कुनघाडा रैय्यतवारी जि. प. शाळेत शिक्षण परिषद संपन्न

केंद्राच्या गुणवत्ता वाढीसाठी मार्गदर्शन करण्यात आले

दिनांक-०७/०८/२०२४ रोज बुधवारला जिल्हा परिषद उच्च प्राथमिक केंद्र शाळा कुनघाडा (रै.) येथे केंद्रस्तरीय 'शिक्षण परिषद' पार पडली. या कार्यक्रमाचे अध्यक्ष शाळा व्यवस्थापन समिती अध्यक्ष पुरुषोत्तम सातपुते होते , तर कार्यक्रमाचे उद्‌घाटक केंद्राचे केंद्रप्रमुख गुरुदास गोमासे सर होते. कार्यक्रमाचे प्रास्ताविक शाळेच्या मुख्याध्यापिका कु. शेंडे मॅडम, सुत्रसंचालन प्रमोद बोरसरे, तर आभार प्रदर्शन दुधबावरे सर यांनी केले. या परिषदेची सुरुवात फुलोरा परीपाठाने करण्यात आली. सुलभक निमाई मंडल यांनी बाबळेवाडीचा अनुभव सांगीतला तर अध्ययन स्तर विश्लेषण, कृतिकार्यक्रम व नियोजन व अंमलबजावणी रोषण बागडे व टिकेश ढवळे, शिष्यवृत्ती सद्यस्थिती व आढावा विजय दुधबावरे व निमाई मंडल, PAT विद्या समिक्षा केंद्र विद्याप्रवेश - आशिष येलेवार व उमेश जेंगठे, निपुण भारत ध्येय आणि क्षेत्र प्रफुल सिडाम, पुरुकातील कोऱ्या पानाचा प्रभावी वापर, आनंददायी शनिवार येलेवार सर यांनी सुलभक म्हणून मार्गदर्शन केले.

        केंद्रप्रमुख गोमासे यांनी केंद्राच्या गुणवत्ता वाढीसाठी मार्गदर्शन व सर्व शंकाचे समाधान केले. या शिक्षण परिषदेत शिक्षकांना पडलेल्या सर्व समस्यांचे निराकरण सुलभकाकडून करण्यात आले.

     'श्रावणमासी हर्षमानसी

       हिरवळ दाटे चोहिकडे'

अशा उत्साहपूर्ण व निसर्गरम्य वातावरणात केंद्राची पहिली शिक्षण परिषद पार पडली.

ट्रक -दुचाकीच्या अपघातात वृत्तपत्र विक्रेत्याचा जागीच मृत्यू भद्रावती शहरातील घटना

भद्रावती :- आपल्या दुचाकीने सकाळी वृत्तपत्र वितरणाचे काम करीत असताना ट्रकने दुचाकीला जबर धडक दिल्याने झालेल्या अपघातात शहरातील एका वृत्तपत्र विक्रेत्याचा घटनास्थळीच मृत्यू झाल्याची घटना दिनांक 7 रोज बुधवार ला सकाळी 9.15 वाजता शहरातील चंद्रपूर-नागपूर हायवे वरील उडान पुलाजवळ घडली. ज्ञानेश्वर एकनाथ इंगोले, वय 50 वर्ष, राहणार शास्त्रीनगर, भद्रावती असे या मृत वृत्तपत्र विक्रेत्याचे नाव आहे. घटनेची माहिती मिळताच भद्रावती पोलिसांनी घटनास्थळी जाऊन पंचनामा केला व मृतदेह शवविच्छेदनासाठी ग्रामीण रुग्णालयात पाठविला. सदर मृतक हा गेल्या वीस वर्षांपासून वृत्तपत्र विक्रेता म्हणून काम करीत होता. घटनेच्या दिवशी मृतक हा नेहमीप्रमाणे आपल्या एम एच 34 सीसी 7030 या क्रमांकाच्या दुचाकीने सकाळी वृत्तपत्र वितरण करीत असताना उडान पुलाजवळ सी जी 04 पी एफ 14 97 या क्रमांकाच्या नागपूर वरून चंद्रपूरकडे जाणाऱ्या केमिकल भरलेल्या ट्रकने दुचाकी ला जबर धडक दिली. यात ज्ञानेश्वर इंगोले यांचा घटनास्थळीत मृत्यू झाला. त्यांच्या मृत्यूमुळे शहरात सर्वत्र हळहळ व्यक्त होत आहे

खासदार डॉ. किरसान यांनी घेतली केंद्रीय वन आणि पर्यावरण मंत्री भूपेंद्र यादव यांची भेट

1980 च्या वनकायद्यात शिथिलता आणून रखडलेल्या सिंचन प्रकल्पाला गती देण्याची केली मागणी

गडचिरोली : खासदार डॉ. नामदेव किरसान यांनी केंद्रीय पर्यावरण व वन मंत्री श्री भूपेंदर यादव यांची दिल्ली येते भेट घेतली व वन कायाद्यामुळे रखडलेल्या गडचिरोली जिल्ह्यातील कारवाफा, डुमीनाला, डरकानगुडा, पिपरी रिठ, पुलखल, तुलतुली, चेन्ना हे वनबाधित सिंचन प्रकल्प पूर्ण करण्यासाठी वन संवरक्षण कायदा 1980 शिथिल करुन मंजुरी देण्याची विनंती केली. तसेच गडचिरोली-चिमुर लोकसभा क्षेत्रात सतत होणारा वाघांचा व रानटी हतींचा धुमाकूळ बंद करुन होणारी जिवीत हानी रोखण्यासाठी या हिंस्त्र रानटी प्राण्यांना इतर ठिकाणी हलवून कायमस्वरूपी बंदोबस्त करण्याची विनंती केली सोबतच पिकाची नासाडी करनाऱ्या व जीवितला धोका निर्माण करनाऱ्या रानटी डुकरांचा सुद्धा बंदोबस्त करावा अशी मागणी खासदार डॉ. किरसान यांनी वनमंत्री भूपेंद्र यादव यांच्याकडे केली.

मुख्यमंत्री माझी लाडकी बहीण योजनेचे 99.8 टक्के अर्जांची छाननी पूर्ण
यादी अंतिम करण्यसाठी विधानसभानिहाय समिती गठीत

गडचिरोली दि. 7 : राज्य शासनाच्या मुख्यमंत्री माझी लाडकी बहीण या महत्वाकांक्षी योजनेंतर्गत गडचिरोली जिल्ह्यात आजपर्यंत ऑनलाईन प्राप्त झालेल्या एकूण 1 लाख 56 हजार 267 अर्जांपैकी 1 लाख 55 हजार 928 अर्जांची पडताळणी करण्यात आली असून हे प्रमाण 99.8 टक्के आहे. तर मंजूर करण्यात आलेल्या अर्जाची संख्या 1 लाख 50 हजार 185 इतकी आहे. राज्य शासनाने या योजने अंतर्गत अर्ज भरण्याची प्रक्रिया गतीमान करण्यासाठी https://ladakibahin.maharashtra.gov.in/signup हे संकेत स्थळ सुरु केले असून या योजनेचा लाभ मिळविण्यासाठी जिल्ह्यातील अधिकाधिक महिलांनी अर्ज भरण्याचे आवाहन जिल्हा परिषदेच्या मुख्य कार्यकारी अधिकारी आयुषी सिंह यांनी केले आहे.  
अर्ज पडताळणी प्रक्रियेत त्रुटी पुर्ततेसाठी ज्या महिलांना मोबाईवर संदेश प्राप्त झाले आहेत, त्यांनी त्रुटीची पुर्तता तात्काळ करावी, असेही त्यांनी सांगितले आहे.
*यादी अंतिम करण्यसाठी विधानसभानिहाय समिती गठीत*
मुख्यमंत्री माझी लाडकी बहीण योजनेचे अर्ज पडताळणी करून पात्र यादी अंतिम करण्यासाठी विधानसभा मतदार संघनिहाय संबंधीत मतदार संघाचे आमदार यांचे अध्यक्षतेखाली समिती गठीत करण्यात येत असल्याचे आदेश जिल्हाधिकारी संजय दैने यांनी निर्गमित केले आहे. राज्याचे उपमुख्यमंत्री तथा जिल्ह्याचे पालकमंत्री देवेंद्र फडणवीस यांनी सूचित केलेल्या अशासकीय सदस्यांची निवड या समितीमध्ये करण्यात आली आहे. 
    विधानसभानिहाय समिती अशी आहे :
अहेरी विधानसभा मतदार संघ क्षेत्र : अन्न व औषध प्रशासन मंत्री धर्मरावबाबा आत्राम (अध्यक्ष), रवी ओल्लेवार, विनोद आकलपल्लीवार हे अशासकीय सदस्य तर अहेरी, एटापल्ली, सिरोंचा, भामरागड व मुलचेरा तालुक्याचे चे सर्व तहसिलदार, गटविकास अधिकारी, मुख्याधिकारी हे सदस्य आणि बाल विकास प्रकल्प अधिकारी (ग्रामीण) हे सचिव/समन्वयक म्हणून काम पाहतील.
गडचिरोली विधानसभा मतदार संघ : आमदार डॉ. देवराव होळी (अध्यक्ष), प्रशांत वाघधरे, संगीता हिंगे हे अशासकीय सदस्य तर गडचिरोली, चामोर्शी व धानोरा चे सर्व तहसिलदार, गटविकास अधिकारी, मुख्याधिकारी हे सदस्य आणि बाल विकास प्रकल्प अधिकारी (ग्रामीण) हे सचिव/समन्वयक म्हणून काम पाहतील.
    आरमोरी विधानसभा मतदार संघ क्षेत्र : आमदार कृष्णा गजबे (अध्यक्ष),  किसन नागदेवे, चांगदेव फाये हे अशासकीय सदस्य तर आरमोरी, देसाईगंज, कुरखेडा व कोरची तालुक्याचे सर्व तहसिलदार, गटविकास अधिकारी, मुख्याधिकारी सदस्य व बाल विकास प्रकल्प अधिकारी (ग्रामीण) हे सचिव/समन्वयक म्हणून काम पाहतील.
    यानुसार समितीमार्फत आजपर्यंत गडचिरोली विधानसभा मतदार क्षेत्रातून प्राप्त 60 हजार 680 अर्जापैकी 59 हजार 660 अर्ज मंजूर करण्यात आले आहे. तसेच आरमोरी क्षेत्रातून 56 हजार 307 पैकी 54 हजार 921 आणि अहेरी मतदार संघातून 39 हजार 280 प्राप्त अर्जापैकी 35 हजार 604 अर्ज मंजूर करण्यात आले आहे. समितीमार्फत पात्र लाभार्थींची यादी अंतिम करण्यात आल्यानंतर जिल्हाधिकारी यांचेमार्फत सदर अर्ज मंजूर करून राज्य शासनाकडे पाठविण्यात आले आहेत.
 000

रस्त्यावर खड्डे पडून साचलेल्या पाण्यात लोकहित संघर्ष समिती तर्फे धान रोवणी.

आरमोरी:- शहरातील बाजारपेठ वॉर्डातील जिल्हा परिषद शाळा व आंगणवाडी समोर खूप मोठया प्रमाणात खडे पडलेले असून त्याठिकाणी मोठ्या प्रमाणात पाणी साचलेले आहे व या खड्ड्यात साचलेल्या पाण्यामुळे डासांची निर्मिती होऊन डेंगू, मलेरिया यासारख्या आजारांच्या निर्मितीला चालना मिळत आहे तसेच या मार्गावरील ये-जा करणाऱ्या नागरिकांना सातत्याने नाहक त्रास सहन करावा लागत आहे सदर खड्डे हे जिल्हा परिषद शाळा व आरोग्य केंद्र समोर असल्याने या ठिकाणी नागरिक व शाळकरी विद्यार्थ्यांची मार्गक्रमण सुरु असते त्यामूळे अपघात होण्याची शक्यता बळावलेली आहे कित्येकदा किरकोळ अपघात होऊन अनेक नागरिक जखमी झालेले आहेत ही गंभीर बाब ओळखून गाढ झोपेत असलेल्या प्रशासनाचे लक्ष वेधण्यासाठी प्रतीकात्मक म्हणुन खड्डात साचलेल्या पाण्यात धानरोवणी करून प्रशासनाचा निषेध आज दिनांक ७/८/२०२४ ला दुपारी ३:०० वाजता करण्यात आला सातत्याने लोकहित संघर्ष समिती तर्फे आरमोरी शहरातील रस्त्यावर पडलेल्या खड्ड्यांची डागडूजी करण्याबाबत मागणी होत असून सुद्धा प्रशासन याकडे दुर्लक्ष करीत आहे संबंधित खड्ड्याची डागडूजी करण्यात यावी अन्यथा लोकहित संघर्ष समिती ,आरमोरी तर्फे तीव्र आंदोलन करण्याचा इशारा वृत्तपत्राच्या माध्यमातून दिलेला आहे याप्रसंगी लोकहित संघर्ष समितीचे पदाधिकारी देवानंद दुमाने, राहुल जुआरे ,सारंग जांभुळे ,आशुतोष गिरडकर, महेंद्र शेंडे, महादेव कोपूलवार, मनोज गेडाम ,डॉ. आशिष कोरेटी , नीलकंठ गोहने, श्रीकांत आतला ,पंकज इंदुरकर ,लीलाधर मेश्राम ,गोपाल नारनवरे , रोहित बावनकर,सुरेश मेश्राम, विभाताई बोबाटे,सुमित खेडकर, सुरज ठाकरे ,श्रीराम ठाकरे ,विशाल चौके उपस्थित होते .

गडचिरोली जिल्यातील शेतकऱ्यांना पुरक व्यवसाय निर्माण करुन देण्यास प्रयत्नशील.माजी खा.अशोक नेते

दिं. ०७ ऑगस्ट २०२४

धानोरा:- देशाचे लोकप्रिय लाडके पंतप्रधान आदरणीय नरेंद्र मोदीजी यांच्या कल्पनेतील धोरणाला प्रतिसाद देत प्रायोगिक तत्त्वांवर सांसदीय संकुल विकास परियोजना द्वारे गडचिरोली जिल्ह्यात मुख्य व्यवसाय म्हणून शेती हा आहे.या शेतीवर धान्य उत्पादनांच्या व्यतिरिक्त कोणतेही उत्पादन घेतले जात नाही.

यासाठी शेतकऱ्यांचा सर्वागीण विकास व्हावा व शेतकऱ्यांचा उत्पन्न वाढवण्यासाठी पूरक व्यवसाय निर्माण करण्यासाठी धानोरा तालुक्यातील चातगांव परिक्षेत्रातील पंचविस गावातील आदिवासी शेतकऱ्यांच्या विकासात्मक दृष्टिकोनातून , चातगांव परिक्षेत्रातील आदिवासी शेतकऱ्यांना 25 पंचवीस गावे ही दत्तक घेऊन त्यांचा सर्वांगीण विकास कसा होईल यासाठी सांसदीय संकुल विकास परियोजने अंतर्गत एकतीस करोड, सत्त्यानशी लाख 31,87,00000 रुपये माजी खासदार तथा राष्ट्रीय महामंत्री भाजपा अनु. जनजाती मोर्चाचे अशोक जी नेते यांच्या विशेष प्रयत्नाने व पुढाकाराने मंजूर करून जवळजवळ अडीच हजार (2500) लाभार्थ्यांना दुधाळ दोन गाई प्रमाणे पाच हजार (5000)गायी वाटप होणार याकरिता आज दिंनाक ०७ ऑगस्ट २०२४ रोज बुधवारी धानोरा येथील पंचायत समिती सभागृहात मा.खा.अशोक जी नेते यांच्या अध्यक्षतेखाली आढावा घेण्यात आला.

या आढाव्यात सांसदीय संकुल विकास परियोजनेद्वारे चातगांव परिक्षेत्राचा पंचेविस गावातील आदिवासी शेतकऱ्यांना पूरक व्यवसाय निर्माण करुन लाभ मिळावा यासाठी मा.खा.अशोक नेते यांनी यावर विस्तृत मार्गदर्शन केले. 

यावेळी संवर्ग विकास अधिकारी (BDO) सतीशजी टिचकुले, विस्तार अधिकारी ए‌. बी. ठाकरे,विस्तार अधिकारी के. पी. रामटेके,संसदीय संकुल वि. परि.गडचिरोली प्रमुख व मीडिया प्रमुख महाराष्ट्र प्रदेश भा ज पा अनुसुचित जमाती मोर्चाचे अक्षयजी उईके, अमोलजी चकनलवार, ता.महामंत्री धानोरा विजय कुमरे,शहराध्यक्ष सारंग साळवे तसेच या आढाव्याला प्रामुख्याने मोठ्या संख्येने ग्रामसेवक वर्ग उपस्थित होते.

ओबीसीच्या न्याय हक्कासाठी पोंभूर्ण्यात दाखल झाली ओबीसी मंडल यात्रा 

-भारतीय ओबीसी महापरिषद पोंभूर्णा तालुका आयोजन समीतीचा पुढाकार

पोंभूर्णा : - ओबीसी युवा अधिकार मंचच्या वतीने जातीनिहाय जनगणनेसाठी ३ ते ७ ऑगस्ट दरम्यान विदर्भातील सात जिल्ह्यातून काढण्यात येणारी मंडल यात्रा दि.५ ऑगस्ट सोमवारला पोंभूर्णा येथील बस स्टँड परिसरातील सावित्रीबाई फुले चौकात दाखल झाली.या यात्रेचे जंगी स्वागत भारतीय ओबीसी महापरिषद पोंभूर्णा तालुका आयोजन समीतीच्या पदाधिकारी व कार्यकर्त्यांनी केले.

७ ऑगस्ट हा दिवस संपूर्ण भारतात मंडल दिवस म्हणून साजरा केला जातो. या दिवसाचे औचित्य साधून जातीनिहाय जनगणनेचा महत्त्वाचा विषय घेऊन दि ३ ऑगस्ट पासून मंडल यात्रा काढण्यात आले आहे.ओबीसी समाजाकडून अनेक वर्षांपासून जातीनिहाय जनगणनेची मागणी लावून धरली जात आहे.मात्र केंद्र तथा राज्य शासनाने याकडे जाणीवपूर्वक दुर्लक्ष केले आहे. १९३१ च्या जनगणनेनुसार ओबीसी समाजाची लोकसंख्या ५२ टक्के होती.परंतु १९३१ पासून तर आजपर्यंत जातीनिहाय जनगणना झाली नाही. त्यामुळे लोकसंख्येसह सामाजिक, आर्थिक, शैक्षणिक व राजकीय परिस्थिती समजून येत नाही. जर भारताला महासत्ता बनायचे असेल तर सर्व घटकांचा सर्वांगीण विकास होणे गरजेचे आहे.

विकासाच्या दृष्टीने धोरण ठरविण्यासाठी भारत सरकारकडे डेटा असणे आवश्यक आहे. केंद्र सरकारने भारताची जातीनिहाय जनगणना करावी.यासाठी ओबीसी, एस.सी., एस.टी. समाजात जनजागरण झाले पाहिजे या उद्देशाने मंडल यात्रेचे आयोजन करण्यात आले आहे .

ओबीसी मंडळ यात्रेला मार्गदर्शन करण्यासाठी उमेश कोर्राम,डॉ.संजय घाटे,सतीश मालेकर,ॲड.पुरुषोत्तम सातपुते, प्रकाश पाटील मारकवार यांची प्रमुख उपस्थिती होती.

यावेळी यात्रेचे स्वागत करण्यासाठी भुजंग ढोले,सद्गुरू ढोले, राहुल सोमनकर,प्रदीप दिवसे,रुषी कोटरंगे, चरणदास गुरुनुले,जगन कोहळे, नंदकिशोर बुरांडे,कालिदास मोहुर्ले,विकास ठाकरे,नंदा कोटरंगे, आनंदराव पातळे, विनोद धोडरे,गुरूदास गुरनुले,गौरव गुरनुले, आदींची उपस्थिती होती.

युवा ग्रामीण पत्रकार संघाच्या राज्यव्यापी अधिवेशन व पुरस्कार वितरण सोहळ्यास सर्व पत्रकार बांधवांनी उपस्थित राहावे - राष्ट्रीय अध्यक्ष : श्री गणेश कचकलवार 

समाजातील प्रत्येक घटकांच्या न्याय हक्कासाठी सदैव तत्पर असलेली एकमेव संघटना युवा ग्रामीण पत्रकार संघ आज राज्यभारत अग्रेसर असल्याने नांदेड व यवतमाळ या दोन जिल्ह्याचा सामायिक राज्यव्यापी अधिवेशन व पुरस्कार वितरण सोहळा दि. 18.08.2024 रोजी एकविरा देवी संस्थान हिवरा येथे आयोजित करण्यात आलेला आहे तरी सर्व पत्रकार बांधवांनी होणाऱ्या अधिवेशनास मोठ्या संख्येने उपस्थित राहावे असे युवा ग्रामीण पत्रकार संघांचे राष्ट्रीय अध्यक्ष गणेश कचकलवार यांनी सांगितले. अतिशय कमी कालावधीत पूर्ण महाराष्ट्र भरात जिल्हा, तालुका व सर्कल नुसार आज युवा ग्रामीण पत्रकार संघ स्थापन करून जिथे छोट्या - मोठ्या, ग्रामीण आणी शहरी भागातील पत्रकारांना वेगवेगळा दर्जा मिळत असल्याने त्यांनी जि संकल्पना करून पूर्ण महाराष्ट्र भरात कुठल्याही लहान मोठ्यांचा भेद नं करता सर्व पत्रकारांना सोबत घेऊन चालण्याचा जो विडा उचलेला आहे त्यास आज खरोखरच महाराष्ट्रात यश मिळाले आणी याचे खरे कारण म्हणजे युवा ग्रामीण पत्रकार संघाच्या माध्यमातून गोर गरीब जनतेला सर्वतोपारी मदत होत असल्याने या संघटने मध्ये राष्ट्रभरातून पत्रकार जुळलेले आहेत आणी एवढेच नव्हे तर भविष्यात पूर्ण भारतभर युवा ग्रामीण पत्रकार संघाची स्थापना करू असेही त्यांनी यावेळी सांगितले.

माजी जि.प.अध्यक्ष अजयभाऊ कंकडालवार यांनी मडावी परिवाराला उपचारासाठी आर्थिक मदत..!

अहेरी : तालुक्यातील नैनेर येथील रहिवासी मेंगा मडावी यांची पत्नी सौ.राजी मेंगा मडावी यांना प्रकृती ठिक नसल्याने काही दिवशी अगोदर अहेरी उपजिल्हा रुग्णालय येते भर्ती करण्यात आली.मात्र डाक्टरांनी त्यांच्या उपचारासाठी जिल्हा रुग्णालय गडचिरोली येथे हलविण्यात आले होती.

मेंगा मडावी यांच्या घरचा आर्थिक परिस्थिती अत्यंत हलाकीची असल्याने मडावी कुटुंबियांना औषध आणि इतर खर्चासाठी अडचण भासत होती.सदर माहिती काँग्रेसनेते व माजी जि.प.अध्यक्ष तथा विद्यमान कृषी उत्पन्न बाजार समितीचे सभापती अजयभाऊ कंकडालवार यांना मिळताच त्या मडावी परिवाराला आर्थिक मदत करण्यात आले.

दरम्यान कंकडालवार म्हणले की'यापुढेही कोणत्याही कामासाठी आपण माझा संपर्कात रहा मी आपल्याला शक्य तो मदत करेन म्हणून मडावी कुटुंबियांना मोठा धीर दिला.त्यावेळी समस्त मडावी परिवारातील सदस्यांनी अजयभाऊ कंकडालवार यांचे आभार मानले आहे.

मदत करतांना वेळी सेवानिवृत्त सहाय्यक वनसंरक्षक तथा आदिवासी काँग्रेस सेलचे जिल्हाध्यक्ष हनमंतू मडावी,माजी जि.प.सदस्य अजय नैताम,माजी सरपंच अशोकभाऊ येलमुले,नगर सेवक प्रशांत गोडशेलवार,नरेंद्र गर्गम,मरपल्ली ग्रामपंचायतचे माजी उपसरपंच कार्तिक तोगम,शंकर सिडाम,सतिश पोरतेट,प्रकाश दुर्गे,प्रमोद गोडशेलवारसह आदी उपस्थित होते.

देसाईगंज तालुक्यातील आमगाव येथील राम मंदिर परिसरात कबुतर चोरल्याचा आरोप ठेऊन एका युवकाचा चिमुकल्यांना अमानुषपाने लाथा बुक्याने मारतानाचा व्हिडिओ समोर

देसाईगंज :
मनाला हेलावणारी घटना, सदर युवकावर कठोर कार्यवाही करण्यात यावी नागरिकांची मागणी

चिमुकल्यांना उचलून फेकले लोखंडी सळाखीत

गडचिरोली जिल्ह्यात देसाईगंज तालुक्यातील आमगाव येथे कबुतर चोरल्याचा आरोप ठेऊन देसाईगंज येथील आयुष अर्जुन स्वर्णकार (18) या युवकाने अमानुषपाने 4 चिमुकल्यांना लाथा बुक्याने मारतानाचा व्हिडिओ समोर आला असून सदर युवकावर कठोर कार्यवाही करण्यात यावी अशी मागणी नागरिकांकडून करण्यात येत आहे.

मिळालेल्या माहितीनुसार आमगाव येथील बालकांची नावे  आर्यन नरेश  बगमारे - 9 वर्षे, तन्मय विनोद नागमोती वय - 10 वर्षे, रुषभ विनोद नागमोती  वय - 9 वर्षे, डेव्हिड मदन ठाकरे वय - 12 वर्षे हे खेळत असताना तुम्ही माझे कबुतर चोरले असा आरोप करत या चारही चिमुकल्यांना लाथा बुक्यांनी मारून अक्षरशः लोखंडी सळाखीत उचलून फेकले.

आयुष स्वर्णकार या युवकाच्या वडलांचे रक्त तपासणी लॅब असून सदर युवक हा देसाईगंज येथील कस्तुरबा वॉर्ड येथे राहत असल्याची माहिती प्राप्त झाली आहे.

काल जखमी केलेल्या घोडीला आज वाघाने केली फस्त

चिमूर तालुक्यातील खडसंगी बीट परिसरात शेतातील पाळीव गरोदर घोडीची शिकार वाघाने रोज सोमवारी केली होती. परंतु ती गोडी जखमी अवस्थेत असताना तिला रस्त्या अभावी घरी आणता आले नाही. त्यामुळे दुसऱ्या दिवशी सकाळच्या सुमारास त्या जखमी घोडीला वाघाने फस्त केले. त्यामुळे शेतकरी हेमंत इसनकर यांचे वाघाच्या भीतीने शेतकाम थांबून झालेले नुकसान व घोडीचे नुकसान असे एकूण 1,00,000 रुपयांचे आर्थिक नुकसान झाले. 

                हेमंत इसनकर यांचे शेत मुरपार रीठ खापरी पिंजारी येथे असून रस्त्या अभावी या शेतात मालाची व मजुराची ने आण करण्याकरता त्यांनी घोडी पाळलेली होती. दिनांक 4 ऑगस्ट 2024 रोजी सकाळी सात ते आठच्या दरम्यान शेताच्या बांधावर चरण्यासाठी बांधलेल्या गरोदर घोडीवर वाघाने हल्ला करून शिकार करण्याचा प्रयत्न केला. या हल्ल्यात घोडी गंभीर जखमी झाली होती रस्त्या अभावी या घोडीला बैलबंडी किंवा इतर वाहनाने मांडून घरी आणता आले नाही. त्यामुळे ती घोडी त्याच ठिकाणी पडून होती. दुसऱ्या दिवशी सकाळीच वाघाने डबल हल्ला करून घोडीला फस्त केले. शेतीचे कामे करण्यासाठी वरदळी करता या घोडी चा उपयोग करीत असल्याने त्यांचे शेतीचे सर्व काम ठप्प पडले आहे. त्यामुळे त्यांचे मोठे नुकसान झाले आहे. यापूर्वी देखील वाघाने याच शिवारात याच घोडीच्या नवजात शिंगरू (पिल्लू) ची शिकार केली होती, त्यामुळे देखील त्यांचे आर्थिक नुकसान झाले होते.

         या परिसरात वाघाने घोडीची शिकार केल्याची चर्चा सर्व परिसरात पसरली असून त्यांच्या शेतात कोणताही मजूर सध्या घडीला काम करण्यासाठी येण्यास तयार नाही. हा कालावधी शेतकऱ्यांसाठी अतिशय महत्त्वाचा असून काही भागात भाताची पेरणी शिल्लक आहे. तसेच इतर पिकांची मशागत देखील करणे आवश्यक आहे. मात्र वाघाच्या भीतीने मजूर शेतात येण्यास तयार नसल्याने शेतीचे मोठे नुकसान होत आहे.

       त्यामुळे नुस्कान ग्रस्त शेतकऱ्यांनी झालेली नुकसान एक लाख रुपये लवकरात लवकर मिळण्यात यावी व वाघाचा तात्काळ बंदोबस्त करावा, अशी मागणी निवेदनाद्वारे वनपरिक्षेत्र अधिकारी चिमूर यांना केली आहे.

आदिवासी, भटके - विमुक्त आघाडीच्या प्रदेशाध्यक्षपदी भाई रामदास जराते 

भाई शामसुंदर उराडे यांची मध्यवर्ती समीती सदस्यपदी नियुक्ती

गडचिरोली : भारतीय शेतकरी कामगार पक्षाच्या ७७ व्या वर्धापन दिनानिमित्य २ व ३ ऑगस्ट रोजी पंढरपूर येथे १९ वे अधिवेशन पार पडले. या अधिवेशनात पुढिल ४ वर्षांकरीता पक्षाच्या नवीन कार्यकारीणीची निवड करण्यात आली. यात शेतकरी कामगार पक्षाचे नेते भाई रामदास जराते, भाई शामसुंदर उराडे यांची पक्षाच्या मध्यवर्ती समितीवर सर्वानुमते निवड करण्यात आली.

मागिल अनेक वर्ष सामाजिक आणि राजकीय क्षेत्रात सक्रीय राहून सर्वसामान्य माणसाच्या हितासाठी सातत्याने रस्त्यावरचा लढा लढणारे भाई रामदास जराते यांच्या कार्याची दखल घेवून पक्ष सभासदांनी सलग दुसऱ्यांदा मध्यवर्ती समितीवर निवड केली. मध्यवर्ती समितीनेही त्यांना दुसऱ्यांदा पक्षाच्या चिटणीस मंडळावर संधी दिली. अनुसूचित क्षेत्रातील कायदे आणि आदिवासी व भटक्या विमुक्तांच्या प्रश्नांचा अभ्यास व त्यासाठी त्यांनी चालविलेला संघर्ष लक्षात घेत पक्षाच्या चिटणीस मंडळाने आता भाई रामदास जराते यांची आदिवासी, भटक्या - विमुक्त आघाडीच्या महाराष्ट्र राज्य प्रदेशाध्यक्षपदी नियुक्ती आहे.

आदिवासी, भटक्या - विमुक्त आघाडीची पक्षाने आपल्यावर जबाबदारी सोपविल्याने अनुसूचित क्षेत्रातील कायदेभंग, बळजबरी प्रकल्प आणि आदिवासी, भटक्या - विमुक्तांवरील अन्याय अत्याचारा विरोधात राज्यभरात आवाज बुलंद करु, अशी प्रतिक्रीया भाई रामदास जराते यांनी दिली आहे.

भाई रामदास जराते व भाई शामसुंदर उराडे यांच्या निवडी बद्दल पक्षाचे सरचिटणीस भाई जयंत पाटील, जेष्ठ नेते माजी आमदार संपतबापू पवार पाटील, कार्यालयीन चिटणीस ॲड. राजेंद्र कोरडे, सहचिटणीस बाबासाहेब देवकर, राहुल देशमुख, उमाकांत राठोड, प्रा.एस.व्ही. जाधव, प्रा. बाबुराव लगारे, माजी आमदार बाळाराम पाटील, माजी आमदार पंडितशेट पाटील, बाबासाहेब देशमुख, मोहन गुंड, जयश्रीताई जराते आणि जिल्ह्यातील शेकापच्या शेकडो पदाधिकारी, कार्यकर्त्यांनी अभिनंदन करुन शुभेच्छा दिलेल्या आहेत.

 भयावह : पिता - पुत्रांनी शेजारी राहणाऱ्या ३४ वर्षीय इसमाचा कुऱ्हाडीने वार करत खून केला

मूल (चंद्रपूर) :- मूल तालुक्यापासून आठ किलोमीटर अंतरावर असलेल्या हळदी गावामध्ये आज, शनिवार दिनांक- ६ जुलै रोजी सकाळच्या सुमारास भयावह घटना घडली. घराशेजारी असलेल्या झाडाच्या फांद्या तोडल्यानंतर राजू बोदलकर यांनी पिपरे यांना केबल बाजूला करा असे सांगितले, मात्र केबल बाजूला कर असे का म्हटले म्हणून पिता-पुत्रांनी राजू यांच्यावर हल्ला केला. गुरुदास पिपरे व त्यांचा २१ वर्षीय मुलगा सूरज गुरुदास पिपरे यांनी शेजारी राहणाऱ्या ३४ वर्षीय राजू शेषराव बोदलकर यांचा कुऱ्हाडीने वार करत खून केला. या हल्ल्यात बोदलकर यांचा जागीच मृत्यू झाला.

