शेतशिवारात विज कोसळून दोन शेतकऱ्यांचा मृत्यू 

तुमसर:-

तुमसर तालुक्यातील पाथरी येथे आज दि. 3 एप्रिल ला दुपारी 12 वाजताच्या सुमारास वादळी वारा व विजांच्या कडकडाटासह अंगावर वीज कोसळल्याने दोघांचा जागीच मृत्यू झाल्याची घटना घडली. मनीषा भारत पुष्पतोडे वय 27 वर्षे आणि प्रमोद मनीलाल नागपुरे वय 45 वर्षे असे या दोन मृतक शेतकऱ्यांची नावे असून दोघेही रा. पाथरी येथील रहिवासी आहेत. सध्या परिसरात शेतकऱ्यांनी उन्हाळी धान पिकांची लागवड केली असून शेतात काम करण्यासाठी गेलेले होते  आज अचानक वादळी वाऱ्यासह विजांचा गडगडाट सुरू झाला पाहता - पाहता शेतीचे काम करत असताना दोघांच्या अंगावर वीज कोसळल्याने दुर्दैवी मृत्यू झाला. या घटनेने मात्र गावात शोककळा पसरली आहेव हळहळ व्यक्त करण्यात येत आहे 

लक्ष्मणपूर येथे एका इसमाने केली गळफास घेऊन आत्महत्या 

आष्टी:-
चामोर्शी तालुक्यातील आष्टी पोलीस स्टेशन च्या हद्दीतील लक्ष्मणपूर येथे एका इसमाने गळफास घेऊन आत्महत्या केल्याची घटना आज दि ३ एप्रिल ला सकाळी उघडकीस आली आहे 
मृतकाचे नाव रमेश गजानन चनेकार वय ५२ वर्षे रा.लक्ष्मणपूर असे असून ते काल दि २ एप्रिल चे रात्री ११.३० ते पहाटे ५.०० वाजताच्या दरम्यान घराच्या बाजूला असलेल्या टिनाच्या मांडवाच्या फाट्याला दोरीने गळफास लावून आपली जीवनयात्रा संपवली आहे 
सकाळी जेव्हा घरातील कुटुंब जागे झाले तेव्हा ते गळफास घेतलेल्या अवस्थेत दिसून आले तेव्हा सुधीर बंडू चनेकार वय २९ वर्ष रा.लक्ष्मणपूर यांनी आष्टी पोलीस स्टेशन ला माहीती दिली त्यावरुन पोलीसांनी घटनास्थळी धाव घेऊन पंचनामा करून मृतदेह शवविच्छेदन करण्यासाठी ग्रामीण रुग्णालयात पाठविला शवविच्छेदन झाल्यावर मृतदेह नातेवाईकांच्या ताब्यात देण्यात आला आहे 
त्याने आत्महत्या का केली याचा तपास पोलीस निरीक्षक विशाल काळे यांच्या मार्गदर्शनाखाली पोहवा भाऊराव वनकर करीत आहेत

राजेश श्रीधर पिंपळशेंडे नवोदय करीता पात्र 

आष्टी:-
लिटील हार्ट इंग्लिश मिडीयम हायस्कूल आष्टी ता .चामोर्शी जिल्हा गडचिरोली या शाळेतील राजेश श्रीधर पिंपळशेंडे रा.आष्टी यांची नवोदय विद्यालय घोट येथे पुढील शिक्षणासाठी निवड झाली आहे 
नवोदय विद्यालय घोट येथे शिक्षण घेण्यासाठी फार मोठी चढाओढ असते म्हणून त्या शाळेत फक्त हुशार विद्यार्थी घेतले जातात त्याकरीता नुकतीच गडचिरोली जिल्ह्यात पाचव्या वर्गात शिकत असलेल्या विद्यार्थ्यांची परीक्षा घेण्यात आली होती त्या परिक्षेचा निकाल जाहीर करण्यात आला असून त्यात राजेश श्रीधर पिंपळशेंडे हा उतिर्ण झालेला आहे 
त्याने आपल्या यशाचे श्रेय आई - वडील शाळेचे मुख्याध्यापक कृष्णमूर्ती,शिक्षकवृंद यांना दिले आहे

  खाणीत होणाऱ्या स्फोटांमुळे घराला तळा गेल्यात व शेतीही झाली नष्ट आता भटाळी गावाच्या पुनर्वसन प्रक्रियेला मिळणार गती

आमदार श्री. सुधीर मुनगंटीवार यांनी व्यक्त केला निर्धार

पुनर्वसन प्रक्रियेसाठी आवश्यक पावले उचलण्यास कटिबद्ध

भटाळी गावाच्या पुनर्वसनासंदर्भात जिल्हाधिकाऱ्यांसमवेत पाहणी दौरा

चंद्रपूर, दि. 2: भटाळी ओपन कास्ट माइन्समुळे भटाळी गावाला गंभीर समस्यांचा सामना करावा लागत आहे. भूगर्भातील पाण्याची पातळी घटल्याने पिण्याच्या पाण्याचा मोठा प्रश्न निर्माण झाला आहे. खाणीत होणाऱ्या स्फोटांमुळे घरांना तडे गेले आहेत, तर शेती नष्ट झाल्यामुळे शेतकऱ्यांवर उपासमारीची वेळ आली आहे. ही परिस्थिती बदलण्यासाठी आणि स्थानिक समस्या जाणून घेण्यासाठी जिल्हाधिकारी विनय गौडा यांच्यासोबत राज्याचे माजी वने, सांस्कृतिक कार्य व मत्स्य व्यवसाय मंत्री आमदार श्री. सुधीर मुनगंटीवार यांनी भटाळी गावात पाहणी दौरा केला. गावाच्या पुनर्वसन प्रक्रियेला गती देण्याचा निर्धार केला असून, यासाठी आवश्यक ती सर्व पावले उचलण्यास कटिबद्ध असल्याची ग्वाही आ. श्री. मुनगंटीवार यांनी दिली.

भटाळी गावाच्या पुनर्वसनासंदर्भात चंद्रपूरचे जिल्हाधिकारी विनय गौडा यांच्या समवेत पाहणी दौरा बुधवार (दि.02)केला. यावेळी  उपजिल्हाधिकारी (पुनर्वसन)अतुल जटाळे, उपविभागीय अधिकारी संजय पवार, तहसीलदार विजय पवार, पायली भटाळीचे सरपंच किसन उपरे, उपसरपंच विकास पेदांम, रामपाल सिंग, अनिता भोयर, सुरज पेदुलवार, राकेश गौरकार तसेच वेकोलीचे अधिकारी उपस्थित होते.

आमदार सुधीर मुनगंटीवार म्हणाले, गाव पुनर्वसन समिती भटाळीच्या वतीने गावाच्या पुनर्वसनाबाबत नुकतीच बैठकीत चर्चा करण्यात आली. बैठकीत पुनर्वसनाला होणारा उशीर लक्षात घेता, डब्लूसीएलकडून कोळसा उत्खनन सुरू असतानाच गावाला धोका निर्माण होत असल्याने पुनर्वसन तातडीने व्हावे, अशी मागणी भटाळीवासीयांकडून करण्यात आली. यासाठी आमदार श्री. मुनगंटीवार यांनी सदर पुनर्वसन प्रक्रिया गतीने करण्याच्या  सूचना जिल्हाधिकाऱ्यांना केल्या.  

पुनर्वसनाबाबत वेकोलीने सुचविलेली जागा गावकऱ्यांना मान्य नाही. यावर गावकऱ्यांसोबत बसून तोडगा काढण्यात येईल. पुनर्वसन स्थायी होण्याच्या दृष्टीने सर्वंकष अभ्यास करण्यात येईल. गाव पुनर्वसन समितीने गावाच्या पुनर्वसनाकरिता 13 मागण्या केल्या आहेत. येत्या आठ दिवसात या मागण्यांवर विस्तृत चर्चा करण्यात येईल. तसेच 13 मागण्यांचे विभाजन करून पुनर्वसन समिती समोर सोडविण्याचा प्रयत्न करण्यात येईल. "भटाळी गावाच्या पुनर्वसनासाठी जिल्हा प्रशासन पूर्णपणे तत्पर असून, लवकरात लवकर या प्रक्रियेला गती देण्यासाठी आवश्यक पावले उचलली जातील," असे आमदार सुधीर मुनगंटीवार यांनी स्पष्ट केले.

नक्षलवाद्यांनी युद्धविरामाचा केंद्र सरकारपुढे सादर केला प्रस्ताव ?

गडचिरोली : केंद्रीय गृहमंत्री अमित शाह यांनी मार्च २०२६ अखेरपर्यंत देशातून नक्षलवाद हद्दपार करणार असल्याचा निर्धार केल्यानंतर सुरक्षा दलांनी महाराष्ट्र व छत्तीसगडमध्ये आक्रमक कारवाया सुरू केल्याने नक्षलवाद्यांनी नांगी टाकली असून केंद्र सरकारपुढे युद्धविरामाचा प्रस्ताव सादर केला आहे. केंद्रीय समिती सदस्य अभय ऊर्फ सोनू भूपती याने यासंदर्भात तेलुगू भाषेत पत्रक जारी करून कारवाया रोखण्याचे सरकारला आवाहन केले आहे. आता याबाबत केंद्र सरकार काय भूमिका घेणार याकडे सर्वांचे लक्ष आहे.

छत्तीसगड, महाराष्ट्र, तेलंगणा,ओडिशा आणि झारखंडमध्ये नक्षलविरोधी अभियान अधिक गतिमान झाले आहे. गेल्या १५ महिन्यांत झालेल्या चकमकीत तब्बल ४०० हून अधिक नक्षलवादी ठार झाले, शेकडो कारागृहात आहेत, इतकेच नव्हे तर यात अनेक निरपराध आदिवासी मारल्या गेल्याचा दावाही पत्रकात केला आहे. ३० मार्चचे हे पत्रक असून त्यावर देशातील दुसऱ्या क्रमांकाचा नक्षल नेता अभय ऊर्फ सोनू ऊर्फ भूपती याचा उल्लेख आहे

शोषणाविरोधात आवाज उठविणाऱ्या कार्यकर्त्यांचा सरकारकडून छळ होत आहे. भीमा कोरेगाव प्रकरणातदेखील अशाच प्रकारे अनेक कार्यकर्त्यांना कारागृहात डांबले. आदिवासींना पोलिस दलात भरती करून त्यांच्याच हातून आदिवासींची हत्या केली जात आहे, असा गंभीर आरोप पत्रकात केला आहे.

केंद्रापुढे शांती प्रस्ताव ठेवणारा भूपती हा माओवादी चळवळीतील महत्त्वाचा नेता आहे. त्याची पत्नी जहाल माओवादी महिला नेता विमला चंद्रा सिडाम ऊर्फ तारा ऊर्फ ताराक्काचा तो पती तर पश्चिम बंगालमध्ये २०११ मधील चकमकीत ठार झालेला जहाल नक्षल नेता किशनजीचा धाकटा भाऊ आहे. ताराक्काने १ जानेवारी २०२५ रोजी मुख्यमंत्री देवेंद्र फडणवीस यांच्यासमोर गडचिरोली पोलिसांपुढे आत्मसमर्पण केले. ४ एप्रिलला केंद्रीय मंत्री अमित शाह यांचा छत्तीसगडला संभाव्य दौरा आहे, या दौ-यापूर्वी त्याने केंद्रापुढे युद्ध विरामाचा प्रस्ताव ठेवला आहे.

आदिवासी, अल्पसंख्याकांना लक्ष्य करत आहे. दुसरीकडे जल, जंगल, जमीन आणि संस्कृतीसाठी आदिवासी समाज संघर्ष करत आहे. येथील नैसर्गिक संसाधनांवर डोळा ठेवून हे सर्व सुरू असून सरकारने आता थांबायला हवे, असेही पत्रकात म्हटले आहे.

 देसाईगंज रेल्वेच्या बोगद्याचे काम दर्जाहिन ; ५ तारखेला सुरु होण्याची शक्यता कमी ?

आ. रामदास मसराम यांची प्रत्यक्ष पाहणी ; नागरिकांची गैरसोय होण्याची शक्यता !

देसाईगंज  :-
           शहरातील रेल्वे लाईनच्या बोगद्याने रहदारीची मोठी समस्या निर्माण केली होती. पावसाळ्यातच नव्हे तर हिवाळ्यातही या बोगद्यातून आवागमन करतांना नागरिकांना साचलेल्या पाण्यातूनच रहदारी करावी लागत होती नगर पालिका प्रशासनाने व लोकप्रतिनिधीनी या बाबीकडे रेल्वे प्रशासनाचे लक्ष वेधल्याने प्रशासनाने पाणि निस्सारणाचे काम दि. २० मार्च २०२४ पासून सुरु केले. सदरचे काम 5 एप्रिल पर्यंत सुरू रहाणार असल्याची सुचना रेल्वे विभागामार्फत न.प.चे मुख्याधिकारी यांनी प्रसिद्धीपत्राद्वारे  केले होते. मात्र नागरिकांनी सहकार्य करून सुद्धा नागरिकांसाठी दुरुस्ती होत असलेला बोगदा दुरुस्तीच्या नावाखाली पूर्णत ओबळधोबळ होत असून दर्जाहीन असल्याचे प्रत्यक्ष पाहणीदरम्यान समजते.
             देसाईगंज शहर रेल्वे लाईन मुळे दोन भागात विभागलेले असुन रहदारीसाठी तयार करण्यात आलेल्या बोगद्यामुळे पावसाळ्यात रहदारिची मोठी समस्या  निर्माण होत असल्याने नागरिकांना बोगद्यात साचलेल्या घाण पाण्यातुन आवागमन करावे लागत होते ही समस्या पावसाळ्या पुरती नव्हे तर हिवाळ्यातही उद्भवत असल्याने देसाईगंज प्रशासनासह स्थानिक लोकप्रतिनिधींनीही रेल्वे प्रशासनाला अनेकदा पत्रव्यवहार, प्रत्यक्ष वस्तुस्थिती दर्शवून समस्येचे निराकरण करण्यासाठी उपाययोजना करण्याची विनंती केली, त्यानुसार रेल्वे प्रशासनाने साचलेल्या पाण्याचा निचरा होण्यासाठी मोठी पाईप लाईन टाकण्याचे काम सुरु केले. बोगद्यातील पाणी निचरा होण्यासाठी पुर्वीपेक्षा भले मोठे पाईन टाकण्यात आलेले आहे. यामुळे साचलेले पाणी क्षणात बोगद्याबाहेर जाईल. परंतु बोगद्यात नव्याने पाण्याची लेवल मिळविण्याकतीला कॉंक्रीट  करण्यात आले. ते  कॉन्क्रेट पूर्णत ओबळ ढोबळ असून बोगदा सुरू झाल्यानंतर वाहत चालकांना मोठा त्रास  सहन करीत बोगदा पार करावा लागेल. वास्तविक नव्याने कॉन्क्रेट टाकतांना एक लेवल प्लेन मध्ये यायला हवे होते परंतु तसे न करता कंत्राटदाराने त्या कामाला खराब करून टाकले. याबाबत दि. २ एप्रिलला आ. रामदास मराराम यांनी बोगद्याचे काम सुरु असलेल्या ठिकाणी प्रत्यक्ष भेट देऊन नागरिकांनी होत असलेल्या गैरसोयीच्या मार्गाची पाहणी केली. यात मोठी अनियमीतप्ता दिसून आल्याने आ. मराराम यांनी संबंधितांनी कामात दुरुस्तीचे आदेश दिले.
         यावेळी तहसिलदार प्रिती डूडूलकर न.प.चे कनिष्ठ अभियंता नंदनवार, कंत्राटदाराचे सुपरवाईजर कनिष् अभिन्यनता आरोग्य विभाग प्रमुख गेडाम, रेल्वे सल्लागार समिती सदस्य भास्कर डांगे, जि.प.चे माजी उपाध्यक्ष जिवन पा.नाट, सागर वाढई, युवक काँग्रेस अध्यक्ष अमर भरे, जावेद शेख, कमलेश बारस्कर, ज्ञानदेव पिलारे,जितू चौधरी, धर्मेंद्र लांडे, व कार्यकर्ते उपस्थित होते.
          येत्या ५ तारखेपासून दुरुस्तीच्या नावाखाली बंद असलेला बोगदा सुरू होणार की नाही यावर प्रश्ननिर्माण होत आहे

पत्नी कडून मुलासमोर अश्लील शिव्यांची लाखोळी वाहत असल्याने संतापलेल्या तलाठी पतीने संपविली जीवनयात्रा 

मी मेल्यावर माझा चेहरा पत्नीला दाखवू नका 

अकोला : पत्नीकडून पतीचा मानसिक व आर्थिक प्रचंड छळ आणि मुलासमोर अश्लील शिव्यांची लाखोळी वाहत असल्याने  त्याला कंटाळून पाच दिवसांपासून उपाशी पतीने आत्महत्येसारखे टोकाचे पाऊल उचलले. मोबाइलवर स्टेटस ठेऊन आत्महत्येसाठी पत्नीला जबाबदार धरले आहे 
मृत्यूनंतर माझा चेहरा सुद्धा पत्नीला दाखवू नका, असे त्यामध्ये नमूद आहे. शीलानंद तेलगोटे यांनी रविवारी गळफास घेऊन आत्महत्या केली. ते तेल्हारा तहसील कार्यालयांत तलाठी म्हणून कार्यरत होते.
तेलगोटे यांनी आत्महत्या करण्यापूर्वी " व्हॉटसॲप " वर एक स्टेटस ठेवले. त्यामधून तेलगोटे यांच्या आत्महत्येमागील कारण स्पष्ट झाले. शिलानंद तेलगोटे यांनी मृत्यू पूर्वीच्या या स्टेटस मध्ये पत्नी आपला मानसिक छळ करते. मृत्यूनंतर चेहरा माझ्या पत्नीला दाखवू नये, असेही नमूद केले. पोलिसांनी तेलगोटे यांचा मृतदेह ताब्यात घेऊन उत्तरीय तपासणीसाठी तेल्हारा ग्रामीण रुग्णालयात पाठवला.
तेलगोटे यांनी " व्हॉटसॲप स्टेटस " मध्ये पत्नीने आपला छळ केल्याचा आरोप केला आहे. त्यांनी आपले मृत्यूपत्रही तयार केले होते. यामध्ये त्यांनी आपली सर्व संपत्ती मुलाच्या नावावर केल्याची माहिती आहे. या घटनेवरून परिसरत हळहळ व्यक्त केली जात आहे.
शाहूनगर, गाडेगाव रोड, तेल्हारा. मी दिनांक 30/03/2025 रोजी आत्महत्या करत आहे. माझ्या मृत्यूला जबाबदार माझी पत्नी प्रतिभा तेलगोटे ही असून ती मला खूप माझ्या मुलासमोर अश्लील शिव्या देते.
आणि मला वारंवार फाशी घे असं सांगते. माझे पैसे तिचा भाऊ प्रवीण गायबोलेकडे असून, त्यांना शेतीसाठी मी काही रक्कम दिली होती. सदर रक्कम मी तलाठीकडून काढली असून त्याचं व्याजासह रक्कम देणे अपेक्षित आहे. कारण माझ्या पगारामधून ती रक्कम कट होत आहे.
माझ्या मृत्यू झाल्यास माझी शेवटची इच्छा आहे की, माझं पोस्टमार्टम होईल तेव्हा माझा चेहरा माझ्या पत्नीला दाखवू नये. कारण आज मी पाच दिवस झाले, जेवण केलेलं नाही. माझ्या पत्नीला सोडून कोणीही पाहिलं तरी चालेल असे नमूद केले आहे

तिहेरी विचीत्र अपघातात सात ठार तर २५ गंभीर जखमी 

अकोला:-

आज दि .२ एप्रिल सकाळी खामगाव ते शेगाव रोड वर एस टी बस, बोलेरो आणि लक्झरी बस चा भीषण अपघात झाला आहे. या अपघातात सात जणांचा मृत्यू झाल्याची प्राथमिक माहिती मिळत असून 25 जखमी झाले आहेत. जखमींना अकोला येथे सर्वोपचार रुग्णालयात दाखल करण्यात आले आहे. तर अपघात पुणे परतवाडा बस ला बोलेरो ने मागून धडक दिली नंतर मागून येणाऱ्या लक्झरी बस ने दोन्ही वाहनांना धडक दिली.

मिळालेल्या माहितीनुसार, खामगाव ते शेगाव रोडवर जयपुर लांडे फाटा समोर हा विचित्र अपघात झाला आहे. पुणे येथून परतवाडा येथे जाणाऱ्या एसटी बसला मागून आधी एका चारचाकी वाहनाने धडक दिली, त्यानतंर एका खाजगी ट्रॅव्हल्सने या दोन्ही वाहनांना उडवले. या तिहेरी अपघातात गाड्यांचेही बरेच नुकसान झाले. आज पहाटे पाच वाजता झालेल्या या तिहेरी अपघातात पाच जणांचा जागीच मृत्यू झाला. तर 25 लोकं जखमी झालेत. त्यापैकी 6 जण गंभीररित्या जखमी झाले आहेत. जखमींना स्थानिक शासकीय रुग्णालयात उपचारासाठी दाखल करण्यात आल्याची माहिती समोर आली आहे. या दुर्दैवी तिहेरी अपघातामुळे मोठी खळबळ माजली असून अनेकांच्या जीव गेल्याने हळ व्यक्त होत आहे.
घटनेची माहिती मिळताच तत्काळ खामगाव शहर पोलिस चौरस स्टेशन चे ठाणेदार राजेश पवार हे आपल्या कर्मचाऱ्यासमवेत पोहचले तसेच स्थानिक तहसीलदार सुनील पाटील ही पोहचले. वाहनांमध्ये अडकलेल्या रुग्णांना खामगाव येथील सामान्य रुग्णालयात दाखल करण्यात आले आहे. या मधील गंभीर रुग्णांना अकोला येथे रेफर करण्यात आले आहे. सात लोक मृत्युमुखी पडले आहेत

अपघातात जखमी व्यक्तीला रुग्णालयात उपचारासाठी दाखल करतो म्हणून अपघात करणाऱ्या चालकाने फेकले पुलावरून 

नागपूर:-

 जिल्ह्यातून मानवतेला काळिमा फासणारी बातमी समोर आली आहे. येथे रस्ते अपघातातील जखमीला आरोपीने लोकांच्या गर्दीमुळे रुग्णालयात नेण्याचे नाटक केले. मग तो थोडा पुढे गेला आणि त्यांना एका पुलाखालून फेकून देऊन पळून गेला. यानंतर जखमी व्यक्ती बराच वेळ वेदना सहन करत राहिला आणि अखेर त्याचा मृत्यू झाला. पोलिसांनी आरोपी चालकाविरुद्ध गुन्हा दाखल करून त्याचा शोध सुरू केला आहे. हे प्रकरण नागपूर जिल्ह्यातील मिहान सेझला लागून असलेल्या कर्करोग संस्थेशी संबंधित आहे. मृत व्यक्तीचे नाव कृष्णा बोरसे असे आहे. कृष्णा बोरसे हे त्यांच्या दुचाकीवरून कामावरून घरी परतत होते. तेवढ्यात एका भरधाव गाडीने त्याच्या दुचाकीला जोरदार धडक दिली. या अपघातात तो गंभीर जखमी झाला. अपघातानंतर जखमींभोवती लोकांची गर्दी जमली. हे पाहून आरोपी चालक जखमी व्यक्तीला सोबत नागपूरच्या दिशेने रुग्णालयात घेऊन गेला. यानंतर, त्याने जखमी व्यक्तीला पुलाखाली फेकून दिले आणि पळून गेला.

पोलिसांना ही माहिती मिळाल्यावर त्यांनी नागपूरच्या सरकारी रुग्णालयात कृष्णा नावाच्या व्यक्तीला दाखल केले आहे का हे शोधून काढले. पोलिस तपासानंतर असे आढळून आले की कृष्णा नावाच्या कोणत्याही जखमी व्यक्तीला नागपूरमधील कोणत्याही सरकारी रुग्णालयात दाखल करण्यात आले नव्हते. यानंतर पोलिसांना संशय आला की जखमी व्यक्तीला कोणत्याही रुग्णालयात दाखल करण्यात आले नाही. दरम्यान, पोलिसांना माहिती मिळाली की एक जखमी व्यक्ती चिच भवन पुलाखाली पडून आहे. पोलिस घटनास्थळी पोहोचेपर्यंत त्याचा मृत्यू झाला होता.

बल्लारपूर येथील तहसीलदार अडकला लाप्रवीच्या जाळ्यात, शेतकऱ्याकडून २ लाख २० हजारांची लाच मागणे पडले महागात 

तलाठी धूम ठोकत पसार झाला 

बल्लारपूर:-
 राज्यात गेल्या काही दिवसांत लाच  लुचपत प्रतिबंधक विभागाने कारवाईचा धडाका लावला असून अनेक छोटे-मोठे अधिकारी जाळ्यात अडकले आहेत
 चंद्रपूर जिल्ह्यातील बल्लापूरचे तहसीलदार लाच घेताना जाळ्यात अडकले आहेत लाच लुचपत प्रतीबंधक विभागाने तहसलीदार अभय अर्जून गायकवाड यांना अटक केली असून यातील दुसरा आरोपी असलेला तलाठी सचीन रघुनाथ पुळके हा फरार आहे. 
सध्या, ए.सी.बी.(A.C.B.)कडून आरोपी तलाठी पुळके  याचा शोघ घेण्यात येत आहे.  
बल्लारपूरचे तहसीलदार आणि त्यांचा सहकारी तलाठी असे दोघेही लाच प्रकरणात अडकले आहेत. फिर्यादीने स्वतःच्या शेतातील माती आणि मुरूमाचे उत्खनन केले होते.
 मात्र, हे उत्खनन अनधिकृत असल्याचे सांगत संबंधित महसूल कर्मचाऱ्यांनी त्याच्याकडे पैशांची मागणी केली. अनधिकृत गौण खनिज उत्खननाचे हे प्रकरण असून मिटविण्यासाठी लाच मागितली होती. 
संबंधित महसूल कर्मचारी व अधिकाऱ्यांनी शेतकऱ्याकडे २ लाख २० हजार रुपयांच्या रक्कमेची मागणी केली होती. 
लाच म्हणून ठरलेल्या या रकमेतील १ लाख २० हजार रुपये शेतकऱ्याने त्यांना देऊ केले होते. तर, उर्वरीत १ लाख रुपये शिल्लक असल्याने लाचखोरांनी सततचा तगादा लावला होता. 
त्यामुळे, वैतागलेल्या शेतकऱ्याने या लाचखोरीची ए.सी.बी.(A.C.B.)कडे तक्रार केली. पडताळणी केली असता लाचेची रक्कम स्वीकारण्याची तयारी दर्शवली होती 
 त्यानंतर, ए.सी.बी.(A.C.B.)च्या पथकाने सापळा रचून महसूल अधिकाऱ्यांना रंगेहाथ अटक केली. दरम्यान, ए.सी.बी.(A.C.B.)च्या कारवाईत तहसीलदार 
अभय गायकवाड आणि कवडजई सांजाचे तलाठी 
सचिन पुकळे त्यांविरोधात गुन्हे देखील दाखल करण्यात आले आहेत. ए.सी.बी.(A.C.B.)ने तहसीलदाराला ताब्यात घेतले असून तलाठी पुकळे धुम ठोकून फरार आहे. याप्रकरणी, ए.सी.बी.(A.C.B.)कडून पुढील कारवाई सुरू आहे.

संशयाच्या भुताने पछाडलेल्या पतीने गळा आवळून संपविले पत्नीला 

रावेर :-

 संशयाच्या भुताने पछाडलेल्या पतीने  गळा आवळून पत्नीची जीवनयात्रा संपवल्याची  घटना रावेर तालुक्यातील अभोडा बुद्रुक येथे घडली आहे. पोलिसांनी आरोपी पतीस अटक केली आहे. आशाबाई संतोष तायडे वय 38 असे खून झालेल्या महिलेचे नाव आहे. या घटनेमुळे तालुक्यात खळबळ उडाली आहे.

रावेर तालुक्यातील अभोडा बुद्रुक येथील संतोष शामराव तायडे हा पत्नी आशाबाई सोबत राहत होता. आशाबाई रात्री एका व्यक्तीसोबत बोलत होती. याबाबत संतोष तायडे याने पत्नी आशाबाईला कोणासोबत बोलत होती असे विचारले असता तिने उडवाउडवीची उत्तरे दिल्याने संतोषला याचा राग आला. पत्नीच्या चारित्र्यावर संशय घेत त्याने पत्नीचा गळा आवळून खून केल्याची घटना आज सकाळी अभोडा बुद्रुक येथे घडली.

घटना घडल्यावर आरोपी स्वतः पोलीस ठाण्यात हजर होऊन घटनेची माहिती पोलीस निरीक्षक डॉ विशाल जयस्वाल यांना दिली. तात्काळ घटनास्थळी डी वाय एस पी कृष्णात पिंगळे, पोलीस निरीक्षक डॉ विशाल जयस्वाल, उप निरीक्षक तुषार पाटील हजर झाले. मृतदेहाचे शव विच्छेदन ग्रामीण रुग्णालयात करण्यात आले.

आरोपी पती संतोष शामराव तायडे विरुद्ध खुनाचा गुन्हा दाखल करण्यात आला असून त्याला अटक करण्यात आली आहे

एका तरुणीचे लैंगिक शोषण करणाऱ्या इसमास , पत्नीनेच दिले पोलीसांच्या ताब्यात 

नागपूर : ओळख लपवून महिलांसोबत वारंवार शारीरिक संबंध ठेवून त्याचे आक्षेपार्ह फोटो, व्हीडिओ काढण्याचा आणि ते व्हायरल करण्याची धमकी देत ब्लॅकमेल करत असल्याचा प्रकार समोर आला आहे. याप्रकरणात नागपूर पोलिसांनी आरोपीला अटक केली असून बलात्काराचा गुन्हा दाखल केला आहे. महत्त्वाचं म्हणजे या आरोपीची पत्नीच पीडित मुलीसाठी धावून आली. तिनेच हे प्रकरण समोर आणलं आहे. 

नागपुरातील पाचपावली पोलीस ठाण्याच्या हद्दीत ही घटना घडली. अब्दुल शरीफ कुरेशी (वय 33) असं आरोपीचं नाव आहे. तो टेका-नाका परिसरात पानटपरी चालवतो. त्याचं चार वर्षांपूर्वीच लग्न झालं आहे. त्याला तीन वर्षांची मुलगी सुद्धा आहे. असं असलं तरी, आरोपी स्वतःची ओळख, वय आणि लग्नाबद्दलची माहिती लपवून इतर महिला आणि मुलींसोबत विवाहबाह्य संबंध ठेवत होता. त्या महिलांना लग्नाचं खोट आश्वासन द्यायचा.

या आरोपीनं चार ते पाच महिलांची अशी फसवणूक केल्याचा संशय पोलिसांना आहे. पण, सध्या 19 वर्षांची एक पीडित मुलगी समोर आली आहे. तिनं पाचपावली पोलीस ठाण्यात तक्रार दाखल केली. त्यानुसार पोलिसांनी आरोपी अब्दुलला 29 मार्चला अटक केली. त्याच्यावर भारतीय न्याय संहिता 64, 69 या कलमानुसार बलात्कार आणि खोटं आश्वासन देऊन लैंगिक अत्याचार केल्याबद्दल गुन्हा दाखल करण्यात आला असल्याची माहिती पोलिसांनी दिली आहे.

पोलिसांनी दिलेल्या माहितीनुसार, पीडित 19 वर्षीय मुलगी ही भंडारा जिल्ह्यातली रहिवासी आहे. तिची सप्टेंबर 2024 मध्ये आरोपी अब्दुलसोबत ओळख झाली. एका महाप्रसादाच्या कार्यक्रमात अब्दुल तिला भेटला. पण, यावेळी त्यानं स्वतःचं नाव बदलून सांगितलं. तसेच वय सुद्धा केवळ 24 वर्षे सांगितलं. त्यानंतर दोघांचं बोलणं सुरू झालं. दोघांमधील मैत्रीचं रुपांतर प्रेमात झालं. तसेच त्यानं तिला लग्नाचं आश्वासन सुद्धा दिलं होतं. पण, हा आपल्यासोबत खोटं बोलतोय असं तिला चार महिन्यानंतर समजलं.या व्यक्तीनं वय, नाव सगळं खोट सांगून आपली फसवणूक केली असल्याचं तिच्या लक्षात आलं.

मुलगी नागपुरात शिकायला राहत असल्यानं आणि कोणाचा पाठिंबा नसल्यानं शांत होती. पण, या प्रकरणात आरोपीच्या पत्नीनेच या पीडित मुलीची मदत केली. तसेच तिला पोलीस ठाण्यापर्यंत आणण्याचं काम केलं. आरोपीच्या पत्नीमुळेच हे प्रकरण समोर आलं.

पोलिसांनी दिलेल्या माहितीनुसार, आरोपी अब्दुल हा पॉर्न व्हीडिओ बघून स्वतःच्या पत्नीकडेही तशीच मागणी करायचा. तिनं मागणी पूर्ण केली नाही, तर तिला मारहाण करून तिचा शारीरिक छळ करायचा. त्यामुळे दोघांमध्ये नेहमी भांडणं होत होती. पतीच्या या त्रासाला कंटाळून ती 6 महिन्यांपासून माहेरी राहत आहे. तिनं पोलिसांत शारीरिक छळाबद्दल तक्रार दाखल केली होती.

तो या महिलांसोबत फक्त ओळख लपवून बोलतच नाही, तर त्यांच्यासोबत संबंध ठेवून त्याचे फोटो व्हायरल करण्याची धमकी द्यायचा. तसेच त्यांना ब्लॅकमेल करत असल्याचंही तिला व्हॉट्सअपर दिसलं. त्यानंतर तिनं सगळे पुरावे गोळा करून पीडित महिलांना फोन केले. पण, महिला भीतीपोटी तक्रार द्यायला तयार नव्हत्या. यापैकी फक्त एक 19 वर्षीय पीडित मुलगी समोर आली. असले प्रकार करणाऱ्या पतीला कठोर शिक्षा व्हायला पाहिजे असं तिनं ठरवलं. यानंतर पतीच्या व्हॉट्सअप चॅट आणि फोटोंवरून तो इतर महिलांचं लैंगिक शोषण करत असल्याचं तिला दिसलं.

तिनं आरोपीच्या पत्नीसोबत पोलीस ठाण्यात जात ओळख लपवून आणि लग्नाचं खोट आश्वासन देऊन वारंवार बलात्कार झाल्याची तक्रार पाचपावली पोलीस ठाण्यात दाखल केली. आरोपीनं तिला फोटो व्हायरल करण्याचीही धमकी दिली होती. त्यानंतर पोलिसांनी बलात्कार आणि खोटं आश्वासन देऊन फसवणूक केल्याचा गुन्हा दाखल केला. तसेच आरोपीला अटकही केली. आरोपीनं आणखी 4-5 महिलांचं लैंगिक शोषण करून त्यांना ब्लॅकमेल केल्याचा संशय पोलिसांना आहे. आता पोलीस त्यादृष्टीनं तपास सुरु आहे 

शिक्षीका राहायची घरी, विद्यार्थ्यांना शिकवी मजुरीकरी 

शिक्षीकेला केले तात्काळ निलंबित 

भोर : आज नौकरी मिळविण्यासाठी बेरोजगार तरुणांना धडपड करावी लागते मात्र नौकरी मिळाली म्हणून गौरहजर  राहून स्वतःऐवजी दुसऱ्या महिलेस वर्गात अध्यापन करायला लावून विद्यार्थ्यांची सुरक्षितता धोक्यात घालणाऱ्या महिला शिक्षिकेला निलंबित करण्यात आले आहे. पुण्यातील भोर नगरपालिकेच्या महाराणा प्रताप शाळा क्रमांक एकमध्ये हा प्रकार घडला आहे.
भारती दीपक मोरे असं सेवेतून निलंबित करण्यात आलेल्या उपशिक्षिकेचं नाव आहे. या धक्कादायक प्रकारानंतर पालकांनी तीव्र नाराजी व्यक्त केली आहे.

मुख्याधिकारी गजानन शिंदे आणि प्रशासन अधिकारी राजकुमार बामणे यांनी अचानक शाळेला भेट दिली. त्यावेळी शिक्षिका भारती मोरे या अनुपस्थित असल्याचे आढळले. मात्र, रजिस्टरवर मोरे यांची सही होती. विशेष म्हणजे त्यांच्या जागी दुसऱ्या महिला होत्या. ती महिला मोरे शिक्षिकेच्या जागेवर विद्यार्थ्यांना शिकवत होत्या.

या दरम्यान या गोष्टीचा तपास करण्यात आल्या. भारती या त्या महिलेला ठराविक रक्कम देऊन अध्यापनासाठी ठेवले असल्याची खात्री झाली. विद्यार्थ्यांची सुरक्षितता धोक्यात आणल्यामुळे मुख्याधिकाऱ्यांनी भारती मोरे यांना खुलासा देण्याचे आदेश दिले. मात्र, त्यांचा खुलासा असमाधानकारक असल्याने त्यांना तात्काळ निलंबित करण्यात आले आहे.

भारती मोरे यांच्यावर विनापरवानगी गैरहजर राहणे, विनापरवानगी मुख्यालय सोडणे, कर्तव्यात निष्काळजीपणा करणे, गैरहजर कालावधीत खासगी व्यक्तीला वर्गाचा ताबा देणे, वर्ग उघडे ठेवून चाव्या त्रयस्त व्यक्तीकडे देणे, विद्यार्थ्यांच्या गुणवत्तावाढीस अडथळा निर्माण करणे, या कारणांमुळे निलंबन करण्यात आले. नगरपालिकेचे कार्यालयीन अधीक्षक, शिक्षण विस्तार अधिकारी आणि केंद्रप्रमुख यांची त्रिस्तरीय समिती नियुक्त करण्यात आली आहे.समितीचा अहवाल येईपर्यंत मोरे यांचे निलंबन राहणार आहे. हा धक्कादायक प्रकार समोर आल्यानंतर पालकांमधून तीव्र नाराजी व्यक्त केली जात आहे.

राहुलच्या मृतदेह आढळला विहीरीत,पोलिसांचा तपास सुरू

चिमूर

 चिमूर तालुक्यातील मदनापूर शिवारात आज सकाळी एका युवकाचा विहिरीत पडून दुर्दैवी मृत्यू झाला. राहुल मंगल शेंडे (वय २१, रा. मदनापूर) असे या घटनेतील मृत युवकाचे नाव आहे.

मिळालेल्या माहितीनुसार, राहुल हा गेल्या दोन दिवसांपासून घरी नव्हता. त्याचे आई-वडील मदनापूर हेटी येथे राहतात. राहुल हा मदनापूर येथील आजीकडे राहून ट्रॅक्टर चालक म्हणून काम करीत होता. त्याला दारूचे व्यसन होते. मदनापुरातील बिरजे यांच्या विहिरीच्या काठावर वडाच्या झाडाच्या सावलीत तो झोपला होता. आज सकाळी ११:३० वाजेच्या सुमारास काही नागरिकांना विहिरीत राहुलचा मृतदेह तरंगताना आढळून आला.

या घटनेची माहिती मिळताच मदनापूर ग्रामस्थांनी पोलिसांना कळवले. पोलिसांनी तातडीने घटनास्थळी धाव घेऊन पंचनामा केला आणि नागरिकांच्या मदतीने मृतदेह विहिरीतून बाहेर काढला.
राहुलच्या मृत्यूमुळे मदनापूर गावात शोककळा पसरली आहे. चिमूर पोलिसांनी या घटनेची नोंद घेतली असून, पुढील तपास सुरू आहे.

वाघाने तोडले शेतकऱ्याचे लचके,शेतात पाण्याची व्यवस्था करीत असताना केला हल्ला 

लाखांदूर:-

खैरी / पट, विहिरगांव. डांभेविरली व टेंभरी परिसरात गेल्या १० १५ दिवसापासून वाघाचे दर्शन होत असल्याची चर्चा होती. तर वाघाने जनावरांना ठार मारल्याचे ऐकण्यात येत असतानांच दि. 30 मार्च च्या सांयकाळी ५ वाजताच्या दरम्यान खैरी / पट येथील डाकराम देशमुख नामक शेतकरी मोटार पॅम्प सुरु करण्याकरीता गेला असता दबा धरून बसलेल्या वाघाने त्यांचेवर उडी घेऊन डाकराम चा फरश्याच पाडला व लचके तोडले. डाकराम घरी न परतल्यामुळे घरच्या लोकांनी व गावकऱ्यांनी त्याचा शोधाशोध केला शेवटी आज पहाटे खैरी / पट स्मशान भूमी जवळ त्याचे अर्धवट प्रेतच आढळले वाघाने त्याच्या शरीराचे रात्रभर दोन तुकडेच केले होते. सदर परिसर हा वाघ प्रतिबंधित क्षेत्र असुन सुद्धा व वाघ जनावरांना ठार करीत असतांना वनविभाग लांखादुर मात्र झोपतच होते. प्रेत शवविच्छेदनास ग्रामीण रुग्णालय लाखांदुर येथे नेण्यात आले असुन वनविभाग व लाखांदुर पोलीस अधिक तपास करीत आहेत.

अहेरी येथे गाव माझा उद्योग फाउंडेशन प्रकल्पाचे शुभारंभ
उद्योगासाठी महिलांना मिळणार चालना 

संसारोपयोगी साहित्य स्वस्त दरात उपलब्ध होणार

अहेरी:- येथील हसन बाग हॉटेल लगत गाव माझा उद्योग फाउंडेशन प्रकल्पाचे शुभारंभ सोमवार 31 मार्च रोजी अहेरी नगर पंचायतीचे नगर सेविका तथा सभापती नौरास शेख यांच्या वतीने करण्यात आले.
     शुभारंभ समारंभाच्या अध्यक्षस्थानी गाव माझा उद्योग फाऊंडेशनचे जनरल मॅनेजर राजकपूर भडके हे होते तर मंचावर उदघाटन स्थानी नगर सेविका नौरास शेख होते, प्रमुख अतिथी म्हणून राष्ट्रवादी काँग्रेस पक्षाचे जिल्हा कार्याध्यक्ष रियाज शेख, सामाजिक कार्यकर्ते सुरेंद्र अलोणे, कांता भडके, आम्रपाली कोसंकर, संजना नेवारे, दीपमाला झाडे आदी मान्यवर उपस्थित होते.
      सर्व प्रथम नगर सेविका नौरास शेख यांच्या शुभहस्ते फित कापून प्रकल्पाचे विधिवत व शाही थाटात शुभारंभ करण्यात आले.
    त्या नंतर मान्यवरांच्या शुभहस्ते  छत्रपती शिवाजी महाराज, भारतरत्न डॉ.बाबासाहेब आंबेडकर, क्रांतीज्योती सावित्रीबाई फुले, क्रांतिसूर्य भगवान बिरसा मुंडा यांच्या प्रतिमेसमोर दीप प्रज्वलीत व पुष्पमाला अर्पण करून अभिवादन करण्यात आले.
     या प्रसंगी अध्यक्षीय स्थानावरून गाव माझा फाऊंडेशनचे जनरल मॅनेजर राजकपुर भडके यांनी, महिलांच्या सर्वांगीण विकासासाठी आणि महिलांचे हात बळकट करण्यासाठी गाव माझा उद्योग फाउंडेशन सदैव तत्पर असून शासनाचे 'लखपती दीदी' या अभिनव उपक्रमातून महिलाना लखपती करण्याचे लक्ष्य व उद्देश असल्याचे आवर्जून सांगून या प्रकल्पात संसारोपयोगी व जीवनावश्यक साहित्य स्वस्त व माफक दरात मिळणार असल्याचे व याचा लाभ प्रत्येकानी घेण्याचे आवाहन राजकपूर भडके यांनी केले.
    याचवेळी सामाजिक कार्यकर्ते सुरेंद्र अलोणे, रियाज शेख यांनी 'गाव माझा उद्योग फाउंडेशन'  हे महिलांच्या सर्वांगीण विकासासाठी व उन्नतीसाठी धडपड करीत असल्याने या माध्यमातून अहेरी विधानसभा निर्वाचन क्षेत्रातील महिला व्यवसाय व उद्योगाच्या क्षेत्रातून  विकासाची उत्तुंग झेप घेतील असा आशावाद व्यक्त करून मोलाचे मार्गदर्शन केले.
      कार्यक्रमाचे प्रास्ताविक कांता भडके यांनी तर सूत्रसंचालन प्रांजली मेकर्तीवार, रुपाली जाकेवार यांनी केले तर उपस्थितांचे आभार तनवी उराडे यांनी मानले. यावेळी अहेरी विधानसभा निर्वाचन क्षेत्रातील बहुसंख्य महिला उपस्थित होते.

पतीच्या अंगावर पेट्रोल टाकून जीवानीशी मारणाऱ्या पतीस जन्मठेप 

नांदेड:-

मोटर सायकल घेण्यासाठी माहेरून 80 हजार रुपये घेऊन ये म्हणून सतत शारीरिक व मानसिक छळ करून एका दिवशी पत्नीच्या अंगावर पेट्रोल टाकून जाळून तिचा खून करणाऱ्या सिरंजनी तालुका हिमायतनगर येथील एका निर्दयी पतीस अतिरिक्त जिल्हा व सत्र न्यायालय भोकर चे न्यायाधीश वाय, एम, एच, खरादी यांनी दि. 28 मार्च रोजी जन्मठेप व 5 हजार रुपये दंड आणि दंड न भरल्यास अतिरिक्त 5 वर्ष सश्रम कारावासची शिक्षा सुनावली आहे. सौ महानंदा गजानन पिटलेवाड राहणार शिरंजनी ता. हिमायतनगर या विवाहितेस तिचा पती गजानन नारायण पिठलेवाड वय 30 हा मोटर सायकल घेण्यासाठी बाहेरून 80 हजार रुपये घेऊन ये म्हणून सतत शारीरिक व मानसिक छळ करत होता.

दि. 15 जुलै 2020 रोजी सदरील विवाहितेची सासू व सासरा हे शेतात गेले असता ती घरी एकटीच असल्याचे पाहून तिच्याशी पती गजानन पिटलेवाढ ने पैशाच्या मागणीवरून वाद घातला यात तिने प्रतिसाद न दिल्याने राग अनावरण झाला. गजानन पिटलेवाड ने घरासमोरील जुन्या मोटार सायकल मधील पेट्रोल काढले व ते पत्नी सौ. महानंदाच्या अंगावर टाकून दिला व पेटून दिले यात ती मोठ्या प्रमाणात जळाली असल्याने तिला उपचारार्थ शासकीय रुग्णालय येथे नेण्यात आले यावेळी तिच्या माहेरच्यांनी हिमायतनगर पोलिसात रीतसर तक्रार दिली . यावर रुग्णालयात जाऊन गंभीररित्या जळीत असलेल्या विवाहितेच्या मृत्यूपूर्व जबाब घेण्यात आला. परंतु उपचार दरम्यान तिचा दुर्दैवी मृत्यू झाला. याप्रकरणी हिमायतनगर पोलीस ठाण्यात गजानन पिटलेवाड विरुद्ध खून व शारीरिक आणि मानसिक छळ केल्याचा गुन्हा दाखल करण्यात आला. सदरील गुन्ह्याचा सखोल तपास पोलीस निरीक्षक भगवान बी कांबळे यांनी केला व अतिरिक्त जिल्हा व सत्र  न्यायालय भोकर येथे दोषारोप पत्र दाखल केले. दरम्यान काळात सदरील प्रकरणात सरकार पक्षाच्या वतीने अतिरिक्त सरकारी अभियोग्यता एड. सौ. अनुसया शिवराज डावकरे यांनी महत्त्वाचे एकूण 11 साक्षीदार तपासले तसेच अंतिम युक्तीवाद दरम्यान त्यांनी लेखी युक्तिवादासोबत मा. उच्च न्यायालयतील न्यायनिवाडे दाखल केले.
त्याचबरोबर मयत विवाहितेचा मृत्यूपूर्व जबाब ग्राह्य धरून आरोपीस शिक्षा करण्यात यावी अशी विनंती मा. न्यायालयास केली. दुर्दैवी मयत महानंदा पिटलेवाड हिचा मुक्ती पूर्व जबाब या प्रकरणात महत्त्वाचा ठरला व तो निर्दयी पती गजानन पितलेवाड या प्रकरणी दोषी ठरला यावरून अतिरिक्त जिल्हा व सत्र न्यायालय भोकर चे न्यायाधीश वाय.एम.एच. खरादी यांनी दि. 28 मार्च 2025 रोजी गजानन पिटलेवाड यास जन्मठेप व 5 हजार रुपये दंड आणि दंड न भरल्यास अतिरिक्त 5 वर्ष सश्रम कारावासाची शिक्षा सुनावली तर सदरील खटल्यास दरम्यानच्या पैरवी अधिकारी म्हणून जमादार रमेश आडे यांनी न्यायालयीन कामकाजात सहकार्य केले.

दारुड्या मुलाने आपल्या  जन्मदात्या आई-वडिलांवर केला कुऱ्हाडीने हल्ला , आई - वडील गंभीर जखमी 

 अकोला : जिल्ह्यातील तेल्हारा तालुक्यातील घोडेगाव येथे दारुड्या मुलाने आपल्या जन्मदात्या  आई-वडिलांवर कुऱ्हाडीने हल्ला करून त्यांना गंभीर जखमी केले. शेत वाटणीच्या वादातून घडलेल्या या घटनेमुळे गावात संतापाचे वातावरण आहे. या प्रकरणी तेल्हारा पोलिसांनी आरोपीविरुद्ध गुन्हा दाखल केला आहे.

फिर्यादी विजय समाधान तेलगोटे (३८) रा. घोडेगाव, ता. तेल्हारा यांनी दिलेल्या तक्रारीनुसार, त्यांचा भाऊ विनोद समाधान तेलगोटे हा दारूच्या नशेत आई-वडिलांशी वारंवार वाद घालत असे. १९ मार्च रोजी रात्री ११ वाजता त्याने आई-वडिलांच्या डोक्यावर कुऱ्हाडीने वार करून त्यांना गंभीर जखमी केले.

घटनेनंतर तेल्हारा पोलिसांनी जखमींना तेल्हारा येथील शासकीय ग्रामीण रुग्णालयात दाखल केले. मात्र, प्रकृती गंभीर असल्याने त्यांना अकोला येथे हलवण्यात आले. फिर्यादीच्या तक्रारीनंतर २० मार्च रोजी रात्री २.३० वाजता तेल्हारा पोलिसांनी गुन्हा दाखल केला.

या प्रकरणाचा पुढील तपास पोलिस निरीक्षक प्रमोद उलेमाले यांच्या मार्गदर्शनाखाली पोहवा अमोल सोळंके करीत आहेत.

लोखंडी पत्रे घेऊन जाणारा ट्रक अनियंत्रित होवून अनखोडा नजीक उलटला ,एक गंभीर  तर तीघे जण जखमी 

  आष्टी -
   आष्टी - चामोर्शी राष्ट्रीय महामार्गावरील अनखोडा येथील वळणावर लोखंडी पत्रे वाहतूक करणारा ट्रक अनियंत्रित होवून उलटला. यात विरूद्ध दिशेने येणाऱ्या दुचाकीस्वारासह  चार जण जखमी झाल्याची घटना दिनांक 30 मार्च 2025 रविवारी दुपारी साडे बारा वाजताच्या सुमारास घडली.

     रमेश शेरकी वय 60 वर्ष रा. आष्टी,  हे गंभीर असून मनोजकुमार दिलीप महंतो ड्रायव्हर,धिरज रामकिशोर ठाकुर कन्डक्टर,धनसींग केपी चौधरी तीन्ही रा.सुपेला भिलाई (छतिसगढ)अशी जखमींची नावे आहेत.

      सविस्तर वृत्त असे की, भिलाईवरून गडचिरोली - आष्टी मार्गे ट्रक क्रमांक CG 07 CR 4622 हा लोखंडी पत्रे घेवुन जात होता दुपारी साडे बारा वाजताच्या सुमारास अनखोडा येथील वळणावर ट्रकचालकाचा वाहनावरील ताबा सुटल्याने ट्रक अनियंत्रित झाला व तो पलटी झाला. याच वेळी विरूद्ध दिशेने येणाऱ्या स्कुटीवर ट्रक मधील लोखंडी पत्रे पडली यामुळे दुचाकीस्वाराला मार लागला तर ट्रकमधील तिघे जण जखमी झाले. घटनेची माहिती कळताच आष्टी पोलिस ठाण्याचे पोलिस निरीक्षक विशाल काळे पोलिस पथकासह घटना स्थळी दाखल झाले. जखमींना प्राथमिक उपचारासाठी आष्टी येथील ग्रामीण रुग्णालय दाखल करण्यात आले व पुढील उपचारासाठी चंद्रपूर येथील रुग्णालयात पाठविण्यात आले. भर रस्त्यात ट्रक पलटी झाल्याने बराच वेळ आष्टी चा मोर्शी मार्गावरील वाहतूक खोळंबली होती.क्रेनच्या साहाय्याने अपघात ग्रस्त ट्रक बाजूला करून वाहतुक सूरू कऱण्यात आली.घटनेचा पुढील तपास आष्टी पोलिस ठाण्याचे पोलिस निरीक्षक विशाल काळे यांच्या मार्गदर्शनाखाली सूरू आहे

त्या अपघातात गंभिर जखमी झालेल्या शिक्षीका शालिनी खोब्रागडे यांचे उपचारादरम्यान निधन

गोंडपिपरी : पंचायत समिती
गोंडपिपरी अंतर्गत येत असलेल्या जिल्हा परिषद शाळा आक्सापूर येथे शिक्षीका म्हणून कार्यरत असलेल्या शालिनी खोब्रागडे यांचे काल दि. 29 रोजी रात्री नागपूरात उपचारादरम्यान निधन झाले. सोमवारी कोठारी गोंडपिपरी मार्गावर झालेल्या अपघातात त्या गंभीर जखमी झाल्या होत्या. शालिनी खोब्रागडे यांचे बल्लारपूर तालुक्यातील बाम्हणी येथे घर आहे. सोमवारी त्या कन्या विद्यालयाचे प्राचार्य पोटे यांच्या चारचाकी वाहनाने आक्सापूर येथे शाळेत जात होत्या. दरम्यान कोठारी आक्सापूर मार्गावर झालेल्या अपघातात शालिनी खोब्रागडे, मुख्याध्यापक पोटे व वडस्कर हे तिघेही गंभीर जखमी झाले होते. दरम्यान खोब्रागडे व पोटे यांची प्रकृती चिंताजनक असल्याने त्यांना नागपूरात उपचारासाठी दाखल करण्यात आले. उपचारादरम्यान शालिनी खोब्रागडे यांचे निधन झाले. त्यांच्या पश्चात बराच आप्तपरिवार आहे. खोब्रागडे या 56 वर्षाच्या होत्या. आज बाम्हणी येथे त्यांच्या पार्थीवावर अंतीम संस्कार करण्यात आले. एका उपक्रमशिल, विद्यार्थीप्रिय शिक्षीकेचा अपघातात निधन झाल्याने परिसरात शोक व्यक्त केल्या जात आहे.

रमझान ईद च्या आदल्या दिवशी मशीदीमध्ये स्फोट 

बीड: बीडच्या गेवराई तालुक्यातील अर्धामसला गावातील मशिदीमध्ये झालेल्या स्फोटाने जिल्ह्यात खळबळ उडाली आहे. रमजान ईदच्या काही तास आधी, पहाटे अडीच वाजण्याच्या सुमारास हा स्फोट झाल्याची माहिती समोर आली आहे. घटनास्थळी पोलिस अधीक्षक नवनीत कावत यांनी तातडीने धाव घेतली असून बॉम्ब शोधक पथक आणि फॉरेन्सिक टीमने तपासाला सुरुवात केली आहे. या घटनेत मशिदीच्या फरशीला आणि बांधकामाला तडे गेले असून परिसरात भीतीचं वातावरण पसरलं आहे.स्फोटानंतर पोलीस विभागाने त्वरीत हालचाल करत दोन संशयितांना चौकशीसाठी ताब्यात घेतले आहे. अज्ञात माथेफिरूने हे कृत्य केल्याचा प्राथमिक अंदाज व्यक्त करण्यात येत आहे. पोलीस घटनेच्या मागील नेमके कारण शोधण्यासाठी सखोल तपास करत आहेत.या प्रकरणाचे गांभीर्य लक्षात घेता विशेष पोलिस महानिरीक्षक (आयजी) वीरेंद्र मिश्र यांनी घटनास्थळी भेट दिली. तसेच पोलीस अधीक्षक नवनीत कावत सकाळपासून घटनास्थळी ठाण मांडून आहेत. स्फोटामागील सत्य उघड करण्यासाठी पोलीस यंत्रणा कसून तपास करत आहे.

गेल्या काही महिन्यांत बीड जिल्हा विविध कारणांनी चर्चेत राहिला आहे. मस्साजोगचे सरपंच संतोष देशमुख यांच्या हत्येनंतर जिल्ह्यातील कायदा-सुव्यवस्थेवर प्रश्नचिन्ह निर्माण झाले होते. त्यातच रमजान ईदच्या काही तास आधीच मशिदीत स्फोट झाल्याने वातावरण अधिक तणावपूर्ण झाले आहे.

पोलीस प्रशासनाने नागरिकांना अफवांवर विश्वास न ठेवण्याचं आणि शांतता राखण्याचं आवाहन केलं आहे. तपास पूर्ण होईपर्यंत कोणत्याही निष्कर्षावर पोहोचू नये, असंही पोलिसांनी सांगितलं आहे.

घटनास्थळी नमुने जमा करण्यात आले असून त्यांची फॉरेन्सिक तपासणी सुरू आहे. पुढील तपशील अधिकृत अहवालानंतरच समोर येईल.

नक्षलवाद्यांनी केली एका इसमाची हत्या, भामरागड तालुक्यातील घटना 

गडचिरोली, ता. ३०: नक्षल्यांनी शनिवारी (ता. २९) रात्री भामरागड तालुक्यातील धोडराज पोलिस ठाण्यांतर्गत जुव्वी गावातील एका प्रतिष्ठित इसमाची गळा दाबून हत्या केल्याने खळबळ उडाली आहे. पुसू गेब्बा पुंगाटी (६०) असे मृत व्यक्तीचे नाव आहे.

शनिवारी रात्री नक्षली जुव्वी येथील पुसू पुंगाटी यांच्या घरी गेले. त्यांनी पुसू यांना झोपेतून उठवून गावाबाहेर नेले आणि टॉवेलने गळा दाबून त्यांची हत्या केली. पुसू पुंगाटी हे गावातील प्रतिष्ठीत नागरिक होते. त्यांना पत्नी आणि दोन विवाहित मुले आहेत. मोठा मुलगा चिन्ना पुंगाटी हा एटापल्ली येथील राजे धर्मराव महाविद्यालयात प्राध्यापक, तर लहान मुलगा किशोर पुंगाटी हा अहेरी येथील अतिरिक्त जिल्हा व सत्र न्यायालयात वकिली करतो. प्रा. चिन्ना पुंगाटी यांची पत्नी पोलिस शिपाई आहे. अत्यंत हलाखीच्या परिस्थितीला सामोरे जात पुसू पुंगाटी यांनी दोन्ही मुलांना उच्चशिक्षित केले. मात्र, नक्षल्यांनी त्यांची काल हत्या केल्याने संताप व्यक्त केला जात आहे. पोलिस अधीक्षक नीलोत्पल यांनी घटनेला दुजोरा दिला आहे. पुसू पुंगाटी यांचा नक्षली वा पोलिसांशी काहीही संबंध नव्हता. तरीही त्यांची हत्या करण्यात आली. घटनास्थळी कुठलेही पत्रक किंवा बॅनर आढळले नाही. त्यामुळे हत्या नक्षल्यांनी केली की अन्य कुणी, याबाबत तपास सुरु आहे. मात्र, नक्षल्यांनी हत्या केल्याची शक्यता नाकारता येत नाही, असे पोलिस अधीक्षक नीलोत्पल यांनी सांगितले.

यंदा १ फेब्रुवारीला नक्षल्यांनी भामरागड पंचायत समितीचे माजी सभापती सुखराम मडावी यांची हत्या केली होती. त्यानंतर काल पुसू पुंगाटी यांची हत्या केल्याने खळबळ माजली आहे

जन्मदात्याने मुलीवरच केला अत्याचार म्हणून न्यायालयाने दिला २० वर्षाचा सश्रम कारावास 

अकोला :- अकोला जिल्ह्यातून एक घृणास्पद आणि मन हेलावून टाकणारी घटना उघडकीस आली आहे. एका नराधम बापाने आपल्या पोटच्या अल्पवयीन मुलीवर लैंगिक अत्याचार केल्याचं सिद्ध झाल्यानं त्याला न्यायालयाने २० वर्षे सश्रम कारावासाची शिक्षा सुनावली आहे. या घटनेमुळे संपूर्ण महाराष्ट्र हादरला आहे.

मूर्तिजापूर पोलीस स्टेशनच्या हद्दीत घडलेल्या या घटनेने माणुसकीला काळिमा फासला आहे. आरोपीने आपल्याच अल्पवयीन मुलीला वासनेची शिकार बनवलं. पीडित मुलीने आपल्या आईला घडलेला प्रकार सांगितल्यानंतर आरोपीविरोधात तक्रार दाखल करण्यात आली.

