सुपर फास्ट बातमी

03-01-2024

Gadchiroli accident news: दुचाकीस्वार जावयासह सह सासरा गंभीर जखमी

आष्टी - चामोर्शी मार्गावरील उमरी जवळ - दुचाकीची पुलाच्या लोखंडी कठडचाला जबर धडक

आष्टी - चामोर्शी तालुक्यातील आष्टी - चामोर्शी - मार्गावरील उमरी जवळील पुलाच्या लोखंडी कठड्याला दुचाकीची जबर धडक बसली. यात दुचाकीस्वार जावयासह सासरा गंभीर जखमी झाल्याची घटना आज दिनांक २जानेवारी रोजी दुपारी ४ वाजताच्या सुमारास घडली.

संदिप तुळशीराम पोटे (४२) रा. मुरखळा ता. चामोर्शी, परशूराम बालाजी ठाकूर (६५) रा बल्लू ता. चामोर्शी अशी गंभीर जखमीची नावे आहेत.

प्राप्त माहितीनुसार मुरखळा येथीलसंदीप पोटे हा आपले सासरे परशूराम ठाकूर यांना घेऊन दुचाकी क्रमांक MH 33 AB 0655 ने तेलंगणातील शीरपुर येथे शेतीची कीटकनाशके खरेदी करण्यासाठी गेले होते. तिथून गावाकडे परत जात असताना आष्टी-चामोर्शी मार्गावरील उमरी जवळील पुलाच्या लोखंडी कठड्याला दुचाकीची जबर धडक बसली.

ही धडक इतकी भीषण होती की यात दुचाकीस्वार जावई संदिप पोटे याचा एका पायाचा अर्धा तुकडाच पडला तर सासरे परशूराम ठाकूर यांचा एक पाय चेंदामेंदा झाला. घटनेची माहिती कळताच आष्टी पोलिस ठाण्याचे ठाणेदार कुंदन गावडे, उपनिरिक्षक गणेश जंगले हे पोलिस पथकासह घटना स्थळी दाखल झाले व जखमींना आष्टी येथील ग्रामीण रुग्णालयात उपचारासाठी दाखल केले. नंतर दोन्हीं जखमींना चंद्रपूर येथे पुढील उपचारासाठी पाठविण्यात आले. घटनेचा पुढील तपास आष्टी पोलिस करीत आहेत.