गडचिरोली : शहरासह तालुक्याच्याग्रामीण भागात अनेक सुज्ञ मतदारांनी आपण केलेल्या मतदानाची खात्री करून घेतली.

मतदान यंत्राचे बटण दाबल्यानंतर ज्या क्रमांकाचे व चिन्हांचे बटण दाबले आहे, त्या चिन्हांवर आपले मतदान जात आहे की नाही की, दुसऱ्याच चिन्हाला मतदान जात आहे, याबाबत अनेक मतदारांनी व्हीव्हीपॅट मशिनमधील स्लिपची पाहणी करून खात्री करून घेतली. दरम्यान, ज्या चिन्हांचे बटण दाबले आहे, त्याचचिन्हाला आपले मतदान जात असल्याचे अनेक मतदारांनी सांगितले.

२०१९च्या लोकसभा व विधानसभा निवडणुकीत मतदान यंत्राबाबत निर्माण झालेले गैरसमज यंदाच्या विधानसभा निवडणुकीत प्रशासनाच्या पारदर्शकतेमुळे दूर झाल्याचे दिसून आले. विशेष म्हणजे, यावेळी सुज्ञ महिला व युवती मतदारांनी व्हीव्हीपॅटमधील पावतीची पडताळणी केली. आपण केलेले मतदान योग्य ठिकाणीच गेले आहे, याची खात्री पटल्याचे समाधान दिसले.

चंद्रपूर : विधानसभा निवडणुकीदरम्यान मतदारांनाआमिष देण्यासाठी पैशाचा वापर होण्याची शक्यता वर्तविण्यात येत असतानाच निवडणुकीच्या मध्यरात्री गडचांदूर येथील एका घरातून तब्बल ६१ लाखांची रोकड आणि प्रचार साहित्य निवडणूक आयोगाने जप्त केली. जप्त केलेले प्रचारसाहित्य भाजपाचे राजुरा विधानसभा क्षेत्राचे उमेदवार देवराव भोंगळे यांचे असल्याचे पोलिस सूत्राने सांगितले.

विधानसभा निवडणुकीच्या पार्श्वभूमीवर सर्वत्र पोलिसांची नजर होती. दरम्यान, गडचांदूर येथील एका घरी निवडणुकीत वाटप करण्यासाठी मोठी रक्कम ठेवून असल्याची माहिती निवडणूक आयोगाला मिळाली. या माहितीच्या आधारावर त्यांनी धाड टाकून ती ६१ लाखांची रोकड जप्त केली आहे. राष्ट्रवादी काँग्रेस पार्टीचे राजुरा विधानसभा प्रमुख अरुण निमजे यांनी आयोगाकडे तक्रार दाखल केल्यानंतर ही कारवाई करण्यात आली असल्याची माहिती आहे. पुढील तपास निवडणूक आयोगाच्या चमूतर्फे सुरू आहे 

 अर्जुनी मोरगाव (जि. गोंदिया) : घरातपतीचा मृतदेह, कुटुंबात दुःखाचे सावट सर्वत्र पसरले, जन्मदात्याचे छत्र हरविल्याने मुलीसुद्धा शोकसागरात बुडाल्या. दुःख वियोगात असलेल्या त्या माउलीने व दोन मुलींनी मतदान केंद्रात जाऊन मतदान करून राष्ट्रीय कर्तव्य पार पाडले. ही घटना येथील वॉर्ड क्रमांक १७ मध्ये घडली.

येथील रहिवासी शंकर ग्यानबा लाडे (४७) यांचे बुधवारी सकाळी ६ वाजता निधन झाले. पतीच्या दुःखवियोगात असलेल्या त्या माउलीने मतदान करण्याचा निर्णय घेतला. मृतदेह घरात असताना घरच्या सर्व मंडळींनी मतदान केंद्रावर जाऊन मतदानाचा हक्क बजावून राष्ट्रीय कर्तव्य पार पाडले. त्यानंतर शंकर लाडे यांच्यावर अंत्यसंस्कार केले.

पत्नीचा मृतदेह घरात; पतीने केले मतदान

कळमडू (ता. चाळीसगाव) : मुलगा लष्करात भरती होऊन कर्नाटकातप्रशिक्षणाला गेलेला, इकडे मतदानाच्या दिवशी पत्नी छायाबाई (४०) यांचे आकस्मिक निधन झाले. हे सर्व दुःख विसरून राजेंद्र नामदेव बच्छे यांनी परिवारातील सदस्यांसह आधी मतदानाचे कर्तव्य पार पाडले, त्यानंतर सायंकाळी चार वाजता पत्नीवर अंत्यसंस्कार केले.

● मुलगा देशसेवेसाठी सैनिकी प्रशिक्षणाला बेळगावला असल्याने आईच्या अंत्यविधीला तातडीने येऊ शकत नव्हता. त्यामुळे मुलगी रोहिणी बच्छे हिने मुलाप्रमाणे कर्तव्य पार पाडून आईला अग्नी डाग दिला

देचलीपेठा : अहेरी तालुक्यातील देचली येथे मतदानाचा हक्क बजावून घरी परतताना जीपमधून खाली कोसळल्याने महिलेचा मृत्यू झाला. ही घटना २० नोव्हेंबरला दुपारी अडीच वाजता घडली. पोरीयाबाई विजया वेलादी (वय ५०, रा. आसली) असे मृत महिलेचे नाव आहे. त्यांचे देचली केंद्रावर मतदान होते. त्यासाठी एका उमेदवाराने दिलेल्या जीपमधून त्या गेल्या होत्या. आसली ते देचली हे तीन किलोमीटर अंतर आहे. मतदान करून इतर महिलांसमवेत परतत होत्या. वाटेत खड्यात जीप आदळली. यावेळी त्या खाली कोसळल्या. डोक्यातून रक्तस्त्राव होऊन त्यांचा मृत्यू झाला.

मतदानाचा हक्क बजावून आले अन् काळाने गाठले

एटापल्ली : येथे मतदानाचा हक्क बजावून घरी परतल्यानंतर एका व्यावसायिकाचा हृदयविकाराच्या धक्क्याने मृत्यू झाला. शरीफ शेख (वय ५५) असे त्या व्यापाऱ्याचे नाव आहे. सकाळी अकरा वाजता त्यांनी एटापल्लीतील केंद्रावर तासभर रांगेत उभे राहून मतदानाचा हक्क बजाविला. त्यानंतर ते घरी परतले. मात्र, त्यांना छातीत वेदना होत असल्याचे त्यांनी कुटुंबीयांना सांगितले. कुटुंबीयांनी त्यांना तातडीने ग्रामीण रुग्णालयात नेले; परंतु डॉक्टरांनी तपासणी करून मृत घोषित केले. पश्चात पत्नी, एक मुलगा, एक मुलगी असा परिवार आहे.

आरमोरी विधानसभा क्षेत्रात ऐनवेळी निवडणूक कर्तव्य बजावण्यास नकार दिल्याने मतदान अधिकाऱ्यावर गुन्हा नोंदविण्यात आला. तहसीलदार प्रिती डुड्डुलकर यांनी १९ नोव्हेंबरला दिलेल्या तक्रारीवरून देसाईगंज ठाण्यात गुन्ह्याची नोंद झाली. मारुती नथ्थुजी बावणकर असे गुन्हा नोंद झालेल्या मतदान अधिकाऱ्याचे नाव आहे. ते येंगलखेडा येथील तुकाराम विद्यालयात शिक्षक म्हणून कार्यरत आहेत. त्यांची आरमोरी विधानसभा क्षेत्रातील मतदान प्रक्रियेसाठी केंद्राध्यक्ष म्हणून नियुक्ती झाली होती. त्यांना याबाबत प्रशिक्षण दिले होते. १८ रोजी त्यांना देसाईगंज येथील वखार महामंडळाच्या गोदामात ईव्हीएम नेण्यासाठी बोलावणे धाडले, परंतु निवडणूक पथकासोबत जाण्यास त्यांनी नकार दिला. त्यामुळे पर्यायी व्यवस्था करावी लागली. मात्र, निवडणूक कार्यास नकार दिल्याने तहसीलदार प्रिती डुडुलकर यांच्या फिर्यादीवरून मारुती बावणकर यांच्याविरुद्ध लोकप्रतिनिधी अधिनियम १९५१ चे कलम १३४ व भारतीय न्याय संहिताचे कलम २२३ अन्वये गुन्हा नोंद करण्यात आला. तपास पोलिस निरीक्षक अजय जगताप करत आहेत.

गडचिरोली दि .२०: गडचिरोली जिल्ह्यात विधानसभा निवडणुकीत मतदार मोठ्या संख्येत उत्साहाने मतदानासाठी बाहेर पडले आहेत.सकाळी ७ वाजेपासूनच प्रत्यक्ष मतदानाला सुरुवात झाली आहे. लोकशाहीच्या या उत्सवात तरुण मतदारांनाही लाजवणारा उत्साह दाखवत येथील १११ वर्षांच्या आजींनी मतदान केंद्रावर जाऊन प्रत्यक्ष मतदान केले.

फुलमती बिनोद सरकार (वय १११) असे त्या आजींचे नाव असून त्या मुलचेरा तालुक्यातील गोविंदपूर येथील रहिवासी आहेत. फुलमती सरकार यांचा जन्म १ जानेवारी १९१३ रोजी झाला. आजीला चालता येत नसल्याने प्रशासनाने चारचाकी वाहन आणि व्हील चेअरची व्यवस्था केली होती.आजीने प्रत्यक्ष मतदान करत मतदारांमध्ये उत्साह निर्माण केला. आजींच्या मतदानाचा उत्साह कौतुकास्पद होता. तर मतदानाकडे पाठ फिरविणाऱ्या तरुण वर्गासाठी १११ वर्षांच्या आजींचा हा उत्साह आदर्शवत होता.

भारत निवडणूक आयोगाने ८५ वर्षावरील मतदारांसाठी गृह मतदानाची सोय उपलब्ध करून दिली होती. त्या कालावधीत गृह मतदान प्रक्रिया सुद्धा राबविण्यात आली. मात्र फुलमती सरकार या वृद्ध आजीने मतदान केंद्रावरच जाऊन प्रत्यक्ष मतदान करण्याचा निर्णय घेतला होता. त्यांनी आज प्रत्यक्ष मतदान केंद्रावर जाऊन मतदान केले.

लोकशाहीच्या उत्सवात तब्बल १११ वय असलेल्या या आजींनी प्रत्यक्ष सहभाग घेऊन मतदान करणे ही अभिमानास्पद बाब आहे. त्यांनी गृह मतदान नाकारून लोकशाहीच्या उत्सवात प्रत्यक्ष सहभाग घेतला.एवढेच नव्हे, तर तिने आपल्या बांगला भाषेत सर्वांना मतदान करण्याचे आवाहन देखील केले हे विशेष.

प्रशासनाने शाल-श्रीफळ देऊन केले स्वागत

फुलमती बिनोद सरकार या आजीला प्रशासनाने चारचाकी वाहनातून मतदान केंद्रावर आणले. त्यांनतर शालेय विद्यार्थी,गावकरी तसेच प्रशासनातील अधिकारी आणि कर्मचाऱ्यांनी पुष्पांचा वर्षाव करत मतदान केंद्राच्या आवारात स्वागत केले.त्यांनतर आजीने उत्साहात मतदानाचा हक्क बजावला. प्रशासनाच्या वतीने अहेरीचे अप्पर जिल्हाधिकारी विजय भाकरे यांनी फुलमती बिनोद सरकार यांना शॉल,श्रीफळ आणि पुष्पगुच्छ देत स्वागत केले.यावेळी मुलचेराचे गटविकास अधिकारी एल. बी. जुवारे,पुरवठा अधिकारी इंगोले,तलाठी रितेश चिंदमवार, ग्रामपंचायतचे सचिव अक्षय कुळमेथे तसेच आदी कर्मचारी उपस्थित होते.

कोरोना काळात लसीकरणातही पुढाकार

फुलमती सरकार यांनी लोकसभा निवडणुकीमध्ये देखील गोविंदपूर येथील जिल्हा परिषद प्राथमिक शाळेच्या मतदान केंद्रावर जाऊन प्रत्यक्ष मतदान कले.एवढंच काय तर देशावर कोरोना महामारीचा संकट असताना सुरुवातीला गडचिरोली जिल्ह्यात लसीकरणासाठी नागरिकांचा विरोध होता. या आजींनी लसीकरणातही पुढाकार घेऊन स्वतः लस घेत लसीकरणासाठी सर्वांनी पुढे यावे असंही आवाहन केलं होतं.

Wardha: आज निवडणुकीचे मतदान अंतिम टप्प्यात आले असतानाच हाणामारी करण्याचा प्रकार घडला. सर्वत्र खदखद मास्तर म्हणून प्रसिद्ध असलेले व आता राष्ट्रवादी (शरद पवार गट) काँग्रेसचे स्टार प्रचारक नितेश कराळे यांना चांगलाच चोप बसला. सोशल माध्यमावर वऱ्हाडी बोलीने कराळे यांनी चांगलीच लोकप्रियता कमावली. पण आजच्या घटनेत त्यांनाच बदडण्यात आल्याने तेच या माध्यमावर चर्चेचा विषय ठरत आहे. झाले असे की कराळे हे मांडवा या आपल्या गावी मतदान करून वर्धेकडे परत येत होते.

समोरच उमरी हे गाव आहे. तिथे त्यांनी मतदान केंद्राची पाहणी सूरू केली. भाजपचे बूथ नियमबाह्य असल्याचा दावा करीत त्यांनी बूथवर उपस्थित भाजप कार्यकर्त्यांशी वाद घातला. तसेच रागावले, असे ऐकायला मिळाले. त्यामुळे भाजप कार्यकर्त्यांनी त्यांचे नेते असलेले उमरीचे माजी सरपंच सचिन खोसे यांना बोलावून घेतले.

कराळे यांचे काही बोल खोसे यांना मनाला लागल्याने त्यांनी थेट कराळे यांना पकडून चांगलेच चोपले. तेव्हा काही स्थानिक मंडळींनी मध्यस्थी करीत वाद सोडविला. या घटनेने कराळे चांगलेच हादरून गेल्याचे गावकरी सांगतात. याप्रकरणी दोन्ही गट सावंगी पोलीस ठाण्यात पोहचले आहे. कराळे या संदर्भात बोलतांना म्हणाले की हा गुंडगिरीचा प्रकार आहे. मी उमरी गावातून जात असतांना काँग्रेसच्या बूथवर थांबलो. तेव्हा कार्यकर्त्यांनी भाजप बूथवर नियमापेक्षा अधिक लोकं लॅपटॉप घेऊन बसले असल्याचे सांगितले. तेव्हा सचिन खोसे हा माझा काहीही दोष नसतांना मारायला धावला. मला व माझ्या मुलीला पण मार बसला.

हे असे गुंडगिरीचे राजकारण आम्ही खपवून घेणार नाही. तर खोसे गटाने स्पष्ट केले की मास्टरला नको तिथे नाक खुपसायची सवय आहे. सर्व शांततेत सूरू असतांना याने वाद घालणे सूरू केले. जर चुकीचे असते तर प्रशासनाने ते बंद पाडले असते. पण सर्व काही मलाच समजते, या गुर्मीत नेहमी राहणाऱ्या आम्ही कां ऐकून घ्यावे म्हणून समजावले, असे खोसे गटाने स्पष्ट केले आहे. प्रकरण झाल्यावर भाजप व काँग्रेसीचे वरिष्ठ नेते घटनास्थळी पोहचले. समजूत काढण्यात आली.

पोलीस अधीक्षक अनुराग जैन म्हणाले की हा केवळ दोन व्यक्तीतील वाद आहे. दोन्ही गट पोलीस ठाण्यात आले असून त्यांच्या तक्रारी नोंदवून घेणे सूरू आहे. बाकी मतदान प्रक्रिया नियमित सूरू असल्याचे पोलीस अधीक्षक म्हणाले.

गडचिरोली,दि.20 (जिमाका): विधानसभा सार्वत्रिक निवडणुकीसाठी गडचिरोली जिल्ह्यातील 67-आरमोरी, 68-गडचिरोली व 69-अहेरी या तीनही मतदारसंघात आज शांततेत व सुरळीत मतदान पार पडले. दुर्गम, नक्षलग्रस्त भागातील अतिसंवेदनशील मतदानकेंद्रांवरही मतदानासाठी नागरिकांची मोठ्या रांगा लागल्या होत्या. कुठल्याही मतदान केंद्रावर अनुचित प्रकार घडला नाही. आज सायंकाळी 5 वाजेपर्यंत जिल्ह्यात सरारी 69.63 टक्के मतदान झाले होते. यात 67-आरमोरी – 71.26 टक्के , 68-गडचिरोली- 69.22 टक्के व 69-अहेरी- 68.43 टक्के इतकी नोंदविण्यात आली आहे. मतदानाची अंतिम टक्केवारी दुर्गम भागातील पथकांकडील आकडेवारी मिळाल्यावर स्पष्ट होणार असल्याचे जिल्हा निवडणूक अधिकारी तथा जिल्हाधिकारी संजय दैने यांनी कळविले आहे. 

आज सकाळपासूनच मतदारांनी मोठ्या उत्साहाने लोकशाहीच्या या उत्सवात भाग घेतल्याचे जागोजागी लागलेल्या मतदारांच्या मोठमोठ्या रांगेतून दिसून येत होते. शहरी व ग्रामीण भागत मतदारांनी मतदान करण्यासाठी मोठ्या प्रमाणात गर्दी केली होती. वृद्ध व दिव्यांग मतदारांकरीत व्हीलचेअरची व्यवस्था तसेच सर्वांकरिता पाणी व आवश्यक त्या सर्व प्रकारच्या सोयी सुविधा मतदान केंद्रांवर करण्यात आल्या होत्या. मदतीसाठी जिल्हा प्रशासनाद्वारे कर्मचारी नेमण्यात आले होते. अनेक ठीकाणी मतदानाची वेळ संपल्यावरीही नागरिक मतदानासाठी रांगेत उपस्थित होते. अशा ठिकाणी रांगेतील शेवटच्या मतदारापासून सर्वांना टोकन वाटप करून त्यांचे मतदान पूर्ण करण्यात आले.

Maharashtra Vidhan Sabha Election Exit Poll : महाराष्ट्र विधानसभेसाठी आज (२० नोव्हेंबर) मतदान पार पडले आहे. महाराष्ट्रात आज २८८ विधानसभा मतदारसंघात मतदान पार पडलं आहे. आता मतदानाची वेळ संपली असून उमेदवारांचं भवितव्य मतदारपेटीत बंद झालं आहे. या निवडणुकीचा निकाल आता २३ नोव्हेंबर रोजी लागणार आहे. त्यामुळे या निकालाकडे अवघ्या देशाचं लक्ष लागलेलं आहे.

दरम्यान, आता महाराष्ट्राच्या जनतेचा कौल नेमकी कुणाला? महाविकास आघाडीला की महायुतीला? तसेच कोणत्या पक्षाला किती जागा मिळतात? किती अपक्ष उमेदवार निवडून येतात? या यासंदर्भातील एक्झिट पोल आता समोर आले आहेत. समोर आलेल्या एक्झिट पोलमध्ये नेमकी काय अंदाज व्यक्त करण्यात आला आहे? जाणून घेऊयात.

महायुतीला जास्त जागा मिळतील?

सत्ताधारी भाजपाच्या नेतृत्वाखालील महायुती विजय मिळवून महाराष्ट्रात सत्ता कायम ठेवेल असा अंदाज काही एक्झिट पोल्सनुसार वर्तवण्यात येत आहे. यामध्ये मॅट्रीक्स, पोल डायरी, चाणक्य, पी-एमएआरक्यू या एक्झिट पोल्सने महायुतीला जास्त जागा मिळतील, असा अंदाज वर्तवला आहे.

कोणत्या एक्झिट पोल्सचा अंदाज काय?

पी-एमएआरक्यू पोल्सचा अंदाज काय?

पी-एमएआरक्यूने महायुती १३७ ते १५७ जागा मिळतील असा अंदाज वर्तवला आहे. तर महाविकास आघाडीला १२६ ते १४६ जागा मिळतील असा अंदाज वर्तवला आहे, तसेच इतर २ ते ८ जागा मिळतील असा अंदाज वर्तवण्यात आला आहे.

चाणक्यचा एक्झिट पोल काय?.......

महायुती १५२ ते १६० : भाजप-९०, शिवसेना शिंदे-४८, राष्ट्रवादी (अजित पवार) २२महाविकास आघाडी १३० ते १३८ : काँग्रेस-६३, शिवसेना (ठाकरे) ३५, राष्ट्रवादी (शरद पवार) ४० आणि इतर ६ ते ८

मॅट्रीक्सचा एक्झिट पोल काय?.......

महायुती १५० ते १७० : भाजप-८९ ते१०१, शिवसेना शिंदे-३७ ते ४५, राष्ट्रवादी (अजित पवार) १७ ते २६

महाविकास आघाडी ११० ते १३० : काँग्रेस-३९ ते ४७, शिवसेना (ठाकरे) २१ ते ३९, राष्ट्रवादी (शरद पवार) ३५ ते ४३

पोल डायरीचा अंदाज काय?......

महायुतीच्या पोल्सनुसार महायुतीला १२२ ते १८६ आणि महाविकास आघाडीला ६९ ते १२१ जागा मिळण्याचा अंदाज. यामध्ये महायुतीत भाजपाला ७७ ते १०८, शिवसेना (शिंदे) २७ -५०, राष्ट्रवादी (अजित पवार) १८ ते २८. तसेच महाविकास आघाडीमध्ये काँग्रेस २८-४७, शिवसेना (ठाकरे) १६ ते ३५, राष्ट्रवादी (शरद पवार) २५ ते ३९ जागा मिळतील असा अंदाज.

पीपल्स पल्स एक्झिट पोलचा अंदाज काय?.......

पीपल्स पल्स एक्झिट पोलच्या अंदाजानुसार, भाजपाच्या नेतृत्वाखालील युती १७५ ते १९५ जागा जिंकेल. तसेच महाविकास आघाडी ८५ ते ११२ जागा जिंकेल. तसेच अपक्ष आणि इतर पक्ष ७ ते १२ जागा जिंकतील.

पोलस्टर एक्झिट पोलचा अंदाज काय?........

भाजपाच्या नेतृत्वाखालील महायुती महाराष्ट्रात १५० ते १७० जागा जिंकेल. तसेच महाविकास आघाडी ११० ते १३० जागा जिंकेल आणि अपक्ष आणि इतर पक्ष ८ ते १० जागा जिंकतील.

मुंबई : गेल्या अनेक दिवासंपासून राज्यात विधानसभा निवडणुकीसाठी प्रचार केला जात होता. आज (20 नोव्हेंबर) या निवडणकुसाठी मतदानाची प्रक्रिया पार पडली. राज्यातील जनतेने उत्स्फूर्तपणे या निवडणुकीसाठी मतदान केले.

SAS GROUP HYDRABAD च्या अंदाजानुसार राज्यात कोणाचे सरकार

महायुती 127-135

मविआ 147-155

इतर 10-13

विदर्भ (एकूण जागा 62)

मविआ 33-35

महायुती 26-27

इतर 2-3

पश्चिम महाराष्ट्र (एकूण जागा 70)

मविआ 40-42

महायुती 27-28

इतर 2-3

मराठवाडा (एकूण जागा 46)

मविआ 27-28

महायुती 17-18

इतर 2-3

मुंबई (एकूण जागा 36)

मविआ 18-19

महायुती 17-18

इतर 1-2

उत्तर महाराष्ट्र (एकूण जागा 35)

मविआ 15-16

महायुती 18-21

इतर 2

कोकण (एकूण जागा 39)

मविआ 14-15

महायुती 22-23

इतर 1-2

MATRIZE च्या एक्झिट पोलच्या अंदाजनुसार राज्यात कोणाचं सरकार

महायुती 150-170

इतर 8-10

भाजप 89-101

अजित पवार 17-26

शिंदे गट 37-45

मविआ 110-130

काँग्रेस 39-47

उबाठा 21-39

राष्ट्रवादी पवार 35-43

पोल डायरीच्या अंदाजानुसार कोणाला किती जागा? 

महायुती- 122-186 जागा

भाजपा- 77-108 जागा

शिंदे सेना- 27-50 जागा

अजित पवार- 18-28 जागा

महाविकास आघाडी- 69-121 जागा

काँग्रेस- 28-47 

ठाकरे सेना- 16-35

शरद पवार- 25-39

इतर- 12-29

MATRIZE च्या पोलनुसार भाजपला 89-101 जागा मिळण्याचा अंदाज वर्तवण्यात आला आहे.

इलेक्टोरल एजच्या अंदाजानुसार कोणाला किती जागा? 

महायुती- 121 जागा

भाजपा- 78

शिंदे सेना- 26

अजित पवार- 14

महाविकास आघाडी- 150 जागा

काँग्रेस- 60 

ठाकरे- 44

शरद पवार- 46

इतर- 20 जागा

Encounter In Chhattisgarh: छत्तीसगड (Chhattisgarh) मधील कांकेरमध्ये सुरक्षा दल आणि नक्षलवाद्यांमध्ये चकमक (Encounter) सुरू आहे. पोलिस आणि नक्षलवाद्यांमध्ये सुरू असलेल्या भीषण चकमकीत पाच नक्षलवादी ठार झाले आहेत. प्राप्त माहितीनुसार, अबुझमदच्या जंगलात चकमक सुरू आहे. चकमकीत दोन जवान जखमी झाले आहेत. जखमी जवानांना एअरलिफ्ट करून रायपूरला नेण्यात आले आहे.

चकमकीनंतर पाच नक्षलवाद्यांचे मृतदेह सापडले आहेत. याशिवाय घटनास्थळावरून अनेक शस्त्रे आणि स्फोटक वस्तूही जप्त करण्यात आल्या आहेत. कांकेर डीआरजी, नारायणपूर डीआरजी, बीएसएफ आणि एसटीएफच्या संयुक्त दलाने मोठी कारवाई केली आहे. 

सुरक्षा दल आणि नक्षलवाद्यांमध्ये ज्या भागात चकमक होत आहे तो भाग प्रभावित आहे. यामुळेच सैनिकांशी संपर्क साधण्यात अडचणी येत आहेत. सुरक्षा दलांनी नुकतीच अबुझमदच्या जंगलात मोठ्या प्रमाणावर शोधमोहीम राबवली, त्यानंतर आज मोठी कारवाई केली जात आहे. याशिवाय 4 ऑक्टोबर रोजी याच जंगलात नक्षलवाद्यांची सर्वात मोठी कारवाई करण्यात आली होती. ज्यामध्ये जवळपास 31 नक्षलवादी मारले गेले होते

नागपूर – गंगाजमुनात मौजमजा करायला एक तरुण आला. त्याने दुचाकी उभी केली अन वस्तीत फेरफटका मारला. एका वारंगणेसोबत एक युवक उभा होता. त्याने त्या युवकाला एक हजार रुपयात सुंदर तरुणीची भेट घालून देण्याचे आमिष दाखवले. त्याच्या आमिषावर युवक भाळल्या गेला. दोघेही दुचाकीने गंगाजमुना वस्तीच्या बाहेर पडले आणि त्याने अन्य एका मित्रालाही बोलावून घेतले. दोघांनीही पारडी परीसरात नेऊन त्या युवकाला मारहाण करुन चाकूच्या पैसे हिसकावून घेतले आणि त्याची दुचाकी घेऊन पळाले. सुंदर तरुणीच्या नादात युवकाला लुटल्याची घटना सोमवारी रात्री उघडकीस आली. 

पीडित तक्रारकर्ता युवक आशिष हा खापरी चौकातील एका मोठ्या सलूनमध्ये काम करतो. त्याला गंगाजमुनामध्ये मौजमजा करण्याची सवय आहे. त्यामुळे तो नेहमीप्रमाणे सोमवारी रात्री साडेदहा वाजता गंगाजमुना वस्तीत आला. त्याला एका वारांगणा महिलेसोबत तरुण उभा असलेला दिसला. त्याने वारंगणेशी चर्चा केली आणि सौदा झाला. परंतु, त्या युवकाने आशिषशी संवाद साधला. ‘मी दलाल असून १८ ते २० वर्षांच्या काही तरुणी माझ्याकडे आहेत. तुला एक हजार रुपयांत सुंदर तरुणीची भेट घालून देतो.’ असे आमिष दाखवले. त्या तरुणाच्या आमिषावर आशिष भाळला. त्याने लगेच सोबत येण्याची तयारी दर्शविली. त्या युवकाने आशिषला त्याच्याच दुचाकीवर बसवले. त्याला पारडी रस्त्याने दुचाकी घेण्यास सांगितले. काही अंतरावर गेल्यानंतर त्याने एका मित्राला फोन केला आणि समोरच्या चौकात बोलावले.

अंधारात नेऊन लुटले

आशिषला अंधारात थांबवले आणि तेवढ्यात दुसरा तरुण तेथे पोहचला. दोघांनी आशिषला चाकू दाखवून मारहाण केली आणि खिशातून काही पैसै काढून घेतले. त्यानंतर त्याची दुचाकी घेऊन दोघांनी पळ काढला. तसेच त्या युवकाने मदतीसाठी कुठे जाऊ नये म्हणून त्याचे कपडेही काढून घेतले. त्यामुळे तो युवक कसाबस एका हॉटेलजवळ पोहचला. त्याला एका युवकाने मदत केली. तो थेट लकडगंज पोलीस ठाण्यात पोहचला. त्याने पोलिसांना आपबिती सांगितली. पोलिसांनी लुटल्याची तक्रार घेतली.

सीसीटीव्ही फुटेजवरुन लागला शोध

आशिषने सांगितलेल्या वारंगणेशी पोलिसांनी चर्चा केली. त्यानंतर रस्त्यावरील सीसीटीव्ही फुटेज तपासले. त्यामध्ये एक तरुण दिसून आला. त्या तरुणाची ओळख पटवली. त्यानंतर त्या युवकाचा शोध घेण्यात आला. पोलिसांनी त्या युवकाला पारडी परीसरातून ताब्यात घेतले. तासाभरात दुसऱ्याही आरोपीला पोलिसांनी अटक केली. आशिषचे पैसे आणि दुचाकी पोलिसांनी त्या युवकांकडून हस्तगत केली. दोघांनीही गंगाजमुनात अशाच प्रकारे ग्राहकांना सुंदर तरुणींचे आमिष दाखवून लुटत असल्याची कबुली दिली. दोन्ही तरुणांवर गुन्हा दाखल करुन ताब्यात घेतले आहे.

छ. संभाजीनगर. पंतप्रधान नरेंद्र मोदी यांची गुरुवारी छत्रपती संभाजीनगर व नवी मुंबई येथे सभा झाल्या. यावेळी त्यांनी काँग्रेससह महाविकास आघाडीवर जोरदार प्रहार केला. काँग्रेस आपला स्वार्थ साधण्यासाठी जातीचे राजकारण करीत आहे. जातींमध्ये भांडणे लावून काँग्रेस आरक्षण संपवेल. जाती-जातीत भांडणे लावून सत्ता मिळविणे हे काँग्रेसचे षडयंत्र आहे. काँग्रेसला दलित, अनुसूचित जमाती, इतर मागासांचा तिरस्कार आहे. या समाजातील एकजूट त्यांना तोडायची आहे, असा आरोप पंतप्रधान नरेंद्र मोदी यांनी केला. जम्मू-काश्मीरमध्ये संविधान बदलून ३७९ कलम पुन्हा लागू करण्याचे प्रयत्न कदापि यशस्वी होऊ दिले जाणार नाहीत, असा निर्धार व्यक्त करीत मोदी यांनी काँग्रेसला लक्ष्य केले.

शंभूराजांच्या मारेकऱ्याला मसीहा बनविले : ज्यांना संभाजीनगर नावावर अडचण आहे. त्यांना त्यांची हत्या करणाऱ्यांमध्ये मासीहा दिसतो. महाराष्ट्र अशा लोकांचा स्वीकार करेल का?, असा सवाल त्यांनी केला. महाराष्ट्राची ही निवडणूक केवळ नवीन सरकार निवडायची निवडणूक नाही. संभाजी महाराज यांना मानणारे एकीकडे आहेत तर दुसरीकडे औरंगजेब यांचे गुणगान करणारे लोक आहेत, असेही ते म्हणाले.

• नंदूरबार, . संविधानात बुद्ध, गांधींजी, आंबेडकरांचे विचार यांचे विचार आहे. त्याला कोरं म्हणणे म्हणजे या सर्वांचा अपमान आहे, तो पंतप्रधान नरेंद्र मोदी करत आहेत. आरएसएस आणि भाजपला संविधान मान्य नाही तर संविधान वाचविण्यासाठी आमची लढाई सुरू आहे, असे काँग्रेस नेते राहुल गांधी यांनी म्हटले आहे. राहुल गांधी म्हणाले की, देशातील जमीन, पाणी जगंलावर पहिला अधिकार हा आदिवासींचा आहे. ते देशाचे पहिले मालक आहेत. त्यांना केवळ आदिवासी आहे म्हणून मागे ठेवले जाते. नोकऱ्या दिल्या जात नाही. वनवासी म्हणून त्यांचे सर्व अधिकार काढून घेतले जातात. पण संविधानात असा काही शब्दच नाही. नंदुरबार जिल्ह्यात चार विधानसभा मतदारसंघ आहेत आणि महाविकास आघाडीतर्फे चारही विधानसभा मतदारसंघात काँग्रेस पक्षाला उमेदवारी देण्यात आली आहे. या सभेत बोलताना राहुल गांधी यांनी मोदी सरकारवर जोरदार हल्लाबोल केला.

• पंतप्रधान नरेंद्र मोदी  म्हणतात  माझ्या हातातील संविधान कोरं आहे. तुम्ही या संविधानाला कोरं म्हणून गांधीजी, डॉ. बाबासाहेब आंबेडकर यांचा अपमान करतात. संविधानात तुम्हाला कुठेही वनवासी म्हटले जात नाही. यात तुम्हाला आदिवासी म्हटले जाते. म्हणजे देशाचे पहिले मालक 

- राहुल गांधी, काँग्रेस नेते

राहुल गांधी म्हणाले की, वनवासी म्हणजे तुमचा कशावरच अधिकार नाही. जंगल कापून ती जमीन सरकार उद्योगपतींना देण्यात येते. तुमच्या मुलांना नोकरी दिली जात नाही. आदिवासींची संख्या ८ टक्के आहे तर त्यांना ८ भागीदारी मिळावी.

राहुल गांधी म्हणाले की, २५ लाख रुपयांचा विमा काढणार, २५ लाखांपर्यंत उपचार मोफत दिला जाणार. अडीच कोटी रोजगार दिले जाणार. पण जो पर्यंत युवकांना रोजगार दिले जाणार नाहीत, तोपर्यंत त्यांना ४ हजार रुपये महिना देणार आहोत. आम्ही ज्या त्या राज्याचे प्रकल्प त्याच राज्यांना देणार देऊन रोजगार उपलब्ध करून देण्याचा आमचा संकल्प आहे..

वैरागड : येथील बँक ऑफ इंडिया व को-ऑपरेटिव्ह बँकेत येणाऱ्या खातेदारांची वाहने ठेवण्यासाठी पार्किंग व्यवस्था नसल्याने खातेदार बँकेच्या समोर रस्त्याच्या कडेला आपली वाहने उभी ठेवतात. या वाहनांमुळे वाहतुकीस अडथळा निर्माण होत आहे.

को-ऑपरेटिव्ह बँकेची स्वतःची सुसज्ज इमारत आहे. बँक ऑफ इंडिया भाडेतत्त्वावर घेतलेल्या एका इमारतीमध्ये आहे; पण या दोन्ही बँकेच्या इमारतींसमोर पार्किंग व्यवस्था नाही. या दोन्ही बँकेत येणारे खातेदार बँकेसमोर रस्त्यालगत आपली वाहने उभी ठेवतात. परिणामी, चारचाकी वाहनांना रस्ता पार करता येत नाही. या दोन्ही बँका मुख्य रस्त्यावर आहेत. या रस्त्यांवर वाहतुकीची वर्दळ असते त्यात या वाहनांची गर्दी राहतअसल्याने अनेकदा वाहतुकीची कोंडी निर्माण होते.

गावातील मुख्य रस्ते आधीच अरुंद असून, अनेकांनी रस्त्यावर अतिक्रमण केले आहे. रस्त्याच्या दुतर्फा असल्या सार्वजनिक नाल्यावर काही लोक बांधकाम करीत आहेत; पण ग्राम पंचायतचे अधिकारी, पदाधिकारी काही कारवाई करण्यास तयार नाही. स्थानिक प्रशासनाचा अतिक्रमणाबाबत कोणताही धाक नसल्याने गावाचे स्वरूप बकाल झाले आहे. रस्त्यावर शेतीचे साहित्य ठेवणे, गुरे बांधणे, अडगळीत पडलेले साहित्य ठेवणे या प्रकारामुळे गावातील अंतर्गतरस्त्यांचीदेखील दुरवस्था झाली आहे. वैरागड येथील दोन्ही बँकांना आपल्या खातेदारांसाठी पार्किंग व्यवस्था करावी तसेच ग्रामपंचायतीने गावातील अंतर्गत रस्त्यावर होणारे अतिक्रमण हटवावे, अशी मागणी आहे.

भारताच्या संविधान निर्मिती दरम्यान डॉ.बाबासाहेब आंबेडकरांच्या ओजस्वी आणि तेजस्वी प्रतिभेने कायदे मंडळ पुन्हा पुन्हा प्रभावित झाले.

देशाचे पहिले कायदा मंत्री म्हणून त्यांनी केलेली अल्पकालीन पण प्रभावी कामगिरी देखील जणू एक दीपस्तंभ! संविधानाला मूर्तरूप देणारे घटनाकार! 

पण त्यांच्या मृत्यूनंतर तब्बल ३४ वर्षांनी त्यांना भारतरत्न पुरस्कार प्रदान करण्यात आला…. असे का?

त्यांचा दोन लोकसभा निवडणुकीत ठरवून का पराभव करण्यात आला? डॉ बाबासाहेब आंबेडकर यांची भीती कोणाला वाटत होती? कोणाला आपल्यापेक्षा प्रभावी मंत्री नको होते? 

१)२५ ऑक्टोबर १९५१ रोजी झालेल्या पहिल्या लोकसभा निवडणुकीत डॉ.बाबासाहेब आंबेडकर यांना पाठिंबा देण्याचे कबूल केलेल्या काँग्रेसने ऐनवेळी दगा दिला. डॉ बाबासाहेब आंबेडकरांच्या विरुद्ध उमेदवार उभा केला.साम दाम वापरून डॉ.बाबासाहेब आंबेडकरांचे साथीदार फोडले.फारसा परिचित नसलेल्या उमेदवारामागे काँग्रेसने पूर्ण शक्ती उभी केली.तो उमेदवार म्हणजे नारायणराव काजरोलकर! यांनी फक्त 14 हजार 561 मतांनी डॉ.बाबासाहेब आंबेडकर यांचा पराभव केला….डॉ.बाबासाहेब आंबेडकर यांना पडलेल्या मतांची संख्या होती १ लाख २३ हजार ५७६!

२)पुढं भंडारा लोकसभेच्या पोटनिवडणुकीतही बोरकर नावाच्या व्यक्तीला काँग्रेसने पूर्ण शक्ती लावून डॉ बाबासाहेब आंबेडकर यांचां पराभव केला….विद्वान बाबासाहेब आंबेडकर डोईजड होतील म्हणून ते नको होते. देशाच्या पंतप्रधानांपेक्षा जास्त विद्वान मनुष्य काँग्रेस इकोसिस्टीमला नको होता…

देशाच्या घटनेला ज्या महामानवाने मूर्त स्वरूप दिले,त्या महापुरुषांचा राजकीय पराभव काँग्रेसने दोन वेळा केला, पण वैचारिक पराभव मात्र करू शकले नाहीत.केंद्रीय मंत्रीपदाचा राजीनामा देऊन मोकळे व्हावं वाटावं असे वातावरण तत्कालीन काँग्रेसच्या इकोसिस्टीम ने निर्माण केले होते…

डॉ.बाबासाहेब आंबेडकर यांच्या मृत्यूनंतर तब्बल 3४ वर्षांनी गैरकाँग्रेसी सरकारने भारतरत्न पुरस्कार दिला.१४ एप्रिल १९९० रोजी हा पुरस्कार प्रदान करण्यात आला… इतका उशीर का झाला? का केला गेला? काँग्रेसला असा भारतरत्न पुरस्कार का द्यावा वाटला नाही?

डॉ.बाबासाहेब आंबेडकरांसारखे कितीतरी महापुरुष या देशांमध्ये असेच अन्यायाचे शिकार झालेले पाहायला मिळतील….. ! या गोष्टीला काँग्रेसची विचारधारा व घराणेशाही जबाबदार आहे.

आभार:NB मराठी news 

देसाईगंज : देसाईगंज ते लाखांदूर मार्गावरील कार्मेल कॉन्व्हेंटजवळ ट्रकच्या धडकेत दुचाकीस्वार ठार झाला. ही घटना १३ रोजी रात्री साडेआठ वाजता घडली. अनिकेत ईश्वर आदे (२१, रा. नवीन लाडज, ता. देसाईगंज) असे मयताचे नाव आहे. तो देसाईगंजवरून दुचाकीने गावी परतत होता. ट्रकने (सीजी ०४ एलएस- २४५८) त्यास धडक दिली. यात तो जागीच ठार झाला. दरम्यान, लाखांदूरकडून दुचाकीवरून येणाऱ्या शैलेश शालिक मेश्राम (२३, रा. जांभूळखेडा, ता. कुरखेडा) यास दुचाकीने हुलकावणी दिली. दुचाकी घसरून तो कोसळला. रुग्णालयात नेताना वाटेत त्याचा मृत्यू झाला.

बसच्या धडकेत दुचाकीस्वार ठार

अहेरी : आलापल्लीवरून पेरमिलीकडे जाणाऱ्या दुचाकीला एस.टी. बसने धडक दिल्याने दुचाकीस्वार जागीच ठार झाला. त्याची ओळख अद्याप पटली नाही. त्याच वाचविताना बस रस्त्याच्या खाली उतरली. वाहकाच्या प्रसंगावधानाने प्रवासी सुखरूप बचावले. ही घटना १४ नोव्हेंबरला दुपारी ३ वाजण्याच्या सुमारास आलापल्ली-भामरागड मार्गावरील तलवाडाजवळ घडली. अहेरी आगाराची बस (एमएच ४० एक्यू ६०९४) सकाळी ७:४५ वाजता अहेरी आगारातून लाहेरीमार्गे सुटली. त्याच वेळी दुचाकी (एम.एच. ३३ पी. ८६८२) आलापल्लीवरून पेरमिलीमार्गे जात होता.

दोन लाखांचे नुकसान : चौकशी करून कारवाईची मागणी

 कुरखेडा : कापणी व बांधणीनंतर धान पिकाचे पुंजणे शेतात करून ठेवले; परंतु याच पुंजण्यांवर कुप्रवृत्तीची वक्रदृष्टी पडली. मळणीच्या प्रतीक्षेत असलेले दोन शेतकऱ्यांचे साडेचार एकरातील धान पुंजणे अज्ञात आरोपीने पेट्रोल टाकून जाळले. ही घटना कुरखेडा तालुक्याच्या मौशी येथे बुधवार, १३ नोव्हेंबर रोजी रात्री ११ वाजेच्या सुमारास घडली. यात दोन्ही शेतकऱ्यांचे जवळपास दोन लाख रुपयांचे नुकसान झालेले आहे.

मौशी येथील शेतकरी तथा पोलिस पाटील टिकाराम सहारे यांची दीड एकर शेती मौशी-कुरखेडा महामार्गाला लागून आहे. याच परिसरात आनंदा माधव बोदेले यांची तीन एकर शेती आहे. टिकाराम सहारे यांच्या शेतात धानाचे दोन पुंजणे होते तर बोदेले यांच्याही शेतात एक धानाचा पुंजणा होता. थ्रेशर मशीन उपलब्ध होताच मळणीचा बेत शेतकऱ्यांचा होता. दरम्यान, बुधवारच्या रात्री ११ वाजता शेतात आगीचे लोळ उठत असल्याचे मौशीवासीयांना दिसले. त्यांनी वेळीच शेताकडे धाव घेतली, तर पुंजणे आगीच्या ज्वाळांनी घेरल्याचे दिसूनआले. त्यानंतर वेळीच कुरखेडा येथील नगर पंचायतचे अग्निशमन वाहन बोलावण्यात आले.

रात्री १२ वाजेच्या सुमारास अग्निशमन वाहन घटनास्थळी दाखल झाले. मात्र, तोपर्यंत पुंजणे जळून खाक झाले होते. दुसऱ्या दिवशी शेतकरीसहारे व बोदेले यांनी कुरखेडा पोलिस स्टेशनमध्ये अज्ञात आरोपीविरोधात तक्रार केली. या तक्रारीवरून आरोपीचा शोध पोलिस घेत आहेत

घटनास्थळी आढळली पेट्रोलची रिकामी बॉटल

पुंजणे जळालेल्या परिसरात पाहणी केली असता गुरुवारी सकाळी पेट्रोलची रिकामी बॉटल आढळली, त्यामुळे आरोपीने पेट्रोल पंपावरून बॉटलमध्ये पेट्रोल घेऊन त्याचा वापर धानाचे पुंजणे जाळण्यासाठी केला असावा, अशी शंका पोलिसांना आहे. पंपावरील सीसीटीव्हीच्या माध्यमातून पोलिसांच्या हाती बरेच धागेदोरे लागू शकतात.

.

 भामरागड: येथील ग्रामीण रुग्णालयात तीन प्रशिक्षणार्थी परिचारिकांची सहकारी कर्मचाऱ्यांकडूनच छेड काढण्यात आल्याचा धक्कादायक प्रकार १३ नोव्हेंबरला उजेडात आला. त्यामुळे एकच खळबळ उडाली आहे.

नव्याने भरती झालेल्या परिचारिकांना प्रशिक्षणार्थी म्हणून विविध आरोग्य केंद्रांत पाठविण्यात आले आहे. त्यानुसार भामरागड ग्रामीण रुग्णालयात पाठविलेल्या तीन परिचारिकांसोबत हा किळसवाणा प्रकार घडल्याने संतापाची लाट पसरली आहे. या परिचारिकांनी ग्रामीण रुग्णालयातील महिला तक्रार निवारण समितीसह वैद्यकीय अधीक्षकांकडे तक्रार केली. त्यानंतर त्यांनी याची गंभीर दखल घेत तिघांनाही ग्रामीण रुग्णालयातून कार्यमुक्त करून जिल्हा रुग्णालयाच्या आस्थापनेकडे पाठवले आहे. या तिघांवर काय कारवाई होते, याकडे आरोग्य वर्तुळाचे लक्ष वेधले आहे.

भामरागड येथील घटनेची गंभीर दखल घेतली आहे. यासंदर्भात कार्यालयीन तक्रार निवारण समितीमार्फत चौकशी करून अहवाल मागवला आहे. त्यानुसार योग्य ती कार्यवाही केली जाईल. कोणाचीही गय केली जाणार नाही.

-डॉ. माधुरी किलनाके,

जिल्हा शल्यचिकित्सक

यांच्याविरुद्ध आहे तक्रार प्रयोगशाळा तंत्रज्ञ

एका परिचारिकेच्या तक्रारीनुसार, २१ सप्टेंबर २०२४ रोजी तिला खांद्यावरहात ठेवून कानात मला तू आवडते,असे म्हटला.

कनिष्ठ लिपिक खोकल्याचे औषध मागण्याच्या बहाण्याने परिचारिकेला बोलावून घेतले. त्यानंतर जवळ खुर्चीत बसवून आक्षेपार्ह संभाषण केले. १० नोव्हेंबर २०२४ला ही घटना घडली.

वैज्ञानिक सहाय्यक

प्रशिक्षणार्थी विद्यार्थिनीस फोन करून १३ नोव्हेंबर २०२४ रोजी तू साडीवर खूप छान दिसते, असे म्हटला.