अकोला जिल्हा व सत्र न्यायालयाने या प्रकरणाची सुनावणी जलदगतीने पूर्ण केली. न्यायालयाने सरकार पक्षाचे ६ साक्षीदार तपासले आणि सादर केलेले पुरावे ग्राह्य मानून आरोपीला दोषी ठरवलं. न्यायालयाने आरोपीला २० वर्षे सश्रम कारावासाची आणि १० हजार रुपये दंडाची शिक्षा ठोठावली आहे. दंड न भरल्यास आरोपीला आणखी ६ महिने कारावास भोगावा लागणार आहे.

आपीएस सुधाकर पठारे यांचे अपघातात निधन , ट्रकने दिली  कारला जब्बर धडक 

मुंबई:-

आय.पी.एस.(I.P.S.) सुधाकर पठारे यांचे अपघाती निधन झालं आहे  तेलंगणातील श्रीशैलम येथून ते नागरकुरलूनकडे जात असताना त्यांच्या कारचा अपघात झाला आणि त्यामध्ये त्यांचा जागीच मृत्यू झाला आहे. 
सुधाकर पठारे हे ज्या गाडीतून प्रवास करत होते 
त्या गाडीची ट्रकसोबत धडक झाली आणि हा अपघात झाला. 
सुधाकर पठारे हे २०११ बॅचचे आय.पी.एस.(I.P.S.) अधिकारी आहेत. सुधाकर पठारे यांच्या अपघातामुळे महाराष्ट्र पोलीस दलावर शोककळा पसरली आहे. 
सुधाकर पठारे सध्या मुंबई पोलीसमध्ये पोर्ट झोनचे डी.सी.पी.(D.C.P.) म्हणून कार्यरत होते. 
सुधाकर पठारे हे ट्रेनिंगसाठी हैदराबादमध्ये गेले होते. 
त्या ठिकाणी त्यांच्या एका नातेवाईकासह ज्योतिर्लिंगाच्या दर्शनासाठी जात असता हा अपघात झाला. 
या अपघातात सुधाकर पठारे यांच्यासोबत त्यांच्या नातेवाईकाचाही मृत्यू झाला. 
दरम्यान, या घटनेची माहिती तेलंगणा पोलीसांना मुंबई पोलीसांना कळवली आहे.  
स्पर्धा परीक्षा देत असताना १९९५ साली ते जिल्हा विशेष लेखा परीक्षक झाले. 
यानंतर १९९६ साली विक्रीकर अधिकारी वर्ग १ म्हणून त्यांची निवड झाली. 1998 साली पोलीस उपअधीक्षक म्हणून त्यांची निवड झाल्यानंतर पोलीस खात्यातच ते रमले. 
आतापर्यंत त्यांनी पोलीस उपअधीक्षक म्हणून पंढरपूर, अकलूज, कोल्हापूर शहर, राजुरा येथे सेवा बजावली आहे.

राज्यात अनेक ठिकाणी सेवा बजावली

अप्पर पोलीस अधीक्षक म्हणून चंद्रपूर, वसई 
तर पोलीस अधीक्षक म्हणून सी.आय.डी. अमरावती येथे सेवा बजावली आहे. 
पोलीस उपायुक्त म्हणून मुंबई, ठाणे, पुणे, वाशी, 
नवी मुंबई, ठाणे शहर येथे सेवा बजावली आहे. 
एस.पी. डॉ. सुधाकर पठारे यांनी पोलीस खात्यात सेवा बजावताना संघटित गुन्हेगारी (मोक्का), तडीपारी, एम.पी.डी.ए. अशा प्रतिबंधात्मक कारवाईंचा धडाका लावला होता. कायदा व सुव्यवस्था अबाधित राखण्याबरोबरच त्यांनी पोलीस दलात अनेक विविध उपक्रम राबवले आहेत.
सुधाकर पठारे यांच्या निधनामुळे महाराष्ट्र पोलीस दलावर शोककळा पसरली आहे.

मागेल त्याला सौर कृषी पंप योजनेचे फ़ार्म भरतांना शेतकऱ्यांना येणाऱ्या अडचणी राज्य सरकारने दूर करावे-डॉ प्रणयभाऊ खुणे प्रदेश अध्यक्ष राष्ट्रीय मानवाधिकार संघटना

गडचिरोली :-दिनांक 28 मार्च 2025 गडचिरोली जिल्ह्यातील शेकडो शेतकऱ्यांनी मागेल त्याला सौर कृषी पंप योजनेमध्ये शेकडो शेतकऱ्यांनी ऑनलाइन अर्ज केलेला आहे परंतु सातबारावर नावे असलेल्या एकाच्या नावाने अर्ज सबमिट केलेला आहे. अर्जदाराचे नाव सातबारावर आहे परंतु सातबारावर असलेली आराजी ही सातबारावर सामायिक क्षेत्र अशी नोंद केली असल्याने कुणाच्यातरी एकाच्या नावाने आराजी  दर्शविण्यात येत आहे. सात बारा धारकांचे नाव या रकान्यामध्ये अर्जदाराचे नाव लिहिले असता आराजी शून्य दाखवते त्यामुळे ऑनलाइन अर्ज सबमिट करता येत नाही. त्यानुसार सातबारा वरील ज्या नावाने आराजी दर्शविली जाते ते नाव त्या ठिकाणी टाकलेले आहे. अर्जदाराचे नाव व सात बारा मधील नाव यात फरक असल्याने महावितरण कंपनीने सदर अर्ज प्रलंबित ठेवलेला आहे . 
शंभर रुपयाच्या स्टॅम्प पेपरवर सातबारा वरील सर्व व्यक्तींचे संमती ना हरकत प्रमाणपत्र सुद्धा जोडलेले आहे व डिमांड म्हणून 22 हजार 971 रुपये ऑनलाइन पद्धतीने अनेक शेतकऱ्यांनी भरलेले आहेत परंतु सदर अर्ज महावितरण कंपनीने पुढे फॉरवर्ड न केल्याने मागील तीन चार महिन्यापासून शेतकऱ्यांचे मागेल त्याला सौर पंप योजना अर्ज प्रलंबित आहेत शेतकऱ्यांच्या शेतावर सोलर पंप न बसवल्याने शेतीचा हंगाम जवळ असल्याने शेतकरी शासनाच्या या योजनेपासून शेकडी वंचित राहत आहे पुढे महावितरणच्या या धोरणामुळे शेतकऱ्यांचे अतोनात नुकसान होणार आहे. वास्तविक ऑनलाइन फॉर्म भरताना अर्जदार व सातबारा नाव  वेगळे असल्याने त्याच वेळेस अर्ज सबमिट व्हायला नको होता परंतु दोन्ही नाव वेगळे असताना सुद्धा अर्ज सबमिट  होत आहे याचा अर्थ जे संमती पत्र जोडलेले आहे त्यानुसार अर्ज मंजूर होणे अभिप्रेत आहे. याबाबत तहसीलदार यांना भेटून विचारले असता सहमती पत्र त्याच्यासाठी जोडले जाते सातबारा मध्ये सामायिक क्षेत्र दर्शविल्याने कोणाच्याही एकाच्याच नावाने आराजी दर्शविलेली जाते असे तहसीलदारांचे म्हणणे पडले कदाचित हा महावितरण कंपनीच्या पोर्टलचा दोष असावा असे त्यांनी सांगितले आहे. त्यामुळे या योजनेसाठी लागणारी रक्कम भरलेली असून  व लागणारी सर्व कागदपत्रे अर्जासोबत सादर केलेली असताना सुद्धा जर अर्ज मंजूर होत नसतील तर शेतकऱ्यांनी काय करावे. गडचिरोली जिल्ह्यातील अनेक तालुक्यात निर्माण होत आहे तरी राज्य सरकारने शेतकऱ्यांच्या या समस्या कडे लक्ष देऊन तात्काळ ही समस्या दूर करावी अशी मागणी राष्ट्रीय मानवाधिकार संघटनेचे प्रदेशाध्यक्ष डॉ, प्रणय खुणे, राष्ट्रीय प्रवक्ता ग्यानेंद्र विश्वास, विदर्भ अध्यक्ष जावेद सय्यद विदर्भ कार्याध्यक्ष नेताजी सोंदरकर,  प्रदेश उपाध्यक्ष भारत खटी, राहुल भाऊ झोडे, महिला आघाडी जिल्हाध्यक्ष मनीषा मडावी, जिल्हाध्यक्ष रमेश अधिकारी,जिल्हा उपाध्यक्ष कृष्णा वाघाडे, नानू भाऊ उपाध्ये, महेश अलोणे,चामोर्शी तालुका अध्यक्ष कालिदास बन्सोड, भामरागड तालुका अध्यक्ष भीमराव वनकर,वडसा तालुका अध्यक्ष रजनीकांत गुरनुले, कुरखेडा ता, अध्यक्षा रुपाली कावळे,अहेरी ता, अध्यक्ष नागेश मडावी यांनी केले आहे,

सहचारिणीला झोपेत असताना कुऱ्हाडीने डोक्यावर प्रहार करुन केले ठार 

जळगाव:-

 चारित्र्याच्या संशयातून पतीने आपली पत्नी झोपेत असतानाच तिचा खून केल्याची खळबळजनक घटना समोर आली आहे. शितल सोमनाथ सोनवणे असे खून झालेल्या महिलेचे नाव आहे. सोमनाथ सोनवणे याने चारित्र्याच्या संशयातून पत्नी शितल हिच्या डोक्यात कुऱ्हाडीने वार करून तिचा निर्घृण खून केला. या घटनेत दहा वर्षांचा मुलगा सिद्धू थोडक्यात बचावला आहे. मात्र त्याच्या हाताला गंभीर दुखापत झाली आहे. ही घटना धरणगाव तालुक्यातील हनुमंतखेडे गावात घडली.

सोमनाथ सोनवणे हा मागील काही दिवसांपासून आपल्या पत्नीवर संशय घेत होता. नातेवाईकांनी समजावल्यानंतरही त्याच्या डोक्यातील संशयाचे भूत काही जात नव्हते. रात्री त्याने मोठ्या प्रमाणात दारू सेवन केली आणि मध्यरात्री साडेतीनच्या सुमारास शितल झोपेत असताना तिच्या डोक्यात कुऱ्हाडीने वार केले. या हल्ल्यात शितल गंभीर जखमी झाली होती. तिला तातडीने रुग्णालयात दाखल करण्यात आले. परंतु डॉक्टरांनी तिला मृत घोषित केले. दरम्यान पोलिसांनी सोमनाथ सोनवणे यास गुन्हा दाखल करत अटक केली आहे. पोलीस या घटनेबाबत अधिक तपास करीत आहेत

तक्रार करणाऱ्या महीलांना उर्मट ,उद्धटपने वागणूक देणाऱ्या पोउनी म्हात्रे यांना निलंबित करा - शिवसेना महिला आघाडी अध्यक्षा छायाताई कुंभारे यांची  मागणी

 गडचिरोली:-
गडचिरोली  पोलिस स्टेशन मध्ये तक्रार दिल्या नंतर पोलीस अधिकारी चौकशी, तपासा करिता कनिष्ठ अधिकाऱ्याला तक्रार देतात .आणि ज्यांची तक्रार असेल त्यांचे म्हणणे ऐकून घेतात परंतू गडचिरोली पोलीस स्टेशन मध्ये कार्यरत पोलिस उप निरीक्षक म्हात्रे हे तक्रार वाचून घेतल्या नंतर तक्रार कर्त्या बरोबरच उद्धट अपमानास्पद उंच आवाजात धमकी वजा बोलतात त्यात कात्रोजवार नावाच्या महिला आपला भाऊ व नातेवाईक सोबत आपल्या पती विरोधात तक्रार द्यायला गेली असता तक्रार कर्तीची बाजू एकूण न घेता तक्रारीचा संदर्भ घेऊन उंच आवाजात आम्हाला तेच काम आहे का साले हरामखोर दिवस भर त्रास देतात असे उद्धट व अपमानास्पद शब्द वापरून अपमान केला तसेच खुर्सा गावाचे सरपंच मंजुळा पदा ह्या तक्रारी संदर्भात भेटले असता अशाच प्रकारे उद्धट बोलून त्यांनाच उलट प्रश्न विचारत होते तसेच मिस्त्री नावाची एक बंगाली महिला पतीच्या विरोधात तक्रार दिल्याने तिचे पती जेल मध्ये आहे. तर जेल मध्ये जाण्या पूर्वी त्याने आपल्या मुलाला नातेवाईकाकडे लपून पाठवून दिले तर सदर महिला यांनी पोलिस स्टेशन मध्ये तक्रार दिली की माझ्या पतीने मुलाला आपल्या नातेवाईका कडे ठेवले आहेत तर आपण मुलाला आणण्यास मदत करा त्या वेळेस पोलिस निरीक्षक म्हात्रे यांनी सदर महिलेला रात्री ११ वाजता बोलविले महिला पोलिस स्टेशन मध्ये गेले असता म्हात्रे यांना विचारले माझा मुलगा मला द्या तेव्हा तु दिवस भर बसून होतीस बस चूप चाप म्हणून ओरडून धावले आणि रात्री दीड वाजता मुलाला दिले. अशा प्रकारे काही महीलाच्या तक्रारी शिवसेना महिला आघाडी अध्यक्ष छायाताई कुंभारे यांच्या कडे आल्या त्या तक्रारीची दखल घेऊन. महिलांचे एक शिष्ट मंडळ घेऊन मा. पोलिस अधीक्षक निलोत्पाल साहेब यांचे कडे तक्रार केली की वीस पंचवीस वर्षा पासून आम्ही पोलिस स्टेशन ला येतो लोक प्रतिनिधी म्हणून तक्रार घेऊन जातो परंतु असे उद्धट बोलणारे पोलिस अधिकारी किंवा पोलिस कर्मचारी भेटले नाही उलट तक्रार करताना समजून सांगून तक्रारीचे निराकरण केले आहेत परंतू   सदर तपास कामातून  पोलिस उप निरीक्षक म्हात्रे यांना हटवून सक्षम अधिकारी नेमावे असे तक्रारीचे निवेदन देऊन सदर प्रकरणाची चौकशी करून पोलिस उप निरीक्षक म्हात्रे यांना निलंबित करण्यात यावे अशी मागणी शिवसेना महिला जिल्हाध्यक्ष तथा माजी बांधकाम सभापती छायाताई कुंभारे ,उप संघटिका सौ सीमा पराशर,तालुका समन्वयक सौ गीता मेश्राम, ज्योत्स्नाताई राजुरकर शाखा संघटिका,रामको बाई नरोटे,ज्योती मिस्त्री यांनी केली आहे

अवैध रेती उपसा प्रकरणी ठोठावलेला दंड न भरल्याने कंत्राटदाराचे देयके थांबविण्याचे तहसीलदाराने दिले आदेश 

अहेरी; अवैध उत्खनन करूनही ऐटीत फिरणाऱ्या एका कंत्राटदाराला अहेरी तहसीलदारांनी चांगलाच धळा शिकविला आहे
सदर तहसील कार्यालयातून एनओसी प्राप्त झाल्याशिवाय कामाचे देयके थांबविण्याचे आदेश दिले आहेत 
अवैध रेती तस्करी केल्याचे आरोप सिद्ध झालेले कंत्राटदार मे. जी. एस. डी. इंडस्ट्रीज नागपूरचे गजानंद मेंढे या कंत्राटदाराने चंद्रा येथील शेतकऱ्याच्या शेतात अवैधरित्या उत्खनन केलेली रेतीचा मोठ्या प्रमाणात साठवणूक करून ठेवली होती.
सदरची रेती भामरागड तालुक्यातील लीलावातील येचली नदी घाटातून उत्खनन न करता इतरत्र ठिकाणावरून रेती आणल्याचे समोर आले होते 
त्या नंतर चौकशी केली असता ४६६.४३ ब्रास रेतीसाठा अवैध असल्याचे आढळून आले, त्यानंतर तहसीलदार बालाजी सोमवंशी यांनी संबंधित कंत्राटदार व कंपनीला ८४,३४,६०० रुपयांचा दंड ठोठावला परंतु सहा महिने उलटूनही दंडाची रक्कम न भरल्याने आलापल्ली येथील राष्ट्रीय महामार्गाच्या उपभियंत्याना पत्र लिहून संबंधित कंत्राटदाराने देयके थांबविण्याचे आदेश दिले आहे अशी माहिती मिळाली आहे 

 तक्रार कर्ते संतोष ताटीकोंडावार यांनी शासनाची फसवणूक व दिशाभूल करणाऱ्या अशा कंत्राटदाराला तहसीलदाराने दिलेल्या आदेशाचे स्वागत आहे. व सदर कंत्राटदाराचे अजून काही प्रकरण येत्या काही दिवसात समोर येणार असे म्हटले आहे

सुरक्षादलाने चकमकीत केले १६ नक्षलवाद्यांना ठार 

सुकमा : गेल्या काही दिवसांपासून सुरक्षा दलाने आक्रमक कारवाया करत नक्षलवाद्यांना जेरीस आणले आहे. दरम्यान आज छत्तीसगडमध्ये सुरक्षा दलांनी आणखी एक मोठी कारवाई करत १६ नक्षलवाद्यांना ठार केलं आहे. शनिवारी छत्तीसगडमधील सुकमा आणि दांतेवाडा सीमा परिसरात नक्षलवादी आणि सुरक्षा दलांमध्ये जोरदार चकमक झाली. या चकमकीदरम्यान दोन्हींकडून सातत्याने गोळीबार सुरू असून, यात माओवाद्यांना जबर नुकसानीचा सामना करावा लागला आहे. आतापर्यंत सुमारे १६ नक्षलवादी ठार झाले आहेत. तसेच नक्षलवाद्यांचा शोध घेण्यासाठी आक्रमकपणे शोधमोहीम हाती घेण्यात आली आहे.
सुरक्षा दल आणि नक्षलवाद्यांमध्ये झालेल्या चकमकीत १६ नक्षलवाद्यांना ठार मारण्यात आलं आहे. तर या चकमकीत दोन जवानही किरकोळ जखमी झाले आहेत. मिळालेल्या माहितीनुसार सुकमा जिल्ह्यात शनिवारी सकाळी सुरक्षा दलांमध्ये चकमक सुरू झाली. पोलिसांनी दिलेल्या माहितीनुसार ही चकमक केरलापाल पोलीस ठाण्याच्या हद्दीतील एका जंगलात झाली.
एका अधिकाऱ्याने सांगितले की, जिल्हा रिझर्व्ह गार्ड आणि केंद्रीय रिझर्व्ह पोलीस दलाच्या जवानांनी या मोहिमेत सहभाग घेतला होता. या भागात नक्षलवादी उपस्थित असल्याची गोपनीय माहिती मिळाल्यानंतर ही मोहीम सुरू करण्यात आली होती.

१६ नक्षलवाद्यांचे मृतदेह सापडले

या चकमकीत १६ नक्षलवादी ठार झाले. त्यांचे मृतदेह सापडले आहेत. तर सीआरपीएफच्या दोन जवानांना किरकोळ जखम झाली आहे. सुकमा जिल्ह्यातील केरलापाल क्षेत्रात नक्षलवादी असल्याचा सूचना २८ मार्च रोजी डीआरजी आणि सीआरपीएफ यांच्या दलाने ही संयुक्त कारवाई केली. नक्षल्यांसोबत चकमक सुरू झाली. गोळीबाराने हा संपूर्ण परिसर दणाणून गेला.

२० मार्चला बीजापूरमध्ये ३० नक्षलवादी ठार

छत्तीसगडमध्ये नक्षलवाद्यांविरोधात पोलीसांनी मोठी मोहीम सुरु केली आहे. २० मार्च रोजी पोलीस आणि संयुक्त सुरक्षा दलांच्या संयुक्त मोहिमेत नक्षलवाद्यांवर प्रहार करण्यात आला. गंगालूर पीएस लिमिटजवळ बीजापूर-दंतेवाडा सीमावर्ती भागात सुरक्षा दल आणि माओवाद्यांमध्ये चकमक उडाली होती. या चकमकीत ३० नक्षलवादी ठार झाले होते. याठिकाणी जवळपास ४५ नक्षलवादी होते. शोध मोहिमेत त्यांच्याकडून मोठ्या प्रमाणात शस्त्रे आणि दारुगोळा मिळाला. या चकमकीत बीजापूर डीआरजीचा एक जवान शहीद झाला.

२० मार्च रोजी नक्षलवादी चकमकीनंतर देशाचे केंद्रीय गृहमंत्री अमित शाह यांनी देश लवकरच नक्षलवाद मुक्त करण्याचे सूतोवाच केले होते. त्यांनी एक्सवर याविषयी पोस्ट लिहिली होती. नक्षलवाद मुक्त भारत अभियानात आपल्या जवानांना मोठे यश मिळाले आहे. बीजापूर आणि कांकेर या दोन ठिकाणी दोन सशस्त्र दलांनी केलेल्या ऑपरेशनमध्ये २२ नक्षलवादी ठार झाल्याचे ते म्हणाले होते. इतक्या सुविधा देऊनही जे नक्षलवादी आत्मसमर्पण करणार नाही, त्यांच्यासाठी झिरो टॉलेरन्सचे धोरण राबवण्यात येईल, असे ते म्हणाले होते. ३१  मार्च २०२६ रोजी देश नक्षलवाद मुक्त होईल असे त्यांनी नमूद केले होते.

नैसर्गिक आपत्ती येण्यापूर्वीच सर्वांनी सजग राहावे - प्राचार्य डॉ. संजय फुलझेले   
 
आष्टी (अशोक खंडारे/वैनगंगा वार्ता १९)

महात्मा ज्योतिबा फुले महाविद्यालयातील विद्यार्थ्यांनी गिरविले आपत्ती व्यवस्थापनाचे धडे.     

नैसर्गिक आपत्ती येण्यापूर्वीच सर्वांनी सजग राहावे असे प्रतिपादन महात्मा फुले महाविद्यालयातील आपत्ती व्यवस्थापन प्रशिक्षणाचे अध्यक्षीय मार्गदर्शन करताना प्राचार्य डॉ संजय फुलझले यांनी केले 
मानव भौतिक प्रगती करीत असताना निसर्गाच्या विरोधात जाऊन अनेक तऱ्हेने विकास केलेला आहे आणि या विकासातूनच मानवाने अनेक नैसर्गिक आपत्तीची निर्मिती केलेली आहे त्याचबरोबर जेव्हा जेव्हा मनुष्य निसर्गाच्या विरोधात जातो तेव्हा तेव्हा निसर्ग देखील महामारी, भूकंप, महापूर अशा अनेक मार्गातून आपत्ती निर्माण करून निसर्गाच्या समतोल राखीत असतो आणि म्हणून युवकांनी आपत्ती येण्यापूर्वी आपत्ती येऊच नये आणि आपत्ती आली तरी हानी ही कमी व्हावी यासाठी सुद्धा प्रयत्नरत राहायला हवे असेही त्यांनी सांगितले 
 सदर प्रशिक्षणाचे  उद्घाटक म्हणून प्राचार्य डॉ. अनिता लोखंडे एन.चंद्रा महाविद्यालय आष्टी डॉ. राजू किरमीरे सदस्य विद्यार्थी विकास विभाग गोंडवाना विद्यापीठ गडचिरोली , प्राचार्य डी एम माटे,डॉ. नंदकिशोर पडोळे, डॉ. ओ. पी सिंग सद्गुरू महाविद्यालय  मुख्याध्यापक पाचभाई आदी मान्यवर उपस्थित होते. कार्यक्रमाच्या उद्देश व काळाची गरज या अनुषंगाने प्रा.डॉ. भारत पांडे कार्यक्रम अधिकारी विद्यार्थी विकास विभाग यांनी प्रस्तावना केली. या आपत्ती व्यवस्थापन प्रशिक्षणामध्ये सुद्धानशिव परीडा असिस्टंट मॅनेजर सुरक्षा विभाग लॉयड्स मेटल कोनसरी यांनी अग्निशामक यावर मार्गदर्शन केले त्यांनी विद्यार्थ्यांना शासनाचे नियम आग कशी लागते आग लागू नये व लागल्यास कशी ती नियंत्रणात आणावी याकरिता प्रात्यक्षिक करून विद्यार्थ्यांना मार्गदर्शन केले त्याचबरोबर वैभव उईके सुरक्षा विभाग लॉयड्स मेटल कोनसरी यांनी दैनंदिन जीवनात आपण जे विद्युत उपकरणे वापरतो त्यामध्ये मोबाईल चार्ज करणे, चालू कुलर मध्ये पाणी भरणे, एखाद्या व्यक्तीला शाक लागल्यानंतर कोणताही विचार न करता त्याला हात लावू नये विद्युत उपकरणाच्या दुरुस्ती करताना चप्पल चा वापर न करणे अशा अनेक छोट्या छोट्या गोष्टीतून अपघात कसे घडतात आणि म्हणून अपघात घडू नये याकरिता अनेक चित्राद्वारे प्रात्यक्षिकाव्दारे मार्गदर्शन केले. त्याचबरोबर सुमन कांबळे सुरक्षा विभाग लॉयड्स मेटल कोनसरी यांनी देखील आपल्या दैनंदिन जीवनात सकाळ पासून तर रात्र पर्यंत आपण वाहतुकीच्या दुचाकी, कार चा वापर करतो आणि अशा वेळेला आपल्याला वाहतुकीचे नियम माहिती नसतात त्याचबरोबर रस्त्यावर असणारे अनेक चिन्ह जे चिन्ह आपल्याला संकेत करीत असतात की मोडवा आहे रस्ता खराब आहे नदी आहे पूर आलेला आहे त्यांचा पुरेपुर वापर करायला पाहिजे किंवा हेल्मेट वापरूनच गाडी चालवावे असे आवाहन केल्यानंतर देखील आजही समाजातील अनेक लोक हेल्मेटचा वापर करीत नाहीत किंवा कार चालवताना सीटबेलच्या वापर करीत नाही आणि त्यातूनही अपघात होतात आणि या अपघातातूनच अनेक जीव हानी होत असते आणि म्हणून अपघात होऊ नये त्याकरिता छोटे छोटे महामार्गावरील चिन्ह सुरक्षा साहित्य अशा अनेक गोष्टीच्या उदाहरणासहित प्रात्यक्षिक करून चित्राद्वारे मार्गदर्शन केले त्याचबरोबर साप हा मनुष्याच्या शत्रू नसून मित्र आहे आणि म्हणून सापापासून असणारी आपली भीती ही दूर करावी याकरिता प्राचार्य किशोर पाच भाई महात्मा ज्योतिबा फुले कनिष्ठ महाविद्यालय आष्टी यांनी सापाविषयी असणारे समाजातील गैरसमज दूर केले आणि त्यांनी विषारी आणि बिनविषारी अशा अनेक सापाचे  चित्राद्वारे मार्गदर्शन केले 
 आपत्ती व्यवस्थापन प्रशिक्षण यशस्वी करण्याकरिता डॉ. गणेश खुणे,डॉ.राज मुसणे डॉ. रवी शास्त्रकार, डॉ. श्याम कोरडे,प्रा.रवी गजभिये प्रा.ज्योती बोभाटे, प्रा. विजया सालुरकर, प्रा. नाशिका गबणे, राज लखमापूरे,निलेश नाकाडे, इरफान शेख,मोहम्मद मुस्ताक, प्रभाकर भोयर, संचित बचाड, दीपक खोब्रागडे,संतोष बारापात्रे,   विद्यार्थी विकास विभागाच्या विद्यार्थ्यांनी सहकार्य केले

माझ्या मुलीची का छेड काढता असे जाब विचारणाऱ्या वडीलाचा केला धारदार शस्त्राने खून 

तीन आरोपी पोलिसांच्या ताब्यात 

 
नागपूर:-
नागपूरच्या इमामवाडा परिसरात 26 मार्चला एक धक्कादायक घटना घडली, ज्यामध्ये एका वडीलाला त्यांच्या मुलीची छेड काढल्याच्या विरोधात जाब विचारला होता म्हणून त्याची धारदार शस्त्रांनी हल्ला करून निर्घृणपणे हत्या करण्यात आली. मृताचे नाव नरेश वालदे वय 53 वर्षांचे रंगकामाचा व्यवसाय करणारे होते. ही घटना त्यांच्या मुलीला सतत त्रास देणाऱ्या तरुणांविरुद्ध ते विरोध करीत होते म्हणून घडली.
नरेश वालदे यांच्या कुटुंबातील सदस्यांनी फिर्याद दिल्यानुसार काही तरुण बराच काळापासून त्यांच्या मुलीला सतत त्रास देत होते. या विरोधात नरेश वालदे यांनी टोकाची भूमिका घेतली आणि त्यांचा आरोपींशी वाद झाला. त्यानंतर आरोपींनी नरेश यांचा काटा काढायचा असा बेत आखला होता 
बुधवारी, 26 मार्च रोजी त्यांना एका अनोळखी नंबरवरून फोन आला आणि त्यांना जट्टारोडी परिसरात भेटायला बोलावले. तिथे जेव्हा ते गेले, तेव्हा आरोपींनी त्यांची धारदार शस्त्राने हत्या केली.
नरेश वालदे हे त्यांच्या वृद्ध आई आणि तीन मुलींसोबत नागपूरच्या इमामवाडा परिसरात राहत होते. काही दिवसांपूर्वी त्यांच्या घरावरही दगडफेक करण्यात आली होती, पोलिसांना माहिती दिली होती पण पोलिसांनी तेव्हा याबाबत कोणतीही ठोस कारवाई केली नाही त्याच वेळी पोलीसांनी तत्परता दाखवली असती तर हा अनर्थ घडला नसता अशी चर्चा सुरू आहे 
या घटनेनंतर पोलिसांनी तीन आरोपींना अटक केली असून घटनेची तपास सुरू आहे. आरोपींची नावे निलेश उर्फ नाना मेश्राम आणि इश्वर उर्फ जॅकी सोमकुवार अशी आहेत

©

 देसाईगंज येथील विविध दारुच्या गुन्ह्रातील एकुण 61,77,330/- रुपयांचा जप्त मुद्देमाल पोलीसांनी केला नष्ट   

गडचिरोली जिल्ह्यातील फसव्या दारुबंदीचा नमुना 

 एकुण 520 गुन्ह्रांमधील मुद्देमाल करण्यात आला नष्ट

    गडचिरोली जिल्ह्रात दारुबंदी असताना अवैधरीत्या दारुची वाहतुक केली जाते. त्याअनुषंगाने पोलीस अधीक्षक, गडचिरोली श्री. नीलोत्पल यांचे आदेशान्वये जिल्ह्रातील अवैध दारु विक्री करणा­यांवर कठोर कार्यवाही केली जात असते. त्याअनुसार विविध पोस्टे येथे दाखल गुन्ह्रांमध्ये जप्त मुद्देमाल हा नाशवंत असल्याने तसेच नवीन कारवाई  दरम्यान देखील मुद्देमाल जप्त होत असल्याने जागे अभावी दीर्घकाळापासून प्रलंबित मुद्देमाल जतन करुन ठेवणे अडचणीचे ठरत असते. यावरुन पोस्टे देसाईगंज येथील सन 2018 ते 2024 या कालावधीतील दाखल एकुण 520 गुन्हयांमधील महाराष्ट्र दारुबंदी कायद्यान्वये जप्त करण्यात आलेला मुद्देमाल दिनांक 28/03/2025 रोजी नष्ट करण्यात आला.     

सविस्तर वृत्त असे आहे की, मा. न्यायालय व अधीक्षक, राज्य उत्पादन शुल्क, गडचिरोली यांचे परवानगीने दिनांक 28/03/2025 रोजी पोस्टे देसाईगंजचे पोलीस निरीक्षक  अजय जगताप यांनी राज्य उत्पादक शुल्क, गडचिरोली विभागाचे दुय्यम निरीक्षक. चंदन भगत व शु. के. चौधरी यांच्यासह पोस्टे देसाईगंज हद्दीतील विविध दारुबंदी गुन्ह्रांतील जप्त मुद्येमाल नष्ट केला. ज्यात 1) विदेशी दारुच्या 180 मिलीच्या 2666 बॉटल 2) विदेशी दारुच्या 2 लिटर क्षमतेची 1 बॉटल 3) विदेशी दारुच्या 1000 मिलीच्या 6 बॉटल 4) विदेशी दारुच्या 90 मीली मापाच्या 62 बॉटल 5) विदेशी दारुच्या 375 मीली मापाच्या 7 बॉटल 6) देशी दारुच्या 180 मिलीच्या 28 बॉटल 7) देशी दारुच्या 90 मिलीच्या 101015 बॉटल 8) 650 मिली बिअरच्या 29 बॉटल 9) 500 मिली मापाचे बियरचे 245 टिनाचे कॅन 10) 330 मिली मापाचे बियरचे 48 बॉटल याप्रमाणे एकुण 61,77,330/- (अक्षरी:- एकसष्ठ लाख सत्याहत्तर हजार तीनशे तीस) रुपयांचा मुद्देमाल दोन पंचासमक्ष जेसीबिच्या सहाय्याने 15 न् 15 फुटाचा खोल खड्डा खोदून रोड रोलरच्या सहाय्याने कडक व मुरमाड जागेवरती मुद्देमाल पसरवून काचेच्या व प्लास्टीकच्या बॉटलांचा चुरा करण्यात आला त्यानंतर काचेचा चुरा व प्लास्टीकच्या चेपलेल्या बॉटल जेसीबीच्या सहाय्याने खड¬ात टाकून खड्डा पुर्ववत बुजविण्यात आला. सदर मुद्येमालाची विल्हेवाट लावताना पर्यावरणाची हानी होणार नाही याची पुर्णपणे दक्षता घेण्यात आली.

सदरची कारवाई पोलीस अधीक्षक गडचिरोली. नीलोत्पल, अपर पोलीस अधीक्षक (अभियान) यतिश देशमुख, अपर पोलीस अधीक्षक (प्रशासन). एम. रमेश तसेच उपविभागीय पोलीस अधिकारी, कुरखेडा  रविंद्र भोसले यांचे मार्गदर्शनाखाली पोस्टे देसाईगंज येथील प्रभारी अधिकारी पोनि. अजय जगताप, सपोनि. प्रेमकुमार दांडेकर, श्रेणीपोउपनि. दुर्योधन सरपे, पोअं/शैलेश तोरकपवार, पुंडलीक मानकर, सतीश बैलमारे यांनी पार पाडली.

छत्तीसगढ येथून दुचाकी चोरट्यांना  गडचिरोली पोलीसांनी केले जेरबंद

 विविध गुन्ह्रांतील एकुण 3,15,000/- रुपये किंमतीच्या 09 दुचाकी वाहनांचा पोलीसांनी लावला शोध 

  गडचिरोली जिल्ह्रात अवैधरित्या वाहन चोरीचे प्रकार वाढले असल्याने त्याबाबत पोलीस अधीक्षक  नीलोत्पल यांनी वेळोवेळी कठोर कारवाई करण्याबाबत सूचना दिलेल्या आहेत. त्या अनुषंगाने पोस्टे कोटगुल येथे दि 24/03/2025 रोजी कलम 303(2) भा.न्या.सं. अन्वये अप.क्र. 02/2025 गुन्हा नोंद करण्यात आला होता. 
सदर गुन्ह्राचा तपास चालु असताना सिसिटीव्ही फुटेजच्या मदतीने दि. 25/03/2025 रोजी पो. स्टे. कोटगुल येथील पोउपनि. दयानंद शिंदे यांनी आरोपी नामे प्रदीप कुमार फुलसिंग कोडापे याची ओळख पटविली होती. त्यानंतर गोपनिय बातमीदाराकडून मिळालेल्या माहितीच्या आधारे मौजा टेमली (छ.ग.) येथून आरोपी प्रदीप कुमार फुलसिंग कोडापे, वय 19 वर्षे, रा. टेमली ता. मोहल्ला, जि. मानपूर-मोहल्ला (छ.ग.) याला मौजा टेमली येथून अधिक चौकशीसाठी ताब्यात घेतले होते. चौकशी दरम्यान आरोपीस विश्वासात घेऊन विचारपूस केली असता, आरोपीने व त्याचा साथीदार नामे टेमनलाल रामखिलावन साहू, वय 19 वर्षे रा. चिलमगोटा ता. दौंडी लोहारा, जि. बालोद (छ.ग.) यांनी मिळून सदर गुन्ह्रात चोरीस गेलेली मोटारसायकल वाहन क्र. सी.जी-07-बी.व्ही.-5653, किंमत अंदाजे 30,000/- रु. चोरी केली असल्याचे आरोपीने  पोलीसांसमक्ष कबूल केले होते. यानंतर दिनांक 25/03/2025 रोजी दोन्ही आरोपीतांस पोस्टे कोटगुल पोलीसांनी अटक करुन मा. न्यायालयासमक्ष हजर केले असता मा. न्यायालयाने दोन्ही आरोपींना 03 दिवसांची पोलीस कोठडी सुनावली होती. 
यादरम्यान आरोपींना विश्वासात घेवून गुन्ह्राच्या संदर्भाने अधिकची विचारपूस केली असता, पोस्टे कोटगुल येथे दाखल अप. क्र. 002/2025 कलम 303(2) भा.न्या.सं. सह 1) पोस्टे कोरची येथे दाखल अप.क्र. 0029/2025 कलम 303(2) भा.न्या.सं., 2) छत्तीसगडमधील पोस्टे बसंतपूर येथे दाखल अप.क्र. 0097/2025 कलम 303(2) भा.न्या.सं. असे गुन्हे उघडकीस येऊन या गुन्हयांतील एकुण 03 दुचाकींसह इतर 06 दुचाकी अशा एकुण 09 दुचाकी किंमत अंदाजे 3,15,000/- रु. आरोपींकडून ताब्यात घेण्यात आलेल्या आहेत. पोस्टे कोटगुल पोलीसांनी आपल्या तपास कौशल्यांचा वापर करुन आरोपीकडे केलेल्या सखोल चौकशीमुळे सदर गुन्हे उघडकीस आले आहेत. गुन्ह्राचा पुढील तपास पोस्टे कोटगुल येथील पोउपनि. दयानंद शिंदे हे करीत आहेत. 
सदर तपास पोलीस अधीक्षक निलोत्पल, अपर पोलीस अधीक्षक (अभियान)  यतिश देशमुख, अपर पोलीस अधीक्षक (प्रशासन)  एम. रमेश तसेच उपविभागीय पोलीस अधिकारी, कुरखेडा  रवींद्र भोसले यांच्या मार्गदर्शनाखाली पोस्टे कोटगुल येथील पोउपनि. कृष्णा सोळंके यांच्या नेतृत्वात पोउपनि. दयानंद शिंदे व पोहवा/भजनराव कोडाप, श्यामलाल नैताम, पोअं/विनय सिध्दगु, किशोर बावणे, अनिल मडावी यांनी पार पाडली.

प्रसुती दरम्यान नवजात बाळाचा मृत्यू 

गडचिरोली : रुग्णालयात सोयीसुविधांचा अभाव असल्याचा फटका रुग्णांना बसत असतो. कुरखेडा येथील उपजिल्हा रुग्णालयात २५ मार्च रोजी असाच प्रकार घडला. प्रसूतीदरम्यान एका नवजात बाळाचा मृत्यू झाला.

कुरखेडा येथील उपजिल्हा रुग्णालयात स्थायी एकही स्त्रीरोगतज्ज्ञ नाही. डॉ. डोंगरवार यांची नियुक्ती कुरखेडा रुग्णालयात आहे. पण, त्यांना प्रतीनियुवर गडचिरोली येथील रुग्णालयात नेमण्यात आले आहे. उपजिल्हा रुग्णालयात एकूण ७ वैद्यकीय अधिकारी आहेत. त्यापैकी ३ वैद्यकीय अधिकारी प्रतिनियुक्तीवर बाहेर आहेत. अनेकदा सर्जन बाहेरून बोलविला जातो; पण ते वेळेत उपलब्ध होत नाहीत. बाळाच्या मृत्यूला रुग्णालय प्रशासन जबाबदार असल्याचे पालक दिव्याणी व प्रफुल्ल चवरे यांनी सांगितले.

वैद्यकीय अधीक्षक काय म्हणतात...

उपजिल्हा रुग्णालयाचे वैद्यकीय अधीक्षक डॉ. ठमके यांनी, बाळाचा मृत्यू गर्भातच झाला होता. सदर महिला लवकर भरती झाली असती तर तिला रेफर करण्यासाठी वेळ मिळाला असता, अशी प्रतिक्रिया माध्यमांना दिली.

रुग्णालयात परिपूर्ण नाश्ता मिळतो काय?

नातेवाइकासाठी जेवणाची सोय असणे आवश्यक आहे. परंतु, कुरखेडा रुग्णालयात उपचारार्थ भरती होणाऱ्या रुग्णांच्या एकाही नातेवाइकास जेवण मिळत नाही.

नाश्त्यात दूध, अंडी, केळी मिळणे गरजचे आहे. परंतु, केवळ केळी वितरित केली जाते, असा आरोप नातेवाइकांचा आहे. विशेष म्हणजे, रुग्णांची हेळसांड होत असल्याचाही आरोप नातेवाईकांनी केला. नेहमीच डॉक्टरांच्या दुर्लक्षामुळे गरीब रुग्णांचा जीव जातो, असे म्हटले जाते आहे 

दारुसह १२ लाख रुपयाचा मुद्देमाल पोलीसांनी केला जप्त,एक आरोपी ताब्यात तर दोघांचा शोध सुरू 

मुल:-
दारूबंदी असलेल्या गडचिरोली जिल्हयात दारूचा अवैध व्यवसाय करण्याचे उद्देशाने दारूची वाहतुक करीत असतांना मूल पोलीसांनी दारूसह १२ लाख ९१ हजाराचा ऐवज हस्तगत केला आहे. मिळालेल्या माहितीच्या आधारे पोलीस स्टेशन मूल येथील परीविक्षाधिन पोलीस उपअधिक्षक प्रमोद चौगुले, पो. हवा. जमीरखान पठाण आणि नरेश कोडापे मूल गोंडपिपरी मार्गावरील नवेगांव भुजला ते बेंबाळ गांवादरम्यान एका शेताजवळ नाकाबंदी करून उभे असतांना संध्याकाळी ७ वाजताचे सुमारास गोंडपिपरी कडून खेडी कडे येत असलेल्या एमएच-३४- सीडी-७११६ क्रमांकाच्या ग्रे रंगाच्या सुझुकी इंडीका कारची तपासणी केली, तेव्हा सदर वाहनाच्या मागील सिट आणि मागील डिक्कीमध्ये ठेवलेल्या खोक्यांमध्यें विदेशी कंपनीची २ लाख ९१ हजार ५४० रूपयाची दारू असल्याचे दिसून आले. यावरून पोलीसांनी सदर वाहनाचा चालक खुशाल भैयाजी बांगडे रा. नांदाफाटा ता. कोरपना जि. चंद्रपूर याला ताब्यात घेवून अटक केली. सदर घटनेत पोलीसांनी २ लाख ९१ हजार ५४० रूपयाच्या विदेशी दारूसह १० लाख किंम्मतीचे वाहन जप्त केले. ताब्यात घेतलेल्या वाहन चालक खुशाल बांगडे यांना विचारणा केली, तेव्हा पोलीसांनी हस्तगत केलेली विदेशी दारू बल्लारशा येथील पवन जयस्वाल यांचेकडून सावली तालुक्यातील व्याहाड येथील निखील मंडलवार यांना पोहोचवून दिल्या जात असल्याचे सांगण्यात आले. त्यामूळे वाहन चालकांच्या बयाणानुसार पोलीसांनी वाहन चालकासह पवन जयस्वाल आणि निखील मंडलवार यांचे विरूध्द गुन्हा दाखल केला आहे. पवन जयस्वाल आणि निखील मंडलवार यांचा पोलीस शोध घेत असून पुढील तपास पोलीस अधिक्षक मुमक्का सुदर्शन यांचे मार्गदर्शनात प्रभारी ठाणेदार तथा परिविक्षाधिन पोलीस उपअधिक्षक प्रमोद चौगुले सहका-यांचे मदतीने करीत आहेत.

 ट्रॅक्टर चालकाचे नियंत्रण सुटल्याने ट्रॅक्टर पलटी, एका मजूराचा करुन अंत 

धानोरा :-

 तालुका मुख्यालयापासून अवघ्या काही अंतरावर असलेल्या राजोली गावाजवळ ट्रॅक्टर पलटी झाल्याने एका मजुराचा करुन अंत झाल्याची घटना गुरुवारी (दि.27) दुपारी 2 वाजताच्या सुमारास घडली. आशिष मन्साराम मडावी (22) रा. मेंढा (लेखा) ता. धानोरा असे मृत तरुणाचे नाव आहे. प्राप्त माहितीनुसार, धानोरा येथून ट्रॅक्टरने घरकुल बांधकामाचे साहित्य घेऊन राजोली येथे निघालेल्या चालकाचे वळणावर समोरुन येणाऱ्या वाहनाला बाजू देण्याच्या नादात नियंत्रण सुटल्याने राजोली गावाबाहेरील शेतशिवारात ट्रॅक्टर पलटी झाल्याने मजुर तरुण आशिष मडावी याचा जागीच मृत्यू झाला. सदर ट्रॅक्टर ही शिवदास तोफा रा. मेंढा यांच्या मालकीची आहे. हा ट्रॅक्टर त्यांचाच मुलगा चालवीत होता. तो दारु प्राशन करून असल्याची माहिती आहे. घटनेची माहिती धानोरा पोलिसांना देण्यात आली. पोलिसांनी पंचनामा करून मृतदेह शवविच्छेदनासाठी रुग्णालयात पाठविला. शवविच्छेदनानंतर मृतदेह नातेवाईकांच्या सुपूर्द करण्यात आला. अधिक तपास धानोरा पोलिस करीत आहेत

वेगवेगळ्या दोन अपघातात दोन ठार तर आठ जण जखमी 

कुरखेडा :-

 कुरखेडा तालुक्यात दोन वेगवेगळ्या अपघातात दोन जण ठार, तर एकूण 8 जण जखमी झाल्याची घटना कुरखेडा-कढोली व मौशी-कुरखेडा मार्गावर घडली. पहिली घटना कुरखेडा-कहोली मार्गावर

कढोलीपासून 1 किमी अंतरावर दोन विरुद्ध दिशेने येणान्या दुचाकीची समोरासमोर धडक बसल्याने एकाचा जागीच मृत्यू झाला, तर एक जण गंभीर व दोघेजण किरकोळ जखमी झाल्याची बुधवारी (दि.26) सायंकाळी 7 वाजताच्या सुमारास घडली. चंद्रशेखर बालाजी जुमनाके (55) रा. चिनेगाव ता. कुरखेडा असे मृताचे नाव आहे. जखमीमध्ये जयपाल मडावी (38), रुपेश कवडो (40) दोघेही रा. गांगुली ता. कुरखेडा व माणिक पेंदाम (35) रा. चिनेगाव यांचा समावेश आहे. जयपाल मडावी हे गंभीर जखमी असून, त्यांना गडचिरोली येथे जिल्हा रुग्णालयात उपचारासाठी दाखल केले आहे.

अपघातात मृत झालेले चंद्रशेखर जुमनाके हे कढोली वरून सायंकाळी आपले काम आटोपून स्वगावी चिनेगाव येथे परत जात होते. दरम्यान, समोर जाणाऱ्या ट्रकला ओव्हरटेक करण्याच्या नादात विरुद्ध दिशेने येणाऱ्या दुचाकीची त्यांच्या दुचाकीला समोरासमोर धडक बसली. यात दोन्ही दुचाकी क्षतीग्रस्त झाल्या. याव्शवत कढोली येथील पोलिस पाटील यांनी कुरखेडा पोलिसांना माहिती दिली. जखमींना लगेच कुरखेडा येथील ग्रामीण रुग्णालयात

उपचारासाठी दाखल करण्यात आले. पुढील तपास कुरखेडा पोलिस करीत आहेत. दुसरी घटना कुरखेडा तालुक्यातील मौशी कुरखेडा मार्गावर असलेल्या रिलायंस कंपनीच्या टॉवर जवळ गुरुवारी (दि.27) दुपारी 3 वाजताच्या सुमारास घडली.

दोन दुचाकींची समोरासमोर धड़क बसल्याने एक दुचाकी चालक ठार तर 5 जण गंभीर जखमी झाले. अक्षय निरंगसू पोरेटी (26) रा. सलंगटीला असे

मृतकाचे नाव आहे. तर सारधी पोरेटी (21) रा. सलंगटोला व गौरव नैताम (15) रा. मौशी, जिया नैताम (32), विवेक कोडाप (21) दोन्ही रा. मौशी, विहार मडावी (30) रा. चडेगाव अशी जखमीची नावे आहेत. मृतक अक्षय व त्याची पत्नी सारथी तसेच गौरव हे एमठ्च 40 क्यू 7465 या क्रमांकाच्या दुचाकीने कुरखेडा वरून सलंगटोला येथे जात होते. दरम्यान, विरूद्ध दिशेने जिया नैताम, विवेक कोडाप, विलास मडावी हे तिघे एमएच 31 केआर 755 या क्रमाकाचा दुचाकीने कुरखेडाकडे येत असताना दोन्ही दुचाकीची समोरासमोर धडक बसली. भडक एवढी भीषण होती की, दुचाकींचा समोरचा भाग चेंदामेंदा झाला. दुचाकी चालक अक्षय पोरेटी याचा जागीच मृत्यू तर इतर 5 जण जखमी झाले. त्याना कुरखेडा येथील उपजिल्हा रूग्णालयात दाखल करण्यात आले आहे. गंभीर जखमीना जिल्हा सामान्य रुग्णालयात हलविण्याची तयारी सुरु होती.

सासुच्या जाचाला कंटाळून विवाहितेने केली आत्महत्या,सासुची कारागृहात रवानगी, मात्र मुले झाली पोरकी 

बारामती - पुण्याच्या पुरंदर तालुक्यातील नीरा येथील विवाहित महिलेनं सासूच्या शारीरिक आणि मानसिक छळाला कंटाळून आत्महत्या केलीय. नीता सचिन निगडे (वय ३३) रा. वार्ड क्र. ६ नीरा असं विवाहितेचं नाव आहे. याप्रकरणी जेजुरी पोलिसांनी सासू विजया भगवान निगडे हिला अटक केली असून सासवड न्यायालयाने तिला न्यायालयीन कोठडी सुनावली आहे. तर तिची येरवडा कारागृहात रवानगी करण्यात आली आहे.

याबाबत पोलिसांनी दिलेल्या माहितीनुसार नीता निगडे यांचे वडील सुभाष शंकर माने रा. श्रीगोंदा (ता.आहिल्यानगर) यांनी जेजुरी पोलिसांत फिर्याद दिली आहे. विजया निगडे - जगताप मूळ रहिवासी वाणेवाडी (ता. बारामती) ही नीता यांना वेळोवेळी लाथा बुक्क्यांनी मारहाण करणे, सतत शिवीगाळ करणे, गरीब असल्याने हिणवणे, मुलगा होत नाही म्हणून घालून पाडून बोलणे, नीताच्या साड्या जाळून टाकणे असा त्रास देत होती. नवीन फ्लॅट घेतल्यानंतर तिथे राहायला जाण्याआधी त्यासाठी माहेरून एक लाख रुपये आण म्हणून तगादा लावणे अशा प्रकारचा शारीरिक आणि मानसिक त्रास देत होती. या त्रासाला कंटाळून अखेर नीताने नीरा येथील राहत्या घरात आत्महत्या केली.

याप्रकरणी पोलीस उपनिरीक्षक सर्जेराव पुजारी अधिक तपास करत आहेत. विजया निगडे हिला पोलिसांनी अटक करून सासवड न्यायालयात हजर केले असता तिला न्यायालयीन कोठडी सुनावण्यात आली. तिला आता येरवडा कारागृहात पाठण्यात आल्याची माहिती तपासी अधिकाऱ्यांनी गुरुवारी (दि.२७ मार्च) रोजी माध्यमांना दिली आहे.

पोलिसांनी संतप्त जमावाला रोखले - नीता यांनी रहत्या घरी आत्महत्या केल्यानंतर नीरा तसंच जेजुरी पोलिसांनी तत्काळ घटनास्थळी भेट देत परिस्थिती नियंत्रणात ठेवण्यासाठी प्रयत्न केले. नीताच्या माहेरचे लोक नीरा प्राथमिक आरोग्य केंद्रात आणि नीरा पोलीस दूरक्षेत्रात आल्यावर प्रचंड संतापले होते. परिस्थिती हाताबाहेर जाण्याची शक्यता लक्षात घेता नीराचे फौजदार सर्जेराव पूजारी, घनशाम चव्हाण, हरिश्चंद्र करे यांनी माहेरच्या लोकांची समजूत काढत कायदेशीर कारवाई करू असं आश्वासीत केलं. अंत्यविधीवेळीही मोठा पोलीस बंदोबस्त ठेवला होता.

निताच्या जाण्याने एका मुलासह दोन मुली झाल्या पोरक्या - नीता यांना दोन मुली आणि एक मुलगा आहे. त्यांच्या पतीने नीरा शहरात एक फ्लॅट घेतला आहे. गुढीपाडव्याच्या मुहूर्तावर या फ्लॅटमध्ये हे कुटुंब राहण्यासाठी जाणार होते. यावरुन सासू सुनेला कुरबुर करतं होती. आता पत्नीच्या पश्चात फ्लॅटमध्ये या तीन मुलांचं संगोपन कसं करायचं असा प्रश्न आहे. तर या दोन्ही मुली आता आई विना पोरक्या झाल्या आहेत.

आई गेल्यानंतर लेकीन ठेवला मिस यू आईचा स्टेटस - नीता गेल्यानंतर नीताच्या मुलीने मोबाईलच्या व्हाट्सअप स्टेटसवर आणि फेसबुकवर मिस यू आई हा मेसेज करत आईचा फोटो शेअर केला आहे. तिचा हा मिस यू आईचा स्टेटस पाहून अनेकांनी हळहळ व्यक्त केली. नीताने टोकाचे पाऊल उचलण्यापूर्वी आपल्या या दोन कोवळ्या मुलींचा विचार करायला हवा होता, अशी भावना आता लोकांनी व्यक्त केली आहे. क्षणभराचा राग आपल्या आप्तांना आयुष्यभर दुःख भोगायला लावतो अशी भावना अनेकांनी बोलून दाखवली.

गडचिरोली शहरात अत्याधुनिक नाटय / सांस्कृतिक सभागृह उभारावे.  -  माजी. आमदार  डॉ. नामदेव उसेंडी

गडचिरोली:-

गडचिरोली शहरातील लोकसंख्या जवडपास ८०हजार  असून गडचिरोली शहराला व जिल्ह्याला झाडीपट्टी नाट्य रंगभूमीचा इतिहास लाभलेला आहे. तसेच गडचिरोली जिल्ह्यात विकासाला सुरवात झाली असल्याने विविध सांस्कृतिक कार्यक्रम व बैठका घेण्यासाठी अद्यावत सभागृह उपलब्ध नाही. हि अडचण लक्षात घेता डॉ . नामदेवराव उसेंडी माजी. आमदार गडचिरोली विधान सभा क्षेत्र यांनी राज्याचे सांस्कृतिक कार्यमंत्री नामदार ऍंड. आशिष शेलार साहेबची अधिवेशन  काळात  विधान भवन मुंबई येथे भेट घेतली  व चर्चा केली.  तसेच निवेदन देऊन गडचिरोली शहरात अद्यावत नाट्य / सांस्कृतिक सभागृह  मंजूर करण्याकरिता  निवेदन देऊन मागणी केली.  यावर  मंत्री महोदयांनी साकारातक निर्णय घेऊन गडचिरोली जिल्यातील गडचिरोली शहरात  नाट्य / सांस्कृतिक सभागृह मंजूर करण्याचे आश्वासन दिले.

 शासनाने बंदी घातलेली कापसाचे बियाणे (चोर बिटी )आष्टीत येण्याची शक्यता?

कारवाईअभावी वापर वाढला : 

आष्टी : चोर बीटी (बीजी-३) या कापसाच्या वाणाची लागवड केल्यास शेतजमीन नापीक होते. तसेच मानवाला कॅन्सर होण्याचा धोका संभावतो. त्यामुळे शासनाने या बियाणांवर बंदी घातली आहे. मात्र  गुजरात,तेलंगणातून चोरट्या मार्गाने सदर बियाणे गडचिरोली जिल्ह्यात आणली जातात कृषी विभाग, पोलिस विभाग लक्ष देण्याची गरज आहे. मागील काही वर्षांपासून शेतकरी कापूस पिकाकडे वळले आहेत. चामोर्शी, सिरोंचा, मुलचेरा या तालुक्यांमध्ये दरवर्षी कापसाचा पेरा वाढत चालला आहे. कापसाच्या पिकात मोठ्या प्रमाणात गवत उगवत असल्याने गवत काढण्यावर शेतकऱ्यांना मोठा खर्च करावा लागतो. हा खर्च कमी करण्यासाठी शेतकरी तण नाशकांची मोठ्या प्रमाणात फवारणी करतात.तण नाशकाची फवारणी केल्यास त्याचा काही प्रमाणात परिणाम संबंधित पिकावरही होतो. मात्र चोर बीटी या कापसाची लागवड केल्यास तण नाशकाचा काहीच परिणाम पिकावर होत नाही. त्यामुळे चोर बीटीची लागवड करून मोठ्या प्रमाणात शेतकरी तण नाशकांचा वापर करतात. तण नाशकाच्या अतिवापरामुळे शेतजमीन पूर्णपणे नापीक होते. तसेच पर्यावरणालाही मोठा धोका निर्माण होतो.अतिशय घातक असलेली तण नाशके वापरली जात असल्याने मानवाला कॅन्सर होतो किंवा त्याचा मृत्यू सुध्दा होण्याची शक्यता आहे. त्यामुळे शासनाने चोर बीटी या बियाणांवर बंदी घातली आहे.चामोर्शी, सिरोंचा या तालुक्यांच्या सीमा तेलंगणा राज्याला लागून आहेत. तेलंगणातही या बियाण्यांवर बंदी आहे. मात्र तेलंगणा राज्यातून प्रतिबंधीत बियाणे गडचिरोली जिल्ह्यात आणले जाण्याची शक्यता आहे. करीता कृषी विभागातील वरिष्ठ अधिकरी व पोलीस विभागाने लक्ष देऊन वेळीच आवर घालण्यासाठी प्रयत्न करावेत अशी सुज्ञ नागरिक करीत आहेत.

लक्ष प्राप्ती होईपर्यंत कधीही थांबू नका -  अब्दुल जमीर अब्दुल हकीम      

आष्टी :-       केवळ बाह्य सौंदर्य म्हणजेच व्यक्तिमत्व नसून विद्यार्थ्यांनी आपल्या जीवनात शिस्त अनुशासन अभ्यास रोज नवनवीन ज्ञानात भर टाकून आपल्या व्यक्तिमत्त्वाचा विकास करावा व त्यातून आपल्या राष्ट्राची सेवा करावी असे आआवाहन  अब्दुल जमीर अब्दुल हकीम( बबलू भैया) यांनी महात्मा ज्योतिबा फुले महाविद्यालयाच्या विद्यार्थी विकास विभागाद्वारे आयोजित व्यक्तिमत्व विकास कार्यशाळेच्या उद्घाटन सोहळ्याच्या अध्यक्ष स्थानावरून केले

त्यासोबतच विज्ञानाशी मित्रता करून अनेक नवीन आदर्श पुढे ठेवून सातत्य साधना चिकाटी यातूनही व्यक्तिमत्व घडत असतो असे अनेक उदाहरणाद्वारे पटवून दिले या व्यक्तिमत्व विकास कार्यशाळेला प्रमुख उद्घाटक म्हणून प्राचार्य डॉ. डी.जे. मशाखेत्री कर्मवीर दादासाहेब देवतळे महाविद्यालय चामोर्शी यांनी देखील युवकांनी व्यसन न्युनगंड वाद भौतिकवाद यापासून दूर राहून ज्ञानसाधना करावी व सतत व्यक्तिमत्व घडवत राहावे असे आवाहन केले यावेळेला शून्यातून विश्व निर्माण करणारे राहुल जवादे यांनीदेखील अल्पशा पगारापासून ते उद्योगपती पर्यंत कसा प्रवास केला याविषयी आपले अनुभव कथन केले या व्यक्तिमत्व विकास कार्यशाळेला प्राचार्य किशोर पाचभाई यांनी देखील छोट्या छोट्या गोष्टीतून व्यक्ती घडत असतो असे अनेक उदाहरणाद्वारे पटवून दिले त्यासोबतच महाविद्यालयाचे प्राचार्य डॉ.संजय फुलझेले यांनी देखील विद्यार्थ्यांनी अनेक आदर्श पुढे ठेवावे आणि आपल्या समाजाचे नाव लौकिक करावे असे आवाहन केले या व्यक्तिमत्व विकास कार्यशाळेची प्रस्तावना प्रा. डॉ. भारत पांडे कार्यक्रम अधिकारी विद्यार्थी विकास विभाग यांनी केले तर संचालन प्रा. डॉ. गणेश खुणे यांनी केले त्यासोबतच  ही कार्यशाळा यशस्वी करण्याकरिता प्रा. डॉ. राज मुसने,डॉ. रवी शास्त्रकार डॉ. श्याम कोरडे प्रा. रवी गजभिये प्रा. ज्योती बोबाटे, प्रा. विजया सालुरकर,प्रा. नाशिका गबणे ,राज लखमापूरे, निलेश नाकाडे इरफान शेख, मोहम्मद मुस्ताक, प्रभाकर भोयर,संचित बाचाड, दीपक खोब्रागडे   संतोष बारापात्रे आदींनी सहकार्य केले

प्रा.आ.केंद्रातील कर्मचाऱ्यांनी केला डॉ. लुबना हकीम यांचा वाढदिवस उत्साहात साजरा 

अहेरी:-

प्राथमिक आरोग्य केंद्र महागाव येथील वैद्यकीय अधिकारी डॉ. लुबना हकीम यांच्या वाढदिवस आरोग्य केंद्राच्या सर्व कर्मचार्‍यांनी विशेष उत्साहाने साजरा केला 

वाढदिवसाच्या  सुरुवातीला डॉ. लुबना हकीम यांनी केक कापले व त्यांचे कर्मचाऱ्यांनी स्वागत केले  आणि त्यांना शुभेच्छा देण्यासाठी इतर उपस्थित व्यक्तींनी आपल्या मनापासून आदर व्यक्त केला. यावेळी, डॉ. येर्रावार,  पर्यवेक्षीका डोगरे मॅडम, पर्यवेक्षीका गोगे मॅडम, चीचघरे सर, दीपक भाऊ, दिनेश भाऊ आणि इतर कर्मचारी उपस्थित होते. 