दरम्यान, घटनेनंतर गावात संतापाची लाट उसळली. गावकऱ्यांचा राग अनावर झाल्याने ते आरोपींना पकडण्यासाठी जमले. यावेळी आरोपी गावकऱ्यांच्या हाती लागले असते तर त्यांना जिवंत जाळण्याचा प्रकार गावात घडला असता. मात्र मूल पोलिसांनी तात्काळ घटनास्थळी दाखल होत आरोपी बाप-लेकाला ताब्यात घेतले

नक्षलविरोधी अभियान राबवून पोलिस परत येत असताना नक्षलवाद्यांनी घडवून आणला आय डी स्फोट 

भामरागड: धोडराज येथून अभियानावरून परत येत असलेल्या C60 जवानांवर माओवाद्यांनी IED स्फोटाचा अयशस्वी प्रयत्न केला आहे. 

 C60 चे जवान रस्त्यावर शोध अभियान करत असताना धोडराज-भामरागड पुलाजवळ माओवाद्यांनी लोखंडी क्लेमोर ने स्फोट केला. 

 दोन जवानांच्या हाताला किरकोळ जखमा झाल्या आहेत. जवानांच्या सतर्कतेमुळे माओवाद्यांचा प्रयत्न हाणून पाडण्यात आला. परिसरात पुढील शोध मोहीम सुरू आहे.

अखेर शहराच्या मुख्य मार्गावरील खड्डे बुजवण्याचे काम सुरु

काँग्रेस नेत्या डाॅ.शिलु चिमुरकर यांनी दिला होता आंदोलनाचा इशारा

देसाईगंज-

    अतिदुर्गम,आदिवासीबहुल नक्षलग्रस्त गडचिरोली जिल्ह्याची मुख्य बाजारपेठ व व्यापार नगरी म्हणून ओळख असलेल्या देसाईगंज शहराच्या मुख्य मार्गावर मोठ मोठे खड्डे पडल्याने पावसाच्या दिवसात वाहनांना अपघात होऊन गंभीर दुर्घटना घडण्याची शक्यता नाकारता येत नाही.ही गंभीर बाब लक्षात घेता शहराच्या मुख्य मार्गावर पडलेले खड्डे यथाशिघ्र बुजविण्यात यावेत,अन्यथा बेशरमाची झाडे लावुन तीव्र निषेध करण्याचा इशारा काँग्रेस नेत्या डाॅ.शिलु चिमुरकर यांनी मुख्याधिकारी डाॅ.कुलभुषण रामटेके यांना दिला असता अखेर खड्डे बुजविण्याच्या कामाला युद्धस्तरावर सुरुवात करण्यात आल्याने नागरीकांनी सुटकेचा निश्वास टाकला आहे.

     देसाईगंज शहर हे लगतच्या चारही जिल्ह्यांना जोडणारा महत्वाचा दुवा आहे. देसाईगंज वरून अलिकडे सुरजागड लोह खनिजाची वाहतुक वाढल्याने तसेच व्यापार नगरी असल्याने खरेदीसाठी लगतच्या जिल्ह्यातुन येणारांचा मोठा ओघ आहे.सद्या पावसाळ्याचे दिवस असुन पडलेल्या खड्ड्यात पाणी साचुन राहात असल्याने खड्ड्यांचा अंदाज येत नाही.यामुळे वाहनांना अपघात घडून मोठी दुर्घटना होण्याची शक्यता बळावली होती.

     जड वाहनांची वर्दळ त्यातच बारमाही जड वाहतुक होत असल्याने एकदा डांबरीकरण करणाऱ्या कंत्राटदाराला सदर मार्गाची देखभाल दुरस्ती करणे आवश्यक आहे.मात्र डांबरीकरण करतांना आवश्यक बाबींकडे दुर्लक्ष करून निकृष्ठ दर्जाचे डांबरीकरण करण्यात आल्याने डांबरीकरण उखडून मुख्य मार्गावर जागोजागी खड्डे पडले आहेत.यात नगर परिषद अंतर्गत येणाऱ्या प्रमुख मार्गासह राष्ट्रीय महामार्गाचाही समावेश असल्याने व सदर बाब नगर प्रशासनाच्या अंतर्गत येत असल्याने मुख्याधिकारी तसेच संबंधित विभागाच्या अधिकाऱ्यांनी जातीने लक्ष देऊन यथाशिघ्र खड्डे बुजविण्याचे काम मार्गी लावावेत,अन्यथा विरोधात काँग्रेस पक्षाच्या वतिने पडलेल्या खड्ड्याच्या ठिकाणी बेशरमाची झाडे लावून तीव्र निषेध करण्याचा इशारा डाॅ.चिमुरकर यांनी संबंधितांना दिला होता.याची दखल घेत मुख्य मार्गावरील खड्डे बुजविण्याच्या कामाला युद्धस्तरावर सुरुवात करण्यात आल्याने नागरीकांनी सुटकेचा निश्वास टाकला असुन डाॅ.शिलु चिमुरकर यांचे आभार मानले आहे.

विषबाधाग्रस्त रुग्णांची परिस्थिती धोक्याबाहेर

 गडचिरोली,दि.05(जिमाका): धानोरा तालुक्यातील प्राथमिक आरोग्य केंद्र पेंढरी अंतर्गत रुपिनगट्टा या गावामध्ये सुमारे 2.30 वा. बारश्याचे कार्यक्रमाकरिता सामुहिक भोजनाचे कार्यक्रम आयोजित करण्यात आले होते. सदर कार्यक्रमामध्ये सुमारे 70 लोक उपस्थित होते. सदर भोजनामुळे अन्न विषबाधा झाल्याचे आढळून आले आहे. पहिल्या पंगतीमध्ये भोजनाकरीता बसलेल्या सुमारे 30 लोकांमध्ये उलटी, मळमळ अशी लक्षणे दिसुन आल्यानंतर जेवण थांबविण्यात आले. प्रथम प्रा. आ. केंद्र, पेंढरी येथे उपचार करुन पुढील उपचाराकरीता रुग्णवाहिकेने सायंकाळी 7.30 वा. च्या सुमारास 6 रुग्ण सामान्य रुग्णालय, गडचिरोली येथे करण्यात आले. भरती रुग्णांमध्ये उलटी, मळमळ, पोटदुखी व डोकेदुखी अशी लक्षणे आढळुन आली. त्यापैकी साहिल सत्तू पदा वय 5 वर्ष याची प्रकृती चिंताजनक असल्याने त्याला व्हेंटीलेटरवर घेवून उपचार सुरु करण्यात आले. व अन्य रुग्णांवर तातडीने उपचार सुरु करण्यात आले. त्यानंतर रात्री 11.00 वा. दरम्यान 14 रुग्ण रुग्णालयामध्ये दाखल करण्यात आले व सर्वावर उपचार सुरु करण्यात आले. सदर रुग्णांमध्ये 18 पुरुष व 2 मूले यांचा समावेश आहे. 2 मूलांपैकी 1 मुलाला महिला व बाल रुग्णालय, गडचिरोली येथे सदर्भित करण्यात आले. सद्य:स्थितीत 1 रुग्ण व्हेंटीलेटरवर असून इतर सर्व रुग्णाची परिस्थिती धोक्याबाहेर आहे. 6 रुग्ण हे छत्तीसगड राज्यातील पाखांजूर येथे उपचाराकरीता गेले असल्याचे रुग्णाकडून माहिती मिळाली. अन्न पदार्थाचे नमूने तपासणी करीता नागपूर येथे पाठविण्यात आलेले आहे. त्या अहवालानुसार नेमके कोणते विष मिश्रीत करण्यात आले याबाबत माहिती उपलब्ध होईल.
    डॉ. प्रताप शिंदे, जिल्हा आरोग्य अधिकारी जि.प. गडचिरोली यांनी प्रा.आ. केंद्र पेंढरी येथे भेट देवून रुग्णांची विचारपूस केली व त्यांना वेळीच संदर्भ सेवा उपलब्ध करुन दिली. प्रा. आ. केंद्र पेंढरी येथे तालुका आरोग्य अधिकारी, धानोरा डॉ. अविनाश दहिवले, डॉ. सखाराम हिचामी, डॉ. रुपेश पेंदाम, साथरोग अधिकारी, जि.प. गडचिरोली , डॉ. पंकज हेमके, जिल्हा हिवताप अधिकारी, गडचिरोली हे उपस्थित होते.
    रुग्णाच्या व्यवस्थापना करीता जिल्हा शल्य चिकित्सक, डॉ. प्रमोद खंडाते यांच्या मार्गदर्शनाखाली अति. जिल्हा शल्य चिकित्सक, डॉ. सतिशकुमार सोळंके, निवासी वैद्यकीय अधिकारी डॉ. बागराज धूर्वे, भिषक डॉ. अशिष खुणे, श्वसन विकार तज्ञ डॉ. मनिष मेश्राम, डॉ.अनुपम महेशगौरी वरीष्ठ सल्लागार यांनी चमूद्वारे रुग्णसेवा पुरविण्याकरीता शर्थीचे प्रयत्न करुन रुग्णाचे प्राण वाचविले असे जिल्हा शल्य चिकित्सक, सामान्य रुग्णालय, गडचिरोली यांनी कळविले आहे.

खड्डे चुकवितांना नियंत्रण सुटल्याने बामनपेठ जवळील दासरवाही नाल्याजवळ दुचाकी झाडावर आदळून एक ठार

आष्टी: खड्डा चुकवितांना नियंत्रण सुटल्याने मोटार सायकल झाडावर आदळून एक जागीच ठार झाल्याची घटना मार्कंडा कंन्सोबा - घोट मार्गावरील बामनपेठ जवळील दासरवाही नाल्याजवळ दिनांक ५ जूलै रोजी सकाळी अंदाजे ९ वाजताच्या सुमारास घडली. मानवेंद्र नरेंद्रनाथ राॅय वय (३८) रा. गांधीनगर असे मृत व्यक्तीचे नाव आहे. 

मानवेंद्र नरेंद्रनाथ राॅय हे आपल्या दुचाकीने दुचाकी क्रमांक (एम.एच. ३३ एल ५७५१) या दुचाकीने दिनांक ५ जूलै रोजी सकाळी ७:४५ वाजताच्या दरम्यान गांधीनगर येथून घरून आपल्या मुलास आष्टी जवळील तारसा येथील कारमेल अकाडमीला सोडून परत गावाकडे येत असताना बामनपेठ जवळील दासरवाही नाल्याजवळ खड्डे चुकवितांना नियंत्रण सुटल्याने सरळ मोटारसायकल झाडाला आदळून मानवेंद्र हे जागीच ठार झाले.

मुलगा विवाहित असून १ मुलगा, १ मुलगी, पत्नी असा‌ त्यांच्या पश्चात आप्तपरिवार आहे

कामाच्या चौकशीसाठी उपोषणावर बसलेले माजी जिल्हा परिषद अध्यक्ष अजय कंकडालवार यांनी घेतले उपोषण मागे!

उपोषण मंडपाला निवासी उपजिल्हाधिकारी विवेक सांळूखे यांची भेट!

गडचिरोली : अहेरीला जिल्हास्थानाचा दर्जा देण्यात आला असला तरी अद्याप या ठिकाणी असलेल्या अप्पर जिल्हाधिकार्‍यांना जिल्हाधिकार्‍यांचे अधिकार प्रदान करण्यात आले नाही.याशिवाय अहेरी शहरात ले-आऊट संदर्भात मोठ्या प्रमाणावर नियमबाह्य कामे करण्यात आली असून या कामांच्या चौकशीसाठी माजी जिल्हा परिषद अध्यक्ष अजय कंकडालवार येथील जिल्हाधिकारी कार्यालयासमोर 2 तारीखेला बसले अखेर आज निवासी उपजिल्हाधिकारी विवेक सांळूखे यांनी उपोषणस्थळी भेट देऊन चर्चा केली व सदर मागण्या चौकशी करून कारवाई करण्यात येणार असल्याचे त्यांनी सांगितले तेव्हा माजी जिल्हा परिषद अध्यक्ष अजय कंकडालवार यांनी आज उपोषण मागे घेतले.

अहेरी शहरात नगररचनाकार,महसूल विभाग,तलाठी कार्यालय व प्रशासकीय अधिकार्‍यांच्या संगणमताने अनधिकृत ले-आऊटला परवानगी देण्यात आली आहे.अनेक ले-ऑउटला ओपन स्पेस नाही.तर अनेक ले-आऊट हे पुरग्रस्त क्षेत्रात येत असतानाही अशा ले-आऊटची अहेरी शहरात सर्रास विक्री सुरु आहे. देण्यात आलेल्या प्रापर्टी कार्ड संदर्भातही त्यांनी आक्षेप नोंदविला आहे.यासंदर्भात जिल्हा प्रशासनाकडे अनेक तक्रारी करूनही प्रशासनाने कुठलीच दखल न घेतल्याने अखेर कंकडालवार यांनी उपोषणाचा मार्ग स्वीकारला होता. 

अहेरी नगरपंचायत हद्दीतील नियमबाह्य ले-ऑऊटच्या कामांची चौकशी करून संबंधित दोषी अधिकार्‍यांवर फौजदारी गुन्हा दाखल करण्याची मागणी कंकडालवार यांनी केली होती 

अहेरी येथील एका जमिनीला अकृषक करण्यासाठी (एनएपी-34) मृत व्यक्तीला जीवंत दाखविण्यात आले.तर आदिवासीची जमिनी गैर आदिवासींना विक्री करताना कुठल्याही प्रकारची शासनाची परवानगी न घेता विक्री करण्यात आली आहे.या प्रकरणातील सर्व दोषी अधिकार्‍यांवर कारवाई करण्याची मागणी कंकडालवार यांनी केली आहे.जोपर्यंत दोषींवर कारवाई केली जात नाही.तोपर्यंत आपण उपोषण सोडणार नसल्याचा इशाराही अजय कंकडालवार यांनी दिला होता अखेर निवासी उपजिल्हाधिकाऱ्यांनी आज कंकडालवार यांच्या मागण्या पूर्ण करण्याचे आश्वासन दिल्याने उपोषणकर्ता अजय कंकडालवार यांची उपोषण मागे घेतले.

महाराष्ट्र विधानसभा विरोधी पक्षा नेते मा.श्री.ना.विजयभाऊ वडेट्टीवार यांचेशी दूरद्वानी द्वारे सविस्तर चर्चा करण्यात आलेली आहे.सदर बाबी लक्षत घेऊन आपण जिल्हाधिकारी कार्यालय गडचिरोली सामोरील अमरण उपोषण थांबवण्यात आली आहे.

यावेळी हणमंतू मडावी सेवा निवृत्त वन संवरक्षक व आदिवासी सेलचे जिल्हाध्यक्ष गडचिरोली,रोजा ताई करपेत नगर पंचायत नगर अध्यक्ष अहेरी,प्रशांत भाऊ गोडसेलवार नगर पंचायत नगर सेवक अहेरी ,हसन गीलानी माजी काँग्रेस जिल्हा अध्यक्ष गडचिरोली , सतीश भाऊ विधाते ,रुपेश टिकले परिवहन सेलचे काँग्रेस अध्यक्ष गडचिरोली,मनोहर भाऊ पोरेट्टी माजी जी.प उपाध्यक्ष, गोरव येनपरेड्डीवार, अण्णा जेट्टीवा, निकेश गद्देवार, संमया पसुला माजी जी. प अध्यक्ष,, ,कार्तिक भाऊ तोगम माजी उप सरपंच,सुनीता ताई कुस्नाके माजी जी. प.सदस्य,सुरेखा ताई आलम माजी सभापती प. स.अहेरी, गीता चालुरकर माजी उपसभापती अहेरी,अजय नैताम माजी जी. प सदस्य ,स्वप्नील दादा मडावी, अशोक येलमुले ,सां.का,राजू दुर्गे , कवडू चलावार, हनीप शेख,तस्सू भैय्या,राकेश सडमेक,सचिन पांचार्या,प्रकाश दुर्गे,दिवाकर आलम,संदीप कोरेत,शिवराम पुल्लुरीसह आदी उपस्थित होते.

१८ ते २० वर्षाच्या बहिणी सरकारच्या बहीणी नाहीत का?

माजी जिल्हा परिषद सदस्य रुपाली पंदिलवार यांचा सवाल 

चामोर्शी : अर्थमंत्री अजित पवार यांनी राज्याचा अंतरिम अर्थसंकल्प सभागृहात मांडला. आगामी विधानसभा निवडणुकांच्या पार्श्वभूमीवर हा अर्थसंकल्प महत्त्वाचा होता. या अर्थसंकल्पात लाडकी बहीण योजना मुलींचं मोफत शिक्षण, बेरोजगारांसाठी योजनांची घोषणा करण्यात आली. अर्थसंकल्प मांडताना अजित पवारांनी मुख्यमंत्री माझी लाडकी योजनेची घोषणा केली. १ जुलैपासून या योजनेची अंमलबजावी करण्यात आली.

'मुख्यमंत्री माझी लाडकी बहिण योजना' अंतर्गत २१ ते ६५ वयोगटातील पात्र महिलांना शासनातर्फे दरमहा १५०० रुपये दिले जाणार आहेत. जुलै २०२४ पासून अंमलबजावणी होणार असल्याची माहिती अर्थमंत्री अजित पवारांनी दिली. मुख्यमंत्री माझी लाडकी बहीण योजना तात्काळ लागू झाली आहे. पात्र महिलांना महिन्याला दीड हजार रुपये मिळणार आहेत. 

मग १८ वर्षे पूर्ण झालेल्या बहिणी मतदान नोंदणी करून मतदान करतात मग या बहिणींना मुख्यमंत्री माझी लाडकी बहिण योजनेचा लाभ का नाही? मग मतदान करणारी ही सरकारची लाडकी बहिण नाही का? असा सवाल माजी जिल्हा परिषद सदस्य रुपाली पंदिलवार यांनी उपस्थित केला आहे. २१ ते ६५ वर्षे वयोगटातील पात्र महिलांना मुख्यमंत्री माझी लाडकी बहिण योजनेचा लाभ मिळणार आहे त्याकरिता १८ ते ६५ वर्षे वयोगटातील पात्र महिलांना मुख्यमंत्री माझी लाडकी बहिण योजनेचा लाभ देण्यात यावा अशीही मागणी रुपाली पंदिलवार यांनी प्रसिद्धीपत्रकाद्वारे केली आहे

महाराष्ट्र सरकारची 'लाडकी बहीण योजना'; महिलांना दरमाहा मिळणार दीड हजार रुपये

बहिणी खूष पण भाऊजी नाराज ?

चामोर्शी : अर्थमंत्री अजित पवार यांनी राज्याचा अंतरिम अर्थसंकल्प सभागृहात मांडला. आगामी विधानसभा निवडणुकांच्या पार्श्वभूमीवर हा अर्थसंकल्प महत्त्वाचा होता. या अर्थसंकल्पात लाडकी बहीण योजना मुलींचं मोफत शिक्षण, बेरोजगारांसाठी योजनांची घोषणा करण्यात आली. अर्थसंकल्प मांडताना अजित पवारांनी मुख्यमंत्री माझी लाडकी बहीण योजनेची घोषणा केली. १ जुलैपासून या योजनेची अंमलबजावणी करण्यात आली.

'मुख्यमंत्री माझी लाडकी बहिण योजना' अंतर्गत २१ ते ६५ वयोगटातील पात्र महिलांना शासनातर्फे दरमहा १५०० रुपये दिले जाणार आहेत. जुलै २०२४ पासून अंमलबजावणी होणार असल्याची माहिती अर्थमंत्री अजित पवारांनी दिली. मुख्यमंत्री माझी लाडकी बहीण योजना तात्काळ लागू झाली आहे. पात्र महिलांना महिन्याला दीड हजार रुपये मिळणार आहेत फार्म भरण्यासाठी महिलांची लगबग सुरू आहे तर एकमेकींना महिला तू लाडकी बहिणचा फार्म भरली का ? असे विचारत आहेत तर आष्टी शहरात व परिसरात सलून दुकानात, पानटपरीवर पुरुषांमध्ये वेगळीच चर्चा ऐकायला मिळत आहे. पुरुष वर्ग एकमेकांना म्हणतात की सरकार लाडकी बहिण योजना चांगली काढली आहे माझी बायको तर मला सरकार माझा भाऊ मला महिन्याला १५०० रुपये देणार आहे म्हणून मस्त खुष आहे म्हणून सांगतो आहे तर दुसरा पुरुष म्हणतो की सरकार भाऊ बहिणीसाठी चांगली योजना काढली पण आम्हाला (भाऊजी) म्हणून एक योजना काढायला पाहिजे अशी खमंग चर्चा सुरू आहे या होणाऱ्या चर्चेवरून सरकारच्या बहीण सरकार भाऊ वर खुष आहेत आणि भाऊजी मात्र नाराज आहेत यावरून असे दिसून येत आहे

आता तर दाखल्यांचे अटी सुद्धा कमी करण्यात आल्याचे ना.अजीत पवार यांनी विधिमंडळात सांगितले आहे व कोणताही अधिकारी या कामात कुचराई केल्यास त्यांचेवर दंडात्मक कारवाई करण्यात येणार आहे व सदर योजनेचा फार्म भरण्यासाठी मुद्दत वाढविण्यात आली आहे

लाडकी बहीण योजनेचा जास्तीत जास्त महिलांनी लाभ घ्यावा - शिवसेना जिल्हाध्यक्ष राकेश बेलसरे 

आष्टी दि. ३ (प्रतिनिधी) शिंदे सरकारने राज्यातील महीलांसाठी मुख्यमंत्री माझी लाडकी बहीण योजना सुरू केली असून यामुळे २१ ते ६५ वर्षे वयाच्या महिलांना दरमहा १५०० रुपये मिळणार आहेत. यासाठी शासन दरवर्षी ४६००० कोटी रुपयांचा निधी उपलब्ध करून देणार आहे. तरी लाभास पात्र - असणाऱ्या जास्तीत जास्त महिलांनी या योजनेचा लाभ घ्यावा व माझी लाडकी बहीण योजनेचे फॉर्म ऑनलाईन भरताना महिलांचे आर्थिक पिळवणूक होणार नाही याची दक्षता दखल संबंधितांनी घ्यावी असे आवाहन व इशारा शिवसेना जिल्हाध्यक्ष राकेश बेलसरे यांनी दिला आहे. शिंदे सरकारच्या माध्यमातून युवा, शेतकरी, दुर्बल - महिला अशा विविध घटकांना विविध योजनांच्या माध्यमातून न्याय देण्याचे काम करण्यात येत आहे त्याचा प्रचार व प्रसार वेगाने करण्याच्या सुचना त्यांनी यावेळी आपल्या पदाधिकाऱ्यांना केल्या.

मंत्री ना. धर्मराव बाबा आत्राम यांच्या शुभहस्ते रस्त्याचे लोकार्पण,आरेंदा फाटा ते ताडगुडा रस्ता ,ग्रामस्थांना रस्ता सुलभ झाले

अहेरी:- राज्याचे अन्न व औषध प्रशासन मंत्री ना. धर्मराव बाबा आत्राम यांच्या शुभहस्ते नुकतेच पेरमिली मुख्य रोडवरील आरेंदा फाटा ते ताडगुडा गावातील सहा किलो मिटर डांबरीकरण रस्त्याचे लोकार्पण करण्यात आले.

प्रधानमंत्री ग्रामसडक योजनेअंतर्गत सदर रस्त्याचे काम करण्यात आले असून आता आरेंदा व ताडगुडा येथील गावकऱ्यांना रस्ता सुलभ झाल्याने रस्त्याचे त्रास व अडचण दूर झाले आहे.

     या प्रसंगी मंत्री ना. धर्मराव बाबा आत्राम यांनी , गावाच्या विकासासाठी रस्ते व दळणवळणाची सोय अत्यावश्यक असून गाव खेड्यातील रस्ते मुख्य मार्गांना जोडण्यासाठी आमचे अविरत प्रयत्न सुरू असून बहुतांश ग्रामीण भागातील रस्ते बनविण्यात आले असून शिल्लक व उर्वरित रस्ते बनविण्यासाठी आमचे प्रयत्न व शासनदरबारी पाठपुरावा सुरू असल्याचे आवर्जुन सांगितले.तत्पूर्वी फित कापून डांबरीकरण रस्त्याचे उत्साहात लोकार्पण केले.

     यावेळी प्रामुख्याने अहेरी पंचायत समितीचे माजी सदस्य हर्षवर्धनराव बाबा आत्राम, येरमणार ग्राम पंचायतीचे माजी सरपंच बालाजी गावडे, आरेंदा ग्रा.पंचायतीचे सरपंच व्यंकटेश तलांडी, उपसरपंच बुज्जी आत्राम, ग्रां. पं.सदस्य मुरा आत्राम, मांतया आत्राम, सुरेंद्र अलोणे, लक्ष्मण येरावार, बाबुराव तोरेम, साधू आत्राम, राजू तलांडी, मादी आत्राम आदी व आरेंदा येथील गावकरी बहुसंख्येने उपस्थित होते.

‘मुख्यमंत्री-माझी लाडकी बहीण’ योजना,महिलांनी लाभ घेण्याचे जिल्हाधिकाऱ्यांचे आवाहन

नारी शक्ती दूत ॲपवर करता येणार अर्ज

 गडचिरोली दि. 2 : महिलांच्या आर्थिक स्वातंत्र्यासाठी, त्यांचे आरोग्य आणि पोषणामध्ये सुधारणा करणे, तसेच कुटुंबातील त्यांची निर्णायक भूमिका मजबूत करण्यासाठी शासनाने ‘मुख्यमंत्री – माझी लाडकी बहीण योजना’ सुरू केली आहे. या योजनेंतर्गत पात्र लाभार्थी महिला / मुलींना दरमहा 1500 रुपये देण्यात येणार आहे. जिल्ह्यातील महिलांनी 15 जुलै पूर्वी अर्ज करून या योजनेचा लाभ घेण्याचे आवाहन जिल्हाधिकारी संजय दैने यांनी केले आहे.

             ‘मुख्यमंत्री – माझी लाडकी बहीण योजनेच्या पहिला टप्प्यात १ ते १५ जुलै या कालावधीत लाभार्थ्यांची नोंदणी करण्यात येत आहे. यासाठी पात्र महिला अंगणवाडी सेविका, ग्रामसेवक, परिवेक्षिका, मुख्यसेविका, सेवा सुविधा केंद्र यांच्या सहाय्याने अर्ज करू शकतात. यांनतर या प्रतिनिधींनीमार्फत ऑनलाईन पद्धतीने अर्ज शासनास सादर होतील. तसेच, ज्या महिला स्वत: ऑनलाईन पद्धतीने अर्ज सादर करू शकतात त्यांच्यासाठी ‘नारी शक्ती दूत’ हे ॲप सुरू करण्यात आले आहे.

योजनेचा उद्देश : 1) महिला व मुलींना पुरेशा सोयी सुविधा उपलब्ध करून रोजगार निर्मितीस चालना देणे, 2) त्यांचे आर्थिक - सामाजिक पुनर्वसन करणे, महिलांना स्वावलंबी व आत्मनिर्भर करणे, 3) महिला व मुलींच्या सशक्तीकरणास चालना मिळणे, 4) महिला आणि त्यांच्यावर अवलंबून असलेल्या मुलांचे आरोग्य आणि पोषण स्थितीत सुधारणा करणे.

लाभार्थी पात्रता : 1) वय 21 ते 60 वर्षे असणारी महिला. 2) महाराष्ट्र राज्याची रहिवासी महिला. 3) विवाहित, विधवा, घटस्फोटित परित्यक्त्या, निराधार महिला. 4) कुटुंबाचे वार्षिक उत्पन्न 2.5 लक्ष पेक्षा कमी असणे गरजेचे.

अपात्रता : 1) कुटुंबातील सदस्य आयकर दाता असल्यास, 2) सरकारी नोकरी, 3) आजी/माजी आमदार/खासदार 4) कुटुंबाच्या मालकीची 5 एकर पेक्षा जास्त जमीन असणारे, 6) चार चाकी गाडी असणारे.

अर्ज करण्याची पद्धत : अर्ज नि:शुल्क अंगणवाडी सेविका यांचेकडे भारता येईल. अर्ज विहित नमुन्यात भरून व त्याला आवश्यक कागद जोडून अंगणवाडी सेविका, ग्रामसेवक, सेतू केंद्र, वार्ड अधिकारी यांना देता येईल. वरील सर्वांकडून अर्ज ऑनलाईन भरून घेता येईल. लाभार्थ्याला स्वत: ‘नारी शक्ती दूत’ हे ॲपवर अर्ज करता येईल. 

आवश्यक कागदपत्रे : योजनेच्या लाभासाठी ऑनलाईन अर्ज, लाभार्थ्याचे आधारकार्ड, महाराष्ट्र राज्याचे अधिवास प्रमाणपत्र / महाराष्ट्र राज्यातील जन्म दाखला. सक्षम प्राधिकारी यांनी दिलेला कुटुंब प्रमुखाचा उत्पन्नाचा दाखला (वार्षिक उत्पन्न 2.50 लाखांपर्यंत असावे), बँक खाते पासबुकच्या पहिल्या पानाची छायांकित प्रत, पासपोर्ट आकाराचा फोटो, रेशनकार्ड, सदर योजनेच्या अटी शर्तीचे पालन करण्याबाबतचे हमीपत्र

 अडचणी असल्यास येथे करा संपर्क : अर्ज भरतांना काही समस्या असल्यास नजिकच्या अंगणवाडी केंद्रावर तसेच महिला हेल्प लाईन 181 वर संपर्क करावा, असे जिल्हा महिला व बाल विकास अधिकारी प्रकाश भांदककर यांनी कळविले आहे. 

माजी जिल्हा परिषद अध्यक्ष अजय कंकडालवार हे उपोषणाला का बसले,पहा 

गडचिरोली : जिल्ह्यातील अहेरी विधानसभा क्षेत्रातील नागरिकांची अनेक गंभीर समस्या घेऊन आज भारतीय राष्ट्रीय काँग्रेसचे नेते व माजी जिल्हा परिषद अध्यक्ष अजयभाऊ कंकडालवार यांनी जिल्हाधिकारी कार्यालयासमोर आमरण उपोषणाला बसले आहेत अजयभाऊ कंकडालवार यांच्या अहेरी विधानसभा क्षेत्रातील प्रमुख मागण्या काय आहेत पाहुया.

१) १/४/२०१० मध्ये अहेरी जिल्हा निर्मीतीचा निर्णय शासन दरबारी झालेला आहे. अहेरी जिल्हांतर्गत अप्पर जिल्हाधिकारी यांना जिल्हाधिकाऱ्यांचा अधिकार अहेरी, भामरागड,सिरोंचा,एटापल्ली या चार तालुक्याकरीता देण्यात यावे

२) अहेरी नगरपंचायत हद्दीतील नियमबाह्य ले-आऊट मध्ये केलेल्या कामाचा निधी,ले-आऊट धारकांकडून वसुली करण्यात यावा व अहेरी-चेरपल्ली येथील रस्त्याच्या डांबरीकरणात नियमबाह्य झालेल्या कामाची चौकशी करुन संबंधित कंत्राटदारावर फौजदारी गुन्हा दाखल करण्यात यावा.

३) मौजा-अहेरी येथील सर्व्हे क्र. २०७ च्या जमिनीचे मालकी हक्कदारांच्या मय्यतीनंतर खोटे संमती दाखवुन पोट हिस्सा केलेल्या प्रकरणाची व सदर मृत व्यक्तीला जिवंत दाखवुन एनएपी-३४ करीता मागणी केलेल्या प्रकरणाची चौकशी करून दोषींवर कायदेशीर कार्यवाही करण्यात यावी. 

४) अहेरी नगरपंचायत हद्दीतील मा. उपविभागीय अधिकारी साहेबांनी दिलेल्या अटी व शर्तीचे उल्लंघण करुन ले-आऊट धारकांनी केलेल्या अनधिकृत प्लॉट खरेदी केलेल्या प्रकरणाची सखोल चौकशी करुन आदेश रद्द करण्यात यावे.

५) ले-आऊट मध्ये केलेल्या कामांची शासकीय निधी ले-आऊट धारकांकडून वसुल करण्यात यावे.

६) प्रापर्टी कार्ड क्र. १४०९, सिट क्र. ०९ ची कायदेशीर चौकशी करुन कार्यवाही करण्यात यावी.

७) अहेरी नगरपंचायत हद्दीतील नियमबाह्यरित्या केलेले डांबरीकरण कामांची चौकशी करून कंत्राटदारावर कार्यवाही करण्यात यावी.

८) एन.जी. पठाण, उप-अधिक्षक भूमी अभिलेख,अहेरी यांच्या कार्यकाळात झालेले संपूर्ण फेरफार व संपूर्ण प्रॉपर्टी कार्ड तसेच गावठाण अहेरी,आलापल्ली,नागेपल्ली,वांगेपल्ली येथील एनएपी- ३४ च्या सर्व जामिनीचे चौकशी करून कार्यवाही करण्यात यावी.

९) प्रापर्टी कार्ड क्र.१४०९ सिट क्र. ०९ मध्ये आदिवासी प्रापर्टी कार्ड गैर आदिवासी यांच्याशी खरेदी विक्री करण्यात आले असुन आदिवासी प्रापर्टी गैर आदिवासी खरेदी-विक्रीची चौकशी करुन कार्यवाही करण्यात यावी.

