Nagpur news : बहीण सापडली लॉजवर मग भावाने केली दोघांची धुलाई

नागपूर : मित्राच्या घरी वारंवार येत असलेल्या युवकाची नजर त्याच्या बहिणीवर गेली. त्याने मित्राच्या बहिणीला जाळ्यात ओढून फिरायला नेण्याच्या बहाण्याने लॉजवर नेले. दरम्यान मुलीचा भाऊही त्याच लॉजवर गेला. एका खोलीत प्रियकरासोबत बहिण नको त्या अवस्थेत दिसली. त्यामुळे चिडलेल्या भावाने बहिणीसह तिच्या प्रियकराला चांगला चोप दिला. या प्रकरणी तरुणीने दिलेल्या तक्रारीवरून मौदा पोलिसांनी बलात्काराचा गुन्हा दाखल करून आरोपी तरुणाला अटक केली. शुभम धजोडे (२४, केसोरी-कामठी) असे आरोपीचे नाव आहे.

पीडित १६ वर्षीय तरुणी संजना (काल्पनिक नाव) ही बारावीची विद्यार्थिनी आहे. तिचा मोठा भाऊ आणि आरोपी शुभम धजोडे हे दोघे बालपणापासून मित्र आहेत. त्यामुळे दोघांचेही एकमेकांच्या घरी येणे-जाणे होते. संजना दहावीत असतानाच शुभमने तिच्याशी सलगी साधली. अल्पवयीन असलेली संजना शुभमच्या जाळ्यात अडकली. गेल्या दोन वर्षांपासून दोघांचे प्रेमप्रकरण सुरु होते. दोघेही गावाच्या बाहेर जाऊन एकमेकांशी भेटत होते. मौदा बसस्थानकावर बहिण एकटी बसल्यामुळे भावाने तिला गाडीवर घरी सोडून देत होता. दरम्यान, शुभमचे अनेकदा फोन येत असल्याने तिच्या भावाला संशय आला. मात्र, त्याने बहिणीची समजूत घालून अभ्यासावर लक्ष देण्याचा सल्ला दिला. संजना आता बारावीत असून शुभमने तिचा पिच्छा सोडला नाही. तिने भावाला प्रेमप्रकरणाची कुणकुण लागल्याचे सांगून संबंध तोडण्यास सांगितले. मात्र, शुभम काही ऐकत नव्हता. त्याने फिरायला जायचे असल्याचे सांगून कुही रोडवरीर ग्रीनलाईट हॉटेलवर नेले. तेथे तिच्याशी शारीरिक संबंध प्रस्थापित केले. गेल्या चार महिन्यांपासून संजना कॉलेजला जाण्याचा बहाणा करून शुभमसोबत लॉजवर जात होती.

मंगळवारी ती कॉलेजला जायचा बहाणा करून शुभमच्या दुचाकीवर बसून ग्रीनलाईट हॉटेलमध्ये गेली. दोघांनी रुम बूक केली आणि आतमध्ये गेले. तेवढ्यात संजनाचा भाऊसुद्धा त्याचा लॉजमध्ये आला. त्याने नोंदणी बुकवर बहिणीचे आणि शुभमचे नाव दिसले. त्याने रुमनंबर विचारून हॉटेल व्यवस्थापकाकडून दुसरी किल्ली घेऊन रुममध्ये गेला. तेथे बहिण मित्राच्या बाहुपाशात नको त्या अवस्थेत दिसली. त्यामुळे संतापलेल्या भावाने खोलीचा दार लावले आणि बहिणीसह तिच्या प्रियकराला चांगला चोप दिला. त्यानंतर बहिणीला मौदा पोलीस ठाण्यात घेऊन गेला. तेथे शुभमविरुद्ध तक्रार दिली. पोलिसांनी तक्रारीवरून शुभमवर बलात्काराचा गुन्हा दाखल करून अटक केली.