सुपर फास्ट बातमी

13-01-2024

Chandrapur news: चंद्रपुरात ब्राऊन शुगर विक्री, दोघांना अटक

चंद्रपूर : पोलीस येथील शहरपोलिस ठाण्याच्या हद्दीत ब्राऊन शुगर विक्री करीत असलेल्या दोन युवकांना शहर पोलिसांनी रंगेहाथ अटक केली आहे. आरोपींवर ३०/२४ क. ८ (सि), २१ (बी) एन.डि.पी.एस. अॅक्ट अन्वये शहर पोलिस ठाण्यात गुन्हा दाखल करण्यात आला आहे.

यातील आरोपी सोहेल शेख हे चोरून लपुन ब्राउन शुगरची विक्री करीत असल्याची गोपनिय माहिती पोलिसांना मिळाली. यावरून पोलिसांचे पथकाने जुनी लालपेठ वस्तीमध्ये धाड टाकली. यावेळी सोहेल सलीम शेख (२३) रा. जुनी लालपेठ वस्ती चंद्रपुर याला पोलिसांनी ताब्यात घेतले. त्याची अंगझडती घेतली असता त्याचजवळ ११० रू., ओपो कंपनीचा मोबाईल १५,००० रू. चा, ७.१२ ग्रॅन वजनाचा ब्राउन शुगर किं. १७,८०० रू., विवो कंपनीचा मोबाईल किं. २५,००० रू. चा असा एकुण ५७,९१० रू. चा ऐवज मिळुन आला.

आरोपीकडून अधिक चौकशी केली असता, सदर मिळालेला ब्राउन शुगर हे आवेश कुरेशी रा. भंगाराम वार्ड चंद्रपुर याचे करीता विक्री करतो, असे आरोपीने सांगितले. याप्रकरणी पोलिसांनी गुन्हा दाखल केला. पोलिसांनी आरोपी सोहेल सलीम शेख (२३) रा. जुनी लालपेठ वस्ती चंद्रपुर, व आवेश शब्बीर कुरेशी (३८) रा. भंगाराम वार्ड चंद्रपुर) या दोघांना अटक केली आहे. सदर कार्यवाही पोलीस अधिक्षक रविंद्रसिंग परदेशी, अपर पोलीस अधिक्षक रिना जनबंधु, उपविभागिय पोलीस अधिकारी, सुधीर नंदनवार यांचे मार्गदर्शनाखाली शहर पोलीस निरीक्षक सतिशसिंह राजपुत, सपोनि. मंगेश भोंगाडे, रमीझ मुलानी, पोउपनि शरिफ शेख, विलास निकोडे, महेंद्र बेसरकर, जयंता चुनारकर, संतोष पंडीत, सचिन बोरकर, निलेश मुडे, भावना रामटेके, नापोशि. चेतन गज्जलवार, पो. अं. इम्रान खान, संतोष कावळे, दिलीप कुसराम, ईरशाद शेख, रूपेश रणदिवे, रूपेश पराते यांनी केलेली आहे.