोलन केले 

 यावेळी मुख्यमंत्री महाराष्ट्र राज्य  एकनाथ शिंदे  मंत्रालय मुंबई यांना  उपविभागीय अधिकारी तथा दंडाधिकारी कार्यालय कुरखेडा याच्या वतीने निवेदन देण्यात आले उपविभागीय कार्यालय समोर तिन तास धरणे 
आंदोलन करण्यात आले आंदोलन स्थळी येऊन उपविभागीय दंडाधिकारी यांनी तुमच्या मागण्या पूर्ण करु असे आश्वासन दिले
डॉक्टर ए,पि,जे,अब्दुल कलाम अमृत आहार जिल्हा महिला संघटनेचे प्रमुख  कृष्णा चौधरी ,यांचे नेतृत्वात महिला जिल्हा अध्यक्ष गिता ऊईके सचिव सरीता गावडे,उपाध्यक्ष अंजु गेडाम,तालुका अध्यक्ष वडसा ,प्रियंका रामटेके तालुका सघटिका कुरखेडा,दिपाली बावणे तालुका अध्यक्ष धानोरा तसेच धरणे आंदोलन साठी सहभागी हंसराज उंदिरवाडे,जिल्हा अध्यक्ष अखिल भारतीय रिपब्लिकन पक्ष प्रदिप भैसारे अ,भा,रि,पक्ष विधानसभा प्रमुख गडचिरोली प्रदेश सचिव केशव सामृतवार अ,भा,रि,पक्ष कार्यालयीय सचिव अशोक खोब्रागडे  ,दादाजी धाकडे ,तसेच डॉक्टर ए,पि,जे,अब्दुल कलाम अमृत आहार स्वयंपाकी महिला कुरखेडा, कोरची,धानोरा,वडसा,आदी तालुक्यातुन १५० महिला उपस्थित होत्या 
धरणे स्थळी भेट देण्यासाठी उपस्थित ,ॲड. उमेश जी वालदे ,सुरज गावतुरे,व विविध संघटनेचे पदाधिकारी उपस्थित होते 
या प्रसंगी धरणे आंदोलणात आमच्या मागण्या पूर्ण करा
मानधानात वाढ झाली पाहिजे ,
एकत्रित येऊ संघटित राहु,
अशा अनेक घोषणा देत शांतिचा मार्गाने धरणे आंदोलन करण्यात आले,यावेळी पोलीसाचा चोख बंदोबस्त होता त्यांनी सुद्धा सहकार्य केले,

चंद्रपूर  येथील दीक्षाभूमीचा  स्वतंत्र सातबारा व लेखापरीक्षण करण्यात यावे 

चंद्रपूर:-
चंद्रपूर येथील दीक्षाभूमीचा स्वतंत्र सातबारा व लेखापरीक्षण करण्यात आला पाहिजे अशी मागणी करण्यात आली आहे 
 आज दिनांक: 3 ऑक्टोबर 2024 चंद्रपूर येथे जिल्हा सचिव राजकुमार नगराळे मा. राज्यपाल महोदयांना चंद्रपूर दीक्षाभूमीसाठी स्वतंत्र सातबारा व लेखापरीक्षणाची मागणी करणारे निवेदन सादर केले. या वेळी आम आदमी जिल्हाध्यक्ष मयूर राईकवार, ज्येष्ठ नेते सुनील मुसळे आणि जिल्हा सचिव प्रशांत सिदूरकर उपस्थित होते.चंद्रपूर दीक्षाभूमी हे बौद्ध समाजाचे अत्यंत महत्त्वाचे श्रद्धास्थान असून, डॉ. बाबासाहेब आंबेडकर यांनी त्यांच्या अनुयायांना येथे बौद्ध धम्माची दीक्षा दिली होती. सध्या या ऐतिहासिक स्थळाची जमीन एका शैक्षणिक संस्थेच्या नावावर नोंदवलेली असल्याने अनेक अडचणी निर्माण होत आहेत.
त्यामुळे  दीक्षाभूमीसाठी स्वतंत्र सातबारा उतारा स्वतंत्र ट्रस्टची स्थापना निधी व्यवस्थापनाचे शासकीय लेखापरीक्षण या मागण्या मान्य झाल्यास
 दीक्षाभूमीचा योग्य विकास होईल निधी व्यवस्थापनात पारदर्शकता येईल ऐतिहासिक वारसा जतन होईल

बौद्ध समाजाच्या भावना लक्षात घेता या मागण्यांवर शासनाने तातडीने कार्यवाही करावी, अशी अपेक्षा व्यक्त करण्यात आली आहे.

वसतिगृहात  वैद्यकीय शिक्षण घेणाऱ्या विद्यार्थ्यांनीचा झोपेतच मृत्यू

शंका कुशंकांना फुटले पेव

चंद्रपूर:- 
शहरालगत असलेल्या वांढरी येथील विमलादेवी
आयुर्वेदिक वैद्यकीय महाविद्यालयाच्या वसतिगृहात बीएएमएसच्या चौथ्या वर्षाच्या विद्यार्थिनीचा अचानक झोपेतच मृत्यू झाल्याने खबळळ उडाली आहे. आचल प्रमोद गोरे (२३) असे मृत विद्यार्थीनीचे नाव असून ती जगन्नाथ बाबा मंदिर वणी जिल्हा यवतमाळचे रहिवासी आहे.
आचल ही येथील विमलादेवी मेडिकल कॉलेजमध्ये बीएएमएसच्या चौथ्या वर्षांची विद्यार्थीनी होती. २ ऑक्टोबर रोजी संध्याकाळी ती तिच्या मैत्रिणींसोबत जेवण करून झोपायला गेली. ३ ऑक्टोबर रोजी सकाळी ६ वाजता रूममेटने उठवले.पण कोणताही प्रतिसाद न मिळाल्याने तिने वॉर्ड बॉय साहिल दसोडे याला मदतीसाठी बोलावले. त्यांनी तात्काळ तिला जिल्हा शासकीय रूग्णालय दाखल केले असता, डॉक्टरानी तिला मृत घोषित केले. पडोली पोलिसांनी गुन्हा दाखल करून तपास सुरू केला आहे.

विधानसभा निवडणुकी संदर्भात रिपब्लिकन पक्षाची महा विकास आघाडी सोबत चर्चा सुरु.

 अखिल भारतीय रिपब्लिकन पक्षाच्या केंद्रीय समितीची गडचिरोली येथे बैठक संपन्न.

अशोक वासुदेव खंडारे मुख्य संपादक वैनगंगा वार्ता १९

गडचिरोली :- गडचिरोली विधान सभा निवडणुकीसाठी
अखिल भारतीय रिपब्लिकन पक्षाची महा विकास आघाडी सोबत सकारात्मक रीतीने चर्चा सुरु असून जागा वाटपाबाबत सन्मानजनक तोडगा न निघाल्यास अन्य पर्यायासाठी मार्ग मोकळे ठेवण्याचा निर्णय पक्षाच्या केंद्रीय कार्यकारिणीने घेतला आहे. 
रिपब्लिकन पक्षाच्या केंद्रीय कमिटीची बैठक येथील विश्राम गृहात पक्षाचे अध्यक्ष बाळासाहेब खोब्रागडे यांच्या अध्यक्षतेखाली संपन्न झाली. या बैठकीत विधान सभा निवडणुकी सोबतच पक्ष संगठन व जनतेच्या प्रश्नांवर सविस्तर चर्चा करण्यात आली.

सार्वजनिक उद्योगांचे खाजकीकरण करण्यात येऊ नये, खाजगी उद्योगांमध्ये आरक्षण लागू करण्यात यावे. शिक्षणाचे व आरोग्य सेवांचे राष्ट्रीयीकरण करण्यात यावे आणि लोकांना दर्जेदार सेवा पुरविण्यात याव्या, सरकारी शाळा खाजगी संस्थांना देण्यात येऊ नये. निवृत्त शिक्षकांना कंत्राटी शिक्षक म्हणून भरती करण्याचा निर्णय रद्द करावा व बेरोजगार युवकांना शिक्षक पदी नेमण्यात यावे.

गडचिरोली जिल्ह्यातील खनिज व वन संपत्तीची लूट थांबविण्यात यावी. जिल्ह्यातील खराब झालेले रस्त्यांची तातडीने दुरुस्ती करण्यात यावी. तात्काळ लाभाच्या योजनांद्वारे मतांसाठी जनतेला आकर्षित करण्याऐवजी लोकांना रोजगार व अर्थ सहाय्य्य उपलब्ध करून देण्यात यावे इत्यादीप्रश्नांवर या बैठकीत चर्चा करण्यात आली व सरकारने या मागण्यांची त्वरित पूर्तता करावी अशी मागणी करण्यात आली.

या बैठकीला रिपब्लिकन पक्षाचे सरचिटणीस घनश्याम फुसे, उपाध्यक्ष रोहिदास राऊत अशोक निमगडे कोषाध्यक्ष प्रतीक डोर्लीकर, केंद्रीय सदस्य प्रा. सुरेश पानतावणे,विशालचंद्र अलोणे इत्यादी पदाधिकारी उपस्थित होते.या बैठकी नंतर गडचिरोली जिल्यातील कार्यकर्त्यांसोबत संवाद साधण्यात आला व पक्ष संघटनेचा आढावा घेण्यात आला.

यावेळी जिल्हाध्यक्ष हंसराज उंदीरवाडे, चंद्रपूर जिल्हाध्यक्ष प्रेमदास बोरकर, महिला आघाडीच्या सुरेखाताई बारसागडे, प्रदेश सचिव प्रा. राजन बोरकर, केशवराव सामृतवार, विधान सभा प्रमुख प्रदीप भैसारे, जिल्हा सरचिटणीस प्रल्हाद रायपुरे, कार्यालय सचिव अशोक खोब्रागडे, युवक अध्यक्ष नरेंद्र रायपुरे, महिला सरचिटणीस ज्योती उंदीरवाडे, दादाजी धाकडे, विजय देवतळे, अरुण भैसारे, कल्पना रामटेके व अन्य पदाधिकारी उपस्थित होते.

रेतिचोर कंत्राटदार याचेवर आरोप सिद्ध होऊन बसला ८४ लाख ३४ हजार ६०० रुपयांचा दंड

अशोक वासुदेव खंडारे मुख्य संपादक वैनगंगा वार्ता १९

अहेरी;- 
तालुक्यातील चंद्रा येथील शेतक-यांच्या शेतात अवैधरित्या
उत्खनन केलेल्या रेतीची मोठ्या प्रमाणात साठवणूक केल्या प्रकरणी अहेरी तहसिलदारांनी संबंधित कंत्राटदारास तब्बल 84 लाख 34 हजार 600 रुपयाचा दंड ठोठावला आहे. या कारवाईमुळे एकच खळबळ उडाली आहे.
 विशेष म्हणजे, यासंदर्भात सामाजिक कार्यकर्ते संतोष ताटीकोंडावार यांनी तक्रार दाखल करीत प्रशासकीय स्तरावर सातत्याने पाठपुरावा करून संबंधितावर कारवाईची मागणी लावून धरली होती.

तहसिलदारांच्या या दंडात्मक कारवाईमुळे त्यांच्या प्रयत्नाना यश आले.
 सविस्तर वृत्त असे की, अहेरी तालुक्यातील चंद्रा गावालगत एका खाजगी कंत्राटदाराने एका  शेतकऱ्याच्या प्लांटवर रेतीची साठवणूक केली असल्याचे निदर्शनास येताच सामाजिक कार्यकर्ते संतोष ताटीकोंडावार यांनी या प्रकरणाची सखोल चौकशी करुन कारवाई करण्यासंदर्भात 7 सप्टेंबर 2022 रोजी अहेरी तहसिल कार्यालयात तक्रार दाखल केली होती. या अनुषंगाने चौकशी केली असता 466.43 ब्रास रेतीसाठा अवैध असल्याचे आढळून आले. सदर रेतीसाठा मे. जि. एस.डी. इंडस्ट्रिज नागपूरचे गजानन मेंढे यांच्या मालकीची असल्याचे स्पष्ट झाले. तसेच सदरची रेती भामरागड तालुक्यातील लिलावातील येचली नदी घाटातून उत्खनन न करता इतरत्र ठिकाणावरून रेती आणून वाहतूक केल्याचे सिद्ध झाले होते. पेरमिली मंडळ अधिका-यांच्या चौकशीअंती साठवणूकीतील रेतीचे परवाने येचली येथील असल्याचे दाखविण्यात आले होते. त्यामुळे या प्रकरणातही प्रशासन, शासनाची शुद्ध फसवणूक झाल्याचे सिद्ध झाले. याअंती अहेरीचे तहसिलदार यांनी 466 ब्रास रेतीचे अवैध उत्खनन व वाहतूक केल्या प्रकरणी संबंधितावर 84 लाख 34 हजार 600 रुपयाची दंडात्मक कारवाई सुनावली आहे. येत्या सात दिवसात दंडात्मक रक्कम जमा करण्याचे निर्देशही तहसिलदार बालाजी सोमवंशी यांनी दिले आहे.

लिटील हार्ट्स विद्यालयाच्या विद्यार्थ्यांची जिल्हास्तरावर झेप

३१ विद्यार्थ्यांनी मारली मैदानी स्पर्धेत तालुकास्तरावर बाजी

आष्टी :-

नुकत्याच पार पडलेल्या तालुकास्तरीय मैदानी स्पर्धेत लिटील हार्ट्स इंग्लिश मिडीयम हायस्कूल आष्टी येथील ३१ विद्यार्थ्यांनी विविध मैदानी स्पर्धेत यश संपादन करीत जिल्हास्तरीय मैदानी स्पर्धेत झेप घेतली.
    सदर स्पर्धेत हर्डल्स, लांब उडी, गोळा फेक, थाडी फेक, भाला फेक, १०० मी. धावणे, २०० मी. धावणे, ३ किमी. चालणे, ५ किमी. चालणे, रिले ४ x १०० अश्या विविध स्पर्धेत विद्यार्थ्यांनी प्रथम व द्वितीय क्रमांक पटकावून यश संपादित करीत जिल्हास्तरीय मैदानी स्पर्धेकरिता निवड झाली आहे.
    यासाठी संस्थेचे अध्यक्ष श्री. अनिल आल्लूरवार, यांनी विद्यार्थ्यांना पटांगणाची सोय करून दिल्यामुळे विद्यार्थ्यांना क्रीडा शिक्षक श्री. नितेश पंगाटी यांच्या मार्गदर्शनात उत्तम प्रशिक्षण घेत मिळालेल्या संधीचे सोने करता आले.
    जिल्हास्तरीय मैदानी स्पर्धेत निवड झालेल्या सर्व खेळाडूंचे संस्थेचे अध्यक्ष श्री. अनिल आल्लूरवार, सचिव श्री. रमेश आरे, मुख्याध्यापक श्री. कृष्णमुर्ती गादे, तालुका क्रीडा संयोजक श्री. राकेश खेवले यांच्यासह विद्यालयातील सर्व शिक्षक तथा शिक्षकेत्तर कर्मचारी व विद्यार्थ्यांनी कौतुक केले.

आधारकार्ड व्दारे पैसे काढण्यासाठी गेलेल्या इसमाची केली फसवणूक 

 १००० रुपये ऐवजी काढले ५००० रुपये लक्षात येताच दिला चोप 

अहेरी;- 
 आधारकार्ड व्दारे पैसे काढण्यासाठी गेलेल्या इसमाची आधार सेवा केंद्र मालकानी फसवणूक केली 
अहेरी तालुक्यातील पेरमिली येथील माजी सरपंच बापुजी सडमेक हे २ ऑक्टोबर रोजी आपल्या वैयक्तिक कामाकरिता आलापल्ली येथे गेले होते बाजारपेठेतून काही वस्तू घेण्याकरिता पैशाची अडचण आली. त्यामुळे त्यांनी आलापल्ली बस स्थानक जवळ असलेल्या सिम विक्री करणाऱ्या आधार सेवा केंद्र वाल्याजवळ जाऊन आधार कार्ड द्वारे एक हजार रुपये काढायला सांगितले. त्यावेळी त्या आधार सेवा केंद्र वाल्यांनी या संधीचा फायदा घेत त्याने त्यांच्या आधार कार्ड द्वारे 5000 रुपये विड्रॉल केले. व संबंधित ग्राहकाला फक्त एक हजार रुपये हाती दिले. त्यानंतर काही वेळाने संबंधित ग्राहकाच्या मोबाईलवर पाच हजार रुपये विड्राल झाल्याचे मेसेज आले. तो मेसेज पाहताच माजी सरपंच बापूजी सडमेक यांना धक्काच बसला. त्यांनी त्वरित त्या आधार एटीएम वाल्याकडे जाऊन विचारना केली असता त्याने सुरुवातीला उडवा उडवी चे उत्तर देत विचारणा करणारा ग्राहकालाच धमकी देत असल्याचे वायरल व्हिडिओ वरून दिसत आहे दिले.

त्यामुळे माजी सरपंच बापुजी सडमेक यांनी काही नागरिकांना बोलावून पुन्हा एकदा विचारणा केली. त्यावेळी नागरिकांची गर्दी पाहता त्या आधार एटीएम वाल्याने 'मी त्यांची गंमत केलो 'असे म्हणून उर्वरित रक्कम परत दिली 

अहेरी तालुक्यात प्रत्येक गावागावात सीएससी सेंटर, सेतू केंद्र, व आधार एटीएम असून त्यांच्यावर कोणाचेच नियंत्रण नसल्याने मनमानी कारभार करीत असल्याचे नागरिकाकडून बोलले जात आहे. 2 ऑक्टोंबर ला झालेल्या एक प्रतिष्ठित नागरिक पेरमिली गावचे असलेले माजी सरपंच यांना आपल्याच रकमेसाठी त्रास सहन करावा लागला. इतरांचे काय हाल होणार हे त्या घटनेवरून दिसून येत आहे.

दगडाने ठेचून मित्रांनीच केला सवंगड्याचा खून 

प्रमोद झरकर उपसंपादक वैनगंगा वार्ता 19 गडचिरोली

नागपूर : दारू पार्टीत बहिणीच्या प्रेमप्रकरणावरून झालेल्या भांडणात तिघांनी मिळून मित्राचा दगडाने ठेचून खून केल्याची खळबळजनक घटना सोमवारी मध्यरात्रीच्या सुमारास अंबाझरी पोलीस ठाण्याच्या हद्दीतील पांढराबोडी परिसरात घडली. याप्रकरणी पोलिसांनी तिन्ही आरोपींना अटक केली आहे. मित्राच्या घरी दारू पार्टी सुरू असताना एकाने 'तुझ्या बहिणीशी माझे प्रेमप्रकरण सुरू असून आम्ही अनेकदा शारीरिक संबंध प्रस्थापित केले आहेत,' असे म्हटले. त्यामुळे चिडलेल्या तिघांनी मित्राचा खून केला.

सागर नकुल नागरे (२७, सुदामनगर), असे खून झालेल्या युवकाचे नाव आहे. वीर विनोद थापा (१८, रा. सुदामनगर), अजित संतन नेताम (२६, रा. सुदामनगर) आणि सुरेश मनोहर यादव (२५, रा. अंबाझरी), अशी अटकेतील आरोपींची नावे आहेत. मृतक सागर नागले आणि 
आरोपी वीर, अजित आणि सुरेश हे सोमवारी रात्री १०.३० वाजता बंटी उईके या मित्राच्या घरी दारू पार्टी करीत बसले होते. पार्टी रंगात आल्यानंतर सागरने वीर थापाशी हुज्जत घातली. तुझ्या मामेबहिणीशी माझे मागील एका वर्षापासून प्रेमसंबंध आहेत, आम्ही अनेकदा शारीरिक संबंध प्रस्थापित केले आहे. तुझी बहीण मला भेटायला रात्री माझ्या घरी येते. तुझ्या बहिणीचे माझ्यावर प्रेम असून आम्ही लवकरच पळून जाऊन लग्न करणार आहोत, असे म्हणाला. त्यामुळे वीरला राग आला. त्याने सागरला समजाविण्याचा प्रयत्न केला; परंतु तो समजत नव्हता. त्यामुळे रागाच्या भरात वीर व त्याच्या दोन्ही मित्रांनी सागरला मारहाण केली. त्याला प्रेमसंबंध तोडण्यास सांगितले. मात्र तो मानायला तयार नव्हता. त्यामुळे तिघांनीही सागरच्या डोक्यात दगड, गङ्क घालून खून केला. त्याला रक्ताच्या थारोळ्यात लोळविल्यानंतर आरोपी पळून गेले.

आरडाओरडा ऐकून शेजारी झोपेतून उठले. त्यांनी घरात जाऊन बघितले तर सागर हा मृतावस्थेत पडून दिसला. नागरिकांनी पोलिसांना माहिती दिली. याप्रकरणी अंबाझरी पोलिसांनी खुनाचा गुन्हा दाखल केला आहे.

अचानक विवाहित महिला  घरातून झाली बेपत्ता 

आलापल्ली; नागेपल्ली येथील सामाजिक कार्यकर्ते संतोषभाऊ ताटीकोंडावार यांच्या घरून त्यांची पुतनी बेपत्ता झाल्याची घटना उघडीस आली आहे

या घटनेची शहानिशा करून सामाजिक कार्यकर्ते ताटीकोंडावार यांनी पोलिसात बेपत्ता झाल्याची तक्रार दिली आहे 

सविस्तर या प्रमाणे आहे की बेपत्ता झालेली महिला नामे प्रियंका ही विवाहित आहे सदर महिलेचे विवाह मोरेश्वर वलादे रा. कळमटोला ता धानोरा याच्याशी सात आठ वर्षांपूर्वी झाला होता परंतु काही दिवसांपासून त्यांच्या दोघात कौटुंबिक कलह निर्माण झाला पटत नसल्या कारणाने ही महिला आपले काका एप्रिल 2024 पासून संतोष ताटीकोंडावार यांच्या घरी राहत होती, परंतु दिनांक 30/9/2024 रोजी महिलेचे काका संतोष ताटीकोंडावार सकाळी 10.45 ला कामानिमित्य गेले होते तेंव्हापर्यंत बेपत्ता महिला ही घरचे कामे करतच होती, त्यानंतर एक तासाने संतोष ताटीकोंडावार यांची पत्नी घरी आल्याने त्यांना प्रियंका दिसून आली नाही, तेव्हा संतोष ताटीकोंडावार यांच्या आईने मला सांगितले नाही अशी सांगितल्यावर एक दोन तास झाले प्रियंका घरी न आल्याने नातेवाईकांकडे फोन द्वारे विचारणा केली, मिळून आली नाही या मुळे सामाजिक कार्यकर्ते संतोष ताटीकोंडावार यांनी अहेरी पोलीस स्टेशन गाठून पोलिसात बेपता झाल्याची तक्रार दिली आहे अधीक तपास पोलीस करीत आहेत

राष्ट्रीय महामार्गाच्या कामांना गती द्या;  खासदार डॉ  नामदेव किरसान यांच्या संबंधित अधिकाऱ्यांना सूचना

गडचिरोली ::  गडचिरोली जिल्ह्यातील राष्ट्रीय महामार्गाची अत्यंत दैनिय अवस्था झाली आहे, त्यामुळे नागरिकांना अनेक अडचणीना तोंड द्यावे लागत असल्याने, आरमोरी -गडचिरोली, आष्टी -आलापल्ली -सिरोंचा राष्ट्रीय महामार्गाच्या कामाला गती देण्याचे व रस्त्याचे काम पूर्ण होत पर्यंत रस्त्यावरील खड्डे तातडीने भुजवून तात्पुरते दुरुस्त करण्याच्या सूचना खासदार डॉ. नामदेव किरसान यांनी राष्ट्रीय महामार्ग च्या अधिकाऱ्यांना दिल्या. शासकीय विश्राम भवन, गडचिरोली  येथे खासदार डॉ. नामदेव किरसान यांची राष्ट्रीय महामार्ग (वेस्ट झोन ) मुख्य अभियंता मनोज कुमार, मुख्य अभियंता तथा प्रादेशिक अधिकारी प्रशांत फेगडे, मुख्य अभियंता राष्ट्रीय महामार्ग संतोष शेलार, अधीक्षक अभियंता राष्ट्रीय महामार्ग नागपूर न. व. बोरकर, कार्यकारी अभियंता राष्ट्रीय महामार्ग गडचिरोली एन. एस. बोबडे यांच्या सॊबत बैठक पार पडली यावेळी सोबत गडचिरोली जिल्हा काँग्रेस कमिटी अध्यक्ष महेंद्र ब्राह्मणवाडे उपस्थित होते.
 राष्ट्रीय महामार्ग अंतर्गत येणाऱ्या रस्त्याच्या ब्रिज ची उंची वाढविण्याचे व नवीन ब्रिज तयार करत असतांना शक्यतो जुना ब्रिज कायम ठेवून बाजूला नवीन ब्रिज उभारण्याच्या देखील सूचना खासदार डॉ.किरसान यांनी केल्या जेणे करून काम पूर्ण होत पर्यंत प्रवाश्यांची गैरसोय होणार नाही, याव्यतिरिक्त राष्ट्रीय महामार्गाच्या कामास पर्यावरणीय किंवा वनविभागाच्या परवानगी संदर्भात किंवा इतर कुठल्याही अडचणी येत असल्यास त्या दूर करण्याकरिता क्षेत्राचा लोकप्रतिनिधी म्हुणुन पूर्ण सहकार्य करणार असल्याचे खासदार डॉ. नामदेव किरसान यांनी बैठीत सांगितले.

लिटील हार्ट्स विद्यालयात ‘एक झाड आईच्या नावे "अंतर्गत वृक्षारोपण

आष्टी:- 
येथील लिटील हार्ट्स इंग्लिश मिडीयम हॉयस्कूल येथे केंद्रीय जल आयोग, नागपूर विभाग निवली वैनगंगा उपप्रभाग चंद्रपूर यांच्या सौजन्याने CWC आष्टी द्वारा ‘एक झाड आईच्या नावे "अभियान अंतर्गत वृक्षारोपण कार्यक्रम आयोजित करण्यात आला. या उपक्रमाचा एक भाग म्हणून विद्यालयात २० झाडे लावण्यात आली 
यावेळी विद्यार्थ्यांना संबोधित करतांना ज्यू. व्यवस्थापक मो. आसिफ यांनी वृक्ष लागवडीचे महत्व पटवून दिले व अश्याप्रकारच्या उपक्रमामध्ये सक्रियपणे सहभाग होण्यासाठी प्रोत्साहित केले. पर्यावरण विषयक जागरुकता वाढविण्यासाठी विद्यार्थ्यांमध्ये वृक्षरोपणाचे महत्व पटवून देणे काळाची गरज आहे. पर्यावरण संवर्धनासाठी भविष्यात वृक्षरोपनाबरोबरच इतर पर्यावरण पूरक उपक्रम विद्यालयात राबविणे अतिशय महत्वाचे आहे. यासाठी सर्व शिक्षक व विद्यार्थ्यांनी अश्या उपक्रमामध्ये सक्रियपणे सहभागी व्हावे असे आवाहन केले आहे. 
यावेळी CWC आष्टी येथील ज्यु. इंजिनियर मो. आसिफ, बी. शामकुमार (OBE), बी. शंकर सहा. कुशल कर्मचारी, प्रफुल चतुर, टेमाजी बांगरे, पियुष पोत्राजवार, चेतन बेल्कीवार, तसेच विद्यालयाचे मुख्याध्यापक  कृष्णमूर्ती गादे, सचिव रमेश आरे तसेच शिक्षक, शिक्षकेत्तर कर्मचारी व विद्यार्थी उपस्थित होते.

कोल्हापूर येथे दि. 22 सप्टेंबरला ऐतिहासिक मेळाव्याचे आयोजन 

दगडू भास्कर करणार नवीन संघटनेची घोषणा 

अशोक वासुदेव खंडारे मुख्य संपादक वैनगंगा वार्ता १८

 कोल्हापूर :-एकेकाळचे पीपल्स रिपब्लिकन पार्टी चे फायरब्रँड नेते दगडू भास्कर यांच्यावर प्रेम करणाऱ्या समर्थकांचा राजव्यापी ऐतिहासिक मेळावा रविवार दिनांक 22 सप्टेंबर 2024 रोजी दुपारी 12.30 वाजता शाहू स्मारक भवन कोल्हापूर येथे होत असून या मेळाव्यास महाराष्ट्राच्या कानकोपऱ्यातून भास्कर समर्थक उपस्थित राहणार असल्याची माहिती संयोजकाच्याकडून देण्यात आली.
      याच मेळाव्यात ते नवीन संघटनेची घोषणा करणार असून मेळाव्याच्या उदघाट्नप्रसंगी खासदार छत्रपती शाहू महाराज, आमदात सतेज पाटील व माजी प्राचार्य डॉ. हरिष भालेराव हे उपस्थित राहाणार आहेत तरी दगडू भास्कर यांच्यावरती प्रेम करणाऱ्या सर्व पदाधिकारी, कार्यकर्त्यांनी व महिला भगिनींनी नियोजित वेळेत उपस्थित रहावे असे आवाहन संयोजकांच्यावतीने करण्यात आले आहे.

आष्टी येथील प्रतिष्ठित सामाजिक कार्यकर्ते 
संजयभाऊ पंदीलवार यांच्या परिवाराची महालक्ष्मी स्थापनेची १७ वर्षा पासून परंपरा कायम

 दरवर्षी प्रमाणे यंदाही होणार भक्तांची दर्शनासाठी गर्दी 

आष्टी:-
आष्टी येथील प्रतिष्ठित शेतकरी, व सामाजिक कार्यकर्ते संजय नानाजी पंदीलवार व माजी जिल्हा परिषद सदस्या रूपालीताई पंदिलवार यांच्या परिवारात १८ वर्षांपासून अखंडपणे दरवर्षी भाद्रपद महिन्यात महालक्ष्मी स्थापनेची परंपरा कायम राखली जात आहे. त्यानुसार यावर्षी सुद्धा पंदीलवार परिवारात महालक्ष्मीची स्थापना करण्यात आली आहे.
पंदीलवार परिवारात २००८ पासून भाद्रपद महिन्यात महालक्ष्मीची स्थापना करून पूजाअर्चना केली जात आहे. ही अखंड परंपरा कायम ठेवण्याचा प्रयत्न त्यांच्याकडून चालविला जात आहे. महालक्ष्मीच्या दर्शनासाठी आष्टी परिसरातील इल्लूर, अनखोडा, कढोली, चपराळा, चौडमपल्ली, ठाकरी, कुनघाडा, चंदनखेडी, मार्कंडा (कं) आदी गावातील भाविक मोठ्या संख्येने येऊन मनोकामनेसाठी प्रार्थना करतात. या उत्सवात सर्व जाती, धर्माचे लोक सहभागी होत असल्याने सर्व धर्म समभावाचे वातावरण येथे निर्माण होत असते.
पंदिलवार परिवारांकडून सातत्याने सामाजिक कार्यात योगदान राहत असल्यामुळे त्यांच्याकडील उत्सवात परिसरातील नागरिक सहभागी होत असतात. परिवाराकडून अपघातग्रस्तांना मदत वैद्यकीय उपचारासाठी मदत करणे, नैसर्गीक आपत्ती ग्रस्तांना मदत केली जाते हा वारसा त्यांनी मागील अनेक वर्षांपासून चालविला आहे. यामुळे त्यांच्या घरील महालक्ष्मी उत्सवाला विशेष महत्व प्राप्त होत असते. संजयभाऊ पंदिलवार हे स्वतः या उत्सवात सहभागी व्हावे यासाठी परिसरातील जनतेला निमंत्रित करतात व सर्व भाविकांना स्नेहभोज करण्याची विनंती करतात असे संजूभाऊ मनमिळाऊ स्वभावाचे धनी असल्याने परिसरातील जनतेला त्यांचे कौतुक वाटते आहे

मी तुझ्यासोबत लग्न करतो असे बोलले व महिन्याभरात चौघांनी केला अत्याचार 

मुलगी गर्भवती झाल्याने बिग फुटले 

 1 जण अटकेत 3 जण फरार.

चिमुर : 
चिमूर तालुक्यातील एका मुलीला मी तुझ्या बरोबर लग्न करतो असे म्हणून  4 व्यक्तीनी
तिचेवर महिनाभर अत्याचार केला मात्र मुलगी गर्भवती झाल्याने बिग फुटले.
 प्राप्त माहितीनुसार दिनांक 01 फेब्रुवारी ते 29 फेब्रुवारी या दिवसा दरम्यान सदर युवती घरी एकटी असल्याचा फायदा घेत त्या तरुणीला पैशांचे, व लग्नाचे आमिष दाखवून तिचे सोबत जबरदस्तीने वेगवेगळ्या दिवशी शारीरिक संबंध प्रस्थापित केले आहे.

त्यामुळे माहे मार्च 2024 पासुन युवती ची मासिक पाळी बंद होऊन तिचे पोट वाढून लागल्याने दिनांक 06 सष्टेबर ला खाजगी नर्सिंग होम मध्ये तपासणी केली. असता सोनाग्राफी करून अहवालानुसार ती सात महिण्याची गर्भवती असल्याचे  निष्पन्न झाले 

दिनांक, 07 सप्टेंबर ला सदर युवती च्या आईच्या तोडी तक्रार  वरुन चिमूर पोलीस ठाण्यात तक्रार दाखल झाली
 या घटनेचे आरोपी  प्रविण दाबेकर, विक्की गोरवे, प्रज्वल गोडेकर, संदिप देविदास खोडेकर, या चार व्यक्तीनी सामूहिक लैंगीक शोषण अत्याचार केला असे सांगीतले आहे.

मिळालेल्या माहितीनुसार नात्याला काळीमा फासणारी आहे. लैंगिक शोषण करणारा एक युवतींचा नात्यांनी भाऊ आहे अशी चर्चा परीसरात सुरू आहे.

कलम 376, 376G (2) (F), 34 भादवी सहकलम 4.8, पोक्सो कलम 3(1) (w) (1) (ii), 3(2) (va) अनू, जाती, जमाती अत्या प्र.का. अंतर्गत गुन्हा दाखल करण्यात आला आहे.

संदिप देविदास खोडकेर वय, 30 वर्ष यांना अटक करण्यात आली आहे.

3 व्यक्ती अजूनही फरार असून शोध सुरु आहे. पुढील तपास उपविभागीय पोलीस अधिकारी राकेश जाधव करीत आहेत

श्री सद्गुरू साईबाबा विज्ञान व वाणिज्य महाविद्यालयात आंतरराष्ट्रीय साक्षरता दिन साजरा

अशोक वासुदेव खंडारे/मुख्य संपादक वैनगंगा वार्ता 

आष्टी:-
 श्री साईबाबा ग्रामीण विकास संस्था गडचिरोली द्वारा संचालित श्री सद्गुरू साईबाबा विज्ञान व वाणिज्य महाविद्यालयात दिनांक 09 सप्टेंबर 2024 रोजी आंतरराष्ट्रीय साक्षरता दिन साजरा करण्यात आला. या कार्यक्रमाला अध्यक्ष म्हणून महाविद्यालयाचे प्रभारी प्राचार्य डॉ. पी के सिंग, प्रमुख अतिथी डॉ.अपर्णा मारगोनवार, डॉ. एम पी सिंग, डॉ. कश्यप, प्रा.सुबोध साखरे, प्रा. सचिन मुरकुटे  उपस्थित होते. 
क्रांतीज्योती सावित्रीबाई फुले यांच्या प्रतिमेचे पूजन करून कार्यक्रमाची सुरुवात करण्यात आली. वर्ग बारावीची विद्यार्थिनी रिया कर्मकारने हिने महिलांच्या साक्षरतेचे प्रमाण वाढविण्यासाठी आपण प्रयत्नशील असायला पाहिजे, 'बेटी बचाओ,बेटी पढाओ चा' नारा आपल्या भाषणातून दिला. तर या कार्यक्रमाचे अध्यक्ष डॉ. पी के सिंग यांनी आपल्या मार्गदर्शनातून सांगितले की रासेयो विद्यार्थ्यांनी समाजामध्ये जाऊन समाजातील निरक्षरांना साक्षर करण्याचे कार्य व समाजामध्ये असलेला अज्ञान तथा अंधश्रद्धा दूर करून समाजाला शिक्षित करण्याचे कार्य स्वयंसेवकांनी करावे असे विचार व्यक्त केले. या कार्यक्रमचे राष्ट्रीय सेवा योजना विभागाद्वारे करण्यात आले. या कार्यक्रमाचे सूत्रसंचालन करून आभार रासेयो प्रमुख प्रा.सुबोध साखरे यांनी मानले. कार्यक्रमाच्या यशस्वीतेसाठी डॉ. दीपक नागापुरे, डॉ. सोनाली ढवस, डॉ.प्रकाश राठोड प्रा.महेशकुमार सीलमवार, प्रा. सुबोध साखरे, प्रा. सचिन मुरकुटे, प्रा.जया रोकडे, प्रा. कवींद्र साखरे, विजुभाऊ खोबरागडे,अविनाश जीवतोडे, संदीप मानापुरे,रवींद्र झाडे, रमेश वागदरकर, पोर्णिमा गोहणे आदींनी सहकार्य केले आणि महाविद्यालयातील विद्यार्थी मोठ्या संख्येने उपस्थित होते.

पुरस्कारापेक्षा मला सत्काराच मोठा वाटतो  - कविता वाघमारे

अशोक वासुदेव खंडारे/मुख्य संपादक वैनगंगा वार्ता 

डोंगरगाव :- पंचायत समिती मंगळवेढा मार्फत मला दिलेल्या आदर्श शिक्षक पुरस्काराप्रित्यर्थ डोंगरगावच्या गावकऱ्यांनी आज माझा जो सत्कार केला तो मला मिळालेल्या आदर्श शिक्षक पुरस्कारापेक्षाही मोठा वाटतो असे
 भावूक उदगार डोंगरगाव शाळेच्या पुरस्कारप्राप्त शिक्षिका कविता वाघमारे यांनी काढले. गावकऱ्यांच्यावतीने आयोजित केलेल्या सत्काराला उत्तर देताना त्या बोलत होत्या.मंगळवेढा पंचायत समिती मार्फत दिला जाणारा सन 2024 चा तालुकास्तरीय आदर्श शिक्षक पुरस्कार नुकताच वाघमारे यांना आ. समाधान आवताडे यांच्या हस्ते व विविध मान्यवरांच्या उपस्थितीत प्रदान करण्यात आला.त्यानिमित्त गावकऱ्यांच्या वतीने सत्कार समारंभाचे आयोजन करण्यात आले होते.
यावेळी भारतीय जनता पक्षाच्या ओबीसी मोर्चाचे सोलापूर जिल्हाध्यक्ष विवेक खिलारे, दैनिक अचूक निदान चे संपादक डी. के. साखरे, शाळा व्यवस्थापन समितीचे अध्यक्ष पंकज मस्के,  मुख्याध्यापिका अमृता कुलकर्णी,दत्तात्रय लोहार, विजय भुसे, तुकाराम साखरे, तानाजी साखरे आदींची प्रमुख उपस्थिती होती. पुढे बोलताना वाघमारे म्हणाल्या की,माझ्या कार्याची दखल घेऊन आपल्याला हा पुरस्कार दिला असून; पुरस्कारामुळे मला एक नविन ऊर्जा प्राप्त झाली असून यापुढे ही मी अधिक जोमाने काम करून  विद्यार्थ्यांची गुणवत्ता वाढविण्याचा आणि शाळेचा विकास करण्याचा प्रयत्न करेन.वाघमारे ह्या गेली 20 वर्षे अध्यापनाचे काम करीत आहेत.त्यांनी अनेक  विद्यार्थी घडविले असून  सध्या त्यांचे अनेक विद्यार्थी उच्च पदावर  कार्यरत आहेत.यावेळी विवेक खिलारे, डी. के. साखरे, मुख्याध्यापिका अमृता कुलकर्णी, सहशिक्षिका अंबिका कर्वे व बाजीराव गवळी सर आदींनी आपल्या मनोगतातून वाघमारे मॅडम यांचा गुणगौरव केला. कार्यक्रमाचे प्रास्ताविक डी. के. साखरे यांनी केले तर मुख्याध्यापिका अमृता कुलकर्णी यांच्या आभार प्रदर्शनाने कार्यक्रमाची सांगता झाली.यावेळी मोठया संख्येने ग्रामस्थ, पालक, विद्यार्थी तसेच सर्व शिक्षक स्टाफ उपस्थित होता.

कविता वाघमारे यांच्या सह २१ जणांना आदर्श शिक्षक पुरस्कार जाहीर

मंगळवेढा -; मंगळवेढा पंचायत समिती मार्फत सन २०२४-२५ मध्ये दिले जाणारे तालुकास्तरीय आदर्श शिक्षक पुरस्कार जिल्हा परिषद केंद्रीय प्राथमिक शाळा डोंगरगाव येथील शिक्षिका श्रीमती कविता महादेव वाघमारे यांच्या सह २१ जणांना जाहीर झाले असून आज शुक्रवार दिनांक ६ सप्टेंबर २०२४ रोजी दुपारी १२ वाजता मंगळवेढा-पंढरपूर बायपास रोड वरील जोगेश्वरी मंगल कार्यालय येथे शानदार समारंभात आ. समाधान आवताडे यांच्या हस्ते सदरचे पुरस्कार प्रदान करण्यात येणार आहेत. सदर कार्यक्रमाचे अध्यक्षस्थान सोलापूर जिल्हा परिषदेच्या प्राथमिक विभागाच्या उपशिक्षणाधिकारी  रूपाली भावसार या भूषविणार असून गटविकास अधिकारी योगेश कदम, गटशिक्षणाधिकारी  बिभिषण रणदिवे, शिक्षणविस्तार अधिकारी पुरुषोत्तम राठोड व शामराव सरगर यांची उपस्थिती राहणार आहे. तरी या पुरस्कार वितरण सोहळ्यास सर्वांनी उपस्थित राहावे असे आवाहन मंगळवेढा पंचायत समिती प्रशासनाच्या वतीने करण्यात आले आहे.

दुसऱ्याच्या घराची भिंत अचानक कोसळल्याने एका महिलेचा जागीच करुन अंत्य 

सिंदेवाही : 
पर्जण्यवृषृटी खूप झाल्याने एका घराची भींत कोसळून एका महिलेचा मृत्यू झाला आहे सदर घटना सिंदेवाही तालुक्यातील रत्नापूर येथे घडली आहे 
मृतक रसिका देवराम मसराम वय,52 वर्ष ही सकाळी झोपून उठल्यावर अंगनाची सफाई करीत असतांना अचानक घरा शेजारील धुरपता वासुदेव मडावी यांच्या घराची भिंत  रसीका यांच्या अंगावर कोसळ्याने रसीका मसराम यांचा जागीच मृत्यू झाला.

यावर्षी रत्नापूर व परीसरात मोठ्या प्रमाणात पाऊस पडला त्यामुळे घराच्या भिंत कोसळण्याचे प्रमाणही जास्तच आहे परंतु दुसऱ्याची भिंत कोसळ्याने आजस्थीतीत अंगणातील रशीका मसराम यांचा दुदैवी मृत्यू आज दि.1 सटेबर 2024 सकाळी 6.00 वा.चे दरम्यान झाला.
मोलमजुरी करुण आपला व कुटुंबाचा उदरनिर्वाह करणाऱ्या रशीका मसराम यांचा हा मृत्यु वेदनादायी आहे. या अचानक घडलेल्या घटनेने गावात हळहळ व्यक्त करण्यात येत आहे. घटनेची माहिती मिळताच घटनास्थळी पोलीस,तलाठी,पोलीस पाटील यांनी उपस्थीत राहुन पंचनामा केला. 
त्यांचे मृत्यु पश्चात दोन मुली,एक मुलगा,नातवंड  असा बराच मोठा परिवार आहे.

अहेरी विधानसभा क्षेत्रातील जनतेला खड्डयात टाकून हवेत फिरणाऱ्यांना जमिनीवर आणा.-राजे अम्ब्रीशराव आत्राम

भामरागड येते पदाधिकारी व कार्यकर्ता मेळावा संपन्न, दुर्गम व अतिदुर्गम क्षेत्रातील कार्यकर्त्यांची मोठ्या संख्येने उपस्थिती.

भामरागड:-मुलचेरा येतुन माजी पालकमंत्री मा.राजे अम्ब्रीशराव आत्राम यांनी आपल्या झंझावाती दौऱ्याची सुरुवात केली होती, त्यानंतर भामरागड येथे काल भव्य पदाधिकारी व कार्यकर्ता मेळावा घेत आगामी विधानसभा निवडणुकीचे रणशिंग राजेंनी फुंकले, ह्यावेळी तालुक्यातील दुर्गम व अतिदुर्गम क्षेत्रातुन आलेले पदाधिकारी, कार्यकर्ते, बूथ प्रमुख, बूथ समिती सदस्य ह्यांची मोठी गर्दी झाली होती त्यांनी राजेचे जोरदार स्वागत केले.

यावेळी राजेंनी पदाधिकारी व कार्यकर्त्यांना मार्गदर्शन करतांना गेल्या ५ वर्षात संपूर्ण विधानसभा क्षेत्रात विकासाचे एक मोठे काम झाले नाही, आजही मी केलेले विकासकामेच प्रगतीपथावर आहेत उलट संपूर्ण विधानसभा क्षेत्र सद्या खड्डयात गेला आहे, रस्ते, आरोग्य, वीज ह्या प्रत्येक क्षेत्रात जनता कमालीची हैराण झाली असतांना आपले मंत्री साहेब सद्या कंपनीचा आशीर्वादाने हेलिकॉप्टर दौरे करीत हवेत फिरत आहेत, जनतेच्या समस्यांशी त्यांना काहीही देणेघेणे नाही अशांना हवेतून जमिनीवर आणण्याची वेळ आत्ता आली आहे, त्यासाठी त्यांची खरी जागा आगामी विधानसभा निवडणुकीत दाखवा, त्यासाठी आजपासूनच प्रत्येक पदाधिकारी व कार्यकर्त्यांनी आगामी विधानसभा निवडणुकीच्या तयारीला जोमाने लागून मोठ्या मताधिक्याने मला निवडुन येण्यासाठी आशीर्वाद द्या असे आवाहन ह्यावेळी राजेंनी केले
      
यावेळी जेष्ठ नेते प्रकाश सावकार गुडेल्लीवार, सुनीलभाऊ बिस्वास, रवीभाऊ नेलकुद्री, चिन्नना चाकूरकर,जाधव हलधर, राजू येग्लोपवर अर्जुन आलाम भाजप तालुका अध्यक्ष,तापस हलदार,झाकीर हुसेन, रामा बोगामी,रमाबाई कोमटी,शारदा कोरेत सरपंच,सह पदाधिकारी व कार्यकर्ते मोठ्या संख्येने उपस्थित होते.

तुला खर्रा चारतो पण, माझी कामेच्छा पूर्ण कर, यातून अल्पवयीन मुलगी झाली गर्भवती व फुटले बिंग 

 दुर्गापूर :-
तुला मी नेहमी खर्रा चारतो पण माझी कामेच्छा तु पुर्ण कर असे म्हणून एका पानटपरी वाल्या इसमाने अल्पवयीन मुलीवर वारंवार अत्याचार केला व त्यामधून ती गर्भवती राहीली आणि घटनेला वाचा फुटल्याची घटना नुकतीच उघडकीस आली आहे 
 पिडित अल्पवयीन मुलिच्या हालचालीवरून आईला संशय आला ही अशी का वागते म्हणून  तिची तपासणी करण्यासाठी तिला वरोरा येथील रुग्णालयात नेले असता ती तीन महिन्यांची गर्भवती असल्याचे समोर आले. ही बाब वरोरा पोलिसांना रुग्णालयातर्फे कळविण्यात आली. मात्र घटना ही दुर्गापूर पोलिस स्टेशनच्या हद्दीतील असल्याने त्यांनी दुर्गापूर पोलिस यांना याबाबत माहिती दिली, दुर्गापूर पोलिस स्टेशनच्या पोलिस निरीक्षक लता वाडीवे यांनी लगेच आरोपीला अटक केली. पानठेल्यावर खऱ्याच्या उधारीच्या मोबदल्यात १६ वर्षीय अल्पवयीन मुलीचे लैंगिक शोषण करून तिला गर्भवती केल्याचा धक्कादायक प्रकार दुर्गापूर येथे उघडकीस आला आहे. याप्रकरणी पोलिसांनी आरोपी बबन रोहणकर (५२) याच्यावर कलम ३७६, पोक्सो, ॲट्रॉसिटी एक्ट अन्वये गुन्हा दाखल करून अटक केली आहे.

 दुर्गापूर येथे बबन रोहणकर याचा पानठेला आहे. पानठेल्यावर एक १६ वर्षीय मुलगी खर्रा खरेदी करण्यासाठी येत होती. तिची खर्चाची उधारी तीन हजारांवर पोहोचली होती. बबनने मुलीला खर्चाची उधारी मागितली. उधारी दिली नाही तर तुझ्या वडिलांना सांगेल अशी धमकी दिली. मुलीकडे खऱ्याची उधारी चुकविण्यासाठी तीन हजार रुपये नव्हते. ही संधी साधून तिला शारीरिक सुखाची मागणी करून
मागील तीन ते चार महिन्यांपासून लैंगिक शोषण केले. ती गर्भवती झाल्याने हा प्रकार उघडकीस आला याबाबत दुर्गापूर ठाण्यात शनिवारला मध्यरात्री गुन्हा दाखल करून ठाणेदार लता वाडीवे यांनी आरोपी बबन रोहनकरला अटक केली आहे व अधीक तपास सुरू केला आहे

प्रेमविवाह केलेल्या दाम्पत्यांनी विहीरीत उडी घेऊन संपविली जीवनयात्रा 

 गोंडपिपरी तालुक्यातील घटना

 गोंडपिपरी :-
प्रेमविवाह करुन भावी जीवनाच्या सुखी संसाराची स्वप्नं पाहणाऱ्या दाम्पत्यांनी विहीरीत उडी घेऊन आत्महत्या केल्याची घटना उघडकीस आली आहे 
घरगुती कारणातून वाद
झाल्याने पत्नीने रागाच्या भरात विहिरीत उडी घेतली. तिला वाचवायला तिच्या मागोमाग पतीनेसुद्धा विहिरीत उडी घेतली. मात्र दोघांचाही विहिरीत बुडून अंत झाला.

ही घटना गोंडपिपरी तालुक्यातील पानोरा गावात शनिवारला रात्रो ९.३० वाजताचा सुमारास घडली. पती-पत्नीच्या अशा दुर्दैवी मृत्यूने संपूर्ण गावातच शोककडा पसरली आहे.

प्रकाश शरबत ठेंगणे वय (३०), उषा प्रकाश ठेंगणे वय  (२७) अशी मृत दांपत्याचे नाव आहेत. मिळालेल्या माहितीनुसार, प्रशांतने मागील तीन महिन्यापूर्वी गडचिरोली जिल्ह्यातील इल्लूर येथील उषा हिचासोबत आंतरजातीय प्रेमाविवाह केला होता. सुखी संसार सुरु असतानाच शनिवारी रात्री दोघात कडाक्याचे  भांडण झाले 

रागाच्या भरात उषाने घराशेजारील सार्वजनिक विहिरीत उडी घेतली. तिला वाचविण्यासाठी प्रकाशने सुद्धा लगेच विहिरीत उडी घेतली. दरम्यान शेजारच्या मुलाने हे दृश्य बघून इतरांना या संदर्भातील माहिती दिली.

नागरिकांनी गोंडपिपरी पोलिसांना माहिती देताच पोलीस स्टेशनचे पोलीस निरीक्षक रमेश हत्तीगोटे यांनी घटनास्थळ गाठून विहिरीत शोध मोहीम राबवली असता, दोघांचेही मृतदेह आढळून आले. वृत्तलिहीपर्यंत नेमके आत्महत्येचे कारण कळू शकले नाही. पुढील तपास गोंडपिपरी पोलीस करीत आहेत.

