F तालुका रक्तदूतपदी प्रशांत गावडे यांची नियुक्ती | My Khabar24

Vaingangavarta19

25-02-2025

तालुका रक्तदूतपदी प्रशांत गावडे यांची नियुक्ती

प्रमोद झरकर उपसंपादक वैनगंगा वार्ता गड़चिरोली मो. न. ९३२५७६६१३४

गडचिरोली जिल्ह्यातील जनहित ग्रामीण विकास बहुद्देशीय संस्था, येणापुर द्वारा संचालित रक्तदाता शोधमोहीम व जनजागृती अभियान अंतर्गत प्रशांत प्रकाश गावडे यांची चामोर्शी तालुका रक्तदूत म्हणून निवड करण्यात आली आहे.
संस्थेच्या माध्यमातून गेल्या अनेक वर्षांपासून रक्तदान जनजागृती व रक्तदाता नेटवर्क निर्माण करण्याचे कार्य सातत्याने केले जात आहे. याच अभियानाला अधिक बळ मिळावे आणि तालुका स्तरावर रक्तदान चळवळीला गती द्यावी, या उद्देशाने प्रशांत गावडे यांना तालुका रक्तदूत म्हणून जबाबदारी सोपवण्यात आली आहे.
संस्थेच्या अध्यक्षा तथा संचालिका सौ. सुनीताताई बंडावार यांनी त्यांना नियुक्तीपत्र प्रदान केले. यावेळी त्यांनी सांगितले की, “रक्ताचा तुटवडा भरून काढण्यासाठी युवकांनी पुढे येण्याची गरज आहे. प्रशांत गावडे यांच्या नेतृत्वाखाली तालुक्यात रक्तदान चळवळ अधिक प्रभावीपणे राबवली जाईल, असा विश्वास आहे.”

तालुका रक्तदूत म्हणून प्रशांत गावडे यांच्यावर रक्तदाता नेटवर्क तयार करणे, रक्तदान शिबिरे आयोजित करणे आणि रक्तदानाविषयी जनजागृती वाढवणे या जबाबदाऱ्या राहतील.

"रक्तदान - सर्वश्रेष्ठ दान!"