सुपर फास्ट बातमी

14-01-2024

Hariyana news: पत्नी 5 व्यांदा गर्भवती राहिल्यानंतर मेहुणीला तिच्या देखभालीसाठी घेऊन आला आणि तिलाच घेऊन फरार झाला

हरियाणामध्ये एक अनोखी घटना समोर आली आहे. एका चार मुलांच्या बापाने पाच मुलं असलेल्या विवाहीत मेहुणीसोबत पळून गेल्याची घटना घडली आहे. नातेवाईकांनी त्यांची तक्रार पोलीस स्थानकात दिलेली आहे.

मिळालेल्या माहितीनुसार, सलीम असे तरुणाचे नाव आहे.आपल्या विवाहीत मेहुणीसोबत तो पळून गेला आहे. ही घटना वाऱ्यासारखी पसरल्यानंतर सगळेच थक्क झाले.आरोपी तरुणाला चार मुलं आहेत तर त्याच्या विवाहीत मेहुणीला पाच मुलं आहेत. कहर म्हणजे आरोपीची पत्नी गर्भवती आहे. पत्नी पाचव्यांदा गर्भवती राहिल्यानंतर मेहुणीला तिच्या देखभालीसाठी घेऊन आला आणि तिलाच घेऊन फरार झाला. फरार झाल्याच्या पाच दिवसानंतर घरच्या लोकांनी पोलीसात धाव घेतली आणि दोघांविरोधात तक्रार दाखल केली आहे.

पिडीत नातेवाईकांनी आपल्या तक्रारीत म्हंटले आहे की,आरोपी उत्तर प्रदेशातील फरुखाबाद येथे राहणारा आहे.करनालच्या घरोडा गावात तो राहतो. त्याला चार मुलेअसून पत्नी पाचव्यांदा गर्भवती आहे. पत्नीच्या देखभालीसाठी तो मेहुणीला घेऊन आला होता. दोघांमध्ये बऱ्याच दिवसांपासून प्रेमसंबंध होते. जे कोणालाच माहित नव्हते. आता सहा ते सात दिवस झाले मात्र तरुण आणि त्याच्या मेहुणीचा काहीच पत्ता लागलेला नाही. पोलिसांसह नातेवाईकही दोघांचा शोध घेत आहेत.