परिस्थिततीला न जुमानता आपले यश संपादन करण्यासाठी नेहमीच प्रयत्नशील रहावे 

ॲड. विश्वजीत कोवासे 

आष्टी:  परिस्थितीला न जुमानता आपल्या कर्तव्याची जाणीव ठेवून प्रयत्नशील राहिल्यास यश संपादन करता येते असे प्रतिपादन ॲड.विश्वजीत कोवासे यांनी मार्कंडा (कं)येथील सत्कार समारंभा प्रंसंगी व्यक्त केले 
चामोर्शी तालुक्यातील मार्कंडा कंनसोबा येथी तीन तरुण व एक तरुणी घरच्या प्रतिकूल परिस्थितीवर मात करत पोलिस दलात भरती झाले.त्या निमित्ताने गावकऱ्यांनी त्यांचा व विषेश कार्य करणाऱ्या अधिकाऱ्यांचा सत्कार केला 

अजय बेलकिवार,प्रफुल्ल बेलकीवार, दिपक कांबळे, वर्षा सातर, या तरुणाची गडचिरोली पोलिस दलात निवड झाली. यांचे वडील मोलमजुरी करुन घरचा गाडा हाकलत असतात. अत्यंत प्रतिकूल परिस्थितीत हे सर्व विध्यार्थी घरच्या परिस्थितीला न डगमगता शिक्षण घेत असतानाच पोलिस दलात निवडीसाठी गावातील वाचनालयात  सराव करत होते.
गावातील विध्यार्थी पवन मस्के यांनी वाचनालयाच्या माध्यमातून गावातील विध्यार्थी कसे घडले पाहिजे या हेतूने लोकवर्गणीतून वाचनालय सुरू केले व ग्रामपंचायत प्रशासनाकडून काही सुविधा मिळवून घेतली व हे वाचनालय सुरळीत सुरू राहील आणि गावातील विध्यार्थ्यांना स्पर्धा परीक्षा सारख्या शिक्षणाची आवड निर्माण व्हावी यासाठी सामाजिक कार्यकर्ते संजय पंदिलवार यांच्या काही वाचनालयाच्या अडचणी लक्षात आणून दिले असता सामाजिक कार्यकर्ते संजय पंदिलवार व माजी जिल्हा परिषद सदस्य रुपाली पंदिलवार यांनी पंचवीस हजार रुपयांचे पुस्तके घेऊन दिले. व त्यावेळी आष्टी पोलीस स्टेशनचे ठाणेदार कुंदन गावडे यांनी सुद्धा या वाचनालयासाठी बरेच काही सहकार्य केले या सर्वांच्या सहकार्याने वाचनालयाचा लाभ मार्कंडा कंन्सोबा येथील तरुणांना झाला. या निमित्ताने महाराष्ट्र प्रदेश युवक काँग्रेसचे सचिव ॲड‌. विश्वजीत कोवासे व माजी जिल्हा परिषद सदस्य रुपाली पंदिलवार यांच्या उपस्थितीत मार्कंडा कंन्सोबा येथे पोलिस भरतीत निवड झालेल्यांचा व विविध विभागातील तीन वर्षे उत्कृष्ट सेवा देणाऱ्या अधिकाऱ्यांचा सत्कार सोहळा संपन्न झाला. यावेळी सत्कारमूर्ती म्हणून विशाल काळे, पोलिस निरीक्षक पोलिस स्टेशन आष्टी,भारती राऊत, वनपरीक्षेत्र अधिकारी प्रादेशिक मार्कंडा कंन्सोबा, लांडगे, वनपरीक्षेत्र अधिकारी वन्यजीव अभयारण्य चपराळा, रोखडे, वैद्यकीय अधिकारी प्राथमिक आरोग्य केंद्र मार्कंडा कंन्सोबा, शिंपले, वनविकास वनपरिक्षेत्र अधिकारी मार्कंडा कंन्सोबा,व पोलीस भरतीत निवड झालेल्यांचा सत्कार करण्यात आला.
यावेळी परिसरातील व गावातील प्रतिष्ठित नागरिक सरपंच वनश्री चापले, नाना पसफूलवार, संजय पंदिलवार, सुरेश फरकडे, नानाजी बिटपल्लीवार, देशमुख, दामोदर पोटवार, आत्माराम मस्के, विजय बहिरेवार, दिलीप तिवाडे, आत्माराम मडावी, साईनाथ कुळमेथे, भाऊजी सिडाम, सत्यवान भडके,शंकर मारशेट्टीवार,बिजन मंडल, पत्रकार संघटनेचे अध्यक्ष अशोक खंडारे,भास्कर फरकडे, विलास हुलके,अजय पोटवार, राजाराम गुंडावार उपस्थित होते.
ॲड विश्वजीत कोवासे, नाना पसफूलवार, संजय पंदिलवार व इतरांनी त्यांचे अभिनंदन करून पुढील वाटचालीसाठी शुभेच्छा दिल्या

अनुसूचित जाती व जमाती यांनी पुकारलेल्या बंदला आष्टीत पुर्ण प्रतिसाद 

आष्टी:-
सर्वोच्च न्यायलयाच निर्णय दिनांक 1 ऑगस्ट 2024 ला माननीय सर्वोच्च न्यायालयाने अनुसूचित जाती व अनुसूचित जमातीचे उपवर्गीकरण व क्रिमिलियर अटी मान्यता दिली. ही असंविधानिक बाब आहे सर्वोच्च न्यायालयाच्या अधिकारात अनुसूचित जाती व अनुसूचित जमातीचे उपवर्गीकरण व क्रिमिलियर अट येत नाही. सर्वोच्च न्यायालयाच्या या निर्णयामुळे भारतीय संविधानाच्या कलम 341 व कलम 342 ला बाधा येत आहे.
अनुसूचित जाती व अनुसूचित जमातीचे उपवर्गीकरणामुळे जाती जातीत भांडण वाढण्याची शक्यता नाकारता येत नाही. समाजात तणाव निर्माण होऊ शकतो. भविष्यात अनुसूचित जाती व अनुसूचित जमातीवर अन्याय होऊ शकतो.  
सर्वोच्च न्यायालयाचा 1ऑगस्ट 2024 चा निर्णय रद्द करण्यासाठी घटना दुरुस्ती करावे. अनुसूचित जाती व अनुसूचित जमातीचे वर्गीकरण व क्रिमिलियरच अट रद्द करावे.या करिता आज आष्टी येथे दिनांक २१ ला कडकडीत बंद पाळण्यात आला हे बंद करण्याकरिता धम्मदीप बौद्ध समाज मंडळाचे अध्यक्ष अमीत नगराळे व क्रांतिवीर बाबुराव शेडमाके समीती आष्टी येथील पारंपरिक इलाका समीती सल्लागार संतोष सोयाम यांच्या माध्यमातून आज आष्टी शहर कडकडीत बंद ठेवण्यात आला यावेळी सहकार्य गौतमा फुलझेले, निकिता निमसरकार, सुमित्रा देठे, वयजंता बारसागडे, अशोक खंडारे,सुरज सोयाम, नितीन शेडमाके,रवी कन्नाके, नितीन मडावी, देवा वनकर, सुरज देवगडे, उत्तम चंद बारसागडे,राधे थेरकर,प्रतिक निमसरकार, सुधीर उंदिरवाडे, आनंद कांबळे, प्रतिक निमसरकार, थोरात अवथरे, सुनील खैरे, राहुल फुलझेले, अंगीरश कुकुडकर यांच्यासह अनुसूचित जाती व जमातीचे बहुसंख्य कार्यकर्ते उपस्थित होते

स्वातंत्र्य दिनाच्या निमित्ताने  पोलीस भरतीमध्ये स्थान मिळविलेल्या युवक- युवतींचा अनखोडा वासियांनी केला सत्कार

  
 
   अशोक खंडारे/ मुख्य संपादक वैनगंगा वार्ता १९

आष्टी - 
               गडचिरोली जिल्ह्यात नुकत्याच पार पडलेल्या पोलिस शिपाई  भरतीत आष्टी - अनखोडा परिसरातील  निवड झालेल्या युवक युवतींचा सत्कार  स्वातंत्र्यदिनाचे औचित्य साधून 15 ऑगस्ट गुरुवारला अनखोडा वासीयांच्या वतीने आयोजित करण्यात आला.
 या कार्यक्रमाचे अध्यक्ष माजी जिल्हा परिषद सदस्य धर्मप्रकाश कुकुडकर,प्रमुख मार्गदर्शक म्हणून पोलीस निरीक्षक विशाल काळे तर प्रमुख अतिथी म्हणून उपसरपंच वसंत चौधरी,पोलीस पाटील अशोक चहारे,अरुण चहारे, मोरेश्वर चरडे, महेश चहारे,शरद कोहपरे,रोहीत कोडापे,आदी मान्यवर उपस्थित होते 
 यावेळी जिद्द आणि चिकाटीच्या जोरावर खाकीची स्वप्ने पूर्ण करणाऱ्या सोळा युवक - युवतींचा गुण गौरव शाल व पुस्तके देवून मान्यवरांच्या हस्ते सत्कार करण्यात आला. तसेच या कार्यक्रमात आष्टी पोलिस ठाण्याचे कर्तव्यदक्ष व शांत संयमी व मृदू स्वभावाचे अधिकारी म्हणून अल्पावधीत नावारूपास आलेल्या ठाणेदार विशाल काळे यांचाही शाल व श्रीफळ देऊन सत्कार करण्यात आला
 यावेळी प्रमूख मार्गदर्शक म्हणून मत व्यक्त करताना पोलीस निरीक्षक विशाल काळे यांनी स्पर्धा परीक्षेची तयारी करताना विद्यार्थ्यांनी संयम ठेवून अपयशानी खचून न जाता जिद्दीने मेहनत घेतली तर यश संपादन करणे कठीण नाही. ग्रामीण भागातील युवकांनी मेहनतीच्या जोरावर अनेक यशोशिखर गाठले असून त्यांची प्रेरणा घेवून सेवेत रुजू झालेल्यानी आपले कर्तव्य प्रामाणिक पणे पार पाडावे असे सांगितले. यावेळी पोलीस भरतीत निवड झालेल्या वयाती आत्राम चंदनखेडी, दुषाली अलगमकर उमरी, रीना घ्यार कढोली, नागेश वाट, समीर निमरड, अमरदिप निमसरकार, सचिन निमरड, पंकज डोंगरे, सोहन तिमाडे, चेतन बट्टे, अनखोडा, धर्मा शेडमाके, विद्याताई देठे, रभूश लांबाडे, गायत्री झाडे, आचल ताकलपल्लीवार, तन्वी गंधारे या यशवंताचा सत्कार करण्यात आला. कार्यक्रमास अनखोडा येथील बहुसंख्य नागरिक विद्यार्थी उपस्थित होते कार्यक्रमाचे संचालन मारोती चहारे तर आभार  राजेश घ्यार यांनी मानले.

पायदळी येत एका इसमाने वैनगंगेच्या नदीपात्रात उडी घेऊन केली आत्महत्या

आरमोरी : 
 येथील एका इसमाने पायदळी नदीपात्र गाठत नदीपात्रातील पाण्यात उडी घेऊन आत्महत्या केली असल्याने एकच खळबळ उडाली आहे 
आरमोरी येथील विठ्ठल मंदिर वार्डातील रहिवासी सुरेश
फाल्गुन दोनाडकर  वय (५०) या इसमाने आरमोरी येथील वैनगंगा नदीच्या पात्रात उडी घेऊन आत्महत्या केल्याची घटना दिनांक १३ ऑगस्ट रोजी दुपारी ३.०० वाजताच्या सुमारास घडली. त्याचा आज १६ ऑगस्ट रोजीही थांगपत्ता लागला नव्हता.
प्राप्त माहितीनुसार सुरेश दोनाडकर याची पत्नी व मुलगी हे बाहेरगावी गेले होते. तो घरी एकटाच असताना दुपारी दीड वाजताच्या सुमारास घरून बाहेर पडला ला व पायीच वैनगंगा नदी गाठून वैनगंगेच्या पुलावरून उडी घेऊन त्याने आत्महत्या केली. या घटनेची माहिती पोलिसांना कळताच त्यांनी वैनगंगेच्या नदीपात्रात स्थानिक पोहणाऱ्या व्यक्तींशी संपर्क साधून शोधमोहीम राबविली. तसेच नाव चालविणाऱ्या नाविकांना हाताशी घेऊन तब्बल १० किलोमीटर पर्यंत जाऊन शोध घेतला. परंतु अद्याप पर्यंत त्याचे प्रेत मिळाले नाही. मागील चार दिवसांपासून आरमोरी पोलिसांनी शोध मोहीम राबवली असून अजूनही सदर इसमाचे प्रेत हातात आले नाही.

शेतातील कामे आटोपून शेतातीलच विहिरीत हातपाय धुवायला गेलेल्या मुलाचा विहिरीत बुडून मृत्यू

एटापल्लीः 
आईवडिलांसोबत शेतातील कामासाठी मुलगा सोबत गेला कामे आटोपून हातपाय धुण्यासाठी शेतशिवारात असलेल्या विहिरीवर हात पाय धुऊन घेण्यासाठी गेला व पाय घसरून पडल्याने विहीरीत बुडून मृत्युमुखी पडला. ही घटना १५ ऑगस्ट रोजी डुम्मे गावात घडली.

निखिल सदाशिव दुर्वा (१७) असे मृत मुलाचे नाव आहे. तो दहावा वर्ग उत्तीर्ण झालेला होता  डुम्मे गावात आईवडील व भावासमवेत तो राहायचा. १५ ऑगस्टला स्वतःच्या शेतात धान
रोवणीचे काम सुरू होते. त्यासाठी तो गेला होता. दुपारी २ वाजता जेवणाची वेळ झाली. हातपाय धुण्यासाठी निखिल हा विहिरीवर गेला, यावेळी पाय घसरून तो विहिरीत पडला. पोहता येत नसल्याने नाकातोंडात पाणी जाऊन त्याचा मृत्यू झाला. बराचवेळ होऊनही निखिल न आल्याने आई विहिरीजवळ गेली असता तिला त्याची चप्पल दिसली.
तेव्हा मुलगा विहीरीत पडला असल्याचे चित्र दिसून आले लागलीच पोलीस स्टेशन ला माहिती दिली आहे

जम्मू काश्मीर च्या बार्डरवर तैनात असलेल्या जवानांवर प्रियकराच्या मदतीने पत्नीने केला विषप्रयोग 

 पंधरा दिवसांनी झाला नवऱ्याचा मृत्यू

कोल्हापूर:-  देशाच्या सुरक्षेची जबाबदारी सांभाळणाऱ्या जम्मू काश्मीर येथील बार्डवर तैनात असलेल्या जवानांवर त्यांच्या पत्नीने आपल्या प्रियकराच्या विषप्रयोग केला त्या जवानाचा पंधरा दिवसांनी मृत्यू झाला आहे 
जम्मू काश्मीर राज्यामध्ये कर्तव्य बजावणारे जवान गावी सुट्टीवर आल्यानंतर वारंवार पत्नीसोबत भांडण करून त्रास देत असल्यामुळे प्रियकराच्या मदतीने त्याचे हातपाय बांधून डोळ्याला पट्टी बांधून जवानांच्या पत्नीने जवानाला वीष पाजल्याचा धका दायक प्रकार कोल्हापूर शहरात घडला आहे. हा जवान गेल्या पंधरा दिवसापासून मृत्यूशी देत होता अखेर त्याची मृत्यूची झुंज ही अपयशी ठरली असून शनिवार दिवशी त्याची प्राणज्योत मालवली अमर भीमगोंडा देसाई असे जवानांचे नाव आहे. सोमवार रोजी त्याचे मुळगाव असलेल्या नूल गाव येथे त्याच्यावर अंत्यसंस्कार करण्यात आले. दरम्यान त्याच्या पत्नीने गुन्ह्याची कबुली दिली आणि पत्नी व तिच्या प्रियकर या दोघांवर गुन्हा दाखल करण्यात आला आहे. पंधरा दिवसापासूनची जवानाची मृत्यूची झुंज ही अपयशी ठरली असून सैन्य दलातील जवान अमर देसाई हे जम्मू काश्मीर येथे कर्तव्यावर होते.

स्वतःच्या पत्नीचा खून करून त्यानेही केली आत्महत्या

मुंबईः स्वतःच्या पत्नीचा खून करून त्यानेही आत्महत्या केली असल्याने गोरेगाव येथे खळबळ उडाली आहे 
 गोरेगाव पश्चिम भागातील टोपीवाला सोसायटीमध्ये सकाळी पेडणेकर दाम्पत्याचे मृतदेह सापडले होते. किशोर पेडणेकर यांनी पत्नी डॉ. राजश्री पेडणेकर यांची गळा आवळून हत्या केल्यानंतर त्यानेही इंमारतीवरून उडी घेत आत्महत्या केल्याचा पोलिसांचा प्राथमिक अंदाज आहे. मात्र, आत्महत्या- हत्या प्रकरणा मागील नेमका हेतू काय होता, हे जाणून घेण्यासाठी पोलीस या प्रकरणाचा कसून तपास करीत आहेत.  धक्कादायक म्हणजे आपल्या मृत्यूची माहिती समजल्यावर मुलाला मोठा धक्का बसेल, त्यामुळे त्याची गडबड उडू नये, याची खबरदारी किशोर पेडणेकर पहिलेच  करून ठेवल्याचे समोर आले.

चंद्रपूर वरुन डॉक्टरी उपचार करून आष्टी कडे येत असताना ३२ वर्षीय तरुण वाटेतच झाला बेपत्ता

अशोक वासुदेव खंडारे/मुख्य संपादक वैनगंगा वार्ता १९
आष्टी: -  गडचिरोली जिल्ह्यातील चामोर्शी तालुक्यातील अनखोडा येथील एक युवक चंद्रपूर येथील रुग्णालयात उपचार करुन स्वगावी येत असतांना अचानक बसमधून बेपत्ता झाल्याने आई, वडील सुन्न झाले 

हि घटना दि. २९/०७/२०२४ रोजी  नामे चरनदास (हरी, दौलत), दादाजी चनकापूरे वय ३२ वर्ष हा पाच वर्षा पासुन मंदबुध्दीचा असल्याने त्याचा उपचार करण्यासाठी आई वडिलांनी मुलगा चरनदास यास असे तिघे मिळुन बसने चंद्रपूर येथे पोहचुन मुलगा चरनदास याचे डोक्याचे उपचार करण्यासाठी डॉ. सचिन वेधे यांच्या दवाखान्यात गेले. व  मुलागा चरनदास याचेवर डॉक्टरांनी उपचार करून परत जाण्यास सांगीतल्याने, असता आई, वडील, मुलगा गावाकडे अनखोडाला जाण्यासाठी चंद्रपूर येथुन अहेरी बसमध्ये तिघेही येत असतांना एका सिटवर वडील व माझा मुलगा चरनदास व पुढच्या सिटवर आई हि बसुन होती. त्यानंतर वडीलाला बसमध्ये झोप लागल्याने बसमध्ये झोपी गेला आष्टीला बस थांबल्यावर आई, वडील दोघेही  आष्टी बसस्थानकला उतरले असता,  मुलगा  चरनदास हा उतरला नाही तेव्हा आई वडीलांनी बसमध्ये शोध घेतले असता तो मिळुन आला नाही. तो कोठेतरी उतरला असावा सांयकाळी घरी येईल असे समजुन आई वडील आपल्या गावी अनखोडा आले सायंकाळ होवून सुध्दा तो घरी परत न आल्याने, त्याचा गावात व आजुबाजुच्या परीसरात शोध घेतले असता तो कोठेही मिळुन न आल्याने, नातेवाईकांकडे माझ्या मुला बाबत विचारले असता तो तिथे आला नसल्याचे सांगीतले. व आजपावेतो त्याचा शोध घेणे सुरू आहे.
चरनदास दादाजी चनकापूरे वय ३२ वर्ष, धंदा मजुरी, रा.अनखोडा, ता. चामोर्शी जि. गडचिरोली हा मंदबुध्दीचा असल्याने कोनाला काही न सांगता बस मधुन उतरून कोठे तरी गेला आहे. त्याचा आज पावेतो शोध घेवून सुध्दा मिळुन न आल्याने पोस्टेला मुलगा बेपत्ता असल्याची नोंद करण्यात आली आहे.

बेपत्ता ईसमाचे वर्णनः-१) वर्ण- गोरा, २) उंची १६४ सेमी ३) बांधा- मजबुत, ४) केस काळे ५ पेहराव-फिकट पिवळ्या रंगाचा फुलबाहयाचा शर्ट, कथ्या रंगाचा पन्हें ६) भाषा- मराठी असुन सदर युवक कोणालाही दिसून आल्यास दादाजी विठोबा चनकापूरे रा. अनखोडा तालुका चामोर्शी जिल्हा गडचिरोल्ली मोबाईल क्रमांक ७४९८४३६२५७  या क्रमांकावर संपर्क साधावा असे आवाहन चरनदासच्या वडीलांनी केले आहे व माहिती देणाऱ्यास पाच हजार रुपये बक्षीसही देण्यात येईल असे वडीलांनी सांगितले

आई- वडिलांचे छत्र हरपलेल्या तरुणीने नदी पात्रात उडी घेऊन केली आत्महत्या 

भावाने केली पोलिसात तक्रार,  प्रशासनाची युद्ध पातळीवर शोध मोहीम सुरू

 मारेगाव:-
येथील एका तरुणीचे आई - वडिलांचे छत्र हरपले त्यामुळे की काय परंतू तिने नदी पात्रात उडी घेऊन आत्महत्या केली आहे मारेगाव येथील प्रभाग क्र. पाच घरकुल कॉलनी मध्ये राहणाऱ्या एका २८ वर्षीय युवतीने वर्धा नदीत उडी घेऊन आत्महत्या केल्याची धक्कादायक प्रकार कॅमेऱ्यात कैद झाला, या प्रकाराने मारेगाव तालुका हादरला आहे.

माधुरी अरुण खैरे, असे वर्धा नदीत उडी घेतलेल्या युवतीचे नाव आहे. तीचे डी-फार्म पर्यंत शिक्षण झाले असून वडील अरुण खैरे यांचे दहा वर्षांपूर्वी निधन झाले तर जि. प. शाळेच्या शिक्षिका उषाताई खैरे ह्या मागील मार्च महिन्यात  कचरा जाळतांना पन्नास टक्के भाजल्या होत्या दिड महिन्याच्या दीर्घ उपचारानंतर त्यांचेही निधन झाले होते.

दि . २ ऑगष्ठ शुक्रवारला सकाळी १० वाजताचे सुमारास वणी कॉलेज ला जात असल्याची आपल्या भावाला सूचना करीत ही युवती वणीहून ऑटोरिक्षात बसून वरोरा मार्गे निघाली दुपारी १२.३० वाजताचे सुमारास पाटाळा वर्धा नदी जवळ माधुरी हिने थांबा घेतला. काही वेळात माजरी येथील एक दाम्पत्य 'त्या' ठिकाणी थांबले असता त्यांना मोबाईल, पर्स व चप्पल निदर्शनास आली. यावेळी माधुरी हिच्या मोबाईलवर कॉल आला असतांना घटनास्थळवरील हकीकत नातेवाईकांना विषद केली. आणि नातेवाईकांनी त्या ठिकाणी धाव घेत सि सि टी व्ही फुटेज तपासाअंती माधुरी ही वर्धा नदीत उडी घेत असल्याचे स्पष्ट झाले. भाऊ यश याने वणी पोलीस प्रशासनात तक्रार दाखल केली आहे. आई-वडील नसतांना आता बहिणीच्या टोकाच्या निर्णयाने एकुलता एक मुलगा एकाकी पडला आहे. सदर घटनेचे गांभीर्याने घेत प्रशासन तिचा शोध घेत आहेत.

ठाकरी ग्रामस्थांनी उपचारासाठी प्राथमिक आरोग्य उपकेंद्रत जायचे तरी कसे?

ग्रामपंचायत ठाकरीने  केले ग्रामस्थांचे बेहाल

सरपंच, उपसरपंच व पदाधिकारी यांनी एकदा तरी भेट दिली काय आरोग्य उपकेंद्रत 

आष्टी ता. ३ : चामोर्शी तालुक्यातील ठाकरी येथील आरोग्य उपकेंद्र येथे रुग्णांना जाण्यासाठी मार्ग खडतर व चिखलमय झालेला असून या बाबी करीता ग्रामपंचायत प्रशासन जबाबदार असल्याचे चित्र दिसून येत आहे 
ठाकरी येथील प्रभाग क्रमांक तीन मधील पेनय्या वर्धलवार यांच्या घरापासून ते प्राथमिक आरोग्य उपकेंद्रापर्यंत तांडा वस्ती योजनेअंतर्गत रस्त्याचे काम ऐन पावसाळ्याच्या सुरुवातीला ग्रामपंचायत प्रशासनाने नाली खोदकाम करून सुरुवात केली. हे काम एक महिन्यापासून रेंगाळत असल्याने ग्रामस्थांना मनस्ताप सहन करावा लागत आहे. या रस्त्याप्रश्नी ग्रामस्थ आक्रमक झाले असून, दोन्ही बाजूने रस्ताच बंद करण्यात येईल, असा इशारा ग्रामस्थांनी दिला आहे. तसेच याची गंभीर दखल ग्रामपंचायत प्रशासनाने न घेतल्यास आंदोलन करू, असा इशारा ग्रामस्थांनी दिला आहे.
ठाकरी येथील ग्रामस्थांसाठी रहदारिच्यादृष्टीने महत्वाच्या असलेल्या रस्त्याचे काम रखडल्यामुळे शाळेत, अंगणवाडीतील जाणाऱ्या विद्यार्थ्यांना व येथील ग्रामस्थांना तारेवरची कसरत करावी लागत आहे. ठाकरी ग्रामपंचायत प्रशासनाने सदर रस्त्याच्या कामाला प्रारंभ केला. पावसाळ्यात हे काम पूर्ण होणार नाही हे माहीत असूनही ग्रामपंचायत प्रशासनाने एवढी घाई करुन कामाला का सुरुवात केली? असा प्रश्न ग्रामस्थांनी कामाच्या दर्जाबाबत ग्रामस्थांकडून विचारला जात आहे. रस्त्याच्या बाजूने नाली खोदकाम करून रस्त्यावर केवळ दोन तीन ब्रास खडी आणि दोन तीन ब्रास वाळू टाकून ठेवण्यात आली आहे. नाली खोदकाम करून ठेवले असल्याने नालीची माती रोडवर पसरल्याने मोठ्या प्रमाणात या रोडवर चिखल पसरलेला  आहे या चिखलातून वाट काढण्याकरिता शालेय विद्यार्थ्यांना व ग्रामस्थांना मोठी कसरत करावी लागते आहे. गेल्या १ महिन्यापासून रस्त्याचे काम ठप्प आहे.पावसाळ्याला सुरुवात होत असताना रस्त्याचे काम सुरू केले आहे आणि पावसाळा सुरू असल्याने काम अपूर्ण राहिल्यामुळे ग्रामस्थांना पावसाळ्यात त्रास सहन करावा लागत आहे. सदर काम ठप्प का झाले असे ग्रामसेवकास ग्रामस्थांनी विचारले असता ग्रामसेवक पावसाळा आहे या रस्ता बांधकाकरीता निधी नाही तुमच्या हिशोबाने काम होईल का असे उत्तर ग्रामसेवक देत असल्याचे ग्रामस्थ सांगतात या कामाकरीता निधी नाही तर ग्रामपंचायत प्रशासनाने कामाला सुरुवात कशी काय सुरुवात केली घरचे पैसे लावुन काम करणार होते का? नाहीतर ग्रामपंचायत प्रशासनाकडून आम्हाला जाणूनबुजून त्रास देण्याकरिता कामाला सुरुवात करुन काम ठप्प केले? आम्ही काम आणले आणि कामाला सुरुवात केलेत पण पावसाळा सुरू असल्याने काम थांबले आहे हे दाखवण्यासाठी का? असे अनेक प्रश्न ग्रामस्थांकडून उपस्थित होत आहेत सरपंच, उपसरपंच राहत गावात  स्थानिक राहत नसल्याने त्यांना या अडचणी काय समजणार आहेत काय?

 सरपंच, उपसरपंच, पदाधिकारी एकदा या रस्त्याने आवागमन करून पहा तुम्हालाही समजेल चिखलातून वाट काढण्याकरिता काय त्रास होतो अशी येथील ग्रामस्थांची ओरड सुरू आहे.

प्राथमिक आरोग्य उपकेंद्रत रुग्ण जाणार तरी कसे असाही प्रश्न उपस्थित होतो आहे

गढुळ पाणी तुम्हीही प्या,पोंभुर्णा येथील संवर्ग विकास अधिकाऱ्याच्या अंगावर फेकले गढुळ पाणी

चंद्रपूर:- आम्ही पंधरा गावातील लोक जेव्हा गढूळ पाणी पीतो तेव्हा तुम्हीही प्यायला पाहिजे म्हणून पोंभुर्णा येथील संवर्ग विकास अधिकारी यांच्या अंगावर गढूळ पाणी फेकण्यात आले 
सदर आंदोलन शिवसेना जिल्हाप्रमुख संदीप गिऱ्हे यांच्या नेतृत्वाखाली करण्यात आले आहे 
 पोंभूर्णा तालूक्यातील पंधरा गावांसाठी असलेली वेळवा येथील ग्रीड पाणीपुरवठा योजना वीजबिल भरणा न केल्यामुळे मागील दीड महिन्यापासून बंद आहे १५ गावांना होणारा पाणी पुरवठा बंद असल्याने पोंभूर्णा तालुक्यातील पंधरा गावांना दुषीत पाणी प्यावे लागते, दूषित पाण्यामुळे नागरिकांचे आरोग्य धोक्यात आले असून विविध आजारांचा नागरिक सामना करावा लागतो आहे. अशास्थितीत वारंवार सूचना करूनही संबंधीत विभागाने जाणीवपूर्वक दुर्लक्ष केले. अखेर पंधरा गावातील प्रमुख नागरिकांनी युवा नेता शिवसेना जिल्हाप्रमुख संदिप गिऱ्हे यांना आपबिती सांगितली पंधरा गावातील नागरिकांना होणारा त्रास बघता शिवसेना उद्धव बाळासाहेब ठाकरे पक्षाचे जिल्हाप्रमुख संदिप गिन्हे यांनी आंदोलन पुकारले काल दि.१ जुलै गुरूवारला पोंभूर्णा पंचायत समिती समोर "घागर फोड आंदोलन" चे आयोजन करण्यात आले होते. अधिकाऱ्यांनकडून दिलेल्या उत्तराने समाधान न झाल्याने संतापलेल्या नागरिकांसह शिवसैनिकांचा ताबा सुटला कार्यालयातच घागर फोडून पोंभुर्णा येथील संवर्ग विकास अधिकाऱ्याच्या अंगावर गढुळ पाणी पाणी फेकून निषेध व्यक्त करण्यात आला.

यावेळी शिवसेना जिल्हाप्रमुख संदिप गिन्हे, शिवसेना तालुका प्रमुख आशिष कावटवार, सामाजिक कार्यकर्ते वैभव पिंपळशेंडे, शहर प्रमुख गणेश वासलवार, वेळवा सरपंच जितेंद्र मानकर, घनोटी सरपंच पवन गेडाम, आष्टा सरपंच किरण डाखरे, थेरगाव उपसरपंच वेदनाथ तोरे, रवींद्र ठेंगणे, महिला जिल्हा संघटिका कल्पना गोरघाटे, नगरसेविका रामेश्वरी वासलवार, महेश श्रीगिरीवार, बालाजी मेश्राम, सुनीता वाकुडकर, सुरेखा कुडमेथे, मंगलदास लाकडे, गोकुळ
तोडासे, किशोर वाकूडकर तसेच पोंभूर्णा तालुक्यातील अनेक शिवसैनिक, महिला आघाडी, युवासेनेच्या पदाधिकारी सरपंच, उपसरपंच, सदस्य व त्या समस्या ग्रस्त पंधरा गावातील नागरिकांची मोठ्या संख्येनी उपस्थिती होती.

गोंडपिपरी तालुक्यातील अजय कोरडे यांची पोलिस उपनिरीक्षक पदी निवड

गोंडपिपरी:-
गोंडपिपरी तालुक्यातील तेलंगणा सिमेवरिल सकमूर या छोट्याश्या गावातील अजय रमेश कोरडे यांनी नुकतेच एम.पी.एस.सी.परीक्षेत यश संपादन करीत पोलीस उपनिरीक्षक (PSI) पदासाठी पात्र झाल्याची आनंददायी बाब समोर आली आहे.गोंडपिपरी तालुक्यासाठी ही खूप अभिमानाची बाब आहे.काही दिवसांपूर्वी त्यांची जिल्हा परिषद चंद्रपूर येथे शिक्षकपदी निवड झाली होती.मात्र जिद्द,परिश्रम आणि सातत्याच्या बळावर अल्पभूधारक शेतकऱ्याच्या या पट्याने सहा महिण्यातच दूसरे घवघवीत यश मिळविले आहे.ही माहीती समजताच कामानिमित्त गोंडपिपरी तालुक्यातील मंडळी गडचांदूरला आली होती.त्यांनी  अजय कोरडे यांची प्रत्यक्ष भेट घेऊन अभिनंदन केले.यावेळी गोंडपिपरी कृषी उत्पन्न बाजार समितीचे संचालक महेंद्रसिंह चंदेल,चंद्रजित गव्हारे,संदिप पौरकार,समीर निमगडे,जेष्ठ पत्रकार बाळू निमगडे,अनिकेत दुर्गे आदिंची उपस्थिती होती.

सुरजागडचा मालवाहू ट्रक घुसला जंगलात जिवीत हाणी टळली 

अशोक वासुदेव खंडारे/ मुख्य संपादक वैनगंगा वार्ता १९

आष्टी:-
येथून जवळच असलेल्या मार्कंडा (कं) गावाजवळ सुरजागळ वरुन माल घेऊन जाणारा ट्रक चालकाचे गाडीवरील नियंत्रण सुटल्याने जंगलात घुसला मात्र जीवीत हाणी टळली आहे

सुरजागडे लोहखनिज भरून आज दि. १ आगष्ठ ला आष्टीच्या दिशेने येत असलेला मालवाहू ट्रक क्रं एम एच ४० सी टी १५८५ हा वनविभागाने लावलेल्या बॉरिकेट मुळे ट्रक चालकाचे गाडीवरील नियंत्रण सुटल्याने सदर ट्रक जंगलात घुसला प्रसंगावधान राखत चालक लागलीच ट्रक थांबवून पसार झाला अशी माहिती प्राप्त झाली आहे 
सुरजागड लोहप्रकल्प सुरू झाले तेव्हा पासून आल्लापल्ली ते आष्टी पर्यंत रोडवरील अपघाताला निमंत्रणात आणण्यासाठी सेक्युरीटी ची नियुक्ती करण्यात आली आहे व त्यांच्यावर अंकुश ठेवण्यासाठी अधिकारी वाहनाने नेहमी फिरत असतात तरीही अशा चुका होतांना दिसत आहे 
मग फिरणारे अधिकारी आपले कर्तव्य बरोबर बजावतात की फक्त रोडवरुन चारचाकी वाहनाने मजा मारतात असा प्रश्न सामान्य नागरिक चर्चेतून करीत आहेत

लोकसभेचे विरोधी पक्षनेते  खासदार राहुल गांधी यांना जात विचारणाऱ्या खासदाराचा  गडचिरोली जिल्हा कांग्रेस कडून निषेध आंदोलन 

गडचिरोली:-

लोकसभेचे विरोधी पक्ष नेते मा. खासदार राहुलजी गांधी यांनी संसदेमध्ये जातीनिहाय जनगणना झाली पाहिजे. हा मुद्दा सभापती समोर रेटून धरला आणि त्याच्याच हेतूने  खासदार अनुराग ठाकूर यांनी माननीय खासदार यांची तुमची जात काय असा प्रश्न करत आमच्या लोकप्रिय खासदार राहुलजी गांधी यांचा भर संसदेमध्ये अपमान केला. त्याच्या निषेधार्थ गडचिरोली जिल्हा काँग्रेस कमिटी तर्फे गांधी चौक येथे अनुरागजी ठाकूर यांच्या निषेधार्थजिल्हा काँग्रेस कमिटी तर्फे महाराष्ट्र प्रदेश युवक काँग्रेसचे सचिव एड. विश्वजीत मारोतराव कोवासे यांच्या नेतृत्वात आंदोलन करण्यात आले.

यावेळी  माजी आमदार आनंदराव गेडाम,  मनोहर पाटील पोरेटी माजी उपाध्यक्ष, शंकर पाटील सालोटकर, राजेश ठाकुर, पर्यावरण सेलचे जिल्हाध्यक्ष, जिल्हा युवक काँग्रेस चे अध्यक्ष नितेश राठोड, हनुमंत मडावी आदिवासी जिल्हा अध्यक्ष, जीवन पाटील नाट, गडचिरोली तालुका अध्यक्ष वसंत राऊत, चामोर्शी तालुका अध्यक्ष प्रमोद भगत, कल्पना नंदेश्वर तालुका अध्यक्षा, वामन सावसागडे सर, प्रमोद भाऊ वैद्य माजी नगराध्यक्ष, नामदेव मंडलवार अध्यक्ष रोजगार सेल, मंगला कोवे आरमोरी महिला तालुकाध्यक्ष, प्रभाकरजी वासेकर कोषाध्यक्ष,  नंदू नरोटे उपाध्यक्ष जिल्हा काँग्रेस कमिटी, घनश्याम वाढई महासचिव, रजनीकांत मोरघरे जिल्हाध्यक्ष अनुसूचित जाती विभाग, भैय्याजी मुद्दमवार पंचायत सेल, रमेश भाऊ चौधरी माजी नगरसेवक,  काँग्रेसचे ज्येष्ठ नेते हरबाजी मोरे, पुष्पलता कुमरे कार्याध्यक्ष रोजगार व स्वयंरोजगार, सुनील भाऊ डोगरा माजी शहर अध्यक्ष,  अब्दुल भाई पंजेवानी अध्यक्ष सहकार सेल, शालिकराम पात्रे आदींसह कार्यकर्ते उपस्थित होते

ताराबाईने स्वतःच्या इभ्रतीची पर्वा न करता नदीपुरात वाहून जाणाऱ्या दोघांना साडीच्या साह्याने दिले जीवदान तर एकाला जलसमाधी

शिर्डी:-
 शेतीच्या उपयोगासाठी नदीपात्रातील लावलेल्या विद्यूत मोटारी काढत असताना अचानक नदीला पूर आल्याने पुरात वाहून जाणाऱ्या दोन इसमास आपल्या इभ्रतीची पर्वा न करता ताराबाईने आपली साडी सोडून त्यांच्याकडे फेकली त्या आधारे दोघांचे प्राण वाचले तर एका तरुणाला जलसमाधी मिळाली आहे 
कोपरगाव तालुक्यातील मंजूर येथील शेतकरी गोदावरी नदीपात्रात असलेल्या आपल्या विद्युत मोटारी वरती काढत असताना पाण्याचा अचानक प्रवाह वाढल्यामुळे त्या प्रवाहात संतोष भीमाशंकर तांगतोडे ,प्रदीप भीमाशंकर तांगतोडे व अमोल भीमाशंकर तांगतोडे हे तिघे तरुण  भावंडं वाहून जात असताना शेजारी शेळ्या चारणाऱ्या ताराबाई पवार व त्यांचे पती छबुराव पवार यांनी हे दृश्य पाहिल्यानंतर स्वतःच्या जीवाची पर्वा न करता ते मदतीसाठी धावून आले. ताराबाईने प्रसंगावधान राखून आपल्या अंगावरील साडी क्षणार्धात सोडून ती बुडणाऱ्या तरुणांच्या दिशेने फेकली त्या साडीच्या साह्याने त्यातील दोन तरुणांना वाचविण्यात यश आले परंतु संतोष भीमाशंकर तांगतोडे वय वर्ष 25 या तरुणाच दुर्दैवी बुडून अंत झाला. ताराबाईच्या चेहऱ्यावरती दोघांना वाचवल्याचा आनंद ओसंडून वाहत होता मात्र  एकाला वाचू शकले नाही याचे दुःख व्यक्त करताना ती धाय मोकलून रडत होती. दोन तरुणांना जीवदान देणाऱ्या अशा या शूरवीर मातेच्या शौर्याचे कौतुक करून तिचा सामाजिक कार्यकर्ते अरुण खरात व सुनील मोकळ यांनी सत्कार केला. ताराबाई या आदिवासी महिलेची घरची परिस्थिती अत्यंत हलाखीची व बिकट असून तिला राहायला चांगल्या प्रकारे घरीसुद्धा नाही. शासनाकडून तिला आर्थिक मदत व शौर्य पुरस्कार मिळावा अशी अपेक्षा सामाजिक कार्यकर्ते अरुण खरात व सुनील मोकळ यांनी व्यक्त केली आहे

दलीत वस्तीकडे जाणाऱ्या रोडकडे फिरविली ग्रामपंचायत ने पाठ

सरपंच व उपसरपंच गाव सोडून निवासी राहतात बाहेर गावात

आष्टी:-
चामोर्शी तालुक्यातील ठाकरी गावात दलीत वस्तीकडे जाणाऱ्या रोडकडे ग्रामपंचायत प्रशासनाने पाठ फिरवल्याने चिखल तुडवीत ग्रामस्थांना आवागमण करावे लागते आहे 
ग्रामविकासाच्या बाता मारणाऱ्या सरपंच नंदा कुळसंगे व उपसरपंच विठ्ठल आचेवार हे दोन्ही गावांतील प्रमुख गावात न राहता बाहेर गावात राहून प्रशासन सांभाळीत आहेत आता सघा स्थितीला पुरामुळे गावातील शेतकऱ्यांचे व घर नुकसानीचे पंचनामे करण्याचे काम सुरू असल्याने ते गावात येत आहेत 
चपराळा कडे जाणारा मुख्य रोड पासून ठाकरी गावात जाण्यासाठी मार्ग उपलब्ध आहे मात्र त्या मार्गावर चिखलाचे साम्राज्य पसरले आहे त्याच मार्गाने ठाकरी येथील  आबालवृद्ध,नागरिकांना मार्ग क्रमण करावे लागते चिखल तुडवीत जाताना तारेवरची कसरत करावी लागते आहे  वारंवार ग्रामपंचायत प्रशासनाला सदर रोडची दुरुस्ती करावी अशी मागणी करुनही ग्रामपंचायत प्रशासन या बाबतीत उदासीन असल्याचे दिसून येते आहे त्यामुळे ठाकरी येथील जनता त्रस्त झाली आहे 
एवढ्या विकास कामाचा आव आणणारे लोकप्रतिनिधी दलीत वस्तीकडे दुर्लक्ष कसे काय करतात हा प्रश्न उपस्थित होतो आहे 
दलीत वस्तीकरीता शासनाच्या अनेक योजना ग्रामपंचायत च्या माध्यमातून राबविण्यात येत असतात परंतू ठाकरी ग्रामपंचायत याकडे दुर्लक्ष करीत असल्याचे चित्र दिसून येत आहे 
गावातील नागरिकांची ससेहोलपट केव्हा थांबणार असे विक्की आचेवार,आशिष कंचर्लावार,प्रभाकर तिरुपतीवार,संजय गोरडवार, रामदास माडेमवार,मधुकर कारकुरवार,विलास गोरडवार,मल्ला भटृटीवार, विश्वनाथ कारकुरवार,दुर्गाजी जिल्लेवार,पार्वता गोरडवार,सुनिता चिंतमवार,सुरेखा आचेवार,कमला प्यारमवार 
आदिंनी प्रसीद्धी पत्रकातून प्रश्न उपस्थित केला आहे

अतिदुर्गम भागातील मंडळ अधिकारी, तलाठ्यांची मुख्यालायाला दांडी, दाखल्यांसाठी शेतकरी , विद्यार्थी हतबल 

एटापल्लीः  अतिदुर्गम भागातील तलाठी व मंडळ अधिकारी हे मुख्यालयी उपस्थित न राहिल्याने आणि आपल्या कर्तव्याप्रती उदासीन असल्याचे चित्र आदिवासी भागात दिसून येते आहे त्यामुळे सर्वसामान्य गोरगरीब जनता, शेतकरी विद्यार्थी, मेटाकुटीला आले आहेत 
 हा प्रकार सध्या जारावंडी साजाचे तलाठी हे कार्यालयात हजर नसतात. तसेच तलाठी कार्यालयास कुलूप लावलेले असते. त्यामुळे सदर साजातील नागरिकांची प्रचंड गैरसोय होत आहे. अनेक हेलपाटे मारूनही कामे होत नसल्याने शेतकऱ्यांचे, विद्यार्थ्यांचे फार मोठे नुकसान होत आहे.

गेल्या आठवड्या पासून संपूर्ण राज्यासह जिल्ह्यात अतिवृष्टीमुळे  संपूर्ण जनजीवन विस्कळीत झाले होते नदी नल्यांना पुर आल्याने पुराचे पाणी शेतात घुसले त्यामुळे शेतातील पिके उद्ध्वस्त झाले आहेत 

दरम्यान, जिल्ह्यात अनेक ठिकाणी पूर पाहणी करिता वरिष्ठ अधिकारी ऑनफिल्ड जाऊन परिस्थितीचा आढावा घेत आहेत परंतु एटापल्ली तालुक्यातील जारावंडी साजातील तलाठी व मंडळ अधिकाऱ्यांच्या अनुपस्थितीमुळे सदर साजातील पुरपीडित शेतकरी नुकसानभरपाई पासून वंचित राहण्याच्या मार्गावर आहेत

मुलाच्या शैक्षणिक कामासाठी विविध प्रकारच्या दाखल्याची व पीक कर्जासाठी सातबारा व खातेउताऱ्यांची आवश्यकता असताना अधिकारी उपस्थित नसल्याने शेतकरी चिंताग्रस्त झाले आहेत 
सदर बाबीकडे संबंधित वरीष्ठ अधिकारी यांनी वेळीच लक्ष केंद्रित करून न्याय द्यावा अशी मागणी करण्यात आली आहे

रोपवन लागवड घोटाळ्यात चातगाव वनपरीक्षेत्र अधिकारी संजय पडवे निलंबित, मोठे मासे मोकाटच 

गडचिरोली :  गडचिरोली वनविभागात  एका रोपवन घोटाळ्यात  चातगाव वनपरीक्षेत्र अधिकारी संजय पडवे यांना निलंबित करण्यात आले आहे. संजय पडवे यांच्या गैरव्यवहाराची वरिष्ठ स्तरावर तक्रार करण्यात आली होती. चौकशीत ते दोषी आढळून आल्याने त्यांच्यावर अखेर निलंबनाची कारवाई करण्यात आली आहे 

गडचिरोली वनवृत्तातील वनविभाग गडचिरोलीअंतर्गत चातगाव वनपरिक्षेत्राचा समावेश
होतो. मार्च २०२१ ते २०२४ पर्यंत करण्यात आलेली रोपवन लागवड, हेक्टरी मोजमाप, हेक्टरी लावण्यात आलेली झाडे आणि जगविलेली झाडे, प्रत्यक्ष लागवड न करता पैशाची उचल करणे असे अनेक आरोप ठेवत भारतीय जनसंसदचे गडचिरोली जिल्हाध्यक्ष, विजय खरवडे यांनी तक्रार केली होती.

प्रत्येक कामावर लावलेल्या मजुरांचे व्हाऊचर, मजुरांच्या सह्यांची खात्री करणे, मोजमाप पुस्तिका, प्रत्येक मजुराची प्रत्येक कामावरील बँक खाते पुस्तिका तपासून घेतल्यास हा घोळ स्पष्टपणे दिसणार असल्याचे त्यांनी वनमंत्री, वन सचिवांकडे केलेल्या तक्रारीत म्हटले होते. याशिवाय साहित्य खरेदी मधील कोटेशन, जीएसटीची बिले तपासण्याची मागणी केली होती.

वनपरिक्षेत्राधिकाऱ्यांच्या निर्देशावरून वनरक्षक, वनपालांनी अनेक कामांवर अनेक बोगस मजूर दाखवून शासकीय निधी हडप केला असल्याची चर्चा होती. या शिवाय चातगाव वनपरिक्षेत्रात अतिक्रमण, अवैध उत्खनन, वृक्षतोडही झाल्याचा संशय होता.

संजय पडवे यांनी वनपालामार्फत आपल्याला लाच देण्याचा प्रयत्न केल्याचा आरोप करत त्यांच्यावर नियमानुसार कारवाई करावी, अशीही मागणी खरवडे यांनी केली होती. दरम्यान मुख्य वनसंरक्षक एस. रमेशकुमार यांनी या तक्रारीची वरिष्ठ अधिकाऱ्यामार्फत चौकशी केली. त्यात पडवे दोषी आढळले. प्रधान सचिवांच्या निर्देशानुसार निलंबनाची कारवाई केल्याचे रमेशकुमार यांनी सांगितले.

घोटाळ्यांच्या आरोपांनी वनविभाग चर्चेत.

जिल्ह्यात असलेले ७५ टक्के वनक्षेत्र यामुळे वनविभागाची मोठ्या प्रमाणात कामे इथे सुरु
असतात. मधल्या काळात वन्यप्राण्यांचे हल्ले वाढले. त्यासाठी सुद्धा विशेष निधी देण्यात येतो. परंतु यात मोठ्या प्रमाणात घोळ होत असल्याचे दिसून येत आहे. काही महिन्यांपूर्वी श्यामाप्रसाद मुखर्जी योजना, रस्ते बांधकाम, साहित्य वाटप सारख्या प्रकरणात अनेक तक्रारी झाल्या होत्या.

काही अधिकाऱ्यांनी तर चक्क वनविभागाची जमीन विक्री करण्याचा प्रयत्न केला होता. त्यामुळे केवळ वनपरीक्षेत्र अधिकाऱ्यांवर कारवाई केल्याने हा प्रश्न सुटणार नसून वरिष्ठ अधिकाऱ्यांची देखील सखोल चौकशी झाली पाहिजे, अशी मागणी सामाजिक कार्यकर्त्यांनी केली आहे.

खा. प्रतीभा धानोरकर यांनी केंद्रीय गृहमंत्री अमित शहा यांची भेट घेऊन मांडली चंद्रपुरात गुन्हेगारी वाढल्याची समस्या 

चंद्रपूर:- खा.प्रतिभा धानोरकर यांनी केंद्रीय गृहमंत्री अमित शहा यांची भेट घेऊन चंद्रपूर जिल्ह्यात होत असलेली गुन्हेगारी याला वेळीच आळा घालावा अशी मागणी केली आहे 
 चंद्रपूर लोकसभा क्षेत्रातील जंगलराज संपुष्टात यावे, अवैध धंद्यांमुळे वाढणारा अग्नीशंस्त्रांचा वापर यावर नियंत्रण करण्यासाठी ठोस उपाययोजना करण्याच्या मागणीसाठी तसेच चंद्रपूर लोकसभा क्षेत्रातील वाढत्या गुन्हेगारी वर चर्चा करण्यासंदर्भात खासदार प्रतिभा धानोरकर यांनी गृहमंत्री अमित शाहा यांची भेट घेतली. वारंवार होणाऱ्या गोळीबारीच्या घटना व निरपराध नागरीकांचे गेलेले जीव यावर देखील खासदार धानोरकर यांनी चर्चा केली आहे. जिल्ह्यातील गुन्हेगारीवर आळा घालण्यात राज्य सरकार अपयशी ठरले आहेत तेव्हा महाराष्ट्र राज्य सरकारला वाढत्या गुन्हेगारीला आळा घालण्यासाठी आदेश द्यावे, अशी विनंती देखील यावेळी खासदार प्रतिभा धानोरकर यांनी केली आहे

भामरागड तालुक्यात पुन्हा एका इसमाची नक्षल्यांकडून हत्या

मृतदेहावर टाकलेल्या चिट्ठीत पीपल्स लिब्रेशन गुरीला आर्मीने घेतली जबाबदारी

भामरागड; (गडचिरोली)

 गडचिरोली जिल्ह्यात नक्षलवाद्याची पुन्हा उच्छाद माडल्याचे चित्र दिसून येत आहे भामरागड तालुक्यातील मिरगुडवंचा येथील लालू मालू दुर्वा, (४०वर्ष) या व्यक्तीची पोलीस खबरी असल्याचा संशयावरून हत्या केली आहे. सदरची हत्या तो पोलीस खबरी असल्यामुळे केल्याचे मृतदेहावर ठेवलेल्या हस्तलिखित चिट्ठीत पीपल्स लिब्रेशन गुरीला आर्मी या संघटनेचे केल्याचे नमूद केले आहे सदरची हत्या नक्षल्यांकडून २८ जुलै ते ०३ ऑगस्ट नक्षल चळवळीचा स्थापना दिन प्रित्यर्थ पाळला जाणाऱ्या शहीद सप्ताह दरम्यान घडल्याने सर्वत्र दहशत पसरली आहे. शहीद सप्ताहाच्या सुरू होण्यापूर्वी (ता.२५ जुलै) गेल्या गुरुवारी भामरागड तालुक्यातीलच आरेवाडा येथील जयराम कोमटी गावडे (३८वर्ष) या आत्मसमर्पिताची बंदुकीच्या गोळ्या घालून हत्या करण्यात आली होती, त्यानंतर पाच दिवसांचा फरकानेच लालू दुर्वा या एका पोलिस कर्मचाऱ्याच्या नातेवाहिकांची नक्षल्यांनी हत्या केल्याचे (ता. ३१ जुलै) बुधवारी पहाटेच्या सुमारास उघडकीस आले आहे.