गडचिरोली. आगामी विधानसभा निवडणुकीत सध्या जिल्ह्यात भलतेच चित्र पहावयास मिळत आहे. जिल्ह्याच्या तिन्ही विधानसभा क्षेत्राच्या निवडणूक रिंगणात असलेल्या एकूण 29 उमेदवारांपैकी काही विशिष्ट अशा उमेदवारांकडे संधीसाधूंची मोठी रांग लागली आहे. यामध्ये प्रामुख्याने श्रीमंत उमेदवारांचा समावेश असून आपला 'पोटोबा' भरण्यासाठी काही जण संबंधिताला 'विठोबा' मानण्यात धन्यता मानत आहेत. त्यामुळे पक्षनिष्ठ, प्रामाणिक कार्यकर्ते गावकुसाबाहेर फेकल्यागत झाले आहेत. याचे थेट परिणाम या निवडणुकीत दिसण्याची शक्यता आहे.

राजनगरी म्हणून ओळख असलेल्या अहेरी विधानसभा क्षेत्रात गर्भश्रीमंत असलेले काही उमेदवार निवडणूक रिंगणात आहेत. त्यांच्याकडे पदाधिकारी व कार्यकर्त्यांची मोठी फौज आहे. मात्र त्यापलीकडे धनशक्तीच्या ताकदीवर आपापले गठ्ठामतदान एकत्र करण्याचीही किमया साधली जात आहे. यावेळी एकमेकांना एकास एक असे धुरंधर मैदानात टक्कर देत असल्याने या मतदारसंघात सध्या कार्यकर्त्यांची मोठी चंगळ दिसून येत आहे. आपणच तुमचे खंदे समर्थक आहोत, आम्हीच तुमचाजोरकस प्रचार करीत आहोत, असे सांगून आपला 'पोटोबा' भरण्यासाठी अनेकजण सुसज्ज आहेत. गडचिरोली व आरमोरी विधानसभा क्षेत्रातही असेच चित्र दिसून येते. जे आजवर घरात बसून होते, ते कार्यकर्ते आता प्रचंड सक्रिय झाले असूनउमेदवारांकडे गर्दी करीत आहेत. आपापल्या भागात तुम्हालाच मताधिक्य मिळवून देऊ, असे आश्वासन देत विशिष्ट पदाधिकारी व ग्रामपातळीवरील कार्यकर्ते उमेदवारांकडून आर्थिक लाभ करून घेत आहेत.

हे उघड चित्र श्रीमंत उमेदवारांकडे सर्वाधिक असल्याचे दिसून येत आहे. असे असताना उमेदवार मात्र मूंग गिळून आश्वासनावर भूक मिटवित आहेत. या सर्व भानगडीत प्रामाणिक पदाधिकारी व कार्यकर्ते दुर्लक्षित पडल्याचे गडचिरोली जिल्ह्यातील चित्र आहे. यंदा सर्वच उमेदवारांनी ही निवडणूक सर करण्यासाठी प्रयत्न चालविले असून धनशक्तीचा मोठ्या प्रमाणात वापर होण्याची शक्यता आहे. या पार्श्वभूमीवर कार्यकर्तेही 'जिधर दम, उधर हम' अशी भूमिका घेत सक्रिय असल्याचे दिसून येते. अहेरीसह गडचिरोली व आरमोरी विधानसभा क्षेत्रातही हीच परिस्थिती आहे.

ओठात एक, पोटात भलतचं..! गडचिरोली जिल्ह्यातील तिन्ही विधानसभा मतदारसंघात राजकीय वातावरण तापले आहे.

उमेदवारांकडून एकमेकांवर आरोपांच्या फैरी झाडण्यात येत आहेत. मात्र जिल्ह्यातील प्रभावी नेते मंडळी काहीसा बचावात्मक पवित्रा घेत निवडणूक प्रचार करीत आहे. ज्यांना पक्षाकडून तिकिट देण्यात आले नाही, ते प्रचारात दिसत असले तरी त्यांच्या ओठात एक आहे आणि पोटात भलतचं, असल्याचा अनुभव मतदारांना येत आहे. त्यांना डावलण्यात आल्याने आता निवडणूक रिंगणातील आपल्याच स्वपक्षीय उमेदवाराला पाडायचे, यादृष्टीने काहींनी छुपा प्रचारदेखील चालविला असल्याची धक्कादायकमाहिती आहे.

Kurkheda news: दि. 14 : मालवाहतूक करणाऱ्या ट्रॅक्टर व दुचाकीची समोरासमोर धडक होऊन झालेल्या भीषण अपघातात दोघेजण ठार तर एकजण जखमी झाल्याची घटना गुरुवार 14 नोव्हेंबर रोजी सकाळी 09.00 वाजताच्या सुमारास उराडी येथील कुथे पाटील हायस्कूल जवळ घडली. ट्रॅक्टर चालक रोहीत नरोटे (वय 30) रा. तूलतूली ता. आरमोरी व दुचाकीस्वार महेंद्र दूगा (वय 30) रा. काकडयेली (दूधमाळा) ता. धानोरा असे अपघातात ठार झालेल्यांची नावे आहे.

मिळालेल्या माहितीनुसार एमएच 33 एफ 3280 क्रमांकाच्या ट्रॅक्टरने मोठे दगड वाहतूक करीत होता तर एमएच 33 वाय 5453 क्रमांकाच्या दुचाकीने दुचाकीने दोघेजण जात असताना दुचाकी व ट्रॅक्टरची उराडी येथील कूथे पाटील हायस्कूल नजीक समोरासमोर जबर धडक बसली. या भीषण अपघातात ट्रॅक्टर पलटी झाली.

 सोनसरी येथील डोंगरावरून चव्हेला डॅमच्या बांधकामाकरीता मोठ्या दगडाची वाहतूक करणारा ट्रॅक्टर कूथे पाटील हायस्कूल उराडी जवळ मुख्यरस्त्यावर काही शेतकऱ्यांनी धान पीक वाळविण्याकरीता धानाची रास पसरवलेली होती या धानाचा राशीवरून घसरत ट्रॅक्टर व दुचाकीची समोरासमोर धडक होत हा अपघात झाल्याची माहीती आहे.

अपघात घडला यावेळी ट्रॅक्टर इंजन वरुन उडी मारत असताना पलटत असलेल्या ट्राली मधील मोठे दगड ट्रॅक्टर चालकाला लागल्याने ट्रॅक्टर चालकाचा मृत्यु झाला तर ट्रॅक्टरच्या धडकेत दुचाकीस्वाराचा मृत्यु झाला अशी माहिती प्रत्यक्षदर्शीनी दिली आहे. घटनेची माहिती मिळताच कुरखेडा पोलीसानी घटणास्थळावर पोहचत प्रेत उत्तरीय तपासणी करीता उपजिल्हा रुग्णालय कुरखेडा येथे पाठविले.

 गडचिरोली : किमान आधारभूत खरेदी किंमत योजनेंतर्गत शेतमालाचे दर केंद्र शासनाकडून जाहीर केले जातात. त्यानुसार शेतमालाची खरेदी करणे आवश्यक असते. त्यापेक्षा कमी किमतीत शेतमालाची खरेदी केल्यास शासनाच्या नियमाचे हे उल्लंघन ठरते. जिल्ह्यात हाच प्रकार सध्या पाहायला मिळत आहे. हमीभावापेक्षा धानाची खरेदी व्यापाऱ्यांकडून केली जात असल्याने यात शेतकऱ्यांची मोठ्या प्रमाणात आर्थिक लूट केली जात आहे. अशा व्यापाऱ्यांवर पुरवठा विभागाकडून कारवाई होत नसल्याने व्यापाऱ्यांचे 'हौसले बुलंद' आहेत.

खरीप हंगामात धान पिकांची काढणी अंतिम टप्प्यात आहे, तर मळणीही जोमात सुरू आहे. शेतकऱ्यांना मजुरांचे पैसे द्यावे शेतकरी आपला माल साठवून ठेवू शकत होते. लागतात. तसेच कर्ज व अन्य देवाणघेवाणीसाठी पैशांची आवश्यकता असल्याने शेतकरी आपल्याकडील धान व्यापाऱ्यांना कवडीमोल दरात विक्री करावे लागत आहेत. शासनाने जिल्ह्यातील सर्व धान खरेदी केंद्र सुरू करावे, अशी मागणी शेतकऱ्यांकडून केली जात आहे.

पुरवठा विभाग सुस्त

धानाला सध्या २ हजार ३०० ते २ हजार ३२० रुपये हमीभाव आहे. मात्र, यापेक्षा कमी दरात म्हणजेच २ हजार ते २ हजार १०० रुपये दराने मध्यम प्रतीचे धान शेतकऱ्यांकडून खरेदी केले जात आहेत. अशा व्यापाऱ्यांवर पुरवठा विभाग कारवाई करणार काय, असा सवाल शेतकऱ्यांचा आहे. याबाबत जिल्हा पुरवठा अधिकाऱ्यांशी संपर्क केला असता त्यांनी भ्रमणध्वनीवर प्रतिसाद दिला नाही. हमीभावापेक्षा कमी दरात धानाची खरेदी करून शेतकऱ्यांची आर्थिक लूट केली जात असतानाही प्रशासन कारवाई का करीत नाही.

गडचिरोली : विधानसभा निवडणुकीच्या पार्श्वभूमीवर निवडणूक व पोलिस विभागाकडून ठिकठिकाणी वाहने अडवून कसून तपासणी केली जात आहे. त्यामुळे अनेक दारू तस्कर दारूची तस्करी करण्यासाठी वेगवेगळ्या पद्धतींचा अवलंब करताना दिसून येत आहेत. तरीही पोलिसांनी सतर्कतेने मंगळवारी महामंडळाच्या बसमध्ये दारु पकडली.

एक दारू तस्कर महिला महामंडळाच्या बसमधून दारू तस्करी करीत असल्याची माहिती गडचिरोली पोलिसांना मिळताच पोलिसांनी सदर एसटी बसमधून दारू तस्करी करणाऱ्या महिलेकडून २१ हजारांची दारु जप्त करीत तिला ताब्यात घेतल्याची कारवाई १२ नोव्हेंबर रोजी आरमोरी मार्गावरील बसथांब्याजवळ केली. रितादेवी देवेंद्र मिश्रा (रा. ब्रम्हपुरी, जि. चंद्रपूर) असे आरोपी महिलेचे नाव आहे.

चंद्रपूर जिल्ह्यातील ब्रम्हपुरी येथून रितादेवी मिश्रा ही महिला रापमच्या बसने दारू तस्करी करत असल्याची माहिती गडचिरोली पोलिसांना मिळाली. या माहितीच्या आधारे पोलिस पथकाने शहरातील आरमोरी मार्गावरील बसथांब्यावर सापळा रचला.

दरम्यान, एसटी बस आरमोरी मार्गावरील बसथांब्यावर येताच पोलिस कर्मचाऱ्यांनी बसची तपासणी करून महिला तस्कराकडून २१ हजार रुपये किमतीची देशी दारु जप्त केली. पोलिसांनी संबंधित महिलेवर कारवाई करत गुन्हा दाखल केला. तसेच डीबी पथकाने पोलिस ठाणे हद्दीतील इंदाळा येथील सुबल हिरामण मिस्त्री याच्या घरावर छापा टाकून त्याच्या घरातून ७ हजार रुपयांची दारू जप्त केली.

 गडचिरोली : सेप्टिक टाक्यांची सफाई केल्याचे बिल काढून दिल्याबद्दल दीड लाख रुपयांच्या लाचेची मागणी करून ५४ हजार रुपये स्वीकारणाऱ्या व उर्वरित ९६ हजारांची फोनवरून मागणी करणाऱ्या पोलिस अधीक्षक कार्यालयातील वरिष्ठ श्रेणी लिपिकाला लाचलुचपत प्रतिबंधक पथकाने १२ नोव्हेंबरला रात्री ताब्यात घेतले. विकी भास्कर प्रधान (३०) असे त्या लिपिकाचे नाव आहे.

तक्रारदार हा सफाई कंत्राटदार असून, त्याने पोलिस ठाणे, मुख्यालय आदी ठिकाणच्या सेप्टिक टाक्यांच्या सफाईचे काम घेतले होते. याचे बिल काढून दिल्याच्या मोबदल्यात इमारत शाखेचा लिपिक विकी प्रधान याने दीड लाख रुपयांची लाच मागितली होती. आधी दोन टप्प्यांत ५४ हजार रुपये स्वीकारले व उर्वरित रकमेपैकी दहा हजार रुपये आणून दे, अशी मागणी फोन करून केली. शिवाय, राहिलेल्या पैशांची नंतर व्यवस्था करून दे, अशीमागणी केली.

यासंदर्भात २४ ऑक्टोबरला कंत्राटदाराने लाचलुचपत प्रतिबंधक विभागाकडे तक्रार केली. त्यानंतर त्याच दिवशी एसीबी पथकाने पडताळणी केली असता, पंचासमक्ष लाचेची मागणी केल्याचे निष्पन्न झाले.

त्यानंतर ८ नोव्हेंबरला सापळा लावला, पण संशय आल्याने विकी प्रधानने लाचेची रक्कम स्वीकारली नाही. अखेर लाच मागितल्याच्या आरोपाखाली लाचलुचपत प्रतिबंधक पथकाने १२ रोजी विकी प्रधान यास पोलिस अधीक्षक कार्यालयाच्या परिसरातून ताब्यात घेतले. त्याच्यावर लाचलुचपत प्रतिबंधक कायद्यानुसार गडचिरोली ठाण्यात गुन्हा नोंदविण्यात आला.

उपअधीक्षक चंद्रशेखर ढोले यांच्या मार्गदर्शनाखाली पोनि संतोष पाटील, सहायक उपनिरीक्षक सुनील पेद्दीवार, हवालदार शंकर डांगे, अंमलदार सप्नील बांबुर्डे, संदीप घोनमोडे, संदीप उडाण, राजेश पद्मगीरवार, ज्योत्स्ना वसाके, विद्या मशाखेत्री, राजेश्वर कुमरे यांनी या कारवाईत सहभाग घेतला.

लग्नावेळी ५० हजार घेतल्याची कबुली

विकी प्रधानने स्वतःच्या लग्नावेळी कंत्राटदाराकडून ५० हजार रुपये लाच स्वरूपात स्वीकारले होते. त्यानंतर ४ हजार रुपये स्वीकारले. उर्वरित ९६ हजारांची मागणी केली. पडताळणीत त्याने स्वतःच ही बाब मान्य केल्याचे निष्पन्न झाले.

 आरमोरी:

 तालुक्यापासून काही किलोमीटर अंतरावर असलेल्या वैरागड येथे मास्तर कॉलनी येथे गळफास घेऊन युवकाने आत्महत्या केल्याची घटना दिनांक 13 -- 2024 बुधवार ला सकाळी 8-30 वाजेच्या दरम्यान उघडकीस आली . मनीष ऊर्फ मुन्ना शंकर खोब्रागडे वय 38 वर्ष असे गळफास घेवून आत्महत्या केलेले युवकाचे नाव आहे .

मिळालेल्या माहितीनुसार आरमोरी तालुक्यातील काही किलोमीटर अंतरावर असलेल्या वैरागड येथे मास्तर कॉलनीमध्ये मनीष खोब्रागडे आपल्या परिवारासमेत राहत होता मात्र दिनांक 12 -11 -2 2024 मंगळवारच्या रात्री जेवण करून तो आपल्या घरी झोपी गेला होता. 13 -- 2024 ला कुटुंब सकाळी झोपेतून उठल्यानंतर खोलीमध्ये बघितले असता. तो झोपलेल्या रूममध्ये दिसला नाही .म्हणून घरच्यांनी खालच्या मजल्याच्या वरती असलेल्या रूम कडे जाऊन बघितले असता त्यांना मनीष हा खोलीच्या आड्याला नायलॉनच्या दोरीने गळफास घेतलेल्या अवस्थेमध्ये दिसला. घरच्यांनी लगेच आरमोरी पोलिसांना घटनेची माहिती दिली पोलिसांनी घटनास्थळावर दाखल होऊन घटनेचा पंचनामा करून उपजिल्हा रुग्णालय आरमोरी येथे मृतकाचे शव पाठविले .मनीष हा एकांतामध्ये राहत होता आणि त्याचे राज्यशास्त्रीय विषयांमध्ये M .A .पर्यंत शिक्षण पूर्ण झाले होते आणि त्याला रोजगार नसल्याने नैराश्यपोटी टोकाचे पाऊल उचलले असावे अंदाज जनमानसाकडून वर्तवण्यात येत आहे.

मृतक मनीष यांच्या पश्चात तीन भाऊ आई वडील वहिनी दोन भाऊ सुना असा बराच मोठा आप्तपरिवार आहे .घटनेचा तपास पोलीस निरीक्षक गवते यांच्या मार्गदर्शनात पीएसआय दिलीप मोहुरले पोलीस हवालदार छंदक रामटेके पोलीस हवालदार वेस्कडे हे करीत आहेत .परिवारातील सुशिक्षित कर्तबगार तरुण गळफास घेऊन मृत पावल्याने परिवारावर दुःखाचे डोंगर कोसळले आहे गाव परिसरात हळहळ व्यक्त होत आहे.

आरमोरी - 

विधानसभा निवडणूकीची तारीख जवळ येत असल्याने यंदा आरमोरी विधानसभा क्षेत्रात तिरंगी लढत होण्याची शक्यता निर्माण झालेली आहे.

आरमोरी विधानसभा क्षेत्रात थेट लढत भाजपाचे विद्यमान आमदार क्रिष्णा गजबे विरूद्ध काँग्रेसचे रामदास मसरात यांचेशी असली तरी आझाद चे प्रचारात घेतलेली आघाडी बघता आझाद समाज पक्षाचे उमेदवारी दाखल केलेले चेतन नेवषा काटेंगे यांच्या उमेदवारीमुळे यंदा आरमोरी विधानसभा क्षेत्रात तिरंगी लढतीची शक्यता वर्तविली जात आहे.

विद्यमान आमदार क्रिष्णा गजबे यांच्या मागे सहकार महर्षीं अरविंद सावकार पोरेड्डीवार, प्रकाश सावकार पोरेड्डीवार यांचेसह, माजी नगराध्यक्ष किसन नागदेवे, माजी उपाध्यक्ष मोतीलाल कुकरेजा.

काँग्रेस कडून उमेदवारीच्या अपेक्षेत त्यांना उमेदवारी नाकारल्याने त्यांनी

पहिल्यांदा कधी न जमलेली अशी महिलांची गर्दी जमवून महिला सन्मान मेळावा घेऊन डॉ. चिमुरकर यांनी नवा इतिहास घडविला होता.

थेट अपक्ष उडी घेऊन मैदानात रोड रोलर या चिन्हाला पुढे करीत प्रचारात आघाडी घेतली आहे.

पदाधिकारी व कार्यकर्ते मोठ्या असल्याने व गजबे यांचा स्वभावगुण, कुणालाच दुखावले नसल्याने, कर्मचारी वर्गापासून ते कार्यकर्ते, पदाधिकारी त्यांच्यावर खुश असल्याने सध्या तरी त्यांची बाजू जमेची आहे.

तर रामदास मसराम हा नविन चेहरा असल्याने परिवर्तन म्हणून लोकसभे प्रमाणेच विधानसभेतही नवा चेहरा लोकांना हवा असेही चित्र निर्माण होत असल्याने रामदास मसराम यांचीही बाजु सुध्या भक्कमच माणावी लागेल. परंतु माजी आमदार आनंदराव नेडाम यांनी अपक्ष उमेदवारी दाखल केल्याने व यंदा आझाद ने मुसंडी मारल्याने तिरंगी लढतीत कोण माजी मारेल हे दि. २३ नोव्हेंबरच्या निकालानंतरच कळेल.

 धानोरा : गडचिरोलीवरून धानोराकडे निघालेली भरधाव कार चातगावजवळ उलटली. यात सुदैवाने जीवितहानी झाली नाही. ही घटना १० नोव्हेंबरला सकाळी साडेनऊ वाजता घडली. गडचिरोली येथून कार (एमएच १० सीएन- ३८८३) धानोराकडे जात होती.

चातगावजवळ वळणावर गतिरोधक न दिसल्याने चालकाने जोरात ब्रेक दाबले. यानंतर त्याचे वाहनावरील नियंत्रण सुटून कार रस्त्याच्या कडेला जाऊन उलटली. सुदैवाने कारमधील कोणालाही गंभीर इजा झाली नाही. धानोरा पोलिसांनी घटनास्थळी भेट दिली.

वैरागड : या वर्षात समाधानकारक पाऊस, अपवाद वगळता धान पिकावर रोगाचा प्रादुर्भाव झाला नसल्याने धान पीक जोमात आहे. कमी मुदतीच्या धानाची कापणी, मळणी पूर्ण झाली आहे. हमीभाव केंद्र सुरू होण्यास वेळ असल्याने व खुल्या बाजारात धानाला चांगला भाव असल्याने धानाची आवक वाढली आहे. यंदा शासनाच्या हमीभाव केंद्रावर धानाची रेकॉर्ड ब्रेक खरेदी होण्याचा अंदाज आहे.

सन २०२३-२४ च्या खरीप हंगामात प्रादेशिक कार्यालय गडचिरोली अंतर्गत नऊ लाख क्विंटल धानाची खरेदी झाली होती. या वर्षात ती पुन्हा लाखात वाढण्याची शक्यता आहे. या वर्षात १२ ते १३ लाख क्विंटल धानाची खरेदी होण्याचा अंदाज आहे. कमी मुदतीच्या धनाची कापणी, मळणी झाल्याने शेतकऱ्यांनी विक्रीसाठी दिवाळीपासूनच खुल्या बाजारात गर्दी केली आहे. बारीक धानाला केवळ २ हजार ४०० व ठोकळ धानाला २ हजार१०० रुपये प्रतिक्विंटल असा सुरुवातीलाच भाव मिळत आहे.

हमीभाव केंद्रावर २ हजार ३१० रुपयेप्रति क्विंटल भाव व हेक्टरी पंचवीस हजार रुपये बोनस असल्याने अनेक शेतकरी आता हमीभाव खरेदी केंद्र सुरूहोण्याच्या प्रतीक्षेत आहेत. काही शेतकऱ्यांनी नोंदणीला सुरूवात केली आहे.

मागील वर्षी नवीन धानाला तीन हजार रूपये भाव मिळाला होता. तेवढाच भाव यावर्षीसुद्धा मिळण्याची शक्यता आहे. त्यामुळे शेतकऱ्यांनी घाई न करता भावासाठी काही दिवस प्रतीक्षा करावी. विक्री कमी झाल्यास धानाचे भाव आपोआप वाढतील. तोपर्यंत प्रतीक्षा करणे आवश्यक आहे.

आदिवासी विकास महामंडळाच्या वरिष्ठ अधिकाऱ्यांच्या बैठकाही पूर्ण झाल्या असून, नियोजनाची सगळी प्रक्रिया पूर्ण झाली आहे. पण राज्यात विधानसभा निवडणुका असल्याने व या कार्यात अधिकारी व्यस्त आहेत. सध्या धान विक्रीसाठी ऑनलाइन प्रक्रियेला प्रचंड प्रतिसाद मिळत आहे.

- एच. एस. सोनवाने, उपप्रादेशिक व्यवस्थापक, आरमोरी

आरमोरीतील काँग्रेसमधील बंडखोर चार उमेदवारांचे अखेर १० नोव्हेंबरला सहा वर्षांसाठी निलंबन करण्यात आले. मात्र, या यादीत काँग्रेस आदिवासी आघाडीचे जिल्हाध्यक्ष हनमंतू मडावी व काँग्रेस महिला आघाडी जिल्हा उपाध्यक्षा नीता तलांडी यांचा समावेश नाही, त्यामुळे आश्चर्य व्यक्त होत आहे.

माजी आमदार आनंदराव गेडाम, डॉ. शिलू चिमूरकर, डॉ. सोनल कोवे, भरत येरमे यांचा निलंबित केलेल्यांमध्ये समावेश आहे. गेडाम व डॉ. चिमूरकर हे आरमोरीत इच्छुक होते, पण दोघांनाही डावलण्यात आले. त्यामुळे त्यांनी पक्षादेश झुगारून अपक्ष नामांकन दाखल केले. गडचिरोलीत डॉ. सोनल कोवे यांनी बंडखोरी करून अपक्ष मैदानात उतरल्या, तर भरत येरमे यांनी वंचित बहुजन आघाडीकडून उमेदवारी मिळवली. या सर्वांवर पक्षविरोधी कारवाई केल्याचा ठपका ठेवून सहा वर्षांसाठी निलंबित करण्यात आले. तथापि, अहेरीत काँग्रेसने जागा

आपल्या वाट्याला यावी यासाठी शेवटपर्यंत प्रयत्न केले; पण आघाडीत ही जागा राष्ट्रवादीकडे (शरद पवार गट) गेली. यामुळे नाराज झालेले आदिवासी काँग्रेस जिल्हाध्यक्ष हनमंतू मडावी यांनी अपक्ष उमेदवारी अर्ज दाखल केला. माजी आमदार पेंटारामा तलांडी यांच्या कन्या व काँग्रेस महिला आघाडी जिल्हा उपाध्यक्षा नीता तलांडी या जनशक्ती पक्षाकडून रणांगणात आहेत. आई सगुणा व वडील पेंटारामा यांनीही लेकीची पाठराखण केली असून, ते प्रचारात उतरले आहेत.

चंद्रपूर : वरोरा मतदार संघात काँग्रेस उमेदवार प्रवीण काकडे यांच्या प्रचारार्थ आयोजित मांसाहार पार्टीत दोन मद्यधुंद कार्यकर्ते विहिरीत पडले.त्यातील एकाचा मृत्यू झाल्याने खळबळ उडाली आहे.

विधानसभा निवडणूक प्रचाराची रणधुमाळी सुरू असताना उमेदवार मतदारांना मांसाहारी व शाकाहारी पार्टी, दारू पार्टीचे प्रलोभन देत आहेत. ग्रामीण व शहरी भागात अशा पार्टी दररोज आयोजित केल्या जात आहेत. जेवणावळीची धूमधाम सुरू असताना कार्यकर्ते दारूच्या नशेत झिंगून पडत असल्याची घटना समोर आली आहे.

वरोरा मतदार संघात निवडणुकांच्या पार्श्वभूमीवर मतदारांना आकर्षित करण्यासाठी काँग्रेस उमेदवार प्रवीण काकडे यांच्यासाठी त्यांचे समर्थक प्रमोद मगरे यांनी रविवारी मटण-चिकन पार्टीचे आयोजन केले होते.

फतेहपूर च्या गिट्टी क्रशर कॉम्प्लेक्समध्ये मटण पार्टीचे आयोजन करण्यात आले होते.ज्यामध्ये दारू ची व्यवस्था करण्यात आली होती. पार्टी दरम्यान मद्यधुंद अवस्थेत असलेल्या दोन कार्यकर्त्यांचा तोल गेला आणि ते जवळच्या विहिरीत पडले.

अरुण महाले या एका कामगाराची वेळीच सुखरूप सुटका करण्यात आली.दुसरा कामगार गजानन काळे अद्याप बेपत्ता आहे. घटनेची माहिती मिळाल्यापासून मदत आणि बचावकार्य सुरू आहे.रात्रीचा अंधार असल्याने त्यांना विहिरीतून बाहेर काढता आले नाही.परिणामी त्याचा मृत्यू झाला.या घटनेने खळबळ उडाली असून प्रचाराला गालबोट लागले आहे.

आरमोरी, 9 नोव्हेंबर विधानसभा निवडणुकीतील लढतीचे चित्र हळूहळू स्पष्ट होत आहे. अपक्ष म्हणून निवडणूक लढविणारे आणि आदिवासी समाजाचे आवडते नेते आनंदराव गेडाम यांना भाजपच्या उमेदवाराला तगडी टक्कर देण्याची शक्यता आहे. तर दुसरीकडे काँग्रेसचा उमेदवार शर्यतीतून बाहेर पडेल, असा दावा मतदार करू लागले आहेत.

आनंदराव गेडाम हे अपक्ष उमेदवार म्हणून निवडणूक लढवत असले तरी त्यांची विचारधारा धर्मनिरपेक्ष आहे. सर्व धर्म समानतेसाठी झटत त्यांनी सेवाकार्य केले आहे. विशेष म्हणजे गेडाम यांनी 2019 मध्ये विधानसभा निवडणूक लढवली होती. प्रचारादरम्यान तो फार दूरवर दिसत नव्हता. तरीही त्यांना 54 हजार मते मिळाली. यावरूनही त्यांच्या लोकप्रियतेचा अंदाज लावता येतो. त्यांनी काँग्रेस पक्षाकडे तिकीट मागितले होते. काँग्रेसने सामाईक सत्तेऐवजी पैशाच्या सत्तेला महत्त्व दिले. त्यामुळे आता रामदास मसरामही काँग्रेसच्या छावणीत आहेत.

सर्वसामान्य कामगार व आदिवासींमधून त्यांची जीवनशैली आणि हायफाय जीवनशैलीबाबत आश्चर्य व्यक्त केले जात आहे. यावेळी सर्वसामान्यांनी आरमोरीमध्ये परिवर्तनाचा नारा दिला आहे. आरमोरी विकासाच्या नावाखाली खूपच मागासलेली आहे. मोठमोठे प्रकल्प, प्रकल्प सोडा, लोक मूलभूत सुविधांसाठी तळमळत आहेत. भाजपच्या धोरणांमुळे आणि समाजाला तोडण्याच्या कारवायांमुळे लोक हळूहळू आनंदराव गेडाम यांच्याकडे झुकू लागले आहेत. यावेळी गेडाम भाजपला तगडी टक्कर देतील, असे राजकीय विश्लेषकांचे मत आहे. आरमोरी मतदारसंघातील मतदार जागरूक झाला आहे. आमची अमूल्य मते सक्षम उमेदवारांना देण्याची मानसिकता आम्ही विकसित केली आहे. आनंदराव गेडाम यांच्या रूपाने एका चांगल्या पर्यायाचा जनतेसमोर विचार केला जात आहे. 20 नोव्हेंबरला मतदानाच्या दिवसापर्यंत प्रचाराचा हा वेग काय दिशा घेतो, हेही येत्या काही दिवसांत कळेल.

गडचिरोली : निवडणुकीच्या आचासंहितेमुळे जिल्ह्याच्या सीमावर्ती पुलांवर पोलिस चौक्या उभारण्यात आल्या आहेत, तसेच गडचिरोली ठाण्याच्या पोलिसांनी दारू वाहतूक व विक्रेत्यांविरोधात धडक कारवाई सुरू केल्याने शहरासह, खुलेआम दारू विक्री करणाऱ्या गावांमध्ये दारूची टंचाई निर्माण झाली आहे. ज्यांच्याकडे दारू आहे ती दुप्पट दराने विकली जात आहे.

गडचिरोली जिल्ह्यात प्रामुख्याने चंद्रपूर, भंडारा व गोंदिया या जिल्ह्यांमधून दारूची वाहतूक होते. अहेरी, सिरोंचा तालुक्यात तेलंगणा राज्यातून दारू आणली जाते. विधानसभा निवडणुकीच्या पार्श्वभूमीवर पोलिसांनी सीमावर्ती भागात असलेल्या पुलांवर पोलिस चौक्या उभारल्या आहेत. त्यामुळे मोठ्या वाहनाने दारू आणणे कठीणझाले आहे. काही दारू तस्कर वैनगंगा नदीद्वारे दारू आणत आहेत. मात्र, हे काम प्रत्येकालाच शक्य होत नाही. कारण वैनगंगा नदीतून नावेशिवाय प्रवास शक्य नाही. गडचिरोली पोलिस ठाण्याचे ठाणेदार रेवचंद सिंगणजुडेयांच्या मार्गदर्शनात दारू तस्करांविरोधात धडक कारवाई सुरू करण्यात आली आहे. लाखोंचा माल पकडला जात असल्याने दारूचा पुरवठा करणारे हैराण झाले आहेत. त्यामुळे काही दिवस दारूची वाहतूकबंद ठेवण्याचा निर्णय अनेकांनी घेतला असल्याने दारूचा पुरवठा कमी झाला आहे. गडचिरोली तालुक्यातील मोहारी, पोर्ला, मेंढा या गावांमध्ये मोठ्या प्रमाणात दारू विक्री केली जात होती.

गडचिरोली शहराच्या प्रत्येकवॉर्डात दारू विक्रेते आहेत. त्यांच्याकडे आता दारूचा पुरवठा कमी होत आहे. काही दारूचे वाहतूकदार पोलिसांची नजर चुकवून दारू आणत आहेत. त्यामुळे काही प्रमाणात दारू मिळत आहे. मात्र, पुरवठा कमी झाला आहे.

७ लाखांची दारू जप्त

आचारसंहिता लागल्यापासून गडचिरोली पोलिस स्टेशनच्या पथकाने कारवाया करून जवळपास सात लाख रूपये किमतीची दारू जप्त केली आहे. तसेच ट्रॅक्टर, स्कार्पिओ यासारखी वाहने ताब्यात घेतली आहेत.

नदी मार्गातून वाहतूक

 पुलांवर चौक्या बसल्याने आता नदीमार्गे दारूची वाहतूक केली जात आहे, तसेच भंडारा व गडचिरोली जिल्ह्याच्या सीमेवर नदी नाही. याचा फायदा घेत देसाईगंज तालुक्याच्या ग्रामीण भागातून वाहतूक करून दारू थेट इतर तालुक्यांमध्ये पोहोचवली जात आहे.

 गडचिरोली : जिल्ह्यात विधानसभानीवडणुकीसाठी तीन मतदारसंघात २९ उमेदवार नशीब आजमावत आहेत. या उमेदवारांनी नामांकनासोबत जाहीर केलेल्या मालमत्तेच्या तपशीलानुसार तब्बल आठ उमेदवार कोट्यवधींचे धनी आहेत. यात दक्षिण गडचिरोलीतील अहेरी मतदारसंघात सर्वाधिक पाच उमेदवारांचा समावेश असून आरमोरीतील तिघांच्या संपत्तीचे आकडेही कोटीच्या घरात आहेत.

शेवटच्या टोकावरील आदिवासीबहुल व मागास म्हणविणाऱ्या गडचिरोलीतील प्रमुख उमेदवारांच्या श्रीमंतीची यानिमित्ताने सर्वत्र चर्चा आहे. दक्षिण गडचिरोलीतील अहेरीत आत्राम राजपरिवाराचा गेली अनेक वर्षांपासून दबदबा आहे. अहेरी इस्टेटचाहीपरिसरात वेगळा रुतबा आहे. तीनवेळा राज्यमंत्री राहिलेले धर्मरावबाबा सध्या कॅबिनेट मंत्री आहेत. मात्र, २०१९ च्या तुलनेत त्यांच्या संपत्तीत सहा कोटी रुपयांची घट झाल्याचे त्यांनी जाहीर केलेल्या घोषणापत्रात दिसत आहे

 
त्यांचे पुतणे व अपक्ष उमेदवार अम्ब्रीशराव आत्राम यांच्या मालमत्तेत ५० लाखांहून अधिक वाढ झाली आहे. आरमोरीचे माजी आमदार व काँग्रेसमध्ये बंडखोरी करुन अपक्ष मैदानात उतरलेले माजी आमदारआनंदराव गेडाम यांच्या संपत्तीतही पाच वर्षांत २७ लाखांची वाढ आहे. आरमोरीचे आमदार व महायुतीचे उमेदवार कृष्णा गजबे यांच्या संपत्तीत पाच वर्षात ३८ लाख ५० हजारांची भर पडली आहे.

कोणाची किती संपत्ती ?

• धर्मरावबाबा आत्राम (महायुती) ३ कोटी ७१ लाख ५ हजार

• भाग्यश्री आत्राम (मविआ) ६ कोटी ५८ लाख ५ हजार

• अम्ब्रीशराव आत्राम (अपक्ष) ९ कोटी २७ लाख ७२ हजार

• दीपक आत्राम (अपक्ष) १ कोटी १७ लाख ८० हजार

• हनमंतु मडावी (अपक्ष) १ कोटी २ लाख ७५ हजार

आनंदराव गेडाम (अपक्ष) १ कोटी ६४ लाख ७८ हजार

• डॉ. शिलू चिमूरकर (अपक्ष) ४ कोटी ५ लाख

• रामदास मसराम (मविआ) २ कोटी ५० लाख ६० हजार

गडचिरोलीत 'वंचित'च्या येरमेंची संपत्ती नरोटे, पोरेटींपेक्षा अधिक

 
गडचिरोली विधानसभा क्षेत्रातील महायुतीचे उमेदवार डॉ. मिलिंद नरोटे हे ३९ लाख २३ हजार रुपयांच्या संपत्तीचे धनी आहेत. महाविकास आघाडीचे उमेवादार मनोहर पोरेटी यांची संपत्ती ३८ लाख ३० हजार आहे. या दोहोंपेक्षा काँग्रेसमध्ये बंडखोरी करुन अपक्ष म्हणून मैदानातआलेल्या डॉ. सोनल कोवेंची संपत्ती अधिक आहे. त्यांच्याकडे ४६ लाख २९ हजार रुपयांची संपत्ती आहे. वंचित बहुजन आघाडीचे उमेदवार भरत येरमे हे संपत्तीच्या बाबतीत सर्वांत वजनदार आहेत. त्यांच्याकडे ५० लाखांची मालमत्ता आहे.

वैरागड, (वा.). आरमोरी तालुक्यातील महत्त्वाचे केंद्र असलेल्या वैरागडसह परिसरात मोठ्या प्रमाणात अवैध धंद्याना ऊत आले आहे. दारूविक्रीसह इतर अवैध धंद्यांना या भागात जोम चढला असताना आरमोरी पोलिसांनी दारूविक्रेत्यांवर धडक कारवाई करीत दारूविक्रीवर काही प्रमाणात अंकुश लावले आहे. अशातच शुक्रवारी (दि. 8) आरमोरी पोलिसांनी वैरागड येथील पानटपरीवर धाड टाकून गुटखा विक्रेत्यांवर कारवाई केली. आरमोरी पोलिसांच्या या धडक कारवाईमुळे अवैध व्यावसायिकांचे धाबे दणाणले आहेत.

वैरागडसह परिसरात दारूविक्रीसोबतच गुटखा विक्रीचे प्रमाण वाढले आहे वयस्का पासून महिला, लहान मुलेही गुटखा, खरांच्या आहारी गेले आहेत. यावर उपाय म्हणून आरमोरी पोलिसांनी शुक्रवारी गावातील प्रत्येक पानटपरीवर धाड टाकत सुपारी, तंबाखू (इंगल) आणि इतर साहित्य जप्त करीत संबंधितावर दंडात्मक कारवाई केली. त्याचप्रमाणे गावातील किराणा दुकानांमध्ये तंबाखू विक्रीबाबत चौकशी करण्यात आली. तंबाखू, गुटखा विक्रेत्यांविरोधातील या धडक कारवाईमुळे पानटपरी चालकांचे धाबे दणाणले असून गावातील अनेक पानटपऱ्या या कारवाईमुळे बंद ठेवण्यात येत आहेत. येथील ग्रामीण परिसर शेती, मजुरी आणि व्यवसायावर अवलंबून आहे. यावरच नागरिकांचा उदरनिर्वाह चालत असते. पानटपरीच्या माध्यमातून आपल्या कुटुंबाचा उदरनिर्वाह करणाऱ्या गरीब व्यावसायिक पोलिस विभागाच्या या कारवाईमुळे हतबल झाले आहेत. शासन, प्रशासनाने छोट्या व्यावसायिकांवर कारवाई करण्यापेक्षा तंबाखू बनविणाऱ्या कंपन्यावर कारवाई करावी, अशी मागणी पानटपरी व्यावसायिकांकडून होत आहे.

गडचिरोली : गावालगतच्या जंगलात झाडाला गळफास घेऊन शेतकऱ्याने आत्महत्या केली. ही घटना आरमोरी तालुक्याच्या चुरमुरा येथे शुक्रवार, ८ नोव्हेंबर रोजी उघडकीस आली.

आनंदराव केवटराम सातपुते (४३), रा. चुरमुरा, ता. आरमोरी असे आत्महत्या केलेल्या अल्पभूधारक शेतकऱ्याचे नाव आहे. आनंदराव यांची प्रकृती खंगत असल्याने ते काही दिवसांपासून तणावात होते. दररोज ते गावालगतच्या जंगला जाऊन शेळ्यांसाठी झाडाच्या पाल्याच्या

फांद्या आणत असत. नेहमीप्रमाणे ते शुक्रवारीसुद्धा सकाळी शेळ्यांसाठी चारा आणण्याकरिता गेले होते; परंतु दुपारचे १२ वाजेनंतरही ते घरी परतले नाही. अखेर कुटुंबीयांनी इतरांच्या मदतीने जंगलात शोध घेतला. तेव्हा दुपारी १:३० वाजता एका झाडाला आनंदराव हे गळफास घेतलेल्या स्थितीत आढळले. त्यांनी आत्महत्या का केली, याचे कारण कळू शकले नाही. यापूर्वीही त्यांनी आत्महत्येचा प्रयत्न केला होता. पोलिस पाटील सतीश जाम्पलवार यांनी आरमोरी पोलिसांना माहिती दिली.

गडचिरोली :

गडचिरोली विधानसभा क्षेत्राचे महाविकास आघाडीचे उमेदवार मनोहर पोरेटी तसेच आरमोरी विधानसभा क्षेत्राचे उमेदवार रामदास मसराम यांच्या प्रचारार्थ १३ नोव्हेंबर बुधवार रोजी काँग्रेसच्या नेत्या प्रियंका गांधी यांचा गडचिरोली शहरातून 'रोड शो' होणार आहे. या' रोड शो' मध्ये राज्याचे विरोधी पक्ष नेते ना. विजय वड्डेटीवार, काँग्रेसचे वरीष्ठ

पदाधिकारी तसेच महाविकास आघाडीचे उमेदवार मनोहर पोरेटी, रामदास मसराम, जिल्हाध्यक्ष महेंद्र ब्राम्हणवाडे सहभागी होणार आहेत. प्रियंका गांधी यांना बघण्यासाठी जिल्ह्याच्या कानाकोपऱ्यातील नागरिकांमध्ये प्रचंड उत्सुकता दिसून पडत आहे. त्यामुळे या 'रोड शो' ला प्रचंड गर्दी उसळण्याची शक्यता वर्तविली जात आहे.

आरमोरीः नुकताच केंद्र सरकारने धानासह ईतर शेती उत्पादनाचे हमीभाव जाहीर केले. राज्य सरकारने धानाचे हमीभाव जाहीर करण्यासाठी ४६४१ रूपयांची किंमत मिळावी म्हणून केंद्र सरकारकडे शिफारस केली होती. परंतु केंद्र सरकारने धानासाठी २३०० रूपये हमीभाव जाहीर केला. त्यामुळे यामध्ये २३६१ रूपयांची तफावत आहे. हीच तफावतीची रक्कम राज्य सरकारने बोनस म्हणून धान उत्पादक शेतकऱ्यांना जाहीर करावी अशी मागणी शेतकरी वर्गातून केली जात आहे.

धान्य उत्पादक शेतकरी हा जगाचा पोशिंदा म्हणून ओळखला जातो. संपूर्ण जगाचा पोटभरत आहे. परंतु त्याच्या धानाला पाहिजे त्या प्रमाणात भाव मिळत नाही आणि सरकारही योग्य हमीभाव देत नसल्याने शेतकऱ्यांची आर्थिक स्थितीत सुधारणा होत नाही. कोणत्याही शेतमालाचा हमीभाव ठरविताना त्याशेतमालाचा उत्पादन खर्च आणि ५० टक्के नफा मिळवून हमीभाव ठरविल्या जाते.

प्रत्येक राज्याचा राज्य कृषी मूल्य आयोग शेतमालाचा हमीभाव ठरविण्यासाठी सरकारला शिफारस करीत असते. यांनी केलेली शिफारस राज्य सरकार केंद्र सरकारला पाठविते. आणि केंद्र सरकार याच शिफारशी वरून शेतमालाचा हमीभाव जाहीर करीत असतो.

केंद्र सरकारने पुन्हा राज्य सरकारने शिफारस केलेल्या किंमतीत २३६१ रूपयांची घट करून धानाचा यावर्षीचा २३०० रूपये प्रतीक्विंटल हमीभाव जाहीर केला. राज्य सरकारने फक्त धानाच्या बाबतीतच किंमत कमी करून केंद्र सरकारला शिफारस केली आहे. ईतर शेतमालाच्या बाबतीत असे राज्य सरकारने केले नाही. याचाच अर्थ धान उत्पादक शेतकऱ्यांच्या प्रती महाराष्ट्रातील सरकार उदासीन असल्याचे दिसून येते.

शासनाचे धोरण उठतेय शेतकऱ्यांच्या जिवावर

धान पिकांच्या बाबतीत राज्य कृषी मुल्य आयोगाने राज्य सरकारला रूपये ६४५३ रूपये प्रतिक्विंटल किंमत हमीभावासाठी शिफारस केली होती. ह्याच किंमतीची शिफारस राज्य सरकारने केंद्र सरकारकडे पाठवायला पाहिजे होती. परंतु राज्य सरकारने तसे न करता त्यात सुधारणा करून व कमी किंमत करून रूपये ४६४१ ही नव्याने किंमत ठरवली व केंद्र सरकारकडे शिफारस केली.

आष्टी (गडचिरोली) : कोंबडी न दिल्याच्या क्षुल्लक कारणावरून एका युवकास जिवंत जाळल्याची घटना आष्टी पोलीस ठाण्याअंतर्गत येणाऱ्या येनापूर जंगल परीसरात काल ६ नोव्हेंबर रोजी दुपारी २ ते संध्याकाळी ६ वाजताच्या सुमारास घडली. मनोज आनंदराव मेकर्तीवार (३२) रा. सोमनपल्ली ता. चामोर्शी असे मृतकाचे नाव आहे. तर सचिन राजेश मेकर्तीवार रा. सोमनपल्ली, राहुल गुंजेकर रा. चिंचाळा ता. जि. चंद्रपूर अशी आरोपींची नावे आहेत.

प्राप्त माहितीनुसार आरोपींनी संगणमत करून मृतक मनोज मेकर्तीवार याच्या घरी जाऊन आम्हाला कोंबडा दे नाहीतर तुला मारून टाकू अशी धमकी दिली. या धमकीस घाबरून मनोज हा सांदवाडीत जाऊन लपला. त्यानंतर आरोपींनी मनोज याला पकडून शंकर पप्पुलवार यांच्या घरी नेले व त्यांच्या घरी लोकांसमोर हाता बुक्क्यांनी मारहाण केली. एवढ्यावरच त्यांचे समाधान झाले नाही. तर त्याला मोटरसायकलवर बसून

सोमनपल्ली ते येनापूर कडे जाणाऱ्या रस्त्याकडे घेऊन गेले. यानंतर येणापूर नाला जंगल परिसरात नेऊन जीवानिशी ठार मारून मृतकाच्या अंगावर काड्य टाकून जाळून टाकले व पुरावा नष्ट करण्याचा प्रयत्न केला. य संदर्भात संगिता येलगलवाच रा. सावली हल्ली मु. सोमनपर्ल यांनी आष्टी पोलीस ठाण्यात तक्रार दाखल केली. घटनेच् गांभीर्य लक्षात घेता आष्ट पोलिसांनी तातडीने घटनास्थळ गाठून पंचनामा केला.

चेन्नई : गोपनीयतेच्या मूलभूत अधिकारात पती-पत्नीच्या गोपनीयतेचा समावेश होतो. कायदा जोडीदारांना एकमेकांची हेरगिरी करण्यास प्रोत्साहित करू शकत नाही. जोडीदाराच्या गोपनीयतेचे उल्लंघन करून मिळवलेले पुरावे न्यायालयात ग्राह्य नसल्याचे मद्रास आणि हिमाचल हायकोर्टाने म्हटले आहे.

पतीने पत्नीची क्रूरता आणि व्यभिचार या कारणावरून घटस्फोट मागितला. यात पत्नीच्या मोबाइलचा कॉल डेटा रेकॉर्ड पुरावा म्हणून सादर केला. पत्नीने यास आक्षेप घेतला. कौटुंबिक न्यायालय कायद्याच्या कलम १४ नुसार विवाद प्रभावीपणे निकाली काढण्यास मदत होईल असा कोणताही अहवाल, जबाब, दस्तऐवज, माहिती पुरावा म्हणून स्वीकारता येऊ शकतो, या आधारे न्यायालयाने पत्नीचा अर्ज फेटाळला.