१०) अहेरी साजा क्र. ०१ मध्ये अतिक्रमण नोंदवहीत खोडतोड व हेतुपरस्पर चढविण्यात आलेले नावांची सखोल चौकशी करुन तसेच उप अधिक्षत भूमी अभिलेख अहेरी येथील अतिक्रमण नोंदवहीची संपूर्ण चौकशी करुन दोषर्षीवर फौजदारी गुन्हा दाखल करण्यात यावा. 

११) उप अधिक्षक कार्यालय अहेरी येथे जुने प्रापर्टी कार्ड ऑनलाईन करण्यात आले असुन,त्यांचे जुने प्रापर्टी कार्ड नुसार ऑनलाईन प्रापर्टीकार्ड करण्यात आले नाही याची चौकशी करण्यात यावी. 

१२) अहेरी गावठाण येथील सन २०२१-२२ मध्ये सर्व नकाशात ग्रामपंचायत रस्ते म्हणून ७/१२ मध्ये नोंद असलेल्या सन १९७४-७५ मध्ये झालेल्या सर्वेनुसार गावठाण नकाशात ते रस्ते नसल्याचे दिसून येत आहे. सन १९७४-७५ मध्ये झालेले सर्वे मध्ये रस्ते गायब असल्याची चौकशी करुन दोषींवर कार्यवाही करण्यात यावी.

१३) दुय्यम निबंधक कार्यालय अहेरी यांच्या कार्यकाळात झालेल्या खरेदी-विक्री प्रकरणाची सखोल चौकशी करण्यात यावी.

१४) वांगेपल्ली व चिचगुडी ग्रामपंचायत हद्दीतील ले-आऊट उपविभागीय अधिकारी साहेब यांचे आदेशानुसार विक्री न करता परस्पर संपूर्ण प्लॉट विक्री करण्यात आले असुन,साहेबांच्या आदेशाचे पालन न करता ज्यांनी ज्यांनी विक्री केले त्या प्लॉटची चौकशी करुन आदेश रद्द करण्यात आदि मागण्यांना घेऊन अजय कंकडालवार यांनी आजपासून आमरण उपोषणाला सुरुवात केले आहे.जिल्हा प्रशासन काय निर्णय घेते याकडे जिल्ह्यातील नागरिकांचे लक्ष लागले आहे.

प्राणहिता कॅम्प ते अहेरी पर्यंत रस्ता बांधकाम लवकरात लवकर पूर्ण करा : अन्यथा आंदोलन!

कार्यकारी अभियंता सार्वजनिक बांधकाम विभाग आलापल्ली यांना अजय कंकडालवार यांनी दिले निवेदन..!

अहेरी : सार्वजनिक बांधकाम विभाग आलापल्ली अंतर्गत सुरू असलेल्या आलापल्ली रोड वरील प्राणहिता कॅम्प ते अहेरी पर्यंत रस्त्याला सुरुवात होऊन भरपुर कालावधी झालेला आहे.सदर काम कासव गतिने सुरू असल्यामुळे या रस्त्याने शाळेत जाणारे विद्यार्थी वेगवेगळ्या विभागात असलेले अधिकारी/कर्मचारी व नागरिक दररोज दुचाकी व चारचाकी तसेच बसणे ये-जा करीत असतात. सदर वाहनधारकांना अपूर्ण व कासव गतिने सुरू असलेल्या कामामुळे नाहक त्रास सहन करावे लागत असुन रस्त्याच्या कडेला गिट्टी टाकुन असल्यामुळे अपघाताची शक्यता आहे.सदर बांधकाम निकृष्ट दर्जाचे असल्यामुळे सदर रस्त्याचे चौकशी करून ठेकेदाराला काळ्या यादीत टाकण्यात यावे.नियमानुसार सदर रस्त्याचे काम ७-८ दिवसात पूर्ण करण्यात यावे.अन्यथा दिनांक ०९/०७/२०२४ रोजी आदोलन उभारण्यात येईल असा इशारा भारतीय राष्ट्रीय काँग्रेस पक्षाचे नेते व माजी जिल्हा परिषद अध्यक्ष तथा अहेरी बाजार समिती सभापती अजयभाऊ कंकडालवार यांनी निवेदनातून दिला आहे.

सदर निवेदन जिल्हाधिकारी जिल्हाधिकारी कार्यालय गडचिरोली,कार्यकारी अभियंता,अप्पर जिल्हाधिकारी अहेरी,यांना माहितीस्तव व कार्यवाहीस्तव निवेदन पाठविण्यात आले आहे.

भगिनींनो तातडीने गोळा करा कागदपत्रे !

'मुख्यमंत्री माझी लाडकी बहीण'साठी हालचाली सुरू

गडचिरोली, दि. १ (प्रतिनिधी) राज्यात 'मुख्यमंत्री माझी लाडकी बहीण' ही योजना राबविण्यास मंजुरी देण्यात आली असून या योजनेचा लाभ घेण्यासाठी इंदापूर तालुक्यासह पुणे जिल्ह्यातील भगिनींना तातडीने कागदपत्रे गोळा करण्याची गरज आहे.

सोमवार १ जुलैपासून अर्ज भरण्यास प्रारंभ होत असून, अर्ज भरण्याची अंतिम तारीख १५ जुलै २०२४ ही आहे. मुदत संपल्यानंतर या योजनेच्या लाभापासून वंचित राहण्याची पाळी येऊ शकते, असे बोलले जात आहे.

यासंदर्भात अधिक माहिती अशी की, मुख्यमंत्री माझी लाडकी बहीण योजना, महिला व बाल विकास विभागाच्या वतीने राबविण्यास मान्यता देण्यात आली आहे. पात्र महिलेला स्वतःच्या आधार लिंक केलेल्या थेट लाभ हस्तांतरण सक्षम बँक खात्यात दरमहा १, ५०० रूपये इतकी रक्कम दिली जाईल. किमान वयाची २१ वर्षे पूर्ण व कमाल वयाची ६० वर्ष पूर्ण होईपर्यंतच्या महिलांना लाभ मिळेल. लाभार्थी कुटुंबाचे वार्षिक उत्पन्न रक्कम रु. २.५० लाखापेक्षा जास्त नसावे अशी अट आहे.

असे आहे वेळापत्रक अर्ज प्राप्त करण्यास सुरुवात

जुलै, २०२४, अर्ज प्राप्त करण्याचा शेवटचा दिनांक १५ जुलै. तात्पुरती यादी प्रकाशन दिनांक १६ जुलै. तात्पुरत्या यादीवरील तक्रार / हरकती प्राप्त करण्याचा कालावधी १६ जुलै ते २० जुलै. तक्रार/ हरकतींचे निराकरण करण्याचा कालावधी २१ जुलै ते ३० जुलै.

या कागदपत्रांची गरज

उत्पन्नाचा दाखला सन २०२५ पर्यंत वैध असणारा असावा, जन्माचा दाखला, टि. सी झेरॉक्स, डोमेसाईल प्रमाणपत्र, रेशन कार्डची झेरॉक्स, आधार कार्ड, लाभार्थी नावाने बैंक पासबुक झेरॉक्स. तसेच केंद्र, राज्य शासनाच्या अन्य आर्थिक लाभाच्या योजनेव्दारे १,५०० रूपये पेक्षा कमी लाभ घेत असेल तर फरकाची रक्कम या योजनेव्दारे पात्र महिलेस देण्यात येईल. राज्यातील २१ ते६० यावर्ष वयोगटातील विवाहित, विधवा, घटस्फोटित, परित्यत्तत्या आणि निराधार महिला या योजनेसाठी पात्र राहतील.

नव्या कायद्याच्या जनजागृतीसाठी आष्टी पोलीस ठाणे सरसावले

चामोर्शी: ब्रिटीश काळी शासनास केंद्रस्थानी ठेवुन भारतीय दंड संहिता १८६०, फौजदारी प्रक्रीया संहिता-१९७३ तसेच भारतीय पुरावा कायदा-१८७२ यांची निर्मीती करण्यात आली होती. काळानुसार व बदलत्या परिस्थितीनुसार कायद्यात बदल होत गेले. मागील काळात भारतातील समाजिक जीवनात आमुलाग्र बदल झाल्याने तसेच भारतीय व्यक्ती हा केंद्रस्थानी आल्याने कायद्यात मोठा बदल करणे केंद्रशासनास अंत्यत महत्वाचे वाटत होते. याच कारणांने केंद्रशासनाने व्यक्ती केंद्रस्थानी ठेवुन भारतीय दंड संहिता, फौजदारी प्रक्रीया संहिता व भारतीय पुरावा कायद्यात आमुलाग्र बदल करुन अनुक्रमे भारतीय न्याय संहिता-२०२३, भारतीय नागरी सुरक्षा अधिनियम- २०२३ व भारतीय साक्ष अधिनियम २०२३ तयार करण्यात आले असुन सदर कायद्याची अंमलबजावणी दिनांक ०१/०७/२०२४ रोजीपासुन पुर्ण भारत देशात लागु करण्यात आले.

नवीन कायद्याची भारतीय नागरीकांना माहीती व्हावी या उद्देशाने दिनांक ०१/०७/२०२४ रोजी पोलीस उपविभाग अहेरी अंतर्गत पोलीस स्टेशन आष्टी येथे अजय कोकाटे उपविभिागीय पोलीस अधिकारी अहेरी यांचे अध्यक्षतेखाली चर्चासत्राचे आयोजन करण्यात आले होते. त्या चर्चासत्रकरीता पोलीस स्टेशन आष्टी हद्दीतील प्रतीष्ठीत नागरीक, व्यापारी, समाजसेवक, पोलीस पाटील, विद्यार्थी, सामाजीक कार्यकर्ते, पत्रकार व परीसरातील नागरिकांनी मोठ्या प्रमाणात उपस्थिती दर्शवीली. भारतीय न्याय संहिता-२०२३, भारतीय नागरी सुरक्षा अधिनियम-२०२३ व भारतीय साक्ष अधिनियम-२०२३ च्या चर्चासत्राकरीता उपस्थितांना अजय कोकाटे उपविभिागीय पोलीस अधिकारी अहेरी, विशाल काळे पोलीस निरिक्षक पोलीस स्टेशन आष्टी यांनी मार्गदर्शन करुन नवीन व जुन्या कायद्यातील बदल सोप्या भाषेत समजावुन सांगितले. पोलीस स्टेशन आष्टी येथे आयोजीत चर्चासत्राला पोलीस स्टेशनचे पोलीस अधिकारी व अंमलदार तसेच नागरिकांनी उत्सफुर्त सहभाग नोंदविला.

लखमापूर बोरी येथे बस स्थानकातच केली जाते खुलेआम ताडी विक्री,स्थानिक प्रशासनाचा ताडीविक्रीवर कानाडोळा. 

चामोर्शी : तालुक्यातील लखमापूर बोरी येथे मागील सहा-सात वर्षा पासून उन्हाळ्यातील दिवसात खुलेआम अवैध नशीली ताडी विक्री केली जात आहे. मात्र ह्या वर्षी पावसाळा ऋतू ला सुरुवात झाली तरी मात्र ताडी विक्री सुरूच आहे, एवढेच नाहीं तर विक्रेता शासकीय इमारतीत म्हणजेच बसस्थानकातच आपला डेरा मांडून खुलेआम ताडी विकताना दिसत आहे.

ताडाच्या झाडापासून निघणारा ताडी अर्क आटून गेला मात्र यांच्या डबक्यात ताडी आपोआप तयार होत असते. याचे कारण ताडी ही रासायनिक पावडर किंवा इतर द्रवापासून तयार केली जातं असावी.

ताडी पिणाऱ्याची संख्या कितीही वाढली तरी मात्र विक्रेत्याची ताडी कधीच संपत नाहीं. जणू ह्या लोकांना ताडीचा झरा सापडला असावा. याच बसस्थानकात लहान मुले मोठ्या व्यक्तीला ताडी पिताना बघून ताडी पिऊ लागले व एकदा ताडीची सवय लागली की काही मुलांना दारू ची पण लत लागू शकते. त्यामुळे असं खुलेआम निर्भीड होऊन ताडी विकणे किती धोक्याचे आहे हे स्पष्ट दिसूण येते. 

 सदर ताडी विक्रेता बाहेर राज्यातून आपल्या गावात येऊन ताडी विक्री करत आहे आणि गावात अश्याप्रकारे निर्भीड होऊन ताडी विकत असतो, हे पाहून विक्रेता हा ग्रामपंचायत व पोलीस प्रशासनाच्या छत्रछायेखाली अवैध नशिली ताडी विकत तर नसावा किंवा काही लोक ताडी विक्री विरोधात बोलल्यानंतर ताडी विक्री दोन तीन दिवस बंद राहते व परत विक्री सुरु होते तर यांच्या मागे कोण असावा असा प्रश्न गावकऱ्यांना पडू लागला आहे व गावातून ताडी व दारू विक्री कायम बंद व्हावी अशी मागणी गावकरी स्थानिक प्रशासनाला करू लागले आहे.

दोटकुली गावात कृषी दिवस साजरा कृषी दिवसा निमित्त प्रभात फेरीचे आयोजन

केवळरामजी हरडे कृषी महाविद्यालय, चामोर्शी यांच्या तर्फे ग्रामीण उद्योजकता जागृती विकास योजनेतील विद्यार्थ्यांतर्फे ०१ जुलै २०२४ ला दोटकुली येथे कृषी दिवस आयोजित करण्यात आला. सदर कार्यक्रम महाविद्यालयाचे प्राचार्य श्री. डॉ. आदित्य कदम तसेच श्री. छबिल दुधबळे, श्री. प्रलय झाडे निकीता येलमुले मॅडम यांच्या मार्गदर्शनात अनुज हिंगाने, यश काले ,अजिंक्य केमये , अनुप लोणारे , गोपाल मंडल यांच्या द्वारे उत्तम रित्या कार्यक्रम आयोजित करण्यात आला. 

महाराष्ट्राचे माजी मुख्यमंत्री आणि हरित क्रांतीचे चे प्रणेते वसंतराव नाईक यांचा जन्मदिवस १ जुलै हा महाराष्ट्र कृषी दिवस म्हणून साजरा केला जातो. यांच्या कृषी क्षेत्रातील मोलाची आठवण म्हणून त्यांची जयंती महाराष्ट्र कृषी दिवस म्हणून साजरी केली जाते. अशी माहिती कृषी विद्यार्थ्यांनी दिली व कृषी दिवसा निमित्त प्रभात फेरीचे आयोजन करण्यात आले.

कार्यक्रमाप्रसंगी गावातील जि. प. उच्च प्राथमिक शाळा दोटकुली मुखध्यापक . घोडमारे सर, टेकाम सर, गव्हारे सर, नंदाताई चौधरी आणि .गावकरी मंडळी व लहान बालगोपाल उपस्थित होते. आणि कार्यक्रम सहजरीत्या पार पडला.

अवघ्या दोन तासात मागण्या पूर्ण,राष्ट्रवादी काँग्रेस शरदचंद्र पवार पक्षाचे आंदोलन मागे...!

सिरोंचा तालुक्यातील भारत संचार निगम लिमिटेड (BSNL) विभागाकडुन गेल्या दोन वर्षापासून तळ्यात - मळ्यात नेटवर्क येणे-जाणे सुरू आहे, सिरोंचा तालुका मुख्यालयसह ग्रामीण भागात बी.एस.एन.एल. टॉवर उभारून अनेक वर्ष होत आहे, तरीपण बी,एस,एन,एल नेटवर्कच्या प्रतिक्षेत मोबाईल धारकांची वाट सुरूच आहे.

तालुका मुख्यालयात ग्रामीण भागातून नागरिक विविध कार्यालयातील कामासाठी प्रत्येक दिवशी येत असतात अशातच तालुका मुख्यालयात बीएसएनएल नेटवर्क येना - जाणा सुरू असल्याने अनेक नागरिकांचे कार्यालयातील कामे करणे मोठी समस्या निर्माण झाले आहे,

तसेच तेलंगाना राज्यातुन येणा-या बि.एस.एन.एल. नेटवर्क लवकरात लवकर जोडण्यात यावे किंवा सिरोंचा येथे स्वतंत्र बि.एस.एन.एल. नेटवर्क फायबर रिस्टोर टीम (FRT) नियुक्त करण्यात यावे,अशी मागणी

राष्ट्रवादी काँग्रेस शरदचंद्र पवार पक्षाचे जिल्हाध्यक्ष अतुल गाण्यारपवार, जिल्हा सरचिटणीस - चोक्कामवर, तालुका अध्यक्ष - फाजिल पाशा यांच्या मार्गदर्शनाखाली पक्षाचे तालुका उपाध्यक्ष - सागर मूलकला आणि पदाधिकारी व कार्यकर्ते १ जुलै २०२४ रोजी तहसील कार्यालय समोर बेमुदत साखळी उपोषण सुरू करण्यात आली आहे,

 आंदोलनाच्या पहिल्या दिवशी अवघ्या दोन तासात बी ,एस,एन, एल, विभागाचे अधिकारी - कुमारस्वामी, तहसिलदार - तोटावर, नायब तहसीलदार- काडबाजीवार,सामाजिक कार्यकर्ता - श्रीकांत सुगरवार 

यांनी उपोषण स्थळी भेट देऊन येत्या १५ दिवसात बी,एस,एन,एल नेटवर्क सुरळीत सुरू होईल आणि लोकांची समस्या दुर होईल असे आश्वासन पत्र दिले आहे,

         आश्वासन पत्र दिल्याप्रमाणे बेमुदत साखळी उपोषण मागे घेण्यात आली आहे,

          त्यावेळी पक्षाचे उपाध्यक्ष सागर मूलकला यांनी मीडिया समोर बोलत येत्या पंधरा दिवसात नेटवर्क समस्या दुर न झाल्यास बी,एस,एन,एल कार्यालयावर धडक मार्च काडून तीव्र आंदोलन छेडण्याचा इशाराही त्यानी दिला आहे,

          त्यावेळी राष्ट्रवादी काँग्रेस शरदचंद्र पवार

पक्षाचे पदाधिकारी - सलाम सय्यद, शहर अध्यक्ष - सलमान शेख, कार्यकर्ते - राजकुमार मूलकला, गणेश संड्रा, महाविकास आघाडीचे कार्यकर्ते आणि नागरीक मोठ्या संख्येने उपस्थित होते,

जिल्हा परिषद केंद्र शाळा कुनघाडा रै येथे शाळापूर्व तयारी मेळावा दोन संपन्न

चामोर्शी: पंचायत समिती चामोर्शी अंतर्गत येणाऱ्या जिल्हा परिषद उच्च प्राथमिक केंद्र शाळा कुनघाडा रै येथे दिन जुलैला स्टार प्रकल्प अंतर्गत शाम पूर्व तयारी मेळावा क्रमांक दोन मोठ्या थाटात संपन्न झाला

या कार्यक्रमाच्या अध्यक्षस्थानी शाळेच्या मुख्याध्यापिका कु गीता शेंड ह्या होत्या उद्घाटन केंद्राचे केंद्रप्रमुख गुरुदास गोमासे यांच्या हस्ते पार पडले या प्रसंगी प्रमुख आतिशी म्हणून भुजंगराव कोडाप ज्योतीताई कोसमशिले साधनव्यक्ती घनश्याम वांढरे आदि मान्यवर उपस्थित होते शैक्षणिक वर्ष2024-25 मध्ये इयत्ता पहिलीत दाखल होणाऱ्या सर्व विद्यार्थ्यांच्या पूर्वतयारीसाठी हा मेळावा आयोजित केला जातो यात निरनिराळ्या सात स्टॉल्सवर भरती पात्र विद्यार्थ्यांचा भावनिक सामाजिक बौद्धीक गणन भाषिक शारिरीक व मानसिक विकसन याक्षमता प्रामुख्याने तपासल्या गेल्या पालकांना मार्गदर्शन व समुपदेशन करण्यात आले यावेळी भरती पात्र विद्यार्थ्यांना आनंद व्हावा म्हणून रंगीत टोप्या देण्यात आल्या प्रत्येक विद्यार्थ्यांना फुगा आणि पुष्पगुच्छ देऊन स्वागत करण्यात आले पालकांनीही यात उत्स्फुर्त सहभाग घेतला कार्यक्रमाचे प्रास्ताविक विजय दुधबावरे यांनी तर सूत्रसंचालन व आभारप्रदर्शन प्रमोद बोरसरे यांनी केले

याप्रसंगी पालकांसाठी अल्पोपहार विद्यार्थ्यांसाठी पौष्टिक बिस्किटांचे वाटप करण्यात आले कार्यक्रमाच्या यशस्वीतेसाठी गुरुदास सोनटक्के अभिषेक लोखंडे अंजली तंगडपल्लीवार अनिल दुर्ग यांनी मोलाचे सहकार्य केले

आष्टी परिसरातील त्रस्त नागरिकांनी महावितरण विरोधात करणार रास्ता रोको आंदोलन 

पोलीस स्टेशन आष्टी येथे त्रस्त नागरिकांनी दिले निवेदन 

आष्टी: परिसरातील महावितरण विभागाची लाईट वारंवार जात असल्यामुळे ४ दिवसात लाईनची व्यवस्था सुरळीत न केल्यास महावितरण विभागाला ताळे ठोकणार व चक्का जाम आंदोलन करणार असल्याचे आष्टी येथील त्रस्त नागरिकानी पोलिस स्टेशन आष्टी येथील ठाणेदार विशाल काळे यांना निवेदन देण्यात आले दिलेल्या निवेदनात म्हटले आहे की, चामोर्शी तालुक्यातील आष्टी येथील महावितरण विभागाच्या वतीने मागच्या वर्षी आष्टी येथील लाईट वारंवार जात असल्यामुळे अनेक समस्या निर्माण होत होत्या. लाईट येण्या जाण्यामुळे काही नागरीकांच्या घरातील टि.व्ही. फ्रीज, कुलर, एसी. लाईट येण्या जाण्यामुळे बिघडल्या व नादुरुस्त झाल्या आणि त्यानंतर नागरिकांची नुकसान व होत असलेला त्रास पाहून महावितरण विभागाने आष्टी येथे ३० ते ४० लाख रुपये खर्च करुन सेपरेट फीडर बसविण्यात आले. आणि सेपरेट फीडर बसविल्याने २ महिने लाईट सुरळीत होती. मात्र आता पावसाळा सुरु झाल्यानंतर आता पाऊस आला की २ तास, 3 तास, ४ तास रोज लाईट येणे जाणे करीत आहे. याचा आष्टीवासीयांना फटका बसुन राहीला आहे. आणि महावितरण विभागाचे अधिकारी बाहेरुन येणे जाणे करीत आहे. नावापुरते आष्टी येथे छोटीसी रुम घेऊन दाखविण्याकरीता ठेवलेली आहे.

तरी ४ दिवसात आष्टीची लाईट व्यवस्था सुरळीत न झाल्यास महावितरण विभागाला ताळे ठोकण्यात येईल व दि. ०५/०७/२०२४ रोज शुक्रवारला आष्टी येथील मुख्य चौकात रास्ता रोको आंदोलन करण्यात येईल. असा इशारा आष्टी वासियांनी निवेदनातून दिला आहे तरी वरीष्ठ आधिकाऱ्यांनी या समस्येकडे लक्ष देऊन समस्येचे निराकरण करावे असेही निवेदनात म्हटले आहे तसे निवेदन देवेंद्रजी फडणविस उपमुख्यमंत्री तथा पालकमंत्री महाराष्ट्र राज्य, जिल्हाधिकारी गडचिरोली,पोलीस अधिक्षक गडचिरोली,अधिक्षक अभियंता,गडचिरोली,तहसिलदार,चामोर्शी,उपकार्यकारी अभियंता चामोर्शी यांना पाठविण्यात येणार आहे. पोलिस निरीक्षक विशाल काळे यांना निवेदन देताना आष्टी शहरातील विद्युत ग्राहक मोठ्या संख्येने उपस्थित होते 

सफाई कामगारांची छळणूक, पिळवणूक व शोषण करणा-या मुकडदमवर गुन्हा दाखल करून कारवाई करा

वंचित बहुजन आघाडीची जिल्हा शल्य चिकीत्सकाकडे मागणी करून पोलिसात तक्रार 

गडचिरोली : मनुष्यबळ पुरविणा-या एमव्हीजी कंपनी अंतर्गत गडचिरोली येथिल जिल्हा सामान्य रुगणालयात मागिल तिन वर्षापासून सफाई कामगार म्हणून कार्यरत असलेल्या २७ कामगारांची गेल्या आठ-  दहा महिण्यापासून जिल्हा सामान्य रुग्णालयातील मुकडदम मनोहर सांडेकर हे छळणूक, पिळवणूक व शोषण करीत असल्याने यांच्यावर गुन्हा दाखल करून योग्य कारवाई करण्यात यावी अशी मागणी वंचित बहुजन आघाडीने जिल्हा शल्य चिकीत्सकाकंडे करून पोलिसात तक्रार दाखल केली आहे.

पोलिसात दिलेल्या तक्रारीत म्हटले आहे की, सफाई कामगार म्हणून असलेल्या सर्व २७ कामगारांना  मुकडदम सांडेकर आठ तासाच्या व्यतिरीक्त  दोन -तिन सास ज्यादा काम करवून घेतात, स्वत:च्या घरचे काम करायला लावतात,  नास्ता करायला सुद्धा वेळ देत नाही एखाद्या दिवशी सुट्टी घेतली तर दोन तिन दिवसाची अपसेंटी लावतात आणि या सर्व बाबीचा कामगारांनी  विरोध केला किंवा मनाई केले तर महिला कामगारांना अश्लिल शिवीगाड करतात, मुलांनाही अश्र्लिल शिवीगाळ करतात व ईतकेच नाही तर कामावरून काढण्याची धमकी देतात, व शिवीगाळकरून धाकदपटाव करतात त्यामूळे या सर्व कामगांराची छळवणूक, पिळवणूक व शोषण होत आहे.

एमव्हीजी कपनीत तुम्हाला  काम मिळवून देतो म्हणून अनेक  सफाई कामगार कामगारांकडून एक लाख, सत्तर हजार, पन्नास हजार, तिस हजार प्रमाणे पैसे उकळलेले आहेत, त्यावरही समाधान झाले नसल्याने दर वर्षाला या सर्व कामगारांकडून  मुकडदम सांडेकर हे पंधरा - विस हजार उकळण्याचा तगादा लावत आहेत त्यामूळे सर्व कामगारांची छळणूक, पिळवणूक व शोषण करीत आहेत.
सदर प्रकरणाच्या संबंधाने सर्व कामगारांनी वंचितचे जिल्हाध्यक्ष यांच्याशी संपर्क करून हकिकत सांगितल्यामूळे वंचितच्या बाळू टेंभुर्णे, जी के बारसिंगे, कवडू दुधे यांच्या नेतृत्वात सर्व कामगारांना न्याय मिळण्यासाठी व मुकडदमवर गुन्हा नोंद करण्यासाठी जिल्हा शल्य चिकीत्सक व पोलिस स्टेशनला तक्रार करण्यात आली आहे. संबंधीतांनी कामगारांना  तात्काळ न्याय देण्याचे करावे व मुकडदम सांडेकरवर गुन्हा दाखल करून चौकशी करण्यात यावी अन्यथा जन आंदोलन करण्याचा ईशारा बाळू टेंभुर्णे यांनी दिला आहे.

आरोग्य व्यवस्थेत मूलभूत सुधारणा आवश्यक,कर्मचाऱ्यांची बडतर्फी हा उपाय नाही...

सामाजिक कार्यकर्ते सुरज कोडापे यांचे पत्रकातून आवाहन..

गडचिरोली : रुग्णवाहिका उपलब्ध न झाल्याने कार्यकारी अधिकाऱ्यांनी सबंधित डॉक्टरांना निलंबित केले.पण गडचिरोली जिल्ह्यात आधीच डॉक्टरांची कमतरता आहे आणि ऐन पावसाळ्याच्या तोंडावर डॉक्टरांना निलंबित करणे हा पर्याय नाहीच.त्याऐवजी कारणांची चौकशी करून चांगल्या सुविधा पुरविण्यासाठी अधिकारी व कर्मचाऱ्यांना विश्वासात घेऊन आरोग्य सुविधेत सुधारणा करण्यासाठी उपाययोजना करणे हे जास्त हितावह ठरेल.

         निवेदनात सादर केलेले बाकीचे मुद्दे प्रशासन किती गांभीर्याने हाताळते ते बघणे महत्वाचे आहे.कारण जिल्ह्यात कायदा व सुव्यवस्था बिघडू नये म्हणून प्रशासनाने तडकाफडकी संबंधित वैद्यकिय अधिकाऱ्याला बडतर्फ केले मात्र हे न्याय्य नसून आरोग्य सुविधांमध्ये अधिकारी आणि कर्मचाऱ्यांना प्रोत्साहन देत सकारात्मक बदल करणे गरजेचे आहे.

       विशेष म्हणजे एकंदरीत जिल्ह्यातली आरोग्य व्यवस्था ही वरिष्ठांच्या नियंत्रणाच्या बाहेर गेलेली आहे.जिल्हा सामान्य रुग्णालयात रुग्णांची गांभीर्याने तपासणी आणि उपचार केले जात नाही शिवाय रुग्णवाहिका सुविधाही दिल्या जात नाही याबरोबरच स्थानिक कर्मचारी व अधिकाऱ्यांना कागदोपत्री,शासनाचे अनावश्यक योजना प्रक्रिया आणि ऑनलाईन कामाचा भडिमार केला जातोय त्यामुळे मूळ सुविधा लोकांपर्यंत पोहचविणे हे आरोग्य कर्मचारी व अधिकाऱ्यांसाठी आव्हान ठरत आहे त्यामुळे अधिकाऱ्यांनी ह्यावर पर्याय काढून उपाययोजना करणे गरजेचे आहे.

     आरोग्य व्यवस्थेत मूलभूत बदल होऊन जिल्ह्यातल्या जनतेला दर्जेदार आरोग्य सुविधा मिळाव्यात जेणेकरून जिल्ह्यातला कोणताही व्यक्ती आरोग्य मिळण्याच्या हक्कापासून वंचित राहणार नाही.जिल्हाधिकारी आणि मुख्य कार्यकारी अधिकारी यांनी आदिवासी समाजाच्या कार्यकर्त्यांनी निवेदनात दिलेल्या मुद्यांची तत्काळ अंमलबजावणी करावी,असे आवाहन सुरज कोडापे यांनी केले.

महिला आणि मुलींसाठी सरकारने उघडली तिजोरी; आर्थिक मदतीसह शिक्षण होणार मोफत

मुंबई : राज्याचे उपमुख्यमंत्री अजित पवार यांनी आज राज्याचा अतिरिक्त अर्थसंकल्प सादर केला. अजित पवार यांनी वित्त व नियोजनमंत्री म्हणून मार्च 2011 मध्ये पहिला अर्थसंकल्प सादर केला होता. तेव्हापासून त्यांनी आज सादर केलेला दहावा अर्थसंकल्प आहे. या अर्थसंकल्पात महिला आणि मुलींसाठी विशेष योजनांचा वर्षाव दिसून आला आहे. यामध्ये मुलींसाठी मोफत शिक्षणासह पात्र महिलांना दरमहा 1500 रुपये निधी देण्याचाही सामावेश आहे.

