Vaingangavarta19

22-02-2024

भरधाव दुचाकीची झाडाला धडक, दुचाकीस्वार जागीच ठार

धानोरा :-
गोडलवाही येथून दुचाकी ने स्वगावी परत येत असताना भरधाव दुचाकीची झाडाला धडक लागून दुचाकी चालक जागीच ठार झाल्याची घटना 21 फेब्रुवारी ला रात्री सात वाजताच्या सुमारास घडली
देवाजी दसरू कोडाप 48 रा. कनारटोला ता. धानोरा जि . गडचिरोली असे मृतकाचे नाव आहे. मृतक हा 21 फेब्रुवारीला गोडलवाही येथे एकटाच कामानिमित्त नातेवाईकांकडे गेला होता काम आटोपून दुचाकीने परत येत असताना गोडलवाही पासून दीड किमी अंतरावर असलेल्या वळणावर त्याचे दुचाकी वरील नियंत्रण सुटल्याने दुचाकीची रस्त्याच्या कडेला असलेल्या झाडाला धडक बसली यामध्ये त्याचे डोक्याला जबर मार लागल्याने व वेळेवर उपचार न मिळाल्याने तो जागीच ठार झाला घरी त्याची पत्नी व मुले तो येणार म्हणून वाट पाहत होती परंतु रात्र होऊनही पती घरी न पोहोचल्याने पत्नीने गोडलवही येथे त्यांचे नातेवाईकांना फोन करून विचारले असता तो त्यांचे घरून दुचाकीने गेला असल्याचे समजले तेव्हाच नातेवाईक त्याला पाहण्यासाठी गेले असता तो रस्त्याचे कडेला पडून असल्याचे दिसले घटनेची माहिती ग्रामीण रुग्णालयात देण्यात आली तेव्हा त्याला रुग्णवाहिकेने ग्रामीण रुग्णालयात आणण्यात आले परंतू डॉक्टरांनी तपासून त्याला मृत घोषित केले ग्रामीण रुग्णालयात त्याचे शवविच्छेदन करून प्रेत नातेवाईकांचे स्वाधीन करण्यात आले.