सुपर फास्ट बातमी

06-03-2024

रेती चोरीची माहिती दिल्याच्या संशयावरून जीवघेणा हल्ला

चंद्रपूर, ब्युरो. वरोरा येथून जवळच असलेल्या माढेळी येथील अशोक चौधरी (वय 62 रा. गिरसावली) यांच्यावर एका हॉटेलमध्ये सोमवारी सायंकाळी 7 वाजता जीवघेणा हल्ला करून गंभीर जखमी करण्यात आले.

माढेळी येथील काँग्रेसचे नेते व कृषी उत्पन्न बाजार समितीचे माजी सभापती विशाल बदखल व सोबतच्या तीन सहकाऱ्यांनी अशोक चौधरी यांच्यावर जीवघेणा हल्ला केला असून त्यांना वरोरा उपजिल्हा रुग्णालयात दाखल करण्यात आले आहे. मात्र त्याची प्रकृती गंभीर अवस्थेत असल्याने चंद्रपूर येथे हलविण्यात आले आहे.

चार दिवसापूर्वी वेणा नदीच्या घाटातून अवैध रेतीचे उत्खनन करीत असल्याने उपविभागीय पोलिस अधिकारी साटम यांनी विशाल बदखल व इतर तिघांवर कारवाई केली असून 2 हायवा, 1 जेसीबी

व ट्रॅक्टर रेतीसह जप्त केली होती. संबंधित पोलिसांना माहिती देणारा अशोक चौधरी हाच व्यक्ती असल्याचा संशय बदखल यांना आल्याने चौधरी हे हॉटेलमध्ये बसले असते बदखल यांनी रॉडने जबर मारहाण केली. एस.डी.पी.ओ साटम यांच्या नेतृत्वात आरोपीचा शोध घेतला असता पीएसआय अमोल काचोरे यांनी विशाल बदखल (वय 45 वर्ष), राहणार माढेळी, लंकेश बदखल, राहणार येवती, संजय चिंचोलकर, यवती, मंगेश सोनटक्के यांना रात्रीच अटक केली. आरोपींवर गुन्हा दाखल करण्यात आला असून पोलिस पुढील तपास सुरू आहे.