सुपर फास्ट बातमी

23-01-2024

क्रांतिसूत्र ( THE REVOLUTION FORMULA) लघुपट होणार अलगद प्रॉडक्शन्स या यूट्यूब चॅनल वरती २५ जानेवारी ला प्रदर्शित.

या लघुपटाचे चित्रीकरण गेल्या आठवड्यात जुनी वडसा आणि कुरखेडा तालुक्यातील गुरनुली या गावी पुर्ण झाले. या लघुपटाचे लेखक आणि दिग्दर्शक प्रतिक देवाजी लाडे असून यांनी व यांच्या संपूर्ण टीमने २६ नोव्हेंबर संविधान दिना निमित्त "अधिकाराचा लढा" हे लघुपट तयार करून यूट्यूब वरती प्रदर्शित केले होते व प्रेक्षकांचा त्यांना खूप छान प्रतिसाद सुद्धा मिळाला होता.

आता प्रदर्शित होत असलेल्या "क्रांतिसूत्र" या लघुपटात मोहित राऊत, मयंक मेश्राम, विक्की राऊत, स्विटी टेंभुरणे, रोहित जनबंधू, तुषार राहाटे, पल्लवी चौधरी आणि आतिश राहाटे हे कलाकार अभिनय करताना दिसणार आहेत.

आजची युवा पिढी शिक्षणाकडे बऱ्याच प्रमाणात दुर्लक्ष करीत आहे आणि सोशल मीडिया कडे ज्यास्त प्रमाणात आकर्षित होऊन आपला बराच वेळ वाया घालवत आहेत. तसेच आपले समाजसुधारक व क्रांतिकारी महापुरुषांना विसरून जात आहेत. आजच्या युवा पिढी द्वारे एक क्रांतीची मशाल नेहमी पेटत राहावी. आणि हे फक्त शिक्षणा मुळे आणि आपल्या महापुरुषांचे विचार डोक्यात घेतल्यावरच होऊ शकते. हे या लघुपटाच्या माध्यमातून दाखवण्याचं प्रयत्न केलेला आहे असे प्रतिक लाडे यांनी सांगितले आहे.

तरी येत्या २५ जानेवारी ला हा लघुपट बघून सर्व रसिक प्रेक्षकांनी देसाईगंज तालुक्यांतील या युवा कलाकारांना प्रोत्साहन द्यावे.