शेवटी, वाढदिवसाच्या कार्यक्रमात उपस्थित सर्वांना नास्ता  व कोल्ड्रिंक देण्यात आले 
 शेवटी डॉ. लुबना हकीम यांनी माझ्या वाढदिवसाच्या कार्यक्रमाचे आयोजन केल्याबद्दल सर्व कर्मचाऱ्यांचे  आभार व्यक्त केले

अहेरी येथील वसतीगृहात विद्यार्थ्यांना बेदम मारहाण, अधीक्षक व मुख्याध्यापक यांचेवर कारवाई करण्याची मागणी 

अहेरी (गडचिरोली): एकलव्य मॉडेल रेसिडेन्शियल स्कूल, अहेरीच्या वसतिगृहात विद्यार्थ्यांवर अमानुष छळ झाल्याचा धक्कादायक प्रकार समोर आला आहे. वसतिगृह अधीक्षक ईश्वर नारायण शेवाळे यांनी विद्यार्थ्यांना मारहाण, मानसिक छळ आणि धमकी दिल्याचे गंभीर आरोप विद्यार्थ्यांनी केले आहेत. या संदर्भात वसतिगृहातील विद्यार्थ्यांनी मुख्याध्यापकांकडे तक्रार अर्ज दाखल केला असून अधीक्षकाविरोधात कठोर कारवाई करण्याची मागणी केली होती. पण मुख्याध्यापकांनी कोणतीही कारवाई केली नाही. या षडयंत्र दाबण्याचे प्रयत्न चालू आहे.

विद्यार्थ्यांचे गंभीर आरोपः

नववीच्या विद्यार्थ्यांना अमानुष मारहाणः

सकाळी ५ वाजता झोपेत असलेल्या विद्यार्थ्यांना बांबूच्या काठीने तंगडीवर जबरदस्त मारहाण करण्यात आली.

► बारावीच्या विद्यार्थ्यांना मानसिक छळ आणि धमकीः

अधीक्षकाने विद्यार्थ्यांना वारंवार धमक्या देत मानसिक दबाव टाकला.

अमन कुलसंगे याला बेदम मारहाणः
७ मार्च २०२५, रात्री ११:१५ वाजता तब्येत खराब असलेल्या अमन कुलसंगे याला स्वतःच्या चप्पलने आणि काठीने तंगडीवर ४० वेळ बेदम मारहाण करण्यात आली.

▶ सहावी-सातवीच्या विद्यार्थ्यांवर कठोर शिक्षाः

रात्री १० नंतर पाढे विचारले जातात, चुकल्यास ४० वेळा हातावर मारले जाते.

▶ विद्यार्थ्यांमध्ये भीतीचे वातावरणः

सततच्या छळामुळे विद्यार्थी मानसिक तणावाखाली आले असून त्यांच्या शारीरिक आणि मानसिक आरोग्यावर परिणाम होत आहे.

पुरावे स्पष्ट - अमानुष छळाचे प्रत्यक्ष चित्रण

विद्यार्थ्यांना झालेल्या मारहाणीचे प्रत्यक्ष छायाचित्र उपलब्ध असून, त्यांच्या पायावर खोल जखमा झालेल्या स्पष्ट दिसत आहेत.
आदिवासी विभागाला इशारा - तात्काळ कारवाई करा !

या अमानुष वर्तनाविरोधात अखिल भारतीय आदिवासी विकास युवा परिषद, महाराष्ट्र यांनी कठोर भूमिका घेतली आहे. प्रदेश सचिव अॅड. राकेश तोरे आणि गिरीश जोगे, चंद्रकांत वेलादी (सामाजिक कार्यकर्ता) यांनी अधीक्षक ईश्वर शेवाळे यांना तात्काळ निलंबित करून त्यांच्यावर गुन्हा दाखल करण्याची मागणी केली आहे.

विद्यार्थ्यांच्या न्यायासाठी तीव्र आंदोलनाचा इशारा

जर प्रशासनाने तातडीने कठोर कारवाई केली नाही, तर अखिल भारतीय आदिवासी विकास युवा परिषद आणि समाज बांधव विद्यार्थ्यांच्या न्यायासाठी रस्त्यावर उतरेल आणि तीव्र आंदोलन छेडले जाईल, असा इशारा देण्यात आला आहे.

लाचखोर वैद्यकीय अधिकारी सापडला लाप्रवीच्या जाळ्यात, एक लाख तीस हजार रुपयांची मागणी 

गडचिरोली:-

थकीत वेतनासाचे बिल काढण्यासाठी आरोग्य सहायकडून एक लाख 30 हजारांची रक्कम लाच म्हणून स्वीकारणाऱ्या लाचखोर वैद्यकिय अधिकारी लाचलूचपत प्रतिबंधक विभागाच्या जाळ्यात अडकला. हीं कारवाई दिनांक 26 मार्च बुधवारी लाहेरी प्राथमिक आरोग्य केंद्रात करण्यात आली.

डॉ. संभाजी भोकरे असे लाचखोर वैद्यकिय अधिकाऱ्याचे नाव आहे.

डॉ. संभाजी भोकरे लाहेरी येथील प्राथमिक आरोग्य केंद्रात कार्यरत होता. याच आरोग्य केंद्रातील आरोग्य सहायकाचे फेब्रुवारी ते सप्टेंबर 2024 व नोव्हेंबर महिन्यातील 14 दिवसांचे रोखलेल्या पगाराचे पुरवणी बिल मंजूर करण्याकरिता डॉ. संभाजी भोकरे यांचे ना हरकत प्रमाणपत्र आवश्यक होते. या नाहरकत प्रमाणपत्रासाठी डॉ भोकरे यांनी दिड लाख रूपयांची मागणी केली. लाच देण्याची मुळीच इच्छा नसल्याने आरोग्य सहायकाने लाचलूचपत प्रतिबंधक विभागात तक्रार केली. तडजोडी अंती डॉ भोकरे यांनी एक लाख तीस हजार रुपये स्वीकारण्याचे मान्य केले. गडचिरोली लाचलूचपत प्रतिबंधक विभागाचे पोलिस उपअधीक्षक चंद्रशेखर ढोले, पोलिस निरीक्षक संतोष पाटिल, शिवाजी राठोड व त्यांच्या पथकाने सापळा रचून आरोग्य सहायकडून एक लाख तीस हजार रूपयांची लाच घेताना वैद्यकीय अधिकारी डॉ भोकरे यांना रंगेहाथ पकडले

चंद्रपूर येथील तिन तरुणांना बल्लारपूर पोलीसांनी एक देशी कट्टा व जीवंत काळतुसासह केली अटक 

बल्लारपूर:-
बल्लारपूर पोलीसांनी एक देशी कट्टा व एक जिवंत काडतूस सह तीन युवकांना अटक केली सदर कारवाई २५ मार्च रोजी करण्यात आली. अभि वाल्मीक साव (२४) रा.दत्त नगर चंद्रपूर, FCविनीत तावाडे (२४) रा. बापट नगर चंद्रपूर, संकेत रविंद्र येसेकर रा.राजनगर पठाणपुरा रोड चंद्रपूर असे आरोपीचे नाव आहे. बल्लारपूर पोलीसांनी एक देशी कट्टा व एक जिवंत काडतूस सह तीन युवकांना अटक केले.२५ मार्च रोजी बल्लारपूर पोलीस स्टेशन चे गुन्हे शोध पथक चे सहायक पोलीस निरीक्षक मदन दिवटे हे डि.बी. स्टॉफसह पेट्रोलींग करित असतांना त्यांना गोपनीय माहिती की साईबाबा वार्ड, बल्लारपुर येथे ३ युवक देशी कट्टा घेऊन फिरत आहेत
त्यावरून त्यांना ताब्यात घेत एक लोखंडी गावठी बनावटीचा देशी कट्टा ज्याची एकुण लांबी २४ सेमी बॅरलची लांबी ११ सेमी, बॅरलची गोलाई ५.५ सेमी, बॅरल पासुन लाकडी मुठेची लांबी १३ सेमी असलेली किंमत २० हजार रुपये व एक नग पितळी धातुचे जिवंत बुलेट ज्याची लांबी ७.५ सेमी बुलेट पितळी धातुचे असुन त्याची गोलाई ४ सेमी बुलेटच्या मागिल बाजुच्या पेंदयावर ८ एम.एम. के.एफ. असे लिहलेले किंमत २ हजार रुपये असे एकुण २२ हजार रुपयांचा मुद्देमाल त्यांच्या जवळून जप्त करण्यात आला. आरोपी अभि वाल्मीक साव (२४) रा. दत्त नगर चंद्रपूर, विनीत नानाजी तावाडे (२४) रा. बापट नगर चंद्रपूर, संकेत रविंद्र येसेकर रा राजनगर पठाणपुरा रोड चंद्रपूर यांचा विरुध्द अप क्रं. २२४/२०२५ कलम ३,२५ भारतीय हत्यार कायदा १९५९ अन्वये गुन्हा नोंद करुन तिन्ही आरोपींना अटक करण्यात आली आहे 

सदरची कारवाई पोलीस अधिक्षक मुम्मका सुदर्शन, अपर पोलीस अधिक्षक रिना जनबंधु, उपविभागीय पोलीस अधिकारी दिपक साखरे राजुरा यांच्या मार्गदर्शनाखाली पोलीस निरीक्षक श्याम गव्हाणे, सहायक पोलीस निरीक्षक मदन दिवटे, परि.पो.उप.नि. सौरभ साळुखे, परि.पो.उप.नि. सुनिल धांडे, सफौ. आंनद परचाके, पो.हवा. सुनिल कामटकर, पो.हवा. पुरुषोत्तम चिकाटे, पोहवा. संतोष दंडेवार, पो.हवा. संतोष पंडित, पोहवा. सत्यवान कोटनाके, पो.अं. वशिष्ट रंगारी, लखन चव्हाण, शरदचंद्र कारुष, शेखर माथनकर, भास्कर चिचवलकर, चापोअ. कैलास चिचवलकर, म.पो.अं. अनिता नायडु सह गुन्हे शोध पथकांनी केले

आष्टी पोलीसांनी कोनसरी येथे पकडला सुगंधीत(मजा) तंबाखू,१० लाख विस हजार रुपयाचे मुद्देमाल जप्त 

तिन आरोपींची कारागृहात रवानगी 

आष्टी :-
चामोर्शी तालुक्यातील आष्टी पोलिस ठाण्याच्या हद्दीत चारचाकी वाहनाच्या साहाय्याने, सुगंधी तंबाखूच्या तस्करीचा डाव आष्टी पोलिसांनी मंगळवारी (दि.25) उधळवून लावला आहे. या कारवाईत 19 हजार 800 रुपयांच्या सुगंधित तंबाखूसह, वाहन असा एकूण 10 लाख 19 हजार 800 रुपयांचा मुद्देमाल जप्त करण्यात आला. याप्रकरणी श्रीकांत नंदकुमार आकुलवार (38) रा. देवापूर वार्ड, ता. गडचिरोली पराग अरविंद रामटेके (38) रा. नागभिड जि. चंद्रपूर, हेमंत देविलाल चव्हाण (38) रा. अहेरी तिघांना अटक करण्यात
 आली आहे. आष्टी-चामोशी वाहनातून सुगंधित तंबाखूची तस्करी होत असल्याची गुप्त माहिती  प्राप्त झाली. या माहितीच्या आधारे पोलिस पथकाने कोनसरी गावातील एका दुकानासमोर सापळा रचला एमएच 19 बीयू-7860 क्रमांकाचं वाहन संशयास्पद अवस्थेत येताना दिसले. पोलिसांनी वाहन थांबवून तपासणी केली असता, वाहनात 19,800 रुपये किमतीचा सुगंधित तंबाखू आढळून आला. यावेळी सुगंधित तंबाखूसह चारचाकी वाहन जप्त करण्यात आले. तिनही आरोपींना न्यायालयात हजर केले असता न्यायालयाने कारागृहात  रवानगी केली आहे 
सदर माल कुठून आणण्यात येत आहे हे गुलदस्त्यातच आहे

विनाशकारी लोह प्रकल्पाची पोलखोल टाळण्यासाठी रोखले : बोगस जनसूनावणी विरोधात तक्रार दाखल करणार

शेकाप, भाकप, माकप या डाव्या पक्षांच्या नेत्यांना जनसूनावणीत सहभागी होण्यास पोलिसांचा मज्जाव

गडचिरोली : वडलापेठा येथे प्रस्तावित स्पाॅंज आयर्न प्रकल्प हा जगातील सर्वात उच्च प्रतीचा प्रदुषण निर्माण करणारा प्रकल्प असून तो पाचव्या अनुसूची क्षेत्रातील अनेक तरतूदी धाब्यावर बसवून बेकायदा  पध्दतीने करण्याचा प्रयत्न असून पर्यावरणीय मुद्यांवर आक्षेप नोंदवू नये यासाठी शेतकरी कामगार पक्षाचे जिल्हा चिटणीस भाई रामदास जराते, भारतीय कम्युनिस्ट पक्षाचे जिल्हा सचिव काॅ. देवराव चवळे, मार्क्सवादी कम्युनिस्ट पक्षाचे काॅ.अमोल मारकवार यांना जिल्हाधिकारी कार्यालयाच्या गेटवर पोलिसांनी जनसूनावणी संपेपर्यंत अडवून ठेवले.

सदर जनसूनावणी ही सर्वांसाठी खुली असतांना केवळ प्रकल्पाची पोलखोल होवू नये यासाठी आम्हाला विविध कारणे सांगून पोलीसांनी जिल्हाधिकारी कार्यालयाच्या गेटवर जनसूनावणी संपेपर्यंत अडवून ठेवले. यापूर्वीही तगडा पोलीस बंदोबस्त लावून जनसूनावणीत सहभागी होण्यासाठी आम्हाला रोखण्यात आलेले होते. त्यामुळे या अशा बोगस जनसूनावण्यांच्या विरोधात वरिष्ठ स्तरावर लवकरच सविस्तर तक्रार दाखल करुन न्याय मागण्यात येणार असल्याची माहिती शेतकरी कामगार पक्षाचे जिल्हा चिटणीस भाई रामदास जराते, भारतीय कम्युनिस्ट पक्षाचे जिल्हा सचिव काॅ. देवराव चवळे, मार्क्सवादी कम्युनिस्ट पक्षाचे काॅ.अमोल मारकवार यांनी दिली असून हुकूमशाही पध्दतीने घेतलेल्या  जनसूनावणीचा निषेध केला आहे.

शाळा व्यवस्थापन समिती जयनगर यांनी शाळेला ताला ठोको आंदोलन केले सुरू 

चामोर्शी:-
तालुक्यातील जयनगर शाळेतील 
मुख्याध्यापक व विषय शिक्षिका  यां दोन्ही शिक्षकांना बळतर्फ करण्यासाठी जयनगरच्या जिल्हा परिषद उच्च प्राथमिक शाळा व्यवस्थापक समिती व गावकऱ्यांच्या पुढाकाराने आज मंगळवार दि.25.03.2025 पासून शाळेला ताला ठोको आंदोलनाला सुरवात केली आहे .

मुख्याध्यापक , विशेष शिक्षिका यांना जोपर्यंत जिल्हा परिषद प्रशासन यांना बडतर्फ करणार नाही.तोपर्यंत जयनगर शाळेला तालाबंद आंदोलन सुरू ठेवण्याचा व्यवस्थापन समितीने संकल्प केलेला आहे.

या ताला बंद आंदोलनाला अनेकांनी. आपला पाठिंबा सुध्दा दर्शविलेला  असून आंदोलन  तीव्र होण्याच्या मार्गावरती  असल्याचे सांगितले जात आहे

 प्रसंगी न्याय न मिळाल्यास आंदोलन रस्त्यावर येऊन करण्यात येणार असा इशारा देण्यात आला आहे

महागाव येथे जागतिक क्षयरोग दीनानिमीत्य विशेष मार्गदर्शन 

महागाव (अहेरी) येथील प्राथमिक आरोग्य केंद्रात २४ मार्च रोजी जागतिक क्षयरोग दिनानिमित्त विशेष मार्गदर्शन करण्यात आले कार्यक्रमाच्या अध्यक्षस्थानी महागावचे माजी सरपंच विनोद वेलादी होते, तर ग्राम पंचायत सदस्य राजेश दुर्गे आणि महागाव प्राथमिक आरोग्य केंद्राच्या वैद्यकीय अधिकारी डॉ. लुबना हकीम, आरोग्य सहायीका शीतल डोंगरे प्रमुख मार्गदर्शक म्हणून उपस्थित होत्या.

डॉ. लुबना हकीम यांनी क्षयरोगाच्या लक्षणे, प्रसार मार्ग आणि उपचार पद्धती याबद्दल सविस्तर माहिती दिली. त्यांनी सांगितले की, क्षयरोग हा मायकोबॅक्टेरियम ट्युबरक्युलोसिस या जिवाणूमुळे होणारा संसर्गजन्य रोग आहे. त्याची लक्षणे म्हणजे दोन आठवड्यांपेक्षा जास्त काळ खोकणे, वजन कमी होणे, भूक मंदावणे, संध्याकाळी ताप येणे, रात्री घाम येणे इत्यादी आहेत. उपचार न केल्यास हा रोग इतरांना पसरण्याची शक्यता आहे, त्यामुळे उपचार घेणे आवश्यक आहे.

कार्यक्रमात क्षयरोगावर यशस्वीपणे मात केलेल्या रुग्णांचा सत्कार करण्यात आला. सत्कारित रुग्णांमध्ये जनाबाई अलोने, कोंडाया हिरवकर, वसंत तोरण, संतोष आलम, पापाया आत्राम, पार्वती आत्राम आणि मंगेश पेंदाम यांचा समावेश आहे. त्यांच्या अनुभवांनी इतरांना आशा आणि प्रेरणा दिली.

या कार्यक्रमाला  आरोग्य साहायीका घोगे , आरोग्य साहायीका शितल डोंगरे व गावातील प्रतिष्ठित नागरिक, आरोग्य कर्मचारी, आशा वर्कर आणि इतरांनी उपस्थित राहून कार्यक्रमाची शोभा वाढवली. या उपक्रमामुळे गावात क्षयरोगाविषयी जागरूकता वाढली असून, रुग्णांना योग्य उपचार मिळविण्यास मदत झाली आहे.

राष्ट्रीय मानवाधिकार संघटनेच्या चामोर्शी तालुकाध्यक्ष पदी कालिदास बन्सोड यांची निवड.

तालुका प्रतिनिधी चामोर्शी..

राष्ट्रीय मानवाधिकार संघटनेच्या विदर्भ कार्याध्यक्षपदी नेताजी सोंदरकर तर वडसा तालुका अध्यक्षपदी रजनीकांत गुरनुले, कुरखेडा तालुका अध्यक्षपदी रुपालीताई कावळे, ब्रम्हपुरी ता, अध्यक्षपदी अंकुश कांबडी, चामोर्शी तालुका अध्यक्षपदी कालिदास बन्सोड यांची  एकमताने निवड...
चामोशी तालुक्यातील मौजा घोट येथे राष्ट्रीय मानवाधिकार संघटनेच्या कार्यकारणीची बैठक संघटनेचे प्रदेशाध्यक्ष डॉ. प्रणय खुणे यांचे अध्यक्षतेखाली संपन्न झाली या बैठकीत वडसा येथील  नेताजी सोंदरकर उपसरपंच ग्रामपंचायत गांधीनगर यांची संघटनेच्या विदर्भ कार्याध्यक्षपदी निवड करण्यात आली,,राष्ट्रीय मानवाधिकार संघटनेच्या विदर्भाच्या सर्व जिल्ह्यांमध्ये जिल्हा कार्यकारिणी घोषित करण्यासाठी सोंदरकर पूर्णवेळ कार्य करणार व राष्ट्रीय मानवाधिकार संघटनेच्या माध्यमातून सर्वसामान्य गोरगरीब तळागाळातील शोषित वंचितांना न्याय देण्यासाठी नेताजी सोंदरकर गेल्या अनेक वर्षापासून प्रामाणिकपणे काम करीत आहे. त्यांच्या कामाची दखल घेऊन संघटनेने त्यांना विदर्भ कार्याध्यक्ष पदाची जबाबदारी दिलेली आहे.तर त्यांच्या नेतृत्वामध्ये वडसा तालुकाध्यक्षपदी रजनीकांत गुरनुले, ब्रह्मपुरी तालुका अध्यक्षपदी अंकुश कांबडी, कुरखेडा तालुका अध्यक्षपदी रूपालीताई कावळे,
यांची निवड करण्यात आली आहे व चामोर्शी तालुका अध्यक्षपदी कालिदास बन्सोड यांची नियुक्ती एकमताने करण्यात आलेली आहे. प्रामुख्याने कालिदास बन्सोड गेल्या अनेक वर्षापासून दैनिक वृत्तपत्रात आपल्या कार्यतत्पर लेखणीच्या माध्यमातून सर्वसामान्य गोरगरीब जनतेला न्याय मिळवून देत आहेत त्यांच्या या कार्याची दखल घेऊन त्यांना संघटनेच्या चामोर्शी तालुका अध्यक्षपदी नियुक्ती देण्यात आलेली आहे याबद्दल प्रदेशाध्यक्ष प्रणय भाऊ खुणे,राष्ट्रीय प्रवक्ता ग्यानेंद्र विश्वास, प्रदेश उपाध्यक्ष डॉ. भारत खटी, राहुल झोडे, विदर्भ अध्यक्ष जावेद सय्यद, गोंदिया जिल्हा अध्यक्ष गुड्डू भाऊ खुणे, जिल्हाध्यक्ष मनीषाताई मडावी, जिल्हा संघटिका अनिता रॉय, जिल्हाध्यक्ष रमेश अधिकारी,जिल्हा उपाध्यक्ष मुन्ना डहारे, , कृष्णा वाघाडे, नानू भाऊ उपाध्ये, महिला आघाडी तालुका अध्यक्ष विशाखा सिन्हा,शरीफ शेख, किशोर देवतळे, दिनेश मुजुमदार,सुमेन विस्वास, विकास मैत्र, सरपंच कृष्णा मंडल, उपसरपंच प्रकाश सरकार यांनी अभिनंदन केले आहे.

हवाई दौरे करणारे पालकमंत्री शेतकऱ्यांच्या बांधावर जाणार काय ?

काँग्रेसचे जिल्हाध्यक्ष महेंद्र ब्राम्हणवाडे यांचा सवाल

गडचिरोली जिल्ह्यात वन्य प्राण्यांच्या हल्ल्यात पन्नासहून अधिक नागरिकांचे नाहक बळी गेले. मात्र गडचिरोली जिल्ह्यास स्टील हब बनविण्याचा संकल्प करणारे राज्याचे मुख्यमंत्री तथा जिल्ह्याचे पालकमंत्री केवळ हवाई दौऱ्यावर भर देत असून ते शेतकऱ्यांच्या बांधावर जाणार काय असा सवाल काँग्रेसचे जिल्हाध्यक्ष महेंद्र ब्राम्हणवाडे यांनी पत्रकातून उपस्थित केला आहे. ब्राम्हणवाडे यांनी पत्रकात म्हटले आहे की, गडचिरोलीस स्टिल हब बनविण्याच्या नावाखाली परप्रांतीयांनाच मोठ्या प्रमाणावर रोजगार दिला जात आहे. येथील भुमीपूत्रांची रोजगाराच्या नावावर फसवणूक केल्या जात आहे. राज्याची सुरवात गडचिरोली पासून होईल अशी ओळख आम्ही निर्माण करू असे मुख्यमंत्री देवेंद्र फडणवीस यांनी सांगितले होते. आता तर गडचिरोलीला दोन पालकमंत्री मिळाले आहेत. पण ते हेलीकॉप्टर ने एखाद्यावेळी येतात अनं इव्हेंटसारखे कार्यक्रम राबवितात. येथील बळीराजांचे अश्रू पुसण्यासाठी ही मंडळी गडचिरोली जिल्यातील शेताच्या बांधावर जाणार का असा सवाल गडचिरोली जिल्हा कॉग्रेस कमिटीचे अध्यक्ष महेंद्र ब्राम्हणवाडे यांनी विचारला आहे.
गडचिरोली जिल्हयात सध्या नागरिकांना, बेरोजगारांना, आदिवासी बांधवाना व बळीराजाला मोठया समस्यांचा सामना करावा लागत आहे.
हत्तीच्या कळपाने तर हैमान घातला आहे. पिकांचे व घरांचेही ते मोठे नुकसान करीत आहेत. नुकतेच तालुक्यातील आरमोरी सुर्यडोंगरी येथील लालाजी मेश्राम यांच्या शेतात हत्तीच्या कळपाने मका पिकाची मोठी नासधूस केली. शेतात असलेली बोअर मशीनही त्यांनी उध्वस्त केली. पण सत्ताधाऱ्यांना याचे काही देणेघेणे नाही. केवळ फॅशन म्हणून गडचिरोलीचे पालकमंत्रीपद घ्यायचे. अनं एखादी वेळी इव्हेंट राबविण्यासाठी हेलीकॉप्टरने येथे यायचे व निघून जायचे असा उपक्रम सध्या सुरू आहे. आता तर जिल्हयाला सहपालकमंत्री लाभले आहेत. पण त्यांनी देखिल हाच फंडा वापरणे सुरू केला आहे. त्यांच्याकडून अपेक्षा करणे गैर आहे असेही ब्राम्हणवाडे यांनी म्हटले आहे.

आष्टी येथील ग्रामीण रुग्णालयात रिक्त पदे भरण्यात यावीत -पवण रामगीरकर 

आष्टी:-
 येथील श्री छत्रपती शिवस्वराज्य सेवा संस्था अध्यक्ष तथा रुग्णकल्यान समिती सभासद  पवन रामगिरकर यांनी  जिल्हा शल्य चिकित्सक डॉ  माधुरी किलनाके गडचिरोली यांनी २१/०३/२०२५  ग्रामीण रुग्णालय आष्टी  येथे भेट दिली तेव्हा आष्टी ग्रामीण रुग्णालया बाबतीत विविध विषयांवर चर्चा करण्यात आली पवण रामगीरकर यांनी तात्काळ ट्रॉमा केअर सेंटर , बालरोग तज्ज्ञ, स्त्रीरोग तज्ज्ञ याची ग्रामीण रुग्णालय आष्टी येथे गेल्या काही वर्षापासून अभाव आहे तरी या पदावरती लवकरात लवकर बालरोग तज्ज्ञ व स्त्रीरोग तज्ज्ञ यांची तात्काळ ग्रामीण रुग्णालय आष्टी येथे नियुक्ती करण्यात यावी अशी मागणी करण्यात आली , यावेळी ग्रा. रु. अधीक्षक डॉ. ऋषिकेश बरडे , शंकर पाटील मारशेट्टीवार, कुळमेथे साहेब आदी सह कर्मचारी उपस्थित होते.

आशा वर्कर म्हणजे समाज आणि आरोग्य विभागातील महत्त्वाचा दुवा- डॉ लूबना हकीम

आशा दिनानिमित्त आशा वर्करांचा सत्कार
विविध स्पर्धांचे आयोजन

अहेरी :-
     आरोग्य विभाग आणि समाज यांच्यातील महत्वाचा दुवा म्हणजे आशा वर्कर असून त्यांच्या सेवा,समर्पण आणि कार्य यामुळेच समाजात वैद्यकीय सेवा देणे सोयीचे होते म्हणून त्या वैद्यकीय सेवेतील अविभाज्य घटक आहे असे प्रतिपादन महागाव आरोग्य केंद्राच्या महिला वैद्यकीय अधिकारी डॉ लुबना हकीम यांनी केले. यावेळी कल्याणी नैताम बीसीएम,भारती गोगे एलएचवी आणि श्रीकांत चव्हाण बीसीएम मुलचेरा आदी प्रमुख पाहुणे म्हणून उपस्थित होते.
   राष्ट्रीय आरोग्य अभियानाअंतर्गत जिल्हा आरोग्य विभाग गडचिरोली जिल्हा परिषद गडचिरोली यांच्या संयुक्त विद्यमाने अहेरी येथील कन्यका मंदिर येथे आयोजित आशा दिना निमित्त त्या उद्घाटक म्हणून बोलत होत्या. पुढे डॉ हकीम म्हणाल्या की आशा वर्कर यांनी आपल्या कार्याने आणि परिश्रमाने ग्रामीण भागातील आरोग्य सेवांचे स्तर उंचावत आहे त्यांच्यामुळे कार्य आणि सेवा अनमोल असून त्यांनी आपल्या कार्याने न केवळ आरोग्य सेवा सुलभ केल्या तर समाजात आणि ग्रामीण भागातील नागरिकांमध्ये आरोग्य सेवेविषयी मानसिकता आणि विश्वासहर्ता निर्माण केली. आशा वर्कर म्हणेच फक्त नावातच आशा नसून आरोग्य विभाग आणि समाज यांच्या मधातील आशा आहेत.
  यावेळी उत्कृष्ट कामगिरी बद्दल आशा वर्कर यांच्या सन्मान करण्यात आला. उमा चाकूरकर यांना तालुकास्तरीय प्रथम पुरस्कार,राजुबाई पुल्लूरवार यांना द्वितीय पुरस्कार मिळाला,तसेच प्राथमिक आरोग्य केंद्र स्तरावर उत्कृष्ट कामगिरी पुरस्कार महागाव प्राथमिक आरोग्य केंद्राचे आशा वर्कर ज्योतिका तलांडे,हर्षा गर्गम,सरिता आत्राम,आलापल्ली प्राथमिक आरोग्य केंद्राचे आशा वर्कर छाया उराडे,आशा सातारे यांच्यासह जिमलगट्टा येथील दोन,देचलीपेठा येथील दोन,कमलापूर येथील तीन, पेरमिली येथून तीन आशा वर्कर यांना पुरस्कार देऊन सन्मानित करण्यात आले.

मोहफुले संकलनासाठी जंगलात गेलेल्या महीलेचा वाघाने घेतला नरडीचा घोट 

– घटनास्थळी बघ्यांची झुंबड, वाघ तब्बल तीन तास मृतदेहाजवळ बसून

गोंदिया / अर्जुनी (मो) , दि. २३ : मोहफुले संकलन करण्यासाठी जंगलात गेलेल्या महिलेवर वाघाने प्राणघातक हल्ला करून ठार केल्याची थरारक घटना रविवारी (दि. २३) रोजी सकाळी शिवरामटोला येथे घडली. या हल्ल्यामुळे संपूर्ण गावात भीतीचे वातावरण निर्माण झाले आहे. अनुसया धानु कोल्हे (वय ५०) , रा. शिवरामटोला असे मृत महिलेचे नाव आहे.
अनुसया कोल्हे सकाळी गावाशेजारील वनविकास महामंडळाच्या जंगलात (कक्ष क्र. 332) मोहफुले वेचत असताना दबा धरून बसलेल्या पट्टेदार वाघाने तिच्यावर मागून झडप घातली. वाघाने तिला तब्बल १०० मीटरपर्यंत फरफटत नेले आणि ठार केले.
घटनेची माहिती मिळताच गावकरी घटनास्थळी पोहोचले. आश्चर्याची बाब म्हणजे वाघ तब्बल तीन तास मृतदेहाजवळ बसून होता. त्यामुळे नागरिकांना वाघाचे थेट दर्शन झाले. वनविभागाच्या रेस्क्यू पथकाने अथक प्रयत्नांनंतर वाघाला जंगलात परतवले. मात्र, तो पुन्हा घटनास्थळाच्या आसपास फिरत असल्याने नागरिकांमध्ये भीतीचे वातावरण निर्माण झाले आहे.
मृतदेह शवविच्छेदनासाठी केशोरी प्राथमिक आरोग्य केंद्रात पाठवण्यात आला. या घटनेमुळे शिवरामटोला गावात शोककळा पसरली असून, वाघाच्या दहशतीमुळे नागरिक भयभीत झाले आहेत. वनविभागाने हल्लेखोर वाघाला जेरबंद करण्यासाठी मोहिम सुरू केली असून, नागरिकांना जंगलात एकटे न जाण्याचे आवाहन करण्यात आले आहे.

आष्टी ग्रापंच्या उपसरपंचदी रेश्मा फुलझेले

आष्टी. आष्टी ग्रामपंचायतीच्या रिक्त असलेल्या उपसरपंचपदाची निवडणूक प्रक्रिया बुधवारी (दि.19) ग्रामपंचायतीच्या सभागृहात पार पडली. यावेळी रेश्मा जमनदास फुलझेले यांची उपसरपंचपदी बिनविरोध निवड करण्यात आली. आष्टी ग्रामपंचायतीचे उपसरपंच सत्यशील डोर्लीकर यांची शासकीय नोकरीत नियुक्ती झाल्याने त्यांनी आपल्या पदाचा राजीनामा दिला होता. त्यामुळे ग्रामपंचायतीचे उपसरपंच पद रिक्त होते. उपसरपंच पदासाठी रेश्मा फुलझेले यांचा एकच अर्ज आल्याने त्यांची बिनविरोध निवड झाली. निवडणूक अधिकारी म्हणून आष्टीचे मंडळ अधिकारी व्ही. ना. ढोरे, तलाठी सचिन गुरूनुले यांनी काम पाहिले. यावेळी ग्रामविकास अधिकारी लिलाधर मिसार, सरपंच बेबी बुरांडे, ग्रापं सदस्य राकेश बेलसरे, कपिल पाल, संतोष बारापात्रे, दिवाकर कुंदोजवार, छोटू दुर्गे, आशिष बावणे, लाजवंती औतकार, विद्या जुनघरे, पूनम बावणे, वैशाली आंबटकर यांची उपस्थिती होती

अहेरी पोलीस स्टेशन येथे शांतता बैठक
शांतता व सलोखा राखण्याचे एसडीपीओ कोकाटे यांचे आवाहन

अहेरी:- अहेरी पोलीस स्टेशन येथे शनिवार 22 मार्च रोजी सर्वधर्मीय जातीय सलोखा राखण्यासाठी शांतता बैठकीचे आयोजन करण्यात आले होते.
     सदर शांतता बैठक अहेरी पोलीस स्टेशनच्या सभागृहात प्राणहिता पोलीस उपमुख्यालयातील उपविभागीय पोलीस अधिकारी अजय कोकाटे यांच्या अध्यक्षतेखाली पार पडली. यावेळी  पोलीस निरीक्षक स्वप्नील इज्जपवार होते.
     या प्रसंगी एसडीपीओ अजय कोकाटे यांनी, येणारे दिवस हे रमजान ईद व अन्य सणासुदीचे असून सर्वांनी ईद व अन्य विविध सन व उत्सव एकोप्याने साजरे करून जातीय सलोखा व शांतता राखण्याचे आवाहन केले आणि सामाजिक स्वास्थ बिघडू नये यासाठी विविध उदाहरणासहित महत्त्व पटवून दिले.
     याचवेळी पोलीस निरीक्षक स्वप्नील इज्जपवार यांनी, आपला देश विविधतेने नटलेला असून एकात्मता, प्रेम, बंधुता हे कायमचे टिकून राहणे काळाची गरज असून यातून एकतेची झालर दिसून येते आणि कोणताही जातीय भेदभाव न करता या पृथ्वीतलावर सर्वांचे रक्त लाल असून केवळ स्त्री आणि पुरुष हे दोनच जाती आहेत, त्यामुळे भेदभाव, श्रेष्ठ-कनिष्ठ न ठेवता प्रत्येकानी गुण्यागोविंदाने व सौहार्दपणे नांदण्याचे मोलाचे मार्गदर्शन पोलीस निरीक्षक स्वप्नील इज्जपवार यांनी केले. 
   विशेषतः समाज माध्यमात (सोशल मिडिया) कोणतेही अफवा पसरविण्याचे , विनाकारणचे व नकारात्मकता पडसाद उमटतील असे संदेश पोस्ट कुणीही करू नये आज सर्व यंत्रणा विकसित झाली असून चुकीचे , सामाजिक स्वास्थ बिघडविणारे सोशल मीडियात पोस्ट झाल्यास  त्याला फॉलोअर्स करणारे सर्व साखळी लगेच सापडतात त्यामुळे सर्वांनी सावधगिरी व दक्षता बाळगण्याचेही आवाहन पोलीस अधिकाऱ्यांनी केले.
    या बैठकीला प्रामुख्याने जिल्हा परिषदेचे माजी अध्यक्ष भाग्यश्री ताई आत्राम, शाहीन हकीम, राष्ट्रवादी काँग्रेस पक्षाचे जिल्हा कार्यकारी अध्यक्ष रियाज शेख, अहेरी नगर पंचायतीचे उपाध्यक्ष शैलेश पटवर्धन, नगर सेवक अमोल मुक्कावार, सामाजिक कार्यकर्ते सुरेंद्र अलोणे, रवि नेलकुद्री, कैलास कोरेत, संतोष मद्दीवार, सेवा निवृत्त मुख्याध्यापक शफीक शेख, तालीफ सैय्यद, मखमूर शेख आदी व विविध सामाजिक संघटनेचे पदाधिकारी, व्यापारी, प्रतिष्ठित नागरिक उपस्थित होते.

कोनसरी येथे वीज पडून शेड्या राखणाऱ्या इसमाचा मृत्यू

आष्टी:-

शेळ्या चराईसाठी गेलेल्या इसमाचा वीज पडुन मृत्यु झाल्याची घटना शुक्रवारी (दि.21) दुपारी 4 वाजताच्या सुमारास चामोर्शी तालुक्यातील कोनसरी येथे घडली. शंकर शिंपतवार (45) रा. उमरी असे मृतकाचे नाव आहे.
उमरी येथील शंकर शिंपतवार हे शेळ्या चराईसाठी कोनसरी लगतच्या जंगल परीसरात गेले होते.  संध्याकाळच्या सुमारास विजांच्या गडगडाटसह पावसाला सुरवात झाली. अचानक यावेळी शंकर यांच्या अंगावर वीज कोसळल्याने त्यांचा जागीच मृत्यू झाला. घटनेची माहिती कळताच तलाठी नाईक व कोनसरी बिटचे पोलीस घटनास्थळी दाखल झाले. पंचनामा करून मृतदेह आष्टी येथील ग्रामीण रुग्णालयात नेण्यात आले शवविच्छेदन झाल्यावर मृतदेह नातेवाईकांच्या ताब्यात देण्यात आले अधीक तपास सुरू आहे

शासकीय रुग्णालयातील पायाभूत सुविधा सुसज्ज करून आरोग्य सेवा सुरळीत करण्यासाठी शासनाने अधिक निधी खर्च करावा--- खा डॉ नामदेव किरसान यांची संसदेत मागणी

गडचिरोली :: केंद्र सरकारने सादर केलेल्या अर्थसंकल्पात आरोग्य विभागाकरीता  95,957 कोटी रुपयाची तरतूद केली असून त्यापैकी 9,406 कोटी रुपयाची तरतूद फक्त आयुष्यमान भारत प्रधानमंत्री जन आरोग्य योजनेकरिता करण्यात आली आहे.  या योजने अंतर्गत खाजगी रुग्णालयात होणाऱ्या उपचाराबद्दल अनेक वेळा अनियमितता आढळून आली आहे त्याचप्रमाणे महालेखाकारांच्या तपासणीत 300 कोटी रुपयाचा घोटाळा सुद्धा उघडकीस आला आहे. तसेच योजनेअंतर्गत केलेल्या 6.66 कोटी दाव्या पैकी 562.4 कोटी रुपयाचे 2.7 लक्ष दावे खोटे आढळले असल्यामुळे. अशा भ्रष्टाचारयुक्त योजनानवर व जाहिरातीवर शासनाचे कोट्यावधी रुपये खर्च करण्यापेक्षा, शासकीय रुग्णालयात व ग्रामीण रुग्णालयात तसेच प्राथमिक आरोग्य केंद्रात पात्र डॉक्टरांसह पायाभूत सुविधा व आरोग्य सेवा उपलब्ध करण्यासाठी केंद्र शासन जास्तीत जास्त खर्च करणार का? जेणेकरून सर्वांना योग्य आरोग्य सेवा मिळण्यासाठी मदत होईल. असा प्रश्न व मागणी गडचिरोली- चिमूर लोकसभा क्षेत्राचे लोकप्रिय खासदार डॉ. नामदेव किरसान यांनी संसदेत प्रश्नकाल दरम्यान केंद्रीय आरोग्य व कुटुंब कल्याण मंत्री श्री जगत प्रकाश नड्डा यांचे कडे केली.

ट्राक्टरची ट्राली सोडण्यास पोलीस उपनिरीक्षकाने मागीतली लाच 

अमरावती:- ट्राक्टरची ट्राली सोडण्यासाठी पोलीस उपनिरीक्षक याने लाचेची मागणी केली म्हणून त्यांचेवर व वाहण चालकावर गुन्हा दाखल करण्यात आला आहे 
दर्शन पुंडलीक दिकोंडवार,वय -३८ वर्ष, पोलीस उपनिरिक्षक, नेमणुक पो.स्टे. नांदगांव खंडेश्वर, ह्याने पोलिस स्टेशनच्या आवारातच लाचेची मागणी करून ती स्वीकारण्याची तयारी दर्शविली होती.मात्र वेळेवर संशय आल्याने ती रक्कम ठरलेल्या वेळी न स्वीकारता टाळाटाळ केल्याने सदरहू दोघांवरही अखेर लाचेची मागणी केल्याबद्दल गुन्हे दाखल करण्यात आल्याने  अमरावती पोलिस दलात एकच खळबळ उडाली आहे.
यातील तक्रारदार यांनी दि.१२/०३/२०२५ रोजी दिलेल्या तक्रारीवरुन दि.१३/०३/२०२५ रोजी करण्यात आलेल्या पडताळणी कारवाई दरम्यान तक्रारदार यांना लोकसेवक दर्शन पुंडलीक दिकोंडवार, वय -३८ वर्ष, पोलीस उपनिरिक्षक, नेमणुक पो.स्टे. नांदगांव खंडेश्वर, अमरावती ग्रामिण रा.शिरे लेआउट,चौधरी हॉस्पीटल रोड,अवधुतवाडी,यवतमाळ जि. यवतमाळ यांनी तक्रारदार यांचे वडीलांच्या नावे असलेली ट्रक्टरची ट्रॉली सोडुन देण्याकरीता ५००० रूपये लाचेची मागणी केली. तसेच सदर ५,००० रुपये लाच रक्कम सुकेश सारडा याचेजवळ देण्यासाठी सांगितले. त्यावेळी सुकेश सारडा याने तक्रारदार यांना सांगितले की, मी तुला फोन केल्यावर येवुन जा.असे बोलुन सदरचे पैसे लाच रक्कम असल्याचे माहीत असताना सुध्दा लाचेची रक्कम स्विकारण्याची तयारी दर्शवली व दर्शन दिकोंडवार यांस गुन्हा करणेकामी मदत केली.मात्र दि.१३/०३/२०२५ रोजी दुपारी ३/३५ ते ४/४८ वाजेपर्यंतच्या दरम्यान आयोजीत सापळा कार्यवाही बाबत दिकोंडवार यांस तकारदार यांचेवर संशय आल्यामुळे त्यांने तकारदार यांचेकडुन लाच रक्कम ५००० रुपये घेतले नाहीत. त्यामुळे काल दि १८/०३/२०२५ रोजी दर्शन पुंडलीक दिकोंडवार व सुकेश अनिल सारडा या दोघांनाही ताब्यात घेण्यात आले असुन त्यांचे विरूध्द लाचेची मागणी केल्यावरून पोस्टे. नांदगाव खंडेश्वर,अमरावती ग्रामीण येथे भ्रष्टाचार प्रतिबंधक कायद्यानुसार गुन्हा दाखल करण्यात आला आहे.

अवैध दारू विक्री विरोधात,महीलांनी गाठले पोलीस स्टेशन 

जिवती:- आपल्या गावातील अवैध दारू विक्री विरोधात महिलांनी चक्क पोलीस स्टेशन गाठून पोलीस निरीक्षक यांना निवेदन देऊन गावातील अवैध दारू विक्री बंद करावी अशी मागणी केली आहे 

जीवती तालुक्यापासून सुमारे पंधरा किमी अंतरावर असलेल्या गुडसेला या गावात मागील बऱ्याच दिवसापासून अवैध देशी दारू विक्री सुरू आहे. गावातील ज्येष्ठ व्यक्ती कडून दारू विक्रेत्यांना दारु विक्री करु नका असे समजावून सांगितले असता ते ऐकत नाहीत. गावात अशांतता पसरली आहे. दारूचे दुकान हे सार्वजनिक हातपंपाचे बाजूला असून तळीराम हे दुकानातून बॉटल घेऊन हातपंप वर येऊन दारू ढोसतात 

तेथेच महिला, मुली पाणी भरण्यास आलेल्या असताना त्यांना बाजूला व्हावे लागते. जर एखाद्या महिलेने तेथे दारू पिण्यास विरोध केला तर दारू विक्रेता म्हणतो की हा हातपंप माझ्या जागेत आहे. हातपंप करिता मी जागा दिली आहे. मी काही करू शकतो. माझ्या मालकीचा हातपंप आहे. असे म्हणत महिलांना अश्लील शिवीगाळ करतो. याच्या गुंड प्रवृत्ती मुळे कोणी महिला पुढे जात नाहीत. मात्र बहुतांश लोकांचे संसार दारूच्या पुरात वाहून जात आहेत. आणि गावातील अल्पवयीन पिढी बिघडत जात आहे हे पाहून महिलांनी पुढाकार घेऊन पोलिस स्टेशन जिवती येथे ठाणेदार यांना निवेदन देऊन ही अवैध देशी दारू बंद करण्याची विनंती केली. यावेळी गावातील मोठ्या प्रमाणात महिला उपस्थित होत्या.आता पोलीस काय भुमिका घेतात याकडे लक्ष लागले आहे 

पतीच्या छळाला कंटाळून पत्नीने केला काठीने प्रहार, पती जागीच ठार 

भामरागड तालुक्यातील घटना, दोघांवर गुन्हा दाखल

भामरागड:- 
पतीच्या छळाला कंटाळून पत्नीने काठीने प्रहार केला तेव्हा पती जागीच ठार झाल्याची घटना भामरागड तालुक्यातील दोबुर गावात घडली 
भामरागड तालुका मुख्यालयापासून १० किमी अंतरावर गटग्रामपंचायत मिरगुळवंचा अंतर्गत येत असलेल्या दोबूर या गावाचा समावेश आहे. दोबूर येथील प्रीतम बहादूर एक्का  वय ५० वर्षे याला त्याची पत्नी मानती प्रीतम एक्का  वय ४० व मुलगा जोसेफ प्रीतम एक्का वय २२ यांनी काठीने मारहाण केल्याने त्याचा घटनास्थळीच मृत्यू झाल्याची घटना घडली. प्रीतम एक्का हा नेहमी मद्यप्राशन करून कुटुंबीयांना त्रास द्यायचा. शारीरिक छळ करायचा. याबाबत २०२२ साली त्याचावर दोन गुन्ह्यांची नोंद असल्याची माहिती पोलिसांनी दिली आहे 

पोलिसांनी दिलेल्या माहितीनुसार, सोमवार, १७ मार्च रोजी सकाळी मृतक प्रीतम हा स्वस्त धान्य दुकानातून धान्य आणण्यासाठी आरेवाडा येथे गेला होता. त्यानंतर दुपारी तो १२ वाजेच्या सुमारास मद्यप्राशन करून घरी परतला. यावेळी त्याची पत्नी घरी जेवायला बसली होती. दरम्यान, घरात धिंगाणा घालून तो पत्नीला मारायला गेला.  त्यामुळे चिडून जाऊन पत्नीने लाकडाने त्याच्यावर वार केला. नंतर मुलानेही वार केला. यात प्रीतमचा मृत्यू झाला. सध्या तेंदू हंगामाच्या बेलकटाईचे काम सुरू असल्याने गावातील बहुतांश नागरिक बेलकटाईकरिता जंगलात गेले होते. त्यामुळे प्रीतमची आई मानकुवारी बहादूर एक्का (६५) ही शेतात बेलकटाईला गेली होती. ती घरी परतल्यावर हा प्रकार तिच्या लक्षात आला. तोपर्यंत प्रीतमची जीवनयात्रा संपली होती. यासंदर्भात मंगळवार, १८ मार्च रोजी सकाळी भामरागड पोलीस ठाण्यात तक्रार दाखल करण्यात आली. त्यानंतर प्रीतमची पत्नी व मुलावर गुन्हा दाखल करण्यात आला. अधिक तपास भामरागडचे पोलीस निरीक्षक दीपक डोंब यांच्या मार्गदर्शनाखाली पोलिस करीत आहेत

आश्रमशाळेतील शिपाई यांचे आढळले तलावात मृतदेह 

मार्कंडादेव येथील आश्रम शाळेत होते कार्यरत 

स्वगावातील मुरखडा (चक) तलावात मृतदेह 

आष्टी :-
मार्कंडा देव येथील आश्रम शाळेत कार्यरत शिपाई हे रात्रीच्या सुमारास कुटुंबीयांना शौचास जातो म्हणून घराबाहेर पडले मात्र  दुसऱ्या दिवशी तलावात मृतदेह आढळून आल्याची घटना सोमवारी (दि.17) ला सकाळच्या सुमारास चामोर्शी तालुक्यातील मुरखळा (चक) येथे येथे उघडकीस आली आहे मृतकाचे नाव तुमदेव पिटाले  वय ५७, रा. मुरखळा (चक) असे  आहे.

मृतक तुमदेव पिटाले हे चामोर्शी तालुका मुख्यालयांतर्गत असलेल्या मार्कंडादेव येथील आश्रमशाळेत शिपाई म्हणून कार्यरत होते. ते तालुका मुख्यालयालगत असलेल्या मुरखळा (चक) या आपल्या स्वगावावरुनच कर्तव्य बजावित होते. दरम्यान, रविवारी
पहाटे 3 वाजताच्या सुमारास शौचास जातो म्हणून ते घराबाहेर पडले. मात्र, सकाळ होऊनही ते घरी न परतल्याने कुटुंबीयांसह ग्रामस्थानी सोमवारी शोधाशोध सुरू केली. दरम्यान, सकाळी 11 वाजताच्या सुमारास गावालगतच असलेल्या तलावात त्यांचा मृतदेह आढळून आला. घटनेची माहिती प्राप्त होताच चामोर्शी पोलिसांनी घटनास्थळ गाठूत पंचनामा केला. याप्रकरणी चामोर्शी पोलिस स्टेशनमध्ये मर्ग दाखल करण्यात आला असून, पुढील तपास चामोर्शी पोलिस करीत आहेत

“मंगळसूत्र चोरांच्या" हल्ल्यात जखमी हेमंत गावंडेचा “मृत्यू”... रेल्वे पोलिस करतात तरी काय?

अकोला : अकोला रेल्वे स्टेशनवर उतरल्यावर एका महिलेच्या गळ्यातील "मंगळसूत्र हिसकावून" पळ काढणाऱ्या चोरट्याचा पाठलाग करीत असताना त्या चोरट्याने पळणे थांबवून उलट पाठलाग करणाऱ्या महिलेच्या पतीवरच प्राणघातक हल्ला केला या हल्ल्यात तो इसम गंभीर जखमी झाल्याने त्याला गंभीर अवस्थेत रुग्णालयात उपचारासाठी दाखल करण्यात आले होते. मात्र उपचार सुरू असतानाच काल सायंकाळच्या सुमारास त्या दुर्दैवी व्यक्ती हेमंत गावंडेचा मृत्यू झाला असून झालेल्या घटनेमुळे रेल्वे पोलिसांविरुद्ध जनसामान्यांच्या "भावना तीव्र" झाल्या आहेत.पत्नीच्या गळ्यातील "मंगळसूत्र" हिसकावून पळ काढणाऱ्या चोरट्यांचा पाठलाग करणाऱ्या पतीला मंगळसूत्र चोरट्यांनी बेदम मारहाण करीत पूर्ण "चेहरा दगडाने ठेचून" काढल्याचा जीवघेणा प्रकार काल रात्री घडला होता. अकोल्याच्या रेल्वे स्थानक परिसरातीलच ही घटना घडली आहे. अकोला रेल्वे स्थानकावरील प्लॅटफॉर्म क्रमांक चारवर मंगळसूत्र चोरट्यांनी एका महिलेच्या गळ्यातून मंगळसूत्र बळजबरीने हिसकावून पळ काढला होता.

त्यानंतर महिलेचा पती हेमंत गावंडे यांनी ह्या मंगळसूत्र चोरट्यांचा "पाठलाग" केला. याच दरम्यान चोरट्यांनी पाठलाग करणाऱ्या गावंडे यांना बेदम मारहाण केली, इतकेच नाही तर त्यांचा चेहरा देखील दगडानी ठेचून काढण्याचा "अंगावर शहारे" आणणारा प्रकार काल रात्री अकोला रेल्वे स्थानक परिसरातच रेल्वे पोलिसांच्या "बेफिकिरी" वृत्तीने घडला होता. हेमंत गावंडे यांची प्रकृती चिंताजनक असल्याने त्यांना "सर्वोपचार" मधून अकोल्यातील खाजगी रुग्णालयात दाखल करण्यात आले होते. मात्र गंभीर स्वरूपात जखमी झाल्याने सुरू असलेल्या उपचारांना प्रतिसाद न दिल्याने "निष्पाप व निर्दोष" हेमंत गावंडेची प्राणज्योत मालवली आहे.हेमंत गावंडे यांच्यावर झालेल्या प्राणघातक हल्ल्याने रेल्वे पोलिसांच्या "बेजबाबदार" आणि "कामचोरी" चा विषय ऐरणीवर आला असून ही घटना घडली त्यावेळी ज्यांची "ड्युटी" स्टेशनच्या प्लेटफॉर्म वर होती ते खरेच त्यांची ड्युटी करत होते का.? हा ही प्रश्न उपस्थित होत आहे.

गडचिरोली जिल्ह्यातील गावात अल्पवयीन मुलीवर केला दोघा नराधमांनी अत्याचार 

कुरखेडा:-
तालुक्यातील बेलगांव येथील एका अल्पवयीन मुलीवर दोघ्या नराधमांनी अन्याय अत्याचार करून अब्रु लुटण्याचा प्रयत्न केल्यामुळे अल्पपवयीन मुलीच्या रिपोर्ट वरून त्याच गावातील दोघावर पोस्को अंतर्गत गुन्हा दाखल करून त्यांची रवानगी जेल मधे करण्यात आली. दि. १५ मार्च २०२५ दुपारी दोन चे सुमारास बेलगांव येथील अनु. जातीची अत्यवयीन मुलगी दुकानात चॉकलेट घेण्याकरीता गेली व घराकडे जातांना याच गावातील भावेश राजु कोरेटी वय २४ वर्ष व कोरेटी मोरेश्वर नामदेव कोरेटी वय २४ वर्ष या दोघांनी त्या अल्पवयीन मुलीचा हात धरून छेडछानीकरून नालीवर झोपवले व तिच्यावर बळजबरीने अन्याय अत्याचार केला. ९ व्या वर्गात शिकत असलेल्या अल्पवयीन मुलीच्या रिपोर्ट वरून व प्रत्यक्ष साक्षीदार यांच्या बनायानुसार कुरखेडा पोलीसांनी भावेश व मोरेश्वर यांच्या विरोधात कलम ७४,३ (५) व पोस्को अर्तगत कलम ८ व १२ अर्तगत गुन्हा दाखल करून आता त्या दोघाची रवानगी कारागृहात करण्यात आली असून गावात शांततेचे वातावरण निर्माण व्हावे म्हणून कुरखेडा पोलीस स्टेशनचे ठाणेदार महेंद्रा वाघ गावात बैठका घेण्याचा प्रयत्न करीत आहेत.

गडचिरोली जिल्ह्यातील शबरी विकास महामंडळाचा लेखापाल लाच घेताना एसीबीच्या जाळ्यात

गडचिरोलीः बरोजगार युवकास वाहन खरेदी करण्यासाठी कर्ज मंजूर करण्यासाठी त्याच्याकडून ५० हजार रुपयांची लाच स्वीकारताना लाचलुचपत प्रतिबंधक विभागाच्या अधिकाऱ्यांनी आज गडचिरोली येथील शबरी आदिवासी वित्त व विकास महामंडळाच्या कंत्राटी लेखापालस रंगेहाथ पकडून अटक केली आहे रुपेश वसंत बारापात्रे (४०) असे आरोपी लेखापालाचे नाव आहे

एसीबीने दिलेल्या माहितीनुसार, तक्रारकर्ता युवक हा देसाईगंज तालुक्यातील कोरेगाव येथील रहिवासी असून, त्याला माल वाहतुकीकरिता वाहन खरेदी करावयाचे होते. त्यासाठी त्याने गडचिरोली येथील शबरी आदिवासी वित्त व विकास महामंडळाकडे अर्ज केला. त्याअनुषंगाने तक्रारकर्त्यास १० लाख रुपयांचे कर्ज मंजूर करण्याकरिता कार्यकारी लेखापाल रुपेश बारापात्रे याने शाखा व्यवस्थापक हर्षल बोरोले यांच्या नावाने १२ मार्चला ५० हजार रुपयांची मागणी केली. परंतु लाच देण्याची मूळीच इच्छा नसल्याने तक्रारकर्त्याने एसीबीकडे तक्रार केली. त्यानंतर एसीबीच्या अधिकाऱ्यांनी पडताळणी केली असता रुपेश बारापात्रे याने लाच मागितल्याचे निष्पन्न झाले. त्यानुसार आज एसीबीच्या अधिकाऱ्यांनी सापळा रचून तक्रारकर्त्याकडून ५० हजार रुपयांची लाच स्वीकारताना रुपेश बारापात्रे यास रंगेहाथ पकडून अटक केली.

लाचलुचपत प्रतिबंधक विभागाचे पोलिस उपअधीक्षक चंद्रशेखर ढोले यांच्या पर्यवेक्षणात पोलिस निरीक्षक संतोष पाटील, शिवाजी राठोड, सहायक फौजदार सुनील पेद्दीवार, हवालदार किशोर जौंजाळकर, राजेश पद्मगिरवार, पोलिस नाईक स्वप्नील बांबोळे, संदीप घोरमोडे, संदीप उडाण, हितेश जेट्टीवार, विद्या म्हशाखेत्री, ज्योत्स्ना वसाके, राजेश्वर कुमरे यांनी ही कारवाई केली.

स्वतःहाच्या  मुलाचा विचार न करता त्याने केली  गळफास घेऊन आत्महत्या 

धानोरा:-
 तालुक्यातील विवाहित तरुणाने आपल्या मुलाचा भविष्यात काय होईल याचा विचार न करता गळफास घेऊन आपली संपविली जीवनयात्रा ही घटना धानोरा तालुक्यातील येरकड येथे घडली 
पत्नी काही दिवसापूर्वी माहेरी जातो म्हणून घरून निघून गेल्याने आणि तिचा इतरत्र कुठेही शोध न लागल्याने ही बाब त्याला खटकत होती त्यामुळे शीलवंत आनंदराव सहारे वय 27 वर्षे राहणार येरकड असे आत्महत्या केलेल्या युवकाचे नाव आहे. मिळालेल्या माहितीनुसार धानोरा तालुक्यातील येरकळ येथील शीलवंतआनंदराव सहारे व 27 वर्ष याची पत्नी काही दिवसापूर्वी माहेरी जातो म्हणून घरून अचानक निघून गेली मात्र ती आपल्या माहेरी पोहचली नाही इतरत्र कुठे शोध घेतला असता तिचा पत्ता लागला नाही. मात्र ही बाब शीलवंत आनंदराव सहारे यांनी मनावरती चांगलीच घेतल्याने त्याच्या मनामध्ये आत्महत्येचा विचार आल्याने त्याने 15 मार्च रोजी आपल्या स्वतःच्या घरी गळफास घेऊन आत्महत्या केल्याची माहिती मिळाली आहे. शीलवंत सहारे यांनी नैराशेतून आत्महत्या केली असावी असे जनतेमधून बोलले जात आहे. मात्र आत्महत्या मागचे स्पष्ट कारण सखोल चौकशी केल्यानंतरच कळेल.अधीक तपास पोलीस करीत आहेत 

गांजा तस्करी करणाऱ्या इसमास पोलीसांनी बसस्थानक येथेच मुद्देमालासह केली अटक 

चिमूर:-
अमली पदार्थ गांजा तस्करी करणाऱ्या इसमास पोलीसांनी बसस्थानक परिसरात रंगेहाथ अटक केल्याची घटना चिमूर बसस्थानकावर काल दि १६ मार्च ला घडली यात पोलिसांनी मोठी कारवाई करत एका व्यक्तीला गांजा बाळगल्याप्रकरणी अटक केली आहे. वहीद अब्दुल रहीम (वय अंदाजे ३५) असे अटक करण्यात आलेल्या आरोपीचे नाव आहे

गुप्त बातमीदाराकडून मिळालेल्या माहितीनुसार, वहीद अब्दुल रहीम हा चिमूर बसस्थानकावर गांजा विक्रीसाठी येणार असल्याची माहिती पोलिसांना मिळाली. त्यानुसार पोलिसांनी सापळा रचून त्याला ताब्यात घेतले. त्याच्याकडील कथ्या रंगाच्या बॅगेची तपासणी केली असता, त्यात १९६४ ग्रॅम वजनाचा गांजा आढळून आला. पोलिसांनी पंच, फोटोग्राफर आणि मापारी यांच्या समक्ष गांजा जप्त केला आणि आरोपीला अटक केली.

