डॉ. बाबासाहेब आंबेडकर यांच्या सामाजिक कार्यात माता रमाई यांचे मोलाचे सहकार्य

डॉ. बाबासाहेब आंबेडकर यांच्या सामाजिक कार्यात माता रमाई यांचे मोलाचे सहकार्य.

वैरागड - :
माता रमाई यांनी डॉ. बाबासाहेब आंबेडकर यांच्या खंबीर साथीच्या बळावर बहुजन उध्दाराची चळवळ चालवली तसेच धारवाडच्या उपाशी विद्यार्थ्यांना जेवणाची सोय व्हावी हणून सोन्याच्या बांगड्या विकल्या  त्यामुळे त्यांना रमाई नाव पडले. त्यांच्या कार्याने डॉ. बाबासाहेब आंबेडकर यांच्या सामाजिक कार्यात माता रमाई यांचे मोलाचे सहकार्य झाल्याचे प्रतिपादन वैरागड येथील सरपंचा संगीता पेंदाम यांनी केले.

वैरागड येथील डॉ. बाबासाहेब आंबेडकर वार्डात ९ फेब्रुवारी रोजी बौध्द समाज आणि तक्षशिला महिला मंडलच्या वतीने माता रमाई यांच्या जयंती निमित्त सांस्कृतिक कार्यक्रम घेण्यात आले. कार्यक्रमाच्या अध्यक्ष स्थानावरून सरपंचा संगीता पेंदाम बोलत होत्या. प्रमुख अतिथी म्हणून ग्रामपंचायत सदस्या मनीषा खरवडे, डॉ. बाबासाहेब आंबेडकर बहुउद्देशीय संस्था अध्यक्ष मिलिंद भोयर, सचिव मनोज खोब्रागडे, बौध्द समाज अध्यक्ष संजय भैसारे, तक्षशिला महिला मंडळ अध्यक्ष उर्मिला मेश्राम, ताराबाई वासनिक, स्मिता वासनिक, जासुंदा भानारकर, अस्मिता वासनिक उपस्थित होते. 

 बौध्द समाज, तक्षशिला महिला मंडळ आणि युवक मंडळा मार्फत माता रमाई आंबेडकर यांच्या जयंती निमित्त सांस्कृतिक कार्यक्रम आणि सह भोजनाचा कार्यक्रम करण्यात आला. कार्यक्रमाच्या सुरवातीला मान्यवरांच्या हस्थे भगवान गौतम बुध्द, डॉ.बाबासाहेब आंबेडकर आणि माता रमाई यांचा प्रतिमेला पुष्पहार आणि द्वीप प्रज्वलन करून कार्यक्रमाला सुरूवात करण्यात आली.  सांस्कृतिक कार्यक्रमात भीम व रमाईच्या भगिनी ,लेकरांनी अप्रतिम नृत्य सादर केले. 

झालेल्या कार्यक्रमाचे संचालन आणि आभार दिपाली वासनिक यांनी केले. कार्यक्रम यशस्वीतेसाठी तक्षशिला महिला मंडळ सचिव तक्षशिला प्रलय सहारे, शिंदू सरदारे, बबिता टेंभूर्णे, कल्पना बरडे, इंदुबाई खोब्रागडे, प्रेमिला बरडे, बळीराम तागडे, राजू खोब्रागडे, लक्ष्मण भानाराकर, धर्मराव वासनिक, अनुज सहारे, शुभम मेश्राम, प्रशांत सहारे, गोलू बरडे यांनी मोलाचे सहकार्य केले. यावेळी गावातील तसेच परिसरातील बहुसंख्येने नागरिक उपस्थित होते.