महिला आणि मुलींसाठी खास योजना

महिलांसाठी विविध योजना

-सन 2023-24 पासून ‘लेक लाडकी’ योजनेची सुरुवात- मुलीच्या जन्मापासून ती अठरा वर्षाची होईपर्यंत तिला टप्याटप्याने एकूण एक लाख एक हजार रुपये -‘मुख्यमंत्री माझी लाडकी बहीण योजना’ 21 ते 60 वर्ष वयोगटातील पात्र महिलांना शासनामार्फत दरमहा दीड हजार रुपये-दरवर्षी सुमारे 46 हजार कोटी रुपये निधी

-दिनांक 1 मे, 2024 नंतर जन्माला आलेल्या व्यक्तीच्या नावाची नोंद शासकीय दस्तऐवजांमध्ये त्याचे नांव, आईचे नांव, वडिलांचे नांव व आडनांव या क्रमाने करण्याचे बंधनकारक

-पिंक ई रिक्षा - 17 शहरांतल्या 10 हजार महिलांना रिक्षा खरेदीसाठी अर्थसहाय्य - 80 कोटी रुपयांचा निधी

-"शुभमंगल सामुहिक नोंदणीकृत विवाह" योजनेत लाभार्थी मुलींना देण्यात येणारे अनुदान 10 हजार रुपयांवरून 25 हजार रुपये

-राज्यातील सर्व आरोग्य उपकेंद्रात स्तन व गर्भाशयमुखाच्या कर्करोग तपासणीसाठी उपकरणे व साहित्यासाठी 78 कोटी रुपये

-रुग्णांची विशेषतः गरोदर माता व बालकांची आरोग्य संस्थेत मोफत ने- आण करण्यासाठी 3 हजार 324 रुग्णवाहिका

-जल जीवन मिशन कार्यक्रमातून ग्रामीण भागातील 1 कोटी 25 लाख 66 हजार 986 घरांना नळजोडणी पूर्ण- राहिलेल्या 21 लाख 4 हजार 932 घरांसाठीचे काम प्रगतीपथावर

-‘मुख्यमंत्री अन्नपुर्णा योजना’- वर्षाला घरटी तीन गॅस सिलेंडर मोफत देणार- 51 लाख 16 हजार 412 लाभार्थी कुटुंबांना लाभ

-लखपती दिदी- महाराष्ट्र राज्य ग्रामीण जीवनोन्नती अभियानांतर्गत 7 लाख नवीन गटांची स्थापना-बचत गटांच्या फिरत्या निधीच्या रकमेत 15 हजार रुपयांवरुन 30 हजार रुपये वाढ

-महिला बचत गटांनी उत्पादित केलेल्या वस्तूंना ‘उमेद मार्ट’ आणि ‘ई-कॉमर्स ऑनलाईन प्लॅटफॉर्म’ याद्वारे आतापर्यंत 15 लाख महिला ‘लखपती दिदी’, या वर्षात 25 लाख महिलांना लखपती करण्याचे उद्दीष्ट

-महिला लघुउद्योजकांसाठी ‘पुण्यश्लोक अहिल्यादेवी होळकर महिला स्टार्टअप योजना’- अखिल भारतीय स्तरावरील महासंमेलनाचे राज्यात आयोजन

-‘आई योजनेअंतर्गत’ पर्यटन क्षेत्रातील महिला लघुउद्योजकांना 15 लाख रुपयापर्यंतच्या कर्जावरील व्याजाचा परतावा -10 हजार रोजगार निर्मिती

-मुलींना मोफत उच्च शिक्षण- शैक्षणिक वर्ष 2024-25 पासून अभियांत्रिकी, वास्तुशास्त्र, औषधनिर्माणशास्त्र, वैद्यकीय तसेच कृषि विषयक सर्व व्यावसायिक पदवी-पदविका अभ्यासक्रमांसाठी प्रवेशित 8 लाख रूपयापर्यंतच्या वार्षिक कौटुंबिक उत्पन्न असणाऱ्या इतर मागासवर्ग तसेच, आर्थिकदृष्ट्या दुर्बल घटकांतील मुलींना शिक्षण शुल्क व परीक्षा शुल्कामध्ये 100 टक्के प्रतिपूर्ती

-या निर्णयाचा अंदाजे 2 लाख 5 हजार 499 मुलींना लाभ-सुमारे 2 हजार कोटी रुपयांचा भार

मुख्य वन संरक्षक कार्यालयासमोर योगाजी कुडवे यांचे ठिय्या आंदोलन

वन परिक्षेत्र अधिकारी, वनपाल, वनरक्षक यांना तात्काळ निलंबित करण्याची योगाजी कुडवे यांची मागणी

गडचिरोली : वनपरिक्षेत्र एटापल्ली अंतर्गत बांडे, झारेवाडा या जंगल परिसरात नदी मध्ये मोठ्या प्रमाणात हजारो ब्रास अवैध रेती उत्खनन झालेले आहे, यास जबाबदार वन परिक्षेत्र अधिकारी, वनपाल, वनरक्षक यांना तात्काळ निलंबित करण्यात यावे, या मागणी साठी आज दिनांक.27/06/2024 पासुन मुख्य वन संरक्षक कार्यालय गडचिरोली समोर बेमुदत आंदोलनाला सुरू केले आहेत वनपरिक्षेत्र एटापल्ली अंतर्गत बांडे, झारेवाडा या जंगलव्याप्त परिसरात नदी असून मागील काही महिन्यापासून या नदी पात्रातून अंदाजे हजारो ब्रास रेतीची अवैधरित्या चोरी, सुरजागड उतखनन करणारी कंपनी रेतीची खुलेआम चोरी करीत होती तरीसुद्धा वनरक्षक,वनपाल, वनपरीक्षेत्रअधिकारी, हे बघ्याची भूमिका घेतात. पगार शासनाचा घेतात, चुना शासनालाच लावतात. करोडो रुपयाची अवैध रित्या रेतीची चोरी वनविभागाच्या अधिकारी यांच्या संगणमतानेच झालेली आहे,यात वन विभागातील अधिकारी कर्मचारी यांनी देवाण -घेवाण करून हजारो ब्रास रेती उपसा करू दिल्याचे दिसून येत आहे. एटापल्ली वनपरिक्षेत्र कार्यालयं अंतर्गत येत असलेल्या अधिकाऱ्यांनी जाणीव पूर्वक दुर्लक्ष केले असल्याचे दिसून येते, त्यामुळें यास सर्व जबाबदार वनरक्षक, वनपाल वन परीक्षेत्र अधिकारी एटापल्ली यांचे कडून अवैध रेती उत्तखंनंन ची रक्कम या सर्वांच्या सेवा पुस्तकात नोंद करून पगारातून वसुल करावेत व या सर्व जबाबदार अधिकारी, कर्मचारी यांना तात्काळ निलंबित करण्यात यावे, महसूल विभागाच्या रेट नुसार ५ पट दंड आकारून संबंधित कंत्राटदार यांचे कडून तात्काळ रक्कम वसूल करण्यात यावे, या मागणी साठी आज दिनांक.27/06/2024 पासून मुख्य वनसंरक्षक कार्यालय गडचिरोली समोर बेमुदत ठिय्या आंदोलनाला बसले आहेत तसे निवेदन योगाजी कुडवे अध्यक्ष आदर्श समाज विकास सेवा संस्था /सामाजिक कार्यकर्ता यांनी मुख्यमंत्री,महाराष्ट्र राज्य. ,उप मुख्यमंत्री महाराष्ट्र राज्य ,सुधीर मुनगंटीवार वनमंत्री म .रा. यांना पाठविले आहे

I, Dr. नामदेव किरसान, म्हणत खासदार डॉ. नामदेव किरसान यांनी इंग्रजीतून घेतली लोकसभा सदस्यत्वाची शपथ

गडचिरोली - चिमूर लोकसभा क्षेत्र अस्तित्वात आल्यापासून इंग्रजी मध्ये सदस्यत्वाची शपथ घेणारे पहिलेच खासदार 

गडचिरोली :: 18 व्या लोकसभेच्या पहिल्या अधिवेशनाला दिल्ली येते सुरुवात झाली असून, नवनिर्वाचित खासदारांचा शपथविधी नवी दिल्ली येथील संसदेत लोकसभेच्या सभागृहात पार पडले. 

I, Dr. नामदेव किरसान, म्हणत 12 - गडचिरोली -चिमूर लोकसभा क्षेत्राचे नवनिर्वाचित लोकप्रिय खासदार डॉ. नामदेव किरसान यांनी इंग्रजीतून लोकसभा सदस्यत्वाची शपथ घेतली. 

 प्रोटेम स्पीकर महताब भरतूहारी यांनी लोकसभेतील सर्व नवनिर्वाचित खासदारांना शपथ दिली. विशेष बाब म्हणजे गडचिरोली - चिमूर लोकसभा क्षेत्र अस्तित्वात आल्यापासून इंग्रजी मध्ये सदस्यत्वाची शपथ घेणारे आणि इंग्रजी, हिंदी, मराठी भाषेवर चांगला प्रभूत्व असणारे डॉ. नामदेव किरसान हे पहिलेच खासदार आहे.

काँग्रेस पक्षाचे आदिवासी आघाडीचे गडचिरोली जिल्हाध्यक्ष म्हणून हनमंतु गंगाराम मडावी यांची फेरनियुक्ती

गडचिरोली: आल्लापल्ली येथील सेवाभावी ,काँग्रेस पक्षाचे ज्येष्ठ नेते आणि सेवानिवृत्त वन अधिकारी हनमंतु गंगाराम मडावी यांची काँग्रेस पक्षाचे आदिवासी आघाडी विभागाचे जिल्हाध्यक्ष म्हणून फेरनियुक्ती आघाडीचे प्रदेश अध्यक्ष सुरेश चिंचोळकर यांनी 22 जून रोजी केली आहे.

मागील वर्षी डिसेंबर महिन्यात मडावी यांनी माजी जि.प.अध्यक्ष अजयभाऊ कंकडालवार यांचेसमवेत काँग्रेसचे युवा नेते व राज्याचे विरोधी पक्षनेते ना.विजयभाऊ वडेट्टीवार यांच्यावर विश्वास दाखल करून आपल्या समर्थकांसह भारतीय राष्ट्रीय  काँग्रेस पक्षात रितसर प्रवेश केले होते.काँग्रेस पक्षात प्रवेशानंतर पक्षाचे  हायकमांडने कंकडालवार यांची अहेरी विधानसभा समन्वयक म्हणून तर मडावी यांची आदिवासी आघाडीचे जिल्हाध्यक्ष म्हणून नियुक्ती केले होते.

अजयभाऊ कंकडालवार व हनमंतु मडावी या दोन्ही नेत्यांचे पक्षप्रवेश व नियुक्तीचे फलित लोकसभा निवडणुकीत अहेरी विधानसभा क्षेत्रात मविआ व काँग्रेसचे उमेदवार डॉ.किरसान यांना मिळालेल्या भारी लीडमधून सगळ्यांनाच पाहायला मिळाली.असे असतांना सुद्धा पक्षातील अंतर्गत गटबाजीमुळे आदिवासी आघाडीचे जिल्हाध्यक्ष म्हणून दुसऱ्या एका कार्यकर्त्यांची निवड झाल्याची माहिती सामाजिक माध्यमांवर प्रसारित झाल्याने याबद्दल मडावी समर्थकांमध्ये नाराजी पसरली होती.

एकाच पदाचे दोन दोन जिल्हाध्यक्ष निवडीबद्दलची तक्रार राज्याचे विरोधी पक्षनेते यांच्या कानावर पडताच त्यांनी लगेच याविषयी पक्षश्रेष्टींसोबत चर्चा करून परत आल्लापल्ली येथील हनमंतु गंगाराम मडावी यांच्या नावाने आदिवासी आघाडीचे जिल्हाध्यक्ष म्हणून फेरनियुक्ती करायला भाग पाडले.

काँग्रेस पक्षाचे आदिवासी आघाडीचे जिल्हाध्यक्ष म्हणून फेर नियुक्ती झाल्याबद्दल हनमंतु मडावी यांनी राज्याचे विरोधी पक्षनेते ना.विजयभाऊ वडेट्टीवार, आघाडीचे प्रदेश अध्यक्ष सुरेश चिंचोळकर,जि.प.माजी अध्यक्ष अजयभाऊ कंकडालवार,ऍड.राम मेश्राम,ज्येष्ठ नेते हसनभाई गिलानीसह  पक्षाचे पदाधिकारी व कार्यकर्त्यांचे आभार मानले.

जिल्ह्यात पाटबंधारे विभागांतर्गत सुरू असलेले बंधाऱ्यांचे बांधकाम नित्कृष्ट दर्जाचे, माजी जिल्हा परिषद अध्यक्ष अजय कंकडालवार यांनी केली चौकशी मागणी 

गडचिरोली : जिल्ह्यात पाटबंधारे विभागाअंतर्गत  सुरू असलेले बंधाऱ्याचे बांधकाम हे निकृष्ट दर्जाचे होत आहे. जिल्ह्यात सुरू असलेल्या या बांधकामाबाबत काही नागरिकांनी माजी जिल्हा परिषद अध्यक्ष अजयभाऊ कंकडालवार यांच्या निदर्शनास आणून दिले. कंकडालवार यांनी हे काम निकृष्ट दर्जाचे होत असल्याची शहानिशा केली असून या कामांची पूर्ण चौकशी करण्यात यावी अशी मागणी त्यांनी प्रसिद्धी पत्रकाद्वारे केली आहे. 

झालेल्या कामापैकी अनेक कामे तीन वर्षांपूर्वीची आहेत. त्या कामांची आणि सध्या चालू असलेल्या बांधकामात मोठा भ्रष्टाचार होत आहे. तीन वर्षापूर्वी बांधलेले काही बंधारे पहिल्याच पावसात वाहून घेले तर काही बंधारे क्रॅक झाले आहे. प्रशासनाचे यावर कोणतेही लक्ष नाही. त्याकरिता तीन वर्षापूर्वी झालेले सर्व बंधाऱ्यांच्या कामांची आणि सध्या चालू असलेल्या बंधाऱ्यांच्या बांधकामांची संपूर्ण चौकशी करावी, अन्यथा पाटबंधारे कार्यालयासमोर लोकशाही पद्धतीने आंदोलन करण्यात येईल, असा इशारा अजय कंकडालवार यांनी दिला आहे. 

पाटबंधारे विभाग, लघुपाटबंधारे विभागामार्फत महाराष्ट्र शासनाने मंजूर केलेल्या कोट्यवधीच्या बंधाऱ्यांच्या कामांचा नित्कृष्ट दर्जा आहे. शासनाच्या नियमानुसार बरोबर खोलीकरण होत नाही. जिल्ह्यातील सर्व बंधाऱ्यांच्या बांधकामाची चौकशी करण्याची मागणी काँग्रेसचे नेते व माजी जि.प.अध्यक्ष तथा अहेरी बाजार समितीचे सभापती अजय कंकडालवार यांनी प्रसिद्धी पत्रकाद्वारे केली आहे

पत्रकार संजय पडोळे यांना जीवे मारण्याची धमकी

सावली तालुक्यातील पत्रकार संघातर्फे निषेध

‘त्या‘कॉंग्रेस नेत्याविरूदध कारवाई करा - मागणीचे निवेदन प्रशासनाला सादर

मूल येथील तालुका पत्रकार संघाचे जेष्ठ सदस्य आणि दै.पुण्यनगरीचे प्रतिनिधी,व्हॉईस ऑफ मिडियाचे जिल्हाध्यक्ष संजय पडोळे यांना कॉंग्रेसच्या एका नेत्याने जीवे मारण्याची आणि परिवाराला संपविण्याची धमकी देण्यात आली.त्या घटनेचा सावली तालुक्यातील सर्व पत्रकार संघातर्फे निषेध करण्यात आला. याबाबत तीनही पत्रकार संघाची तातडीची सभा घेण्यात आली.त्यात निषेधाचा ठराव घेण्यात आला. आणि धमकी देणारे कॉंग्रेसचे नेते प्रकाश मारकवार यांच्या विरूदध कडक कारवाई करण्यात यावी अशी मागणीही करण्यात आली. या मागणीचे निवेदन सावली येथील तहसिलदार आणि पोलिस निरिक्षक यांना देण्यात आले. पुण्यनगरी मध्ये प्रसिदध झालेल्या एका बातमीच्या संदर्भात कॉंग्रेसचे नेते प्रकाश मारकवार यांनी संजय पडोळे हे आपल्या कर्तव्यावर असताना भ्रमणध्वनी वरून जीवे मारण्याची धमकी आणि परिवाराला संपविण्याची भाषा वापरली. एखादया बातमीच्या संदर्भात वृत्तपत्राच्या बातमीदाराला धमकी देणे म्हणजे वृत्तपत्राच्या स्वातंत्र्यांची पायमल्ली करण्यासारखे आहे. प्रत्येक बातमीदाराला आपआपल्या प्रकारे लिखाणाचे स्वातंत्र्य आहे.हे स्वातंत्र्य कोणी हिरावून घेत असेल तर ते खपवून घेतले जाणार नाही.हे अशोभनीय कृत्य आहे. लोकशाहीचा चौथा स्तंभ असलेल्या वृत्तपत्राच्या प्रतिनिधींना संरक्षण मिळालेच पाहिजे,अशा आशयाचा ठराव तीनही पत्रकार संघातर्फे घेण्यात आला.व्यक्ती कोणीही आणि कोणत्याही पक्षाचा का असेना त्याचा निषेध झालाच पाहिजे असे मत उपस्थित पदाधिका-यांनी आणि सदस्यांनी व्यक्त केले. या घटनेचा निषेध करून प्रकाश मारकवार यांच्या विरूदध प्रशासनाने कडक कारवाई करावी अशी मागणी यावेळी करण्यात आली.मागणीचे एक निवेदन सावलीचे तहसिलदार प्रांजली चीरडे आणि पोलिस निरिक्षक जीवन राजगुरू यांना देण्यात आले. निवेदन देताना मराठी पत्रकार संघाचे अध्यक्ष सूरज बोम्मावार , व्हॉईस ऑफ मीडियाचे अध्यक्ष प्रवीण झोडे,ग्रामीण पत्रकार संघाचे अध्यक्ष अनिल गुरनुले,प्रा.शेखर प्यारमवार,प्रा.विजय गायकवाड,चंद्रकांत गेडाम, डॉ.कवठे,गोपाल रायपुरे,विजय कोरेवार,नासीर अन्सारी, गिरीश चीमुरकर,सुजित भसारकर,सौरव गोहने,प्रवीण गेडाम इत्यादी सदस्यगण उपस्थित होते.

बॉक्स

पत्रकार संजय पडोळे यांनी सावली पोलिस स्टेशन मध्ये तक्रार दाखल केली.याबाबत चौकशी सुरू झालेली असून या बाबत दोन्ही पक्षा कडून त्यांचे बयान नोंदविलेले असून याबाबत कारवाई करणार असल्याची माहिती ठाणेदार राजगुरू यांनी शिष्टमंडळाला दिली

*मतदार यादीचा संक्षिप्त पुनरिक्षण कार्यक्रम घोषित*

घरोघरी भेटी देवून मतदार यादीची तपासणी करणार

मतदारांनी विहित मुदतीत मतदार नोंदणी करावी – जिल्हाधिकारी

गडचिरोली, दि. 25 - भारत निवडणूक आयोगाकडून मतदार यादीचा संक्षिप्त पुनरिक्षण कार्यक्रम घोषित करण्यात आला असून सदर कार्यक्रमाअंतर्गत मतदान केंद्रस्तरीय अधिकारी (बीएलओ) 25 जून ते 24 जुलै या कालावधीत घरोघरी भेटी देऊन मतदार यादीची तपासणी करणार आहे. जे मतदार 18 वर्षाचे झाले आहेत, अशा पात्र मतदारांचे नमुना क्र.6 भरुन नवीन नोंदणी करणे, मतदार यादीत मृत मतदार, दुबार मतदार व जे मतदार स्थलांतरीत झाले, अशा मतदारांचे नाव मतदार यादीतून कमी करून मतदार यादीतील त्रुटया दूर करण्यात येणार आहे. 

विधानसभा निवडणूकीच्या अनुषंगाने आवश्यकतेनुसार मतदान केंद्राच्या नावात बदल, ठिकाणात बदल, पत्यात बदल करुन घेता येईल. उपरोक्त सर्व दुरुस्तीसह 25 जुलै रोजी एकत्रीकृत मतदार यादी प्रसिध्द करण्यात येईल. 25 जुलै ते 9 ऑगस्ट या कालावधीत प्रसिध्द केलेल्या मतदार यादीवर दावे व हरकती सादर करता येईल. याच कालावधीत शनिवार आणि रविवार विशेष शिबिर आयोजित करण्यात येईल. विशेष शिबिराच्या दिवशी मतदान केंद्रस्तरीय अधिकारी मतदान केंद्रावर उपस्थित राहून कार्यालयीन वेळेत नमुना क्र. 6. 7 आणि 8 स्वीकारतील व दि. 19 ऑगस्ट पर्यंत आलेल्या सर्व अर्जावर निर्णय घेऊन दावे व हरकती निकाली काढण्यात येऊन 20 ऑगस्ट रोजी अंतिम मतदार यादी प्रसिध्द करण्यात येईल. 

तरी मतदारांनी आपले नाव आवश्यक कागदपत्रासह नमुना क्र. 6 भरुन विहीत मुदतीत मतदार नोंदणी अधिकारी, सहा. मतदार नोंदणी अधिकारी, मतदार मदत केंद्र, मतदान केंद्रस्तरीय अधिकारी यांच्याकडे सादर करावे, असे आवाहन जिल्हाधिकारी संजय दैने यांनी केले आहे. 

सिरोंचात BSNL नेटवर्क समस्या तात्काळ दुर करा ; अन्यथा रस्त्यावर उतरू...!

 सागर मूलकला यांनी दिला आंदोलनाचा इशारा...!

सिरोंचा - तालुक्यातील भारत संचार निगम लिमिटेड ( BSNL) विभागाकडून गेल्या अनेक महिन्यापासून तळ्यात - मळ्यात नेटवर्क येण्या - जाणं सुरू आहे, 

         सिरोंचा तालुक्यातील मुख्यालयसह ग्रामीण भागात बी,एस,एन,एल, टॉवर उभारून अनेक वर्षे होत आहे, तरीपण बीएसएनएल नेटवर्कची प्रतिक्षेत मोबाईल धारकांची वाट सुरूच आहे,

               तालुका मुख्यालयात ग्रामीण भागातून नागरिक विविध कार्यालयातील कामासाठी प्रत्येक दिवशी येत असतात अशातच तालुका मुख्यालयात बी,एस,एन,एल नेटवर्क तळ्यात- मळ्यात नेटवर्क सुरू असल्याने अनेक नागरिकांचे कार्यालयातील कामे करणे मोठी समस्या निर्माण होत आहे, 

मुख्यालयातील बँक ऑफ इंडिया, को-ऑपरेटिव्ह बँक, विदर्भ कोकण ग्रामीण बँक, असे विविध बँकेत नेटवर्क नसल्याने बँकेतील कामे करणे नागरिकांना मोठी समस्या निर्माण होत आहे,

             तालुक्यातील नागरिकांनी बीएसएनएल विभागाला अनेकदा या समस्येबाबत तक्रार करूनही तालुक्यात बीएसएनएल नेटवर्क

समस्या दूर होत नाही,

नेटवर्क नसल्याने जवळच्या तेलंगाना राज्यात जाऊन ऑनलाईनचे अनेक कामे करावा लागत आहे, ही तालुक्यासाठी गंभीर आणि अन्यायकारक आहेत,नेटवर्क समस्येमुळे तालुक्यातील नागरिकांसह शाळेकरी विद्यार्थ्यांनाही मोठी नुकसान होत आहे आहे, 

बी,एस,एन,एल नेटवर्क समस्या बाबत संबंधित विभागाचे अधिकाऱ्यांनी तात्काळ तळ्यात- मळ्यात वारंवार येण्या - जाण्या करणाऱ्या नेटवर्क समस्या दूर करण्यात यावी, अन्यथा राष्ट्रवादी काँग्रेस शरदचंद्र पवार पक्षाच्या वतीने तीव्र आंदोलन छेडण्यात येईल असे इशारा पक्षाचे तालुका उपाध्यक्ष सागर भाऊ मुलकला यांनी सोशल मीडियाचा माध्यमातून इशारा देण्यात आला आहे,

 
बोटीला कोणतेही नुकसान नाही
गोसीखुर्द जलाशय भूमिपूजन कार्यक्रमातील घटनेबाबत वस्तुस्थिती
  
 
भंडारा, दि. २४ : भंडारा जिल्हा येथे आज मुख्यमंत्री एकनाथ शिंदे यांच्या हस्ते गोसीखुर्द या जागतिक दर्जाच्या जल पर्यटन प्रकल्पाचे भूमिपूजन करण्यात आले. या कार्यक्रमादरम्यान जल पर्यटनाची प्रात्यक्षिके आयोजित करण्यात आली होती. त्यावेळी मुख्यमंत्री श्री. शिंदे यांनी जलसफर करण्याची इच्छा व्यक्त केली. त्यावेळेस नाशिक बोट क्लब येथील दोन बोटी आणल्या होत्या. त्यातील एका बोटीमध्ये मुख्यमंत्री श्री.शिंदे, जिल्हाधिकारी योगेश कुंभेजकर यांच्यासह आठ जण होते. तर दुसऱ्या बोटीमध्ये पत्रकार होते. या बोटीचे वाहक गोविंद खवणेकर होते.

बोट सफर करताना मुख्यमंत्री श्री. शिंदे यांनी प्रतिकात्मक म्हणून स्वतः बोट चालवण्याची इच्छा व्यक्त केली. मुख्यमंत्री बोट चालवतानाचे क्षण टिपण्यासाठी दुसऱ्या बोटीतील सर्व पत्रकार एकदम बोटीच्या पुढील भागात आले. बोट चालक श्री. खवणेकर यांनी सर्व पत्रकारांना एका बाजूला न जाण्याची आणि बसण्याची वारंवार विनंती केली. मात्र, पत्रकारांनी त्याकडे दुर्लक्ष केले. त्यामुळे सर्व पत्रकारांचे वजन पुढील एका बाजूस झाल्यामुळे बोटीचा पुढचा भाग थोडासा पाण्यात गेला. बोट एका बाजूला गेल्यामुळे बोटीतील बसण्याचा भाग जो बोटीला स्क्रूने फिट केलेला असतो तो ओढला गेला व सोफासेट पाण्यात पडला. घटनेमध्ये प्रसंगावधान राखून बोटीचे चालक श्री. खवणेकर यांनी सर्व पत्रकारांना व्यवस्थित बोटमध्ये बसवले आणि बोट पूर्ववत झाली.

त्यादरम्यान या कार्यक्रमासाठी महामंडळाद्वारे सुरक्षेसाठी जेटस्की आणि जिल्हा प्रशासनातर्फे रेस्क्यू टीम तैनात केली होती. ते सर्व काही क्षणात आले आणि पत्रकारांना कार्यक्रमस्थळी नेले. या घटनेच्या वेळी मुख्यमंत्री स्वतः घटनाग्रस्त बोटीकडे गेले आणि त्यांनी निश्चित केले की बोट आणि सर्व प्रवासी सुखरूप आहेत. या घटनेमध्ये कोणालाही कोणत्याही प्रकारची दुखापत झाली नाही. कोणतीही व्यक्ती पाण्यात पडली नाही. बोटीला कोणतेही नुकसान झालेले नाही. सबब घटनेनंतर माध्यमांमध्ये प्रसिद्ध झालेले वृत्त ‘बोटीचे तुकडे झाले, बोट बुडाली’ हे पूर्णपणे चुकीचे असल्याचे डॉ.सारंग कुलकर्णी, महाव्यवस्थापक तथा मुख्य प्रशिक्षक, एमटीडीसी यांनी कळवले आहे.

माओवाद्यांच्या अस्तित्वाला खिंडार…

उपविभाग भामरागड अंतर्गत उपपोस्टे लाहेरी हद्दीतील पाच (05) गावांनी केली माओवाद्यांना गावबंदी 

 गडचिरोली:माओवादाचे समुळ उच्चाटन करण्यासाठी शासन विविध योजना राबवित असते. सन 2003 पासून शासनामार्फत नक्षल गावबंदी योजना सुरु करण्यात आली आहे. या योजनेच्या अनुषंगाने गडचिरोली पोलीस दलामार्फत पोलीस दादालोरा खिडकिच्या माध्यमातून प्रोजेक्ट उडान अंतर्गत पुरविण्यात आलेल्या विविध शासकिय योजनांच्या लाभामुळे यापूर्वी दिनांक 14/06/2024 रोजी उपविभाग भामरागड अंतर्गत पोस्टे धोडराज येथे घेण्यात आलेल्या कृषी मेळाव्यामध्ये हद्दीतील परायणार, नेलगुंडा, कुचेर, कवंडे, गोंगवाडा, मिळदापल्ली व महाकापाडी या सात (07) गावातील नागरिकांनी एकत्रितपणे येऊन सर्वानूमते नक्षल गावबंदी करुन त्याबाबतचा ठराव प्रभारी अधिकारी पोस्टे धोडराज यांना सादर केला होता. त्यानंतर मौजा भटपार गावक­यांनीही माओवाद्यांना गावबंदी करुन कुकरमध्ये ठेवलेल्या आयडी सदृश वस्तू, वायर, बॅटर व सलाखी (Spikes) पोस्टे धोडराज येथे दिनांक 20/06/2024 रोजी जमा केल्या होत्या. त्यात आणखी एक भर म्हणून गडचिरोली विभागीय समितीचा प्रभारी व सचिव, जहाल माओवादी, डिकेएसझेडसीएम गिरीधर तुमरेटी याने सहपत्नी ललीता चैतु उसेंडी (डिव्हीसीएम भामरागड दलम) सह दिनांक 22/06/2024 रोजी मा. उपमुख्यमंत्री तथा गृहमंत्री म. रा. श्री. देवेंद्र फडणवीस यांचे समोर आत्मसमर्पण केले. त्यामुळे माओवाद्यांचा बालेकिल्ला समजला जाणा­या भामरागड व अबुझमाड जंगल परिसरातच त्यांच्या अस्तित्वाला खिंडार पडले आहे.

सविस्तर वृत्त असे आहे की, माओवादाचे समुळ उच्चाटन करण्यासाठी शासन विविध योजना राबवित असते. सन 2003 पासून शासनामार्फत नक्षल गावबंदी योजना सुरु करण्यात आली आहे. या योजनेच्या अनुषंगाने गडचिरोली पोलीस दलामार्फत पोलीस दादालोरा खिडकिच्या माध्यमातून प्रोजेक्ट उडान अंतर्गत पुरविण्यात आलेल्या विविध शासकिय योजनांच्या लाभामुळे आज दिनांक 24/06/2024 रोजी उपविभाग भामरागड अंतर्गत उपपोस्टे लाहेरी हद्दीतील मोरडपार, आलदंडी, कोयर, गोपणार व मुरुंगल या पाच (05) गावातील नागरिकांनी एकत्रितपणे येऊन सर्वानूमते नक्षल गावबंदी करुन त्याबाबतचा ठराव प्रभारी अधिकारी उपपोस्टे लाहेरी यांना सादर केला.  

वरील पाच ही गावे गडचिरोली जिल्ह्राच्या शेवटच्या टोकावर स्थित असून माओवाद्यांचा बालेकिल्ला समजल्या जाणा­या अबुझमाड परिसराच्या अगदी जवळ असल्याने या गावांमध्ये माओवाद्यांचे वर्चस्व होते. तसेच गावातील काही सदस्यांचा माओवाद्यांना पाठिंबा होता. त्यामुळे जिल्हा प्रशासन व पोलीस प्रशासनास त्यांच्यापर्यंत पोहचण्यास अडचणी येत होत्या. त्यामुळे येथील नागरिक हे शासनाप्रती उदासीन होते. परंतू मागील तीन वर्षामध्ये गडचिरोली पोलीस दल पोलीस दादालोरा खिडकिच्या माध्यमातून प्रोजेक्ट उडान अंतर्गत विविध जनजागरण मेळावे, दिव्यांग मेळावे, कृषी सहली, कृषी मेळावे, आरोग्य मेळावे, महिला मेळावे इ. च्या माध्यमातून येथील गावक­यांपर्यंत शासनाच्या विविध योजना पोहचविण्यात यशस्वी झाल्याने पोलीस दलाच्या प्रती येथील गावक­यांचा विश्वास दृढ झाला. यासोबतच माओवाद्यांकडून करण्यात आलेली जाळपोळ व इतर साहित्यांचे केलेले नुकसान, माओवाद्यांकडून पोलीस खब­या असल्याच्या संशयावरुन करण्यात आलेल्या निष्पाप गावक­यांच्या हत्या व मारहाण, नुकसानीच्या विविध घटना, गावांच्या विकास कामात करण्यात येणारा अडथळा, जनतेला दाखविण्यात येणारा धाक इ. घटनांमुळे माओवादी हे जनतेची दिशाभूल करत आहेत हे गावक­यांच्या लक्षात आले. त्याचाच परिपाक म्हणून आज दिनांक 24/06/2024 रोजी उपविभाग भामरागड अंतर्गत उपपोस्टे लाहेरी हद्दीतील वरील पाच (05) गावातील गावक­यांनी हा नक्षल गावबंदी ठराव संमत केला तसेच यापूढे गावामार्फत कोणत्याही माओवादी संघटनेस जेवन/राशन/पाणी देणार नाही, त्यांना कसल्याही प्रकारची मदत करण्यात येणार नाही, गावातील नागरिक स्वत: किंवा त्यांच्या मुलाबाळांना माओवादी संघटनेत सहभागी होऊन कोणत्याही प्रकारचे काम करणार नाही किंवा त्यांची ट्रेनिंग करणार नाही, माओवाद्यांच्या मिटींगला जाणार नाही तसेच माओवाद्यांना खोट¬ प्रचारास बळी पडणार नाही असे सांगितले. यावेळी वरील पाचही गावातील नागरिकांनी माओवाद्यांनी पोलीस पथकाला नुकसान पोहचविण्याच्या उद्देशाने जंगलात लपवून ठेवलेले पाच भरमार बंदूक तसेच जंगलात खड्डे करुन त्यात पुरुन ठेवलेले धारदार लोखंडी 200 ते 300 सलाखे  काढून आणून पोलीस दलाकडे सुपूर्द केली.

यासोबतच पोस्टे धोडराज हद्दीतील मौजा नेलगुंडा या गावातील नागरिकांनी दिनांक 14/06/2024 रोजी गावात नक्षल गावबंदी केल्याचा ठराव पोस्टे धोडराज येथे सादर केला होता. त्यामुळे आज येथील गावक­यांनी पोस्टे धोडराज हद्दीत सुरक्षा रक्षक दलांना नूकसान पोहचविण्याच्या उद्देशाने जंगलात खड्डे करुन त्यात पुरुन ठेवलेले 450 सलाखे व कुकरमध्ये ठेवलेल्या आयडी सदृश वस्तू पोस्टे धोडराज येथे जमा केले.