लालू मालू दुर्वा यांची (ता. ३० जुलै) मंगळवारी मध्यरात्रीच्या सुमारास त्याच्या राहते घरी नक्षल्यांनी लालूची हत्या केली असून मृतदेहावर एक हस्तलिखित चिट्ठी टाकण्यात आली आहे. चिट्ठीत लालू धुर्वा हा पोलिसांचा खबरी होता, त्याने अनेकदा नक्षल चळवळीच्या हालचालींची माहिती पोलिसांना दिली आहे, एकदा त्याने दिलेल्या माहितीवरून आम्हाला आमचा कॅम्प खाली करून पळून जावे लागल्याचेही चिट्ठीत नमूद केले आहे. त्यामुळे एरिया दलमने सभा घेऊन लालू याला तंबी देण्यात आली होती, त्यानंतर तो दोन वर्षे पोलिसांच्या मदतीने गावातून फरार होता, मात्र आमच्या दलमची त्याच्यावर पाळत होती, तो गावात परत आल्याने त्याची पीएलजीए (पीपल्स लिब्रेशन गुरीला आर्मी,) या नक्षल संघटनेने नागरिकांच्यावतीने हत्या केल्याचे नक्षल्यांनी मृतदेहावर ठेवलेल्या माडिया भाषेतील हस्तलिखित चिठ्ठीतून म्हटले आहे. शेवटी चिट्ठीत भामरागड एरिया कमिटी असा उल्लेख करण्यात आला आहे.

घटनेच्या माहितीवरून पोलिसांनी पंचनामा करून मृतदेह उत्तरीय तपासणीसाठी ग्रामीण रुग्णालयात पाठविला असून घटनेचा पुढील तपास भामरागड पोलिसांकडून केला जात आहे. जिल्हा पोलिसांकडून नक्षल विरोधी शोध मोहीम तीव्र करण्यात आल्याची माहिती पोलीस अधीक्षक निलोत्पल यांनी दिली आहे

पुराच्या पाण्यात ट्रॉक्टरची झाली आंघोळ 

अशोक वासुदेव खंडारे/मुख्य संपादक 
लगाम:-
रोवणी करीता चिखल करीत असलेल्या ट्रॉक्टरची पुराच्या पाण्यामुळे आंघोळ झाल्याची घटना काल दि.२९ जुलै ला मरपली येथे घडली 
सविस्तर असे की, सुखदेव अलोणे रा मरपली यांच्या शेतात रोवणीचे चिखलटीचे कामाकरीता ट्रॉक्टर लावण्यात आली होती चिखल करीत असताना अचानक ट्रॉक्टर शेतीमध्ये फसली तेव्हा शर्तीचे प्रयत्न करुनही ती निघाली नाही काही वेळातच नदीच्या पुराचे पाणी शेतात घुसले व ट्रॉक्टर पुर्णतः पाण्यात बुडाले सदर ट्रॉक्टर सुनील मोतीराम नैताम रा.मच्छीगट्टा ता.मुलचेरा यांच्या मालकीचे असल्याचे वृत आहे 
पुराचे पाणी कमी झाल्या नंतर ट्रॉक्टर ला बाहेर काढले जाईल असे प्रत्यक्षदर्शी ने कळविले आहे मात्र अजुनही ट्रॉक्टर शेतीमध्ये फसली आहे

महाराष्ट्रातील जातनिहाय जनगणना करावी या मागणीसाठी खा. प्रतीभा धानोरकरांनी घेतली राष्ट्रपतींची भेट.

प्रवीण तीवाडे /कार्यकारी संपादक वैनगंगा वार्ता १९

चंद्रपूर:-
महाराष्ट्रात मराठा समाज मनोज जरांगे याचे नेतृत्वात आरक्षणाच्या मागणीसाठी आदोंलन करित असताना खासदार प्रतिभा धानोरकर यांनी शुक्रवारी राष्ट्रपती भवनात मा. राष्ट्रपती द्रौपदी मुर्मु यांची भेट घेत जातीनिहाय जनगणेची मागणी केली. विविध जातीचा आरक्षणासाठी लढा सुरु असुन अनेक आदोंलने महाराष्ट्रात सुरु आहेत.मनोज जरांगे यांच्या नेतृत्वात मराठा समाजाचे आरक्षणासाठी आदोंलन सुरु आहे. या आदोंलनाचा तिढा अद्यापही राज्य शासन सोडवु शकले नाही. अनेक आदोंलनकर्त्यानी आरक्षणासाठी प्राण देखिल गमावले. मागिल १४ वर्षापासून अदयापही केंद्र सरकारने जातनिहाय जनगणना केली नाही. 

यामुळे सरकारकडे कुठलीही आकडेवारी उपलब्ध नाही. या पार्शभूमीवर खासदार प्रतिभा धानोरकर यांनी राष्ट्रपती र्द्रोपदी मुर्मु यांची भेट घेत, महाराष्ट्रातील तिढा सोडविण्याची मागणी या वेळी केली.राज्यातील आरक्षणाचा तिढा सोडविण्यासाठी राज्य सरकार कढुन केंद्र सरकारने अहवाल मागवुन जातनिहाय जनगणना करुन ५० टक्के अरक्षणाची मर्यादा वाढवावी अशी मागणी देखील यावेळी करण्यात आली. 

या संदर्भात राष्ट्रपती यांनी सकारात्मक चर्चा होवुन भविष्यात या मध्ये सरकारला मार्ग काढण्याचा प्रयत्न करण्याच्या सुचना करणार असल्याचे सांगितले. यावेळी खासदार,प्रतिभा धानोरकर यांच्या सोबत खासदार वंसतराव चव्हाण, खासदार नागेश पाटील,खासदार संजय जाधव याची देखिल उपस्थिती होती.

महाराष्ट्र सरकार राज्यातील 18 ओबीसी जातींना केंद्रीय सूचिमध्ये समावेश करणार काय?

उपसंपादक प्रमोद झरकर वैनगंगा वार्ता १९

चंद्रपूर : महाराष्ट्र सरकारने राज्यातील 18 ओबीसी जातींना केंद्रीय सूचिमध्ये समावेश करण्यास केलेल्या शिफारसींवर शुक्रवारी,२६ जुलै रोजी राष्ट्रीय ओबीसी आयोगाचे अध्यक्ष हंसराज अहीर यांच्या अध्यक्षतेखाली आयोगाने जनसुनावणी घेत अहवालातील त्रुटींची पुर्तता झाल्यानंतर या सर्व जातींना केंद्रीय सुचीमध्ये समाविष्ट केले जाईल अशी ग्वाही जनसुनावणीस उपस्थित समाजबांधवांना दिली.

मुंबई येथील सह्याद्री अतिथीगृहात पार पडलेल्या केंद्रीय ओबीसी आयोगाच्या या जनसुनावणीला विभागाचे प्रधान सचिव, सचिव, राज्य मागासवर्गीय आयोगाचे सचिव, केंद्रीय आयोगाचे सदस्य कमल भुषण, सचिव, सल्लागार व राज्याचे वरीष्ठ अधिकारी यांचेसह १६ जातींचे प्रतिनिधी उपस्थित होते.

जनसुनावणीमध्ये आयोगाचे राष्ट्रीय अध्यक्ष हंसराज अहीर यांनी उपस्थित सचिव व संबंधित अधिकाऱ्यांना अहवाल व प्रस्तावातील त्रुटींची पुर्तता करून उर्वरीत माहिती आयोगास लवकरच सादर करावी असे निर्देश दिले. या जनसुनावणीला उपस्थित असलेल्या विविध जातींच्या प्रतिनिधींशी वार्तालाप करून निर्देशानुसार आवश्यक त्रुटींची पुर्तता केल्यानंतर व विषयानुशंगाने काटेकोर माहिती असलेला अहवाल प्राप्त झाल्यानंतर घटनात्मक बाबी तपासुन या सर्व १८ जातींचा समावेश केंद्रीय सूचिमध्ये करण्याची तातडीने कार्यवाही केली जाईल.असे आश्वासन हंसराज अहीर यांनी यावेळी दिले.

 १८ जातींचा समावेश शक्य : - 

महाराष्ट्रातील लोध,लोधा,लोधी, बडगुजर,वीरशैव लिंगायत, सलमानी,सैन,किराड,भोयर पवार,सुर्यवंशी गुजर, बेलदार, झाडे,झाडे कुणबी,डांगरी,कलवार,निषाद मल्ला, कुलवंतवाणी,कराडी, शेंगर, नेवेवाणी, कानोडी, कानडी या जाती समूहाचा राष्ट्रीय मागासवर्ग यादीत समावेश करण्याबाबत राष्ट्रीय मागासवर्ग आयोग,नवी दिल्ली यांच्याकडे निवेदने प्राप्त झालेली आहेत. 

या जातींचा ओबीसी मध्ये समावेश करण्याबाबत नुकतीच मुंबई येथे बैठक पार पडली आहे.विशेष म्हणजे ही बैठक अतिशय सकारात्मक पद्धतीने पार पडल्याचे सूत्रांनी सांगितले.

 घन कचऱ्याचे साम्राज्याने अंगणवाडीतील  बालकांचे दुर्गंधीने आरोग्य धोक्यात 

आष्टी :  चामोर्शी तालुक्यातील अनखोडा येथील वार्ड क्रमांक तीन मधील अंगणवाडी केंद्राजवळ धन कचरा बऱ्याच दिवसांपासून जमा असल्याने त्या दुर्गंधीने बालकांचे आरोग्य धोक्यात आले आहे 
 सदर अंगणवाडी जवळ प्लॅस्टिकसह अन्य टाकाऊ वस्तू मोठ्या प्रमाणावर येथीलच काही ग्रामस्थ  पाच सहा वर्षांपासून केरकचरा आणून टाकीत असल्याचे बोलल्या जात आहे. पण स्थानिक ग्रामपंचायत प्रशासनाला याबाबतीत माहिती देऊनही कचरा टाकणे बंद केले नाही आणि उपाय म्हणून या ठिकाणी कचराकुंडी लावली नाही त्यामुळे या ठिकाणी पावसाचे दिवस असल्याने दुर्गंधी पसरली आहे. ग्रामपंचायते पदाधिकारी गावातच राहतात परंतु या गंभीर बाबीकडे संबंधित प्रशासनाचे दुर्लक्ष होत असल्याने नागरिकांचे आरोग्य धोक्यात आले आहे.
अनखोडा गावातील वार्ड क्रमांक दोन मधील कचऱ्याच्या ढिगाऱ्यासमोर प्राथमिक आरोग्य उपकेंद्र आहे. व दोन्ही बाजूला सांडपाणी वाहून जाण्यासाठी नाली बांधकाम केले आहे. परंतु या ठिकाणी कचराकुंडी नसल्याने प्लॅस्टिकसह अन्य टाकाऊ वस्तू बिनधास्तपणे या ठिकाणी फेकल्या जातात. त्यामुळे नाल्याची वहनक्षमता कमी झाली असून, वाढत्या कचऱ्यामुळे नागरिकांना दुर्गंधीचा त्रास सहन करावा लागत आहे. या गंभीर बाबीकडे संबंधित ग्रामपंचायत प्रशासनाचे दुर्लक्ष  होत आहे. या दुर्गंधीमुळे नागरिकांच्या आरोग्याला मोठी हानी पोहचण्याची शक्यता आहे. वास्तविक पाहता नाल्याची स्वच्छता करण्याची जबाबदारी ग्रामपंचायत स्वच्छता विभागाची आहे. अनेक दिवसांपासून या नाल्यातील प्लॅस्टिकच्या वस्तूंची विल्हेवाट लावण्याची आवश्यकता असताना कोणीही याकडे लक्ष देत नसल्याचे स्थानिकांचे म्हणणे आहे.
 या ढिगाऱ्याच्या शेजारी मोठ्या प्रमाणात लोकवस्ती आहे स्थानिक नागरिक प्लॅस्टिक व टाकाऊ वस्तू या नाल्यांमध्ये फेकत असतात. त्यामुळे परिसरात दुर्गंधी पसरली आहे.
नालीमध्ये साचलेल्या कचऱ्यामुळे आणि निर्माण होणाऱ्या दुर्गंधीमुळे नागरिकांना साथीच्या आजारांची भीती सतावत आहे. या साचलेल्या कचऱ्याची विल्हेवाट लावून लवकरात लवकर परिसरातील दुर्गंधी नष्ट करायला पाहिजे होती मात्र अद्याप ग्रामपंचायत प्रशासन याकडे दुर्लक्ष करीत असल्याचे नागरिक चर्चेतून बोलत आहेत. त्यामुळे लवकरात लवकर या कचऱ्याच्या समस्येवर ग्रामपंचायत प्रशासनाने तोडगा काढावा, अशी मागणी येथील स्थानिकांनी केली आहे. 

नाल्यात नागरिकांकडून सर्रास कचरा टाकला जातो. या ठिकाणी कचराकुंडी लावावी व कचरा टाकणाऱ्यांवर कारवाई करावी.
- संतोष तिमाडे, नागरीक

या ठिकाणी कचराकुंडी नसल्याने कचरा नालीत अडकून बसला असून, त्यामुळे पाणी तुंबत आहे. या पाण्यामुळे परिसरात दुर्गंधी परसली आहे. पावसाचे पाणी वाहून जाऊ न शकल्यास ते परिसरातील नागरिकांच्या घरात शिरण्याचाही धोका आहे. स्थानिक प्रशासनाने याची दखल घेऊन नाल्यातील कचरा काढून नाला साफ करण्याची गरज आहे.
- वाकुडकर, नागरिक

एका अपघातात जखमी तरुणीचे देवदूत ठरले डॉ.लाडे

बोंडगावदेवी :
अज्ञात ट्रकच्या धडकेत गंभीर जखमी झालेल्या तरुणीला देवदूता प्रमाने डॉ. भारत लाडे धाउन आले असेच म्हणावे लागेल डॉ लाडे यांनी वेळीच रुग्णालयात दाखल केल्याने  अपघातात जखमी तरुणीचे प्राण वाचले आहे 
 ही घटना मंगळवारी दुपारच्या सुमारास गोंदिया - कोहमारा मार्गावर घडली. स्नेहा पारधी रा. गणखैरा ही काही कामानिमित्त जात असताना एका अज्ञात ट्रकच्या धडकेत गंभीर जखमी होऊन रोडलगत निपचीत झालेल्या  स्थीतीत पडून होती 
डॉ. भारत लाडे हे मंगळवारी दुपारी अर्जुनी मोरगाववरून त्यांच्या वाहनाने गोंदियाकडे येत होते. दरम्यान, कारंजा जवळ एका ट्रकने दुचाकीला धडक दिल्याने तरुणी गंभीर जखमी झाली. डॉ. लाडे यांनी त्यांच्या सहकाऱ्यांच्या मदतीने तिला वेळीच स्वतःच्या वाहनाने गोंदिया येथील एका खासगी रुग्णालयात दाखल केले. त्यामुळे त्या जखमी तरुणीचे प्राण वाचले.

तरुणीचे वडील उमेश पारधी यांनी
डॉ. लाडे यांचे आभार मानले. विशेष म्हणजे याच मार्गावरून
एक पोलिस वाहन व रुग्णवाहिका गेली. पण, त्यांनी त्या अपघातग्रस्त तरुणीला मदत करने टाळले. रस्त्यात कुणाचा अपघात झाल्यास जखमींना त्वरित रुग्णालयात दाखल करावे, असे आवाहन लाडे यांनी केले आहे.

अतिवृष्टीमुळे कोसळले घर, जीवीत हाणी टळली 

प्रवीण तिवाडे/कार्यकारी संपादक वैनगंगा वार्ता १९

गडचिरोली:-
तालुक्यातील काटली येथील अतिवृष्टीमुळे अशोक वासुदेव खंडारे यांचे घर कोसल्याची घटना २४ जुलै च्या रात्री घडली आहे 
सुदैवाने त्यांची आई बाहेरगावी गेली असल्याने जीवीत हाणी टळली 
गडचिरोली जिल्ह्यात आठ दिवसांपासून ढगफुटी झाली असल्याचे चित्र दिसून येते आहे संततधार पावसामुळे घराच्या भिंतीवर पावसाचे पाणी पडून पुर्णतः ओलीचिंब झाल्याने रात्रीच्या सुमारास भिंत कोसळली व पुर्णपणे घर कोसळले त्यामुळे हजारो रुपयांचे नुकसान झाले आहे 
त्याच बरोबर अरुण मुनघाटे व रामदास पाल यांचेही घर कोसळले आहेत त्यांचे सुद्धा खूप नुकसान झाले आहे 
त्याचप्रमाणे अतिवृष्टी व सरोवरांचे पाणी सोडण्यात आले असल्याने शेतशिवारात पाणीच -पाणी साठून आहे त्या पाण्याचा निचरा होण्यास विलंब होत आहे त्यामुळे धानपीकिचे मोठे नुकसान होत आहे 
तरी शासनाने अतिवृष्टीमुळे घरे कोसळले, शेतीतील धानपीकाचे पंचनामे करून नुकसान भरपाई द्यावी अशी मागणी ग्रामस्था कडून करण्यात येत आहे

निवृत्त शिक्षकांची भरती करने म्हणजे सुशिक्षित बेरोजगारांवर अन्याय, आदिवासी विकास परीषद व आजाद समाजवादी पार्टी  आक्रमक

आदिवासी विकास परिषद व एएसपी कडून मुख्यमंत्र्यांना निवेदन.

कुरखेडा:-

    'पेसा क्षेत्रातील रिक्त शिक्षकांच्या पदावर सेवानिवृत्त शिक्षकांना घेण्याच्या' शालेय शिक्षण विभागाच्या वतीने 15 जुलै 2024 रोजी काढलेल्या आदेशाला विरोध करत आजाद समाज पार्टी ने  18 जुलै रोजी प्रशासनाला निवेदन देऊन सुशिक्षित बेरोजगारांना या भरतीत संधी द्यावी अशी मागणी केली होती.
   या मागणीचा कोणताही पाठपुरावा न करता 22 जुलै 2024 रोजी मुख्य कार्यकारी अधिकारीने निवृत्त शिक्षकांना आवेदन करण्यासाठी पत्रक काढले. जिल्ह्यातील सुशिक्षित बेरोजगारांची ही अवहेलना असून, 30-40 हजाराची पेन्शन घेणाऱ्यांना शिक्षक पदावर घेणे म्हणजे बेरोजगारीला वाढविण्याचे धोरण आहे असा आरोप करत आजाद समाज पार्टी व आदिवासी विकास परिषद आक्रमक झाली असून जिल्ह्यातील विविध तालुक्यात तहसीलदार मार्फत मुख्यमंत्रीना निवेदन देऊन सेवानिवृत्त शिक्षकांना पदावर न घेता बेरोजगार डीएड, बिएड, एमएड झालेल्या तरुणांना संधी देण्यात यावी.अशी मागणी केली. जर 30 जुलै पर्यंत सदर निर्णय मागे न घेतल्यास तीव्र आंदोलन करण्यात येईल असा इशारा देण्यात आला.

यावेळी कुरखेडा येथे निवेदन देताना आजाद समाज पार्टी तालुकाध्यक्ष सावन चिकराम,  सचिन गेडाम, व आदिवासी विकास परिषद तालुकाध्यक्ष अंकुश कोकोडे, प्रवेश सहारे, रवींद्र कुमरे , भूपाल सयाम, शिवम जुमनाके, रामेश्वर राऊत, महेंद्र मडावी, विकास कुळमेथे , राजेश्वर राऊत, श्याम कुळमेथे आदी पदाधिकारी व कार्यकर्ते उपस्थित होते.

नागराज व्हनवटे यांच्या प्रयत्नातून कलावंतांच्या मानधनात वाढ

पुणे :राज्यातील वृद्ध कलावंताना देण्यात येणाऱ्या मानधनात नुकतीच राज्य सरकारने वाढ केली आहे. राज्यातील वृद्ध कलावंताना देण्यात येणाऱ्या मानधनात वाढ करण्यात यावी ही मागणी मूळचे सलगर खुर्द ता.मंगळवेढा येथील रहिवाशी असलेले व सध्या पुणे येथे वास्तव्य करून असलेले सामाजिक कार्यकर्ते नागराज व्हनवटे यांनी गेल्या अनेक  दिवसापासून सरकार दरबारात ही मागणी लावून धरली होती.पूर्वी या योजनेतून अ वर्ग कलावंतास 3150 रुपये, ब  वर्ग कलावंतास 2700 रुपये व क वर्ग कलावंतास 2250 रुपये मानधन मिळत होते. आता सुधारित शासन निर्णयानुसार या मानधनात वाढ करण्यात आली असून सर्वच वृद्ध कलावंताना सरसकट 5000 रुपये मानधन मिळणार आहे.गेल्या दहा वर्षांपासून व्हनवटे हे सामाजिक क्षेत्रात कार्यरत असून त्यांच्या प्रयत्नांना मिळालेल्या यशाबद्दल समाजातील विविध स्तरातून त्यांचे अभिनंदन केले जात आहे.

वृद्ध, महिला, दिव्यांग कलावंत ज्यामध्ये मृदुंगवादक, टाळकरी, कीर्तनकार, ढोलकी वादक, जागरण गोंधळी, साहित्यिक इत्यादी प्रकारचे कलावंत म्हणून ओळख असलेल्या 55 वर्षांपुढील लाभार्थ्यांना दरमहा मानधन दिले जाते. 

या योजनेच्या लाभासाठी तालुका स्तरावर पंचायत समिती  मार्फत प्रस्ताव स्वीकारले जातात. विहीत नमुन्यातील अर्ज, वयाचा दाखला, कलावंत म्हणून काम केल्याचे काही पुरावे, कात्रणे, तसेच आमदार, खासदार, पालकमंत्री यांच्यापैकी एकाची शिफारस असलेले पत्र प्रस्तावासोबत जोडणे आवश्यक आहे. 

अशा प्रकारे सर्व कागदपत्रांची जुळवाजुळव करून कलावंतांनी त्या त्या पंचायत समितीत प्रस्ताव सादर करून या योजनेचा लाभ घ्यावा असे आवाहन  नागराज व्हनवटे यांनी केले आहे.

मुलीने प्रेमविवाह केल्याने संतप्त वडीलाने जावयाला चाकुने भोकसले 

छत्रपती संभाजीनगर:-   मुलीने प्रेमविवाह केला म्हणून संतप्त वडीलाने जावयाला चाकुने भोकसून यमसदनी पाठवले असल्याची संतापजनक घटना छत्रपती संभाजीनगर शहरातील इंदिरानगरमध्ये  घडली आहे. लग्ना नंतर केवळ तीनच महिन्यात सासऱ्याने जावयाचा काटा काढला  या प्रकरणी मुलीचे वडील आरोपी गीताराम किर्तीशाही आणि मुलीचा चुलत भाऊ आप्पासाहेब किर्तीशाही यांच्यावर गुन्हा दाखल करण्यात आला असून सध्या दोघेही फरार आहेत.

पोलिसांनी दिलेल्या माहितीनुसार, मृत अमित साळुंखे याचे त्याच्या बाल मैत्रिणी सोबत प्रेमसंबंध होते. मात्र दोघांचा धर्म वेग - वेगळा असल्याने दोघांच्याही घरच्यांकडून या लग्नाला विरोध होता. मात्र घरच्यांच्या विरोधाला डावलून अमित व विद्या यांनी एप्रिल महिन्यात पळून जाऊन लग्न केले. काही दिवसांनी अमितच्या कुटुंबीयांनी दोघांना स्वीकारल्याने 2 मे रोजी ते घरी परतले. मात्र, विद्याच्या कुटुंबातील सदस्यांनी दोघांनाही स्वीकारले नव्हते. याउलट विद्याचे वडील आणि चुलत भाऊ अमितला जीवे मारण्याची धमकी नेहमीच देत होते.

शेवटी 14 जुलै रोजी विद्याचे वडील आणि चुलत भावाने संभाजी नगरच्या इंदिरानगरमध्ये दोघांनी आंतरजातीय प्रेमविवाह केल्याच्या रागातून अमितवर चाकूने गंभीर वार करून हत्येचा प्रयत्न केला. या घटनेत अमित गंभीर रित्या जखमी झाला होता. त्याच्या पोटात व छातीत खोलवर वार झाल्याने गंभीर अवस्थेत त्याला घाटी रुग्णालयाच्या अतिदक्षता विभागात दाखल करण्यात आले. मात्र, 12 दिवसानंतर अमितशी मृत्यूशी सुरू असलेली झुंज संपली व गुरुवारलाइ उपचारादरम्यान अमितचा मृत्यू झाला. या प्रकरणी पोलिसात गुन्हा देखील दाखल करण्यात आला असून पोलीस आरोपींचा शोध घेत आहेत

प्रेमात अखंड बुडालेल्या तरुणीवर केला वर्षभर अत्याचार,लग्नाची गळ घालताच प्रियकर झाला पसार

आरमोरी:-
गडचिरोली जिल्ह्यातील आरमोरी तालुक्यातील एका तरुणाने प्रेमात अखंड बुडालेल्या तरुणावर वर्षभर अत्याचार तर केलाच परंतू तरुणीने लग्नाची गळ घालताच प्रियकर मात्र पसार झाला आहे 
. हा प्रकार मागील दीड वर्षांपासून सुरू असल्याचे उघड झाले आहे. जेव्हा या तरुणाने लग्नाला नकार दिला. तेव्हा या पीडित तरुणीने आरमोरी पोलिस ठाण्यात आरोपीविरोधात तक्रार दाखल केली असून, आरोपी फरार आहे. शुभम बबन सोरते (वय 27, रा. आरमोरी-बर्डी) असे फरार आरोपीचे नाव आहे.पोलिसांनी दिलेल्या माहितीनुसार, आरोपी शुभमची मागील दीड वर्षांपूर्वी सोशल मीडियाच्या इन्स्टाग्राम, फेसबुक) माध्यमातून गडचिरोली जिल्ह्याला लागून असलेल्या जिल्ह्यातील एका तालुक्यातील 21 वर्षीय तरुणीशी ओळख झाली. ओळखीचे रुपांतर मैत्रीमध्ये होऊन नंतर प्रेम जुळले.

यातूनच त्यांच्यात सातत्याने शारीरिक संबंध प्रस्थापित झाले. गुन्हा दाखल झालेल्या व्यक्तीची 2023 मध्ये सोशल मीडियाच्या माध्यमातून ओळख झाली होती. 2023 पासून ते मे 2024 पर्यंत सुरू असलेल्या प्रेमादरम्यान त्यांनी वेळोवेळी शारीरिक संबंध प्रस्थापित केले होते. तत्पूर्वी या दोघांनी प्रेमाच्या व लग्नाच्या आणा भाकासुद्धा घेतल्या होत्या मे 2024 नंतर सदर तरुणी ही 21 वर्षांची होताच फिर्यादी तरुणीने लग्न करण्यासाठी शुभम सोरते याच्याकडे आग्रह धरला. मात्र, शुभमने लग्नाला स्पष्टपणे नकार दिला. सदर तरुणीने दोनदा तडजोडीअंती दोन्ही घरच्यांच्या मंडळींची सभा बोलावली मात्र निष्पन्न निघण्यासाठी तरुणाने बेजबाबदारपणा दाखविला त्यामुळे तळजोळ होऊ शकली नाही 
तेव्हा वैतागून सदर पिडीत तरुणीने पोलीस स्टेशन गाठले.

चक्क खाटेची कावड करून मुलाची चिखलातून 18 कि.मी. पायपीट

 भामरागड तालुक्यातील दुर्गम भागातील वास्तव 

 भामरागड : - चक्क खाटेची कावड करून आपल्या वडीलास १८ की.मी. पायदळ जाऊन  भामरागडच्या रुग्णालयात उपचार केले व पुन्हा त्याच पद्धतीने घरी सुद्धा पोहचविले हे आहे भामरागड तालुक्यातील वास्तव मात्र लोकप्रतिनिधीचे या बाबीकडे दुर्लक्ष होत आहे 
 शेतशिवारात शेतीचे काम करीत असताना घसरून पडल्याने जखमी झालेल्या पित्याला दवाखान्यात नेण्यासाठी कसल्याही प्रकारची सोय व वाहन उपलब्ध होत नसल्याने मुलाने मित्रांच्या मदतीने खाटेची कावड करुन चिखलात तब्बल 18 कि.मी. पायपीट केली. वाटेत नदी तुडूंब भरलेली होती, पण पितृ प्रेमही ओसंडून वाहत होते, त्यामुळे नावेतून नदी पार केल्यानंतर रुग्णालयात दाखल केले.

मालू केये मज्जी वय, 67 वर्ष, रा. भटपार ता. भामरागड जिल्हा, गडचिरोली असे जखमी पित्याचे नाव आहे.

जिल्ह्यात आठ दिवसांपासून अतिवृष्टी सुरु आहे. त्याचा सर्वाधिक फटका भामरागड या नक्षलग्रस्त व अतिदुर्गम भागाला बसला. पर्लकोटा नदीवरील पुलावरुन पाणी वाहत असल्याने अद्यापही भामरागड शहराचा संपर्क तुटलेलाच आहे 

पुसु मालू मज्जी व त्याचे मीत्र कावड घेऊन जातिअसतांना पामुलगौतम नदी तुडूंब भरुन वाहत होती, पण पुसू मालू मज्जी व त्याच्या मित्रांनी हिंमत न हारता नावेत खाट टाकून नदी पार केली. तेथून पुन्हा खाटेवरुनच त्यांनी मालू  मज्जी यांना भामरागडच्या ग्रामीण रुग्णालयात नेले. तेथे डॉक्टरांनी तपासणी केली, त्यानंतर एक्सरे काढला. यात त्यांचा पाय फ्रैक्चर असल्याचे निदान झाले. या प्रसंगानंतर पुत्रप्रेमाची तर चर्चा झालीच, पण अतिदुर्गम भागात पुरामुळे रुग्णांचे कसे हाल होत आहेत, हे देखील वास्तव यामुळे चव्हाट्यावर आले आहे या परिसरात विकासाचे आव आणणारे लोकप्रतिनिधी झोपेचे सोंग घेऊन आहेत काय असा प्रश्न उपस्थित होतो आहे  दुर्गम भागातील आदिवासींचे प्रचंड हाल होताना दिसून येत आहेत

मालू मज्जी यांच्या पायावर शस्त्रक्रिया करण्यासाठी डॉक्टरांनी जिल्हा रुग्णालयात जाण्याचा सल्ला दिला. गडचिरोलीचा संपर्क तुटलेला असल्याने मुलगा पुसू मालू मज्जी हा निराश झाला. तात्पुरत्या उपचारानंतर वडिलांना घेऊन तो पुन्हा खाटेची कावड करुनच भटपार येथे घरी परतला.

आत्मसमर्पीत नक्षवाद्याची केली नक्षलवाद्यांनी गोळी झाडून हत्या, गडचिरोली जिल्ह्यात खळबळ

गडचिरोलीःनक्षलविद्यांनी एका आत्मसमर्पीत नक्षलवाद्याची र्गोळी झाडून हत्या केल्याची घटना शुक्रवारी (26 जुलै) रोजी पहाटेच्या सुमारास उघडकीस आली आहे. जयराम कोमटी गावडे (40) रा. आरेवाडा, तालुका भामरागड असे त्याचे नाव आहे.

प्राप्त माहितीनुसार जयराम कोमटी गावडे आणि त्याची पत्नी नक्षल चळवळीत सामील होते. मागील सात-आठ वर्षापूर्वी दोघांनी गडचिरोली पोलिसांसमोर आत्मसमर्पण केले होते. दोघेही भामरागड तालुक्यातील आरेवाडा येथेच आपली शेती, मोलमजुरी करीत उदरनिर्वाह करीत होते 25 जुलै रोजी नक्षलवाद्यांनी आरेवाडा येथे त्याची गोळी झाडून हत्या केली. ही घटना 26 जुलै रोजी पहाटेच्या सुमारास उघडकीस आल्यावर एकच खडबड उडाली आहे.

नुकतेच 17 जुलै रोजी गडचिरोली पोलिसांच्या सी-60 पथकाने एटापल्ली तालुक्यातील जारावंडी लगत छत्तीसगड सीमेवरील वांडोली जंगल परिसरात 12 नक्षलवाद्यांना कंठस्नान घातले होते. यात मोठ्या कॅडरच्या नक्षलवाद्यांचा समावेश होता. या घटनेला 10 दिवस उलटले नाही तोच नक्षलवाद्यांनी भामरागड तालुक्यात आत्मसमर्पित नक्षलवाद्याची हत्या केली.

विशेष म्हणजे 28 जुलै ते 3 ऑगस्ट दरम्यान नक्षलवादी शहीद सप्ताह पाळतात. यादरम्यान सरकारी मालमत्तेचे नुकसान, सुरक्षा दलावर हल्ले, खबरी असल्याच्या संशयावरून हत्या, रस्ते बंद करणे अश्या घटना घडतात मात्र सप्ताहाच्या पूर्वीच भामरागड तालुका मुख्यालया पासून हाकेच्या अंतरावर असलेल्या आरेवाडा येथे जयराम कोमटी गावडे नामक आत्मसमर्पित नक्षलवाद्याची हत्या करून दहशत पसरविण्याचा प्रयत्न केला आहे.

नवरगावच्या नाल्याच्या पुरात दुचाकी गेली वाहून मात्र, तिघांना गावकऱ्यांनी वाचविले 

 गडचिरोली - : गडचिरोली जिल्ह्यातील लागुनच असलेल्या नवरगाव येथील नाल्याच्या पुरात वाहून जात असलेल्या तीन इसमास गावकऱ्यांनी मोठ्या शर्थीचे प्रयत्न करीत वाचविल्याची घटना २५ जुलै रोजी घडली 

गडचिरोली जिल्ह्यात संततधार पावसामुळे चारही बाजुला पुराचा वेढा आहे. त्यामुळे चारही मार्ग बंद आहेत . अश्यातच  चुरचुरा- नवरगांव मार्गावरून नवरगाव च्या पुर्वीच येणारा पुल त्यावर पावसाच्या पाण्यामुळे पुर आलेला होता नवरगाव ला जाण्यासाठी नागपूर वरून येणारे तिन पाहुणे एक महिला, मुलगा व भाचा बाईक वरून नवरगांव पुलावरून पाणी असतांना सुद्धा पुलावर थोडे पाणी आहे आपण सहज पुल ओलांडू शकतो या हेतुने ते तिघेही नवरगाव फुलावरून जात असतांना पाण्याचा अंदाज चुकला व ते पुढे न जाता पुलाच्या खाली बाईक पडली तर दोघे जुझपाचा आधार घेवुन लटकले तर एकजन पुलावरच मध्यतरी थांबुन कढल्यांला धरून होते.  त्या ठिकाणी चुरचुरा गावकरी पोहचले असता भयावह स्थिती पाहून गडचिरोली पोलिसांना माहीती दिली गडचिरोली पोलीस त्या ठिकाणी पोहचले परंतु हतबल होवून  त्यांना आल्या पावली परत जावे लागले
 आता आप्पती व्यवस्थापन  DDRF पथक जाईल बोट च्या मदतीने त्या तिघांना काढण्याचा प्रयत्न होईल असे वाटत होते. 

मात्र सांयकाळचे ७ वाजले तरीही  काहीच हालचाली दिसत नव्हत्या तेव्हा चुरचुरा येथील अनिल गेडाम व वासुदेव गेडाम यांनी दोरांच्या सहाय्याने सदर स्थळी जावून त्यां निघांना  सुखरूप बाहेर काढले चुरचुरा व नवरगांव चे अख्खे गावकरी त्या ठिकाणी पोहचले होते. त्यांना सुखरूप बाहेर काढले 
आता सरकारी यंत्रणा चुरचुरा येथे त्यांना नेवून त्यांची चौकशी करीत आहेत. त्या तिघाचे नाव अजुनही कळले नाहीत

आश्रयासाठी मंदिरात गेलेल्या महीलेवर अत्याचार करणाऱ्या नराधमांना फाशीची शिक्षा व्हावी - महीला आयोगाच्या अध्यक्षा रुपाली चाकणकर

नवी मुंबई:-

नवी मुंबईतील शीळ परिसरातील मंदिरात आश्रयासाठी गेलेल्या महिलेवर सामूहिक अत्याचार करून तिची हत्या करणाऱ्यांना फाशीच व्हायला हवी. त्यासाठी आम्ही पाठपुरावा करणार आहोत, असे राज्य महिला आयोगाच्या अध्यक्षा रूपाली चाकणकर यांनी स्पष्ट केले आहे.

हा खटला फास्ट ट्रॅक कोर्टात चालवून यातील आरोपींना फाशीची शिक्षा व्हायला हवी. यासाठी आयोग पाठपुरावा करेल, असेही त्या म्हणाल्या. आज पीडित महिलेच्या कुटुंबाची त्यांनी नवी मुंबईतील घरी भेट घेतली. त्यावेळी त्या बोलत होत्या. काही दिवसांपूर्वी ही घटना उघडकीस आली. आयोगाने लगेच दखल घेत पोलिसांना तातडीने कारवाई करण्याचे आणि अहवाल सादर करण्याचे निर्देश दिले होते. आरोपींची अटक, तपास यादरम्यान चाकणकर पोलिसांकडून वेळोवेळी माहिती घेत होत्या.

चाकणकर यांनी गुरुवारी (दि.२५) पीडित कुटुंबाची नवी मुंबईतील त्यांच्या घरी भेट घेतली. आई-वडील, बहीण यांच्याकडून तिच्या सासरच्या त्रासाची पार्श्वभूमी समजून घेतली. कुटुंबीयांचे सांत्वन करत या प्रकरणी सुरू असलेल्या तपासाबाबत कुटुंबियांना माहिती द्यावी, त्यांच्या शंकांचे निरसन करावे अशा सूचना पोलिसांना दिल्या आहेत. आरोपीवर कठोर कलमे लावून लवकरात लवकर चार्जशीट दाखल करावी असेही पोलिसांना सांगितले आहे. या भेटीच्या वेळी सहायक पोलिस आयुक्त योगेश गावडे, वरिष्ठ पोलिस निरीक्षक संदीपान शिंदे, पोलीस निरीक्षक औदुंबर पाटील उपस्थित होते. त्यांनी या प्रकरणाच्या तपासाची सद्यस्थिती सांगितली

हा खटला फास्ट ट्रॅक कोर्टात चालवून फाशीची शिक्षाच व्हावी यासाठी महिला आयोग पाठपुरावा करेल. ही महिला सासरच्या छळाला सामोरे जात होती. त्यांच्यावर देखील योग्य त्या कायद्यांतर्गत कारवाई होईल. पीडित महिलेच्या कुटुंबाला, तिच्या लहान मुलाला शासकीय मदत मिळावी यासाठी ही आयोग प्रयत्न करेल असेही त्यांनी स्पष्ट केले आहे.

दुर्दैवाने एखाद्या महिलेला घराबाहेर पडावे लागले; तर नजीकचे पोलीस स्टेशन, वन स्टॉप सेंटर यांनी जनजागृती करणे आवश्यक आहे. अश्या महिलांना मदत मिळू शकते, असा विश्वास देण्याची गरज आहे. माध्यमांनी जनजागृतीसाठी पुढाकार करावा, असेही त्यांनी माध्यमांशी झालेल्या संवादात सांगितले.

मुख्याधिकारी साहेब अहेरीतील खड्डे बुजवा, अन्यथा सामाजिक कार्यकर्ते वर्गणी करून खड्डे बुजविणार

 सामाजिक कार्यकर्ते देवेंद्र खतवार यांची नगर पंचायत अहेरी च्या मुख्याधिकाऱ्याकडे निवेदनातुन मागणी

अहेरी:- अहेरी नगर पंचायत हद्दीत व अहेरी शहरातील रस्त्यावर खड्डेच- खड्डे पडले असून पावसाळ्याचे दिवस असल्याने सदर खड्डे पाण्याने भरून आहेत.खड्डयात साचलेल्या पाण्यामुळे खड्डा किती खोल आहे याचा असल्याचे अंदाज येत नसल्याने अहेरी शहरात नागरिकांची व वाहनांची वर्दळ नेहमीच असते म्हणून पाणी भरलेल्या खड्ड्यामुळे अपघात होण्याची  शक्यता नाकारता येत नाही म्हणून अहेरी शहरातील व प्रभागातील खड्डे बुजवा अन्यथा अहेरी शहरात सामाजिक कार्यकर्ते वर्गणी गोळा करून सदर खड्डे बुजवण्याचे प्रावधान हाती घेतील  असे अहेरी नगर पंचायत चे मुख्याधिकारी यांना दिलेल्या निवेदनात मागणी व ईशारा दिला आहे.

अहेरी शहरात व्यापार व आठवडी बाजार आणि शासकीय कामे, रुग्णालयात उपचारासाठी, विद्यार्थी शाळा, महाविद्यालयात असे विविध कामे घेऊन सामान्य जनता व विद्यार्थी मोठ्या प्रमाणात येत असतात त्यामुळे मोठी  वर्दळ निर्माण होते
अहेरीतील रस्त्यावर खड्डे पाण्याने भरून आहेत भरलेल्या पाण्यामुळे खड्डा किती खोल आहे याचा अंदाज न आल्याने अपघात होण्याचे दाट शक्यता आहे आणि ये-जा करणाऱ्या नागरीकांना व वाहन धारकांना वाहतुकीस कमालीचा त्रास सहन करावा लागत आहे.करिता खड्डे बुजवणे आवश्यक आहे.नगर पंचायत ने या समस्येचा गंभीरतेने विचार करून  सदर खड्डे बुजवा अन्यथा अहेरीत वर्गणी करून खड्डे बुजवणार  मुख्याधिकारी यांना दिलेल्या निवेदनातुन मागणी व ईशारा देण्यात आले आहे. 

निवेदन देताना सामाजिक कार्यकर्ते देवेंद्र खतवार, सचिन येरोजवार युवक मंडळी उपस्थित होते

आणी...अचानक वाघ समोर आले,वेळ आली पण काळ आला नव्हता!

अंगावर शहारे आणणारा योगायोग 

चंद्रपूर:- "वेळ आली होती परंतु काळ आला नव्हता" याच म्हणी प्रमाणे वाघ अचानक समोर उभा झाल्याने एका शेतकऱ्यास जीव मुठीत धरून त्याचेकडे पहात राहावे लागत होते 
ताडोबा व्याघ्र प्रकल्पात वाघांची संख्या झपाट्याने वाढत आहे. त्यामुळे वाघ कधी आणि कुठे दिसणार हे सांगणे कठीण झाले आहे. वाघाचे नाव ऐकताच लोकांचा थरकाप सुटतो  आणि तो अचानक समोर आला तर भीतीने  बोबळी वळून बोलणेही बंद होते. असाच प्रकार नागभीड तालुक्यात मंगळवारी सायंकाळी उघडकीस आला. गोविंदपूर रस्त्यावर मंगरुडजवळ एका शेतकऱ्यासमोर अचानक वाघ उभा राहिला.
सध्या सर्वत्र संततधार पाऊस पडत आहे. पाऊस असूनही शेतकरी आपल्या शेतात रोपे लावण्यात व्यस्त आहेत. मंगळवारी गोविंदपूर येथील रामदास खांदेवे नावाचे शेतकरी मंगरूड गावातील शेतात काम करण्यासाठी सायकलवरून गेले होते. सायंकाळी साडेपाचच्या सुमारास काम आटोपून ते सायकलवरून गोविंदपूर या गावी परतत होते. मंगरूड ते गोविंदपूर मार्गावरील कालव्याजवळील नागमोडी वळणावर अचानक वाघ जंगलातून बाहेर येऊन रस्त्यावर आला. दोघेही समोरासमोर उभे राहिले. दोघांच्या मागे किंवा पुढे कोणीच नव्हते. शेतकऱ्याने समोर वाघ पाहून तो अवाक होऊन आता आपले काही खरे नाही असे त्याला मनोमन  वाटत होते
तेवढ्यात मंगरुड कडून गोविंदपूरकडे जाणारी एसटी बस तेथे पोहोचली. बस चालकाने तात्काळ बस थांबवून शेतकऱ्याला वाचवण्यासाठी  वेळ वाया न घालवता एसटी बसमध्ये बसवून त्याची सायकलही बसमध्ये ठेवून एसटी बस रवाना केली तेव्हा वाघ ताबडतोब जंगलाच्या दिशेने निघून गेला 'वेळ आली होती, पण काळ आला नव्हता' या म्हणीच्या धर्तीवर शेतकऱ्याचा जीव वाचला. एसटी बस गोविंदपूर गावात पोहोचली आणि शेतकरी गावात उतरला. यावेळी वाघ यांना समोर पाहून शेतकरी काहीच बोलण्याच्या स्थितीत नव्हता. एसटी चालक व वाहकाने गावात हा प्रकार सांगितल्याने वाघ व शेतकऱ्याच्या समोरासमोर उभे टाकल्याच्या घटनेची गावात खमंग जोरदार चर्चा झाली.

धानोरा येथील सोनाली गेडाम ठरल्या पहिल्या मुख्यमंत्री युवा कार्य प्रशिक्षणाच्या लाभार्थी

विभागात 8 हजार 847 उमेदवारांची नोंदणी 10 हजार रुपये प्रतिमहा मिळणार विद्यावेतन

गडचिरोली/नागपूर दि. 25: मुख्यमंत्री युवा कार्य प्रशिक्षण योजने अंतर्गत राज्यातील पहिली नियुक्ती गडचिरोली जिल्ह्यातील सोनाली गेडाम या युवतीला मिळाली आहे. नागपूर विभागासाठी या योजने अंतर्गत 29 हजार 500 उमेदवारांच्या नियुक्तीचे उद्दिष्ट आहे. त्यापैकी 8 हजार 847 उमेदवारांनी नोंदणी झाली असल्याची माहिती विभागीय आयुक्त श्रीमती विजयलक्ष्मी बिदरी यांनी आज दिली. मुख्यमंत्री युवा कार्य प्रशिक्षण योजनेचा दूरदृष्यप्रणालीद्वारे मुख्यमंत्री एकनाथ शिंदे यांनी आढावा घेतला. या योजनेच्या अंमलबजावणीसाठी नागपूर विभागाने पुढाकार घेतला आहे. या योजने अंतर्गत खाजगी व शासकीय अशा 80 आस्थापनांची नोंदणी करण्यात आली असून विभागात नोंदणी केलेल्या उमेदवारांना प्राधान्याने प्रशिक्षणासाठी नियुक्ती देण्यात येणार असल्याची माहिती
श्रीमती बिदरी यांनी दिली.

मुख्यमंत्री युवा कार्य प्रशिक्षण योजने अंतर्गत गडचिरोली जिल्ह्याने प्रशिक्षण योजने अंतर्गत पहिली नियुक्ती केल्याबद्दल जिल्हा प्रशासनाचे विभागीय आयुक्त श्रीमती बिदरी यांनी अभिनंदन केले असून इतर जिल्हाधिकाऱ्यांनी या योजनेच्या प्रभावी अंमलबजावणीसाठी पुढाकार घेवून दिलेले उद्दिष्ट पूर्ण करण्याच्या

सूचना दिल्या आहेत. धानोरा येथील सोनाली गेडाम बिएससी व एमएससीआयटी असून

त्यांची जिल्हा परिषदेच्या समाज कल्याण अधिकारी कार्यालयात डाटा एन्ट्री ऑपरेटर म्हणून नियुक्ती देण्यात आली असून त्यांना प्रतिमहा 6 महिन्यांपर्यत 10 हजार रुपये विद्यावेतन मिळणार आहे. मुख्यमंत्री युवा कार्य प्रशिक्षण योजनेकरिता महास्वयंम या पोर्टलवर विभागातील 8 हजार 847 उमेदवारांनी नोंदणी केली आहे. यामध्ये नागपूर

जिल्ह्यातील 3 हजार 692, वर्धा जिल्ह्यातील 855, भंडारा जिल्ह्यातील 966, गोंदिया जिल्ह्यातील 1 हजार 866, चंद्रपूर जिल्ह्यातील 1 हजार 174 तर गडचिरोली जिल्ह्यातील 294 उमेदवारांचा समावेश आहे. विभागातील 11 खाजगी तर 69 शासकीय आस्थापनामध्ये नोंदणी झालेल्या उमेदवारांची नियुक्ती करण्यात येणार आहे. यासाठी 1 हजार 758 पदे अधिसूचित करण्यात आले असल्याची माहिती श्रीमती बिदरी यांनी दिली. मुख्यमंत्री युवा कार्य प्रशिक्षण योजना, कौशल्य विकास, रोजगार व उद्योजकता, आयुक्त कार्यालयातर्फे राबविण्यात येणार आहे. उद्योजकांना त्यांच्या उद्योगासाठी आवश्यक असणारे मनुष्यबळ या
योजने अंतर्गत उपलब्ध करुन देण्यात येणार असून या योजनेसाठी राज्य शासनाने 5 हजार 500 कोटी रुपयाचा निधी उपलब्ध करुन दिला आहे. या अंतर्गत 12 वी पास झालेल्या उमेदवाराला प्रतिमहा 6 हजार रुपये, आयटीआय अथवा पदवी असलेल्यांना 8 हजार रुपये तर पदवीधर व पदव्युत्तर शैक्षणिक आर्हता असलेल्या उमेदवारांना 10 हजार रुपये प्रतिमहा विद्यावेतन देण्यात येणार आहे. यासाठी उमेदवारांची किमान वय 18 व कमाल 35 वर्षे असणे आवश्यक
आहे.

मुख्यमंत्री युवा कार्य प्रशिक्षण योजने अंतर्गत उद्योजक व विद्यार्थ्याने rojgar.mahaswayam.gov.in या संकेतस्थळाला भेट देवून नोंदणी करता येईल. तसेच या वेबसाईटवर उद्योजकांना मागणी नोंदविण्याची सुविधा आहे. विभागात खाजगी 11 व 69 शासकीय अशा 80 आस्थापनांनी 1 हजार 758 पदांची मागणी नोंदविण्यात आली आहे. या योजनेचा जास्तीत-जास्त युवकांनी लाभ घ्यावा असे आवाहन विभागीय आयुक्त विजयलक्ष्मी बिदरी यांनी केले आहे.

गोमणी ते विवेकानंदपूर या रोडची झाली दुरवस्था,रोडला आले नाल्यांचे स्वरूप 

मुलचेरा:-
मुलचेरा तालुक्यातील गोमणी पासून तर विवेकानंदपूर पर्यंत रस्त्यावर मोठमोठे खड्डे झाले आहे. सार्वजनिक बांधकाम विभागाचे याकडे अक्षरशः दुर्लक्ष झाल्याने आता पावसाळ्यात त्या खड्डयांना तलावाचे स्वरूप आले आहे. या रस्त्यावर मुलचेरा तालुका मुख्यालयात शिक्षण घेण्यासाठी शेकडो विध्यार्थी दररोज ये-जा करतात. विविध कार्यालयात कामानिमित्त जाणाऱ्या नागरिकांची संख्या देखील तितकीच आहे. एवढेच नव्हेतर कर्मचारी आणि अधिकारी देखील याच रस्त्याने ये-जा करतात. या सर्वांना याचा जबर फटका बसत आहे.