याला पत्नीने मद्रास हायकोर्टात आव्हान दिले. हायकोर्ट म्हणाले की, पतीने पत्नीची कॉल हिस्ट्री गुप्तपणे मिळवली. यामुळे पत्नीच्या गोपनीयतेचा भंग झाला. कायदा जोडीदारांना एकमेकांची हेरगिरीकरण्यास परवानगी देऊ शकत नाही किंवा प्रोत्साहित करू शकत नाही. गोपनीयतेच्या मूलभूत अधिकारात पती-पत्नीच्या गोपनीयतेचाही समावेश होतो. याचे उल्लंघन करून मिळालेला पुरावा ग्राह्य नाही. पत्नीच्या संमतीशिवाय मिळालेल्या माहितीकडे सौम्यपणे पाहता येणार नाही.

विश्वास हा वैवाहिक संबंधांचा पाया

विश्वास हा वैवाहिक संबंधांचा पाया आहे. एकमेकांच्या हेरगिरीमुळे एआय फोटो वैवाहिक जीवनाची जडणघडण नष्ट होते. बायको डायरी ठेवू शकते. तिचे विचार आणि जिव्हाळ्याच्या भावना लिहू शकते. नवरा तिच्या संमतीशिवाय डायरी वाचणार नाही, अशी अपेक्षा करण्याचा तिला पूर्ण अधिकार आहे. जे डायरीला लागू तेच मोबाइललाही लागू होईल. -

न्यायमूर्ती जी.आर. स्वामीनाथन

गडचिरोली : सिरोंचा तालुक्यातील असरअल्ली येथे एका घरात राजरोस सुरू असलेल्या जुगार अड्ड्यावर पोलिसांनी धाड टाकली. यावेळी सरपंच, ग्रामपंचायत सदस्यासह १२ जणांना ताब्यात घेतले. ही कारवाई ४ नोव्हेंबरला करण्यात आली. आरोपींकडून लाखोंचा मुद्देमाल हस्तगत केला.

असरअल्ली येथे ग्रामपंचायत सदस्य धर्मराज वडलाकोंडा याच्या घरात पत्त्यावर पैसे लावून जुगार खेळला जात असल्याची माहिती मिळाली होती. त्यानुसार, पोलिसांनी धाड टाकली. यावेळी १२ जणांना रंगेहाथ पकडले. विनो भूपती, रमाकांत

गग्गुरी, सुखदेव मुत्तूनुरी, समय्या कावेरी, सरपंच रमेश तैनेनी, पोचन्ना ताडबोईना, रमेश गोतुरी, नागेंदर उल्ली, अर्जन्ना बेडके, मनोज बत्तुला, लक्ष्मीनारायण कटकम, ग्रामपंचायत सदस्य धर्माय्या वडलाकोंडा यांना ताब्यात घेतले. जुगाराच्या डावावरील २४ हजार ५०० रुपये, आरोपींकडे अंगझडतीत ७४ हजार ७९० रुपये, तीन दुचाकी, दहा मोबाईल असा एकूण २ लाख ३५ हजार २९० रुपयांचा माल जप्त केला. अंमलदार बापूराव काळे यांच्या फिर्यादीवरून असरअल्ली ठाण्यात गुन्हा नोंदविण्यात आला. सहायक निरीक्षक समाधान दौड यांच्या मार्गदर्शनाखाली उपनिरीक्षक निखिल मेश्राम तपास करत आहेत.

अंबाजोगाई (जि. बीड) : उमेदवारमतदारांना काय आश्वासने देतील याचा काही नेम नाही. याचाच प्रत्यय अंबाजोगाई येथील प्रचारात आला. तिथे एका उमेदवाराने चक्क, 'मला निवडून द्या. मी तुमची लग्नं लावून देतो', अशी भुरळ लग्नाळू मुलांना घातली आहे.

मंगळवारी रात्री तालुक्यातील घाटनांदूर येथे प्रचारावेळी शरद पवार गटाचे उमेदवार राजेसाहेब देशमुख यांनी लग्नाचा हा फंडा वापरला आहे. विधानसभा निवडणूक ही विकासाच्या प्रश्नांवर लढवण्याचा पारंपरिक प्रघात आपल्याकडे आहे. 

मात्र, अलीकडे याला जातीय स्वरूप मिळाल्याचे दिसत असतानाच आता त्याच्याही पलीकडे जाऊन गंभीर सामाजिक समस्या असलेल्या लग्नाच्या विषयाला हात घालण्यात आला आहे. महाराष्ट्रात मुलींचे प्रमाण कमी झाल्यामुळे व मुलींना कमी कुटुंबातील व नोकरीचे भरपूर पॅकेज असलेला मुलगाच आपला साथीदार असावा, असे वाटत असल्यामुळे शहरी व ग्रामीण भागातील तरुणांची चाळिशी पार होत आली तरी त्यांना मुलगी पसंती देत नसल्याचे दिसून येते. हाच मुद्दा उचलून लग्नाळू मतदारांना आकर्षित करण्याचा उमेदवारांचा हा प्रचारफंडा चर्चेत आला आहे.

 चिमूर : अधिकृत प्रचाराला सुरुवात होण्यापूर्वीच उमेदवाराच्या समर्थनार्थ आयोजित कॉर्नर सभेत प्रश्न विचारल्याने भाजप कार्यकर्त्यांनी जातीवाचक शिवीगाळ करून मला मारहाण केली, अशी तक्रार केली असता पोलिसांनी स्वीकारली नाही, असा आरोप बोडधा (हेटी) शंकर रामटेके यांनी मंगळवारी (दि.५) पत्रकार परिषदेत केला. भिसी पोलिस ठाणे अंतर्गत बोडधा (हेटी) येथे मांगलगाव येथील सरपंच प्रफुल्ल कोलते यांनी भाजप उमेदवाराच्या प्रचारासाठी रविवारी सकाळी कॉर्नर सभा घेतली होती.

या सभेत हा प्रकार घडल्याचे रामटेके यांनी यावेळी सांगितले. याबाबत उपविभागीय पोलिस अधिकारी राकेश जाधव यांच्याशी संपर्क साधला असता दोन्ही बाजूने बयान नोंदविले असून त्यांनी तक्रार चौकशीत ठेवण्यात आल्याचे सांगितले.

धान पिकांचे नुकसान; शेतकरी सापडले संकटात

वडधाः आरमोरी तालुक्यात गेलेला जंगली हत्तींचा कळप पुन्हा पोर्ला वनपरिक्षेत्रात दाखल झाला असून शनिवारी कळपाने कुहाडी शेतशिवारात हैदोस घालत दिभना परिसरात एन्ट्री केली आहे. वर्षभरात दुसऱ्यांदा गडचिरोली जिल्हा मुख्यालयानजीक हत्तींचा कळप दाखल झाल्याने वनविभागासह शेतकऱ्यांचे टेन्शन वाढले आहे.

गडचिरोली तालुक्यांतर्गत येणाऱ्या कुऱ्हाडी येथील प्रतिष्ठित शेतकरी जितेंद्र मुनघाटे यांच्या शेतात हत्तींनी रात्रभर धुडगूस घातला. सध्या जवळपास सर्वच

धानपीक कापणीला आले आहेत. याच परिसरात काही शेतकऱ्यांनी खरिपातील धान पिकाची कापणी केली आहे. याच कालावधीत हत्तींनी धुडगूस घातल्याने शेतकऱ्यांचे मोठ्या प्रमाणात नुकसान झाले आहे. हातात आलेले धानपीक हत्तींकडून पायदळी तुडवले जात असल्याने शेतकरी हैराण झाले आहेत. विशेष म्हणजे, हत्तीच्या कळपाने मागील काही दिवसांपासून ज्या मार्गाने चंद्रपूर जिल्ह्यात दाखल होऊन त्याच मार्गाने पुन्हा परत आरमोरी तालुक्यात प्रवेश केला होता.

वनविभागाचे कर्मचारी सुस्त

हत्तींनी पिकांचे नुकसान केल्याचे लक्षात येताच शेतकऱ्यांनी संबंधित वनपरिक्षेत्रातील अधिकाऱ्यांशी संपर्क केला असता, वन अधिकारी, कर्मचाऱ्यांकडून कोणताही प्रतिसाद मिळाला नाही. मागील दोन वर्षांपासून पोर्ला वनपरिक्षेत्रात हत्तींकडून नुकसान होत असतानाही या वनपरिक्षेत्रातील अधिकारी, कर्मचारी केवळ शेतकऱ्यांना सूचना करताना दिसून येत आहेत. मात्र हत्तींचा बंदोबस्त करण्याकडे त्यांचे दुर्लक्ष होत आहे. एखाद्या व्यक्तीने जंगलात जाऊन सरपण आणल्यास त्याच्यावर तात्काळ कारवाई केली जाते. मात्र वन्यप्राण्यांकडून शेतपिकांचे नुकसान झाल्यास तत्काळ कारवाई केली जात नाही, हा दुजाभाव नाही का? असा सवाल नुकसानग्रस्त शेतकऱ्यांनी केला आहे. विशेष म्हणजे, पोर्ला वनपरिक्षेत्रातील अधिकारी, कर्मचारी याबाबतीत सुस्त असल्याचे दिसून येते.

 आरमोरी : विधानसभा निवडणुकीसाठी एकजुटीने कामाला लागा, कुठल्याही स्थितीत विरोधकांच्या भूलथापांना मतदार बळी पडता कामा नयेत, याची दक्षता घ्या, असे आवाहन ज्येष्ठ सहकार नेते व राज्य सहकार विकास महामंडळाचे अध्यक्ष अरविंद सा. पोरेड्डीवार यांनी केले.

येथे महायुतीचे उमेदवार व आमदार कृष्णा गजबे यांच्या संपर्क कार्यालयाचे उद्घाटन ५ नोव्हेंबरला पोरेड्डीवार यांच्या हस्ते फीत कापून झाले. भाजप जिल्हाध्यक्ष प्रशांत वाघरे, गडचिरोली नागरी सहकारी बँकेचे अध्यक्ष प्रकाश सा. पोरेड्डीवार, भाजपाचे माजी जिल्हाध्यक्ष किसन नागदेवे, माजी

उपनगराध्यक्ष हैदर पंजवानी, भाजपा जिल्हा सचिव नंदू पेटेवार, जिल्हा महामंत्री सदानंद कुथे, शिंदेसेना महिला जिल्हाप्रमुख अर्चना गोंदोळे, भाजपा तालुकाध्यक्ष पंकज खरवडे, राष्ट्रवादी काँग्रेस अजित पवार गटाचे दिलीप मोटवानी, अमीन लालानी आदींची उपस्थिती होती.

यावेळी अरविंद पोरेड्डीवार म्हणाले, लोकसभा निवडणुकीत काँग्रेसने संविधान बदलाबाबत चुकीची माहिती बिंबवली. मात्र, संविधानाचा भाजप कायम आदर करत आहे. अपप्रचार होऊ नये, यासाठी कार्यकत्यांनी दक्ष राहावे, असे आवाहन त्यांनी केले. पंकज खरवडे यांनी संचालन केले तर अक्षय हेमके यांनी आभार मानले.

एटापल्ली: येमली येथे एअरटेल कंपनीचा मोबाइल टॉवर उभारण्यात आला आहे. मात्र, मागील तीन महिन्यांपासून सतत सेवा विस्कळीत होत आहे. याबाबत अधिकाऱ्यांना फोन केल्यास टॉवर जाळून टाका, असे उत्तर देत असल्याचा आरोप नागरिकांनी केला आहे.

टॉवर बंद असल्याबाबत फोन करून विचारणा करण्याचा प्रयत्न केल्यास कर्मचारी फोन उचलत नाही. कंपनीचे अधिकारी रामटेके हे तुम्हाला वाटत असेल तर टॉवर जाळून टाका, असे उत्तर देतात तर सचिन लोंडे हे तुम्हाला काय करायचे ते करा, असे उद्धट उत्तर नागरिकांना देतात, असा आरोप नागरिकांनी केला आहे. ज्या कंपनीच्या भरवशावर त्यांची नोकरी आहे, त्याच कंपनीचा टॉवर जाळण्यास सांगतात. कंपनीने या दोन्ही अधिकाऱ्यांवर बडतर्फीची कारवाई करावी, अशी मागणी नागरिकांनी केली आहे. केंद्र शासनाने कंपनीला टॉवर बांधण्यासाठी अनुदान दिले आहे. तसेच नागरिकांना सेवा देणे हे कंपनीचे कर्तव्य आहे. टॉवरमधील बिघाड दुरुस्त करावा, अशी मागणी येमलीच्या उपसरपंच पल्लवी विजय खोब्रागडे यांनी केली आहे.

 घोट : चामोर्शी तालुक्यातील घोट गटग्रामपंचायत अंतर्गत कुर्दुळ येथे एका अल्पवयीन मुलीने गळफास घेऊन आत्महत्या केली. ३ नोव्हेंबरला रात्री साडेदहा वाजता ही घटना घडली. ऋती अनिल पचारे (१७, रा. कर्दळ (घोट) असे मयत मुलीचे नाव आहे. तिचे वडील अनिल पचारे यांनी पोलिसांत दिलेल्या माहितीनुसार ऋती व घरातील सर्व जण ३ नोव्हेंबर रोजी रात्री जेवण करून ओठ्यावर बसले होते.

 त्यावेळेस ऋती ही मोबाइलवर काहीतरी पाहते म्हणून घरात गेली. काही वेळाने लहान बहीण अनुष्का ही घरात गेली असता तिला ऋती ही घराच्या आळ्याला दोरीने गळफास घेतलेल्या स्थितीत आढळली. तिने कुटुंबीयाला माहिती दिली. तिला फासावरून उतरविले, पण त्याआधीच मृत्यू झाला होता. आत्महत्येमागील नेमके कारण समजू शकले नाही. तपास सहायक निरीक्षक नीलेश गोहणे करीत आहेत.

नागपूर : अजनी पोलिसांनी दिलेल्या माहितीनुसार, १३ वर्षीय मुलगी दिव्या (बदललेले नाव) सातव्या वर्गात शिकते. तर आरोपी श्रावण हा मूळचा गोंदियाचा असून कामाच्या शोधात नागपुरात आला होता.

दीड वर्षापासून तो अजनीतील एका डेकोरेशन कंपनीत कामाला लागला. त्याच्या वस्तीत राहणारी दिव्या ही शाळेत जात असताना तो तिचा पाठलाग करीत होता. शाळेपर्यंत तो जात होता. तिच्या घरासमोर तासनतास बसत होता. तिच्या घरी कुणी नसताना तो तिला भेटायला घरी गेला. तू मला खूप आवडतेस… मी तुझ्या प्रेमात पडलो… तू जर साथ देशील तर आपण दोघे प्रेमविवाह करु…असे बोलून जाळ्यात ओढले. लग्न करणार असल्यामुळे दिव्यासुद्धा फसली.

दोघांच्याही भेटी-गाठी वाढल्या. घरी कुणी नसताना दोघेही एकमेकांना भेटायला लागले. महिन्याचे वेतन मिळाले की श्रावण तिला चित्रपट, हॉटेल आणि फिरायला घेऊन जायला लागला. त्यामुळे दोघेही एकमेकांच्या प्रेमात आकंठ बुडाले होते.

आई-वडिल गाढ झोपल्यानंतर मुलगी मध्यरात्री एक वाजता प्रियकराच्या दुचाकीवरुन घरातून बाहेर पडली. ती सकाळी पाच वाजता घरी परतली आणि तेवढ्यात वडिलांना जाग आली. मुलीला युवकाच्या मिठीत बघताच वडिल संतप्त झाले. वडिलांनी दम देताच तिने प्रियकराने बळजबरी शारीरिक संबंध केल्याची कबुली दिली. या प्रकरणी तक्रारीवरुन अजनी पोलिसांनी मुलीच्या प्रियकराविरुद्ध बलात्काराचा गुन्हा दाखल करुन अटक केली. श्रावण राऊत (३०, अजनी) असे आरोपी प्रियकराचे नाव आहे.

मध्यरात्री भेटण्याचा मोह आला अंगलट

श्रावण आणि दिव्याचे शनिवारी मध्यरात्रीला भेटण्याचे ठरले होते. एक वाजता कुटुंब झोपल्यानंतर हळूच चौकात आली. तेथे श्रावण दुचाकी घेऊन उभा होता. त्याने तिला फुटाळ्यावर फिरायला जाण्यासाठी विचारले. तिने नकार दिल्यामुळे डेकोरेशनच्या गोदामात नेले. तेथे दोघांनी शारीरिक संबंध प्रस्थापित केले. पहाटे पाच वाजेपर्यंत थांबल्यानंतर दिव्याने घरी सोडून मागितले.

प्रियकर पळून गेला

श्रावणने पहाटे पाच वाजता दिव्याला घरासमोर सोडले. तिने जाताना प्रियकराला मिठी मारली आणि तेवढ्यात तिचे वडिल लघुशंकेसाठी घराबाहेर आले. मुलीला प्रियकराच्या मिठीत बघताच त्यांचा पारा चढला. दरम्यान, प्रियकर पळून गेला. मुलीला विचारणा केली असता तिने प्रियकर असल्याची कबुली दिली. तसेच प्रियकराने बळजबरीने शारीरिक संबंध प्रस्थापित केल्याचेही वडिलांना सांगितले. या प्रकरण अजनी पोलिसांत तक्रार देण्यात आली. पोलिसांनी गुन्हा दाखल करुन प्रियकराला अटक केली.

गडचिरोली : भाजप महायुती विरोधात देशपातळीवरील तयार झालेल्या इंडिया अलायन्स आणि राज्यातील महाविकास आघाडीचा प्रमुख घटक पक्ष असलेल्या शेतकरी कामगार पक्षाने राज्यात अधिकृत उमेदवारी दिलेल्या उमेदवारांना आता महाविकास आघाडी - इंडिया अलायन्स पुरस्कृत उमेदवार म्हणून निवडणूकीत उभे राहण्याचे आदेश दिलेले असून गडचिरोली विधानसभा मतदारसंघातील शेतकरी कामगार पक्षाच्या उमेदवार जयश्रीताई वेळदा - जराते या आता महाविकास आघाडी - इंडिया अलायन्स पुरस्कृत शेतकरी कामगार पक्षाच्या अधिकृत उमेदवार म्हणून निवडणूक लढवणार आहेत.

शेतकरी कामगार पक्षाच्या मध्यवर्ती कार्यालयाचे चिटणीस भाई ॲड. राजेंद्र कोरडे यांनी पक्षाच्या वतीने राज्यातील सर्व उमेदवारांना याबाबत लेखी पत्राद्वारे कळविले आहे की, शेतकरी कामगार पक्ष हा इंडिया अलायन्स आणि राज्यातील महाविकास आघाडीचा घटक पक्ष आहे त्यामुळे शेतकरी कामगार पक्षाने जे अधिकृत उमेदवार उभे केलेले आहेत ते इंडिया अलायन्स व महाविकास आघाडीचेच पुरस्कृत उमेदवार आहेत. त्यामुळे आता महाविकास आघाडीतील इतर घटक पक्षांचे पदाधिकारी आणि कार्यकर्त्यांच्या मदतीने शेतकरी कामगार पक्ष भाजप महायुती विरोधात प्रचाराला सुरुवात करणार असल्याची माहिती शेतकरी कामगार पक्षाच्या आदिवासी, भटके - विमुक्त आघाडीचे प्रदेशाध्यक्ष भाई रामदास जराते यांनी दिली आहे.

जयश्री वेळदा - जरातेंवर दाखल आहेत ३ गुन्हे 

शेतकरी कामगार पक्षाच्या उमेदवार जयश्रीताई वेळदा - जराते यांच्यावर वेगवेगळे आंदोलन केल्याबद्दल ३ गुन्हे दाखल असल्याची माहिती त्यांनी आपल्या शपथपत्रात दिलेली आहे.जयश्री वेळदा यांचेवर एटापल्ली पोलीस स्टेशन येथे भांदवी ३६५, भांदवी १८८, १४३, २७९ म.पो.का. ३७(१), (३), १३५ असे दोन तर गडचिरोली पोलीस स्टेशनमध्ये भादंवी १८८ म.पो.का.१३५ असा एक गुन्हा दाखल असून अहेरी व गडचिरोली न्यायालयात सदर प्रकरणे प्रलंबित आहेत. गडचिरोली विधानसभाच नव्हे तर संपूर्ण जिल्ह्यात लोकांसाठी काम करतांना, आंदोलन करतांना गुन्हे दाखल असलेल्या त्या एकमेव महिला उमेदवार आहेत. जल, जंगल, जमीन आणि खदानविरोधी आंदोलनातील प्रमुख कार्यकर्त्यांपेकी एक असलेल्या जयश्री वेळदा यांनी भाई रामदास जराते यांचेसह २०१७ मध्ये चंद्रपूर मध्यवर्ती कारागृहात १५ दिवस न्यायालयीन कोठडीत घालविलेले आहेत हे विशेष!

गडचिरोली दि. 5 (जि.मा.का.) : विधानसभा निवडणूकसाठी आरमोरी मतदारसंघातून 8, गडचिरोलीतून 9 आणि अहेरीतून 12 उमेदवारांमध्ये निवडणूक होणार आहे. या सर्व उमेदवारांना संबंधीत निवडणूक निर्णय अधिकारी यांनी निवडणूक चिन्हाचे वाटप केले आहे.

विधानसभा मतदार संघात निवडणूक लढविणाऱ्या उमेदवारांचे नाव, पक्ष व चिन्ह पुढीलप्रमाणे आहे

67-आरमोरी विधानसभा मतदार संघ:  

राष्ट्रीय व राज्यस्तरीय मान्यताप्राप्त पक्षाचे उमेदवार : अनिल (क्रांती) तुलाराम केरामी-बहुजन समाज पार्टी (हत्ती), कृष्णा दामाजी गजबे- भारतीय जनता पार्टी (कमळ), रामदास मळूजी मसराम- इंडियन नॅशनल काँग्रेस (हात). 

नोंदणीकृत राजकीय पक्षांचे उमेदवार : चेतन नेवशा काटेंगे-आझाद समाज पार्टी -कांशी राम (किटली), मोहनदास गणपत पुराम-वंचित बहुजन आघाडी (गॅस सिलेंडर).

इतर उमेदवार : आनंदराव गंगाराम गेडाम,अपक्ष (बॅट), खेमराज भाऊ नेवारे- अपक्ष(ऊस शेतकरी), डॉ. शिलु चिमुरकर पेंदाम- अपक्ष (रोड रोलर).

68-गडचिरोली विधानसभा मतदार संघ:

राष्ट्रीय व राज्यस्तरीय मान्यताप्राप्त पक्षाचे उमेदवार : 

मनोहर तुळशिराम पोरेटी-इंडियन नॅशनल काँग्रेस (हात), डॉ. मिलिंद रामजी नरोटे- भारतीय जनता पार्टी (कमळ), संजय सुभाष कुमरे- बहुजन समाज पार्टी(हत्ती)

नोंदणीकृत राजकीय पक्षांचे उमेदवार : जयश्री विजय वेळदा- पीझन्टस् ॲन्ड वर्कर्स् पार्टी ऑफ इंडिया (ऊस शेतकरी), भरत मंगरुजी येरमे- वंचित बहुजन आघाडी (गॅस सिलेंडर), योगेश बाजीराव कुमरे- गोंडवाना गणतंत्र पार्टी (करवत).

इतर उमेदवार : दिवाकर गुलाब पेंदाम-अपक्ष (ऑटो रिक्शा), बाळकृष्ण वंगणूजी सावसाकडे- अपक्ष(बॅट), डॉ. सोनल चेतन कोवे- अपक्ष (शिट्टी)

69- अहेरी विधानसभा मतदार संघ: अत्राम धर्मरावबाबा भगवंतराव -नॅशनालिस्ट काँग्रेस पार्टी(घड्याळ), अत्राम भाग्यश्री धर्मरावबाबा – नॅशनालिस्ट काँग्रेस पार्टी -शरदचंद्र पवार (तुतारी वाजवणारा माणूस), रमेश वेल्ला गावडे- बहुजन समाज पार्टी (हत्ती), संदीप मारोती कोरेत-महाराष्ट्र नवनिर्माण सेना (रेल्वे इंजिन).

नोंदणीकृत राजकीय पक्षांचे उमेदवार : निता पेंटाजी तलांडी- प्रहर जनशक्ती पार्टी(बॅट). 

इतर उमेदवार : आत्राम दिपक दादा – अपक्ष (टेबल), कुमरम महेश जयराम- अपक्ष(अंगठी), गेडाम शैलेश बिच्चू-अपक्ष (स्टूल), नितीन दादा पदा- अपक्ष (कढई), राजे अम्ब्रीशराव राजे सत्यवानराव आत्राम- अपक्ष(ऑटो रिक्शा), लेखामी भाग्यश्री मनोहर- अपक्ष (ट्रम्पेट), हनमंतु गंगाराम मडावी- अपक्ष (रोड रोलर).

00000

29 उमेदवारांमध्ये लढत

आरमोरी-8, गडचिरोली-9 आणि अहेरीतून-12 उमेदवार रिंगणात

गडचिरोली दि. 4 (जि.मा.का.) : विधानसभा सार्वत्रिक निवडणूक-2024 अंतर्गत नामनिर्देशन अर्ज मागे घेण्याच्या आजच्या अंतिम दिवशी गडचिरोली जिल्ह्यातील तीन विधानसभा मतदार संघातून एकूण 11 उमेदवारांनी आपले नामनिर्देशन अर्ज मागे घेतले. यामुळे आता आरमोरीतून 8, गडचिरोलीतून 9 आणि अहेरीतून 12 उमेदवारांमध्ये निवडणूक होणार आहे.

 67-आरमोरी मतदारसंघातून माधुरी मुरारी मडावी, वामन वंगनुजी सावसाकडे, निलेश देवाजी हलामी आणि रमेश गोविंदा मानागडे या ४ उमेदवारांनी, 68-गडचिरोली मतदार संघातून आसाराम गोसाई रायसिडाम, डॉ. देवराव मादगुजी होळी, मोरेश्वर रामचंद्र किनाके, वर्षा अशोक आत्राम, विश्वजीत मारोतराव कोवासे या 5 उमेदवारांनी आणि 69- अहेरी मतदारसंघातून अवधेशराव राजे सत्यवानराव आत्राम व आत्राम अजय मलय्या या 2 उमेदवारांनी आपले अर्ज मागे घेतले आहेत. 

 उमेदवार आहेत रिंगणात :नामनिर्देश अर्ज मागे घेतल्यानंतर विधानसभा मतदार संघात निवडणूक लढविणाऱ्या उमेदवारांचे नाव, पक्ष पुढीलप्रमाणे आहे

67-आरमोरी विधानसभा मतदार संघ:  

रामदास मळूजी मसराम- इंडियन नॅशनल काँग्रेस, कृष्णा दामाजी गजबे- भारतीय जनता पार्टी, आनंदराव गंगाराम गेडाम-अपक्ष, शिलू प्रविण गंटावार- अपक्ष, मोहनदास गणपत पुराम-वंचित बहुजन आघाडी, चेतन नेवशा काटेंगे-आझाद समाज पार्टी (कांशीराम), अनिल तुलाराम केरामी-बहुजन समाज पार्टी,खेमराज वातूजी नेवारे- अपक्ष.

68-गडचिरोली विधानसभा मतदार संघ: मनोहर तुळशिराम पोरेटी-इंडियन नॅशनल काँग्रेस, डॉ. मिलींद रामजी नरोटे- भारतीय जनता पार्टी, संजय सुभाष कुमरे- बहुजन समाज पार्टी, जयश्री विजय वेळदा- पीजेंट्स ॲन्ड वर्कर्स पार्टी ऑफ इंडिया, भरत मंगरुजी येरमे- वंचित बहुजन आघाडी, योगेश बाजीराव कुमरे- गोंडवाना गणतंत्र पार्टी, दिवाकर गुलाब पेंदाम-अपक्ष, बाळकृष्ण वंगणूजी सावसाकडे- अपक्ष, डॉ. सोनल चेतन कोवे- अपक्ष 

69- अहेरी विधानसभा मतदार संघ:आत्राम धरमरावबाबा भगवंतराव -नॅशनालिस्ट काँग्रेस पार्टी, आत्राम भाग्यश्री धर्मरावबाबा – नॅशनालिस्ट काँग्रेस पार्टी (शरदचंद्र पवार), रमेश वेल्ला गावडे- बहुजन समाज पार्टी, संदीप मारोती कोरेत-महाराष्ट्र नवनिर्माण सेना, निता पेंटाजी तलांडी- प्रहार जनशक्ती पार्टी, आत्राम दिपक मल्लाजी- अपक्ष, कुमरम महेश जयराम- अपक्ष, गेडाम शैलेश बिच्चू-अपक्ष, नितीन कविश्वर पदा- अपक्ष, राजे अम्ब्रीशराव राजे सत्यवानराव आत्राम- अपक्ष, लेखामी भाग्यश्री मनोहर- अपक्ष, हनमंतु गंगाराम मडावी- अपक्ष

00000

ब्रम्हपुरी : ब्रम्हपुरी तालुक्यातील अवघ्या पाच कि. मी अंतरावरील असलेला झिलबोडी येथील रहिवाशी देविदास दमके यांचे अंदाजे दोन-तीन ऐकरातील धान कापून बांधून जमा केलेले धानाचे पूजने याच गावातील डासखोर नागरिकाने जाळल्यामुळे दमके या अत्यंत गरीब कष्टकरी

शेतकरी यांची भरून न निघनारी हानी झाली आहे. या जळालेल्या पुजन्यापासुन पंचेवीस ते तीस पोते धानाचे उत्पादन होण्याचा अंदाज होता. या घटनेची पोलिसात तक्रार दाखल केली चौकशी सुरू केली आहे. या कालावधीत दोन तीन दिवस दिवाळीच्या शासकीय सुट्ट्‌या असल्यामुळे महसूल अधिकारी यांना सूचना देण्यात आली नाही.

अज्ञात आरोपीवर कारवाईची मागणी

ऐन हातात आलेले पिक जळाल्याने शेतकरी हवालदिल झाला आहे. जळालेल्या नुकसानीची भरपाई देण्यात यावी अशी मागणी देविदास दमके यांनी केली आहे. दिवाळीच्या सुट्यामुळे सदर प्रकरणाची सूचना अधिकाऱ्यांना देण्यात आली नाही तरी संबधीत प्रकरणाची चौकशी करून व अज्ञात आरोपी वर कडक कार्यवाही करण्यात यावी अशी मागणी करण्यात आली आहे. शासनाने शेतकऱ्यांना आर्थिक मोबदला यावा अशी मागणी केली आहे. (ता.प्र.)

दिल्ली, . राजधानी दिल्लीत पतीसोबत भांडण झाल्यानंतर एका महिलेने नवऱ्याचा प्रायव्हेट पार्ट कापून पळ काढला. पतीवर रुग्णालयात उपचार सुरू आहेत. या घटनेनंतर पोलिस आरोपी महिलेचा शोध घेत आहे. मिळालेल्या माहितीनुसार, पीडित पुरुष बिहारच्या मधुबनी येथील रहिवासी आहे. चार-पाच महिन्यांपूर्वीच तो पत्नीसह दिल्लीला शिफ्ट झाला होता. दोघांमध्ये भांडण झाल्यानंतर पत्नीने आपले गुप्तांग कापले, असा आरोप पीडित पतीने केला आहे.

पोलिसांनी सांगितले की, पीडित पतीला सफदरजंग रुग्णालयात दाखल करण्यातआले आहे. त्याची प्रकृती धोक्याबाहेर असल्याचे सांगण्यात येत आहे. आरोपी महिला सध्या फरार असून तिला पकडण्याचे प्रयत्न सुरू असल्याचे पोलिसांनी सांगितले.

दिवाळीच्या रात्री पती-पत्नीमध्ये भांडण 

पोलिसांनी दिलेल्या माहितीनुसार, 31 ऑक्टोबर आणि 01 नोव्हेंबरच्या मध्यरात्री 2:34 वाजता रूप नगर पोलिस स्टेशनला एका महिलेने आपल्या पतीचा प्रायव्हेट पार्ट चाकूने कापून पळ काढल्याची माहिती मिळाली.

दारूच्या नशेत केला नवऱ्यावर हल्ला

दिवाळी पाडव्या दिवशी पीडित विष्णूचा जबाब नोंदवण्यात आला. पीडित विष्णूने आपल्या जबाबामध्ये सांगितले की, तो बिहारमधील मधुबनी येथील रहिवासी आहे. आणि 4-5 महिन्यांपूर्वी पत्नीसह दिल्लीला शिफ्ट झाले. तो शक्तीनगर येथील पीजीमध्ये हेल्पर म्हणून काम करतो. 31 ऑक्टोबरच्या रात्री तो दारूच्या नशेत होता. काही कारणावरून त्याचे पत्नीशी भांडण झाले. भांडणानंतर त्याची पत्नी घरातून निघून गेली आणि तो झोपायला गेला. काही वेळाने त्यांच्या पत्नीने घरात घुसून त्यांच्या प्रायव्हेट पार्टवर धारदार वस्तूने वार केले. या घटनेनंतर त्याची पत्नी फरार झाली. पोलिस त्याचा शोध घेत आहेत.

कुरखेडा, (ता. प्र.). कुरखेडा तालुक्यातील भगवानपूर येथे सुरू असलेला कोंबडबाजारावर शनिवारी (दि. 2) कुरखेडा पोलिसांनी छापा टाकून 9 आरोपींना अटक केली आहे. त्यांच्याकडून कोंबड्यांसह जुगारावर लावलेली रोख रक्कमही जप्त केली आहे. कुरखेडा तालुक्यातील भगवानपूर येथे कोंबडबाजार भरवला जातो. हा कोंबडबाजार परिसरात प्रसिद्ध आहे. दरम्यान, शनिवारी (दि. 2) बलिप्रतिपदानिमित्त येथे कोलडबाजार भरविला असल्याची माहिती कराया बाजारावर छापा टाकून 9 आरोपींना अटक केली. यात आरमोरी तालुक्यातील वैरागड येथील रहिवासी छोटू अरुण बोदेले (30), कुरखेडा तालुक्यातील शिरपूर येथील रवींद्र चिंतामण मडावी (35), कढोली येथील समीर दिवाकर कोडाप (22), शिरपूर येथील हंसराज रामलाल मडावी (31), गुरनोली येथील रमेश दशरथ काटेंगे (40), देऊळगाव येथील प्रणीत माधव गहाल (29), शिरपूर येथील मनोज गुणाजी कबाडकर (35), देऊळगाव येथील तौमेश्वर गजानन खुणे (41) व भगवानपूर येथील सुखदेव श्रावण कुमरे (38) यांचा समावेश आहे. त्यांच्याकडून कोंबडे व रोख असा मुद्देमाल जप्त करण्यात आला. ही कारवाई पोलिस निरीक्षक वाघ यांच्या नेतृत्वात सहाय्यक पोलिस निरीक्षक रवींद्र कांबळे, प्रभू पिलारे, संतोष कांबळे, संदेश भैसारे यांनी केली. कुरखेडा पोलिसांच्या या कारवाईने तालुक्यातील कोंबड बाजार भरविणाऱ्यांना धडकी भरली आहे.

दारूविक्रेत्यांवर गुन्हा दाखल

कुरखेडा पोलिसांनी अवैध धंद्यांवि रोधात कारवाईचे धाडसत्र सुरू केले आहे. पोलिसांनी ठिकठिकाणी दारूविक्रेतेव तस्करांवर कारवाई करून दारूसह मुद्देमाल जप्त केला. तालुक्यातील कुरखेडा-नान्ही मार्गावर कारवाई करत पोलिसांनी अवैध दारूसह 26 हजार 10 रुपयांचा मुद्देमाल जप्त केला. या कारवाईत इडदा रहिवासी धीरज युवराज ताराम व तुषार शामराव नैताम यांच्यावर कारवाई केली. तसेच उराडी जवळील वासी टोला मार्गावर 83 हजार 500 रुपयांची दारू जप्त करण्यात आली. याप्रकरणी आरमोरी येथील रामनगर वॉर्डातील तुषार देविदास मेश्राम याच्यावर गुन्हा दाखल करण्यात आला आहे. ही कारवाई पीएसआय मोंबे, पोलिस हवालदार नरसिंग कोरे, मेश्राम, शेखलाल मडावी, प्रदीप मासरकर यांनी केली. तालुक्यातील सोनसरी येथे पोलिसांनी कारवाई करून 10,250 रुपयांची दारू जप्त केली. याप्रकरणी राजेंद्र नामदेव दहीकर याच्याविरुद्ध गुन्हा दाखल करण्यात आला. गेवर्धा मार्गावर कारवाई करत 14 हजार 450 रुपयांची दारू जप्त केली. याप्रकरणी येडापूर येथील सुजित सुशील बिस्वास याच्याविरुद्ध गुन्हा दाखल करण्यात आला आहे.

पालकांमध्ये खळबळ; जिल्हानजीकच्या नवेगाव येथे प्रयत्न फसला

गडचिरोली, ब्युरो. सद्यः स्थितीत दिवाळीचा उत्सव सुरू असून सर्वसामान्य नागरिक दीपोत्सवात मग्न आहेत. यात बालगोपालांचाही समावेश आहे. पालक वर्ग दीपोत्सवात व्यस्त असताना बच्चेकंपनी मौजमस्तीत दंग आहेत. अशातच जिल्हास्थळ असलेल्या गडचिरोली परिसरात मुले पळविणारी टोळी सक्रिय असल्याची धक्कादायक घटना शनिवारी (दि. 2) दुपारी 1.30 वाजताच्या सुमारास उघडकीस आली आहे. जिल्हास्थळपासून अवघ्या पाच किमी अंतरावर असलेल्या नवेगाव येथे अज्ञात इसमाने 12 वर्षीय बालकास बळजबरीने पळवून नेण्याचा प्रयत्न बालकाच्या धाडसामुळे फसला. मात्र, या घटनेमुळे पालकांमध्ये भीतीचे वातावरण निर्माण झाले आहे. लक्ष्मीपूजनानंतर शनिवारी शहरासह ग्रामीण भागात (बलीप्रतिपदा) गायगोधनचा सण उत्साहात साजरा करण्यात आला. या उत्सवादरम्यान जिल्हास्थळापासून चंद्रपूर मार्गावर 5 किमी अंतरावर असलेल्या नवेगाव येथे तोंडावर रुमाल बांधलेल्या एका अज्ञात इसमाने घरातील अंगणात खेळत असलेल्या 12 वर्षीय बालकास चॉकलेटचे आमिष दाखविले.

 बालक घराबाहेर येताच तोंड तसेच हात दाबून त्याला पळवून नेण्याचा प्रयत्न केला. दरम्यान घरापासून काही अंतरावर जाताच बालकाने इज्ञात इसमाच्या हाताला चावा घेत स्वतःची सुटका करून घेत घराकडे धाव घेतली. आपल्यावर घडलेली आपबिती बालकाने कुटुंबीयांना देताच एकच खळबळ निर्माण झाली. गांभीर्य लक्षात घेता पालकाने याची माहिती गडचिरोली पोलिसांना दिली. सद्यःस्थितीत दिवाळी सणानिमित्त प्रत्येक जण आपापल्या कामात व्यस्त आहेत. काही अज्ञात व्यक्ती (मुले पळविणारी टोळी) फायदा घेत असल्याचे या घटनेवरून स्पष्ट होत आहे. समयसूचकतेमुळे बालकाला पळवून नेण्याचा प्रयत्न फसला गेला असला तरी या घटनेमुळे जिल्हास्थळ परिसरात मुले पळविणारी टोळी सक्रिय असल्याचे यावरून स्पष्ट होत आहे. त्यामुळे पोलिस प्रशासनाने या घटनेकडे गांभीर्याने घेत या टोळीचा पर्दाफाश करावा, अशी मागणी पालकवर्गातून होत आहे.

अज्ञाताने घेतली होती विशेष खबरदारी: मुले पळविणाऱ्या टोळीतील अज्ञात इसमाने बालकास पळवितांना विशेषखबरदारी घेतल्याचे एकंदरीत घटनास्थळावरून स्पष्ट होत आहे. अज्ञात इसमाने नवेगाव येथील संबंधित बालकाच्या घरासमोरील गेटवर येऊन बालकास चॉकलेटचे आमिष दाखवून घराबाहेर बोलाविले. त्यानंतर त्याचे तोंड व हात दाबून घेत त्याला पळवून नेले. यादरम्यान त्याने तोंडाला रुमाल, डोक्यावर टोपी घातली असल्याचे बालकाने सांगितले.

सीसीटीव्हीमध्ये आढळून आला इसम संबंधित बालकाच्या पालकाने घरासमोरील चंद्रपूर मार्गस्थित काही दुकानांचे सीसीटीव्ही फुटेज चेक केले असता काळा पेंट, हिरवा शर्ट, डोक्यावर टोपी घातलेला तसेच तोंडाला रुमाल बांधलेला स्थितीत असलेला अज्ञात इसम येताना दिसून आले. मात्र फुटेजमध्ये चेहरा स्पष्ट होत नसल्याने इसमाची ओळख पटविणे शक्य होऊ शकले नाही. दरम्यान सीसीटीव्ही फुटेजवरुन चंद्रपूर मार्गावर एक चारचाकी उभी असल्याचे तसेच इसम संबंधितांना इशारा करीत असल्याचेही निर्देशनास आले. यावरुन यात आणखी काही आरोपी असल्याचे स्पष्ट होत आहे.

जिल्हा पोलिस प्रशासनाचीअसंवेदनशीलता

बालकास पळविण्याचा प्रयत्न फसल्यानंतर संबंधित पालकाने यासंदर्भात तक्रार देण्यासाठी गडचिरोली पोलिस ठाणे गाठले असता ठाण्यात कार्यरत पोलिस कर्मचाऱ्यांनी तक्रार दाखल न करता उलट पालकास संबंधित घटनेचे फुटेज भागविले. घटनेचे गांभीर्य लक्षात घेता पोलिस प्रशासनाने घटनास्थळ गाठून विशेष चौकशी करणे गरजेचे होते. मात्र, याबाबत स्थानिक पोलिस प्रशासनाने दाखविलेली असंवेदनशीलता पोलिस विभागाच्या कार्यप्रणालीवरप्रश्नचिन्ह निर्माण करणारी ठरली आहे.

अज्ञाताने चाकू दाखवून मारण्याची दिली धमकी

संबंधित 12 वर्षीय बालकाने सांगितलेलेल्या आपबितीनुसार तोंडाला रुमाल बांधून असलेल्या अज्ञात इसमाने बालकास चॉकलेट आमिष दाखवून घराबाहेर काढले. बालक घराबाहेर येताच हाताने तोंड दाबून तसेच हात बांधून त्याला नेले. दरम्यान घरापासून काही अंतरावर जाताच बालकाने आरडाओरड करण्याचा प्रयत्न केला असता इसमाने चाकूचा धाक दाखवित तुझ्यासह तुझ्या आईवडिलांनाही मारून टाकण्याची धमकी दिल्याची माहिती आहे.

आरोपीवर पोस्को अंतर्गत गुन्हा दाखल, पाच दिवसांची पोलीस कोठडी

आरमोरीः फेसबुकवरून मैत्री झाल्यानंतर शारिरीक सबंध ठेऊन अल्पवयीन मुलीस पळवून नेणाऱ्या आरोपीस आरमोरी पोलिसांनी बेड्या ठोकल्या आहेत. सुजित कैलास गेडाम (२२) रा. मोहाडी ता. सिंदेवाही जि. चंद्रपूर असे आरोपीचे नांव असून त्याच्यावर पोस्को अंतर्गत गुन्हा दाखल करण्यात आला आहे. न्यायालयाने त्याला पाच दिवसांची पोलीस कोठडी ठोठावली आहे.

पोलिसांनी दिलेल्या प्राप्त माहितीनुसार, आरोपी सुजित गेडाम व पीडितेची ओळख मागील ४ ते ५ महिन्यापुर्वी फेसबुक वरून झाली. दोघांची बोलचाल सुरू झाली. याचे रूपांतर प्रेमात झाले. आरोपीने पीडित मुलीशी प्रेमसंबंध प्रस्थापित करून पीडितेला आपले गावी भेटण्यास बोलाविले. तिला लग्नाचे आमिष दाखवून शारीरिक संबंध प्रस्थापित करून अल्पवयीन पीडितेस पळवून नेले.

या संदर्भात आरमोरी पोलीस ठाण्यात तक्रार दाखल करण्यात आली. फिर्यादीचे तक्रारीवरून व पीडितेचे बयान ग्राह्य धरून आरमोरी पोलीस ठाण्यात आरोपीविरोधात पोस्को अंतर्गत कलम ४,६,८,१२ तसेच भारतीय न्याय संहिता ६४(१), ६४ (२) (i), ६४(२) (२)८७, १३७ (२) अन्वये गुन्हा दाखल करण्यात आला. आरमोरी पोलिसांनी दि. ३१ ऑक्टोबर रोजी आरोपीस त्याच्या मोहाडी गावावरून ताब्यात घेऊन अटक केली. आरोपीला न्यायालयासमोर हजर केले असता ५ दिवसांची पोलीस कोठडी सुनावण्यात आली आहे. पुढील तपास आरमोरी पोलीस ठाण्याचे ठाणेदार कैलास गवते यांच्या मार्गदर्शनाखाली पोलीस उपनिरीक्षक दिलीप मोहूर्ले करीत आहेत.

पालघरः वीज बिल आणि सरकारी योजनेवरून झालेल्या वादातून एका व्यक्तीने धाकट्या भावाची हत्या केली. पालघर जिल्ह्यातील साकळे पाडा गावात ही घटना गुरुवार ३० ऑक्टोबर २०२४ रोजी घडली. या प्रकरणी पोलिसांनी आरोपीला अटक केली असून पुढील चौकशीला सुरुवात केली आहे. या घटनेने परिसरात एकच खळबळ माजली आहे.

चंद्रकांत जीतू पाटील असे हत्या झालेल्या व्यक्तीचे नाव आहे. तर,सतीश जितू पाटील असे आरोपीचे नाव आहे. मिळालेल्या माहितीनुसार, सरकारी घरकुल योजनेचा लाभ आणि घरातील वीज बिलावरून चंद्रकांत आणि सतीश यांच्यात नेहमीच वाद होत असे. याच कारणावरून त्यांच्यात वाद झाला. हा वाद इतका पेटला की, रागाच्या भरात सतीने चंद्रकांतवर कोयत्याने हल्ला केला. या हल्ल्यात चंद्रकांत जागीच ठार झाला. या घटनेची माहिती मिळताच सातपाटी पोलिसांनी घटनास्थळी दाखल होऊन पंचनामा केला आणि सतीशला अटक केली.

आठ महिने उलटूनही आरोपीला अटक नाही

• मुंबई, (वा.) कॉफीमध्ये गुंगीचे औषध मिसळून अभिनेत्रीवर बलात्कार करण्यात आलेल्या प्रकरणात गुन्हा दाखल होऊन आठ महिने उलटले तरी अद्याप आरोपीला अटक करण्यात आलेली नाही. पीडित महिला गेल्या आठ महिन्यांपासून पोलिस ठाण्याच्या फेऱ्या मारत असूनही तिला न्याय मिळत नसल्याची घटना समोर आली आहे. पोलिस आरोपीला अटक करण्याचे धाडस का दाखवू शकत नाहीत, असा प्रश्न उपस्थित होत आहे.

पॉर्न फिल्म्समध्ये काम करणारा अभिनेता गौरव सिंग राजपूत (२८) याच्याविरुद्ध ओशिवरा पोलिसांनी बलात्काराचा गुन्हा दाखल करण्यात आला आहे. फरार आरोपीवर त्याच्या ३४ वर्षीय सह-अभिनेत्रीवर शूटिंगदरम्यान कॉफीमध्ये गुंगीचे औषध मिसळून बलात्कार केल्याचा आरोप आहे. एवढेच नाही तर त्याने तिचे अश्लील व्हिडीओ बनवून तिला ब्लॅकमेल करत तिच्यावर वारंवार बलात्कार केला असा या अभिनेत्रीचा आरोप आहे. पीडित अभिनेत्रीने पोलिसांकडे तक्रार करून आठ महिने उलटले तरी कारवाई झालेली नाही.

राजस्थानमध्ये गुन्हा या संदर्भात ओशिवरा पोलीस ठाण्याचे पोलीस

निरीक्षक गणेश गायके यांच्याशी संपर्क साधला असता त्यांनी सांगितले की, आरोपीने या अभिनेत्रीसोबत राजस्थानमध्ये हा गुन्हा केला आहे. आम्ही एफआयआर नोंदवला असून पुढील तपासासाठी हे प्रकरण राजस्थान पोलिसांकडे वर्ग केले जाणार आहे.