ही कारवाई पोलीस अधीक्षक  मुम्मका सुदर्शन, अप्पर पोलीस अधीक्षक रीना जनबंधू आणि नयोमी साटम सहाय्यक पोलीस अधीक्षक तथा उपविभागीय पोलीस अधिकारी, वरोरा अतिरीक्त कार्यभार चिमूर यांच्या मार्गदर्शनाखाली करण्यात आली. पोलीस निरीक्षक संतोष बाकल, स.पो.नि. निशांत फुलेकर, स.पो.नि. मल्हारी ताळीकोटे, पो.उपनि. दत्ताहरी जाधव, सहाय्यक फौजदार विलास निमगडे, सचिन खामणकर, भरत घोळवे, सचिन साठे, कुणाल दांडेकर, सोनू एलकुचेवार यांच्या पथकाने या कारवाईत सहभाग घेतला.

आरोपी वहीद अब्दुल रहीम याला अटक करण्यात आली असून, पुढील तपास सहाय्यक पोलीस निरीक्षक निशांत फुलेकर हे करत आहेत

लाकडाची तस्करी करताना आंतरराज्यीय टोळीला  वनविभागाने केले जेरबंद 

एटापल्ली,
पुष्पा स्टाईल ने लाकडाची तस्करी करताना आंतरराज्यीय टोळीला वनविभागाने तत्परतेने जेरबंद केले आहे

एटापल्ली वनपरिक्षेत्रा अंतर्गत हालेवारा उपक्षेत्रातील जिजावंडी हे गाव छत्तीसगड सिमालगत असुन दिनांक 12/03/2025 रोजी रात्रीस C.G.08 AV 3294 क्रमांकाचे 16 चाकी ट्रक लाकडानी भरून छत्तीसगडच्या इरपनार मार्गे दुर्ग येथे जात असल्याचे वनविभागास मिळालेल्या गोपनिय माहितीचे आधारे वनविभागाचे अधिकारी यांनी त्वरीत सापळा रचुन ट्रक अडविला. चौकशी अंती अवैध मार्गाने जंगलातुन सेमल प्रजातीचे लाकडे विनापरवाना वाहतुक होत असल्याचे निष्पन्न झाले असता ट्रक वनपरिक्षेत्र कर्यालय, एटापल्ली येथे आण्याचा पर्यंत केला परंतू ट्रक मध्ये बिघाड झाल्याने वाहण हलविता आले नाही. वनाधिकारी यांनी ट्रक दुरुस्तीचा पर्यंत केले असता यश आले नाही. सदरचे घटना स्थळ हे अतिसंवेदनशील व नक्षलग्रस्त भागात असल्याने वनाधिकारी हे त्या रात्री जवळच असलेल्या पिपली (बुर्गी) येथे मुक्कामी थांबले मात्र त्याच रात्री छत्तिसगड राज्यातुन जवळ-जवळ 50 ते 60 इसम येऊन ट्रक जबरदस्तीने छत्तिसगड राज्यात पळविला असता दिनांक 15/03/2025 रोजी पाहाटे 05.00 वाजेपासुन वनविभागाच्या पथकाने ट्रकचा पाठलाग करीत छत्तिसगड राज्यातील पाखांजुर येथुन ट्रक जप्त करुन पाखांजुर पोलीस विभागाच्या मदतीने वनपरिक्षेत्र कार्यालय, एटापल्ली येथे आणण्यात आला. घटनेतील आरोपी मिहीर निमाई विस्वास, अनादी मिस्त्री रा. पाखांजुर, शांती अरविंद दत्ता, बप्पी दत्ता, रा. विकासपल्ली हे फरार असून वरील गुन्हा गावकऱ्यांचा संगनमताने घडल्याची शक्यता नाकारता येत नाही.

सदरचा तपास  उपवनसंरक्षक भामरागड वनविभाग शैलेश मीना यांचें मार्गदर्शनात  दिपक रामटेके, सहाय्यक वनसंरक्षक भामरागड, निलीमा खोब्रागडे वनपरिक्षेत्र अधिकारी, एटापल्ली क्षेत्र सहाय्यक,  प्रदीप गेडाम, भगवान नागोसे, श्रीनीवास आडे, ओमप्रकाश धात्रक, वनरक्षक  राजेश्वर देशमुख, सचिन तोराम, कवि भांडेकर कैलाश मडावी, सुजाता अडगोपुलवर, यांनी पुर्ण केला असुन फरार आरोपींचा शोध सुरु आहे

बसमधून दारुची तस्करी करणाऱ्या दोन महीला व एका पुरुषाला पोलीसांनी पकडले रंगेहाथ 

आष्टी पोलिसांनी पकडली ५३ हजाराची दारु 

आष्टी (प्रतिनीधी)##  गोंडपिपरी कडून आष्टी येथे येणाऱ्या  ट्रॅव्हल मधून प्रवास करणाऱ्या   दोन महिला व एका पुरुषाला आष्टी येथे बस स्टॉपवर उतरले असता त्यांच्या पिशव्यांची तपासणी करण्यात आली.  त्यात इंग्लिश दारूच्या बॉटल आढलून आल्या. पोलिसांनी त्यांना ताब्यात घेऊन त्यांच्याकडील मुद्देमाल जप्त केला. ही घटना आज दुपारी ४.३० वाजताच्या दरम्यान घडली. 
आरोपी १)सुनील प्रभाकर झोडे , वय ५२ वर्षे , रा. चंद्रपूर याच्या कडून दोन लिटर चे चार आर.एस.चे बंपर , किंमत १० हजार रुपये. २) सपना कैलास बोदलवार , वय ३५ , रा.चंद्रपूर हिच्या पिशवीत आय.बी.कंपनीच्या पाच बंपर जप्त केले.किंमत १२हजार ५०० रुपये.३) रंजना अशोक कोंडावार , वय ४० , रा. चंद्रपूर हिच्या पिशवीची झडती घेतली असता आर.एस. कंपनी च्या पाच बंपर सापडले , किंमत १२ हजार ५०० रुपये तर कुनघाडा (ठाकरी) येथील.४) भूमलिंगण सुनगोरवार याचे कडून एक पेटी देशी दारु व ५० लिटर मोहफुलाची दारु जप्त करण्यात आली.किंमत १८ हजार रुपये. 
सर्व आरोपींना अटक करण्यात आली आहे.पुढील कारवाही पोलीस निरीक्षक विशाल काळे यांच्या मार्गदर्शनाखाली सुरु आहे. होळीच्या सणानिमित्त आठ दिवसांपासून  वाहनांची तपासणी करण्यात येत आहे. चंद्रपूर जिल्ह्यातून अवैध दारु वाहतूक होत आहे त्यावर अंकुश घालण्याचे काम सुरू आहे त्यामुळे दारु तस्करी करणाऱ्या लोकांची धाभी दनानली आहे 

चामोर्शी येथे भजन स्पर्धा, पुष्पांजली मार्गदर्शन तथा सत्कार 

चामोर्शी:-

हनुमान मंदिर, साधुबाबा कुटी चामोर्शी जि. गडचिरोली येथे जगद्गुरु तुकाराम महाराज कुणबी समाज बहुउद्देशीय संस्था, तालुका कुणबी समाज संघटना, महिला कुणबी समाज संघटना, कृतिशील महिला बचत गट चामोर्शी द्वारा आयोजित संत तुकाराम महाराज (वैकुंठ गमन) निमित्त भजन स्पर्धा पुष्पांजली मार्गदर्शन तथा सत्कार समारंभ कार्यक्रमात गडचिरोली-चिमूर लोकसभा क्षेत्राचे लोकप्रिय खासदार डॉ. नामदेव किरसान यांनी सत्कार स्वीकारून मार्गदर्शन केले.
  यावेळी तालुकाध्यक्ष काँग्रेस कमिटी चामोर्शी प्रमोद भगत, अँड.संजयराव ठाकरे, प्रा.डॉ.विठ्ठलराव चौथाले, गंगाधर पाल, आनंदरावजी लोंढे, प्रा.सजय मस्के, दिलीप गौरकर, अतुल येलमुले, डॉ.सौ.वंदना चौथाले, सौ.ममता गौरकर, सौ.छायाताई भोयर, रजनीकांत मोटघरे, रूपेश टिकले पदाधिकारी, कार्यकर्ते व जनसमुदाय उपस्थित होता.

दोन दुचाकींची धडक तिघे जण जखमी 

आष्टी -
             दोन दुचाकींची समोरासमोर धडक बसल्याने तिघे जण जखमी झाल्याची घटना आष्टी येथील चामोर्शी मार्गांवर दिनांक 16 मार्च रवीवारी दुपारच्या सुमारास घडली.

     होमेश अलगमकर वय 23 वर्ष रा. उमरी तालुका चामोर्शी जिल्हा गडचिरोली, सुरेश दासरवार वय 26 रा. सोमनपल्ली तालुका चामोर्शी, रमेश झाडे वय 60 रा. आष्टी तालुका चामोर्शी असे जखमींची नावे आहेत.

  सविस्तर वृत्त असे की, होमेश अलगमकर व सुरेश दासरवार हे दोघे मित्र दुचाकीने आष्टी कडून उमरीकडे भरधाव वेगाने जात होते तर रमेश झाडे हे आपल्या घरुन मुख्य रस्त्यावर दुचाकीने निघत होते यावेळी दोन्ही दुचाकी ची एकमेकाला धडक बसली. व तिघेही जण रस्त्यावर पडले यात सुरेश दासरवार याची प्रकृती चिंताजनक असुन होमेश अलगमकर व रमेश झाडे यांच्या डोक्याला दुखापत झाली आहे. घटनेची माहिती कळताच आष्टी पोलिस घटनास्थळी दाखल झाले. जख्मीवर आष्टी येथील ग्रामीण रुग्णालयात प्राथमिक उपचार केल्यानंतर चंद्रपूर येथील रुग्णालयात पाठविण्यात आले. घटनेचा पुढील तपास आष्टी पोलिस ठाण्याचे पोलिस निरीक्षक विशाल काळे यांच्या मार्गदर्शनाखाली सूरू आहे

 आष्टी येथील एका अनाथ तरुणीचा संशयास्पद मृत्यू

आष्टी, 

आष्टी येथील वॉर्ड क्रमांक-2 मध्ये वास्तव्यास असलेल्या 24 वर्षीय अनाथ तरुणीचा संशयास्पद मृत्यू झाल्याची घटना शनिवारी (दि. 15) सकाळच्या सुमारास उघडकीस आल्याने परिसरात एकच खळबळ उडाली आहे. रागिणी गलबले (24, रा. आष्टी ता. चामोर्शी) असे मृत तरुणीचे नाव आहे.

मृत रागिणी गलबले हिचे आई-वडील बालपणीच मरण पावले. आष्टी हे तिच्या मामाचे गाव असल्याने ती आष्टी येथेच वास्तव्यास राहायची. ती भांडेधुणी व इतर मोलमजुरीची कामे करायची. शनिवारी सकाळच्या सुमारास ती राहत असलेल्या लीना गोंगले यांच्या घरी मृतावस्थेत

आढळून आली. तिच्या मृत्यूचे नेमके कारण कळू शकले नसले तरी तिच्या मृत्यूबद्दल अनेक तर्कवितर्क लावले जात आहेत. तिचा मृत्यू संशयास्पद असून तिचा मृतदेह आष्टी येथील ग्रामीण रुग्णालयात शवविच्छेदनासाठी नेण्यात आला. शवविच्छेदन अहवालानंतर तिच्या मृत्यूचे नेमके कारण स्पष्ट होणार आहे. घटनेचा अधिक तपास पोलिस निरीक्षक विशाल काळे यांच्या मार्गदर्शनाखाली सुरू आहे.

गडचिरोली जिल्ह्यातील पोलिसांनी नक्षलवाद्यांचा घातपाताचा डाव उधळला

 जमिनीत पुरून ठेवलेली स्फोटके गडचिरोली पोलिसांकडून जप्त

गडचिरोली : भामरागड तालुक्यातील कवंडे येथील जंगलात नक्षल्यांनी जमिनीत पुरुन ठेवलेली स्फोटके शोधून काढण्यात पोलिसांना यश आले आहे. यामुळे घातपात करण्याचा नक्षल्यांचा डाव पोलिसांनी उधळून लावला आहे.
९ मार्चला गडचिरोली पोलीस दलाने छत्तीसगड सीमेवरील शेवटचे गाव असलेल्या कवंडे येथे पोलिस ठाण्याची उभारणी करण्यात आली. शनिवारी कवंडे येथील पोलीस ठाण्यातील विशेष अभियान पथकाचे जवान परिसरात नक्षलविरोधी अभियान राबवीत असताना पोलीस मदत केंद्रापासून दक्षिणेला शंभर मीटर अंतरावर जंगलातील पायवाटेवर पोलिसांना एक भरमार बंदूक आढळली. शेजारच्या जागेत काहीतरी संशयास्पद असल्याचा संशय आला.
त्यानंतर बॉम्ब शोधक व नाशक पथकाच्या जवानांनी अत्याधुनिक उपकरणाद्वारे त्या जागेची तपासणी केली असता जमिनीत दीड ते दोन फूट खोल स्फोटके दडवून ठेवल्याचे आढळून आले. पोलिसांनी ही स्फोटके शिताफीने बाहेर काढून ती नष्ट केली. यामुळे पोलिसांचा घातपात करण्याचा नक्षल्यांचा डाव उधळून लावला गेला.
पोलीस अधीक्षक नीलोत्पल, अपर पोलीस अधीक्षक यतीश देशमुख, एम. रमेश, सत्यसाई कार्तिक, उपविभागीय पोलीस अधिकारी अमर मोहिते यांच्या मार्गदर्शनात कवंडे पोलीस ठाण्याचे प्रभारी अधिकारी व त्यांच्या सहकाऱ्यांनी ही कारवाई केली.

पर्यटनासाठी गेलेल्या पाच तरुणांना तलावात जलसमाधी 

चंद्रपूर:-

चंद्रपूर जिल्ह्यातील नागभीड तालुक्यात असलेल्या घोडाझरी येथे पर्यटनासाठी गेलेले पाच युवकांना तलावात जलसमाधी मिळाली ही घटना शनिवारी, १५ मार्च रोजी धुलीवंदनाच्या दिवसी चार वाजताच्या सुमारास घडली. घटनास्थळी नागभीड पोलीस दाखल झाल्यावर त्यांनी शोधमोहीम राबवित पाचही युवकांचे मृतदेह बाहेर काढले.

सदर युवक हे चिमूर तालुक्यातील सारगाव कोलारी येथील आहेत, जनक किशोर गावडे, यश किशोर गावंडे, अनिकेत यशवंत गावंडे, तेजरा बालाजी गावंडे व तेजरा संजय ठाकरे अशी तलावात बुडालेल्या युवकांची नावे आहेत. यापैकी दोन सख्खे भाऊ असून दोन घुलत भाऊ आहेत. हे चार जण गावंडे कुटुंबातील आहेत. तर एका मित्राचा समावेश आहे.
शनिवारी चिमूर तालुक्यातील साटगाय कोलारी वैधील जनक किशोर गावंडे, यश किशोर गावंडे, अनिकेत यशवंत गावंडे, तेजस बालाजी गावंडे, तेजस संजय ठाकरे व आर्यन हेमराज हिंगोली हे सहा मुले पर्यटनासाठी आली होती. दुपारपासून त्यांनी घोडाडारी तलावावरील पर्यटनाचा आनंद घेतला. त्यानंतर त्यांना पोहावयाचे राहवले नाही. त्यामुळे सायंकाळी ४ वाजताच्या सुमारास सहा मुले पोहण्याकरिता तलावात उतरली. पाण्याची पातळी खोल गेल्याने आणि या परिसरात डोह असल्यामुळे सहाही जण डोहामध्ये बुडाले, त्यापैकी आर्यन हेमराज हिंगोली मुलगा कसाबसा वाचला तर उर्वरित जनक किशोर गावडे यश किशोर गावडे, अनिकेत यशवंत गावडे तेजस बालाजी गावंडे. तेजस संजय ठाकरे हे पाचही मुले तलावात बुडाली.
सर्व मुले १८ ते २४ वर्षे वयोगटातील आहेत.

तलावातून वाचून बाहेर आलेल्या मुलाने सदर घटना घटनास्थळी असलेल्या नागरिकांना सांगितली. त्यानंतर तत्काळ नागभीड पोलिसांना माहिती देण्यात आली. अवध्या काही वेळातच नागभीड पोलीस घटनास्थळी दाखल झाले व पाचही मुले उलावातच बुढालेले आहेत. सदर घटनेची माहिती मुलांच्या कुटुंबीयांना सारगाव कोलारी येथे देण्यात आलेली आहे. पोलिसांनी घटनास्थळी प्राथमिक चौकशी सुरू करीत तात्काळ शोधमोहीम राबवित बुडालेल्या युवकांचे मृतदेह बाहेर काढले.

अधिक तपास पोलीस करीत आहेत 

दोन सख्ख्या मावसभावांचा पाण्यात बुडून मृत्यू 

यवतमाळ:-  रंगपंचमीच्या  दिवशी दोन मावस भावांचा दुर्दैवी अंत झाला आहे. संबंधित दोन भाऊ धुळवडीसाठी पाहुणे म्हणून आले होते. पण धुळवड साजरी करण्याचा उत्साह त्यांना चांगलाच महागात पडला. दोघांचा धरणात बुडून मृत्यू झाला आहे. एकाच कुटुंबातील दोन भावांचा अशाप्रकारे मृत्यू झाल्याने परिसरात हळहळ व्यक्त केली जात आहे 
मिळालेल्या माहितीनुसार, दोन्ही मयत भावंडं इतर सहा जणांसोबत धुळवडीच्या दिवशी धरणात पोहण्यासाठी गेले होते. पण आठ पैकी पाच जण अचानक पाण्यात बुडू लागले. इतर तीन जणांनी कसंबसं स्वतःला वाचवलं. पण दोघांचा पाण्यात बुडून मृत्यू झाला. त्यापैकी एकाचा मृतदेह सापडला आहे. तर दुसऱ्याचा मृतदेह अद्याप सापडला नाही.

ही घटना यवतमाळच्या डोंगरखर्डा इथून जवळच असलेल्या खोरद येथील धरणावर घडली आहे. बुडालेल्या एकाचा मृतदेह हाती लागला असून दुसऱ्याचा शोध सुरू आहे.

परिसरात अंधार झाल्याने शोधकार्य थांबवण्यात आले. पंकज झाडे आणि जयंत धानफुले अशी मृतकांची नावे आहेत. ते दोघे अरुण भोयर यांच्या घरी पाहुणे म्हणून आले होते. शोध मोहिमेदरम्यान मृतक पंकज झाडे याचा मृतदेह सापडला असून जयंत धानफुले यांचा मृतदेह मिळालेला नाही. अधिक तपास कळंब पोलीस करीत आहे.

 १९ वर्षीय युवकाचा देसाईगंज-ब्रम्हपुरी मार्गावरील वैनगंगा नदीत बुडून मृत्यू

देसाईगंज (गडचिरोली):- सर्वत्र रंगपंचमीचा
 उत्सव मोठ्या प्रमाणावर साजरा होत असतांनाच ऐन सणाच्या दिवशीच देसाईगंज शहरातील एका १९ वर्षीय युवकाचा देसाईगंज-ब्रम्हपुरी मार्गावरील वैनगंगा नदीत बुडून मृत्यू झाल्याची घटना काल, शुक्रवारी १४ मार्च रोजी दुपारी १२ वाजेच्या सुमारास उघडकीस आली. अथर्व हिवराज सहारे वय १९ वर्षे, रा. एकता कॉलनी, देसाईगंज, जि. गडचिरोली असे मृत पावलेल्या युवकाचे नाव आहे.

आज सकाळच्या सुमारास सर्वत्र एकमेकांना रंग लावून मोठ्या उत्साहात रंगपंचमी साजरी करण्यात आली. आबालवृद्ध रंगामध्ये न्हाऊन गेले होते. अशातच अथर्व सहारे व काही सहकारी मित्र रंग खेळल्यानंतर अंगावरील रंग काढण्यासाठी देसाईगंज-ब्रम्हपुरी मार्गावरील वैनगंगा नदी तीरावर आंघोळीसाठी गेले होते. आंघोळ करीत असतांना अथर्व सहारे खोल पाण्यात उतरला. पाण्याचा अंदाज न आल्याने तोगटांगळ्या खाऊ लागला. सहकारी मित्रांनी आरडा-ओरड केली. त्यातच काही नागरिकांनी धाव घेत वाचविण्याचा प्रयत्न केला. परंतु, अथर्व सहारे खोल पाण्यात गेल्याने क्षणात होत्याचे नव्हते झाले व पाण्यात बुडून मृत्यू झाला. सदर घटनेची माहिती देसाईगंज पोलीस प्रशासनास देण्यात आली. पोलिसांनी घटनास्थळ गाठून मृतकाचे शव शवविच्छेदनाकरीता देसाईगंज ग्रामीण रुग्णालयात दाखल केला. अथर्व सहारे याचे वडील हिवराज सहारे हे गडचिरोली जिल्ह्याच्या पोलीस विभागात कार्यरत असून अथर्व बीएससी प्रथम वर्षाचा विद्यार्थी होता. ऐन सणाच्या दिवशीच अनुचित घटना घडल्याने सर्वत्र हळहळ व्यक्त केली जात आहे.

बौद्धगया येथील महाबोधी महाविहार बौद्धांच्या अधिपत्याखाली देण्यात आले पाहिजे 

आष्टी व अधखोडा येथील बौद्ध बांधवांची मागणी 

गडचिरोली जिल्हा अधिकारी यांच्या मार्फत राष्ट्रपती यांना पाठवले निवेदन 

1949 चा ॲक्ट रद्द करा  बौद्ध समाज बांधवांची मागणी

आष्टी :- बौद्धगया येथील महाबोधी महाविहराला मुक्तता मिळावी आणि 1949 चा बोधी टेंपल मॅनेजमेंट कमिटी (बीटीएमसी) ॲक्ट रद्द करण्यात यावा अशी मागणी करून भारताचे महामहीम राष्ट्रपती यांच्याकडे आष्टी व अनखोडा येथील बौद्ध बांधवांनी जिल्हाधिकारी गडचिरोली यांच्या मार्फत निवेदन देण्यात आले 

 निवेदनात नमूद केले आहे की, 12 फेब्रुवारी 2025 पासून महाबोधी महाविहारात बौद्ध भिक्षू संघांनी बेमुदत आमरण उपोषणाला बसले असून, त्यासाठी बौद्ध समाज समितीचा पाठींबा आहे,  देशात विविध धर्माचे धार्मिक स्थळे आहेत व सर्व धर्मियांचे आप-आपले स्वतःचे ताबे आहेत. जागतिक स्तरावरचे महाबोधी महाविहाराचे बौद्ध धर्मीयांकडे  ताबा नसल्याने 1949 चा बिटीएमसी ॲक्ट रद्द करून (कारण त्यात चार बौद्ध तर पाच गैरबौद्ध आहेत) पूर्णपणे ताबा बौद्ध धर्मीयांकडे देऊन व्यवस्थापनाची जबाबदारी  बौद्ध भिक्षुंकडे सोपविण्याची एकमुखी मागणी केली आहे.
     महाबोधी महाविहाराला जागतिक स्तरावरचा इतिहास असून यूनोस्कोने महाबोधी महाविहाराला जागतिक वारसा स्थळाचा दर्जा दिला आहे. त्यामुळे रेंगाळत असलेले  व्यवस्थापनाचा जटिल प्रश्न निकाली काढून तात्काळ बौद्धगया येथील महाबोधी महाविहाराचा ताबा बौद्ध धर्मीयांकडे देण्याची मागणीचे निवेदन चामोर्शी उपविभागीय अधिकाऱ्यांमार्फत भारताचे द्रोपदी मुर्मू राष्ट्रपती यांच्याकडे सोपविण्यात आले असून तात्काळ प्रश्न मार्गी न लागल्यास तीव्र आंदोलन बौद्ध  समाज समितीने करण्याचा इशाराही निवेदनातून देण्यात आला आहे.
यावेळी माजी जिल्हा परिषद सदस्य धर्मप्रकाश कुकुडकर ,  सत्यफुला डोर्लीकर,उत्तमचंद बारसागडे, मंगलदास चापले,सोमा चांदेकर, कैलाश दुर्गे,धनराज बावने,हंसप्रीत राऊत, मंगला अवथरे,गौतमा फुलझेले,निकीता निमसरकार,सुजाता देव्हारे, वैशाली लेगला,गोपीका कुकुडकर, भीमाबाई निमसरकार,आकांक्षा झाडे,राखी मडावी,वर्षा मेश्राम,संध्या बावणे,साहील साखरकर, वैशाली लाकडे, यांच्या सह बहुसंख्य बौद्ध बांधव उपस्थित होते

बौद्धगया येथील महाबोधी महाविहारला मुक्तता द्या! 'बौद्ध अस्मिता रक्षण समिती' सर्कल येनापुर व बौद्ध समाज बांधवाची मागणी ....

1949 चा ॲक्ट रद्द करा  बौद्ध समाज बांधवांची मागणी...

उपविभागीय अधिकारी चामोर्शी यांच्या मार्फत राष्ट्रपतीकडे निवेदन सोपविले ।

चामोर्शी  :- बौद्धगया येथील महाबोधी महाविहराला मुक्तता मिळावी आणि 1949 चा बोधी टेंपल मॅनेजमेंट कमिटी (बीटीएमसी) ॲक्ट रद्द करण्यात यावी अशी मागणी करून भारताचे महामहीम राष्ट्रपती यांच्याकडे चामोर्शी    उपविभागीय अधिकारी, यांच्या मार्फतीने बौद्ध अस्मिता रक्षण समिती येनापुर  व बौद्ध समाज बांधवांनी आज दिनांक 28/02/2025 रोजी उपविभागीय अधिकारी चामोर्शी यांना निवेदन दिले.

 निवेदनात नमूद केले आहे की, 12 फेब्रुवारी 2025 पासून महाबोधी महाविहारात बौद्ध भिक्षू संघांनी बेमुदत आमरण उपोषणाला बसले असून, त्यासाठी बौद्ध अस्मिता रक्षण समितीचा पाठींबा आहे,  देशात विविध धर्माचे धार्मिक स्थळे आहेत व सर्व धर्मियांचे आप-आपले स्वतःचे ताबा आहेत. जागतिक स्तरावरचे महाबोधी महाविहाराचे बौद्ध धर्मीयांकडे  ताबा नसल्याने 1949 चा बिटीएमसी ॲक्ट रद्द करून (कारण त्यात चार बौद्ध तर पाच गैरबौद्ध आहेत) पूर्णपणे ताबा बौद्ध धर्मीयांकडे देऊन व्यवस्थापनाची जबाबदारी  बौद्ध भिक्षुंकडे सोपविण्याची एकमुखी मागणी केली आहे.
     महाबोधी महाविहाराला जागतिक स्तरावरचा इतिहास असून यूनोस्कोने महाबोधी महाविहाराला जागतिक वारसा स्थळाचा दर्जा दिला आहे. त्यामुळे रेंगाळत असलेले  व्यवस्थापनाचा जटिल प्रश्न निकाली काढून तात्काळ बौद्धगया येथील महाबोधी महाविहाराचा ताबा बौद्ध धर्मीयांकडे देण्याची मागणीचे निवेदन चामोर्शी उपविभागीय अधिकाऱ्यांमार्फत भारताचे द्रोपदी मुर्मू राष्ट्रपती यांच्याकडे सोपविण्यात आले असून तात्काळ प्रश्न मार्गी न लागल्यास तीव्र आंदोलनबौद्ध अस्मिता रक्षण समिती करण्याचा इशाराही निवेदनातून देण्यात आला आहे.  

    निवेदन देताना' बौद्ध अस्मिता रक्षण समितीचे अध्यक्ष काजल मेश्राम , उपाध्यक्ष .राजेंद्र रामटेके ,सचिव  प्रितम घोनमोडे सचिव, महासचिव सुनिल गोर्वधन, . प्रमोद उमरे संघटक ,  मंगलदास चापले (प्रवक्ता ) . आनंद गोडबोले प्रवक्ता ,.अँन्ड. दिनेश राऊत सल्लागार . संतोष मेश्राम ,. परीजन दहिवले कोषाध्यक्ष , .संदेश देवतळे सहसचिव ,गिरीधर उंदिरवाडे,.उत्तमचंद बारसागडे पुरुषोत्तम उंदिरवाडे , अंकुश निमसरकार ,  जितु झाडे , चंद्रशेखर पेटकर ,.रोशन गेडाम .मोरोती अवथरे  सौ.शोभाताई कुरखेडे , सौ. रजनी बारसागडे ,सौ. अल्का रामटेके , सौ. योगीता रामटेके , आदीहस बहुसंख्य बौद्ध उपासक व उपासीका बांधव उपस्थित होते.

पोलीस हवालदार मंथनवार यांचा हृदयविकाराच्या धक्क्याने मृत्यू 

गडचिरोली : कोरची तालुक्यातील गॅरापत्ती पोलिस मदत केंद्रात कार्यरत हवालदार संतोष मंथनवार (वय ४९) यांचे शुक्रवारी (दि. २८) हृदयविकाराच्या तीव्र झटक्याने निधन झाले.

संतोष मंथनवार हे अहेरी तालुक्यातील आलापल्ली येथील रहिवासी होते. आज सकाळी ते गॅरापत्ती पोलिस मदत केंद्रात कर्तव्यावर होते. साडेनऊ वाजताच्या सुमारास त्यांना हृदयविकाराचा झटका आला. त्यांना गॅरापत्ती येथील प्राथमिक आरोग्य केंद्र व त्यानंतर धानोरा येथील ग्रामीण रुग्णालयात हलविण्यात आले. तेथे प्रथमोपचार केल्यानंतर त्यांना गडचिरोली येथील जिल्हा सामान्य रुग्णालयात हलविण्यात आले. परंतु, डॉक्टरांनी त्यांना मृत घोषित केले. मंथनवार हे पूर्वी आलापल्ली येथे कार्यरत असताना विविध सामाजिक उपक्रमांमध्ये हिरीरीने भाग घ्यायचे. त्यांच्या निधनामुळे सर्वत्र हळहळ व्यक्त केली जात आहे.

रखडलेले रस्ता बांधकाम पूर्ण करण्याच्या मागणीसाठी कंकडालवारांच्या नेतृत्वात आंदोलन.

अहेरी : प्राणहीता पोलीस उपमुख्यालाय ते अहेरी व अहेरी ते वेंकटरावपेठा रस्त्याचे मंजूर काम बऱ्याच काळवाढीपासून रखडलेले आहे.सदरचे काम तात्काळ पूर्ण करण्याच्या मागणीसाठी आविसं, काँग्रेस अहेरी विधानसभा क्षेत्रचे समन्वयक व जिल्हा परिषद माजी अध्यक्ष तथा अहेरी बाजार समितीचे संचालक अजय कंकडालवार यांनी सार्वजनिक बांधकाम विभागाच्या विरोधात रास्तारोखो आंदोलन केले आहे.

प्राणहिता पोलीस उपमुख्यालाय ते अहेरी व अहेरी ते वेंकटरावपेठा अशा दहा किमी अंतराच्या रस्त्याचे काम मंजूर झाल्यानंतर काही महिन्यांपूर्वी कंत्राटदारांने कामाची सुरुवात करून रस्ता खोदून ठेवलेला आहे.त्यामुळे रहदारी करणाऱ्या नागरिकांना खराब रस्त्यावरून दळणवळण करतांना नाहक त्रास सहन करावा लागत आहे.

संबधित विभाग व अधिकाऱ्यांना सतत निवेदने देऊन रखडलेले रस्त्याचे काम सुरू करण्याची मागणी करण्यात आली आहे.मात्र गेली बऱ्याच कालावधीपासून रस्त्याचे काम सुरू करण्यात आले नाही.त्यामुळे रस्त्याचे काम पूर्ण करण्यास दिरंगाई करणारे कंत्राटदारांला काळ्या यादीत टाकावे व त्यांच्याकडून पुन्हा कामे सुरू असल्यास त्याची संपूर्ण चौकशी करून दोषीवर कार्यवाही करावी अशी मागणी जिल्हा परिषदचे माजी अध्यक्ष अजय कंकडालवार व आदिवासी काँग्रेस आघाडीचे जिल्हा अध्यक्ष हणमंतु मडावी यांनी आंदोलन दरम्यान केली आहे.यापूर्वी कंकडालवार यांनी रस्त्याचे काम तात्काळ सुरु करण्याची मागणी करतांना अन्यथा आंदोलन करण्याचा इशारा जि.प.माजी अध्यक्ष अजय कंकडालवार यांनी तीव्र जनआंदोलन उभारण्याचा इशारा निवेदनातून दिला होता.

आज जनआंदोलनची रोष बघून समंधित अधिकाऱ्यांनी मा.तहसीलदार साहेबांना भेट घेऊन उद्या पासून काम सुरु करण्यात येईल अशी सांगितले होते.लवकरात लवकर समंधित कामाला सुरुवात होऊन गती न मिळाल्यास आंदोलन आणखी तीव्र करण्याची इशारा सुद्धा त्यावेळी अजय कंकडालवार यांनी दिले आहे.

माजी जिल्हा परिषद अध्यक्ष अजय कंकडालवार यांच्या नेतृत्वात झालेल्या आंदोलन वेळी माजी जि.प.सदस्य सुनीता कुसनाके,अहेरी पंचायत समितीचे माजी सभापती भास्कर तलांडे,सुरेखा आलम,गीता चालूरकार,चायाताई पोरतेट,अशोक रापेल्लीवार,अशोक येलमुले,प्रमोद आत्राम,अज्जू पठाण,अहेरी नगरपंचायतचे नगरसेवक प्रशांत गोडसेलवार,मरपल्ली ग्रामपंचायतचे माजी उपसरपंच कार्तिक तोगम,किशोर दुर्गे परिसरातील समस्त नागरिक तसेच स्थानिक आविसं,काँग्रेसचे पदाधिकारी व कार्यकर्ते,पत्रकार बंधू मोठ्या संख्येने उपस्थित होते.

संविधान सन्मान महोत्सव : निबंध व प्रश्नमंजुषा स्पर्धांचे आयोजन

 मुलचेरा :-  नेताजी सुभाषचंद्र विज्ञान महाविद्यालय, मुलचेरा, वन वैभव शिक्षण मंडळ अहेरी अंतर्गत, २४ आणि २५ फेब्रुवारी २०२५ रोजी संविधान सन्मान महोत्सवाचे आयोजन करण्यात आले. या महोत्सवाच्या निमित्ताने निबंध स्पर्धा आणि प्रश्नमंजुषा स्पर्धा आयोजित करण्यात आल्या होत्या, ज्यात महाविद्यालयातील विद्यार्थ्यांनी उत्स्फूर्तपणे भाग घेतला.
कार्यक्रमाच्या अध्यक्षस्थानी प्राचार्य डॉ. रणजीत मंडल होते. त्यांच्यासोबत डॉ. शनिवारी, डॉ. बाचार, डॉ. वाणी आणि शेंडे  आदी मान्यवर उपस्थित होते. या विविध स्पर्धांमध्ये विद्यार्थ्यांना संविधानाची महत्ता आणि त्याचे पालन याबाबत जागरूकता वाढवण्याचा उद्देश होता.
निबंध स्पर्धेत अंतिम वर्षाची कुमारी कामेश्वरी मराठे आणि कु. मेरी डिकोंडा यांनी अनुक्रमे प्रथम आणि द्वितीय पारितोषिक पटकावले. प्रश्नमंजुषा स्पर्धेत कुमारी स्मिता बाला (प्रथम वर्ष) आणि कुमारी सोनाली मंडळ (तृतीय वर्ष) यांनी क्रमशः प्रथम आणि द्वितीय पारितोषिक मिळवले. या स्पर्धेत विद्यार्थ्यांनी विविध गोष्टींबद्दल आपले ज्ञान प्रदर्शित केले, आणि त्याच्या अभ्यासातून संविधानाच्या महत्त्वपूर्ण मुद्द्यांवर चर्चा केली.
कार्यक्रमाचे सूत्रसंचालन डॉ. पिंपळ शेंडे यांनी केले, आणि प्रास्ताविक डॉ. सचिन शेंडे यांनी केले. आभार प्रदर्शन डॉ. राय यांनी केले. कार्यक्रमात महाविद्यालयातील बहुसंख्य विद्यार्थी  उपस्थित होते.
या संविधान सन्मान महोत्सव चर्चासत्रात विद्यार्थी, शिक्षक आणि महाविद्यालयाच्या संपूर्ण कुटुंबाने संविधानाच्या मूल्यांची पुन्हा एकदा महत्त्वाची ओळख करून घेतली आणि त्याच्या पालनासाठी प्रेरणा मिळवली.

 पुणम कुथे "राज्यस्तरीय क्रांतिज्योती आदर्श महिला पुरस्कार-२०२५" ने सन्मानित

देसाईगंज :-
स्वच्छतेचे जनक, थोर समाजसेवी राष्ट्रसंत गाडगेबाबा यांच्या जयंतीदिनाचे औचित्य साधून बुलढाणा जिल्ह्यातील "पहाट फाऊंडेशन" मार्फत दि.२३ फेब्रुवारी २०२५ रोजी रविवारला वर्धमान जैन भवन, शेगाव येथे  "राज्यस्तरीय ग्रामविकास परिषद" आयोजित करण्यात आली होती. ह्या कार्यक्रमात आपल्या महाराष्ट्रातील क्रीडा, समाजसेवा, सांस्कृतिक, शिक्षण, कला,राजकीय, पर्यावरण अश्या विविध क्षेत्रातील उल्लेखनीय कार्य केलेले व्यक्ती उपस्थित होते. त्या सर्वांना त्यांच्या उत्तम कामगिरी बध्दल मान्यवरांच्या हस्ते राज्यस्तरीय पुरस्कार सोहळ्यात सन्मानित करण्याचे आयोजक संस्थेने ठरविले होते.

यामध्ये, आपल्या गडचिरोली जिल्ह्यातील देसाईगंज तालुक्यातील पोटगाव येथील रहिवासी, मागील १० वर्षांपासून पूर्व विदर्भातील चारही जिल्ह्यात विविध सामाजिक संस्थेसोबत मिळून, अनेक लहान मोठे समाजपयोगी उपक्रम राबवित असलेल्या, समाजसेवा क्षेत्रात उल्लेखनीय कार्य करणाऱ्या युवा समाजसेविका - कुमारी.पुनम नानाजी कुथे  यांना "राज्यस्तरीय क्रांतिज्योती आदर्श महिला पुरस्कार - २०२५"  देऊन सन्मानित करण्यात आले. पुरस्काराच्या स्वरूपात सन्मानचिन्ह, शॉल, श्रीफळ आणि सन्मानपत्र देण्यात आले. कार्यक्रमाला उपस्थित आदर्श सरपंच पुरस्कार प्राप्त असलेले भास्कर पेरे पाटील (ग्रा.पं.पाटोदा, छ.संभाजीनगर), श्वेता परदेशी  ( मिसेस इंडिया विजेत्या) लातूर, आदी नामवंत व्यक्ती उपस्थित होते.

विषमतेला बाजूला सारत, समतेचा वसा घेऊन, मानवतेसाठी करीत असलेल्या समाजसेवेच्या कार्याला लक्षात घेत, देश -विदेशातील 50 पेक्षा जास्त नावाजलेल्या संस्थांनी राष्ट्रीय, आंतरराष्ट्रीय स्तरावरील विशेष पुरस्कार देऊन कु.पुनम कुथे यांना आजवर सन्मानित केलेले आहे. ह्यामध्ये विशेषतः राज्यस्तरीय आदर्श युवती पुरस्कार, सावित्रिज्योती राज्यस्तरीय पुरस्कार, जिनिअस बुक ऑफ वर्ल्ड रेकॉर्ड, महाराष्ट्र भूषण प्रेरणा पुरस्कार, युथ आयकॉन अवॉर्ड, नॅशनल बेस्ट युथ सोसियल अवॉर्ड, अश्या 50 पेक्षा जास्त जागतिक स्तरांवरील पुरस्कारांवर यांनी आपले नाव कोरून, गडचिरोली जिल्ह्याची व पोटगाव ह्या लहानशा गावची सामाजिक क्षेत्रात एक वेगळीच ओळख, संपूर्ण देशात निर्माण केलेली आहे.

मुलाचा गळा आवळून केला खून व वडीलाने स्वतःलाही संपविले 

जळगाव:-

जळगाव जिल्ह्यातील एरंडोल येथे मुलाच्या छळाला कंटाळून एका माजी सैनिक वडिलांनी आपल्या मुलाचा गळा दाबून खून केला. यानंतर वडिलांनीही आत्महत्या केली. जळगावातील एरंडोलमध्ये गुरुवारी ही धक्कादायक घटना उघडकीस आली. येथे, वडिलांच्या खिशात सापडलेल्या सुसाईड नोटमध्ये असे लिहिले होते की त्यांनी त्यांच्या मुलाची हत्या करून त्याला पुरले आहे. तो मुलगा सोशल मीडियावर रील बनवायचा.

मृत वडिलांचे नाव विठ्ठल पाटील (५०) होते, तर मुलाचे नाव हितेश पाटील (२२) होते. माजी सैनिक विठ्ठल पाटील हे मूळचे भावरखेडा (एरंडोल) येथील रहिवासी आहेत. ते त्याच्या कुटुंबासह एरंडोल येथील वृंदावन नगर येथे राहत होते. त्यांचा मुलगा हितेश पाटील रील बनवण्याचे काम करायचा. तथापि, तो त्याच्या वडिलांपासून वेगळा राहत होता. तो त्याच्या वडिलांना छळायचा आणि मारहाणही करायचा असे सांगितले जात आहे. या गोष्टीला कंटाळून विठ्ठल पाटील यांनी त्यांच्या मुलाला मारले आणि नंतर आत्महत्या केली.

पोलिसांनी दिलेल्या माहितीनुसार, विठ्ठल पाटील यांच्या खिशात एक सुसाईड नोट सापडली आहे. सुसाईड नोटमध्ये लिहिले होते की ते त्यांचा मुलगा हितेशला कंटाळले होते आणि त्याने त्याला भावरखेडा गावाजवळील एका नाल्याजवळ मारले आणि मृतदेह जमिनीत पुरला. गुरुवारी हितेश पाटील यांचा मृतदेह भवरखेडा येथील नाल्यात आढळला. त्याचा मृतदेह तपासणीसाठी पाठवण्यात आला आहे. हितेश पाटील यांचा मृतदेह ज्या ठिकाणी आढळला तिथून एक दोरीही सापडली आहे. हितेश पाटीलला या दोरीने फाशी देण्यात आली असावी, असा पोलिसांना संशय आहे. सध्या एरंडोल पोलिसांनी याप्रकरणी गुन्हा दाखल केला आहे. पुढील तपास सुरू असल्याचे पोलिसांनी सांगितले.

वासल्याने केला पत्नीवर वार व स्वतःलाही केले गंभीर जखमी 

आरमोरी:-
 तालुक्यापासून काही किलोमीटर अंतरावर असलेल्या कोजबी येथे दिनांक २७/०२/ २०२५ गुरुवार रोजी रात्रीचे अंदाजे १२ वाजताच्या 
सुमारास पतीने पत्नीवर वासल्याने वार केला यामध्ये पत्नी गंभीर जखमी झाली. तर पतीने स्वतःलाही चाकुने भोकसल्याने पती सुद्धा गंभीर जखमी झाला. दोघेही पती पत्नी गंभीर अवस्थेत असल्याने त्यांना गडचिरोली येथील शासकीय रुग्णालयात हलवल्याची 
माहिती मिळाली आहे. पत्नीवर वार केलेल्या पतीचे ताराचंद येळमे अंदाजे वय ५५ असे नाव आहे.. सदर घटनेची माहिती कोजबी येथील पोलीस पाटील माधुरी सहारे यांनी पोलीस स्टेशनला  दिली पोलीस विभाग यांनी लागलीच घटनास्थळावर दाखल होऊन
घटनेच्या पंचनामा सुरू केला आहे. मात्र पतीने पत्नीवर हा एवढा जीवघेणा हल्ला कोणत्या कारणाने केला हे मात्र अद्याप कळु शकले नाही.

एका नायब तहसीलदाराला स्वतःच्या मुलाला कापी पुरविताना पकडले रंगेहाथ !

अहिल्यानगर :-

बारावीच्या विद्यार्थ्यांना कॉपी पुरवताना चक्क नायब तहसीलदाराला रंगेहाथ पकडण्यात आल्याची घटना अहिल्यानगर पाथर्डी तालुक्यातील परीक्षा केंद्रात घडली 
या घटनेमुळे एकच खळबळ उडाली आहे. महत्वाचे म्हणजे कॉपी पुरवतानाचा नायब तहसीलदाराचा व्हिडीओ देखील सोशल मीडियावर मोठ्या प्रमाणात व्हायरल होत आहे.
मिळालेल्या माहितीनुसार, नायब तहसीलदार अनिल तोडमल यांना बारावीच्या विद्यार्थ्यांना कॉपी देताना रंगेहाथ पकडण्यात आले आहे. बारावी पेपरमध्ये स्वतःच्याच मुलाला नायब तहसीलदार कॉपी पुरवत असल्याची बाब उघड झाली आहे. अहिल्यानगर जिल्ह्यातील पाथर्डी तालुक्यातील तनपूरवाडी परीक्षा केंद्रावर ही घटना घडली. सदर घटनेची माहिती मिळताच पोलिसांनी घटनास्थळी धाव घेतली. आता संबंधित नायब तहसीलदारावर नेमकी काय कारवाई होणार? याकडे सर्वांचे लक्ष लागले आहे

 डोळ्यात अश्रूंचा पाट वडीलाचे शव घरात, जड अंतःकरणाने ती पोहचली परीक्षा केंद्रात!

एका शेतकरी कन्येवर झाला आघात 

 कोठारी :- अचानक झालेल्या वडीलाच्या मृत्यूने मुलीच्या डोळ्यात अश्रूंचा पूर वाहत होता तरीही वडीलाचे शव घरात असताना तिने जड अंतःकरणाने बारावीचा पेपर सोडविला ही घटना कोठारी गावात घडली 
बारावीचा पेपर असल्याने मुलगी रात्रभर अभ्यास करीत होती  वडिलांची तब्येत अचानक बिघडली. बघताबघता विपरीत घडलं वडिलांनी शेवटचा निरोप घेतला. कुटुंबावर फार मोठ्या संकटाच आभाळ कोसळले. दुःख बाजूला ठेवले, वडिलांचा मृतदेह घरी असताना ती परीक्षा केंद्रावर पोहोचली. डोळ्यांत पाणी आणि थरथरत्या हाताने पेपर सोडविला. घरी पोहचली आणि हरबंडा फोडत दाटलेल्या अश्रृंना मोकळी वाट करून दिली. हे दृश्य बघून उपस्थितांचेही डोळे पाणावले.
बल्लारपूर तालुक्यातील कोठारी या गावात गुरुवारी हा वेदनादायी प्रसंग घडला. कोठारी येथील रहिवासी लक्ष्मण विरूटकर त्यांना तीन एकर शेती त्यावरच कुटुंबांचा उदरनिर्वाह चालवायचे. मोठ्या मुलीचे लग्न झाले. एक मुलगी आणि मुलाची जबाबदारी त्यांच्या खांद्यावर होती. पण बुधवारची रात्र त्यांच्यासाठी काळरात्र ठरली.
मुलीचे स्वप्न पूर्ण करण्यासाठी दिवसरात्र राबणारा बाप कायमचा सोडून गेला. कुटुंबावर दुःखाचा अस्मानी डोंगर कोसळले. मुलगी परी हिचा बारावीचा जीवशास्त्राचा पेपर होता. अभ्यास करतानाच तिने वडिलांना अखेरचा श्वास घेताना तिने बघितले होते. वडिलांचा मृतदेह घरी आणि दुसरीकडे बारावीचा पेपर. ती द्विधा मनस्थितीत होती तेव्हा तीच्या आईने तीला हिंमत दिली म्हणून तीने परीक्षा केंद्रावर जाऊन पेपर दिले वडिलांनी जगाचा निरोप घेतला हे दुःख बाजूला ठेवून जड अंतःकरणाने न डगमगता थरथरत्या हाताने पेपर सोडवून पेपर सुटताच ती धावतच घरी पोहचली. वडिलांच्या मृतदेहाजवळ बसून तिने हंबरडा फोडला आणि लेकीचा आक्रोश बघून उपस्थितांचेही मन गहीवरुन आले  लक्ष्मण विरूटकर यांच्यावर अंतिम संस्कार करण्यात आले. कर्ता वडील गेल्याने आता परीवरच घराची जबाबदारी आली आहे

ट्रकला दुचाकीची धडक, दुचाकीस्वार जागीच ठार 

आष्टी मार्गावरील उमरीनजीकची घटना

आष्टी (वा.) कोनसरी वरून आष्टीकडे येणाऱ्या दुचाकीस्वाराने समोरुन येणाऱ्या ट्रकला धडक दिल्याने दुचाकीस्वाराचा जागीच मृत्यू झाल्याची घटना गुरूवारी (दि.27) दुपारी 2 वाजताच्या सुमारास उमरी जवळील जिंनिंग फॅक्टरी जवळ घडली.

अमित एकनाथ चहाकाटे (23) रा. कोनसरी ता. चामोर्शी असे मृत दुचाकीस्वाराचे नाव आहे. मृत युवक अमित हा कोनसरी वरुन विठ्ठलवाडाकडे एमएच 33 वाय 5586 क्रमांकाच्या दुचाकीने जात होता. तर आष्टीकडून चामोर्शीकडे जाणाऱ्या एमएच 33 डब्ल्यू 5560 क्रमांकाच्या ट्रकला उमरी गावानजीक जिंनिंगच्याजवळ असलेल्या वळणावर समोरुन धडक दिली. यात त्याच्या डोक्याला जबर मार लागल्याने त्याचा जागीच मृत्यू झाला. घटनास्थळी पोलिसांनी पंचनामा केला. मृतदेह आष्टी येथील ग्रामीण रुग्णालयात आणून शवविच्छेदनानंतर नातेवाईकांकडे दिला. पुढील तपास आष्टीचे पोलिस निरीक्षक विशाल काळे यांच्या मार्गदर्शनाखाली सुरु आहे

बौद्धगया येथील महाबोधी महाविहारला मुक्तता द्या!
1949 चा ॲक्ट रद्द करा अहेरी बौद्ध समाज बांधवांची मागणी

तहसीलदार मार्फत राष्ट्रपती कडे निवेदन सोपविले

अहेरी:- बौद्धगया येथील महाबोधी महाविहराला मुक्तता मिळावी आणि 1949 चा बोधी टेंपल मॅनेजमेंट कमिटी (बीटीएमसी) ॲक्ट रद्द करण्यात यावी अशी मागणी करून भारताचे महामहीम राष्ट्रपती यांच्याकडे अहेरी तहसीलचे तहसीलदार बालाजी सोमवंशी यांच्या मार्फतीने बौद्ध समाज बांधवांनी गुरुवार 27 फेब्रुवारी रोजी निवेदन दिले.
    निवेदनात नमूद केले आहे की, 12 फेब्रुवारी 2025 पासून महाबोधी महाविहारात बौद्ध भिक्षू संघांनी बेमुदत आमरण उपोषणाला बसले असून त्यासाठी आमचाही पाठींबा आहे,  देशात विविध धर्माचे धार्मिक स्थळे आहेत व सर्व धर्मियांचे आप-आपले स्वतःचे ताबा आहेत. जागतिक स्तरावरचे महाबोधी महाविहाराचे बौद्ध धर्मीयांकडे  ताबा नसल्याने 1949 चा बिटीएमसी ॲक्ट रद्द करून (कारण त्यात चार बौद्ध तर पाच गैरबौद्ध आहेत) पूर्णपणे ताबा बौद्ध धर्मीयांकडे देऊन व्यवस्थापनाची जबाबदारी  बौद्ध भिक्षुंकडे सोपविण्याची एकमुखी मागणी केले आहे.
     महाबोधी महाविहाराला जागतिक स्तरावरचा इतिहास असून यूनोस्कोने महाबोधी महाविहाराला जागतिक वारसा स्थळाचा दर्जा दिला आहे. त्यामुळे रेंगाळत असलेले  व्यवस्थापनाचा जटिल प्रश्न निकाली काढून तात्काळ बौद्धगया येथील महाबोधी महाविहाराचा ताबा बौद्ध धर्मीयांकडे देण्याची मागणीचे निवेदन अहेरी तहसीलदार मार्फत भारताचे  राष्ट्रपती, देशाचे पंतप्रधान , बिहार राज्याचे राज्यपाल, बिहारचे मुख्यमंत्री यांच्याकडे सोपविण्यात आले असून तात्काळ प्रश्न मार्गी न लागल्यास तीव्र आंदोलन करण्याचा इशाराही निवेदनातून देण्यात आला आहे.
    निवेदन देताना बोधीसत्व बहुउद्देशीय  सामाजिक विकास मंडळाचे अध्यक्ष रतन दुर्गे, ज्ञान प्रसारक मंडळाचे सचिव सुरेंद्र अलोणे, रामचंद्र ढोलगे , करन दहागावकर, आशिष सूनतकर, प्रकाश दहागावकर, शिवाजी ढोलगे, संदीप ढोलगे, किशोर बुरबुरे, महेंद्र मेश्राम, संजय ओंडरे, रामदास ओंडरे, कपिल झाडे, मलयाजी दुर्गे, कपिल ढोलगे आदी व असंख्य समाज बांधव उपस्थित होते.

नेताजी सुभाषचंद्र विज्ञान महाविद्यालयात संविधान महोत्सवाचे आयोजन, संविधानावर व्याख्यान

मुलचेरा – नेताजी सुभाषचंद्र विज्ञान महाविद्यालय, मुलचेरा येथे संविधान महोत्सवाच्या निमित्ताने विशेष व्याख्यानाचे आयोजन करण्यात आले. या कार्यक्रमात संविधानाची महत्त्वपूर्ण माहिती आणि त्याचा इतिहास विद्यार्थ्यांना समजावून सांगितला गेला.
कार्यक्रमात राजे धर्मराव महाविद्यालयाचे प्राध्यापक डॉ. वेस्कडे  हे मुख्य वक्ते म्हणून उपस्थित होते. त्यांनी संविधानाच्या निर्मितीचा इतिहास, त्यातील मौलिक अधिकार, तसेच विविध अनुच्छेद याबाबत सविस्तर माहिती दिली. संविधान तयार करण्याच्या प्रक्रियेतील महत्वाच्या घटना आणि संविधानाच्या तत्त्वज्ञानावर सखोल चर्चा केली.
कार्यक्रमाचे अध्यक्ष म्हणून डॉ. रणजीत मंडल यांची उपस्थिती होती. त्यांनी संविधानापूर्वी आणि संविधानानंतरची परिस्थिती यावर भाष्य केले. तसेच, डॉ. बाबासाहेब आंबेडकर यांच्या संविधान निर्मितीसाठी केलेल्या अविरत कष्ट आणि त्यांचे कौशल्य विशद केले.कार्यक्रमाचे आयोजन महाविद्यालयातील प्राचार्य डॉ. मंडल, व्याख्याते डॉ. वेस्कडे , डॉ. शनिवारे , डॉ. पिंपळशेडे , डॉ. वाणी  यांच्या मार्गदर्शनाखाली झाले. महाविद्यालयातील शिक्षक, शिक्षकेत्तर कर्मचारी आणि विद्यार्थ्यांची मोठ्या प्रमाणावर उपस्थिती होती.
कार्यक्रमाचे संचालन पुसतोडे  यांनी केले, तर प्रास्ताविक आणि आभार प्रदर्शन डॉ. सचिन शेंडे  यांनी केले. विद्यार्थ्यांना संविधानाच्या महत्वाची आणि त्याचा समाजावर होणारा परिणाम समजावून सांगितल्यामुळे या कार्यक्रमाचे महत्त्व अधिक वाढले.
संविधान महोत्सवाच्या या कार्यक्रमामुळे विद्यार्थ्यांना संविधानाची गहन माहिती मिळाली आणि त्यांनी आपल्या देशाच्या संवैधानिक संरचनेबद्दल अधिक जाणून घेतले.

टिसीओसी कालावाधी दरम्यान 02 जहाल माओवाद्यांनी केले गडचिरोली पोलीस व सिआरपीएफ समोर आत्मसमर्पण

गडचिरोली:-

शासनाने जाहिर केले होते एकुण 18 लाख रूपयांचे बक्षिस
    एक डीव्हीसीएम (Divisional Committee Member)  व एकसदस्य पदावरील माओवाद्यांनी केले आत्मसमर्पण

शासनाने सन 2005 पासून जाहिर केलेल्या आत्मसमर्पण योजनेमुळे तसेच हिंसाचाराच्या जीवनाला कंटाळून वरिष्ठ माओवाद्यांसह अनेक जहाल माओवाद्यांनी आजपर्यंत पोलीसांसमोर आत्मसमर्पण केलेले आहे. त्याचबरोबर आत्मसमर्पित माओवाद्यांचे पोलीस दलाने पुनर्वसन घडवून आणल्यामुळे आजपर्यंत एकुण 702 माओवाद्यांनी गडचिरोली पोलीस दलासमोर आत्मसमर्पण केले आहे. आज दिनांक 27 फेब्राुवारी 2025 रोजी 01 डी.व्हि.सी.एम. दर्जाच्या वरिष्ठ महिला माओवाद्यासह 01 सदस्य असे एकुण 02 जहाल माओवादी नामे 1) कांता ऊर्फ कांतक्का ऊर्फ मांडी गालु पल्लो, (डी.व्हि.सी.एम सप्लाय टीम), वय 56 वर्षे, रा. गुडंजुर (रिट), ता. भामरागड, जि. गडचिरोली व 2) सुरेश ऊर्फ वारलु ईरपा मज्जी (दलम सदस्य, भामरागड दलम), वय 30 वर्षे, रा. मिळदापल्ली ता. भामरागड, जि. गडचिरोली यांनी गडचिरोली पोलीस व सिआरपीएफ समोर आत्मसमर्पण केले.

आत्मसमर्पित जहाल माओवादी सदस्यांबाबत माहिती
    
1) कांता ऊर्फ कांतक्का ऊर्फ मांडी गालु पल्लो
     दलममधील कार्यकाळ
    सन 1993 मध्ये मद्देड दलममध्ये भरती होवून 1995 पर्यंत काम केले.
सन 1995 ते 1998 पर्यंत उत्तर गडचिरोलीतील प्लाटुन क्र. 02 मध्ये सदस्य पदावर काम केले.
    सन 1998 मध्ये भामरागड दलममध्ये बदली होऊन सन 2001 पर्यंत सदस्य पदावर काम केले.
    सन 2001 मध्ये उप-कमांडर पदावर पदोन्नती होऊन पेरमिली दलममध्ये सन 2003 पर्यंत काम केले.
    सन 2003 मध्ये चातगाव दलममध्ये बदली होऊन सन 2006 पर्यंत उप-कमांडर पदावर काम केले.
    सन 2006 मध्ये एसीएम (Area Committee Member)पदावर पदोन्नती होऊन टिपागड दलममध्ये 2008 पर्यंत काम केले.
सन 2008 मध्ये डिव्हीसीएम (Divisional Committee Member) पदावर पदोन्नती होऊन टिपागड, चातगाव व कसनसुर दलममध्ये केएमएस (क्रांतिकारी महिला संघटन) संघटनेमध्ये 2015 पर्यंत काम केले.
    सन 2015 मध्ये माड एरीयामध्ये स्टाफ/सप्लाय टिममध्ये बदली होऊन डिव्हीसीएम पदावर आजपावेतो काम केले.

    कांता ऊर्फ कांतक्का ऊर्फ मांडी गालु पल्लो हिच्यावर आजपर्यंत एकुण 11 गुन्हे दाखल असून त्यामध्ये 07 चकमक, 01 जाळपोळ  व 03 इतर गुन्ह्रांचा समावेश आहे.

      2) सुरेश ऊर्फ वारलु ईरपा मज्जी
    दलममधील कार्यकाळ
सन 2021 मध्ये भामरागड दलममध्ये सदस्य पदावर भरती होऊन माहे सप्टेंबर 2024 पर्यंत काम केले.
    माहे सप्टेंबर 2024 मध्ये डिव्हीसीएम राजु वेलादी ऊर्फ कलमसाय (भामरागड दलम) याचा अंगरक्षक म्हणून आजपावेतो काम केले.

    सुरेश ऊर्फ वारलु ईरपा मज्जी याच्यावर 01 चकमकीचा गुन्हा दाखल असून इतर गुन्हयांत त्याच्या सहभागाची पडताळणी सुरु आहे.

