सुपर फास्ट बातमी

27-12-2023

Kurkheda news: येंगलखेडा परीसरात आढळला मुलाचा मृतदेह

डॉन्स हंगामा पाहून परत येतांना घात की अपघात चर्चाना उधाण

कुरखेडा - तालुक्यातील येंगलखेडा येथील पांडव हायस्कूल जवळ गौरव दलपत महावी (१६) या विद्यार्थ्यांचा मृतदेह आज २६ डिसेंबर रोजी पहाटे ३ ते ४ वाजताच्या दरम्यान आढळून आल्याने तालुक्यात एकच खळबळ माजली असून या विद्यार्थी युवकाचा घात की अपघात या संदर्भात विविध चर्चाना ऊत आलेला आहे. सदर विद्यार्थी हा कुरखेडा शहरातील आर.जी.व्ही हायस्कूल येथे दाहव्या वर्गात शिकत होता. प्राप्त माहितीनुसार गौरव दलपत महावी हा कुरखेडा येथील राणा प्रताप वार्डात आई व ताई सोबत राहत होता. त्याचे वडील पोलिस खात्यात कार्यरत आहेत. तो काल येंगलखेडा येथे आपल्या मित्रासोबत मंडई निमित्ताने आयोजित डॉन्स हंगामा पाहण्यासाठी गेला होता.

काल उत्तररात्रीच्या सुमारास डॉन्स हंगामा पाहून थिएटर मधून बाहेर पडून गेल्यावर गौरत परत का आला नाही म्हणुन त्याच्या मित्रांनी शोध मोहीम राबविली असता पहाटे तीन वाजेच्या सुमारास पांडत हायस्कूल जवळ तो निपचितपडलेल्या अवस्थेत आढळून आल्याने त्यांच्या मित्रांनी व मित्राच्या पालकांनी त्याला कुरखेडा येथील उपजिल्हा रुग्णालयात भरती केले. मात्र डॉक्टरांनी त्याला मृत घोषित केले. या घटनेप्रकरणी पुराडा पोलिस ठाण्यात अपघाताचा गुन्हा नोंद झाला आहे. पुढील तपास पोलिस निरीक्षक पवार हे करीत आहेत.

मंडई पाहुन येतांना दरवर्षी जातो बळी

येंगलखेडा येथील मंडईच्या दिवशी रात्रीच्या सुमारास आयोजित सांस्कृतिक कार्यक्रम संपल्यानंतर परत जातांना दरवर्षी कुणीणाकुणी मृत्यूमुखी पड़त असल्याने चिंता व्यक्त केली जात आहे. गेल्या ३ वर्षात ३ जणांचा अपघात झाला होता. यामध्ये दोघांचा मृत्यू झाला होता. यामुळे पोलिस प्रशासनाने प्रकरणाची गांभिर्याने चौकशी करावी अशी मागणी केली जात आहे.