पटणा, . प्रशांत किशोर यांनी बिहारच्या मतदारांना एक अनोखे आवाहन केले आहे, ज्यात त्यांनी पैसे घेऊन मतदान करणाऱ्या मतदारांना पैसे घ्या पण पैसे देणाऱ्यांना मतदान करण्याऐवजी योग्य उमेदवाराला मतदान करा असे सांगितलं आहे. मत देण्यासाठी कोणी पैसे देत असेल तर ते घ्या, कारण तो तुमच तुमचाच पैसा आहे, जो राजकारण्यांनी लुटला आहे असा टोलाही प्रशांत किशोर यांनी लगावला. तसेच विरोधी पक्षांनी दिलेला पैसा घेण्यात काही गैर नाही, कारण तो जनतेचा पैसा आहे, मात्र जनतेने मतदानाच्या वेळी आपल्या बुद्धीचा वापर केला पाहिजे असेही म्हटले आहे. प्रशांत किशोर लोकांना म्हणाले की, विरोधक पैसे देत असतील तर ते नक्की घ्या, पण मतदानाच्या दिवशी आत जाऊन जन सुराज्यच्या बाजुने मतदान करा.

कोणी 500 रुपये देतील, कुणी दोन हजार रुपये देतील. मात्र हा पैसा सर्वसामान्य जनतेचा असून, इंदिरा आवास, रेशन कार्ड आणि अन्य योजनांमध्ये लाच म्हणून घेतला गेला आहे. नेत्यांनी 5 वर्षे जनतेचा पैसा लुटला आणि आता तोच पैसा निवडणुकीत थोडा थोडा देऊन मते विकत घेण्याचा प्रयत्न करत आहेत. जनतेच्या विश्वासाचा गैरवापरकरणाऱ्या नेत्यांना धडा शिकविण्याची ही संधी असल्याचे प्रशांत किशोर यांनी जनतेला सांगितले.

जन सुराज्यच्या समर्थनार्थ सर्वांनी मतदान करण्याचे आवाहन केले आणि जनतेच्या निर्णयानेच नवीन व्यवस्थेची आणि सुशासनाची सुरुवात शक्य असल्याचे आश्वासन दिले.

प्रशांत किशोर यांनी लालू यादव आणि नितीश कुमार यांच्यावर थेट हल्लाबोल करताना म्हटले की, हे लोक बिहारमध्ये 35 वर्षांपासून सत्तेत आहेत, मात्र बिहारच्या शेतकऱ्यांना आजपर्यंत शेतीसाठी जमीन देण्यात आलेली नाही. आता वेळ आली आहे की, बिहारमध्ये एक नवीन व्यवस्था बनवायला हवी, जी प्रत्यक्षात जनतेच्या हिताला प्राधान्य देईल.

निवडणुकीत सल्ला देण्यासाठी 100 कोटी घेतो

जनसुराज्य पक्षाचे संयोजक तथा माजी निवडणूक रणनीतीकार प्रशांत किशोर यांनी स्वतः संदर्भात एक मोठा खुलासा केला आहे. किशोर म्हणाले, जेव्हा आपण निवडणूक रणनीतीकार म्हणून काम करत होतो. तेव्हा केवळ एका निवडणुकीत कुठल्याही पक्षाकडून अथवा नेत्याकडून सल्ला देण्यासाठी 100 कोटी अथवा त्याहूनही अधिक शुल्क घेत होतो.  प्रशांत किशोर यांनी विहारच्या बेलागंज येथे होत असलेल्या पोटनिवडणुकीच्या प्रचारादरम्यान गुरुवारी हा खुलासा केला. प्रशांत किशोर हे गुरुवारी बेलागंजमध्ये जन सूराज्यचे उमेदवार मोहम्मद अमजद यांच्या समर्थनार्थ प्रचार करत होते.  यावेळी, आपण प्रचारासाठी पैसा कुठून आणतात, असा प्रश्न आपल्याला नेहमीच विचारला जातो? तर आपण निवडणुकीमध्ये पक्षाच्या कोणत्याही नेत्याला सल्ला देण्यासाठी 100 कोटींहून अधिक शुल्क आकारतो, असे त्यांनी म्हटले आहे.

नागपूर : वैद्यकीय शिक्षण घेताना युवक वर्गमैत्रिणीच्या प्रेमात पडला. दोघेही डॉक्टरची पदवी घेऊन बाहर पडताच प्रेमविवाह केला. मात्र, त्याच महाविद्यालयातील अन्य चार तरुणीशीही त्याचे अनैतिक संबंध असल्याचे उघडकीस आले. संसार तुटण्याच्या मार्गावर असतानाच पत्नीने भरोसा सेलमध्ये धाव घेतली. समूपदेशनानंतर त्यानेही प्रेमप्रकरणाची कबुली दिली आणि भविष्यात अनैतिक संबंध न ठेवण्याचे पत्नीला वचन दिले. अशाप्रकारे डॉक्टर दाम्पत्याचा संसार पुन्हा फुलला.

सुनील आणि श्वेता (बदललेले नाव) हे दोघेही एकाच वैद्यकीय महाविद्यालयात शिक्षण घेत होते. दोघेही अभ्यास हुशार होते. शिक्षण घेताना सुनीलने तिच्याशी मैत्री केली. दोघांची मैत्री काही दिवसांत प्रेमसंबंधात बदलली. त्यांनी पदवी पूर्ण झाल्यानंतर प्रेमविवाह करण्याचा निर्णय घेतला. यादरम्यान, दोघांचेही प्रेमप्रकरणाची महाविद्यालयात मोठी चर्चा होती. डॉक्टरची पदवी घेतल्यानंतर सुनील आणि श्वेता यांनी कुटुंबियांच्या परवानगीने प्रेमविवाह केला. तो धरमपेठमधील एका नामांकित हॉस्पिटलमध्ये नोकरी करायला लागला तर श्वेताने स्वतःचे क्लिनिक उघडले. वर्षभर संसार सुरळीत सुरु होता. त्यांना एक गोंडस बाळ झाले आणि काही दिवसांतच सुनीलचा स्वभाव बदलला. तो उशिरा घरी यायला लागला आणि तो बरेचदा मोबाईलवर कुणाशीतरी बोलत राहायचा. त्यामुळे श्वेताला त्याच्यावर संशय आला. त्याला जुगाराचा नाद लागला आणि कर्जसुद्धा काढले. पगारही तो जुगारात गमवायला लागला. कर्ज मागणाऱ्यांचे धमक्यांचे फोन आणि काही जण थेट घरापर्यंत यायला लागले. त्यामुळे घरात वाद-विवाद सुरु झाले. शेवटी श्वेता घटस्फोटाच्या निर्णयापर्यंत पोहचली.

पतीचे चार तरुणींशी प्रेमसंबंध

डॉ. सुनीलचे दोन वर्गमैत्रिणींशी प्रेमप्रकरण सुरु असल्याची माहिती पत्नी डॉ. श्वेता हिला मिळाली. तिने दोन्ही डॉक्टर मैत्रिणींची समजूत घालून संसारात विघ्न न घालण्याची विनंती केली. मात्र, पती मानायला तयार नव्हता. तसेच हॉस्पिटलमधील एक महिला डॉक्टर आणि एका परिचारिकेशीही त्याचे प्रेमसंबंध असल्याची बाब उघडकीस आली. त्यापैकी एका डॉक्टर महिलेला तर लग्नाचेही आमिष दाखविल्याचे उघडकीस आले. त्यामुळे पत्नीने डोक्यावर हात मारुन घेतला.

समूपदेशनाने संसार फुलला

डॉ. सुनीलविरुद्ध पत्नी डॉ. श्वेताने रितसर लेखी तक्रार भरोसा सेलला केली. पोलीस निरीक्षक सीमा सूर्वे यांनी त्याला भरोसा सेलमध्ये बोलावले. जयमाला बारंगे यांनी डॉ. सुनीलचे समूपदेशन केले. तो प्रेमप्रकरण असल्याचे मान्य करीत नव्हता. शेवटी पोलिसांनी त्याच्या मोबाईलचा तांत्रिक तपास केला असता सत्य स्थिती उघडकीस आली. त्यामुळे डॉ. सुनीलने चारही तरुणींशी प्रेमसंबंध असल्याची कबुली दिली. त्या चारही तरुणींची पोलिसांनी समजूत घातली. त्या तरुणींनीही डॉ. सुनीलचा नाद सोडला तर त्यानेही प्रेमसंबंध संपविण्याचे वचन पत्नीला दिले. भरोसा सेलच्या प्रयत्नाने दोघांचाही सुखी संसार पुन्हा फुलला.

गडचिरोली : लोकसभा असो की विधानसभा विरोधी पक्षनेते विजय वडेट्टीवार गडचिरोलीत कायम हस्तक्षेप करतात. जिल्ह्यातील नेत्यांना डावलून परस्पर निर्णय घेतात. इतके वर्ष प्रामाणिकपणे पक्षात कार्य करूनही आमची कोंडी होत असेल तर वेगळा मार्ग का निवडू नये, असा सवाल उपस्थित करून आरमोरीचे माजी आमदार आनंदराव गेडाम ची यांनी आपण अर्ज मागे घेणार नसल्याचे सांगितले आहे. त्यामुळे काँग्रेसच्या अडचणीत वाढ झाली आहे.

जिल्ह्यातील तिन्ही विधानसभेत सर्वाधिक बंडखोरी काँग्रेसमध्ये झाली आहे. उमेदवारी न मिळाल्याने इच्छुकांमध्ये अस्वस्थता आहे. यात आरमोरी विधानसभेतून काँग्रेसचे माजी आमदार आनंदराव गेडाम यांनी बंडाचे निशाण कायम ठेवण्याचा निर्णय घेतला असून त्यांनी विरोधी पक्षनेते विजय वडेट्टीवर यांच्यावर टीका केली आहे. याठिकाणी काँग्रेसने माजी आमदार गेडाम यांना डावलून रामदास मसराम यांना संधी दिली आहे. त्यामुळे काँग्रेसकडून इच्छुक असेलेले माजी आमदार आनंदराव गेडाम, वामनराव सावसागडे, डॉ. शिलू चिमुरकर यांनी अपक्ष अर्ज दाखल केला आहे. ४ नोव्हेंबर अर्ज मागे घेण्याचा शेवटचा दिवस आहे. दरम्यान, पक्षाकडून नाराजांची समजूत काढण्याचा प्रयत्न होत आहे. यासंदर्भात माजी आमदार आनंदराव गेडाम यांना विचारणा केली असता त्यांनी विजय वडेट्टीवार यांच्यावर टीका केली आहे. ते म्हणाले, वडेट्टीवार नेहमीच गडचिरोली जिल्ह्यात हस्तक्षेप करतात. जिल्ह्यातील आदिवासी नेत्यांकडे दुर्लक्ष केल्या जाते. आम्ही देखील इतके वर्ष पक्षासाठी काम केले. पण वडेट्टीवारांकडून आमची कायम कोंडी केल्या जाते. विधानसभा निवडणुकीसाठी उमेदवार निवडीत देखील हाच प्रकार झाला. सर्वच दृष्टीने मी पात्र असताना देखील एका नवख्या आणि निष्क्रिय व्यक्तीला संधी देण्यात आली. हे केवळ वडेट्टीवार यांच्या हस्तक्षेपामुळे झाले. अशी टीका करून गेडाम यांनी अपक्ष अर्ज मागे घेणार नाही, असे स्पष्ट केले. गेडाम यांच्या बंडामुळे आरमोरीत काँग्रेसला मत विभाजनाचा फटका बसू शकतो, असे जाणकार सांगतात. त्यामुळे काँग्रेस काय भूमिका घेणार हे पाहणे औत्सुक्याचे ठरणार आहे.

अहेरी, गडचिरोलीतही आव्हान

जिल्ह्यात केवळ आरमोरीच नव्हे तर अहेरी आणि गडचिरोलीत देखील काँग्रेस समोर बंडखोरांचे आव्हान आहे. गडचिरोलीत विश्वजीत कोवासे, डॉ. सोनल कोवे तर अहेरीत हणमंतू मडावी आणि नीता तलांडी यांनी अपक्ष अर्ज दाखल केला आहे. यातून कोवासे, कोवे हे माघार घेऊ शकतात पण मडावी आणि तलांडी ठाम आहेत. त्यामुळे महाविकास आघाडीच्या उमेदवाराला याचा फटका बसू शकतो. बंडखोरांची समजूत काढण्यासाठी काँग्रेसचे काही महत्त्वाचे पदाधिकारी उद्या गडचिरोलीत येणार आहे. त्यांच्या भेटीनंतर चित्र स्पष्ट होणार आहे.

आरमोरी विधानसभा क्षेत्राचे माजी आमदार हरिरामजी वरखडे यांचे आज 2 नोव्हेंबर रोजी रात्री 9 वाजता दरम्यान नागपूर येथील एका खाजगी रुग्णालयात उपचारदरम्यान निधन झाले .

सुरवातीला शिक्षकी पेशात असतांना झाडीपट्टी रंगभूमी च्या माध्यमातून अनेक भूमिका साकारलेले वरखेडे गुरुजी जनमाणसात अत्यंत लोकप्रिय होते.त्यांची लोकप्रियता बघून शिवसेनेने 1990 मध्ये त्यांना आरमोरी विधानसभा क्षेत्रातून उमेदवारी दिली. त्यावेळी त्यांनी तब्बल 36 हजार 528 मते घेत विजयी पताका फडकविली होती. 1990 ते 1995 च्या दरम्यान गडचिरोली जिल्ह्यात शिवसेनेचे पहिले आमदार होण्याचा बहुमान त्यांनी पटकविला होता.नंतर ते छगन भुजबळ यांच्यासोबत काँग्रेसवासी झाले होते.

समाजकारण व राजकारणात नेहमीच सक्रिय राहणारे वरखडे गुरुजी अत्यंत सुस्वभावी व मनमिळाऊ होते. कुरखेडा, कोरची सह आरमोरी विधानसभा क्षेत्रातील दुर्गम भागात त्यांनी गोरगरीब आदिवासी विद्यार्थ्यांसाठी शिक्षणाच्या सोयीसुविधा उपलब्ध करून दिल्या होत्या. काही दिवसापूर्वी त्यांच्यावर यशस्वी हृदय शस्त्रक्रिया देखील झाली होती. मात्र पुन्हा प्रकृती खालावल्याने त्यांच्यावर नागपूर येथे उपचार सुरु होते. मात्र आज 2 नोव्हेंबर रोजी त्यांची प्राणज्योत मावाळली.त्यांच्या पच्छात पत्नी,मुलगी, जावाई, नात व बराच मोठा आप्त परिवार आहे. उद्या त्यांच्या पार्थिवावर मुळगावी जोगीसाखरा येथे सकाळी 11 ते 12 च्या दरम्यान अंत्यसंस्कार करण्यात येणार आहेत.तत्पुर्वी काही वेळासाठी आरमोरी येथे त्यांच्या निवासस्थानी

पार्थिव अंत्यदर्शनासाठी ठेवन्यात येणार आहे.

आरमोरी: जनसेवक ,सर्वसामान्य व्यक्तिमत्व, नटवर्य, उत्कृष्ट नाटककार, तथा शिक्षक ,सर्वांशी मिळून मिसळून राहणारे अष्टपैलू व्यक्तीमहत्व माजी आमदार आदरणीय हरिरामजी आत्मारामजी वरखडे साहेब यांचे वृद्धापकाळाने नागपूर येथे उपचारादरम्यान दिनांक 02 नोहेंबर 2024 ला रात्री 09:00 वा. दु:खद निधन झाले.  

*अंत्य विधी दिनांक 03 नोव्हेंबर 2024*

आरमोरी येथील निवासस्थानी त्यांच्या पार्थिववर सकाळी 10:00 वाजेपर्यंत दर्शन.

-सकाळी 10 वा नंतर आरमोरी हून मूळ गाव जोगीसाखरा येथे अंतिम संस्कार करिता अंतिम यात्रा.

-सकाळी 11:00 ते 1:00वाजेपर्यंत जोगीसाखरा येथील मूळ निवासस्थानी अंतिम दर्शन. 

-दुपारी 2 वा जोगिसाखरा येथील रामपुरी रोडवरील गाढवी नदी तीरावरील शेतावर (शेतमाऊली) अंतिम संस्कार.

*💐शोकाकुल💐*

     वरखडे परिवार तथा समस्त मित्र मंडळी 🙏🏻

भद्रावती : पाळीव गुरांसाठी हिरवा चारा आणण्यासाठी शिवारात गेलेल्या एका ७८ वर्षीय वृद्धाचा वाघाच्या हल्ल्यात मृत्यू झाला. ही घटना बुधवारी (दि. ३०) कोंढेगाव शिवारात दुपारी २ वाजेच्या सुमारास घडली. श्रीराम मडावी (रा. कोंढेगाव) असे मृतकाचे नाव आहे.

या घटनेने परिसरातील नागरिक दहशतीत आहेत. कोंढेगाव हे जंगलव्याप्त गाव आहे. श्रीराम मडावी हे बुधवारी सकाळी गावालगतच्या शिवारात आपल्या पाळीव गुरांसाठी हिरवा चारा आणण्यासाठी गेले होते. झुडपातून चारा काढत असताना दबा धरून बसलेल्या वाघाने त्यांच्यावर हल्ला केला. त्यात त्यांचा घटनास्थळीच मृत्यू झाला. घटनेचा माहिती मिळाल्यानंतर वन विभाग व ठाणेदार अमोल काचोरे यांचे पथक घटनास्थळी पोहोचले.

शवविच्छेदन केल्यानंतर पार्थिव कुटुंबीयांकडे सुपूर्द करण्यात आले. श्रीराम मडावी यांचा दुर्दैवी मृत्यू झाल्याने गावात हळहळ व्यक्त होत आहे.

 देलनवाडी: शेतकऱ्यांना हमीभाव धान खरेदी करण्याकरिता ऑनलाइन नोंदणी करावी लागते; परंतु मागील आठ दिवसांपासून पोर्टलची साइट बंद असल्याने शेतकऱ्यांना नोंदणी करताना अडचणी येत आहेत.  देलनवाडी परिसरातील शेतकरी आठवडाभरापासून शेतकरी आदिवासी विविध कार्यकारी संस्थेच्या कार्यलयात हेलपाटे मारत आहेत.

आदिवासी विविध कार्यकारी संस्थेमार्फत हमीभाव धान खरेदीकरिता सन २०२४-२५ करिता २० आक्टोबर २०२४ पासून हमीभाव धान खरेदीचे फार्म भरणे सुरू झाले आहे. त्यासाठी दररोज १०० ते २०० शेतकरी ऑनलाइन नावनोंदणी करण्याकरिता कामधंदे सोडून सोसायटीत येतात. मात्र, काम होत नाही. त्यामुळे शेतकऱ्यांना आर्थिक व मानसिक त्रास सहन करावा लागत आहे. आठवडाभरापासून साईट बंद असल्याने पुन्हा घरी परत जावे लागते. शेतकरी नावनोंदणीची पोर्टल

शासनस्तरावरूच बंद असल्याचे शेतकऱ्यांना सांगितले जात आहे. ऑक्टोबर महिना उलटत असतानाही शेतकऱ्यांची ऑनलाइन नोंदणी झालेली नाही. त्यामुळे लवकरात लवकर पोर्टल सुरू करावी, अशी मागणी परिसरातील शेतकऱ्यांनी केली आहे.

शेतकऱ्यांत दहशत : तत्काळ बंदोबस्त करण्याची मागणी

गडचिरोली : पोर्ला वनपरिक्षेत्रातील चुरचुरा उपक्षेत्राच्या जंगलातून मरेगाव बिटातील देलोडा परिसरात हत्तींनी सोमवारी प्रवेश केला. येथे एक दिवस धुडगूस घातल्यानंतर हत्तींच्या कळपाने पुन्हा चुरचुरा चेक परिसरात पुनरागमन केले. त्यामुळे या भागातील शेतकऱ्यांची धाकधूक पुन्हा वाढलेली आहे.

हत्तींचा कळप १० दिवसांपूर्वी गडचिरोली वन विभागातून दिभनाच्या जंगलात दाखल झाला होता. या कळपाने दिभना, जेप्रा, कळमटोला, धुंडेशिवणी व पिपरटोला भागातील शेतकऱ्यांच्या धान पिकाची नासधूस करीत चुरचुरा जंगल परिसरात प्रवेश केला. या भागात तीन ते चार दिवस धान पिकावर ताव मारला. पुन्हा हा कळप नवरगावमार्गे देलोडा बिटात सोमवारी दाखल झाला. येथे एक दिवस शेतकऱ्यांच्या पिकाची नासाडी केल्यानंतर हा कळप पुढे सिर्सी बिटात जाईल, असे वाटत होते; परंतु हत्तींनी आपला मोर्चा चुरचुराकडे वळविला.

कापणीला आलेले धानपीक हिरावतोय कळप

 सध्या अल्प मुदतीच्या व मध्यम प्रतिच्या धानाची कापणी व बांधणी सुरू आहे. काही भागांत अल्प मुदतीच्या धान पिकाची मळणीसुद्धा सुरू झालेली आहे. अशातच शेतकऱ्यांच्या हातात येणाऱ्या उभ्या पिकांवरही हत्तींचा कळप ताव मारत असल्याने शेतकरी त्रस्त आहेत. चुरचुरा व देलोडा भागातील अनेक शेतकऱ्यांच्या धान पिकाची नासधूस हत्तींच्या कळपाने केलेली आहे.

कळपाचे तळ्यात मळ्यात

रानटी हत्तींचा कळप दोन दिवसांपूर्वी पाल नदी ओलांडून मरेगाव उपक्षेत्रातील देलोडा परिसरात दाखल झाला; परंतु, तेथील वातावरण कळपाला मानवले नसावे. पुन्हा हा कळप चुरचुरा चेक परिसरात मागे फिरला. यामुळे या कळपाचे सध्यातरी तळ्यात मळ्यात दिसून येत आहे.

आरमोरी : सीताबर्डी येथील जिल्हा परिषद शाळेतील चौथ्या वर्गात शिकत असलेल्या मुलींसोबत गैरवर्तन करणाऱ्या चंद्रभान मोतीराम बांबोळे या शिक्षकाला आरमोरी पोलिसांनी अटक केली आहे. शिक्षण विभागाने त्याला निलंबित केले आहे. तसेच शाळेत होत असलेल्या गैरवर्तनाबाबत वरिष्ठांना कळवण्यात कसूर केल्याबद्दल मुख्याध्यापिका दिलेश्वरी दामोधर कोटांगले यांनाही शिक्षण विभागाने निलंबित केले आहे.

चंद्रभान बांबोळे या आरोपी शिक्षकाची मुख्य नियुक्ती ठाणेगाव येथील जिल्हा परिषद शाळेतील आहे. मात्र, गटशिक्षणाधिकाऱ्यांनी त्याला सीताबर्डी येथील जिल्हा परिषद शाळेत पदस्थापना दिली. अशा विक्षिप्त स्वभावाच्या व्यक्तीला आरमोरी सारख्या शहरातील शाळेत नेमकी कोणत्या कारणासाठी पदस्थापना दिली, हे मात्र कळण्यास मार्ग नाही. आरमोरीचे गटशिक्षणाधिकारी नरेंद्र कोकुडे यांच्याशी संपर्क साधला असता त्यांनी फोन उचलला नाही.

बेशिस्त वर्तन अंगलट : कारणे दाखवा

 अहेरी : अहेरी विधानसभा क्षेत्रातील मतदान पथकातील कर्मचाऱ्यांना प्रशिक्षण देत असताना या प्रशिक्षणात सहभागी काही मतदान केंद्राध्यक्ष मद्य प्राशन करून असल्याचे निदर्शनास आले. 'लोकमत'ने याबाबत वृत्त प्रकाशित केल्यानंतर निवडणूक निर्णय अधिकाऱ्यांनी संबंधित अधिका-यांना कारणे दाखवा नोटीस बजावली. मात्र, याबाबत खुलासा सादर करण्यात न आल्याने अखेर नायब तहसीलदार नाना दाते यांच्या फिर्यादीवरून प्रशिक्षणार्थी शिक्षकावर मंगळवारी गुन्हा दाखल झाला.

आलापल्ली येथील आयटीआयमध्ये २७ ऑक्टोबर रोजी प्रशिक्षण सुरू असताना हा प्रकार उजेडात आला. आता कारणेदाखवा नोटीस बजावल्यानंतर संबंधित कर्मचाऱ्यांवर फौजदारी कारवाई करण्यात आली. लोकप्रतिनिधित्व अधिनियम १९५१चे कलम १३४ अन्वये बुधवारला अहेरी पोलिस ठाण्यात गुन्हा दाखल करण्यात आला. देवलमरी येथील भगवंतराव आश्रमशाळेतील शिक्षक श्रावण वासेकर यांच्याविरुद्ध गुन्हा दाखल करण्यात आला आहे.

मद्यपान करणारे कर्मचारी धास्तावले...

 निवडणूक विभागाने केलेल्या या कारवाईमुळे अहेरी उपविभागातील कर्मचारी धास्तावले आहेत. दुर्गम, अतिदुर्गम भागात निवडणुकीसारख्या महत्त्वाच्च्या वेळी काही कर्मचारी बेशिस्त वर्तन करत असल्याचे यापूर्वी देखील उघडकीस आलेले आहे.

आरमोरी: प्रेम सबंध प्रस्थापित केल्यानंतर फोटो व्हायरल करण्याची धमकी देऊन पिडीतेचे शारीरीक शोषण करणाऱ्या आरोपी युवकाविरूद्ध पोस्को अंतर्गत गुन्हा दाखल करून त्याला अटक करण्यात आल्याची घटना आज २९ ऑक्टोबर रोजी आरमोरीत घडली.

कुणाल घनश्याम धाकडे (२१) रा. सिद्धार्थनगर, आरमोरी असे अटक करण्यात आलेल्या आरोपीचे नांव आहे. त्याला न्यायालयाने ३१ ऑक्टोबर पर्यंत पोलीस कोठडी ठोठावली आहे. पिडीत युवती ९ व्या वर्गात शिकत असतांना आरोपीने तिच्यासोबत प्रेमसबंध निर्माण केले व अश्लिल फोटो काढले. पिडीता १० वीत गेल्यानंतर आरोपीने तिच्याघरी तसेच नागपूर येथील एका युवकाच्या रूमवर बोलावून त्याच्या मोबाईलमध्ये असलेले अश्लिल फोटो व्हायरल करतो अशी धमकी देऊन शारीरीक अत्याचार केला तसेच मारहाण केली. याबाबत पिडीत युवतीने आरमोरी पोलीस ठाण्यात तक्रार दाखल केली.

आरमोरी पोलीसांनी आरोपी कुणाल धाकडे यास अटक करून त्याच्यावर भारतीय न्याय संहिता २०२३ अंतर्गत ६४(२) (ग्) ६४(२) (२) ६४ (२) (स) ४,६,८,१२ पोस्को अंतर्गत गुन्हा दाखल केला. आज दिनांक २९ ऑक्टोबरला आरोपी धाकडे यास न्यायालयासमोर हजर केले असता न्यायालयाने ३१ ऑक्टोबर पर्यंत पोलीस कोठडी सुनावण्यात आली आहे. अधिक तपास आरमोरी पोलीस ठाण्याचे पोलीस उपनिरीक्षक संतोष कडाळे करीत आहेत.

विधानसभा मतदारसंघनिहाय निवडणूक निरीक्षकांची नियुक्ती

गडचिरोली, दि. 29 - विधानसभा सार्वत्रिक निवडणूकीसाठी भारत निवडणूक आयोगाने भारतीय प्रशासकीय सेवेत कार्यरत अधिकाऱ्यांची विधानसभा मतदार संघनिहाय निवडणूक निरीक्षक (सामान्य) नेमणूक केली आहे. गडचिरोली जिल्ह्यात 67-आरमोरी (अ.ज.) विधानसभा मतदारसंघासाठी विनीत कुमार, 68-गडचिरोली (अ.ज.) विधानसभा मतदारसंघासाठी राजेंद्र कुमार कटारा, आणि 69-अहेरी(अ.ज.) विधानसभा मतदारसंघासाठी अनिल कुमार ठाकूर यांची नियुक्ती करण्यात आली आहे.

67-आरमोरी (अ.ज.) विधानसभा मतदारसंघासाठी नियुक्त विनीत कुमार यांचा संपर्क क्रमांक 9404306018 व 07137-272021 असा असून ते नागरिकांच्या तक्रारी जाणून घेण्यासाठी शासकीय विश्रामगृह आरमोरी येथे सकळी 11 ते दुपारी 1 पर्यंत उपलब्ध राहतील.

68-गडचिरोली (अ.ज.) विधानसभा मतदारसंघासाठी नियुक्त राजेंद्र कुमार कटारा यांचा संपर्क क्रमांक 9404306011 असा असून ते नागरिकांच्या तक्रारी जाणून घेण्यासाठी गोंडवाना विद्यापीठ गडचिरोली येथील विश्रामगृहात सकाळी 11 ते दुपारी 12 पर्यंत उपलब्ध राहतील.

69-अहेरी (अ.ज.) विधानसभा मतदारसंघासाठी नियुक्त अनिल कुमार ठाकूर यांचा संपर्क क्रमांक 9404306029 असा असून ते नागरिकांच्या तक्रारी जाणून घेण्यासाठी शासकीय विश्रामगृह आलापल्ली येथे सायंकाळी 4 ते 6 या वेळेत उपलब्ध राहतील.

निवडणुकीशी संबंधित बाबी संदर्भात कोणत्याही राजकीय पक्षाची, उमेदवारांची, नागरिकांची किंवा मतदाराची तक्रार असल्यास त्यांनी निवडणूक निरीक्षक यांच्या मोबाईल क्रमांकावर किंवा विश्रामगृह येथे दिलेल्या वेळेत प्रत्यक्ष भेटून तक्रार सादर करण्याचे आवाहन करण्यात आले आहे.

00000

दहा वर्षांपूर्वी सोडले गाव : २०२३ मध्ये पुस्तकही प्रकाशित

अर्जुनी मोरगाव : विमान कंपन्या, रेल्वे स्टेशन यांना ई-मेल पाठवून धमक्या देणारा जगदीश उईके हा गोंदिया जिल्ह्याच्या अर्जुनी मोरगाव तालुक्यातील ताडगाव टोली येथील मूळ रहिवासी आहे. सध्या त्याचे कुटुंबीय गोंदिया येथे वास्तव्यास असल्याची माहिती आहे. तपासात त्याचे नाव पुढे आल्याने मंगळवारी खळबळ उडाली.

उईकेने हे कृत्य केल्याचा नागपूर पोलिसांना संशय आहे. उईके याला यापूर्वी २०११ मध्ये दहशतवादावरील एका लेखाच्या प्रकरणातही अटक केल्याची माहिती आहे.

जगदीशच्या मागावर पोलिस

सूत्रांच्या माहितीनुसार, विविध धमक्यांचे ई-मेल पाठविणारा संशयित आरोपी जगदीश उईके सध्या फरार आहे. त्याला लवकरच अटक करण्यासाठी पोलिसांचे विशेष पथक स्थापन करण्यात आले आहे. पथकाकडून आरोपीचा कसून शोध घेतला जात आहे.

आणखी १०० विमानांत बॉम्ब ठेवल्याच्या धमक्या नवी दिल्ली/

मुंबई : भारतातील विविध विमान कंपन्यांच्या सुमारे १००हून अधिक विमानांमध्ये बॉम्ब ठेवल्याच्या धमक्या मंगळवारी देण्यात आल्या अशी माहिती सूत्रांनी दिली. गेल्या १६ दिवसांत देशात व आंतरराष्ट्रीय मार्गावर उड्डाण करणाऱ्या ५१० विमानांमध्ये बॉम्ब ठेवल्याच्या धमक्या देण्यात आल्या. यातील बहुसंख्य धमक्या या सोशल मीडियाद्वारे मिळाल्या आहेत.

 गडचिरोली : हलक्या धानाची मळणी होऊन विक्री केली जात आहे. या धानाला जुन्या धानाच्या तुलनेत तब्बल एक हजार रुपये भाव कमी मिळत आहे. व्यापारी शेतकऱ्याला प्रतिक्विंटल २ हजार ३०० ते २ हजार ५०० रुपये भाव देत आहेत. मात्र, काहीच पर्याय नसल्याने धान विकावे लागत आहे.

गडचिरोली जिल्ह्यातील कमी, मध्यम व जास्त कालावधीचे धान, अशा तीन प्रकारच्या धानाची लागवड केली जाते. ज्या शेतकऱ्यांकडे सिंचनाची सुविधा नाही, असे शेतकरी कमी कालावधीच्या धानाची लागवड करतात. हे धान आता निघाले आहे. दिवाळी व इतर खर्च राहत असल्याने शेतकरी धान निघताच त्याची विक्री करतात.

जिल्ह्यात धान खरेदी केंद्र अजूनपर्यंत सुरू झाले नाही. परिणामी, खासगी व्यापाऱ्याकडे धान विकल्याशिवाय काहीच पर्याय शिल्लक नाही. मात्र, धानाला अतिशय कमी भाव दिला जात आहे. जुन्या धानाला ३ हजार ३०० रुपये ते ३ हजार ४०० रुपये एवढा भाव दिला जात आहे. त्या तुलनेत नवीन धानाला अतिशय कमी भाव आहे.

शेतकऱ्यांनी विक्रीसाठी घाई करू नये

• मागील वर्षीसुद्धा नवीन धानाला तीन हजार रुपये भाव मिळाला होता. मागील वर्षीच्या तुलनेत या वर्षी किमान २०० रुपये तरी अधिक भाव मिळाल्यास धानाचा भाव किमान ३ हजार २०० रुपये राहण्याची शक्यता आहे. त्यामुळे धानाची विक्री करण्यासाठी शेतकयांनी घाई करू नये, असा सल्ला या क्षेत्रातील तज्ज्ञांकडून दिला जात आहे.

गडचिरोली : आदिवासी विकास महामंडळाच्या गडचिरोली व अहेरी प्रादेशिक कार्यालयाअंतर्गत जिल्हाभरात एकूण ९० आधारभूत केंद्रांवरून यंदाच्या खरीप हंगामात धानाची खरेदी होणार आहे. गडचिरोली क्षेत्रात ५३ व अहेरीत ३७ असे एकूण ९० केंद्र मंजूर झाले असून या केंद्रांवर शेतकऱ्यांची नोंदणी सुरू आहे. धानाची आवक सध्या झाली नसली तरी आवक झाल्यावर काटा होणार आहे. विशेष म्हणजे, आदिवासी विकास महामंडळाने धानखरेदीपोटीचे मागील हंगामातील ३० टक्के कमिशन आदिवासी विविध कार्यकारी संस्थांना अदा केले आहे. त्यामुळे यावर्षी धान खरेदीत कुठलीही अडचण नाही, असे महामंडळाच्या गडचिरोली कार्यालयाचे प्रादेशिक व्यवस्थापक सोपान सांभरे यांनी  सांगितले.

आविका संस्थांच्या बऱ्याच मागण्या प्रलंबित होत्या. यामध्ये धानातील तुट, प्रलंबित कमिशन, बारदाना, नुकसान व इतर विषयांचा समावेश होता. महामंडळाच्या व्यवस्थापकीय संचालक तसेच वरिष्ठ अधिकाऱ्यांनी यावर तोडगा काढतयातील बरेचसे प्रश्न मार्गी लावले. शासनाच्या अनुदानाची प्रतीक्षा न करता महामंडळाच्या निधीतून आविका संस्थांचे गतवर्षीच्या हंगामातील ३० टक्के कमिशन अदा केले आहे. त्यामुळे आविका संस्थांना दिलासा मिळाला असून त्या यंदा धान खरेदी करण्यासाठी तयार झाल्या आहेत.

गोदामात चार लाख बारदाना उपलब्ध

• बारदानाअभावी धान खरेदीमध्ये अडथळा येऊ नये म्हणून महामंडळाच्या गडचिरोली प्रादेशिककार्यालयाने बारदान्याची व्यवस्था केली आहे. गोदामामध्ये सध्या चार लाख इतका बारदाना उपलब्ध आहे. •

 अहेरी कार्यालयाकडेही बारदाना उपलब्ध आहे. त्यामुळे धान खरेदीला सध्यातरी अडचण नाही. बोनसची रक्कम वाढली असल्यामुळे यंदाही जिल्ह्यात महामंडळाची विक्रमी धान खरेदी होणार आहे.

आरमोरी : शाळेतील मुलींना बॅड टच करणाऱ्या आरमोरी येथील सीताबर्डी जिल्हा परिषद प्राथमिक शाळेचा शिक्षक चंद्रभान बांबोळे (५०) याला आरमोरी पोलिसांनी २८ ऑक्टोबर रोजी अटक केली आहे. शिक्षकी पेशाला कलंक लावणाऱ्या या शिक्षकाला कडक शिक्षा द्यावी, अशी मागणी पालकांनी केली आहे.

चंद्रभान बांबोळे हा चौथ्या वर्गाचा वर्गशिक्षक आहे. मुलींच्या खांद्यावर हात ठेवणे, कमरेत हात घालणे, मुलींच्या खांद्यावर स्वतःचे डोके ठेवणे, खाऊ देऊन मुलींची पप्पी घेणे अशा प्रकारचे असभ्य वर्तन वर्गातच करीत होता. त्याचे हे वर्तन बघून काही मुली दुसऱ्या वर्गामध्ये जाऊन बसत होत्या. याबाबतची माहिती शाळेतीलच एका शिक्षकाने पालकाला दिली. 

त्यानंतर पालकाने मुलींकडे शहानिशा केली. तेव्हा बाब सत्य असल्याचे दिसून आले. एका पालकाने याबाबतची तक्रार आरमोरी पोलिस स्टेशनमध्ये दाखल केली.

पीडित मुलीच्या आईच्या तक्रारीवरून आरोपी शिक्षक चंद्रभान बांबोळे याच्याविरोधात भारतीय न्याय संहिता कलम ७४ सहकलम १२ पोक्सो अंतर्गत गुन्हा नोंद करून अटक करण्यात आली आहे. अधिक तपास आरमोरी पोलिस स्टेशनच्या महिला पोलिस उपनिरीक्षक ज्योती राक्षे करीत आहेत.

 Nagpur news : नागपूर : अहमदनगरच्या एका बेरोजगार युवकाने पोलीस विभागात कार्यरत पोलीस उपनिरीक्षकाला प्रेमाच्या जाळ्यात अडकविले. तिला लग्नाचे आमिष दाखवून हॉटेलमध्ये नेऊन शारीरिक संबंध ठेवले. शारीरिक संबंधाचा व्हिडिओ सोशल मिडियावर व्हायरल केला. सध्या गर्भवती महिला पोलीस उपनिरीक्षकाने सोलापूर पोलीस ठाण्यात तक्रार केली. पोलिसांनी विविध कलमान्वये गुन्हा नोंदवून तपास नागपुरात वर्ग केला. या प्रकरणाची नागपूर पोलिसांनी माहिती तंत्रज्ञान कायदा, फसवणूक प्रकरणी गुन्हा दाखल केला असून पुढील तपास सुरू आहे.

३१ वर्षीय पीडित तरुणीची पोलीस उपनिरीक्षकपदी निवड झाली होती. २०२३ मध्ये ती पोलीस रुजू झाली. दरम्यान लग्नासाठी तिने विवाह संकेतस्थळावर ‘बायोडाटा अपलोड’ केला. तिथे ३२ वर्षीय आरोपी युवकाचा बायाडोटा होता. त्यात त्याने शासकीय इलेक्ट्रिकल कंत्राटदार असून इतरही व्यवसाय असल्याची नोंद केली होती. बायोडाटा पाहिल्यावर तो पीडित तरुणीच्या संपर्कात आला. डिसेंबर २०२३ मध्ये तो शहरात आला. महिला पोलीस उपनिरीक्षकाला हॉटेलमध्ये घेऊन गेला. लग्नाचे आमिष दाखवून तिच्याशी शारीरिक संबंध प्रस्थापित केले. लग्नापूर्वीच ती महिला अधिकारी गर्भवती राहिली. त्यामुळे तिने लग्नाची गळ घातली. दोघांनीही आपापल्या कुटुंबियांना प्रेमप्रकरणाबाबत माहिती दिली. दोघांच्याही कुटुंबियांनी लग्न करण्याची तयारी दर्शविली. २०२४ मध्ये आरोपीने तरुणीसोबत लग्न केले. लग्नानंतर आरोपीचे बींग फुटले. पती बेरोजगार असून कुठलाही कामधंदा करीत नाही. एवढेच काय तर त्याने महिला पोलीस अधिकाऱ्याशी शारीरिक संबंध प्रस्थापित करताना काही ‘न्यूड फोटो आणि व्हिडिओ मोबाईलने काढले होते. ते व्हिडिओ तो एका मैत्रिणीच्या व्हॉट्सअ‍ॅपवर पाठवित होता. ही बाब तिच्या लक्षात आली. त्यामुळे तिने त्या तरुणाला याबाबत जाब विचारला. त्याने उडवाउडवीचे उत्तर दिले. मात्र, त्याच्याकडे अनेक अश्लिल व्हिडिओ असल्याचे लक्षात आले. या प्रकरणी गुन्हा दाखल झाल्यामुळे आता त्या तरुणाला अटक करण्यात येणार आहे.

दारु पिऊन मारहाण

आरोपीने महिला पोलीस अधिकाऱ्याचा मोबाईल आणि मेलही हॅक केला. आरोपी हा महिला पोलीस अधिकाऱ्याला दारु पिऊन मारहाण करीत शारीरिक छळ करायला लागला. धमकी देऊन महिलेचा पगार घ्यायला लागला. बेरोजगार असल्यामुळे तो पत्नीच्या पैशावर जगत होता. तो पत्नीचा पगार झाला की लगेच एटीएमने काढून घेत होता. तसेच तिला रोज मारहाण करीत होता. अलिकडेच महिला अधिकारी प्रसुती रजेवर गेली असून तिने स्थानिक पोलीस ठाण्यात तक्रार केली आहे

मुंबईः दारुच्या नशेत एका व्यक्तीने आपल्याच लिव्ह इन पार्टनरची हत्या केल्याची धक्कादायक घटना घडली आहे. नवी मुंबईत ही घटना घडल्याची माहिती आहे. याप्रकरणी पोलिसांनी ५५ वर्षीय व्यक्तीला पनवेल येथून अटक केली आहे. या व्यक्तीची लिव्ह इन पार्टनर ही त्याच्याच मोठ्या भावाची बायको असल्याची माहिती आहे, जो आता या जगात नाही. २००८ मध्ये हा आरोपी आपल्या पत्नीच्या हत्येप्रकरणात तुरुंगात गेला होता. त्याला ५ वर्षांची शिक्षा झाली होती. त्यानंतर तुरुंगातून बाहेर आल्यानंतर तो त्याच्या विधवा बहिनीसोबत राहू लागला, अशी माहिती आहे. कमल्या रागो निरगुडा असे आरोपीचे नाव असून त्याला - पनवेल तालुका पोलिसांनी

मंगळवारी रात्री हत्येनंतर अटक् केली आहे. पनवेल तालुका पोलिस ठाण्याच्या सहाय्यक पोलीस निरीक्षक अर्चना कुदळे यांनी दिलेल्या माहितीनुसार, 'ज्य ठिकाणी ही घटना घडली त्या टॉवर वाडीतील पोलिस पाटील यांनी आम्हाला सांगितले की एक महिलेवर तिच्या लिव्ह इन पार्टनरने हल्ला केला. त्यामुळे ती बेशुद्ध पडली आहे.

जेव्हा पोलीस घटनास्थळी पोहोचले तेव्हा आरोपी निरगुडा ह तिथेच होता. तर, ज्यांच्यावर हल्ल झाला त्या शनिवारी गोमा निरगुड या जमिनीवर बेशुद्ध अवस्थेत पडलेल्या होत्या. त्यानंतर पोलिसांनी त्यांना रुग्णालयात नेलं .

देसाईगंज: वीज वितरण विभागाकडे लोंबकळणाऱ्या विद्युत तारांबाबत वारंवार तक्रार करूनही याकडे कमालीचे उदासीन धोरण दाखविल्या गेल्यामुळे १३ ऑक्टोबर रोजी दुर्गा विसर्जनाच्या दिवशी रवी गोविंद राऊत (३७) रा. गवराळा या इसमाचा लोबकळणाऱ्या विजेच्या तारात अडकून मृत्यू ओढावला होता. या मृत्यूस सर्वस्वी वीज वितरण विभागाचे अधिकारी जबाबदार असून त्यांच्यावर मनुष्यवधाचा गुन्हा दाखल करण्यात यावा, अशी मागणी संतप्त जनतेकडून होत आहे.

सविस्तर वृत्त असे की, वडसा आमगाव या बायपास मार्गावर गेल्या वर्षभरापासून सावंगी येथून आलेल्या ३३ केव्ही विद्युत लाइनच्या तारा लोंबकळत होते. याबाबतची सूचना आमगाव येथून अनेकदा देसाईगंज वीज वितरण कंपनीच्या अधिकाऱ्यांना देण्यात आलो होती. मात्र वर्ष लोटनही हायहोल्टेज असलेल्या तारा लोंबकळत असलेल्याच स्थितीत ठेवण्यात आल्या. यामुळे दुर्दैवाने यात रवी राऊत या निरपराध व्यक्तीचा मृत्यू झाला. या प्रकारामुळे विद्युत विभागाच्या अधिकाऱ्यांवर सर्वचस्तरावरून रोष व्यक्त होतआहे.

 वर्षभरापासून लोंबकळत असलेल्या तारांचा विषय सध्या चांगलाच तापला असून मोठा तणाव निर्माण झाला आहे. विशेष म्हणजे ३३ केव्ही वीज वाहिनीवर उपकार्यकारी अभियंता पदावरील अधिकाऱ्यांचे नियंत्रण असते. वीज वाहिनी वर्षभरापासून लोंबकळत असल्याची सूचना नजीकच्या आमगाव गावातून अनेकदा देण्यात आली. मात्र. कामचोर अधिकाऱ्यांच्या निष्काळजीपणामुळेच एका निरपराध इसमाचा जीव गेला. गावकऱ्यांच्या अज्ञानतेचा फायदा घेत विद्युत विभागाच्या अधिकाऱ्यांनी पोलिसांशी संगनमत करून याला अपघाताचे वर्णन दिल्याचा आरोप जनतेकडून होत आहे.

हा अपघात नसून बीज वितरण कंपनीच्या उपकार्यकारी अभियंता व कनिष्ठ अभियंतांच्या निष्काळजीपणाचे पाप असल्याची तीव्र प्रतिक्रिया उमटत आहे. त्यामुळे बेजबाबदारीचा कळस गाठणाऱ्या दोषी अधिकाऱ्यांची वरिष्ठांनी निष्पक्ष चौकशी करावी, दोषींवर सदोष मनुष्यवधाचा गुन्हा दाखल करण्याची मागणी जनतेकडून होत आहे.

 अहेरी : सहलीचा आनंद लुटतानाच एकाला नदीत पोहण्याचा मोह आवरता आला नाही व तो पाण्यात उतरला. तो खोल पाण्यात बुडत असतानाच दूसरा मित्र वाचवायला गेला. दुसराही मित्र बुडताना पाहून तिसरा मित्र पाण्यात शिरला व दोघांना वाचविण्याच्या प्रयत्नात तिसराही बुडाला. तिघांनाही जलसमाधी मिळाली. ही घटना शनिवार, २६ ऑक्टोबर रोजी महाराष्ट्र - तेलंगणाच्या सीमेवरील प्राणहिता नदीत घडली. मात्र, तिसरा मृतदेह सोमवारी सापडला, जहीर हुसेन, मोहम्मद इरशाद, मोहम्मद मोहिद रा. बेज्जूर (तेलंगणा) असे पाण्यात बुडून मृत्यू झालेल्या मित्रांची नावे आहेत. हे तिघेही मित्र विशीतील होते.