    आत्मसमर्पीत होण्याची कारणे.
    गडचिरोली पोलीसांच्या सततच्या गस्तीमुळे जंगलात फिरणे कठिण झाले होते.
    नक्षल दलममध्ये अहोरात्र भटकंतीचे जीवन असल्यामुळे स्वत:च्या आरोग्याविषयी समस्या उद्भवल्यास त्याकडे काळजीपुर्वक लक्ष दिल्या जात नाही.
    चकमकीदरम्यान पुरुष माओवादी पळून जाण्यात यशस्वी होतात, मात्र महिला यात ठार मारल्या जातात.
    खबरी असल्याच्या फक्त संशयावरून आमच्याच बांधवांना ठार मारायला सांगतात.
    माओवादी दलममधील जेष्ठ माओवाद्यांकडून स्त्रीयांना भेदभावजनक वागणूक दिली जाते.
    दलममधील वरिष्ठ कॅडरचे माओवादी सांगतात की, चळवळीकरीता/जनतेकरीता पैसे गोळा करावे. प्रत्यक्षात गोळा केलेला पैसा ते स्वत:साठीच वापरतात. जनतेच्या विकासासाठी हा पैसा कधीच वापरल्या जात नाही.
    वरिष्ठ माओवादी नेते फक्त स्वत:च्या फायद्यासाठी गरीब आदिवासी युवक-युवतींचा वापर करून घेतात.

महाराष्ट्र शासनाने कांता ऊर्फ कांतक्का ऊर्फ मांडी गालु पल्लो हिच्यावर 16 लाख रूपयाचे बक्षीस जाहिर केले होते
    महाराष्ट्र शासनाने सुरेश ऊर्फ वारलु ईरपा मज्जी याच्यावर 02 लाख रूपयाचे बक्षीस जाहिर केले होत

टेम्पोत घुसवून सासुला जीवंत जाळून,जावयाने स्वतःलाही  टाकले जाळून 

मुंबई : मुंबईच्या मुलुंड भागातून हादरवणारी बातमी समोर आल आहे. मुलुंडमध्ये जावयाने सासूला जिवंत जाळल्याची धक्कादायक घटना घडली. यानंतर आरोपीने स्वतःलाही पेटवून दिले. १० वर्षांपूर्वी झालेल्या घटस्फोटासाठी सासूला जबाबदार धरत जावयाने तिला जिवंत जाळून आपला राग व्यक्त केला. सुरुवातीला पोलिसांना हा आत्महत्येचा प्रकार वाटला होता. मात्र चौकशीनंतर जावयानेच सासूची हत्या करुन स्वतःला पेटवून घेतल्याचे समोर आले. पोलिसांनी याप्रकरणाची नोंद करुन तपास सुरु केला आहे.

मुंबईच्या मुलुंड भागातील नाणेपाडा परिसरात १० वर्षांपूर्वी झालेल्या घटस्फोटाचा राग मनात धरून जावयाने आपल्या सासूला जिवंत जाळल्याची भयंकर घटना घडली. आरोपीने सासूला टेम्पोमध्ये कोंडले आणि तिच्यावर क्रूरपणे हल्ला करुन गाडी पेटवून दिली. या आगीत सासू आणि आरोपी जावई दोघांचाही मृत्यू झाला. नवघर पोलिसांनी मृत जावयाविरुद्ध खून आणि पुरावे नष्ट करण्याचा गुन्हा दाखल केला आहे. पोलिसाना सुरुवातीच्या तपासात ही आत्महत्या वाटत होती. मात्र नंतर सासूमुळे घटस्फोट झाल्याचा रागातून त्याने हे कृत्य केल्याचे प्राथमिक तपासात समोर आले.

आरोपीचे नाव कृष्णा दाजी अष्टनकर (५६) असून मृत सासूचे नाव बाबी दाजी उसरे (७२) होते. दोघांमध्ये बऱ्याच काळापासून भांडण होते. बाबी उसरे या मुलुंड पूर्वेकडील नाणेपाडा येथे त्यांच्या घटस्फोटीत मुलगी आणि २२ वर्षांच्या नातवासह राहत होत्या. टेम्पो ड्रायव्हर असलेला कृष्णा गेल्या ७-८ वर्षांपासून त्याच्या पत्नी आणि मुलांपासून वेगळा राहत होता. त्याला दारूचे व्यसन होतं आणि त्याच्या टेम्पोमध्येच राहत होता.

बाबी उसरे यांनी पत्नीला मला सोडून द्यायला सांगितले असे कृष्णाला वाटते होते. त्यामुळे त्यांच्यात वारंवार वाद होत होता. सोमवारी सकाळी आठच्या सुमारास कृष्णा उसरेंच्या घरी गेला आणि बाबी उसरे यांना रुग्णालयात घेऊन जातो असे सांगितले. तो अनेकदा त्यांच्या घरी जात होता त्यामुळे बाबी उसरे विश्वास ठेवून त्याच्यासोबत टेम्पोत बसल्या. त्याने घरापासून काही अंतरावर टेम्पो पार्क केला आणि त्याचे शटर ओढून घेत आतून कुलूप लावले. यानंतर त्याने बाबी उसरे यांच्या डोक्यात हातोड्याने वार करुन त्यांना बेशुद्ध केले.

वनौषधी आणायला जंगलात गेलेल्या इसमाचा वाघाने पाडला फडशा 

 चंद्रपूर : वनौषधी 
आणायला जंगलात गेलेल्या इसमाचा वाघाने फडशा पाड्ल्याची घटना दि २६ ला उघडकीस आली. शामराव मगाम हे वनौषधी आण्याकरिता सिंदेवाही वन परिक्षेत्रातील सिंदेवाही नियत क्षेत्र उपवन परिक्षेत्रातील कारगटा जंगलात गेले असता, अचानक वाघाने त्यांच्यावर हल्ला करून त्यांना ठार केले.

शामराव अर्जुन मगम, जटलापूर (बाडा) असे मृताचे नाव असून, २५ फेब्रुवारी रोजी दुपारी ३.३० वाजता ते जंगलात गेले होते. २६ फेब्रुवारी रोजी सकाळी ८ वाजता त्यांचे प्रेत जंगलात मिळाले. पंचनामा करून प्रेत शवविच्छेदनासाठी पाठवण्यात आली.

पंचनामा करताना वन परिक्षेत्र अधिकारी विशाल साळकर, सिंदेवाहीचे क्षेत्र सहाय्यक नितीन गडपायले, वनरक्षक आर. व्ही. धनविजय, वनरक्षक स्वप्नील चौधरी यांनी पंचनामा करून मृतदेह शवविच्छेदनासाठी ग्रामीण रुग्णालय सिंदेवाही येथे पाठविले.

मृताच्या कुटुंबीयांना वनविभागाकडून २५ हजार रुपयांची तात्काळ मदत देण्यात आली आहे. असून उर्वरित मदत २५ लाख रुपये असेल. अशी माहिती क्षेत्र सहाय्यक नितीन गडपायले यांनी दिली आहे

बुध्दगया येथील महाबोधी बुध्दविहारासाठी गडचिरोलीत 1 मार्चला धरणे आंदोलन

गडचिरोली दि.27: बुद्धगया येथील महाबोधी महाविहार हे बौद्धांच्या ताब्यात देण्यात यावे यासाठी बुद्धगया येथे सुरू असलेल्या पूज्य बौद्ध भिक्षूंच्या आंदोलनास पाठिंबा देण्यासाठी गडचिरोली येथे भारतीय बौद्ध महासभेच्या नेतृत्वात विविध आंबेडकरी व सामाजिक संघटनांच्या सहभागातून दिनांक 1 मार्च ला धरणे आंदोलनाचे आयोजन करण्यात आले आहे.
देशातील विविध धार्मिक स्थळे त्या त्या धार्मिक संस्थांच्या ताब्यात देण्यात आलेली असून बुद्धगया येथील  महाबोधी बुद्ध विहार हे अजूनही बौद्धांच्या ताब्यात देण्यात आले नाही. याकरिता गेली 50 पेक्षाही अधिक वर्षापासून भारतातील बौद्ध समाज आणि पूज्य बौद्ध भिक्षू यांनी खूप मोठ्या प्रमाणामध्ये आंदोलन चालवलेले आहे. तरीही अजूनही शासनाने सदर महाबोधी विहार हे बौद्धांच्या ताब्यात दिलेले नाही.  ही अत्यंत चुकीची व संपूर्ण भारतातील बौद्धांवर अन्याय करणारी बाब आहे.
सदर महाबोधी बुद्ध विहार हे बौद्धांच्या ताब्यात देण्यात यावे, या मागणीसाठी भारतातील पूज्य बौद्ध भिक्षुनी गेली 12 फेब्रुवारी 2025 पासून बुद्धगया येथे भव्य असे आंदोलन सुरू केले असून सदर आंदोलनास पाठिंबा देण्यासाठी गडचिरोली येथे दिनांक 1 मार्च 2025 ला भारतीय बौद्ध महासभा जिल्हा गडचिरोली यांचे नेतृत्वात विविध आंबेडकरी व सामाजिक संघटनांच्या सहभागातून भव्य धरणे आंदोलन करण्यात येत आहे.
सदर धरणे आंदोलनात भारतीय संविधान व डॉ.बाबासाहेब आंबेडकरांच्या विचारांवर आणि बौद्ध धम्मावर श्रद्धा असणाऱ्या सर्वांनी न चुकता दुपारी 11.30 वा. उपस्थित रहावे असे आवाहन भारतीय बौद्ध महासभा जिल्हा गडचिरोली, संविधान फाउंडेशन जिल्हा गडचिरोली, सम्यक समाज समिती गोकुळ नगर गडचिरोली, पंचशील बौद्ध समाज मंडळ रामनगर गडचिरोली, प्रबुद्ध बुद्ध विहार विवेकानंद नगर गडचिरोली, प्रबुद्ध विचार मंच गडचिरोली, विशाखा महिला मंडळ गोकुळ नगर, बौद्ध समाज मंडळ नवेगाव,  कॉम्प्लेक्स, इंदिरानगर, साईनगर, स्नेहनगर,  फुले वार्ड,  डॉ.बाबासाहेब आंबेडकर चौक , गणेश कॉलनी, फुले वार्ड, विसापूर कॉम्प्लेक्स, कोटगल, त्रिशरण महिला मंडळ रामनगर, संबोधी बुद्ध विहार समिती गडचिरोली आदींच्या वतीने करण्यात येत आहे.

खूदीरामपली येथे नव निर्मित मार्कंडेश्वर देवस्थान यात्रा शुभारंभ, नवा किर्तन सभा मंडपाचे लोकार्पण

खूदीरामपली: 26 फेब्रुवारी 2025 रोजी खूदीरामपली येथील नव निर्मित मार्कंडेश्वर देवस्थानच्या यात्रेचा शुभारंभ उत्साहात पार पडला. या विशेष प्रसंगी, नवा किर्तन सभा मंडपाचे लोकार्पण सोहळा भाग्यश्रीताई आत्राम (हलगेकर)यांच्या हस्ते आणि राष्ट्रवादी काँग्रेस ( श.प.गट)विभागीय अध्यक्ष शाहीन ताई हकीम यांच्या प्रमुख उपस्थितीत संपन्न झाला
या सोहळ्याला मान्यवरांचा मोठा प्रतिसाद मिळाला. उपस्थितांमध्ये प्राचार्य निखुले सर  माजी जिल्हा परिषद सदस्य ज्ञान कुमारी कौशी, संध्याताई मुगमोडे, गोबाटे ताई, माधुरीताई गोरकर, जयश्रीताई चिल्लरवार यांच्यासह मंडळाचे अध्यक्ष हरिपद दास, सचिव बिजय विश्वास, कोषाध्यक्ष परेस विश्वास, उपाध्यक्ष प्रदीप मोहनदास आणि सहसचिव मनोज दास उपस्थित होते
लोकार्पण सोहळ्यात भाग्यश्रीताई आत्राम आणि शाहीनताई हकीम यांनी विशेष योगदान दिले, ज्यामध्ये नाम कीर्तन सभा मंडपाचे बांधकाम पूर्ण करण्यासाठी आवश्यक निधी प्रदान केला. यामुळे या धार्मिक प्रकल्पाच्या पुन्हा एकदा महत्त्वाला वाव मिळाला आहे
मार्कंडेश्वर देवस्थानाच्या या नवनिर्मित सुविधेने स्थानिक आणि परिसरातील भक्तांना आध्यात्मिकदृष्ट्या समृद्ध करण्याची संधी दिली आहे. देवस्थानच्या यात्रेचा आरंभ अनेक भक्तांसाठी एक पवित्र आणि उत्साही क्षण ठरला
नवीन किर्तन सभा मंडपाच्या लोकार्पणाने स्थानिक समाजाच्या एकजुटीला आणखी बल मिळाला आहे. ही इमारत भक्तांची विविध धार्मिक उपासना आणि कीर्तनांसाठी वापरली जाणार आहे, जेणेकरून संप्रदायाच्या सर्व अनुयायांसाठी अधिक जागा आणि सुवधता उपलब्ध होईल
ही यात्रा आणि लोकार्पण सोहळा सुंदरतेने पार पडला आणि सर्व उपस्थितांनी यावेळी देवाच्या आशीर्वादांची प्राप्ती केली

मार्कंडा  देव येथील वैनगंगा नदीत बुडून एका युवकाचा मृत्यू,
 तर दोन जणांना वाचवण्यात यश 

 चामोर्शी :- मार्कंडा देव येथील महाशिवरात्री यात्रेनिमित्त आलेले 3 युवक वैनगंगा नदीपात्रात आंघोळीला गेले असता नदीत बुडून एका युवकाचा मृत्यू झाला तर दोघांना वाचवण्यात यश आले .
 सदर घटना ही दिनांक 26 फेब्रुवारी 2025 ला दुपारी 12.30 दरम्यान घडली . सविस्तर असे की , अभिषेक संतोष मेश्राम वय 24 वर्षे , जितू राजेश्वर दुर्गे वय 20 वर्षे , खुशाल सुखराम सोनवने वय 18 वर्षे हे तीघेही  रा. महाकाली वार्ड , लक्ष्मी बजाज शोरूम समोर चंद्रपूर, जिल्हा चंद्रपूर येथील रहिवासी आहेत .  हे तिन्ही युवक यात्रेनिमित्त मार्कंडादेव येथे  महाशिवरात्री यात्रेला आले होते आणि ते आंघोळीला राखीव क्षेत्र ठेवलेल्या भागात आंघोळ न करता दुसऱ्या बाजूला आंघोळीला गेले परंतु त्यांना पाण्याचा खोलीचा अंदाज आला नाही व अभिषेक संतोष मेश्राम वय 24 वर्षे याचा नदीत बुडून मृत्यू झाला . तर इतर लोकांच्या प्रयत्नांमुळे  दोन युवकांना वाचविण्यात यश आले . सदर माहिती मिळताच उपविभागीय पोलीस अधिकारी सुरज जगताप यांच्या मार्गदर्शनाखाली पोलीस निरीक्षक अतुल  कातबाने आणि इतर पोलीस पथकांनी वेळीच घटनास्थळी धाव घेऊन मृतकाला शवविच्छेदन साठी ग्रामीण रुग्णालय चामोर्शी येथे पाठवण्यात आले .

समस्त शेवटच्या भागातील गावांचा विकास हाच ध्यास -खा.डॉ, नामदेव किरसाण 

प्रधानमंत्री ग्रामसडक योजना अंतर्गत तळोधी, कुनघाडा, पावीलसनपेठ रस्त्यावर भव्य पुलिया बांधकामाचे भूमिपूजन संपन्न

गडचिरोली:-

दिनांक 26 फेब्रुवारी 2025 प्रधानमंत्री ग्रामसडक योजना अंतर्गत तळोधी कुनघाडा पाविलासनपेठ रस्त्यावर भव्य पुलिया बांधकामाचे भूमिपूजन गडचिरोली चिमूर लोकसभा निर्वाचन क्षेत्राचे खासदार डॉ नामदेव किरसाण साहेब यांच्या शुभहस्ते करण्यात आले यावेळी उपस्थित यांना खासदार महोदय यांनी मार्गदर्शन केले व गडचिरोली जिल्ह्यातील तमाम शेवटच्या जंगलव्याप्त व अती दुर्गम भागाचा सर्वांगीण विकास हाच ध्यास असे प्रतिपादन केले यावेळी प्रमुख पाहुणे भारतीय राष्ट्रीय काँग्रेस पक्षाचे जिल्हाध्यक्ष महेंद्र भाऊ ब्राह्मणवाडे काँग्रेस नेते मनोहर पाटील पोरेटी, सतिश भाऊ विधाते, अनिल कोठारे, वसंतराव राऊत, नेताजी गावतुरे, रजनीकांत मोटघरे, रुपेश टिकले सुनील चडगुलवार, विपुल येलेट्टीवार,गौरव येलेट्टीवार,सरपंच सौ मेश्राम ताई , संबंधित विभागाचे अभियंता व तळोधी,कुनघाडा पावीलसनपेठ भागातील शेकडो नागरिक बंधू भगिनी पदाधिकारी कार्यकर्ते मोठ्या संख्येने उपस्थित होते,

वैनगंगा नदीच्या पाण्यात बुडून तीन सख्या बहीणीचा करुन अंत 

महाशिवरात्री निमित्त आल्या होत्या आंघोळीसाठी 

गडचिरोली:-

वैनगंगा नदीच्या पात्रात आंघोळीसाठी उतरलेल्या तीन सख्या बहीणी पाण्याचा अंदाज न आल्याने खोल पाण्याच्या डोहात बुडून मरण पावल्या सदर घटना आज दि २६ फेब्रुवारी महाशिवरात्रीच्या दिवशी दुपारी १.३० वाजताच्या सुमारास व्याहाळ येथे नदी पात्रात घडली 
मृतक मुली ह्या बाबुपेठ चंद्रपूर येथील असून प्रतिमा प्रकाश मंडल वय २३, कविता प्रकाश मंडल वय २२,लिपीका प्रकाश मंडल वय १९ असे त्यांचे नावे आहेत 
चंद्रपूर (बाबुपेठ )वरुन ५ लोक महाशिवरात्रीच्या निमित्ताने वैनगंगा नदीत व्याहाड ला आले होते आंघोळ करीत असताना तिन बहीणी बुडाल्या त्याना वाचविण्यासाठी एक महीला गेली मात्र तीही वाहून जात असताना एका खडकाला पकडून एक तास तीथेच राहीली तसेच एक लहान मुलगा सुध्दा पाण्यात होता त्याला त्याच्या सोबत आलेल्या काकाने पाण्याबाहेर बाहेर काढले 
सावली पोलीस स्टेशन ला माहीती मिळताच बचाव करण्यासाठी पोलीस सरसावले व खडकाला पकडून असलेल्या महीलेला सुखरुप बाहेर काढले 
सावली पोलीस स्टेशन अधिकारी प्रदिप पुल्लरवार,मोहण दासरवार,केवल तुरे, राहुल कुमरेटी यांनी बोटीच्या सहाय्याने मृतक तीनही बहीणीचे शव शोधण्याचे काम करीत आहेत

मार्कंडा (कं) वनपरिक्षेत्रातील क्षेत्र सहाय्यकाविरोधात ग्रामस्थांत रोष, निलंबित करण्याची मागणी 

चामोर्शी : तालुक्यातील मार्कंडा (कं) वन परिक्षेत्राअंतर्गत येत असलेल्या विजयनगर, गांधीनगर, कालीनगर या गावातील नागरिकांनी क्षेत्र सहायकाविरुद्ध २४ फेब्रुवारी रोजी तक्रार केली आहे. वन कायद्याच्या आडून क्षेत्र सहायक मारहाण करून धमकावत असल्याचे पुरावे या तक्रारीसोबत दिले आहेत. राष्ट्रीय मानवाधिकार संघटनेचे प्रदेशाध्यक्ष डॉ. प्रणय खुणे यांच्याकडे या भागातील नागरिकांनी निवेदन देऊन गंभीर आरोप केले आहेत. यावेळी विजयनगर येथील अनेक नागरिकांनी एकत्रित येऊन शेकडो नागरिकांच्या सहीनिशी निवेदन दिले. वनक्षेत्र सहाय्यक रमेश बानोत यांच्याविरुद्ध सदरील तक्रार आहे. 'बानोत हटाव विजयनगर बचाव' असा नारा नागरिकांनी दिला व  वनक्षेत्र सहाय्यकास निलंबित करण्याची मागणी नागरिकांनी केली. वनविभागाच्या अधिकाऱ्यांनी या समस्येकडे लक्ष देण्याची मागणी आहे.
यावेळी प्रदेश उपाध्यक्ष भारत खटी, राहुल झोडे, ज्ञानेंद्र विश्वास, जावेद सैयद, मनीषा मडावी, रमेश अधिकारी, नानू उपाध्ये, कृष्णा वाघाडे, भीमराव वनकर हजर होते.

घरकुलाचे दुसरे बिल काढण्यासाठी ग्रामसेवकाने घेतली विस हजार रुपयांची लाच 

सावली:-

  घरकुलाच्या दुसऱ्या हफ्त्यासाठी २० हजार रुपयांची लाच स्वीकारणाऱ्या ग्रामसेवकाला लाचलुचपत प्रतिबंधक विभागाने रंगेहात अटक केली. ही कारवाई २५ फेब्रुवारी रोजी सावली तालुक्यातील लोंढोली गावात करण्यात आली.

तक्रारदाराच्या वडिलांच्या नावावर प्रधानमंत्री आवास योजनेचे घरकुल मंजूर झाले होते. एकूण १.२० लाख रुपये अनुदानापैकी १५ हजार रुपयांचा पहिला हफ्ता प्राप्त झाला होता. लाभार्थ्याचा मुलगा आणि तक्रारदार स्वतः या घरकुलाचे काम पाहत होते. याच घरकुलाच्या दुसऱ्या हफ्त्याच्या ७० हजार रुपयांच्या मंजुरीसाठी ग्रामसेवक चंद्रशेखर केशव रामटेके यांनी २० हजार रुपयांची लाच मागितली.

तक्रारदाराला लाच देण्याची इच्छा नसल्याने त्यांनी लाचलुचपत प्रतिबंधक विभागात (ACB) तक्रार दाखल केली. प्राथमिक चौकशीत तडजोडीनंतर ग्रामसेवकाने आधी १० हजार आणि उर्वरित १० हजार नंतर घेण्याची तयारी दर्शविली. २५ फेब्रुवारी रोजी पंचासमक्ष ग्रामसेवक रामटेके यांनी १० हजार रुपयांची लाच स्वीकारली. त्याच वेळी लाचलुचपत प्रतिबंधक विभागाने त्यांना रंगेहात पकडले.

ग्रामसेवक चंद्रशेखर रामटेके यांच्याविरुद्ध सावली पोलीस ठाण्यात गुन्हा दाखल करण्यात आला आहे. ही कारवाई पोलीस अधीक्षक दिगंबर प्रधान, अप्पर पोलीस अधीक्षक संजय पुरंदरे यांच्या मार्गदर्शनाखाली पोलीस उपअधीक्षक मंजुषा भोसले यांच्या नेतृत्वात करण्यात आली. या मोहिमेत नरेशकुमार नन्नावरे, हिवराज नेवारे, प्रदीप ताडाम, पुष्पा काचोळे व संदीप कौरासे यांनी सक्रिय सहभाग घेतला.

विस्तार अधिकारी प्रभाकर बारसिंगे यांचा सेवानिवृत्ती पर सत्कार 

गडचिरोली:-

स्थानिक कन्नमवार  वार्ड नंबर 17 गडचिरोली  येथे दिनांक  20/02/2025 रोजी शेजारी मित्रपरिवार मंडळातर्फे श्री प्रभाकर बारसिंगे यांच्या  सेवानिवृत्ती  कार्यक्रमाचे आयोजन करण्यात आले होते कार्यक्रमाचे अध्यक्ष प्रा डॉ रमेश सोनटक्के  ,प्रमुख अतिथी प्रा  शेषराव येलेकर ,श्री विठ्ठलराव साखरे ,श्री दिगंबर पिल्लेवान, मंचावर उपस्थित होते श्री प्रभाकर बारशिंगे हे 1986 ला प्रायमरी शिक्षक नियुक्त झाले तर ते विस्तार अधिकारी या पदावरून ते 31 जानेवारी 2025 ला सेवानिवृत्त झाले ते कन्नमवार वार्ड 17 मध्ये  राहत असून त्यांच्या मनमिळाऊ स्वभावामुळे शेजाऱ्यांमध्ये एक कौटुंबिक संबंध निर्माण झाल्यामुळे  सेवानिवृत्त शेजाऱ्यांचा सत्कार करण्याची अनोखी परंपरा या वार्डातील लोकांनी निर्माण केली असल्यामुळे श्री प्रभाकर बारशिंगे यांचा शाल श्रीफळ व भेटवस्तू व त्यांचा मुलगा सिद्धांत व विभास यांना भेटवस्तू  देऊन सहपरिवार सत्कार करण्यात आला या कार्यक्रमाच्या अध्यक्षीय भाषणातून डॉ रमेश सोनटक्के  यांनी वार्डातील विविध जाती धर्माचे व संस्कृतीचे लोकांचे एकमेकांशी कौटुंबिक संबंध प्रस्थापित व्हावे व जातीय सलोखा समन्वय व प्रेम निर्माण होऊन यातून सामाजिक स्वास्थ सुदृढ राहावे हा मुख्य उद्देश या सत्कारामागील आहे असे विचार व्यक्त केले प्रा शेषराव येलेकर   ,प्रा सौ संध्या येलेकर, सिद्धांत बारशिंगे, चि. आभास बारशिंगे , श्री सचिन लसुंते श्री विकी लसुंते या सर्वांनी आपले विचार व्यक्त केले सत्कारमूर्तींनी आपल्या भाषणातून सर्वांना भावुक करून मी सदैव आपल्या ऋणामध्ये व आपल्या अंतकरणांमध्ये जे मी स्थान  निर्माण केले आहे ते कायम राहील व जे प्रेम आपण मला दिले त्याबद्दल सर्वांचे आभार व्यक्त केले या कार्यक्रमाचे आयोजन व जेवणाची व्यवस्था वार्डातील सर्व महिला मंडळ  प्रा सौ  संध्या येलेकर, सौ ज्योती सोनटक्के, सौ अंजू पिल्लेवान, सौ.कालीनदिनी साखरे ,सौ वैशाली लसुंते , यांनी केले कार्यक्रमाचे प्रास्ताविक व संचालन श्री दिगंबर पिल्लेवान यांनी तर आभार प्रदर्शन प्रा. संध्या येलेकर यांनी केले

तालुका रक्तदूतपदी प्रशांत गावडे यांची नियुक्ती

प्रमोद झरकर   उपसंपादक वैनगंगा वार्ता  गड़चिरोली मो. न. ९३२५७६६१३४

गडचिरोली जिल्ह्यातील जनहित ग्रामीण विकास बहुद्देशीय संस्था, येणापुर द्वारा संचालित रक्तदाता शोधमोहीम व जनजागृती अभियान अंतर्गत प्रशांत प्रकाश गावडे यांची चामोर्शी तालुका रक्तदूत म्हणून निवड करण्यात आली आहे.
    संस्थेच्या माध्यमातून गेल्या अनेक वर्षांपासून रक्तदान जनजागृती व रक्तदाता नेटवर्क निर्माण करण्याचे कार्य सातत्याने केले जात आहे. याच अभियानाला अधिक बळ मिळावे आणि तालुका स्तरावर रक्तदान चळवळीला गती द्यावी, या उद्देशाने प्रशांत गावडे यांना तालुका रक्तदूत म्हणून जबाबदारी सोपवण्यात आली आहे.
  संस्थेच्या अध्यक्षा तथा संचालिका सौ. सुनीताताई बंडावार यांनी त्यांना नियुक्तीपत्र प्रदान केले. यावेळी त्यांनी सांगितले की, “रक्ताचा तुटवडा भरून काढण्यासाठी युवकांनी पुढे येण्याची गरज आहे. प्रशांत गावडे यांच्या नेतृत्वाखाली तालुक्यात रक्तदान चळवळ अधिक प्रभावीपणे राबवली जाईल, असा विश्वास आहे.”

तालुका रक्तदूत म्हणून प्रशांत गावडे यांच्यावर रक्तदाता नेटवर्क तयार करणे, रक्तदान शिबिरे आयोजित करणे आणि रक्तदानाविषयी जनजागृती वाढवणे या जबाबदाऱ्या राहतील.

"रक्तदान - सर्वश्रेष्ठ दान!"

कसनसुर येथील अवैध मुरूम उत्खनन आंदोलनाचा 11 वा दिवस, प्रशासनाच्या निष्क्रियतेचा निषेध आंदोलन तीव्र होणार 

गडचिरोली: जिल्ह्यातील कसनसूर वनपरिक्षेत्रात सुरू असलेल्या अवैध मुरूम उत्खनन प्रकरणावरून संतप्त प्रतिक्रिया उमटत असून, सामाजिक कार्यकर्ते  मुकेश वामन कावळे यांच्या नेतृत्वाखालील आंदोलनाचा आज 11 वा दिवस आहे. प्रशासनाने अद्याप कोणतीही ठोस कारवाई केली नसल्याने आंदोलन आणखी तीव्र करण्याचा इशारा देण्यात आला आहे.

गेल्या वर्षी 10 ऑक्टोबर 2024 रोजी मुकेश कावळे यांनी उपोषण केले होते, त्यावेळी अधिकाऱ्यांनी 3 महिन्यांत कठोर कारवाईचे लेखी आश्वासन दिले होते. मात्र, तीन महिने उलटूनही संबंधित अधिकाऱ्यांवर कोणतीही कारवाई झाली नाही. उलट, वन विभागाच्या प्रधान सचिवांनी मुख्य वनसंरक्षक, गडचिरोली यांना अवैध उत्खनन प्रकरणात 3 दिवसांत कठोर कारवाईचे आदेश दिले होते. मात्र, 11 दिवस उलटूनही या आदेशाची अंमलबजावणी करण्यात आलेली नाही.

गडचिरोली जिल्ह्यातील मोठ्या प्रमाणावर अवैध मुरूम उत्खनन होत असून, या प्रकरणात वन विभागाच्या अधिकाऱ्यांचे कंत्राटदारांशी संगनमत असल्याचा आरोप केला जात आहे. शासनाचा कोट्यवधी रुपयांचा महसूल बुडत असूनही, वरिष्ठ अधिकाऱ्यांनी या प्रकरणाकडे दुर्लक्ष केल्यामुळे आंदोलनकर्त्यांमध्ये संतापाची लाट उसळली आहे.
जर प्रशासनाने यापुढेही दुर्लक्ष केले, तर आंदोलन आणखी तीव्र केले जाणार आहे. याबाबत आंदोलनकर्त्यांनी पुढील टप्प्यांची घोषणा केली आहे.
25 फेब्रुवारी – अर्धनग्न ढोल बजाओ आंदोलन. 26 फेब्रुवारी – मुंडन ढोल बजाओ आंदोलन. 3 मार्चपासून – नागपूर (वन भवन) येथे प्रधान मुख्य वनसंरक्षक कार्यालयासमोर आमरण उपोषण
दोषी अधिकाऱ्यांना निलंबित करून त्यांच्यावर कठोर फौजदारी कारवाई करावी. शासनाच्या नैसर्गिक संसाधनांची लूट करणाऱ्या अधिकाऱ्यांना निलंबित करून न्यायालयीन चौकशी सुरू करावी. दोषी कंत्राटदारांवर वनगुन्हे नोंदवून, त्यांच्यावर न्यायालयात फौजदारी खटले दाखल करावेत. प्रधान सचिवांच्या आदेशांची तातडीने अंमलबजावणी करावी आणि दोषींना कठोर शिक्षा व्हावी.
या प्रकरणावर भाष्य करताना सामाजिक कार्यकर्ते व पत्रकार मुकेश वामन कावळे यांनी संबंधित विभागाला तातडीने हस्तक्षेप करण्याचे आवाहन केले आहे. “जर शासनाच्या अधिकाऱ्यांचे आदेशही अंमलात आणले जात नसतील, तर हा अधिकारांचा दुरुपयोग आहे. आम्ही हा अन्याय सहन करणार नाही. प्रशासनाने जर कारवाई केली नाही, तर जनतेसह मोठ्या प्रमाणात लढा उभारला जाईल.”
आता सरकार आणि प्रशासन यावर काय निर्णय घेते, हे पाहणे महत्त्वाचे ठरणार आहे!

गुन्ह्यातील नाव वगळण्यासाठी मागीतली १० हजार रुपयांची लाच  मात्र  पोलीस उपनिरीक्षक सापडला लाप्रवीच्या जाळ्यात 

भिवंडीः कोनगाव पोलीस ठाणे हद्दीतील एका गुन्ह्यातील आरोपीचे नाव वगळण्यासाठी कोनगाव पोलीस ठाण्याचे पोलीस उपनिरीक्षकाने आरोपीकडून १० हजार रुपयांची लाच स्वीकारताना ठाणे लाचलुचपत प्रतिबंधक विभागाने पोलीस अधिकाऱ्यास रंगेहाथ पकडले
त्याच्यावर कोनगाव पोलीस ठाण्यात गुन्हा दाखल केला असून, त्यास अटक करण्यात आली आहे. राजेश केशवराव डोंगरे (३४) असे अटक केलेल्या पोलीस अधिकाऱ्याचे नाव आहे.

मिळालेल्या माहितीनुसार, एका दाखल गुन्ह्यातील आरोपीचे नाव वगळण्यासाठी पोलीस उपनिरीक्षक राजेश डोंगरे याने आरोपीकडून प्रथम ८० हजार रुपयांची लाच स्वरूपात मागणी केली. नंतर तडजोडीअंती २५ हजार रुपये देण्याचे ठरले. दरम्यान, याची तक्रार आरोपीने ठाणे लाचलुचपत प्रतिबंधक विभागाकडे २० फेब्रुवारी रोजी केली होती. त्यानुषंगाने संबंधित विभागाने वरिष्ठांच्या आदेशानुसार, २२ फेब्रुवारी रोजी सापळा लावून कारवाई केली. डोंगरे याला पडताळणी वेळी १० हजार रुपये लाच स्वीकारताना ठाणे लाचलुचपत प्रतिबंधक विभागाने पंचांसमक्ष रंगेहाथ पकडले. त्याला ताब्यात घेऊन त्याच्याविरोधात कोनगाव पोलीस ठाण्यात गुन्हा दाखल करून अटक केली आहे. दरम्यान, डोंगरेला रविवारी सकाळी न्यायालयात हजर केले असता, दोन दिवसांची पोलीस कोठडी सुनावण्यात आली आहे

वडील घरात असताना तरुणीवर चाकुने वार करून केली हत्या 

हिंगोली:-

 तू माझी जिंदगी बरबाद केली, असे म्हणत संजना गजानन खिल्लारी वय १९ या तरुणीच्या छातीवर व पोटावर चाकूने वार करीत तिला ठार मारल्याची घटना २० फेब्रुवारी रोजी दुपारी ४ वाजेच्या सुमारास सेनगाव तालुक्यातील गोरेगाव येथे घडली.

घटनेने परिसरात खळबळ उडाली असून, पोलिसांनी आरोपीला ताब्यात घेतले आहे. या प्रकरणी गुरुवारी रात्री उशिरा गुन्हा दाखल झाला आहे.
२० फेब्रुवारी रोजी दुपारी चार वाजेच्या सुमारास संजना आपल्या राहत्या घरी वरच्या माळ्यावरील खोलीत होती. त्यावेळी आरोपी अभिषेक संजय खिल्लारी याने घराच्या दारावर बसलेल्या तिच्या वडिलांना संजना कुठे आहे, असे विचारत घरामध्ये प्रवेश करत वरील खोलीमध्ये गेला. तू माझी जिंदगी बरबाद केली. तू तुझे आई व काकास परवा दिवसाच्या बद्दल का सांगितले, असे म्हणत आरोपीने संजनावर चाकूचे वार केले. संजना जोराने ओरडत गॅलरीत गेली. तेथेही पाठीमागून येत पुन्हा चाकूचे वार केले. घटनेनंतर आरोपीने तेथून पळ काढला. संजनाचा आरडाओरडा ऐकून तिचे वडील वरच्या खोलीत गेले असता संजना रक्ताच्या थारोळ्यात पडली होती. शेजारी ग्रामस्थांच्या मदतीने तिला तत्काळ दुचाकीने प्राथमिक आरोग्य केंद्रात नेण्यात आले. मात्र, डॉक्टरांनी तपासणी केल्यानंतर तिचा मृत्यू झाल्याचे घोषित केले. या घटनेने एकच खळबळ उडाली आहे. प्राथमिक आरोग्य केंद्रात नागरिकांची मोठी गर्दी जमली होती.
घटनास्थळावरून पसार झालेला आरोपी युवक काही वेळात स्वतः पोलिसांच्या स्वाधीन झाल्याची चर्चा होती. याबाबत विचारणा केली असता केंद्रा बु. कडे जाणाऱ्या रस्त्यावरून दुचाकीने पसार होत असताना आरोपीला ताब्यात घेतल्याची माहिती फौजदार नितेश लेंगुळे यांनी दिली.

 घटनेची माहिती मिळताच अपर पोलिस अधीक्षक अर्चना पाटील, उपविभागीय पोलिस अधिकारी सुरेश दळवे यांनी घटनास्थळाला भेट दिली. शवविच्छेदन व अंत्यसंस्कारानंतर अशोक मारोती खिल्लारी यांच्या फिर्यादीवरून गोरेगाव पोलिस ठाण्यात अभिषेक संजय खिल्लारी याच्याविरुद्ध खुनाचा गुन्हा दाखल करण्यात आला आहे. सहायक पोलिस निरीक्षक विनोद झळके तपास करीत आहेत.

चपराळा येथील भव्य महाशिवरात्री यात्रा उत्सवाचे माजी जिल्हा परिषद सदस्य रुपाली पंदिलवार यांच्या हस्ते उद्घाटन 

चामोर्शी: तालुक्यातील आष्टी शहरापासून जवळच असलेल्या प. पु. कार्तिक स्वामी महाराज प्रशांत धाम चपराळा येथे दरवर्षी महाशिवरात्रीला मोठी यात्रा भरते. येथील यात्रेकरीता तेलंगणा राज्यासह महाराष्ट्रील भाविक दर्शनासाठी येतात. आज दिनांक २४ फेब्रुवारी पासून सुरू होणाऱ्या यात्रेचे उद्घाटन आष्टी - ईल्लूर जिल्हा परिषद क्षेत्राच्या माजी जिल्हा परिषद सदस्या रुपाली पंदिलवार यांच्या हस्ते करण्यात आले. महाशिवरात्रीच्या पहिल्या दिवसापासून सलग चार दिवस महाशिवरात्री उत्सव असते त्याकरिता यात्रेदरम्यान यात्रेकरूंच्या सुविधेसाठी आष्टी, चामोर्शी, गोंडपिपरी, अहेरी येथून राज्य परिवहन महामंडळाच्या बसेसची सुविधा आहे तरी भाविकांनी प. पु. कार्तिक स्वामी महाराजांच्या समाधी स्थळाला भेट देऊन महाराजांचे दर्शन घ्यावे असे आवाहन माजी जिल्हा परिषद सदस्या रुपाली पंदिलवार यांनी उद्घाटनप्रसंगी केले. यावेळी हनुमान मंदिर प्रशांत घाम चपराळाचे अध्यक्ष संजय पंदिलवार, रामचंद्र बामणकार यांच्यासह मंदिराचे पदाधिकारी व भाविक भक्त उपस्थित होते.

विहीरीची दरड कोसळून एक मजूर ठार

 धानोरा, दि.23 : शेतशिवरात विहीर बांधकाम करतांना दरड कोसळल्याने एका कामगाराचा मृत्यू झाल्याची घटना धानोरा तालुक्यातील पनेमारा येथे शुक्रवारी घडली. वसंत बुधेसिंग फाफामारिया (अंदाजे वय 38) रा. बेलगाव आहे मृतकाचे नाव आहे. पन्नेमारा येथील लछ्चन तुलावी यांच्या शेतात महाराष्ट्र रोजगार हमी योजना अंतर्गत विहिरीचे बांधकाम सुरु आहे. खोदकाम केलेल्या विहिरीत रिंग टाकण्याचे काम सुरु होते. अचानक वरच्या बाजूने मातीची दरड कोसळल्याने मातीमध्ये तिन मजुर सापडले. बांधकाम करीत असलेल्या तीन मजुरांपैकी वसंतच्या कपाळावर काँक्रीटचा मार लागला आणि वरून मातीचा ढिगारा कोसळल्याने तो मांडीपर्यंत विहिरीच्या आत दबल्या गेला. यावेळी त्याच्या बाजूला असलेले दोन मजूर सामू मालिया व संदीप पोयाम यांनी लगेच पावड्याने माती ओढून त्याला बाहेर काढले असता वसंत हा पूर्णता बेशुद्ध अवस्थेत आढळला. विहिरीच्या काठावर असलेल्या मजुराच्या साह्याने त्याला वर काढण्यात आले व तात्काळ प्राथमिक आरोग्य केंद्र मुरुमगाव येथे उपचारासाठी नेण्यात आले. डॉ. राहुल बनसोड यांनी तपासून मृत घोषित केले व पोलीस विभागाशी संपर्क साधून घटनेची माहिती दिली. पोलिसांनी उत्तरीय तपासणी करिता मृतदेह शवविच्छेदनासाठी धानोरा येथे पाठविण्यात आले.
मृतक वसंत फाफामारिया या मजुराच्या मृत्यूला जबाबदार कोण असा प्रश्न परिसरातील नागरिक विचारत असून मृतक मजुराला नुकसान भरपाई कोण आणि कुठून दिली जाणार असा सुद्धा प्रश्न विचारीत आहेत. घरचा कर्ता पुरुष गेल्याने कुटुंबावर शोककळा पसरली आहे.

घटनेनंतर MRGS चे पं. स.अभियंता खराटे यांच्याशी संपर्क साधला असता संपर्क होऊ शकला नाही.
घटनेची सखोल चौकशी करण्यात यावी व मृतक मजुराकडे MRGS योजनेचे जॉब कार्ड असून त्याच्या पश्चात पत्नी, दोन मुले, एक मुलगी असा आप्त परिवार आहे, कुटुंबाला शासनाकडून आर्थिक मदत देण्यात यावी अशी मागणी सरपंच शिवप्रसाद गवर्णा यांनी केली आहे.

 स्वतःवर गोळी झाडून पोलीस जवानाची आत्महत्या

धानोरा पोलीस स्टेशन मधली घटना

गडचिरोली:-
धानोरा पोलिस स्टेशन येथे कार्यरत केंद्रीय रिजर्व फोर्स दलातील पोलीस जवान यांनी आज सकाळी दहा वाजता दरम्यान स्वतःवर गोळी झाडून आत्महत्या केल्याची घटना घडली आहे. मृतक पोलीस जवानाचे  नाव गिरिराज रामनरेश किशोर ( वय ३० वर्ष) आहे.मृतक पोलीस जवान गिरिराज रामनरेश किशोर आग्रा येथील रहिवासी आहेत.

मागील वर्षी आक्टोंबर महिन्यात ते धानोरा पोलीस स्टेशनला जाईन झाले होते त्यानंतर त्यांना जानेवारी महिन्यात पुणे येथे अटॅचमेंट ड्यूटी वर पाठवल्या गेले होते.ते काल रविवारला सायंकाळी धानोरा येथे परत आले होते.

आज धानोरा पोलीस स्टेशनमध्ये सकाळी दहा वाजता जवानाने स्वतःवर बंदुकीतुन गोळ्या झाडून आत्महत्या केल्याचे निदर्शनास आले.त्यांना धानोरा येथील ग्रामीण रुग्णालयात  भरती केले असता डॉक्टरांनी त्यांना मृत घोषित केले. पुढील तपास सुरू आहे. सदर पोलीस जवानाने स्वतःच्या बंदुकीतून गोळ्या झाडून आत्महत्या नैराश्यपोटी व ताण तणावातून केल्याचे बोलल्या जात आहे

नगरसेवकाच्या आमरण उपोषणाला राष्ट्रवादी काँग्रेस विभागीय अध्यक्ष शाहीनभाभी हकीम यांचा पाठींबा 

अहेरी:-
अहेरी तालुक्यातील अहेरी येथे नगरसेवक यांनी आमरण उपोषण सुरू केले आहे त्याला राष्ट्रवादी काँग्रेस विभागीय अध्यक्ष शाहीनभाभी हकीम यांनी जाहीर पाठिंबा दिला आहे 
 अहेरी येथील मुख्य चौकातील रोड  व अन्य सामान्य जनतेच्या ज्वलंत समस्यांवर लक्ष वेधण्यासाठी नगरसेवक अमोल मुक्कावार यांनी गांधी चौकात उपोषण सुरू केले आहे. या उपोषणाद्वारे त्यांनी अहेरीतील विविध समस्यांवर प्रशासनाचे लक्ष वेधण्याचा प्रयत्न केला आहे

राष्ट्रवादी काँग्रेस विभागीय अध्यक्ष शरदचंद्र पवार साहेब गट शाहीन ताई हकीम यांनी उपोषण स्थळी भेट देऊन नगरसेवक अमोल मुक्कावार यांच्या मागणीला जाहीर पाठिंबा दर्शविला. त्यांच्या या पाठिंब्यामुळे उपोषणाला अधिक बळ मिळाले आहे

अशा उपोषणांच्या माध्यमातून स्थानिक प्रशासनावर दबाव निर्माण करणे आणि जनतेच्या समस्यांवर लक्ष वेधणे महत्त्वाचे असते. या उपोषणामुळे अहेरीतील समस्यांवर प्रशासनाचे लक्ष वेधले जाईल, अशी आशा राष्ट्रवादी काँग्रेस विभागीय अध्यक्ष शाहीन ताई हकीम यांनी व्यक्त केले

अवघ्या दोन दिवसात डॉ बाबासाहेब आंबेडकर यांच्या बाबतीत आक्षेपार्ह लिखाण करणाऱ्यांना समाजकंठकांना पोलीसांनी केले जेरबंद 

आष्टी:-

पोलीस स्टेशन आष्टी हद्दीमधील मौजा सोमनपल्ली व दुर्गापूर येथे गेल्या काही दिवसांपासून अज्ञात समाजकंटकांद्वारे विकृत पद्धतीने  डॉ बाबासाहेब आंबेडकर यांच्या बाबतीत आक्षेपार्ह लिखाण,मानवी अवयवांची चिन्हे, आकृत्या काढल्याचे निदर्शनास आल्यानंतर सदर प्रकरणाचा आष्टी पोलीसांकडून तपास सुरु होता. यादरम्यानच दिनांक 21/02/2025 रोजी मौजा सोमनपल्ली येथील सार्वजनिक बस थांब्यावरील शेडच्या पत्र्यावर डॉ. बाबासाहेब आंबेडकर यांचे विषयी अवमानजनक व आक्षेपार्ह मजकूर लिहिला असल्याचे परिसरातील नागरिकांनी पोलीसांना कळविले होते. घटनेची माहिती मिळताच आष्टी पोलीसांनी तात्काळ घटनास्थळी दाखल होऊन घटनेची माहिती वरिष्ठांना कळविली होती. यानंतर घटनेचे गांभीर्य लक्षात घेऊन तातडीने गुन्हा दाखल करुन तपास सुरु करण्याचा आदेश पोलीस अधीक्षक श्री. नीलोत्पल यांनी आष्टी पोलीसांना दिला होता.

तपासादरम्यान उपविभागीय पोलीस अधिकारी अहेरी श्री. अजय कोकाटे यांच्या मार्गदर्शनाखाली पोनि. विशाल काळे, पोस्टे आष्टी, पोनि. अरुण फेगडे, स्थागुशा गडचिरोली यांच्या नेतृत्वात पोलीस स्टेशन आष्टी व स्थानिक गुन्हे शाखा गडचिरोली येथील अधिकारी व अंमलदारांची एकूण 10 तपास पथके तयार करण्यात आली होती. पथकांनी केलेल्या तपासामध्ये निदर्शनास आले की, आसपासच्या 10 कि.मी. हद्दीतील परिसरात सदर घटनेमध्ये वापरण्यात आलेल्या काळ्या रंगाच्या शाईसारख्याच शाईने विविध अश्लील आकृत्या अज्ञातांद्वारे मागील तीन दिवसांपासून बनविल्या जात आहेत. पोलीस पथकांनी आष्टी व चामोर्शी हद्दीतील अनेक गावांना भेट देऊन मिळविलेल्या गोपनिय माहिती व तांत्रिक पुराव्यांच्या आधारे इसम नामे सुमित जगदिश मंडल, वय 18 वर्षे रा. दुर्गापूर ता. चामोर्शी जि. गडचिरोली याने व एक अल्पवयीन आरोपी यांनी सोमनपल्ली बस थांब्यावर सदर आक्षेपार्ह मजकूर लिहिला असल्याचे पोलीसांना समजले. पोलीसांनी तातडीने सदर आरोपींना ताब्यात घेऊन गुन्ह्राविषयी अधिक विचारणा केली असता, आपल्याकडून सदर कृत्य घडल्याचे आरोपींनी कबुल केले आहे. मानसिक विकृतीतून सदर आरोपीतांनी हे कृत्य केले असल्याचे लक्षात येते आहे. आष्टी पोलीसांकडून आरोपी सुमित जगदिश मंडल याला अटक करण्याची प्रक्रिया सुरु असून अल्पवयीन आरोपीस बाल न्याय मंडळासमोर हजर करण्यात येणार आहे. गुन्ह्राचा अधिक तपास पोस्टे आष्टीचे पोनि. विशाल काळे हे करीत आहेत.

सदर गुन्ह्याचा तपास पोलीस अधीक्षक श्री. नीलोत्पल, अपर पोलीस अधीक्षक (अभियान) श्री. यतिश देशमुख, अपर पोलीस अधीक्षक (प्रशासन) श्री. एम. रमेश, उपविभागीय पोलीस अधिकारी अहेरी श्री. अजय कोकाटे यांच्या मार्गदर्शनाखाली पोस्टे आष्टीचे पोनि. विशाल काळे, स्थागुशा गडचिरोलीचे पोनि. अरुण फेगडे, सपोनि. भगतसिंग दुलत, सपोनि. राहुल आव्हाड, पोस्टे आष्टीचे सपोनि. मदन म्हस्के, पोउपनि. मनोज जासूद, पोउपनि. सोमनाथ पवार, पोउपनि. दयाल मंडल, पोउपनि. काशिनाथ शेडमाके, मपोउपनि. प्रतिक्षा वनवे, पोस्टे आष्टी व स्थागुशा गडचिरोलीचे अंमलदार यांनी केला आहे. सामाजिक सलोख्याचा विचार करुन अशा प्रकारचे कोणतेही कृत्य जिल्ह्रातील नागरिकांकडून करण्यात येऊ नये, अन्यथा कायदेशीर कारवाई करण्यात येईल असे आवाहन गडचिरोली पोलीसांनी केले आहे

राहत्या घराला लागली आग, घरातील साहित्य व दोन  दुचाकी स्वाहा 

कमलापूर :-

 सकाळच्या सुमारास घरातील सर्व मंडळी आपआपल्या कामात व्यस्त असतांना एकाएक घराला आग लागली, यात घरात ठेवलेल्या पेट्रोलचा भडका उडाल्याने दोन दुचाकींसह संपूर्ण घर जळून खाक झाल्याची घटना शनिवारी, (दि.22) सकाळी 10 वाजताच्या सुमारास अहेरी तालुक्यातील कमलापूर येथे घडली.

सविस्तर वृत्त असे की, कमलापूर येथील महेश गादासवार हे कुटूंबियांसह सकाळच्या सुमारास नेहमीप्रमाणे दैनंदिन काम करीत असतांना एकाएक घराला आग लागली. घरात पेट्रोल साठवून ठेवले असल्याने आगीने क्षणातच रौद्ररुप धारण केले. बघता बघता घरातील आग अंगणापर्यंत पोहचली. यात अंगणात उभ्या असलेल्या दोन दुचाकींसह घरातील दैनंदिन साहित्य जळून खाक झाल्या. गादासवार कुटूंबियांनी वेळीच सतर्कता बाळगित घराबाहेर पडल्याने सुदैवाने या आगीत कोणतीही जीवितहानी झाली नाही. घराला आग लागल्याचे लक्षात येताच ग्रामस्थांनी धाव घेत आग विझविली. ग्रामस्थांनी दाखवलेल्या तत्त्परेतमुळे वेळीच आग नियंत्रणात आली. अन्यथा आजुबाजूच्या घरानांही आग लागण्याची शक्यता बळावली होती. मात्र, या आगीत दोन दुचाकींसह घरातील दैनंदिन साहित्य जळून खाक झाल्याने महेश गादासवार यांचे प्रचंड नुकसान झाले.

सुदैवाने मोठी दुर्घटना टळली

प्राप्त माहितीनुसार कमलापूर गादासवार हे व्यावसायिक आहेत. त्यांच्या घरी पेट्रोल तसेच गॅस सिलेंडर साठवून ठेवलेले होते. या आगीमुळे पेट्रोलचा भडका उडाला. घरात तसेच घराबाहेर सिलेंडर ठेलेले होते. सुदैवान या गॅस सिलेंडरचा स्फोट न झाल्याने मोठी दुर्घटना टळल्याचे बोलल्या जात आहे.

वनविभाग कर्मचाऱ्यांच्या धरणा आंदोलना स्थळीं खासदार डॉ. नामदेव किरसान यांची भेट

गडचिरोली,

 वनपरिक्षेत्र कार्यालय ता. जि. गडचिरोली येथे महाराष्ट्र राज्य वनरक्षक व पदोन्नत वनपाल संघटना नागपूर द्वारा आयोजित शाखा गडचिरोली वन विभाग कर्मचारी संघटना विविध मागण्या घेऊन बेमुदत काम बंद धरणे आंदोलन स्थळी गडचिरोली-चिमूर लोकसभा क्षेत्राचे लोकप्रिय खासदार डॉ.नामदेव किरसान यांनी भेट देऊन त्यांच्या समस्या ऐकून मार्गदर्शन केले तसेच वनविभागातील सर्व कर्मचारी यांना एकस्तर पदोन्नतीचे वेतन तात्काळ लागू करण्याच्या अनुषंगाने कार्यवाही करण्याचे वन संरक्षक गडचिरोली यांना निर्देश दिले.
         यावेळी जिल्हाध्यक्ष काँग्रेस कमिटी गडचिरोली महेंद्र ब्राह्मणवाडे, शहराध्यक्ष काँग्रेस कमिटी गडचिरोली सतीश विधाते, सुनील चडगुलवार, किशोर सोनटक्के, लतीफ पठाण, अरुण पेंदोरकर, सुनील सोनटक्के, रुपेश टिकले, रजनीकांत मोटघरे, गौरव येनप्रेड्डीवार, कुणाल ताजने वनविभागातील सर्व पदाधिकारी उपस्थित होते.

सोमनपल्ली येथील घटनेचा खासदार डॉ. नामदेव किरसान यांचे कडून निषेध ; दोषीवर तातडीने कार्यवाही करण्याच्या पोलीस विभागाला सूचना

गडचिरोली :: चामोर्शी तालुक्यातील सोमनपल्ली ग्रामपंचायत अंतर्गत येणाऱ्या प्रवासी निवाऱ्यावर महामानम डॉ. बाबासाहेब आंबेडकर यांच्याविषयी एका अज्ञात व्यक्तीने अर्वांच्य लिखाण केले,  त्यामुळे सोमनापल्ली - येणापूर  परीसरातील गावातील नागरिकांमध्ये असंतोषाचे वातावरण निर्माण झाले असून गावाकऱ्यांनी सदर घटनेचा निषेध करून सदर अज्ञात आरोपी व्यक्तीला पकडून कठोर शिक्षा करण्याच्या मागणीला घेऊन निषेध आंदोन करण्यासाठी आयोजित बैठीकीस गडचिरोली - चिमूर लोकसभा क्षेत्राचे खासदार डॉ. नामदेव किरसान, गडचिरोली जिल्हा काँग्रेस कमिटी अध्यक्ष महेंद्र ब्राह्मणवाडे यांनी उपस्थित राहून मार्गदर्शन केले.
 डॉ. बाबासाहेब आंबेडकर व इतर कोणत्याही जाती धर्मातील महापुरुष हे आपल्यासाठी आदर्श आहेत, त्यांच्या विषयी अर्वांच्य भाषा वापरने किंवा त्यांच्या विषयी अपमानास्पद लिहिणे निंदनीय आहे, या मधील अपराधी व्यक्तीला कठोर शिक्षा झाली पाहिजे अशी भावना खासदार डॉ. किरसान यांनी व्यक्त केली. दरम्यान खासदार डॉ. किरसान यांनी पोलीस अधीक्षक गडचिरोली यांच्याशी भ्रमनध्वनी द्वारे चर्चा करून सदर घटनेचा तातडीने तपास करून दोषीवर कठोर शिक्षा करण्याच्या सूचना दिल्या व गावाकऱ्यांना संवैधानिक मार्गांनेच निषेध व्यक्त करण्याचे सांगितले. 
               यावेळी बैठीस जिल्हा सचिव सुनील चडगुलवार, युवक काँग्रेस तालुकाध्यक्ष प्रेमानंद (मुना) गोंगले, येणापुर अध्यक्ष जयसुक गेडाम, अँड.दिनेश राऊत , निनाद देठेकर सोमनपल्ली , प्रीतम घोनमोडे वायगाव, जितु झाडे सगणापुर, परिजन दहीवले, मंगलदास चापले, प्रमोद उमरे पी.जी उंदिरवाडे, आनंद गोडबोले,सुनील गोवर्धने,राजू राऊत, नामदेव मेश्राम, काजल मेश्राम सह सगनापुर , चकं न. 2 ,आंबोली, वायगाव,सोमणपल्ली, अड्याळ, किष्ठापुर, मुधोली रीट, कोणसरी येथील समस्त नागरिक मोठ्या संख्येने उपस्थित होते.

सोमणपल्ली बस थांब्यावर डॉ.आंबेडकर यांच्या बाबतीत आक्षेपार्ह लिखाण करणाऱ्यांना तात्काळ अटक करण्यात यावी

आष्टी:-
गडचिरोली जिल्ह्यातील चामोर्शी तालुक्यातील सोमणपल्ली बस थांब्यावर समाजकंटकांनी डॉ.बाबासाहेब आंबेडकर यांच्या बाबतीत आक्षेपार्ह लिखाण करणाऱ्यांना तात्काळ अटक करण्यात यावी अशी मागणी पोलीस स्टेशन ला निवेदन देऊन बौद्ध अनुयायांनी केली आहे 
दि.२० फेब्रुवारी ला रात्री काही समाज विघातक कृत्य करणाऱ्या नी बस थांब्यावर आक्षेपार्ह लिखाण केले ही बातमी आज सकाळी समाज बांधवांना कळताच आष्टी पोलीस स्टेशन माहिती देण्यात आली व लागलीच हजारोंच्या संख्येने बांधव आष्टी येथे गोळा झाले व निवेदन देऊन आरोपींना तात्काळ अटक करून कारवाई करावी अशी मागणी केली आणी डॉ बाबासाहेब आंबेडकर यांच्या पुतळ्याला पुष्पहार अर्पण करून सदर घटनेचा निषेध नोंदवला.यावेळी सोमणपल्ली , सगणापूर, येणापूर,कोनसरी,अनखोडा, आष्टी येथील अनुयायी बहुसंख्येने उपस्थित होते २४ तासात सदर आरोपींना अटक करण्यात यावी अन्यथा आष्टी येथील डॉ बाबासाहेब आंबेडकर चौकात मोठे आंदोलन करण्याचा इशारा देण्यात आला आहे

पोर्ला वनपरिक्षेत्रात रानटी हत्ती व वाघांचा बंदोबस्त करा - खा. डॉ.नामदेव किरसान

पोर्ला:- वनपरिक्षेत्रात रानटी हत्ती व वाघांचा बंदोबस्त करा अशी सूचना मुख्य वनसंरक्षक गडचिरोली यांना खासदार डॉ किरसान यांनी केली आहे 
वडसा वनविभाग वडसा वनपरिक्षेत्र अधिकारी कार्यालय पोर्ला ता. जि.गडचिरोली येथे रानटी हत्ती यांनी घातलेला हौदोस व वाघांमुळे शेतकरी , सामान्य जनतेला होत असलेल्या त्रासाबद्दल माहिती मिळताच गडचिरोली-चिमूर 
लोकसभा क्षेत्राचे लोकप्रिय खासदार डॉ.नामदेव किरसान सोबत जिल्हाध्यक्ष काँग्रेस कमिटी गडचिरोली महेंद्र ब्राह्मणवाडे यांनी भेट देऊन तेथील कर्मचाऱ्यांना विचारणा करून भ्रमणध्वनी द्वारे मुख्य वन संरक्षक गडचिरोली यांच्याशी चर्चा केली.तसेच पोर्ला क्षेत्रातील जनतेला जलावू लाकडांची व्यवस्था पोर्ला प्रादेशिक कार्यालय येथे करण्याच्या सूचनाअधिकाऱ्यांना दिल्या.
 यावेळी जिल्हाध्यक्ष काँग्रेस कमिटी गडचिरोली महेंद्र ब्राह्मणवाडे, जिल्हाध्यक्ष पर्यावरण सेल रुपेश टिकले, जिल्हाध्यक्ष ओबीसी सेल भूपेश कोलते, तालुका अध्यक्ष काँग्रेस कमिटी गडचिरोली वसंत पाटील राऊत, सरपंच सौ. निवृत्तीताई फरांडे, मनोहर नवघडे,  देविदास भोयर, अशोक बोहरे, भोयर , प्यारमंहन शेख, विजय येवले, उमेश खरवडे, विनोद आजवले, लाकडे , उमेश आछाडे, जितू पोटे, देविदास चापले, बंडू हजारे, सौ. उज्वला खरवडे, देवराव कोलते, डंबाजी झोडगे,  बंडू बावणे पदाधिकारी कार्यकर्ते उपस्थित होते.

