सुपर फास्ट बातमी

13-01-2024

Desaiganj news: चपलैचा हार टाकणाऱ्या सातही आरोपिंना १४ दिवसांची न्यायालयीन कोठडी

देसाईगंज: केन्द्र सरकारने आणलेल्या हिट अँड रन कायद्या विरोधात ९ जानेवारीच्या मध्यरात्रीपासुन चालक-मालकांनी आपापली वाहने उभी करून आंदोलन सुरु केले असता आंदोलन कर्त्यांनी लोकशाही मार्गाने आंदोलन करण्याचे सोडुन चक्क एसटी ड्रायव्हरच्या कॅबिनमध्ये जबरीने घुसुन ड्रायव्हरच्या गळ्यात चपलेचा हार टाकला. याप्रकरणी अटक केलेल्या ७ जणांना देसाईगंज न्यायालयाने १४ दिवसाची न्यायालयीन कोठडी सुनावली असुन तुरुंगात रवानगी केली

आहे. दरम्यान एक आरोपी फरार असल्याने देसाईगंज पोलीस त्याचा कसून शोध घेत असल्याने आंदोलन कर्ते चांगलेच धास्तावले आहेत.

शेख रोशन शेख, 40, रु. भगतसिंग वार्ड देसाईगंज, मुज्जू उर्फ मुजशीरशब्बीर शेख (३३) देसाईगंज, तौफिक कदीर शेख (२२ वर्षे) रा. हनुमान वार्ड देसाईगंज, मुशिर खान नजीर खान (२६ वर्षे) रा कमलानगर देसाईगंज, अजय शिमुर्ती पांडे (३५ वर्षे) जलनगर वार्ड चंद्रपुर, हल्ली मुक्काम रा. साई दरबार ट्रान्सपोर्ट ब्रम्हपुरी रोड देसाईगंज, शिवेंद्र अनिल गुप्ता (२५ वर्षे) रा. चंद्रपुर, गुरुदेव बळीराम शिवुरकर (३७ वर्षे)रा . राजेंद्रवार्ड देसाईगंज या सात आरोपिंना ताब्यात घेऊन देसाईगंज न्यायालयात हजर केले असता न्यायालयाने सातही जणांना १४ दिवसाची न्यायालयीन कोठडी सुनावली असल्याने आरोपींची चंद्रपुरच्या कारागृहात रवानगी करण्यात आली आहे. दरम्यान फरार असलेल्या एका आरोपिचा देसाईगंज पोलीस कसुन शोध घेत असल्याने आंदोलन कर्त्यांचे चांगलेच धाबे दणाणले आहेत.