F धारदार शस्त्राने केली सख्या भावाने मोठ्या भावाची हत्या | My Khabar24

Vaingangavarta19

13-10-2024

धारदार शस्त्राने केली सख्या भावाने मोठ्या भावाची हत्या

सिरोंचा:-
तालुक्यातील रंगय्यापल्ली येथे दोन सख्ख्या भावांच्या झालेल्या भांडणात लहान भावाने मोठ्या भावाची धारधार शस्त्राने हत्या केल्याची धक्कादायक घटना दिनांक दहा ऑक्टोंबर शुक्रवारला रात्रो पाऊणे अकरा वाजताच्या सुमारास घडली.

चीन्नना मल्लया वडगुरी वय 40 वर्ष रा. रंगय्यापल्ली ता. सिरोंचा असे मृतकाचे नाव असून सत्यम मलय्या वडगुरी वय 31 वर्ष रंगय्यापल्ली असे आरोपीचे नाव आहे.

सविस्तर वृत्त असे की, रंगय्यापल्ली येथील चीन्नना वडगुरी व सत्यम वडगुरी या दोन भावंडा मध्ये जुन्या काही कारणाने वाद झाला. हा वाद इतका विकोपाला गेला की, लहान भाऊ सत्यम वडगुरी याने मोठा भाऊ चिन्नना वडगुरी यांच्या वर धारधार शस्त्राने वार केला. चिन्नना च्या कानाच्या पाठीमागे जबर दुखापत झाली. यावेळी रक्तस्त्राव मोठया प्रमाणात झाल्याने त्याचा जागीच मृत्यू झाला. घटनेची माहिती मिळताच सीरोंचा पोलिस घटनास्थळी पोहोचले व मृतकाचे शव उत्तरीय तपासणीसाठी सिरोंचा येथील ग्रामीण रुग्णालयात पाठविण्यात आले आरोपीला अटक करून त्याच्यावर गुन्हा दाखल केला घटनेचा तपास उपविभागीय पोलिस अधिकारी संदेश नाईक व ठाणेदार यांच्या मार्गदर्शनाखाली पोलिस उपनिरीक्षक गणेश जंगले हे करीत आहेत