F ट्रकने दिली मागेहून प्रवासी ॲटोला जब्बर धडक , ९ प्रवासी गंभीर जखमी | My Khabar24

Vaingangavarta19

24-01-2025

ट्रकने दिली मागेहून प्रवासी ॲटोला जब्बर धडक , ९ प्रवासी गंभीर जखमी

बल्लारपूर:-

कोठारीहून प्रवाशांनी घेवून बल्लारपूरकडे जात असलेल्या प्रवासी ऑटोला भरधाव वेगाने येणाऱ्या ट्रकने धडक दिली. या अपघतात ९ प्रवासी गंभीर जखमी झाले आहेत. सदर घटना २३ जानेवारीला सकाळी १० वाजताच्या सुमारास कोठारीजवळील नाल्यावरील पुलाजवळ घडली कोठारी येथून प्रवाशांना भरून ऑटो क्रं एमएच ३४ बीएच १२२५ बल्लारपूरकडे जात होता. दरम्यान, कोठारी नाल्याजवळ ट्रक क्रं एमएच ४० बीसी ७८०९ भरधाव वेगाने बल्लारपूरकडे जात होता. यावेळी ट्रकची ऑटोला मागून जोरदार धडक बसली. त्यात ऑटोने प्रवास करीत असलेले प्रवासी परिवर्तन जुनघरे (३३) रा. कोठारी, दीपक मारस्कोले (३६), कवडू ढुमने (६४), मीना ढुमणे (६०), संतोष गडकर (३५), अमोल गडकर (३५), चंद्रकला पेंदोर (५३), विजया पिल्लेवार (१८) व कल्पना गुरनुले (३८) जखमी झाले.

अपघाताची माहिती होताच पोलीस व गावकऱ्यांनी घटनास्थळावर धाव घेत जखमींना प्राथमिक आरोग्य केंद्र कोठारी येथे उपचारासाठी आणले. पुढील उपचारासाठी सर्व जखमींना चंद्रपूर शासकीय रुग्णालयात हलविण्यात आले आहे. कोठारी पोलीसांनी ट्रक चालक याच्यावर २८१, १२५ (ए) बीएनएस, १८४ मोवाका अंतर्गत गुन्हा नोंदविला आहे.

पुढील तपास कोठारी चे ठाणेदार योगेश खरसान यांच्या मार्गदर्शनाखाली सहाय्यक पोलीस उपनिरीक्षक गणेश तोटावार करीत आहेत.