F Gadchiroli news: देसाईगंज तालुक्यात दोन अपघातात दोघांचा मृत्यू | My Khabar24

सुपर फास्ट बातमी

15-11-2024

Gadchiroli news: देसाईगंज तालुक्यात दोन अपघातात दोघांचा मृत्यू

देसाईगंज : देसाईगंज ते लाखांदूर मार्गावरील कार्मेल कॉन्व्हेंटजवळ ट्रकच्या धडकेत दुचाकीस्वार ठार झाला. ही घटना १३ रोजी रात्री साडेआठ वाजता घडली. अनिकेत ईश्वर आदे (२१, रा. नवीन लाडज, ता. देसाईगंज) असे मयताचे नाव आहे. तो देसाईगंजवरून दुचाकीने गावी परतत होता. ट्रकने (सीजी ०४ एलएस- २४५८) त्यास धडक दिली. यात तो जागीच ठार झाला. दरम्यान, लाखांदूरकडून दुचाकीवरून येणाऱ्या शैलेश शालिक मेश्राम (२३, रा. जांभूळखेडा, ता. कुरखेडा) यास दुचाकीने हुलकावणी दिली. दुचाकी घसरून तो कोसळला. रुग्णालयात नेताना वाटेत त्याचा मृत्यू झाला.

बसच्या धडकेत दुचाकीस्वार ठार

अहेरी : आलापल्लीवरून पेरमिलीकडे जाणाऱ्या दुचाकीला एस.टी. बसने धडक दिल्याने दुचाकीस्वार जागीच ठार झाला. त्याची ओळख अद्याप पटली नाही. त्याच वाचविताना बस रस्त्याच्या खाली उतरली. वाहकाच्या प्रसंगावधानाने प्रवासी सुखरूप बचावले. ही घटना १४ नोव्हेंबरला दुपारी ३ वाजण्याच्या सुमारास आलापल्ली-भामरागड मार्गावरील तलवाडाजवळ घडली. अहेरी आगाराची बस (एमएच ४० एक्यू ६०९४) सकाळी ७:४५ वाजता अहेरी आगारातून लाहेरीमार्गे सुटली. त्याच वेळी दुचाकी (एम.एच. ३३ पी. ८६८२) आलापल्लीवरून पेरमिलीमार्गे जात होता.