मागील एक वर्षांपासून या रस्त्याची दुरुस्ती करण्याची मागणी होत असताना देखील सार्वजनिक बांधकाम विभागाकडून दुर्लक्ष झाल्याने परिणामी खड्डयांना तलावाचे स्वरूप प्राप्त झाले आहे. रस्त्यावरील खड्डे चुकविण्याच्या नादात अपघाताचे प्रमाण देखील वाढले आहे. सदर रस्त्यावर दुचाकी चालविणे कठीण झाले असून एसटी बस आणि इतर खाजगी वाहनधारक कसा प्रवास करत असतील याचा विचार न केलेला बरा.

गेल्या पाच दिवसांपासून या भागात मुसळधार पाऊस सुरू आहे. नुकतेच चार दिवसांपूर्वी आंबटपल्ली आणि खुद्दीरामपल्ली दरम्यान असलेल्या नाल्याला पूर आला होता. पूर ओसरला असला तरी पुराच्या पाण्याने पुलावर साचलेला गाळ आणि कचरा साफ करण्यात आला नाही. एकीकडे कचरा साचला तर दुसरीकडे खड्यात पाणी साचला आहे. त्यामुळे या पुलावर देखील अपघाताची शक्यता बळावली आहे. मागील चार दिवसांपासून पुलावर कचरा पडून आहे मात्र, याकडे कोणाचेही लक्ष नाही.

आलापल्ली ते आष्टी मार्गावर खड्डयांचा साम्राज्य निर्माण झाल्याने खाजगी वाहनधारक मागील दोन वर्षांपासून आलापल्ली ते मुलचेरा याच मार्गाचा अवलंब करत आहेत. सध्या आलापल्ली ते आष्टी रस्त्यावरील दीना नदीवरील पूल पाण्याखाली आल्याने हाच एक पर्यायी मार्ग वापरण्यात आला. अश्या परिस्थितीत या रस्त्यावरून प्रवास करताना नागरिकांना अनेक अडचणींना सामोरे जावे लागत आहे. त्यामुळे नागरिकांमधून रोष व्यक्त केला जात आहे.

सोन्याचे दागिने चोरणाऱ्या टोळीला पोलीसांनी केले जेरबंद,फरार आरोपींचा शोध सुरू 

वरोरा:-
 वरोरा तालुक्यातील टेमृर्डा येथून जवळपास सात लाखाची चोरी करणाऱ्या चोरांना अवघ्या 24 तासात पोलिसांनी तपासाची चक्रे फिरवीत सहा आरोपींना जेरबंद केले आहे 
मिळालेल्या माहितीनुसार वरोरा तालुक्यातील शरद सीताराम गुघाणे वय 53 वर्ष हे टेभूर्डा येथे आपल्या पत्नीसह चहाचे दुकान चालवतात 17 जुलै रोजी ते व त्यांची पत्नी उघडे शटर असलेल्या चहाच्या दुकानात झोपले होते. त्यावेळी अज्ञात चोरांनी चहाच्या दुकानातून सोन्याचे दागिने, रोख एक लाख रुपये, कोको कंपनीचा मोबाईल असा एकूण 7, 80, 500 रुपयाचा माल चोरून नेला. यासंबंधीची तक्रार शरद गुधाने यांनी वरोरा पोलीस ठाण्यात करताच वरोरा येथील गुन्हे शाखा तसेच  चंद्रपूर व कोरपणा पोलिसांच्या मदतीने तपासाची चक्रे शिताफिने फिरवत गोपनीय माहितीच्या आधारे प्रदीप संजय शिरकुरे, आकाश नारायण शिरकुरे, चिंतामण संजय शिरकुरे, हरिणा प्रदीप शिरकुरे, माया देवगडे सर्व राहणार पारधी गुडा धोपटाळा तालुका कोरपणा यांचे सह विकास काळे राहणार चिनोरा यांना अटक केली व त्यांचे जवळून आठ सोन्याच्या अंगठ्या, सोन्याच्या चार बांगड्या, एक चपला कंठी, सोन्याचे कानातले दागीने, सोन्याची पोत व सोन्याचा गोफ या दागिन्यासह दोन मोबाईल व चोरी करण्यासाठी वापरलेली शिवरलेट स्पार्क कार क्रमांक एम एच 34 ए ए 3324 व एक्टिवा क्रमांक एम एच
31 ईव्ही 9188 असा एकूण 6,85000 रुपयाचा माल जप्त केला. या गुन्ह्यातील इतर आरोपी फरार असून त्यांचे जवळून उर्वरित मुद्देमाल जप्त करण्यासाठी पोलीस प्रयत्नशील आहेत. पोलिस फरार आरोपींचा शोध घेत आहेत.

सदर कारवाई जिल्हा पोलीस अधीक्षक मुमक्का सुदर्शन, जिल्हा अप्पर पोलीस अधीक्षक रिना जनबंधु, सहाय्यक पोलीस अधीक्षक व वरोरा उपविभागीय पोलीस अधिकारी नयोमी साटम,  चंद्रपूर स्थानिक गुन्हे शाखेचे पोलीस निरीक्षक महेश कोन्डावार, पोलीस निरीक्षक अजिंक्य तांबडे यांचे मार्गदर्शनाखाली, सपोनि विनोद जांभळे, पोस्टे वरोरा, सपोनि मनोज गदादे, सपोनि विकास गायकवाड, पो.स्टे. कोरपना व पोलीस स्टेशन वरोरा येथील गुन्हे शाखा पथकातील पो.हेड.कॉ. दिपक दुधे, पो.अं. संदिप मुळे, विशाल राजुरकर, महेश गावतुरे, मोहन निषाद, राजु लोधी, यांनी स्थानिक गुन्हे शाखा व पो.स्टे. कोरपना येथील पोलीस कर्मचाऱ्यांच्या मदतीने केली.

राष्ट्रवादी काँग्रेस (शप) पक्षातर्फे सिरोंचात भाजप सरकारच्या विरोधात निषेध आंदोलन

सिरोंचा :- केंद्रीय अर्थसंकल्पात महाराष्ट्राला इतर राज्यांच्या तुलनेत भरीव अशी कोणतीही तरतूद करण्यात आली नाही व निधी वाटपात सुद्धा काहीच दिले नाही म्हणून राष्ट्रवादी काँग्रेस (शरदचंद्र पवार) पक्षातर्फे सिरोंचा निषेध आंदोलन करण्यात आले 
 देशाचा केंद्रीय अर्थसंकल्प सादर करण्यात आला.अर्थसंकल्प देशाचा होता पण महाराष्ट्र देशातच आहे की देशाबाहेर असा प्रश्न महाराष्ट्रातील जनतेला पडलेला आहे.या अर्थसंकल्पात आज पासून सुरू होणाऱ्या जाहिरात बाजीसाठी विविध योजना आहेत, पण आपल्या महाराष्ट्रासाठी काही ठोस निधी सोडा पण इतर राज्याप्रमाणे थोडेफार जरी दिले असते तर समाधान मानले असते. परंतु लोकसभा निवडणुकीत एन. डी. ए. सरकारला आलेल्या कमी जागा मुळे महाराष्ट्रातील जनतेला त्याचे परिणाम भोगावे लागले अशी भाजपची प्रवृत्ती येथून स्पष्ट होत आहे.आंध्र प्रदेश, बिहार व देशातील इतर राज्यांना दिलेल्या मदतीवर नजर टाकल्यास आपल्या लक्षात येईल की महाराष्ट्राला अर्थसंकल्पात- २०२४ मधून काहीही मिळालेले नाही.हे त्रिवार सत्य आहे.
महाराष्ट्रातील जनता ही स्वाभिमानी असून आपल्यावरील अन्याय कदापीही सहन करणार नाही. राज्यातील जनतेच्या मनातील रोष आणि भावना आपण या आंदोलना द्वारे मांडून भाजप पक्षाविरुद्ध निषेध व्यक्त करण्यात आला आहे, याकरिता आज राष्ट्रवादी काँग्रेस शरदचंद्र पवार पक्षाचे जिल्हाध्यक्ष अतुल गाण्यारपवार यांच्या मार्गदर्शनाखाली सिरोंचा येथे राष्ट्रवादी काँग्रेस शरदचंद्र पवार पक्षाचे पदाधिकारी व कार्यकर्त्यांनी सिरोंचा मुख्यालयात बस स्टँड चौक येथे "अर्थसंकल्पात एकच दोष, महाराष्ट्रात रोष, महाराष्ट्रात रोष" असे नारेबाजी करत आंदोलन करून निषेध व्यक्त करण्यात आला आहे,
        त्यावेळी पक्षाचे जिल्हा सरचिटणीस चोक्कामवार, तालुका उपाध्यक्ष सागर मूलकला, सचिव - विनोद नायडू,शहर अल्पसंख्याक आघाडी अध्यक्ष - सलमान शेख, कार्यकर्ते - राजू मूलकला, उदय मूलकला, गणेश संड्रा, आदीसह कार्यकर्ते मोठ्या संख्येने उपस्थित होते.

गडचिरोली जिल्ह्यात जाळपोळ व इतर गुन्ह्यात सहभागी असलेल्या जहाल जहाल नक्षल्याचे आत्मसमर्पण

गडचिरोली, दि. 24 : गडचिरोली जिल्ह्यात जाळपोळ व इतर गुन्ह्यात सहभागी असलेल्या जहाल नक्षल्याने पोलीसासमोर आत्मसमर्पण केले आहे 
 शासनाने 2005 पासून जाहिर केलेल्या आत्मसमर्पण योजनेमुळे तसेच हिंसाचाराच्या जीवनाला कंटाळून वरिष्ठ नक्षल्यांसह अनेक जहाल नक्षल्यांनी आजपर्यंत पोलीसांसमोर आत्मसमर्पण केलेले आहे. त्याचबरोबर आत्मसमर्पित नक्षल्यांचे पोलीस दलाने पुनर्वसन घडवून आणल्यामुळे आजपर्यंत एकुण 670 माओवाद्यांनी गडचिरोली पोलीस दलासमोर आत्मसमर्पण केले आहे. आज 24 जूलै 2024 रोजी जिल्ह्यात मुसाधर पाऊस असतानाही गडचिरोली पोलीस दलासमोर आत्मसमर्पण केले. लच्चु करीया ताडो, पार्टी सदस्य, भामरागड दलम, (वय 45), रा. भटपार ता. भामरागड, जि. गडचिरोली असे त्याचे नाव आहे. मिळालेल्या माहितीनुसार लच्चु ताडो 2012-13 पासुन गावात राहुन जनमिलिशीया म्हणून नक्षल्यांसाठी राशन आणून देणे, सेंट्री ड्युटी करणे, नक्षल्यांचे हत्यार लपवून सुरक्षित ठिकाणी ठेवणे, निरपराध इसमांचे खून करण्याआधी रेकी करुन त्याची माहिती नक्षल्यास पुरविणे, पोलीस पार्टीबद्दल नक्षल्यांना माहिती देणे तसेच नक्षल्यांचे पत्रके जनतेपर्यंत पोहचविणे व इतर काम तो करीत होता. 2023 मध्ये भामरागड दलममध्ये सदस्य पदावर भरती होऊन आजपर्यंत कार्यरत. त्याचा 2022 मध्ये ईरपनार गावातील रोड बांधकामावरील 19 वाहनांची जाळपोळ करण्यामध्ये त्याचा प्रत्यक्ष सहभाग होता. तसेच 2023 मध्ये नेलगुंडा जंगल परिसरातील पायवाट रस्त्यातील जमिनीत स्फोटके पुरुन ठेवण्यात त्याचा प्रत्यक्ष सहभाग होता.

महाराष्ट्र शासनाने लच्चु करीया ताडो याचेवर 02 लाख रुपयाचे बक्षिस जाहिर केले होते.आत्मसमर्पणानंतर पुनर्वसनाकरीता केंद्र व राज्यशासनाकडुन लच्चु करीया ताडो याला एकुण 4.5 लाख रुपये बक्षिस जाहिर केले आहे.

गडचिरोली पोलीस दलाने अतिशय प्रभावीपणे नक्षलविरोधी अभियान राबविल्यामुळे तसेच शासनाने नक्षल्यांना आत्मसमर्पणाची सुवर्णसंधी उपलब्ध करुन दिल्याने, सन्मानाने जीवन जगण्यासाठी सन 2022 ते 2024 सालामध्ये आतापर्यंत एकुण 22 जहाल नक्षल्यांनी आत्मसमर्पण केले आहे. सदर नक्षल्याचे आत्मसमर्पण घडवून मुख्यप्रवाहात आणण्याबाबतची कारवाई संदिप पाटील, विशेष पोलीस महानिरीक्षक (नक्षलविरोधी अभियान) नागपूर, अंकित गोयल, पोलीस उप- महानिरीक्षक गडचिरोली परिक्षेत्र, अजय कुमार शर्मा, पोलीस उप-महानिरीक्षक (अभियान) सीआरपीएफ, नीलोत्पल, पोलीस अधीक्षक गडचिरोली व दाओ इंजिरकान कींडो, कमांण्डट 37 बटा. सिआरपीएफ यांच्या मार्गदर्शनाखाली पार पाडली. यावेळी पोलीस अधीक्षक गडचिरोली नीलोत्पल यांनी आवाहन केले की, विकासकामांना आडकाठी निर्माण करणाया माओवाद्यांवर पोलीस दल सक्षमपणे कारवाई करण्यास तत्पर असुन, जे नक्षली विकासाच्या प्रवाहात सामील होण्यास ईच्छुक असतील त्यांना विकासाच्या मुख्य प्रवाहात आणण्यासाठी तसेच लोकशाहीतील सन्मानाचे जीवन जगण्यासाठी गडचिरोली पोलीस दल सर्वतोपरी मदत करेल, तसेच त्यांनी हिंसेचा त्याग करुन शांततेचा मार्ग स्विकारावा.

गंभीर आजारी महीलेस आपत्ती व्यवस्थापन पथकाने बोटीच्या सहाय्याने सुखरूप पोहचविले रुग्णालयात 

रानमुल - माडेमुल पोटफोडी नदीच्या पुरामुळे ६ दिवसापासून आवागमन बंद 

 गडचिरोली:-
गंभीर आजारी (साप चावल्याचा संशय) महीलेस आपत्ती व्यवस्थापनाच्या पथकाने बोटीच्या सहाय्याने सुखरूप रुग्णालयात पोहचवून उपचारासाठी दाखल केले आहेत 
गडचिरोली  मुख्यालयाला पासून अवघ्या १५ कि.मी अंतरावर अतिदुर्गम भाग रानमुल ते माडेमुल असून पोटफोडी नादीला संततधार पावसामुळे पुर आल्याने गेल्या आठ दिवसापासून त्या गावांच संपर्क  तुटला आहे माडेमुल वरुन रानमुल ते गडचिरोली येणे जाणे अजुनही बंदच आहे.

दि.२४ चे रात्रौ माडेमुल येथील कल्पना परसे हि गंभीर आजाराने त्रस्त असल्यामुळे तिला महिला रुग्णालय गडचिरोली येथे आणावयाचे होते. तेव्हा माडेमुल येथील गावकऱ्यांनी आपत्ती व्यवस्थापन पथक( SD RF)
यांना माहिती दिली तेव्हा त्यांनी बोटीच्या सहाय्याने  कल्पना हिला गडचिरोली रुग्णालयात पोहचविण्यात आले. मालेमुल ते गडचिरोली संर्पक अजुनही तुटला असुन आता मात्र आप्पती व्यवस्थापन व गावकरी सहकार्य करीत आहेत.

पोटफोडी नदी पुरामुळे आजुबाजुच्या शेतात पुराचे पाणी घुसले असुन शेतकऱ्यांचे धानपिक धोक्यात आले आहेत तेव्हा शासनाने पाहणी करून शेतकऱ्यांना नुकसान भरपाई द्यावी अशी मागणी गावकऱ्यांनी केलेली आहे.

शेतात धान रोवणी करीत असताना वाघोबाने शेतकऱ्यावर  हल्ला करून जागीच केले ठार

नागभीड : -
 आपल्या स्वतःच्या शेतात धान रोवणी करीत असताना एका शेतकऱ्यावर वाघोबाने हल्ला करून शेतकऱ्यास जागीच ठार केल्याची घटना नागभीड वनपरिक्षेत्रातील मींडाळा येथील कंपार्टमेंट नं ४२०/ ७५६ मध्ये मंगळवारी संध्याकाळी पाच वाजताच्या सुमारास घडली.  मृतक दोडकू झिंगर शेंदरे  वय(६५) असे शेतकऱ्याचे नाव आहे.

 चंद्रपूर जिल्ह्यात नागभीड तालुक्यात गेले तीन दिवस संततधार पाऊस सुरू होता. या अतिवृष्टीमुळे अनेक शेतकऱ्यांच्या धान पिकास फटका बसला.  काही बांद्यामधील रोवलेले धान वाहून गेले होते त्या ठिकाणी  दोडकू धान रोवणी करीत होता. त्याचे हे काम सुरू असतानाच वाघाने त्याच्यावर हल्ला चढवून त्याला जागीच ठार केले. ठार केल्यानंतर त्याला तो फरफटत लागूनच असलेल्या झुडपी जंगलात नेत असताना जवळपास शेतात काम करणाऱ्या शेतकऱ्यांचे लक्ष पडले. त्यांनी आरडाओरड करून गावात माहिती दिली. गावचे सरपंच गणेश गड्डमवार यांनी लागलीच वनविभाग आणि पोलिस विभागास माहिती दिली. माहिती मिळताच वनपरिक्षेत्र अधिकारी सुनील हजारे आणि ठाणेदार विजय राठोड घटनास्थळी दाखल झाले. संध्याकाळी ७ वाजता मृतकाच्या पार्थिवाचा मोका पंचनामा करुन  त्याचे शव
उत्तरीय तपासणीसाठी ग्रामीण रुग्णालयात रवाना केले.
त्वरित त्या गरीब शेतकऱ्याच्या परीवारास आर्थिक मदत देण्यात यावी अशी मागणी करण्यात आली आहे

सरपंचानी केले गावातील शाळेचा दुरुस्तीसाठी अर्धनग्न आंदोलन 

नंदुरबार:-आपल्या गावातील शाळा दुरुस्ती करीता चक्क सरपंचांनी अर्धनग्न आंदोलन केले आहे 
खांडबारा गावात जिल्हा परिषदेची शाळा आहे त्या शाळेची इमारत ही जीर्ण अवस्थेत पोहचली असल्याने सरपंच अविनाश गावीत यांनी जिल्हा परिषद कडे शाळा दुरुस्ती करीता वारंवार पाठपुरावा केला मात्र या बाबतीत शासन उदासीन असल्याचे दिसून येत होते 
ग्रामस्थांनी गावाच्या विकासासाठी मला निवडून दिले मात्र मी लोकांना काय उत्तर देणार म्हणून त्यांनी अनोखे आंदोलन करण्याचे ठरविले व काही ग्रामस्थांनी सुद्धा सहकार्याचा हात पुढे केला 
तेव्हा त्यानी जिल्हा परिषदेच्या पुढे अर्धनग्न आंदोलन सुरू केले 
 भारतीय लोकशाहीमध्ये गावाचा सरपंच हा तळागाळातील लोकांचा लोकसेवक असतो.

आपल्या गावातील शाळेच्या दुरुस्ती कडे शासकीय अधिकाऱ्यांचे लक्ष केंद्रित करण्यासाठी असे सरपंचास अर्धनग्न आंदोलन करावे लागते ही शोकांतिकाच म्हणावी लागेल 

सरपंचांना आपल्या गावातील लेकरांचा शिक्षणासाठी उत्तम सोय व्हावी म्हणून पहिल्यांदाच सरपंच कपडे काढताना पाहिला असल्याचे बोलले जात आहे सरपंच अविनाश गावित खरंच आपलं पाऊल गावाचा हितासाठी पुढे आहे आपणास शुभेच्छा आपली व खांडबारा ग्रामस्थांच्या लढाईला यश मिळेल काय असा प्रश्न उपस्थित होतो आहे 

ही चमकोगिरी नाही तर वास्तव आहे.

शेतात जात असताना पती- पत्नीवर केला जंगली वराहाने हमला,पती पत्नी दोघेही जखमी

चामोर्शी तालुक्यातील कढोली येथील घटना

कार्यकारी संपादक/ प्रविण तिवाडे वैनगंगा वार्ता १९

चामोर्शी:-
तालुक्यातील कढोली (अनखोडा) या गावातील पती पत्नी मिळून आपल्या शेतशीवाराकडे जात असताना अचानक जंगली वराहाने हमला करुन जखमी केल्याची घटना 23/07/2024 ला सकाळी घडली आहे 

प्रफुल ताराचंद सिडाम वय 38 वर्ष कविता प्रफुल सिडाम वय 35 वर्ष रा. कढोली ता. चामोर्शी जिल्हा. गडचिरोली असे जंगली वराहांच्या हल्ल्यात जखमी झालेल्या पती पत्नीचे नावे आहेत

प्रफुल व त्याची पत्नी कविता दोघेही आपल्या शेतशिवाराकडे जाताना जंगली वराहांनी त्यांच्यावर हल्ला केला व फरफटत नेले त्या दोघांनी जंगली वराहांविरूद्ध भरपूर प्रमाणात प्रतिकार केला व त्यांच्या तावडीतून कसेबसे सुटले जशी गावात ही घटना माहिती झाली ते त्यांना जखमी अवस्थेत आष्टी येथील ग्रामीण रुग्णालयात दाखल करण्यात आले व लागलीच डॉक्टरांनी त्यांच्यावर उपचार सुरू केले आहेत कढोली गावात जंगली डुकरांचा मोठ्या प्रमाणात हैदोस सुरू असून शेतीची नुकसान तर करतातच परंतू आता मानवावर सुद्धा हल्ले सुरू झाले असल्याने या हल्ल्यात जखमीना वनविभागाकडून त्वरीत आर्थिक मदत देण्याची मागणी होत आहे.

मे़ढेबोडी, मोह‌टोला येथे लागते तळीरामांची रिघ 

अशोक वासुदेव खंडारे/मुख्य संपादक वैनगंगा वार्ता १९

वैरागड :-
 आरमोरी पोलीस स्टेशन अंतर्गत येत असलेल्या अनेक गावामध्ये दारुबंदी असली तरी बहुतेक गावामध्ये दारुचा महापूर वाहत आहे. मेंढेबोडी आणि मोहटोला जवळील बहुतेक गांवात दारुबंदी असल्याने दारु पिण्यासाठी मेंढबोडी आणि मोहोला या गावात दररोज संध्याकाठी तळीरामांची गर्दी असल्याने महिलांचे जगणे कठीन होत असून याकडे पोलीस जाणून बुजून दुर्लक्ष करीत असल्याचे चित्र दिसून येत आहे. गडचिरोली जिल्हयात दारुबंदी कायद्याने बंदी असली तरी संपूर्ण जिल्हयात
दारुचा महापूर वाहत आहे गडचिरोली लगतच्या चंद्रपूर गोंदिया आणि भंडारा जिल्ह‌यातून जिल्ह्यात दररोज देशी विदेशी दारुचा पुरवठा होत असतो. तर काही गावात गावठी मोहफुलाची अवैध्य दारू विक्री सुरु आहे असाच प्रकार आरमोरी पोलीस स्टेशन अंतर्गत येत असलेल्या बहुतेक गोव्यामध्ये सर्रासपणे दारुविक्री सुरु असल्याचे दिसून येतेय. काही गांवात महिलाच्या व बचतगटाच्या पुढाकाराने दारुबंदी केल्याचे दिसून येते परंतु आरमोरी पोलीस स्टेशन अंतर्गत येत असलेल्या मेंढेबोडी आणि मोहटोला येथे मुबलक दाऊ विक्री केली जाते. मोहझरी,सुकाळा,शिवणी या गावात दारुबंदी असल्याने नजीकच्या मेंढेबोडी  येथे दारु पिणाऱ्या तळीरामांची सायंकाळच्या सुमारास गर्दी दिसून येते तर कोजबी, लोहारा, करपडा, विहीरगांव येथे दारुबंदी असल्याने न‌‌जीकच्या मोहटोला येथे दारु पिणा-यांची वर्दळ असते त्यामूळे मेंढेबोडी आणि मोहटोला ही दोन्ही गावे तडीरामासाठी आवडीचे ठिकाण असल्याचे दिसून येत आहे 

प्रतिक्रिया,
" दाऊ विक्रेत्यांचा शोध घेणे सुरु असून दाऊ विक्रने विक्री करतांना आढवल्यास त्याचे वर योग्य ती कार्यवाही करण्यात येईल"

सागर बिट अमलदार वैरागड.

जन्मदात्या बापाचा मुलाने  दगड मारुन  केला खून.

उपसंपादक/ प्रमोद झरकर 

सिंदेवाही : दिनांक २२/०७/२०२४ रोजी सिंदेवाही पोलीस ठाणे हद्दीतील मौजा वासेरा येथील पोलीस पाटील श्री देवेंद्र तलांडे यांनी फोन वरून श्री तुषार चव्हाण ठाणेदार पोलीस ठाणे सिंदेवाही यांना माहिती दिली की,आंबेडकर चौक वॉर्ड क्र.२ वासेरा येथे अमित अशोक रामटेके रा.वासेरा यांनी आपल्या वडीलाला मारहाण करून गंभीर जखमी केले आहे.त्यांना तात्काळ मदतीची गरज आहे.

या माहिती नुसार सपोनी तुषार चव्हाण ठाणेदार पोलीस ठाणे सिंदेवाही  तात्काळ पोलीस ठाण्याचे सपोनि स्थूल,पोउपनी सागर महल्ले,पोहवा विनोद बावणे,पोलीस अंमलदार रणधीर मदारे यांचेसह वासेरा गावासाठी रवाना झाले.परंतु प्रशासनाने अतिवृष्टीमुळे रेड अलर्ट घोषित केला होता.अतिवृष्टीमुळे पुलावरून पाणी वाहत असल्यामुळे वासेरा गावाकडे जाणारे सर्व रस्ते बंद होते.त्यामुळे पोलिसांना घटनास्थळी पोहचण्यासाठी आव्हान होते.

शेवटी अथक परिश्रम व पोलीस मित्र तसेच आपत्ती व्यवस्थापन यांच्या मदतीने वाकल ते जामसाळ्या मध्ये असलेल्या शेतातील नाल्यातिल कमरेच्या वर पाण्यातुन ट्रॅक्टरने मार्ग काढत जामसाळ्या पर्यँत पोहचुन पुढील प्रवास ट्रक्टरच्या मुंडीवर बसून घटनास्थळ गाठले.

पोलीस पथक घटनास्थळी पोहचल्या नंतर जखमी अवस्थेत असलेले अशोक आबाजी रामटेके यांना पोलीस पथक व वासेरा गावातील युवक व त्यांचे नातेवाईक यांचे मदतीने आल्या मार्गानेच परत सिंदेवाही ग्रामीण रुग्णालयात हलविण्यात आले.मात्र तिथे डॉक्टरांनी त्यांना मृत घोषित केले.

सदर घटनेसंबंधाने मृतक याची पत्नी अर्चना अशोक रामटेके यांनी सिंदेवाही पोलीस ठाणे येथे तक्रार दिली की,मृतक हा उसनवार घेतलेले पैसे परत करावयाचे आहेत.तुझे कानातील सोन्याचे रिंग मला दे असे म्हटल्याने मृतकाच्या पत्नीने त्याला ५०० रुपये दिले व ज्याचे घेतले त्याला दे म्हणून सांगितले.

मृतकाने त्यातील ४०० रुपये देऊन १०० रुपये स्वतःकडे ठेवून घेतले.त्याबाबत मृतक व त्याचा चुलत भाऊ कैकाडू रामटेके याचे सोबत मृतकाच्या पत्नीसोबत बोलचाल करीत असतांना यातील आरोपी हा येऊन मृतकास तू दारू पिण्यासाठी घरी पैसे का मांगतोस ? तुला दारू प्यायची सवय आहे तर दारू पिऊन चुपचाप झोपस का नाही ? असे म्हटल्याने त्यांच्यात वाद निर्माण झाला.झगडा भांडण होऊन आरोपीने मृतकास लाथाबुक्क्यानी मारहाण करून खाली पाडले.

त्यानंतर मृतक उठून मनोज रामटेके यांच्या घराकडे चालत चालत जात असतांना आरोपीने मृतकास जिवाने मारण्याच्या उद्देशाने त्याचे हातातील दगड मृतकास फेकून मारल्याने कानाचे मागील बाजूस  डोक्यावर लागून मृतक गंभीर जखमी झाला.

ग्रामीण रुग्णालय सिंदेवाही येथे डॉक्टरांनी तपासनिअंती मृत घोषित केले.मृतकाच्या पत्नीच्या तक्रारीवरून आरोपी मुलगा अमित अशोक रामटेके वय २४ रा.वासेरा याच्याविरुद्ध खुनाचा गुन्हा दाखल करण्यात आला आहे.आरोपीस पोलिसांनी ताब्यात घेतले असून पुढील तपास ठाणेदार,तुषार चव्हाण करीत आहेत.

सदर कामगिरी  मुम्मका सुदर्शन जिल्हा पोलीस अधीक्षक चंद्रपूर,रिना जनबंधु अप्पर पोलीस अधीक्षक चंद्रपूर, शिवलाल भगत उपविभागीय पोलीस अधिकारी यांचे मार्गदर्शनात ठाणेदार तुषार चव्हाण सिंदेवाही यांचे नेतृत्वात सपोनि अतुल स्थूल,पोउपनी सागर महल्ले,अनिल चांदोरे,विनोद बावणे,रणधीर मदारे,सुहास करमकर,मोहीत मेश्राम यांनी केली आहे.

 शासनाकडून नैसर्गिक आपत्तीतील मृतकाचे वारसांना १२ लाखाची  मदत वितरित

गडचिरोली दि.२२ : नैसर्गिक आपत्तीने वेगवेगळ्या घटनेत मृत झालेल्या अहेरी व एटापल्ली उपविभागातील तीन मृतकाच्या वारसांना प्रत्येकी ४ लक्ष असे एकूण १२ लक्ष रुपये मदतीचे धनादेश आज त्यांच्या घरी जाऊन अप्पर जिल्हाधिकारी विजय भाकरे यांच्या हस्ते देण्यात आले. 

 याच महिन्यात दिनांक ९ जुलै रोजी तोडसा येथे पुराच्या पाण्यामध्ये वाहून मयत झालेले अमित डोलू तीम्मा यांचे वारस वडील  दोलू लुला तीम्मा यांना, २ जुलै रोजी मौजा जीवनगट्टा येथील  चंदू गिरमा पोरटेत हे वीज पडून मृत्यूमुखी पडले होते, त्याचे वारस  पत्नी नामे प्रेमीला चंदू पोरतेट यांना  तसेच मौजा मरपल्ली येथील  अंकुश  पांडू कुळयेटी हे दिनांक ८ जुलै  २०२४ रोजी  मरपल्ली नाल्या जवळ पाण्यात पडुन वाहून जाऊन मृत झाले होते. त्यांचे वारस आई नामे सुमन पांडू कुळयेटी यांच्या प्रत्यक्ष घरी जाऊन अप्पर जिल्हाधिकारी अहेरी भाकरे यांच्या उपस्थितीत शासकीय मदतीची रक्कम धनादेशाद्वारे देण्यात आली

यावेळी  आदित्य  आंधळे  गटविकास अधिकारी , सचिन  कन्नाके तालुका आरोग्य अधिकारी ,  पी. एन . उसेंडी तलाठी एटपल्ली ,. पी . डी. आत्राम तलाठी तोडसा  , देवाजी गावडे कोतवाल , सुरेश दुर्गे कोतवाल ,  सचिन गेडाम कोतवाल उपस्थित होते.

 आश्रम शाळेतील विद्यार्थ्यांना दुषीत पाण्यामुळे आजाराची लागण, उपचारासाठी रुग्णालयात दाखल 

धुळे:-
जिल्ह्यातील केशव स्मृती आदिवासी आश्रमशाळा कुसुंबा येथील विद्यार्थ्यांना दुषीत पाण्यामुळे आजाराची लागण झाली असून उपचारासाठी धुळे येथील रुग्णालयात दाखल करण्यात आले आहे 
विद्यार्थ्यांना योग्य सुविधा उपलब्ध नसल्याने लहान मुलांना आजार होत आहेत त्यामुळे सदर शाळेच्या संस्थाचालक, मुख्याध्यापक, अधिक्षक,व ईतर बेजबाबदार कर्मचाऱ्यांवर कायदेशीर चौकशी करून विद्यार्थ्यांच्या जीवाशी खेळणाऱ्या दोषींवर गुन्हे दाखल करुन संस्थेची मान्यता रद्द करण्यात यावी अशी मागणी महाराष्ट्र राज्य आदिवासी बचाव अभियान नाशिक शाखा (साक्री) धुळे चे गणेश गावीत, तानाजी बहीरम यांनी प्रकल्प अधिकारी एकात्मिक आदिवासी विकास प्रकल्प कार्यालय धुळे यांना निवेदन देऊन केली आहे 
 प्रत्यक्ष अनुदानित आश्रम शाळा कुसुंबा ता. जि.धुळे या शाळेला भेट दिली असता अजून 45 ते 47 विद्यार्थी बाधित आहेत.या घटने नंतर साफ सफाई करण्यात आली आहे.शाळा सुरू झाल्यापासून एकदा ही पाणी परीक्षण करण्यात आले नाही. स्वयंपाक चुलीवर बनवला जातो गॅसचे अनुदान लाटले जाते मुलांच्या आरोग्याची काळजी घेतली जात नाही.जे विद्यार्थी तक्रार करतात त्यांना बोर्डाच्या परीक्षेत टार्गेट केले जाते.म्हणून विद्यार्थी बोलत नाही.वरून संस्था एका भाजप पक्षाच्या राजकीय नेत्याची शाळा असून या शाळेत असा गंभीर प्रकार घडला आहे.यांच्यावर सरकार कायदेशीर कार्यवाही करणार का ? कुसुंबा येथील आदिवासी आश्रम शाळेतील विद्यार्थ्यांचे भयानक हाल व अपेष्टा होत आहेत 
दि.20/7/2024रोजी  कुसुंबा आदिवासी आश्रम शाळेतील दुषित पाणी पिल्याने उलट्या,ताप संडास  विद्यार्थ्यांना व्हायला लागले.दि.17/7/2024 रोजी विहीरीतील पाणी आटल्याने बाहेरून पाण्याचे टँकर मागितले असेही सांगण्यात येत आहे.एकीकडे विहीरीत संडासाचे पाणी जमिनीत मुरते असे ही शाळेतील विद्यार्थी सांगत आहे.खर तर विद्यार्थाचे निवासी इमारत आहे.त्या इमारतीला लागून विहीर व संडासाचे कुंड्या ही विहीर जवळ आहे. असे दुषित पाणी पिल्याने शाळेतील विद्यार्थी उलट्या, संडास करतांना शिक्षकांना दिसून आल्या नंतर लगेच धुळे जिल्हा रुग्णालयात उपचारासाठी नेले तरी काही मुले ,मुली अजून ही शुद्धीवर नव्हत्या यात लहान मुले जास्त होते.त्याच दिवशी पुन्हा दुपारी आणि संध्याकाळी तीन मुले एम्बुलंस  मध्ये जिल्हा रुग्णालय धुळे येथे उपचारासाठी आणले . धुळे जिल्ह्यातील आदिवासी आश्रम शाळा कुसुंबा येथील ज्या धडगाव शहादा तळोदा अक्कलकुवा या तालुक्यातील पालकांचे विद्यार्थी कुसुंबा आश्रम शाळेत असतील त्या पालकांना आपल्या मुलांना बघण्यासाठी यावे कारण की लहान लहान लेकरू या ठिकाणी राहतात ते कसे राहतात हे पाहणं गरजेचं आहे.अनुदानाच्या पायी लहान जीवाशी खेळलं जात आहे.मी स्वतः त्रास करताना बघितले आहे. तरी या शाळेतील या विद्यार्थ्यांना कशामुळे आजारी पडले याकडेही आपलं लक्ष दिलं पाहिजे प्रत्यक्षपणे आपल्या मुलांना विचारा कोणते पाणी पिले आणि ते पाणी कसे होते तेही विचारा आणि पुढील कारवाई आपल्या पालकांनीही करावी . 25 लोकांना करणे दाखवा नोटीस एकात्मित आदिवासी विकास प्रकल्प अधिकारी धुळे यांनी बजावली आहे.तसेच झालेल्या घटनेची चौकशी तीन अधिका-या मार्फत केली जाणार आहे.संबधित संस्थाचालक व इतर लोकांवर कायदेशीर कार्यवाही करण्यात येईल का?असा प्रश्र्न निर्माण झाला आहे.

कंत्राटदाराच्या चुकीमुळे सती नदीवरील पूल वाहून गेला - खा.डॉ नामदेव किरसान 

कुरखेडा:-
गडचिरोली जिल्ह्यातील कुरखेडा तालुक्यातील सती नदीवरील पूल कंत्राटदाराच्या चुकीमुळे वाहून गेला आहे असा सनसनाटी आरोप गडचिरोली - चिमुर निर्वाचन क्षेत्राचे खा. डॉ.नामदेव किरसान यांनी केला आहे 
प्रत्यक्षात सती नदीवरील वाहुन गेलेल्या पुलाची  पाहणी करताना खासदार गडचिरोली-चीमुर लोकसभा क्षेत्र डॉ.नामदेव किरसान यांनी  यावेळी प्रशासकीय कर्मचाऱ्यांना निर्देश दिले की शाळेंत येणाऱ्या विद्यार्थ्यांना बसेसची व्यवस्था करण्यात यावी व आरोग्य सुदृढ ठेवण्यासाठी  नदीच्या पलीकडे टेन्ट उभारून डॉक्टरची टीम व ॲम्बुलन्सची व्यवस्था करण्यात यावी.
  यावेळी माजी आमदार आनंदराव गेडाम, जिल्हाध्यक्ष काँग्रेस कमिटी गडचिरोली महेंद्र ब्राह्मणवाडे, जिल्हाध्यक्ष अनुसूचित जाती रजनीकांत मोटघरे, जिल्हाध्यक्ष किसान काँग्रेस कमिटी गडचिरोली वामनराव सावसाकडे, जिल्हाध्यक्ष शिवसेना सुरेंद्रभाऊ चंदेल, तालुकाध्यक्ष काँग्रेस कमिटी कुरखेडा जीवन पाटील नाट, सामाजिक कार्यकर्ता रामदासजी मसराम, माजी जिल्हा परिषद सदस्य जयंत पाटील हरडे, नीताराम कुमरे, तालुका अध्यक्ष काँग्रेस कमिटी वडसा राजेंद्र बुल्ले, तालुका अध्यक्ष कुरखेडा आम आदमी पार्टी ईश्वर ठाकरे, नाशिर हासमि, मुनेश्वर बोरकर, मुजफ्फर शेख, गिरधर तीतराम, प्रभाकर तुलावी, छगन शेडमाके, नदीम नाथांनी, गौरव येनप्रेड्डीवार, विपुल एलटीवार पिकु बावणे, मोहित अत्रे, लीलाधर भरे सर्व पक्षाचे पदाधिकारी व कार्यकर्ते उपस्थित होते.

मानवी सांगाडा सापडला सार्वजनिक बांधकाम विभागाच्या जीर्ण इमारतीत 

विठ्ठलवाडा येथील घटना 

आष्टी:-
गोंडपीपरी तालुक्यातील विठ्ठलवाडा येथील सार्वजनिक बांधकाम विभागाच्या जीर्ण इमारतीत मानवी सांगाडा आढल्याने एकच खळबळ उडाली आहे. मानवी सांगाडा कुणाचा याबाबत तर्क वितर्क लावले जात आहे.

चंद्रपूर अहेरी राष्ट्रीय महामार्गावर
विठ्ठलवाडा बसस्थानकापासून अवघ्या काही अंतरावर सार्वजनिक बांधकाम विभागाची जुनी इमारत आहे. मागील बऱ्याच वर्षापासून कुणीही या इमारतीत वास्तव्य करीत नसल्याने दुरावस्था झालेली आहे. आजू बाजूला हिरवे गवत यासह छोटे मोठे झाडे झुडपे वाढलेली आहेत. अश्यातच गोंडपिंपरी तालुक्यात मागील दोन तीन दिवसापासून सतत पाऊस सुरू आहे. दि. २१ जुलै रविवारला सकाळ पासूनच पावसाला सुरवात झाली.

दुपारच्या सुमारास पावसाने थोडी उसंत घेतल्याने गावातील एक इसम बकऱ्या चारण्यासाठी सार्वजनिक बांधकाम विभागाच्या परिसरात गेले. बकऱ्या चारत असतानाच अचानक जीर्ण इमारतीत मानवी सांगाडा आढळल्याने सदर इसम चक्रावला. लागलीच सदरची माहिती गावकऱ्यांना दिली. घटनेची महिती गावात पसरताच घटनास्थळी बघ्याची गर्दी उसळली. सार्वजनिक बांधकाम विभागाच्या जीर्ण इमारतीत मानवी सांगाडा असल्याची माहिती गोंडपीपरी पोलीसाना देण्यात आली. गोंडपिंपरी पोलीस स्टेशनचे ठाणेदार रमेश हत्तीगोटे पोलीस कर्मचाऱ्यांसह घटना स्थळी दाखल झाले. पाहणी केली असता जीर्ण इमारतीत मानवी सांगाडा दिसला. यात सदर अज्ञाताची डोक्याची कवटी शरीरापासून वेगळी झालेली दिसली. शरीराचा काही भागाचा सापळाही

दिसून आला. मानवी सांगाडा पोलिसांनी ताब्यात घेतला. वैद्यकीय अधिकाऱ्याला घटनास्थळी बोलविन्यात आले. रात्री सात वाजे पर्यंत चौकशी सुरू होती. तपासणीअंती मानवी सांगाडाचे काही नमुने घेण्यात आले असून पुढील तपासणी साठी पाठविण्यात आले.

एखादा वेडसर इसम तिथे वास्तव्यास राहिला अन् तिथेच त्याचा मृत्यू झाला असावा असा अंदाज वर्तविण्यात येत आहे. सदर इसमाचा सांगाडा एका पिशवीत भरून विठ्ठलवाडा येथील स्मशानभूमीत पुरविण्यात आला आहे. यावेळी गोंडपिंपरी पोलीस स्टेशनचे ठाणेदार रमेश हत्तीगोटे, विठ्ठलवाडा ग्रामपंचायत सदस्य शुभम पिंपळकर, पोलीस पाटील शारदा पिंपळकर, टीकाराम डाहुलेसह गावातील नागरिक हजर होते.

अगदी गावाला लागूनच सार्वजनिक बांधकाम विभागाची जीर्ण इमारत आहे. हाकेच्या अंतरावरच खाद्य पदार्थाची दुकाने यासह इतर दुकाने आहेत. उन्हाळ्याचे दिवसात याच इमारतीच्या परिसरात तरुण मंडळी क्रिकेट खेळत असतात. लघुशंका आली की अनेकजण याच इमारत परीसराचा आधार घेतात. असे असतानाही मृतदेहाची दुर्गंधी का आली नाही असा प्रश्न अनेकांना पडला. अचानक सार्वजनिक बांधकाम विभागाच्या जीर्ण इमारतीत मानवी सांगाडा सापडल्याने नागरिकांकडून तर्क वितर्क लावले जात आहेत

अतिवृष्टीमुळे गोसेखुर्द धरणाचे ३३ तर धापेवाडाचे ५ गेट मधून पाण्याचा विसर्ग सुरू 

प्रतिनिधी / भंडारा : मुसळधार पावसामुळे जिल्ह्यातील शहरांसह ग्रामीण भागातील जनजीवन विस्कळीत झाले. भंडारा शहरातील राष्ट्रीय महामार्गासह अंतर्गत रस्त्यांवरील खोलगट भागात अनेक तास पाणी पाणी साचून राहील्याने हाहाकार उडाला.

वाहतूक प्रभावीत झाली. घरादारात पाणी शिरल्याने जीवनावश्यक वस्तुंचे नुकसान झाले. व्यापारी प्रतिष्ठानांतील तळभागात पाणी शिरल्याने एकच धावपळ उडाली. अतिवृष्टीमुळे गोसे खुर्द धरणाचे ३० गेट अर्धा मिटरने तर ३ गेट एक मिटरने उघडण्यात आली असून ३९८७.७५ क्युमेक्स पाण्याचा विसर्ग सुरू आहे. धापेवाडाची ५ गेट ०.७५ मिटरने उघडण्यात आली असून ३६३.१५ क्युमेक्स पाण्याचा विसर्ग सुरू आहे.

भंडारा शहरात मध्यरात्रीपासून मुसळधार पाऊस बरसला. दुपारी १२.३० पर्यंत ९५.५ मिमी पावसाची नोंद करण्यात आली. जिल्ह्यात एकूण ४० मंडळापैकी २३ मंडळात अतिवृष्टीची नोंद करण्यात आली. सर्वाधिक ३४१.५ मिमी पाऊस लाखांदूर तालुक्यातील बारव्हा मंडळात नोंदविण्यात आला. मुसळधार पावसामुळे शहरातील अनेक मार्ग अवरूद्ध झाले. सखल भागात पाणी साचल्याने नागरिकांना त्रास सहन करावा लागला. शहरातील नाली, गटारे ओसंडून वाहीले. नाली व गटारातून पाणी परिसरात पसरल्याने सगळीकडे प्लास्टीक व कचऱ्यांचा खच पहावयास मिळाला. अनेक ठिकाणी दोन ते तीन फुट पाणी शिरल्याचे चित्र पहावयास मिळाले. प्रशासनाच्यावतीने नुकसानीचा अंदाज घेतला जात आहे. सायंकाळपर्यंत नुकसानीत वाढ होण्याचा अंदाज आहे.

या भागात शिरले पावसाचे पाणी -

शहरातील ग्रामसेवक कॉलोनी परिसर, भोजापूर व शिक्षक कॉलोनी महामार्ग परिसर, शिवाजी नगर नागपूर नाका भाग, भंडारा-वरठी महामार्गावरील डीमार्ट परिसरातील खोलगट भाग, आयटीआय परिसर, खात रोड आनंद मंगल कार्यालय परिसर, जुना साई मंदिर कारधा रोड परिसर, मेंढा परिसरातील सखल भाग पावसामुळे प्रभावीत झाले. खोलगट भागात जलमय परिस्थिती निर्माण झाली होती. जिल्हा सामान्य रूग्णालयातील खोलगट भागातही अर्धा फुटापर्यंत पाणी साचून होते. नागरिकांनी पाण्यातून मार्गक्रमण केले. शहराचा बाहेरील भाग अतिवृष्टीने सर्वाधिक प्रभावीत झाला.

नगरपालिका व आपत्ती व्यवस्थापन मदतीला -

शहरात अतिवृष्टीमुळे नाली व गटारे अवरूद्ध झाली. परिस्थिती सामान्य करण्यासाठी सकाळपासून नगरपालिका कर्मचारी हाती टिकास, फावडे व अन्य साहित्यांसह गटारांची स्वच्छता करताना दिसून आले. नाल्यांतील केरकचरा बाजूला सारून पाणी वाहते करण्याची कामे प्राधान्याने करण्यात आली. आपत्ती व्यवस्थापन कक्षाच्यावतीने सतर्कतेचा इशारा देण्यात आला.

राष्ट्रीय महामार्गावर दरड कोसळली -

शहरातून जाणाऱ्या भंडारा-साकोली महामार्गावरील जूना कारधा टोल नाका शेजारील डोंगराची दरड कोसळल्याने काही काळासाठी वाहतूक प्रभावीत झाली होती. प्रशासनाने तातडीने दखल घेत वाहतूकीचा मार्ग प्रशस्त केला.

 गडचिरोली जिल्ह्यातील सर्व शाळांना  22 जुलै सोमवार ला सुट्टी जाहीर 

गडचिरोली:-
अतिवृष्टीमुळे गडचिरोली जिल्ह्यातील सर्व शाळांना सोमवार ला सुट्टी जाहीर करण्यात आली आहे प्रादेशिक हवामान विभागाने सुचित केल्यानुसार जिल्ह्यातील त्या त्या भागाचा आढावा घेऊन त्या स्थानीक क्षेत्रात शाळांना सुट्टी जाहीर करण्याचे अधिकार संबंधित जिल्हाधिकारी यांना प्रदान करण्यात आले आहेत तसेच आपत्ती व्यवस्थापन अधिनियम २००५ मधील कलम २५ अन्वये जिल्हाधिकारी हे आपत्ती व्यवस्थापन प्राधिकरणाचे अध्यक्ष आहेत 
गेल्या तीन दिवसांपासून ढगफुटी सुरू असल्याने जिल्ह्यातील वैनगंगा , गोदावरी, प्राणहिता,बांडीया,इंद्रावती इत्यादी नद्यांच्या पाणलोट क्षेत्रात नदी नाल्यांना पुर आल्याने ३७ मार्ग बंद आहेत शिवाय गोसेखुर्द धरणातून सध्या सुरू असलेले विसर्ग वाढविण्याची दाट शक्यता असल्याने जिल्ह्यातील शाळांना सुट्टी देने आवश्यक आहे 
त्यामुळे जिल्हाधिकारी संजय दैने यांनी जिल्ह्यातील अंगणवाडी, सर्व सरकारी व खासगी प्राथमिक, माध्यमिक शाळा, आश्रम शाळा, महाविद्यालये, औद्योगीक प्रशिक्षण संस्था अशा सर्व शाळांना २२ जुलै सोमवार ला सुट्टी जाहीर केली आहे 
सदर माहिती सर्व विभागांना पाठविण्यात आली आहे 
 पुन्हा २४ तास पाऊस संततधार कोसळण्याची चिन्हे असल्याने बाहेर गावाहून आवागमन करणाऱ्या विद्यार्थ्यांच्या सुरक्षिततेच्या दृष्टीकोनातून  शाळेला सुट्टी जाहीर करण्यात आली आहे

अतिवृष्टीमुळे गडचिरोली जिल्ह्यातील सर्व तालुक्यांचा मुख्यालयाशी तुटला संपर्क 

गडचिरोली:-
जिल्ह्यातील सर्वच तालुक्यांमध्ये अतिवृष्टी झाल्याने जिल्हा मुख्यालयाशी संपर्क तुटला आहे 
जिल्ह्यात तीन दिवसांपासून ढगफुटी झाली असल्याचे चित्र दिसूत येत आहे आणि संततधार पावसामुळे जनजीवन विस्कळित झाले आहेत जिल्ह्यातील कोरची, कुरखेडा,वडसा (देसाईगंज), आरमोरी, धानोरा, चामोर्शी, मुलचेरा, एटापल्ली,अहेरी, भामरागड, सिरोंचा आदी तालूक्यात अतिवृष्टी झाली आहे त्यामुळे शेतकऱ्यांच्या शेतीची अपरिमीत हाणी झाली आहे . शेतकऱ्यांचे सर्व पीके पाण्याखाली तीन दिवसांपासून असल्याने पीके सडण्याची चिन्हे दिसू लागली आहेत त्यामुळे शेतकरी चिंताग्रस्त होऊन पुढे काय होणार या विवंचनेत सापडला आहे 
जिल्ह्यातील ३० ते ३५ मार्ग नदीनाल्याच्या पुरामुळे बंद झाले आहेत तसेच जिल्ह्याला लागून असलेल्या जिल्ह्यांनी सुद्धा संपर्क तुटला आहे  अशा परिस्थितीत एखाद्या अति आजारी रुग्णांना मोठ्या प्रमाणावर त्रास संभवतो आहे 
शेतकऱ्यांना आता दुबार पेरणी करणं सुद्धा शक्य नाही त्यामुळे नुकसानीचे पंचनामे करून नुकसान भरपाई शासन देणार काय असा प्रश्न उपस्थित होतो आहे

आगामी विधानसभा निवडणुकीच्या अनुषंगाने गडचिरोली जिल्हा काँग्रेस कमिटीची आढावा बैठक सम्पन्न

गडचिरोली :-
राज्यात विधानसभा निवडणूकाचे वारे वाहू लागले असून आगामी विधानसभा निवडणूकीच्या पूर्वतयारी करीता गडचिरोली जिल्हा काँग्रेस कमिटीची आढावा बैठक, आमदार अभिजीत भाऊ वंजारी यांच्या अध्यक्षतेखाली पार पडली. यावेळी प्रामुख्याने गडचिरोली -चिमूर लोकसभा क्षेत्राचे लोकप्रिय खासदार डॉ. नामदेव किरसान,  माजी खासदार मारोतराव कोवासे,  जिल्हाध्यक्ष महेंद्र ब्राह्मणवाडे, माजी आम. आनंदराव गेडाम, माजी आम.  पेंटारामजी तलांडी उपस्थित होते. तसेच माजी जि. प. अध्यक्ष अजय कंकडलावार, माजी जि. प. उपाध्यक्ष मनोहर पा. पोरेटी,  शहराध्यक्ष  सतीश विधाते, माजी जि. प. उपाध्यक्ष तथा कुरखेडा तालुकाध्यक्ष जीवन पा. नाट, तालुकाध्यक्ष  वसंत राऊत, मिलिंद खोब्रागडे, मनोज अग्रवाल, राजेंद्र बुल्ले, प्रमोद भगत, प्रशांत कोराम, डॉ. अब्दुल हकीम, सतीश जवाजी,  दत्तात्रय खरवडे,  दामदेव मंडलवार, सुनील चडगुलवार,  वामनराव सावसाकडे, राजेश ठाकूर, कल्पनाताई नंदेश्वर, सोनलताई कोवे, रजनीकांत मोटघरे, राकेश रत्नावार, लालाजी सातपुते, अनिल कोठारे, शँकरराव सालोटकर, हरबाजी मोरे, केसरी पा. उसेंडी मंगलाताई कोवे, पुष्पलताताई कुमरे, पुष्पाताई कुमरे, रिताताई गोवर्धन, यशवंत हलामी, संदेशाताई, विद्याताई दुग्गा, वैशालीताई कोमलकर, मंजूताई आत्राम, आशाताई वेलादि, मालताताई पुढो, प्रीती बारसागडे,आचल चलकलवार, रजनी नन्नेवार, रवींद्र चलाख, शिवराम कुंभरे, वसंत चलाख,स्वप्निल बेहरे, नीलकंठ गोहने, विनोद कुंभरे, मोहन मस्के, अनिल किरमे, खुशाल कुकुडे, हर्ष भांडेकर, रमेश कोठारे, दिवाकर निसार, ढीवरू मेश्राम, नेताजी गावतुरे, नीलकंठ निखाडे, मनोज बोरकर, मोरे साहेब, सुभाष कोठारे, राजाराम ठाकरे, मिलिंद बारसागडे, पुरुषोत्तम सिडाम, जीवनदास मेश्राम, सह सर्व सेलचे पदाधिकारी व कार्यकर्ते उपस्थित होते.