शेतकऱ्यांची वीज जोडणी करा अन्यथा महावितरण अधिकाऱ्यांना घेराव घालणार -खा.प्रतिभा धानोरकर 

चंद्रपूर:-
खासदार प्रतिभा धानोरकर ह्या  सध्या शेतकऱ्यांच्या कृषी पंपांना वीज जोडणी देण्याच्या प्रश्नावर त्या आक्रमक झाल्या असून विज द्या अथवा 2018 पासून जमा केलेल्या सुरक्षा रकमेवर व्याज द्या अन्यथा महावितरण च्या अधिकाऱ्यांना शेतकऱ्यांसह घेराव घालणार असल्याची भूमिका त्यांनी घेतली आहे.

खासदार प्रतिभा धानोरकर ह्या नागरीकांच्या प्रश्नांबद्दल संवेदनशील असून सध्या त्यांनी 2018 पासून जिल्ह्यातील 1590 शेतकऱ्यांच्या कृषी पंपांना विज  मिळवून देण्याकरीता सरकार विरोधात आक्रमक पवित्रा घेतला आहे. सदर शेतकऱ्यांनी वीज जोडणी करीता सुरक्षा ठेव देखील जमा केलेली आहे

या विषयासंदर्भात खासदार प्रतिभा धानोरकर यांनी मुख्यमंत्री तथा उर्जा मंत्री देवेंद्र फडणवीस यांना स्मरणपत्र लिहून शेतकऱ्यांची मागणी मान्य करण्याची विनंती केली आहे. उशीर झाल्यास सामान्य नागरीकांकडून विज बिलावर व्याज घेणारे महावितरण 2018 पासून शेतकऱ्यांना विज जोडणी देण्यास असमर्थ ठरले आहे.
घेराव करणार

या संदर्भात त्यांनी मुख्यमंत्र्यांना पाठवलेल्या पत्रात शेतकऱ्यांना विज किंवा शेतकऱ्यांनी महावितरण कडे सुरक्षा ठेव स्वरुपात भरलेल्या पैशावर व्याज न दिल्यास महावितरणच्या अधिकाऱ्यांना शेतकऱ्यांसह घेराव घालणार  असल्याचे खासदार प्रतिभा धानोरकरांनी मुख्यमंत्र्यांना पाठवलेल्या पत्रात नमूद केले आहे. या संदर्भात मुख्यमंत्री काय भुमिका घेतात हे बघणे महत्त्वाचे ठरणार आहे.

ट्राक्टरच्या धडकेत गंभीर जखमी झालेल्या त्या दुचाकीस्वार युवकाचा उपचारादरम्यान मृत्यू

कुरखेडा, दि. 15 : तालुक्यातील गोठणगाव येथील युवक मयूर देवराव घुगुसकर (22) हा आपल्या दुचाकी वाहनाने देसाईगंज वडसा वरून परत आपल्या गावी गोठणगाव येथे  येत असताना वडसा - कुरखेडा रोडवरील नांन्ही फाट्याजवळ ट्रॅक्टर अपघातात त्याच्या हाताला पायाला व छातीला गंभीर मार लागून गंभीरित्या जखमी झाल्याने त्याला 12 फेब्रुवारीला प्राथमिक उपचाराकरिता उपजिल्हा रुग्णालय दाखल करण्यात आले होते. कुरखेडा येथून प्राथमिक उपचार करुन त्याला ब्रह्मपुरी येथील खाजगी रुग्णालयात दाखल केले होते परंतु त्याच्या प्रकृतीत सुधारणा होत नसल्याचे पाहून त्याला नागपूर येथे खाजगी रुग्णालयात दाखल करण्यात आले असता शनिवार 15 फेब्रुवारी 2025 रोजी रोजी उपचारादरम्यान  त्या युवकाची दुपारी 12:30 साडेबारा वाजता  प्राणज्योत मालवली.

मयूर घुगुसकर या युवकाचा अपघात हा शेतातून चिखल करीत परत जाणाऱ्या कॅचबिल लावलेल्या ट्रॅक्टरची विरुद्ध दिशेने येणाऱ्या दुचाकी समोरा समोर धडक बसल्याने दुचाकीस्वार गंभीर जखमी झाल्याची घटना 2 फेब्रुवारी रोजी दुपारी 5 वाजताच्या सुमारास कुरखेडा-देसाईगंज मार्गावर नान्ही फाट्याजवळ घडली होती. नान्ही परीसरात असलेल्या शेतात चिखलचे काम निपटवत रुपेश बोधनकार वैरागड असा नाव लिहलेला MH 33 V 6585 क्रमांकाचा ट्रॅक्टर देसाईगंजचा दिशेने जात असताना विरुद्ध दिशेने येणाऱ्या दुचाकीची समोरा समोर धडक झाली. यावेळी दुचाकीस्वार मयूर देवराव घुगुसकर (वय 22) रा. गोठणगांव हा युवक गंभीर जखमी झाला. ट्रॅक्टरचा लोखंडी कॅचबिलचा मार लागल्याने युवकाचा एक पाय व हात निकामी झाला होता. याला गंभीर अवस्थेत 108 क्रमांकाचा

रुग्णवाहिकेने प्रथम येथील उपजिल्हा रुग्णालयात प्राथमिक उपचार करीत पुढील उपचारा करीता ब्रम्हपुरी व नंतर नागपूर येथील खाजगी रुग्णालयात हलविण्यात आले मयूर घुगुसकर हा युवक आपल्या वडिलाला मशीन बोरवेलच्या कामात मदत करून कुटुंबात आर्थिक मदत करत होता. मयुरच्या अपघाती निधनाने कुटुंबावर दुःखाचे  डोंगर कोसळले असून सर्वत्र हळहळ व्यक्त केली जात आहे.

येणापूर येथे विदर्भ माध्यमिक शिक्षण संघाचे गडचिरोली जिल्हा अधिवेशन संपन्न

 गडचिरोली: विदर्भ माध्यमिक शिक्षण संघाच्या वतीने आयोजित गडचिरोली जिल्हा अधिवेशन इंदिरा गांधी विद्यालय व उच्च महाविद्यालय, येणापूर येथे संपन्न झाले. या प्रसंगी आमदार रामदासजी मसराम  सत्कारमूर्ती व  प्रमुख मार्गदर्शक म्हणून उपस्थित होते.

कार्यक्रमात शिक्षण क्षेत्रातील विविध समस्यांवर चर्चा करण्यात आली. ग्रामीण आणि आदिवासी भागातील विद्यार्थ्यांना गुणवत्तापूर्ण शिक्षण उपलब्ध करून देण्यासाठी आवश्यक उपाययोजनांवर भर देण्यात आला. आमदार रामदासजी मसराम  यांनी विद्यार्थ्यांच्या सर्वांगीण विकासासाठी शासन स्तरावर प्रयत्न करण्याचे आश्वासन दिले.

त्या प्रसंगी  आमदार  सुधाकरजी अडबाले , सचिव,गोंडवाना शिक्षण प्रसारक मंडळ,येनापुर जयंतजी येलमुले, अध्यक्ष विदर्भ माध्यमिक शिक्षण संघ अरविंद देशमुख,जिल्हा कार्यवाह, विदर्भ माध्यमिक शिक्षण संघ जिल्हा भंडारा,राजेश धुर्वे, सचिव,यंग टीचर्स असोसिएशन गोंडवाना विद्यापीठ डॉ. विवेक गोर्लावार, जिल्हाध्यक्ष,महाराष्ट्र राज्य जुनी पेन्शन संघटना जिल्हा गडचिरोली. गुरुदेव नवघडे, अध्यक्ष विदर्भ ज्युनिअर कॉलेज टीचर्स असोसिएशन गडचिरोली प्रा. विजय कुत्तरमारे, अध्यक्ष,अनुदानित आश्रमशाळा कर्मचारी संघटना  सतीश पवार, आदिवासी आश्रमशाळा कर्मचारी संघटना प्रमुख प्रकल्प अहेरी, सुरेंद्र अडबाले कार्यवाह चंद्रपूर शहर.सुरेंद्र शेळके अध्यक्ष चंद्रपूर जिल्हा,दीपक धोपटे,  अजय लोंढे ,अजय वर्धरवार , रवींद्र नैताम, नरेंद्र भोयर,  शाळेचे शिक्षक, पालक, विद्यार्थी व शिक्षणप्रेमी मोठ्या संख्येत उपस्थित होते

एका महिन्यात दुप्पट  पैसे असे आमिष दाखवून घातला लाखो रुपयांचा गंडा

 मुंबई :-

 प्रभादेवीतील पॉकेट फ्रेंडली इन्वेसमेंट ॲण्ड फायनान्स कन्सल्टन्सी मध्ये एका महिन्यात  पैसे दुप्पट परतावा देण्याचे आमिष दाखवून अनेकांना गंडवल्याचे समोर आले आहे. याप्रकरणी बेस्टमधून सेवानिवृत्त झालेल्या प्रशासकीय अधिकाऱ्यासह गुंतवणूकदारांकडून लाखोंची गुंतवणूक स्वीकारून पळ काढल्याचा प्रकार दादरमध्ये समोर आला आहे. सुनील गुप्ता असे आरोपीचे नाव असून याप्रकरणी दादर पोलिस अधिक तपास करत आहेत.

माहीममधील रहिवासी असलेले ५८ वर्षीय तक्रारदार हे बेस्टमधून अधिकारी पदावरून डिसेंबरमध्ये सेवानिवृत्त झाले. बेस्टमध्ये काम करत असताना एका सहकाऱ्याने त्यांना पॉकेट फ्रेंडली इन्वेसमेंट ॲण्ड फायनान्स कन्सल्टन्सीमध्ये गुंतवणूक केल्यास  एका महिन्यात पैसे दुप्पट परतावा मिळत असल्याचे सांगितले 

..त्यानुसार, त्यांनीही सहकाऱ्यासोबत गुप्ता याच्या कार्यालयात जाऊन त्याची भेट घेतली. गुंतवणुकीसाठी आलेल्या लोकांची गर्दी बघून तक्रारदार यांना देखील दामदुप्पट विश्वास बसला. त्यांनी भेट घेताच, गुप्ताने ३० दिवसांत दुप्पट परतावा ही योजना बंद झाली असून ४५ दिवसांत दुप्पट अशी आकर्षक योजना सुरू करण्यात आल्याचे सांगितले.

गुप्ताच्या बोलण्यावर विश्वास ठेवून तक्रारदाराने १ लाख ८० हजारांची गुंतवणूक केली. आणखीन काही जणांनी सात लाख रुपये गुंतवले. गुंतवणूक केलेल्या रकमेचा परतावा देण्याची तारीख उलटून गेली. मात्र परतावा न मिळाल्याने त्यांना संशय आला. त्यांनी गुंतवणूक केलेली मूळ रक्कम परत मागितली. तोपर्यंत गुप्ता पसार झाला होता.

वनविभागाचे अधिकारी गस्त करीत असतांना जंगलात वन्यप्राण्याची शिकार करण्यासाठी आलेले ईसम जेरबंद 

वरोरा:-

तालुक्यातील जवळच असलेल्या महालगाव (खु.) कक्ष क्र. २ राखीव वनामध्ये दिनांक १३ फेब्रुवारी रोजी रात्री ०९.३० वाजताचे दरम्यान वनकर्मचारी एस. के. शेंडे व.प.अ. वरोरा, डि. बी.चांभारे क्षे.स. टेमुर्डा, जे. के. लोणकर क्षे.स. शेगाव, एस. व्ही. वेदांती वनरक्षक महालगाव, ब्रम्हणाथ वनरक्षक रामपुर, रोजनदारी वनमजुर व पि.आर.टी. टिम गस्त करीत असतांना आरोपी रुपेश धारसिंग दडमल, जयचंद सरबत मालवे, रामा संजय दडमल सर्व राहणार हिरापुर पो. कोसरसार ता. वरोरा, जिल्हा चंद्रपूर व संदिप बालीकचंद्र शेरकुरे रा. धोपटाळा, ता. कोरपना, जिल्हा चंद्रपूर हे कक्ष क्र. २ राखीव वनामध्ये संक्षयास्पद अवस्थेत आढळुन आले. त्यांची विचारणा केली असता ते वन्यप्राण्याची शिकार करण्याकरीता आल्याचे सांगितले.

त्यांचेकडून शिकारीसाठी वापरण्यात येणारे साहित्य वाघुर, लोखंडी भाला, नायलॉन दोरी, दुचाकी वाहन, मोबाईल जप्त करण्यात आलेले असुन त्यांचावरभारतीय वन्यजीव (संरक्षण) अधिनियम १९७२ चे कलम ९, ३९, २ (१६) व ५१ अन्वये वनगुन्हा नोंद करुन आरोपींना त्याब्यात घेऊन कोर्ट विद्यमान प्रथम न्यायलय वरोरा येथे दिनांक १४ फेब्रुवारी २०२५ रोजी हजर करण्यात आले. पुढील चौकशी व्हि. तरसे सहाय्यक वनसंरक्षक (तेंदु), चंद्रपूर वनविभाग, चंद्रपूर यांचे मार्गदर्शनात सतिश के. शेंडे, वनपरिक्षेत्र अधिकारी वरोरा डि. बी. चांभारे क्षे.स. जे. के. लोणकर क्षे.स. शेगाव, एस. व्हि. वेदांती वनरक्षक महालगाव, करकाडे, केजकर, ब्रम्हनाथ वनरक्षक करीत आहे..

पुलखल ग्रामसभेत ग्रामस्थांनी विमानतळास जमीन देण्यास केला विरोध 

गडचिरोली : शेती हेच गावातील नागरिकांचे उपजिविकेचे एकमेव साधन असून विमानतळामुळे गावातील तलाव, बोळी, नाले, गुरे चराईचे झुडपी जंगल आणि शेतीक्षेत्र नष्ट होणार असल्याने कोटगल उपसा जलसिंचनाचे लाभक्षेत्र असलेल्या सूपीक शेतजमिनी विमानतळाकरीता भूसंपादीत करण्यासाठी ग्रामसभेची शिफारस देणार नाही, असा ठराव पारीत करत पुलखल ग्रामसभेने गावाच्या हद्दीतील भूसंपादनास विरोध केला आहे.

अनुसूचित क्षेत्रात समाविष्ट असलेल्या पुलखल ग्रामसभेने बुधवारला ग्रामसभा घेवून सदरचा ठराव पारीत केला. या ठरावात ग्रामसभेने म्हटले आहे की, प्रस्तावित विमानतळ गडचिरोली जिल्ह्याच्या विकासाकरिता मोलाचे योगदान देणारे ठरणार आहे.

मात्र सदर विमानतळा करिता प्रास्तावित ठिकाण हे आमच्या पुलखल गावातील व आजूबाजूच्या गावातील शेतकऱ्यांच्या कोटगल बॅरेज व कोटगल उपसा सिंचन लाभक्षेत्रातील सुपीक जमिनीचे असून याच शेतजमिनींवर गावातील शेतकऱ्यांची उपजीविका अवलंबून आहे. पुलखल गावाच्या हद्दीतील तलाव, बोळी व झुडपी जंगलाची काही जमीन यात समाविष्ट असल्याने गावातील उर्वरित शेत जमिनीचे व गुरांच्या पिण्याच्या पाण्याचे स्त्रोत नष्ट होणार आहे.

गडचिरोली - चंद्रपूर या महामार्गाला जोडणारा पुलखल गावाचा मुख्य रस्ताही कायमचा बंद होणार आहे. गावाचे पारंपारिक देवस्थान एक बोटी माऊली व इतर श्रद्धास्थाने ही नष्ट होणार आहेत. तसेच मुरखळा गावाच्या हद्दीतून पुलखल - मुडझा गावाच्या सीमेवरून असलेल्या नाल्याला वैनगंगा नदीच्या पुराच्या पाण्याची दाब (बॅकवॉटर) मोठ्या प्रमाणावर नैसर्गिकरीत्या राहते. विमानतळामुळे सदर नाला (वगर) बुजविल्या जाणार असल्याने पुलखल - मुडझा रस्त्याला व शेतीला पुराचा मोठा फटका बसणार आहे.

त्यामुळे विमानतळाकरिता पुलखल गावाच्या हद्दीतील शेतकऱ्यांच्या शेतजमिनी, तलाव, बोळी, झुडपी जंगल, नाला (वगर) व इतर जमीन भूसंपादित करणे हे पुलखल गावातील शेतकरी व इतर नागरिकांवर भविष्यातील उपासमारी आणणारे, शेत जमिनींचे क्षेत्र कमी करणारे, जमिनीच्या मालकी हक्क आणि गावाच्या सामूहिक मालमत्तांच्या मालकी हक्क हिरावणारे ठरणार असल्याचे म्हटले आहे.

पुलखल गावाच्या संबंधात अनुसूची क्षेत्रातील कायदे व नियमा अन्वये प्राप्त अधिकारानुसार विमानतळा करिता पुलखल गावातील शेतकऱ्यांच्या शेतजमिनी गावाच्या सामूहिक साधन संपत्ती असलेल्या बोडी, तलाव, नाला व झुडपी जंगलाच्या जमिनीचे भूसंपादन करण्यात येऊ नये व त्या संबंधातील ग्रामसभेची शिफारस शासनाकडे करण्यात येऊ नये, तसेच जिल्हा प्रशासनातर्फे ग्रामसभेकडे मागणी करण्यात आलेली भूसंपादनाची शिफारस आमच्या आजच्या ग्रामसभेने नाकारावी असा ठराव पारित करण्यात येत असल्याचेही ग्रामसभेने आपल्या ठरावात म्हटले आहे.

तथापि सदर विमानतळाकरिता कोटगल बॅरेज व कोटगल उपसा सिंचन लाभक्षेत्रातील शेतकऱ्यांच्या सुपीक शेत जमिनी, गावाच्या सामूहिक मालमत्ता असलेल्या बोडी, तलाव, नाले, झुडपी जंगल अशा जमिनींचे भूसंपादन करून अनुसूची क्षेत्रातील नागरिकांच्या अधिकारावर गदा आणण्या ऐवजी चामोर्शी रोड वरील सेमाना देवस्थान समोरील व गडचिरोली शहराला लागून असलेल्या जंगलाच्या जागेत सदर विमानतळ प्रस्तावित करण्यात यावा, अशी सूचना पुलखल ग्रामसभेने शासनाकडे केली आहे.

मंथन मोहिते यांची महसूल सहाय्यकपदी निवड

डोंगरगाव :-मंगळवेढा तालुक्यातील कचरेवाडी गावचे सुपुत्र मंथन अण्णासाहेब मोहिते यांची महाराष्ट्र शासनाच्या महसूल विभागामार्फत घेण्यात आलेल्या परीक्षेतून महसूल सहाय्यपदी निवड झाली आहे.त्यांनी अत्यंत जिद्दीने आपले शिक्षण पूर्ण करून आपली वर्णी लावली आहे.त्यांनी 1 ली ते 4 थी प्राथमिक शिक्षण जि. प. प्राथ. शाळा कचरेवाडी, 5 वी ते 10 वी चे शिक्षण  इंग्लिश स्कूल मंगळवेढा, उच्च माध्यमिक शिक्षण दामाजी कॉलेज मंगळवेढा, सिव्हिल इंजिनिअर प्रशिक्षण नांदेड येथे पूर्ण केले आहे.त्यांच्या या यशाबद्दल आ. समाधान आवताडे, युटोपियन शुगरचे सर्वेसर्वा उमेश परिचारक, उपजिल्हाधिकारी अभयसिंह मोहिते,कचरेवाडीचे माजी सरपंच बाळदादा काळुंगे, दादा जाधव, डोंगरगावच्या लोकनियुक्त सरपंच सारिका खिलारे, दैनिक अचूक निदानचे संपादक डी. के. साखरे,  वैनगंगा वार्ता न्यूज पोर्टल चे मुख्य संपादक अशोक खंडारे,शाळा व्यवस्थापन समितीचे अध्यक्ष पंकज मस्के यांच्यासह मंगळवेढा पंचक्रोशीतील नागरिकांनी त्यांचे अभिनंदन केले आहे.

नक्षलवाद विरोधी अभियान राबविताना गडचिरोली पोलीस दलातील पुन्हा एका जवानाचा मृत्यू 

गडचिरोली
                   भामरागड तालुक्यातील महाराष्ट्र छत्तीसगड सीमेवरील फुलणार च्या जंगलात पोलिस - नक्षल चकमकीत एक जवान शहीद झाल्याची घटना ताजी असतानाच. नक्षलविरोधी अभियान राबविताना पुन्हा एका जवानाला आपला जीव गमवावा लागला आहे. भामरागड तालुक्यातील कोठी - हलवेर भागात नक्षलविरोधी अभियान राबवित असताना C 60 पथकातील जवानाचा हृदय विकाराच्या झटक्याने निधन झाल्याची घटना आज दिनांक 13 डिसेंबर गुरूवारी सकाळच्या सुमारास घडल्याची माहिती सूत्रांनी दिली आहे.
  
  रवी मधू मटके रा.गोकुळ नगर ताजी गडचिरोली असे असे त्या. मृत जवानाचे नाव आहे.

     नक्षलवाद विरोधी पथकातील दोन दिवसांच्या आड दोन जवानाना गमवावे लागल्याची वेळ गडचिरोली पोलिसावर आल्यामुळे शोकाकळा पसरली आहे

नामदेवची आत्महत्या नसून खून केल्याची कबुली दिली आरोपींनी एक वर्षानंतर 

वणी : राजूर कॉलरी येथे एका विहिरीत सापडलेल्या इसमाच्या मृतदेहाचे रहस्य तब्बल एक वर्षानंतर उघड झाले. याप्रकरणी तिन संशयित आरोपीला वणी पोलिसांनी बेड्या ठोकल्या. ती आत्महत्या नसून हत्याच केल्याचं नामदेव च्या मारेकऱ्यांनी कबुली दिली.

नामदेव शेनूरवार चा मृतदेह मागील वर्षी मार्च 2024 मध्ये रंगपंचमी च्या दिवशी रेल्वे सायंडींग परिसरातील एका पडक्या विहिरीत कुजलेल्या अवस्थेत सापडला होता. दिनांक 25/03/2024 रोजी पोलीस स्टेशन वणी येथे तक्रार नोंद केली होती. मात्र, हा खून अनैतिक संबंधातून आता झाल्याचे उघड झाले आहे. सिद्धार्थ मारुती शनुरवार (वय 34), दिवाकर शंकर गाडेकर (वय 28) व पिंटू उर्फ प्रवीण वामन मेश्राम (वय 39) तिन्ही रा. राजूर कॉलरी असे अटक आरोपीचे नाव आहे. या तिघांनी मिळून प्लॅन केला आणि मृतक नामदेव ला दारू पाजून गावाच्या निर्जनस्थळी नेवून तिथे लाथाबुक्क्यानी मारहाण केली, त्यानंतर त्याला विहिरीत फेकून दिले होते.

पोलिसांच्या माहितीनुसार नामदेव शेनूरवार याच्या नात्यातच असलेल्या आरोपींनी कट रचून त्याला ठार केले. जवळपास एक वर्षानंतर नामदेवची हत्या करणारे तीनही आरोपी पोलिसांच्या जाळ्यात अडकले. त्यांनी पोलिसांना गुन्ह्याची कबुली देखील दिल्याचे सांगण्यात येत आहे. नामदेव शेनूरवार याचा खून करून मृतदेह विहिरीत फेकणाऱ्या तीनही आरोपींवरपोलिसांनी खुनाचा गुन्हा दाखल केला आहे. तर एकाला गुन्ह्याचा साक्षीदार बनविल्याचे सांगण्यात येत आहे.

सदरची कारवाई उपविभागीय पोलीस अधिकारी गणेश किंद्रे व पोलीस निरीक्षक गोपाल उंबरकर यांचे मार्गदर्शनात सपोनि निलेश अपसुंदे, अविनाश बनकर, अमोल अन्नेरवार, शंकर चौधरी, रितेश भोयर यांनी केली.

सर्व सरकारी कार्यालयात मराठी भाषेचाच वापर करावा महाराष्ट्र राज्य सरकारचा मोठा निर्णय

सर्व सरकारी कार्यालयात मराठी बोलणे अनिवार्य; राज्य सरकारचा मोठा निर्णय; मराठी भाषेचा वापर करण्यास नकार देणाऱ्यांवर होणार शिस्तभंगाची कारवाई 

मुंबई-
 मराठी भाषा संवर्धनासाठी देवेंद्र फडणवीस यांच्या सरकारने मोठा निर्णय घेतला आहे. आता महाराष्ट्रातील सर्व शासकीय, निमशासकीय आणि महापालिका कार्यालयांमध्ये मराठी बोलणे अनिवार्य करण्यात आले आहे. मराठा भाषा बोलणे आणि मराठी व्यवहार करण्यासाठी प्रोत्साहन देण्यासाठी आता राज्य सरकारने मोठे पाऊल उचलले आहे. शासकीय कार्यालयात सर्वत्र मराठी फलक असणार आहेत. तसेच मराठी भाषेचा वापर करण्यास नकार देणाऱ्यांवर शिस्तभंगाची कारवाई करण्यात येणार आहे.

मराठी भाषेला अलिकडेच केंद्र सरकारने अभिजात भाषेचा दर्जा दिला आहे. मराठी भाषेचे महत्व टीकविण्यासाठी मराठी बोलणे आणि मराठीत व्यवहार करणे गरजेचे आहे. त्यामुळे आता राज्य सरकारने मराठी भाषेचे संवधर्न करण्यासाठी राज्याचे मुख्यमंत्री देवेंद्र फडणवीस यांनी मोठा निर्णय घेतला आहे. आता महाराष्ट्राच्या सर्व शासकीय, निमशासकीय आणि महापालिका कार्यालयात मराठी बोलणे अनिवार्य करण्याचा निर्णय घेतला आहे. आता सरकारी कार्यालयात दर्शनी भागात मराठी भाषेत बोलण्याबद्दल दर्शनी भागात फलक लावण्याचे बंधन करण्यात येणार आहे.

मराठी भाषा बोलण्याबद्दल दर्शनी भागात फलक लावावा लागणार आहे. शासकीय कार्यालयांतील संगणकावरील कळफलक देखील मराठी भाषेतच असणार आहे. मराठी भाषेचा वापर करण्यास नकार देणाऱ्यांवर शिस्तभंगाची कारवाई होणार आहे. महाराष्ट्र राजभाषा अधिनियम, १९६४ अनुसार  सर्व शासकीय कार्यालयांतील मूळ प्रस्ताव, सर्व पत्रव्यवहार, टिप्पण्या, आदेश, संदेशवहन मराठीतच असतील आणि  कार्यालयीन स्तरावरील सर्व प्रकारची सादरीकरणे आणि संकेतस्थळे मराठीत असतील याची काळजी घेण्याचे आदेश राज्य सरकारने पारित केले आहे.  मराठी भाषा धोरणाच्या जिल्हा स्तरावरील अंमलबजावणीचे काम जिल्हास्तरीय मराठी भाषा समितीकडे सोपवण्यात येणार आहे.

भ्रष्टाचाराला बढावा देणाऱ्यांची गय केली जाणार नाही – जिल्हाधिकारी अविशांत पांडा 

गडचिरोली दि. १२: सामान्य नागरिकांना त्रास देणाऱ्या आणि भ्रष्टाचाराला प्रोत्साहन देणाऱ्यांवर कठोर कारवाई केली जाईल, कोणाचीही गय केली जाणार नाही असा स्पष्ट इशारा जिल्हाधिकारी अविश्यांत पंडा यांनी दिला.

आज जिल्हाधिकारी यांच्या अध्यक्षतेखाली भ्रष्टाचार निर्मूलन आढावा सभा पार पडली. या बैठकीला निवासी उपजिल्हाधिकारी सुनील सूर्यवंशी, लाचलुचपत प्रतिबंधक विभागाचे अधिकारी तसेच भ्रष्टाचार निर्मूलन समितीचे अशासकीय सदस्य उपस्थित होते.

भ्रष्टाचार निर्मूलनाच्या आढावा बैठकीत त्यांनी अधिकाऱ्यांना स्पष्ट निर्देश दिले की, लाचलुचपत प्रतिबंधक विभागाने कोणत्याही दबावाखाली न येता भ्रष्टाचाराला सहकार्य करणाऱ्या अधिकारी-कर्मचाऱ्यांवरही कठोर कारवाई करावी.

भ्रष्ट अधिकाऱ्यांवर कठोर कारवाईचे आदेश

बैठकीत जिल्हाधिकारी पंडा यांनी स्पष्ट केले की, काही अधिकारी वरिष्ठ अधिकाऱ्यांची नावे सांगून भ्रष्टाचाराला सहकार्य करतात, असे खोटे प्रकार अजिबात सहन केले जाणार नाहीत. अशा अधिकाऱ्यांवर कठोर कारवाई करण्याचे निर्देश त्यांनी दिले. तसेच, लाचलुचपत प्रतिबंधक विभागाला भ्रष्टाचाराच्या घटनांवर स्वायत्तपणे कारवाई करण्याचे संपूर्ण स्वातंत्र्य आहे. त्यामुळे त्यांनी कोणत्याही प्रकारच्या दबावाला बळी न पडता कठोर मोहिम राबवावी आणि भ्रष्टाचाराच्या घटनांवर आक्रमक कारवाई करावी 

जिल्हाधिकाऱ्यांनी भ्रष्टाचाराच्या तक्रारी गांभीर्याने घेण्याचे सांगताच प्राप्त तक्रारींवर वेळीच कारवाई करून दोषींना कायदेशीर शिक्षा द्यावी, अशा सूचनाही अधिकाऱ्यांना दिल्या. लाचलुचपत प्रतिबंधक विभागाने प्रभावी कारवाईसाठी सापळे रचून भ्रष्ट अधिकाऱ्यांना रंगेहाथ पकडावे आणि त्यांच्यावर कठोर पावले उचलावीत, असे निर्देश त्यांनी दिले.

भ्रष्टाचार निर्मूलनासाठी ठोस पावले

या बैठकीत जिल्ह्यातील भ्रष्टाचार निर्मूलनाच्या उपाययोजनांवर चर्चा करण्यात आली. जिल्हाधिकारी पंडा यांनी स्पष्ट केले की, प्रशासन भ्रष्टाचाराच्या बाबतीत कोणतीही तडजोड करणार नाही. नागरिकांनी भ्रष्टाचारासंदर्भात तक्रारी केल्यास त्याची गांभीर्याने दखल घेतली जाईल आणि दोषींवर कायदेशीर कारवाई केली जाईल.

जिल्ह्यातील सर्व शासकीय कार्यालयांमध्ये पारदर्शकता आणि जबाबदारी वाढवण्यासाठी विशेष उपाययोजना करण्यात येणार असल्याचेही त्यांनी सांगितले. भ्रष्टाचार निर्मूलनाच्या दृष्टीने प्रशासनाची भूमिका ठाम असून, कोणालाही सूट दिली जाणार नाही, असा स्पष्ट संदेश जिल्हाधिकारी पंडा यांनी या बैठकीत दिला.

बैठकीला संबंधित अधिकारी उपस्थित होते

गडचिरोली जिल्ह्यात भामरागड परिसरात पोलिस नक्षल चकमकीत एक जवान शहीद 

गडचिरोली:-
भामरागड तालुक्यात पोलिस नक्षल चकमक उडाली असुन यात एक पोलिस जवान शहीद झाल्याची घटना घडली आहे.

भामरागड तालुक्यातील जंगल परिसरातील दिरंगी आणि फुलनार या गावांमध्ये गेल्या काही दिवसांपासून नक्षलवाद्यांनी तळ उभारल्याच्या विश्वासार्ह माहितीच्या आधारे, काल दिनांक 10/02/2025 रोजी अपर पोलिस अधीक्षक प्रशासन आणि अपर पोलिस अधीक्षक अहेरी यांच्या नेतृत्वाखाली १८ सी ६० चे पथक आणि सीआरपीएफच्या क्यूएटी चे 2 पथक रवाना करण्यात आले होते.

सदर ठिकाणी आज सकाळी पोलिसांकडून घेराबंदी करण्यात आली असता दिवसभरात नक्षलवादी आणि पोलीस पथकांमध्ये गोळीबार सुरू होता. पोलिसांच्या संयुक्त पथकाने नक्षलवाद्यांचा तळ उद्ध्वस्त केला असून नक्षल साहित्य आणि विविध वस्तू जप्त केल्या आहेत.

सदर कारवाईदरम्यान सी ६० पथकाच्या एका जवानाला गोळी लागून दुखापत झाली असून सदर जवानास तातडीने वैद्यकीय उपचारांसाठी हेलिकॉप्टरने गडचिरोली येथे हलवण्यात आले होते मात्र उपचारादरम्यान त्या जवानाचा मृत्यू झाला सदर अंमलदार महेश नागुलवार रा.अधखोडा ता.चामोर्शी जिल्हा गडचिरोली असे त्यांचे नाव असून  उघा दि.१२/०२ २५ ला शासकीय इतमामात अनखोडा येथे अंत्यसंस्कार करण्यात येणार आहे महेश यांचे पच्शात आई, पत्नी व दोन मुली आहेत त्यांना विरमरण आल्याची माहिती मिळताच अनखोडा गाव शोकमग्न झाले आहे व त्यांच्या परिवारावर दुखःचे डोंगर कोसळले आहे

 प्रेम प्रकरणातून गर्भवती राहिलेल्या युवतीला ओढणीने गळा आवळून खून केला व गुन्हा लपविण्यासाठी तीला टाकले जाळून

अवघ्या काही तिसातच पोलीसांनी केली आरोपीस अटक

गोंदिया : प्रेम प्रकरणातून गर्भवती राहिलेल्या युवतीला जाळून तिची हत्या केल्याची घटना गोरेगाव तालुक्यातील मसगाव ग्रामपंचायत हद्दीतील देऊ तुला शिवारात दि. 10/02/2025 रोज सोमवार ला सकाळी 8:00 वा. दरम्यान उघडकीस आली.

पोर्णिमा विनोद नागवंशी वय, 18 वर्ष रा. मानेकसा (कालीमाती) पो. ठाना ता. आमगाव असे मृत्तक युवतीचे नाव आहे. सविस्तर असे की, गोरेगाव शहरापासून काही अंतरावर देऊटोला हे गाव असून शेतमालक दिसेल पिकाला पाणी देण्यासाठी शेतात गेले असता, त्यांना पळसाच्या झाडाखाली युतीचा मृतदेह जळत असल्याचे दिसून आले. त्यांनी घटनेची माहिती गोरेगाव पोलिसांना दिली.

ठाणेदार अजय भुसारी यांनी पथकासह घटनास्थळ गाठून पंचनामा केला. मृतदेह उत्तरीय तपासणीसाठी गोंदिया येथे पाठविण्यात आला, विशेष म्हणजे, घटनास्थळाशेजारी दुसऱ्या बांधातील तणसाचा ढीग जाळण्यात आला. स्वानपथकाला पाचारण करण्यात आले असता, काहीही साध्य झाले नाही.

यातच पोलीस अधीक्षक गोरख भामरे, उपविभागीय पोलीस अधिकारी प्रमोद मडाने यांच्या मार्गदर्शनात गोरेगाव पोलीस निरीक्षक अजय भुसारी यांनी तपासाचे चक्र फिरवीत काही तासातच आरोपीला ताब्यात घेतले.

खून अनैतिक संबंधातून आरोपी अटकेत : -पोलिसांनी तपास चक्र फिरवत काही तासातच आरोपीला ताब्यात घेतले. अनैतिक संबंधातून गरोदर झाल्यामुळे तिच्या ओढणीने गळा आवळून खून केल्याचे आरोपीने कबूल केले आहे. शकील मुस्तफा सिद्दिकी वय, 38 रा. मामा चौक गोंदिया असे आरोपीचे नाव आहे.

मृत तरुणीची ओळख पटली असून ती आरोपीच्या वीट भट्टीवर काम करीत होती. दरम्यान आरोपीने तिच्याशी अनैतिक संबंध प्रस्थापित केल्याने ती गर्भवती होती. तिने आरोपी सोबत राहण्याची इच्छा व्यक्त केली असता, आरोपीला ते मान्य नव्हते. तेव्हा तिच्यापासून सुटका करण्याकरिता बबई देऊटोला शिवारात आणून ओढणीने गळा आवळून तिची हत्या केली व पुरावा नष्ट करण्याच्या उद्देशाने मृतदेह जाळण्याचा प्रयत्न केल्याचे त्याने पोलीस तपासात कबूल केले आहे.

 अल्पवयीन मुलाचा तीन वर्षीय चिमुकलीवर बलात्कार,आरोपीची बालसुधारगृहात रवानगी 

चंद्रपूर : जिल्ह्यातील पडोली पोलीस ठाण्यांतर्गत पडोली-घुग्घुस मार्गावर असलेल्या चिंचाडा गावाजवळच्या एका वीटाभट्टीवर काम करणाऱ्या १३ वर्षीय अल्पवयीन मुलाने तीन वर्षांच्या चिमुकलीवर बलात्कार केल्याची धक्कादायक घटना उघडकीस आली. या घृणित कृत्याने परिसरात खळबळ उडाली आहे. मिळालेल्या माहितीनुसार, पीडित चिमुकलीचे आई-वडील चिंचाडा गावाजवळच्या एका वीटभट्टीमध्ये काम करतात. शुक्रवारी सकाळी ११ वाजता आई-वडील त्यांच्या मुलीला झोपडीत झोपवून कामावर गेले होते, तेव्हा तिथे काम करणाऱ्या १३ वर्षीय अल्पवयीन मुलाने मुलीला एकटे पाहून तिच्यावर बलात्कार केला.

मुलीच्या रडण्याचा आवाज ऐकून आई-वडील तातडीने झोपडीत पोहोचले आणि अल्पवयीन मुलाला पकडले. मुलीच्या आई-वडिलांनी पडोली पोलीस ठाण्यात जाऊन तक्रार दाखल केली. पोलिसांनी आरोपीला पकडून बाल सुधारगृहात पाठवले. याप्रकरणी आरोपीविरुद्ध कलम ३७६ (अ) आणि पोक्सो कायद्यान्वये गुन्हा दाखल करण्यात आला आहे. पुढील तपास उपविभागीय पोलीस अधिकारी सुधाकर यादव करत आहेत.

 कब्बडी स्पर्धा पाहायला गेलेल्या 25 वर्षीय तरुणाचा गावाजवळील शेतशिवारात संशयास्पद मृत्यू 

  मृत्यूचे कारण अस्पष्ट 

   आष्टी -
   आष्टी पोलिस स्टेशन अंतर्गत येत असलेल्या जैरामपूर येथे 25 वर्षीय अविवाहित तरुणाचा संशयास्पद मृत्यू झाल्याची घटना दिनांक 10 फेब्रुवारीला सोमवारी उघडकीस आली.

   सुभाष मारोती गेडाम वय 25 वर्ष रा. जैरामपुर तालुका चामोर्शी जिल्हा गडचिरोली असे मृतक तरुणाचे नाव आहे.
  
  मृतक सुभाष मारोती गेडाम  कब्बडी पाहण्यासाठी बाहेर गावी जात आहे असे सांगून राहत्या घरातून रवीवारी  घराबाहेर पडला मात्र रात्री उशिरापर्यंत सुभाष घरी परत न आल्याने कुटुंबीयांनी शोधाशोध केली.10 फेब्रुवारी सोमवारी सकाळच्या सुमारास सुभाष याचा मृतदेह गावालगत असलेल्या शेताच्या पाळीवर आढळून आला. घटनेची माहिती कळताच आष्टी पोलिस घटनास्थळी दाखल झाले असुन पंचनामा करून त्याचा मृतदेह आष्टी येथील ग्रामीण रुग्णालयात  शवविच्छेदन करण्यासाठी पाठविण्प्रयात आला शवविच्छेदन झाल्यावर मृतदेह नातेवाईकांच्या ताब्यात देण्यात आला आहे आष्टी  पोलीस या मृत्यू प्रकरणाची कसून चौकशी करीत असुन शवविच्छेदन अहवालानंतर त्याच्या मृत्यूचे कारण स्पष्ट होणार आहे.मृतक सुभाष हा शेतीची कामे करायचा. या घटनेमुळे जैरामपूर परीसरात एकच खळबळ निर्माण झाली आहे. अधिक तपास आष्टी पोलीस स्टेशन चे पोलीस निरीक्षक विशाल काळे यांच्या मार्गदर्शनाखाली पोलिस करित आहेत 

 आपल्या शेतजमीनीत खुरपण करीत असताना विषारी सापाने केला दंश, उपचारासाठी नेत असताना वाटेतच महिलेचा मृत्यू 

आष्टी -
   आपल्या शेतजमिनी मध्ये खुरपणाचे काम करीत असताना विषारी सापाने दंश केल्याने शेतकरी महीलेचा मृत्यू झाल्याची दुदैवी घटना अनखोडा येथे 8 फेब्रुवारी शनिवारी घडली.

   शेवंता सुरेश घ्यार वय 51 वर्ष रा. अनखोडा तालुका चामोर्शी जिल्हा गडचिरोली असे मृतक महिलेचे नाव आहे.

     सविस्तर वृत्त असे की,शेवंता घ्यार आपल्या शेतात काम करीत असताना त्यांना विषारी सापाने दंश केला.नातलग शेजारी यांनी त्यांची प्रकृती बिघडताच त्यांना तातडीने चंद्रपूर येथील रुग्णालयात दाखल करण्यासाठी नेले जात असताना वाटेतच त्यांचा मृत्यू झाला. त्यांच्या मृत्यूची वार्ता समजताच अनखोडा गावात शोककळा पसरली. मृतक शेवंता यांच्या पश्चात पती एक मुलगा व मुलगी असा आप्त परिवार असुन परिवारावर दुःखाचा डोंगर कोसळला आहे.

जिवापाड प्रेम करणारा मीत्र ह्याने केले मैत्रिणीवर लैंगिक अत्याचार,त्याच्याच मित्रांनी व्हिडिओ काढून केले व्हायरल
हे करणाऱ्या जोडप्यालाही केली अटक

भिवंडी:-
भिवंडीत २२ वर्षीय तरुणानं आपल्या १९ वर्षीय मैत्रिणीवर बलात्कार केल्याची धक्कादायक घटना घडली. या प्रकरणी दुसऱ्या मित्रासह मैत्रिणीला अटक करण्यात आली आहे 
 भिवंडी शहरातील कामतघर परिसरात राहणाऱ्या १९ वर्षीय तरुणीवर तिच्याच एका मित्रानं कट रचून अत्याचार केल्याची धक्कादायक घडली. अत्याचाराचा अश्लील व्हिडिओ मोबाईल कॅमेऱ्यात कैद करून तो सोशल मीडियावर व्हायरल केला. या प्रकरणी भिवंडी शहर पोलिसांनी पीडितेच्या तक्रारीवरून बलात्कार करणाऱ्या मित्रासह व्हिडिओ व्हायरल करणाऱ्या मित्राला आणि मैत्रिणीला बेड्या ठोकल्याची माहिती वरिष्ठ पोलीस निरीक्षक कृष्णदेव खराडे यांनी दिली.

काय आहे घटना? : पोलिसांनी दिलेल्या माहितीनुसार, "२९ डिसेंबर रोजी दुपारच्या सुमारास मित्र हा पीडित मुलीला फिरण्याच्या बहाण्यानं बाहेर घेऊन गेला. त्यानंतर एका लॉजमध्ये नेलं आणि तिच्यावर अत्याचार केला. खळबळजनक बाब म्हणजे, अत्याचार करतानाचा अश्लील व्हिडिओ मोबाईल कॅमेरात कैद केला आणि तो व्हिडिओ व्हायरल केला. या कटात त्याला साथ देणाऱ्या दुसऱ्या मित्राला आमि मैत्रिणीला बेड्या ठोकल्या आहेत."
आरोपीला १२ फ्रेब्रुवारीपर्यंत पोलीस कोठडी : अश्लील व्हिडिओ व्हायरल झाल्यानंतर आणि या घटनेच्या एक महिन्यानंतर पीडितेनं भिवंडी शहर पोलिसांकडं तक्रार केली. त्यानंतर पोलिसांनी आरोपी, त्याचा मित्र आणि मैत्रिणीवर गुन्हा दाखल केला. या संदर्भात वरिष्ठ पोलीस निरीक्षक कृष्णदेव खराडे यांच्याशी संपर्क साधला असता "या प्रकरणी तिघांना अटक करून न्यायालयात हजर केलं होतं. आरोपींना १२ फ्रेब्रुवारीपर्यत पोलीस कोठडी सुनावली आहे," अशी माहिती त्यांनी दिली. या गुन्ह्याचा पुढील तपास सुरू आहे, अशी माहिती वरिष्ठ पोलीस निरीक्षक कृष्णदेव खराडे यांनी दिली.

महीला पोलीस उपनिरीक्षक यांना  30 हजार रुपये लाच घेताना  पकडले रंगेहाथ 

नागपूर:- पोलीस दलात लाचखोरीच्या मोठ्या प्रमाणात उत आले आहे. येथे मागील 24 तासांत पोलिस अधिकाऱ्यांनी लाच घेतल्याच्या दोन घटना समोर आल्याने खळबळ माजली आहे. त्यात महीला पोलीस पण मागे नसल्याचे दिसून येत आहे.

चोरीच्या गुन्ह्यातील आरोप टाळण्यासाठी लाच लुचपत प्रतिबंधक विभागाने एका महिला पोलिस अधिकाऱ्याला 30 हजार रुपयांची लाच घेताना रंगेहाथ अटक केल्याने पोलीस विभागात एकच खळबळ माजली आहे. ज्योत्स्ना प्रभू गिरी असे या लाचखोर महिला पोलीस अधिकाऱ्याचे नाव असून त्या नागपूर जिल्हातील बुटीबोरी एमआयडीसी पोलिस स्टेशनमध्ये पोलिस उपनिरीक्षक पदी नियुक्त आहे.

लाचखोर आरोपी महिला पोलिस अधिकारी बुटीबोरी एमआयडीसी पोलिस स्टेशनमध्ये पोलिस उपनिरीक्षक म्हणून कार्यरत आहे आणि ती गुन्हे शोध पथकाची प्रमुख आहे. एक 26 वर्षीय तक्रारदार तरुण बुटीबोरी परिसरात राहतो. एमआयडीसी बोरी पोलिसांनी त्याच्या मित्राला चोरीच्या गुन्ह्यात अटक केली होती. या प्रकरणाच्या तपासाची जबाबदारी ज्योत्स्ना गिरी यांच्यावर होती. पोलिसांना तक्रारदाराचा मोबाईल नंबर त्याच्या मित्राच्या मोबाईल फोनवर सापडला. म्हणून ज्योत्स्नाने तक्रारदाराला चौकशीसाठी पोलिस स्टेशनमध्ये बोलावले होते.

यावेळी पोलिसांनी चौकशीदरम्यान त्याचा मोबाईल फोन हिसकावून घेण्यात आला. त्याला चोरीच्या आरोपात अडकवण्याची धमकी देण्यात आली. त्याच्यावर खोटे आरोप दाखल करून त्याला तुरुंगात पाठवण्याची तयारी सुरू झाली. यामुळे तक्रार करणारा तरुण घाबरला. गुन्ह्यात आरोपी न करण्यासाठी ज्योत्स्नाने तक्रारदाराकडून 1 लाख रुपयांची लाच मागितली होती. तडजोड झाल्यानंतर, तिने 30 हजार रुपये घेण्याचे मान्य केले. तर तरुणाने ज्योत्स्ना विरोधात लाच लुचपत प्रतिबंधक विभागात तक्रार दाखल केली होती.

तरूणाने दिलेल्या तक्रारीची लाच लुचपत प्रतिबंधक विभागाने चौकशी केल्यानंतर, ज्योत्स्नाला रंगेहाथ पकडण्यासाठी सापळा रचण्यात आला. गुरुवारी संध्याकाळच्या सुमासर ज्योत्स्नाने तक्रारदार तरूना कडून तिच्या खोलीत 30 हजार रुपयांची लाच घेताच, लाच लुचपत प्रतिबंधक विभागाच्या पथकाने तिला रंगेहाथ पकडले. आता पुढील चौकशी असू असल्याची माहिती समोर आली आहे

 वनपालाने  घेतली 83 हजारांची लाच. अन् अडकला एसीबीच्या जाळ्यात

आलापल्ली:-

घरकुल बांधकामासाठी जंगल परिसरातून माती वाहतूक करणारे ट्रॅक्टर पकडुन कार्रवाई टाळण्यासाठी 83 हजारांची लाच घेताना आलापल्ली वनपरिक्षेत्र कार्यालयाअंतर्गत कार्यरत वनपाल लाचलूचपत प्रतिबंधक विभागाच्या जाळ्यात अडकला असुन मारोती गायकवाड असे त्या लाचखोर वनपालाचे नाव आहे. ही कारवाई 8 फेब्रुवारी रोजी दुपारच्या सुमारास करण्यात आली.वन विकास महामंडळ प्रकल्प आलापल्लीतील आलापल्ली वनपरिक्षेत्रात समाविष्ट आपापल्ली उप क्षेत्रातील ताणबोडी बीटातून फिर्यादी घरकुल बांधकाम करण्यासाठी माती वाहतूक करत होता सहा फेब्रुवारी रोजी एफडीसीएमच्या आल्लापल्ली कार्यालयातील वनपाल मारुती गायकवाड आणि वनमजुरांनी सदर ट्रॅक्टर पकडून दुसऱ्या दिवशी तडजोडी साठी कार्यालयात बोलावले मारुती गायकवाड यांनी फिर्यादीला तब्बल एक लाख दहा हजाराची मागणी केली तडजोड अंती एक लाख देण्याचे ठरले 17000 दंड पकडुन त्यांनी 83 हजार परस्पर रक्कम स्वीकारले मात्र फिर्यादीला लाभ देण्याची मुळीच इच्छा नसल्याने त्याने एसीबीच्या पथकाकडे याची आधीच तक्रार केली होती एसीबीच्या पथकाने आठ फेब्रुवारी रोजी दुपारच्या सुमारास मारुती गायकवाड यांना लाच स्वीकारताना आ ल्लापल्ली वनपरिक्षेत्र कार्यालयात रंगेहात पकडून ताब्यात घेतले

     ही कारवाई गडचिरोली लाचलूचपत प्रतिबंधक विभागाचे पोलिस उपअधीक्षक चंद्रशेखर ढोले यांच्या मार्गदर्शनाखाली पथकाने केली

गडचिरोली - छतिसगढ सीमेवर पोलिस नक्षलवादी चकमक ३१ नक्षलवादी ठार तर दोन जवान शहीद 

विजापूर:-
 गडचिरोली जिल्ह्याला लागून असलेल्या छत्तीसगढ राज्यामध्ये मध्ये रविवारी (दि.९) सुरक्षा दल आणि नक्षलवाद्यांमध्ये मोठी चकमक झाली. महाराष्ट्राच्या सीमेला लागून असलेल्या बिजापूर जिल्ह्यातील राष्ट्रीय उद्यान क्षेत्रात झालेल्या या चकमकीत ३१ नक्षलवाद्यांना कंठस्नान घालण्यात जवानांना यश आले. तर दोन जवान शहीद झाले व दोन जवान गंभीर जखमी झाले आहेत सध्या परिसरात शोधमोहीम सुरू आहे.

        छत्तीसगडमध्ये त्रिस्तरीय पंचायत निवडणुकीच्या आधी बिजापूरच्या राष्ट्रीय उद्यान परिसरात पोलिस आणि नक्षलवाद्यांमध्ये  मोठी चकमक झाली. डीआरजी, एसटीएफ आणि बस्तर फायटर सैनिकांनी चकमकीत ३१  नक्षलवाद्यांना ठार मारले आहे. बिजापूर जिल्ह्याला लागून असलेल्या महाराष्ट्र सीमेवरील राष्ट्रीय उद्यान परिसरात सकाळपासून ही चकमक सुरू आहे. बस्तर पोलिसांनी चकमकीत ३१ नक्षलवादी ठार झाल्याची पुष्टी केली आहे. सध्या इतर नक्षलवाद्यांना पकडण्यासाठी शोध मोहीम सुरू आहे. एएनआयने दिलेल्या वृत्तानुसार, बस्तर पोलिसांनी सांगितले की, बिजापूर जिल्ह्यातील राष्ट्रीय उद्यान क्षेत्रातील जंगलात सुरक्षा दलांशी झालेल्या चकमकीत ३१ नक्षलवादी ठार झाले. शोध मोहीम सुरू आहे.

या कारवाईत सुरक्षा दलांनी अनेक स्वयंचलित शस्त्रे आणि मोठ्या प्रमाणात दारूगोळा देखील जप्त केला आहे. या चकमकीत अनेक वरिष्ठ नक्षलवादी कमांडरही सामील असल्याचे मानले जात आहे, ज्यांना घेरण्यात आले आहे.

    बिजापूरच्या या भागात पंचायत निवडणुकीपूर्वी सुरक्षा व्यवस्थेबाबत विशेष दक्षता घेतली जात आहे. सुरक्षा दलांना आधीच संशय होता की नक्षलवादी मोठी घटना घडवण्याचा कट रचत आहेत, म्हणून कारवाई तीव्र करण्यात आली. या चकमकीनंतर पोलिस प्रशासनाने आजूबाजूच्या भागात गस्त वाढवली आहे आणि सुरक्षा दलांना सतर्क ठेवण्यात आले आहे.

एका इसमाने बलात्कार करून महिलेचा गळा दाबून केला खुन

नागपूर:-

 एका इसमाने बलात्कार करून गळा दाबून खून केल्याची घटना समोर आली आहे. पोलिसांच्या माहितीनुसार, ३३ वर्षीय महिलेची हत्या करण्यात आली आहे. सध्या महिलेच्या हत्येप्रकरणी एका संशयिताला ताब्यात घेण्यात आले आहे. पोलिसांनी सांगितले की, त्या पुरूषाने महिलेसोबत दारू प्यायली होती. त्यानंतर तिच्यावर जबरदस्ती केल्यानंतर त्याने तिचा गळा दाबून खून केला.

हुडकेश्वर पोलिसांनी सुरुवातीला अपघाती मृत्यू म्हणून नोंद केली होती. परंतु जीएमसीएचमधील फॉरेन्सिक तज्ज्ञांनी तपासणी केली आणि असे आढळून आले की महिलेच्या मानेवर गळा दाबण्याच्या खुणा होत्या आणि त्यासाठी बळाचा वापर करण्यात आला होता.

सदर  महिलेचे अनेक लोकांशी संबंध असल्याचे सांगण्यात येत आहे. यानंतर पोलिसांनी आरोपीविरुद्ध बलात्कार आणि हत्येचा गुन्हा दाखल केला आहे.सूत्रांनी दिलेल्या माहितीनुसार, पीडित महिला काही वर्षांपूर्वी तिच्या पती आणि मुलीसह नागपूरला आली होती. नागपूरला आल्यानंतर त्यांचे अनेक लोकांशी संबंध निर्माण झाले होते. आतापर्यंतच्या तपासात किमान दोन नावे समोर आली आहेत. पतीव्यतिरिक्त, पोलिसांना इतर अनेक लोकांवरही संशय आहे.

आरोपी महिलेच्या घरी वारंवार येत असे तपासादरम्यान, पोलिसांना असे आढळून आले की आरोपी अनेकदा महिलेच्या घरी येत असे. दोघेही तिथे एकत्र दारू प्यायचे. तो त्या महिलेला काही पैसे देऊन निघून जायचा. हत्येच्या दिवशी महिलेने आणखी पैशांची मागणी केली. या मुद्द्यावरून दोघांमध्ये भांडण झाले. आरोपीने रागाच्या भरात महिलेचा गळा दाबून खून केला.
अधिक तपास पोलीस करीत आहेत

दुचाकीवरील नियंत्रण सुटल्याने रोडच्या कडेला दगडावर धडकली दुचाकी , दुचाकीस्वार जागीच ठार 

 पुसदः शहरासह तालुक्यात अपघाताच्या घटनेत लक्षणीय वाढ होत आहे. दर एक दिवसाच्या अंतराने कुठे ना कुठे अपघात घटना घडत आहे. दोन दिवसा अगोदर काटखेडा व कासोळा येथे भीषण अपघात घडले या घटनेला ४८ तास उलटले असताना आज निंबी जवळील भवानी टेकडी जवळ एका अपघातात हिवाळी (त) येथील दुचाकीस्वाराचा जागेवर दुर्दैवी मृत्यू झाल्याची घटना घडली आहे. या अपघातात मृत्युमुखी पडलेल्या इसमाचे नाव मनोज बळीराम आडे वय ३६ वर्ष रा. हिवळनी (त) ता. पुसद जि. यवतमाळ असे आहे.याबाबत पोलीस सूत्राने दिलेली माहिती अशी की, आज दि.६ फेब्रुवारी २०२५ रोजी सकाळी अंदाजे ९:०० वाजण्सुयाच्या सुमारास हिवळणी येथील रहिवासी असलेले माजी सरपंच मनोज बळीराम आडे वय ३६वर्ष हा मुलांच्या शिक्षणासाठी पुसद येथे राहत होता. तो सकाळी पुसद वरून हिवाळी येथे आपल्या होंडा यूनिकॉर्न दुचाकी क्रमांक एम एच २९सिजी १७७०गावी जात असताना शहरापासून चार ते पाच किलोमीटर अंतरावर असलेल्या निंबी जवळील भवानी माता मंदिर टेकडीच्या समोरच्या वळणाच्या रस्त्यावर या दुचाकीस्वराचे गाडीवरील नियंत्रण सुटल्याने दुचाकी थेट रस्त्याच्या खाली गेली. व दुचाकीस्वार दगडावर जाऊन आदळल्याने त्याचा जागीच मृत्यू झाला या घटनेची माहिती स्थानिक प्रथम दर्शनीनी वसंत नगर पोलीस स्टेशनला कळवली असता पोलीस स्टेशनचे पोलीस हेडकॉन्स्टेबल विष्णू नालमवार व पोलीस हेड कॉन्स्टेबल ठाकूर यांनी तात्काळ घटनास्थळ गाठून पंचनामा केला. असता या अपघातात मृत्युमखी पडलेल्या इसमाची ओळख पटवली व मृतदेह शासकीय उपजिल्हा पुसद येथे शवविच्छेदनासाठी पाठविण्यात आला. जर सार्वजनिक बांधकाम विभाग पुसद यांच्यामार्फत रस्त्याच्या सुरक्षा भिंत किंवा कठडे लावले असते, तर हा अपघात एवढा भीषण झाला नसता. हे सुद्धा तेवढेच सत्य. घटनेचा उर्वरित तपास वसंत नगर पोलीस स्टेशनच्या मार्गदर्शनाखाली सुरू आहे.

जन्मदातेनेच विष देऊन आपल्या मुलाची केली हत्या 

 गुजरात : गुजरातमधील अहमदाबादमध्ये हत्येची धक्कादायक घटना समोर आली आहे. गुजरातच्या अहमदाबादमध्ये एका व्यक्तीने आपल्या १० वर्षांच्या मुलाला पाण्यात विष मिसळून पाजलं. या घटनेत मुलाचा दुर्दैवी मृत्यू झाला. मुलाच्या हत्येनंतर ४७ वर्षीय आरोपीने पोलीस ठाण्यात आत्मसमर्पण केले. आरोपी पित्याने पोलिसांसमोर आपला गुन्हा कबूल केला. मुलाच्या मृत्यूनंतर कुटुंबियांना जबर धक्का बसला आहे.

अहमदाबादमध्ये एका पित्याने १० वर्षांच्या मुलाला सोडियम नायट्रेट नावाचे विषारी द्रव्य पाजून त्याची हत्या केली. अहमदाबादच्या बापूनगर पोलीस ठाण्याच्या हद्दीत ही घटना घडली. कल्पेश गोहेल याने आपल्या मुलाची हत्या केल्यानंतर स्वतः आत्महत्या करण्याचा निर्णय घेतला त्याने तसे केले नाही.

मंगळवारी झालेल्या घटनेनंतर गोहेलला अटक करण्यात आल्याचे पोलिसांनी सांगितले. हे कृत्य करण्यामागचे कारण अद्याप स्पष्ट झाले नसल्याचे पोलीस अधिकाऱ्यांनी सांगितले. आरोपीच्या मुलीने दिलेल्या माहितीनुसार, वडिलांनी उलट्या थांबवण्यासाठी मुलगा ओम आणि १५ वर्षांची जियाला औषध प्यायला दिले होते. यानंतर वडिलांनी सोडियम नायट्रेटयुक्त पाणी ओमला प्यायला दिले.

आरोपीने आपल्या मुलांना विष देऊन आत्महत्या करण्याचा विचार केला होता, परंतु आपल्या मुलाची बिघडलेली प्रकृती पाहून तो घाबरला आणि घरातून पळून गेला. पाणी प्यायल्यानंतर लगेचच मुलाला उलट्या होऊ लागल्या. त्यानंतर कुटुंबियांनी मुलाला एका खाजगी रुग्णालयात दाखल केले. डॉक्टरांनी त्यानंतर मुलाला मृत घोषित केले. कल्पेश गोहेल हा त्याची दोन मुले, पत्नी आणि आई-वडिलांसह राहत होता. कल्पेश गोहेलने आधी आपल्या दोन मुलांना औषध दिले आणि नंतर पत्नी बाहेर असताना त्याने आपल्या मुलाला विषयुक्त पाणी प्यायला लावले.