तेलंगणाच्या हद्दीतील बेज्जुर परिसरातील प्राणहिता नदीत तीन मित्र सहलीसाठी आले व बुडाल्याची माहिती तेलंगणा पोलिसांना मिळताच त्यांनी गडचिरोली जिल्हा पोलिसांची मदत घेतली. जिल्हा पोलिस अधीक्षक नीलोत्पल, अतिरिक्त पोलिस अधीक्षक एम. रमेश, यतिशदेशमुख, श्रणिक लोढा यांच्या मार्गदर्शनात अहेरीचे उपविभागीय पोलिस अधिकारी अजय कोकाटे यांनी प्राणहिता पोलिस उप मुख्यालयातील रबर मोटार बोटसह पोलिस कर्मचाऱ्यांचा चमू पाठविला. बेज्जुरचे पीएसआय विक्रम यांनी रविवारी शोधमोहीम राबवून दोघांचे मृतदेह रविवारी हस्तगत केले, तर तिसरा मृतदेह मंचेरियालजवळ सापडला.

सोमवारी जहीर हुसेन मोहम्मद मोहीद मोहम्मद इर्शाद२५ किमीवर सापडला मृतदेह बेज्जूर येथील तिघेही मित्र कामकरून शिक्षण घेत होते. यापैकी दोघेजण चप्पल विक्रीच्या दुकानात, तर एकजण मोबाइल विक्रीच्या दुकानात काम करीत होता. दोघांचे मृतदेह हे जवळच मिळाले; परंतु तिसऱ्याचा मृतदेह घटनास्थळापासून २५ किमी वाहत आला. शोधकार्यावेळी पोलिसांची दमछाक झाली.

. 

गडचिरोली, (जिमाका) दि.29: सार्वत्रिक विधानसभा निवडणूक 2024 अंतर्गत गडचिरोली जिल्ह्यात नामनिर्देशन पत्र दाखल करण्याचा आजच्या शेवटच्या दिवशी एकूण 36 उमेदवारांनी 46 नामनिर्देशन पत्र दाखल केले आहेत.

67-आरमोरी (अ.ज.) या विधानसभा मतदारसंघात आज 13 उमेदवारांनी 16 नामनिर्देशनपत्र दाखल केले यात आनंदराव गंगाराम गेडाम (अपक्ष), वामन वंगणुजी सावासाकडे (अपक्ष), शिलु प्रविण गंटावार (अपक्ष), माधुरी मुरारी मडावी (अपक्ष) दोन अर्ज, खेमराज वातूजी नेवारे (अपक्ष), गजबे कृष्णा दामाजी (भारतीय जनता पार्टी) दोन अर्ज, मोहनदास गणपत पूरम(वंचित बहुजन आघाडी) दोन अर्ज, निलेश देवाजी हलामी (अपक्ष), चेतन नेवशा काटेंगे (आझाद समाज पार्टी-काशीराम), अनिल तुलाराम केरामी (बहुजन समाज पार्टी), दामोधर तुकाराम पेंदाम(बहुजन समाज पार्टी), रामदास मळू मसराम (इंडियन नॅशनल काँग्रेस), निलेश छगनलाल कोडापे (अपक्ष) यांचा समोवश आहे.

68-गडचिरोली (अ.ज.) या विधानसभा मतदारसंघात आज 10 उमेदवारांनी 13 नामनिर्देशनपत्र दाखल केले यात डॉ. देवराव मादगुजी होळी (अपक्ष)-दोन अर्ज, आसाराम गोसाई रायसिडाम(अपक्ष), विश्वजीत मारोतराव कोवासे(इंडियन नॅशनल काँगेस) दोन अर्ज, योगेश बाजीराव कुमरे (गोंडवाना गणतंत्र पार्टी), डॉ. सोनल चेतन कोवे (अपक्ष) दोन अर्ज, मनोहर तुळशिराम पोरेटी (इंडियन नॅशनल काँग्रेस), मोरेश्वर रामचंद्र किनाके(अपक्ष), सौ वर्षा अशोक आत्राम (अपक्ष), दिवाकर गुलाब पेंदाम(अपक्ष), संजय सुभाष कुमरे (बहुजन समाज पार्टी), 

 69-अहेरी (अ.ज.) विधानसभा मतदारसंघात आज 13 उमेदवारांनी एकूण 17 नामनिर्देशन पत्र दाखल केले. यात नितीन कविश्वर पदा (अपक्ष), भाग्यश्री मनोहर लेखामी (अपक्ष), आत्राम धरमराव भगवंतराव (नॅशनालिस्ट काँग्रेस पार्टी) यांचे तीन अर्ज, निता पेंटाजी तलांडी (अपक्ष), आत्राम तनुश्री धर्मरावबाबा(नॅशनालिस्ट काँगेस पार्टी) यांचे तीन अर्ज, संदीप मारोती कोरेत (महाराष्ट्र नवनिर्माण सेना), रमेश वेल्ला गावडे (बहुजन समाज पक्ष), अवधेशराव राजे सत्यवानराव आत्राम (अपक्ष), राजे अम्ब्रीशराव राजे सत्यवानराव आत्राम (अपक्ष), हनमंतु गंगाराम मडावी (अपक्ष), पोरतेट ऋषी बोंदय्या(नॅशनालिस्ट काँग्रेस पार्टी-शरदचंद्र पवार गट), कुमरम महेश जयराम (अपक्ष), गेडाम शैलेश बिच्चू(अपक्ष) यांचा समावेश आहे. 

आज 29 ऑक्टोबर रोजी आरमोरी विधानसभा मतदारसंघातून 1 व्यक्तींकडून 2 नामनिर्देशन अर्जाची उचल झाली तर आतापर्यंत 31 व्यक्तींकडून 92 अर्जांची उचल झाली. गडचिरोली विधानसभा मतदार संघातून आज 3 व्यक्तींकडून 4 अर्जाची उचल झाली तर आतापर्यंत 31 व्यक्तींकडून 77 अर्जांची उचल झाली. अहेरी मतदारसंघातून आज 6 व्यक्तींकडून 7 अर्जाची उचल झाली तर आतापर्यंत एकूण 48 व्यक्तींकडून 61 अर्जांची उचल करण्यात आली आहे.

 भोजराज नागपुरे मोब. ९४२२८२५५९७

देसाईगंज /- राज्यात सद्यास्थितीत महायुती सरकारच्या प्रचंड भ्रष्टाचाराला वैतागून तसेच महागाई, बेरोजगारी या मुद्द्याला घेऊन असंतोष उफाळून येऊ लागला आहे. भाजपाच्या लोकसभेतील उमेदवारांनी चक्क ४०० पार झाल्यास संविधान बदलण्याची जाहिर व्याख्याने केल्याने एकवटलेल्या बहुजन समाजाने काँग्रेसचे विद्यमान खासदार डॉ. नामदेव किरसान यांना तब्बल दिड लाखाच्या फरकाने निवडून आणले. मात्र काँग्रेसचा खासदार निवडून येताच काँग्रेसीत हवा शिरल्याने कोणतीही राजकीय पार्श्वभूमी नसलेल्या तसेच पक्षासाठी कुठलेही योगदान नसलेल्या रामदास मसराम यांना उमेदवारी जाहीर केली आहे. यामुळे पक्षासाठी खपलेला एक नाराज गट एकत्र येऊन उमेदवार देणार असल्याचे जवळपास निश्चित झाल्याने बंडखोरीचा मसराम यांना जबर फटका बसणार असून मसराम यांची ही राजकीय आत्महत्या असल्याचे बोलल्या जाऊ लागल्याने राजकीय खळबळ माजली आहे

आरमोरी विधानसभा क्षेत्रा करीता काँग्रेस कडुन रामदास मसराम यांना उमेदवारी जाहीर करण्यात आली आहे. मसराम हे काँग्रेस पक्षाची वाताहत करण्यासाठी वाड्यावरून सोडलेले दलालांच्या माध्यमातून राजकीय स्थिरता मिळवण्याच्या प्रयत्नात आहे. मात्र त्यांच्या भोवताली असलेल्या सक्रिय दलालांमुळे कट्टर काँग्रेसीत असंतोष उफाळून आला असून मसराम यांना विरोध नसला तरी दलालांनी वारंवार पक्षाच्या प्रामाणिक व सक्रिय पदाधिकारी, कार्यकर्त्यांना डावलण्याचा प्रयत्न केल्याने व दरम्यान जिल्हा काँग्रेस कमिटीच्या वतिने काढण्यात आलेल्या जनसंवाद परिवर्तन यात्राही हायजॅक करण्याचा प्रयत्न केल्याने अंतर्गत वाद चव्हाट्यावर आला होता. केवळ पक्षाची तिकीट मिळावी या उद्देशाने आठ महिण्यापुर्वी काँग्रेस पक्षात प्रवेश करून लोकसभा निवडणुकीत स्थानिक पदाधिकाऱ्यांचे खिसे भरून पक्षात दावेदारीचे वातावरण निर्माण केले. दरम्यान काँग्रेसच्या इतर पदाधिकारी कार्यकत्यांनी पक्ष वाढीसाठी

विविध आंदोलन करून, महायुती सरकारचा भ्रष्टाचार चव्हाट्यावर आणण्यासाठी मेळाव्याचे आयोजन केले. मात्र मसराम अँड होऊ कंपनिने इतरांना डावलून प्रसंगी खोटे व्हिडिओ व्हायरल करून पक्षाच्याच पदाधिकाऱ्यांना आहे. बदनाम करण्याचा पुरेपूर प्रयत्न केला. तोंडावर दरम्यान जिल्हाध्यक्ष यांनी सर्वांना विश्वासात घेऊन यावर तोडगा काढायला गंभीर पाहिजे होता. मात्र ज्यांच्या सहकायनि जिल्हाध्यक्ष बनलेल्या महेंद्र ब्राम्हणवाडे स्थितीत यांनी त्यांचेच पंख छाटून मसराम यांची तसेच एकतर्फी बाजु घेतल्याने पक्षात त्याचक्षणी दुफळी निर्माण होण्यास सुरुवात झाली होती. पक्षाचा उमेदवार निवडून आणण्यासाठी उमेदवार एकोप्याने निवडणुकीला सामोरे जाणे गरजेचे असतांना ब्राम्हणवाडे यांनी जेष्ठ स्वप्न पदाधिकाऱ्यांना डावलून जाहिरातीसाठी कित्येकांना लाखो रुपये खर्च करवून तसेच यामुळे परिवर्तन यात्रेसाठी संभाव्य उमेदवारांकडून वाताहत वसुली करण्यात आल्याने सर्वांना समान येऊ न्यायाने वागवून पैकी एका उमेदवारावर प्रश्न लक्ष केंद्रित करणे आवश्यक होते. मात्र असे 

करण्यात न आल्याने मसराम यांना समोर समोर करून इतरांचे पंख छाटले ज्याचा रोष घातलेल्या निवडणुकीत व्यक्त होणार असल्याचे यामुळे स्पष्ट समोर येऊ लागले विशेष म्हणजे ऐन निवडणुकीच्या मसराम यांचा जमिन विक्रीतून आपल्याच नातेवाईकाच्या फसवणूकीची बाब चव्हाट्यावर आल्याने आदिवासी समाजही मसराम यांना झटका देण्याच्या असल्याचे सांगीतले जात आहे. समोरचा उमेदवार तगडा आणि संघटितपणे निवडणुक लढणारा असल्याने ऐन निवडणुकीत असंतोष गट एकवटून आपला उभा करणार असल्याने उभा केलेल्या बैलोबाच्या माध्यमातून मुख्यमंत्री होण्याचे रंगविणाऱ्याला हा चांगलाच झटका असल्याचे बोलल्या जाऊ लागले आहे. पक्षाचा जनाधार असुनही काँग्रेसची होणार असल्याचे यावरून समोर लागल्याने यास जबाबदार कोण? असा आता उपस्थित केल्या जाऊ लागला आहे 

गडचिरोली : आझाद समाज पक्ष, शेतकरी कामगार पक्ष, आदिवासी विकास परिषद  आणि प्रागतिक पक्ष, महाराष्ट्र आघाडीचे अधिकृत उमेदवार चेतन काटेंगे  यांनी आज शेकडो कार्यकर्त्यांसह शक्ती प्रदर्शन करीत मंगलवार दिनांक २९ऑक्टोबर रोजी उमेदवारी अर्ज दाखल केला. 

आझाद समाज पक्षाचे जिल्हा  प्रभारी धर्मानंद मेश्राम, जिल्हाध्यक्ष राज बन्सोड, कार्याध्यक्ष विनोद मडावी, आरमोरी विधानसभा अध्यक्ष ऋषी सहारे, जिल्हा संघटक हंसराज उराडे,  विधानसभा प्रभारी धनराज दामले,तालुका अध्यक्ष आरमोरी ॲड नर्गिस पठाण, आरमोरी तालुका प्रभारी गोवर्धन धोटे, तालुका महासचिव ॲड राज सुखदेवे, शहर अध्यक्ष नागसेन खोब्रागडे, तालुका सचिव सुरेंद्र वासनिक, शहर अध्यक्ष नितीन भोवते, युवा आघाडी तालुका अध्यक्ष आरमोरी शुभम पाटील, मीडिया प्रमुख सतीश दूर्गमवार , तालुका संघटक रोहिदास बोदेले, कार्याध्यक्ष पुरुषोत्तम मैंद, रमेश तुलावी, सोमाजी काटेंगे, रमेश तुलावी, बारशू   तुलावी, रेवणाथ मारगाये, देविदास कुमरे, कुरखेडा तालुका अध्यक्ष सावन चीखराम,युवा आघाडी अध्यक्ष रोहित कोडवते, विधानसभा उपाध्यक्ष सोनुभाऊ चौधरी, भूपेंद्र बनसोड, आदिवासी विकास परिषद अध्यक्ष अंकुश कोकोडे, महिला तालुका अध्यक्ष वडसा संगीता मोटघरे, तालुका सचिव करण डोंगरे, महिला आघाडी सचिव शिला सहारे,किशोर कावळे वडसा, तालुका अध्यक्ष वडसा बबन रामटेके, गजानन केलझळकर कुरुड, सचिन गेडाम, 

यावेळी आरमोरी विधानसभा मतदारसंघातील शेतकरी कामगार पक्ष, आझाद समाज पक्ष, आदिवासी विकास परिषद आणि प्रागतिक आघाडीचे हजारो कार्यकर्ते उपस्थित होते.द्र बनसोड, आदिवासी विकास परिषद अध्यक्ष अंकुश कोकोडे, महिला तालुका अध्यक्ष वडसा संगीता मोटघरे, तालुका सचिव करण डोंगरे, महिला आघाडी सचिव शिला सहारे,किशोर कावळे वडसा, तालुका अध्यक्ष वडसा बबन रामटेके, गजानन केलझळकर कुरुड, सचिन गेडाम, 

यावेळी आरमोरी विधानसभा मतदारसंघातील शेतकरी कामगार पक्ष, आझाद समाज पक्ष, आदिवासी विकास परिषद आणि प्रागतिक आघाडीचे हजारो कार्यकर्ते उपस्थित होते.

पक्षाने तिकीट नाकारल्यानंतर मुंबईवरून गडचिरोली येथे प्रथमच आगमन केलेले गडचिरोली विधानसभा क्षेत्राचे आमदार डॉ. देवराव होळी यांनी पत्रकार परिषद घेऊन विधानसभा निवडणूक लढवायची की नाही हा निर्णय मी पक्ष कार्यकर्त्यांशी चर्चा करूनच घेईन याविषयी माहिती दिली.

आमदार डॉक्टर देवराव होळी पुढे म्हणाले जिल्ह्यातील निवडणुकीत हार खालेल्या काही नेत्यांनी भारतीय जनता पार्टीच्या वरिष्ठ नेतृत्वाकडे आपली बदनामी केली.आपल्या संदर्भात खोट्या बातम्या पसरवून आपली उमेदवारी रद्द केली. त्यामुळे आपण अतिशय दुःखी झालो आहोत.

पत्रकार परिषदेला शिवसेनेचे जिल्हा सह संपर्कप्रमुख हेमंत जम्बेवार, भाजपा जिल्हा सचिव दिलीप चलाख, साईनाथ बुरांडे, राष्ट्रवादीचे नगरसेवक लौकिक भिवापूरे, राष्ट्रवादीचे तालुका अध्यक्ष विवेक ब्राह्मणवाडे, पंचायत समितीचे माजी सभापती मारोतराव ईचोडकर उपसभापती विलास दशमुखे, पारडीचे सरपंच संजय निखारे, भाजपा माजी तालुका अध्यक्ष रामरतन गोहणे, युवा सेनेचे जिल्हाध्यक्ष दीपक भारसाकडे , भाजपा ज्येष्ठ नेत्या प्रतिभा चौधरी, भाजपाच्या शहराच्या अध्यक्ष कविता उरकुडे, बंगाली आघाडीचे जिल्हा अध्यक्ष सुरेश शहा, पत्रकार परिषदेला उपस्थित होते.

गडचिरोली, (जिमाका) दि.28: सार्वत्रिक विधानसभा निवडणूक-2024 साठी गडचिरोली जिल्ह्यात आज 10 उमेदवारांकडून एकूण 13 अर्ज दाखल करण्यात आले आहेत.

67-आरमोरी (अ.ज.) या विधानसभा मतदारसंघात दोन उमेदवारांनी तीन नामनिर्देशनपत्र दाखल केले यात कृष्णा दामाजी गजबे (भारतीय जनता पार्टी) यांनी दोन तर प्रा. रमेश गोविंदा मानागडे (अपक्ष) यांनी एक अर्ज दाखल केला आहे.

68-गडचिरोली (अ.ज.) या विधानसभा मतदारसंघात सहा नामनिर्देशन पत्र दाखल झाले. यात भरत मंगरूजी येरमे (वंचित बहुजन आघाडी) यांनी दोन अर्ज दाखल केले तर बाळकृष्ण वंगणुजी सावसाकडे (अपक्ष), डॉ. मिलिंद रामजी नरोटे (भारतीय जनता पार्टी), जयश्री विजय वेळदा (भारतीय शेतकरी आणि कामगार पक्ष), मनोहर तुळशिराम पोरेटी (इंडियन नॅशनल काँग्रेस) यांनी उमेदवारी अर्ज दाखल केले.  

69-अहेरी (अ.ज.) विधानसभा मतदारसंघात आज चार नामनिर्देशन पत्र दाखल झाले. यात हनमंतू गंगाराम मडावी यांनी भारतीय राष्ट्रीय काँग्रेस पक्ष व अपक्ष असे दोन नामनिर्देशनअर्ज भरले. तसेच आत्राम भाग्यश्री धर्मरावबाबा (नॅशनालिस्ट काँग्रेस पार्टी, शरदचंद्र पवार गट) व राजे अम्ब्रीशराव राजे सत्यवानराव आत्राम (अपक्ष) यांनी नामांकन अर्ज दाखल केले आहेत.

जिल्ह्यात आजपर्यंत 15 उमेदवारांकडून एकूण 19 नामनिर्देशन पत्र दाखल झाले आहेत.

आज 28 ऑक्टोबर रोजी आरमोरी विधानसभा मतदारसंघातून 5 व्यक्तींनी 12 नामनिर्देशन अर्जाची उचल केली तर गडचिरोली विधानसभा मतदार संघातून 2 व्यक्तींनी 5 अर्जाची आणि अहेरी मतदारसंघातून 9 व्यक्तींकडून 10 अर्जाची उचल करण्यात आली आहे. जिल्ह्यात आजपर्यंत (28 ऑक्टोबर) एकूण 213 नामनिर्देशन अर्जाची उचल झाली आहे.

महाराष्ट्र विधानसभा सार्वत्रिक निवडणुकीची आदर्श आचारसंहिता १५ ऑक्टोबर २०२४ पासून लागू झाली असून २२ ऑक्टोबर २०२४ रोजी निवडणूक अधिसूचना प्रसिद्ध करण्यात आली. नामनिर्देशन पत्र भरणे सुरु असून २९ ऑक्टोबरला नामनिर्देशन पत्र भरण्याची शेवटची तारीख आहे. या अर्जांची ३० ऑक्टोबरला छाननी करण्यात येऊन ४ नोव्हेंबर २०२४ रोजी अर्ज मागे घेता येईल. मतदान २० नोव्हेंबरला होत असून २३ नोव्हेंबर २०२४ रोजी मतमोजणी होणार आहे.

000

गडचिरोली : शेतकरी कामगार पक्ष, आझाद समाज पक्ष आणि प्रागतिक पक्ष, महाराष्ट्र आघाडीच्या अधिकृत उमेदवार जयश्रीताई वेळदा - जराते यांनी आज हजारो कार्यकर्त्यांसह शक्ती प्रदर्शन करीत सोमवार दिनांक २८ ऑक्टोबर रोजी उमेदवारी अर्ज दाखल केला. 

शेतकरी कामगार पक्षाच्या आदिवासी, भटके - विमुक्त आघाडीचे प्रदेशाध्यक्ष भाई रामदास जराते, भाई शामसुंदर उराडे, जिल्हा सरचिटणीस संजय दुधबळे, आझाद समाज पक्षाचे जिल्हा प्रभारी धर्मानंद मेश्राम, जिल्हाध्यक्ष राज बन्सोड, कार्याध्यक्ष विनोद मडावी, जिल्हा महासचिव पुरुषोत्तम रामटेके, चामोर्शी तालुकाध्यक्ष रघुनाथ वासेकर, शेकापच्या महिला जिल्हाध्यक्षा कविता ठाकरे, पोर्णिमा खेवले, शेतकरी आघाडीचे जिल्हाध्यक्ष गोविंदा बाबनवाडे, कामगार आघाडीचे जिल्हाध्यक्ष पवित्र दास, भटके विमुक्त आघाडीचे जिल्हाध्यक्ष डंबाजी भोयर, आदिवासी आघाडीचे जिल्हाध्यक्ष रामदास आलाम, शिक्षक आघाडीचे जिल्हाध्यक्ष शर्मिश वासनिक, भाई अक्षय कोसनकर यांच्या नेतृत्वात शेतकरी कामगार पक्षाचे कार्यालयापासून लाल - निळे झेंडे घेऊन रॅली काढण्यात आली.

यावेळी गडचिरोली विधानसभा मतदारसंघातील शेतकरी कामगार पक्ष, आझाद समाज पक्ष आणि प्रागतिक आघाडीचे हजारो कार्यकर्ते उपस्थित होते.

गडचिरोली : जिल्ह्यातील निमशासकीय कार्यालय, शाळा, ग्रामपंचायत, तलाठी, प्राथमिक आरोग्य केंद्र, कृषी विभाग, विद्युत कर्मचारी, पंचायत समिती, तहसील कार्यालयासह इतर क्षेत्रात कार्यरत कर्मचारी मुख्यालयी राहात नसल्यामुळे सर्वसामान्यांना अनके अडचणीचा सामना करावा लागत आहे.

अधिकारीवर्गाकडून कर्मचाऱ्यांची पाठराखण होत असल्याने शासकीय कर्मचारी मुख्यालयाला 'खो' देत असल्याची ओरड होवू लागली आहे, दर पाच वर्षांनी निवडणूका येतात. एका मागून एक वेगवेगळ्या पार्टीचे सरकार सत्तेवर पहावयास मिळत आहे. जनतेचे चांगले शासकीय दिवस असे सांगितले. मात्र, एक वेळ निवडणूक झाली की सत्ता बसली की परिस्थिती 'जैसे थे' राहत असल्याचीओरड केली जाते.

चांगले दिवस येणार वअसणाऱ्या समस्येचा निपटारा लागणार अशा आश्वासनांची खैरात वाटण्यात येते. मात्र, राजकीय स्वार्थापोटी समस्या मार्गी लागत नाही. सर्वसामान्यांना अच्छे दिनाऐवजी वाईट दिवस पहावयास मिळत असल्याची खंत जनतेत व्यक्त केली जात आहे. कोणतेही शासन आले तरी प्रशासनावर वचक नसल्याचे दिसून येते. त्यामुळे सर्वसामान्यांना तेच दिवस भोगावे लागतात. शासनाच्या सेवेत समाविष्ट होत असताना कर्मचाऱ्यांना मुख्यालयी राहून कार्य करण्याची अट असते. त्यासाठी काहींना निवासस्थान उपलब्ध करून दिल्या जाते. तर काहींना घरभाडे भत्ता दिला जातो. त्यामुळे राहणे बाध्य आहे.

मात्र, बहुतेक विभागाचे कर्मचारी नावापुरती खोलीदाखवून शहराच्या ठिकाणावरून ये-जा करतात. त्यामुळे शासनाच्या विकासकामांवर परिणाम होत आहे. शासनाच्या विविध योजना जनतेपर्यंत पोहोचणे गरजेचे आहे. मात्र, शासकीय कर्मचाऱ्यांच्या अनुपस्थितीमुळे आवश्यक कागदपत्रे यासाठी हेलपाटे मारावे लागण्याची लाभार्थ्यांवर वेळ येते. बहुतेक ग्रामसेवक, तलाठी, आरोग्यसेवक, कर्मचारी, शिक्षक व यासारखे अन्य कर्मचारी मुख्यालयी राहत नाही. मुख्यालयी न राहणाऱ्या कर्मचाऱ्यांची पाठराखण संबंधित अधिकाऱ्यांकडून होत असल्याचे बोलले जाते. बहुतेक तलाठी व ग्रामसेवक अथवा अन्य शासकीय अधिकारी अथवा कर्मचारी दोन गावांचा कारभार असल्याचे सांगून या गावी, त्यागावी होतो, असे सांगत असल्याचे बोलले जाते.

 धानोरा : स्वेच्छानिवृत्ती घेतलेल्या ५६ वर्षीय तलाठ्याने दोन अल्पवयीन चिमुकल्यांवर अत्याचार केल्याची घृणास्पद घटना २७ ऑक्टोबरला धानोरा पोलिस ठाणे हद्दीत उघडकीस आली. पोलिसांनी बाललैंगिक अत्याचार प्रतिबंधक कायद्यान्वये गुन्हा नोंदवून त्यास बेड्या ठोकल्या. शंभू मुरारी आतला (५६) असे आरोपीचे नाव असल्याचे पोलिसांनी

सांगितले. त्याने प्रकृतीच्या कारणास्तव दोन वर्षापूर्वी स्वेच्छानिवृत्ती घेतली होती. तो दुमजली घर बांधून पत्नीसमवेत राहत होता.

त्याची पत्नी व मुले बाहेरगावी गेले होते, त्यामुळे तो २६ रोजी एकटाच घरी होता. घराजवळ अंदाजे सहा व नऊ वर्षीय मुली खेळत होत्या. त्याने चॉकलेटचे आमिष दाखवून त्यांना घरात नेले व त्यांच्याशी कुकर्म केले.

भावाने पाहिले अन्...

• दोन मुलींपैकी एका मुलीचा भाऊ बहिणीच्या शोधात बाहेर आला. शंभू आतला याच्या घरातून बहिणीचा ओरडण्याचा आवाज आल्याने त्याने तिकडे धाव घेतली व हा सगळा घृणास्पद प्रकार पाहिला. त्यानंतर त्याने आरडाओरड केली. रात्री उशिरा गुन्हा नोंदविल्यानंतर पोलिसांनी शंभू आतला यास बेड्या ठोकल्या.

तीन दिवसांची पोलिस कोठडी

दरम्यान, आरोपी शंभू आतला यास २७ रोजी न्यायालयात हजर करण्यात आले. न्यायालयाने त्यास तीन दिवसांची पोलिस कोठडी सुनावली. पोलिस निरीक्षक स्वप्निल धुळे व उपनिरीक्षक स्वरूपा नाईकवाडे हे तपास करीत आहेत.

गडचिरोली :- काही दिवसांपासून जिल्ह्यातील सर्वांच्या नजरा आरमोरी विधानसभा क्षेत्राकडे लागलेल्या दिसून येत होत्या. अशातच आता काही वेळापूर्वी काँग्रेसची चौथी यादी जाहीर करण्यात आली आहे. यात १४ उमेदवारांचे नाव पुढे आले आहेत. १४ उमेदवारांमध्ये काँग्रेसच्या वतीने आरमोरी विधानसभा मतदारसंघाकरीता रामदास मसराम यांना तिकीट देण्यात आली आहे. यावेळेस आरमोरी विधानसभा मदारसंघात नवीन चेहरा देण्यात आल्याने चुरशीची लढत पहावयास मिळणार आहे. त्यामुळे 'जूनं की नवं' असा महासंग्राम दिसून येणार असल्याची चर्चा रंगू लागली आहे.

काँग्रेसच्या १४ उमेदवारांची यादी

अमळनेर - डॉ. अनिल नाथु शिंदे

उमरेड - संजय नारायणराव मेश्राम

आरमोरी - रामदास मसराम

चंद्रपूर - प्रवीण नानाजी पडवेकर

बल्लारपूर - संतोषसिंग रावत

वरोरा - प्रवीण काकडे

नांदेड उत्तर - अब्दुल सत्तार अब्दुल गफूर

औरंगाबाद पूर्व - लहू शेवाळे

नालासोपारा - संदीप पांडे

अंधेरी पश्चिम - अशोक जाधव

शिवाजीनगर - दत्तात्रेय बहिरत

पुणे छावणी - रमेश बागवे

सोलापूर दक्षिण - दिलीप माने

पंढरपूर - भागीरथ भालके

धानोरा: चामोर्शी मुतनूर तालुक्यातील पर्यटनस्थळावजळ आबापूर येथे शशीकांत सतरे नामक युवक मजुराचा बळी घेतल्यानंतर टस्कर हत्ती धानोरा तालुक्यातील मेंढा लेखा जंगली परिसरात शुक्रवारी दाखल झाला असून अनेकांना दर्शन दिले आहे. टस्कर हत्ती आल्याने तालुक्यात भीतीचे वातावरण निर्माण झाले आहे. गेल्या सात-आठ दिवसांपासून जंगली टस्कर हत्ती आरमोरी, गडचिरोली, चामोर्शी व आता धानोरा तालुक्यात येरझरा मारत आहे. 

.

गडचिरोली तालुक्यातील चांदाळा जंगल परिसरातून चामोर्शी तालुक्यातील मुतनूर पर्यटनस्थळाजवळील आबापूर जंगल परिसरात असलेल्या टस्कर हत्तीने चंद्रपूर जिल्ह्यातील नवेगाव भुजला येथील शशीकांत सतरे या युवकाचा बळी घेतला होता. त्यानंतर हा हत्ती शुक्रवारी रात्रीच्या सुमारास धानोरा तालुक्यातील मेंढा लेखा जंगल परिसरात आढळल्याची माहिती आहे. टस्कर हत्तीने अनेकांना दर्शन दिले असून परिसरातील नागरिकांमध्ये भीतीचे वातावरण निर्माण झाले आहे. तालुक्यातील धान कापणी व धान बांधणीचा हंगाम जोरात सुरू असून बहुसंख्य महिला व पुरुष मजूर शेतात असतात. शेत परिसर जंगलाला लागून असल्याने व टस्कर हत्तीचा वावर असल्याने शेतकरी व शेतमजुरामध्ये भीतीचे वातावरण निर्माण झाले आहे. वनविभागाने टस्कर हत्तीचा बंदोबस्त करण्याची मागणी तालुक्यातील नागरिकांकडून केली जात आहे.

गडचिरोली : येथील विधानसभा क्षेत्राचे आमदार डॉ. देवराव होळी यांना भाजपा पक्षाने उमेदवारी नाकारल्याने संपूर्ण क्षेत्रात भाजपा कार्यकर्त्यांसह जनतेमध्ये नाराजीचा सूर असून विधानसभा क्षेत्रातील अनेक भाजपा पक्षाचे पदाधिकारी बूथ प्रमुख, शक्ती केंद्र प्रमुख हे रविवार (२७ ऑक्टोबर) रोजी राजीनामे देणार आहेत. त्यामुळे भाजपाच्या अंतर्गत पोटात एकच खळबळ उडाली आहे.

विधानसभेच्या सार्वत्रिक निवडणुकीसाठी भाजपाने जाहीर केलेल्या दुसऱ्या यादीत गडचिरोली क्षेत्राची उमेदवारी डॉ. मिलिंद नरोटे यांना जाहीर केली. मात्र, गेल्या दहा वर्षात भाजपाचे विद्यमान आमदार डॉ. देवराव होळी यांनी

या विधानसभा क्षेत्रात मोठ्या प्रमाणात निधी खेचून आणून विविध विकासात्मक कामे केल्याने त्यांचा जनसंपर्क सुद्धा दांडगा झाला होता. शेवटपर्यंत त्यांना भाजपाची तिकीट मिळेल असेच बोलले जात होते. त्यामुळे त्यांनी भाजपाकडून गुरुवारी १० ते १२ हजार कार्यकर्त्यांच्या उपस्थितीत शक्ती प्रदर्शन करून उमेदवारी अर्ज सुद्धा दाखल केला होता. विशेष म्हणजे आ. डॉ. देवराव होळी यांच्या सोबतीला उमेदवारी अर्ज सादर करताना शिवसेना व राष्ट्रवादी काँग्रेस अजित पवार गटाचे पदाधिकारी व कार्यकर्ते सुद्धा मोठ्या संख्येने उपस्थित होते. केवळ त्यांना एबी फॉर्मची वाट होती, अशातच

आजच्या भाजपा उमेदवारांच्या यादीत त्यांचा समावेश नसल्याने पदाधिकारी व कार्यकर्त्यांमध्ये एकच नाराजीचा सूर दिसून आला, याचा प्रत्यय म्हणून भाजपाच्या अनेक पदाधिकाऱ्यांनी शनिवारी तातडीची बैठक घेतली असून या बैठकीत अनेक पदाधिकारी उपस्थित होते. या पदाधिकाऱ्यांसह अनेक भाजपा पक्षाचे बूथ प्रमुख, शक्ती केंद्रप्रमुख हे सुद्धा भाजपाच्या प्राथमिक सदस्यत्वाचा राजीनामा देऊन पूर्णपणे आ. डॉ. देवराव होळी यांच्या पाठीशी उभे राहून त्यांना निवडून आणण्याचा चंग त्यांनी बांधला आहे. विद्यमान आमदारांची तिकिट कापल्याने भाजपातील डॉ. होळी समर्थकांमध्ये संतापाची लाट पसरली आहे. 

गडचिरोली. अवजड साहित्यांची वाहतूक करणाऱ्या ट्रकने विरुद्ध दिशेने येणाऱ्या दुचाकीला जबर धडक दिल्याने झालेल्या अपघातात दुचाकीस्वार गंभीर जखमी झाल्याची घटना शनिवारी (दि. 26) दुपारी 2 वाजताच्या सुमारास आष्टी-चामोर्शी मार्गावरील अड्याळ गावानजीक घडली. पराग गिरीधर हटवादे (34, रा. कळमगाव, ता. सिंदेवाही जि. चंद्रपूर) असे जखमी दुचाकीस्वाराचे नाव आहे. ते लगामवरून गडचिरोलीकडे एमएच-34/बीएक्स- 0901 क्रमांकाच्या दुचाकीने गडचिरोलीकडे येत असताना विरुद्ध दिशेने येणाऱ्या एमएच-33/डब्ल्यू-377 क्रमांकाच्या ट्रकने समोरून धडक दिली. यात ते गंभीर जखमी झाले. आष्टी पोलिसांनी ट्रक ताब्यात घेतला आहे.

 पिंपळगाव (भो) : ब्रह्मपुरी तालुक्यातील पिंपळगाव भो येथील सख्या पुतण्याने कुंपणाचे वादातून काकूला नालीत ढकलून डोक्यावर विटांनी प्रहार केल्याने नागपुरातील मेडिकल कॉलेजमध्ये उपचार करत होत्या. शनिवारी (दि. २६) त्यांचा उपचारादरम्यान मृत्यू झाला. सीता रामाजी टिकले (६०) असे मृतकाचे नाव आहे. पोलिसांनी आरोपी पुतण्या संदीप रामचंद्र टिकले (३५) याला पोलिसांनी अटक केली.

मृतक सीता टिकले आणि सख्खा पुतण्या संदीप टिकले यांच्या कुंपणावरून कडाक्याचे भांडण झाले. यावेळी सीताचे पती शेतात गेले होते. रागाच्या भरात आरोपी पुतण्या संदीप टिकले याने काकू सीता हिला लाथाबुक्क्याने मारत नालीत ढकलून दिले व विटांनी डोक्यावर प्रहार केला.

रक्ताच्या थारोळ्यात पडलेल्या सीता टिकले यांना नागरिकांनी ब्रह्मपुरी ग्रामीण रुग्णालयात उपचारासाठी दाखल केले. मात्र, प्रकृती गंभीर असल्याचे पाहून डॉक्टरांनी जिल्हा सामान्य रुग्णालयात भरती करण्याचा

सल्ला देण्यात आला. त्यानंतर कुटुंबीयांनी नागपूर येथील शासकीय मेडिकल कॉलेज दाखल केले. तेव्हापासून तिच्यावर उपचार सुरू होते. शनिवारी (दि. २६) दहाव्या दिवशी सीता टिकले यांचा मृत्यू झाला. पती रामाजी टिकले यांच्या तक्रारीवरून पोलिसांनी आरोपी संदीप टिकले याच्याविरुद्ध भारतीय न्याय संहिता ११८ (२),१०३ (१) अन्वये गुन्हा नोंदवून आरोपीला अटक केली. सीता टिकले हिचा दुर्दैवी मृत्यू झाल्याने गावात हळहळ व्यक्त होत आहे.

पुढील तपास ठाणेदार प्रमोद बानबले यांच्या मार्गदर्शनात सहायक पोलिस निरीक्षक स्वाती खोब्रागडे, अरुण पिसे करत आहेत.

Gadchiroli: एक मत होळींना पडतेय भारी तुम्ही आदिवासींसाठी आरक्षित मतदारसंघातून निवडून येता, मग आदिवासींची बाजू का घेत नाही, असा प्रश्न विचारणाऱ्या सूरज कोडापे नावाच्या एका युवकाला गडचिरोलीचे आमदार डॉ. देवराव होळी यांनी तुझ्या एका मताने मी निवडून येतो का, असे सुनावले होते. या दोघांमधील संवादाची 'ऑडिओ क्लिप' चांगलीच व्हायरल झाली होती. क्लिपमधील याच सूरज कोडापे या युवकाने पुढे होळींच्या विरोधात रणशिंग फुंकले. होळी यांच्या विरोधात आदिवासींनी अप्रत्यक्षरीत्या दोन मोठी आंदोलने केली. रविवारीही गडचिरोलीत अडीच तास चक्का जाम आंदोलन झाले. होळींना 'त्या' एका मताची किंमत चांगलीच भारी पडतेय, अशी कुजबुज यानंतर राजकीय क्षेत्रात रंगलीये.

जमिनीचा वाद : जंगलपल्ली येथील थरार

 सिरोंचा : जमिनीच्या वादातून काका व पुतण्या यांच्यामध्ये कडाक्याचे भांडण झाले. या दरम्यान, राग अनावर झाल्याने पुतण्याने काकावर कुन्हाडीने वार करून त्याला जागीच ठार केले. ही थरारक घटना शुक्रवारी रात्री ९ वाजण्याच्या सुमारास सिरोंचा तालुक्यातील जंगलपल्ली येथे घडली. नरेश पोचम तेरकरी (५०) असे ठार झालेल्या काकाचे नाव आहे, तर राजू धर्मय्या तेरकरी (३०) असे आरोपी पुतण्याचे नाव आहे. तेरकरी कुटुंबामध्ये जमिनीच्या हिश्श्यावरून अधूनमधून वाद निर्माण होत होते.

दरम्यान, शुक्रवारी सायंकाळी नरेश व राजू यांच्यात कडाक्याचे भांडण झाले. भांडणाच्या दरम्यान राजूने घरची कुन्हाड आणून नरेशच्या डोक्यावर वार केला. यात नरेश हा जागीच ठार झाला. खून होताच राजू गावातून पसार झाला. मात्र, आसरअल्ली पोलिसांनी त्याला मोठ्या शिताफीने अटक केली आहे.

ही कारवाई आसरअल्ली पोलिस स्टेशनचे प्रभारी अधिकारी सहायक पोलिस निरीक्षक समाधान दौड, पोलिस उपनिरीक्षक निखिल मेश्राम, पोलिस हवालदार गोपी आकुलवार, पोलिस शिपाई बिभीषण अनवने, राजू कळंबे, संजय चाबुकस्वार, सोपान अनकाडे, बापूराव काळे यांच्या पथकाने केली.

नवे वळण : आलापल्लीत आढळला मृतदेह

 सिरोंचा : कोटा पोचमपल्ली येथे घरगुती भांडणातून पतीने २३ ऑक्टोबरच्या रात्री झोपेत असलेल्या पत्नीचा गळा चिरून हत्या केली होती. आता या प्रकरणाला नवे वळण मिळाले असून, विवाहित महिलेचे गावातीलच एका युवकाशी विवाहबाह्य प्रेम संबंध असल्याच्या संशयातून पतीने महिलेची हत्या केली. दरम्यान, महिलेच्या प्रियकराचाही मृतदेह अहेरी तालुक्याच्या आलापल्लीजवळ २६ ऑक्टोबर रोजी सकाळी गळफास घेतलेल्या स्थितीत आढळला

लिंगय्या गट्ठ येलकुच्ची (३२, रा. कोटा पोचमपल्ल) असे गळफास घेऊन आत्महत्या करणाऱ्या प्रियकराचे नाव आहे. समय्या मुतय्या बोल्ले याला पत्नी पद्मा हिचे समय्या बोल्ले गावातीलच लिंगय्या येलकुच्ची याच्याशी विवाहबाह्य संबंध असल्याचा संशय होता. याच संशयातून दोघांमध्ये भांडण होत होते. गत आठवड्यापासून दोघांमध्ये खटके उडत होते. २३ ऑक्टोबर रोजी पद्मा हिचा धारदार शस्त्राने खून करून पसार झाला होता. या घटनेमुळे प्रियकर लिंगय्या गट्ठ येलकुच्ची याच्यावर मानसिक आघात झाला. त्यानंतर त्याने हे पाऊल उचलले.

हर्ष साखरे सुपर फास्ट बातमी संपादक 

आरमोरी: एका अल्पवयीन मुलीशी शारीरिक संबंध ठेऊन तिला गर्भवती करणाऱ्या आरोपी युवकास आरमोरी पोलिसांनी पोस्को अंतर्गत गुन्हा दाखल करून अटक केल्याची घटना दिनांक २४ ऑक्टोबर रोजी घडली. विनोद घनश्याम पात्रीकर (२०) रा. इंजेवारी ता. आरमोरी असे अटक करण्यात आलेल्या आरोपीचे नाव आहे. त्याला दोन दिवसांची पोलीस कोठडी ठोठावण्यात आली आहे. 

पोलिसांनी दिलेल्या प्राप्त माहितीनुसार यातील फिर्यादी पिडीतेची आई ही दि २२ ऑक्टोबर २०२४ रोजी काम करुन घरी आल्यावर त्यांना त्यांची मुलगी पिडीता ही घरी आढळून आली नाही. त्यांनी सर्वत्र शोध घेवुनही ती मिळुन नआल्याने आरमोरी पोलीस ठाण्यात रिपोर्ट देण्यासाठी आली असता आरमोरी पोलीसांनी तिच्या लोकेशन बाबत माहीती काढुन तिचा त्वरीत शोध घेतला. मुलगी मिळुन आल्याने कोणतीही तक्रार करायची नाही असे लेखी दिले व रिपोर्ट न देता मुलीला ताब्यात घेवुन घरी गेली.

त्यानंतर दि. २३ ऑक्टोबर रोजी पिडीतेच्या आईला व नातेवाईकांना पिडीता गर्भवती असल्याबाबत शंका आल्यानेपिडीतेच्या आईने केलेल्या तपासणीत पिडीता ही गर्भवती असल्याचे लक्षात आले. पिडीतेला विश्वासात घेवून तिच्या आईने विचारले असता पिडीतेने इंजेवारी येथील विनोद पात्रीकर याने आपल्यासोबत शारिरीक सबंध प्रस्थापित केल्याचे सांगितले.

यामुळे पिडीतेच्या आईने आरमोरी पोलीस ठाण्यात येवुन दिलेल्या तोंडी रिपोर्ट वरून आरमोरी पोलीस ठाण्यात आरोपी विरोधात कलम ३७६ (२) (१), ३७६ (२) (नं, भा. द. वी. सहकलम ४,६,८,१२, बालकांचे लैंगिक अपराधापासुन संरक्षण अधिनियम२०१२ अन्वये गुन्हा नोंद केली व दिनांक २४ ऑक्टोबर रोजी आरोपीला अटक करण्यात आली. आरोपीवर गुन्हा दाखल होताच आरोपीस न्यायालयापुढे उभे केले असता न्यायालयाने दोन दिवसांची पोलीस कोठडी सुनावली आहे. पुढील तपास आरमोरी पोलीस ठाण्याच्या महिला पोलीस उपनिरीक्षक ज्योती राक्षे करीत आहेत.

पीडितेला पुढील वैद्यकीय उपचारासाठी गडचिरोली येथील महीला व बालरुग्णालय येथे पाठविण्यात आले.

आरमोरी तालुक्यात पोक्सो अंतर्गत गुन्ह्यांची वाढली संख्या

आरमोरी हे विद्येचे माहेरघर असल्याने तालुक्यातील ग्रामीण भागातील विद्यार्थी, विद्यार्थीनी आरमोरी येथे शिक्षणासाठी येतात. मात्र समाजमाध्यमांच्या आहारी जाऊन नको ते कृत्य करीत असल्याने आरमोरी पोलीस ठाण्याअंतर्गत पोक्सो खालील गुन्ह्यामध्ये वाढ होत असल्याचे दिसुन येत आहे. याकरीता शाळा, कॉलेजमध्ये प्रबोधन करण्याची गरज व्यक्त होत आहे.

विधानसभा सार्वत्रिक निवडणुक-2024 :

उमेदवारांकडून प्रलोभन : खर्च निरीक्षकांकडे करा तक्रार

गडचिरोली दि. २६: विधानसभा सार्वत्रिक निवडणुकीत कोणत्याही उमेदवार किंवा पक्षाकडून आमिष अथवा प्रलोभन दाखविणेकरीता वस्तुंचे वाटप करुन आचारसंहितेचा भंग होत असल्यास नागरिकांनी तक्रार नोंदवण्याचे आवाहन निवडणुक खर्च निरीक्षक राजेश रामाराव कल्याणम यांनी केले आहे.

 नागरिकांना जिल्हा नियंत्रण कक्षाचा टोल फ्री क्र. 1950 किंवा निवडणुक निरीक्षक (खर्च). राजेश रामाराव कल्याणम यांचा मोबाईल नंबर 9420067626 यावर तक्रार नोंदवता येईल. यासोबतच 67- आरमोरी विधानसभा मतदारसंघ करिता 9403326705 या क्रमांकावर, 68- गडचिरोली विधानसभा मतदारसंघ करिता 8261824675 आणि 69- अहेरी विधानसभा मतदारसंघाकरिता 8999325319 या सहाय्यक निवडणुक खर्च निरीक्षकांकडील संपर्क क्रमांकावर तक्रार नोंदवता येतील.

०००

सिरोंचा : झोपलेल्या पत्नीवर धारदार शस्त्राने वार करून नवऱ्याने तिची हत्या केल्याची घटना काल २३ ऑक्टोबर रोजी रात्रीच्या सुमारास सिरोंचा तालुक्यातील पोचमपल्ली येथे घडली. पद्मा समय्या बोल्ले (३५) रा. कोटा पोचमपल्ली असे मृतकाचे नांव आहे. तर समय्या मुथय्या बोल्ले (४०) असे आरोपी पतीचे नांव असून तो फरार झाला आहे.

प्राप्त माहितीनुसार गेल्या काही दिवसापासून बोल्ले पती- पत्नीमध्ये घरगुती कारणावरून वाद सुरू होता, काल रात्रीच्या सुमारास पद्मा ही झोपली असतांना आरोपी समय्या याने धारदार शस्त्राने पत्नीच्या गळ्यावर वार करून तिची हत्या केली व घटनास्थळावरून पळ काढला.

घटनेची माहिती मिळताच सिरोंचा पोलिसांनी घटनास्थळ गाठून पंचनामा केला. आरोपीविरोधात गुन्हा दाखल केला असून पोलीस त्याचा शोध घेत आहेत. पुढील तपास सिरोंचा पोलीस ठाण्यातील पोलीस निरक्षक हे करीत आहेत.

*जिल्ह्यात आज दोन उमेदवारी अर्ज दाखल*

गडचिरोली, (जिमाका) दि.25: सार्वत्रिक विधानसभा निवडणूक 2024 अंतर्गत नामनिर्देशन पत्र दाखल करण्याच्या आजच्या चौथ्या दिवशी जिल्ह्यात आज दोन उमेदवारी अर्ज दाखल करण्यात आले आहेत.