दोन दुचाकींची आमोरासमोर जब्बर धडक दोन्ही दुचाकीस्वार गंभीर जखमी 

 देसाईगंज:- 
दोन दुचाकींच्या आमोरासमोरच्या धडकेत दोन्ही दुचाकीस्वार गंभीर जखमी झाल्याची घटना कोंढाळा गावाजवळ आज सकाळी १०.३० वाजताचे सुमारास घडली 

प्राप्त माहितीनुसार एक तरुण आपली दुचाकी क्रं.MH40BU8293 ने देसाईगंज कडे जात होता तर विरुद्ध दिशेने आरमोरी कडे एक वयस्क इसम आपल्या स्कुटी क्रं.MH 34 BT8541 ने येत असताना कोंढाळा जवळील धोंडीनाला येथे दोन्ही दुचाकींची आमोरासमोर जब्बर धडक झाली त्यामध्ये दोन्ही दुचाकीस्वार गंभीर जखमी झाले 
 ४० वर्षीय ब्रम्हपुरी येथील वयस्क इसमाचे पाय मोडले असून निलज येथील २९ वर्षीय तरुनही गंभीर जखमी झाला आहे 
सदर घटनेबाबत गावातील नागरिकांना माहिती होताच घटनास्थळी बघ्यांची मोठी गर्दी  झाली होती. गावातील सामाजिक कार्यकर्ते हितेश तुपाट यांनी घटनास्थळी धाव घेत दोन्ही जखमींना देसाईगंज ग्रामीण रुग्णालयात दाखल केले आहे. वृत्त लिहिपर्यंत जखमींची नावे कळू शकली नाहीत.

चिचपल्ली येथील  मामा तलाव फुटल्याने ३०० घरात घुसले पाणी ,नागरिकांचे बेहाल

 नागरिकांपर्यंत तातडीने मदतकार्य पोहोचवा-पालकमंत्री ना. सुधीर मुनगंटीवार यांचे जिल्हाधिकाऱ्यांना निर्देश

चंद्रपूर, दि.२१- संपूर्ण विदर्भात मुसळधार पाऊस झाल्यामुळे अनेक गावांमध्ये पुरसदृष्य स्थिती निर्माण झाली. तर अनेक गावांचा संपर्क तुटला. अश्यात चंद्रपूर येथील चिचपल्ली गावातील ३०० घरांमध्ये पाणी शिरल्याचे कळताच पालकमंत्री ना.  सुधीर मुनगंटीवार यांनी तातडीने मदतकार्य पोहोचविण्याचे निर्देश जिल्हाधिकाऱ्यांना दिले आहेत.

चंद्रपूर येथील चिचपल्ली गावात मामा तलाव फुटल्यामुळे ३०० घरांमध्ये पाणी शिरले. त्यामुळे अनेकांचा संसार उघड्यावर पडला. घरातील वस्तूंचे मोठ्या प्रमाणात नुकसान झाले. या गावातील नागरिकांनी पालकमंत्री ना. सुधीर मुनगंटीवार यांना दूरध्वनी करून यासंदर्भात पहाटे ६.३० वाजता माहिती दिली. तातडीने मदतकार्य मिळणे अपेक्षित असल्याचे गावकऱ्याकडून सांगण्यात आले.

ना. सुधीर मुनगंटीवार यांनी क्षणाचाही विलंब न करता जिल्हाधिकाऱ्यांना मदतकार्य पोहोचविण्याचे निर्देश दिले. ‘चिचपल्ली गावाची प्रत्यक्ष पाहणी करा. तेथील नुकसानीचे पंचनामे करा. यासोबतच गावातील लोकांची तातडीने जिल्हा परिषद शाळेत राहण्याची आणि भोजनाची व्यवस्था करा,’ असे स्पष्ट आदेश पालकमंत्र्यांनी जिल्हाधिकाऱ्यांना दिले. 

भाजपचे महामंत्री डॉ. मंगेश गुलवाडे आणि महानगर उपाध्यक्ष सुभाष कासनगोट्टूवार, राकेश बोमनवार यांनी देखील प्रत्यक्ष जाऊन परिस्थितीची पाहणी करावी, अशा सूचना ना. मुनगंटीवार यांनी दिल्या आहेत.

मासे पकडण्याचा नाद बितला जीवावर,वर्षीय बालकाचा तलावात बुडून झाला मृत्यू.

देसाईगंज:

देसाईगंज तालुक्यापासून जवळच असलेल्या कोंडाळा येथे गाव तलावांमध्ये बुडून आठ वर्षीय बालकाचा मृत्यू झाल्याची धक्कादायक घटना घडली आहे. वंश विजय भुते वय आठ वर्षे असे मृतक बालकाचे नाव आहे सदर घटना 20 जुलै रोजी सायंकाळी चार वाजताच्या सुमारास उघडकिस. आली  कोंडाळा येथील वंश भुते व घराशेजारील दोन ते तीन मुले शनिवारला दुपारच्या सुमारास गावालगत असलेल्या तलावामध्ये मासे पकडण्यासाठी गेले होते मात्र काही वेळानंतर सोबत असलेली मुले आपापल्या घरी आले मात्र वंश हा घरी आला नाही एकटाच तलावाजवळ राहिला गावातील काही नागरिक सतत पाणी येत असल्याने तलाव पाण्याने किती भरला म्हणून बघण्याकरिता गेले असता त्यांना तलावातील पाण्यावर एक मुलगा तरंगताना त्यांना दिसला आणि त्या मुलाचे शालेय कपडे सुद्धा तलावाच्या पाळीवर दिसले असता लगेच तलाव बघण्याकरिता गेलेल्या लोकांनी गावातील पोलीस पाटील यांना माहिती दिली. पोलीस पाटील यांनी घटनेची माहिती देसाईगंज पोलिसांना दिली पोलिसांनी घटनास्थळावर धाव घेऊन मृतक मुलाला पाण्यातून बाहेर काढले आणि घटनेच्या पंचनामा करून मृतक बालकाचे शव शवविच्छेदनाकरिता देसाईगंज ग्रामीण रुग्णालय येथे पाठवीले. सदर घटनेमुळे गावात हळहळ व्यक्त होत आहे. घटनेचा तपास देसाईगंज पोलीस करीत आहेत

नाबालीक मूलीच्या लैंगिक शोषणाच्या आरोपात एका यूवकाला अटक

कूरखेडा-
   शहरातीलच एका नाबालीक मूलीला फूस लावत तिचे लैंगिक शोषण केल्याचा आरोपा वरून येथील आझाद वार्ड निवासी शूभम सूरेश जौसीया वय २७ या यूवकाला आज कुरखेडा पोलीसांनी अटक केली आहे 
 नाबालीक मूलीच्या अज्ञानाचा गैरफायदा घेत हा यूवक अल्पवयीन मूलीचे मागील काही महिण्यापासून लैंगिक शोषण करीत होता  सदर बाब तिचा कूटूंबियाना समजताच त्यानी त्या यूवका विरोधात पोलीस स्टेशन कूरखेडा येथे तक्रार दाखल केली तक्रारीवरून आरोपी शूभम यांच्या विरोधात भारतिय न्याय संहिता ६४(१) ६४(२) एम.आय.,६५ तसेच पोस्को कायदा ४,६,८,१०,१२ अन्वये गून्हा दाखल करण्यात आला होता मात्र आरोपीला गून्हा दाखल झाल्याची कूणकूण लागताच तो फरार झाला होता यावेळी पोलीसानी तत्परता दाखवत दोन दिवसातच गोपनीय सूत्रांच्या माहीतीवरून त्याला अटक केली.घटनेचा पूढील तपास ठाणेदार महेन्द्र वाघ यांचा मार्गदर्शनात साहायक पोलीस निरीक्षक दिनेश गावंडे हवालदार शेखलाल मडावी करीत आहेत.

नाल्याचे पुर पाहण्यासाठी गेलेल्या दोघांना गमवावा लागला जीव 

चंद्रपूर जिल्ह्यातील घटना,  एकाचा मृतदेह सापडला तर दुसऱ्याचा शोध सुरू

नागभीड:-
  तालुक्यात पुर पाहण्यासाठी गेलेल्या दोन व्यक्ती पुरात वाहून गेल्यात त्यातील एकाचा मृतदेह हाती लागला तर दुसऱ्याची शोधमोहीम सुरू आहे.  या दोन घटना वेगवेगळ्या गावातील असल्या तरी एकाच नाल्यावरील आहेत.

पहिली घटना विलम येथे घडली. विलम येथील ऋणाल प्रमोद बावणे (११) हा मुलगा सकाळी साडे अकरा वाजताच्या सुमारास गावातील इतर मुलांसोबत गावाजवळच्या नाल्यावर पूर बघण्यासाठी गेला होता. तेव्हा या नाल्यावर वर्दळ सुरू असल्याने हा मुलगाही नाला पार करीत असताना पाण्यात त्याचा पाय घसरला आणि पाण्याच्या प्रवाहात तो वाहून गेला. आजुबाजूला असलेल्या लोकांनी त्याला वाचवण्याचा प्रयत्न केला, पण तो असफल झाला.

दुसऱ्या घटनेत बोथली येथील स्वप्नील हेमराज दोनोडे (३०) हा तरुणही गावाजवळून वाहणाऱ्या नाल्यावर पूर बघण्यासाठीच गेला होता. त्याचाही पाय घसरला आणि वाहून गेला. मात्र काही अंतरावर चिखल असल्याने तो चिखलात फसला. उपस्थित नागरिकांनी हालचाल करून त्याला वाचवण्याचा प्रयत्न केला. पण तोवर त्याचा मृत्यू झाला होता.

खा.डॉ.नामदेव किरसान यांनी जिल्ह्यातील विविध समस्यांना घेऊन जिल्हाधिकारी यांची घेतली भेट 

गडचिरोली ::  जिल्ह्यातील विविध समस्यांना घेऊन जिल्हाधिकारी संजय दैने यांचे सोबत खासदार डॉ. नामदेव किरसान यांनी भेट घेत विविध विषयांवर चर्चा केली व कामाचा आढावा घेतला. यावेळी आमदार अभिजित वंजारी, जिल्हाध्यक्ष महेंद्र ब्राह्मणवाडे, जि. प. मुख्य कार्यकारी अधिकारी आयुसी सिंग, शहर अध्यक्ष सतीश विधाते, अनु. जाती सेल अध्यक्ष रजनीकांत मोटघरे, आरमोरी तालुकाध्यक्ष मिलिंद खोब्रागडे, गडचिरोली तालुकाध्यक्ष वसंत राऊत, नदीम नाथानी योगेंद्र झंजाळ उपस्थित होते. 
बैठकी दरम्यान आस्टी -सिरोंचा महामार्गाचे काम जलद गतीने करने, ज्या ठिकाणी रस्त्याचे काम चालू आहेत त्या ठिकाणी पर्यायी मार्ग उपलब्ध करून देणे, प्राथमिक आरोग्य केंद्रामध्ये पुरेसा औषधसाठा उपलब्ध करून देणे, शाळेच्या विद्यार्थ्यांकरीता नियमित बससेवा पूरविणे 
या सारख्या इतर विकासात्मक कामाच्या दृष्टीने आणि मान्सून काळात आपत्ती व्यवस्थापण च्या संदर्भात खासदार डॉ. नामदेव किरसान यांनी आढावा घेऊन आवश्यक त्या सुविधा तातकाळ पूरविण्याच्या सूचना केल्या.

 शेतातरोवणीच्या कामात व्यस्त असतांना अचानक कोसळली विज एक महिला ठार तर तीन जखमी

 भंडारा : तुमसर तालुक्यातील मांगली शेत शिवारात शुक्रवारी दुपारी ४ वाजेच्या सुमारास मुसळधार पाऊस बरसला. यावेळी वीज कोसळल्याने रोवणीच्या कामावर असलेल्या एका महिला मजुराचा जागीच मृत्यू झाला, तर अन्य तीन महिला मजूर जखमी झाल्या. अन्य २ पुरुष मजूर थोडक्यात बचावले.

अंतकला हिरामण नेवारे (६०) रा. मांगली असे मृत महिला मजुराचे नाव आहे. तसेच निला नीलकंठ करंडे (६२), शशिकला साहेबलाल शरणागत (५५), विजया मुन्नालाल शरणागत (५७, सर्व रा. मांगली अशी जखमी महिला मजुरांची नावे आहेत. जखमी महिलांना तुमसरच्या उपजिल्हा रुग्णालयात उपचारासाठी दाखल करण्यात आले आहे. तसेच देवसर्रा गावात आलेल्या वादळाने अनेक घरांचे छत उडाले आहे. शेतकऱ्यांचे सौर ऊर्जेवरील पॅनलचे नुकसान झाले आहे.

वीज कोसळून महिला मजूर आणि शतेकरी दगावण्याची ही याच आठवड्यातील सलग तिसरी घटना आहे. जिल्ह्यात सध्या रोवणीचा हंगाम सुरू असल्याने शेतामध्ये काम करणाऱ्या मजुरांचा जीव धोक्यात घालून काम करावे लागत आहे.

कर्णकर्कश बुलेट दुचाकीच्या सायलेन्सवर पोलीसांनी चालविला बुलडोझर

अहेरी :-
अहेरी पोलिसांच्या वतीने शहरामध्ये कर्णकर्कश फटाक्यांचा आवाज करीत फिरणाऱ्या बुलेट दुचाकीच्या सायलेन्सवर बुलडोझर चालविले आहे त्याचबरोबर कागदपत्र नसलेल्या वाहनांच्या विरोधात तसेच फॅन्सी नंबर प्लेट असलेल्या वाहनांच्या विरोधामध्ये धडक कारवाईची मोहीम सुरू करण्यात आली आहे.
या कारवाईदरम्यान कालपासून तब्बल 06 बुलेटवर फटाके फूटण्याचा आवाजाचे सायलेन्सर बसवल्या कारणाने कारवाईचा बडगा अहेरी पोलिसांतर्फे उगारण्यात आला आहे. त्याचबरोबर फॅन्सी नंबर प्लेट असलेल्या वाहनांवर व कागदपत्र नसलेल्या वाहनांवर देखील दंडात्मक कारवाई अहेरी पोलिस स्टेशनचे पोलिस निरीक्षक दशरथ वाघमोडे यांच्याकडून करण्यात येत आहे.
मागील काही दिवसापासून अहेरी व आलापल्ली शहरात बुलेटचा सायलेन्सर बदलवून कर्णकर्कश फटाक्यांचा आवाज करीत फिरणाऱ्यांची संख्या वाढल्याने त्रस्त झालेल्या नागरिकांनी भ्रमणध्वनीद्वारे अहेरीचे पोलीस निरीक्षक दशरथ वाघमोडे यांना माहिती दिली. तेंव्हापासून अहेरी पोलिसांनी अशा टवाळखोर तरुणावर नजर ठेवली होती. अखेर एक-एक करत तब्बल सहा बुलेट धारकांवर त्यांनी कारवाई केली. एवढेच नव्हे तर सहा बुलेटचे सायलेन्सर काढून त्याच्यावर बुलडोजर चालविला आणि त्या सहा बुलेट धारकांवर दंडात्मक कारवाई केली. त्यामुळे अहेरी व अल्लापल्ली शहरातील त्रस्त झालेल्या नागरिकांना मोठा दिलासा मिळाला आहे.
   अहेरी पोलिस विभागाच्या या धडक कारवाईमुळे बेजबाबदारपणे चालविणाऱ्या दुचाकी धारकांचे चांगलेच धाबे दणाणले आहेत. 
त्यामुळे बुलेट धारकांनी आपल्या बुलेटला कंपनीकडून मिळालेले साधेच सायलेन्सर बसवावे जेणेकरून कर्णकर्कश आवाजामुळे नागरिकांना याचा त्रास होणार नाही. व पोलिसांच्या कारवाईला देखील त्यांना सामोरे जावे लागणार नाही याची दखल घेण्याचे आवाहन अहेरी पोलिसांच्या वतीने वतीने दुचाकी धारकांना करण्यात आले आहे.

मोठी बातमी 
मुसळधार पावसामुळे रपटा गेला वाहून, गर्भवतीला जेसीबीच्या बकेटमधून करावा लागला नाला पार

भामरागड:-
तालुक्यातील (१०३) या मुख्य मार्गाचे काम सुरू असून नाल्यांची पुलीयांची कामे सुरू असल्याने तात्पूरत्या रपट्याची व्यवस्था करण्यात आली मात्र काल दि.१८ जुलै ला मुसळधार पाऊस झाल्याने रस्त्याच्या नाल्यावरील रपटा वाहून गेला,अवजड वाहनांची वर्दळ आणि प्रशासनाच्या नाकर्तेपणामुळे आधीच दयनीय अवस्था झालेल्या जिल्ह्यातील रस्त्यांची आता मुसळधार पावसामुळे पुरती 'वाट' लागली आहे. या रस्त्याच्या वाईट अवस्थेचा फटका सर्वसामान्य नागरिकांसह गरोदर मातांनाही सोसावा लागत आहे. आलापल्ली-भामरागड मार्गावरील एका नाल्याचा रपटा वाहून गेल्याने प्रसूतीसाठी जाणाऱ्या एका गरोदर महिलेवर चक्क जेबीसीच्या बकेटमध्ये बसून नाला ओलांडण्याची धोकादायक वेळ ओढवली.
मात्र रुग्णालयात पोहोचल्याचे त्या महिलेला समाधान मीळाले

मुलचेरा तालुक्यातील मछली येथील सुमित्रा पेंदाम या आजार ग्रस्त महिलेला माजी राज्यमंत्री राजे अम्ब्रिशराव महाराज यांनी केली आर्थिक मदत.

मुलचेरा:-  तालुक्यातील गोमनी ग्रामपंचायत अंतर्गत येत असलेल्या मछली येथील रहिवासी सौ.सुमित्रा पेंदाम ही महिला अनेक महिन्यापासून पोटाच्या विकाराने आजारी आहे.त्यांना चंद्रपूर येथील खाजगी रुग्णालयात उपचार घेण्यासाठी आर्थिक परिस्थिती नाजूक असल्याने अडचण झाली होती.ही बाबा अहेरी इस्टेट चे राजे तथा माजी राज्यमंत्री राजे अम्ब्रिशराव महाराज यांना कळताच त्यांनी आपल्या कार्यकर्ते यांच्या माध्यमातून सौ.सुमित्रा पेंदाम यांच्या पुढील उपचारासाठी दहा हजार रुपये आर्थिक मदत केली.आपण सर्वतोपरी पुन्हा सहकार्य करण्याचे आश्वासन सुध्दा दिले.

यावेळी समस्त पेंदाम कुटूंबाने राजे साहेबांचे मनःपूर्वक आभार मानले.अहेरी इस्टेटचे दानशूर राजे तथा माजी राज्यमंत्री राजे अम्ब्रिशराव महाराज हे नेहमी आपल्या अहेरी विधानसभा क्षेत्रातील अपघात ग्रस्त,आजाराने पीडित तसेच अडी-अडचणीत असलेल्या प्रत्येक गरजूला मदत करीत असतात.यावेळी नगरसेवक तथा शहराध्यक्ष दिलीप आत्राम, भाजपा तालुका उपाध्यक्ष गणेश गारघाटे, इंदारशाह पेंदाम हे उपस्थित होते.!

मार्कडेश्र्वर मंदिर जिर्णोद्धार अद्याप पूर्ण झाले नाही यांची खंत 
शिवसेना(ऊबाठा) चे संपर्क प्रमुख शिवाजी खांडवे

चांमोर्शी -: 
विदर्भाची काशी म्हणून ओळखल्या जाणाऱ्या तालुक्यातील मार्कडा देव येथे वैनगंगा नदीच्या तीरावर वसलेले मार्कंडेश्र्वर मंदिराचे जिर्णोद्धार काम गेल्या दहा वर्षांपासून रेंगाळत आहे ते पूर्ण करण्यास भारतीय पुरातत्व विभाग व लोकप्रतिनिधी दखल घेतली याची खंत शिवसेने ( उबाठां) चे संपर्क प्रमुख शिवाजी खोंडवे यांनी मंदिर स्थळाला भेट दिली त्यावेळी व्यक्त केले 
     गडचिरोली जिल्ह्यातील अहेरी, भामरागड व मुलचेरा तालुक्याचे शिवसेना ( उबाठा) चे संपर्क प्रमुख शिवाजी खोंडवे हे १६ व १७ जुलै या दोन दिवशीय जिल्हा दौऱ्यावर आले असता ते १७ जुलै रोजी मार्कडेश्र्वर मंदिराला भेट दिली त्यावेळी दत्ता पवार उपस्थित होते. शिवाजी खोंडवे हे १६ जुलै रोजी अहेरी, भामरागड व मुलचरा येथे शिवसेना कार्यकर्ते , पदाधिकारी व इतर नागरिकांशी संवाद साधत आगामी विधान सभा निवडणुकी संबंधी मत जाणून घेतले दरम्यान कालच हेमलकसा येथे डॉ. प्रकाश आंबटे यांच्याशी ही संवाद साधला असून यावेळी अहेरी व गडचिरोली विधान सभा निवडणुकी साठी संभाव्य उमेदवार बाबत तालुका प्रमुख, व  अरुण कुमार धूर्वे, दिलीप सुरपाम, आदी सोबत चर्चा केली यावेळी  जिल्हा संघटक विलास ठोंबरे, दत्ता पवार आदी उपस्थित होते.

उबाठा शिवसेना शाखाप्रमुख दर्शन वासेकर यांनी आपल्या वाढदिवसानिमित्त शालेय विद्यार्थ्यांना नोटबुक व पेनचे केले वाटप 

अशोक वासुदेव खंडारे/मुख्य संपादक वैनगंगा वार्ता 

आक्सापूर:- येथील उबाठा शिवसेना शाखाप्रमुख दर्शन वासेकर यांनी आपल्या वाढदिवसानिमित्त शालेय विद्यार्थ्यांना नोटबुक व पेनचे वाटप करुन एक नवा पायंडा पाडला आहे 
आजच्या युगात लोक आपल्या वाढदिवसाला वारे माप पैसे खर्च करतात पण काही लोक पैशाचा उपयोग गोरगरीब, होतकरू  विद्यार्थ्यांना होउन त्याचा सदुपयोग व्हावा याकरिता प्रयत्न करीत असतात 
असाच आक्सापुर येथील उबाठा शिवसेना शाखाप्रमुख असलेले दर्शन वासेकर यांनी जिल्हा परिषद शाळा आक्सापुर येथील 105 विद्यार्थ्यांना नोटबुक व पेनचे वाटप केले
वाढदिवसाच्या निमित्ताने नवनवीन उपक्रम राबवणाऱ्या दर्शन वासेकर हे प्रत्येक वर्षी जिल्हा परिषद शाळेत नोटबुकचे वाटप करीत असतात तसेच गावातील शिवाजी चौकात वृक्ष लागवड करून एक आदर्श निर्माण केला आहे 
नोटबुक वाटपाचा कार्यक्रम जिल्हा परिषद शाळेत घेण्यात आला यावेळी मंचावर राष्ट्रवादी काँग्रेसचे जिल्हा उपाध्यक्ष तथा नगरसेवक महेंद्रसिंग चंदेल तालुका काँग्रेस कमीटीचे उपाध्यक्ष महेंद्र कुनघाटकर, ग्रामपंचायत सदस्य नितेश मेश्राम, अनिकेत बुरांडे काँग्रेस शाखाप्रमुख आक्सापुर, विकी शाहू, व बराच मित्रपरिवार उपस्थित होता 
   सदर कार्यक्रमात  मान्यवरांनी आपल्या मार्गदर्शनात दर्शन वासेकर यांच्या कार्यावर प्रकाश टाकला आणि त्यानंतर सर्व शिक्षक वृदांनी दर्शन वासेकर याच्या कार्याचा कौतुक करुन अभिनंदन केले  बहुसंख्य विद्यार्थी व ग्रामस्थ उपस्थित होते

काँग्रेस नेत्या डाॅ.शिलू चिमुरकरांच्या चक्काजाम आंदोलनाने भुमीअभीलेख अधिकाऱ्यांनी दिले लेखी आश्वासन 

देसाईगंज-
     देसाईगंज शहराचा यथाशिघ्र सिटी सर्व्हे करून आखिव पत्रिका देण्यात यावी या मागणीला घेऊन काँग्रेस नेत्या डाॅ.शिलु चिमुरकर यांच्या नेतृत्वात शहराच्या कुरखेडा टी-पाईन्टवर चक्काजाम आंदोलन करण्यात आले असता भुमिअभिलेख कार्यालयीन अधिकाऱ्यांनी येत्या तीन महिण्याच्या आत सर्व्हेक्षण करून नागरीकांना सनद व आखिव पत्रीका देण्यात येणार असल्याबाबत लेखी आश्वासन दिले आहे. काँग्रेस नेत्या डाॅ.शिलू चिमुरकरांच्या चक्काजाम आंदोलनाचे हे फलित असुन सर्व्हेक्षणाच्या कामाला गती देण्यात येणार असल्याने नागरिकांनी सुटकेचा निश्वास टाकला आहे.
      देसाईगंज शहर सिटी सर्व्हेच्या कामासाठी देसाईगंज नगर पालिकेच्या वतीने सन २०१८ मध्ये जवळपास ८० टक्के रक्कम शासना जमा केली आहे.मात्र भुमिअभिलेख कार्यालयाच्या वतिने सिटी सर्व्हेचे काम किमान जमा करण्यात आलेल्या रकमेच्या प्रमाणात करण्यात आलेले नाही.या संदर्भात दि.९ जुलै २०२४ रोजी उपविभागीय कार्यलयास निवेदन सादर करून यथाशिघ्र आखिव पत्रिका देण्यासंदर्भात कळविले होते.मात्र देसाईगंज शहराचा सिटी सर्व्हे करून आखिव पत्रिका देण्याच्या कामाला अद्यापही सुरुवात करण्यात आली नसल्याने दि.१८ जुलै २०२४ रोजी कुरखेडा टी-पाईन्टवर चक्का जाम आंदोलन करण्याचे नियोजित करण्यात आले होते. त्या अनुषंगाने डाॅ.शिलु चिमुरकर यांच्या नेतृत्वात देसाईगंज शहरातील शेकडो नागरिक रस्त्यावर उतरले असता भुमिअभिलेख कार्यालयीन अधिकाऱ्यांने पुढाकार घेत लेखी आश्वासन दिल्यानंतर आंदोलन मागे घेण्यात आला आहे.
     लेखी आश्वासनाचे पत्र देतेवेळी जिल्हा अधिक्षक  भुमी अभिलेख गडचिरोलीच्या नंदा आंबेकर,देसाईगंज भुमिअभिलेख कार्यालयाच्या प्रभारी उपअधीक्षक एस.एन. पवार,चौकशी अधिकारी पी. एल.कुरवाडे प्रामुख्याने उपस्थित होते.आंदोलनात युवा नेते पिंकु बावणे,लिलाधर भर्रे, काँग्रेस ओबीसी विभाग तालुका अध्यक्ष कैलास वानखेडे,युवक काँग्रेस उपाध्यक्ष विजय पिल्लेवान, महादेव कुंमरे,भुमेश्वर शिंगाडे, महिला काँग्रेस तालुकाध्यक्ष पुष्पा कोहपरे,रजनी आत्राम, मालता गेडाम,विमल मेश्राम, वैष्णवी आकरे,गीता नाकाडे, पुजा ढवळे,प्रमोद दोनाडकर, नितीन घुले,भुमित मोगरे, सुनिल चिंचोळकर,अमन गुप्ता,शुभम शिवुरकर,संदीप प्रधान,मनिष मेश्राम,सरस्वती मराठे,शालुबाई कोराम,प्रेमिला लिचडे आदी शेकडो काँग्रेस कार्यकर्ते सहभागी झाले होते.दरम्यान कायदा व सुव्यवस्थेचा प्रश्न निर्माण होऊ नये करीता चोख पोलीस बंदोबस्त ठेवण्यात आला होता.

डी.टी. एड. बी.एड.बेरोजगारांना वगळून निवृत्त शिक्षकांच्या नियुक्त्या कराल त्या शाळांना टाळे ठोकणार - आजाद समाज पार्टीचा इशारा 

गडचिरोली : दि. १५ जुलै २०२४ रोजी महाराष्ट्र शासनाकडून राज्यातील पेसा क्षेत्रातील शाळांमध्ये नियमीत शिक्षकांची भरती होई पर्यंत अनुसूचित जमातीतील रिक्त पदावर तात्पुरत्या स्वरुपात कंत्राटी पद्धतीने शिक्षक नियुक्ती करण्याचे सूचना सर्व जिल्हा परिषद सीईओ ना देण्यात आल्या आहेत तसातर हा आदेश म्हणजे सरकारी शाळांचे व शिक्षकांचे भविष्यात खाजगीकरण करण्याचा डावच आहे यावर वेगळ्या स्वरुपात राज्यव्यापी आंदोलन करूच तथापि सद्यस्थितीमध्ये जिल्ह्यात कंत्राटी शिक्षक भरती करताना संदर्भीय आदेशात क्रमांक १ मध्ये "नियमित शिक्षकांची नियुक्ती होईपर्यंत सेवानिवृत्त शिक्षकांना तात्पुरत्या कालावधीसाठी कंत्राटी नियुक्ती करावी," हि सूचना  आजाद समाज पार्टी कदापी मान्य करणार नाही. ज्याअर्थी जिल्ह्यात अनुसूचित जमातीतील स्थानिक बेरोजगारांची एका बाजूला प्रचंड मरमर होत असताना आणि जिल्ह्यात हजारोच्या संख्येने डी टी एड, बी एड ,एम एड पदवीधारक शिक्षक भरतीसाठी पात्र उमेदवार बेरोजगार असताना प्रशासन जर ५८ वर्षापर्यंत नौकरी करणाऱ्या सेवानिवृत्त शिक्षकांना नियुक्त करून बेरोजगारांशी खेड मांडत असेल तर आम्ही अजिबात खपवून घेणार नाही.
 सदर निवेदनाची तातडीने दखल घेऊन शासनाच्या आदेशातील निवृत्त शिक्षकांना रिक्त पदावर नियुक्त करण्याची क्रमांक १ ची सूचना ताबडतोब मागे घेऊन जिल्ह्यातील पात्र स्थानिक बेरोजगारांना संधी देण्यात यावी, तसे न झाल्यास ज्या शाळेत निवृत्त शिक्षक नियुक्त झाले अशा शाळांना टाळे ठोकून आजाद समाज पार्टीचे जिल्हाध्यक्ष राज बन्सोड व जिल्हा कार्याध्यक्ष विनोद मडावी यांनी तीव्र आंदोलनाचा इशारा दिला. तसेच जिल्ह्यात ८४ सरकारी शाळा शिक्षकाविना आहेत त्या ठिकाणी सुद्धा तातडीने शिक्षक नेमणूक करण्यात यावी अशीही मागणी करण्यात आली.

यावेळी आजाद समाज पार्टीचे  गडचिरोली शहराध्यक्ष नागसेन खोब्रागडे, महिला सचिव शोभा खोब्रागडे, अंकुश कोकोडे, आशिष गेडाम, सतीश दुर्गमवार, घनश्याम खोब्रागडे, महेंद्र गेडाम आदी उपस्थित होते.

चारित्र्यावर संशय घेऊन पतीने केली पत्नीची कुऱ्हाडीने वार करुन हत्या

 पत्नीची हत्या करुन मृतदेहाजवळ  बसून राहिला पती

अहेरी: चारित्र्यावर संशय घेऊन पतीने पत्नीची कुऱ्हाडीने सपासप वार करीत निर्घृण हत्या केल्याची धक्कादायक घटना गडचिरोली जिल्ह्यातून समोर आली आहे. ही घटना गडचिरोली जिल्हातील अहेरी तालुक्यात १७ जुलै रोजी घडली. याप्रकरणी अहेरी पोलिसांनी शून्य एफआयआर दाखल केला आहे. रत्ना सदशिव नैताम (३५) असे मृतक महिलेचे नाव आहे. तर सदाशिव लखमा नैताम (४५ रा. मांड्रा ता.अहेरी) असे या प्रकरणातील आरोपी पतीचे नाव आहे.प्राप्त माहितीनुसार, सदाशिव लखमा नैताम हा पत्नीच्या चारित्र्यावर वारंवार संशय घ्यायचा. बुधवारी १७ जुलै रोजी सकाळच्या सुमारास दोघांत वाद झाला. वाद इतका विकोपाला गेला की, आरोपी पतीने पत्नीच्या तोंडावर आणि मानेवर कुऱ्हाडीने सपासप दोन वार केले अन् ती रक्ताच्या थारोळ्यात जागेवरच कोसळली. त्यांनतर आरोपी पती देखील रक्ताच्या थारोळ्यात तिच्याच बाजूला बसून  राहिला.
 सदाशिव नैताम याचा १८ वर्षीय मुलगा चिरंजीव नैताम हा आपल्या शेतात काम करीत असताना घरी कोणी नसल्याचे पाहून त्याने हत्या केली. त्याला रक्ताने माखलेल्या कपड्यावर आणि रत्नाला रक्ताच्या थारोळ्यात खाली कोसळल्याचे पाहून चिरंजीवचा चुलत भाऊ राहुल हनमंतू नैतामने शेतात धाव घेऊन चिरंजीवला माहिती दिली. मुलगा चिरंजीव घरी येऊन पाहताच त्याने एकच हंबरडा फोडला. या घटनेची माहिती वाऱ्यासारखी पसरताच परिसरात एकच खळबळ उडाली.
चिरंजीवने आपल्या आजी आजोबा आणि गावकऱ्यांच्या मदतीने त्याच्या वडिलांना बांधून ठेवले व घटनेची माहिती दामरंचा पोलिसांना दिली. त्यांनतर लगेच रत्नाला चारचाकी वाहनाने अहेरी येथील उपजिल्हा रुग्णालयात पाठविण्यात आले. मात्र तेथील वैद्यकीय अधिकाऱ्यांनी रत्ना सदाशिव नैताम यांना मृत घोषित केले. सध्या वैद्यकीय अधिकाऱ्यांच्या अभिप्रयावरून व फिर्यादी मुलगा चिरंजीव सदाशिव नैताम याच्या बयानावरून गुन्हा नोंद करून अहेरी पोलिसांनी तपासात घेतला आहे.या घटनेचा पुढील तपास जिमलगट्टा उपविभागीय पोलिस अधिकारी शशिकांत दासुरकर यांच्या मार्गदर्शनात दामरंचा उप पोलिस स्टेशनचे प्रभारी अधिकारी गणेश शिंदे करीत आहेत.

वैद्यकीय अधिकारीच झाले पॉझिटिव्ह तरीही हाताला सलाईन लावून करीत आहेत रुग्णसेवा

गडचिरोली: वैद्यकीय अधिकारी मलेरिया पॉझीटीव्ह झाल्याने हाताला सलाईन लावून रुग्णसेवा करीत आहेत 
 भामरागड तालुक्यातील लाहेरी हे राज्याच्या शेवटचा प्राथमिक आरोग्य केंद्र आहे. लाहेरी पलीकडे जंगल परिसरात अनेक खेड्यापाड्यांचा समावेश आहे. नदी-नाल्यावर पूल नसल्याने पावसाळ्यात या गावांचा बाह्य जगाशी संपर्क तुटतो. या प्राथमिक आरोग्य केंद्रात एकूण ९ उपकेंद्र असून १० हजार ३४६ एवढी लोकसंख्या असलेल्या ४२ अतिदुर्गम व नक्षलग्रस्त गावांचा या आरोग्य केंद्रात समावेश आहे. सध्या या परिसरात मलेरियाने डोकं वर काढले असून जुलै महिन्यात एका लाहेरी प्राथमिक आरोग्य केंद्रात तब्बल अडीचशेच्या वर मलेरियाचे रुग्ण आढळल्याची माहिती वैद्यकीय अधिकाऱ्यांनी दिली. रुग्णांवर उपचार करता करता येथील वैद्यकीय अधिकारी डॉ. संभाजी भोकरे हे स्वतः मलेरिया पॉझिटिव्ह निघाले. या भागात दिवसेंदिवस मलेरिया रुग्णांसोबत इतर रुग्ण वाढत असल्याने त्यांना हाताला सलाईन लावून रुग्णांवर उपचार करावा लागत आहे. लाहेरी प्राथमिक आरोग्य केंद्रात वैद्यकीय अधिकारी (गट अ) म्हणून हिंगोली जिल्ह्यातील औंढा नागनाथ तालुक्यातील डॉ. संभाजी भोकरे हे नोव्हेंबर २०१८ पासून अत्यंत खडतर परिस्थितीत सेवा देत आहेत. त्यांच्यासोबत वैद्यकीय अधिकारी गट ब, औषध निर्माण अधिकारी, आरोग्य सेवक, परिचारिका आदी स्टाफ देखील कार्यरत आहे. या प्राथमिक आरोग्य केंद्रात लाहेरी परिसरातील ४२ गावांतील आणि लगतच्या छत्तीसगड राज्यातील विविध आजाराचे रुग्ण आणि महिला प्रसूतीसाठी येतात. त्यामुळे येथे नेहमीच रुग्णांची गर्दी असते. दोन दिवसांपासून प्रकृती बरं वाटत नसल्याने डॉ संभाजी भोकरे यांनी स्वतःचे रक्त नमुने तपासून बघितले. RDK आणि BS दोन्ही मध्ये ते Positive आढळले. सध्या दिवसेंदिवस मलेरिया रुग्णांची संख्या वाढत असल्याने त्यासोबत इतर रुग्णांवर उपचार करणे आणि ओपीडी सांभाळणे एका गट ब वैद्यकीय अधिकाऱ्यांना शक्य नसल्याने त्यांना हाताला सलाईन लावून उपचार घेत बाह्यरुग्ण विभाग सांभाळावे लागत आहे. एकीकडे अचानक काही अनुचित प्रकार घडल्यास आरोग्य अधिकारी व कर्मचाऱ्यावर खापर फोडले जाते. मात्र, स्वतः मलेरिया पॉझिटिव्ह निघाल्यावरही रजेवर न जाता स्वतःच्या हाताला सलाईन लावून उपचार घेत ओपीडी सांभाळणाऱ्या डॉ. संभाजी भोकरे यांचा करावा तेवढा कौतुक कमीच.

अश्याप्रकारे सुरू आहे उपाययोजना व रुग्णांवर उपचार
सध्या मलेरिया नियंत्रणासाठी जिल्हा परिषदेचे मुख्य कार्यकारी अधिकारी आयुषी सिंह यांच्या संकल्पनेतून "टार्गेट मलेरिया" विशेष मोहीम राबविण्यात येत आहे. हिवताप प्रवण क्षेत्रात कीटकनाशक फवारणी करणे, मच्छरदाणी वाटप करणे, परिसर स्वच्छ करणे, आरोग्य विषयी जनजागृती करणे आणि गावात जाऊन रक्ताचे नमुने घेऊन दूषित आढळल्यास तात्काळ आरोग्य सेवक आणि आशा ताई रुग्णांना फर्स्ट डोस देऊन प्राथमिक आरोग्य केंद्रात पाठवतात. ओरल ट्रीटमेंट मध्ये जर ताप कमी होत नसेल तर प्राथमिक आरोग्य केंद्रात उपचार सुरू करतात. मात्र, ० ते १५ वयोगटाच्या रुग्णांना प्राथमिक आरोग्य केंद्र किंवा ग्रामीण रुग्णालय येथे संदर्भित करण्यात येत असल्याची माहिती डॉ संभाजी भोकरे यांनी दिली.

माजी राज्यमंत्री राजे अम्ब्रीशराव महाराज यांचेकडून सुरेखा येरोजवार यांना आर्थिक मदत.

अहेरी:-

महागाव बूज. येथील सुरेखा येरोजवार ही महिला मागील पुष्कळ दिवसांपासून गाठीच्या कँन्सरने ग्रासलेली होती.गेल्या आठवड्यामध्ये या महिलेच्या गाठीच्या कँन्सरचा ऑपरेशन चंद्रपूर येथील रूग्णालयात करण्यात आले. सुरेखा येरोजवार यांची घरची परिस्थिती फार हलाखिची ( गरिब ) आहे.त्यांना औषधी वगैरे घेण्यासाठी पैशाची फारच चणचण होत आहे. हि बाब जेव्हा राजे अम्ब्रीशराव महाराज यांना कार्यकर्त्यां द्वारे कळाली तेव्हा त्यांनी सुरेखा येरोजवार यांच्या औषधोपचारासाठी आर्थिक मदत ( दहा हजार रू. ) महागाव बूज येथील उपसरपंच संजय अलोने यांच्या मार्फत पाठवले. व पुढे कोणतीही मदत लागल्यास आपण करू असेसुद्धा म्हटलेले आहे.यावेळी येरोजवार कुटुंबियांनी राजे साहेबांचे आभार मानले.या वेळी भाजपचे पदाधिकारी व कार्यकर्ते उपस्थित होते

मार्कंडा (कं) येथील जिल्हा परिषद शाळेतील विद्यार्थ्यांची सुरक्षा ऐरणीवर

संरक्षण भिंत व प्रवेशद्वाराकडे स्थानिक लोकप्रतिनिधींचे दुर्लक्ष 

आष्टी:-
चामोर्शी तालुक्यातील मार्कंडा (कंन्सोबा) ग्रामपंचायत हद्दीत असलेल्या जिल्हा परिषद प्राथमिक शाळेच्या प्रवेशद्वाराची संरक्षण भिंत गेल्यावर्षीच्या पावसाळ्यात कोसळली परंतू अजूनही त्या संरक्षण भिंतीचे बांधकाम करण्यात आले नाही. त्यामुळे विद्यार्थ्यांच्या सुरक्षेचा प्रश्न निर्माण झाला आहे. घोट या मार्गाला लागून असणाऱ्या मार्कंडा कंन्सोबा ग्रामपंचायतीच्या हद्दीत असणारी जिल्हा परिषद ही शाळा सध्या चर्चेचा विषय बनली आहे. या शाळेच्या आवारात अंगणवाडी केंद्र आहे या अंगणवाडी केंद्रात लहान- लहान मुले येतात व शाळेच्या समोर घोट मार्ग असल्याने वाहनांची मोठ्या प्रमाणात वर्दळ असते. खेळण्याची सुट्टी जेव्हा होत असते तेव्हा विद्यार्थी खेळताना सुसाट रोडपर्यंत धावत सुटतात त्यामुळे अपघाताची शक्यता नाकारता येत नाही शाळा सुटण्याच्या वेळेला सर्व विद्यार्थी या मार्गावर येत असल्याने भरधाव येणाऱ्या वाहनांमुळे अपघाता होऊ शकतो त्यामुळे विद्यार्थ्यांच्या सुरक्षिततेसाठी शाळा व्यवस्थापन समिती आणि शाळा प्रशासनाने सकारात्मक विचार करून या शाळेला लवकरात लवकर संरक्षक भिंत व प्रवेशद्वार उभारावे अशी मागणी पालक वर्गातून होत आहे. 

मार्कंडा कंन्सोबा येथील ग्रामपंचायतीच्या सरपंचा वनश्री चापले यांना दुरध्वनी द्वारे संपर्क साधला असता त्यांनी प्रतिसाद दिला नाही 

शाळेच्या प्रवेशद्वाराची भिंत बांधण्याच्या आम्ही प्रयत्नात आहोत तसा प्रस्ताव ग्रामपंचायत प्रशासनाकडे पाठविला आहे - बि. टि. घोडाम मुख्याध्यापक

शाळेची वाट झाली बिकट ,वारंवार तक्रार करूनही ग्रामपंचायत नागेपल्लीचा दुर्लक्ष

आलापल्ली-ग्रामपंचायत नागेपल्ली अंतर्गत येत असलेल्या पुसुकपल्ली येथील जिल्हा परिषद प्राथमिक शाळेच्या दिशेने जाणाऱ्या रस्त्याची अत्यंत दुरवस्था झालेली आहे. शाळे समोरील रस्त्यावर केरकचरा,असून पावसामुळे नाल्या तुंबून रस्त्यावर पाण्याचे डबके तसेच केरकचरा रस्त्यावर आला आहे. आणि सर्वत्र चिखल झाला आहे. या चिखलातून शाळेत जाताना विद्यार्थ्यांना मात्र कसरत करावी लागत आहे.

नाली व गटारी पावसाच्या पाण्यानी भरल्याने त्यातील दुर्गंधी युक्त व घाण पाणी रस्त्यावर पावसाच्या पाण्यात मिश्रित होत आहे. सर्वत्र चिखलमय वातावरण निर्माण झाले आहे. मागील दोन वर्षांपासून शाळा बंद होत्या. आता कुठे त्या पूर्ववत व नियमित सुरू झाल्या आहेत.महिन्याभरापूर्वी बऱ्याच कालावधीनंतर शाळेची घंटा वाजली. शैक्षणिक धडे शिकण्यासाठी विद्यार्थी आतुर आहेत, पण चिखलाचा रस्ता आडवा येतोय. या रस्त्यावरून पावसाळ्यात शाळेला जाताना मोठी कसरत करावी लागते.

शाळेला जाणाऱ्या विद्यार्थ्यांना चिखल तुडवीत जावे लागते. अनेक विद्यार्थी तसेच नागरिक चिखलात घसरून पडतात.पावसाच्या पाण्यामुळे झालेल्या चिखलमय रस्त्यावरून नागरिकांना त्याचप्रमाणे खास करून विद्यार्थ्यांना जीव मुठीत घेऊन चालावे लागत आहे. या खराब रस्त्यामुळे विद्यार्थ्यांना नागरिकांना मानसिक व शारीरिक त्रास होताना दिसून येत असून त्यामुळे संताप व्यक्त होत आहे.

नवरगाव जंगलात निलगाईची शिकार,10 आरोपींना अटक,दोन आरोपी फरार

अशोक वासुदेव खंडारे /मुख्य संपादक 

गडचिरोली : जंगलात निलगाईची शिकार करून तिच्या मांसाची गावात विक्री करीत असताना वनविभागाने धाड टाकून १० आरोपींना ताब्यात घेतले आहे तर दोन आरोपी फरार आहेत. सदर घटना दि .१३ जूलैला  नवरगाव येथे घडली. आरोपींकडून नीलगाईचे शिर, पाय, मांस व इतर अवयव तसेच कापण्यासाठी वापरलेले साहित्य जप्त करण्यात आले आहेत. सदर घटनेने वन्यप्राण्यांची शिकार करणाऱ्या टोळीचा पर्दाफाश झाला आहे
खुदकम रघुनाथ गेडाम वय 25 रा. कुऱ्हाडी, अक्षय प्रभाकर सेलोटे वय 22  रा. नवरगाव, रोशन दामोधर भोयर वय 22 रा. नवरगाव, निखिल गिरिधर ठाकरे वय 30 रा. चुरचुरा, सौरभ सुरेश आवारी वय 20 रा. नवरगाव, विक्रांत प्रकाश बोरकुटे  23 वर्ष, रा. गोगाव, संकल्प संजय उंदीरवाडे वय 24  रा. नवरगाव, संदीप कानिफ चुधरी रा. नवरगाव, आकाश प्रभाकर सेलोटे रा. नवरगाव, जगदीश देवराव थोराक रा. नवरगाव यांना अटक करण्यात आली आहे.
समीर रवींद्र मडावी (रा. कुऱ्हाडी) व ओमराज विजय राजगडे (रा. चुरचुरा) हे दोन आरोपी फरार आहेत.
त्यांना रविवारला गडचिरोली जिल्हा न्यायालयात हजर केले असता न्यायालयाने दहाही आरोपींना पाच दिवसांची वनकोठडी सुनावली आहे. सदर कारवाई पोर्लाचे वनपरिक्षेत्र अधिकारी राकेश मडावी चुरचुरा चे क्षेत्र सहायक के. बी. उसेंडी, पोर्लाचे क्षेत्र सहायक अरुण गेडाम, मरेगावचे क्षेत्र सहायक समर्थ, पोर्ला चे वनरक्षक विकास शिवणकर, दिभना चे वनरक्षक, गणेश काबेवार, किटाळीचे, वनरक्षक संदीप लामकासे, वनरक्षक नितीन भोयर, वाहनचालक देवीदास चापले, वनमजूर विजय म्हशाखेत्री, गिरिधर बांबोळे, छत्रपती डहाले, दुर्योधन मेश्राम, सोनू खोब्रागडे, रवि डहाले, रूपेश मुनघाटे यांच्या पथकाने केली.