सदरची कार्यवाही यशस्वीरित्या पार पाडण्यास उपविभागीय पोलीस अधिकारी भामरागड श्री. अमर मोहिते, उपपोस्टे लाहेरी येथील प्रभारी अधिकारी श्री. संतोष काजळे, पोउपनि. प्रशांत डगवार, पोउपनि. सचिन सरकटे, पोउपनि. आकाश पुयड व पोस्टे धोडराज येथील प्रभारी अधिकारी श्री. शरद काकळीज, पोउपनि. अमोल सुर्यवंशी यांनी महत्वाची भूमिका बजावली. सदर नक्षल गावबंदी ठराव करणा­या पाच गावातील नागरिकांचे पोलीस अधीक्षक श्री. नीलोत्पल यांनी अभिनंदन केले असून, अबुझमाड जंगल परिसरातील इतर गावातील नागरिकांनीे माओवाद्यांच्या खोट¬ा प्रचाराला बळी न पडता स्वत:च्या व गावाच्या विकासासाठी प्रयत्नशिल राहावे. गडचिरोली पोलीस दल सदैव तुमच्या पाठीशी असून गडचिरोली जिल्ह्रास माओवादी मुक्त जिल्हा करण्यात अशाच प्रकारची मदत करावी असे आवाहन त्यांनी केले.

गडचिरोली पोलीसांनी विविध ठिकाणच्या कार्यवाहित केला अवैध दारुसह एकुण 32,95,170/- रुपयांचा मुद्देमाल जप्त

स्थानिक गुन्हे शाखा, गडचिरोली व पोलीस उप-मुख्यालय प्राणहिता (अहेरी) यांच्या संयुक्त कार्यवाहित अतिसंवेदनशिल नैनगुंडम गावात अवैध दारुसह एकुण 12,26,000/- रुपयांचा मुद्देमाल जप्त 

पोस्टे अहेरी पथकाने केला वाहनासह एकुण 10,76,000/- अवैध दारुचा मुद्देमाल जप्त

अपर पोलीस अधीक्षक अहेरी (प्राणहिता) पथकाने दोन विविध ठिकाणच्या कार्यवाहीत केला 9,93,170/- रुपये किंमतीचा अवैध दारुसाठा जप्त

चार विविध गुन्ह्रात एकुण 05 आरोपीतांना घटनास्थळावरुन घेतले ताब्यात 

गडचिरोली जिल्हा हा दारुबंदी जिल्हा असल्याने येथील दारु तस्करी करणारे ईसम पोलीसांची दिशाभुल करण्याच्या उद्देशाने वारंवार नविन क्लृप्त्या करीत असतात. माओवाददृष्ट¬ा अतिसंवेदनशिल गावात दारु माफिया हे गोर गरीब आदिवासी जनतेची दिशाभूल करुन तसेच त्यांना पैशाचे आमिष दाखवुन त्यांचे राहते घरात दारुची अवैध साठवणुक करुन ठेवत असल्याचा प्रकार गडचिरोली पोलीस दलाच्या निदर्शनास आल्याने गडचिरोली पोलीस दलाने आक्रमक पवित्रा घेत चार विविध ठिकाणी प्रोव्ही रेड करत वाहनासह अवैध दारुचा एकुण 33,22,980/- रुपयांचा मुद्देमाल जप्त केला.  

सविस्तर वृत्त असे आहे की, अहेरी तालुक्यातील उपपोस्टे दामरंचा हद्दीतील माओवाददृष्ट¬ा अतिसंवेदनशिल नैनगुंडम या गावात काल दिनांक 23/06/2024 रोजी दुपारी 15.00 वा. दरम्यान गोपनिय बातमीदारांकडून उपपोस्टे रेपनपल्ली हद्दीतील मौजा कमलापुर येथे राहणारा ईसम नामे पुरुषोत्तम हनमलवार याने मौजा नैनगुंडम गावातील आपले साथीदार संतोष भिमा सिडाम व गणेश सालय्या आलाम यांच्या मदतीने संतोष सिडाम याचे राहते घरी अवैधरित्या मोठ¬ा प्रमाणात देशी दारु व काळ्या गुळाची साठवणुक करुन ठेवली असल्याबाबतची खात्रिशीर माहिती प्राप्त झाली. सदर माहितीवरुन मा. वरिष्ठांच्या आदेशाने व मार्गदर्शनाखाली स्था.गु.शा. पोलीस पथकाचे दोन टिम व प्राणहीता अहेरी येथील पोलीस अधिकारी व अंमलदार यांची एक टिम तयार करुन गोपनियरित्या प्रोव्ही रेड कार्यवाही करीता रवाना केले. सदर पोलीस पथकांनी मौजा नैनगु्ंडम गावातील संतोष सिडाम याचे राहते घरी जावुन प्रोव्ही रेड केली असता, त्याचे घरात देशी दारुच्या 142 पेट¬ा - किंमत 11,36,000 रुपये, काळ्या गुळाच्या 75 पेट¬ा - किंमत 90,000 रुपये, असा एकुण 12,26,000/- रुपयांचा अवैध मुद्देमाल मिळून आल्याने सदरचा मुद्देमाल घटनास्थळावरुन जप्त करण्यात आला. तसेच ईसम नामे संतोष सिडाम व गणेश आलाम यांना ताब्यात घेण्यात आले. सदर गुन्ह्रातील मुख्य आरोपी पुरुषोत्तम हनमलवार हा कार्यवाहीची चाहुल लागल्याने फरार झाल्याचे आढळुन आले. पोलीस पथकाद्वारे त्याचा शोध घेणे सुरु आहे.

यासोबतच चंद्रपूर जिल्ह्रातून पोस्टे अहेरी हद्दीत अवैधरित्या दारु तस्करी होत असल्याबाबच्या गोपनिय माहितीवरुन काल दिनांक 23/06/2024 रोजी अहेरी पोलीसांनी मौजा बोटलाचेरु गावाजवळ सापळा रचून संशयीत वाहन थांबवून सदरचे वाहन चेक केले असता, त्यात रॉयल स्टॅग विदेशी दारुच्या 06 पेट¬ा (विक्री किंमत 1,08,000/- रु.) रॉकेट संत्रा देशी दारुच्या 04 पेट¬ा (विक्री किंमत 32,000/-) रुपयांचा मुद्देमाल मिळून आला. वाहन चालक नामे मोहम्मद इलीयास शेख रा. बालाजी वार्ड चंद्रपूर यास ताब्यात घेऊन विचारपूस केली असता, त्याने किशोर सुर्यभान डांगरे रा. आलापल्ली यास दारुचा पुरवठा करित असल्याचे सांगितले. आरोपींकडुन देशी विदेशी दारु, मोबाईल व टाटा व्हीस्टा वाहन क्र. एच एच 33 ए 3793 वाहनासह एकुण 4,10,000/- रुपयांचा मुद्देमाल जप्त करुन दोन्ही आरोपीविरुद्ध दारुबंदी कायद्यांन्वये पोस्टे अहेरी येथे गुन्हा नोंद करण्यात आला आहे. 

तसेच आज दिनांक 24/06/2024 च्या रात्री पोस्टे अहेरी येथील पोलीस पथक नाईट गस्त ड¬ुटी करित असतांना रस्त्याच्या कडेला थांबलेल्या एका संशयित महिंद्रा पिकअप वाहन क्र. एम एच 38 एक्स 3055 वाहनाजवळ जाऊन विचारपूस केली असता, वाहनातील चालक हा पोलीसांना पाहून पळुन गेला. त्यानंतर सदर वाहनाची तपासणी केली असता त्यात रॉकेट संत्रा देशी दारुच्या 68 पेट¬ा (विक्री किंमत 4,76,000/- रु.) मिळून आल्याने वाहनासह एकुण 10,76,000/- रु. किंमतीचा मुद्देमाल जप्त करुन अज्ञात वाहन चालकाविरुद्ध पोस्टे अहेरी येथे दारुबंदी कायद्यान्वये गुन्हा नोंद करण्यात आला आहे. 

तसेच आज दिनांक 24/06/2024 रोजी गोपनिय बातमिदाराकडून उपपोस्टे रेपनपल्ली हद्दीतील मौजा लिंगमपल्ली गावाजवळील लिंगमपल्ली टोला येथे अवैध दारु विक्री होत असल्याबाबतच्या मिळालेल्या गोपनिय माहितीच्या आधारावर अपर पोलीस अधीक्षक अहेरी (प्राणहिता) पोलीस पथकाने सदर ठिकाणी छापा टाकला असता, 1) गंगाराम बकय्या नेरला व 2) नागेश सोमा नेरला दोघेही रा. लिंगमपल्ली तह. अहेरी हे अवैध दारु विक्री करित असतांना मिळून आल्याने त्यांच्या ताब्यातून आयएमएफएल (क्ष्ग्क़ख्र्) विदेशी दारुचे 38 बॉक्स व देशी दारुच्या 20 पेट¬ा असे एकुण 58 बॉक्स अंदाजे किंमत 5,83,170/- रुपयांचा अवैध मुद्देमाल जप्त करण्यात आला व दोन्ही आरोपीस ताब्यात घेण्यात आले. अशा चार विविध ठिकाणी प्रोव्ही रेड करत गडचिरोली पोलीस दलाने वाहनासह अवैध दारुचा एकुण 33,22,980/- रुपयांचा मुद्देमाल जप्त केला.  

 सदरच्या विविध कारवाया पोलीस अधीक्षक गडचिरोली श्री. नीलोत्पल, अपर पोलीस अधीक्षक (प्रशासन) श्री. कुमार चिंता, अपर पोलीस अधीक्षक (अभियान) श्री. यतिश देशमुख, अपर पोलीस अधीक्षक अहेरी श्री. एम. रमेश यांचे मार्गदर्शनाखाली उपविभागीय पोलीस अधिकारी अहेरी श्री. अजय कोकाटे, पोनि. स्थागुशा श्री. उल्हास भुसारी, पोस्टे अहेरी प्रभारी अधिकारी पोनि. दशरथ वाघमोडे, सपोनि. राहुल आव्हाड, पोउपनि. राजू गवळी, पोउपनि. विजय सपकाळ, मपोउपनि. सरीता मरकाम, मपोउपनि. करुणा मोरे, परिपोउपनि. संकेत सानप व त्यांच्या पथकातील पोलीस जवानांनी केलेली आहे.

अहेरी येथे 33 के. व्ही. वीज उपकेंद्राचे भूमिपूजन

अहेरी व परिसरातील विजेची समस्या दूर होणार

ना. धर्मराव बाबा आत्राम यांच्या हस्ते भूमिपूजन

अहेरी:- येथील पॉवर हाऊस कॉलनीत 33 के. व्ही. रोहित्र उपकेंद्राचे भूमिपूजन शनिवार 22 जून रोजी राज्याचे अन्न व औषध प्रशासन मंत्री ना.धर्मराव बाबा आत्राम यांच्या शुभहस्ते भूमिपूजन करण्यात आले.

     यावेळी मंचावर मंत्री ना. धर्मराव बाबा आत्राम, महाराष्ट्र राज्य वितरण विभागाचे कार्यकारी अभियंता सुधीर हेडाऊ, तहसीलदार बालाजी सोमवंशी, उपविभागीय पोलीस अधिकारी अजय कोकाटे, अहेरी पंचायत समितीचे माजी सदस्य हर्षवर्धराव बाबा आत्राम, माजी सरपंच गंगाराम कोडापे, नगर सेवक अमोल मुक्कावार आदी मान्यवर उपस्थित होते.

     मंत्री ना. धर्मराव बाबा आत्राम यांनी कुदाळी मारून व फलकाचे फित कापून विधिवत व रीतसर 33 के. व्ही. वीज उपकेंद्राचे भूमिपूजन केले.

     या प्रसंगी उदघाटनीय स्थानावरून बोलताना ना.धर्मराव बाबा आत्राम म्हणाले की, अहेरी आणि परिसरातील विजेची समस्या लक्षात घेता मागील अनेक वर्षापासून अहेरी येथे 33 के. व्ही. विजेचे उपकेंद्र व्हावे ही नागरिकांची मागणी होती. विजेची समस्या दूर व्हावे यासाठी आटोकाट प्रयत्न होते, त्यासाठी अहेरी व तालुक्यातील पेरमिली येथे 33 के. व्ही. वीज उपकेंद्र उभारणीसाठी भरीव निधी मंजूर करून भूमिपूजन करण्यात आले असून आता अहेरी आणि पेरमिली भागातील असंख्य गावांना सुरळीत वीज मिळणार असून वीजेची समस्या कायमस्वरूपी मिटणार असल्याचे मंत्री ना. धर्मराव बाबा आत्राम म्हणत माझे मिशनच शिक्षण, सिंचन, आरोग्य, वीज, रस्ते असल्याचे आवर्जुन उल्लेख केले.

     प्रास्ताविकातून वीज वितरण कंपनीचे कार्यकारी अभियंता सुधीर हेडाऊ यांनी, विजेची समस्या लक्षात घेता मंत्री ना.धर्मराव बाबा आत्राम यांच्या माध्यमातून शासनाकडे पाठपुरावा करून निधी मंजूर व उपलब्ध करण्यात आले असून आता आपल्या भागात विजेची समस्या व प्रश्न मिटणार असल्याचे आवर्जुन सांगितले.

      सूत्रसंचालन व आभार सुरेंद्र अलोणे यांनी केले.यावेळी वीज वितरण कंपनीचे कर्मचारी , प्रतिष्ठित नागरिक, व्यापारी, राजकीय व सामाजिक कार्यकर्ते आणि गावकरी मोठया संख्येने उपस्थित होते.

सोसायटीला दिलेल्या कामांची चौकशी करा बांधकामच्या मुख्य अभियंत्यांना निवेदन

गडचिरोली : सार्वजनिक बांधकाम विभागातील डांबरीकरणाची कामे चुकीच्या मार्गाने सोसायटीला व ठेकेदाराला टक्केवारी घेऊन बांधकाम विभागातील कार्यकारी अभियंते व जिल्ह्यातील लोकप्रतिनिधी यांच्या संगनमताने देण्यात आली आहेत. या कामांचा दर्जा अत्यंत नित्कृष्ट दर्जाचा असल्यामुळे पावसाळा आला की डांबर वाहून जात आहे. या संपूर्ण कामांची चौकशी करण्यात यावी, अशी मागणी आदर्श विकास समाज सेवा संस्थेमार्फत बांधकाम विभागाचे नागपूर येथील मुख्य अभियंता यांना दिलेल्या निवेदनातून केली आहे.

निवेदनात म्हटले आहे की, एका कामाचे २०० मीटरचे तुकडे पाडून प्रत्येकी १० लाख रुपये निधी मंजूर करून कामे करण्यात आली आहेत . ही चुकीची पद्धत असून लोकप्रतिनिधी व अधिकाऱ्यांच्या संगनमताने कामे केली जात आहेत. त्यामुळे विकासाच्या नावाखाली स्वतःचा विकास अधिकारी व लोकप्रतिनिधी करत आहेत. अशा भ्रष्ट लोकप्रतिनिधी व भ्रष्ट अधिकारी यांचेवर तत्काळ कारवाही करावी, अन्यथा मुख्य अभियंता सार्वजनिक बांधकाम विभाग नागपूर यांचे कार्यालयासमोर २६ जूनपासून बेमुदत ठिय्या आंदोलन करण्याचा इशारा देण्यात आला आहे. यावर कोणता निर्णय घेतला जाते, याकडे लक्ष लागले आहे. निवेदन देताना आदर्श विकास समाज सेवा संस्थेचे राज्य अध्यक्ष योगाजी कुडवे, रवींद्र सेलोटे उपस्थित होते

लोकसभा निवडणुकीनंतर महाविकास ,इंडिया आघाडीत घटक पक्षांना संपविण्याचे कटकारस्थान 

(उबाठा) शिवसेना जिल्हाप्रमुख रियाज शेख यांचा आरोप

गडचिरोली : नुकत्याच झालेल्या लोकसभा निवडणुकीत गडचिरोली- चिमूर लोकसभा क्षेत्रातून इंडिया महाविकास आघाडीचे उमेदवार डॉ. नामदेव किरसान यांचा बहुमताने विजय झाला. या विजयात शिवसेना उद्धव बाळासाहेब ठाकरे पक्ष, राष्ट्रवादी शरदचंद्र पवार पक्ष आणि इतर घटक पक्षाच्या पदाधिकारी, कार्यकर्त्यांचा सक्रीय सहभाग होता. मात्र आता लोकसभा निवडणुकीनंतर महाविकास , इंडिया आघाडीत घटक पक्षांना संपविण्याचे कटकारस्थान केले जात असल्याचा आरोप शिवसेना जिल्हा प्रमुख रियाज शेख यांनी पत्रकातून केला आहे.

रियाज शेख यांनी पत्रकात म्हटले आहे की काँग्रेस पक्षाकडून विजयी उमेदवार डॉ. नामदेव किरसान यांचे गडचिरोली- चिमूर लोकसभा क्षेत्रात सत्कार कार्यक्रमाच्या रूपाने अभियान सुरू आहे. यात महाविकास आघाडीच्या घटक पक्षांना बाजूला सारून काँग्रेसच्या मोठ्या पदाधिकाऱ्याकडून या लोकसभा क्षेत्रात घटक पक्षांचे अस्तित्व काय आहे? अशा प्रकारे बोलले जात असल्याने याचा मी शिवसेना जिल्हाप्रमुख म्हणून जाहीर निषेध करतो असे रियाज शेख यांनी म्हटले आहे. अहेरी नगरात काँग्रेस पक्षाकडून विजयी उमेदवार सत्कार कार्यक्रम घेण्यात आला. या सत्कार कार्यक्रमात इंडिया महाविकास आघाडीचा एक साधा बॅनर नाही. महाविकास आघाडीच्या घटक पक्षांच्या पदाधिकारी, कार्यकर्त्यांना निमंत्रणाचा साधा फोन नाही . यामुळे जनतेमध्ये संभ्रम व्यक्त होत आहे. काँग्रेस पक्षाकडून घटक पक्षांचा अपमान सातत्याने सुरू आहे. शिवसेना उद्धव बाळासाहेब ठाकरे पक्ष सहन करणार नाही असाही ईशारा उबाठा शिवसेना जिल्हाप्रमुख रियाज शेख यांनी दिला आहे

नवंनिर्वाचित खासदार डॉ, नामदेवराव किरसाण यांना गावकऱ्यांनी दिले निवेदन

गावकऱ्यांचा वतीने सामाजिक कार्यकर्ता मधुकर गोंगले यांनी परिसरातील मांडल्या समस्या 

 गडचिरोली: अहेरी तालुक्यातील राजाराम (खांदला )परिसरातील अनेक गावे विकासापासून कोसोदूर आहेत. करीता आपल्या मार्फतीने राजाराम खांदला परिसरातील समस्या सोडविण्यासाठी प्रयत्न करावा अशी मागणी राजाराम खांदला परिसरातील नागरिकांच्या मार्फतीने सामाजिक कार्यकर्ता मधुकर गोंगले यांनी नवनिर्वाचित खासदार डॉ नामदेव किरसाण यांना अहेरी येथील सत्कार सोहळ्यात निवेदनातून केली आहे. निवेदनात म्हटले आहे की,

राजाराम येथील प्राथमिक आरोग्य पथकाला आरोग्य केंद्राचा दर्जा देण्यात यावा.व रुग्णवहीका उपलब्ध करून विविध रिक्तपदे भरण्यात यावी

राजाराम परिसरात जवळपास आठ ते नऊ गावे येत असून काही गावामध्ये पक्के रस्तेसुद्धा नाहीत.राजाराम येते आरोग्य पथक असून या परिसरात या ठिकाणी रुग्णवाहीका सुद्धा नाही.कोरेपल्ली पासून पक्के रस्ता नसून मोठमोठे दगडातून प्रवास करावा लागत असतो,व त्यामुळे एखाद्यावेळी प्रसूतीसाठी महिलेला रुग्णालयात नायचे झाले तर रस्त्यावर दगावण्याची शक्यता नाकारता येत नाही,

कमलापूर येते आरोग्य केंद्र आहे पण ते कोरेपल्ली पासून २० ते २५ किमीचा प्रवास करात जावा लागत असतो. आणि कोरेपल्ली येते लाखो रुपये खर्च करून उपकेंद्र बांधकाम करण्यात आले परंतु या ठिकाणी परिचारिका मुख्यालयी राहत नसून दहा पंधरा दिवसातून एक दोनदा येत असते.

राजाराम येते राष्टीयकृत बँकेची स्थापना करण्यात यावी राजाराम ग्रामपंचायतीला स्वतंत्र ग्रामसेवकाची नियुक्ती करण्यात यावी. तलाठी कार्यालयाचे बांधकाम करण्यात यावे. शासकीय कर्मचाऱ्यांना मुख्यालयी राहण्याची सक्ती करण्यात यावी आदी मागण्यांचे निवेदन देण्यात आले

शेकापची गडचिरोली विधानसभा क्षेत्रात 'जनसंघर्ष यात्रा' ,  ,जिल्हा समितीच्या बैठकीत निर्णय 

गडचिरोली : येणाऱ्या विधानसभा, जिल्हा परिषद, पंचायत समिती निवडणुकांच्या पार्श्वभूमीवर जनसंपर्क आणि तयारी संबंधात शेतकरी कामगार पक्षाच्या जिल्हा समीतीची बैठक आयोजित करण्यात आली होती. या बैठकीत पक्षाच्या जिल्हा परिषदेचे गठन, हर हर जोडो अभियान, बुथ रचना आणि व्यापक जनसंपर्क सुरू करण्याचा निर्णय घेण्यात आला.

यावेळी शेतकरी कामगार पक्षाचे राज्य चिटणीस मंडळाचे सदस्य आणि जिल्हा चिटणीस भाई रामदास जराते यांनी मार्गदर्शन केले. युवक, बेरोजगार, कष्टकरी, कामगार, शेतकरी यांच्या प्रश्नांना घेवून शेतकरी कामगार पक्ष येणाऱ्या निवडणुकांमध्ये उतरणार असून धनशक्तीच्या विरोधात जनशक्ती उभी करण्यासाठी पक्षाच्या ७६ व्या वर्धापन दिनानिमित्त ३ ऑगस्ट पासून संपूर्ण गडचिरोली विधानसभा क्षेत्रात 'जनसंघर्ष यात्रा' सुरू करण्यात येणार असल्याची घोषणा केली.

जिल्हा समीतीच्या या बैठकीला जिल्हा खजिनदार भाई शामसुंदर उराडे, जिल्हा सहचिटणीस संजय दुधबळे, महिला नेत्या व गडचिरोली विधानसभेच्या उमेदवार जयश्रीताई जराते, जिल्हा समीतीचे सदस्य डॉ. गुरुदास सेमस्कर, दामोदर रोहनकर, गंगाधर बोमनवार, तुळशिदास भैसारे, अशोक किरंगे, डंबाजी भोयर, एकनाथ मेश्राम, अविनाश कोहळे, चंद्रकांत भोयर उपस्थित होते.

संकटाच्या भयानक शांततेत कर्तृत्वाचे रक्तदानाचा मुद्दा गावात गावात मांडण्याचा प्रयत्न करणारी युवा संकल्प..!

रक्तदान शिबिराला उत्स्फूर्त प्रतिसाद...

गडचिरोली : योग दिनाचे औचित्य साधून नवेगाव (माल) येथे युवा संकल्प संस्थेच्या मार्गदर्शनातून रक्तदान शिबिराचे आयोजन करण्यात आले होते. त्याप्रसंगी गावातील विविध मंडळाच्या वतीने युवकांनी रक्तदान केले या सामाजिक कार्यात सहभाग घेत. 

१४ युवक आणि रक्तदान केले. याप्रसंगी युवा संकल्प संस्थेचे अध्यक्ष राहुल वैरागडे, नागेश मादेशी,चेतन कोकावार, तेजस कोंडेकर, पंकज डायकी,वसंत रामटेके, संस्थेचे सर्व पदाधिकारी गावकरी उपस्थित होते होम फाउंडेशन सिरोचा, सार्वजनिक वाचनालय नवेगाव माल सर्व सदस्य, युवा संकल संस्थेचे सर्व पदाधिकारी व सदस्यांनी सहकार्य केले

पालकमंत्र्यांनी राजीनामा देऊन मोकळे व्हावे... - महेंद्र ब्राह्मणवाडे 

गडचिरोली : राज्याचे उपमुख्यमंत्री देवेंद्र फडणवीस जिल्ह्याचे पालकमंत्री असल्याने जिल्ह्याचा विकास होईल, जिल्ह्यातील अनेक प्रश्न मार्गी लागून सर्वसामान्य नागरिकांचे प्रश्न सुटतील, असे सर्वसामान्य नागरिकांच्या भावना असताना. पालकमंत्री देवेंद्र फडणवीस मात्र जिल्ह्यातील सर्वसामान्य नागरिकांना पोरके केले आहे, असा आरोप काँग्रेसचे जिल्हाध्यक्ष महेंद्र ब्राह्मणवाडे यांनी केला आहे. राज्याचे उपमुख्यमंत्री आणि जिल्ह्याचे पालकमंत्री देवेंद्र फडणवीस हे जिल्हा दौऱ्यावर आले आणि प्रशासनाची गुप्त बैठक घेऊन निघून गेले. मात्र या संदर्भात पालकमंत्री जिल्हा दौरा करत असताना सर्वसामान्य नागरिकांना कुठलीही कल्पना देण्यात आलेली नाही. जिल्ह्यातील अनेक समस्या प्रलंबित आहे. शेतीला नियमित वीज पुरवठा होत नाही, पावसाळ्यात जिल्ह्यातील अनेक गावांचा संपर्क तुटतो. जिल्ह्यातील अतिदुर्गम भागातील आरोग्य यंत्रणेचे तीनतेरा वाजले आहेत. जिल्हा रुग्णालयात अत्यावशक सोयी उपलब्ध नाही. त्यामुळे अनेक रुग्णांना नागपूर किंवा इतर ठिकाणी हलवावे लागते. पोलीस भरतीच्या युवकांचे प्रश्न आहेत. ओबीसी विद्यार्थ्यांचे वसतिगृह सुरु करण्यात आलेले नाही. शेतकरी, महिला, युवक यांच्या समस्यांना घेऊन जिल्ह्यातील नागरिकांना पालकमंत्र्यांना भेटायचे होते व आपले म्हणणे मांडायचे होते. मात्र पालकमंत्री सुरक्षेचा कारण दाखवून दौरा गुप्त ठेवल्याचे सांगतात. जिल्ह्यातील सर्वसामान्य नागरिकांना भेटल्यामुळे पालकमंत्र्यांना आपल्या जीवाला धोखा वाटत असेल तर खुशाल त्यांनी पालकमंत्रिपदाचा राजीनामा द्यावा व सक्रिय असा पालकमंत्री जिल्ह्याला द्यावा जेणे करून जिल्ह्यातील नागरिकांच्या समस्यांचे निराकारण होऊन शकेल, अशी मागणी काँग्रेसचे जिल्हाध्यक्ष महेंद्र ब्राह्मणवाडे यांनी केली आहे

विरोधी पक्षा नेते विजय वडेट्टीवार व नवनिर्वाचित खासदार डॉ नामदेव किरसान यांचे जंगी स्वागत ,निवडणुकीत काँग्रेसचा प्रत्येक कार्यकर्ते हा स्वतःची निवडणूक म्हणून लढला आणि जिंकला  - वडेट्टीवार

काँग्रेसनेते,माजी जि.प.अध्यक्ष अजय कंकडालवारसह काँग्रेस पदाधिकारी - कार्यकर्त्यांच्या हस्ते सत्कार!

अहेरी : येथे काल 22 जून रोजी भारतीय राष्ट्रीय काँग्रेस पक्ष - आदिवासी विध्यार्थी संघटनेच्या वतीने भव्य नागरी सत्कार सोहळा आयोजित करण्यात आला.या सत्कार सोहळा कार्यक्रमला काँग्रेस पक्षाचे नेते,माजी कॅबिनेट मंत्री तथा विरोधी पक्षा नेते विजय वडेट्टीवार व नवनिवार्चित खासदार डॉ.नामदेवराव किरसान यांचे जंगी स्वागत करण्यात आले 

विजयभाऊ वडेट्टीवार काल जिल्हा दौऱ्यावर आले होते.दौऱ्यात अहेरी येथे वडेट्टीवार व खासदार किरसान यांच्या आगमन होतच गावकरी आणि कार्यकर्त्यांनी ढोल ताशांच्या गजरत,फटक्यांचा आतषबाजी करत जंगी स्वागत करत गडचिरोली लोकसभा निवडणुक विजयोत्सव रैली काढण्यात आली आहे.तसेच वडेट्टीवार आणि डॉ.किरासन यांनी विविध विभागाचे आढावा बैठक घेतले 

तालुक्यातील रस्त्यांची बकाल अवस्था,महसूल विभागाच्या अटी व शर्तींना न जुमानता होणारे अवैध उत्खनन,वनविभागाच्या ना हरकत प्रमाणपत्र नसलेल्या ठिकाणी होणारी अवैध कामे अशा अनेक समस्यांनी ग्रस्त मागास अहेरी कडे स्थानिक लोकप्रतिनिधीने पूर्णपणे दुर्लक्ष केले आहे.राज्य सरकार आणि केंद्र सरकार कडून सुद्धा अहेरीकडे दुर्लक्ष होत आहे.त्यामुळे येथील जनतेला अनेक समस्यांचा सामना करावा लागतो.या समस्या तातडीने मार्गी लावण्यासाठी विविध विभागांचा आढावा घेऊन निर्देश दिले.

त्यावेळी गडचिरोली - चिमूर लोकसभा निवडणुकीत डॉ.नामदेवराव किरसान यांनी भाजपाचे उमेदवार नेतेंचा पराभव करत जवळपास 1लाख 40 हजार मतांनी प्रचंड बहुमताने विजय झाल्याबद्दल अहेरी येथील गांधी चौकात 'येथे विरोधी पक्षानेते विजयभाऊ वडेट्टीवार आणि नवनिवार्चित खासदार डॉ.नामदेवराव किरसान यांच्या सत्कार सोहळा कार्यक्रम आयोजित केले.आविसं,भारतीय राष्ट्रीय काँग्रेस पक्षाचे नेते व माजी जि.प.अध्यक्ष तथा अहेरी बाजार समिती सभापती अजय कंकडालवारसह काँग्रेस पक्षाचे पदाधिकारी कार्यकर्त्यांचा हस्ते वडेट्टीवार नवनिवार्चित खासदार डॉ.किरसान यांच्या सत्कार करण्यात आली.

सत्कार सोहळावेळी गडचिरोली लोकसभा निवडणुकीत काँग्रेसचा विजय हा कार्यकर्त्यांच्या कठोर परिश्रमाने झाला आहे.या निवडणुकीत काँग्रेसचा प्रत्येक कार्यकर्ते हा स्वतःची निवडणूक म्हणून लढला आणि जिंकला अशी वडेट्टीवार म्हणाले

या कार्यक्रमाला गडचिरोली जिल्ह्यातील भारतीय राष्ट्रीय काँग्रेस पक्षाचे पदाधिकारी - कार्यकर्ते तसेच स्थानिक गावकरी मोठ्या संख्येने उपस्थित होते.

मंत्री धर्मरावबाबा आत्राम यांच्या प्रयत्नाने पेरमिली परिसरात विजेचा लपंडाव थांबणार

विद्युत उपकेंद्राचे मंत्री डॉ.धर्मराव बाबा आत्राम यांच्याहस्ते भूमिपूजन

अहेरी:-तालुक्यातील पेरमिली परिसरातील नागरिकांना भेडसावत असलेली विजेची अडचण सोडविण्यासाठी नवीन वीज उपकेंद्र मंजुर करण्यात आले.नुकतेच अन्न व औषध प्रशासन मंत्री डॉ.धर्मराव बाबा आत्राम यांच्याहस्ते ३३/११ केव्ही नवीन वीज उपकेंद्राचे भूमिपूजन करण्यात आले.त्यामुळे पेरमिली परिसरात विजेचा लपंडाव कायमचा थांबणार आहे.

सध्या पेरमिली परिसरातील ४० ते ४५ गावांना भामरागड उपकेंद्रातून वीज पुरवठा केला जात आहे.भामरागड ते पेरमिली पर्यंत येणारी वीज वाहिनी जवळपास दीडशे किलोमीटर पेक्षा जास्त आणि घनदाट जंगलातुन आल्याने नेहमीच या परिसरात विजेचा लपंडाव होत असतो.कमी दाबाचा वीज पुरवठ्याची समस्या तर कायमचीच आहे.पावसाळ्यात तर नेहमीच बत्तीगुल होत असल्याने या परिसरातील नागरिकांना अनेक अडचणींना सामोरे जावे लागत आहे.यावर कायमचा तोडगा काढण्यासाठी पेरमिली येथे आदिवासी उपाययोजने अंतर्गत ३३/११ के व्ही मंजूर करण्यात आले.

२६.७४ कोटी रुपयांच्या निधीतून या ३३/११ केव्ही उपकेंद्राचे काम केले जाणार आहे त्यासाठी भूखंड क्र.५४/१/१ ही जागा वन विभागाने मंजूर केले आहे.या उपकेंद्राची क्षमता ५ एम व्ही ए राहणार असून या उपकेंद्रातून ११ केव्ही चे ३ वीज वाहिनी राहतील.विशेष म्हणजे या उपकेंद्राकरिता १३२ केव्ही आलापल्ली उपकेंद्रातून आणि ६६ केव्ही उपकेंद्रातून असे दोन ३३ केव्ही वीज वाहिन्या प्रस्तावित केलेले आहे.सदर काम पूर्णत्वास आल्यास या परिसरातील बहुतांश गावातील विजेची समस्या सुटणार आहे. एवढेच नव्हे तर भामरागड उपकेंद्रावरील भार देखील कमी होणार आहे. त्यामुळे पेरमिली परिसरातील गावांसह भामरागडला देखील मोठा दिलासा मिळणार.

