सुपर फास्ट बातमी

09-01-2024

जुन्या विहिरी दुरुस्तीपासून ते बोअरवेल, नवीन विहितींसाठीही 'या' योजनेंतर्गत मिळतंय अनुदान: असा करा ऑनलाइन अर्ज...

महाराष्ट्र शासनाने अनुसूचित जाती शेतकऱ्यांना सिंचनासाठी अनुदान देण्यासाठी *डॉ. बाबासाहेब आंबेडकर कृषी स्वावलंबन योजना* सुरू केली आहे. या योजनेअंतर्गत विहीर बांधणे, जुनी विहीर दुरुस्ती, इनवेल बोरिंग, पंप संच, वीज जोडणी, शेततळ्याचे प्लास्टिक अस्तरीकरण, सिंचन संच (तुषार सिंचन व ठिबक सिंचन) पी व्ही सी पाईप, परसबाग इत्यादी गोष्टींवर अनुदान मिळणार असून या योजनेचा लाभ महाराष्ट्रातील सातारा, सांगली, मुंबई, सिंधुदुर्ग, कोल्हापूर व रत्नागिरी या जिल्हे वगळता राज्यातील बाकी सर्व जिल्ह्यांमध्ये घेता येईल.

*अनुदान रक्कम*

▪️नवीन विहीर बांधण्यासाठी 2 लाख 50 हजार रुपये

▪️जुनी विहीर दुरुस्ती 50 हजार रुपये

▪️इनवेल बोरिंग साठी 20 हजार रुपये

▪️पंप संच साठी 20 हजार रुपये.

▪️वीज जोडणी साठी 10 हजार रुपये

▪️शेततळ्याचे प्लास्टिक अस्तरीकरण करण्यासाठी 1 लाख रुपये

▪️ठिबक सिंचन 50 हजार किंवा तुषार सिंचन करिता 25 हजार रुपये.

▪️पी व्ही सी पाईप साठी 30 हजार रुपये

▪️परसबाग करिता 500 रुपये

*योजनेच्या लाभासाठी पात्रता:*

✔️ शेतकरी अनुसूचित जातीचा असावा.

✔️ शेतकऱ्याच्या नावे जमिनीचा सातबारा 8अ उतारा असावा.

✔️ शेतकऱ्याचे वार्षिक उत्पन्न 1 लाख 50 हजार रुपये असावे.

✔️ शेतकऱ्याची जमीन धारणा 0.20 हेक्टर ते 6 हेक्टर पर्यंत असावी.

✔️ दारिद्र्यरेषेखालील शेतकऱ्यांना प्राधान्य देण्यात येईल.

✔️ अपंग किंवा महिला शेतकऱ्यांना विशेष प्राधान्य देण्यात येईल.

*असा करा ऑनलाईन अर्ज*

या योजनेचा लाभ घेण्यासाठी शेतकऱ्यांनी संबंधित जिल्हा कृषी विभागाच्या कार्यालयात अर्ज करायचा आहे. तसेच https://agriwell.mahaonline.gov.in/ या संकेतस्थळावर ऑनलाइन अर्ज देखील करता येईल. या योजनेमुळे अनुसूचित जाती शेतकऱ्यांना सिंचनाच्या सुविधा मिळून त्यांचे उत्पन्न वाढण्यास मदत होईल. यामुळे शेतकऱ्यांचे आर्थिक व सामाजिक जीवनमान उंचावण्यास मदत होईल.