67-आरमोरी (अ.ज.) या विधानसभा मतदारसंघात रामदास मळूजी मसराम (इंडीयन नॅशनल काँग्रेस) यांनी आज नामनिर्देशनपत्र दाखल केले. तर 68-गडचिरोली (अ.ज.) या विधानसभा मतदारसंघात डॉ. देवराव मादगुजी होळी (भारतीय जनता पार्टी) यांनी आज नामनिर्देशनपत्र दाखल केले. डॉ. होळी यांनी काल व आज असे एकूण दोन अर्ज दाखल केले आहेत. 69-अहेरी (अ.ज.) या विधानसभा मतदारसंघात आज एकही नामनिर्देशन पत्र दाखल झाले नाही. जिल्ह्यात आजपर्यंत पाच उमेदवारांकडून एकूण सहा नामनिर्देशन पत्र दाखल झाले आहेत.

आज 25 ऑक्टोबर रोजी आरमोरी विधानसभा मतदारसंघातून 11 व्यक्तींनी 32 नामनिर्देशन अर्जाची उचल केली तर गडचिरोली विधानसभा मतदार संघातून 4 व्यक्तींनी 8 अर्जाची आणि अहेरी मतदारसंघातून 6 व्यक्तींकडून 9 अर्जाची उचल करण्यात आली आहे. जिल्ह्यात चार दिवसात एकूण 186 नामनिर्देश अर्जाची उचल झाली आहे. नामनिर्देशन पत्र दाखल करण्याची मुदत 29 ऑक्टोबर 2024 पर्यंत आहे.

गडचिरोली, (जिमाका) दि.24: सार्वत्रिक विधानसभा निवडणूक 2024 अंतर्गत नामनिर्देशन पत्र दाखल करण्याच्या आजच्या तिसऱ्या दिवशी 68-गडचिरोली (अ.ज.) या विधानसभा मतदारसंघात दोन अर्ज दाखल करण्यात आले आहेत. डॉ. मिलिंद रामजी नारोटे (भारतीय जनता पार्टी) व डॉ. देवराव मादगुजी होळी (भारतीय जनता पार्टी) यांनी आज नामनिर्देशनपत्र दाखल केले. 67-आरमोरी (अ.ज.) व 69-अहेरी (अ.ज.) या दोन विधानसभा मतदारसंघात आज एकही नामनिर्देशन पत्र दाखल झाले नाही. तर 69-अहेरी (अ.ज.) या विधानसभा मतदारसंघात कालपर्यंत दोन अर्ज दाखल करण्यात आले आहे. त्यामुळे जिल्ह्यात आजपर्यंत एकूण चार नामनिर्देशन पत्र दाखल झाले आहेत.

आज 24 ऑक्टोबर रोजी आरमोरी विधानसभा मतदारसंघातून 6 व्यक्तींनी 16 नामनिर्देशन अर्जाची उचल केली तर गडचिरोली विधानसभा मतदार संघातून 7 व्यक्तींनी 19 अर्जाची आणि अहेरी मतदारसंघातून 6 व्यक्तींकडून 9 अर्जाची उचल करण्यात आली आहे. जिल्ह्यात तीन दिवसात एकूण 137 नामनिर्देश अर्जाची उचल झाली आहे. नामनिर्देशन पत्र दाखल करण्याची मुदत 29 ऑक्टोबर 2024 पर्यंत आहे.  

चामोर्शी : रानटी टस्कर हत्तीसोबत सेल्फी काढण्याचा नाद एका मजुराच्या जिवावरच बेतला. टस्कर हत्तीने हल्ला करून या मजुराला चिरडून जागीच ठार केले. ही घटना चामोर्शी तालुक्याच्या आबापूर जंगलात आज सकाळी ८:३० वाजेच्या सुमारास घडली.

श्रीकांत रामचंद्र सतरे (२३, रा. नवेगाव, भुजला, ता. मूल, जि. चंद्रपूर) असे ठार झालेल्या मजुराचे नाव आहे. गडचिरोली जिल्ह्यात केबल टाकण्याचे काम करण्याकरिता नवेगाव येथून श्रीकांत सतरे हे आपल्या काही सोबत्यांसह आले होते. गडचिरोली वनविभागातील कुनघाडा रै. वन परिक्षेत्रांतर्गत आबापूर गाव परिसरातच हे काम सुरू होते. दरम्यान, २३ ऑक्टोबर रोजी चातगाव व गडचिरोली वन परिक्षेत्रातून रानटी टस्कर हत्तीने कुनघाडा रै. वन परिक्षेत्रात प्रवेश केलेला होता. नियत क्षेत्र मुतनूर वनक्षेत्रातील आबापूर जंगलात टस्कर हत्ती वावरत असल्याची माहिती केबल टाकणाऱ्या मजुरांना मिळाली व त्यापैकी तिघेजण हत्ती पाहायला गुरुवारी सकाळीच गेले होते.

पळ काढल्याने वाचला दोघांचा जीव

हत्ती दूरवरच असताना श्रीकांत हा हत्तीसोबत सेल्फी काढण्यात मग्न असतानाच हत्तीने हल्ला करून त्याला चिरडले. तोपर्यंत अन्य दोघेजण तेथून पळ काढत आपला जीव वाचविण्यात यशस्वी झाले. हे मजूर केबल टाकण्याचे काम करण्याकरिता चंद्रपूर जिल्ह्यातून गडचिरोली जिल्ह्यात आले होते.

गडचिरोली : भाजपने जाहीर केलेला पहिल्या यादीत जिल्ह्यातील केवळ आरमोरीचा समावेश आहे. यात गडचिरोलीचे नाव नसल्याने पक्षांतर्गत अस्वस्थता वाढली असून विद्यमान आमदार डॉ.देवराव होळी यांना उमेदवारी दिल्यास भाजपमधील एक मोठा गट पक्षाला सोडचिठ्ठी देण्याच्या तयारीत असल्याची माहिती आहे. तर होळींनी देखील समर्थकांना पुढे करून दबावतंत्राचा वापर सुरू केला आहे. यामुळे भाजपच्या अडचणीत वाढ झाली आहे.

गडचिरोली विधानसभेसाठी भाजपमधून विद्यमान आमदार डॉ.देवराव होळी यांच्या व्यतिरिक्त डॉ. मिलिंद नरोटे, माजी आमदार डॉ.नामदेव उसेंडी या तिघांमध्ये उमेदवारीसाठी मोठी चुरस पाहायला मिळत आहे. आमदार होळी यांच्या विरोधात आदिवासी समाजाची असलेली नाराजी आणि लोकसभेत पक्षविरोधी कारवाया केल्याच्या तक्रारी, यामुळे याठिकाणी उमेदवार बदलण्यासंदर्भात पक्षाकडून चाचपणी करण्यात आली. दुसरीकडे संघपरिवाराचे जवळचे असलेले डॉ. मिलिंद नरोटे यांच्यासाठी संघ आणि भाजपधील महत्वाचे पदाधिकारी आग्रही आहे. त्यामुळे भाजपमध्ये दुफळी निर्माण झाली आहे. पहिल्या यादीमध्ये गडचिरोलीचे नाव नसल्याचे बघून आमदार होळी समर्थकांमध्ये खळबळ उडाली होती. त्या पार्श्वभूमीवर महायुतीमधील घटक पक्षातील काही पदाधिकाऱ्यांनी होळी यांना उमेदवारी देण्याची मागणी केली.

मात्र, यात भाजपचे महत्वाचे पदाधिकारीच अनुपस्थित होते. उमेदवारी जाहीर करण्यात विलंब होत असल्याने डॉ. मिलिंद नरोटे समर्थकदेखील अस्वस्थ झाले आहे. भाजप आणि संघातील एक मोठा गट नरोटे यांच्या पाठीशी आहे. त्यांचा होळींच्या उमेदवारीला विरोध आहे. त्यामुळे आज गुरुवारी नरोटे समर्थकांनी एक बैठक आयोजित केली असून नरोटे यांना उमेदवारी न मिळाल्यास पक्षाला सोडचिठ्ठी देणार असा इशारा त्यांनी दिला आहे. त्यामुळे गडचिरोलीची उमेदवारी जाहीर करताना भाजप नेतृत्वाची चांगलीच दमछाक होणार आहे.

आमदार होळी समर्थकांची २५ ला सभा

आमदार होळी उमेदवारीसाठी दाबतंत्राचा वपार करीत असून २५ ऑक्टोबरला त्यांनी समर्थकांची सभा आयोजित केली आहे. यामध्यमातून ते पक्षावर दबाव निर्माण करण्याच्या प्रयत्नात आहे. त्यामुळे गडचिरोली भाजपामध्ये मोठे राजकीय वादळ उठण्याची चिन्हे आहेत. दुसरीकडे डॉ. उसेंडी हे देखील उमेदवारीसाठी आग्रही आहेत. त्यांच्यासाठी चिमूरचे आमदार बंटी भंगाडिया मैदानात उतरले आहे. उसेंडी यांना उमेदवारी मिळावी म्हणून भंगाडिया यांनी प्रदेशाध्यक्ष चंद्रशेखर बावनकुळे यांना गळ घातली आहे. परंतु स्थानिक भाजप पदाधिकारी त्यांच्यासाठी अनुकूल नाही. त्यामुळे ऐन निवडणुकीत भाजपला बंडाखोरीचा फटका बसू शकतो

गडचिरोली : राष्ट्रवादी काँग्रेस पक्ष शरद पवार गटाकडून अहेरी विधानसभेतून मंत्री धर्मरावबाबा आत्राम यांची कन्या भाग्यश्री आत्राम यांना उमेदवारी जाहीर करण्यात आली आहे. त्यामुळे अहेरीत आता पिता विरुद्ध पुत्री, अशी लढत होणार आहे. काही दिवसांपूर्वी भाग्यश्री यांनी वडील धर्मरावबाबा आत्राम यांच्याविरोधात बंड करून शरद पवार गटात प्रवेश केला होता. तेव्हापासून अहेरी विधानसभेतील राजकारणाची राज्यपातळीवर चर्चा होती. सोबतच काँग्रेसनेही या जागेवर आपला दावा कायम ठेवल्याने आघाडीत बिघाडीची चिन्हे निर्माण झाली आहेत.

राष्ट्रवादी काँग्रेस पक्षात फूट पडल्यानंतर राज्याचे अन्न व औषध प्रशासन मंत्री धर्मरावबाबा आत्राम यांनी अजित पवार गटासोबत जाण्याचा निर्णय घेतला होता. तेव्हापासून त्यांच्या कन्या भाग्यश्री आत्राम शरद पवार गटाच्या संपर्कात होत्या. महिनाभरापूर्वी त्यांनी प्रदेशाध्यक्ष जयंत पाटील यांच्या उपस्थितीत शरद पवार गटात प्रवेश केला. अहेरी विधानसभेवर राष्ट्रवादी काँग्रेस पक्षाचा पारंपारिक दावा राहिलेला आहे. त्यामुळे काँग्रेस आग्रही असताना देखील शरद पवार गटाकडून गुरुवारी जाहीर करण्यात आलेल्या ४५ उमेदवारांच्या यादीत भाग्यश्री आत्राम यांच्या नावाची घोषणा करण्यात आली. त्यामुळे अहेरीत ‘वडील विरुद्ध मुलगी’ असा थेट सामना होणार आहे. दरम्यान, भाजपकडून डावलण्यात आल्यानंतर मंत्री आत्राम यांचे पुतणे अम्ब्रीशराव आत्राम हे देखील शरद पवार गटाच्या संपर्कात होते. परंतु त्यांचे प्रयत्न कमी पडले. त्यामुळे ते आता अपक्ष लढतील अशी शक्यता आहे. अहेरीतील एकंदरीत राजकीय समिकरण बघता यंदा कधी नव्हे ते चार तुल्यबळ उमेदवार उभे राहणार आहे. त्यामुळे विजश्री खेचून आणण्यासाठी सर्वांचाच कस लागणार आहे.

काँग्रेसही लढणार

महाविकास आघाडीकडून भाग्यश्री आत्राम यांची उमेदवारी जाहीर झाल्यानंतर काँग्रेसमध्ये असंतोष बघायला मिळत आहे. विरोधी पक्षनेते विजय वाडेट्टीवार हे हणमंतू मडावी यांच्यासाठी आग्रही आहेत. त्यामुळे जागा वाटपाच्या बैठकीत वाडेट्टीवार यांनी अहेरीची जागा आम्ही लढवणारच यावर ठाम होते. गुरुवारी दिवसभर काँग्रेसच्या गोटात घडलेल्या घडामोडीनंतर हणमंतू मडावी देखील काँग्रेसकडून नामांकन दाखल करणार असल्याची माहिती सूत्रांनी दिली आहे. २०१९ मध्ये देखील काँग्रेस विरुद्ध राष्ट्रवादी काँग्रेसची मैत्रीपूर्ण लढत झाली होती. मात्र, राष्ट्रवादी काँग्रेसचे उमेदवार धर्मरावबाबा आत्राम विजयी झाले. पुन्हा तीच पारिस्थिती उद्भवल्यानेमहाविकास आघाडीत वाद पेटण्याची चिन्हे आहेत.

पुणे: अनेकदा न्यायालयात काम करताना एखाद्या प्रकरणावर कोणते उपाय सूचवावेत हे आपल्याला सूचत नाही. ज्यावेळी अयोध्येचे काम माझ्यापुढे आले होते, त्यावेळी ३ महिने आम्ही अयोध्येच्या कामावर विचार करत होतो. शेकडो वर्षे ज्यावर कुणी उपाय काढला नाही ते काम आमच्यापुढे आले. हे काम सुरू असताना यातून मार्ग कसा शोधायचा हे कुणालाही माहीत नव्हते. मी दैनंदिन जीवनात दररोज पूजा करतो, त्यामुळे

यातून मार्ग शोधून द्या, अशी प्रार्थना केली. मनात आस्था असेल तर मार्ग नेहमी निघतो असे मला वाटते, असे मत सर्वोच्च न्यायालयाचे सरन्यायाधीश डॉ. धनंजय चंद्रचूड यांनी व्यक्त केले. रविवारी सरन्यायाधीश त्यांच्या मूळ गावी खेड तालुक्यातील कनेरसर येथे असताना त्यांचा नागरी सत्कार झाला. त्यावेळी ते बोलत होते. या प्रसंगी जिल्हा व अतिरिक्त सत्र न्या. ए. एस. सय्यद, न्या. एस. बी. पोळ, न्या. एस. बी. पवार, उपविभागीय अधिकारी अनिल दौंडे आदी उपस्थित होते.

देवीच्या कृपेमुळे मी सरन्यायाधीश झालो

गावातील यमाई देवीच्या कृपेमुळे मी सर्वोच्च न्यायालयाचा सरन्यायाधीश झालो, असे मला कायम वाटते. कनेरसर गावासोबतचे माझे नाते लहानपणापासून आहे, या शब्दांत चंद्रचूड यांनी भावना व्यक्त केल्या.

कढोली, (वा.). दुचाकीस्वार सरपंच यांच्या दुचाकीला ट्रकने धडक दिल्याने ते गंभीर जखमी झाल्याची घटना बुधवारी (दि. 23) कढोली- वैरागड मार्गावरील सती नदीच्या पुलाजवळ घडली. अविनाश टेकम (37, रा. सावलखेडा, ता. कुरखेडा) असे जखमी सरपंचाचे नाव आहे. त्यांना उपचारासाठी रुग्णालयात दाखल करण्यात आले आहे. प्राप्त माहितीनुसार, सरपंच अविनाश टेकाम हे आपल्या दुचाकीने काही कामानिमित्त कढोली येथे आले होते.

काम आटोपून ते आपल्या स्वगावी कराडीला जात होते. दरम्यान, कढोली-वैरागड मार्गावरील सती नदीपुलावर दोन ट्रकांच्या मध्ये त्यांची दुचाकी आल्याने एका ट्रकचा हुक त्यांच्या दुचाकीला लागताच ते दुचाकीसह खाली कोसळले. घटनेची माहिती शेतावरून काम करून परत येत असलेल्या महिलांनी कढोलीचे माजी सरपंच चंद्रकांत चौके यांच्यासह पदाधिका-यांना दिली. त्यांनी घटनास्थळ गाठून जखमी सरपंचास उपचाराकरीता कढोली येथील प्राथमिक आरोग्य केंद्रात दाखल केले. मात्र तेथे एकही वैद्यकीय अधिकारी उपस्थित नव्हता. त्यानंतर सोनसरी येथील डॉ. विवेक आकरे यांनी जखमी सरपंचावर उपचार केले.

गडचिरोली जिल्ह्यात पोलीस आणि नक्षलवाद्यांमध्ये चकमक सुरु आहे. गडचिरोलीतील छत्तीसगड सीमावर्ती भागात नक्षलविरोधी पोलीस पथक आणि नक्षलवाद्यांमध्ये चकमक सुरू आहे. या चकमकीत तीन ते चार नक्षलवादी ठार झाल्याची प्राथमिक माहिती आहे. तर एक पोलीस जवान जखमी झाल्याचीही माहिती आहे. भामरागडमधील कोपरीच्या जंगलात ही चकमक झाली आहे. या भागात अनेक नक्षलवादी असल्याची माहिती गुप्तचर यंत्रणांनी पोलिसांना दिली होती. त्यानंतर पोलिसांनी या भागात कारवाई केली. या चकमकीत तीन ते चार नक्षलवादी ठार झालेत.

गडचिरोलीत पोलीस- नक्षलवाद्यांमध्ये चकमक

गडचिरोलीतील भामरागड तालुक्यातील कोपरी हा शेवटच्या जंगल परिसर आहे. या भागात सध्या चकमक मोठ्या प्रमाणात सुरू आहे. या कोपरीच्या जंगलात मोठ्या प्रमाणात नक्षलवादी असल्याचा गुप्त माहिती पोलिसांना मिळाली. त्यानंतर या जंगलात ऑपरेशन राबविण्यात आलं आहे. सी. सिक्सटी पोलीस पथकाचे तुकड्या वाढवण्यात येत आहेत.

धर्मराव बाबा आत्राम यांच्या सुरक्षेत वाढ

राष्ट्रवादी अजित पवार गटाचे वरिष्ठ नेते, राज्याचे अन्न व औषध प्रशासन मंत्री धर्मराव बाबा आत्राम आज गडचिरोली जिल्ह्याच्या दौऱ्यावर आहेत. धर्माराव आत्राम आज भामरागड दौऱ्यावर आहेत. अशातच भामरागड तालुक्यात चकमक घडल्यामुळे आत्राम यांच्या सुरक्षेत वाढ करण्यात आली आहे. आत्राम यांच्या सुरक्षेसाठी वाहनांच्या ताफा येण्यास सुरुवात झालीय. आत्राम यांना पोलिसांच्या मोठा बंदोबस्त देण्यात येणार असल्याची माहिती आहे. निवडणुकीच्या प्रचारासाठी कॅबिनेट मंत्री आत्राम हे भामरागड तालुक्याला सकाळी गेले. त्यानंतर ते आता गडचिरोलीत विविध ठिकाणी प्रचारासाठी फिरणार आहेत. अशातच पोलीस आणि नक्षलवादी यांच्यात चकमक झाली. त्यामुळे आत्राम यांच्या सुरक्षेतही वाढ करण्यात आली आहे.

 कुरखेडा : शेतातील चवळीच्या शेंगांचीतोडणी करीत असताना शेतकऱ्याला विषारी सापाने दंश केल्याने त्याचा उपचारादरम्यान मृत्यू झाला. ही घटना तालुक्याच्या पलसगड येथे घडली.

मोहन आत्राम (६१) रा. पलसगड, असे मृत्यू झालेल्या शेतकऱ्याचे नाव आहे. मोहन आत्राम यांच्या शेतातील धान कापणी व बांधणीचे काम पूर्ण झालेले आहे. त्यांच्या शेतातच चवळीचे वेल आहेत. येथे लागलेल्या शेंगा ते तोडता असताना त्यांच्या पायाला

विषारी सापाने दंश केला. त्यांच्या पायाला काहीतरी रुतल्याचा भास झाला. त्यांनी लक्ष दिले नाही. गावापासून खूप लांब अंतरावर शेत आहे. त्यामुळे त्यांना घरी परत येण्यासाठी बराच उशीर झाला. तोपर्यंत त्यांची प्रकृती खालावली. दरम्यान, त्यांना उपजिल्हा रुग्णालयात दाखल केले असता त्यांचा मृत्यू झाला. त्यांच्या पश्चात पत्नी, दोन मुले, एक मुलगी, नातवंड आहेत.

आरोपीला पीसीआर : मुलचेरातील प्रकार

 मुलचेरा तालुक्याच्या लभानतांडा येथील २० वर्षीय युवतीचे लैंगिक शोषण करणाऱ्या धानोरा येथील बँक व्यवस्थापकावर मुलचेरा पोलिसांनी गुन्हा नोंदविला. त्यानंतर सदर आरोपीला न्यायालयात हजर केले असता न्यायालयाने तीन दिवसांची पोलिस कोठडी सुनावली.

विजय सदानंद राठीपिटने (३६, रामटेक, जिल्हा नागपूर), असे आरोपीचे नाव आहे. विजय राठीपिटने हा २०२३ रोजी मुलचेरा येथील विदर्भ कोकण बँकेत व्यवस्थापकपदी कार्यरत होता. तेव्हा लभाणतांडा येथील युवती ही बँकेत ये जा करायची. दरम्यान, दोघांचाही परिचय झाला. 'तुला शिक्षणासाठी मदत करतो व अधिकारी बनवतो व लग्न करतो' असे आमिष आरोपी विजय राठीपिटने याने युवतीला दिले. त्यानंतर वेळोवेळी शारीरिक संबंध ठेवले. मात्र, मुलीने जेव्हा लग्नासाठी आग्रह धरला तेव्हा 'तू वाईट प्रवृत्तीची मुलगी असून माझ्याकडून पैसे घेतलेले आहेत' अशी दमदाटी देत लग्नास नकार दिला. झालेल्या मानसिक त्रासामुळे मुलीने मुलचेरा पोलिस स्टेशनमध्ये १५ ऑक्टोबरला शारीरिक शोषणाची तक्रार नोंदवली. सदर तक्रारीवरून आरोपीला अटक करून गुन्हा नोंद करीत न्यायालयात हजर केले असता १८ ऑक्टोबरपर्यंत पोलिस कोठडी सुनावण्यात आली होती. या प्रकरणाचा पुढील तपास पोलिस निरीक्षक महेश विधाते व पीएसआय ऋतुजा खाते करत आहेत.

वैरागड (गडचिरोली): दोन अपत्ये असलेल्या व्यक्तीवर प्रेमप्रकरणाच्या संशयावरून त्याची पत्नी, आई व वहिनीने अल्पवयीन मुलीच्या घरी जाऊन मारझोड केली. हा अपमान मुलीच्या जिव्हारी लागला आणि तिने विष प्राशन केले. उपचार सुरू असतानाच तिचा मृत्यू झाला. ही घटना शनिवार, ५ ऑक्टोबर रोजी सकाळी ६ वाजता आरमोरी तालुक्याच्या कुकडी येथे घडली.

शिवानी फकीरदास कोवे (१७, रा. कुकडी, ता. आरमोरी) असे मृत मुलीचे नाव आहे. शिवानी ही विहीरगाव येथील यशवंत कनिष्ठ महाविद्यालयात इयत्ता १२ व्या वर्गात शिकत होती. विहीरगाव येथीलच चिकन सेंटर चालक प्रशांत विश्वनाथ भोयर यांच्याशी तिचे प्रेम असल्याचा संशय प्रशांतची पत्नी शिल्पा भोयर (२८), आई कल्पना भोयर (५५) आणि वहिनी अरुणा प्रफुल्ल भोयर (३३) यांना होता. प्रेमप्रकरणाच्या संशयातून त्यांनी गुरुवार, ३ ऑक्टोबर रोजी दुपारी २ वाजताच्या सुमारास कुकडी गावात

पोहोचून थेट शिवानीचे घर गाठले व मारझोड केली. झालेले आरोप व अपमान शिवानीच्या जिव्हारी लागला. घरीच उपलब्ध असलेले उंदीर मारण्याचे विष प्राशन केले. काही वेळेतच तिची प्रकृती बिघडायला लागली. शेजाऱ्यांनी तिला आरमोरी उपजिल्हा रुग्णालयात उपचारासाठी भरती केले. तेथे उपचार सुरू असतानाच शनिवार, ५ ऑक्टोबर रोजी सकाळी ६ वाजता तिचा मृत्यू झाला. याप्रकरणी तिन्ही महिलांवर आरमोरी पोलिस ठाण्यात विविध कलमांन्वये गुन्हा दाखल झालेला आहे.

आई-वडील परजिल्ह्यात, साधला डाव

घटनेच्या दिवशी शिवानीची आजी शेतावर गेली होती, तर लहान बहीणसुद्धा घरी नव्हती. तर शिवानीचे आई-वडील काही दिवसांपूर्वीच परजिल्ह्यात मजुरीसाठी गेलेले होते. हाच डाव साधून तिन्ही महिलांनी शिवानीशी जोरजोरात भांडण करून तिला खोलीत डांबून मारझोड करीत धमकीसुद्धा दिली. शिवानीला मारझोड करताना कुणीही अटकाव केला नाही. मारझोडीनंतर तिन्ही महिला विहीरगाव येथे निघून गेल्या. 

आरमोरी वनपरिक्षेत्रातील मौजा रामाळा येथे "वन्यजीव सप्ताह " निमित्ताने जनजागृती रॅली काढण्यात आली. दरवर्षी 1 ते 7 ऑक्टोंबर या दरम्यान वन्यजीव सप्ताह साजरा करण्यात येतो त्या दरम्यान वनविभागाच्या वतीने विविध कार्यक्रमाचे आयोजन करून वन्यजीवांविषयी मार्गदर्शन व जनजागृती करण्यात येतो. सदर सप्ताहाचे औचित्य साधून आरमोरी पासून अवघ्या 1 किलोमीटर अंतरावर असलेल्या मौजा रामाळा येथे जिल्हा परिषद प्राथमिक शाळा, रामाळा व वनपरिक्षेत्र आरमोरी यांच्या वतीने रॅली काढून गावांमध्ये जनजागृती करण्यात आली तसेच विद्यार्थ्यांना वन्यजीवांविषयी मार्गदर्शन करण्यात आले.

 सदर कार्यक्रमाला, आरमोरी उपक्षेत्राचे क्षेत्र सहाय्यक श्री.फुलझेले, जिल्हा परिषद प्राथमिक शाळेचे मुख्याध्यापक श्री . मडावी सर, शाळा व्यवस्थापन समितीचे सभापती श्री.खुशाल नैताम, शिक्षीका सौ.पिलारे मॅडम, माकडे मॅडम, वनरक्षक अजय उरकुडे,पी.आर.पाटील, आनंद साखरे,कु.डोंगरे मॅडम, वनमजूर किर्ती मेश्राम, होणाजी कुथे, मोरेश्वर बोरूले, वाहन चालक सुनील उरकुडे व विद्यार्थी उपस्थित होते.

नारायणपूर: छत्तीसगडमधील नारायणपूर-दंतेवाडा जिल्ह्याच्या सीमेवर शुक्रवारी सुरक्षा दलाला मोठे यश आले. चकमकीत सुरक्षा दलाने ३० नक्षलवाद्यांना ठार केले. घटनास्थळावरून जवानांना मोठ्या प्रमाणात ऑटोमॅटिक शस्त्रे सापडली आहेत. नक्षलवाद्यांकडे एके ४७ देखील असल्याचे समोर आले आहे. या चकमकीनंतर परिसरात शोध मोहीम सुरू करण्यात आले आहे. चकमकीत सहभागी झालेले सर्व जवान सुरक्षित असल्याचे अधिकाऱ्यांनी सांगितले.

नक्षलवाद्यांसोबतची चकमक अबूझमाड येथे झाली. हा परिसर नारायणपूर आणि दंतेवाडा जिल्ह्यात सीमाभागात येतो. अबूझमाड क्षेत्रात नक्षलवादी असल्याची माहिती मिळाल्यानंतर सुरक्षादलाच्या संयुक्त पथकाने सर्च ऑपरेशन सुरू केले. दुपारी एकच्या सुमारास नक्षलवाद्यांनी गोळीबार सुरू केला. उत्तरादाखल सुरक्षा जवानांनी कारवाई केली.

सुरक्षा दलाला आतापर्यंत १४ नक्षलवाद्यांचे मृतदेह सापडले आहेत. त्याच बरोबर AK 47, SLR सह अन्य शस्त्रे सापडली आहेत. गेल्या काही महिन्यात छत्तीसगड नक्षलवाद्यांसोबतच्या चकमकीच्या बातम्या समोर येत आहेत. याआधी २३ सप्टेंबर रोजी नारायणपूर येथे झालेल्या चकमकीत ३ नक्षलवादी ठार झाले होते, ज्यात २ पुरुष आणि १ महिलेचा समावेश होता. त्याच्या दुसऱ्या दिवशी म्हणजे २४ सप्टेंबरला सुकमा जिल्ह्यात सुरक्षा दलाने दोघ नक्षलवाद्यांना ठार केले होते. चकमकीनंतर दोघांचे मृतदेह त्यांचे सहकारी घेऊन गेले होते. या वर्षभरात छत्तीसगडच्या बस्तर क्षेत्रात झालेल्या वेगवेगळ्या चकमकीत ठार झालेल्या नक्षलवाद्यांची संख्या १५०च्या पुढे आहे.

राज्याचे मुख्यमंत्री विष्णुदेव साय हे देखील बस्तर दौऱ्यावर आहेत. त्यांच्यासोबत विधानसभेचे अध्यक्ष रमन सिंह आणि वनमंत्री केदार कश्यप देखील दौऱ्यावर आहेत. मुख्यमंत्र्यांच्या दौऱ्यावेळीच सुरक्षा दलाने ही मोठी कारवाई केली आहे.

गडचिरोली जिल्ह्यात मागील दोन वर्षापासून हौदोस घालणारे जंगली हत्ती गडचिरोली शहरापर्यंत पोहचले आहे.

आज रात्री शहरालगत असलेल्या सेमाना देवस्थान जवळ जंगली हत्ती राष्ट्रीय मार्गावर आले आहे. यामुळे हा मार्ग बंद करण्यात आला असून येथे या मार्गावर प्रवास करणाऱ्याना जंगली हत्तीचे दर्शन झाले आहे. या वेळी वन विभाग कडून चोख बंदोबस्त ठेवण्यात येत असून तुतास नागरिकांना ध्वनीक्षेपण द्वारे आव्हान करण्यात येत आहे.

या लिंक वर आपणाला हत्ती पाहायला मिळेल.

👇👇👇👇👇👇👇👇👇👇

https://youtu.be/FWqNE9TRHXs?si=wgVbf7UyghYkAU_V

सदर हत्तीच्या कळप मध्ये २२ हत्ती असल्याची सूत्राकडून माहिती मिळाली आहे. सकाळी मोर्निंग वाक करिता जाणाऱ्यानी स्वताची सुरक्षेची काळजी घ्यावी. हत्तीचा मुक्काम किती काळ राहणार हे पाहणे आवश्यक आहे, सदर हत्ती हे ओरिसा राज्यातून आले आहे. या जिल्ह्यतील वातावरण त्यांना मानवले असल्याने त्यांचा या जिल्ह्यत कायमचा मुक्काम रराहण्याची शक्यता आहे.

              आज दिनांक १६ सप्टे. रोज सोमवार ला आरमोरी येथील रेस्ट हाऊस मध्ये आझाद समाज पार्टी तालुका आरमोरी ची विषेश बैठक घेण्यात आली. सदर बैठकीला अध्यक्ष म्हणुन ऋषी सहारे तालुका अध्यक्ष उपस्थित होते. यावेळी आरमोरी तालुका कार्याध्यक्ष म्हणून पुरुषोत्तम मैंद यांची नियुक्ती करण्यात आली.

सदर बैठकीमधे सविस्तर चर्चा करुन खालील मुद्दे घेण्यात आले.

१) लेटर हेड तयार करणे

२) ग्रामीण भागातील बस सेवा सुरू करण्यात बाबत 

३) कामगार वर्गाकरिता आंदोलन करणे. कामगारांना, हमाल पेन्शन लागू करा. ५० वर्ष वयाची अट 

४) बांधकाम विभाग विरोधात आंदोलन

५) शालेय पोषण आहार वर भर देणे 

६) भरम साठ बिला संदर्भात एम एस ई बी वर आंदोलन करने 

               सदर बैठकीला आझाद समाज पार्टी आरमोरीचे तालुका अध्यक्ष ऋषी सहारे, पुरुषोत्तम मैद तालुका कार्याध्यक्ष, सुरेंद्र वासनिक ता.सचिव, शुभम पाटील ता. अध्यक्ष युवा आघाडी, स्वाती खोब्रागडे ता.महीला अध्यक्ष, नितीन भोवते शहर अध्यक्ष, पियूष वाकडे ता.उपाध्यक्ष युवा आघाडी, नितेश बगमारे, आदी पदाधिकारी बैठकीला उपस्थित होते.

शिरपूर मार्गावर रात्री अपघात : सकाळी मृतावस्थेत आढळला

 मोहटोला (किन्हाळा) : दुचाकीवरील चालकाचे सुटले व वाहन रस्त्यालगत पळसाच्या झाडावर आदळले. हा अपघात एवढा भीषण होता की, झाडाच्या फांद्या तुटून युवकावर पडल्या. यात गृहरक्षक दला (होमगार्ड) च्या जवानाचा जागेवरच मृत्यू झाला. हा अपघात शनिवार, १४ सप्टेंबरच्या रात्री देसाईगंज तालुक्यातील मोहटोला (किन्हाळा) शिरपूर मार्गावर महाजन डोंगरी या परिसरात झाला. देवेंद्र श्यामराव देवरे (३५) मु. वासी ता. कुरखेडा असे अपघातात ठार झालेल्या युवकाचे नाव आहे. तो कुरखेडा पोलिस ठाणे अंतर्गत गृहरक्षक दलाचा जवान होता. रविवारी सकाळी व्यायामाकरिता गेलेल्या

मोहटोला व विहीरगाव येथील युवकांना रस्त्यावर दुचाकीला उपघात झाल्याचे दिसून आले. या युवकांनी या अपघाताची माहिती देसाईगंज पोलिस स्टेशनला दिली. एमएच ३३, एल- ४००३ या क्रमांकाची दुचाकी घटनास्थळावर पडून होती. देसाईगंज पोलिसांनी पंचनामा करून मर्ग दाखल केला आणि प्रेत उत्तरीय तपासणीसाठी ग्रामीण रुग्णालयात पाठविले. या घटनेचा अधिक तपास पोलिस निरीक्षक अजय जगताप यांच्या मार्गदर्शनात पोलिस हवालदार राजेंद्र मोहुर्ले करीत आहेत.

सायंकाळी रहदारी होते बंद, रस्ता सामसूम मोहटोला- शिरपूर रस्ता घनदाट

जंगलातून गेलेला आहे. जंगलव्याप्त हा रस्ता असल्याने सायंकाळी ७ वाजेनंतर हा रस्ता रहदारीसाठी बंद होतो. येथून दुचाकीवाहनचालक सुद्धा रात्रीच्या सुमारास जात नाहीत.

एटापल्ली : झोपेची डुलकी आल्याने भरधाव चारचाकी वाहनावरील चालकाचे नियंत्रण सुटले व वाहन थेट रस्त्यालगतच्या झाडावर आदळले. यात गंभीर जखमी झालेल्या वाहन मालकाचा मृत्यू उपचारादरम्यान झाला. हा उपघात गुरुवारी मध्यरात्री १:३० वाजेच्या सुमारास गट्टा मार्गावर तुमरगुंडा आलदंडी गावादरम्यान झाला.

रंजीत बर्वा (३५, रा. गोडेली, ता. एटापल्ली) असे अपघातात ठार झालेल्या वाहनमालकाचे नाव आहे. रंजीत बर्वा हे आपल्या चारचाकी वाहनाने चालकासोबत एटापल्लीवरून गोडेली गावी जात होते. गुरुवारी रात्री १:३० वाजता 

वाहन चालकास झोपेची डुलकी आल्याने वाहनावरील त्यांचे नियंत्रण सुटले व वाहन रस्त्यालगतच्या एका झाडावर आदळले. या अपघातात गाडी मालक रंजीत बर्वा हे गंभीर जखमी झाले. त्यांच्यावर नागपूर येथे उपचार सुरू होते. मात्र, शनिवारी दुपारी रंजीत बर्वा यांचा मृत्यू झाला. सुदैवाने वाहन चालकास कुठलीही इजा झाली नाही.

वैरागड : कुरखेडा तालुक्याच्या सीमेलगत ठाण मांडून बसलेल्या रानटी हत्तींनी चार दिवसांपूर्वी आरमोरी तालुक्याकडे मोर्चा वळवला. पळसगाव, पाथरगोटा, कराडी जंगलातून हत्ती वैरागडच्या चुनबोडी परिसरात दाखल झाले आहेत. हत्तींनी पिकांमध्ये धुडगूस घालण्यास सुरुवात केल्याने येथील शेतकरी धास्तावले आहेत.

रानटी हत्तींचा कळप १३ सप्टेंबरला कराडीच्या डोंगरीच्या आसपास होता. त्यानंतर हा कळप कराडीच्या जंगलातून लगतच्या चुनबोडीच्या जंगलात आला. या भागातील शेतातील धानपिकांची नासधूस हत्ती करीत आहेत. हत्तीपासून होणारे नुकसान टाळण्यासाठी वनविभागाने ठोस उपाययोजना कराव्या व हत्तींचा कायमचा बंदोबस्त करावा, अशी मागणी वैरागड येथील शेतकऱ्यांनी केली आहे.

मोका पंचनामे करणार

 रानटी हत्तींमुळे ज्या शेतकऱ्यांच्या धानपिकांची नासधूस झाली आहे. त्या शेतकऱ्यांच्या शेतात प्रत्यक्ष पोहोचून मोका पंचनामे करून वनविभागातर्फे नुकसानभरपाई दिली जाईल, अशीमाहिती वनरक्षक सचिन शेडमाके यांनी दिली.

 धानोरा : गणेश विसर्जनासाठी जाताना भरधाव कार पुलाच्या कठड्यास धडकून एकजण जागीच ठार तर एक गंभीर जखमी झाला. ही घटना १० सप्टेंबर रोजी रात्री नऊ वाजेच्या सुमारास धानोरा- मालेवाडा रोडवरील सुरसुंडीजवळ घडली.

बबलू पठाण (वय ४४, रा. धानोरा ) असे मृताचे नाव असून गोपीदास चौधरी (वय ४५, रा. धानोरा) हे जखमी आहेत. मित्राच्या घरी खांबाळा येथे गणपती विसर्जनासाठी गडचिरोली येथील दोघे व धानोरा येथील दोघे असे चौघे मित्र कारमधून (एमएच १६ एजे ३४४१) जात होते. सुरसुंडीजवळ वाहनावरील नियंत्रण सुटल्याने कार अनियंत्रित होऊन पुलाच्या कठड्यावर आदळली. यात मागे बसलेले बबलू पठाण यांच्या

हीच ती अपघातग्रस्त कार. छातीला मुकामार लागला तसेच गोपी चौधरी यांच्या हाताला व कंबरेला दुखापत झाली. इतर दोघे सुरक्षित आहेत. जखमी दोघांनाही धानोरा ग्रामीण रुग्णालयात दाखल केले. डॉक्टरांनी तपासणी करुन बबलू पठाण यांना मृत घोषित केले तर गोपी दासला पुढील उपचाराकरिता ब्रह्मपुरी येथे खासगी रुग्णालयात नेण्यात आले. धानोरा पोलिस अधिक तपास करत आहेत.

दुसऱ्या दिवशी मिळाला सुरक्षारक्षकाचा मृतदेह

बल्लारपूर : वेकोलीतील सुरक्षारक्षकाने दुचाकी पुलावर ठेवून वर्धा नदीत उडी घेऊन आत्महत्या केली. ही घटना गुरुवारी (दि. १२) उघडकीस आली. गणेश चंद्रय्या येगेवार (३८, नांदगाव पोडे), असे मृतकाचे नाव आहे.

गणेश येगेवार यांनी १० सप्टेंबर दुपारी १२:४५च्या सुमारास घरी मोबाइल कॉल करून पुलावरून उडी मारून आत्महत्या करीत असल्याचे सांगितले. कुटुंबीयांनी पुलावर येऊन बघताच तिथे त्याची दुचाकी आढळून आली.

या घटनेची तक्रार बल्लारपूर पोलिसांना दिल्यानंतर पथक घटनास्थळी पोहोचले. तोपर्यंत रात्र झाल्याने शोधमोहीम थांबविण्यात आली. बुधवारी (दि. ११) सकाळी पुन्हा शोध सुरू केला असता दुपारी १२:३०

वाजेच्या सुमारास वर्धा नदीच्या कळमना बंधाऱ्याजवळील काठावर गणेशचा मृतदेह आढळून आला. पोलिसांनी मृतदेह ताब्यात घेऊन शवविच्छेदनासाठी ग्रामीण रुग्णालयात पाठविला. त्यानंतर कुटुंबाच्या स्वाधीन केले. मृतक गणेशला दारू व जुगाराचे व्यसन होते. त्यामुळे कर्जबाजारी होता. कर्ज कसे फेडावे यासाठी तो चिंताग्रस्त होता. याच चिंतेतून त्याने यापूर्वी तीनदा आत्महत्येचा प्रयत्न केल्याची गावात चर्चा आहे. मात्र, आत्महत्येचे नेमके कारण कळू शकले नाही.

पुढील तपास बल्लारपूरचे ठाणेदार सुनील गाडे यांच्या मार्गदर्शनात पोलिस उपनिरीक्षक विकी लोखंडे व वाकडे करीत आहेत.

भद्रावती : वाढदिवस साजरा करण्याच्या निमित्ताने शहराबाहेर नेऊन एका विधवा महिलेवर अत्याचार केल्याची घटना गुरुवारी (दि. ११) शहरात उघडकीस आली. पीडितेच्या तक्रारीवरून पोलिसांनी आरोपीला अटक केली.

रवींद्र सोनटक्के (३८, कोरपना) असे आरोपीचे नाव आहे. आरोपी सोनटक्के व पीडित महिला हे एकमेकाला दोन वर्षांपासून ओळखतात. याच ओळखीचा फायदा घेऊन आरोपीने स्वतः चा वाढदिवस साजरा करण्यास शहराबाहेर चालण्याचा आग्रह केला.

तेव्हा फिर्यादी पीडिताने आपल्या सोबत मैत्रिणीलाही घेतले. सोमवारी (दि. ९) सायंकाळी हे तिघेही मानोरा जंगल शिवाराकडे गेले. तिथे आरोपीने महिलेला मारहाण करून अत्याचार केला.

मदतीसाठी धावलेल्या मैत्रिणीलाही मारहाण केली. पीडिताच्या तक्रारीवरून पोलिसांनी गुरुवारी रवींद्र सोनटक्के याला अटक केली. पुढील तपास ठाणेदार बिपिन इंगळे करीत आहेत.

चंद्रपूर : कौटुंबिक वादातून पतीने पत्नीची चाकूने भोसकून हत्या केल्याची खळबळजनक घटना कोठारी पोलिस ठाणे अंतर्गत कुडेसावली येथे गुरुवारी (दि. १२) सकाळी ७ वाजेच्या सुमारास घडली, वंदना धनपाल रामटेके (६०, रा. कुडेसावली) असे मृत महिलेचे नाव आहे. पोलिसांनी आरोपी पती धनपाल रामटेके (६७) याच्यावर भारतीय न्याय संहिता कलम १०३ (१) अन्वये गुन्हा दाखल करून अटक केली. महिलेला वाचविण्यासाठी धावणाऱ्या शेजाऱ्यांवरही आरोपीने चाकू उगारल्याची माहिती पुढे आली आहे.

 बल्लारपूर तालुक्यातील कुडेसावली येथील धनपाल रामटेके व पत्नी वंदना यांच्यात कौटुंबिक कलहातून नेहमीच वाद होत होते. गुरुवारी सकाळी मोठा मुलगा चंद्रपूरला गेला. त्यानंतर काही वेळातच त्यांच्यात पुन्हा वाद सुरू झाला. दरम्यान, वेदना ही भांडे घासत असताना धनराजने धारदार चाकूने तिच्या पाठीत वार केले. घाबरून लगेच मागे वळली असता त्याने पुन्हा चाकू पोटात भोसकला, त्यानंतर हात समोर केला असता हातावरही चाकूने वार केला. रक्ताच्या थारोळ्यात वंदना जमिनीवर कोसळली. शेजाऱ्यांनी तिला कोठारी येथील रुग्णालयात नेले. मात्र, तिची प्रकृती अत्यंत नाजूक असल्याने बल्लारपूर येथे हलविण्यात आले, मात्र वाटेतच तिचा मृत्यू झाला. याबाबतची माहिती मिळताच कोठारीचे ठाणेदार योगेश खरसान घटनास्थळावर दाखल झाले. त्यांनी घटनेचा पंचनामा करून आरोपी धनपाल रामटेके याला अटक केली.

ब्रम्हपुरी : दिनांक, ११/०९/२४ ब्रह्मपुरी तालुक्यातील गणेशपुर मेंडकी येथील शेतकरी शेतातील धानाला खत मारण्यासाठी गेले. खत मारता मारता शेतात थ्री फेस लाईन असल्यामुळे कदाचित ओलाव्यामुळे (अर्थिगला) असलेल्या जिवंत करंट मुळे मृत्यू झाला असे बोलले जात आहे.

1) नानाजी पुंडलिक राऊत वय, 50 वर्ष

2)प्रकाश खुशाल राऊत वय, 40 वर्ष 

3)युवराज झींगर डोंगरे वय, 45 वर्ष तिघेही राहणार गणेशपुर व

4) पुंडलिक मानकर वय, 60 वर्ष राहणार चिचखेडा

यांचा शेतात जागीच मृत्यू झाला. यात दोघे जण सुखरूप बचावले. शेतात एकूण सहा जण काम करीत होते. चौघांच्या च्या मृत्यू मुळे ब्रम्हपुरी तालुका व गणेशपुर येथे शोककळा पसरली आहे.

चारही मृतककांचे शव शवविच्छेदनासाठी ब्रह्मपुरी येथे उपजिल्हा रुग्णालयात आणण्यात आले आहेत.

कॅलिफोर्नियाः अमेरिकेच्या कॅलिफोर्नियातील वरीष्ठ सभागृहाच्या सदस्या (सेनेटर) मेरी अल्वाराडो-गिल यांनी पुरुष कर्मचाऱ्याकडून लैंगिक सुखाची मागणी करत बळजबरी केल्याचा आरोप ठेवण्यात आला आहे. लैंगिक सुखाची मागणी केल्यानंतर माझ्या पाठीला आणि मणक्याला दुखापत झाली, असा दावा गिल यांचे माजी चीफ ऑफ स्टाफ चाइ कँडीट यांनी केला आहे.

माजी सिनेट सदस्य गॅरी कँडीट यांचा मुलगा असलेल्या चाड कँडीट यांनी आता याबद्दल कायदेशीर खटला दाखल केला असून प्रवासादरम्यान गिल लैंगिक सुखाची मागणी करत असत, असा आरोप केला आहे. यावर गिल

यांच्या वकिलानेही प्रत्युत्तर दाखल केले असून कँडीट यांचे आरोप फेटाळून लावले आहेत. सॅक्रामेंटो सुपीरियर न्यायालयात दाखल केलेल्या खटल्यानुसार, कँडीट यांनी दावा केला की, नोकरी टिकविण्यासाठी त्यांनी गिल यांच्या लैंगिक सुखाच्या मागणीची प्रतिपूर्ती केली. मेरी अल्वाराडो गिल या पूर्वी डेमोक्रॅट पक्षात होत्या, आता त्या रिपब्लिकन पक्षाच्या सदस्या आहेत. मेरी अल्वाराडो- गिल यांच्याविरोधात दाखल

केलेल्या खटल्यात कँडीट यांनी असाही दावा केला की, गिल यांनी कार्यालयात दहशतीचे वातावरण तयार केले होते. तसेच आपले शेवटचे भांडण झाले, तेव्हा गिल यांनी एका छोट्याश्या गाडीत माझ्याकडे लैंगिक सुखाची मागणी केली. ज्यामुळे माझ्या पाठीला जबर दुखापत झाली आणि ज्यामुळे माझ्या तीन हाडांना मार बसला. त्यानंतर डिसेंबर महिन्यात कँडीट यांना कामावरून काढून टाकण्यात आले होते. पाठीच्या दुखापतीचे कारण देत त्यांनी गिल यांच्या मागणीला नकार दिला होता, म्हणून ही कारवाई झाली, असे ते म्हणाले. तसेच नोकरीवरून काढून टाकण्याआधी गिल यांनी आपल्या अधिकाराचा गैरवापर करत कँडीट यांच्यावर शिस्तभंगाची कारवाई केली होती.

