सुपर फास्ट बातमी

09-11-2024

Gadchiroli news: कोंबडी न दिल्याच्या कारणावरून युवकास जिवंत जाळले

आष्टी (गडचिरोली) : कोंबडी न दिल्याच्या क्षुल्लक कारणावरून एका युवकास जिवंत जाळल्याची घटना आष्टी पोलीस ठाण्याअंतर्गत येणाऱ्या येनापूर जंगल परीसरात काल ६ नोव्हेंबर रोजी दुपारी २ ते संध्याकाळी ६ वाजताच्या सुमारास घडली. मनोज आनंदराव मेकर्तीवार (३२) रा. सोमनपल्ली ता. चामोर्शी असे मृतकाचे नाव आहे. तर सचिन राजेश मेकर्तीवार रा. सोमनपल्ली, राहुल गुंजेकर रा. चिंचाळा ता. जि. चंद्रपूर अशी आरोपींची नावे आहेत.

प्राप्त माहितीनुसार आरोपींनी संगणमत करून मृतक मनोज मेकर्तीवार याच्या घरी जाऊन आम्हाला कोंबडा दे नाहीतर तुला मारून टाकू अशी धमकी दिली. या धमकीस घाबरून मनोज हा सांदवाडीत जाऊन लपला. त्यानंतर आरोपींनी मनोज याला पकडून शंकर पप्पुलवार यांच्या घरी नेले व त्यांच्या घरी लोकांसमोर हाता बुक्क्यांनी मारहाण केली. एवढ्यावरच त्यांचे समाधान झाले नाही. तर त्याला मोटरसायकलवर बसून

सोमनपल्ली ते येनापूर कडे जाणाऱ्या रस्त्याकडे घेऊन गेले. यानंतर येणापूर नाला जंगल परिसरात नेऊन जीवानिशी ठार मारून मृतकाच्या अंगावर काड्य टाकून जाळून टाकले व पुरावा नष्ट करण्याचा प्रयत्न केला. य संदर्भात संगिता येलगलवाच रा. सावली हल्ली मु. सोमनपर्ल यांनी आष्टी पोलीस ठाण्यात तक्रार दाखल केली. घटनेच् गांभीर्य लक्षात घेता आष्ट पोलिसांनी तातडीने घटनास्थळ गाठून पंचनामा केला.