मलेरिया ग्रस्त चिमुकलीसाठी वडीलानी केला पुरातून जीवघेणा प्रवास 

भामरागड:- मलेरिया ग्रस्त चिमुकलीसाठी वडीलानी  पुरातून जीवघेणा प्रवास करत प्राथमिक आरोग्य केंद्रात उपचारासाठी दाखल केले आहे 
राज्यातील अतिदुर्गम, आदिवासीबहुल व नक्षलग्रस्त गडचिरोली जिल्ह्यात मागील काही वर्षांपासून रस्ते, नदी-नाल्यावर पुलाचे बांधकाम करून खेड्यापाड्यांना मुख्य रस्त्यांशी जोडण्याचे काम केले जात आहे. याठिकाणी विविध विकास कामांना गती मिळाली असली तरी कंत्राटदारांच्या दिरंगाईमुळे अजूनही बरेच ठिकाणी मुख्य रस्ते, नदी-नाल्यावर पुलाचे बांधकाम पूर्ण झालेले नाही. परिणामी पावसाळ्यात दुर्गम भागातील नागरिकांना जीवघेणा प्रवास करावा लागत आहे. नुकतेच १३ जुलै रोजी भामरागड तालुक्यातील बंगाडी गावात ३ वर्षीय मुलीची प्रकृती बिघडल्याने तिच्या वडिलांनी स्वतःचा जीव धोक्यात टाकून लेकीला खांद्यावर घेत तुडुंब भरलेले दोन नाले ओलांडत प्रवास केला होता आणि तिला उपचारार्थ प्राथमिक आरोग्य केंद्रात दाखल केले आहे छत्तीसगड सीमेवर वसलेला भामरागड तालुका जंगल, नदी-नाल्यांचा प्रदेश असल्याने हा तालुका 'इंडोमिक झोन' मध्ये मोडतो. त्यामुळे येथे नेहमीच मलेरियाचे रुग्ण आढळून येतात. लाहेरी ग्रामपंचायत अंतर्गत येत असलेल्या बंगाडी गावातील रविना पांडू जेट्टी हिला ताप येत असल्याने सकाळच्या सुमारास तिच्या वडिलांनी लाहेरी प्राथमिक आरोग्य केंद्रात आणले. तिच्या रक्ताचे नमुने घेतल्यावर तिला मलेरिया असल्याचे कळले. त्यामुळे तिला भरती करून तिच्यावर उपचार करणे गरजेचे होते, तसा सल्ला देखील येथील वैद्यकीय अधिकाऱ्यांनी दिला. मात्र भरती राहून उपचार घेण्यासाठी पांडू जेट्टी तयार नव्हता. अखेर त्याने दवाखान्यातून पळ काढला. भामरागड तालुक्यात आजही अशीच परिस्थिती आहे.

मात्र उपचाराअभावी रविना जेट्टी हिच्या जीवाला धोका संभवला होता. त्यामुळे येथील आरोग्य विभागातील अधिकारी आणि तालुक्यातील वरिष्ठ अधिकाऱ्यांनी गावातील प्रतिष्ठीत नागरिक लक्ष्मीकांत गोगामी आणि ग्रामपंचायतचे संगणक परिचालक ज्ञानेश्वर भांडेकर यांनी लाहेरी वरून ६ किलोमीटर अंतरावर असलेले बंगाडी गाव गाठून पांडू जेट्टीची समजूत घालून चिमुकलीला लाहेरी येथील प्राथमिक आरोग्य केंद्रात उपचारार्थ दाखल करण्यासाठी विनवणी केली.

त्यांनतर त्या मुलीच्या वडिलांनी होकार देताच बाप लेकीला घेऊन तुडुंब भरलेल्या दोन नाले ओलांडत सायंकाळी ७.३० वाजता त्यांनी लाहेरी गाठले. अखेर रविना जेट्टी या चिमुकलीवर उपचार सुरू असून तिची प्रकृती सध्या स्थिर असल्याची माहिती येथील वैद्यकीय अधिकारी डॉ. संभाजी भोकरे यांनी दिली आहे. राज्याच्या शेवटच्या टोकावरील प्राथमिक आरोग्य केंद्र
भामरागड तालुक्यातील लाहेरी प्राथमिक आरोग्य केंद्र हे राज्याच्या शेवटच्या टोकावर व छत्तीसगड सीमेवर असून या प्राथमिक आरोग्य केंद्रात एकूण ९ उपकेंद्रातील जवळपास ४४ अतिदुर्गम गावांचा समावेश आहे. गोरगरिबांना याचा मोठा त्रास संभवतो आहे

भरधाव दुचाकीस्वाराने उडविले बकऱ्या राखणाऱ्या इसमास

देसाईगंज:-
चोप - शंकरपूर मार्गावर भरधाव दुचाकीस्वाराने जोरदार धडक दिल्याने चोप येथील श्यामराव मोतीराम पर्वते वय 63 वर्ष यांचा जागीच मृत्यू झाला 
सदर इसम हा चोप गावाजवळील आग्याबोवा मंदिराच्या शेजारी शेळ्या राखत असताना दुचाकी स्वार स्वप्निल सत्यवान लांजेवार राहणार चोप हा आपल्या ताब्यातील दुचाकी भरधाव वेगाने चालवून दुचावरील नियंत्रण सुटल्याने शामराव मोतीराम पर्वते यांना धडक दिली व धडक एवढी जबरदस्त होती की मृतक हा 50 ते 60 फूटापर्यंत दुचाकी बरोबर फळकटत गेला ग्रामीण रुग्णालय देसाईगंज येथे उपचारासाठी दाखल केले  असता डॉक्टराणी मृत घोषित केले तसेच दुचाकी स्वार हा सुद्धा गंभीर जखमी झालेला होता तेव्हा सदर रस्त्यावरून आरमोरी विधानसभा क्षेत्राचे आमदार कृष्णा गजबे कोरेगाव चे कार्यक्रम आटपून वडसाकडे जात असताना दुचाकी स्वार गंभीर अवस्थेत रस्त्याच्या कडेला पडलेला दिसला  रुग्णवाहिका वेळेवर उपलब्ध होत नसल्याचे पाहून मानुसकिचा परिचय देत स्वतःच्या  गाडीत टाकून रुग्णालयापर्यंत पोहोचवून भरती केले
 सदर घटनेचा तपास देसाईगंज पोलीस स्टेशनचे पोलीस निरीक्षक  जगताप  यांच्या मार्गदर्शनात पोलीस उपनिरीक्षक चौधरी , ज्ञानेश्वर धनगर तसेच पोलीस हवालदार पाडी व कुमोटी हे करीत आहेत

कत्तलखान्यात नेत असलेल्या गोवंशास आष्टी पोलीसांनी दिले जीवदान 

१४ जनावरे मिळून ५ लाख रुपयाचा मुद्देमाल जप्त 

आष्टी:-
कत्तलखान्यात नेत असलेल्या गोवंशास आष्टी पोलीसांनी जीवदान दिले असल्याची घटना  दि.१२ जूलै रोजी घडली आहे 
गोपनीय माहितीनुसार वैनगंगा नदी पुलाजवळ  नाकाबंदी करीत असताना एक पांढऱ्या रंगाची ट्रक क्रं टी एस ०८ यु जी ७७०३ ला पंचासमक्ष तपासणी केली असता सदर वाहनांमध्ये १४ नग गोवंश दाटीवाटीने, निर्दयपणे बांधून नेत असल्याचे दिसून आले 
ट्रक चालक शेख इरफान मोहम्मद अली शेख वय २० रा.ता.जैनूर जि आदिलाबाद यास ताब्यात घेऊन चौकशी केली असता सदर वाहन तेलंगणा येथे नेत असल्याचे सांगितले सदर वाहनात १४ गोवंश किंमत एक लाख तीन हजार रुपये व ट्रक किंमत चार लाख रुपये असा एकूण ५ लाख तीन हजार रुपयांचा मुद्देमाल जप्त करण्यात आला व त्यावरून विविध कलमान्वये गुन्हा दाखल करण्यात आला असून तपासकामी अटक करण्यात  आली आहे 
हि कारवाई पोलीस अधीक्षक निलोत्पल,अप्पर पोलीस अधीक्षक  एम रमेश , उपविभागीय पोलिस अधिकारी  कोकोटे यांच्या मार्गदर्शनाखाली पोलीस निरीक्षक विशाल काळे यांच्या नेतृत्वाखाली पोलीस उपनिरीक्षक मानकर,पोहवा  मडावी ,करमे,पोशी  डोंगरे,राजुरकर,मेदाळे, रायशिडाम, नागुलवार,राउत यांनी केली आहे

अनखोडा येथील पांदण रस्त्याची झाली चाळण,  प्रशासनाचे दुर्लक्ष 

आष्टी,

 चामोर्शी तालुक्यातील अनखोडा येथील शेतशिवारात जाण्यासाठी पांदण रस्ता असून या रस्त्याची दुरवस्था झाली आहे मात्र देखभालीअभावी या पांदण रस्त्यांची दुरवस्था झाली असल्याने शेतकरी प्रचंड त्रस्त आहेत.शेतातील उत्पादित माल व शेताकडे जाण्यासाठी शेतकऱ्यांना सोयीचे होईल याकरिता पांदण रस्त्यांचा उपयोग होतो. या पांदण रस्त्याचे रोजगार हमी योजनेतून काही प्रमाणात मातीकाम झाले असल्याचे गावकरी सांगतात. तर काही शेतकरी रस्ते अतिक्रमणाने गिळंकृत केले आहेत. हा रस्ता पायवाट म्हणून अजुनही वापरले जात आहेत. या पांदण रस्त्यावर मोठमोठे खड्डे पडले असून पाण्याच्या डबक्यातून शेतकऱ्यांना वाट काढावी लागत आहे. पावसाळ्यात पांदण रस्त्याची अवस्था अतिशय बिकट झाली असून पांदण रस्त्याच्या दुरूस्तीकडे शासन व प्रशासनाचे दुर्लक्ष होत आहे. तालुक्यातील अनखोडा येथील बस्टापपासून जंगलाकडे जाणाऱ्या रस्त्यावर काही शेतकऱ्यांनी अतिक्रमण केल्याने पाळीव पशू चारण्यासाठी जंगलात नेण्यासाठी अडचण होत असल्याने गुराखी चराईसाठी नेत नसल्याने घरीच पुर्ण पाळीव पशू ठेवून चाऱ्याअभावी ठेवले जात होते. हि समस्या सोडविण्यासाठी गावातील सरपंच, पोलिस पाटील यांच्याकडे मांडली असता सरपंच, पोलिस पाटील यांनी गावकऱ्यांना सोबत घेऊन पांदण रस्त्याची पाहणी करून अतिक्रमण केलेल्या शेतकऱ्यांना समजावून तात्पुरता समस्या सोडवून दिले.तर ठिकाणी उपस्थित असलेल्या शेतकऱ्यांनी रस्त्यावर छोटा पुल  फुटलेला आहे. जागोजागी रस्त्यावर पाणी जमा होऊन आहे व रस्त्यावर मोठमोठे खड्डे पडले आहेत. परिणामी शेतकऱ्यांना बैलबंडी नेण्यास त्रास सहन करावा लागत आहे. येथे मुरूम टाकून नुतनीकरण करावे व कायमचं अतिक्रमण हटवावे अशी मागणी नागरिकांनी केली आहे.
यावेळी गावातील बहुसंख्य शेतकरी बांधव उपस्थित होते

ट्रकने दिली दुचाकीला धडक भीषण अपघातात 2 जण जागीच ठार तर 2 जण गंभीर जखमी

गडचिरोली:-
चंद्रपूर-गडचिरोली राष्ट्रीय महामार्गावर आज रात्रौ 7:30 च्या दरम्यान हिरापूर येथे एका दुचाकी ला ट्रकने उडविल्याने त्यात 2 जण जागीच ठार तर 2 जण गंभीर जखमी झाले आहेत मृतांमध्ये 3 वर्षाचा बालकाचा समावेश आहे तर दुसरा हा युवा आहे. मृतक हे गडचिरोली जिल्ह्यातील चामोर्शी तालुक्यातील फराळा येथील असल्याची प्राथमिक माहिती पुढे येत आहे.
अपघात झाल्या बरोबर या अपघाताची माहिती हिरापुर येथील सामजिक कार्यकर्ते रवी झरकर यांना मिळताच सावली पोलीसांना अपघाताची माहिती दिली व जखमींना सावली येथील ग्रामीण रुग्णालयात भरती केले आहे. शेवंता कावळे 65 वर्ष, नवेगाव, हरिदास बापुजी बोरुले 30 वर्ष हे जखमी आहेत. 

.पोलीस घटनास्थळी पंचनामा करीत असून नेमका अपघात कसा झाला याची माहिती हे वृत्त लिहे पर्यंत कळू शकली नाही.

आधार कार्ड  अपडेट करण्यासाठी लाडक्या बहिणींची
आधार कार्ड सेंटर वर तूफान गर्दी.

चामोर्शी: आधार सेंटर चामोर्शी येथील आधार कार्ड मध्ये  मोबाईल नंबर जोडणी करण्यासाठी तसेच नाव  चूक भूल ऑन लाइन करण्याच्या प्रक्रिये करीता भल्ली मोठी गर्दी दररोज होतांना दिसत आहे, संथ गतिने होत असलेले काम, आणि कागदाचा बंच हातात घेऊन नंबर लावण्याकरिता महीलांची चांगलीच गर्दी उसळली असल्याचे चित्र दिसून येते आहे 

या प्रतिक्षेत् नागरिक चांगलेच वैतागले आहेत. सदर बाब अशी की आधार कार्ड अपडेट व नावात चूक समाविष्ट करण्यासाठी तालुका परिसरातील शेकडो नागरिक आधार सेंटरवर जात  आहेत, त्यात नव्याने लाडकी बहिण योजनेचा लाभ मिळावा म्हणून ज्यांच्या कड़े जुने आधार कार्ड आहेत ते अपडेट करावे लागते आहे

जिल्हा परिषद शाळेला आले दारु अड्डयाचे स्वरूप 

धाबा:-
धाबा येथील जिल्हा परिषद ची शाळा दारुडे व जुगाऱ्यांचा अड्डा बनली आहे 
चंद्रपूर जिल्ह्यातील पहिली मुलींची शाळा सन 1888 मध्ये धाबा गावात उघडल्या गेली. एका इंग्रज अधिकाऱ्यांनी ही शाळा सुरू केली. या शाळेने अनेक अधिकारी घडविले. क्रांतीज्योती सावित्रीबाई फुले यांच्या जन्मदिनी या शाळेत शिकलेले विद्यार्थी एकत्र येतात. शाळेच्या इमारती समोर नतमस्तक होतात. आता मात्र या शाळेकडे जिल्हा प्रशासनाचे पूर्ण दुर्लक्ष झालं आहे. कधी शिक्षणाचे माहेरघर असलेली ही शाळा आता दारुड्यांच्या आणि जुवारीचा अड्डा बनली आहे. शाळा परिसरात दारूचा रिकामा बाटलांच्या अक्षरस सडा पडलेला. ठीक ठिकाणी शौच केलेलं. शाळा सुरू व्हायच्या आधी आणि शाळा सुटल्यानंतर इथं जुआरी एकत्र येतात. दारूंच्या घोटासोबतच पत्त्यांची अदलाबदली करतात. या शाळेतील शिक्षक चंद्रपूर येथून धाबा गावाला येतात.वेळेवर शिक्षक कधीच हजर होत नाही अशी पालकांची तक्रार. शिक्षक वेळेवर येत नाहीत. आलेच तर मोबाईल मध्ये गुंतलेले असतात. शाळेला लागूनच  लहान नाला आहे. या नाल्यात विद्यार्थी खेळायला जातात. त्यांचा जीव गेला तर जबाबदार कोण? या शाळेत गरिबांची मुलं शिकतात. त्यामुळे पालकांनी तक्रार केली, ओरड केली तरीही शिक्षण विभाग त्याकडे लक्ष देतच नाही असा अनुभव पालकांना आलेला आहे. ज्या शाळेला दैवत मानल्या जाते त्या शाळेची ही दयनीय अवस्था बघून पालकांनी संताप व्यक्त केला आहे.

आदिवासी महिला सरपंचाची बनावट सही करुन बॅंकेतून काढले उपसरपंचानी पैसे 

उमरखेड (दि. 10 जुलै) पंचायत समिती उमरखेड अंतर्गत येत असलेल्या सुकळी (जं) येथील महिला सरपंच प्रणाली मस्के यांच्या नावाने असलेली डिजिटल सिग्रेचर (डीएसी) उपसरपंच शिवाजी रावते यांनी स्वतःच्या मोबाईलला जोडून ग्रामपंचायतीला येथील कार्यरत ग्रामसेवक दीपक भगत यांच्यासोबत संगणमत करून व सरपंच महिलेची बनावट सही करून बँकेतून पैसे काढले असल्याबाचतची तक्रार उमरखेड पोलिसात सरपंच महिलेकडून दाखल करण्यात आली असून या तक्रारीमुळे उमरखेड तालुक्यात - एकच खळबळ उडाली आहे.तालुक्यातील येथील 2023 सुकळी (ज) 2024 या वर्षात झालेल्या ग्रामपंचायत निवडणुकीत एसटी प्रवर्गातून थेट महिला सरपंच म्हणून मस्के या निवडून आल्या व त्यांनी सरपंच म्हणून पदभार देखील स्वीकारला पदभार स्वीकारल्या नंतर ग्रामपंचायतीच्या आर्थीक व्यवहाराच्या खात्यात नियमानुसार बदल झाला.

ग्रामविकासासाठी आलेला निधी उपसरपंच शिवाजी रावते याने स्वतःच्या मोबाईलवर ओटीपी घेऊन काढून घेतला तसेच घरकुल लाभार्थ्यांच्या फाईलवर सरपंच यांच्या बनावट सहह्या मारल्या व तसेच महात्मा गांधी ग्रामीन रोजगार हमी योजनेमध्ये सरपंचाच्या बनावट सह्या करुन भ्रष्टाचार केला.

हा सर्व प्रकार सुकळी ग्रामपंचायतचे सदस्य ज्ञानेश्वर कनचाले, अरबिंद बडेराव, राहुल चानखेडे, यांनी सरपंच यांच्या निदर्शनास आणून दिला त्यामुळे सुकळी (ज.) वेथील सरपंच प्रणाली मस्के यांनी याबाबत वरिष्ठांना लेखी निवेदन देऊन कळविले तसेच बनावट सह्या करून मोठ्या प्रमाणात भ्रष्टाचार

केल्यामुळे शासनाची

फसवणूक झाली असून याबाबतीत सखोल चौकशी करुन संबंधितावर कार्यवाही करण्यात याची यासाठी दिनांक 1 जुलै 2024 रोजी जिल्हाधिकारी यवतमाळ, उपमुख्य कार्यकारी अधिकारी (पंचायत), यवतमाळ उपजिल्हाधिकारी मनरेगा यांच्याकडे लेखी तक्रारी दिल्या तसेच उपसरपंच शिवाजी रावते यांची पत्नी रंजना रावते यांच्या नावे घरकुल योजनेचा लाभ माझ्या बनावट सहीने घेऊन त्या पोटी संगणमताने दोन हप्ते उचलले ही हप्त्याची रकम उचलण्यासाठी जिओ ट्रेकिंग अधिकारी व इतर अधिकारी यांना हाताशी धरून बनावट सह्यांचे आधारे शासन निधी हडपविला असून संगणमताने झालेल्या या प्रकारामुळे सुकळी (जं) येथील सरपंचाने थेट उमरखेड पोलिसात उपसरपंच शिवाजी रावते ग्रामसेवक दीपक भगत व उपसरपंच यांच्या पत्नी रंजना रावते, यांच्या विरोधात

उमरखेड पोलिसात तक्रार दाखल केली आहे.

दोन दुचाकीच्या धडकेत एक युवक ठार, दोन गंभीर,

एटापल्ली; तालुक्यातील तोडसा फाट्याच्या वळणावर दोन दुचाकीच्या सामोरासमोर झालेल्या जबर धडकेत रावजी मेस्सो गावडे, (वय २६ वर्ष) रा तोडसा, जागीच ठार झाला असून उलगे तिम्मा (वय ४५ वर्ष) रा जवेली (खुर्द) व शिवाजी कोत्तु वेळदा (वय ४१ वर्ष) रा तोडसा हे दोघे गंभीर जखमी झाले आहेत. एकाच दिवशी वेगवेगळ्या घटनांत दोन युवकांचा मृत्यू झाल्याने तोडसा गावात शोककळा परतली आहे.
रावजी गावडे, शिवाजी वेळदा व अन्य एक असे तिघे (ता.०९ जुलै) मंगळवारी सायंकाळी सहा वाजता दरम्यान तोडसा येथून एम एच ३३ आर २४०८ क्रमांकाच्या दुचाकीवरून एटापल्लीच्या दिशेने येत होते, त्याच वेळी उलगे तिम्मा व अन्य एक असे दोघे विरुद्ध दिशेने एटापल्लीवरून एम एच ३३ यु २९२५ क्रमांकाच्या दुचाकीवरून जवेली गावाकडे जात होते, यावेळी तोडसा फाट्यावरील वळणावर या दोन्ही दुचाकीत समोरासमोर भीषण धडक झाली, यात रावजी गावडे याच्या छातीला जबर मार लागून त्याचा जागीच मृत्यू झाला तर उलगे तिम्मा व शिवाजी वेळदा या दोघांनाही पायाला जबर मार लागून ते गंभीर जखमी झाले आहेत. दोन्ही जखमींवर ग्रामीण रुग्णालयात प्राथमिक उपचार करून पुढील उपचारार्थ जिल्हा सामान्य रुग्णालयात

हलविण्यात आले आहे.

पोलिसांनी (ता.१० जुलै) बुधवारी दुपारी बारा वाजता घटनेचा पंचनामा केला असून मृतक रावजी गावडे याच्या मृतदेहाची उत्तरीय तपासणी ग्रामीण रुग्णालयात केली जाणार आहे, रुग्णालयात एकाच वैद्यकीय अधिकारी उपस्थित असल्याने जखमींवर वेळीच उपचार करण्यात व मृतदेहाची उत्तरीय तपासणी करण्यात दिरंगाई होत आहे. त्यामुळे ग्रामीण रुग्णालयात पुरेशा वैद्यकीय अधिकाऱ्यांची उपस्थितीवर वरिष्ठ पातळीवरून कारवाही करून वैद्यकीय सेवा सक्षम करण्याची मागणी तालुका भाजप अध्यक्ष तथा तोडसाचे उपसरपंच प्रशांत आत्राम व नागरिकांनी केली आहे. घटनेचा पुढील तपास एटापल्ली पोलिसांकडून केला जात आहे.

सर्पदंशाने युवकाचा मृत्यू , नदीवर पूल असता तर वाचला असता जीव 

- पर्यायी मार्गाचा गंभीर रुग्णांनाही फटका
 
ता. प्र / कुरखेडा  दि. ०९ : तालुक्यातील सावरगांव (येगंलखेडा) येथे शेतात काम करतांना सर्पदंश झाल्याने युवकाचा मृत्यू झाल्याची घटना ८ जुलै रोजी सकाळी ८ वाजताच्या सुमारास घडली. करण संजय उईके (वय २२) रा.बोरटोला भरनोलि ता. अर्जुनी मोर जि.गोंदिया असे मृतक युवकाचे नाव आहे.
मिळालेल्या माहितीनुसार, करण हा कुरखेडा तालुक्यातील सावरगाव (येंगलखेडा) येथे शेती कामानिमित्त आला होता. दरम्यान सोमवार ८ जुलै रोजी शेतात काम करतांना त्याला सर्पदंश झाला. लागलीच त्याला कुरखेडा येथील उपजिल्हा रुग्णालयात उपचाराकरिता हलविण्यात आले मात्र रुग्णालयात पोहचेपर्यंत त्याला मृत्युने कवटाळले होते. डॉक्टरांनी त्याला मृत घोषित करत काही क्षणांपूर्वी पोहचले असते तर रुग्ण दगावला नसता असे सांगितले. युवा शेतकऱ्याचा अशा मृत्युने हळहळ व्यक्त करण्यात येत आहे.

नदीवर पूल असता तर वाचला असता जीव

करन ल सर्पदंश झाल्याने रुग्णवाहिका बोलावण्यात आली मात्र पुलाभावी ते पोहचण्यास अधिक विलंब लागणार असे सांगतात आल्याचे कळते. त्यामुळे सहकाऱ्यांनी कोणताही विलंब न करता खासगी वाहनाने कुरखेडा येथे हलविले मात्र पर्यायी मार्गाचा अधिकचा अंतर आणि लागणारा वेळ यामुळे रुग्णालयात पोहचण्यास विलंब झाला आणि करन चां मृत्यू झाला, नदीवर पूल असता तर जीव वाचला असता असे बोलण्यात येत आहे.
कुरखेडा येथील सती नदीवरील जुना पूल पडून नव्या पुलाचे बांधकाम सुरू आहे. दरम्यान शेजारीच नदीतून रपटा तयार करण्यात आला होता मात्र नदीतील पाण्याची पातळी वाढल्याने ४ जुलै रोजी वाहून गेला. त्यामुळे आता कुरखेडा तालुका मुख्यालय गाठण्यासाठी आंधळी - वाघेडा - मालदुगी - गोठणगाव फाटा असा पर्यायी मार्गाचा वापर करावा लागत आहे. मात्र हे अंतर आता अधिक असल्याने या मार्गाने तालुका गाठण्यासाठी अधिकचा वेळ लागत असल्याने याचा फटका गंभीर रुग्णांना बसत आहे. वेळेवर रुग्ण रुग्णालयात दाखल होऊ शकत नाही अशी ओरड नागरिकांची आहे

ट्रक- कारच्या भीषण अपघातात २ जण ठार, तिघे जखमी

गडचिरोली : नागपूरहून लग्न समारंभ आटोपून परत येत असताना ट्रक आणि कार यांच्यात जोरदार धडक झाल्याने दोन जण ठार, तर तिघे जखमी झाले. ही घटना आज 10  जुलै ला
 पहाटे पाचच्या सुमारास नागभिड-ब्रम्हपुरी मार्गावरील पोद्दार इंटरनॅशनल स्कूलजवळ घडली.

मृतांची आणि जखमींची नावे :
दिलीप परसवाणी (वय ५५) व महेक जितेंद्र परसवाणी (वय ४२, दोघेही. रा. देसाईगंज, जि. गडचिरोली) अशी मृतांची नावे आहेत. या अपघातात जितेंद्र परसवाणी (वय ४५) आणि त्यांची दोन मुले गौरव परसवाणी (वय १७) व उदय परसवाणी (वय १०) हे जखमी झाले आहेत.

जितेंद्र परसवाणी यांची प्रकृती गंभीर
देसाईगंज येथील पत्रकार जितेंद्र परसवाणी हे पत्नी महेक, दोन मुले गौरव व उदय आणि नातेवाईक दिलीप परसवाणी यांच्यासह नागपूरला नातेवाईकाच्या विवाहासाठी गेले होते. विवाह समारंभ आटोपून मध्यरात्री परत येत असताना नागभिड-ब्रम्हपुरी मार्गावरील पोद्दार इंटरनॅशनल स्कूलजवळ त्यांची कार आणि ट्रक यांच्यात जोरदार टक्कर झाली. यात दिलीप परसवाणी आणि महेक जितेंद्र परसवाणी हे जागीच ठार झाले, तर जितेंद्र परसवाणी, गौरव परसवाणी व उदय परसवाणी हे जखमी झाले. तिघांनाही ब्रम्हपुरी येथील खासगी रुग्णालयात भरती करण्यात आले. मात्र, जितेंद्र परसवाणी यांची प्रकृती गंभीर असल्याने त्यांना आज दुपारी नागपूरला हलविण्यात आले. या घटनेमुळे देसाईगंज शहरात हळहळ व्यक्त केली जात आहे.

माकडाने मारली भिंतीवर उडी,एका तरुणाचा भिंत कोसळून गेला बळी!

भंडारा :- पावसामुळे घराची भिंत ओली होती.त्यातच अचानकपणे शेतशिवारातून आलेल्या माकडांच्या कळपातील एका माकडाने भिंतीवरून उडी मारली. यात भिंत कोसळून मलब्याखाली दबून एका ३५ वर्षीय तरुणाचा मृत्यू झाला. योगेश खुशाल देशमुख, रा. कन्हांडला, ता. लाखांदूर असे मृताचे नाव असून ही घटना, रविवार ७ जुलै रोजी दुपारी ३ वाजता घडली.

शौचालय व राहत्या घराच्या मधात असलेल्या मोकळ्या जागेत ही भिंत कोसळली. मागील दोन- तीन दिवसांपासून मुसळधार पाऊस पडत आहे. त्यामुळे तालुक्यातील विविध गावांतील मातीने बनविलेल्या बहुतांश घरांचे पावसाच्या पाण्याने नुकसान झाले आहे. रविवारी योगेश स्वतःच्या राहत्या घराच्या घरगुती उपयोगातील शौचालय व मोठ्या भावाच्या मातीने बनविलेल्या घराच्या मध्यात असलेल्या मोकळ्या जागेत अस्ताव्यस्त पडलेल्या विटा व दगड निवडत होता. यावेळी अचानक शेतशिवारातून गावात प्रवेश केलेल्या माकडाने योगेशच्या मोठ्या भावाच्या राहत्या घरावर उडी घेतली.

माकडाने उडी घेताच योगेशच्या अंगावर भिंत पडली. या घटनेत योगेश गंभीररित्या जखमी झाल्याने त्याचा जागीच मृत्यू झाला. घटनेची माहिती योगेशच्या कुटुंबीयांसह गावकऱ्यांच्या लक्षात येताच भिंतीच्या मलब्याखाली दबलेल्या योगेशला बाहेर काढत घटनेची माहिती लाखांदूर पोलिसांना दिली. पोलिस उपनिरीक्षक विजयसिंह गोमलाडू व पोलिस कर्मचाऱ्यांनी घटनेचा पंचनामा केला.

सह भागिदारांची फसवणूक केल्याने बहीण व भावास अटक

गडचिरोली, 8 जुलै
येथील सोनापूर शिवारातील सर्व्हे क्र. 18/1 मधील शेतजमीन आपल्या सहभागीदारांना अंधारात ठेवून त्या जमिनीला अकृषक करुन परस्पर विक्री केल्याप्रकरणी जयश्री चंद्रिकापुरे (निकोसे) व विशाल निकोसे या दोन भावंडांना आज, 8 जुलै रोजी गडचिरोली पोलिसांनी अटक केली आहे. 
प्राप्त माहितीनुसार, जयश्री चंद्रिकापुरे व विशाल निकोसे या भावंडासह येथील कंत्राटदार नागनाथ (राजू) भुसारे आणि मनोज सुचक यांनी सामूहिकरित्या मौजा सोनापूर शिवारातील सर्वे क्र. 18/1 मधील 0.51.59 हेक्टर आर शेतजमीन जमीनमालक सुरेश नैताम यांच्याकडून खरेदी केली. आपल्याकडे पैसे नाहीत, असे सांगून जमीन खरेदीसाठी निकोसे भावंडांनी भुसारे यांच्याकडून 24 लाख व सूचक यांच्याकडून 24 लाख 13 हजार असे एकूण 48 लाख 13 हजार रुपये घेऊन जमीन मालकाला दिले व जमीन चारही सहभागीदारांच्या नावाने रजिस्ट्री करुन घेतली. जमीनीची खरेदी झाल्यानंतर नागनाथ भुसारे व मनोज सूचक यांना कुठल्याही प्रकारची भनक लागू न देता जयश्री चंद्रिकापुरे व विशाल निकोसे या दोन भावंडांनी सहभागीदार भुसारे आणि सूचक यांच्या खोट्या सह्या करुन त्यांच्या संमतीचे संमतीपत्र नगर परिषदेच्या मुख्याधिकार्‍यांकडे 8 डिसेंबर 2022 रोजी सादर केले व सदरची जमिन अकृषक करुन घेतली. त्यानंतर या जमिनीचे प्लॉट पाडून सहभागीदारांच्या परवानगीशिवाय जयश्री चंंद्रिकापूरे व विशाल निकोसे यांनी सदर जमीनीतील प्लॉट शितल राहुल ठवरे, डॉ. राहुल रमेश ठवरे, मंगला राजेश भट्टलवार व राहुल मधुकरराव निलमवार या चार जणांच्या नावाने करारनामा करुन त्यांच्याकडून प्रती प्लॉट 40 लाख रुपयेप्रमाणे विक्री केली. 
यासंदर्भात सहभागीदार भुसारे व सुचक यांना आपली फसवणूक करुन परस्पर निकोसे भावंडांनी जमीन विकल्याचे माहित झाल्यानंतर त्यांनी गडचिरोली पोलिसांकडे तक्रार दाखल केली. याशिवाय त्यांच्याविरोधात न्यायालयातही धाव घेतली. याप्रकरणी आज, गडचिरोली पोलिसांनी निकोसे भावंडांना फसवणुकीच्या आरोपाखाली अटक केली आहे. 
यासंदर्भात गडचिरोली पोलिस ठाण्याचे पोलिस निरीक्षक अरुण फेगडे यांच्याशी संपर्क साधला असता, निकोसे भावंडांविरोधात चार दिवसापूर्वीच गुन्हा दाखल झाला असून आज त्यांना अटक करण्यात आली असून, उद्या 9 जुलै रोजी त्यांना न्यायालयापुढे हजर केले जाणार असल्याची माहिती दिली आहे.
--------------

पोस्टात खाता उघडण्याचे  प्रवर डाक उपविभागीय निरीक्षक  यांचे लाडक्या बहिणींना आवाहन

सिरोंचा :-
संपूर्ण महाराष्टात चालू असलेल्या मुख्यमंत्री माझी लाडकी बहीण योजनेत दर महा एक हजार पाचसे रुपये देण्याचा निर्णय राज्य सरकारने घेतल्याने या योजनेचा लाभ घेण्यासाठी गडचिरोली जिल्यातील शेवटचा टोकावर असलेले सिरोंचा तालुक्यात पोस्ट ऑफिस जवळ येऊन महिला मोठया संख्येने  कागदपत्रे तयार करून बँक खाते आवश्यक असल्याने सिरोंचा पोस्ट ऑफिसमध्ये महिलांचे मोठया प्रमाणात गर्दी होत आहे.
प्रत्येक तालुक्यात राबविले जात असलेले मुख्यमंत्री माझी लाडकी बहीण योजने अंतर्गत वय २१ते ६५ वयोगटातील महिलांना शासनाच्या माध्यमातून दर महा १५०० रुपये दिले जाणार आहे.या योजनेचे अंमलबजावणी १जुलै २०२४पासून सुरु करण्यात आली आहे.
त्या नुसार विवाहित,अविवाहित घटस्फोटीत, विधवा,परितक्यता, निराधार, महिलांना या योजनेचा लाभ मिळणार असल्याने पोस्ट कार्यालयातून खातेही उघळले जात असल्याने पोस्ट खात्यातील कर्मचारी.समिती, कलाम शेख, वाणी कोठारी, सुधाकर गडपल्लीवार, वकील चव्हाण,  बादेश,अल्ताब शेख, अंजल तल्ला व प्रवर डाक अधीक्षक यांनी जास्तीत जास्त पोस्ट खात्यातील I PPB (इंडियन पोस्ट पेमेंट बँक )खाता उघळून महिलांनी योजनेचा लाभ घ्यावा असे प्रवर डाक उपविभागीय निरीक्षक सुभाष जावळे यांनी आवाहन केले आहेत.

शालेय पोषण आहाराचे वाटप करणाऱ्या इसमाने केला ९ वर्षीय बालीकेचा शाळेतच विनयभंग 

अकोला:-

एका जिल्हा परिषदेच्या प्राथमिक शाळेत शालेय पोषण आहाराचे वाटप करणाऱ्या मदतनीसाने एका नऊ वर्षाच्या मुलीचा विनयभंग केल्याचा धक्कादायक प्रकार शनिवारी उजेडात आला. याप्रकरणी चिमुकलीच्या नातेवाइकांनी सिव्हील लाइन पोलिस स्टेशनमध्ये तक्रार दिल्यानंतर ५० वर्षीय आरोपीविरूध्द विनयभंगासह पोस्को अॅक्ट अन्वये गुन्हा दाखल करण्यात आला आहे.

शहरातील जिल्हा परिषद शाळेत इयता चौथ्या वर्गामध्ये नऊ वर्षीय चिमुकली शिकते. विनयभंग करणारा आरोपी व त्याची पत्नी शालेय पोषण आहार अंतर्गत शाळेत खिचडी तयार करुन वाटप करतात. ४ जुलैला दुपारी आरोपी चंद्रमणी चव्हाण पिडित चिमुकलीला खिचडी तयार करण्याच्या खोलीत घेऊन गेला व तिच्यासोबत अश्लील कृत्य केले. हा प्रकार चिमुकलीने तिच्या घरी नातेवाईकांना सांगितल्यानंतर या प्रकरणाची तक्रार सिव्हील लाइन पोलिस स्टेशनमध्ये देण्यात आली. प्राप्त तक्रारीनुसार सिव्हील पोलिसांनी ५ जुलै ला आरोपी चंद्रमणी चव्हाण याच्या विरोधात भारतीय न्याय संहिता (बीएनएस) कलम ७४,७५ व सहकलम ७,८ पोस्को अॅक्टनुसार गुन्हा दाखल करीत त्याला अटक केली आहे. आरोपीला न्यायालयात हजर केले असता, त्याची न्यायालयीन कोठडीत रवानगी करण्यात आली.

गुन्ह्याचा पुढील तपास सिव्हील लाइन पोलिस स्टेशनचे पोलिस निरीक्षक अजीत जाधव यांच्या मार्गदर्शनाखाली सहायक पोलिस निरीक्षक महेंद्र शिंदे करीत आहेत.

चिमुकली म्हणाली शाळेत जात नाही आरोपीने मुलीचा विनयभंग केल्यामुळे ती भयभित झाली होती. दोन दिवस झाले ती शाळेत का जात नाही, असे आइने विचारले असता तीने घटनेचा उलगडा केला. त्यानंतर कुटुंबियांनी पोलिसांत तक्रार केली.

मुख्याध्यापकाने पाठवला अहवाल शाळेत घडलेल्या प्रकारामुळे शालेय व्यवस्थापन समितीच्या पायाखालची वाळू सरकली आहे. याप्रकरणी शाळेच्या मुख्याध्यापकाने तातडीने शालेय व्यवस्थापन समितीची बैठक घेत आरोपीचे काम बंद करुन त्याच्यावर कारवाइचा अहवाल शिक्षणाधिकाऱ्यांकडे पाठविल्याची माहिती आहे

श्री सद्गुरू साईबाबा विज्ञान महाविद्यालयात" एक पेड मा के नाम"अंतर्गत वृक्षरोपण

आष्टी,
 भारत देश व जगभरातील सर्व नागरिकांना मातृत्व आणि पर्यावरण संवर्धनासाठी मा.पंतप्रधान नरेंद्र मोदी यांनी "एक पेड मा के नाम" हा उपक्रम सुरू केला आहे त्यानिमित्ताने आष्टी येथील श्री सद्गुरू साईबाबा विज्ञान महाविद्यालयाच्या राष्ट्रीय सेवा योजना विभागातर्फे परिसरात जांभूळ, आवळा, साग, नीम, जाम अशा विविध प्रजातीच्या झाडाचे वृक्षारोपण करण्यात आले. झाडांचे वृक्षारोपण प्राचार्य डॉ.पी के सिंग, डॉ.अपर्णा मार्गोनवार, रासेयो प्रमुख प्रा.सुबोध साखरे, प्राध्यापिका पल्लवी शहा यांच्या हस्ते करण्यात आले.
 या आयोजित वृक्षारोपण कार्यक्रमाला महाविद्यालयाचे प्रभारी प्राचार्य डॉ. पी के सिंग, तर रा.से.यो.कार्यक्रमाधिकारी प्रा. सुबोध साखरे, डॉक्टर अपर्णा मारगोनवार, डॉक्टर एम पी सिंग,डॉक्टर प्रदीप कश्यप, डॉक्टर दीपक नागापुरे, डॉक्टर सोनाली ढवस, डॉ. प्रकाश राठोड, प्रा. महेश सीलमवार,प्रा.पल्लवी शहा, शुभांगी डोंगरे, विजुभाऊ खोब्रागडे, पोर्णिमा गोहणे, उषाबाई माहूरपवार, रमेश वागदरकर व रा. से. यो. स्वयंसेवक मोठ्या संख्येने उपस्थित होते.

स्व.लक्ष्मीबाई कला,विज्ञान व वाणिज्य महिला महाविद्यालय आलापल्ली येथे राष्ट्रीय शैक्षणिक धोरण (NEP)2020 च्या सभेचे आयोजन.

आलापल्ली:-

गोंडवाना विद्यापीठ गडचिरोली संलग्नित सर्व महाविद्यालयात राष्ट्रीय शैक्षणिक धोरण 2020 (NEP) लागू करण्यासंदर्भात दिनांक 6 जुलै 2024 ला दुपारी 3 वाजता  स्व. लक्ष्मीबाई कला, विज्ञान व वाणिज्य महिला महाविद्यालय, आलापल्ली येथे सभेचे आयोजन करण्यात आले होते. 

 संस्थाध्यक्ष, प्राचार्य आणि प्राध्यापक वृन्दात, नवीन शैक्षणिक धोरण 2020 लागू करताना अनेक समस्या भेडसावत होत्या.  त्यामुळे या समस्यांचे निराकरण करण्यासाठी आदरणीय कुलगुरू महोदय यांच्या अध्यक्षतेखाली, प्र-कुलगुरू यांच्या प्रमुख उपस्थित सभा झाली 
या सभेला मार्गदर्शन करतांना भारतीय शिक्षण पद्धतीमध्ये झालेले बदल , नवनवीन धोरण लागू करून त्यांची केलेली अंमलबजावणी आणि आता पूर्णपणे नव्याने राष्ट्रीय शैक्षणिक धोरण 2020 (NEP) लागू करतांना विद्यार्थी एडमिशन, प्राध्यापक वर्कलोड, अतिरिक्त प्राध्यापक झाले तर होणाऱ्या समस्या यावर प्रश्नोत्तर चर्चा घेऊन त्यांचे निराकरण प्र-कुलगुरू डॉ. श्रीराम कावळे  गोंडवाना विद्यापीठ गडचिरोली यांच्या कडून करण्यात आले. 

या सभेचे अध्यक्ष दीपक दादा आत्राम  हे होते तर, प्रमुख उपस्थिती प्र-कुलगुरू डॉ. श्रीराम कावळे , बबलूभैया हकीम, सिनेट सदस्य डॉ बूटे, प्राचार्य डॉ. मंडल  विचार मंचावर उपस्थित होते.  प्राचार्य डॉ. मनोरंजन  मंडल ,  प्राचार्य डॉ. टिपले ,  प्राचार्य डॉ. बूटे प्राचार्य डॉ. लाड , प्राचार्य डॉ. सोनकुवर  हेही उपस्थित होते.

 या सभेचे सूत्रसंचालन प्रा . राजेश गर्गम, प्रास्ताविक भाषण सिनेट सदस्य डॉ बुटे  यांनी केलेत तर आभार प्रा अजय बरसागडे  यांनी मानले. 
या सभेच्या यशस्वीतेसाठी स्व. लक्ष्मीबाई कला, विज्ञान व वाणिज्य महिला महाविद्यालय. आलापल्लीचे संस्थाध्यक्ष दिपक दादा आत्राम यांच्या मार्गदर्शनाखाली प्राचार्य अमित कोहपरे  यांच्या नेतृत्वात सर्व प्राध्यापक वृन्द आणि शिक्षकेत्तर कर्मचारी यांचे सहकार्य लाभले.

संघर्षाच्या काटेरी वाटेतुनच उज्वल भविष्यातील यशाचा मार्ग सुकर .-विरोधी पक्षनेते विजय वडेट्टीवार

 ब्रम्हपूरी :-
ज्ञानातुन मिळणारे सामर्थ्य हे चिरकाल टिकते. मिळालेले हे सामर्थ्य अंगिकारून समाजातील प्रत्येक यशस्वी व्यक्ती व विद्यार्थी यांनी संघर्षातुनच उज्ज्वल भविष्य घडविल्याचा इतिहास आहे. यशाचे शिखर गाठण्यासाठी परिस्थिती नाही तर उत्तम मनस्थिती, दृढ आत्मविश्वास, प्रगल्भ इच्छाशक्ती यांची नितांत गरज आहे. आपणा सर्व होतकरू विद्यार्थ्यांच्या पाठीशी मी सदैव खंबीरपणे उभे असुन संघर्षाच्या काटेरी वाटेतुनच प्रत्येक विद्यार्थ्याने आपल्या यशाचा मार्ग सुकर करावा असे प्रतिपादन राज्याचे विरोधी पक्षनेते तथा ब्रम्हपूरी विधानसभा क्षेत्राचे आमदार विजय वडेट्टीवार यांनी केले.

ते ब्रम्हपूरी तालुका काँग्रेस कमिटीच्या वतीने आयोजित ब्रम्हपूरी मतदारसंघातील ब्रम्हपूरी, सावली , सिंदेवाही येथील १०वी व १२वी च्या परिक्षेत गुणवंत ठरलेल्या विद्यार्थ्यांचा सत्कार सोहळा कार्यक्रमप्रसंगी अध्यक्ष म्हणून बोलत होते.

कार्यक्रमाचे उद्घाटक खासदार डॉ. नामदेव किरसान, प्रमुख मार्गदर्शक म्हणून जळगाव येथील दिपस्तंभ फाउंडेशनचे संचालक यजुर्वेंद्र महाजन, मोटीव्हेशनल स्पीकर सचिन बुरघाटे हे होते.
तर प्रमुख अतिथी म्हणून आमदार अभिजीत वंजारी, काॅंग्रेस नेते देविदास जगनाडे, ने.ही. महाविद्यालय माजी प्राचार्य डॉ नामदेव कोकोडे, ॲड. गोविंदराव भेंडारकर, तालुका काँग्रेस कमिटीचे अध्यक्ष खेमराज तिडके, शहर काँग्रेस कमिटी अध्यक्ष हितेंद्र राऊत, बाजार समितीचे सभापती प्रभाकर सेलोकर, माजी जि.प.सदस्य डॉ राजेश कांबळे, माजी जि.प.सदस्य प्रमोद चिमुरकर, न.प.माजी सभापती विलास विखार, माजी नगरसेवक डॉ नितीन उराडे, माजी पं.स.सदस्य थानेश्वर कायरकर, काॅंग्रेस जिल्हा उपाध्यक्ष मोंटु पिलारे, सिंदेवाही तालुका काँग्रेस अध्यक्ष रमाकांत लोधे ,युवक काँग्रेसचे तालुकाध्यक्ष सोनू नाकतोडे, धनराज मुंगले, महीला काँग्रेसच्या तालुकाध्यक्ष मंगला लोनबले, महीला काँग्रेसच्या शहराध्यक्षा योगिता आमले यांसह अन्य मान्यवर यावेळी उपस्थित होते.
कार्यक्रमाचे  सूत्रसंचालन सतीश डांगे, सुरज मेश्राम यांनी प्रास्ताविक डॉ राजेश कांबळे तर आभार खेमराज तिडके यांनी मानले

कोडपे ग्रामस्थांनी केला नक्षल गावबंदीचा ठराव ,व चार भरमार बंदुका पोलीसांच्या केल्या स्वाधीन 

अहेरी:-
नारगुंडा पोलीस स्टेशन अंतर्गत येत असलेल्या कोडपे ग्रामस्थांनी नक्षल गावबंदीचा ठराव संमत करून चार भरमार बंदुका पोलीसांच्या स्वाधीन केल्या आहेत 
दि.५ जुलै  ला गावातील लोकांना एकत्र करून बैठक घेण्यात आली आणि नक्षल गावबंदीचा ठराव मांडला तेव्हा सर्व ग्रामस्थांनी उस्फुर्त प्रतिसाद देत ठराव मंजूर केला.यापुढे नक्षलवाद्यांना कोणतेही सहकार्य करायचे नाही, त्यांच्या प्रलोभनाला बळी पडायचे नाही आणि गावात येऊच द्यायचे नाही असा संकल्प करुन गावातील चार भरमार बंदुका पोलीसांच्या ताब्यात दिल्या.
गावात नक्षल बंदीचा ठराव केल्याने पोलीस स्टेशन नारगुंडाचे प्रभारी अधिकारी सतिश बेले यांनी कोडपे ग्रामस्थांचे आभार मानले आहेत

खळबळजनक: पिता पुत्रानी शेजारी राहणाऱ्या ३४ वर्षीय इसमाचा कुऱ्हाडीने वार करून केला खून 

मूल (चंद्रपूर) :- मूल तालुक्यापासून आठ किलोमीटर अंतरावर असलेल्या हळदी गावामध्ये आज, शनिवार दिनांक- ६ जुलै रोजी सकाळच्या सुमारास भयावह घटना घडली. घराशेजारी असलेल्या झाडाच्या फांद्या तोडल्यानंतर राजू बोदलकर यांनी पिपरे यांना केबल बाजूला करा असे सांगितले, मात्र केबल बाजूला कर असे का म्हटले म्हणून पिता-पुत्रांनी राजू यांच्यावर हल्ला केला. गुरुदास पिपरे व त्यांचा २१ वर्षीय मुलगा सूरज गुरुदास पिपरे यांनी शेजारी राहणाऱ्या ३४ वर्षीय राजू शेषराव बोदलकर यांचा कुऱ्हाडीने वार करत खून केला. या हल्ल्यात बोदलकर यांचा जागीच मृत्यू झाला.

दरम्यान, घटनेनंतर गावात संतापाची लाट उसळली. गावकऱ्यांचा राग अनावर झाल्याने ते आरोपींना पकडण्यासाठी जमले. यावेळी आरोपी गावकऱ्यांच्या हाती लागले असते तर त्यांना जिवंत जाळण्याचा प्रकार गावात घडला असता. मात्र मूल पोलिसांनी तात्काळ घटनास्थळी दाखल होत आरोपी बाप-लेकाला ताब्यात घेतले

घोट- मार्कंडा (कं) रोडवरील खड्यांने घेतला दुचाकीस्वाराचा जीव 

खड्डे चुकवितांना नियंत्रण सुटल्याने बामनपेठ जवळील दासरवाही नाल्याजवळ दुचाकी झाडावर आदळून एक ठार

आष्टीः खड्डा चुकवितांना नियंत्रण सुटल्याने मोटार सायकल झाडावर आदळून एक व्यक्ती जागीच ठार झाल्याची घटना मार्कंडा कंन्सोबा- घोट मार्गावरील बामनपेठ जवळील दासरवाही नाल्याजवळ दिनांक ५ जूलै रोजी सकाळी अंदाजे ९ वाजताच्या सुमारास घडली. मानवेंद्र नरेंद्रनाथ रॉय वय (३८) रा. गांधीनगर असे मृत व्यक्तीचे नाव आहे.

मानवेंद्र नरेंद्रनाथ रॉय हे आपल्या  दुचाकी क्रमांक (एम.एच. ३३ एल ५७५१) ने दिनांक ५ जूलै रोजी सकाळी ७:४५ वाजताच्या दरम्यान गांधीनगर येथून घरून आपल्या मुलास  गोंडपिपरी तालुक्यातील तारसा येथील कारमेल ॲकाडमीला सोडून परत गावाकडे जात असताना बामनपेठ जवळील दासरवाही नाल्याजवळ खड्डे चुकवितांना नियंत्रण सुटल्याने सरळ मोटारसायकल झाडाला आदळून मानवेंद्र हे जागीच ठार झाले.

 १ मुलगा, १ मुलगी, पत्नी असा त्यांच्या पश्चात आप्तपरिवार आहे
सदर रोडवरील खड्डे किती जीव गेल्यानंतर शासनास जाग येणार असा प्रश्न उपस्थित होतो आहे

गावकऱ्यांनी केला रेतीतस्करांवर जिवघेणा हल्ला , एक ठार तर दोन गंभीर 

 चंद्रपूर : -
राजुरा तालुक्यातील
धोपटाळा येथे गावकऱ्यांनी ट्रॅक्टरद्वारे रेती तस्करी करणाऱ्यांवर अचानक हल्ला चढविला. दरम्यान दगडफेक केली. यामध्ये ट्रॅक्टरवरील एक जण ठार झाला तर अन्य चारपैकी दोन जण जखमी झाले.

रात्री ११.३० वाजताच्या सुमारास ही थरारक घटना घडली. याप्रकरणी राजुरा पोलिसांनी गुरुवारी सकाळी पाच जणांना ताब्यात घेतले आहे. आणखी आरोपींचा शोध सुरू आहे. मोहम्मद शहादत खान (५२) असे मृतकाचे नाव आहे. जखमींमध्ये ट्रॅक्टर मालक देविदास येवले (४७) व मजूर कैलास कुळसंगे (३०) यांचा समावेश आहे. तर रोशन बावणे (२८), बंडू कुकर्डे (४०) हे हल्ल्यातून थोडक्यात बचावले.

