Bihar Couple Viral News: ते दोघे घरात घुसले अन् गावकऱ्यांनी बाहेरून खोलीला कुलूप लावला

Bihar Couple Viral News: प्रेमात एखादी व्यक्ती कोणत्या थरापर्यंत जाईल, याचा काही नेम नाही.

बिहार येथे एक तरुण दीडशे किलोमीटर दूर राहणाऱ्या प्रेयसीला भेटायला गेला.

दोघेही गावातील एका बंद खोलीत असल्याची कुणकुण गावकऱ्यांना लागली.

यानंतर गावकऱ्यांनी बाहेरून खोलीला टाळे लावले.

हे समजताच प्रियकर आणि प्रेयसी दोघांनेही गावकऱ्यांना खोलीतून बाहेर काढण्यासाठी विनवणी केली.

परंतु, दरवाजा उघडण्यासाठी गावकऱ्यांनी त्यांच्यासोबत एक अट ठेवली, जी ऐकल्यानंतर दोघांनाही धक्काच बसला.

या प्रकरणाची संपूर्ण परिसरात चर्चा आहे.जमुई जिल्ह्यातील जावतारी गावातील रहिवासी असलेल्या आरती कुमारीचे पाटणा जिल्ह्यातील पंडारक येथील रामसेवक याच्याशी प्रेमसंबंध होते.

रामसेवक यांनी सांगितले की, चार वर्षांपूर् एका अनोळखी नंबरवरून त्याला आरतीचा फोन आला.

राँग नंबर असतानाही दोघांमधील संवाद वाढला.

त्यानंतर दोघेही एकमेकांच्या प्रेमात पडले.

दरम्यान, आरती आणि रामसेवक गेल्या चार वर्षांपासून एकमेकांना भेटत राहिले.

दोघेही अनेकदा जमुई रेल्वे स्थानकावर एकमेकांना भेटायचे.

एवढेच नव्हेतर, रामसेवक कित्येकदा आरतीला भेटण्यासाठी तिच्या घरी आला.

आरतीच्या आईला त्यांच्या प्रेम प्रकरणाची माहिती होती, असे रामसेवकने सांगितले.रामसेवक हा पाटणा येथील एका कंपनीच्या मायक्रोफायनान्स कंपनीत नोकरी करतो.

नाताळची सुट्टी असल्याने तो आरतीला भेटण्यासाठी तिच्या गावी गेला.

यावेळी दोघेही एका खोलीत असल्याची गावकऱ्यांना माहिती मिळाली.

यानंतर गावकऱ्यांनी त्या खोलीचा दरवाजा बाहेरून बंद केला.

आरती आणि रामसेवक यांनी खोलीतून बाहेर काढण्यासाठी गावकऱ्यांना विनंती करण्यास सुरुवात केली.

मात्र, त्यावेळी गावकऱ्यांनी दोघांसमोर एक अट ठेवली की, दोघांनीही एकमेकांसोबत लग्न करावे लागेल, तरच त्यांना खोलीबाहेर काढले जाईल.अखेर रामसेवक आणि आरती यांना गावकऱ्यांची अट स्वीकारावी लागली.

गावकऱ्यांनी त्यांचे जागीच लग्न लावून दिले.

या संपूर्ण घटनेचा व्हिडिओ सोशल मीडियावर व्हायरल होत आहे.

या प्रकरणाचीही चर्चा होत आहे.

मात्र, लग्नानंतर आरतीचे कुटुंब खूप आनंदी असून तिच्या आई-वडिलांनीही दोघांना पुढील वाटचाली साठी शुभेच्छा दिल्या.