F एका २१ वर्षीय तरुणीने विहिरीत उडी घेऊन संपविली जीवनयात्रा | My Khabar24

Vaingangavarta19

18-01-2025

एका २१ वर्षीय तरुणीने विहिरीत उडी घेऊन संपविली जीवनयात्रा

मुर्तिजापूर : तालुक्यातील हिरपुर सिरसो रोडवरील मनोज ढगे यांच्या शेतातील विहिरीत एका 21 वर्षीय तरुणीने विहिरीत उडी घेऊन आत्महत्या केल्याची घटना दिनांक 16 च्या मध्यरात्री घडल्याची माहिती प्राप्त झाली आहे. कामावरून घरी परत आल्यानंतर तिच्या आईसोबत थोडी बाचाबाची झाली असता ती रागाच्या भरात घरून निघून गेली. त्यानंतर आई व मामा यांनी तिचा बराच शोध घेतला परंतु ती कुठेच दिसून आली नाही. मात्र 17 जानेवारी 2025 सकाळच्या दरम्यान गावातील एका शेतात एका व्यक्तीचे प्रेत विहिरीत तरंगत असल्याची बातमी पसरली असता घटनास्थळी मुर्तीजापुर ग्रामीण पोलीस दाखल होऊन गावकऱ्यांच्या मदतीने मृतदेह बाहेर काढण्यात आला.
मृतक मुलीचे नाव नम्रता विनोद गर्दे वय २१ वर्ष रा .मुर्तीजापूर असे असून
सतीश नामदेव भगत, वय 52 वर्ष, धंदा मजुरी, राहणार सांजापूर, तालुका मूर्तिजापुर जिल्हा. अकोला यांच्या तक्रारीनुसार पोलीसांनी घटना स्थळी धाव घेतली
मुर्तीजापुर ग्रामीण भागात राहणारे सदर कुटुंब आपल्या उदरनिर्वाह करिता मोल मजुरी करून मुर्तीजापुर येथील बँक कॉलनीत भाड्याच्या घरात राहत होते. तक्रारदार यांची बहीण कांचन विनोद गर्दे एक मुलगा नामे आदर्श व दोन मुली, मोठी मुलगी वैष्णवी व लहान नम्रता असे त्यांचे नाव असून मोठ्या मुलीचे लग्न झालेले आहे व नम्रता ही 21 वर्षीय दुसरी मुलगी मुर्तीजापूर येथील मातृसेवा हॉस्पिटल येथे काम करीत होती. दिनांक 16 जानेवारी 2025 रोजी रात्री अकरा वाजताच्या दरम्यान मनोज ढगे यांनी फोनवर माहिती दिली, की हिरपूर सिरसो रोडवरील शेताजवळ तुझ्या भाचीची स्कुटी गाडी उभी आहे व शेतातील विहिरीच्या काठावर एक बॅग ठेवली आहे तरी तू येऊन पहा अशी माहिती मनोज ढगे यांनी दिली.

मनोज ढगे यांच्या शेतातील विहिरीमध्ये बॅटरीच्या उजेडात पाहिले असता विहिरीच्या पाण्यात एक प्रेत तरंगात होते. कपड्यावरून व तिच्या पायातील बुटावरून आपली भाची नामे नम्रता विनोद गर्दै वय 21 वर्ष राहणार मुर्तीजापुर असल्याची खात्री झाली. त्यानंतर नागरिकाच्या साहाय्याने पोलिसांनी प्रेत विहिरीच्या बाहेर काढले कॉलेज बॅग मधील लर्निंग लॉयसन्स वरून खात्री करण्यात आली कि ही 21 वर्षीय मुलगी नम्रता गर्दे आहे
16 जानेवारी 2025 रोजी नेहमीप्रमाणे सकाळी 9 वाजता कामावर गेलेली नम्रता नेहमीप्रमाणे रात्री 8 वाजता घरी परत आली नाही म्हणून तिच्या आईने हॉस्पिटलमध्ये फोन करून विचारणा केली असता ती 7 वाजून 45 मिनीटांनी हॉस्पिटल मधून गेल्याची समजले त्यानंतर आपल्या बहिणीने शोधाशोध केली व मला सुद्धा फोन केला की नम्रता तुझ्याकडे हिरपूरला आली आहे का? विचारपूस केली असता बहिणीने सांगितले की तिला थोडी बोलली होती व ती आतापर्यंत घरी आली नाही असे सांगितले असता सतीश भगत (मामा) यांनी शोधाशोध केला असता ती हिरपूर येथील मनोज ढगे यांच्या शेतात विहिरीमध्ये बुडून मरण पावली असल्याची माहिती मुर्तीजापुर ग्रामीण पोलीस स्टेशनला दिली.