 मार्कंडा यात्रेत भाविकांच्या गरजा आणि मागण्यांचा विचार करून नियोजनाचे जिल्हाधिकारी यांचे निर्देश

गडचिरोली, दि. 6: महाशिवरात्रीनिमित्त दर्शनासाठी येणाऱ्या भाविकांची गैरसोय होऊ नये, यासाठी पिण्याचे पाणी, निवास, विशेषत: स्वच्छता, आरोग्य आणि सुरक्षेसंबंधी सर्व आवश्यक उपाययोजना भाविकांच्या गरजा आणि मागण्यांचा विचार करून वेळेत पूर्ण करण्याचे निर्देश जिल्हाधिकारी अविश्यांत पंडा यांनी दिले.
मार्कंडेश्वर तीर्थक्षेत्र व चपराळा देवस्थान येथे महाशिवरात्री निमित्त आयोजित होणाऱ्या यात्रेच्या पूर्वनियोजना आढावा जिल्हाधिकारी यांनी आज मार्कंडा येथील धर्मशाळेत घेतला. बैठकीला उपविभागीय अधिकारी रणजित यादव, निवासी उपजिल्हाधिकारी सुनिल सुर्यवंशी, उपजिल्हाधिकारी प्रसेनजीत प्रधान, उपविभागीय पोलिस अधिकारी जगताप, तहसिलदार प्रशांत गोरूडे, गटविकास अधिकारी सागर पाटील, जिल्हा आपत्ती व्यवस्थापन अधिकारी निलेश तेलतुंबडे तसेच सरपंच आणि मार्कंडा व चपराळा येथील मंदिर व्यवस्थापन समितीचे पदाधिकारी उपस्थित होते.
यात्रेच्या दरम्यान भाविकांच्या सुरक्षिततेसह सर्व मूलभूत सोयी सुविधा सज्ज ठेवण्यावर भर देण्यात आला. यासाठी जिल्हाधिकाऱ्यांनी संबंधित विभागांना स्पष्ट निर्देश दिले. यात्रेच्या ठिकाणी कायदा आणि सुव्यवस्था अबाधित ठेवण्यासाठी पोलिस बंदोबस्त, नियंत्रण कक्ष, तसेच धर्मशाळांची दुरुस्ती करण्यात यावी. तसेच वैद्यकीय सुविधांसाठी औषधांचा पुरेसा साठा, वैद्यकीय अधिकाऱ्यांची नियुक्ती, तसेच रुग्णवाहिका आणि अग्निशमन यंत्रणा उपलब्ध ठेवण्याच्या सूचना देण्यात आल्या. याशिवाय, भाविकांसाठी अधिकच्या बसेसची व्यवस्था, अखंडित वीजपुरवठा, पथदिवे, मोबाइल शौचालयांची व्यवस्था आणि स्वच्छतेवर विशेष भर द्यावा असेही जिल्हाधिकाऱ्यांनी सांगितले.
स्तनदा माता व वयोवृद्धांसाठी विशेष सोय
महाशिवरात्री यात्रेला हजारो भाविक येतात, त्यामुळे दर्शनासाठी लागणाऱ्या दीर्घ रांगांमध्ये स्तनदा माता व वयोवृद्धांसाठी विशेष रांगेची व्यवस्था करण्याच्या सूचनाही देण्यात आल्या. तसेच उन्हापासून बचावासाठी शेड आणि जागोजागी पाणपोई उभारण्याचे नियोजन करण्यात यावे, असे आदेश जिल्हाधिकाऱ्यांनी दिले.
दर्शनाची वेळ वाढविण्याची मागणी
बैठकीत मार्कंडेश्वर मंदिरात यात्रेदरम्यान दर्शनाची सकाळी ६ ते रात्री १० ही वेळ वाढवून २४ तास सुरू ठेवावी अशी मागणी भाविकांकडून करण्यात आली. यावर पोलीस, आपत्ती व्यवस्थापन आणि इतर यंत्रणांसोबत चर्चा करून वेळ वाढवण्याचा निर्णय घेतला जाईल, असे जिल्हाधिकाऱ्यांनी स्पष्ट केले.

सर्व विभागांना समन्वयाने कार्य करण्याचे निर्देश

सर्व विभागांनी परस्पर समन्वय साधून यात्रेच्या तयारीत कोणताही अडथळा येऊ नये याची काळजी घेण्याचे जिल्हाधिकाऱ्यांनी सांगितले.
बैठकीला महसूल, पोलिस, वन, सार्वजनिक बांधकाम, नगरपंचायत, दूरसंचार, अन्न व औषध प्रशासन, ग्रामपंचायत, परिवहन आणि संबंधित विभागांचे अधिकारी उपस्थित होते.

अतीवेगात  तिहेरी दुचाकीस्वारने दिली उड्डाणपूलाच्या संरक्षक कठड्यास धडक ,एक जागीच ठार तर दोन गंभीर 

भद्रावती(दि.6 फेब्रुवारी) :- तिघेजन बसून भरधाव दुचाकी उडान पुलाच्या कठड्यास जोरदार धडकल्याने झालेल्या अपघातात एका युवकाचा घटनास्थळीत मृत्यू झाला. असून दोघे युवक गंभीर जखमी झाले आहे. सदर घटना दि.५ बुधवार ला रात्री ११ वाजता शहरातील हायवे वरील उडान पुलाजवळ घडली. जखमी दोन्ही युवकांना चंद्रपूर येथील सामान्य रुग्णालयात उपचारासाठी दाखल करण्यात आले असून दोघांची प्रकृती गंभीर आहे.

अमोल भिंगारदिवे वय २२, सुजल बहादे व लहू धोटे हे तीन युवक नंबर प्लेट नसलेल्या एका काळ्या रंगाच्या पल्सर दुचाकीने शहरातील पंचशील नगरातून हायवे कडे भरधाव वेगाने जात असताना सदर दुचाकी उडान पुलाच्या भिंतीला आदळली.या अपघातात अमोल भिंगारदिवे या युवकाचा घटनास्थळीच मृत्यू झाला तर सुजल बहादे व लहू धोटे हे दोघे गंभीर जखमी झाले आहे. त्यांना उपचारासाठी चंद्रपूर येथील सामान्य रुग्णालय चंद्रपूर येथे दाखल करण्यात आले, मृतक ला ग्रामीण रुग्णालय भद्रावती येथे, शवविच्छेदन साठी पाठवण्यात आले. घटनेचा पुढील तपास भद्रावती पोलीस करीत आहे.

अल्पवयीन मलीचे एका तरुणाने केले अपहरण मात्र पोलिसांनी ठोकल्या बेड्या 

 राहुरी:-

कोणीही आपल्या मुला, मुलीचे लग्नाचे वय पूर्ण झाल्या शिवाय त्यांचा विवाह करू नये- पो. नि. ठेंगे.काही दिवसांपूर्वी राहुरी तालुक्यातील मोकळ ओहळ येथील एका अल्पवयीन मुलीचे अपहरण केल्याची घटना घडली होती. राहुरी पोलिस पथकाने या घटनेचा तपास करुन अपहरण करणाऱ्या तरुणाच्या मुसक्या आवळून जेरबंद केले. 

राहुरी तालुक्यातील मोकळा येथील विकी उर्फ विकास प्रकाश शिरसाठ या आरोपी तरुणाने एका अल्पवयीन मुलीस लग्नाचे आमिष दाखवून तिचे अपहरण केल्याची घटना घडली होती. या घटने संदर्भात राहुरी पोलीस ठाण्यात आरोपीवर पॉक्सो गुन्हा दाखल करण्यात आला होता. यातील आरोपीने अल्पवयीन मुलीस लग्नाचे आमिष दाखवून तिचे अपहरण केले होते.स दरील गुन्ह्यातील आरोपी विकी उर्फ विकास प्रकाश शिरसाठ, वय २४ वर्षे, रा. मोकळ मोहोळ, ता. राहुरी, याला राहुरी पोलिस पथकाने दि. ५ फेब्रुवारी २०२५ रोजी अटक केली. आरोपीस न्यायालयात हजर करून पुढील तपासासाठी पोलीस कोठडी रिमांड घेण्याची तजवीज चालू आहे. सदरील गुन्ह्याचा तपास पोलीस निरीक्षक संजय ठेंगे यांच्या मार्गदर्शनाखाली पोलीस उप निरीक्षक चारुदत्त खोंडे हे करीत आहेत.

अशा घटना टाळण्यासाठी राहुरी पोलिसांनी सर्व नागरिकांना आव्हान केले आहे की, कोणीही आपल्या मुला अथवा मुलीचे लग्नाचे वय पूर्ण झाल्या शिवाय त्यांचा विवाह करू नये. अन्यथा त्यांच्यावर व लग्न जुळणारे आई-वडील सासू सासरे यांच्यावर गुन्हा दाखल होतो. सर्व ग्रामपंचायत, पोलीस पाटील, ग्रामसेवक बालविवाह प्रतिबंधक अधिकारी म्हणून आपापल्या क्षेत्रामध्ये जनजागृती करावी, असे आवाहन पोलीस निरीक्षक संजय ठेंगे यांनी केले आहे.

सदरची कारवाई पोलीस निरीक्षक संजय ठेंगे यांच्या नेतृत्वाखाली पोलीस उप निरीक्षक चारुदत्त खोंडे, पोलीस हवालदार सुरज गायकवाड, राहुल यादव, प्रमोद ढाकणे, सतिष कुऱ्हाडे , गोवर्धन कदम, अंकुश भोसले, इफ्तेखार सय्यद, सचिन ताजने आदि पोलिस पथकाने केली.

घरात का घुसता म्हणून विचारले असता सासू व सुनेला दोघा इसमाने केली मारहाण, पोलीसांनी केला दोघांवरही विनयभंगाचा गुन्हा दाखल 

राहुरी:-
तुम्ही शिवीगाळ करु नका, आमचे माणसे घरी नाहीत, असे म्हणालेचा राग आल्याने आरोपींनी सासू व सुनेला शिवीगाळ करुन मारहाण केल्याची घटना दि. २ फेब्रुवारी रोजी सकाळच्या सुमारास राहुरी तालुक्यातील वांबोरी येथे घडली. अनिता विजय बोरकर, वय ३० वर्षे, रा. वांबोरी, ता. राहुरी, यांनी राहुरी पोलिस ठाण्यात दिलेल्या फिर्यादीत म्हटले आहे कि, दि. २ फेब्रुवारी २०२५ रोजी १०.४५ वा. चे सुमारास अनिता बोरकर व त्यांची सासु उषा अण्णासाहेब बोरकर अशा दोघीजणी त्यांच्या घरात स्वयंपाक करत होत्या. त्यावेळी आरोपी बोरकर यांच्या घरात घुसले व म्हणाले की, तुझा नवरा कोठे आहे, असे म्हणुन ते शिवीगाळ करु लागले. त्यावेळी अनिता बोरकर यांची सासु उषा त्यांना म्हणाल्या की, तुम्ही शिवीगाळ करु नका, आमचे माणसे घरी नाहीत. असे म्हणालेचा त्या दोघांना राग आला. त्यांनी दोघींना शिवीगाळ दमदाटी करत हाथाच्या चापटीने मारहाण केली.
 अनिता बोरकर यांच्या गळयातील मनीमंगळसुत्र ओढुन नुकसान केले. तसेच सासु उषा यांच्या गळयातील मणीमंगळसुत्र झटापटीत तुटुन गहाळ झाले आहे. त्यानंतर पुन्हा आमचे नादी लागलातर एका एकाला जिवे ठार मारुन टाकु, अशी आरोपींनी धमकी दिली. अनिता विजय बोरकर यांच्या फिर्यादीवरून आरोपी भाऊसाहेब जनार्धन शेळके व राहुल जर्नाधन शेळके, दोघे रा. वांबोरी, ता. राहुरी, या दोघांवर गुन्हा रजि. नं. ७४/२०२५ भारतीय न्याय संहिता कलम ११५ (२), ३ (५), ३२४ (४), ३३३, ३५१ (२), ३५२ प्रमाणे गुन्हा दाखल करण्यात आला.

आदिवासी विकासासाठी ४८२ कोटी ३६ लाखांचा प्रारूप आराखडा सादर

प्रत्येक विद्यार्थ्याला शिक्षणाची हमी आणि गाव तेथे रस्त्याचे नियोजन करा- आदिवासी विकास मंत्री डॉ अशोक उईके 

गडचिरोली, दि. ६: आदिवासीबहुल गडचिरोली जिल्ह्यातील विकासाला गती देण्यासाठी आणि आदिवासी समाजाच्या उन्नतीसाठी जिल्हा प्रशासनाने ४८२ कोटी ३६ लाख रुपये इतक्या निधीच्या प्रारूप आराखड्याची मागणी शासनाकडे सादर केली आहे. हा आराखडा जिल्हा वार्षिक योजना २०२५-२६ अंतर्गत आदिवासी उपयोजना आणि आदिवासी क्षेत्राबाहेरील उपयोजना यासाठी प्रस्तावित करण्यात आला आहे. या संदर्भात आदिवासी विकास मंत्री डॉ. अशोक उईके यांच्या अध्यक्षतेखाली आज राज्यस्तरीय आढावा बैठक घेण्यात आली.

निधीवाढीसह प्रस्ताव सादर
गडचिरोली जिल्ह्यासाठी पूर्वी १९७ कोटी ९६ लाख रुपयांची वित्तीय मर्यादा निश्चित करण्यात आली होती. मात्र, जिल्ह्यातील कार्यान्वयन यंत्रणेकडून २८४ कोटी ३६ लाख रुपयांची वाढीव मागणी करण्यात आल्याने एकूण ४८२ कोटी ३६ लाखांचा आराखडा शासनाकडे सादर करण्यात आला. यावेळी मंत्री उईके यांनी गडचिरोली जिल्ह्यात अधिकाधिक पायाभूत सुविधा उपलब्ध करून देण्यासाठी सकारात्मक निर्णय घेतला जाईल, असे सांगितले.

गाव तेथे रस्ता – आदिवासी विकास मंत्र्यांचे स्पष्ट निर्देश

गडचिरोली जिल्हा हा आदिवासीबहुल जिल्हा असल्याने येथील प्रत्येक गाव रस्त्याने जोडला जावा, यावर भर देण्याचे व ‘गाव तेथे रस्ता’ हा महत्त्वाकांक्षी उपक्रम प्रस्तावित करण्याचे निर्देश आदिवासी विकास मंत्री डॉ. अशोक उईके यांनी बैठकीत दिले.

शिक्षणाला प्राधान्य – प्रत्येक विद्यार्थ्याला संधी

शाळा तसेच वसतीगृहांमध्ये प्रवेशाच्या सुविधा अधिक सुटसुटीत आणि सर्वसमावेशक करून आदिवासी समाजातील कोणताही विद्यार्थी शिक्षणापासून वंचित राहू नये, यासाठी उपाययोजनांवर भर देण्याचे त्यांनी सांगितले.

आदिवासी समाजाच्या सर्वांगीण प्रगतीस चालना मिळण्यासाठी  पायाभूत सुविधा, शिक्षण, आरोग्य आणि आर्थिक विकास यावर भर देवून महत्त्वाकांक्षी योजना आखण्याची गरज असल्याचे मंत्री उईके यांनी स्पष्ट केले. 

या बैठकीला जिल्हाधिकारी अविश्यांत पंडा, आमदार रामदास मसराम, जिल्हा परिषदेचे मुख्य कार्यकारी अधिकारी सुहास गाडे, एकात्मिक आदिवासी विकास प्रकल्पाचे प्रकल्प अधिकारी राहुल मीना (गडचिरोली), कुशल जैन (अहेरी), नमन गोयल (एटापल्ली) तसेच विविध कार्यकारी यंत्रणांचे प्रमुख उपस्थित होते.

जिल्हाधिकारी अविश्यांत पंडा यांनी आदिवासी वार्षिक उपयोजनेचा सविस्तर आढावा सादर केला. बैठकीत सर्व संबंधित यंत्रणांचे अधिकारी उपस्थित होते

पुस्तके वाचल्याने ज्ञान मिळते परंतू कला व क्रीडा या क्षेत्राच्या माध्यमातून पुढे जान्याचा मार्ग आहे - डॉक्टर लुबना हकीम  

सुंदरनगर:-
पुस्तके वाचल्याने ज्ञान मिळते परंतू कला व क्रीडा क्षेत्राच्या माध्यमातून आपल्या जीवनात पुढे जान्याचा मार्ग मीळतो असे मनोगत शाळेच्या क्रीडा व  सांस्कृतीक कार्यक्रम समारोपप्रसंगी  डॉ.लुबना हकीम  यांनी व्यक्त केले
 नेताजी सुभाषचंद्र प्राथमिक, माध्यमिक तथा उच्च माध्यमिक विद्यालय, सुंदरनगर येथे बक्षीस वितरण कार्यक्रम संपन्न झाला. सत्र 2024-2025 मध्ये शिक्षण विभागातर्फे राबवलेले विविध उपक्रम तसेच विद्यालयातर्फे आयोजित क्रीडा स्पर्धा आणि सांस्कृतिक कार्यक्रमांमध्ये उत्कृष्ट कामगिरी करणाऱ्या विद्यार्थ्यांना सन्मानित करण्यात आले.
या कार्यक्रमाला प्राथमिक आरोग्य केंद्र, महागाव (ता. अहेरी) येथील वैद्यकीय अधिकारी डॉ. लुबना हकीम, राणी दुर्गावती विद्यालयाचे आदर्श मुख्याध्यापक लोनबले, शाळा व्यवस्थापन व विकास समितीचे सदस्य पाल, प्रा. रॉय, स्वर्णकार , वांढरे , तसेच प्राचार्य निखुले उपस्थित होते.
डॉ. लुबना हकीम यांनी आपल्या भाषणात विद्यार्थ्यांच्या सर्वांगीण विकासाचे महत्त्व अधोरेखित केले. त्यांनी डॉ. बाबासाहेब आंबेडकर, महात्मा ज्योतिबा फुले आणि सावित्रीबाई फुले यांचा आदर्श ठेवत शिक्षणासोबतच क्रीडा, कला आणि सांस्कृतिक उपक्रमांचा जीवनात महत्त्वाचा भाग असल्याचे सांगितले.
त्यांनी विद्यार्थ्यांना प्रेरित करताना सांगितले की,"केवळ पुस्तकांचे ज्ञानच नव्हे, तर कला, नाट्य, संगीत आणि खेळाच्या माध्यमातून व्यक्तिमत्त्व घडते.       ज्या विद्यार्थ्यांना पुरस्कार मिळत आहेत, ते त्यांची मेहनत, समर्पण आणि जिद्द यामुळे मिळवत आहेत. परंतु प्रत्येक सहभाग देखील महत्त्वाचा असतो, कारण विजयापेक्षा मोठे असते, ते म्हणजे शिकण्याची वृत्ती आणि सातत्याने प्रगती करण्याची जिद्द."त्यांनी नेताजी सुभाषचंद्र बोस यांच्या विचारांचा दाखला देत विद्यार्थ्यांना "मेहनत करा, सातत्य ठेवा आणि यश निश्चितच मिळेल" असा संदेश दिला.
कार्यक्रमाच्या शेवटी सर्व विजेत्या विद्यार्थ्यांचे अभिनंदन करत शाळेच्या शिक्षक आणि व्यवस्थापनाचे उत्तम आयोजनाबद्दल कौतुक केले.
यावेळी शाळेतील शिक्षक वृंद व कर्मचाऱ्यांनी परिश्रम घेतले.

कोयत्याने केला वार,  तरुण गंभीर सिगारेट न दिल्याचा कारण

पुणे : सिगारेट न दिल्याने तरुणानेएका व्यक्तीवर कोयत्याने वार केले. ही घटना मंगळवारी ४ फेब्रुवारी च्या रात्री साडेसात वाजता सृष्टी चौक, पिंपळे गुरव येथे घडली.रंगनाथ जगदेश गुत्तेदार (४०) रा. पिंपळे गुरव यांनी सांगवी पोलिस ठाण्यात फिर्याद दिली. संतोष धुळे जाधव (२८) रा. पिंपळे गुरव याच्या विरोधात गुन्हा दाखल केला. पोलिसांनी दिलेल्या माहितीनुसार, फिर्यादी रंगनाथ हे सृष्टी चौकात सिगारेट ओढत थांबले होते.

त्यावेळी संशयित संतोष तिथे आला. त्याने रंगनाथ यांच्याकडे सिगारेट मागितली. सिगारेट देण्यास रंगनाथ यांनी नकार दिला. त्या कारणावरून संतोष याने कोयता काढून रंगनाथ यांच्यावर वार करत त्यांना जखमी केले.

लागलीच पोलीसांनी घटना स्थळी धाव घेतली व आरोपीस अटक केली व तपास सुरू आहे 

कोकणात लपून बसला तरीही मुलीला पळवून नेणाऱ्या तरुणाचा पोलीसांनी लावला छळा 

पातूर - 

चान्नी पोलीस स्टेशन अंतर्गत येत असलेल्या एका गावातील पिडीतेच्या वडिलांनी काही दिवसा अगोदर पोलीस स्टेशनला दाखल केली होती. की त्यांच्या अल्पवयीन मुलीला अज्ञात इसमाने फुस लावून पडून नेले सदर बाबत पोलीस स्टेशनला अज्ञान आरोपी विरुद्ध अप क्र. 396/24 कलम 137 (2) भा न्या संहिता अन्वे गुन्हा नोंद करण्यात आला होता.

त्यानंतर दि. 30 नोव्हेंबर 2024 रोजी पिडीतेच्या वडिलांनी त्यांच्या अल्पवयीन मुलीला फुस लावून पळवून नेणारा इसम हा बलराज संतोष सरकटे वय 20 वर्ष रा. नवेगाव हा इसम असून त्याला त्यांचे वडील संतोष भीमराव सरकटे यांनी पळवून नेण्यास मदत केली आहे.

अशा फिर्यादी यांचे बयानावरून गुन्ह्यात कलम 96 भा.न्या संहिता वाढ करून पिडीतेस फूस लावून पळवून नेण्यास मदत करणारा आरोपींचा वडील संतोष सरकटे यांस ताब्यात घेऊन गुन्ह्याचा तपास करण्यात आला.गुन्ह्याचे तपासा दरम्यान चान्नी पोलिसांनी गोपनीय तसेच तांत्रिक माहितीच्या आधारे पीडिता व आरोपी बलराज संतोष सरकटे रा. नवेगाव यांचा शोध घेतला असता पिडीता व आरोपी हे चिपळूण रत्नागिरी येथे असल्याचे समजल्याने चान्नी पोलिसांनी वरिष्ठ पोलीस अधिकारी यांना माहिती देऊन त्यांच्या परवानगी घेऊन तपास पथक नेमले व तपास पथकाने कोकणात जाऊन चिपळूण जि. रत्नागिरी येथून पिडीता व आरोपी बलराम संतोष सरकटे यांना रितसर ताब्यात घेऊन दि. 4 फेब्रुवारी रोजी पोलीस स्टेशन चान्नी येथे आणले पिडीतेचे पालकासंक्षम तिने बयान नोंदविण्यात आले असून पीडीतेच्या बयानावरून गुन्ह्यात कलम 64 (2) एम भा .न्या.स. सहकलम 3.4.5. (एल) 6.8.1.2. पोक्सो वाढ करण्यात आली असून आरोपी बलराम सरकटे यांस अटक करण्यात आली आहे.

सदरची कारवाई मा. पोलीस अधीक्षक बच्चन सिंग, अप्पर पोलीस अधीक्षक अभय डोंगरे, उपविभागीय अधिकारी बाळापुर गजानन पडघन, यांच्या मार्गदर्शनाखाली स.पो.नि. रवींद्र लांडे, संजय कोहळे, पो. अंमलदार उमेश सांगळे, अनिल सोळंके, सुधाकर करवते , पो. अंमलदार राजनर्दिनी निधी पुंडगे, हर्षदा मोरे यांनी केली गुन्ह्याचा पुढील तपास स.पो.नि. रवींद्र लांडे यांच्या मार्गदर्शनाखाली पो. निरिक्षक संजय कोहळे करीत आहेत.

 धान उत्पादक शेतकऱ्यांचे धान खरेदीचे पैसे  शेतकऱ्यांच्या खात्यात तात्काळ जमा करावे : आम. सुधीर मुनगंटीवार

6 फेब्रुवारीला संध्याकाळपर्यंत शेतकऱ्यांच्या खात्यात पैसे जमा करणार : पणन महासंघाच्या पवार यांचे आश्वासन

चंद्रपूर जिल्हयातील धान उत्पादक शेतकऱ्यांचे धान खरेदीचे पैसे संबंधीत शेतकऱ्यांच्या खात्यात तात्काळ जमा करण्याबाबतची मागणी माजी मंत्री आम. सुधीर मुनगंटीवार यांनी महाराष्ट्र राज्य सहकार पणन महासंघाचे व्यवस्थापकीय संचालक हनुमंत पवार यांच्याकडे केली आहे. धान खरेदीचे सदर थकीत पैसे 6 फेब्रुवारी रोजी संध्याकाळ पर्यंत शेतकऱ्यांच्या खात्यात जमा करण्याचे आश्वासन हनुमंत पवार यांनी आम. मुनगंटीवार यांना दिले आहे.या संदर्भात आ. मुनगंटीवार यांनी अन्न नागरी पुरवठा विभागाच्या सचिव श्रीमती जयश्री भोज यांच्याशी देखील चर्चा केली. 

 चंद्रपूर जिल्हयातील एकुण १६,६६९ धान उत्पादक शेतकऱ्यांचे धान खरेदीचे रुपये ९३ कोटी ९० लाख रक्कम थकीत असल्यामुळे शेतकऱ्यांमध्ये तीव्र असंतोष आहे. याबाबत अनेक शेतकऱ्यांनी आम. सुधीर मुनगंटीवार यांची भेट घेत त्यांची कैफियत मांडली. आम. सुधीर मुनगंटीवार यांनी यासंदर्भात महाराष्ट्र राज्य सहकारी पणन महासंघ मुंबईचे व्यवस्थापकीय संचालक हनुमंत पवार यांच्याशी त्वरित संपर्क साधला व चर्चा केली. शेतकरी प्रचंड आर्थिक अडचणीत असल्यामुळे याविषयी संवेदनशील रित्या कार्यवाही करावी असे आ. मुनगंटीवार म्हणाले. हनुमंत पवार यांनी 6 फेब्रुवारी रोजी संध्याकाळ पर्यंत शेतकऱ्यांच्या हक्काचे पैसे त्यांच्या खात्यात जमा करण्यात येईल असे आश्वासन आ. सुधीर मुनगंटीवार यांना दिले.

उभ्या असलेल्या रेल्वेत झोपलेल्या महीलेवर नराधमाने संधी साधून केला बलात्कार

मुंबई :-

 येथून एक संतापजनक घटना समोर आली आहे. येथील वांद्रे रेल्वे टर्मिनस परिसरात एका मोकळ्या ट्रेनमध्ये झोपलेल्या महिलेवर हमाली काम करणाऱ्या एका नराधमाने अत्याचार केल्याच्या घटनेने खळबळ माजली आहे. एका महिलेवर अशा प्रकारे रेल्वेत अत्याचार झाल्याने रेल्वे प्रशासनावर प्रश्नचिन्ह उपस्थित होत आहे. ज्यावेळी ही घटना घडली तेव्हा प्लॅटफॉर्मवरील सुरक्षादल कुठे गेले होते? असा प्रश्नही उपस्थित केला जात आहे.

एक 55 वर्षीय महिला ट्रेननं हरिद्वार या ठिकाणाहून मुंबईत आपल्या एका नातेवाईकासोबत फिरायला आली होती. यावेळी ती रेल्वेत झोपली असताना हमालाने संधी साधून तिच्यावर अत्याचार केला. या प्रकरणी गुन्हा दाखल झाला असून पोलिसांनी नराधम हमालाला अटक केली आहे.

प्राप्त माहितीनुसार, 55 वर्ष पीडित महिला आपल्या एका नातेवाईकासह मुंबई फिरायला आली होती. मुंबईत राहण्याची व्यवस्था नसल्याने दोघांनी वांद्रे रेल्वे टर्मिनस परिसरात मुक्काम करण्याचा निर्णय घेतला होता. सुरुवातीला दोघंही प्लॅटफॉर्मवर झोपले होते. त्यानंतर पीडित महिलेचा नातेवाईक काही कामासाठी तिथून बाहेर गेला. तेव्हा प्लॅटफॉर्मवर एकटीच महिला झोपली होती.

त्यानंतर महिलेला जास्त झोप येत असल्याने तिने बाजुलाच उभ्या असलेल्या मोकळ्या ट्रेनमध्ये झोपायला गेली. तेव्हा ट्रेनमध्ये तिथे कुणीच नव्हतं. दरम्यान, टर्मिनसवरील आरोपी हमालाने महिलेला ट्रेनमध्ये घुसताना पाहिलं. महिलेला डोळा लागताच आरोपी हमालही ट्रेनमध्ये घुसला. तिला एकटीला पाहून आरोपीनं तिच्यावर जबरदस्तीने लैंगिक अत्याचार केला.

थोड्या वेळानंतर पीडित महिलेचा नातेवाईक घटनास्थळी आला, तेव्हा तिने घडलेला सर्व प्रकार आपल्या नातेवाईकाला सांगितला. यानंतर दोघांनी रेल्वे पोलिसांशी संपर्क साधला, महिलेसोबत घडलेली आपबिती सांगितली. घटनेचं गांभीर्य लक्षात घेऊन पोलिसांनी तातडीने सीसीटीव्ही कॅमेरे तपासून नराधम हमाल आरोपीची ओळख पटवली आणि त्याला तत्काळ अटक केली. सध्या आरोपी पोलिसांच्या ताब्यात असून त्याची कसून चौकशी केली जात आहे. तसेच या गुन्ह्यात इतरही कुणाचा सहभाग आहे का? त्या अनुषंगाने तपास केला जात आहे.

गडचिरोली जिल्ह्यात १ एप्रिल पासून होणार मलेरियामुक्तीच्या आराखड्याची अंमलबजावणी - मुख्यमंत्री देवेंद्र फडणवीस 

 मुंबई : आरोग्य आणि कुटुंब कल्याण मंत्रालयानुसार गडचिरोली हा देशातील मलेरियामुळे सर्वाधिक प्रभावित झालेल्या ६ जिल्ह्यांपैकी एक आहे. या जिल्ह्याला मलेरियामुक्त करण्याच्या दिशेने महत्त्वपूर्ण पाऊल उचलण्यात आले असून यासाठी डॉ. अभय बंग यांच्या अध्यक्षतेखालील टास्क फोर्सने सादर केलेल्या जिल्हा मलेरियामुक्त करण्याच्या आराखड्याची येत्या १ एप्रिलपासून अंमलबजावणी सुरू करण्यात येत आहे. यासाठी आदिवासी विकास विभागामार्फत २५ कोटी रुपयांची तरतूदही उपलब्ध करून देण्याच्या सूचना देण्यात आल्या असल्याची माहिती मुख्यमंत्री देवेंद्र फडणवीस यांनी दिली.

इंडियन कौन्सिल ऑफ मेडिकल रिसर्चनेदेखील डासांमध्ये कीटकनाशक प्रतिरोधकता निर्माण झाल्याचे नमूद केले आहे. त्यामुळे गडचिरोलीमध्ये मलेरियावर नियंत्रण मिळवणे ही अत्यंत महत्त्वाची प्राथमिकता आहे. गडचिरोलीमध्ये मलेरिया निर्मूलनासाठी विशेष टास्क फोर्स स्थापन करण्यासह २०१७ मध्ये विविध निर्णय घेण्यात आले होते. डॉ. अभय बंग यांच्या अध्यक्षतेखाली सार्वजनिक आरोग्य विभागांतर्गत मलेरिया निर्मूलन टास्क फोर्स सुरू करण्यात आला होता. त्यानुसार, टास्क फोर्सने राष्ट्रीय आणि जागतिक तज्ञांच्या शिफारशींचा समावेश करून गडचिरोली जिल्ह्यात मलेरिया निर्मूलनासाठी उत्कृष्ट आराखडा तयार केला आहे. गडचिरोलीत येत्या १ एप्रिल २०२५ पासून या आराखड्यातील शिफारशींची प्रभावी अंमलबजावणी करून गडचिरोली जिल्हा लवकरच मलेरियामुक्त करण्यासाठी प्रयत्न करण्यात येतील, असे मुख्यमंत्री फडणवीस यांनी सांगितले. यासाठी २५ कोटी रुपयांचा निधी उपलब्ध करून देण्याकरिता हा प्रस्ताव सार्वजनिक आरोग्य विभागामार्फत आदिवासी विकास विभागाकडे सादर करण्यात येणार आहे, असेही त्यांनी सांगितले.

गेट्स फाउंडेशन आणि सन फार्माचेही सहकार्य गडचिरोली जिल्ह्यातील मलेरिया नियंत्रणाच्या या कामासाठी बिल अँड मेलिंडा गेट्स फाउंडेशन यांच्यामार्फतही महत्त्वपूर्ण मदत केली जाणार आहे. त्याचबरोबर सन फार्मा/एफडीईसी यांचा सहभाग घेण्यात येणार आहे. सन फार्मा कंपनीच्या FDEC ने मलेरिया निर्मूलनासाठी मध्यप्रदेशातील मंडला जिल्ह्यात काम केले आहे. मलेरिया दूर करण्यासाठी प्रशासकीय प्रक्रिया आणि तांत्रिक मार्गांचे मॉडेल विकसित केले आहे. मनुष्यबळाला प्रशिक्षण देणे, फील्ड प्रोग्रामचे निरीक्षण करणे, तांत्रिक पुनरावलोकन यासारख्या विविध गोष्टींमध्ये सन फार्मा कंपनीमार्फत मदत करण्यात येणार आहे. गेट्स फाउंडेशन आणि सन फार्मा यांच्या योगदानामुळे गडचिरोली जिल्हा मलेरियामुक्त करण्याच्या कार्यात महत्वपूर्ण मटत मिल शक्तेल असे मख्यमंत्री फटाणतीस यांनी सांगितले

 चिमुकला भाचा व बहीण यांची भेट ठरली भावासाठी अखेरची, मालवाहू ट्रकने चिरडले दुचाकीस्वारास 

मारेगाव :  बहीण वरोरा येथे वास्तव्यात असतांना तीला चिमुकल्या भाचा यांची भेट घेऊन भाऊ दुचाकीने मारेगावकडे निघाला.मात्र वाटेतच त्याचेवर क्रूर नियतीने डाव साधला. ट्रकने त्यांच्या दुचाकीला जब्बर धडक देऊन चिरडून करून अंत झाला. एकुलता एक असलेल्या भावाच्या अकाली मृत्यूने मारेगावात शोककळा पसरली आहे.

गणेश हरिदास बदकी (27) रा. मारेगाव असे ट्रक धडकेत मृत्यू पावलेल्या युवकाचे नाव आहे.

बहिणीची प्रसूती झाल्याने तीला बघण्यासाठी तो गेला होता.आज बुधवारला सकाळी वरोरा येथून दुचाकीने निघाला.वरोरा वणी मार्गांवरील संविधान चौकात मालवाहू ट्रकने गणेश बदकीच्या दुचाकीला जबर धडक दिली. या धडकेत तो जागीच गतप्राण झाला. अपघात होताच ट्रक चालकाने वणी पोलिसात आत्मसमर्पण केले.

या घटनेने लाडक्या बहिणीची व तिच्या गोंडस बाळाची भेट भावासाठी अखेरची ठरली. गणेशच्या अचानक दुर्देवी घटनेने मारेगाव येथे हळहळ व्यक्त होत आहे.

प्रधानमंत्री आवास योजना अंतर्गत देण्यात येणाऱ्या रकमेत वाढ करा - खासदार डॉ नामदेव किरसान यांची संसदेत मागणी 

गडचिरोली :: केंद्र सरकारचे अर्थसंकल्पीय अधिवेशन दिल्ली येथे सुरु असून, राष्ट्रपतीच्या अभिभाषणावरील चर्चेत गडचिरोली -चिमूर लोकसभा क्षेत्रातील लोकप्रिय खासदार डॉ. नामदेव किरसान यांनी सहभागी होऊन आपले मत मांडले.
यावेळी खासदार डॉ. किरसान यांनी, वाढत असलेली महागाई, सिमेंट, गिट्टी, रेती, लोहा सारख्या विविध वस्तूचे वाढते दर लक्ष्यात घेऊन, केंद्र सरकारच्या वतीने सुरु असलेल्या प्रधानमंत्री आवास योजनेच्या हप्त्यात ग्रामीण भागात किमान 3 लक्ष रुपये पर्यत वाढ करण्यात यावी अशी मागणी केली. या सोबतच केंद्र सरकारच्या वतीने सुरु असलेल्या जलजीवन मिशन योजनेत मोठा भ्रष्टाचार होत असून, अजूनही बऱ्याच गावात नळ पोहचले नाही ज्या गावात नळ पोहचले त्या ठिकाणी पाणी नाही आणि पाणी पोहचले त्या ठिकाणी अशुद्ध पाणी मिळत असून नारिकांना त्याचा नाहक त्रास सहन करावा लागत असून सदर योजनेच्या अमलबजावणीत सरकारने जातीने लक्ष घालून प्रत्येक नागरिकांना पिण्यासाठी शुद्ध पाणी मिळेल याकरिता प्रयत्न करण्याची मागणी खासदार डॉ. किरसान यांनी संसदेत केली. याचबरोबर गडचिरोली -चिमूर लोकसभा क्षेत्र आदिवासी बहुल क्षेत्र असून आदिवासी चे जल जंगल आणि जमिनीवरचे हक्क अबाधित राहण्याकरीता पेसा कायदा तयार करण्यात आले, मात्र प्रशासनाकडून यामध्ये ढवळा ढवळ केले जाते हे योग्य नसल्याचे खासदार डॉ. किरसान यांनी भावना व्यक्त केली.

घरफोड्या करणाऱ्या तिघांना पोलिसांनी ठोकल्या बेड्या

चंद्रपुर :-दिनांक ०३/०२/२०२५ रोजी पोउपनि विनोद भुरले व पोलीस स्टाफ अरो पोलीस स्टेशन, रामनगर ह‌द्दीत पेट्रोलीग करीत असतांना मुखबिर व्दारे खबर मिळाली की, तिन इसम हे घरफोडी केली असुन संशईतरित्या रयतवारी कॉलरी, चंद्रपुर येथे फिरत आहे अशा खबर वरून आरोपी नामे १) राकेश सुब्रहमण्यम सानिपती, वय-३४ वर्ष, धंदा-मजुरी, रा. तेलगु शाळेजवळ, रयतवारी कॉलरी, चंद्रपुर, ता. जि. चंद्रपुर, २) विश्वजीत बिमल सिकदर, वय-३२ वर्ष, धंदा-मजुरी, रा. बंगाली कॉम्प, पाण्याचे टाकीजवळ, चंद्रपुर, ता. जि. चंद्रपुर, ३) दिपक राजु भोले, वय-२१ वर्ष, धंदा-मजुरी, रा. शांतीनगर, बंगाली कॅम्प, चंद्रपुर, ता. जि. चंद्रपुर यांना ताब्यात घेवुन विचारपुस केले असता त्यांनी यापुर्वी पोलीस स्टेशन, भद्रावती तसेच पोलीस स्टेशन, रामनगर येथे घरफोडी केल्याचे सांगितले.त्यावरून नमुद आरोपीतांना विश्वासात घेवुन अधिक विचारपुस केली असता त्यांनी घरफोड्या करून चोरी केलेले सोन्याचे दागीने हे सराफा सोनार नामे मनोज पवार, रा. सराफा लाईन, चंद्रपुर यास विक्री केले असे सांगितले वरून नमुद सराफा दुकानदार यांचेकडुन व इतर आरोपींकडुन सोन्याचे व चांदीचे दागीने असा एकुण ३,७१,३००/- रूपयाचा माल जप्त केला आहे. सदर आरोपी विरूध्द पोलीस स्टेशन, रामनगर, दुर्गापुर, चंद्रपुर शहर येथे चोरी, घरफोडी अशा प्रकारचे अनेक गुन्हे दाखल आहेत. नमुद आरोपीताना पुढील तपास कामी पोलीस स्टेशन, रामनगर यांचे ताब्यात देण्यात आले आहे.

सदर कार्यवाही मा. पोलीस अधिक्षक श्री. मुम्मका सुदर्शन साहेब चंद्रपुर, मा. अपर पोलीस अधिक्षक रिना जनबंधु मॅडम, यांचे मार्गदर्शनाखाली पोलीस निरीक्षक महेश कोंडावार यांचे नेतृत्वात पोउपनि विनोद भुरले, सपोनि बलराम झाडोकर, पोउपनि. संतोष निंभोरकर, पोहवा. सतिश अवयरे, नापोशि/संतोष येलपुलवार,, पोशि/गोपीनाथ नरोटे, पोशि/नितीन रायपुरे, पोशि/गोपाल आतकुलवार, सर्व स्थानिक गुन्हे शाखा, चंद्रपुर येथील अधिकारी व कर्मचारी यांनी केली आहे

कुरुड येथे ६ फेब्रुवारी एका रात्री  नऊ नाटकांची मेजवानी 

नाट्यनिष्ठा व सांस्कृतिक अस्मिता जोपासणारे गाव 

गडचिरोली :पूर्व विदर्भातील झाडीपट्टी रंगभूमी ही जनसामान्य रसिक प्रेक्षकांच्या आश्रयावर आधारलेली नाट्यप्रयोगाच्या लक्षणीय संख्येमुळे लोकप्रिय आहे. दिवाळी ते होळी दरम्यान चालणाऱ्या झाडीपट्टी रंगभूमीतील विविध सामाजिक, कौटुंबिक, समस्याप्रधान नाटकातून रंजन व प्रबोधन केले जाते. एकाच रात्री अनेक नाटकांचे प्रयोग हाउसफुल चालणारी  अनेक गावे प्रत्येकाच्या हातात मोबाईल असण्याच्या मल्टिमीडियाच्या काळातही  झाडीपट्टीमध्ये प्रकर्षाने आहेत. कुरुड ता. वडसा (देसाईगंज) जि. गडचिरोली येथे सहा फेब्रुवारीला दरवर्षीप्रमाणे याही वर्षी  शंकरपट व मंडईचे आयोजन करण्यात आलेले आहे. त्यानिमित्ताने झुरे मोहल्यात प्रल्हाद नाट्य रंगभूमीचे दत्तप्रसाद एक नाट्य समाज झुरे मोहल्ला आयोजित प्रल्हाद मेश्राम लिखित संगीत ' पेटलेल्या चुली 'श्रीराम मंदिर देवस्थान कमेटी सुभाष वार्ड जय दुर्गा नाट्य मंडळाचे  , कसे तोडू मी मंगळसूत्र' हे नाटक श्री दत्त  प्रासादिक नाट्य समाज पारधी मोहल्ला येथे रंगतरंग नाट्य रंगभूमीचे ' अंधारलेल्या वाटा ',हनुमान प्रासादिक नाट्य मंडळ पाटीलपुरा आयोजित  शिवचंद्र नाट्य कला रंगभूमीचे संगीत 'अंधारातील लाल दिवा ', हे नाटक नूतन शेतकरी नाट्य संपदा कांबळी मोहल्ला येथे युवा रंगमंचचे ' लाडका ' हे नाटक ,कस्तुरबा समाज मंदिर ढीवर मोहल्ला येथे स्थानिक मंडळाचे' सौदा सुहासिनीचा' हे नाटक ,पंचशील नाट्य कला मंडळचे गुरुदेव रंगभूमीचे 'आहुती  '९   हे नाटक अशा प्रकारे ग्रामपंचायत असलेल्या कुरुड या गडचिरोली जिल्ह्यातील गावांमध्ये एकाच रात्री नऊ नाटकाचे विविध मोहल्यात आयोजन करण्यात आलेले आहे. झाडीपट्टीतील समृद्धता दर्शविणारे एकाच रात्री विविध मोहल्यात एकापेक्षा अनेक म्हणजेच नऊ नाटकाचे आयोजन  करणारे देशातील हे एकमेव गाव असावे. झाडीपट्टीतील नाट्य रसिकता व  नाटक विषयक सांस्कृतिक अस्मितेचे दर्शन घडविणारे हे उत्तम उदाहरण आहे.

चितळ शिकार करणाऱ्या एकास १४ दिवसाची न्यायालयीन कोठडी तर एक आरोपी फरार

मार्कंडा (कंसोबा) वनपरिक्षेत्रातील घटना

आष्टी:-

उपवनसंरक्षक आलापल्ली राहुलसिंग तोलिया व मा. सहाय्यक वनसंरक्षक आलापल्ली आझाद यांच्या मार्गदर्शनात वनविभाग आलापल्ली, वनपरिक्षेत्र कार्यालय मार्कंडा (कंसोबा) अंतर्गत गुंडापल्ली उपक्षेत्रातील विजनगर गावाजवळील जंगलात विद्युत प्रवाह सोडून चितळ वन्यप्राण्याची शिकार प्रकरणी एकास १४ दिवसाची न्यायालयीन कोठडी सुनावण्यात आली असून, एक फरार आहे. रामरतन बकिम मंडल रा विजयनगर तालुका मुलचेरा असे   आरोपीचे नाव असून, तन्मय बुधदेव बाडाई रा विजयनगर तालुका मुलचेरा फरार आरोपीचे नाव आहे. सदर घटना २ फेब्रुवारी रोजी सायंकाळी ७.३० ते ८ वाजताच्या दरम्यान घडली. 
मार्कंडा (कंसोबा) वनपरिक्षेत्राकडून प्राप्त माहितीनुसार आरोपी रामरतन मंडल व सोबती तन्मय बुधदेव हे दोघे चितळ वन्यप्राण्याची शिकार करण्याच्या हेतूने गुंडापल्ली उपक्षेत्रातील विजयनगर जवळील जंगलात १ फेब्रुवारी रोजी रात्रीच्या सुमारास विद्युत प्रवाह सोडला होता. २ फेब्रुवारी रोजी चीतळाची शिकार केल्याची माहिती मिळताच वनकर्मचाऱ्यानी आरोपी रामरतन मंडल यांचे घर गाठले असता चीतळाचे मास शिजवताना आढळून आले. रात्री ७.३० ते ८ च्या दरम्यान क्षेत्र सहाय्यक आर एल बानोत यांनी गुन्हा नोंदवून आरोपीस ताब्यात घेतले तर सोबती तन्मय बाडाई हा फरार झाला. आरोपी रामरतन मंडल यास ४ फेब्रुवारी रोजी न्यायालयात हजर केले असता न्यायालयाने त्यास वन्यजीव संरक्षण अधिनियम १९७२ कलम २ (१६) ९३९४४ (ब) ४९ ( ब ) व ५१ अन्वये ४ फेब्रुवारी ते १८ फेब्रुवारी पर्यंत १४ दिवसाची न्यायालयीन कोठडी सुनावली आहे. पुढील तपास वनपरिक्षेत्र अधिकारी आर. बी इनवते यांच्या  मार्गदर्शनात गुंडापल्ली उपक्षेत्राचे क्षेत्रसहाय्यक आर. एल. बानोत करीत आहेत. मार्कंडा कंसोबा परिक्षेत्रात गस्त घालण्यासाठी वनरक्षक जी एम आखाडे, वनरक्षक एस जी राठोड, किशोर आलम, निरंजन मंडल, क्षेत्र सहाय्यक विवेकानंद चांदेकर, अक्षय राऊत, धानोरकर सहकार्य करीत आहेत.

एका चिमुकल्याची चिता जळाली, अन दुसऱ्या भावाच्या मरणाची बातमी कळाली ! त्यांच्या वेदनांचा अतिरेक झाला. अन् अख्खा गाव झाला शोकमग्न 

गोंडपिपरी :- महाराष्ट्र तेलंगाना येथील अनेक भाविकांचे श्रद्धास्थान असलेल्या धाबा येथील कोंडय्या महाराज देवस्थान येथे यात्रा भरते. माञ हीच यात्रा घडोली येथील चौधरी कुटुंबीयांसाठी कर्दनकाळ ठरली. दुचाकी वर बसून यात्रा पाहायला गेलेल्या दुचाकीचा अपघात झाला.

अन् त्यात दोन चिमुकल्याचा दुर्दैवी अंत तर आई वडिलांची प्रकृती अतिशय गंभीर आहे. सदर घटना दि.३१ जानेवारी दुपारी ३:३० वाजता घडली. कोण गोंडपिपरी तालुक्यातील घडोली येथील रहिवासी सुधीर चौधरी आपल्या कुटुंबासह धाबा येथे सुरू असलेल्या कोंडय्या महाराज संस्थान धाबा येथे जत्रा पाहण्यासाठी जात असताना सोमणपल्ली गाव पार करताच रस्त्यात त्यांचा अपघात झाला.

अपघातात संपूर्ण कुटुंबीयाला जबर मार लागला. त्यात सुधीर चौधरी (वय ३४ वर्ष) त्यांची पत्नी शिवानी (वय ३० वर्ष) आणि मुलगा धीरज (४ वर्ष ) आणि लहान मुलगा विरज (वय २ वर्ष) गंभीर जखमी झालीत. लगेच त्यांना गोंडपिपरी ग्रामीण रुग्णालयात हलविण्यात आले. पण तिथं उपचार करणे शक्य नव्हते म्हणून चंद्रपूर येथील जिल्हा सामान्य रुग्णालयात दाखल करण्यात आले असता त्यांचा १ फरवरीला लहान मुलाने दम सोडला. तर दुसऱ्या मुलाला सावंगी येथे भरती करण्यात आल्यानंतर लहान मुलावर घडोली येते अंत्यसंस्कार पार पडतातच लगेच सावंगी रुग्णालयात हलविण्यात आलेल्या मोठ्या मुलाचाही उपचारा दरम्यान मृत्यू झाला.त्याच्यावरही २ फेब्रुवारीला अंत्यसंस्कार पार पडले. दोन्हीही मुलांचे प्राण गेले असल्याची माहिती आई वडिलांना नसून त्यांची ही प्रकृती गंभीर असून त्यांच्यावर चंद्रपूर येथील रुग्णालयात अतिदक्षता कक्षात उपचार सुरू असून ते अजूनही पूर्णता शुद्धीवर आलेले नाही. एवढा भयानक प्रसंग चौधरी कुटुंबावर आला. एवढा भयानक प्रसंग होता ज्यात संपूर्ण कुटुंबाचा जीव टांगणीवर लागला. या घटनेने संपूर्ण तालुका हादरला असून चौधरी परिवारावर दुःखाचा डोंगर कोसळला आहे.

गडचिरोली जिल्ह्यासाठी विकास निधी कमी पडू देणार नाही - उपमुख्यमंत्री अजित पवार...

गडचिरोली, ०४ फेब्रुवारी, २०२५::-

गडचिरोली जिल्ह्याच्या सर्वांगीण विकासासाठी आवश्यक असणाऱ्या निधीची कोणतीही कमतरता भासू दिली जाणार नाही, या जिल्ह्याबाबत वेगळ्या दृष्टीने विचार करून जास्तीत जास्त निधी मंजूर करण्याचा प्रयत्न करण्यात येईल.

यासोबतच यंत्रणेने रोजगाराला चालना देणाऱ्या व शाश्वत विकास साध्य करणाऱ्या योजनांचे प्रभावी नियोजन करावे, असे निर्देश उपमुख्यमंत्री तथा वित्त व नियोजन मंत्री अजित पवार यांनी दिले. जिल्हा वार्षिक सर्वसाधारण योजना 2025-26 चा प्रारुप आराखडा अंतीम करण्यासाठी उपमुख्यमंत्री तथा वित्त व नियोजन मंत्री अजित पवार यांच्यादूरदृष्यप्रणालीद्वारे आज घेण्यात आले.या बैठकीत वित्त व नियोजन राज्यमंत्री तथा जिल्ह्याचे सहपालकमंत्री अॅड. आशिष जयस्वाल तसेच गडचिरोली येथून जिल्हाधिकारी अविश्यांत पंडा, आमदार रामदास मसराम, आ. डॉ. मिलींद नरोटे, जिल्हा पोलिस अधीक्षक निलोत्पल, जिल्हा परिषदेचे मुख्य कार्यकारी अधिकारी सुहास गाडे, जिल्हा नियोजन अधिकारी श्रीराम पाचखेडे आदी अधिकारी उपस्थित होते. जिल्हा वार्षिक सर्वसाधारण योजना 2025-26 अंतर्गतगाभा क्षेत्रासाठी 212 कोटी, बिगर गाभा क्षेत्रासाठी 106 कोटी, आकांक्षित जिल्ह्यासाठी 25 टक्के अतिरिक्त निधील रुपये 83.69 कोटी आणि नाविन्यपूर्ण व इतर योजनांसाठी मिळून एकूण 418.45 कोटी रुपयांचा प्रारूप आराखडा विभागीय आयुक्तांकडून मंजूर करण्यात आला आहे.तथापि, कार्यान्वयन यंत्रणेकडून 823 कोटी रुपयांची निधी मागणी करण्यात आली होती. या पार्श्वभूमीवर राज्यस्तरीय बैठकीत 404.56 कोटींची वाढीव मागणीसादर करण्यात आली. यावर बोलताना उपमुख्यमंत्री अजित पवार यांनी, गडचिरोली हा विशेष बाब म्हणून जास्तीत जास्त निधी मिळावा यासाठी प्रयत्न केले जातील, असे आश्वासन दिले. बैठकीत उपमुख्यमंत्र्यांनी 2028 पर्यंत महाराष्ट्राची अर्थव्यवस्था 1 ट्रिलियन डॉलर करण्याच्या उद्दिष्टावर भर देत विविध योजनांचे प्रभावी नियोजन करण्याचे निर्देश दिले. प्रादेशिक विकास आराखड्याखेरीज मिळणाऱ्या निधीचा प्रभावी वापर, पर्यटन आणि रोजगार निर्मितीस चालना देणाऱ्या योजनांवर भर, तसेच स्थानिक गरजा लक्षात घेऊन लोकसहभागातून विकास आराखडा राबवावा, असेही ते म्हणाले. 2024-25 मध्ये मंजूर झालेला निधी अद्याप का खर्चझाला नाही, काय अडचण आहे,याबाबत विचारणा करून त्यांनी सदर निधी तातडीने खर्च करण्याच्या सूचना दिल्या. शासकीय शाळांमध्ये डिजिटल क्लासरूम उभारणी, शासकीय इमारतींवर सौरऊर्जा प्रणाली बसविणे आणि योजनेंतर्गत खरेदी साहित्याचा योग्य वापर सुनिश्चित करणे यासारख्या सूचनाही त्यांनी केल्या.

भौगोलिक आव्हाने आणि विकास निधीची गरज - सहपालकमंत्री जयस्वाल.राज्यमंत्री व गडचिरोली जिल्ह्याचे सहपालकमंत्री अॅड. आशिष जयस्वाल यांनी जिल्ह्याचे विस्तीर्ण भौगोलिक क्षेत्र तसेच या जिल्ह्यातून शासनाला मोठ्या प्रमाणात मिळणारा महसूल लक्षात घेता रस्ते, आरोग्य, शिक्षण व पर्यटन विकासासाठी मोठ्या प्रमाणात निधी मंजूर करण्याची मागणी केली. त्यांनी राष्ट्रीय महामार्ग, राज्य मार्ग आणि ग्रामीण दुर्गम भागातील रस्त्यांची अत्यंत खराब परिस्थिती सुधारण्यासाठी विशेष निधी देण्याची विनंती केली. जिल्हाधिकारी अविश्यांत पंडा यांनी कोणत्या विभागाला किती निधीची मागणी आहे आणि त्यातून कोणती विकासकामे केली जाणार आहेत याची सविस्तर माहिती सादर केली.

बैठकीत मंत्रालयातील वरिष्ठ सचिव आणि जिल्हा कार्यकारी यंत्रणांचेअधिकारी उपस्थित होते.

सेवा निवृत्तीचा सन्मान करणे शिक्षण  संस्थेचे कर्तव्य - शाहीन ताई हकीम 

अहेरी:-

आज दिनांक 2 फेब्रुवारी 2025 रोजी डॉ. सी. व्ही. रमण सायन्स कॉलेज आणि भगतराव कला महाविद्यालय, सिरोंचा मध्ये एक खास कार्यक्रम आयोजित करण्यात आला होता, ज्यामध्ये दोन महत्त्वपूर्ण व्यक्ती – प्राध्यापक  ए. व्ही. कांताराव आणि वरिष्ठ लिपिक  एफ. एम. शेख यांच्या सेवानिवृत्तीचा सन्मान करण्यात आला
कार्यक्रमाचे अध्यक्ष वन वैभव शिक्षण मंडळाचे उपाध्यक्ष बबलू भैया हकीम, राष्ट्रवादी काँग्रेस पार्टीचे विभागीय अध्यक्ष शाहीन ताई हकीम, आणि डॉ. लुबना हकीम यांच्या प्रमुख उपस्थितीत पार पडला. त्यांच्या उपस्थितीने कार्यक्रमाला आणखी महत्त्व प्राप्त झाले. बबलू भैया हकीम यांनी या कार्यक्रमाच्या निमित्ताने आपल्या मनोगतात प्रकट केले की, सेवानिवृत्तीचा प्रत्येक क्षण साधारणत: एक नवीन अध्याय सुरू करतो. शिक्षक व कर्मचारी यांच्या समर्पणाची आणि त्यांच्याद्वारे केलेल्या योगदानाची नेहमीच कदर करायला हवी. त्यांच्या मनोगतात शिक्षणाचे महत्त्व आणि समाजात शिक्षणाचा प्रभाव यावर देखील त्यांनी भाष्य केले
शाहीन ताई हकीम यांनी देखील आपले मनोगत व्यक्त करत शिक्षण क्षेत्रातील योगदान आणि सेवानिवृत्त होणाऱ्या सदस्यांचे आभार मानले. त्या वेळी, त्यांनी विद्यार्थ्यांसाठी एक संदेश दिला की, शिक्षक व कर्मचारी आपल्या जीवनातील आदर्श असतात आणि त्यांचा आदर्श जीवनभर पाठलाग करणे आवश्यक आहे असे भाष्य केले
कार्यक्रमाचे प्रास्ताविक प्राध्यापक उरकुडे सर यांनी केले. त्यात, त्यांनी सेवानिवृत्त होणाऱ्या दोन्ही व्यक्तींच्या कामगिरीचा उल्लेख केला
यावेळी त्यांनी एक गोष्ट खूप महत्त्वाची सांगितली की, "शिक्षकांची भूमिका विद्यार्थ्यांच्या जीवनात केवळ शाळेतील शिक्षण पुरवणे नाही, तर त्यांचा मानसिक, सामाजिक आणि आचारधर्मात्मक विकास होण्यासाठी मार्गदर्शन करणे हेसुद्धा आहे
कार्यक्रमाच्या शेवटी आभार प्रदर्शन प्राध्यापक जक्कु सर यांनी केले. त्यामध्ये, त्यांनी सर्व उपस्थितांचा, विशेषतः बबलू भैया हकीम, शाहीन ताई हकीम, आणि डॉ. लुबना हकीम यांचे आभार मानले व उपस्थितांचे आभार मानले

आष्टी परिसरात जळाऊ बिट उपलब्ध करून द्या,माजी ग्रामपंचायत सदस्य भास्कर फरकडे यांची मागणी 

आष्टी,

 चामोर्शी  तालुक्यातील आष्टी शहरासह परिसरातील मार्कंडा कंन्सोबा,ईल्लूर,कुनघाडा,ठाकरी,रामनगट्टा,अनखोडा,चंदनखेडी खर्डी इत्यादी गावे चपराळा व वन्यजीव अभयारण्य जंगलाला लागून असल्याने या वन्यजीव अभयारण्यातील जंगलात जाण्यास बंदी आहे. गॅसचे दर परवडत नसल्याने आंघोळीसाठी पाणी गरम करणे, स्वयंपाक इत्यादी दैनंदिन जीवनात वापर करावा लागतो त्याकरिता दैनंदिन जीवनात आवश्यक असलेल्या सर्व गॅसवर करणे गरीबांना परवडत नसल्याने आष्टी परिसरातील अभयारण्य जंगलाला लागून असलेल्या गावांना वनविभागाने जळाऊ राशन कार्डावर बिट उपलब्ध करून देण्यात यावा अशी मागणी माजी ग्रामपंचायत सदस्य भास्कर फरकडे यांनी एका प्रसिध्दी पत्रकाद्वारे केली आहे. हिंदू धर्म रिवाजनुसार मयत ही जाळण्यात येते तसेच आष्टी शहर हे जंगलशेजारीच आहे कोणी मयत झाल्यास त्या कुटूंबियांना धावफळ करावी लागत असून मयत साठी इकडून तिकडून लाकडे आणावी लागत असून आर्थिक भुर्दंड गोरगरीब सामान्य जनतेला पडत आहे. करीता आष्टी शहराजवळील मार्कंडा (कंन्सोबा) येथे वनविभाग (प्रादेशिक) कार्यालय, वनविकास महामंडळ कार्यालय, चपराळा वन्यजीव अभयारण्याचे वनपाल कार्यालय असे तीन वनविभागाचे कार्यालय आहेत. परंतू एकाही ठिकाणी जळाऊ लाकूड उपलब्ध नाही करीता गडचिरोली विधानसभेचे आमदार डॉ. मिलिंद नरोटे यांनी या समस्यांसंदर्भात लक्ष देऊन आष्टी परिसरातील अभयारण्य जंगलाला लागून असलेल्या गावांना जळाऊ बिट उपलब्ध करून देण्यासाठी प्रयत्न करुन जळाऊ बिट उपलब्ध करून देण्यात यावे अशीही मागणी भास्कर फरकडे यांनी केली आहे.

केंद्र सरकारचा अर्थसंकल्प महाराष्ट्र विरोधी, फक्त बिहार निवडणूक समोर ठेवला 

नागपूर:-

केंद्र सरकारचा अर्थसंकल्प हा महाराष्ट्रावर अन्याय करणारा असून पुन्हा एकदा महाराष्ट्राला सापत्न वागणूक दिल्याचे आज स्पष्ट दिसले. हे बजेट भारताचे नसून येत्या काळात निवडणूक असणाऱ्या बिहार राज्याचे आहे.