प्राप्त माहितीनुसार, राजुरा येथून पाच जण ट्रॅक्टरने सास्तीजवळील धोपटाळा नाल्यावर बुधवारी रात्री ११ वाजताच्या सुमारास रेती तस्करीसाठी गेले होते. ही बाब हेरून आधीच गावकऱ्यांनी त्यांना पकडून आणण्याचा बेत आखला होता. ट्रॅक्टर रेती घाटावर पोहचली. यानंतर गावकऱ्यांनी अचानक त्यांच्यावर धावा केला. ट्रॅक्टरमध्ये सुमारे दोन ते तीन घमेले रेती टाकण्यात आली होती. यानंतर गावकऱ्यांनी ट्रॅक्टरसह सर्वांना धोपटाळा येथील चौकात आणले. नंतर आमच्या गावातून रेती चोरता असे म्हणत अचानक त्यांच्यावर दगडफेक करण्यात आली.

यामध्ये एक जण छातीवर दगड लागल्याने खाली कोसळला. ट्रॅक्टरमधील इतर दोन जण जखमी झाले होते. जखमी व इतर दोघांनी जमिनीवर कोसळलेल्या मजुराला ट्रॅक्टरमध्ये टाकून राजुरा ग्रामीण रुग्णालयात नेले. डॉक्टरांनी तपासणीअंती त्याला मृत घोषित केले. या घटनेने रेती तस्करांमध्ये चांगलीच दहशत पसरल्याचे बोलले जात आहे. पुन्हा एकदा रेती तस्करीचा विषय ऐरणीवर आला आहे

मनसे कामगार सेना जिल्हाध्यक्षावर दिवसाढवळ्या गोळीबार,आरोपी फरार

चंद्रपूर :-
शहरातील माध्यभागी असणाऱ्या आझाद बगीचा जवळील रघुवंशी कॉम्प्लेक्स मध्ये जुन्या वैमनशातून मनसेचे कामगार सेना जिल्हाध्यक्ष अमन अंदेवार यांच्यावर जवळपास दुपारी 2.00 च्या दरम्यान अज्ञात इसमांनी गोळीबार केल्याची खळबळजनक घटना घडली असून गोळीबार झाल्यानंतर आरोपी फरार झाले आहे. दरम्यान घटनेची माहिती मिळताच शहर पोलीस स्टेशनं ची चमू घटनास्थळी दाखल झाली व अमन अंदेवार यांना प्राथमिक उपचारासाठी जिल्हा सामान्य रुग्णालयात नेल्यानंतर नागपूर ला पुढील उपचारासाठी पाठविण्यात आल्याची माहिती आहे. दरम्यान या गोळीबार प्रकरणाने शहरात दहशत पसरली आहे.

मनसे कामगार सेना जिल्हाध्यक्ष अमन अंदेवार यांच्यावर झालेल्या गोळीवर प्रकरणाला मागील सन 2020 मध्ये बल्लारपूर येथील कोळसा व्यापारी सुरज बहुरीया याची भरदिवसा भर चौकात गोळ्या झाडून हत्या करण्यात आली होती त्या घटनेशी जोडले जातं आहे, बहुरिया हत्त्या प्रकरणात अमन अंदेवार यांच्यासह त्यांचे बंधू आकाश उर्फ चिन्ना अंदेवार, आल्फ्रेड उर्फ बंटी लॉजिस्ट अँथोनी, प्रणय राजू सैगल, बादल वसंत हरणे, अविनाश उमाशंकर बोबडे सर्व राहणार बल्लारपूर यांचा समावेश होता, या हत्येला दारुतस्करी आणि कोळसा तस्करीचे कारण असल्याचे म्हटल्या जातं होते. दरम्यान हत्येच्या काही दिवसांपूर्वी आरोपी अमन अंदेवार याने व्हाट्सएप स्टेटसवर ‘जंगल जंगल ही रहेगा, मगर शेर बदल जायेगा’ अशी पोस्ट टाकली होती त्यामुळे सुरज बहुरिया यांचा सुनियोजित कट होता हे स्पष्ट होते, या घटनेनंतर सुरज बहुरिया गैगने अमन अंदेवार यांना ठार करण्याचा मन्सूबा जाहीर करून खुलं आव्हान केलं होतं, हा वचपा काढण्यासाठी मागील दीड ते दोन वर्षांपूर्वी याचं सुरज बहुरिया समर्थकांनी अमन अंदेवार यांचे बंधू आकाश उर्फ चिन्ना अंदेवार यांच्यावर याचं रघुवंशी कॉम्प्लेक्स मध्ये गोळीबार केला होता आणि आता त्याची पुन्हा पुनरवृत्ती झाली असून आता अमन अंदेवार यांच्यावर त्याचं प्रकरणातून गोळीबार झाला की आणखी कुठले कारण आहे हे पोलीस तपासात समोर येईल मात्र या गोळीबाराने शहरात दहशतीचे वातावरण आहे

अशिक्षित महीलांसह सरसकट मुख्यमंत्री "माझी लाडकी बहीण योजनेचा लाभ द्यावा - माजी जि.प.सदस्या रुपाली पंदिलवार 

आष्टी:-
महाराष्ट्र शासनाच्यावतीने आगामी विधानसभा निवडणुका डोळ्यासमोर ठेवून अर्थसंकल्पात मुख्यमंत्री माझी लाडकी बहीण योजनेची घोषणा केली मात्र कागदपत्रे ज्या महिलांकडे आहेत अश्या महीलांना त्याचा लाभ मिळणार परंतू ज्या महीला अशिक्षित आहेत त्यांना या योजनेचा लाभ मिळणार नाही असे स्पष्ट दिसत आहे 
सदर योजना एक जुलै २०२४ पासून लागू करण्यात आली असून मतदान करताना १८ वर्षे व लाभ देण्यासाठी २१ वर्षे का असाही प्रश्न उपस्थित होतो आहे
६५ वर्षांपर्यंतच्या महिलांना या योजनेचा लाभ मिळणार परंतू गाव खेड्यातील या वयाच्या महीला मोठ्या प्रमाणात अशिक्षित आहेत आणि हेच वास्तव आहे 
 अशिक्षित महीलांकडे आधार कार्ड, शिधापत्रिका व्यतिरिक्त अन्य कोणत्याही प्रकारचे पुरावे नाहीत मग त्या महीला लाभापासून वंचित राहतील तेव्हा तेव्हा गोरगरीब, निराधार, अश्या महीलांना सरसकट मुख्यमंत्री माझी लाडकी बहीण योजनेचा लाभ देण्यात यावा अशी मागणी माजी जिल्हा परिषद सदस्या सौ रुपाली पंदिलवार यांनी केली आहे

सती नदीवरील रपटा खचला ,पर्यायी मार्ग क्रमन करण्याचे जिल्हाधिकारी यांचे आवाहन 

कुरखेडा :- येथील कोरची मार्गावर असलेल्या सती नदीवर नव्या पुलाचे बांधकाम सुरु आहे. सदर काम सुरू असतांना या मार्गावरील वाहतुक नदीमधून तात्पुरत्या स्वरूपात बाधंण्याता आलेल्या वळण मार्गावरून करण्यात आले होते. मात्र सदर वळती मार्ग हा नदीमध्ये पाण्याची पातळी वाढल्याने पाण्याच्या प्रवाहाने आता खचला आहे. सदर मार्गाची वाहतुक इतर मार्गाने वळती करण्याचे आदेश जिल्हाधिकारी यांनी २२ जून रोजी पारित केले होते.
राष्ट्रीय महामार्ग क्र.५४३ वरील कुरखेडा-कोरची मार्गावरील सती नदीवरील जुना पूल पाडून नव्या पुलाचे बांधकाम करण्यात येत आहे. सदर मार्गावर वाहतुक सुरळीत असावी यासाठी नदीमधून रपटा तयार करून वाहतुक सुरू होती. मात्र सदर नवीन पुलाचे बांधकाम वेळेत पुर्ण होऊ न शकल्याने व सदर तयार करण्यात आलेला रपटा हा पुराच्या पाण्याने वाहुन जाण्याची शक्यता असल्याने जिल्हाधिकारी संजय दैने यांनी २२ जून रोजी आदेश निर्गमित केले होते. सदर मार्गावरील वाहतुक २९ जून पासून बंद करून इतर पर्यायी मार्गाने वळती करण्याचे सांगितले होते. दरम्यान सदर रपटा हा नदीमधील पाण्याची पातळी वाढल्याने पाण्याच्या प्रवाहाने ४ जुलै रोजी काही प्रमाणात खचला आहे. सदर मार्गावरून पुर्णतः वाहतुक आता बंद पडली असुन पर्यायी मार्गाचा वापर करून तालुकास्थळ नागरिकांना गाठावे लागणार आहे.
‘असा’ असेल पर्यायी मार्ग
हलक्या स्वरुपाची वाहनांकरिता कुरखेडा- चिचटोला फाटा- आंधळी-वाघेडा-मालदुगी-गोठणगाव फाटा मार्ग (रा.म.क्र.५४३) या रस्त्याचा
जड वाहतुकीकरिता कुरखेडा-वडसा-आरमोरी-वैरागड मार्ग (रा.म. क्र. ३६३)- गोठणगाव फाटा मार्ग (रा.म.क्र.५४३) या पर्यायी मार्गाचा वापर करावा.

महाराष्ट्र सरकारची 'लाडकी बहीण योजना' बहिणी खूष पण भाऊजी नाराज ?

चामोर्शी  : अर्थमंत्री अजित पवार  यांनी राज्याचा अंतरिम अर्थसंकल्प सभागृहात मांडला. आगामी विधानसभा निवडणुकांच्या पार्श्वभूमीवर हा अर्थसंकल्प महत्त्वाचा होता. या अर्थसंकल्पात लाडकी बहीण योजना मुलींचं मोफत शिक्षण, बेरोजगारांसाठी योजनांची घोषणा करण्यात आली. अर्थसंकल्प मांडताना अजित पवारांनी मुख्यमंत्री माझी लाडकी बहीण योजनेची घोषणा केली. १ जुलैपासून या योजनेची अंमलबजावणी करण्यात आली.
'मुख्यमंत्री माझी लाडकी बहिण योजना' अंतर्गत २१ ते ६५ वयोगटातील पात्र महिलांना शासनातर्फे दरमहा १५०० रुपये दिले जाणार आहेत. जुलै २०२४ पासून अंमलबजावणी होणार असल्याची माहिती अर्थमंत्री अजित पवारांनी दिली. मुख्यमंत्री माझी लाडकी बहीण योजना तात्काळ लागू झाली आहे. पात्र महिलांना महिन्याला दीड हजार रुपये मिळणार आहेत फार्म भरण्यासाठी महिलांची लगबग सुरू आहे तर एकमेकींना महिला  तू लाडकी बहिणचा फार्म भरली का ? असे विचारत आहेत तर आष्टी शहरात व परिसरात सलून दुकानात, पानटपरीवर पुरुषांमध्ये वेगळीच चर्चा ऐकायला मिळत आहे. पुरुष वर्ग एकमेकांना म्हणतात की सरकार लाडकी बहिण योजना चांगली काढली आहे माझी बायको तर मला सरकार माझा भाऊ मला महिन्याला १५०० रुपये देणार आहे म्हणून मस्त खुष आहे म्हणून सांगतो आहे तर दुसरा पुरुष म्हणतो की सरकार भाऊ बहिणीसाठी चांगली योजना काढली पण आम्हाला  (भाऊजी) म्हणून एक योजना काढायला पाहिजे अशी खमंग चर्चा सुरू आहे या होणाऱ्या चर्चेवरून सरकारच्या बहीण सरकार भाऊ वर खुष आहेत आणि भाऊजी मात्र नाराज आहेत यावरून असे दिसून येत आहे
आता तर दाखल्यांचे अटी सुद्धा कमी करण्यात आल्याचे ना.अजीत पवार यांनी विधिमंडळात सांगितले आहे व कोणताही अधिकारी या कामात कुचराई केल्यास त्यांचेवर दंडात्मक कारवाई करण्यात येणार आहे व सदर योजनेचा फार्म भरण्यासाठी मुद्दत वाढविण्यात आली आहे

शाळेतून स्वगावी जात असलेल्या बालकास ट्रकने चिरडले 

एकुलता एक मुलावर काळाचा घाला,अख्खे गाव गहिवरले 

 गडचिरोली, 

 शाळेतून सुटी झाल्यानंतर सायकलने परी जाणाऱ्या विद्यार्थ्यांला ट्रकने चिरडल्याची घटना काल, 3 जुलै रोजी गडचिरोली तालुक्यातील पोर्ला-बसा मार्गावर बुधवारी (दि. 3) सायंकाळी 5.30 वाजताच्या सुमारास घडली. ऋतुराज प्रशांत शिवणकर (वय 11, रा. वसा) असे मृतक विद्यायांचे नाव आहे. प्राप्त माहितीनुसार, ऋतुराज शिवणकर हा पोला येथील शिवाजी हायस्कूल शाळेत पाचव्या वर्गात शिकत होता. नेहमीप्रमाणे तो बुधवारी (दि. 3) सकाळी वसा येथून

सायकलने पोर्ला येथे शाळेत गेला, सायंकाळी 5 वाजता सुटी झाल्यानंतर तो आपल्या वर्गमित्रांसह सायकलने स्वगावी वसा येथे जात दरम्यान, गडचिरोलीवरून होता. आरमोरीकडे जात असलेल्या टीएस 09/ युई 4590 क्रमांकाच्या मालवाहू ट्रकने वसा बसस्थानकानजीक त्याच्या सायकलला मागून जोरदार धडक दिली. या धडकेत ऋतुराजचे नियंत्रण सुटल्याने तो ट्रकच्या मागील चाकात सापडला. यात

त्याच्या डोक्याचा चेंदामेंदा होवून तो जागीच ठार झाला. तर दुसरा वर्गमित्र किरकोळ जखमी झाला. घटनेची माहिती मिळताच वसा व पोलों येथील नागरिकांनी घटनास्थळी एकच गर्दी केली होती. अपघातामुळे या मार्गावरील वाहतूक बराच वेळ ठप्प पडली होती. घटनेची माहिती आरमोरी पोलिसांना देण्यात आली. पोलिसांनी घटनास्थळ गाठून ट्रक व चालकास ताब्यात घेतले. अपघातामुळे घटनास्थळी काही काळ तणावाचे वातावरण निर्माण झाले होते. अधिक तपास आरमोरी पोलिस करीत

संभाजी भिडे तोंड आवरा, नाहीतर मीश्या सावरा - विद्या लोलगे 

सोलापूर:-
 संभाजी भिडे आपल्या तोंडाला आवरा अन्यथा स्वतःच्या मिश्या सावरा असा इशारा सोलापूर विधवा संघटना अध्यक्षा राष्ट्रवादी काँग्रेस पक्षाचे नेत्या विद्या लोलगे यांनी दिला आहे 
वटपौर्णिमेच्या दिवशी नटया आणि ड्रेस घातलेल्या स्त्रियांनी पुजेला जाऊ नये, असे विधान शिव प्रतिष्ठान हिंदुस्थानचे संभाजी भिडे गुरुजी यांनी केले. भिडे यांच्या वक्तव्यावरून पुन्हा एकदा वाद निर्माण झाला असून महिलांनी भिडे गुरुजींना सज्जड दम दिला असून 'भिडे तोंड आवरा, नाहीतर मिशाही कापू' असाही इशारा दिला आहे.

संभाजी भिडे यांच्या वक्तव्यांवरून अनेक वेळा वादाचे प्रसंग ओढवत आहेत. अशातच त्यांनी महिलांबाबत वादग्रस्त विधान करून वाद ओढवून घेतला आहे. मात्र या वेळी भिडे यांच्या वक्तव्याचा सोलापूर शहरातील विधवा संघटनेच्या अध्यक्षा आणि राष्ट्रवादी काँग्रेसच्या नेत्या विद्या लोलगे यांनी निषेध करीत महिलांच्या वतीने त्यांना सज्जड दम दिला आहे. विधवा महिलांसाठी वर्ल्ड ऑफ वुमेन्स संघटनेच्या स्थापनेची माहिती देण्यासाठी घेण्यात आलेल्या पत्रकार परिषदेत त्यांनी भिडेंना इशारा दिला. भिडे यांनी यापुढे महिलांबद्दल वादग्रस्त विधान करू नये, अन्यथा सर्व महिला मिळून त्यांच्या मिशा कापून टाकतील, असे म्हटले आहे.

भिडे गुरुजी म्हणाले...

"वटसाकित्रीच्या पूजेला नट्यांनी जाऊ नये. ड्रेस घातलेल्या महिलांनीही जाऊ नये. साडी घातलेल्या महिलांनी जावं," असे वादग्रस्त वक्तव्य संभाजी भिडे यांनी केलं होतं. तसेच आपल्याला जे स्वातंत्र्य मिळालं ते दळभद्री स्वातंत्र्य आहे. हिंदवी स्वराज्य हे खरं स्वातंत्र्य आहे, असेही संभाजी भिडे म्हणाले आहेत. मात्र संभाजी भिडे यांच्या या विधानानंतर पुन्हा एकदा मोठा वाद पेटला आहे.

कोंढाळा ग्रामपंचायतीचे अँड्रॉइड मोबाईल केले लंपास- सायबर सेलकडे तक्रार दाखल

 मोबाईल परत करावे अन्यथा खावी लागेल जेलची हवा.

मुख्य संपादक/अशोक खंडारे 

कोंढाळा (देसाईगंज) :- देसाईगंज तालुक्याच्या कोंढाळा ग्रामपंचायतीचे अँड्रॉइड मोबाईल एका अज्ञात चोरट्याने ग्रामपंचायत कार्यालयातून चोरून नेले असल्याची घटना काल, मंगळवार दिनांक-२ जुलै रोजी दुपारी २ वाजेच्या सुमारास घडली. याबाबत ग्रामपंचायतीच्या वतीने अज्ञात चोरट्या विरुद्ध देसाईगंज पोलीस पोलीस ठाण्यात सायंकाळपर्यंत तक्रार दाखल केली असून त्वरित सायबर सेलकडे प्रकरण वलती करण्यात आले आहे.

प्राप्त माहितीनुसार, मुख्यमंत्री-माझी लाडकी बहीण
योजनेच्या कागदपत्रांची जुळवाजुळव करण्याकरिता गावातील नागरिकांची झुंबड
रहिवासी प्रमाणपत्र, जन्म प्रमाणपत्र व इतर कागद
पत्रांसाठी कोंढाळा ग्रामपंचायत कार्यालयात सकाळ पासून ते सायंकाळपर्यंत दिसून येत आहे. अशातच काल, मंगळवारी कार्यालयातील कर्मचारी कामात व्यस्त असतांना टेबलावर ठेवलेला ग्रामपंचायतीचा अँड्रॉइड मोबाईल अज्ञात चोरट्याने चोरून नेला आहे. सदर मोबाईल हा मागील वर्षाच्या डिसेंबर महिन्यात खरेदी करण्यात आला होता. एखादा प्रमाणपत्र काढण्यासाठी मोबाईलवर ओटीपी जात असतो. त्यामध्ये ग्रामपंचायतीची संपूर्ण माहिती संकलित करण्यात आली असून इतरांना त्याचा काहीही उपयोग होणार नाही. गडचिरोली जिल्ह्याच्या सायबर सेलकडे याबाबत तक्रार गेली असल्याने 'तो' मोबाईल चोरटा कोण? हे लवकरच कळणार आहे. ज्या व्यक्तीने मोबाईल चोरून नेला असेल, त्यांनी कोंढाळा ग्रामपंचायत कार्यालयात आणून देण्याचे करावे; अन्यथा ग्रामपंचायत आवारातील लावण्यात आलेल्या सिसीटिव्ही कॅमेरा च्या माध्यमातून शोध घेऊन संबंधित चोरट्याला जेलची हवा खावी लागेल; अशी माहिती ग्रामपंचायतीच्या सरपंचा अपर्णा राऊत यांनी दिली

शुल्लक वादातून आई आणि मोठ्या भावाने केली छोट्या भावाची हत्या

 नागपूर :
 आई आणि मोठ्या
भावासोबत क्षुल्लक कारणावरून वाद घालून घरातील साहित्याची तोडफोड करणाऱ्या युवकाला शांत करताना गळा आवळल्या गेल्याने त्याचा मृत्यू झाला. ही घटना जरीपटका पोलिस ठाण्याच्या हद्दीत शुक्रवारी २८ जूनला रात्री ९.३० वाजताच्या सुमारास घडली असून पोलिसांनी आई आणि भावाला अटक केली आहे.

प्रयाग उर्फ बंटी श्रीराम गौर (३४) रा. कुशीनगर जरीपटका असे या भांडणात मृत्यू झालेल्या युवकाचे नाव आहे. तो रागीट स्वभावाचा होता. तो मोबाईल शॉपीत काम करायचा. तर प्रभात श्रीराम गौर (३६) आणि मीरा श्रीराम गौर (६०) दोघे रा. कुशीनगर जरीपटका अशी आरोपी आई आणि भावाची नावे आहेत. जरीपटका पोलिसांनी दिलेल्या माहितीनुसार घटनेच्या दिवशी मृतक प्रयागचा लहान भाऊ सुशांतचे दोन मित्र आणि त्यांच्या पत्नी घरी आल्या होत्या. बोलताना प्रयागचा सुशांतसोबत वाद झाला. त्यामुळे रागाच्या भरात प्रयागने मोठ्या भावाला लग्नात मिळालेली आलमारी फोडली.

यावरून त्याच्या आईने प्रयागला विचारना केली असता त्याने रागाच्या भरात रिमोट टीव्हीला फेकून मारला. तो घरातील साहित्याची तोडफोड करीत असल्याचे पाहून त्याच्या आईने प्रयागचे पाय धरले आणि मोठा भाऊ प्रभातने त्याच्या गळा पकडला असता त्याचा गळा आवळल्या गेल्याने तो जागेवरच निपचित पडला. या प्रकरणी प्रयागचा भाऊ सुशांत श्रीराम गौर (३२) याने दिलेल्या सुचनेवरून जरीपटका पोलिसांनी आरोपी आई आणि भावाविरुद्ध कलम ३०२, ३४ नुसार गुन्हा दाखल करून त्यांना अटक केली आहे

आईलाही नाही आली नव महीण्याच्या बाळाची कीव,बाळाला विष पाजून स्वतःचे संपविले जीवन 

चंद्रपूर 

ज्या जीवाला पोटात 9 महिने आनंदाने वाढवलं त्याला जन्म दिल्यानंतर 9 महिन्यांनी पोटच्या गोळ्याला संपवण्याचा प्रयत्न केला आहे. ९ महिन्यांच्या बाळाला विष देऊन मारण्याचा प्रयत्न केला.इतकंच नाही तर वैतागलेल्या आईनं स्वतः विष प्राशन करुन आयुष्य संपवलं आहे. ही धक्कादायक घटना चंद्रपुरात घडली आहे.
ही धक्कादायक घटना वरोरा तालुक्यातील शेगाव इथे घडली आहे. देश इतका पुढे गेला मात्र अजूनही घरातल्या लक्ष्मीला हुड्यांसाठी किंवा घरातल्या कामावरुन छळण्याचे प्रकार कमी झाले नाहीत. हे धक्कादायक वास्तव आहे चंद्रपुरातलं. पल्लवी पारोधे असं मृत 27 वर्षीय महिलेचं नाव आहे. तिने कुटुंबियांच्या त्रासाला कंटाळून टोकाचं पाऊल उचललं.

पल्लवीने कौटुंबिक वादातून विष प्राशन करून आत्महत्या केली आहे. आपल्यानंतर बाळाचं कसं होणार या विचाराने तिने आपल्या 9 महिन्यांच्या मुलालाही विष पाजलं. मुलाला खासगी रुग्णालयात उपचारासाठी दाखल करण्यात आलं आहे. मुलाची प्रकृती सध्या स्थिर असल्याची माहिती मिळाली आहे. मात्र या दुर्घटनेत आईचा मृत्यू झाला. मुलाच्या डोक्यावरचं आईचं छत्र हरपलं आहे.

मिळालेल्या प्राथमिक माहितीनुसार मृत महिलेच्या आईनं पोलिसांना दिलेल्या जबाबावरुन हुंडाबळीची तक्रार दाखल झाली आहे. नवरा आणि दीर यांना पोलिसांनी ताब्यात घेतलं असून त्यांची कसून चौकशी सुरू आहे. हुंड्यासाठी पल्लवीचा छळ होत होता अशी प्राथमिक माहिती आहे. या प्रकरणी चंद्रपूर पोलीस तपास करत आहेत.

उत्कृष्ट व समाधानी ग्राहकांमुळेच पतसंस्थेची प्रगती- अनिल पाटील म्हशाखेत्री

पतसंस्थेच्या वतीने उत्कृष्ट ग्राहकांचा सत्कार

 गडचिरोली:-
 ज्या पतसंस्थेत समाधानी ग्राहकांची संख्या जितकी जास्त, तितकी त्या संस्थेला दीर्घकालीन व शाश्वत यश मिळण्याची संधी जास्त असते. दी गडचिरोली नागरी सहकारी पतसंस्थेला सुरुवातीपासूनच उत्कृष्ट व समाधानी ग्राहकांची साथ लाभल्यामुळे तिची उत्तरोत्तर प्रगती होत गेल्याचे गौरवोद्गार  दि गडचिरोली नागरी सहकारी पतसंस्थेचे अध्यक्ष अनिल पाटील म्हाशाखेत्री  यांनी  पतसंस्थेच्या ३१ व्या वर्धापन दिनानिमित्त आयोजित कार्यक्रमात कार्यक्रमाच्या अध्यक्ष स्थानावरून काढले. यावेळी कार्यक्रमाचे प्रमुख अतिथी म्हणून पतसंस्थेच्या मानद सचिव श्रीमती सुलोचनाताई वाघरे, ज्येष्ठ संचालक पंडित पुडके  उपस्थित  होते.
  अनिल पाटील पुढे म्हणाले , दि गडचिरोली नागरी सहकारी पतसंस्थेची स्थापना 28 जून 1993 रोजी झाली असून  संस्थापक अध्यक्ष स्व . चुडाराम मुनघाटे,संस्थापक मानद सचिव  स्व. खुशालराव वाघरे विद्यमान  संचालक मंडळ व सेवक वर्ग यांच्या  अथक परिश्रमातून ही पतसंस्था अगदी कमी कालावधीत नावारूपास आली.  आज या पतसंस्थेच्या जिल्ह्यात ९ शाखा असून सर्व शाखा सीबीएस प्रणालीने जोडल्या आहेत. ग्राहक सेवेचा दर्जा पाहून संस्थेला आंतरराष्ट्रीय दर्जाचे ISO 9001-2015 हे मानांकन सुद्धा प्राप्त झाले आहे.
   मागील पाच वर्षाच्या काळात ( २०१७-१८ ते २०२३-२४ ) संस्थेचे अधिकृत भाग भांडवल 2 कोटी वरून 5.39 कोटी वर गेले. एकूण ठेवी 49.62 कोटीवरून 117.85 कोटीवर पोहोचल्या, एकूण गुंतवणूक 33.33 कोटीवरून 56.42कोटीवर पोहोचली. कर्ज वाटप 31.30, कोटीवरून 100.18 कोटीवर पोहोचले. संस्थेचा स्वनिधी 12.04 कोटी वरून 25 कोटीवर पोहोचला आहे. वरील  आकडेवारीवरून संस्थेचा आर्थिक पाया अत्यंत भक्कम असून, संस्थेची आर्थिक भरभराट झालेली दिसून येते.
 संस्थेच्या उत्तरोत्तर आर्थिक वाटचालीबद्दल संस्थेला सलग दोनदा 2022 व  2023 चा बँको पतसंस्था  ब्ल्यू रिबन पुरस्कार प्राप्त झाला आहे. तसेच विदर्भ क्रेडिट को-ऑपरेटिव्ह सोसायटीज फेडरेशन लिमिटेड   अमरावती तर्फे " गडचिरोली जिल्हास्तरीय आदर्श पुरस्काराने" वेळोवेळी सन्मानित केले असल्याचे त्यांनी याप्रसंगी सांगितले. 
     यावेळी अनिल पाटील यांचा 62 वा वाढदिवस  केक कापून साजरा करण्यात आला. तसेच   शाल  व श्रीफळ देऊन संचालक व कर्मचाऱ्यांच्या वतीने त्यांचा सत्कार  करण्यात आला.
   कार्यक्रमाचे प्रास्ताविक  प्रा शेषराव येलेकर, संचालन शाखा व्यवस्थापक भूषण रोहनकर  तर उपस्थितांचे आभार संस्थेचे संचालक  दिलीप  उरकुडे यांनी मानले. 
   

‘गडचिरोली' जिल्ह्यातील तीन शाळा अनधिकृत, मान्यता नसलेल्या शाळेत विद्यार्थ्यांनी प्रवेश घेऊ नये, शिक्षण विभागाचे आवाहन 

आष्टी येथील एका शाळेचा समावेश,पण शहरात अनाधिकृत शाळा असल्याचे फलक नाही 

गडचिरोली :-

बालकांचा मोफत व सक्तीच्या शिक्षणाचा हक्क अधिनियम 2009 महाराष्ट्र राज्यात 1 एप्रिल 2010 पासून अंमलात आलेला आहे. त्यानुसार प्रत्येक शाळा शासन मान्यताप्राप्त असणे अनिवार्य आहे. परंतू गडचिरोली जिल्ह्यात काही शाळा अधिकृतपणे शासनाची मान्यता न घेताच सुरू असल्याचे शिक्षण विभागाच्या निदर्शनास आले आहे. त्या शाळांवर द्रव्यदंडाच्या शिक्षेसह कायदेशीर कारवाई होईल. पण अशा कोणत्याही अनधिकृत शाळांमध्ये विद्यार्थ्यांनी प्रवेश घेतल्यास त्यांचे पुढील शैक्षणिक भवितव्य धोक्यात येण्याची शक्यता आहे. त्यामुळे अशा अनधिकृत शाळांमध्ये प्रवेश घेऊ नये, असे आवाहन शिक्षण विभागाने केले आहे.

अनधिकृत असलेल्या शाळांमध्ये धानोरा तालुक्यातील पारंपरिक कोया ज्ञानबोध संस्कार गोटूल स्कूल मोहगांव, गडचिरोली तालुक्यातील बुध्दीस्ट इंटरनॅशनल स्कूल गडचिरोली आणि चामोर्शी तालुक्यातील बुध्दीस्ट इंटरनॅशनल स्कूल आष्टी या शाळांचा समावेश असल्याचे शिक्षण विभागाने कळविले. याव्यतिरीक्त इतर काही अनधिकृत शाळा सुरु झाल्या असल्यास अशा शाळांमध्ये पालकांनी आपल्या पाल्यांचा प्रवेश घेवू नये. पालकांनी पाल्याचे प्रवेश घेतेवेळी शासनाची मान्यता आहे किंवा नाही याची खात्री करावी, तसेच गडचिरोली जिल्हाात अशा अनाधिकृत शाळा निर्दशनास आल्यास शिक्षणाधिकारी (प्राथमिक) व शिक्षणाधिकारी (माध्यमिक), जिल्हा परिषद, गडचिरोली यांना लगेच लेखी स्वरुपात माहिती द्यावी असे आवाहन शिक्षणााधिकारी (प्राथमिक) बाळासाहेब पवार व शिक्षणाधिकारी (माध्यमिक) वासुदेव भुसे यांनी केले आहे
जिल्ह्यातील ज्या शाळा अनाधिकृत आहेत तशा शाळांचे फलक लावण्याचे जिल्हा प्रशासनाने गटशिक्षणाधिकाऱ्या कळविले आहे पण आष्टी शहरात मुख्य ठिकाणी शाळा अनाधिकृत असल्याचे फलक लावण्यात आले नाही फलक लावले असतेतर या अनाधिकृत शाळेबद्दल पालकांना माहिती मिळाली असती असे पालकवर्गातून बोलले जात आहे

श्री सद्गुरु साई बाबा विज्ञान महाविद्यालयात राजर्षी शाहू महाराजांना अभिवादन

 आष्टी :-

येथील स्थानिक श्री सद्गुरू साईबाबा विज्ञान व वाणिज्य महाविद्यालय येथे राष्ट्रीय सेवा योजनेच्या वतीने  राजश्री शाहू महाराज यांची जयंती सामाजिक न्याय दिन म्हणून साजरी करण्यात आली.
 यावेळी कार्यक्रमाचे अध्यक्ष महाविद्यालयाचे प्रभारी प्राचार्य डॉ. पी के सिंग, मुख्य मार्गदर्शक  म्हणून रासेयो कार्यक्रमाधिकारी प्रा. सुबोध साखरे, डॉ.अपर्णा मारगोणवार, डॉ. एम पी सिंग, डॉ.कश्यप, डॉ. सोनाली ढवस, डॉ.प्रकाश राठोड, डॉ. दीपक नागापुरे, प्रा. महेश कुमार सिलमवार, प्रा. सचिन मुरकुटे, प्रा. राहुल आवारी उपस्थित होते. मान्यवरांनी छत्रपती शाहू महाराज यांच्या प्रतिमेला पुष्पहार अर्पण करून अभिवादन करण्यात आले. यावेळी मुख्य मार्गदर्शक प्रा. सुबोध साखरे यांनी शाहू महाराज यांचे आरक्षणाविषयी धोरण व त्यांच्या सामाजिक कार्यांच्या उल्लेख प्रबोधनातून केला. राजर्षी शाहू महाराजांचे शैक्षणिक विचार हे आपल्या समाजाला प्रेरणादायी आहे. त्यांचे विचार वाचणे,समजणे व त्यानुसार विद्यार्थ्यांनी कृती करणे हे खरे अर्थाने काळाची गरज आहे असे विचार प्राचार्य डॉ.पी के सिंग यांनी आपल्या अध्यक्षीय भाषणातून व्यक्त केले. या कार्यक्रमाचे सूत्रसंचालन प्रा.महेश कुमार सिलमवार तर आभार प्राध्यापिका जया रोकडे यांनी मानले. यावेळी मार्गदर्शक प्राध्यापक,शिक्षकेतर कर्मचारी व विद्यार्थी मोठ्या संख्येने उपस्थित होते.

पोलीसांनी टाकली घरात धाड,मिळाला ७७ हजारांचा अवैध मुद्देमाल 

आलापल्ली:-
पोलीसांनी एका अवैध दारू विक्रीचा व्यवसाय करणाऱ्या व्यक्तीच्या घरात धाड टाकली असता त्यांच्या घरामध्ये ७७ हजारांचा अवैध मुद्देमाल मिळून आला 
मौजा आल्लापल्ली येथील सचिन लक्ष्मण मिसाळ हे अवैध दारू विक्रीचा व्यवसाय करीत असल्याचे खात्रीलायक सूत्रांनी दिलेल्या माहितीनुसार अहेरी पोलीसांनी धाड टाकली असता त्यांच्या घरामध्ये २१६ नग बिअर किंमत ५४ हजार रुपये ,२५० निपा देशी दारू किंमत २० हजार रुपये,१० बंपर काचेचे बिअर किंमत ३ हजार रुपये असा एकूण ७७ हजार रुपयांचा मुद्देमाल पोलीसांनी जप्त केला व आरोपी विरुद्ध कलम ६५ ई नुसार गुन्हा दाखल केला आहे 
अहेरी पोलीसांनी सदर कारवाई केली असल्याने अवैध दारू विक्रीचा व्यवसाय करणाऱ्या लोकांमध्ये दहशत निर्माण झाली आहे

दोन ट्रकच्या भीषण अपघातात ,एक ट्रक चालक जागीच ठार 

आष्टी:-
येथून जवळच असलेल्या कोनसरी व सोमनपल्ली गावांच्या मधोमध दोन ट्रकच्या भिषण अपघातात एक ट्रक चालक जागीच ठार झाले  ही घटना आज सायंकाळच्या सुमारास घडली आहे 
गडचिरोली कडून ट्रक क्रं.CG 04 NJ 4834 हा आष्टी कडे येत असताना सुरजागड चे मेटल घेउन जाणारा ट्रक क्रं एम एच ४० सी एम ५६८५ ह्याने जोरदारपणे धडक दिल्याने समोरच्या गाडीतील चालक जागीच ठार झाला  समोरच्या ट्रक चा क्याबीन पुर्णपणे विस्कळीत झालेला आहे 
जखमी असलेल्या ईसमांचा अजूनही पत्ता लागलेला नाही मृतकाचे नाव विकास कुमार बिंद वय २४ रा.अलाहबाद असे आहे
सदर घटनेची माहिती आष्टी पोलीस स्टेशन ला मीळताच पोलीस निरीक्षक विशाल काळे आपल्या चमूसह घटनास्थळी दाखल झाले व मृतकास आष्टी रुग्णालयात पाठविलें शवविच्छेदन करण्यात आल्या नंतर मृतदेह त्याच्या नातलगांना देण्यात येणार आहे

गडचिरोली-चंद्रपुर जिल्ह्यात वैनगंगा नदीकाठच्या नागरिकांनी सावधानता बाळगावी :
जिल्हा प्रशासनाचे आवाहन

चिचडोहचे ३८ दरवाजे आज खुले करणार 

गडचिरोली,दि.19(जिमाका): गडचिरोली जिल्ह्यातील चामोर्शी तालुक्यात असलेल्या चिचडोह बॅरेजमधून दिनांक 21 जून 2024 रोजी सकाळी 8 वाजता प्रकल्पाचे सर्व 38 दरवाजातून 190.23 क्यूमेक्स पाण्याचा विसर्ग नदीपात्रात सोडण्यात येणार आहे. यामुळे नदीतील निम्न भागातील पाण्याची पातळी वाढणार आहे. त्यामुळे या नदीकाठाने राहणाऱ्या गडचिरोली व चंद्रपुर जिल्ह्यातील नागरिकांनी सावधानता बाळगावी, असे आवाहन जिल्हा प्रशासनाद्वारे करण्यात आले आहे.
गोसीखुर्द धरणातून 40 घ. मी./सेकंद इतका विसर्ग सोडण्यात आला असल्याने दिनांक 29 जून 2024 पर्यंत चिचडोह प्रकल्पाचा पाणीसाठा 179.800 मी. पर्यंत वाढेल, त्या अनुषंगाने खबरदारी म्हणून पाणीसाठा नियंत्रित करण्यासाठी चिचडोह प्रकल्पातून पाण्याचा विसर्ग करण्यात येणार आहे.
    वैनगंगा नदीवर चामोर्शी तालुका मुख्यालयापासून उत्तरेस 5 कि.मी. अंतरावर चिचडोह बॅरेजचे बांधकाम जून 2018 मध्ये पूर्ण झालेले आहे. सदर बॅरेज मार्कंडा देवस्थानापासून वैनगंगा नदीचे वरचे बाजुस 4 किलोमिटर अंतरावर आहे. याची एकूण लांबी 691 मीटर असून त्यावर 15 मीटर लांबीचे व 9 मीटर उंचीचे 38 लोखंडी उभे उचल दरवाजे बसविण्यात आलेले आहेत. चिचडोह बॅरेजमध्ये दिनांक 18 जून 2024 रोजी पाणी पातळी 178.90 मी. व पाणीसाठा 11.285 द.ल.घ.मी. इतका आहे. 
*या गावांनी आहे धोका* : गडचिरोली जिल्ह्यातील मार्कंडादेव, घारगाव, फराडा, वाघोली, चामोर्शी, हल्दीपूरानी, टेकडा, दोटकूली, कळमगाव, खंडाळा. एकोडी, अनकोडा, इल्लूर, नविन लोंढोली, आष्टी, चपराळा, गणपूर व कढोली. तसेच चंद्रपुर जिल्ह्यातील लोंढोली, उसेगाव, पार्डी, बेंबाळ, जिबगाव, पेठगाव, शिर्सी,साखरा, कोरंबी, बोरघाट, देवाळा (बु), चखठाणा,विठ्ठलवाडा, पिपरी व घाटकूळ.
वाढीव पाणी पातळीमुळे जिवित व वित्त हानी होवू नये म्हणून नदीलगतचे सर्व गावकऱ्यांनी सदर कालावधीत नदीकाठावर जाणे टाळावे तसेच नदीकाठावरील शेतामध्ये कामे करतांना उचित सतर्कता बाळगावी. मार्कंडा देवस्थान येथील यात्रेकरी, नदीवर आंघोळ करणारे, मासेमारी करणारे, नदीघाटातुन रेती काढणारे, पशुपालक, नदीतून ये-जा करणाऱ्या नागरिकांनी आवश्यक खबरदारी घेवून प्रशासनास सहकार्य करण्याचे आवाहन गडचिरोली पाटबंधारे विभागाचे कार्यकारी अभियंता राहूल मोरघडे यांनी केले आहे.  
0000

तीन असाह्य अल्पवयीन भगीनींचा घेतला नराधमांनी फायदा,एक  मुलगी गर्भवती झाल्याने फुटले बींग

 मुंबईः- नालासोपारा येथील पेल्हार पोलीस ठाणे हद्दीत एक धक्कादायक बाब समोर आली आहे. येथे 3 सख्ख्या अल्पवयीन बहिणींवर लैंगिक अत्याचार केल्याची संतापजनक घटना घडली आहे. 1 वर्षापासून वेगवेगळे नराधम आरोपी त्यांच्यावर लैंगिक अत्याचार करत होते. याप्रकरणी एकूण 4 आरोपींना पोलिसांनी बेड्या ठोकल्या आहे. यातील एक आरोपी सराईत गुन्हेगार आहे. वडील व्यसनाधीन असल्याने या 3 अल्पवयीन मुलींबाबत ही शोकांतिका आली.

या मुलीचे वडील पिढीत मुलींच्या आईला मारहाण करत होते, त्यामुळे त्यांची आई या मुलींना सोडून गेली. मुलींनाही त्यांचे वडील मारहाण करत होते. त्यामुळे गेल्या वर्षी 17 वर्षाची मुलगी घरातून निघून गेली. याच काळात दत्ता क्षीरसागर वय 35 वर्ष या नराधम आरोपीने तिच्या असहाय्यतेचा फायदा घेऊन तिला आसरा दिला आणि तिच्यावर लैंगिक अत्याचार केला. तिला भेटण्यासाठी तिच्या दोन लहान बहिणी तिच्याकडे येत होत्या. या काळात नराधम दत्ता क्षीरसागर याने एका बहिणीवर अत्याचार केला. त्याचे दोन साथीदार निशाद खान वय 19 वर्ष आणि सय्यद अशा दोन व अन्य आरोपींनीदेखील मुलींवर अत्याचार केले. मागील वर्षापासून हा प्रकार सुरू होता. त्यामुळे एक मुलगी गर्भवती राहिली.

अखेर या प्रकरणाला वाचा फुटल्यानंतर पेल्हार पोलिसांनी तिन्ही मुलींची सुटका केली. याप्रकरणी पोलिसांनी तिन्ही आरोपींना बेड्या ठोकल्या आहे. यातील दत्ता क्षीरसागर हा सराईत गुन्हेगार असून, त्याच्यावर राज्यभरातील विविध पोलीस ठाण्यांत सुमारे 400 पेक्षा जास्त गुन्ह्यांची नोंद आहे.

यावेळी पोलिसांनी नराधम आरोपींना वसई न्यायालयात हजर केले असता, त्यांना 20 जूनपर्यंत पोलीस कोठडी देण्यात आली असून, पुढील तपास पोलीस करत आहे.

विश्वरत्न, भारतीय राज्यघटना शिल्पकार डॉ.बाबासाहेब आंबेडकर यांच्या पदस्पर्शाने पावन झालेल्या वडसा दिक्षाभुमीला सौंदर्याने नटविनार : आ.कृष्णा गजभे 

गडचिरोली - :
विश्वरत्न, भारतीय राज्यघटना शिल्पकार डॉ. बाबासाहेब आंबेडकर यांच्या पदस्पर्शाने पावन पवित्र दिक्षाभुमीला सौंदर्याने नटविनार असे प्रतिपादन आ.कृष्णा गजभे यांनी केले आहे 

त्यांनी नुकताच (देसाईगंज) वडसा येथे दिक्षा भुमीच्या सौदर्यीकरण पायाभरणी कामाचे भूमिपूजन केले  आरमोरी विद्यानसभेचे आमदार कृष्णा गजभे यांनी सदर दिक्षाभुमी च्या कामांकरिता लाखोंचा निधी उपलब्ध करून दिला  देसाईगंज वडसा येथील दिक्षाभुमीचा विकास मोठ्या झपाटयाने झाला पाहीजे कारण की विश्वरत्न भारतीय राज्यघटना शिल्पकार डॉ. बाबासाहेब आंबेडकरांच्या पदस्पर्शाने ही भुमी पावण झालेली आहे  त्यामुळे या स्थळांना विशेष महत्व प्राप्त करून देण्याकरीता मी स्वतः विशेष लक्ष देणार आहे. असे आमदार कृष्णा गजभे यांनी सांगीतले. सौदर्गीकरणाच्या उदघाटनाप्रसंगी मंडळाच्या सचिव ममता जांभुळकर अध्यक्षा कविता मेश्राम सदस्य शामला राऊत, सरिता बारसागडे, मारोती जांभुळकर, प्रकाश बारसागडे ' संजय नंदेश्वर, पुरुषोत्तम बडोले आदि सहीत उपस्थित होते

महात्मा ज्योतिराव फुले जनआरोग्य योजना १ जुलैपासून लागू होणार : राज्य सरकारचा निर्णय

वृत्तसंस्था / मुंबई : मुख्यमंत्री एकनाथ शिंदे यांच्या सरकारने विधानसभा निवडणुकांआधी राज्यातील नागरिकांना मोठे गिफ्ट दिले आहे. आता राज्यातील नवी आरोग्य विमा योजना महात्मा ज्योतिराव फुले जनआरोग्य योजना सर्वांसाठी लागू करण्याचा निर्णय घेण्यात आला.

सरकारने या योजनेचा वार्षिक प्रीमियम ६० टक्क्यांनी वाढवून तो ३ हजार कोटी रुपयांहून अधिक केला आहे. नवी योजना १ जुलैपासून लागू होणार आहे.

नव्या आरोग्य विमा योजनेअंतर्गत राज्यातील सर्व नागरिकांना आता दीड लाखांऐवजी पाच लाख रुपयांचा विमा कव्हर मिळेल. २०१२ मध्ये ही योजना लाँच करण्यात आली होती. त्यानंतर आता १२ वर्षांनी या योजनेत इतका मोठा बदल करण्यात आला. या योजनेसाठी राज्य सरकारने नुकतीच निविदा प्रक्रिया निकाली काढली आहे. यासाठी सार्वजनिक क्षेत्रातील विमा कंपनी युनायटेड इंडिया इन्शूरन्सची निवड करण्यात आली आहे. राज्यातील १२.३ कोटी कुटुंबांसाठी सरकार प्रतिकुटुंब १ हजार ३०० रुपये प्रीमियम भरणार आहे. सरकारी आकडेवारीनुसार २०२३-२४ मध्ये ५.७ लाख कुटुंबांनी या योजनेचा लाभ घेतला.

दरम्यान, मागील वर्षी जूनमध्ये उपमुख्यमंत्री देवेंद्र फडणवीस यांनी महात्मा ज्योतिराव फुले जनआरोग्य योजनेतील विमा रक्कम १.५ लाख रुपयांनी वाढवून ५ लाखांची घोषणा केली होती, पण हे लागू करण्यात आले नव्हते. आता विधानसभा निवडणुकांआधी महाराष्ट्र सरकारने निवडणूक आयोगाला ही योजना लागू करण्यासाठी पत्र लिहून परवानगी मागितली होती. आता आचारसंहिता संपल्यानंतर सरकारने ही योजना अंतिम टप्प्यात आणली. मिळालेल्या महितीनुसार आता ही योजना १ जुलैपासून नव्या स्वरुपात पुन्हा लाँच होणार आहे.

नवी योजना लागू होण्याआधी विमाधारकांना याचा लाभ घेण्यासाठी रेशन कार्ड आणि एक लाखांपर्यंतचे वार्षिक उत्पन्न प्रमाणपत्र द्यावे लागत होते. मात्र आता सरकारने हे कागदपत्र जमा करणे गरजेचे नसून सर्व नागरिकांसाठी समान योजना लागू करण्याचे सांगितले आहे. आता उत्पन्नांचीही कोणतीही मर्यादा ठेवण्यात आलेली नाही. या योजनेंतर्गत १ हजार रुग्णालये होती. मात्र, आता वाढवून ती १ हजार ९०० करण्यात आली आहेत.

एका वृद्धाचा गळफास घेतलेल्या अवस्थेत मिळून आला सांगाडा

भद्रावती - :
शहरापासून एका वृद्धाचा  हाडाचा सांगाडा पिपर बोडी येथील जंगलात गळफास घेतला असल्याची पोलिसांना माहिती मिळाली. कपडे व गळ्यातील माळ यावरून मृतदेहाची ओळख पटली. ही घटना दिनांक १५ रोज शनिवारला उघडकीस आली. प्रभाकर दादाजी नक्षीने वय ७२ वर्ष राहणार हनुमान नगर असे मृतकाचे नाव आहे.
 प्रभाकर हे दिनांक २६ मार्च पासून बेपत्ता होते. त्यांच्या कुंटूबियानी इतर शोधाशोध केली परंतु ते मिळाले नाही. त्यानंतर त्यांची बेपत्ता असल्याबाबतची तक्रार भद्रावती पोलिसात देण्यात आली गेल्या तीन दिवसांपूर्वी भद्रावती येथील काही नागरिक पिपर बोडीच्या जंगलात लटकलेल्या अवस्थेत सांगाडा असल्याची चर्चा करत होते ही माहिती ठाणेदार बिपिन इंगळे यांच्यापर्यंत पोहोचतात त्यांनी पिपर बोडी गावापासून सहा किमी अंतरापर्यंत जंगल शोधून काढले असता त्यांना एका झाडावर अंगावर कपडे असलेला सांगाडा दिसला अंगात असलेले कपडे, गळ्यातील माळ व चप्पल यावरून बेपत्ता असलेल्या तक्रारीचा शोध घेण्यात आला. सचिन नक्षीने याचे वडील असल्याची माहिती मिळाली गळ्याला दोर बांधून  गकफास घेतल्याचा पोलिसांनी अंदाज वर्तविला आहे. ही घटना तीन महिन्यापूर्वी असल्याने शरीरावरील संपूर्ण मास गळून पडले होते. वृद्धाचा सांगाडा हा फॉरेन्सिक लॅब मध्ये तपासीसाठी पाठविला असून आत्महत्या की घातपात याचा शोध भद्रावती पोलीस घेत आहेत

खरचं होणार काय अवैध मुरूम  उत्खनन प्रकरणी २३५ कोटी रुपयांचा दंड 

अशोक वासुदेव खंडारे मुख्य संपादक वैनगंगा वार्ता १९

 गडचिरोली दि.१७ :  वडसा (देसाईगंज) या रेल्वे मार्गाच्या भराव्याकरिता अवैध मुरूम उत्खनन प्रकरणी जिल्हा भरारी पथकाच्या सनियंत्रणात मागील तीन दिवसापासून  मोठ्या क्षेत्राची तांत्रिक मोजणीची कार्यवाही  सुरू होती. आज ती पूर्ण झाली असून  संबंधित जेपी इन्फ्रास्ट्रक्चर कंपनीस  तब्बल २ लाख ७३ हजार ३५१ ब्रास अवैध उत्खननाकरिता २३५ कोटी ८ लाख १८ हजार ६०० रुपये दंडाची रक्कम का आकारणी करू नये, याबाबत नोटिस बजावण्यात आली आहे.
चार दिवसांपूर्वी प्रभारी जिल्हाधिकारी विजय भाकरे यांनी गठीत केलेल्या विशेष जिल्हा भरारी पथकाचे प्रमुख   तहसीलदार संजय पवार यांच्या निगराणीखाली ही कारवाई केली गेली. तहसिलदार हेमंत मोहरे यांनी दंड आकारणीच्या नोटीसा बजावल्या . सार्वजनिक बांधकाम विभागाचे उपविभागीय अभियंता संजय भांडारकर, कनिष्ठ अभियंता श्री इंदुरकर, शाखा अभियंता अभिजीत शिनगारे, भूमी अभिलेखचे अभिलेखापाल व्हि. एल. सांगळे व त्यांच्या चमूने अवैध उत्खननाची तांत्रिक मोजणी करून तहसीलदार  गडचिरोली यांच्याकडे  अहवाल सादर केला त्यानुसार पाचपट दंड आकारणी करण्यात आली आहे.