३३ केव्ही उपकेंद्राच्या भूमिपूजन प्रसंगी माजी पंचायत समिती सदस्य हर्षवर्धन बाबा आत्राम,मुख्य अभियंता सुधीर हेडाऊ, गाव पाटील विठ्ठल मेश्राम, सत्यनारायण येगोलपवार, देवाजी सडमेक,बालाजी गावडे तसेच पेरमिली पट्टीतील बहुतांश नागरिक तसेच महावितरणचे अधिकारी, कर्मचारी उपस्थित होते.

गडचिरोलीतील माओवादी चळवळीची कंबर मोडली: देवेंद्र फडणवीस

जहाल मोर्‍हक्या नक्षली गिरीधरचे सपत्नीक आत्मसर्पण

गडचिरोली, 22 जून : गडचिरोलीतील जहाल माओवादी आणि जिल्ह्यातील नक्षली चळवळीचा मोर्‍हक्या समजल्या जाणार्‍या गिरधरने आज पत्नीसह उपमुख्यमंत्री देवेंद्र फडणवीस यांच्या उपस्थितीत आत्मसमर्पण केले. पोलिसांच्या या यशामुळे गडचिरोलीतील माओवादी चळवळीची कंबर मोडली असल्याचे श्री फडणवीस यांनी सांगितले. श्री देवेंद्र फडणवीस यांनी या दाम्पत्याला संविधानाची प्रत भेट दिली. एका छोटेखानी कार्यक्रमात उपमुख्यमंत्री देवेंद्र फडणवीस यांच्या हस्ते या नक्षली दाम्पत्याला 25 लाख रुपयांची मदत पुनर्वसनासाठी करण्यात आली. 

आत्मसमर्पित माओवाद्यांचा मेळावा व माओवाद्यांच्या कुटुंबियांशी संवाद कार्यक्रमाचे आयोजन पोलिस मुख्यालयातील एकलव्य हॉल येथे करण्यात आले होते. आमदार देवराव होळी, आ. कृष्णा गजबे, जिल्हाधिकारी संजय दैने, नक्षल विरोधी अभियानाचे महानिरीक्षक अंकित गोयल, जिल्हा पोलिस अधीक्षक श्री निलोत्पल यावेळी प्रामुख्याने उपस्थित होते.

 नांगसू मनकू तुमरेटी ऊर्फ गिरीधर याचेवर 25 लाखांचे बक्षीस होते, तर त्याच्या पत्नीवर 16 लाखांचे बक्षीस होते. गडचिरोली जिल्ह्यातील वरिष्ठ नक्षली कमांड असलेल्या या दोन्ही नक्षल्यांनी आत्मसमर्पण केल्याने जिल्ह्यातील नक्षलवादी कारवायांना मोठा हादरा बसला आहे. माओवादी गतिविधीचे प्रमुख म्हणून या दोघांकडे पाहिले जायचे. यावेळी बोलताना उपमुख्यमंत्री देवेंद्र फडणवीस म्हणाले की, गेल्या 4 वर्षांत जिल्ह्यातील एकही व्यक्ती नक्षली कारवायात सहभागी झाला नाही, हे यश आमच्या पोलिस दलाने मिळविले आहे. सी-60 पथकाने आपला दरारा असा निर्माण केला की, एकतर त्यांना शरणागती पत्करावी लागेल किंवा बंदुकीचा सामना करावा लागेल. ते या पथकाचे मोठे यश आहे. गडचिरोली पोलिसांनी नक्षलवादाचे कंबरडे मोडले आणि दुसरीकडे सरकारच्या विविध योजना तळागाळापर्यंत पोहोचवल्या. अंतिम माणसाच्या विकासाचाच हा प्रयत्न आहे. शेवटच्या माणसापर्यंत विकास पोहोचू नये, हाच प्रयत्न नक्षलवाद्यांनी केला. पण, आज तो विकास पोहोचतो आहे, हे मला अनेक दुर्गम भागात जाऊन पाहता आले आहे. गडचिरोली हा आमच्यासाठी महाराष्ट्राचा शेवटचा नाही, तर पहिला जिल्हा आहे. म्हणून या जिल्ह्याचा विकास आमच्यासाठी महत्त्वाचा आहे. उद्योग, रोजगार, कौशल्य प्रशिक्षण, शिक्षण यासाठी मोठा प्रयत्न हाती घेण्यात आला आहे. मोठी गुंतवणूक या जिल्ह्यात येत आहे. कालही काही प्रकल्पांबाबत मी बैठक घेतली, असेही देवेंद्र फडणवीस म्हणाले.

पंतप्रधान नरेंद्र मोदी यांच्या नेतृत्त्वात आदिम जमातींसाठी 24,000 कोटींची योजना, आदिवासी संस्कृतीचे जतन, देशातील प्रथम आदिवासी महिला राष्ट्रपती अशा अनेक घटना या आदिवासींना बळ देणार्‍या आहेत. शिस्त आणि संवेदना एकत्र झाल्यानेच गडचिरोली पोलिसांबद्दल आदराची भावना आहे, असेही गौरवोद्गार देवेंद्र फडणवीस यांनी काढले.

पोलिस भरतीला स्थगिती दिली तर 17,000 पदांची भरती विधानसभांची आचारसंहिता लागणार असल्याने पुढच्या वर्षावर जाईल. त्यानंतर आणखी 9000 पोलिस भरती करायची असल्याने आणखी एक वर्ष लांबणीवर जाईल. त्यामुळे जेथे पाऊस आहे, तेथे दुसरी तारीख देऊन पदभरती पूर्ण करण्याचे निर्देश देण्यात आले आहे. आज गडचिरोलीत तर आपण केवळ स्थानिकांचीच भरती करतो आहोत. 1000 पदांसाठी गडचिरोलीतील 28,000 युवकांनी अर्ज भरले आहेत. त्यांचे वयाचे नुकसान होऊ नये, असे सांगून वेळेतच पोलिस भरती करण्याचे निर्देश देण्यात आले आहेत, असेही फडणवीस म्हणाले. एकीकडे नक्षली दलात एकही व्यक्ती भरती होत नाही व पोलिस दलात भरतीसाठी २८ हजार अर्ज यातून नागरिकांचा संविधानाप्रती व्यक्त विश्वास दिसून येत असल्याचे त्यांनी सांगितले. प्रसार माध्यमांनी देखील गडचिरोलीची प्रतिमा उंचावण्यात महत्वाचे योगदान दिल्याबद्दल त्यांनी माध्यमांना धन्यवाद दिले.

 नक्षल विरोधी अभियानाचे महानिरीक्षक अंकित गोयल यांनी केंद्र व राज्य शासनाकडून नक्षलविरोधासाठी कायम सहकार्य व मदत मिळत असल्याचे सांगितले तर जिल्हा पोलिस अधिक्षक श्री निलोत्पल यांनी कार्यक्रमाचे प्रास्ताविकातून नक्षलविरोधी कार्याची माहिती दिली. 

0

व्यायामशाळा व क्रीडांगण विकास अनुदान योजनेअंतर्गत प्रस्ताव आमंत्रित

 गडचिरोली दि. 22 : महाराष्ट्र शासनाच्या क्रीडा धोरणाअंतर्गत सन 2024-25 या सत्राकरीता व्यायामशाळा विकास अनुदान योजना, क्रीडांगण विकास अनुदान योजना व युवक कल्याण विषयक अनुदान योजनेअंतर्गत जिल्हा क्रीडा कार्यालयाकडून 15 जुलै 2024 पर्यंत प्रस्ताव मागविण्यात आले आहेत.

 तरुण पिढीमध्ये व्यायामाची आवड निर्माण करुन शरीर सुदृढ व निरोगी राहण्यासाठी तसेच क्रीडा संस्कृतीचे संवर्धन, प्रचार, प्रसार व जोपासणा करण्यासाठी व्यायामशाळा विकास अनुदान योजनेअंतर्गत नविन व्यायामशाळा बांधकाम करणे या साठी अनुदान देण्यात येते. तसेच व्यायाम साहित्य (इनडोअर) व ओपन जिम (खुले व्यायाम साहित्य) साहित्याचा पुरवठा करण्यात येतो.

क्रीडांगण विकास अनुदान योजने अंतर्गत क्रीडांगण समपातळीत करणे, 200/400 मीटरचा धावणमार्ग तयार करणे, विविध खेळाची प्रमाणीत क्रीडांगणे तयार करणे, क्रीडांगणावर प्रसाधनगृहाचे बांधकाम करणे, भांडारगृह बांधणे, क्रीडांगणावर पाण्याची सुविधा निर्माण करणे, क्रीडांगणाभोवती भिंतीचे अथवा तारेचे कुंपन करणे इत्यादी बाबी तयार करण्याकरीता संबंधित शाळा / संस्थेस अनुदान उपलब्ध करुन देण्यात येते. 

सदर अनुदानाचा लाभ घेण्याकरीता जिल्ह्यातील जिल्हा परिषद शाळा, अनुदानित माध्यमिक शाळा, महविद्यालये याशिवाय आदिवासी विकास विभागामार्फत चालविण्यात येणाऱ्या आश्रमशाळा तसेच ग्रामपंचायत, शासकीय यंत्रणा यांनी सदर योजनेचा लाभ घेऊन सुविधा निर्माण करण्याकरीता विहीत नमुन्यातील अर्जासह परिपुर्ण प्रस्ताव 15 जुलै 2024 पर्यंत जिल्हा क्रीडा अधिकारी कार्यालय, गडचिरोली येथे सादर करावा. विशेषत: गावातील नागरीकांना शारीरिक कवायतीकरीता लाभ पोहचावा या उद्देशाने ग्रामपंचायतीने खुली व्यायामशाळा (ओपन जिम) चे साहित्य प्राप्त करुन घेण्याचे दृष्टीने विनाविलंब प्रस्ताव सादर करावा. 

 या योजने संदर्भात अधिक माहिती व विहीत नमुन्यातील अर्ज प्राप्त करुन घेण्यासाठी इच्छुक शाळा/संस्थांनी जिल्हा क्रीडा अधिकारी कार्यालय, क्रीडा व सांस्कृतीक भवन, कॉम्पलेक्स, गडचिरोली येथे कार्यालयीन वेळेत संपर्क साधावा, असे जिल्हा क्रीडा अधिकारी भास्कर घटाळे यांनी कळविले आहे.

कुरखेडा ते कोरची मार्गावरील वाहतूकीत बदल

गडचिरोली दि. 22 : राष्ट्रीय महामार्ग क्र. ५४३ वरील कुरखेडा ते कोरची दरम्यान सती नदीवर मोठ्या पुलाचे बांधकाम प्रगतीत आहे. सदर काम पावसाळ्यापूर्वी पूर्ण करणे शक्य नसून सदर पुलाची वाहतूक तात्पुरत्या स्वरुपात बांधण्यात आलेल्या वळण मार्गावरुन वळती करण्यात आले आहे. परंतु हा वळणमार्ग पावसामुळे क्षतीग्रस्त होवू शकतो किंवा पूराच्या पाण्याखाली येऊन वाहतूक बंद होऊ शकते. त्यामुळे पावसाळ्यात संभाव्य दुर्घटना टाळण्यासाठी या मार्गावरील दोन्ही बाजूंची वाहतूक २९ जून पासून ते ३१ ऑक्टोबर २०२४ पर्यंत वळती करण्याचे आदेश जिल्हाधिकारी संजय दैने यांनी निर्गमित केले आहे.

 पर्यायी मार्ग म्हणून नागरिकांनी हलक्या स्वरुपाची वाहनांकरिता कुरखेडा- चिचटोला फाटा- आंधळी-वाघेडा-मालदुगी-गोठणगाव फाटा मार्ग (रा.म.क्र.५४३) या रस्त्याचा तसेच जड वाहतुकीकरिता कुरखेडा-वडसा-आरमोरी-वैरागड मार्ग (रा.म. क्र. ३६३)- गोठणगाव फाटा मार्ग (रा.म.क्र.५४३) या पर्यायी मार्गाचा वापर करावा.

अंमलबजावणी न करणाऱ्‍या वाहतुकदार किंवा व्यक्तीविरुद्ध नियमानुसार कारवाई करण्याचे अधिकार स्थानिक पोलीसांना असेल, असेही जिल्हाधिकारी यांचे आदेशात नमुद करण्यात आले आहे.

फुस लाऊन केले अल्पवयीन मुलीचे अपहरण ,आरपीएफ व जीआरपी पोलिसांनी युवकाला केली अटक

बल्लारपूर : एका अल्पवयीन मुलीचे अपहरण करून केरला एक्स्प्रेसमधून बिहारकडे नेत असताना आरपीएफ व जीआरपी पोलिसांनी शुक्रवारी सायंकाळी बल्लारशाह रेल्वेस्थानकावर युवकाला अटक केली. मोहम्मद मिया सलीम (३८) रा. बेलवा बिहार असे आरोपीचे नाव आहे.

२१ जुन ला नियंत्रण कक्ष, लोहमार्ग नागपूर येथुन फोनव्दारे जीआरपी पोलीस तसेच आरपीएफ माहिती मिळाली की केरला एक्स्प्रेस ने नाबलिक बालिकेला अपहरण करून बिहार ला घेऊन जात आहे. आरपीएफ निरीक्षक सुनील पाठक यांनी दोन पथक तयार केले. त्यामध्ये शासकीय रेल्वे पोलीस, रेल्वे चाइल्ड लाईनचे क्षेत्रीय कार्यकर्ते व रेल्वे सुरक्षा बल यांच्या संयुक्त कार्यवाहीने, ट्रेन नं १२६२५ केरला एक्सप्रेसने अज्ञात व्यक्तीच्या ताब्यात असलेली बालिका फरांना (नाव बदलेले ) (१२) रा.दुबीलीया, कुरवा माथीया जि. पश्चिम चंपारण (बिहार) हिला एक इसम अपहरण करून नेत असल्याची माहिती मिळाली. 

नमुद ट्रेन मपोशि किर्ती मिश्रा, पोशि निलेश निकोडे, भास्कर ठाकूर, बबिता लोहकरे, चाईल्ड लाईन टीम, आरपीएफ निरीक्षक सुनील पाठक व त्यांचे सहकारी तपास सुरू केला असता रेल्वे स्टेशन येथील फलाट क्र. ३ वर ट्रेन आल्याने पुढील जनरल कोच मध्ये सदर बालिका मिळून आल्याने बालिकेस रे.पो. चौकी बल्हारशाह येथे आणुन हजर केले. विचारपूस केली असता बालिकेसंदर्भात पो स्टे. अंबलापुझा केरला येथे तक्रार दाखल असुन सदरचे पो.स्टे चा पोलीस स्टॉफ त्या मुलीला ताब्यात घेण्याकरीता येत आहे. 

बाल कल्याण समिती, चंद्रपूर येथे दाखल करणे असल्याने नमुद बालिकेची वैद्यकिय तपासणी करून सदर बालिके विषयी माहिती तात्काळ अजय साखरकर, बाल संरक्षण अधिकारी आणि बाल कल्याण समिती, अध्यक्षा ऍड. क्षमा बासरकार यांना दिली व त्यांच्या मौखिक आदेशाने बालिकेला तात्पुता निवारा करिता सखी वन स्टॉप सेंटर, चंद्रपूर येथे ठेवण्यात आले असून आरोपीविरुद्ध पुढील कार्यवाही करण्यात येत आहे.

दोन ट्रकच्या‌ समोरासमोरील धडकेत एक जण जागीच ठार

आष्टी :‌ गडचिरोली महामार्गावर दोन ट्रकच्या समोरासमोरील धडकेत एक ट्रकचालक जागीच ठार झाल्याची घटना २१ जून रोजी सायंकाळी ५ वाजताच्या सुमारास आष्टी- गडचिरोली महामार्गावर कोणसरी प्रकल्पाच्या समोर घडली. विकास कुमार बिंद (२४) जिल्हा आदिलाबाद असे मृतकाचे नांव आहे. दुसरा ट्रक चालक जितेंद्र कुमार पटेल (२९) हा किरकोळ जखमी आहे. अपघाताची माहिती आष्टी पोलिसांना मिळताच पोलीस निरीक्षक विशाल काळे घटनास्थळी पोहोचले आणि मृत

व्यक्तीला ट्रकमधून बाहेर काढले त्यानंतर त्याचे प्रेत पोस्टमार्टम करिता आष्टी ग्रामीण रुग्णालयात आणण्यात आले आहे. पुढील तपास आष्टी पोलीस करीत आहेत.

तुमरगुंडा रस्त्याच्या बाजूला वीज पडून बैल जोडी ठार,‌शेतकऱ्यावर ओढवले संकट 

एटापल्ली: गेल्या तीन चार दिवसांपासून गडचिरोली जिल्ह्यात ठिकठिकाणी अवकाळी पाऊस कोसळतोय. याचा फटका शेतकऱ्यांना बसत आहे गडचिरोली जिल्ह्यातील एटापल्ली तालुक्यातील तुमरगुंडा येथील गांडा दोहे वड्डे यांचे एटापल्ली - तुमरगुंडा रोडवर रोडच्या बाजूला वीज कोसळून दोन बैल ठार झाल्याची दुर्दैवी घटना दिनांक १९ जून रोजी सायंकाळी ६:०० वाजताच्या सुमारास घडली आहे. अचानक ढग काळवंडून आल्याने पावसाच्या दृष्टीने झाडाचा आसरा घेण्यासाठी झाडाखाली बैलजोडी थांबली होती अशातच‌ सोसाट्याच्या वाऱ्याने रौद्ररूप धारण केले व विजांच्या कडकडाटासह पावसाला सुरुवात झाली. झाडाखाली असलेल्या बैलावर अचानक वीज पडली आणि या बैलजोडीचा जागेवरच मृत्यू झाला सध्या शेतीच्या मशागतीच्या कामाला वेग आला आहे. अश्यातच बैल जोडी गेल्याने गांडा वड्डे यांच्यासमोर मोठे संकट उभे ठाकले आहे. जिवापाड प्रेम असणारी ही बैलाची जोडी मृत्यमुखी पडल्याने त्यांना शोक अनावर झाला आहे.

घटनेची माहिती महसूल विभागाला देण्यात आली असता महसूल विभागाच्या कर्मचाऱ्यांनी दिनांक २० जून रोजी सकाळी घटनास्थळी पंचनामा करून पशुवैद्यकीय अधिकारी गहाणे यांना पाचारण करून दोन्ही बैलांचे शवविच्छेदन करण्यात आले. सदर बैल मालकाचे मोठे नुकसान झाले आहे व आता शेतीचे काम असल्यामुळे शासनाकडून लवकरात लवकर मदत देण्यात यावी जेणेकरून लवकरात लवकर मदत मिळाल्यास दुसरी बैलजोडी घेऊन शेतीचे काम करता येईल असे नुकसानग्रस्त शेतकऱ्यांनी सांगितले

गडचिरोली जिल्हा काँग्रेसचे भाजप सरकार विरोधात चिखल फेक आंदोलन

महागाई, बेरोजगारी, NEET परिक्षेतील घोटाळा, खते-बियाण्यांचा काळाबाजार, कायदा सुव्यवस्थेच्या प्रश्नांना घेऊन आंदोलन.

गडचिरोली : राज्यातील व केंद्रातील भारतीय जनता पक्षाचे सरकार हे शेतकरी, कष्टकरी, दलित, अल्पसंख्याक, महिला, तरूण, गरिब व सामान्य जनतेच्या विरोधातील आहे. 

महागाई, बेरोजगारी, पेपरफुटी, महिला सुरक्षा, खते, बि-बियाणांचा काळाबाजार, कर्जासाठी शेतकऱ्यांची होत असलेली अडवणूक, चिखलात सुरु असलेली पोलीस भरती, राज्यातील सरकारी रिक्त पदे भरण्याबाबत चालवलेली चालढकल, राज्यातील बिघडलेली कायदा व सुव्यवस्था बिघडलेली आहे. श्रीमंतांची पोर गोरगरिबांना गाड्याखाली चिरडून मारत आहेत. मुलींचे दिवसाढवळ्या रस्त्यावर खून पाडले जात आहेत. सत्ताधारी पक्षाकडून जाती धर्माच्या नावाखाली सामाजिक शांतता भंग करण्याचे प्रयत्न सुरु आहेत. या सरकारच्या विरोधात जनतेत तीव्र संताप असून सरकारला जाब विचारण्यासाठी भाजप सरकार विरोधात, इंदिरा गांधी चौक गडचिरोली येते भाजप सरकारच्या प्रतिकृती पुतळ्यावर चिखल फेक करून आंदोलन करण्यात आले. या आंदोलनात खासदार गडचिरोली-चिमूर लोकसभा क्षेत्र डॉ. नामदेव किरसान, जिल्हाध्यक्ष काँग्रेस कमिटी गडचिरोली महेंद्र ब्राह्मणवाडे, माजी जिल्हा परिषद उपाध्यक्ष मनोहर पाटील पोरेटी,सचिव,महाराष्ट्र प्रदेश युवक काँग्रेस विश्वजीत कवासे, शहराध्यक्ष काँग्रेस कमिटी गडचिरोली सतीश विधाते, तालुकाध्यक्ष काँग्रेस कमिटी गडचिरोली वसंत राऊत,अ. जा. जिल्हाध्यक्ष काँग्रेस कमिटी गडचिरोली रजनीकांत मोटघरे,तालुकाध्यक्ष काँग्रेस कमिटी चामोर्शी प्रमोद भगत,उपाध्यक्ष काँग्रेस कमिटी गडचिरोली शंकरराव सालोटकर,शिक्षक सेल जिल्हाध्यक्ष काँग्रेस कमिटी गडचिरोली दत्तात्रय खरवडे, जिल्हासचिव काँग्रेस कमिटी गडचिरोली सुनील चडगुलवार,महासचिव काँग्रेस कमिटी गडचिरोली देवाजी सोनटक्के, सोशलमीडिया जिल्हाध्यक्ष काँग्रेस कमिटी गडचिरोली संजय चन्ने, रवी मेश्राम,दिवाकर निसार, पुष्पलताताई कुमरे, अपर्णाताई खेवले, आशाताई मेश्राम, ममताताई मेश्राम, नेताजी गावतुरे, हरबाजी मोरे, कुसुमताई आलाम, छायाताई कोव्हे, पांडुरंग घोटेकर, प्रफुल आंबोरकर,काशिनाथ भडके, श्रीनिवास तडपल्लीवार, सुरज भांडेकर, गौरव येनप्रेड्डीवार, विपुल येलटीवार, घनश्याम मुरवतकर, चारुदत्त पोहाणे, माजीत भाऊ, ओमप्रकाश डोंगरे, राजेंद्र कुकडकर, बाबुराव गडसूलवार, उमेश उईके, सुरज मडावी,प्रशांत कापकर, अनुप सिकंदर,भरत येरमे, नंदू वाईलकर,हंसराज उराडे, दिगंबर धानोरकर, कल्पक मोप्पीडवार, चंद्रकांत मडावी, सुदर्शन उंदीरवाडे, भैय्याजी मुद्दमवार, नीलकंठ भांडेकर, लतीफ तोरे, टय्या खान, जावेद खान, अविनाश श्रीरामवार सह जिल्ह्यातील काँग्रेस सह सर्व सेलचे पदाधिकारी व कार्यकर्ते उपस्थित होते.

जादुटोणाच्या संशयावरून एका वृद्धाची हत्या

चंद्रपूर Chandrapur जिल्ह्यातील नागभीड Naghbhid तालुक्यातील मौशी गावात जादुटोणाच्या संशयावरून एका वृद्धाची हत्या झाल्याचा प्रकार समोल आला आहे. आसाराम दोनाडकर (वय 67) असं मृत वृद्धाचे नाव आहे. 

पोलिसांकडून मिळालेल्या माहितीनूसार गुरुवारी रात्री आठच्या सुमारास आसाराम दोनाडकर यांच्या घरावर काही लोकांचा जमाव चाल करून गेला. जादूटोणा करतो म्हणून त्यांच्याशी जमावाने वाद घातला. दोनाडकर यांना लाथा बुक्क्यांनी मारहाण देखील झाली.

ही मारहाण ते बेशुद्ध होईपर्यंत झाली. काहींनी त्यांना उपचारासाठी Hospital रुग्णालयात नेले असता वैद्यकीय अधिका-यांनी त्यांना मृत घोषित केले. घटनास्थळी नागभीड Police officer पोलिस ठाण्याचे ठाणेदार विजय राठोड यांनी भेट दिली. या प्रकरणी पोलिसांनी संतोष जयघोष मैंद (वय 26), श्रीकांत जयघोष मैंद (वय 24), रुपेश देशमुख (वय 32) या संशियतांना Arrest अटक केली.

बहुजनांनी आपल्यावर टाकलेला विश्वास सार्थकी लावणार!

नवनिर्वाचित खासदार डाॅ.नामदेव किरसान यांचे प्रतिपादन

देसाईगंज-

     देशात लोकशाही विरोधी शक्ती डोके वर काढुन बहुजनांचे अबाधित अधिकार संपवण्याच्या मार्गावर होते. यामुळे संविधान धोक्यात येण्याची शक्यता बळावली असतांना बहुजनांनी पार पडलेली लोकसभा निवडणुक आपल्या हातात घेऊन बहुजनांच्या अधिकारांचे संरक्षण व संवर्धन करण्यासाठी आपला प्रतिनिधी म्हणून भरघोस मताने निवडून दिलात.तो टाकलेला विश्वास सार्थकी लावण्यासाठी जातीने प्रयत्न करणार असल्याचे प्रतिपादन गडचिरोली- चिमुर लोकसभा क्षेत्राचे नवनिर्वाचित खासदार डाॅ.नामदेव किरसान यांनी केले.

    ते देसाईगंज येथील गोंडवाना गोटूल भुमी समिती व ऑल इंडिया आदिवासी एम्प्लॉईज फेडरेशन शाखा देसाईगंजच्या वतिने आयोजित सत्कार संभारंभाला उत्तर देतांना बोलत होते. कार्यक्रमाच्या अध्यक्षस्थानी ऑल इंडिया आदिवासी एम्प्लॉईज फेडरेशन शाखा देसाईगंजचे अध्यक्ष किशोर कुंमरे,गडचिरोली जिल्हा काँग्रेस कमिटीचे अध्यक्ष महेंद्र ब्राम्हणवाडे,देसाईगंज तालुका काँग्रेस कमिटीचे अध्यक्ष राजेंद्र बुल्ले,काँग्रेस कार्यकर्ते रामदास मसराम,मनोहर पोरेटी,छगन शेडमाके,पिंकु बावणे,संजय करंकर,लिलाधर भर्रे आदी मान्यवर प्रामुख्याने उपस्थित होते.

    दरम्यान डाॅ.किरसान पुढे बोलतांना म्हणाले की आदिवासी संस्कृती ही जगातील आदर्श संस्कृती असुन देशातील जल,जंगल जमिनीचे संरक्षण व संवर्धन करण्यात नेहमीच अग्रेसर राहिली आहे.मात्र वर्तमान स्थितीत आदिवासींच्या संस्कृतीवरच घाला घालण्याचा प्रयत्न केल्या जात असुन संविधानीक मिळालेल्या ७.५ टक्के आरक्षणाची अंमलबजावणी करणे तर दूरच आदिवासींना विकासाच्या मुख्य प्रवाहात येण्यापासूनच रोखण्याचे प्रयत्न केले जात आहेत.त्याच धर्तीवर ओबीसींना देखील डावलण्याचा प्रयत्न सुरु करण्यात आला आहे.हा संभाव्य धोका ओळखून समस्त बहुजनांनी एकवटू आपल्या न्याय हक्काची लढाई स्वत: लढली,त्याचाच परिणाम म्हणून लोकप्रतिनीधी पदी वर्णी लागली असल्याची स्पष्टोक्ती त्यांनी दिली.

    कार्यक्रमाचे संचालन रतन सलामे यांनी,प्रास्ताविक अनिल मडावी यांनी तर आभार धिरजशाह मडावी यांनी मानले.कार्यक्रमाला आदिवासीच्या एकुण १७ विविध संघटनेचे पदाधिकारी, कार्यकर्ते तसेच आदिवासी बांधव मोठ्या संख्येने उपस्थित होते.

लॉयड्स मेटल सुरजागडच्या वतीने हेडरी येथे जागतिक योगा दिवस साजरा.

लॉयड्स मेटल अँड लॉयड्स इन्फिनिट फाउंडेशन,लोह खनिज खाण सुरजागड च्या वतीने मौजा हेडरी येथील निसर्गरम्य वातावरणात अससेल्या परिसरातील पटांगणात जागतिक योगा दिनाचे आयोजन करण्यात आले. या कार्यक्रमाचे उद्घाटन मा. श्री. के.सत्या राव सर, श्री. साई कुमार सर, श्री अरुण रावत सर, शेट्टी सर , राज्या सर यांच्या उपस्थितीत लहान मुलांच्या हस्ते पार पडला . या कार्यक्रमाला लोकांना ने-आन करण्या करिता बस सेवा पुरविण्यात आली. या कार्यक्रमाचे प्रशिक्षक संगीता मॅडम सदर कार्यक्रमाला 1200 च्या अधिक लोक या कार्यक्रमात सहभाग घेवुन जागतिक योगा दिवसाचे आनंद घेतले. कार्यक्रमात सहभागी झालेल्या सर्व लोकरिता नाष्टा, पिण्याच्या पाण्याची सोय उपलब्ध केलेली होती.

सर्वांना आजच्या योगा दिवसाच्या कार्यक्रमात सहभागी होवून आनंद झाल्याने सर्वांनी आयोजक लॉयड्स मेटल अँड लॉयड्स इन्फिनिट फाउंडेशन यांचे आभार मानले.

कार्यक्रमाच्या शेवटी योगा प्रशिक्षक मा. संगीता मॅडम, सहाय्यक प्रशिक्षक अरविंद सर सर यांचं शाल व श्रीफळ देवून सत्कार करण्यात आले.या कार्यक्रमाला यशस्वी करण्यासाठी लॉयड्स इन्फिनिट फाउंडेशन,लोह खनिज खाण सुरजागड च्या टीम नी भरपूर मेहनत घेत कार्यक्रमाला यशस्वी केली. सर्वत्र या कार्यक्रमाची चर्चा होत आहे.

उपविभाग भामरागड अंतर्गत पोस्टे धोडराज हद्दीतील आणखी एका गावाने केली माओवाद्यांना गावबंदी

पोस्टे धोडराज हद्दीतील मौजा भटपार येथील नागरिकांनी स्वत:हून पोस्टे येथे कुकरमध्ये ठेवलेल्या आयडी सदृश्य वस्तू, वायर, बॅटरी व सलाखी (Spikes) केले जमा

नुकतीच पोस्टे धोडराज हद्दीतील सात गावातील नागरिकांनी केली होती माओवाद्यांना गावबंदी

 गडचिरोली जिल्हयात माओवादी शासनविरोधी विविध घातपाताच्या कारवाया करण्यासाठी विविध प्रकारचे शस्त्र व स्फोटक साहित्यांचा वापर करतात व ते साहित्य सुरक्षा दलांना धोका पोहचविण्याच्या उद्देशाने गोपनियरित्या जंगल परिसरात जमीनीमध्ये पूरुन ठेवतात. अशा पूरुन ठेवलेल्या साहित्याचा वापर माओवाद्यांकडुन विविध नक्षल सप्ताह, निवडणूक तसेच इतर प्रसंगी केला जातो. 

नुकत्याच पार पडलेल्या लोकसभा सार्वत्रिक निवडणूक – 2024 च्या अनुषंगाने पोलीस पथकाला नुकसान पोहचवून मोठा घातपात घडवून आणण्याच्या उद्देशाने विविध ठिकाणी माओवाद्यांनी आय.ई.डी. हल्ले आणि क्लेमोर माईन्स मोठ¬ा प्रमाणात स्फोटके व इतर साहीत्य पुरुन ठेवले होते. परंतू गडचिरोली पोलीस दल पोलीस दादालोरा खिडकिच्या माध्यमातून प्रोजेक्ट उडान अंतर्गत विविध जनजागरण मेळावे, दिव्यांग मेळावे, कृषी सहली, कृषी मेळावे, आरोग्य मेळावे, महिला मेळावे इ. च्या माध्यमातून येथील गावक­यांपर्यंत शासनाच्या विविध योजना पोहचविण्यात यशस्वी झाल्याने पोलीस दलाच्या प्रती येथील गावक­यांचा विश्वास दृढ झाला. त्यामुळे माओवाद्यांचा सुरक्षा रक्षक दलास नुकसान पोहचविण्याचा व घातपात करण्याचा कोणताही मनसूबा यशस्वी होऊ शकला नाही. 