गडचिरोली :-काँग्रेसचे महाराष्ट्र ओबीसी प्रदेश सरचिटणीस मनोज ढोरे यांनी काल,१० सप्टेंबर रोजी नागपूरच्या जामठा येथील 'श्युअर टेक हॉस्पिटल' ला सदिच्छा भेट देत हॉस्पिटल मधील रुग्णांसाठी उपलब्ध असलेल्या सोयी-सुविधा तसेच स्टाफ बद्दलची संपूर्ण माहिती जाणून घेतली.

सामाजिक कार्यात नेहमी तत्पर असणारे ढोरे यांनी यापूर्वी आरोग्य शिबिरे आयोजित करून,आरोग्य शिबिरात पुढील उपचाराकरिता देसाईगंज तालुक्यातील व इतर परिसरातील जवळपास ११ रुग्णांना नागपूरच्या जामठा येथील 'श्युअर टेक हॉस्पिटल' येथे स्वखर्चाने भरती करून मोफत रुग्ण सेवेचा लाभ देण्यात मोलाची भूमिका बजावली आहे.मोफत आरोग्य शिबीरे,युवकांसाठी स्पर्धा परीक्षा मार्गदर्शनपर शिबिरे,बेरोजगार मेळावे व इतर अशी अनेक सामाजिक लोकोपयोगी उपक्रमे राबविण्यात ढोरे हे अष्टपैलू,क्रियाशील व्यक्तिमत्त्वाचे धनी आहेत. त्यांचे कार्य इतरांसाठी प्रेरणादायी असून काल,१० सप्टेंबरला त्यांनी 'श्युअर टेक हॉस्पिटल नागपूर' ला भेट देऊन रुग्णांसाठी कश्या प्रकारे सोयी-सुविधा उपलब्ध आहेत; डॉक्टर तसेच स्टाफ रुग्णांची योग्यप्रकारे उपचार करून घेतात की नाहीत; या बद्दलची संपूर्ण माहिती जाणून घेतली.माहिती जाणून घेतांना 'श्युअर टेक हॉस्पिटल' बद्दल ढोरे यांनी सांगितले की,हॉस्पिटलची सुसज्ज अशी इमारत असून रुग्णांकरीता सर्व सोयी-सुविधायुक्त असे ऑपरेशन रूम,विविध उपकरणे,मोफत औषधे,तज्ञ डॉक्टरांची टीम,आरोग्य कर्मचाऱ्यांचे स्टाफ,स्वच्छ-सुंदर असे परिसर असून एखादा रुग्ण एकदा रुग्णालयात दाखल झाला की,अर्धे आजार आपोआपच बरे होऊन जातात.या हॉस्पिटलचे एक वैशिष्ट्य म्हणजे शासनाच्या शासकीय योजनेमधून हजारो रुपयाचे मोफत औषधोपचार व ऑपरेशन केले जात असून, जास्तीत-जास्त रुग्णांनी रुग्ण सेवेचा लाभ घेण्याचे आवाहन काँग्रेसचे महाराष्ट्र ओबीसी प्रदेश सरचिटणीस मनोज ढोरे यांनी केले आहे.

याप्रसंगी श्युअर टेक हॉस्पिटलचे फायनान्स डायरेक्टर अभिजीत देशमुख सर,हॉस्पिटल इन्चार्ज डॉ.उर्मिला ढाणके मॅडम, डॉ.रामविलास मलानी सर व मोहन लोहंबरे सर उपस्थित होते.

रुग्णालयाचे लाभ घेण्याकरिता रुग्णांनी खाली दिलेल्या क्रमांकावर संपर्क साधावा👇

१) महाराष्ट्र ओबीसी काँग्रेस प्रदेश सरचिटणीस मनोज ढोरे -८७८८४८३५०६(8788483506)

२) सामाजिक कार्यकर्ते मोहन लोहंबरे - ८२०८९७४८१२(8208974812)

 जिवती : आदिवासी व अतिदुर्गम जिवती तालुका काही ना काही कारणाने चर्चेत असतो. त्यातच महावितरण उपकार्यकारी अभियंता कार्यालयात पत्त्याचा डाव रंगल्याचे छायाचित्र व चित्रफीत समाजमाध्यमांवर व्हायरल झाले. त्यामुळे महावितरणचे उपकार्यकारी कार्यालय की जुगाराचा अड्डा? असा संतप्त सवाल नागरिक विचारत आहेत.

जिवती येथील महावितरण उपकार्यकारी अभियंता कार्यालयात मुख्य तंत्रज्ञ रवींद्र गंधारे हे कार्यालयीन कामापेक्षा मनोरंजनासाठी तीन मित्रांसोबत जुगार खेळण्यात मग्न असल्याचे व्हायरल झालेल्या चित्रफितीत दिसत आहे. ज्या कार्यालयात बसून जनतेचे प्रश्न सोडवायचे असते, मात्र त्याच कार्यालयातील टेबलवर बसून

मुख्य तंत्रज्ञ गंधारे हे मित्रांसोबत जुगार खेळताना कॅमेऱ्यात कैद झाल्याचे दिसून येत आहे. हा तालुका डोंगराळ व दुर्गम भागात वसला आहे.

जोराचा पाऊस, सोसाट्याचा वारा सुटला की वारंवार विद्युत पुरवठा खंडित होण्याच्या घटना अनेक गावांत घडतात. या समस्यांचे निराकरण करण्याऐवजी मुख्य तंत्रज्ञच पत्त्यांचा डाव खेळत असल्याने कार्यप्रणालीवर नागरिक प्रश्नचिन्ह उपस्थित करीत आहेत.

प्रधानमंत्री आवास योजना : टुमदार घराचे स्वप्न होणार पूर्ण

 गडचिरोली तब्बल तीन वर्षांनंतर प्रधानमंत्री आवास योजनेचे उद्दिष्ट नुकतेच प्राप्त झाले आहे. त्यात २०२४- २५ या एकाच वर्षात गडचिरोली जिल्ह्याला सुमारे १४ हजार ५५२ घरकुले बांधण्याचे उद्दिष्ट देण्यात आले आहे. आजपर्यंतचे हे सर्वाधिक उद्दिष्ट आहे. प्रशासन लाभार्थ्यांकडून कागदपत्रे गोळा करण्याच्या कामाला लागले आहे.

देशातील प्रत्येक कुटुंबाचे पक्के घर असावे या उद्देशाने केंद्र शासनाने २०१६ मध्ये प्रधानमंत्री आवास योजना (ग्रामीण) सुरू केली. या योजनेंतर्गत जवळपास चार वर्षे नागरिकांना घरे बांधण्यासाठी निधी देण्यात आला. त्यानंतर २०२१-२२ पासून या योजनेचे उद्दिष्टच प्राप्त होणे बंद झाले होते.

परिणामी राज्य शासनाने राज्यातील ओबीसी प्रवर्गासाठी मोदी आवास योजना २०२३-२४ मध्ये सुरू केली. त्यामुळे प्रधानमंत्री आवास योजना पुन्हा सुरू होणार की नाही याबाबत शंका व्यक्त केली जात होती. मात्र २०२४-२५ चे उद्दिष्ट प्राप्त झाले आहे.

विशेष म्हणजे एकाच वर्षात सुमारे १४ हजार ५५२ घरकुले बांधण्याचे उद्दिष्ट आहे. आजपर्यंत जिल्ह्याला मिळालेल्या घरकुलांच्या उद्दिष्टात यावर्षी सर्वाधिक घरकुले आहेत. त्यामुळे बहुतांश कुटुंबांचे स्वतःच्या टुमदार घराचे स्वप्न पूर्ण होणार आहे.

एकूण घरकूल १४,५५२

तालुकानिहाय मंजूर घरकुल 

कोरची ७४९

मुलचेरा४९८

देसाईगंज ५०३

कुरखेडा २,०७२

धानोरा १,६९०

चामोर्शी २,१५६

गडचिरोली १,३१०

सिरोंचा १,३३८

अहेरी १,८६६

एटापल्ली १,१८६

आरमोरी ८३२

भामरागड ३५२

मागील वर्षीपेक्षा दुप्पट घरे

मोदी आवास योजनेंतर्गत २०२३-२४ मध्ये जिल्ह्यात ६ हजार ५४८ घरे मंजूर करण्यात आली होती. मागील वर्षींपेक्षा यावर्षी दुप्पट घरे मंजूर करण्यात आली आहेत. त्यामुळे ग्रामीण भागात पुढील दोन महिन्यांत घरकुल बांधकामाची लगबग दिसून येणार आहे.

मोदी आवासच्या रखडलेल्या हप्त्यांचे काय?

राज्य शासनाने सुरू केलेल्या मोदी आवास योजनेच्या बहुतांश लाभार्थ्यांना पहिलाच हप्ता मिळाला आहे. पुढचे हप्ते न मिळाल्याने अनेकांची घरे अपूर्ण आहेत. तर काही जणांनी कर्ज काढून घरे बांधली आहेत. सदर नागरिक आता आर्थिक अडचणीत सापडले आहेत. निधी नव्हता तर घरे का मंजूर केली, असा प्रश्न लाभार्थ्यांकडून उपस्थित केला जात आहे. निधीअभावी ६ हजार ५४८ मंजूर घरांपैकी केवळ २ हजार ९४२ घरांचे बांधकाम पूर्ण झाले आहे. तर ३ हजार ६०६ घरांचे काम अर्धवट आहे.

यादी प्रकाशित, कागदपत्रांची जुळवाजुळव सुरू

• प्रत्येक गावनिहाय लाभार्थ्यांची यादी ग्रामपंचायतनिहाय जाहीर करण्यात आली आहे. ज्या लाभार्थ्यांची नावे आहेत. त्यांनी आवश्यक ती कागदपत्रे सादर करायची आहेत. त्यासाठी लाभार्थी व प्रशासनही कामाला लागले आहे.

• शासनाने दिलेल्या विहित कालावधीत घरकुलाचे बांधकाम पूर्ण व्हावे, यासाठी प्रशासन प्रयत्न करणार आहे. त्यामुळे कागदपत्रे लवकरात लवकर जमा करण्याच्या सूचना लाभार्थ्यांना देण्यात आल्या आहेत.

कुरूड : देसाईगंज तालुका मुख्यालयापासून आठ किलोमीटर आग अंतरावर असलेल्या कोंढाळा येथे सोमवारी पहाटे एका घरावर वीज कोसळली. त्यानंतर लगेच घराला आग लागली, यात संसारोपयोगी साहित्य खाक झाले. सुदैवाने जीवितहानी टळली.

कुरूड परिसरात रविवारी रात्रीपासूनच पाऊस सुरू होता. सोमवारी पहाटे आकाशात कडालेली वीज झिंगर आत्माराम मेश्राम (वय ६५) यांच्या घरावर कोसळली. मेश्राम कुटुंबीय गाढ झोपेत होते. विजांचा कडकडाट ऐकून मेश्राम यांच्या

घराशेजारील एक व्यक्ती लघुशंकेसाठी बाहेर आला तेव्हा त्यास लागल्याचे निदर्शनास आले. त्याने आरडाओरडा करून मेश्राम कुटुंबास जागे केले. तोपर्यंत आगीने रौद्ररूप धारण केले होते. मात्र, तोपर्यंत घरासह कुटुंबीयांचे वस्त्र, झोपेची खाट, कोंबडा, दुचाकी व इतर साहित्य जळून खाक झाले. यात जवळपास २ लाखांचे नुकसान झाले. सरपंच अपर्णा राऊत, पोलिस पाटील किरण कुंभलवार, तंटामुक्त समितीचे अध्यक्ष हरिभाऊ पत्रे, अरुण कुंभलवार, सुनील पारधी यांनी पाहणी केली. याबाबत पंचनामा करून मदत करण्याची विनंती मंडळाधिकारी, तलाठ्यांकडे केली.

विकासाचे गोडवे गाणारे अहेरी विधानसभा आमदार कॅबिनेट मंत्री *धर्मराव बाबा आत्राम* यांच्या क्षेत्रात वारंवार अशा घटना घडत आहेत, आणि आजची इतकी गंभीर घटना घडली असताना मंत्री साहेब साधे शब्द ही काढत नाही ही निषेधार्य बाब आहे.. *बाबा आत्राम* यांनी नैतिक जबाबदारी म्हणून ताबडतोब राजीनामा द्यावा - विनोद मडावी 

--------------------

मृत्युच्या 2 दिवसा आधी एका खाजगी *उपगणलावार नामक डॉक्टर कडे* मुलांना उपचाराकरिता नेले त्या डॉक्टर चीं अद्याप चौकशी झाली नाही... कारण काय?

तसेच मृत्यू झाला आहे हे समजले असताना दवाखान्यातील कर्मचाऱ्यांनी त्या पीडितांना पायी जाऊ कसे दिले? यावर त्या डॉक्टर व कर्मचाऱ्यांवर अद्याप कारवाई नाही...

-------------------

आम्ही पुजारीकडे गेलो नाही, कर्मचाऱ्यांनी सहकार्य केले नाही - पीडित

रुग्णवाहीका जर गावात जाऊ शकत नव्हती तर पोस्ट मॉर्टेम च्या वेळी शव कसे आणले?

आझाद चा सवाल 

-----------------

गडचिरोली: अहेरी तालुक्यातील दोन चिमुकल्या भावंडांचा संशयास्पद मृत्यू झाल्याने राज्यभरात एकच खळबळ उडाली आहे. वेळेवर शववाहीका उपलब्ध नसल्याने मृतदेह खांद्यावर घेऊन जड पावलांनी १५ किलोमीटर पायपीट करत त्यांनी घर गाठले. जिल्ह्यातील निकृष्ट आरोग्य व्यवस्था, रस्त्यांचा अभाव आणि रुग्णवाहिका सारख्या मूलभूत सुविधा उपलब्ध नसल्याने या चिमुकल्यांचा मृत्यू झाला. ज्यासाठी पूर्णपणे प्रशासकीय यंत्रणा जबाबदार असून, ही शासकीय हत्याच असल्याचे आरोप आझाद समाज पार्टी, गडचिरोलीच्या माध्यमातून करण्यात आले. सदर घटनेत शासकीय व्यवस्थाकडून स्वतःतील कमतरता लक्षात न घेता, पालकांना दोषी ठरवने ही बाब अत्यंत निषेधार्थ असल्याचे आझाद समाज पार्टीचे विनोद मडावी यांनी सांगितले.

या प्रकरणाची तक्रार राष्ट्रीय अनुसूचित जमाती आयोग, दिल्ली येथे करण्यात आलेली आहे. 

तक्रारीतील मुद्दे:

- संपूर्ण घटनाक्रमासह, पुजारी संदर्भातील विषय सुद्धा त्यात नमूद करण्यात आलेला आहे. अवैज्ञानिक असलेल्या सामाजिक, संस्कृतीक धारणा दूर करण्यासाठी शिक्षण व प्रबोधनाच्या माध्यमातून शासनाने प्रयत्न करणे गरजेचे आहे. त्यावर प्रभावी काम न करता आदिवासी समाजाचे गुन्हेगारीकरण होणे चुकीचे आहे. 

- आदिवासी समाजाच्या पारंपरिक औषध शास्त्राचा अभ्यास करत, त्या प्रकारचे औषध उपचार करणाऱ्या व्यक्तींना आधुनिक आरोग्य व्यवस्थेत सामावून घेत, त्या संदर्भातील प्रशिक्षण देणे गरजेचे आहे. 

- केंद्र शासनाच्या डेव्हलपमेंट स्कीम, २०१५ नुसार माडिया जमातीचे वास्तव्य असलेल्या गावात ‘नॅशनल हेल्थ मिशनची’ लोकसंख्या संदर्भातील अट लागू नसल्याने विशेष आरोग्य केंद्राची निर्मिती करतां येते. परंतु त्यासंदर्भात शासकीय स्तरावरून कुठलेही प्रयत्न नाही. 

- सदर घटना सुविधांच्या आभावामुळे झाले असल्याने हे आरोग्य, सन्मानपूर्वक जगण्याची हमी देणाऱ्या संविधानिक मूलभूत अधिकारांचे उल्लंघन आहे. 

तक्रारीतील मागण्या: 

- दुर्गम भागात त्वरित आरोग्य केंद्राची निर्मिती करणे.

- आरोग्य केंद्रातील रिक्त जाता भरणे.

- शिक्षण व प्रबोधनासाठी निरंतर चालणारा कृती कार्यक्रम तयार करणे.

- पारंपरिक औषध उपचार करणाऱ्या व्यक्तींना आधुनिक आरोग्य व्यवस्थेत सामावून घेणे.

- आरोग्य संदर्भातील समस्यांचा अभ्यास करण्यासाठी देशभरातील अभ्यासकांची स्वतंत्र कमिटी गठीत करणे.  

- रुग्णवाहिकांसोबतच, एअर- ऍम्ब्युलन्ससारख्या सुविधा निर्माण करणे. 

- पीडित्यांच्या पालकांना नुकसानभरपाई देणे. 

- आयोगातील सदस्य घटनास्थळी प्रत्यक्ष भेट देत प्रकरणातील संपूर्ण तपासणी करणे. 

सदर घटनेतून गडचिरोली जिल्ह्यातील आरोग्य व्यवस्थेची दयनीय परिस्थिती पुन्हा एकदा समोर आलेली आहे. अपुऱ्या व्यवस्थेमुळे नागरिकांना अमानवीय परिस्थितीतून जावे लागत आहे. संविधानाने सर्वांना सन्मानपूर्वक जगण्याचा अधिकार बहाल केला असतांना त्यांचे उल्लंघन स्वतः शासन व्यवस्था करत आहे. हा अत्यंत गंभीर मुद्दा आहे, असे आझाद समाज पार्टीचे प्रभारी धर्मानंद मेश्राम, जिल्हाध्यक्ष राज बन्सोड यांनी सांगितले.

यावेळी बोधी रामटेके, पुरुषोत्तम रामटेके,नागसेन खोब्रागडे, सोनू कुमरे, सुरेश बारसागडे, घनश्याम खोब्रागडे, सतीश दुर्गमवार उपस्थित होते.

ब्रह्मपुरी : दुचाकीने आरमोरी येथील कॉलेजमध्ये निघालेल्या एका युवकाने वैनगंगा नदी उडी घेतली. ही खळबळजनक घटना शुक्रवारी (दि. ६) उघडकीस आली. समीर सोमेश्वर राऊत, (वय २४, रा. हळदा) असे उडी घेतलेल्या युवकाचे नाव आहे. पुलावर दुचाकी व चप्पल आढळल्याने ब्रह्मपुरी पोलिसांनी शोध सुरू केला. मात्र समीरचा अद्याप पत्ता लागला नाही. त्यामुळे त्याने आत्महत्या केली असावी, असा प्राथमिक अंदाज पोलिसांनी वर्तविला आहे.

ब्रह्मपुरी येथील ३० किमी अंतरावरील हळदा येथील समीर राऊत हा युवक गुरुवारी दि. ५ आरमोरी येथील कॉलेजमध्ये जातो, असे कुटुंबीयांना सांगून दुचाकीने (एम. एच.३४ सी. ए. ०८७८) निघाला. मात्र रात्र होऊनही घरी परत आला नाही. त्यामुळे कुटुंबीयांनी मित्रांकडून माहिती काढली. कुठेच पत्ता लागला नाही.

कुटुंबाने नातेवाइकांकडे चौकशी केली व परिसराची पाहणी केल्यानंतर ब्रह्मपुरी-आरमोरी मार्गावरील वैनगंगा नदी पुलावर दुचाकी व चप्पल आढळली. त्यानंतर ब्रह्मपुरी पोलिसात तक्रार करण्यात आली.

शुक्रवारी पोलिसांनी पथक तयार करून नदी पात्राची पाहणी केली. पण समीरचा शोध लागलेला नाही. आज शनिवारी देखील पोलिसांचे पथक दिवसभर नदी काठावर शोध घेत होते. पण पत्ता लागला नाही.

 गडचिरोली मुख्य बस स्थानकावरून चोरी गेलेल्या मोबाईलची अवघ्या दोन तासात लावला शोध

  काहि बस कर्मचाऱ्याकडून गडचिरोली स्थानिक बस टॉप मधिल सीसीटिवी कॅमेरे बंद असल्याचे कळाले

दिंनाक : 05/09/2024

गडचिरोली: गडचिरोली शहरातील मुख्य बसस्थानकावरून दूपारी 3 वाजता ललिता किशोर बोटकेवार रा. नागपूर, नागपूर बस मध्ये चळतांना त्यांच्या लक्षात आलं की त्यांची पर्स चोरीला गेली आहे.लगेच गडचिरोली पोलीस स्टेशन गाठून उप निरीक्षक दिपक चव्हाण यांना माहिती दिली असता लगेच त्यांच्या टिमने चौकशी करून अवघ्या दोन तासात मोबाईल चा शोध लावला.

सदर बातमी या प्रमाणे आहे कि ललिता किशोर बोटकेवार रा. नागपूर हि महिला काहि कामानिमित्त मूल ता सावली येथे बुधवार ला गेली व गुरूवार ला आपल काम आटोपून सदर महिला सावली वरून गडचिरोली बस स्थानकावर दूपारला 2 च्या दरम्यान पोचली असता नागपूर बस हि 3 च्या दरम्यान नागपूर बस मध्ये बसली असता तिकिट काढण्यासाठी बॅग मध्ये पर्स बघित असतानां त्यांच्या लक्षात आल कि पर्स चोरीला गेली आहे त्या पर्स मध्ये मोबाईल व काही पैसे होते.लगेच बस स्थानकातील चौकशी विभाग येथे माहिती दिली असता त्यांनी त्या प्रवासीला कुठल्याही प्रकारची सहकार्य न करत तूमची वस्तू चोरी झाली तर आम्ही काय करू? हे तर दरोजचेच आहे अस मनून हाथ वर केले.

हि घटना युवा मराठा न्यूज गडचिरोली जिल्हा अध्यक्ष सूरज गुंडमवार यांना माहिती मिळतांच लगेच त्या महिलेला स्थानीक पोलिस स्टेशन गडचिरोली येथे जावून पोलिस उपनिरीक्षक दिपक चव्हाण यांना माहिती दिली लगेच उपनिरीक्षक साहेब व त्यांच्या टिम ने चौकशी सूरू केली व लोकेशन ट्रेस करून अवघ्या दोन तासामध्ये त्या चोरी गेलेल्या पर्स चा शोध लावून त्या महिलेला वापस दिले त्या महिलेने उपनिरीक्षक दिपक चव्हाण व त्यांच्या टिम चे आभार मानले.

यावेळी पुढिल तपास उपनिरीक्षक दिपक चव्हाण,पोलिस हवालदार मेश्राम ,बेसरा,पोलिस नाईक,चौधरी,पोलिस शिपाई गवडकर ,हिचामी ,पूरी,खोब्रागडे करित आहेत.

देसाईगंज : प्राप्त झालेल्या माहितीनूसार हर्ष गुणाजी बनसोड मू. कोकडी (तुळशी) पोलीस शिपाई रीतुराज लंजे यांचा भाचा वय 11 वर्ष हा गौरी पूजनच्या निमित्याने तो गावांतील महीला सोबत नदीवर गेला होता.

त्या नदीमध्ये मित्रासोबत पोहताना अचानक बुडून मृत्यू झाला. ही घटना 6/9/2024 रोजी सकाळीं अंदाजे 11,12 .00 वाजता घडली . अश्या अचानक घडलेल्या घटनेमुळे बनसोड परिवारावर शोककळा पसरली आहे. या घटनेमुळे परीसरात हळहळ व्यक्त केलं जातं आहे.

उदगीर येथील तळवेस परिसरातील नवनिर्मित विश्वशांती बुद्ध विहाराचे राष्ट्रपती द्रौपदी मुर्मू यांच्या हस्ते  ( दि. ४) लोकार्पण करण्यात आले. कार्यक्रमाच्या अध्यक्षस्थानी राज्यपाल सी. पी. राधाकृष्णन, विशेष अतिथी मुख्यमंत्री एकनाथ शिंदे, केंद्रीय सामाजिक न्याय व सक्षमीकरण मंत्री रामदास आठवले आदी उपस्थित होते.

कार्यक्रमास उपमुख्यमंत्री देवेंद्र फडणवीस, ग्रामविकास तथा जिल्ह्याचे पालकमंत्री गिरीश महाजन, क्रीडा मंत्री संजय बनसोडे, महिला व बालविकास मंत्री आदिती तटकरे, आमदार विक्रम काळे, रमेश कराड, अभिमन्यू पवार, जिल्हाधिकारी वर्षा ठाकूर-घुगे यांचीही उपस्थिती होती.

सुरूवातीला राष्ट्रपती द्रौपदी मुर्मू यांच्या हस्ते कोनशिलेचे अनावरण, फीत कापून विहाराचे लोकार्पण करण्यात आले. यावेळी राष्ट्रपती यांनी विहारातील गौतम बुद्ध यांच्या मूर्तीस, तसेच डॉ. बाबासाहेब आंबेडकर यांच्या अर्धाकृती पुतळ्यास पुष्प अर्पण करून अभिवादन केले. यावेळी बुद्ध वंदना झाली. वंदनेनंतर उपस्थित बौद्ध भिक्कूंना राष्ट्रपती द्रौपदी मुर्मू चिवर दान केले. बौद्ध भिक्कू यांनी राष्ट्रपती द्रौपदी मुर्मू यांना गौतम बुद्धांची मूर्ती भेट दिली. क्रीडा मंत्री बनसोडे यांनी उपस्थित सर्व मान्यवरांचे स्वागत केले.

विहाराची वैशिष्ट्ये

राष्ट्रपती द्रौपदी मुर्मू यांच्याहस्ते आज लोकार्पण झालेले उदगीर येथील विहार कर्नाटक येथील कलबुर्गीच्या बुद्ध विहाराची प्रतिकृती आहे. एक हेक्टर १५ जागेवर या विहाराची उभारणी करण्यात आली आहे. विहारात १२०० अनुयायांची बैठक व्यवस्था असलेले ध्यान केंद्र तयार करण्यात आले आहे. विहार परिसरात प्रवेश करण्यासाठी एक मुख्य प्रवेशद्वार तयार करण्यात आले आहे. या प्रवेशद्वाराची रचना बिहारमधील सांची स्तूपाप्रमाणे करण्यात आली आहे.

 मालेवाडा : कुरखेडा तालुक्यात मागील महिनाभरापासून वावर असलेला रानटी हत्तींचा कळप सध्या खैरी जंगल परिसरात दाखल झालेला आहे.

४ सप्टेंबर रोजी हत्तींच्या कळपाने खैरी जंगल परिसरात एन्ट्री केली. वनविभागाच्या ड्रोन कॅमेऱ्यात जवळपास ८ हत्ती दिसून आले. त्यामुळे उर्वरित हत्ती कोणत्या भागात आहेत, हे स्पष्ट झालेले नाही. तरीसुद्धा नागरिकांनी या परिसरात एकटेदुकटे किंवा समूहानेसुद्धा जाऊ नये, असे आवाहन ग्रामपंचायतने केले आहे. सध्या हलक्या प्रतीचे धान पीक निसव्यावर आहे, तर मध्यम प्रतीचे धान

पीक जोमात वाढलेले असून तेसुद्धा काही आठवड्यात गर्भावस्थेत येईल. अशा स्थितीत या पिकांवर हत्ती ताव मारत असल्याचे दिसून येत आहे. हत्तींचा बंदोबस्त करण्याची मागणी होत आहे.

गडचिरोली : शेतकरी कामगार पक्षाच्या आदिवासी, भटके - विमुक्त आघाडीचे प्रदेशाध्यक्ष भाई रामदास जराते,महिला नेत्या जयश्रीताई जराते यांच्या पाठपूराव्यामुळे शासनाच्या घरकुल योजनेपासून वंचित असलेल्या ढिवर समाजातील ३५ कुटूंबांना वेअर हाऊस काॅर्पोरेशन, नवी दिल्ली यांच्या वतीने ढिवर मोहल्ला सुधार प्रकल्पा अंतर्गत घरकुल बांधून देण्यात येणार आहेत. 

जिल्ह्यातील ढिवर समाजाची असलेली बिकट परिस्थिती आणि शैक्षणिक मागासलेपणामुळे कागदपत्रांच्या अभावी शासनाच्या विविध योजनांचा लाभ घेतांना येणाऱ्या अडचणींमुळे हा समाज विकासापासून वंचित आहे. सदर बाब लक्षात घेवून शेतकरी कामगार पक्षाचे आदिवासी, भटके - विमुक्त आघाडीचे प्रदेशाध्यक्ष भाई रामदास जराते, महिला नेत्या जयश्रीताई जराते यांनी मुंबई येथील सेंटर ऑफ ट्रान्सफार्मींग इंडिया या संस्थेला ढिवर समाजाच्या सदर परिस्थितीचा अभ्यास करण्याची विनंती केली होती. संस्थेच्या संचालिका आणि शेकापच्या नेत्या चित्रलेखा पाटील यांनी त्यांचे पथक पाठवून गडचिरोली जिल्ह्यातील अनेक गावांना भेटी देवून सर्वेक्षण केले असता ढिवर समाजाच्या दारिद्र्याचे भिषण वास्तव समोर आले. यात आरोग्य,शिक्षण, रोजगार यासोबतच निवासाची बिकट अवस्था लक्षात घेता संस्थेच्या वतीने ढिवर मोहल्ला सुधार प्रकल्प राबविण्याचा निर्णय घेण्यात आला. या प्रकल्पाला सेंट्रल वेअरहाऊस काॅर्पोरेशन, नवी दिल्ली यांचेकडून मंजूरी मिळाल्याने आता त्याअंतर्गत पहिल्या टप्प्यात गडचिरोली तालुक्यातील गुरवळा, मुडझा, काटली व चामोर्शी तालुक्यातील मोहुर्ली, सगणापूर, हळदी या गावातील गरजू ढिवर कुटूंबांना ३५ घरकुलांचे बांधकाम करुन देण्यात येणार आहेत. तसेच ढिवर मोहल्ला सुधार प्रकल्पा अंतर्गत लवकरच शिक्षण, आरोग्य आणि रोजगाराच्या योजनाही संस्थेच्या वतीने सुरु करण्यासाठी प्रयत्न सुरु आहेत.

सातत्याने पाठपुरावा करुन ढिवर मोहल्ला सुधार प्रकल्प आणि त्याअंतर्गत घरकुलांचा गरजूंना लाभ मिळवून दिल्याबद्दल सीएफटीआय च्या संचालिका चित्रलेखा पाटील, अमीत देशपांडे, प्रसाद मुनगेकर, शेकाप नेते भाई रामदास जराते आणि महिला नेत्या जयश्रीताई जराते यांचे भटके - विमुक्त आघाडीचे जिल्हाध्यक्ष डंबाजी भोयर, विनोद मेश्राम, मारोती आगरे, चंद्रकांत भोयर, रामदास दाणे, किसन साखरे, महेंद्र जराते, देवेंद्र भोयर, योगेश चापले, अशोक ठाकूर आणि घरकुल लाभार्थी व शेतकरी कामगार पक्षाच्या कार्यकर्त्यांनी आभार व्यक्त केले आहे.

hhattisgarh Naxalites killed : गेल्या काही दिवसांपासून सुरक्षा दलांनी नक्षलवाद्यांविरोधातील मोहिम तीव्र केली आहे. या मोहिमांमध्ये अनेक नक्षलवाद्यांचा खात्मा झाला आहे. आता आजही(दि.3) छत्तीसगडच्या दंतेवाडा-विजापूर जिल्ह्याच्या सीमेवरील लोहगाव पेडियाच्या जंगलात पोलिस आणि नक्षलवाद्यांमध्ये भीषण चकमक झाली आहे. या चकमकीत 9 नक्षलवाद्यांना कंठस्नान घालण्यात आले आहे.

पोलिसांकडून मिळालेल्या माहितीनुसार, मंगळवार(3 सप्टेंबर) रोजी सुरक्षा दलाने परिसरात शोध मोहिम राबवली होती. यादरम्यान त्यांना पश्चिम बस्तर विभागात नक्षलवादी लपल्याची माहिती मिळाली. यानंतर सकाळी 10.30 वाजता चकमक सुरू झाली आणि दोन्ही बाजूंनी भीषण गोळीबार झाला. या चकमकीत जवानांनी आतापर्यंत 9 नक्षलवाद्यांचा खात्मा केला असून, घटनास्थळावरुन एसएलआर, 303 आणि 12 बोअरची शस्त्रेही जप्त करण्यात आली आहेत. विजापूरचे एसपी जितेंद्र यादव यांनी याला दुजोरा दिला आहे.

 
Chhattisgarh Naxalites killed : गेल्या काही दिवसांपासून सुरक्षा दलांनी नक्षलवाद्यांविरोधातील मोहिम तीव्र केली आहे. या मोहिमांमध्ये अनेक नक्षलवाद्यांचा खात्मा झाला आहे. आता आजही(दि.3) छत्तीसगडच्या दंतेवाडा-विजापूर जिल्ह्याच्या सीमेवरील लोहगाव पेडियाच्या जंगलात पोलिस आणि नक्षलवाद्यांमध्ये भीषण चकमक झाली आहे. या चकमकीत 9 नक्षलवाद्यांना कंठस्नान घालण्यात आले आहे.

पोलिसांकडून मिळालेल्या माहितीनुसार, मंगळवार(3 सप्टेंबर) रोजी सुरक्षा दलाने परिसरात शोध मोहिम राबवली होती. यादरम्यान त्यांना पश्चिम बस्तर विभागात नक्षलवादी लपल्याची माहिती मिळाली. यानंतर सकाळी 10.30 वाजता चकमक सुरू झाली आणि दोन्ही बाजूंनी भीषण गोळीबार झाला. या चकमकीत जवानांनी आतापर्यंत 9 नक्षलवाद्यांचा खात्मा केला असून, घटनास्थळावरुन एसएलआर, 303 आणि 12 बोअरची शस्त्रेही जप्त करण्यात आली आहेत. विजापूरचे एसपी जितेंद्र यादव यांनी याला दुजोरा दिला आहे.

यापूर्वी 3 नक्षलवादी ठार यापूर्वी 29 ऑगस्ट रोजी नारायणपूर-कांकेर सीमेवर नक्षलविरोधी अभियानांतर्गत नक्षलवादी आणि पोलिसांमध्ये चकमक झाली होती. त्यावेळी सुरक्षा दलांनी 3 नक्षलवाद्यांचा खात्मा केला होता. दरम्यान, ऑगस्टमध्ये सुरक्षा दलांनी नक्षलविरोधी कारवाईचा एक भाग म्हणून अनेक नक्षलवाद्यांना पकडले, तर अनेकांना ठारही केले आहे. ऑगस्ट महिन्याच्या सुरुवातीलाही दंतेवाडा पोलिसांना मोठे यश मिळाले होते. चकमकीत एक कट्टर नक्षलवादी ठार झाला होता. 

65 नक्षलवादी लपून बसल्याचा संशय अधिकाऱ्यांनी सांगितले की, 5 ते 7 किमीच्या परिसरात सूमारे 65 नक्षलवादी लपून बसल्याचा संशय आहे. सध्या या संपूर्ण परिसराला घेराव घातला असून, शोध मोहिम राबवली जात आहे. विशेष म्हणजे, बस्तर प्रदेशात दंतेवाडा आणि विजापूरसह सात जिल्ह्यांचा समावेश आहे. पोलिसांनी सांगितले की, या वर्षात आतापर्यंत छत्तीसगडमध्ये विविध चकमकीत सुरक्षा दलांनी 154 नक्षलवाद्यांना ठार केले आहे.

गडचिरोली : जिल्हा परिषद कंत्राटी शिक्षक भरतीमध्ये CTET व TET च्या नावाखाली जिल्ह्यातील बेरोजगार डीएड, बिएड धारकांना डावलून मोठ्या प्रमाणात बाहेर जिल्ह्यातील अर्ज स्वीकारण्यात आले असून प्रसिद्ध झालेल्या यादीत 70 ते 80 टक्के बाहेरच्या जिल्ह्यातील उमेदवारांना स्थान देण्यात आल्याचे दिसून येते, हा जिल्ह्यातील बेरोजगारांवर पुन्हा एकदा अन्याय होत असल्याचा आरोप बेरोजगार संगठना व आझाद समाज पार्टी च्या वतीने करण्यात आला आहे. हा अन्याय जर थांबला नाही तर बेरोजगार संघटना निवडणुकीच्या रिंगणात सुद्धा उतरणार असेही यावेळी सांगितले. 

त्यामुळे शिक्षक दिनी 5 सप्टेंबर रोजी बेरोजगार संघटना व आझाद समाज पार्टी च्या वतीने मुख्यमंत्री, शिक्षणमंत्री यांच्यासह जिल्ह्यातील पालकमंत्री, आमदार व खासदार हे कुणीही बेरोजगारांच्या प्रश्नावर बोलत नसल्याने यांचा निषेध करून मुख्य कार्यकारी अधिकारी यांना घेराव घालण्यात येणार आहे. जो पर्यंत शिक्षणमंत्री किंवा मुख्यमंत्री यांचेशी कॉन्फरेन्स वर बोलणे होणार नाही तो पर्यंत जिल्हा परिषदेच्या दरवाजातून हटणार नाही असा इशारा निवेदनातून सीईओ ना देण्यात आला. 

गडचिरोली जिल्ह्यातील स्थानिकांना प्राधान्य देण्यात यावे, निवृत्त शिक्षकांच्या नियुक्त्या रद्द करण्यात याव्यात, जिल्ह्यातील अनेक जण पात्र असून सुद्धा भोंगळ कारभारामुळे अपात्र यादीत नाव आले त्यांना न्याय मिळावा यासाठी जिल्ह्यातील बेरोजगारांना घेऊन आझाद समाज पार्टी लढा देणार असे आवाहन करत, 5 सप्टेंबरच्या आंदोलनात मोठ्या संख्येने जनतेने सहभागी होण्याचे आवाहन बेरोजगार संघटना व आझाद समाज पार्टी ने केले.

यावेळी निवेदन देताना उपस्थित बेरोजगार युवकांसोबत आसपाचे प्रभारी धर्मानंद मेश्राम, जिल्हाध्यक्ष राज बन्सोड, प्रवक्ते प्रितेश अंबादे, शहराध्यक्ष नागसेन खोब्रागडे. आदी उपस्थित होते..

-------------------

दि. 02 सप्टेंबर 2024

*राज बन्सोड* 

जिल्हाध्यक्ष, आझाद समाज पार्टी 

गडचिरोली

8806757873

पोळ्याच्या झडत्या - १*

बैना ओ बैना, लाडाची बहिणा

लाडाच्या बहिणीला पंधराशे महिना

पंधराशे रुपयाचे खावा गोलगप्पे

लाडाच्या भावाला द्या ठपाठप ठप्पे

मायबाप सरकार म्हणते लाडाची बैना

पाटलाची पाटी उरली जावयाची दैना

लाडाच्या बहिणीच्या नवऱ्याचे हाल

कुत्रंबी हुंगत नाही शेतातला माल

तुर केली आयात, पाडून टाकले भाव

स्वस्तामध्ये सोयाबीन, लुटून नेलं गाव

जावयाच्या छाताडावर कर्जाची रास

पंधराशेत जहर घ्यावं की घ्यावा गळफास

जरांगे म्हणतात ते खरं आहे भाऊ

घामाचं दाम नाही तर

अभय आरक्षणच घेऊ

बोला! एक नमन‌ गौरा पार्वती हर बोला हर हर महादेव

=-=-=-=

*पोळ्याच्या झडत्या - २*

हेला रे हेला, राजकारणी हेला

सरकारच्या धोरणापायी

शेतकरी मेला

शेतकरी मेला तर

लाख रुपये देते

जिवंत जगतो म्हणाल तर

खमसून रक्त पेते

शेतमालाला भाव नाही तर

आरक्षण तरी द्या

तुमच्या हिश्याच्या नोकऱ्या

आमच्या लेकराले द्या

प्रेमानं दिलं नाही तर

हिसकून घ्या आता

नव्या दमानं लिहू अभय

शेतकऱ्याची गाथा

बोला! एक नमन‌ गौरा पार्वती हर बोला हर हर महादेव

*पोळ्याच्या झडत्या - ३*

पोयी रे पोयी पुरणाची पोयी

पवारांच्या पालखीला उद्धवचे भोई

शिंदेसेनेच्या घोड्यांना

भाजप घालते चारा

दादाच्या घड्याळात

वाजून गेले बारा

कपाळावर नाही उरली

निष्ठेची टिकली

खुर्चीसाठी साऱ्यांनीच

लाज शरम विकली

बोला! एक नमन‌ गौरा पार्वती हर बोला हर हर महादेव

*पोळ्याच्या झडत्या - ४*

वाडा रे वाडा इंद्राचा वाडा

भाजपच्या चड्डीले उद्धवचा नाडा

भाजपने सोडली उद्धवची साथ

तर भाजपचाच झाला सुफडासाफ

बोला! एक नमन‌ गौरा पार्वती हर बोला हर हर महादेव

*पोळ्याच्या झडत्या - ५*

नवं नवं सरकार नवी नवी थीम

नवी नवी योजना नवी नवी स्कीम

लाडाचा भाऊ लाडाची बहीण

लाडाचा ब्याही लाडाची विहीन

मत द्या आम्हाले

सारं फुकट तुम्हाले

धान्य फुकट, तेलबी फुकट

धोतर फुकट, चोळीबी फुकट

नवऱ्याले एक एक बायको फुकट

बायकोले एक एक नवरा फुकट

फुकट फुकट फुकट

फुकट फुकट फुकट

जोडप्याले दोन दोन लेकरं बी फुकट

मत द्या आम्हाले

सारं फुकट तुम्हाले

बोला! एक नमन‌ गौरा पार्वती हर बोला हर हर महादेव

*पोळ्याच्या झडत्या - ६*

माशी रे माशी,

गांधीलची माशी

शेतकऱ्याच्या नाकात

घुसली गोमाशी

मोदीभाऊ म्हणे

मी काढू कशी

राहुलभाऊ म्हणे

राहू दे तशीच

बोला! एक नमन‌ गौरा पार्वती हर बोला हर हर महादेव

पोळ्याच्या झडत्या - ७*

कॅटली रे कॅटली, दुधाची कॅटली

दुधावरची साय सांगा कोणी चाटली?

शेतमालाले भाव म्हणलं तर

सरकारची चड्डी

मांडीवर फाटते

वेतन आयोगावर सरकार

जम्मुन खिरापत वाटते

उद्योगांचे अरबो खरबो

कर्ज झटक्यात माफ करते

हजाराच्या कर्जासाठी

इकडे शेतकरी मरते

घोरसून सांगा लोकहो

शेतमालाले भाव दे

नायतर

आरक्षण दे जरा

जमत असण तर जमव

नायतर

घ्या म्हणा झोलाझेंडी

अन्

व्हा आपल्या घरी 

बोला! एक नमन‌ गौरा पार्वती हर बोला हर हर महादेव

=

पोळ्याच्या झडत्या - १

वाडा रे वाडा,

शेतकऱ्याचा वाडा

शेतकऱ्याच्या वाड्यात

चांदीचा गाडा

चांदीच्या गाड्यावर

सोन्याचे मोर

मोरावर बसते

शेतकऱ्याचं पोर

एक नमन‌ गौरा पार्वती हर बोला हर हर महादेव

=-=-=-=-=

*पोळ्याच्या झडत्या - ३*

आटली रे आटली

तिजोरी आटली

सरकारची चड्डी

मंधामंधी फाटली

फाटलेल्या चड्डीले

ठिगळ काही बसेना

कांदे, टमाटर, सोयाबीनले

काळं कुत्रं पुसेना

इंडिया गेला चंद्रावर

भारताची झाली माती

आगुदर दे आमच्या शेतमालाले भाव

तवा सांग तुही छप्पन इंची छाती

एक नमन‌ गौरा पार्वती हर बोला हर हर महादेव

गडचिरोली :

जिल्ह्यातील चार पोलिस ठाण्यांच्या प्रभारी अधिकाऱ्यांना हटवून नव्या अधिकाऱ्यांची नियुक्ती करण्यात आली. ३० ऑगस्टला पोलिस अधीक्षक नीलोत्पल यांनी याबाबतचे आदेश जारी केले.

आरमोरी, अहेरी, कोरची व चामोर्शी येथील प्रभारी अधिकाऱ्यांना नव्या नियुक्त्या करण्यात आल्या. आरमोरीचे पो. नि. विनोद रहांगडले यांची नक्षल सेलमध्ये बदली केली असून, त्यांच्या जागी अपर अधीक्षक यांच्या कार्यालयातील वाचक कक्षाचे प्रभारी कैलास गवते यांची नियुक्ती केली

. अहेरीचे पो. नि. दशरथ वाघमोडे यांची गडचिरोली अपर अधीक्षक कार्यालयात वाचक कक्षाचे प्रभारी म्हणून बदली झाली. त्यांच्या जागी गडचिरोलीतील कोर्ट पैरवी व पो. नि. स्वप्नील इज्जपवार यांची नियुक्ती झाली. कोरची ठाण्याचे पो. नि. चंद्रकांत वाबळे यांची कोर्ट पैरवी म्हणून बदली झाली. चामोर्शीचे पो. नि. विश्वास पुल्लरवार यांची यूएपीए

सेलमध्ये बदली केली आहे. अहेरी ठाण्याचे परीविक्षाधीन उपनिरीक्षक रोहन जावळे यांची जारावंडी ठाण्यात बदली करण्यात आली. गॅरापत्ती पोलिस मदत केंद्रातील परीविक्षाधीन पोलिस उपनिरीक्षक सचिन तोटेवाड यांची विशेष अभियान पथकात बदली करण्यात आली तर उपनिरीक्षक ज्ञानेश्वर देवकते यांची विशेष अभियान पथकातून गॅरापत्ती पोलिस मदत केंद्रात नियुक्ती केली.

चामोर्शी, कोरची ठाण्यातील नियुक्ती बाकी

दरम्यान, चामोर्शी व कोरची येथील विद्यमान प्रभारी अधिकाऱ्यांना हटविल्यानंतर तेथे नव्या अधिकाऱ्यांची नियुक्ती अद्याप बाकी आहे. तेथे कोणाची वर्णी लागते, याकडे सर्वांचे लक्ष आहे.

भंडारा :- पवनी तालुक्यातील सावरला येथे जंगल परिसरात वाघाने गुराख्यावर हल्ला करुन ठार केल्याची घटना आज, रविवारी १ सप्टेंबरला सकाळी १० च्या सुमारास घडली. सदर घटनेमुळे जंगलाशेजारील गावांमध्ये भीतीचे वातावरण पसरले आहे. कुसन आत्माराम अवसरे वय. ५५ रा. देऊळगाव ता. ब्रम्हपुरी जि. चंद्रपूर असे मृत गुराख्याचे नाव आहे.

सावरला हे गाव चंद्रपूर जिल्ह्याच्या सीमेवर आहे. आज रविवारी सकाळच्या सुमारास सिमेवरील देऊळगाव येथील कुसन अवसरे हा गुराखी गुरे चारण्यासाठी सावरला व देऊळगावच्या सिमेवरील जंगलात गेला होता. यावेळी दडी मारुन बसलेल्या वाघाने अचानक त्याच्यावर हल्ला केला.

हल्ल्यामध्ये कुसन याचा जागीच मृत्यू झाला. सदर घटनेची माहिती पवनी पोलिस स्टेशन व पवनी वन विभागाला देण्यात आली. पुढील कारवाई पवनी पोलिस स्टेशनचे सहाय्यक पोलिस निरीक्षक प्रीतम येवले करीत आहेत

देलनवाडीत दाखल : शिवणीत केले नुकसान

कुरखेडा : रानटी हत्तींच्या कळपाने वडसा वन विभागातील कुरखेडा परिसरात गेल्या महिनाभरापासून अक्षरशः धुडगूस घातला आहे. रानटी हत्ती दिवसा जंगला व सायंकाळी शेतात प्रवेश करून धान पिकाची नासधूस करीत आहेत.