अहवालानुसार खरपुंडी येथे सर्व्हे क्रमांक ५३/२/अ आणि ५४ मध्ये १३ हजार २५७ ब्रास मुरूम उत्खननाकरिता ११ कोटी ४० लाख १० हजार २०० रुपये,  लांजेडा स.क्र. १४/२६ आणि २४० मध्ये ९ हजार ६९९ ब्रास करिता ८ कोटी ३४ लाख११ हजार ४०० रुपये, माडेतुकूम स.क्र.१८ मध्ये १८ हजार ३५८ ब्रास करिता १५ कोटी ७८लाख ७८ हजार ८०० रुपये, गोगाव स.क्र.१८ मध्ये २० हजार ७७५ ब्रास करिता १७ कोटी ८६ लाख ६५ हजार रुपये, अडपल्ली स.क्र.१८ मध्ये ५० हजार १७६ ब्रास करिता ४३ कोटी १५ लाख१३ हजार ६०० रुपये, काटली स.क्र. १४५ आणि २७९मध्ये ५४ हजार ५७५ ब्रास करिता ४६ कोटी ९३ लाख ४५ हजार रुपये, मोहझरी स.क्र. २५, ३२,२१,९व १५ मध्ये ६२ हजार ६१७ ब्रास करिता ५३ कोटी ८५ लाख ६ हजार २०० रुपये आणि साखरा येथे स.क्र. १०२ व १५२ मध्ये ४३ हजार ८९४ ब्रास करिता ३७ कोटी ७४ लाख ८८ हजार ४०० रुपये असे एकूण २ लाख ७३ हजार ३५१  ब्रास अवैध गौण खनिज उत्खनन प्रकरणी २३५ कोटी ८ लाख १८ हजार ६०० रुपये दंडाची गणना करण्यात आली आहे.  याविषयी  तीन दिवसाच्या आत खुलासा सादर करण्याबाबत नोटीस बजावण्यात आली आहे.
 
000

आष्टी पोलीसांनी अवैध दारूसह बावीस लाख रुपयाचा मुद्देमाल केला जप्त 

दोन आरोपी ताब्यात 

आष्टी:-
येथील पोलीसांनी अवैध दारू तस्करांच्या मुसक्या आवळल्या असून बावीस लाख रुपयाचा मुद्देमाल जप्त करण्यात आला असून दोन आरोपी ताब्यात घेतले आहे 
चंद्रपूर जिल्ह्यातून आलापल्ली कडे जात असलेल्या आयशर ट्रक क्रं.एम एच ४० व्हाय १९०५ ला नाकाबंदी करून चेक केले असता सदर वाहनांमध्ये १५००० निपा  देशी दारू किंमत १२००००० लाख रुपये व ट्रक किंमत दहा लाख रुपये असा एकूण बावीस लाख रुपयाचा मुद्देमाल जप्त केला आहे 
ट्रक चालक राजेश फुलनसिंग यादव वय २७ रा जीमलगट्टा ता.अहेरी व अमोल बाजीराव मैस्कर वय ३५ रा. आलापल्ली ता अहेरी यांना ताब्यात घेण्यात आले व कलम ६५,(अ),९८(२),८३ मदाका नुसार कारवाई करण्यात आली आहे 
सदरची कारवाई पोलीस निरीक्षक विशाल काळे यांच्या नेतृत्वाखाली पोलीस उपनिरीक्षक  मानकर, पोलीस उपनिरीक्षक पवार, महिला पोलिस उपनिरीक्षक वनवे,पोहवा मडावी,करमे ,नापो शडमेक,पोशी डोंगरे,तोडासे,राजुरकर,मेदाळे, रायशिडाम  आदिंनी केली आहे

आता ३०२, ३०७ सह अनेक कलमा होणार इतिहास जमा 
१ जुलै पासून प्रत्येक पोलीस ठाण्यांमध्ये आईपीसी ऐवजी बीएनएस लागू

अमरावती : -
 हत्येकरिता ३०२, प्राणघातक हल्ल्याकरिता ३०७, बलात्काराकरिता ३७६ अशा फौजदारी कलमा अगदी जनसामान्यांनाही पाठ झाल्या होत्या, हे तीन अक्षरी आकडे भुवया उंचाविणारे होते. मात्र आता या भारतीय दंड संहिता म्हणजेच आयपीसी च्या या कलमा इतिहास जमा होणार आहेत. सर्व पोलिस स्टेशनमध्ये १ जुलैपासून भारतीय न्याय संहिता म्हणजेच बीएसएस लागू होवून वेगळ्या कलमा दाखल कराव्या लागणार आहे. त्यामूळे पोलिसांनाही आरोपीविरुध्द गुन्हे दाखल करताना वारंवार उजळणी करावी लागेल.

केंद्रीय गृह मंत्रालयाने १ जुलै ही तारीख अधिसूचित केली, जेव्हा भारतीय दंड संहिता आयपीसी, फौजदारी प्रक्रिया संहिता सीआरपीसी आणि भारतीय पुरावा कायदा अस्तित्वात नाहीसे होईल आणि फौजदारी गुन्ह्यांचे सर्व प्रथम माहिती अहवाल एफआयआर नोंदवले जातील. भारतीय न्याय संहिता बीएनएस अंतर्गत अभियोग आणि खटला अंतर्गत नोंदवलेल्या सर्व प्रकरणांमध्ये भारतीय नागरी संरक्षण संहिता बीएनएसएस द्वारे विहित केलेल्या वेळेनुसार पुढे जाईल आणि इलेक्ट्रॉनिक रेकॉर्ड भारतीय पुरावा कायद्या अंतर्गत कायदेशीररित्या स्वीकार्य पुरावे बनतील.

महत्त्वाचे म्हणजे, बिएनएसएसमध्ये सात वर्षे किंवा त्याहून अधिक शिक्षा असलेल्या गुन्ह्यांमध्ये गुन्ह्यातील घटनास्थळाची अनिवार्य फॉरेन्सिक तपासणी करण्याची तरतूद केली आहे, परंतु १ जुलै २०२४ पासून देशभरात एकसमान अंमलबजावणी होणार नाही. बिएनएसएस च्या कलम १७६ (३) मध्ये ज्या राज्यांनी त्यांची संबंधित फॉरेन्सिक क्षमता अद्याप विकसित केलेली नाही, त्यांच्यासाठी पाच वर्षाच्या वाढीव कालावधीची तरतूद केली आहे.

पुर्वीची आयपीसी कलम -

३०२, ३०४ (अ), ३०४(ब), ३०६, ३०७, ३०९, २८६, २९४, ५०९, ३२३, ३२४, ३२६, आरडब्ल्यू ३४, आरडब्ल्यू १४९, ३२५, ३५३, ३३६, ३३७, ३३८, ३४१,५४, ३५४ अ, ३५४ (ब), ३५४ (सी)

आता झालेली बीएनएस -

१०३, १०६, ८०, १०८, १०९, २२६, २८७, २९६, ७९, ११५, ११८(१), ११८(३), ३(५), १९०, ११८(२), १२१, १२५, १२६, ७४, ७५, ७६, ७७

गुन्हा (थोडक्यात) -

हत्या करणे, निष्काळजीपणामुळे इतरांच्या मृत्यूस कारणीभूत ठरले, घरगुती हिंसेतून विवाहितेचा मृत्यु, आत्महत्येकरिता कारणीभूत ठरणे, हत्येचा प्रयत्न करणे, आत्महत्येचा प्रयत्न करणे, घातपाताकरिता स्फोटक लावणे, सार्वजनिक ठिकाणी अश्लिल वर्तवणूक करणे, इलेक्ट्रॉनिक उपकरणाच्या माध्यमातून लैंगिक छळ, मारहाण करुन जखमी करणे, शस्त्राने जखमी करणे, घातक शस्त्राने जखमी करणे, दोन पेक्षा अधिक व्यक्ती गुन्ह्यात सामील असणे, गैरकायद्याची मंडळी जमवून गुन्हा करणे, स्वतहून दुसऱ्याला गंभीर जखमी करणे, शासकीय कामात अडथळा निर्माण करणे, इतरांच्या जिवीतास धोका निर्माण होईल असे कृत्य करणे, एखाद्याची वाट रोखणे महिलेचा विनयभंग करणे महिलेकडे वाईट नजरेने पाहणे, महिलेवर हल्ला चढवून तिला निवस्त्र करणे, एखाद्या महिलेला तिचे खासगी कार्य करताना.

बकरी ईद च्या पार्श्वभुमीवर अवैद्य जनावर तस्करी व दारूचा साठा जप्त : स्थानिक गुन्हे शाखेची कारवाई

चंद्रपूर : स्थानिक गुन्हे शाखा,चंद्रपुर यांची बकरी ईद च्या पार्श्वभुमीवर अवैद्य जनावर तस्करी व अवैधरीत्या दारूचा साठा करणाऱ्या विरुध्द धडक कारवाई करत ३१ लाख ७९ हजार ५०० रुपये चा मुद्देमाल जप्त केले.

पोलीस अधिक्षक मुम्मका सुदर्शन यांनी जिल्हयामध्ये अवैद्य धंद्यावर कडक कारवाई करण्याचे आदेश स्थानिक गुन्हे शाखा चंद्रपूर यांना दिले. त्या अनूशंगाने पो. नी. महेश कोंडावार स्थानिक गुन्हे शाखा चंद्रपूर यांनी पथक नेमूण त्यांना अवैद्य धंद्यावर कारवाई करण्याचे निर्देश दिले १६ जून २०२४ संपूर्ण चंद्रपूर जिल्हा परीसरात अवैद्य धंद्यावर रेड व पेट्रोलींग करित असताना माहीती मिळाली की गोवंश जनावराना कत्तलीसाठी निर्देयतेने कोंबून वाहना मध्ये भरून त्यांना चंद्रपूर मार्गे घेवून जाणार आहे.

अशा माहिती वरून मौजा लोहारा ते चंद्रपूर रोडवरील हनुमान मंदीरा जवळ पंचासह नाकाबंदी केली असता एक अशोक लेयलैंड कपंणीचा दोस्त प्लस वाहना भरधाव वेगाने येत असताना दिसला त्यास ईशारा करून थांबविले असता सदर वाहनाची पंचासमक्ष पहाणी केली असता सदर वाहना मध्ये निर्दयतेने कोंबलेले व त्यांचे पाय, मान दोरी ने बांधून चारा पाण्याची कसलीच व्यवस्था नसलेले एकूण ०७ जिवंत गोवंशीय गाय जनावरे किमंत ७० हजार रू. व एक जूना वापरता अशोक लेयलेंड कपंणीचा दोस्त प्लस कं. एम एच ३४ बि झेड ०१०४ किमंत ५ लाख ५० हजार रू. असा एकुण ६ लाख २० हजार चा माल जप्त करण्यात आला असुन पुढील तपास कामी पोलीस स्टेशन रामनगर यांचे ताब्यात देण्यात आला.

तसेच अवैद्य धंद्यावर रेड व पेट्रोलींग करित असताना माहीती मिळाली की, मौजा सावली येथुन गडचीरोली जिल्हयात तीन वेगवेगळया वाहनामध्ये देशी विदेशी दारूचा साठा अवैधरित्या बाळगुन वाहतूक करित आहे अशा बातमी वरून मौजा पारडी ते सावली रोडवरील रुद्रापूर फाट्या जवळ नाकाबंदी केली असता दोन ईसम ज्युपीटर मो. सा. ने पायलेटींग करित असता मिळून आले व मुखबिरने सांगीतले प्रमाणे तिन वेगवेगळया वाहना मध्ये एकुण ५९ पेटी देशी विदेशी दारूचा मुदेमाल एकुण किमंत २ लाख १४ हजार ५०० रू. व दारू वाहतूकी करिता वापरलेले तिन चारचाकी वाहन व दोन दुचाकी वाहन किमंत २३ लाख ४५ हजार रू असा एकुण २५ लाख ५९ हजार ५०० रू. चा माल एकुण सात आरोपी संगणमत करून वाहतूक करित मिळूण आल्याने त्यांचे कडुन जप्त करण्यात आला असुन पुढील तपास पोलीस स्टेशन सावली यांचे ताब्यात देण्यात आले.

सदरची कारवाई पोलीस अधिक्षक मुम्मका सुदर्शन, अप्पर पोलीस अधिक्षक रिना जनबंधु यांचे मार्गदर्शनाखाली पोलीस निरीक्षक महेश कोंडावार स्थानिक गुन्हे शाखा चंद्रपुर यांचे नेतृत्वात स्था.गु. शा. चे सपोनि मनोज गदादे, पोहवा दिपक डोंगरे, पोशि गोपीनाथ नरोटे, अमोल सावे स्थागुशा चंद्रपूर यांनी केले.

राजीरप्पा धबधब्याच्या पाण्यात बुडून दोन पर्यटकांना जलसमाधी ,नववधू झाली अवघ्या चार दिवसांत विधवा 

अहेरी:-
 गडचिरोली जिल्ह्यातील भामरागड तालुक्यातील प्रसिद्ध बिनागुंडाचा राजीरप्पा धबधब्याच्या पाण्यात बुडून दोघांचा मृत्यू झाल्याची घटना मंगळवारी दुपारी घडली  
 भामरागड तालुक्यातील सुप्रसिद्ध बिनागुंडा येथील राजीरप्पा धबधबा पाहण्यासाठी गेलेल्या दोन पर्यटकांचा धबधब्याच्या पाण्यात बुडून मृत्यू झाल्याची धक्कादायक घटना ११ जून रोजी दुपारच्या सुमारास घडली. नवनीत धात्रक (२८) रा.चंद्रपूर आणि बादल हेमके (३९) रा.आरमोरी हल्ली मुक्काम भामरागड असे या घटनेत मृत्युमुखी पडलेल्या व्यक्तींचे नाव आहेत
अबूझमाड परिसरात निसर्गाने मुक्त उधळण केली आहे. महाराष्ट्र आणि छत्तीसगड या दोन राज्यांच्या सीमेवर बाराही महिने वाहणारा राजिरप्पा धबधबा या भागाचा वैभव आहे. त्यामुळे या मोसमात निसर्गरम्य पर्यटन स्थळाला भेट देण्यासाठी याठिकाणी मोठी गर्दी होत आहे. लाहेरी वरून पुढे १८ किलोमीटर खडतर प्रवास असून देखील बरेच पर्यटक दुचाकी आणि स्थानिक पातळीवरील चारचाकी भाड्याने घेऊन धबधबा पाहण्यासाठी जातात.
भामरागड तालुक्यातील पर्यटन स्थळांना भेट देण्यासाठी चंद्रपूर जिल्ह्यातील नवनीत धात्रक पत्नी मयुरी धात्रक,ताई नेहा बादल हेमके व मुलगी तसेच त्याचा मित्र नानू साळवे त्याची पत्नी आणि छोटासा मुलगा असे ७ जण १० जून रोजी भामरागडात दाखल झाले. सायंकाळच्या सुमारास तालुका मुख्यालयातील पर्यटन स्थळांना भेट देऊन रात्री नवनीत धात्रक याचा भाटवा बादल हेमके यांच्याकडे मुक्काम करून सकाळी बादल हेमके,पत्नी नेहा आणि मुलगी, मेवणा नवनीत धात्रक, पत्नी मयुरी धात्रक आणि मित्र नानु साळवे,त्याची पत्नी आणि मुलगी असे ८ जण ताडगाव येथील चारचाकी वाहन भाड्याने घेऊन बिनागुंडा गाठले.
धबधब्याच्या पाण्यात आंघोळ करताना नवनीत धात्रक खोल पाण्यात बुडत असल्याचे दिसताच बादल हेमके त्याला वाचविण्याचा प्रयत्न केला. यात दोघांचाही बुडून मृत्यू झाला. लगेच हेमके आणि साळवे यांच्या पत्नीनी लाहेरी गाठून आपबीती सांगितल्यावर येथील काही नागरिकांनी मृतदेह पाण्यातून बाहेर काढले. याबाबतची शून्य तक्रार लाहेरी पोलीस मदत केंद्रात दाखल करण्यात आली आहे. रात्री उशिरापर्यंत त्यांचे मृतदेह शवविच्छेदनसाठी भामरागड येथील ग्रामीण रुग्णालयात पाठविण्यात आले. मात्र,रात्रीची वेळ असल्याने शवविच्छेदन होऊ शकले नाही.
नवनीत धात्रक याचे चार दिवसांपूर्वी झालं लग्न
बादल हेमके यांचा मूळ गाव आरमोरी असून ते मागील तीन वर्षापासून भामरागड तालुक्यातील पल्ली ग्रामपंचायतचे सचिव या पदावर कार्यरत आहेत. त्या अगोदर ते चामोर्शी तालुक्यात कार्यरत होते. त्यांची पत्नी नेहा बादल हेमके ह्या चंद्रपूर जिल्हा मुख्यालयात वीज वितरण विभागात लिपिक पदावर कार्यरत आहेत. तर साळा नवनीत धात्रक हा देखील चंद्रपूर येथील रहिवासी असून त्याची पत्नी मयुरी कापकर (धात्रक) ही गडचिरोली जिल्हा मुख्यालयात महिला व बाल रुग्णालयात अधिक परिचारिका या पदावर कार्यरत आहे. विशेष म्हणजे नवनीत धात्रक आणि मयुरी कापकर (धात्रक) यांचा ७ जून रोजी म्हणजे चार दिवसांपूर्वी लग्न झाला होता

भुमी अभिलेख कार्यालयाच्या अनागोंदी कारभारामुळे 75 वर्षीय वृद्ध शेतकरी करणार उपोषण 

गडचिरोली:-

येथील आनंदराव गणुजी कांबळे (वय 75) रा. गडचिरोली यांच्या नावे गडचिरोली येथील जुना
सर्वे नंबर 548/2,549/2 (0.60) हेक्टर आर ही शेती 1995 पासून आहे. त्यांना फेरफार क्रमांक 912,913 असून शेतीवर न विचारता व साधा पत्रही न देता भूमी अभिलेख कार्यालयाने पुनर मोजणी च्या नावाखाली नवीन सातबारा नंबर 513/1 (0.36) व 528/1 (0.24) मुळ मालकाच्या नावाने बनवले. त्यामुळे अजूनही त्या कार्यालयाचे हेलपाटे मारावे लागत आहेत.सदर शेतकऱ्याला कार्यालयाचे कुठलेही हेलपाटे न मारता त्याचे काम पूर्ण व्हावे याकरिता माजी खासदार अशोक नेते यांनी दोन पत्र कार्यलयाला पाठवले त्याचप्रमाणे विद्यमान आमदार डॉ. देवराव होळी यांनी शेतकऱ्याचे काम पूर्ण होण्यासाठी तीन पत्र दिले परंतु अधिकारी त्यांच्या पत्राकडे ढुंकूनही पाहत नसल्याचे दिसून आले आहे.

सदर प्रकरणी उपविभागीय अधिकारी कार्यालय गडचिरोली येथे सर्व लगत धारक शेतकऱ्यांच्या उपस्थित सुनावणी घेण्यात आली व काही त्रुटी पूर्ण करुन 8 दिवसात प्रकरण सादर करण्यासाठी भूमी अभिलेख कार्यालय गडचिरोली ला उपविभागीय कार्यालयाने अवगत केले मात्र कार्यालयाने अजूनही कुठलीही त्रुटी पूर्ण न करता प्रकरण सादर केला. सातबारा दुरुस्ती च्या नावाखाली होणाऱ्या विलंबास जबाबदार कोण ? व माझ्या नावे नवीन सातबारा केव्हा तयार करून देणार ? या मागणीसाठी त्रस्त वृद्ध शेतकरी आनंदराव गणुजी कांबळे (वय 75) रा.

गडचिरोली हे नाइलाजास्तव 24 जून 2024 पासून जिल्हाधिकारी कार्यालयासमोर उपोषणाचा मार्ग स्वीकारत असल्याची माहिती उपोषणाच्या पत्रातून दिली आहे. तसेच जो पर्यंत माझा सातबारा भूमी अभिलेख कार्यालयातून सुधारणा होऊन येत नाही तोपर्यंत मी माझ्या उपोषणावर ठाम राहणार आहे व माझ्या जीवाला काही कमी जास्त झाल्यास सर्व जिम्मेदारी भूमी अभिलेख कार्यालयाची राहील असेही पत्रात नमूद करण्यात आले आहे. सदर गंभीर प्रकरणाकडे प्रशासन काय पाऊल उचलते याकडे लक्ष लागले असून 75 वर्षीय वृद्ध शेतकऱ्याला केवळ सातबारा साठी उपोषणाला बसावे लागत असल्याची वेळ आल्याने प्रशासकीय अधिकाऱ्यांच्या कार्यप्रणालीवरही प्रश्न उपस्थित होत आहे. सातबारा साठी वृद्ध शेतकरी उपोषणाला बसणार असल्यामुळे या प्रकरणाकडे संपूर्ण जिल्हावासियांचे लक्ष्यही लागले आहे.

दोन लाख रुपये बक्षीस असलेल्या नक्षल्यानी केले गडचिरोली पोलीसासमोर आत्मसमर्पण 

गडचिरोली, ता. १०: अनेक हिंसक कारवायांमध्ये सहभागी राहिलेल्या एका नक्षल्याने आज पोलिसांपुढे आत्मसमर्पण केले. किशोर उर्फ मुकेश पेंटा कन्नाके (३७) असे आत्मसमर्पित नक्षल्याचे नाव असून, तो भामरागड तालुक्यातील नेलगुंडा येथील रहिवासी आहे. महाराष्ट्र शासनाने त्याच्यावर २ लाख रुपयांचे बक्षीस जाहीर केले होते.

किशोर कन्नाके यांनी केंद्रीय राखीव दलाच्या अधिकाऱ्यांपुढे आत्मसमर्पण केले. त्यानंतर त्याला गडचिरोली जिल्हा पोलिसांकडे सुपूर्द करण्यात आले. किशोर हा २०१४ मध्ये भामरागड दलममध्ये जनमिलिशिया सदस्य म्हणून सहभागी झाला. २०१५ मध्ये दंडकारण्य किसान मजदूर संघटेचा अध्यक्ष आणि पुढे २०१८ मध्ये नक्षल्यांच्या क्रांतिकारी जनता समितीचा सदस्य म्हणून २०२२ पर्यंत तो कार्यरत होता.

३ चकमकी, ४ खून आणि जाळपोळीच्या ४ घटनांमध्ये त्याचा सहभाग होता. २०१७ मध्ये दरबा पहाडावर, २०२१ मध्ये कोपर्शी आणि २०२२ मध्ये पेनगुंडा जंगलात पोलिसांशी झालेल्या चकमकीत त्याचा सहभाग होता. २०१५ मध्ये मल्लमपोडूर तलावाजवळच्या रस्त्यावर एका नागरिकाचा झालेला खून, २०१८ मध्ये गोंगवाडा टी पॉईंटजवळ झालेला एका महिलेचा खून, २०१९ मध्ये जुव्वी नाल्याजवळ झालेली एका इसमाची हत्या आणि २०२३ मध्ये पेनगुंडा-गोंडवाडा रस्त्यावर झालेल्या एका नागरिकाच्या हत्येत त्याचा सहभाग होता.

शिवाय २०२१ मध्ये मरकनार-मुरुमभुशी मार्गावर, २०२२ मध्ये बोटनफुंडी-विसामुंडी, तसेच पेनगुंडा आणि २०२३ मध्ये हिदूर गावाजवळच्या जंगलात झालेली बांधकामावरील यंत्रे आणि वाहनांच्या जाळपोळीत किशोर कन्नाकेचा सहभाग होता, अशी माहिती पोलिसांनी दिली. किशोरला केंद्र व राज्य शासनाकडून एकूण साडेचार लाख रुपये मिळणार आहेत.

२०२२ पासून आतापर्यंत १५, तर आत्मसमर्पण योजना सुरु झाल्यापासून ६६३ नक्षल्यांनी पोलिसांपुढे आत्मसमर्पण केले आहे.

केंद्रीय राखीव दलाचे उपमहानिरीक्षक जगदीश मीणा, गडचिरोलीचे पोलिस अधीक्षक नीलोत्पल, केंद्रीय राखीव दलाच्या ३७ बटालियनचे कमांडंट एम.एच. खोब्रागडे यांच्या मार्गदर्शनात आत्मसमर्पणाची प्रक्रिया पार पडली.

तक्रार नोंदवन्यासाठी गेलेल्या तरुणीला उपविभागीय पोलीस अधिकारी अशोक बागुल यांनी केली शरीर सुखाची मागणी 

उपविभागीय पोलिस अधिकारी यांच्यावर विनयभंगाचा गुन्हा दाखल 

भंडारा : -
प्रेमप्रकरणात दगा दिलेल्या प्रियकराच्या विरोधात तक्रार करण्यासाठी आणि न्याय मागण्यासाठी गेलेल्या एका तरुणीला शरीर सुखाची मागणी करणाऱ्या भंडारा उपविभागीय पोलीस अधिकाऱ्याविरोधात भंडारा पोलीस ठाण्यात विनयभंगाचा गुन्हा दाखल करण्यात आला आहे. या प्रकारामुळे पोलीस विभागात एकच खळबळ उडाली आहे.

लाखनी तालुक्यातील एक तरुणी नागपूर येथे इंजिनिअरींगचे शिक्षण घेत होती. तिथे तिची ओळख एका तरूनासोबत झाली. ओळखीचे रूपांतर प्रेमात झाले. प्रेमात दोघांनीही आणाभाका घेतल्या काही वर्षांनंतर तरुणीने प्रियकराकडे लग्नाचा हट्ट धरल्यानंतर त्याने टाळाटाळ करण्यास सुरुवात केली. तरुणीला त्याच्यावर संशय आला त्यामुळे तिने लग्नासाठी गळ घातली. त्यावेळी त्याने तिला स्पष्ट नकार दिला. खचलेल्या तरुणीने आत्महत्येचा प्रयत्नही केला. मात्र सुदैवाने ती बचावली. त्यानंतर तिने प्रियकराविरोधत तक्रार करण्याचा धाडसी निर्णय घेतला. तरुणीने त्याच्या विरोधात तक्रार करण्यासाठी भंडारा उपविभागीय पोलीस अधिकारी अशोक बागुल यांच्याकडे एका महिलेसोबत गेली असता भंडारा उपविभागीय पोलीस बागुल यांनी या तरुणीला पुन्हा एकटे येण्यास सांगितले. तरुणीला पोलीस अधिकाऱ्याचा उद्देश न कळल्याने ती पुन्हा तक्रार देण्यासाठी बागुल यांच्याकडे गेली. त्यावेळी त्यांनी तिला तिचे काम करून देण्यासाठी शरीर सुखाची मागणी केली. या प्रकारामुळे खचून गेलेल्या तरुणीने या बाबतची माहिती सामाजिक संघटनेला दिली. प्रकरणाचे गांभीर्य लक्षात घेऊन पोलीस अधीक्षकांकडे निवेदन देण्यात आले. चौकशीअंती पोलीस अधीक्षक लोहित मतानी यांनी गुन्हा दाखल करण्याचे आदेश दिले. अखेर तरुणीच्या तक्रारीवरून भंडारा पोलिसांनी उपविभागीय पोलीस अधिकारी अशोक बागुल यांच्या विरोधात 354 अ,509 कलमान्वये गुन्हा दाखल केला आहे. या प्रकारामुळे शहरासह जिल्ह्यात एकच खळबळ उडाली आहे

सासऱ्याची हत्या घडवून आणणाऱ्या गडचिरोलीच्या नगररचनाकार अर्चना पार्लेवार यांना अटक

गडचिरोली,
 नागपूर येथील वडीलोपार्जित
सुमारे 300 कोटींच्या संपत्तीच्या वादातुन स्वतः च्या सासऱ्याची कट रचुन हत्या केल्या प्रकरणी गडचिरोली येथील नगररचनाकार अर्चना पुट्टेवार (पार्लेवार) हिच्यासह इतर दोघांना पोलीसांनी अटक केली आहे.

नागपूर येथील शुभमनगर परिसरात राहणारे पुरुषोत्तम पुट्टेवार यांचा 22 मे रोजी मानेवाडा चौकाजवळ कारच्या धडकेल मृत्यू झाला होता. त्यांची सुमारे 300 कोटींची वडिलोपार्जित संपत्ती असुन त्यांच्या कुटुंबात पत्नी शकुंतला, मुलगा डॉ. मनीष, सुन अर्चना पुट्टेवार व मुलगी आहे. दरम्यान पुरुषोत्तम पुट्टेवार यांच्या पत्नी शकुंतलाचे ऑपरेशन झाल्याने ते दवाखान्यातून मुलीच्या घरी जात असतांना कारच्या धडकेत पुरुषोत्तम पुट्टेवार यांचा मृत्यू झाला. सदर अपघाताबाबत पुरुषोत्तम यांच्या चुलत भावाला संशय आल्याने त्यांनी पोलीस आयुक्तांची भेट घेतली व तपासाला वेग आला. तपासाअंती त्यांच्या घरातील कारचालक सार्थक बागडे यांची भूमिका संशयास्पद आढळल्याने चौकशी केली असता सचिन धार्मीक व नीरज निमजे उर्फ नायटी यांना पोलीसांनी चौकशीअंती ताब्यात घेतले असता त्यांनी पुरुषोत्तम यांची हत्या केल्याचे उघड झाले. विशेष म्हणजे या प्रकरणात आरापींनी दिलेल्या बयाणानुसार पुरुषोत्तम पुट्टेवार यांची सुन व डॉ. मनीष यांची पत्नी अर्चना पुट्टेवार यांनी चालकाला पुरुषोत्तम पुट्टेवार यांच्या हत्येची सुपारी दिल्याची धक्कादायक बाब स्पष्ट झाली. त्यामुळे पोलीसांनी अर्चना पुट्टेवार हिला अटक केली आहे. 
मालमत्तेचा मोह नडला

अर्चना पुट्टेवार (पार्लेवार) हया गडचिरोली येथे नगररचन सहायक संचालक म्हणून कार्यरत आहेत. त्याच्या सासऱ्याच्या वडिलोपार्जित सुमारे 300 कोटींची संपत्ती असल्याने अर्चना पोर्लेवार यांनी त्या मालमत्तेच्या मोहात सासऱ्याच्या हत्येचा कट रचुन सुपारी देवून हत्या केली. मात्र हाच संपत्तीचा मोह आता त्यांना नडला असुन सासऱ्याच्या हत्ये प्रकरणी अर्चना पार्लेवार यांना अटक करण्यात आली आहे.

दरम्यान अर्चना पार्लेवार हया गेल्या तीन वर्षापासून गडचिरोली नगररचना विभागात नगररचना सहाय्यक संचालक म्हणून कार्यरत आहे. तिच्याकडे चंद्रपूर जिल्ह्याचाही प्रभार आहे. आपल्या कार्यकाळात नगरक्षेत्रातील विकास आराखडा मंजूर करतांना मोठा घोळ केल्याची चर्चाही रंगू लागली आहे. तर गडचिरोली शहरालगत अवैधरित्या अकृषक केल्याच्या तक्रारी असल्याचे समजते. तर तिच्या अवैध संपत्ती बाबत चौकशी केल्यास मोठा घोळ बाहेर येण्याची शक्यता असुन तिच्या अटेकेने आता गडचिरोली शहरातील भूमाफियांमध्ये खळबळ उडाल्याचे बोलल्या जात असुन अर्चना पार्लेवार यांच्याकडून पदभार काढून इतरांकडे देण्यात यावे असेही बोलल्या जात आहे.

स्वतः हच्या जन्मदातत्याला जीवानीशी ठार करुन, दुकानात लपवला मृतदेह

गोंदीया:-
 जन्मदात्याला ठार करुन आपल्या दुकानात प्रेत ठेऊन शोधण्याचा बनाव करणारा मुलगा शेवटी पोलीसांनी शोधला 

वडिलांसाठी मुलं आणि मुलांसाठी आपले पालक सगळ्यात महत्त्वाचे असतात. हे नातं प्रेमाचं, काळजीचं, आपुलकीचं आणि विश्वासाचं असतं. मात्र, कधीकधी अशा काही घटना समोर येतात, ज्या सगळ्यांनाच हादरवून सोडतात. अशीच एक घटना आता समोर आली आहे. गोंदिया जिल्ह्यातील तांडा या गावातील रामलाल कांबळे (४८) यांना दारू पिण्याची सवय होती.

मुलांनी वारंवार समजावून सुद्धा रामलाल यांचं दारूचं व्यसन मात्र सुटत नव्हतं.

या सगळ्याला कंटाळून रामलाल यांचा मुलगा राकेश कांबळे याने आपल्या दुकानामध्येच हातोड्याने वार करून आपल्या वडिलांचा खून केला. यानंतर दुकान बंद करून निघून गेला. यानंतर वडील बेपत्ता झाल्याचा बनाव करून दोन दिवसापासून परिसरातील नागरिकांसोबत वडिलांचा शोध घेत राहिला. घटनेचं गांभीर्य ओळखून पोलिसांनी प्रकरणाची चौकशी केली, त्यावेळी राकेशवर संशय आला आणि स्वान पथकामुळे अखेर घटनेचा खुलासा झाला
पोलीसांनी मुलाला अटक केली आहे

गौण खनिज अवैध उत्खननात कंत्राटदाराला मदत करणाऱ्या वनकर्मचाऱ्यांच्या निलंबनासाठी वाघाडे यांचा ठिया आंदोलन 

गडचिरोल्ली;- जिल्ह्यातील एटापल्ली तालुका हा
वनसंपदा असलेला तालुका आहे. या तालुक्यात अनेक विकासकामे सुरू आहेत. विकासकामे करतांना कंत्राटदार त्याला लागत असलेला अवैध मुरुम, माती, गिट्टी ही वनपरिक्षेत्रातून उत्खनन करून वाहतूक करुन कामासाठी वापरत असतात. यामध्ये त्या वनपरिक्षेत्रातील अधिकारी व कर्मचारी यांच्या संगनमताने हे काम केले जाते. मेंढरी- गर्देवाडा रा.मा. या कामासाठी कंत्राटदाराने खूप मोठ्या प्रमाणात मुरूम, गिट्टी अवैधरीत्या उत्खनन केले आहे. तसेच रेक्कलमट्टा ते रेंगाटोला या रस्ता बांधकामा दरम्यान सुद्धा गट्टा व एटापल्ली वनपरिक्षेत्रातून खूप मोठ्याप्रमाणात अवैध प्रमाणात मुरूम उत्खनन केला गेला आहे याबाबत श्रीकृष्णा वाघाडे यांनी मागील ३ महिन्यापासून तक्रार करूनसुद्धा यावर काहीही कार्यवाही करण्यात आली नाही त्यामुळे आजपासून मुख्य वनसंरक्षक (प्रादे.) कार्यालय गडचिरोली समोर बेमुदत ठिय्या आंदोलन सुरू केले आहे.

जेव्हा पर्यंत वनपरीक्षेत्र अधिकारी, क्षेत्र सहाय्यक, वनरक्षक यांना तात्काळ निलंबित करण्यात येत नाही व कंत्राटदारावर कार्यवाही करण्यात येत नाही तेव्हा पर्यंत सदर बेमुदत ठिय्या आंदोलन सुरू राहील.

सदर ठिय्या आंदोलनास श्रीकृष्णा वाघाडे, रविंद्र सेलोटे बसलेले आहेत.

एस टी महामंडळाच्या बस मध्ये वाढले चोरीचे प्रमाण,याला आळा घालणार कोण?

गडचिरोली:-
महाराष्ट्र शासनाच्या एसटी बसमध्ये चोरीचे प्रकार वाढले असून याला आळा घालणार तरी कोण असा प्रश्न उपस्थित होतो आहे 
गडचिरोली आगाराची बस गडचिरोली मौशीखाब २ वाजता जाणारी एस.टी. तत्बल साडेतिन वाजता उशिरा सुटली त्यामुळे सदर बसमधे जाणाऱ्यांची तोबा गर्दी झाली. बसमधील गर्दीचा फायदा घेऊन भुरट्या चोरट्यांनी दोन व्यक्तींच्या पैसाची चोरी केली. हि घटना आबेशिवणी येण्यापूर्वीच घडली परतु ज्यांची चोरी झाली त्यांना मौशिखाब उतरल्यावर माहीती झाली. गर्दीमधे चोर सापडला नाही. दि. ६ जुन ला गडचिरोली आगारांची बस उशिरा मौशीखाब कडे निघाली त्यामुळे बसमधे प्रचंड गर्दी झाली व या गर्दीचा फायदा घेऊन चोरट्यांनी लालाजी मेश्राम मौशीखाब यांच्या खिश्यातुन साडेनव हजार रुपयावर डल्ला मारला. लालाजी मेश्राम हा  तेंदूपत्ता बोद भरतीवरून गावाकडे मौशीखाबला जात होता.त्याची पुर्ण कमाई चोरीस गेली. जिजाबाई मसराम गोगाव हि लग्नाला जात होती. तिचीही 3 हजार रुपयाची चोरी झाली. सदर बाब बस कंडक्टर यांना सांगीतले परतु चोराला रंगेहाथ कुणीही पकडू शकले नाही त्यामुळे चोरट्याचे फावले. अश्या घटना अनेकदा घडल्या असल्याचे प्रवासांनी सांगीतले. खेडेगावातही
जाणाऱ्या बसमधे चोरी होत असेल तर याला जबाबदार कोण असा प्रश्न उपस्थित होतो आहे

विनापरवाना अवैध सावकारी करणाऱ्यांवर सावकारी कायद्यानुसार कार्यवाही करा

शिवसेना भारतीय कामगार संघटनेचे चंद्रपुर जिल्हाध्यक्ष तथा शिवसेना तालुका प्रमुख संतोष पारखी यांची पालकमंत्री, जिल्हाधिकारी, सहाय्यक निबंधक व पोलिस अधिक्षकांना निवेदनाद्वारे मागणी.

चंद्रपुर:- जिल्ह्यातील विनापरवाना व अवैध सावकारी करणाऱ्या बेकायदेशीर सावकारांना पायबंध घालण्यासाठी महाराष्ट्र सरकारच्या सावकारी कायद्याची काटेकोरपणे अंमलबजावणी करण्याचे संबंधितांना आदेश देवुन सावकारांकडून कर्ज घेणाऱ्या शेतकरी, मजूर व शेतमजूऱ्यांचे होणारी आर्थिक पिळवणूकीला आळा घालून मानसिक व शाररिक शोषणाला जबाबदार सावकारांवर कायदेशीर कडक कार्यवाही करण्यासंदर्भात शिवसेना भारतीय कामगार संघटनेचे चंद्रपुर जिल्हाध्यक्ष तथा शिवसेना तालुका प्रमुख संतोष पारखी यांची पालकमंत्री, जिल्हाधिकारी, सहाय्यक निबंधक व पोलिस अधिक्षकांना निवेदनाद्वारे मागणी करण्यात आली
चंद्रपुर जिल्हा हा औद्योगिक जिल्हा असून त्याचबरोबर शेती व्यवसाय करुन शेतकरी व शेतमजूऱ्यांची संख्या देखील मोठ्या प्रमाणात आहे. बळीराजाचा हंगामा सुरु झाल्याने नाइलाजस्तव शेतकऱ्यांना पिक व शेतीसाठी सावकारांकडून कर्ज घ्यावे लागत असल्यामुळे याच संधी फायदा घेत चंद्रपुर जिल्ह्यातील विनापरवाना व अवैध सावकारी करणारे वर्षानुवर्षे अव्याढव्य व्याज वसूल करुन शेतकरी, मजूर व शेतमजूऱ्यांचे आर्थिक पिळवणूक करुन मानसिक व शाररीक शोषण देखील केले जात असल्याचे निदर्शात येत असल्यामुळे महाराष्ट्र सरकारच्या सावकारी कायद्याचे काटेकोरपणे अंमलबजावणी करण्याचे संबंधितांना आदेश देवुन जबाबदार सावकारांवर कायदेशीर कडक कार्यवाही करण्यात यावी.

बेकायदेशीर सावकारीच्या समूळ उच्चाटनासाठी महाराष्ट्र शासनाने बेकायदेशीर सावकारांना पायबंध घालण्यासाठी शासनाने महाराष्ट्र सावकारी (नियमन) अध्यादेश 2014 कायद्यानुसार विनापरवाना सावकारी करणाऱ्यास पाच वर्षापर्यंत कैदेची शिक्षा किंवा 50 हजार रुपयांपर्यंतच्या दंडाच्या शिक्षेची तरतूद असताना देखील बेकायदेशीर व अवैध सावकारीला लगाम बसविण्यात प्रशासन असमर्थ ठरत असून अपरिहार्य कारणास्तव सावकारांकडून कर्ज घेणारे शेतकरी, मजूर व शेतमजूऱ्याची आर्थिक पिळवणूक होत असल्याने निदर्शात येत आहे.

परवानाधारक सावकारांनी शेतकऱ्यांना पिकासाठी व शेतीसाठी कर्ज देताना स्थावर मालमत्ता तारण घेता न येणे, कर्जाच्या मुद्दलापेक्षा जास्त व्याज न घेणे, कार्यक्षेत्राबाहेर सावकारी व्यवसाय करणे, दुसऱ्याच्या नावावर सावकारी करणे, कोरी कागदपत्रे न घेणे, हिशेब पुस्तके, नोंदवह्या ठेवणे, व्याजावर व्याज न लावणे, शासनाने निश्चित केलेले व्याजदर आकारणे बंधनकारक आहे. तसेच कर्जदाराला कर्जखाते उतारा सावकाराने देणे, दर तीन महिन्याला पावती देणे बंधनकारक, दंड व शिक्षेची तरतूद, असून दरवर्षी सावकारी परवान्याचे नुतनीकरण बंधनकारक केले असतांना देखील अपरिहार्य कारणास्तव कर्ज घेणाऱ्या कर्जदारांस मिळणाऱ्या संरक्षणाचे हनन केल्या जात आहे.

या सर्व बाबींचा विचार करुन बेकायदेशीर सावकारीला चाप लावण्यासाठी आणि परवानाधारक सावकारांवर बंधनासाठी महाराष्ट्र सावकारी (नियमन) अध्यादेश-2014 ह्या कायद्याची काटेकोरपणे अंमलबजावणी करण्याचे आदेश संबंधितांना देवुन परवानाधारक सावकारांचे सर्व आवश्यक अभिलेख तपासून या तरतुदींचे पालन न करणाऱ्यांवर कार्यवाही करुन बेकायदेशीर सावकारीपासून कर्जदाराला होत असलेल्या मानसिक व आर्थिक पिळवणूकीला आळा घालण्यास उपाय योजना करण्याची मागणी जिल्हाधिकारी यांना करता वेळेस शिवसेना वैद्यकीय जिल्हाप्रमुख अरविंद धिमान, उपतालुका प्रमुख गुरुदेव मेश्राम, उपमहानगर प्रमुख विश्वास खैरे, पत्रु भोयर, विठ्ठल लोनबले, शंकर आस्वले, संदीप शिवणकर आदींची उपस्थिती होती.

गडचिरोली पोलिसांनी केले  छत्तीसगढ नक्षल्यांचे शिबिर उद्ध्वस्त 

गडचिरोली:-
 छत्तीसगड राज्याच्या
सीमावर्ती भागात कोरची तालुक्यातील भिमनखोजी गावानजीकच्या जंगलात शुक्रवारी (दि.७) गडचिरोली पोलिसांनी नक्षल्यांचे शिबिर उदध्वस्त केले भिमनखोजी जंगलात पोलिसांचा घातपात करण्याच्या हेतूने नक्षली एकत्र आले होते. ही माहिती मिळताच गुरुवारी संध्याकाळी अप्पर पोलिस अधीक्षक कुमार चिंता यांच्या नेतृत्वात सी-६० पथक आणि केंद्रीय राखीव दलाच्या जवानांनी त्या भागात नक्षलविरोधी अभियान राबविले. पोलिसांचा दवाब पाहून नक्षली पळून गेले. त्यानंतर पोलिसांनी घटनास्थळावरुन पिट्टू, औषध, पुस्तके आणि अन्य साहित्य ताब्यात घेतले, याची पोलिस अधीक्षक नीलोत्पल यांनी दिली असून पुढील कारवाई करण्यात तत्पर राहावे असे मार्गदर्शन केले आहे

अखिल भारतीय रिपब्लिकन पक्षाकडून नवनिर्वाचित खा.डॉ. किरसान यांचा सत्कार 

गडचिरोली- :
गडचिरोली चिमूर लोकसभा क्षेत्रातून निवडून आलेले काँग्रेस महाविकास आघाडीचे खासदार डॉ नामदेव किरसान यांचा अखिल भारतीय रिपब्लिकन पक्षाच्या कार्यकर्त्यांनी सत्कार केला. 
   रिपब्लिकन पक्षाच्या कार्यकर्त्यांनी डॉ किरसान यांच्या कार्यालयात भेट घेऊन पक्षाचे केंद्रीय उपाध्यक्ष रोहिदास राऊत यांचे हस्ते शॉल आणि पुष्पगुच्छ देऊन डॉ किरसान यांचा सत्कार केला. यावेळी पक्षाच्या अन्य कार्यकर्त्यांनीही नवनिर्वाचित खासदारांचे अभिनंदन करून त्यांना शुभेच्छा दिल्या. 
   काँग्रेसचे जिल्हाध्यक्ष महेंद्र ब्राह्मणवाडे, रिपब्लिकन पक्षाचे जिल्हाध्यक्ष हंसराज उंदीरवाडे, प्रदेश सचिव केशवराव समृतवर, विधान सभा प्रभारी प्रदीप भैसारे, जिल्हा सरचिटणीस प्रल्हाद रायपुरे, कार्यालय  सचिव अशोक खोब्रागडे, युवा अध्यक्ष नरेंद्र रायपुरे , पुण्यवान सोरते,  शहर अध्यक्ष अनिल बारसागडे , तालुका सचिव विजय देवतळे, कैलास रामटेके,  महिला आघाडीच्या कल्पना रामटेके, कविता वैद्य व अन्य कार्यकर्ते उपस्थित होते. 
   काँग्रेसचे पदाधिकारी सुनील चडगुलवार, रजनीकांत मोटघरे, रुपेश टिकले हे सुद्धा उपस्थित होते

अखेर प्रादेशिक विकास महामंडळ धान खरेदी अपहारातील व्येंकटी बुर्ले व गजानन कोटलावार या आरोपींना ठोकल्या बेड्या 

सहा कोटी दोन लाख त्र्यानंव हजार आठशे पंचेचाळीस रुपयाचा केला अपहार 

गडचिरोली:-

  गडचिरोली जिल्ह्यातील    शेतक­ऱ्यांनी पिकविलेल्या शेतमालाला आधारभुत किंमत देण्याकरीता शासन विविध योजना राबवित असतात. राज्य शासनाचा उपक्रम असलेल्या महाराष्ट्र सहकारी आदिवासी विकास महामंडळामार्फत शेतक­ऱ्यांनी पिकविलेले धान विविध खरेदी केंद्रावर खरेदी केल्या जाते. खरेदी केलेल्या धानाची प्रादेशिक कार्यालय समिती स्तरावर मा. जिल्हाधिकारी यांचे मान्यतेने नेमलेल्या मिलर्सकडुन बँक गॅरंटीच्या प्रमाणात धानाचे वितरण केले जातात. जावक धानाचे वितरण आदेश मिलर्स व खरेदी केंद्रावरील केंद्रप्रमुख यांच्या स्वाक्षरीने वजन पावत्यासह उपप्रादेशिक कार्यालयास सादर केले जातात. मिलर्स उचल केलेल्या धानाची भरडाई करुन तयार होणार तांदुळ जिल्हा पुरवठा अधिकारी यांचे अधिनस्त गोदामात जमा करण्यात येतो. जमा केलेल्या तांदळाच्या स्विकृत पावत्या मिलर्सद्वारा प्रादेशिक कार्यालयात सादर करण्यात येतात. परंतू, काही अधिकारी/कर्मचारी यात गैरप्रकार करुन आपले आर्थिक हितसंबंध साधतात. 

    गडचिरोली जिल्ह्रातील उपप्रादेशिक कार्यालय, घोट अंतर्गत मार्कंडा (कन्सोबा) येथील धान खरेदी केंद्रात खरेदी योजना हंगाम 2022-2023 या दरम्यान अपहार झाल्याच्या तक्रारीवरुन महाराष्ट्र सहकारी आदिवासी विकास महामंडळातर्फे चौकशी करण्यात आली. सदर चौकशित मार्कंडा (कन्सोबा) येथील धान खरेदी केंद्रात खरेदी योजना हंगाम 2022-2023 या दरम्यान एकुण 59947.60 Ïक्वटल धान खरेदी झाली होती. त्यापैकी प्रत्यक्ष 31532.58 Ïक्वटल धान जावक झालेला आहे. परंतु मिलर्सना दिलेल्या एकुण वितरण आदेशापैकी 28415.02 Ïक्वटल धान प्रति Ïक्वटल 2040/- रुपये प्रमाणे 5,79,66,640/- रुपयांचा मिलर्सना प्राप्त झाला नाही, तसेच गोदामात देखील शिल्लक नाही. त्याचप्रमाणे, महामंडळातर्फे पुरविण्यात आलेल्या एकुण बारदाण्यापैकी 71038 नग, प्रति नग 32.76/- रुपये प्रमाणे 23,27,204/- रुपयांच्या बारदाण्यांचा असा एकुण 6,02,93,845/- रुपयांचा अपहार झाल्याचे चौकशीअंती निष्पन्न झाले. याकरीता, तत्कालीन केंद्रप्रमुख, मार्कंडा (कं),आष्टी व्येकटी अंकलू बुर्ले, विपनन निरीक्षक आर.एस.मडावी, प्रभारी उपप्रादेशिक व्यवस्थापक व्ही.ए.कुंभार, तत्कालीन प्रादेशिक व्यवस्थापक, आ.वि.महा. गडचिरोली जी.आर.कोटलावार असे जबाबदार असल्याचे, प्रभारी प्रादेशिक व्यवस्थापक, म.रा.सह.आदिवासी विकास महामंडळ मर्या. गडचिरोली यांच्या लेखी फिर्यादीवरुन पोलीस स्टेशन आष्टी येथे कलम – 420, 409, 465, 468, 471, 34 अन्वये गुन्हा दाखल करण्यात आला. 

गुन्हा दाखल होताच पोलीसांनी तपासाची गती तीव्र करुन आरोपी नामे (1) व्यंकटी अंकलु बुर्ले, वय 46 वर्षे, व्यवसाय - नोकरी (कनिष्ठ सहाय्यक आदिवासी विकास महामंडळ व तत्कालीन केंद्र प्रमुख, मार्कंडा (कं), आष्टी) रा. आष्टी  ता. चामोर्शी, जि. गडचिरोली (2) गजानन रमेश कोटलावार, वय 36 वर्षे, व्यवसाय - नोकरी (निलंबित प्रादेशिक व्यवस्थापक, आदिवासी विकास महामंडळ, यवतमाळ व तत्कालीन प्रादेशिक व्यवस्थापक, आदिवासी विकास महामंडळ, गडचिरोली) रा. कुंदलवाडी ता. बिलोली जि. नांदेड यांना गडचिरोली पोलीसांनी अटक केले असुन त्यांना मा. न्यायदंडाधिकारी, चामोर्शी यांचेसमक्ष हजर केले असता, त्यांची दिनांक 15/06/2024 रोजी पावेतो पोलीस कोठडी रिमांड मंजुर केलेली आहे. सदर गुन्ह्राचे तपासात राकेश सहदेव मडावी, वय 34 वर्षे, व्यवसाय – नोकरी (प्रतवारीकार आ.वि.म.घोट) यांना ताब्यात घेण्यात आले असुन गुन्ह्रासंबंधाने त्याचेकडे विचारपुस सुरु आहे.