आज दिनांक 20/06/2024 रोजी पोलीस स्टेशन धोडराज हद्दीतील मौजा भटपार गाव जंगल परिसरातील घोटपाडी पहाडी जवळ माओवाद्यांनी सुरक्षा रक्षक दलास नुकसान व घातपात करण्याच्या उद्देशाने खडा बनवून त्यात लावण्यात आलेल्या लोखंडी टोकदार सलाखी (Spikes) तसेच कुकर मध्ये ठेवलेले आयडी सदृश वस्तू, वायर व बॅटरी मौजा भटपार गावातील नागरिकांनी स्वतःहून पोलीस स्टेशन ला येऊन जमा केल्या व यासोबतच तेथील गावक­यांनी माओवाद्यांना गावबंदी केल्याचा ठराव पोस्टे धोडराज प्रभारी अधिकारी यांचेकडे सुपुर्द केला. यापुर्वीही दिनांक 14/06/2024 रोजी पोस्टे धोडराज हद्दीतील सात गावातील नागरिकांनी माओवाद्यांना गावबंदी केल्याचा ठराव पोस्टे धोडराज येथे सादर केला होता.

सदरची कार्यवाही यशस्वीरित्या पार पाडण्यास उपविभागीय पोलीस अधिकारी भामरागड श्री. अमर मोहिते व पोस्टे धोडराज येथील प्रभारी अधिकारी श्री. अमोल सुर्यवंशी यांनी महत्वाची भूमिका बजावली. सदर नक्षल गावबंदी ठराव करणा­या मौजा भरपार येथील नागरिकांचे पोलीस अधीक्षक श्री. नीलोत्पल यांनी अभिनंदन केले असून, अतिदुर्गम भागातील इतर गावातील नागरिकांनीे माओवाद्यांच्या खोट¬ा प्रचाराला बळी न पडता स्वत:च्या व गावाच्या विकासासाठी प्रयत्नशिल राहावे. गडचिरोली पोलीस दल सदैव तुमच्या पाठीशी असून गडचिरोली जिल्ह्रास माओवादी मुक्त जिल्हा करण्यात अशाच प्रकारची मदत करावी असे आवाहन त्यांनी केले. 

------------।।।--------------

आंदोलनादरम्यान अभियंत्यास शिवीगाळ करून मारहाण करणाऱ्या ९ आंदोलकाविरुद्ध  पोलिस ठाण्यात विविध कलमान्वये गुन्हे दाखल

भद्रावती :- कर्नाटका-एम्टा कंपनीच्या खुल्या कोळसा खाणीच्या विरोधात बुधवारी करण्यात आलेल्या आंदोलनादरम्यान अभियंत्यास शिवीगाळ करून मारहाण करणाऱ्या ९ आंदोलकाविरुद्ध भद्रावती पोलिस ठाण्यात विविध कलमान्वये गुन्हे दाखल करण्यात आले आहे.

दि.१९ जून रोज बुधवारला बरांज येथील कर्नाटका एम्टा कंपनीत काँग्रेस तर्फे प्रकल्पग्रस्तांना घेऊन आंदोलन करण्यात आले. या आंदोलनाचे नेतृत्व या मतदारसंघाच्या नवनिर्वाचित खासदार प्रतिभाताई धानोरकर यांनी केले होते. आंदोलनादरम्यान कर्नाटका- एम्टा कंपनीचे मुख्य अधीक्षक अभियंता यश शिवाप्रसाद यांना खासदारांचे बंधू प्रवीण काकडे यांनी प्रकल्पग्रस्तांच्या मागण्या पूर्ण का केल्या नाही असा प्रश्न विचारत शिवीगाळ केली. याचवेळी एका आंदोलकाने शिवाप्रसाद यांच्या श्रीमुखात लगावली. याप्रकरणी भद्रावती पोलिस ठाण्यात बुधवारी रात्री ८ वाजता तक्रार देण्यात आली. त्यानुसार प्रवीण काकडे, निलेश भालेराव व अन्य सात आंदोलनकर्त्यांच्या विरोधात भा.दं.वि.१४३, १४७, १४९, ३५३, २९४, ५०६, ३३२ कलमान्वये गुन्हे दाखल करण्यात आले. 

बरांज येथील प्रकल्पग्रस्तांच्या मागण्या घेऊन काँग्रेस तर्फे खा.प्रतीभा धानोरकर यांच्या नेतृत्वात सदर कंपनी परिसरात आंदोलन करण्यात आले होते. सदर आंदोलनादरम्यान खासदार प्रतीभा धानोरकर यांच्याशी प्रकल्पग्रस्तांच्या मागण्यांविषयी कंपनी अधिकाऱ्यांशी चर्चा सुरू असतानाच आंदोलनकर्ते आक्रमक झाले व त्यांनी कंपनीच्या अधिकाऱ्यांना शिवीगाळ करीत कंपनीचे मुख्य अधीक्षक अभियंता यश शिवाप्रसाद यांना थापड मारली. त्यानंतर या प्रकरणाची तक्रार यश शिवाप्रसाद यांनी भद्रावती पोलिसात केली. त्यानुसार सदर आंदोलन कर्त्यांवर गुन्हे दाखल करण्यात आले आहे. घटनेचा पुढील तपास भद्रावती पोलीस करीत आहेत

दिव्यांग-अव्यंग जोडप्यास विवाह प्रोत्साहन लाभ वितरीत

दिव्यांग व्यक्तींनी शासकीय योजनांचा लाभ घेण्यासाठी पूढे यावे - आयुषी सिंह

गडचिरोली दि. २० : दिव्यांग व्यक्तींकरिता शासनाच्या अनेक योजना आहेत. त्याचा लाभ घेण्यासाठी त्यांनी पुढे येण्याचे आवाहन जिल्हा परिषदेच्या मुख्य कार्यकारी अधिकारी आयुषी सिंह यांनी केले आहे.

दिव्यांग-अव्यंग व्यक्तींच्या विवाहास प्रोत्साहन देण्यासाठी आर्थिक सहाय्य योजने अंतर्गत प्राधान्यक्रमानुसार पात्र असलेल्या 10 जोडप्यांना आज मुख्य कार्यकारी अधिकारी आयुषी सिंह यांचे हस्ते जिल्हा परिषद सभागृहात प्रती जोडपे 50 हजार याप्रमाणे बचत प्रमाणपत्र, धनादेश व भेटवस्तू देण्यात आल्या. अतिरिक्त मुख्य कार्यकारी अधिकारी राजेंद्र भुयार, जिल्हा समाज कल्याण अधिकारी चेतन हिवंज याप्रसंगी प्रामुख्याने उपस्थित होते.

दिव्यांगांच्या सामाजिक सुरक्षिततेचा एक भाग म्हणून, दिव्यांग व्यक्तींना आपले कौटुंबिक जीवन व्यतीत करता यावे यासाठी दिव्यांग व्यक्तींच्या विवाहास प्रोत्साहन मिळावे व विवाहासाठी आर्थिक मदत उपलब्ध व्हावी याकरीता आंतरजातीय विवाह करणाऱ्यांना जोडप्यांना ज्या प्रकारे आर्थिक सहाय्य दिले जाते, त्याप्रमाणे दिव्यांग व दिव्यांगत्व नसलेल्या विवाहीत जोडप्यांना आर्थिक सहाय्य देण्यात येत असल्याची माहिती श्रीमती सिंह यांनी दिली. 

किमान 40 टक्के किंवा त्यापेक्षा जास्त दिव्यांगत्व असलेल्या व्यक्तीशी सुदृढ व्यक्तीने विवाह केल्यास त्या जोडप्यास योजनेचा लाभ दिला जातो. वधू किंवा वर यापैकी एक महाराष्ट्र राज्याचा रहिवाशी असावा, विवाहित वधू व वराचा प्रथम विवाह असावा अशी पात्रतेची अट आहे. 

 या योजनेंतर्गत प्रत्येक जोडप्यास रुपये २५ हजार चे बचत प्रमाणपत्र, रुपये २० हजार रोख स्वरुपात व रुपये ४ हजार ५०० चे संसार उपयोगी साहित्य / वस्तू खरेदीसाठी देण्यात येईल. तर रुपये ५०० स्वागत समारंभाच्या कार्यक्रमाचा खर्च करण्यासाठी देण्यात येतात.

कार्यक्रमाला गायत्री सोनकुसरे, पुष्पा पारसे, रतन शेंडे, निलेश तोरे, निखील उरकुडे, माया गायकवाड व समाज कल्याण विभागाचे इतर कर्मचारी उपस्थित होते.

महाडीबीटी पोर्टलवर शेतकऱ्‍यांनी अर्ज करण्याचे आवाहन

गडचिरोली, दि.20 : राज्य पुरस्कृत एकात्मिक कापूस, सोयाबीन व इतर तेलबिया उत्पादकता वाढ व मूल्य साखळी विकास योजना अंतर्गत महाडीबीटी पोर्टलवर राबविण्यात येणाऱ्या बाबीकरीता शेतकऱ्‍यांनी अर्ज सादर करावेत, असे आवाहन कृषी विभागाने केले आहे.

कापूस, सोयाबीन व इतर तेलबिया उत्पादकता वाढ व मूल्य साखळी विकास योजना व इतर तेलबिया पिकातील मूल्यसाखळीस चालना देणे या उद्देशाने राज्य पुरस्कृत विशेष कृती योजना सन 2022-23 ते 2024-25 या तीन वर्षात चामोर्शी, अहेरी व सिरोंचा या तालुक्यात राबविण्यात येत आहे. सन 2024-25 मध्ये योजनेंअंतर्गत चालू खरीप हंगाम मध्ये खालील निविष्ठा पुरविण्यात येणार आहेत. नॅनो युरिया सोयाबीन, नॅनो डीएपी सोयाबीन, नॅनो युरिया कापूस, नॅनो डीएपी कापूस करीता अर्ज करण्याचा कालावधी 30 जून 2024 पर्यंत आहे. 

 वरील निविष्ठांचा पुरवठा करण्याकरीता लाभार्थ्यांची निवड महाडीबीटी पोर्टलवर केलेल्या ऑनलाईन अर्जातून ऑनलाईन पध्दतीने करण्यात येणार आहे. त्यासाठी महाडीबीटी पोर्टलवर बियाणे, औषधे व खाते या बाब अंतर्गत शेतकऱ्‍यांना अर्ज करता येतील. तरी जास्तीत जास्त शेतकऱ्यांनी https://mahadbt.maharashtra.gov.in/farmer/login/login या वेबसाईड वर जाऊन ऑनलाईन अर्ज करावेत व योजनेचा लाभ घ्यावा, असे आवाहन जिल्हा अधिक्षक कृषी अधिकारी बसवराज मास्तोळी यांनी केले आहे.

जिल्ह्याला मिळाले 19 वैद्यकीय अधिकारी ,या प्राथमिक आरोग्य केंद्रावर मिळाले नवनियुक्त वैद्यकीय अधिकारी

जिल्हा निवड समितीमार्फत शिघ्रतेने पदभरती

           गडचिरोली दि. 19 : जिल्ह्यातील वैद्यकीय अधिकाऱ्यांची पदे रिक्त असल्याने दुर्गम भागातील नागरिकांना अडचणींचा सामना करावा लागत होता. याबाबत नागरिकांची निकड लक्षात घेता पावसाळ्यापूर्वीच जिल्ह्यातील प्राथमिक आरोग्य केन्द्राकरिता वैद्यकीय अधिकारी उपलब्ध व्हावे, याकरिता जिल्हा निवड समितीचे अध्यक्ष विजय भाकरे व जिल्हा परिषदेच्या मुख्य कार्यकारी अधिकारी आयुषी सिंह व समितीने शिघ्रतेने कार्यवाही करत दोन दिवसातच 80 कंत्राटी वैद्यकीय अधिकाऱ्यांच्या मुलाखत घेवून लगेचच 19 वैद्यकीय अधिकाऱ्यांना नियुक्तीपत्र दिले आहे. 

जिल्ह्यामध्ये आरोग्य सेवा बळकट करणे आवश्यक असल्याने सदरची नियुक्ती प्रक्रिया तातडीने राबवण्यात आल्याची प्रतिक्रिया प्रभारी जिल्हाधिकारी विजय भाकरे यांनी दिली. ग्रामीण भागात आरोग्य अधिकारी उपलब्ध व्हावे यासाठी जिल्हा परिषदेच्या मुख्य कार्यकारी अधिकारी आयुषी सिंह अनेक दिवसांपासून आग्रही होत्या. 

                जिल्हा परिषद,गडचिरोली आरोग्य विभाग अतंर्गत सहा एम.बी.बी.एस.व 13 बी.ए.एम.एस अहर्ता धारक वैद्यकीय अधिक-यांच्या रिक्त पदाकरिता थेट मुलाखत दिनांक 18 जून 2024 रोजी जिल्हाधिकारी कार्यालय गडचिरोली येथे पार पडली. याकरिता वृत्तपत्रात जाहिरात तसेच एन.आय.सी. व जिल्हा परिषदेच्या संकेतस्थळावर जाहिरात प्रकाशीत करण्यात आलेली होती. या पदभरतीकरिता गडचिरेाली, गोदिया, चंद्रपुर, नागपुर, भंडारा, अमरावती, यवतमाळ या जिह्यातील एम.बी.बी.एस. व बी.ए.एम.एस. शैक्षणीक अहर्ता धारक उमेदवार उपस्थीत होते. विशेष म्हणजे 19 जागांकरिता 80 अर्ज प्राप्त झाले होते. जिल्ह्यात आरोग्य सेवेत काम करण्यासाठी प्रथमच चांगला प्रतिसाद मिळाला.

या प्राथमिक आरोग्य केंद्रावर मिळाले नवनियुक्त वैद्यकीय अधिकारी

: येनाापूर, कारवाफा, पेंढरी, अडपल्ली, कसनसुर, रांगी, सावंगी, वैरागड, देवूळगाव, आमगाव, गट्टा, झिंगानूर, रंगय्यापल्ली, कमलापूर, कसनसुर, आरेवाडा, अंगारा, लगाम व फिरते आरोग्य पथक कोरची या 19 प्राथमिक आरोग्य केंद्रावर नवीन वैद्यकीय अधिकाऱ्यांना नियुक्ती देण्यात आली आहे.

             नवीन वैद्यकीय अधिकाऱ्यांनी सात दिवसात रूजू व्हावे अन्यथा त्यांची नियुक्ती रद्द करून प्रतिक्षा यादीतील उमेदवारांना नियुक्ती देण्यात येईल, अशा सूचना नियुक्ती आदेशात देण्यात आल्या असल्याचे जिल्हा निवड समितीचे सदस्य सचिव तथा जिल्हा आरोग्य अधिकारी डॉ. प्रताप शिंदे यांनी कळविले आहे.

विज पडण्याची सूचना देणार ‘दामिनी’,

मोबाईल ॲप वापरून पडणाऱ्या वीजेपासून संरक्षण करण्याचे आवाहन

गडचिरोली,(जिमाका) दि.20 : मान्सून कालावधीत विशेषतः जून व जुलै या महिन्यात विज पडून जिवीतहानी होण्याच्या घटना मोठ्या प्रमाणात होतात. विज पडून जिवीत हानी होऊ नये, या करीता प्रतिबंधात्मक उपाययोजना म्हणुन पृथ्वी मंत्रालय भारत सरकार नवी दिल्ली यांनी “दामिनी ” अॅप तयार केले आहे. हे दामिनी ॲप विज पडण्याची सूचना देणारआहे. त्यामुळे नागरिकांनी वीज पडून होणाऱ्या धोक्यापासून वाचण्यासाठी ॲप वापरण्याचे आवाहन प्रशासनाने केले आहे.

सदरचे अॅप गुगल प्ले स्टोअरवर उपलब्ध आहे. सुरक्षात्मक उपाययोजना म्हणून सर्व नागरिकांना तसेच शासकीय यंत्रणा, शासकीय अधिकारी, कर्मचारी, नागरिक, क्षेत्रीय अधिकारी, मंडळ अधिकारी, गाव स्तरावरील सरपंच, पोलिस पाटील, तलाठी, ग्रामसेवक, कृषीसेवक, कोतवाल, आशा वर्कर, अंगणवाडी सेविका, आरोग्य सेवक, ग्रामपंचायत डाटा एंन्ट्री ऑपरेटर यांना सदरचे अॅप डाऊनलोड करुन त्याचा वापर करावा व इतरांनाही दामिनी ॲप वापरण्यास प्रवृत्त करावे.

सदरचे अॅप जीपीएस लोकेशन ने काम करीत असून त्यात विज पडण्याच्या 15 मिनिटापूर्वी सूचना देण्यात येते. सदरच्या अॅपमध्ये स्थिती दर्शविण्यात येते. अॅपमध्ये आपले सभोवताल विज पडत असल्यास सदरचे ठिकाणापासुन सुरक्षीत स्थळी जावे. तसेच सदर वेळी झाडाचा आश्रय घेऊ नये.

गावातील सर्व स्थानिक शासकीय अधिकारी कर्मचारी यांना सदर ॲप डाऊनलोड करुन त्यामध्ये प्राप्त होणाऱ्या अलर्ट नुसार आवश्यक पूर्वसुचना गावातील सर्व नागरिकांना देऊन होणारी जीवितहानी टाळावी, असे आवाहन जिल्हा आपत्ती व्यवस्थापन अधिकारी निलेश तेलतुंबडे यांनी केले आहे

बेकायदेशीरपणे मंजूर लेआऊट तातडीने रद्द करा : शेतकरी कामगार पक्षाची मागणी 

गडचिरोलीत दोन हजार कोटींचा भ्रष्टाचार 

गडचिरोली : जिल्ह्यात अनेक ठिकाणी नियमबाह्य पद्धतीने शेतजमिनी अकृषक करून लेआऊटांना मंजूरी देवून २ हजार कोटी रुपयांचा भ्रष्टाचार नगर रचना व मुल्यांकन अधिकारी आणि भूमाफियांनी केला असून या प्रकरणी दोषींवर कडक कारवाई होण्यासाठी शहानिशा करून सक्तवसुली संचालनालय आणि शासनाकडे पाठपुरावा करण्यात यावा, अशी मागणी शेतकरी कामगार पक्षाच्या वतीने जिल्हाधिकाऱ्यांकडे करण्यात आली आहे.

शेतकरी कामगार पक्षाच्या वतीने जिल्हा चिटणीस भाई रामदास जराते यांनी जिल्हाधिकाऱ्यांकडे केलेल्या तक्रारीत म्हटले आहे की, सध्या गाजत असलेल्या पुरुषोत्तम पुट्टेवार हत्याकांडातील आरोपी असलेल्या गडचिरोली येथील नगर रचना व मुल्यांकन अधिकारी सौ. अर्चना पुट्टेवार (पार्लेवार) यांच्या कालावधीत गडचिरोली जिल्ह्यात अनेक ठिकाणी बेकायदेशीरपणे पुरग्रस्त, शासकीय व भूदान यज्ञ वाटप आणि गोसेखुर्द, कोटगल, चिचडोह बॅरेज तसेच अन्य सिंचन प्रकल्पाच्या लाभक्षेत्रातील शेतजमिनी ग्रिन बेल्ट मध्ये असतांनाही त्या जमीनी अर्थपूर्ण व्यवहार करुन अकृषक करण्यात आल्या व त्यावर लेआऊट मंजूर करुन २ हजार कोटी रुपयांहून अधिकचा भ्रष्टाचार करण्यात आल्याची धक्कादायक बाब उघडकीस आलेली आहे.

सदरचा प्रकार अत्यंत गंभीर असून या प्रकरणी पुरग्रस्त, शासकीय व भूदान यज्ञ वाटप आणि गोसेखुर्द, कोटगल, चिचडोह बॅरेज तसेच अन्य सिंचन प्रकल्पाच्या लाभक्षेत्रातील शेतजमिनी ग्रिन बेल्ट मध्ये असतांनाही त्या जमीनी बेकायदेशीरपणे अकृषक करण्यात सौ. अर्चना पुट्टेवार (पार्लेवार) संबंधित लेआऊट धारकांसह अन्य कोणकोणाचा सहभाग आहे व त्यातून किती कोटींची संपत्ती संबंधितांनी लाटली याची शहानिशा होणे गरजेचे आहे, असेही भाई रामदास जराते यांनी लक्षात आणून दिले आहे.

नगर रचना व मुल्यांकन अधिकारी सौ.अर्चना पुट्टेवार (पार्लेवार) यांच्या कार्यकाळात पुरग्रस्त, शासकीय व भूदान यज्ञ वाटप आणि गोसेखुर्द, कोटगल, चिचडोह बॅरेज तसेच अन्य सिंचन प्रकल्पांच्या लाभक्षेत्रातील व शेतजमिनी ग्रिन बेल्ट मध्ये असतांनाही त्या जमीनी बेकायदेशीरपणे अकृषक करून लेआऊट मंजूर करण्याच्या प्रकरणांची शहानिशा करून सदर अकृषक प्रकरणांची व लेआऊटची मंजुरी कायमस्वरूपी रद्द करण्यात येवून दोषींवर कडक कारवाई होण्यासाठी सक्तवसुली संचालनालय, मुंबई (E.D.) आणि शासनाकडे जिल्हाधिकारी कार्यालयाकडून पाठपुरावा करावा अशी विनंतीही शेतकरी कामगार पक्षाचे जिल्हा चिटणीस भाई रामदास जराते यांनी केली आहे.

देसाईगंज आय.टी.आय. मध्ये 21 जून ला रोजगार मेळावा

गडचिरोली,दि.19(जिमाका): शासकीय औद्योगिक प्रशिक्षण संस्था देसाईगंज येथे शुक्रवार दिनांक 21 जून 2024 रोजी सकाळी 10 वाजता “छत्रपती शाहू महाराज युवाशक्ती करिअर मेळाव्याचे” आयोजन करण्यात आलेले आहे. 

सदर मेळाव्याचे उद्घाटन आमदार कृष्णाजी गजबे यांच्या हस्ते होणार असून प्रमुख अतिथि म्हणून तहसिलदार प्रीती डुडूलकर, गटविकास अधिकारी प्रणाली खोचरे, भारतीय स्टेट बँक वडसाचे प्रबंधक राजू एम. मुंडे तसेच आफताब आलम खान, प्रा. लालसिंग खालसा, प्रा. दामोधर शिंगाडे प्राचार्य, संजय कुथे, इतर मान्यवर उपस्थित राहणार आहेत. 

या मेळाव्यात दहावी आणि बारावीनंतर शिक्षणाच्या संधी, व्यक्तिमत्व विकास व मुलाखतीचे तंत्र, आयटीआय तसेच महाविद्यालयीन प्रवेश प्रक्रिया, उच्च शिक्षणाच्या संधी, स्पर्धा परीक्षा मार्गदर्शन या विषयांवर तज्ञ मार्गदर्शकांकडून मार्गदर्शन करण्यात येणार आहे. रोजगार आणि स्वयंरोजगार व शिक्षण पूर्ण करण्यासाठी कर्जांच्या विविध योजनेविषयी बँकेचे अधिकारी सुद्धा मार्गदर्शन करणार आहेत. तसेच आयटीआय उत्तीर्ण विद्यार्थ्यांना सैन्य दलामध्ये नोकरीच्या विविध संधी आणि पोलिस भरती व अग्निवीर योजनेविषयी माहिती दिली जाणार आहे. 

सदर संधीचा लाभ जिल्ह्यातील सर्व विद्यार्थी आणि पालकांनी घेण्याचे आवाहन योगेंद्र शेंडे सहा. आयुक्त कौशल्य विकास व उद्योजगता मार्गदर्शन केंद्र, गडचिरोली व जिल्हा व्यवसाय व प्रशिक्षण अधिकारी वैभव बोंगिरवार आणि कार्यक्रमाचे आयोजक संस्थेचे प्राचार्य सुरेश चौधरी यांनी केले आहे.

सिकल सेल रुग्णाच्या चेहऱ्यावर ‘मुस्कान’ आणणे हेच आपले ध्येय ; मुख्य कार्यकारी अधिकारी आयुषी सिंह

जागतिक सिकलसेल दिन जनजागृती रॅलीने साजरा

गडचिरोली दि 19 : जिल्हयात सुरु असलेल्या "मुस्कान" एक वाटचाल.. सिकल सेल मुक्त गडचिरोली कडे… हा कार्यक्रम 6 ते 19 वर्ष वयोगट शालेय तसेच शाळा बाह्य सर्वच विद्यार्थ्यांचे सिकल सेल तपासणी, आजाराबाबत आणि लग्नापूर्वीचे समुपदेशन, आजारी विद्यार्थ्यांना नियमित औषध व पाठपुरावा तसेच शासनाच्या योजनेचे लाभ मिळवून देत आहे. ‘मुस्कान’ कार्यक्रमाच्या माध्यमाने सर्व सिकल सेल रुग्णाच्या चेहऱ्यावर मुस्कान आणणे हेच आपले ध्येय असल्याचे मुख्य कार्यकारी अधिकारी आयुषी सिंह यांनी आज सांगितले.

जागतिक सिकल सेल दिनानिमित्त आज इंदिरा गांधीचौक ते महिला व बाल रुग्णालय पर्यंत जनजागृती रॅली चे आयोजन करण्यात आले होते. या रॅलीचे उदघाटन मुख्य कार्यकारी अधिकारी आयुषी सिंग यांच्या हस्ते करण्यात आले. यावेळी मार्गदर्शन करतांना त्या बोलत होत्या. जिल्हा आरोग्य अधिकारी डॉ. प्रताप शिंदे, अतिरिक्त जिल्हा आरोग्य अधिकारी डॉ. अमित साळवे, वैद्यकिय अधिक्षक डॉ प्रशांत आखाडे, सहायक संचालक हत्तीरोग डॉ सचिन हेमके, जिल्हा साथरोग वैद्यकिय अधिकारी डॉ रुपेश पेंदाम यावेळी उपस्थित होते.

ऑक्टों 2023 पासून जिल्ह्यात एकूण 1530 गरोदर स्त्रियांची तपासणी करण्यात अली आहे. त्या पैकी 54 स्त्रिया या सिकल सेल वाहक म्हणुन व 17 जोडपी हे दोन्ही वाहक असल्याचे आढळले व अश्या सर्व 17 स्त्रियांची गर्भजल चाचणी करण्यात आली आहे. लग्नापुर्वी सर्वानीच सिकलसेल तपासणी करावी. उपकेंद्र स्तरावर पेशंट सपोर्ट ग्रुप हे स्थापन करण्यात यावे जेणेकरून सर्व सिकलसेल वाहक आणि रुग्ण व्यक्तीचा नियमित औषधी व आरोग्य तपासणीसाठी आणि समुपदेशनासाठी पाठपुरावा घेण्यात येईल. जिल्ह्यात सिकलसेल चे नवीन रुग्ण होऊन नये व आहेत त्या रुग्णांना नियमित आरोग्य सेवा मिळावी म्हणून जिल्हा आरोग्य विभाग हे तत्पर आहे. हे कार्यक्रम राबविण्यासाठी व कार्यक्रमाच्या सनियंत्रांसाठी पाथ ही संस्था आरोग्य विभागासोबत कार्यरत असल्याचे जिल्हा आरोग्य अधिकारी डॉ प्रताप शिंदे यांनी सांगितले.

 यावेळी प्राचार्य उत्तम खंते,श्रीमती नेहा ओलाख ,जिल्हा नोडल अधिकारी डॉ पंकज हेमके,पाथ संस्था प्रकल्प अधिकारीडॉ नरेंद्र कुंभारे,सिकलसेल कोऑडीर्रनेटर रचना फुलझेले उपस्थित होते. रॅली मध्ये श्री साईइंस्टीटयुट ऑफ नर्सिंग अँड मेडिकल सायन्स चे बीएससी व जीएनएम चे विद्यार्थी आणि सामान्य रुग्णालय परिचर्या प्रशिक्षण केंद्रातील विद्यार्थीनी,आशा स्वयंसेविका यांनी सिकलसेल विषयी बॅनर , पोस्टर व्दारे जनजागृती करुन शोभा वाढवली,यामध्ये सिकलसेल विषयी निदान ,उपचार समुपदेशन याविषयी चे पोस्टर,बॅनर लोकांचे लक्ष वेधुन घेत होते, त्यांनी सिकलसेल कार्यक्रमाविषयी समर्पक अशी प्रसिध्दी केली त्याबदृल सर्व जिल्हा स्तरीय अधिका-यांनी त्यांचे कौतुक केले. जनजागृती मध्ये रॅली चे महत्व उपस्थितांना सांगितले. डॉ.प्रशांत आखाडे, वैद्यकिय अधिक्षक जिल्हा महिला व बाल रुग्णांलय गडचिरोली यांनी उपस्थित सर्वाना सिकलसेल आजाराबाबत मार्गदर्शन केले. 

 कार्यक्रमात एकुण 31 सिकलसेल रुग्णांची CBC, LFT, KFT या तपासण्या करुन त्यांना हायड्राक्सीयुरीया हे औषध सुरु करण्यात आले व सिकलसेल आजाराबाबत समुपदेशन करण्यात आले. 

एक रुपयात पीक विमा : योजनेत सहभागी होण्यासाठी 15 जुलैची मुदत 

गडचिरोली, दि.19 : खरीप हंगाम 2024 करिता कर्जदार व बिगर कर्जदार शेतकऱ्यांना प्रधानमंत्री पीक विमा योजनेत सहभागी होण्याची अंतिम मुदत 15 जुलै 2024 आहे. केवळ एक रुपया प्रती अर्ज एवढी रक्कम भरुन पीक विमा पोर्टलवर विम्याची नोंदणी करण्याचे आवाहन, कृषी विभागामार्फत करण्यात आले आहे. 

     राज्यात खरीप हंगाम 2016 पासून प्रधानमंत्री पीक विमा योजना राबविण्यात येत आहे. खरीप हंगाम 2020 पासून तीन वर्षासाठी राज्यात ही योजना राबविण्यास मान्यता देण्यात आली होती. केंद्र शासनाच्या सूचनेनुसार ही योजना खरीप हंगाम 2023 ते रब्बी 2025-26 हंगाम या तीन वर्षाकरिता अधिसुचित पीकांसाठी वीमा क्षेत्र घटक धरुन ‘सर्वसमावेशक पीक विमा योजना’ राबविण्याचा निर्णय घेण्यात आला. विमा कंपन्यांची अंमलबजावणी यंत्रणा म्हणून या तीन वर्षासाठी निवड करण्यात आली आहे. 

विमा कंपन्यांचे नाव व टोल फ्री क्रमांक

गडचिरोली जिल्हयासाठी रिलायन्स जनरल इंन्शुरन्स कं.लि. नेमण्यात आली असून 18001024088 हा टोल फ्री क्रमांक आहे.

*पीक विमा योजनेंतर्गत या जोखमींचा समावेश*

हवामान घटकांच्या प्रतिकुल परिस्थितीमुळे पिकांची पेरणी किंवा लावणी न झाल्यामुळे होणारे नुकसान, हवामानातील प्रतिकुल परिस्थितीमुळे पिकांचे होणारे नुकसान, पेरणी पासून काढणी पर्यंतच्या  

कालावधीत पिकांच्या उत्पादनात येणारी घट, स्थानिक नैसर्गिक आपत्ती आणि काढणी पश्चात नुकसान या जोखमींचा प्रधानमंत्री पीक विमा योजनेंतर्गंत समावेश करण्यात आला आहे.

       आधारकार्ड, 7/12 उतारा, 8 अ, आधार संलग्न बॅक पासबुक या कागदपत्रांसह शेतकऱ्यांना नजीकच्या बॅक शाखेत तसेच आपले सेवा केंद्रामध्ये विहित मुदतीत विमा हप्ता भरुन सहभागी होता येणार आहे.  

जिल्ह्यातील 19 महसूल मंडळांना लवकरच मिळणार नवीन आधार केंद्र

जनसंवादातून सुशासनाकडे’ कार्यक्रमाचा परिणाम

नागरिकांच्या समस्येची तात्काळ दखल

गडचिरोली दि. 19 : शासनाच्या बहुतांश योजनांचा लाभ मिळण्यासाठी आधार कार्ड आवश्यक असल्याने दुर्गम भागातील नागरिकांना आधार कार्ड बनवने सोयीचे व्हावे म्हणून जिल्हा प्रशासनाद्वारे प्रत्येक नवीन महसूल मंडळात आधार केंद्र सुरू करण्याचा प्रस्ताव शासनाकडे सादर केला आहे. 

जिल्हा प्रशासनाने नुकतेच ‘जनसंवादातून सुशासनाकडे’ हा दूरदृष्‍यप्रणालीद्वारे दुर्गम भागातील नागरिकांशी संवादाचा अभिनव उपक्रम सुरू केला आहे. यात दिनांक 13 जून रोजी झालेल्या जनसंवाद कार्यक्रमात दुर्गम भागातील अनेक लाभार्थ्यांकडे आधार कार्ड नसल्याने ते शासकीय योजनांपासून वंचित राहत असल्याच्या समस्या नागरिकांनी मांडल्या होत्या. याची तात्काळ दखल घेवून प्रभारी जिल्हाधिकारी विजय भाकरे यांनी आधारकार्ड समस्येबाबत पूर्ण जिल्ह्याचा आढावा घेत चौकशी केली. आधार कार्डमुळे शासकीय योजनांपासून कोणीही वंचित राहू नये आणि सर्वांना शासकीय योजनांचा लाभ मिळावा यासाठी सर्व महसूल मंडळ स्तरावर आधार केंद्र स्थापण करण्याचे निश्चित करण्यात आले. त्यानुसार राज्य शासनाकडे नवीन 20 आधार संच मिळण्याची मागणी प्रशासनाद्वारे करण्यात आली आहे. 