सध्या हत्तींनी दादापूरच्या डोंगरावरून शिवणी परिसराकडे आपला मोर्चा वळविलेला आहे. 

रानटी हत्तींनी मागील १० दिवसांपासून दादापूर डोंगरावर ठिय्या मांडला होता. आता रानटी हत्तींच्या कळपाने शुक्रवारी रात्री ते शनिवारी पहाटेदरम्यान शिवणीत एन्ट्री केली. हत्तींनी धान पिकांची नासाडी केल्याची माहिती मिळताच देलनवाडीचे वनपरिक्षेत्र अधिकारी एस. बी. मेहर, क्षेत्र सहायक एम, एच. राऊत, वनरक्षक आर. आर. सुरपाम, एस.आर. सहारे यांनी भेट देऊन पंचनामे केले.

दिलीप अहिनवे, मुंबई व ठाणे शहर प्रतिनिधी 

भिवंडी (जि. ठाणे), दि. ३१ : बृहन्मुंबई महानगरपालिका जांबोळी जलविभाग, भिवंडी येथे दि. ३० ऑगस्ट रोजी मनपा वैद्यकीय अधिकारी डॉ. प्रवीण माने यांच्या सेवापूर्ती समारंभाचे आयोजन करण्यात आले होते. डॉ. प्रवीण माने यांनी मुंबई महापालिकेत २९ वर्षे निष्कलंक व निर्विघ्नपणे अखंड सेवा पुर्ण केली. जांबोळी जलविभागाच्या वतीने त्यांना शाल, श्रीफळ, ट्रॉफी व मानपत्र देऊन सन्मानित करण्यात आले. याप्रसंगी पिसे - पांजरापूर, जांबोळी, तानसा, मोडकसागर,व कापूरबावडी जलविभागातील कार्यरत व सेवानिवृत्त अधिकारी व कर्मचारी उपस्थित होते.

          कार्यक्रमाला पाहुणे म्हणून जांबोळी जलविभागाचे कनिष्ठ अभियंता अक्षय चव्हाण, धामणगाव मनपा शाळेचे मुख्याध्यापक मनोज गायकवाड, फोरमन मधुकर बिडवी, मनपा शिक्षण विभागातील सेवानिवृत्त कनिष्ठ पर्यवेक्षक निवृत्ती कानडे, सेवानिवृत्त फोरमन दिलीप वाकचौडे व जगन्नाथ राठोड हे उपस्थित होते.

          उपस्थितांनी आपली मनोगते व्यक्त करताना डॉ. माने यांच्याबाबत आपापल्या जुन्या आठवणींना उजाळा दिला. कनिष्ठ अभियंता अक्षय चव्हाण यांनी सांगितले की, डॉ. माने २१ मे १९९५ रोजी मुंबई महापालिका मालाड पी/नॉर्थ विभागात रुजु झाले. सन १९९७ मध्ये ते तानसा मोडकसागर येथे सलग ८ वर्षे कार्यरत होते. सन २००४ मध्ये ते भांडुप कॉम्प्लेक्स येथे सेवा करत होते. जुलै २००७ पासून आजतागायत जांबोळी जल विभागात सेवा केली. येथे कार्यरत असताना ते मध्य वैतरणा येथे देखील आठवड्यातून एकदा वैद्यकीय सेवा देण्यासाठी जात होते.

          मुख्याध्यापक मनोज गायकवाड यांनी सांगितले की, जांबोळी विभागातील कर्मचारी, धामणगाव शाळेतील मुले, शिक्षक व शिक्षकेतर कर्मचारी व परिसरातील निवृत्त कर्मचारी व त्यांचा परिवार यांना वैद्यकीय समस्या आली तर डॉक्टरांकडून उत्तम सेवा मिळत होती. आज आमच्या नवीन शाळेचे उदघाटन डॉक्टरांच्या सेवापूर्ती समारंभाने झाले हे आमचे भाग्य आहे. मुलांचे आरोग्य त्यांनी जपले. त्यांनी नेहमीच सामाजिक बांधिलकी देखील जपली. आपल्या कार्याचा गवगवा त्यांनी कधीही केला नाही.

          सेवानिवृत्त कनिष्ठ पर्यवेक्षक निव‌त्ती कानडे यांनी सांगितले की, कोरोना कालावधीत डॉक्टर उपलब्ध नसताना त्यांनी संपर्क साधणाऱ्या प्रत्येक व्यक्तीला मोफत वैद्यकीय सल्ला देऊन खुप मोठी समाजसेवा केली. त्यांचा स्वभाव परोपकारी असल्यामुळे लोकांना नेहमीच मदत करत होते. ते आमचे केवळ डॉक्टर नाही तर मित्र आहेत. माणसे जोडण्यात ते प्रवीण आहेत.

          कार्यक्रम यशस्वी करण्यासाठी जांबोळी जल विभागातील कर्मचारी वर्गाने विशेष मेहनत घेतली. कार्यक्रमाचे सूत्रसंचालन अतिशय सुंदररित्या अनिकेत जाधव यांनी केले.

अहेरी: पोलीस उप मुख्यालय प्राणहिता येथे कार्यरत असलेले पोलीस शिपाई ज्ञानेश्वर केंद्रे जिल्हा नांदेड यांनी काल रात्र अंदाजे 10.00 च्या दरम्यान राखीव पोलीस निरीक्षक या अधिकाऱ्यांच्या मानसिक त्रासामुळे एसडीएम बंगलाअहेरी येथे आत्महत्या केल्याची माहिती मिळालेली आहे. 

त्यामुळे पोलीस विभागात एकच खडबड उडालेले आहेत. ज्ञानेश्वर केंद्रे यांनी या अगोदर c-60 मध्ये सुद्धा नोकरी केलेली आहे . त्यांची पोस्टिंग पोलीस उप मुख्यालय प्राणहिता येथे होती. परंतु वरिष्ठ अधिकाऱ्यांच्या मानसिक त्रास सहन न झाल्यामुळे त्यांनी आत्महत्या केली. त्यामुळे केंद्रे परिवारावर शोसकळा पसरलेली आहे. तरी या आत्महत्येसाठी जबाबदार कोण आहे ? याचा तपास करून त्या अधिकाऱ्यावर कडक कारवाई करावी अशी मागणी केंद्रे परिवाराने पोलीस अधीक्षक गडचिरोली यांच्याकडे केली आहे

आरमोरी: तालुका आरमोरी अंतर्गत अतिशय दुर्गम भागात एक छोटेसे गाव आहे भाकरोंडी या गावात जिल्हा परिषद शाळा 7 वी पर्यंत आहे याच शाळेत शिक्षण घेत असलेल्या संकल्प शरद जांभुळकर याने आपल्या वडिलांची जुनी असलेली मोटर सायकल पहिला आणि त्याने त्या गाडी वर आपल्या बुद्धी चा वापर करून चक्क सेन्सर बनविला ती गाडी जर साईड स्टॅन्ड वर उभी राहिली तर त्या गाडी चा इंजन अजिबात सुरूच होत नाही 

अश्या चिमुकल्याना जर शासनाने थोडा वाव दिला तर हे आपल्या जीवनात नक्कीच काही तरी अशस्वी होऊन आपल्या देशात काही तरी बदल घडून आणण्याचा प्रयत्न करतील या छोट्याशा संकल्प ची कामगिरी पाहून सर्व गावकरी व त्याच्या शाळेतील शिक्षक त्या चा कौतुक करीत आहेत.

कढोली- मानापुर वळणावरील बोरवेल दोन महिन्यापासून बंद वैरागड (वार्ता) येथील कढोली मानापूर वडणावर असलेला बोअरवेल मागील दोन महिन्यापासून बंद असल्याने परिसरात असलेले लहान- मोठ्या व्यवसायिकांना पाण्यासाठी पायपीट करावी लागत आहे. याबाबत स्थानिक प्रशासनाला अर्ज देऊन देखील अजूनही या बोरवेलची दुरुस्ती झाली नाही. या वडणावर जड वाहनधारक सुद्धा थांबतात न त्यांना सुद्धा या पाण्याचा उपयोग होतो तरी हा बोरवेल त्वरित दुरुस्त करावा अशी मागणी चिंतामण बावनकर व  परिसरातील हॉटेल व्यवसायिकाची मागणी आहे. 

 मुंबई : केवळ गुन्ह्याच्या आरोपावरून कोणालाही अटक केली जाऊ शकत नाही. पोलिसांनी आधी आरोपांतील तथ्य तपासणे शहापणाचे ठरेल, असे म्हणत मुंबई उच्च न्यायालयाने खंडणी प्रकरणात ठाण्याच्या पत्रकाराला केलेली अटक बेकायदेशीर असल्याचे स्पष्ट केले.

ठाण्याचे पत्रकार अभिजित पडाळ यांना बेकायदेशीरपणे अटक केल्याप्रकरणी न्या. रेवती मोहिते-डेरे व न्या. श्याम चांडक यांच्या खंडपीठाने सरकारला २५ हजार रुपये नुकसानभरपाई देण्याचे निर्देश दिले. पडाळ यांचा स्वातंत्र्याचा अधिकार पोलिसांनी हिरावून घेतल्याचे निरीक्षण न्यायालयाने नोंदविले. पत्रकाराला अटक करणाऱ्या वाकोला पोलिसांच्या वर्तवणुकीची चौकशी करण्याचे निर्देश न्यायालयाने मुंबई पोलिस आयुक्तांना दिले.

पोलिसांनी आपल्याला सीआरपीसी कलम ४१-अ अंतर्गत नोटीस बजावली नसल्याने अटक बेकायदेशीर ठरवावी, अशी मागणी पडाळ यांनी याचिकेद्वारे केली. पडाळ यांच्यावर दाखल करण्यात आलेल्या गुन्ह्याअंतर्गत सात वर्षांपेक्षा कमी शिक्षेची तरतूद आहे. त्याशिवाय त्यांच्यावर ४१-अ अंतर्गत नोटीसही बजावण्यात आली नाही. पोलिसांनी नोटीस तयार तर केली; पण ती बजावली नाही. ४१-अ अंतर्गत नोटीसचे अस्तित्वच हे असे मानण्यासाठी पुरेसे आहे की, याचिकाकर्त्याला अटक करणे अजिबात आवश्यक नव्हते, असे न्यायालयाने म्हटले.

पोलिसांना अटक करण्याचे अधिकार आहेत. मात्र, पोलिस अधिकाऱ्यांना अटकेची कारणेही सिद्ध करता आली पाहिजेत. एखाद्याव्यक्तीवर केलेल्या गुन्ह्याच्या आरोपावरून कोणालाही अटक करू शकत नाही. आरोपांतील तथ्य तपासणे शहाणपणाचे ठरेल, असे न्यायालयाने म्हटले.

वर्तनाची चौकशी करण्याचे निर्देश

राज्याची कृती न्याय्य असली पाहिजे आणि त्याकडे दुर्लक्ष करण्यात आले आहे. पडाळ यांना बेकायदेशीरपणे अटक करण्यात आली आहे आणि त्यांचा स्वातंत्र्याचा अधिकार हिरावण्यात आला आहे. त्यामुळे खातेनिहाय चौकशी होणे आवश्यक आहे, असे म्हणत न्यायालयाने मुंबई पोलिस आयुक्तांना उपायुक्त दर्जाच्या अधिकाऱ्याला वाकोला पोलिस ठाण्याच्या वर्तनाची चौकशी करण्याचे निर्देश दिले.

पाच कोटी रुपयांची नुकसानभरपाई

वाकोला पोलिसांनी १५ जानेवारी२०२२ रोजी मोहम्मद सिद्दिकीच्या तक्रारीवरून पडाळ यांच्याविरोधात खंडणीचा गुन्हा दाखल करण्यात आला. पडाळ यांनी जामिनासाठी अर्ज केला. त्यांचा जामीन मंजूरही झला. बेकायदेशीर अटक करण्यात आल्याने पडाळ यांनी गुन्हा रह करण्यासाठी याचिका दाखल केली. पाच कोटींची नुकसानभरपाई देण्याचे सरकारला निर्देश द्यावेत, अशी मागणी पडाळ यांनी केली.

गावचा कारभारी म्हणून ओळखल्या जाणाऱ्या सरपंचांसाठी आनंदाची बातमी आहे. राज्यातील सर्व सरपंचाच्या मानधनात वाढ करण्यात येणार असल्याची ग्वाही ग्रामविकास मंत्री गिरीश महाजन यांनी दिली आहे. ग्रामपंचायतीच्या (Gram Panchayat) संदर्भातील विविध मागण्यांसाठी गेल्या काही दिवसापासून अखिल भारतीय संरपंच परिषदेच्या (Akhil Bhartiya Sarpanch Parishad) वतीनं मुंबईतील आझाद मैदानावर आंदोलन सुरु होते. त्या आंदोलनाला यश आलं असं म्हणावं लागेल.

सरपंचाचे मानधन वाढावं, सरपंचांना 15 हजार रुपये, उपसरपंचाला 10 हजार रुपये तर ग्रामपंचायत सदस्याला 3 हजार रुपयांचे मानध मिळावे, ग्रामपंचायतीला जास्तीत जास्त निधी मिळावा यांसारख्या विविध मागण्या करत अखिल भारतीय संरपंच परिषदेच्या वतीने आंदोलन सुरु होते. यानंतर सरकारकडून मंत्री गिरीश महाजन यांनी सरपंच्यांच्या शिष्टमंडळाशी संवाद साधत आंदोलनाला बसलेल्या सरपंच्याच्या सर्व मागण्या मान्य केल्या. महाजन यांच्या मध्यस्थीनंतर सरपंचांचे आंदोलन स्थगित करण्यात आलं आहे. सरपंचांच्या मानधन वाढीचा प्रस्ताव आठवड्यात मान्य करणार असल्याची माहिती मंत्री महाजन यांनी दिलीय.

सरपंचाच्या मागण्या नेमक्या काय?

सरपंचांना 15 हजार रुपये, उपसरपंचाला 10 हजार रुपये तर ग्रामपंचायत सदस्याला 3 हजार रुपयांचे मानध मिळावे

मुंबईत सरपंच भवनची स्थापना करावी

ग्रामपंचायत संदर्भातील सर्व घटकांना विमा, पेन्शन, निश्चित वेतन लागू करावे

ग्रामसेवक व ग्रामविकास अधिकारी पद एकत्रित करुन पंचायत विकास अधिकारी म्हणावे

ग्रामरोजगार सेवकाची नेमणूक पूर्णवेळ करुन वेतनिश्चिती करावी

ग्रामपंचायतींना स्वायत्त संस्थेचा अधिकार देऊन विकासकामे करण्याचा अधिकार द्यावा

संगणक परिचालकांना ग्रामपंचायत कर्मचाऱ्यांच्या आकृतिबंधात आणावे

यावलकर समितीचा अहवाल लागू करावा

संगणक परिचालकांचा भार ग्रामपंचायती

ऐवजी शासनाने उचलावा

आरमोरी : शेतात महिला एकटीच असल्याचे पाहून आरोपीने महिलेचा विनयभंग केल्याची घटना दिनांक २८ ऑगस्ट रोजी सायंकाळी ५ वाजताच्या सुमारास आरमोरी तालुक्यातील चामोर्शी (चक) गावाच्या शेतशिवारात घडली. महिलेच्या तक्रारीवरून आरमोरी पोलिसांनी आरोपी अशोक जनार्दन कारमिगे (४५) रा. चामोर्शी (चक) ता. आरमोरी याला अटक केली. पोलिसांनी दिलेल्या माहितीनुसार मालकाच्या शेतात खत शिल्लक आहे. ते जर पाहिजे असल्यास शेतात ये असे सांगितले. शेतात सोबत म्हणून पीडित महिलेने तिचा दीर याला सोबत घेतले होते. मात्र आरोपीने दिराला अर्ध्यात ठेवून महिलेला मालकाच्या शेतात नेले. खताची अर्धे पोते भरुन ते दिराकडे पोहचवून दिले. महिलेला शेतातच थांबण्यास सांगितले. खत पोहोचवून

अतिप्रसंग करण्याचा प्रयत्न केला. पीडितेने आरोपीला हाताने ढकलून दिले व आरोपीच्या तावडीतून स्वतःची कशीबशी सुटका करुन घराकडे परतली. घटनेची माहिती घरच्या लोकांना व शेतात निंदणी करत असलेल्या बायकांना सांगितली. पीडितेचे तोंडी रिपोर्टवरून पोलिस स्टेशन आरमोरी येथे आरोपीविरोधात भारतीय न्याय संहिता कलम ७६ अन्वये गुन्हा नोंद करून विनयभंग करणाऱ्या आरोपीस अटक केली. घटनेचा तपास आरमोरी पोलिस स्टेशनचे पोलिस निरीक्षक रहांगडाले यांच्या मार्गदर्शनात महिला पोलिस उपनिरीक्षक ज्योती राक्षे, पोलिस हवालदार रजनीकांत पिल्लेवान करीत आहेत. आरोपी हा पीडित महिलेच्या नात्यातीलच आहे.

नागपूर : परस्परांच्या प्रेमात पडल्यानंतर तरुण-तरुणीने घरच्यांच्या संमतीने प्रेमविवाह केला. चार वर्षे सुरळीत सुंसार सुरु होता. मात्र, अचानक फेसबुकवरुन एका दोन मुलांची आई असलेल्या महिलेशी सूत जुळले. दोघांनीही आपापल्या संसारावर पाणी सोडून पुण्यात पलायन केले. मात्र, भरोसा सेलने दोघांचाही शोध घेऊन त्यांचे समुपदेशन केले. त्यानंतर विस्कटलेल्या संसाराची गाडी पुन्हा रुळावर आली.

निशांत आणि सुरक्षा (बदललेले नाव) हे दोघेही एकाच महाविद्यालयात शिकत होते. शिक्षण घेताना दोघांची मैत्री झाली. दोघांमध्ये प्रेम फुलले. त्यांनी प्रेमविवाह करण्याचा निर्णय घेतला. शिक्षण आटोपताच निशांत हा एमआयडीसीतील एका मोठ्या कंपनीत नोकरीला लागला तर सुरक्षासुद्धा एका खासगी कार्यालयात नोकरी करीत होती. दोघांनीही आपापल्या कुटुंबियांशी प्रेमविवाहाबाबत चर्चा केली. कुटुंबियांनी होकार दिल्यानंतर निशी आणि सुरक्षाचा थाटामाटात लग्नसोहळा पार पडला. त्यांना गोंडस मुलगा झाला. तिघांचाही संसार सुरळीत सुरु असताना निशांतची फेसबुकवरून शिल्पा (काल्पनिक नाव) हिच्याशी ओळख झाली. सुरवातीला दोघांचा फेसबुकवरून ‘चॅटिंग’च्या माध्यमातून संवाद झाला आणि एकमेकांच्या संपर्कात आले. दोघेही एकमेकांच्या प्रेमात पडले. शिल्पाला दोन मुले असून तिचा पती सधन शेतकरी आहे. शिल्पाला निशांतने भूरळ घातली. दोघेही एकमेकांच्या कुटुंबियांच्या लपून भेटायला लागले. शिल्पासुद्धा निशांतच्या पार प्रेमात वेडी झाली होती.

दोघांनी केले पुण्यात पलायन

निशांतशी असलेले अनैतिक संबंधाची कुणकुण पतीला लागल्यामुळे तो तिला त्रास द्यायला लागला. त्यामुळे कंटाळेल्या शिल्पाने निशांतला पुण्यात पळून जाण्याची कल्पना सूचवली. पत्नी आणि मुलासह सुरु असलेल्या संसार सोडून तो शिल्पासोबत पळून जाण्यास तयार झाला. तर शिल्पानेही दोन्ही मुलांचा त्याग करुन नवा डाव मांडण्याचे ठरविले. शिल्पाने पतीची काही रक्कम आणि दागिने घेऊन जून महिन्यात निशांतसोबत पळ काढून संसार थाटला.

पोलिसांनी पुण्यातून घेतले ताब्यात

शिल्पा आणि निशांत अचानक बेपत्ता झाल्याने कुटुंबियांनी दोन पोलीस ठाण्यात बेपत्ता झाल्याच्या तक्रारी नोंदविल्या. जवळपास दीड महिन्यानंतर दोघेही पुण्यात असल्याची माहिती पोलिसांना मिळाली. निशांतचे शिल्पाने आणलेल्या पैसे खर्च केले तसेच तिचे दागिनेसुद्धा विकले. एका कंपनीत कामावर जाऊन कसेबसे घर तो चालवित होता. दोघांनाही पोलिसांनी ताब्यात घेतले आणि नागपुरात आणले.

विस्कटलेला संसार पुन्हा सुरळीत

शिल्पा आणि निशांतला भरोसा सेलमध्ये आणण्यात आले. त्यांच्या कुटुंबियांनाही बोलविण्यात आले. आईशिवाय दोन्ही मुलांची कशी अबाळ होत असल्याचे शिल्पाच्या लक्षात आले तर पती बेपत्ता झाल्यापासून सुरक्षासुद्धा खचली होती. पोलीस निरीक्षक सीमा सूर्वे आणि समिधा इंगळे यांनी शिल्पा व तिच्या पतीची आणि निशांतच्या पत्नीचे समूपदेशन केले. दोघांनीही एकमेकांसोबत न राहण्याचा निर्णय घेतला तर दोघांच्याही कुटुंबियांनी त्यांच्या चुका पदरात घेतल्या. शिल्पाने पतीची माफी मागितली आणि मुलांसह पतीकडे निघून गेली. निशांतही पत्नी व मुलासह घरी परतला.

 मयालघाट गावातील प्रकार: कर्मचाऱ्यांनी तीनवेळा दिली भेट

 कोरची : तालुक्यातील अतिदुर्गम मयालघाट गावातील एका कुटुंबातील दीड वर्षीय बाळाला ताप आला असून डोळ्याजवळ फोडही आलेला आहे; परंतु वडील म्हणतात, मी सरकारी दवाखान्यात नेणार नाही. अनुज शनिराम कोरचा वय दीड वर्ष राहणार मयालघाट असे आजारी त्या चिमुकल्या बालकाचे नाव आहे.

लेकुरबोडी आरोग्य उपकेंद्रांतर्गत मयालघाट येथील वडील शनिराम कोरचा यांच्या बालकास आरोग्य कर्मचाऱ्यांनी मागील आठ दिवसातून तीनदा भेट देऊन औषधोपचार करून पुढील उपचारासाठी चिमुकल्या बाळाला मयालघाट येथील दवाखान्यात नेण्यास सांगितले; परंतु वडिलांनी बालकाला खुर्शीपार येथील एका वैदूकडे गावठी उपचारासाठी नेले होते.

त्यानंतर वैद्यकीय अधिकारी डॉ. शुभम वयाळ, नर्स दर्शना नेवारे, गटप्रवर्तक नूतन उइके आणि आशा वर्कर आदींनी शेतावर जाऊन बालकाला भेट दिली. बालकांची तपासणी करून पुढील उपचारासाठी गडचिरोली जिल्हा सामान्य रुग्णालयात जाण्यास सांगितले पण वडिलांनी उद्या जातो असे सांगून वेळ मारून नेली.

परत दुसऱ्या दिवशी आरोग्य कर्मचारी शेतावर जाऊन अनुजच्या वडिलांना समजावून सांगितले; परंतु जिल्हा सामान्य रुग्णालयात जाण्यास नकार देऊन मी वैदूकडे औषध उपचार करून आलो असे सांगितले. यामुळे आरोग्य कर्मचाऱ्यांना तीनदा भेटीदरम्यानही

सदर बालकाला रुग्णालयात दाखल करता आले नाही अशा परिस्थितीमध्ये बालकावर वेळीच उपचार झाले नाही तर त्याची प्रकृती खालावू शकते उशिरा दवाखान्यात नेल्यानंतर बाळ दगावले तर याला जबाबदार कोण असा प्रश्न उपस्थित केला जात आहे.

आजारी बालक, गर्भवती माता व इतर रुग्णांनी वेळीच उपचारासाठी डॉक्टरांकडे जावे व निरोगी राहण्याचे प्रयत्न करावे तसेच गरजेनुसार रुग्णालयात रेफर होण्यास तयार रहावे त्यामुळे आजार बरा करता येईल.

- डॉ. शुभम वायाळ, वैद्यकीय अधिकारी, कोरची.

कोंबडा बाजारावर छापा; १५.९३ लाखांचा मुद्देमाल जप्त

 मुलचेरा: तालुक्याच्या मुत्परतली जंगल का रसरात अवैधरीत्या कोंबड्यांच्या झुंजी व पैजा लावल्या जात असल्याची माहिती मुलचेरा पोलिसांना मिळाली. या माहितीवरून पोलिसांनी २५ ऑगस्ट रोजी धाड टाकून १५.९३ लाख रुपयांचा मुद्देमाल जप्त केला. या प्रकरणी २२ जणांना ताब्यात घेण्यात आले.

आपापल्ली नाल्याच्या जंगल परिसरात अवैधरीत्या कोंबडा बाजार भरवून झुंजी लावत असल्याच्या माहितीवरून २५ ऑगस्ट रोजी दुपारी तीन वाजता कारवाई करण्यात आली. सायंकाळी ७:३० वाजेपर्यंत ही कार्यवाही चालली. पोलिसांनी कोंबडा बाजारातून १५ लाख ३० हजार रुपये किमतीच्या ३० मोटारसायकली, ४५ हजार रुपयेकिमतीचे १३ मोबाइल, १४ हजार ७५० रुपयांची रोकड, १ हजार ९५० रुपयांचे ५ नग झुंजीचे कोंबडे, लोखंडी धारदार व टोकदार तात्या २० नग, याची किंमत १ हजार रुपये आहे. ५०० रुपये किमतीचा मोजमाप काटा, असा एकूण १५ लाख ९३ हजार ७०० रुपयांचा मुद्देमाल जप्त केला.

सात आरोपी गुन्हेगारी प्रवृत्तीचे

पोलिसांनी ताब्यात घेतलेल्या एकूण २२ आरोपींपैकी ७ आरोपी हे किरकोळ संघटित टोळ्या करून सट्टा, जुगार चालवितात. तसेच त्यांची पार्श्वभूमी गुन्हेगारी वृत्तीची आहे. म्हणून आरोपीविरोधात आरोपीविरोधात कलम ११२ त्या भा. न्या. सं. २०२३, सहकलम १२ (अ) म.जु.का. अन्वये गुन्हा नोंद केला.

किटाळी तुकूम येथील मन हेलावणारी घटना

चिमूर : तालुक्यांतील तळोधी नाईक येथून जवळच असलेल्या किटाळी तुकूम येथे आज पहाटेच्या सुमरास झोपेत असलेल्या अकरा वर्षीय मुलीचा सापाच्या दंशाने मृत्यू झाला. रुची विठ्ठल आत्राम (११) असे मृतक मुलीचे नाव असून ती वरोरा तालुक्यातील खांबाळा येथील रहिवासी आहे.

रुचिची आई किटाडी येथील आपल्या भावाला रक्षाबंधन कार्यक्रमासाठी म्हणुन राखी बांधण्यासाठी काल दि. २५ ऑगस्ट २०२४ ला माहेरी आली होती. माहेरी आल्यावर रूचिकाच्या आईने अपल्या भावाला राखी बांधली.

दिवसभर सर्व मजेत, आनंदीत होते. रात्री सर्वजण जेवण करुन झोपी गेले होते. मात्र गाढ झोपेत असताना सकाळी जवळपास ४ वाजताच्या दरम्यान विषरी सापाने झोपेत असलेल्यारूचिकाच्या हाताचा चावा घेतलाअसता रुचि जोरात ओरडली काही तरी चावले म्हणुन रडायला लागली होती. यावेळी घरातील सर्व मंडळी एकत्र होउन पाहायला लागले असता विषारी सापाने चावा घेतल्याचे समजताच रुचिका ला तात्काळ उपजिल्हा रुग्णालय चिमूर येथे दाखल केले. मात्र उपचारादरम्यान रुचिकाचा मृत्यू झाला. या घटनेमुळे गावात शोककळा पसरली असून, सर्वत्र हळहळ व्यक्त करण्यात येत आहे.

कोरची : तालुका मुख्यालयापासून दोन किलोमीटर अंतरावर येत असलेल्या मोहगाव येथील १८ वर्षीय तरुणीने राहत्या घरातच ओढणीने गळफास लावून आत्महत्या केल्याची घटना २६ ऑगस्ट रोजी दुपारी ३ वाजताच्या दरम्यान उघडकीस आली आहे.

प्रेमी चंद्रभान मडावी असे मृतक तरुणीचे नाव आहे. प्रेमी मडावी हिने गळफास लावून घेतला तेव्हा ती घरात

एकटीच होती. प्रेमी मडावी ही आपल्या आजीसोबत मोहगाव येथील घरात राहत होती. तिला आई-वडील, बहीण व दोन भाऊ आहेत. तिचे आई-वडील व मोठा भाऊ हे छत्तीसगड राज्यातील छुऱ्या गावात शेती असल्याने वास्तव्यास राहतात. तर धाकटा भाऊ उदरनिर्वाहाकरिता परराज्यात मोलमजुरीचे काम करतो. सोमवारी दुपारच्या दरम्यान आजी घरी जेवण करण्यासाठी आली तेव्हा प्रेमी ही गळफास लावलेल्या अवस्थेत दिसली. घटनेची माहिती आजीने नातेवाइकांना देऊन कोरची पोलिस स्टेशन गाठले.

निवडणुकीवर बहिष्कार टाकण्याचा इशारा 

गडचिरोली : जिल्ह्यात होऊ घातलेल्या जिल्हा परिषद शिक्षक भरतीवर जिल्ह्यातील डीएड -बिएड झालेले बेरोजगार प्रचंड नाराज असून आज दि. 27 ऑगस्ट रोजी गडचिरोली येथील संविधान सभागृहात बेरोजगारांच्या वतीने सहविचार बैठक आयोजित करण्यात आली होती. बैठकीला अध्यक्ष म्हणून निवृत्त शिक्षण विस्तार अधिकारी, धर्मानंद मेश्राम होते तर अतिथी म्हणून युवा कार्यकर्ते राज बन्सोड, विनोद मडावी, पत्रकार रेमाचंद निकुरे, अंकुश कोकोडे उपस्थित होते.

सध्या चालू असलेल्या शिक्षक भरतीविषयी बेरोजगारांमध्ये मोठ्या प्रमाणात रोष असून गडचिरोली जिल्हा हा मागास जिल्हा आहेचं पण रोजगाराच्या दृष्टीने सुद्धा दुर्मिळ आहे. अशात शिक्षक भरतीमध्ये बेरोजगाराना डावलून सरकार निवृत्त लोकांना घेत आहे आणि इतर जिल्ह्यातील अर्ज मोठ्या प्रमाणात येत असल्याने जिल्ह्यातील युवकांवर अन्याय होण्याची दाट शक्यता आहे. यामुळे बेरोजगार आता आक्रमक झाले असून जिल्हा भरातून बेरोजगार मुले एकत्रित येऊन डीएड -बिएड बेरोजगार संघटनेची स्थापना करून महाराष्ट्र सरकार, मुख्यमंत्री व शिक्षणमंत्री यांच्या विरोधात 5 सप्टेंबर ला शिक्षक दिनी डोळ्यावर काळ्या फिती बांधून आंदोलनाचा पहिला टप्पा सुरु करणार आहेत. बैठकीत निवृत्त शिक्षकांना रुजू न होऊ देण्यासाठी गावागावात जाऊन ग्रामसभा व ग्रामपंचायतला ठराव घेण्यासाठी युवक आवाहन करणार असून विशेष मागास जिल्हा म्हणून भरती प्रक्रियेत ctet व tet परीक्षेची अट शिथिल करून जिल्ह्यातील उमेदवारांना प्राधान्य द्यावे, बाहेरचे उमेदवार घेऊ नये याकरिता लक्षवेधी लढा उभा करण्यात येईल असे ठरविण्यात आले. 

जर जिल्ह्यातील बेरोजगारांचा विचार न करता बाहेर जिल्ह्यातील उमेदवारांना घेण्यात आले आणि सेवानिवृत्त शिक्षक भरती रद्द करण्यात नाही आली तर, आगामी निवडणुकीत बेरोजगार युवक प्रस्थापित भाजपा आणि काँग्रेस ला मतदान करणार नाही व वेळ आल्यास निवडणुकीवर सुद्धा बहिष्कार टाकणार असल्याचा इशारा सुद्धा देण्यात आला. 

     जिल्ह्यातील सर्व बेरोजगार युवकांना 5 सप्टेंबर च्या आंदोलनात सहभागी होण्याचे आवाहन करण्यात आले. जिल्यातील विविध तालुक्यातील बेरोजगार प्रतिनिधी यावेळी उपस्थित होते.

लडाख: आपल्या देशामध्ये सामाजिक, आर्थिक, सांस्कृतिक, नैसर्गिक अशा सर्व प्रकारची विविधता सापडते. म्हणूनच भारताला जगातला सर्वांत रंगीबेरंगी देश म्हणून ओळखलं जातं. जगभरातल्या व्यक्तींना भारतीय संस्कृतीबद्दल कायम आकर्षण वाटत आलेलं आहे. सर्व प्रकारची विविधता जवळून अनुभवण्यासाठी दर वर्षी लाखो परदेशी पर्यटक भारतात येतात आणि देशाच्या कानाकोपऱ्यात फिरतात. हे जाणून अनेकांना आश्चर्य वाटेल, की भारतात असं एक ठिकाण आहे, जिथे परदेशी महिला गरोदर होण्यासाठी येतात. विशेष बाब म्हणजे गर्भधारणेसाठी त्या स्थानिक पुरुषांची मदत घेतात.

कारगिलपासून 70 किलोमीटर अंतरावर लडाखमध्ये हे गाव आहे. या गावाला ‘आर्य व्हॅली’ म्हणून ओळखलं जातं. असा दावा केला जातो, की परदेशांतून विशेषतः युरोपीय देशांतून अनेक महिला या गावात येतात आणि स्थानिक पुरुषांच्या साह्याने गरोदर होतात. आपल्याला हे थोडं विचित्र वाटेल; पण सध्या याबाबत खूप चर्चा सुरू आहे.

लडाखमधल्या आर्य व्हॅलीत ब्रोकपा जमातीचे लोक राहतात. या जमातीबद्दल असं म्हटलं जातं, की हे लोक ‘अलेक्झांडर द ग्रेट’च्या सैन्याचे वंशज आहेत. हे लोक जगातले शेवटचे शुद्ध आर्य असल्याचाही दावा केला जातो. असं म्हणतात, की अलेक्झांडर द ग्रेट जेव्हा भारत सोडून माघारी जात होता तेव्हा त्याच्या सैन्यातले काही लोक भारतात राहिले होते. या सैन्याचे वंशज अजूनही भारतात वास्तव्याला आहेत.

अलेक्झांडरच्या सैनिकांप्रमाणेच उत्तम शरीरयष्टी, शारीरिक रचना आणि मजबूत शरीर असलेल्या अपत्याची प्राप्ती करण्याच्या इच्छेमुळे विदेशी स्त्रिया आर्य व्हॅलीमध्ये येतात. गरोदर झाल्यानंतर त्या पुन्हा आपल्या देशात निघून जातात. पूर्वी या समाजातल्या लोकांबद्दल फारशी माहिती आणि क्रेझ नव्हती; पण इंटरनेटवर प्रसिद्धी मिळाल्यानंतर इथे येणाऱ्या परदेशी महिलांची संख्या वाढू लागली. परदेशी महिला लैंगिक संबंधांच्या बदल्यात पुरुषांना पैसे देतात.

हर्ष साखरे मुख्य संपादक सुपर फास्ट बातमी 9518913059

आरमोरी: प्राप्त झालेल्या माहितीनुसार वैरागड आरमोरी मार्गांवर टाकीजवळ असलेल्या काही अंतरावर वाघाच्या हल्ल्यात बैल ठार झाल्याची घटना आज उघडकीस आली आहे.

सदर बैल वासाळा येथील यादव मंगारे यांचा असून बैल जंगलात चरत असताना बैलावर वाघाने अचानकपणे हल्ला करुण जागीच ठार केले. ही घटना कालची असुन ती आज सकाळी उघडकीस आली या घटनेची माहिती मिळताच रामाळा बिटाचे वनरक्षक आनंद साखरे यांनी मौका चौकशी करून पंचनामा केला आहे.

 यावरून असे लक्षात येते की या मार्गावर वाघाचे अस्तित्व आहे. त्यामुळे नागरिकांनी या मार्गावरून जात असताना दक्षता घेण्यात यावी अशी सूचना वन विभागातर्फे करण्यात आलेली आहे .तसेच सदर बैल मालकाला नुकसान भरपाई देण्यात यावी अशी मागणी नागरिकांनी वन विभागाकडे केली आहे.

    पुढील काळात लग्न न झालेल्या वयस्कर तरुण-तरुणी मोठ्या संख्येने दिसतील. वृध्द झाल्यावर आधाराला कुणी नसेल आणि पुढील पिढीची वंशवृद्धीचं न झाल्याने वृद्धाश्रमा मध्ये जाण्याची किंवा एकाकी आयुष्य काढण्याची वेळ येणार, यात शंका वाटत नाही. अपेक्षांचे ओझे बाळगून भविष्याच्या बाबतीत विचार न करणारी हि पिढी स्वतः बरोबर पालकांना सुद्धा आयुष्याच्या वृद्धत्वाच्या टप्प्यावर अनेक चिंताना जन्म देत आहे.कारण मुला-मुलींचे लग्न झाल्यावर पालकांची गृहस्थाश्रमाची जबाबदारी संपते. पुढील पिढीकडे सूत्रे देऊन पालक आपल्या निवृत्ती आयुष्याचे नियोजन करु शकतात. आता मागील एक पिढी आणि आताची विवाह न झालेली पिढी यांचे निवृत्तीचे आयुष्य खडतर असण्याची शक्यता जास्त आहे. फक्त पैसा, प्रॉपर्टी, दागदागिने, गाड्या म्हणजे सर्व सुख नाही. कौटुंबिक आयुष्यात चांगली-वाईट आव्हाने आणि संकटे यांना सामोरे जाताना पतीपत्नी एकमेकांचा मानसिक आधार असतात. जीवनात पूर्णत्वाचा खऱ्या अर्थाने आनंद मिळवायचा असेल तर वाट्याला आलेलं दुःख किंवा प्रतिकुलता सुद्धा सुसह्य होते. ती एकमेकांच्या पूरक भूमिकेमुळे.

शिक्षणाची पात्रता, आर्थिक कमाई, जमीनजुमला, राहण्यासाठी स्वतःचे घर, सौंदर्याच्या व्यापक कल्पना, ठराविक भौगोलिक क्षेत्रात म्हणजे मुख्यत: पुणे, मुंबई, नाशिक येथेच वास्तव्य असावे. याचा दुराग्रह, हट्टापायी विवाहाचे वय निघून जात आहे.

तारुण्याची किंवा ठराविक वयात वैवाहिक सौख्याची प्राकृतिक अनुकूलता आणि निरामय आनंदाला ही पिढी पारखी होत आहे. तेही आपणचं आपल्यावर लादून घेतलेल्या अटीमुळे.

खरं तर बायोडाटा बघुन किंवा अभ्यासून त्यातील प्रतिकूल मुद्द्यांवर कशी मात करुन विवाहासाठी पार्श्वभूमी तयार करता येईल,याचा विवाहेच्छुक तरुण-तरुणींनी विचार गंभीरपणे करायला हवा. ठराविक बाबींचा अत्याग्रह हा आपल्या वैवाहिक आयुष्याला मारक आणि बाधक ठरत आहे आणि कल्पनांचे इमले रचूनही वास्तवात एकाकीपणे जगायची वेळ येत आहे. आयुष्याची संध्याकाळ जवळ आल्यावर हा विचार करण्यात आपण एवढी मोठी चूक केली त्याचे परिणाम वैयक्तिक आयुष्यावर तर पडणारचं आहेत.पण सामाजिक संतुलन सुध्दा बिघडणार आहे. आपल्या संस्कृतीला सुद्धा याबाबी मारक ठरत आहेत.

    स्त्री-पुरुषांच्या आयुष्याची पूर्णता ही वंशवृद्धी, मुलांचे संगोपन, शिक्षण, गृहस्थाश्रम आणि वानप्रस्थाश्रम या पायऱ्यांतूनच होत असते.

आपण विवाह संस्थेचा पाया आणि ढाचा उखडून टाकत आहोत. आपले अपेक्षांचे दुराग्रह आपल्याला कुठे घेऊन जात आहेत.यावर गंभीर पणे आत्मचिंतन करण्याची वेळ आली आहे.

लोकसंख्येत वृद्ध लोकांचे प्रमाण वाढल्याने जपान सारखे प्रगत, विकसित राष्ट्र गंभीर परिणामांना सामोरे जात आहे. घरातील वैयक्तिक विवाहाचा प्रश्न राष्ट्रीय दृष्टिकोनातून किती गंभीर आहे हे तेथील परिस्थितीचा अभ्यास केल्यास कळू शकेल.

शेवटी जी तडजोड वय वाढल्यावर करणे अपरिहार्य आहे. त्यासाठी सगळे तारुण्य पणाला लावून अपेक्षांचे ओझे किती काळ वाहायचे एवढे करुन पुन्हा आपण केलेल्या अपेक्षा पूर्ण झाल्याचं नाहीत तर मग इतका वेळ म्हणजे वाया गेलेली अमूल्य तारुण्याची वर्षे, घेतलेले efforts आणि वाढलेल्या वयाचे काय?

कृपया संवादाचे पुल बांधून लवकरात लवकर वैवाहिक आयुष्याची स्थिरता कशी प्राप्त करता येईल.यासाठी काय पावले उचलावीत लागतील याचा मुळापासून विचार व्हावा.

*अशी अपेक्षा*

आज अपेक्षेचे ओझे वाढवून  

नाहक मुला-मुलींचे वय निघून जात आहे.याची खंत ना मुलांना ना पालकांना.

आजचा काळ ,आजची परिस्थिती काही वर्षांनी तशीच राहिल,हे सांगता येत नाही.आजचा पैसा,सुख,ऐश्वर्य, आरोग्य काही वर्षांनी तसेच राहिल हे सुध्दा सांगता येत नाही.

   *पालकांनो आणि मुला-मुलींनो भविष्याचा विचार करुन आजच निर्णय घ्या.*

अपेक्षांच्या जंजाळात अडकून न राहता समजदारीने निर्णय घ्या.योग्य वेळेत,योग्य वयात विवाहाचा निर्णय घ्या.काळ निष्ठुर आहे,चुकीला त्याच्याकडे माफी नाही.

आणि नंतरच्या पश्तापाला अर्थ नाही.

 ब्रह्मपुरी येथील दहा किमी अंतरावरील बेलदाटी येथे नहरात पडलेल्या शेळीच्या वाचविण्याच्या प्रयत्नात मेंढपाळाचा मृत्यू झाल्याची घटना शनिवारी सायंकाळच्या सुमारास घडली. मधुकर संपत मेश्राम (५१) असे मृत मेंढपाळाचे नाव आहे. ज्या शेळीच्या वाचविण्याचा मेंढपाळाने प्रयत्न केला ती शेळी मात्र

सुखरूप नहरातून बाहेर पडली. बेलदाटी येथील चुना फॅक्टरी शेजारी असलेल्या गोसेखुर्द

नहाराजवळ काही सहकाऱ्यांसोबत मधुकर मेश्राम हे शेळ्या चारत होते. दरम्यान, एक शेळी नहरात पडली. नहरातील पाण्याचे वेग अधिक असल्याने तिला निघता येत नव्हते. मधुकर मेश्राम यांनी तिला काढण्याचा प्रयत्न केला. त्यानंतर ते नहरात उतरले. मात्र पाण्याचा अधिक वेग अधिक असल्याने ते पाण्यात वाहून गेले. यासंदर्भात ग्रामस्थांनी पोलिसांना माहिती कळविली. मेंडकी येथील पोलिसांनी शोधकार्य सुरु केले असता काही अंतरावर त्यांचा मृत्यूदेह आढळला. त्यांच्या पश्चात पत्नी, एक मुलगा व मुलगी आहे. घटनेचा पुढील तपास मेंडकी पोलिस करीत आहे.

 ब्रह्मपुरी : येथील गांधीनगरातील क्रीडा संकुलासमोर कारने धडक दिल्याने झालेल्या अपघातात आठ वर्षीय बालकाचा मृत्यू झाला. ही घटना रविवारी सायंकाळी सहा वाजण्याच्या सुमारास घडली. श्रवण संतोष पवार (८ वर्ष) असे मृतक बालकाचे नाव आहे.

रविवारी सायंकाळच्या वेळी श्रवण रस्त्यावर सायकल चालावित होता.याचवेळी आर्मी लिहिलेली कार क्रमांक एमएच ३४ बीवाय ९१७४ ने त्याला धडक दिली. या अपघातानंतर परिसरातील नागरिकांनी त्याचा रुग्णालयात नेले. मात्र डॉक्टरांनी त्याला मृत घोषित केले. घटनेची माहिती मिळताच पोलिस घटनास्थळी दाखल झाले. पंचनामा करून पोलिसांनी चालकाला अटक केली आहे. यावेळी उपजिल्हा रुग्णालयात नागरिकांनी गर्दी केली होती.

 हृदयविकाराचा झटका आल्याचा अंदाज

भद्रावती, (ता.प्र.). भद्रावती तहसील कार्यालयाच्या आवारात असलेल्या ट्रेझरी कार्यालयात रात्रीच्या वेळेस कर्तव्यावर असलेल्या एका पोलिस अधिकाऱ्याचा मृत्यू झाल्याची घटना शनिवारी (दि. 24) रात्री साडेसात वाजताच्या सुमारास घडली. मधुकर कोंडू आत्राम, (55, रा. चंद्रपूर) असे मृतक पोलिस अधिकाऱ्याचे नाव असून ते भद्रावती पोलिस स्टेशन येथे पीएसआय पदावर कार्यरत होते.

घटनेची माहिती प्राप्त झाल्यानंतर भद्रावती पोलिसांनी घटनास्थळी जाऊन पंचनामा केला व मृतदेह शवविच्छेदनासाठी येथील ग्रामीण रुग्णालयात पाठविला. मृतक मधुकर आत्राम यांची नेहमी येथील ट्रेझरी कार्यालयात रात्रीची ड्युटी राहत होती. घटनेच्या दिवशी ते नेहमीप्रमाणे ड्युटीवर

हजर झाल्यानंतर बऱ्याच वेळाने ट्रझरी कार्यालयातील लाईट बंद दिसल्याने शेजारील शासकीय विश्रामगृहाच्या कर्मचाऱ्याने जाऊन पाहिले असता ते झोपलेल्या अवस्थेत दिसले. त्याला शंका आल्याने त्याने पोलिसांना फोन केला. पोलिस घटनास्थळी आल्यानंतर आत्राम हे मृतावस्थेत आढळून आले. हृदयविकाराच्या धक्क्याने त्यांचा मृत्यू झाला असावा असा अंदाज व्यक्त होत आहे. त्यांच्या मागे दोन मुले आहेत. त्यांच्या मृत्यूमुळे सर्वत्र हळहळ व्यक्त होत आहे.

 गडचिरोली : अज्ञात वाहनाच्या धडकेत दुचाकीस्वाराचा जागीच मृत्यू झाला. ही घटना शुक्रवारी रात्री चंद्रपूर मार्गावरील महिला महाविद्यालयाजवळ घडली.

मंगेश राजेंद्र नैताम (२५) असे मृताचे नाव आहे. शुक्रवारी मंगेश काही कामानिमित्त गडचिरोली जिल्हा मुख्यालयात आला होता. काम आटोपून रात्री तो एमएच-३३/एन- ४५३५ क्रमांकाच्या दुचाकीने आपल्या गावाकडे परत जात होता. दरम्यान, चंद्रपूर मार्गावरील महिला

महाविद्यालयाजवळ अज्ञात वाहनाने त्याच्या दुचाकीला जोरदार धडक दिली. यात तो गंभीर जखमी झाला. अपघातानंतर मंगेशला उपचारासाठी गडचिरोली जिल्हा सामान्य रुग्णालयात भरती करण्यात आले. यावेळी डॉक्टरांनी त्याला मृत घोषित केले. घटनेसंदर्भात गडचिरोली पोलिस ठाण्यात मर्ग दाखल करण्यात आला आहे.