सुपर फास्ट बातमी

06-11-2024

अरविंद पोरेड्डीवार म्हणाले, लोकसभा निवडणुकीत काँग्रेसने संविधान बदलाबाबत चुकीची माहिती बिंबवली. मात्र, संविधानाचा भाजप कायम आदर करत आहे

आरमोरी : विधानसभा निवडणुकीसाठी एकजुटीने कामाला लागा, कुठल्याही स्थितीत विरोधकांच्या भूलथापांना मतदार बळी पडता कामा नयेत, याची दक्षता घ्या, असे आवाहन ज्येष्ठ सहकार नेते व राज्य सहकार विकास महामंडळाचे अध्यक्ष अरविंद सा. पोरेड्डीवार यांनी केले.

येथे महायुतीचे उमेदवार व आमदार कृष्णा गजबे यांच्या संपर्क कार्यालयाचे उद्घाटन ५ नोव्हेंबरला पोरेड्डीवार यांच्या हस्ते फीत कापून झाले. भाजप जिल्हाध्यक्ष प्रशांत वाघरे, गडचिरोली नागरी सहकारी बँकेचे अध्यक्ष प्रकाश सा. पोरेड्डीवार, भाजपाचे माजी जिल्हाध्यक्ष किसन नागदेवे, माजी

उपनगराध्यक्ष हैदर पंजवानी, भाजपा जिल्हा सचिव नंदू पेटेवार, जिल्हा महामंत्री सदानंद कुथे, शिंदेसेना महिला जिल्हाप्रमुख अर्चना गोंदोळे, भाजपा तालुकाध्यक्ष पंकज खरवडे, राष्ट्रवादी काँग्रेस अजित पवार गटाचे दिलीप मोटवानी, अमीन लालानी आदींची उपस्थिती होती.

यावेळी अरविंद पोरेड्डीवार म्हणाले, लोकसभा निवडणुकीत काँग्रेसने संविधान बदलाबाबत चुकीची माहिती बिंबवली. मात्र, संविधानाचा भाजप कायम आदर करत आहे. अपप्रचार होऊ नये, यासाठी कार्यकत्यांनी दक्ष राहावे, असे आवाहन त्यांनी केले. पंकज खरवडे यांनी संचालन केले तर अक्षय हेमके यांनी आभार मानले.