सुपर फास्ट बातमी

31-12-2023

Dhanora accident news: पिकअप वाहन झाडाला धडकले- दोघे जखमी , चालकास डुलकी लागल्याने झाला अपघात

धानोरा : चालकास डुलकी लागल्याने पिकअप वाहन झाडाला धडकून चालकासह दोन गंभीर जखमी झाल्याची घटना आज ३० डिसेंबर रोजी दुपारी १ वाजताच्या सुमारास धानोरा- गडचिरोली मार्गावरील गिरोला नजीक घडली. मात्र जखमींची नावे कळू शकली नाहीत.

प्राप्त माहितीनुसार चार चाकी क्रमांक MH 33-T २२०७ नेहमीप्रमाणे किराणा सामान व इतर वस्तू घेऊन धानोराकडे निघाले. नेहमीप्रमाणे ग्राहकांना सर्वसामान देऊन शिल्लक सामानासहित गडचिरोलीकडे जात असताना गिरोला या

गावाजवळ वाहन चालक (मालक) यांना डुलकी लागल्याने वाहन चालकाचे नियंत्रण सुटल्यामुळे वाहन येनाच्या झाडाला धडकले. धडक एवढी मोठी आहे की वाहनाचा पुढील भाग चेंदामेंदा झाला आहे.

अपघात झाल्याचे निदर्शनास येताच आवागमन करणाऱ्यांनी महामार्गावरून धावणाऱ्या रुग्णवाहिकेला थांबवून झालेल्या पलटी पिकप मधून वाहन चालक व वाहकास बाहेर काढून त्यांना गडचिरोली जिल्हा सामान्य रुग्णालयात रुग्णवाहिकेद्वारे हलविण्यात आले. सदर वाहन हे गडचिरोली येथील एका व्यापाऱ्याचे असल्याचे सांगण्यात आले. दोघांपैकी एकाला खूप मार असून पाय मोडल्याचे उपस्थित नागरिकांनी सांगितले. वृत्तलिहीपर्यंत पोलिस विभाग किंवा संबंधित मालक घटनास्थळी आले नव्हते.