आजच्या अर्थसंकलपात बिहार राज्यासाठी विविध घोषणांचा वर्षाव करण्यात आला. तिथून सरकारला टेकू मिळत असल्याने आणि येणाऱ्या काळात निवडणूक असल्याने बिहारला झुकते माप मिळाले. पण यावर्षी पुन्हा एकदा महाराष्ट्राच्या पदरी निराशा आली आहे. महाराष्ट्र हे राज्य केंद्र सरकारला सगळ्यात जास्त कर देत असताना महाराष्ट्रावर वारंवार अन्याय करण्यात येत आहे.

आज केंद्रीय अर्थमंत्री निर्मला सीतारमण यांनी आठव्यांदा अर्थसंकल्प सादर केला. पण यातून शेतकरी, तरुण ,महिला, सामान्य नागरिकांचा भ्रमनिरास झाला आहे. भारतासारख्या कृषीप्रधान देशात शेतकऱ्यासाठी शेतमालाला हमीभाव मिळाला पाहिजे, त्यांची कर्जमाफी झाली पाहिजे, पण असा कोणताही दिलासा आज मिळाला नाही. शेतकऱ्यांना लागणारी खते, बी बियाणे, पीकविमा याकडे सरकारने दुर्लक्ष केल्याचे स्पष्ट आहे. 
तसेच आज देशात रोजगाराचा सगळ्यात मोठा प्रश्न असताना रोजगारासाठी, तरुणांना नवीन संधी उपलब्ध करून देण्याचे धोरण सरकारने मांडले नाही.

महाराष्ट्रात मेट्रो , रेल्वे साठी निधी दिला असे सत्ताधारी सांगत असतील तर उर्वरित महाराष्ट्रासाठी कोणतीही ठोस तरतूद या अर्थसंकलपात करण्यात आलेली नाही. मध्यमवर्गीय टॅक्स मुळे त्रासले होते, केंद्र सरकारची लोकप्रियता घसरत चालली आहे त्यासाठी टॅक्स मध्ये सूट देण्यात आली. त्यामुळे हे बनवा बनवी बजेट असल्याची भावना आज जनतेत आहे. 

मेक इन इंडियाची नुसती घोषणा झाली पण त्यातून हाती काही लागले नाही त्यामुळे नॅशनल मॅन्यूफॅक्चरींग हे नवीन मिशन आणले आहे,म्हणजे नवीन बाटलीत जुनेच औषध पुन्हा देण्यात येत आहे.

लिटिल हर्ट्स विद्यालयात वार्षिक स्नेहसंमेलन उत्साहात साजरा
 
आष्टी :- चामोर्शी तालुक्यातील आष्टी येथील लिटिल हर्टस इंग्लिश मिडीयम हायस्कूल येथे दि. २८ ते ३० जानेवारी २०२५ रोजी तीन दिवसीय वार्षिक स्नेहसंमेलन समारोह आयोजित करण्यात आला. त्यानिमित्त कार्यक्रमाच्या अध्यक्षस्थानी साईराम बहुद्देशीय शिक्षण संस्था सिरोंचा चे अध्यक्ष श्री. अनिल आल्लुरवार तर कार्यक्रमाचे उद्घाटक आष्टी पोलीस स्टेशन चे ठाणेदार श्री. विशाल काळे साहेब तसेच प्रमुख पाहुणे म्हणून मा. सौ. बेबीताई बुरांडे, सरपंच ग्रामपंचायत आष्टी, मा. रविंद्र ओल्लालवार माजी अध्यक्ष जिल्हा परिषद गडचिरोली, मा. रमेश आरे सचिव, साईराम बहुद्देशीय शिक्षण संस्था सिरोंचा, मा. कृष्णमुर्ती गादे मुख्याध्यापक लिटील हर्टस इंग्लिश मिडीयम हायस्कूल आष्टी  यांच्या प्रमुख उपस्थितीत कार्यक्रमाचे आयोजन करण्यात आले.
    कार्यक्रमाच्या सुरुवातीला विद्यार्थ्यांकडून लेझीम पथक व परेडद्वारे पाहुण्यांना पाचारण केले. त्यानंतर पाहुण्यांच्या हस्ते महात्म्यांच्या प्रतिमेचे पुष्पहार अर्पण करून पूजन करण्यात आले. त्यानंतर आलेल्या पाहुण्यांचे पुष्पगुच्छ देवून स्वागत केले.
कार्यक्रमाच्या प्रस्तावनेत मुख्याध्यापक श्री. कृष्णामूर्ती गादे यांनी विद्यालयात होणाऱ्या विविध उपक्रमाविषयी उपस्थितांना माहिती दिली. दरवर्षी विद्यालयातील विद्यार्थी नवोदय विद्यालय, शिष्यवृत्ती परीक्षेत पात्र होतात. दरवर्षी शाळेचा दहावीचा निकाल १०० टक्के असून मागील वर्षी दहावीतून शिवम पोलोजीवार हा विद्यार्थी आष्टी केंद्रातून प्रथम आला. तसेच गोळाफेक या स्पर्धेत इयत्ता आठवीतील तन्मय फुलझेले हा विद्यार्थी शारीरिक शिक्षक नितेश पुंगाटी यांच्या मार्गदर्शनाखाली विभागस्तरावर गडचिरोली जिल्ह्याचे प्रतिनिधित्व केले. तसेच जिल्हास्तरावर विविध खेळात विद्यालयातील विद्यार्थी प्राविण्य पटकाविले. असे बोलून या कार्यक्रमाला उपस्थिती दर्शवून सहकार्य केल्याबद्दल सर्व पालकवर्गाचे आभार मानले.
यावेळी कार्यक्रमाचे उद्घाटक मा. विशाल काळे यांनी विद्यार्थ्यांना मार्गदर्शन करतांना प्रथमत: लेझीम व परेड द्वारे केलेल्या पाहुण्यांच्या स्वागताविषयी विद्यार्थ्यांचे कौतुक केले. तसेच विद्यार्थ्यांना शैक्षणिक जीवनात अभ्यासाबरोबर खेळ व सांस्कृतिक कार्यक्रमाची तितकीच आवश्यकता आहे. त्यामुळे विद्यार्थ्यांनी आपल्या उज्वल भविष्याकरिता मेहनत करणे आवश्यक आहे. 
तसेच कार्यक्रमाचे अध्यक्ष मा. अनिल आल्लूरवार यांनी अध्यक्षीय भाषणात म्हटले की, विद्यालयाद्वारे आयोजित तीन दिवसीय वार्षिक स्नेहसंमेलन उत्साह विद्यार्थ्यांच्या विविध कलागुणांना प्रोत्साहन मिळावे व त्यांना मिळणाऱ्या पारितोषिकच्या रुपाने आवडत्या क्षेत्राची निवड त्याविषयी जिद्द व चिकाटी निर्माण व्हावी या हेतूने हा कार्यक्रम आयोजित करण्यात आला.
विद्यालयात आयोजित करण्यात आलेला तीन दिवसीय वार्षिक स्नेहसंमेलन समारोह म्हणजे विद्यार्थ्यांना त्यांच्या अंगी असलेल्या सुप्त गुणांची वाढ व्हावी, आणि त्यांच्या असलेल्या विविध गुणांना वाव मिळावा, स्टेज डेअरिंग निर्माण होऊन विद्यार्थ्यांना आत्मविश्वासाने जगता यावे तसेच शालेय जीवनात आवश्यक मूलभूत बाबी च्या माध्यमातून व विविध उपक्रमातून विद्यार्थ्यांना सामाजिक क्षेत्रात आपले स्थान निश्चित करता यावे यासाठी या सोहळ्याचे आयोजन करण्यात आले.
याप्रसंगी मंचावर साईराम बहुद्देशीय शिक्षण संस्था सिरोंचा चे अध्यक्ष श्री. अनिल आल्लुरवार, आष्टी पोलीस स्टेशन चे ठाणेदार श्री. विशाल काळे साहेब तसेच प्रमुख पाहुणे म्हणून मा. सौ. बेबीताई बुरांडे, सरपंच ग्रामपंचायत आष्टी, मा. रविंद्र ओल्लालवार माजी अध्यक्ष जिल्हा परिषद गडचिरोली, मा. दिलीप बारसागडे केंद्र प्रमुख आष्टी,  मा. रमेश आरे सचिव, साईराम बहुद्देशीय शिक्षण संस्था सिरोंचा, संस्थेच्या सहसचिव सौ. दिपा आल्लूरवार, सदस्या सौ. भवानी निलम, सौ. सरिता गादे, तसेच शिक्षक पालक समितीचे उपाध्यक्ष श्री. रविंद्र पाल, सदस्या सौ. सपना पांडे, सदस्य श्री. जितेंद्र निमसरकार, म.ज्यो. फुले महाविद्यालयाचे प्राध्यापक डॉ. श्याम कोरडे, श्री. कपिल मसराम, शारी. शिक्षक सावित्रीबाई फुले विद्यालय आष्टी, कु. श्वेता कोवे राष्ट्रीय धनुर्विद्या खेडाळू, श्री. कृष्णमुर्ती गादे मुख्याध्यापक लिटील हर्टस इंग्लिश मिडीयम हायस्कूल आष्टी, श्री. प्रमथ मंडल मुख्याध्यापक शिशु मंदिर पब्लिक स्कूल आष्टी, डॉ. ओ. पी. सिंग प्राध्यापक महिला महाविद्यालय आष्टी, डॉ. पी. के. सिंग सद्गुरू साईबाबा विज्ञान महाविद्यालय आष्टी, श्री. शरद कोदेट्टीवार, श्री. अनिल बोमकंटीवार, श्री. गणेश सिंगाडे पत्रकार आष्टी, तसेच पालकवर्ग, शिक्षक शिक्षकेत्तर कर्मचारी व विद्यार्थी मोठ्या संख्येने उपस्थित होते.

आता भोग आपल्या कर्माची फळे,महिला पोलीस शिपाई यांचे केले पोलीस निरीक्षक यांनी विनयभंग

यवतमाळ:- दारव्हा पोलिस स्टेशनमध्ये एक घटना समोर आली असून, एका महिला पोलिस कॉन्स्टेबलची छेड काढणाऱ्या ठाणेदाराच्या रायटर विरोधात गुन्हा दाखल करण्यात आला आहे. या घटनेमुळे संपूर्ण पोलिस दलात खळबळ उडाली आहे.मिळालेल्या माहितीनुसार, दारव्हा पोलिस स्टेशन येथे कार्यरत एका महिला कॉन्स्टेबलची पोलिस स्टेशन मधिलच ठाणेदाराच्या रायटर ने छेड काढल्याची घटना घडली आहे. पोलिस कर्मचारी सुरेश काशिराम राठोड हा त्याच ठाण्यात कार्यरत आहे. गेल्या काही दिवसांपासून तो पीडित महिलेला वारंवार त्रास देत होता. त्याने अश्लील शेरेबाजी, विनयभंगासारखी कृत्ये केली आणि पीडितेच्या इच्छेविरुद्ध वर्तन केले, असे तक्रारीत नमूद करण्यात आले आहे. पीडित महिलेने प्रथम सहकाऱ्यांना व वरिष्ठ अधिकाऱ्यांना ही बाब सांगितली. मात्र, आरोपीने आपल्या वर्तनात कोणताही बदल केला नाही. त्यामुळे अखेर तिने थेट कायदेशीर कारवाईसाठी पुढाकार घेत पोलिस ठाण्यात फिर्याद दिली. महिला पोलिस कॉन्स्टेबलच्या तक्रारीवरून आरोपी पोलिस कर्मचाऱ्याविरुद्ध कलम ३५४ (महिलेला विनयभंग करण्याचा प्रयत्न), ५०९ (महिलेला अपमानित करणारे कृत्य किंवा शब्द), अंतर्गत गुन्हा दाखल करण्यात आला आहे. या घटनेनंतर वरिष्ठ पोलिस अधिकाऱ्यांनी तातडीने चौकशी सुरू केली असून, आरोपीला तडकाफडकी निलंबित करण्याची शक्यता आहे. तसेच, विभागीय चौकशी सुरू असून, पुढील काही दिवसांत आरोपीवर कठोर कारवाई केली जाईल, अशी माहिती सूत्रांकडून मिळाली आहे.या घटनेमुळे पोलिस दलात संतापाची लाट उसळली आहे. महिलांच्या सुरक्षेचे रक्षण करणाऱ्या यंत्रणेतच अशा घटना घडत असतील तर इतरांचे काय, असा प्रश्न उपस्थित होत आहे. या आधी सुद्धा या पोलिस कर्मचार्यावर याच दारव्हा पोलिस स्टेशनमध्ये महिला कॉन्स्टेबलची छेड काढल्या प्रकरणी गुन्हा दाखल असुन या आधी सुद्धा पोलिस स्टेशनमधील अनेक महिला कर्मचार्यांना मानसिक त्रास देत असुन बदनामी व दबाव पोटी कोणी तक्रार केली नसल्याचे कळते. तालुक्यासह शहरातील अवैध धंद्याच्या वसुलीतही हा पोलिस कर्मचारी माहिर आहे. वरिष्ठांकडून या प्रकरणी काय कारवाई होते याकडे सर्वांचे लक्ष लागून आहे.

पंचायत समिती माजी सभापती  यांची केली नक्षलवाद्यांनी हत्या 

भामरागड;- तालुक्यात नक्षल्यानी पंचायत समिती माजी सभापती याची हत्या केल्याची घटना उघडीस आली आहे, सदर पंचायत समिती माजी सभापती सुखराम मडावी ह्याची हत्या कियेर या गावात झाली असून हत्या केल्या नंतर नक्षल्यानी पत्रके देखील टाकले आहे. त्या पत्रकात नक्षल्यानी उल्लेख केला आहे

(सदर हे लिखाण नक्षली पत्रकाचे असून यात काही बदल केले गेले नाही)

जन दोही और पार्टी द्रोही सुखराम मडाडी (माजी सभापत्ती) जिला गड़चिरोली, तहासील भामरागढ़, केयेर, गांव निवासी को पीएलजीए मौत को सजा दिया !

जन द्रोही सुखराम मडावी भामरागढ़, डोडाराज, और गड़चिरोली जिला, पोलिस प्रसशान के सांठ घांठ होकर लाखों पैसों का लालच में फसकर मुखबीर काम कर रहा था!

नेलगुंड़ा, कउंड़े, पेनगुंड़ा, आलदंडी, पोयोरकोटी, मीडंगुरवेचा, ऐसे कैयों गांव के हमारा जन संगठन कार्यकर्ताओं को पकड़वना जेल ठूंसने का कारण सुखराम मडावी का हाथ हैं!

और सुखराम मड़ावी ग्राम सभा पेसा कानून का विरोध में पेनगुंड़ा गांव में नया पोलिस कैंप बैंठने का और अलग-अगल खदान कोलने के लिए जनता का लाखों करोड़ सम्पत्ती को घरानों कारपोरेट कंपनीयों को सोंपवना, इस कारण से जन द्रोही सुखराम मड़ावी को पीएलजीए ने मौत का सजा दिया गया!और कुछ लोग भी सुखराम से मिल कर दुश्मन से सांठ घांठ होकर लाखों पैसा के लालच में फसकर जन द्रोही मुखबीर काम कर रहा है। और पोलिस कैंप, खदान कोलने में भी हाथ हैं। ऐसे गलत काम नही चोंड़ने से उनको भी सुखराम जैसा सजा दिया जाएगा

माजी पंचायत समिती सभापती सुखराम मडावी ह्याची हत्या १

फेब्रुवारी रात्री ११ वाजताच्या सुमारास नक्षल्यानी गावालगत असलेल्या क्रिकेट ग्राउंड जवळ बेदम मारहाण करून केली. कियेर हे गाव कोठी मदतकेंद्राअंतर्गत येते

शासकीय वैद्यकीय महाविद्यालय कंत्राटी कामगारांचे आर्थिक शोषण – काम बंद आंदोलनाची तयारी

“मे. स्मार्ट सर्विसेस प्रायवेट लिमिटेड” कंपनीला ठेका मिळाल्यापासून कामगारांच्या पगार आणि पीएफमध्ये ( PF ) गडबड कायम….

चंद्रपूर  :- चंद्रपूर येथील शासकीय वैद्यकीय महाविद्यालय व रुग्णालयात कंत्राटी कामगारांना “मे. स्मार्ट सर्विसेस प्रायवेट लिमिटेड” या कंपनीकडून मोठ्या प्रमाणावर आर्थिक शोषणाचा सामना करावा लागत आहे. कंपनीला ठेका मिळाल्यापासून कामगारांच्या पगार आणि पीएफमध्ये गडबड सुरू असून, जुन्या स्थायी कामगारांना कमी करण्याच्या धमक्याही दिल्या जात आहेत.
कंपनीने सुरुवातीला काही सुपरवायझर पाठवले होते, ज्यांनी जुन्या कामगारांना कमी करण्यासाठी तडजोड केली आणि नवीन कामगारांची भरती करण्यासाठी 50,000 ते 1 लाख रुपयांची मागणी केली होती. या धोरणामुळे जुन्या कामगारांना कामावरून कमी करण्यात आले. शिक्षणाच्या अपुऱ्या अटी, डॉक्युमेंट्सची अपूर्णता, वयाची अट अशा कारणांसह त्यांना काढून टाकले जात होते. काही कामगारांनी या अन्यायाविरोधात आवाज उठवला, त्यानंतर थोडा दबाव आल्यानंतर जुन्या कामगारांना त्यांच्या स्थानावर ठेवण्यात आले, मात्र कंपनीने मोठ्या प्रमाणावर नवीन कामगारांची भरती केली, ज्यामुळे कंपनीचे नफा वाढले.

परंतु आता, कंपनी कंत्राटी कामगारांना पगार देण्यास सक्षम नाही. अनेक कामगारांना मागील तीन ते चार महिन्यांपासून पगार नाही मिळाल्याचे समोर आले आहे. मागील महिन्यात काही कामगारांना केवळ 7,000 ते 15,000 रुपयांच्या भेदभावात्मक पगाराची रक्कम मिळाली, यामुळे आर्थिक अडचणी वाढल्या आहेत.

तसेच, पीएफमध्ये देखील गंभीर भेदभाव दिसून येत आहे. काही कामगारांचे पीएफ 400 रुपयांपर्यंत आहे, तर काहींचे 4000 रुपयांपर्यंत जमा झाले आहेत, ज्यामुळे कामगारांचा हक्क व मेहनतीचे योग्य मोबदला मिळवण्याचे अधिकार संकटात आले आहेत.

या सर्व समस्यांवर शासकीय अधिकारी गप्प का आहेत, असा प्रश्न उपस्थित होत आहे. चंद्रपूरातील कंत्राटी कामगारांची समस्या आता संपूर्ण जिल्ह्यात चर्चेचा विषय बनली आहे. सरकार आणि संबंधित अधिकारी यावर त्वरित कारवाई करतील का? यावरच कामगारांचे भवितव्य अवलंबून आहे.

कामगारांचा संघर्ष आता एक पाऊल पुढे जाऊन काम बंद आंदोलनच्या रूपात उभा आहे. हे आंदोलन अधिक तीव्र होण्याच्या तयारीत आहे. सरकार आणि संबंधित अधिकाऱ्यांनी यावर लवकर कारवाई न केली, तर कंत्राटी कामगारांना त्यांच्या हक्कांसाठी मोठ्या प्रमाणात रस्त्यावर उतरावे लागेल.

चंद्रपूरमधील कंत्राटी कामगारांचा संघर्ष आता आणखी गंभीर होतोय. काम बंद आंदोलनाच्या इशाऱ्यावर सरकारने योग्य कारवाई केली नाही, तर परिस्थिती आणखी ताणली जाऊ शक

अवैध गौण खनिज उत्खनन रोखण्यासाठी जिल्हाधिकारी अविश्यांत पंडा यांचे कडक कारवाईचे आदेश

अवैध वाहतूक आढळल्यास तात्काळ कारवाई आणि वाहन जप्तीचे आदेश

संयुक्त पथकाचे गठण

अनुपस्थित अधिकाऱ्यांवर शिस्तभंगाची कारवाई

दररोज अहवाल सादर करणे बंधनकारक.

गडचिरोली दि. 31: जिल्ह्यातील अवैध गौण खनिज

उत्खननामुळे शासनाच्या महसुलाचे मोठ्या प्रमाणात नुकसान, पर्यावरणाची हानी आणि गुन्हेगारी वाढत असल्याचे निदर्शनास आल्याने त्यावर आळा घालण्यासाठी जिल्हाधिकारी अविश्यांत पंडा यांनी जिल्ह्यात विविध ठिकाणी स्थायी चेकपोस्ट आणि कडक उपाययोजना तातडीने अंमलात आणण्याचे निर्देश एका आदेशान्वये आज यंत्रणेला दिले आहेत.

यानुसार जिल्ह्यातील सर्व महसूल उपविभागांमध्ये स्थायी चेकपोस्ट (FRB कॅबीन) स्थापन करून ते त्वरित कार्यान्वित करण्याचे आणि या चेकपोस्टवर मंडळ अधिकारी यांना नियंत्रण अधिकारी आणि नायब तहसीलदार यांना नोडल अधिकारी म्हणून8:51 PM | 2.8KB/s

234

जबाबदारी सोपवण्यात आली आहे.

चेकपोस्टवर दररोज 24 तास (24×7) कर्मचारी आणि पोलिस तैनात करण्याचे आदेश असून, महसूल उपविभागीय अधिकाऱ्यांनी यासाठी स्वतंत्र आदेश काढावेत व प्रत्येक वाहनाची ईटीपी तपासणी करून त्याची वैधता निश्चित करण्यासही निर्देश दिले आहेत.

गौण खनिज वाहतूक तपासणी आणि कारवाई*

अवैध उत्खनन व वाहतूक रोखण्यासाठी नियुक्त केलेल्या पथकांनी प्रत्येक वाहनाची ईटिपी (इलेक्ट्रॉनिक ट्रान्झिट पास) तपासून ती वैध आहे का, याची खात्री करावी. नियमबाह्य उत्खनन अथवा वाहतूक आढळल्यास, वाहन ताब्यात घेऊन कायदेशीर दंडात्मक कारवाई करण्याचे आदेश आहेत.

या मोहिमेअंतर्गत महसूल, पोलिस आणि मंडळ अधिकारी यांचे संयुक्त पथक गठीत करून अवैध उत्खनन व वाहतूक करणाऱ्या वाहनांवर कारवाई करण्याचे निर्देश देण्यात आले आहेत. संबंधित अधिकाऱ्यांनी दररोज केलेल्या कारवाईचा अहवाल त्यासबधाचा माहिता जिल्हाधिकारा कायालयात गुगल शिटवर अद्ययावत करायचे आहेत.

चेकपोस्टवर कर्मचारी आणि अधिकाऱ्यांसाठी नियमावली*

सर्व नियुक्त अधिकारी आणि कर्मचारी यांना दिलेल्या ठिकाणी वेळेवर उपस्थित राहणे बंधनकारक आहे. कोणीही विनापरवानगी अनुपस्थित राहिल्यास त्यांच्यावर शिस्तभंगाची कारवाई करण्यात येईल.

तसेच, वाहन चालक किंवा मालकाकडून गैरवर्तन आढळल्यास भारतीय दंड संहितेच्या कलम 221 अंतर्गत संबंधित पोलिस ठाण्यात गुन्हा नोंदविण्याचे आदेश देण्यात आले आहेत. कारवाईसाठी जप्त केलेली वाहने संबंधित तहसील कार्यालय किंवा पोलिस ठाण्यात पुढील आदेशापर्यंत ताब्यात ठेवण्याचे निर्देश आहेत.

जिल्हाधिकारी यांच्या आदेशानुसार संयुक्त पथकाने आपसी सहकार्याने जिल्ह्यातील अवैध गौण खनिज उत्खनन आणि वाहतूक पूर्णतः रोखण्यासाठी प्रयत्नकरण्याचे आणि स्थानिक प्रशासकीय यंत्रणेने यासंदर्भात कठोर कारवाई करून अवैध उत्खननाला आळा घालावा, असे निर्देश देण्यात आले आहेत.

राष्ट्रीय आरोग्य अभियान अंतर्गत आशा गटप्रवर्तकांचे विविध मागण्यांचे आमदार धर्मराव बाबा आत्राम यांना निवेदन

अहेरी:-

महाराष्ट्र राज्य आशा गटप्रवर्तक संघटनाच्या वतीने देशाच्या केंद्रीय अर्थसंकल्पात अशा गटप्रवर्तक यांच्या विषयी भरघोस निधी उपलब्ध करून देण्यात याव्या अशा मागणीची निवेदन अहेरी विधानसभा क्षेत्राचे आमदार धर्मरावबाबा आत्राम यांच्या माध्यमातून पंतप्रधान नरेंद्र मोदी तसेच आरोग्य मंत्री यांना पाठवलेल्या निवेदनातून करण्यात आली आहे. आमदार धर्मराव बाबा आत्राम यांच्या वतीने गोंडवाना विद्यापीठाच्या सिनेट सदस्य तनुश्रीताई धर्मराव बाबा आत्राम यांनी हे निवेदन स्वीकारले. या निवेदनातून आशा गटप्रवर्तक यांना शासकीय कर्मचारी दर्जा द्यावा तसेच सामाजिक सुरक्षा लागू करावी पेन्शन योजना लागू करावी अशा विविध मागण्यांच्या समावेश करण्यात आला आहे.

 विधवा महिलेचा असाहयतेचा फायदा घेत ग्रामपंचायत ऑपरेटरने केला विनयभंग

मुल : चार महिन्यापूर्वी पतीचे निधन झाल्याने दोन मुलींसह राहत असलेल्या विधवा महिलेचा खुशाल पाल (३१) याने घरात घुसून विनयभंग केला. ही घटना बुधवारी (दि. २२) रात्री ११ वाजताच्या सुमारास घडली. महिलेच्या तक्रारीवरून पोलिसांनी गुन्हा दाखल केला आहे. दरम्यान, आरोपी फरार आहे.

मूल पोलिस ठाणे अंतर्गत बेंबाळ दूरक्षेत्राच्या हद्दीतील फुटाणा येथील महिलेच्या पतीचे सप्टेंबर-२०२४ रोजी निधन झाले. त्यामुळे आपल्या मुलींसहमिळेल ती रोजी करून ती कुटुंबाचा गाडा हाकत आहे. पतीच्या मृत्यूनंतर मृत्यू दाखला व शासकीय योजनेच्या लाभासाठी कागदपत्राची जुळवाजुळव करण्यासाठी ग्रामपंचायतचा ऑपरेटर असलेला आरोपी खुशाल पाल याच्याकडे गेली. तेव्हा आरोपींनी महिलेचा मोबाइल नंबर घेऊन दाखले पाठवून देतो असे सांगितले.

बुधवारी रात्री महिला आपल्या घरी असताना आरोपी घरात घुसला. तिने आरडाओरडा केल्यानंतर आरोपीने पळ काढला. या घटनेनंतर तिने पोलिसात तक्रार दिली.

घटनेची तक्रार मूल पोलिसात दिल्यानंतर पोलिसांनी कलम ७४, ७५(२), ३३२ (क), ३५१ (२) भारतीय न्याय संहिता अन्वये गुन्हा दाखल केला. त्यानंतर आरोपीचा शोध सुरू केला आहे. पुढील तपास पोलिस उपनिरीक्षक वर्षा नैताम करीत आहेत

घराला कुलूप लावल्याचे पाहुण चोरट्यांनी केली १.७७ लाख रुपयांची रोकड लंपास 

भद्रावती:-
सरस्वती नगर येथील एका घराला कुलूप लावल्याचे पाहुण अज्ञात चोरट्यांनी १ लाख ७७ हजार रुपयांची रोकड चोरून नेल्याची २९ जानेवारी रोजी घरमालक घरी पोहोचल्यानंतर ही घटना उघडकीस आली आहे 

माहितीनुसार, रंगनाथ स्वामी पतसंस्थेचे एजंट संतोष देविदास उंबरकर (५७) हे पत्नी चंदा, मुलगा रोशन आणि सून वैदेही यांच्यासह राहतात. २८ जानेवारी रोजी त्यांच्या सुनेला प्रसूतीसाठी चंद्रपूर येथील खासगी रुग्णालयात दाखल करण्यात आले. संतोष उंबरकर यांची पत्नी आणि मुलगा त्यांच्या सोबत होते. सायंकाळी संतोष शहरातील पतसंस्थेसाठी पैसे गोळा करत असताना ६.३० वाजता त्यांची पत्नी चंदा हिने फोन करून आपला नातू अशक्त असल्याचे सांगितले. त्यामुळे त्याला बालरोगतज्ञांकडे दाखल करावे लागेल. हे ऐकून त्यांनी वसुलीची रक्कम घराच्या हॉलमध्ये ठेवलेल्या लाकडी कपाटात ठेवली. त्यांनी पत्नीला चंद्रपूर येथील रुग्णालयात पोहोचवून अर्भकाला (नातू) बालरोगतज्ञांकडे दाखल केले आणि चंद्रपुरात त्यांच्या सोबत रात्रभर मुक्काम केला. २९ जानेवारी रोजी ते भद्रावती येथील घरी परतले असता त्यांना त्यांच्या घराच्या दरवाजाचे कुलूप तुटलेले दिसले. आत गेल्यावर कपाटात कपडे इकडे तिकडे विखुरलेले दिसले असता कलेक्शनमधील पैसे गायब असल्याचे दिसले. त्यावरून तो चोरीला गेल्याचे समोर आले. त्यामुळे त्यांनी तत्काळ भद्रावती पोलीस ठाणे गाठून चोरीची तक्रार दाखल केली. या आधारे भद्रावती पोलिसांनी अज्ञात आरोपीविरुद्ध कलम ३०५ (अ), ३३१ (४) अन्वये गुन्हा दाखल केला आहे

शिक्षिकेच्या अपघातास कारणीभूत पोलीस अधिकाऱ्यावर तात्काळ कारवाई करा

विविध सामाजिक संघटनांच्या वतीने जिल्हा प्रशासनाकडे मागणी

गडचिरोली : प्रजासत्ताक दिनी पोलीस प्रशासनाद्वारे प्रतिबंधात्मक कारवाईसाठी जिल्हा परिषद कार्यालय गडचिरोली येथे उपस्थित राहण्याची नोटीस बजाविल्याने गोंधळलेल्या पोलिस जवानासोबत दाबंरंचा कडून गडचिरोलीला जात  असताना झालेल्या अपघातात दामरंचा जि. प. शाळेतील शिक्षिका पौर्णिमा कुकुकडर गंभीर जखमी झाल्या. अपघातास कारणीभूत ठरलेल्या संबंधित बेजबबादार अधिकाऱ्याविरोधात कडक कारवाई करून गंभीर जखमी शिक्षिकेच्या औषधोपचाराचा संपूर्ण खर्च पोलीस प्रशासनाने करावा, अन्यथा तीव्र आंदोलन छेडण्याचा इशारा संविधान फॉउंडेशन, अखिल भारतीय रिपब्लिकन पक्ष, स्वतंत्र मजदूर युनियन व भारतीय बौद्ध महासभेच्या पदाधिकाऱ्यांनी जिल्हा प्रशासनास निवेदनातून दिला आहे.
अहेरी तालुक्यातील दामरंचा जि. प. शाळेतील मुख्याध्यापक नियमित शाळेत येत नसल्याने सहाय्यक शिक्षिका पौर्णिमा कुकुडकर यांच्याकडे मुख्याध्यापकाचा प्रभार देण्यात आला होता. दरम्यान संजय चांदेकर यांचे निधन झाले. त्यांच्या मृत्यूपश्चात पत्नी कविता संजय चांदेकर यांनी शिक्षण विभागाकडे त्यांना मिळणाऱ्या देय रक्कमेत तत्कालीन गटशिक्षणाधिकारी निर्मला वैद्य व लिपिक मृणाल मेश्राम यांनी अफरातफर केल्याचा आरोप करीत त्यांचविरुद्ध कारवाई करावी असे पत्र जिल्हा परिषद प्रशासनाला दिले. यावर काहीच कारवाई न झाल्याने चांदेकर यांनी प्रजासत्ताक दिनी जिल्हा परिषद गडचिरोलीचे प्रांगणात दोन मुलांसह आत्मदहन करण्याचे पत्र जिल्हा परिषद प्रशासन व पोलीस विभागाला दिले होते. या पत्राचा संदर्भ देत प्रभारी अधिकारी उपपोलिस ठाणे दामरंचा यांनी शिक्षिका पौर्णिमा कुकुडकर यांना प्रजासत्ताक दिनी जिल्हा परिषद गडचिरोली येथे प्रतिबंधात्मक कारवाईसाठी उपस्थित राहण्याची नोटीस बजाविली. सदर नोटीस प्रजासत्ताक दिनाच्या दिवसापूर्वी मिळाल्याने शिक्षिका कुकूडकर गोंधळून गेल्या. प्रजासत्ताक दिनाच्या कार्यक्रमास उपस्थित राहणे आवश्यक असताना पोलीस प्रशासन दामरंचा यांनी एका पोलिसासह रात्रोच्या सुमारास दुचाकीने गडचिरोलीला पाठविले. दरम्यान चामोर्शीपासून काही अंतरावर एका अज्ञात वाहनाने त्यांच्या दुचाकीला धडक दिल्याचे दुचाकी चालक पोलिस सांगत असले तरीही दुसऱ्या दुचाकीने मागे जबरदस्त धडक दिली असेल तर धडक देनाऱ्या दुचाकीस्वार याला कहीच मार लागला नाही असे होऊ शकते काय? हा प्रश्न उपस्थित केला जात आहे.पोलिस जवानासह शिक्षका पौर्णिमा कुकुडकर हे दुचाकीवरून कोसळून यांचा अपघात झाला. त्यामुळे या प्रकरणी दोषी पोलिस अधिकाऱ्यावर कडक कारवाई करावी अन्यथा तीव्र आंदोलन करणार असल्याचा इशारा संविधान फॉउंडेशन गडचिरोली, अखिल भारतीय रिपब्लिकन पक्ष, स्वतंत्र मजदूर युनियन, भारतीय बौद्ध महासभा आदी पदाधिकाऱ्यांनी पोलीस अधीक्षकांना निवेदनातून दिला आहे.यासंदर्भात जिल्हाधिकारी, जि. प. मुख्य कार्यकारी अधिकारी व शिक्षणाधिकारी यांचेशी पदाधिकाऱ्यांनी चर्चा केली

अवैध रेती तस्करांनी तलाठ्याच्या अंगावर ट्रॅक्टर चढविण्याचा केला प्रयत्न, तलाठी बालबाल बचावले 

भद्रावती:-
 सर्वसामान्य नागरिकांची कामे जलद गतीने व्हावी, यासाठी राज्य शासनाने सर्व विभागांना 100 दिवसांच्या कृती आराखड्याची प्रभावी अंमलबजावणी करण्याच्या सुचना दिल्या आहेत. तसेच अधिका-यांनासुध्दा फिल्ड व्हीजीट करून नागरिकांच्या अडीअडचणी जाणून घेण्याबाबत निर्देश दिले आहेत.

याबाबत अधिकारी वर्ग प्रत्येक गावाना भेटी देत नागरिकांच्या समस्या जाणून घेत आहे. तर एकीकडे भद्रावती तालुक्यातील शेगाव येथे तलाठी अनंत गीते वाळू तस्करांवर कारवाई करण्यासाठी गेले असता त्यांच्या अंगावर ट्रॅक्टर चढविण्याचा प्रयत्न करण्यात आल्याची घटना घडली आहे. याबाबत शेगाव पोलीस स्टेशनमध्ये तलाठी गीते यांनी तक्रार दिली आहे.महसूल उत्पन्न वाढीत क्रमांक एक वर असलेल्या जिल्ह्यात सध्या वाळू तस्करांचा मोठ्या प्रमाणात हैदोस सुरू आहे, प्रशासनातील अधिकाऱ्यांसमवेत आर्थिक हित जोपासत हा व्यवसाय सध्या चांगला सुरू आहे.

 30 जानेवारीला सकाळी 9.30 वाजताच्या सुमारास कारेगाव येथे तलाठी अनंत गीते व सहायक कोतवाल संजय लभाने व नितीन बुरचुंडे रेतीने भरलेला ट्रॅक्टर अडवीत परवाण्याबाबत विचारपूस केली, परवाना नसल्याने सदर ट्रॅक्टर हा भद्रावती तहसील कार्यालयात जमा करण्यास सांगितले असता 2 अज्ञात व्यक्तींनी ट्रॅक्टर चालकाला तलाठ्यांच्या अंगावर वाहन चालविण्यास सांगितले. 

चालकाने वाहन तलाठ्यांच्या अंगावर चढविण्याचा प्रयत्न केला, तलाठी गीते वाहनसमोरून न हटल्याने त्या 2 व्यक्तींनी तलाठी गीते सोबत धक्काबुक्की करीत त्यांना बाजूला सारले. त्यांनतर ट्रॅक्टर चालकाने वाहनसहित तिथून पळ काढला.या सर्व प्रकाराची माहिती गीते यांनी तहसीलदार राजेश भांडारकर यांना दिली, ट्रॅक्टर चालक व त्या दोन इस्माविरुद्ध गीते यांनी शेगाव पोलीस स्टेशनमध्ये तक्रार दिली. या घटनेचा पटवारी संघाचे विभागीय अध्यक्ष राजूरकर यांनी निषेध करीत आरोपीवर कठोर कारवाई करण्याची मागणी केली आहे

पिएचसी चौकातील अतिक्रमण हटाव मोहिम अधीक तीव्र करणार-सरपंच रेखाताई पिसे

नेरी (दि. ३० जानेवारी):- चिमुर तालुक्यातील नेरी येथील पिएचसी चौकातील अतिक्रमण हटाव मोहीमची प्रभावीपणे अंमलबजावणी करत राबविण्यात आली असुन अतिक्रमण हटाव मोहिम अधीक तिव्र करण्यात येणार आहे.गावाचा विकास करण्यासाठी ग्राम कमेटी मागे हटणार नाही, एक पाऊल पुढे टाकीत ग्रामपंचायतने अनेक विकासाची कामे केली आहेत. ७० हजार वर्षांपूर्वीपासून येथील स्मशानभूमीवरील अतिक्रमण हटविण्यात नेरी ग्रामपंचायतला यश मिळविले आहे तसेच घोडाझरी धरनातुन गावकऱ्यांना शुद्ध पिण्याचे पाणी मिळणार आहे. ही योजना ग्रामपंचायतने आणली आहे, जल जिवन मिशन अंतर्गत युद्ध स्तरावर काम सुरू आहे. असे अनेक विकासात्मक कामे नेरी ग्रामपंचायत ने हाती घेतले आहेसरपंच रेखा पिसे पुढे म्हणाल्या, गावातील अनेकांनी दुकानदारांनी त्यांना निर्धारित केलेल्या जागे व्यतीरिक्त सिमा निर्धारित केलेल्या असुन मर्यादित जागेवर धंदा करावा, पुढे पुढे सरकु नये व रस्ते वाहतुकीस मोकडे असावेत वाहतुकीस अडथळे निर्माण होईल असे क्रुत्य करु नये. अन्यथा अतिक्रमण हटविताना कठोर कारवाई करण्यात येईल असा इशारा ग्रामपंचायत कमेटीने दिला आहे. शासनाच्या अधिनस्त राहुन शासकीय जमिनीवरील अतिक्रमण हटाविण्यात येत असुन गावाचा विकास व्हावा, विकासाच्या शासकीय योजना राबविण्याचा नेरी ग्रामपंचायत प्रयत्न करत असतांनाच या अतिक्रमणाचा सामना करावा लागतो. अनेक शासनाच्या योजना राबवताना अतिक्रमण केलेले आड येत असते, विकास कामाला खिड बसते, परिणामी गावकऱ्यांनाही ग्राम विकासाचा फटका बसतो. शासनाच्या वतीने महाराष्ट्र भर अतिक्रमण हटाव मोहिम तिव्र करण्यात आली आहे.अतिक्रमण निर्मूलन करतांना गावकऱ्यांच्या तोंडुन ग्रामपंचायतची स्तुती करताना दिसुन येत आहे. अतिक्रमण हटविताना ज्यांना स्वतःच्या मालकीची घरे आहेत, त्यांनी घरी जावे ग्रामपंचायतच्या शासकीय कामात अडथळे आनु नये. अतिक्रमण हटाव मोहिमेत राजकीय रंग देवु नये, "आपला गाव-आपला विकास, "आपली माती आपली नाती" असे समजून गावकऱ्यांनी सहकार्य करावे असे आवाहन नेरी ग्रामपंचायत सरपंच रेखाताई पिसे यांनी केले आहे.

 अवघ्या २४ तासात उभारले नेलगुंडा येथे नवीन पोलीस स्टेशन

गडचिरोली:-
1000 सी–60 कमांडो, 25 बीडीडीएस टीम, नवनियुक्त पोलीस जवान, 500 विशेष पोलीस अधिकारी व खाजगी कंत्राटदार यांच्या मदतीने 24 तासात नेलगुंडा येथे नवीन पोलीस स्टेशन उभारण्यात आले आहे 
विशेष पोलीस महानिरिक्षक (नक्षलविरोधी अभियान)  संदिप पाटील, पोलीस उपमहानिरीक्षक गडचिरोली परिक्षेत्र  अंकित गोयल, पोलीस अधीक्षक. नीलोत्पल, 113 बटा. सिआरपीएफचे कमांडण्ट  जसवीर सिंग, 09 बटा. चे कमांडण्ट  शंभु कुमार, 37 बटा. चे कमांडण्ट  दाओ इंजीरकान कींडो व ग्रामस्थांच्या उपस्थितीत पार पडले

 
मागील वर्षी 14 जून रोजी नेलगुंडा गावातील ग्रामस्थांनी माओवाद्यांना गावबंदी केली होती.

नवीन पोलीस स्टेशनची स्थापना या भागाच्या सर्वांगीण विकासामध्ये महत्वाची भूमिका बजावेल पोलीस अधीक्षक  नीलोत्पल
माओवाददृष्ट अतिसंवेदनशील गडचिरोली जिल्हा, दुर्गम-अतिदुर्गम भाग असलेला ज्या ठिकाणी बरेच आदिवासी बांधव आज देखील विकासापासून कोसो दूर आहेत, त्यांचा विकास साधावा व माओवाद्यांच्या कारवायांना आळा बसावा यासाठी गडचिरोली पोलीस दलाच्या वतीने आज दिनांक 30/01/2025 रोजी उपविभाग भामरागड अंतर्गत नेलगुंडा या ठिकाणी नवीन पोलीस स्टेशनची स्थापना करण्यात आली. सन 2024 या वर्षाअखेर दिनांक 11/12/2024 रोजी याच भागात अतिदुर्गम पेनगुंडा येथे नवीन पोलीस मदत केंद्राची स्थापना करण्यात आली होती. भामरागड पासून 20 किमी., धोडराज पासुन 14 किमी., पोमकें पेनगुंडा पासुन 04 कि.मी. व छत्तीसगड सिमेपासुन फक्त 600 मीटर अंतरावर असलेल्या अति-दुर्गम नेलगुंडा व आसपासच्या गावातील नागरिकांच्या सुरक्षा व सर्वांगीण विकासाला हातभार लागून त्यांनी विकासाच्या मुख्य प्रवाहात येण्याकरीता पोलीस स्टेशन नेलगुंडा मैलाचा दगड ठरेल.

सदर पोलीस स्टेशनची उभारणी करण्यासाठी गडचिरोली पोलीस दलाचा मोठा फौजफाटा तैनात करण्यात आला होता. त्यात एकुण 1050 मनुष्यबळ, 10 जेसीबी, 19 ट्रेलर, 04 पोकलेन, 45 ट्रक इत्यादीच्या सहाय्याने अवघ्या एका दिवसांत पोलीस स्टेशनची उभारणी करण्यात आली. सदर पोलीस स्टेशनमध्ये पोलीस बलाच्या सुविधेसाठी वायफाय सुविधा, 19 पोर्टा कॅबिन, जनरेटर शेड, पिण्याच्या पाण्यासाठी आर ओ प्लँट, मोबाईल टॉवर, टॉयलेट सुविधा, पोस्ट सुरक्षेसाठी मॅक वॉल, बी.पी मोर्चा, 08 सँन्ड मोर्चा इत्यादींची उभारणी करण्यात येत असून यासोबतच पोलीस स्टेशनच्या सुरक्षेसाठी गडचिरोली पोलीस दलाचे 04 अधिकारी व 49 अंमलदार, एसआरपीएफ ग्रुप 10, सोलापूरचे 02 प्लाटुन तसेच सिआरपीएफ 113 बटा. डी कंपणीचे 01 असिस्टंट कमांडन्ट व 69 अंमलदार, विशेष अभियान पथकाचे 06 पथक (150 कमांडोज) तैनात करण्यात आले आहेत. तसेच पोस्टे उभारणी कार्यक्रमादरम्यान पोलीस स्टेशन नेलगुंडा हद्दीतील उपस्थित नागरिकांपैकी महिलांना नववारी साडी, पुरुषांना घमेले, ताडपत्री, स्प्रे-पंप, युवकांना लोअर पॅन्ट, टि-शर्ट, चप्पल, ब्लॅकेट, नोटबुक, पेन, स्कुल बॅग, फ्रॉक, चॉकलेट, बिस्कीट, मुलांना क्रिकेट बॅट, बॉल, व्हॉलीबॉल नेट, व्हॉलीबॉल इत्यादी विविध साहित्यांचे वाटप करण्यात आले. अतिदुर्गम भागात नवीन पोलीस स्टेशनच्या उभारणीमुळे तेथील नागरिकांनी संतोष व्यक्त करुन पोलीस प्रशासनाप्रती आभार व्यक्त केले.

सदर नवीन पोलीस स्टेशन उभारणीच्या कार्यक्रमाप्रसंगी विशेष पोलीस महानिरीक्षक (नक्षलविरोधी अभियान)  संदिप पाटील, पोलीस उपमहानिरिक्षक गडचिरोली परिक्षेत्र  अंकित गोयल, पोलीस उपमहानिरिक्षक, केंद्रीय राखीव पोलीस बल, गडचिरोली  अजय कुमार शर्मा, गडचिरोली जिल्ह्राचे पोलीस अधीक्षक. नीलोत्पल, कमांडण्ट 113 बटा. केंद्रीय राखीव पोलीस बल  जसवीर सिंग, कमांडण्ट 09 बटा. केंद्रीय राखीव पोलीस बल  शंभु कुमार, कमांडण्ट 37 बटा. केंद्रीय राखीव पोलीस बल  दाओ इंजीरकान कींडो, अपर पोलीस अधीक्षक (अभियान)  यतिश देशमुख, अपर पोलीस अधीक्षक, अहेरी डॉ. श्रेणिक लोढा, उपविभागीय पोलीस अधिकारी, भामरागड  अमर मोहिते व पोलीस स्टेशन नेलगुंडाचे नवनियुक्त प्रभारी अधिकारी पोउपनि. अमोल सोळुंके, इतर अधिकारी व पोलीस अंमलदार उपस्थित होते.

सुट्या पैशांवरून एसटी बसच्या वाहकाला केली मारहाण

अमरावती : एसटी बसमध्ये प्रवासादरम्यान सुटे पैसेबाबत झालेल्या वादातून बसच्या वाहकाला मारहाण झाल्याची धक्कादायक माहिती आहे. ही घटना अमरावती जिल्ह्यातील दर्यापूर आगारातील नांदेड बुद्रुक या मार्गावर घडली. एसटीच्या नव्या भाडेवाढीमुळे प्रवाशी व वाहक यांच्यात झालेल्या सुट्या पैशांवरून दररोज बाचाबाची होत असून अमरावती जिल्ह्यातील दर्यापूर आगारातील नांदेड बुद्रुक या मार्गावर कामगिरी बजावणाऱ्या वाहकाला मारहाण झाल्याचा गुन्हा पोलिसात दाखल करण्यात आला आहे.

भाडेवाढ झाल्यानंतर पाच दिवसात अनेक ठिकाणी बाचाबाची झाल्याच्या घटना सोशल मीडियावर फिरत असून यातून पुढे काही अनर्थ घडू नये यासाठी खबरदारी म्हणून भाडेवाढ सूत्रात तात्काळ बदल होण्यासाठी एसटीकडून पुन्हा एकदा राज्य परिवहन प्राधिकरणाकडे फेरप्रस्ताव सादर करण्यात यावा, अशी मागणी महाराष्ट्र एस.टी. कर्मचारी काँग्रेसचे सरचिटणीस श्रीरंग बरगे यांनी केली आहे.नवीन भाडेवाढ ही पाच रुपयांच्या पटीत असावी असा स्पष्ट प्रस्ताव एसटीने या पूर्वीच पाठवला असताना त्याला प्राधिकरणातील अधिकाऱ्यांनी केराची टोपली दाखवली व आर्थिक नुकसान होण्याचे कारण देत अनपेक्षितपणे बदल करून एक रुपयाच्या पटीत भाडेवाढ करण्याचा आदेश काढला असून सध्या चलनात सुट्या पैशाचे व्यवहार जवळ जवळ बंद झाले आहेत.ए.टी. एम. मधून सुद्धा शंभर, दोनशे व पाचशे रुपयांच्या नोटा निधत असल्याने कोणताही प्रवाशी सुटे पैसे मागितल्यावर देत नाही. तरीही भाडेवाढ करतांना प्राधिकरणाकडून एक रुपयाच्या पटीत भाडेवाढ केली गेली व एसटीला तोटा होण्याची भीती दाखऊन अनपेक्षितपणे प्राधिकरणाकडून हा निर्णय लादला गेला असल्याची टीकाही बरगे यांनी केली आहे. या घटनेनंतर एसटी प्रशासन या घटना टाळण्यासाठी काय उपाय करणार याकडे सगळ्यांचे लक्ष लागले आहे.

एसटी प्रशासनाने पुन्हा पत्र द्यावे
भाडेवाढीवर निर्णय घेण्याचे अधिकार राज्य परिवहन प्राधिकरणाला आहे. १६ जून २०१८ रोजी व २६ ऑक्टोंबर २०२१ रोजी जी भाडेवाढ करण्यात आली आहे. ती पाचच्या पटीत करण्यात आली असून त्याच सूत्रानुसार भाडेवाढ पाचच्या पटीत करण्यासाठी प्राधिकरणातील अधिकाऱ्यांना सांगायला हवे.सुट्या पैशाची अडचण येत असल्याचे पुरावे देऊन त्याच प्रमाणे वाहकांकडून आलेल्या तक्रारी व पोलिसात दाखल झालेले गुन्हे याचे पुरावे सादर करून पुन्हा एकदा प्रस्ताव एसटीकडून पाठवला जावा असेही बरगे यांनी म्हटले आहे.

गडचिरोलीत लोह आधारित पूरक उद्योगांना मोठा वाव – जिल्हाधिकारी अविश्यांत पंडा

गडचिरोली : जिल्ह्यातील लोह उद्योगात वाढ होत असल्याने येत्या काळात लोह उत्पादनावर आधारित पूरक उद्योगांना मोठी संधी उपलब्ध होणार आहे. त्यामुळे जिल्ह्यात अधिकाधिक लोह आधारित पूरक उद्योग निर्मितीसाठी उद्योग मित्रांनी पुढाकार घ्यावा, असे आवाहन जिल्हाधिकारी अविश्यांत पंडा यांनी केले.

जिल्हा उद्योग केंद्राच्या वतीने आयोजित जिल्हा उद्योग मित्र, जिल्हा सल्लागार समन्वय समिती, जिल्हा आजारी उद्योग पुनर्वसन समिती आणि जिल्हा स्थानिक लोकांना रोजगार सनियंत्रण समितीच्या संयुक्त सभेत ते बोलत होते.

जिल्ह्यातील सुशिक्षित युवकांना कौशल्य प्रशिक्षण मिळावे यासाठी मुख्यमंत्री युवा प्रशिक्षण कार्यक्रमांतर्गत कंपन्यांनी पोर्टलवर नोंदणी करावी, तसेच जिल्हा कौशल्य विकास कार्यालयाने युवकांना अधिकाधिक प्रशिक्षणाच्या संधी उपलब्ध करून द्याव्यात, अशा सूचनाही त्यांनी यावेळी दिल्या.

सभेत उद्योजकांच्या अडचणी, औद्योगिक क्षेत्रात पायाभूत सुविधा, स्थानिकांना रोजगाराच्या संधी आणि उद्योग केंद्राच्या विविध योजनांचा आढावा घेण्यात आला.

यावेळी जिल्हा परिषदेचे मुख्य कार्यकारी अधिकारी सुहास गाडे, जिल्हा उद्योग केंद्राचे महाव्यवस्थापक निलेश गायकवाड, जिल्हा कौशल्य विकास विभागाचे सहाय्यक आयुक्त योगेंद्र शेंडे यांसह जिल्हा उद्योग केंद्र,  जिल्हा अग्रणी बँक, नाबार्ड, खादी ग्रामोद्योग, नगररचना, विज महावितरण कंपनी, एम.आय.डी.सी., कामगार विभाग, खनिकर्म विभाग इत्यादी विभागांचे प्रतिनिधी आणि गडचिरोली जिल्हयातील उद्योग संघटना आणि इतर उद्योजक हजर होते.

मराठीचा अभिमान प्रत्येकाने बाळगावा- प्रमुख जिल्हा व सत्र न्यायाधीश

जिल्हा न्यायालयात मराठी भाषा संवर्धन पंधरवडा 

गडचिरोली, दि.३० – मराठी भाषा ही संत ज्ञानेश्वर, तुकाराम आणि समर्थ रामदास यांची भाषा असून तिचा अभिमान प्रत्येकाने बाळगावा, असे प्रतिपादन गडचिरोली जिल्हा न्यायालयात आयोजित "मराठी भाषा संवर्धन पंधरवाडा" निमित्त प्रमुख जिल्हा व सत्र न्यायाधीश वसंत भा. कुलकर्णी यांनी केले.
गडचिरोली जिल्हा न्यायालयाच्या कक्ष क्रमांक ३०६ मध्ये दिनांक २७ जानेवारी २०२५ रोजी या विशेष कार्यक्रमाचे आयोजन करण्यात आले होते. न्या. कुलकर्णी यांनी अध्यक्षस्थान भूषविले, तर गोंडवाना विद्यापीठातील मराठी विभाग प्रमुख प्रा. डॉ. निलकंठ पंढरी नरवाडे हे प्रमुख पाहुणे व मुख्य वक्ते म्हणून उपस्थित होते. जिल्हा विधी सेवा प्राधिकरणाचे सचिव आर.आर. पाटील यांचीही विशेष उपस्थिती होती.
कार्यक्रमात मुख्य न्यायिक दंडाधिकारी एस.पी. सदाफळे, दिवाणी न्यायाधीश (वरिष्ठ स्तर), सी.पी. रघुवंशी, सह-दिवाणी न्यायाधीश (कनिष्ठ स्तर) श्री. भैसारे आणि इतर न्यायाधीश मंडळींनी आपली उपस्थिती दर्शवली.
कार्यक्रमाचे संचालन सह-दिवाणी न्यायाधीश (कनिष्ठ स्तर) श्रीमती पठाण यांनी केले. प्रा. डॉ. नरवाडे यांनी आपल्या मार्गदर्शनपर भाषणात मराठी भाषेचे न्यायालयीन कामकाजातील महत्त्व अधोरेखित केले. त्यांनी प्रत्येक मराठी भाषिकाने आपल्या भाषेचा अभिमान बाळगण्याचे आवाहन केले.
यावेळी न्या. कुलकर्णी यांनी आपल्या अध्यक्षीय भाषणात मराठी भाषा समृद्ध, श्रेष्ठ आणि अभिजात असल्याचे स्पष्ट करत पु. ल. देशपांडे, वि. वा. शिरवाडकर, संत ज्ञानेश्वर व तुकाराम यांच्या कार्याचा उल्लेख केला. मराठी भाषा लोप पावण्याची भीती दूर करण्यासाठी तिचा रोजच्या जीवनात अधिकाधिक वापर व्हावा, असे त्यांनी आवर्जून सांगितले.
कार्यक्रमाच्या यशस्वी आयोजनासाठी अधिक्षक एस.जे. शेंडे यांनी परिश्रम घेतले. सह-दिवाणी न्यायाधीश (कनिष्ठ स्तर) श्री. भैसारे यांनी आभार प्रदर्शन केले. या कार्यक्रमाला न्यायालयीन कर्मचारी तसेच वकील मोठ्या प्रमाणावर उपस्थित होती.

राष्ट्रवादी काँग्रेसमध्ये (अजीत पवार)विविध पार्टीचे शेकडो पदाधिकारी व कार्यकर्ते यांनी केला पक्ष प्रवेश

 माजी मंत्री तथा विद्यमान आमदार डाॅ.धर्मरावबाबा आत्राम यांची उपस्थिती

गड़चिरोली:-राष्ट्रवादी काँग्रेस पार्टीचे राष्ट्रीय अध्यक्ष तथा उपमुख्यमंत्री अजितदादा पवार यांच्या नेतृत्वावर विश्वास ठेवून माजी कॅबिनेट मंत्री तथा आमदार डा.धर्मरावबाबा आत्राम यांच्या प्रमुख उपस्थितिमध्ये अमोल कुळमेथे यांच्या नेतृत्वात शरदचंद्र पवार पक्षाचे शेकडो पदाधिकारी व कार्यकर्ते यांनी सोमवार, 27 जानेवारीला राष्ट्रवादी युवक काँग्रेस कार्यालय गड़चिरोली येथे राष्ट्रवादी काँग्रेस (अजित पवार गट) पार्टीमध्ये पक्ष प्रवेश केला. पक्ष प्रवेश करतांना अमोल कुळमेथे यांनी म्हटले की, राष्ट्रवादी काँग्रेस पार्टीचे राष्ट्रीय अध्यक्ष तथा उपमुख्यमंत्री अजितदादा पवार यांची कार्यप्रणाली आणि गडचिरोली जिल्ह्यात आमदार डाॅ.धर्मरावबाबा आत्राम यांनी अनेक विकासकार्य केलेले आहेत. राष्ट्रवादी काँग्रेस पार्टीच्या माध्यमातून डाॅ.धर्मरावबाबा आत्राम यांची जनमानसात एक वेगळीच ओळख निर्माण झाली आहे. डाॅ.धर्मरावबाबा आत्राम यांच्यामध्ये समाजातील मागास घटकांपर्यत पोहचून विकास घडवून आणण्याची क्षमता असल्यामुळे उपमुख्यमंत्री अजितदादा पवार यांच्यावर विश्वास ठेवून राष्ट्रवादी काँग्रेस पार्टीमध्ये शेकडो पदाधिकारी व कार्यकर्ते यांनी पक्ष प्रवेश केलेला आहे. राष्ट्रवादी काँग्रेस पार्टीमध्ये प्रवेश केल्यामुळे नक्कीच जिल्ह्याचा विकास करण्यासाठी आम्ही सदैव तत्पर असू, असे मत अमोल कुळमेथे यांनी व्यक्त केले. पक्ष प्रवेश करतांना माझी नगरसेवक खूमेश कुळमेथे, शरदचंद्र पवार गटाचे जिल्हा युवक उपाध्यक्ष प्रसाद पवार, महिला जिल्हा सरचिटणीस सुषमाताई येवले, महिला शहराध्यक्ष प्रीती कोवे, युवक शहराध्यक्ष अजय कुकडकर, जेष्ठ नेत्या उमा बन्सोड, चामोर्शी निरीक्षक आरती कोल्हे, महिला शहर उपाध्यक्ष नईमा हुसैन, महिला शहर सरचिटणीस मीना मावळनकर, आशा मुळेवार,  सेवानिवृत्त पोलिस उपनिरीक्षक संघरक्षित फुलझेले, सेवानिवृत्त मुख्याध्यापक पुरुषोत्तम कुळमेथे, सेवानिवृत्त वनपाल बळवंत येवले, माजी जिल्हा परिषद कर्मचारी प्रदीप वडेट्टीवार, खुशाल तरोने, संजय भोयर, साहित्यिक व आंबेडकरवादी विचारवंत सतीश कुसराम, अजय कोवे, धनु गेडाम, रुपेश गेडाम, रुपेश सलामे, रेणू कुळमेथे, अंजू कुळमेथे, किरण मंगरे, कविता चिचघरे, तेजस लाकडे, सुरेश चिकराम, स्वप्निल येडलावार, रोशनी पुडो, विक्की केळझरकर, मयूर सूर्यवंशी, डिंपल सहारे, आबिद शेख, मोना बोरकर, सोनू कुळमेथे, सोनाली राईंचवार, अस्मिता खोब्रागडे, महेश निमगडे आदी शेकडो पदाधिकारी व कार्यकर्ते यांनी राष्ट्रवादी काँग्रेस (अजित पवार गट) पार्टीमध्ये पक्ष प्रवेश केला. यावेळी सिनेट सदस्य तनुश्री आत्राम, माजी पंचायत समिती सदस्य हर्षवर्धन आत्राम, जिल्हाध्यक्ष रविंद्र वासेकर, प्रदेश उपाध्यक्ष नाना नाकाडे, प्रदेश महासचिव युनूस शेख, युवक राष्ट्रवादी काँग्रेस जिल्हाध्यक्ष लीलाधर भरडकर, जिल्ह्यातील राष्ट्रवादी काँग्रेसचे पदाधिकारी, तालुकाध्यक्ष व कार्यकर्ते मोठ्या संख्येने उपस्थित होते.