शासकीय योजनांचा लाभ घेण्याकरिता नागरिकांकडे आधार कार्ड असणे व ते अद्यावत असणे आवश्यक आहे. मात्र गडचिरोली जिल्हा हा नक्षलग्रस्त, जंगलव्याप्त, अतिदुर्गम व भौगोलिक क्षेत्राने मोठा असून उपलब्ध आधार नोंदणी केंद्राची संख्या कमी असल्याने अतिरिक्त 20 आधार नोंदणी संच पुरवठा करण्याची विनंती जिल्हाधिकारी यांनी राज्य शासनाच्या माहिती तंत्रज्ञान विभागाकडे केली आहे. 

गडचिरोली जिल्ह्यात एकूण 59 महसूल मंडळ आहेत. यात जुने 40 व 19 नवीन स्थापण झालेले महसूल मंडळ आहेत. या 19 नवीन महसूल मंडळात कुरखेडा तालुक्यातील कढोली, कोरची तालुक्यातील बेडगाव, कोटगूल व बसेली, गडचिरोली तालुक्यात येवली, पोर्ला, पोटेगाव, धानोरा तालुक्यात चातगाव, सुरसुंडी, रांगी, मुलचेरामध्ये लगाम माल, एटापल्लीतील कोटमी, बुर्गी, हालेवारा व तोडसा, भामरागड तालुक्यातील लाहेरी व ताडगाव तसेच सिरोंचा तालुक्यातील बाम्हणी यांचा समावेश आहे. या नवीन महसूल मंडळाचे ठिकाणी आपले सरकार सेवा केंद्र चालकातून नवीन आधार केंद्र चालकांची निवड करण्याची पूर्वतयारी करण्याच्या सूचनाही प्रभारी जिल्हाधिकारी भाकरे यांनी संबंधीत तहसिलदार यांना दिल्या आहेत.

000

कृषी महाविद्यालयातील विद्यार्थ्यांकडून चारा उपचाराचे प्रात्यक्षिक

चामोर्शी 

         तालुक्यातील फोकूर्डी इथे १९ जुन रोजी केवळरामजी हर्डे कृषी महाविद्यालयातील विद्यार्थ्यांनी चारा उपचाराचे प्रात्यक्षिक करून दाखवले. युरियाच्या वापरातून चारा पिकावर उपचार करण्याच्या प्रात्यक्षिकात एक लिटर पाण्यात ५०० ग्रा. गूळ, ५० ग्रा. मीठ व ९ ग्रा. युरिया एकजीव करून एक किलो वाळलेला चारा वर शिंपडून त्याचे मिश्रण केले आणि हा चारा २१ दिवसांनी गुरांना खायला देण्याचा सल्ला कृषी विद्यार्थ्यांनी शेतकऱ्यांना दिला.

 फायदे - 1) चाऱ्याच्या पोषक घटकांमध्ये वाढ होते, 

2)त्यामुळे जनावरांच्या दूध उत्पादनातदेखील वाढ होते.

3)जनावराची शारीरिक वाढ, प्रजनन क्षमता ही सुरळीत राखली जाते.

4(अगदी कमी खर्चात व कमी वेळात जनावरांना पौष्टिक, सकस आहार उपलब्ध करून देता येतो. 

यावेळी डॉ. आदित्य कदम, प्रा. छबिल दुधबळे,प्रा. पवन बुद्धबावरे,प्रा. निकिता येलमूले, प्रा.प्रलय झाडे यांनी मार्गदर्शन केले.

सदर प्रत्यक्षिकाच्या वेळी विद्यार्थी   

तन्मय झाडे, अनिकेत येनुरकर, हर्ष थुटे, प्रज्योत उराडे, रजी पोठीया आणि शेतकरी आदी उपस्थित होते.

चिचडोह बॅरेजच्या 38 दरवाज्यातून उद्या पाणी सोडणार‌; गडचिरोली-चंद्रपुर जिल्ह्यात वैनगंगा नदीकाठच्या नागरिकांनी सावधानता बाळगावी

जिल्हा प्रशासनाचे आवाहन

गडचिरोली,दि.19 : गडचिरोली जिल्ह्यातील चामोर्शी तालुक्यात असलेल्या चिचडोह बॅरेजमधून दिनांक 21 जून 2024 रोजी सकाळी 8 वाजता प्रकल्पाचे सर्व 38 दरवाजातून 190.23 क्यूमेक्स पाण्याचा विसर्ग नदीपात्रात सोडण्यात येणार आहे. यामुळे नदीतील निम्न भागातील पाण्याची पातळी वाढणार आहे. त्यामुळे या नदीकाठाने राहणाऱ्या गडचिरोली व चंद्रपुर जिल्ह्यातील नागरिकांनी सावधानता बाळगावी, असे आवाहन जिल्हा प्रशासनाद्वारे करण्यात आले आहे.

गोसीखुर्द धरणातून 40 घ. मी./सेकंद इतका विसर्ग सोडण्यात आला असल्याने दिनांक 29 जून 2024 पर्यंत चिचडोह प्रकल्पाचा पाणीसाठा 179.800 मी. पर्यंत वाढेल, त्या अनुषंगाने खबरदारी म्हणून पाणीसाठा नियंत्रित करण्यासाठी चिचडोह प्रकल्पातून पाण्याचा विसर्ग करण्यात येणार आहे.

 वैनगंगा नदीवर चामोर्शी तालुका मुख्यालयापासून उत्तरेस 5 कि.मी. अंतरावर चिचडोह बॅरेजचे बांधकाम जून 2018 मध्ये पूर्ण झालेले आहे. सदर बॅरेज मार्कंडा देवस्थानापासून वैनगंगा नदीचे वरचे बाजुस 4 किलोमिटर अंतरावर आहे. याची एकूण लांबी 691 मीटर असून त्यावर 15 मीटर लांबीचे व 9 मीटर उंचीचे 38 लोखंडी उभे उचल दरवाजे बसविण्यात आलेले आहेत. चिचडोह बॅरेजमध्ये दिनांक 18 जून 2024 रोजी पाणी पातळी 178.90 मी. व पाणीसाठा 11.285 द.ल.घ.मी. इतका आहे. 

*या गावांनी आहे धोका* : गडचिरोली जिल्ह्यातील मार्कंडादेव, घारगाव, फराडा, वाघोली, चामोर्शी, हल्दीपूरानी, टेकडा, दोटकूली, कळमगाव, खंडाळा. एकोडी, अनकोडा, इल्लूर, नविन लोंढोली, आष्टी, चपराळा, गणपूर व कढोली. तसेच चंद्रपुर जिल्ह्यातील लोंढोली, उसेगाव, पार्डी, बेंबाळ, जिबगाव, पेठगाव, शिर्सी,साखरा, कोरंबी, बोरघाट, देवाळा (बु), चखठाणा,विठ्ठलवाडा, पिपरी व घाटकूळ.

वाढीव पाणी पातळीमुळे जिवित व वित्त हानी होवू नये म्हणून नदीलगतचे सर्व गावकऱ्यांनी सदर कालावधीत नदीकाठावर जाणे टाळावे तसेच नदीकाठावरील शेतामध्ये कामे करतांना उचित सतर्कता बाळगावी. मार्कंडा देवस्थान येथील यात्रेकरी, नदीवर आंघोळ करणारे, मासेमारी करणारे, नदीघाटातुन रेती काढणारे, पशुपालक, नदीतून ये-जा करणाऱ्या नागरिकांनी आवश्यक खबरदारी घेवून प्रशासनास सहकार्य करण्याचे आवाहन गडचिरोली पाटबंधारे विभागाचे कार्यकारी अभियंता राहूल मोरघडे यांनी केले आहे.  

पीक कर्ज वाटपाचे उद्दिष्ट वेळेत पूर्ण करा; बँकर्स आढावा बैठकीत जिल्हाधिकाऱ्यांचे निर्देश

गडचिरोली दि 18: शेतकऱ्यांना पेरणीसाठी बी-बियाणे तसेच कीटकनाशकांची उपलब्धता वेळेवर व्हावी याकरिता खरीप पीक कर्ज वाटपाचे उद्दिष्ट लवकरात लवकर पूर्ण करण्याचे निर्देश प्रभारी जिल्हाधिकारी विजय भाकरे यांनी बँकाना दिले. तसेच शेतकऱ्यांनी देखील कर्ज मागणीसाठी बँकेकडे लवकरात लवकर अर्ज करण्याचे आवाहन त्यांनी केले.

 श्री भाकरे यांच्या अध्यक्षतेखाली पीक कर्जाचा आढावा जिल्हाधिकारी कार्यालयात नुकताच घेण्यात आला, यावेळी जिल्हा ग्रामीण विकास यंत्रणेचे प्रकल्प संचालक प्रशांत शिर्के, जिल्हा अग्रणी बँक व्यवस्थापक प्रशांत घोंगळे, नाबार्डचे जिल्हा व्यवस्थापक नारायण पौणीकर, भारतीय रिझर्व बँकेचे क्षेत्रीय अधिकारी श्री गणवीर, आरसेटीचे संचालक कैलास बोलगमवार, युवराज टेंभुर्णे, तसेच विविध बॅंकांचे प्रतिनिधी उपस्थित होते.

     श्री भाकरे यांनी पुढे सांगितले की पाऊस पडायला सुरूवात झाली असल्याने शेतकऱ्यांकरिता पुढील तीन-चार आठवडे महत्वाचे असून बँकानी त्यापुर्वी विशेष मोहिम राबवून खरीप पिक कर्ज वाटप पुर्ण करावे. राष्ट्रीयकृत बँका व खाजगी बँकांतर्फे पीककर्ज वाटपाची गती वाढवावी. पीक कर्जासोबतच बँकांनी केंद्र व राज्य शासनाच्या विविध महत्वाकांक्षी योजनांतर्गत प्राधान्यक्रम क्षेत्रात (कृषी, कृषी संलग्न व्यवसाय, मत्स्यव्यवसाय, दुग्धव्यवसाय, गृह कर्ज, शिक्षण, वनीकरण इत्यादी ) कर्जवाटपाचे जास्तीत काम करण्याचे व चालु आर्थिक वर्षासाठी मागील वर्षीपेक्षा जास्त उद्दिष्ट ठेवण्याचे त्यांनी सांगितले. 

जिल्ह्याला चालू आर्थिक वर्षात एकूण 1770 कोटी वार्षिक कर्ज वाटपाचे उद्दिष्ट देण्यात आले आहे. त्यापैकी कृषीसाठी एकूण 650 कोटी त्यात खरीप पीक कर्जासाठी३३५ कोटी व रब्बी साठी 50 कोटी व कृषी मुदत कर्जासाठी 265 कोटीचे उद्दीष्ट आहे. याशिवाय सुक्ष्म, लघु व मध्यम उद्योग (एमएसएमइ) 420 कोटी, इतर प्राथमिक क्षेत्रासाठी 150 कोटी व प्राथमिक क्षेत्र वगळून 550 कोटी कर्ज वाटपाचे उद्दिष्ट देण्यात आले आहे. जिल्ह्यात 31 मे 2024 पर्यंत 76 कोटीचे खरिप पीक कर्ज वाटप झाले आहे. 

मागील आर्थिक वर्षात एकूण 1675 कोटी कर्ज वाटपाचे उद्दिष्ट होते यात जिल्ह्याने 1941.17 कोटीचे कर्जवाटप करून चांगली कामगिरी करत 115.89 टक्के उद्द‍िष्ट साध्य केले. त्यात पीक कर्जासाठी 375 कोटीच्या उद्दिष्टापैकी 189 कोटी 63 लाख खरिप व 14 कोटी 7 लाख रब्बीसाठी असे एकूण 203 कोटी 70 लाख रुपयांचे पीक कर्ज वाटप करण्यात आले होते, अशी माहिती जिल्हा अग्रणी बँक व्यवस्थापक यांनी सादर केली.

खत वाहतुकीचा भुर्दंड शेतकऱ्यांवर नको

खत वाहतुकीचा भुर्दंड शेतकऱ्यांवर पडू नये असे स्पष्ट निर्देश जिल्हाधिकारी यांनी दिले. यासाठी रामागुंडम येथील नॅशनल फर्टीलायझर कंपनीद्वारे जिल्ह्याभरात रोड वाहतूक द्वारे खत उपलब्ध करून देण्याबाबत संबंधित कंपनीस पत्र देण्याचे तसेच वडसा रेल्वे स्टेशनवरील खतरॅकपॉईंटला पावसापासून बचावासाठी छत बांधून बंदिस्त खोली वाढविण्याकरिता विभागीय रेल्वे व्यवस्थापक नागपूर यांना सुद्धा पत्र देण्याच्या सूचना श्री भाकरे यांनी दिल्या. 

तक्रार निवारण कक्ष सक्रीय ठेवा

बी-बीयाणे, खते, किटकनाशक व पीककर्जाबाबत शेतकऱ्यांच्या तक्रारी प्रभावीपणे निकाली काढण्यासाठी स्थापण करण्यात आलेले तालुकास्तरीय तक्रार निवारण कक्ष सक्रीयपणे कार्यरत राहण्याची दक्षता घेण्याचे निर्देश जिल्हाधिकारी यांनी जिल्हा अधिक्षक कृषी अधिकारी यांना दिले.

यावेळी जिल्हाधिकारी यांनी शासनाच्या विविध योजनांची कर्ज प्रकरणे, आरसेटी अंतर्गत प्रशिक्षणाच्या कामकाजाचा तिमाही आढावा घेतला.

बैठकीला संबंधीत अधिकारी व विविध बँकांचे प्रतिनिधी उपस्थित होते.

कोपरअल्ली येथील आत्राम कुटुंबाचे नवस कार्यक्रमाला माजी जि.प.अध्यक्ष अजयभाऊ कंकडालवार यांची उपस्थिती!

मुलचेरा : तालुक्यातील कोपरअल्ली येथील आदिवासी विद्यार्थी संघ व भारतीय राष्ट्रीय काँग्रेसचे कार्यकर्ते संतोष आत्राम यांच्या मुलांचा नवस कार्यक्रम कोपरअल्ली येथे त्यांच्या राहते घरी आयोजित करण्यात आला होता.या कार्यक्रमाची निमंत्रण आत्राम कुटुंबीयांनी दिल्याने त्यांच्या निमंत्रणाला मान देऊन आविसं काँग्रेस अहेरी विधानसभा निरीक्षक व माजी जिल्हा परिषद अध्यक्ष तथा अहेरी बाजार समिती सभापती अजयभाऊ कंकडालवार सेवानिवृत्त सहाय्यक वनसंरक्षक तथा आदिवासी काँग्रेस जिल्हा अध्यक्ष हणमंतू मडावी यांनी आपल्या कार्यकर्त्यां समवेत उपस्थिती दर्शवून भेट वस्तू देऊन शुभआशीर्वाद दिले.

यावेळी अहेरी नगरपंचायत नगरसेवक प्रशांत गोडसेलवार,आविस काँग्रेस जेष्ठ कार्यकर्ते कवडू चल्लावार,रवी झाडे,चौधरी साहेब,सुबल मंडल,नंदीभाऊ,नरेश गर्गम,विनोद रामटेकेसह समस्त आविसं काँग्रेस कार्यकर्ते उपस्थित होते.

तब्बल तीन महिन्यानंतर वृद्धाचा झाडाला लटकलेल्या अवस्थेत मिळाला सांगाडा.

 गळफास घेऊन आत्महत्या केल्याचा पोलिसांचा प्राथमिक अंदाज.

 भद्रावती - शहरातील हनुमान नगर भद्रावती येथील वृद्ध तीन महिन्यापूर्वी घरून निघून गेले होते त्यांचा हाडाचा सांगाडा पिपर बोडी येथील जंगलात झाडाला लटकून असल्याची पोलिसांना माहिती मिळाली. कपडे व गळ्यातील माळ यावरून मृतदेहाची ओळख पटली. ही घटना दिनांक १५ रोज शनिवारला उघडकीस आली. प्रभाकर दादाजी नक्षीने वय ७२ वर्ष राहणार हनुमान नगर असे मृतकाचे नाव आहे.

 प्रभाकर हे दिनांक २६ मार्च पासून बेपत्ता होते. त्यांच्या कुंटूबियानी इतर शोधाशोध केली परंतु ते मिळाले नाही. त्यानंतर त्यांची बेपत्ता असल्याबाबतची तक्रार भद्रावती पोलिसात देण्यात आली गेल्या तीन दिवसांपूर्वी भद्रावती येथील बिअर बार मध्ये काही नागरिक पिपर बोडीच्या जंगलात लटकलेल्या अवस्थेत सांगाडा असल्याची चर्चा करत होते ही माहिती ठाणेदार बिपिन इंगळे यांच्यापर्यंत पोहोचतात त्यांनी पिपर बोडी गावापासून सहा किमी अंतरापर्यंत जंगल शोधून काढले असता त्यांना एका झाडावर अंगावर कपडे असलेला सांगाडा दिसला अंगात असलेले कपडे, गळ्यातील माळ व चप्पल यावरून बेपत्ता असलेल्या तक्रारीचा शोध घेण्यात आला. सचिन नक्षीने याचे वडील असल्याची माहिती मिळाली गळ्याला दोर बांधून गकफास घेतल्याचा पोलिसांनी अंदाज वर्तविला आहे. ही घटना तीन महिन्यापूर्वी असल्याने शरीरावरील संपूर्ण मास गळून पडले होते. वृद्धाचा सांगाडा हा फॉरेन्सिक लॅब मध्ये तपासीसाठी पाठविला असून आत्महत्या की घातपात याचा शोध भद्रावती पोलीस घेत आहे

 रोजगार हमी योजनेंतर्गत गडचिरोली जिल्ह्यात झालेल्या कामांमध्ये गैरप्रकार झाल्याने संबंधितांवर कारवाई करण्यासाठी विधिमंडळाच्या अधिवेशनात ना. विजयभाऊ वडेट्टीवार विरोधी पक्ष नेते प्रश्न उपस्थित करणार 

 शिष्टमंडळाला नामदार विजय वडेट्टीवार यांचे आश्वासन

नामदार विजय वडेट्टीवार यांना निवेदन देतांना प्रदेश युवक काँग्रेसचे सहसचिव कुणाल पेंदोरकर, महिला काँग्रेसच्या जिल्हाध्यक्ष कविता मोहरकर, अल्पसंख्यांक सेलचे जिल्हाध्यक्ष आरिफ कनोजे

गडचिरोली: महात्मा गांधी राष्ट्रीय रोजगार हमी योजना अधिनियमान्वये प्रत्येक वयस्क नागरिकास वर्षभरात १०० (शभर) दिवस अकुशल कामाद्वारे रोजगार उपलब्ध करुन देण्याची हमी देण्यात आली आहे. एखाद्या नागरिकाने कामाची मागणी केल्यास त्यास १५ दिवसांच्या आत त्याच्या निवासस्थानापासून ५ किलोमीटर अंतरावर काम उपलब्ध करुन देणे बंधनकारक आहे.

परंतु गडचिरोली जिल्ह्यात मनरेगाच्या मूळ हेतूलाच हरताळ फासल्याचे दिसून येत आहे. मजुरांना ६० टक्के अकुशल कामे उपलब्ध करुन दिल्यानंतरच ४० टक्के कुशल कामे करावीत, असेही मनरेगा अधिनियमात नमूद आहे. मात्र, अकुशल कामांपेक्षा कुशल कामे अधिक करण्यात आली आहेत. एखाद्या गावात कोणते काम करायचे आहे, त्याविषयी ग्रामपंचायत प्रस्ताव पाठवित असते. परंतु येथे थेट मंत्रालयातून जिल्हा प्रशासनाला आदेश येतो, त्यानंतर जिल्हा प्रशासन संबंधित ग्रामपंचायतीच्या ग्रामसेवकास कामाचा प्रस्ताव सादर करण्याचा आदेश देतो आणि पुढे खासगी एजंसीचा शहं’शाह’ आपल्या मर्जीतील कंत्राटदारांना कामे वाटप करतो, असा विचित्र प्रकार गडचिरोली जिल्ह्यात सुरु आहे.

हा प्रकार येथेच थांबत नाही; तर हा शहं’शाह’ कामाच्या देयकातून ४० टक्के रक्कम वजा करुन संबधित कंत्राटदाराला उर्वरित रक्कम देतो. जेथे ४० टक्के रक्कम वजा होत असेल, तेथे कामाची गुणवत्ता किती ढासळली असेल, याचा अंदाज येऊ शकतो. या अफलातून प्रकाराबाबत मनरेगा यंत्रणेचा कोणताही अधिकारी बोलावयास तयार नाही.

एकूणच मनरेगाच्या कामात मोठ्या प्रमाणावर गैरप्रकार होत असून, त्याचे धागेदोरे मंत्रालयापर्यंत असल्याची शंका आहे. त्यामुळे २०२२-२३ आणि २०२३-२४ या आर्थिक वर्षात झालेल्या संपूर्ण कामांची चौकशी करुन दोषींवर कठोर कारवाई करण्यासाठी आपण विधिमंडळाच्या अधिवेशनात प्रश्न उपस्थित करुन सरकारला जाब विचारावा, अशी विनंती पेंदोरकर यांनी निवेदनातून केलेली आहे.

अवैध मुरूम उत्खनन प्रकरणी २३५ कोटी दंड आकारणी ;जिल्हा भरारी पथकाच्या सनियंत्रणात तहसीलदार गडचिरोली कार्यालयाकडून धडक कारवाई

 गडचिरोली दि.१७ : रेल्वे मार्गाच्या भराव्याकरिता अवैध मुरूम उत्खनन प्रकरणी जिल्हा भरारी पथकाच्या सनियंत्रणात मागील तीन दिवसापासून मोठ्या क्षेत्राची तांत्रिक मोजणीची कार्यवाही सुरू होती. आज ती पूर्ण झाली असून संबंधित जेपी इन्फ्रास्ट्रक्चर कंपनीस तब्बल २ लाख ७३ हजार ३५१ ब्रास अवैध उत्खननाकरिता २३५ कोटी ८ लाख १८ हजार ६०० रुपये दंडाची रक्कम का आकारणी करू नये, याबाबत नोटिस बजावण्यात आली आहे.

चार दिवसांपूर्वी प्रभारी जिल्हाधिकारी विजय भाकरे यांनी गठीत केलेल्या विशेष जिल्हा भरारी पथकाचे प्रमुख तहसीलदार संजय पवार यांच्या निगराणीखाली ही कारवाई केली गेली. तहसिलदार हेमंत मोहरे यांनी दंड आकारणीच्या नोटीसा बजावल्या . सार्वजनिक बांधकाम विभागाचे उपविभागीय अभियंता संजय भांडारकर, कनिष्ठ अभियंता श्री इंदुरकर, शाखा अभियंता अभिजीत शिनगारे, भूमी अभिलेखचे अभिलेखापाल व्हि. एल. सांगळे व त्यांच्या चमूने अवैध उत्खननाची तांत्रिक मोजणी करून तहसीलदार गडचिरोली यांच्याकडे अहवाल सादर केला त्यानुसार पाचपट दंड आकारणी करण्यात आली आहे.

अहवालानुसार खरपुंडी येथे सर्व्हे क्रमांक ५३/२/अ आणि ५४ मध्ये १३ हजार २५७ ब्रास मुरूम उत्खननाकरिता ११ कोटी ४० लाख १० हजार २०० रुपये, लांजेडा स.क्र. १४/२६ आणि २४० मध्ये ९ हजार ६९९ ब्रास करिता ८ कोटी ३४ लाख११ हजार ४०० रुपये, माडेतुकूम स.क्र.१८ मध्ये १८ हजार ३५८ ब्रास करिता १५ कोटी ७८लाख ७८ हजार ८०० रुपये, गोगाव स.क्र.१८ मध्ये २० हजार ७७५ ब्रास करिता १७ कोटी ८६ लाख ६५ हजार रुपये, अडपल्ली स.क्र.१८ मध्ये ५० हजार १७६ ब्रास करिता ४३ कोटी १५ लाख१३ हजार ६०० रुपये, काटली स.क्र. १४५ आणि २७९मध्ये ५४ हजार ५७५ ब्रास करिता ४६ कोटी ९३ लाख ४५ हजार रुपये, मोहझरी स.क्र. २५, ३२,२१,९व १५ मध्ये ६२ हजार ६१७ ब्रास करिता ५३ कोटी ८५ लाख ६ हजार २०० रुपये आणि साखरा येथे स.क्र. १०२ व १५२ मध्ये ४३ हजार ८९४ ब्रास करिता ३७ कोटी ७४ लाख ८८ हजार ४०० रुपये असे एकूण २ लाख ७३ हजार ३५१ ब्रास अवैध गौण खनिज उत्खनन प्रकरणी २३५ कोटी ८ लाख १८ हजार ६०० रुपये दंडाची गणना करण्यात आली आहे. याविषयी तीन दिवसाच्या आत खुलासा सादर करण्याबाबत नोटीस बजावण्यात आली आहे.

अहेरी विधानसभा क्षेत्रात कंकडालवार यांच्या काँग्रेस प्रवेशाने काँग्रेसची ताकत वाढली!

अहेरी विधानसभेकरीता काँग्रेसकडून हनमंतु मडावी यांना उमेदवारीची आश्वासन...

गडचिरोली : लोकसभा निवडणुकीनंतर राज्यात लवकरच विधानसभेची लढत बघायला मिळणार आहे.यासाठी विविध राजकीय पक्षाच्या नेत्यांनी आतापासूनच फिल्डिंग लावली आहे. गडचिरोली जिल्ह्यातील अहेरी विधानसभा मतदारसंघातही विधानसभेच्या निवडणुकीतील इच्छुक उमेदवार सरसावले आहेत.यात संभाव्य उमेदवार म्हणून ना.धर्मराव बाबा आत्राम व त्यांची कन्या जि.प.माजी अध्यक्ष भाग्यश्री हलगेकर(आत्राम),माजी राज्यमंत्री अंबरिश्रराव आत्राम,माजी आमदार दिपक दादा आत्राम,काँग्रेसचे ज्येष्ठ नेते हनुमंत मडावी,संदिपभाऊ कोरेत आदी नावांची चर्चा सुरू आहे.

गडचिरोली जिल्ह्यात काँग्रेसने लोकसभेप्रमाणे विधानसभा निवडणूक जिंकण्यासाठी कंबर कसली आहे..‘आविस’चे अजयभाऊ कंकडालवार यांचा आलापल्ली येथे काँग्रेस पक्षात जाहीर प्रवेशाचा कार्यक्रम लोकसभा निवडणुक पूर्वी झाला होता.कंकडालवार यांचेसोबत सेवानिवृत्त वन अधिकारी हनमंतू मडावी यांनी सुद्धा आपल्या समर्थकासंमवेत प्रवेश केले होते.या दोन्ही नेत्यांच्या काँग्रेस प्रवेशाने पक्षाची ताकद वाढल्याचे काँग्रेसचे कार्यकर्ते सांगत आहेत.गडचिरोली चिमूर या लोकसभा मतदार संघात अहेरी विधानसभा क्षेत्रातून इंडिया आघाडी व काँग्रेसचे उमेदवार डॉ.नामदेवराव किरसान यांना तब्बल बारा हजाराची लीड मिळाली होती.डॉ.किरसान यांना लीड मिळवून देण्यामागे अजयभाऊ कंकडालवार व हनमंतू मडावी या दोघांची पराकाष्टा आहे.यात कोणालाही शंका असू नये.इंडिया आघाडी व काँग्रेसचे उमेदवारांसाठी सकारात्मक वातावरण निर्मितीसह मताधिक्य मिळवून देण्यामागे कंकडालवारांची याक्षेत्रात सुरू असलेल्या निरंतर निःस्वार्थ सामाजिक कार्य मुख्य कारणीभूत ठरली आहेत.

आविसचे व माजी जिल्हा परिषद अध्यक्ष अजयभाऊ  कंकडालवार यांनी अहेरी विधानसभा क्षेत्रातील आपल्या हजारो समर्थांकासोबत लोकसभा निवडणुकीपूर्वी काँग्रेसमध्ये प्रवेश केल्याने लोकसभा निवडणुकीत भाजपापेक्षा काँग्रेसचे डॉ नामदेव किरसान यांना महायुतीचे उमेद्वारांपेक्षा अहेरी विधानसभेतून बारा हजारांची अधिक मते मिळाली आहे.काँग्रेस पक्षात प्रवेशापुर्वी आल्लापल्ली येथील हनमंतू मडावी यांना राज्याचे विरोधी पक्षनेते ना.वडेट्टीवार यांनी अहेरी विधानसभेची उमेदवारीची ठोस आश्वासन दिल्याची विश्वासनीय माहिती मिळाली आहे.त्यामुळे आता अहेरी विधानसभा निवडणुकीत अजय कंकडालवार हे कांग्रेस पक्षाची धुरा सांभाळत आपला उमेदवार निवडून आणण्यासाठी कंबर कसल्याचे त्यांचे दैनंदिन दौरा कार्यक्रमावरून दिसून येत आहे.महाराष्ट्र विधानसभा निवडणुकीला चार महिने बाकी असले तरी आतापासूनच अहेरी विधानसभा निवडणुकीत नेमकं कोण बाजी मारणार ? यावर सर्वत्र चर्चा रंगायला सुरुवात झाली आहे.पण गडचिरोली- चिमूर लोकसभा निवडणुकीत अहेरी विधानसभा क्षेत्रात काँग्रेसला सुगीचे दिवस आल्याने यावेळी अहेरीच्या जागेसाठी काँग्रेसकडून ना.विजय वडेट्टीवार व अजय कंकडालवार हे दोन्ही ताकतवर नेते आपली ताकत पणाला लावण्यार असल्याची माहिती आहे.

आष्टी पोलिसांची धडक कारवाई; अवैध दारूसह २२,००,०००/- रुपयांचा मुद्देमाल जप्त 

दोन आरोपीतांवर गुन्हा दाखल 

आष्टी (चामोर्शी) : आज दिनांक १७/०६/२०२४ रोजी गोपनिय सुत्राद्वारे मौजा चंद्रपुर ते आष्टी रोडनी एका कथ्या रंगाच्या आयशर वाहन क्रमांक एम.एच. ४० वाय. १९०५ या वाहनाने गडचिरोली जिल्ह्यामध्ये देशी दारुची वाहतुक करणार असल्याची गोपनिय बातमीदारंकडुन खात्रीशिर खबर मिळाल्याने पोलीस स्टेशन आष्टीचे पोस्टे स्टॉफ. नी पंचासह फॉरेस्ट नाका आष्टी येथे नाकाबंदी करीता रवाना होवुन फॉरेस्ट नाका आष्टी येथे नाकाबंदी करीत असतांना वाहन क्रमांक एम.एच. ४० वाय. १९०५ या वाहनास थांबवुन वाहनाची तपासणी केली असता वाहनामध्ये खाकी रंगाच्या १५० खर्थ्याच्या बाक्समध्ये रॉकेट देशी दारु संत्रा प्रवरा डिस्टीलरी एकुण १५,००० नग रॉकेट संत्रा देशी दारुच्या निपा असा एकुण १२,००,०००/- रुपयाचा मुद्देमाल व देशी दारुची वाहतुक करण्यासाठी वापरण्यात आलेले वाहन क्रमांक एम.एच. ४० वाय. १९०५ किंमत अंदाजे १०,००,०००/- रुपये असा एकुण २२,००,०००/- रुपयांचा मद्देमाल चालक नामे १) राजेश फुलनसिंग यादव, वय २७ वर्ष, धंदा चालक रा. पानीगांव, जसरथपुर पो. जखाई ता. जि. फिरोजाबाद (राज्य उत्तर प्रदेश) (ह. मु. जिमलगट्टा ता. अहेरी जि. गडचिरोली) २) अमोल बाजीराव मैस्कर वय ३५ वर्ष, धंदा मजुरी रा. गोंडबोरी ता. भिवापुर जि. नागपुर, (ह.मु. सावरकर चौक आलापल्ली ता. अहेरी, जि. गडचिरोली) यांच्या ताब्यातुन जप्त करण्यात आला असुन त्यांच्याविरुध्द् पोलीस स्टेशन आष्टी येथे अपराध क्रमांक ८७/२०२४ कलम ६५ (अ), ९८ (२),८३ मदाका. अन्वये गुन्हा दाखल करुन आरोपीतांना गुन्ह्याचे तपासकामी अटक करण्यात आली आहे.

नमुद कारवाई निलोत्पाल पोलीस अधिक्षक कार्यालय गडचिरोली, एम. रमेश. अप्पर पोलीस अधिक्षक कार्यालय अहेरी, कोकोटे उपविभागीय पोलीस अधिकारी अहेरी यांचे मार्गदर्शनाखाली पोनि. काळे सा. पोस्टे आष्टी यांच्या नेतृत्वाखाली सदर गुन्हयाचे तपासी अधिकारी श पोउपनि मानकर सायांनी तसेच त्यांचे सहकारी टीम परि.पोउपनी पवार, मपोउपनि/वणवे, पोहवा/ मडावी, पोहवा/ करमे, पोना/ सडमेक, पोशि/ डोंगरे, पोशि/ तोडासे, पोशि/ राजुरकर, पोशि/ मेदाळे,, पोशि रायशिडाम, यांनी केली आहे

गडचिरोली जिल्हा पोलीस भरती- 2022-2023 (प्रत्यक्ष भरती -2024) ची मैदानी चाचणी जाहिर

दिनाकं:- 19 जुन पासुन पोलीस शिपाई चालक पदभरतीस प्रारंभ . दिनाकं. 21 जुन पासुन पोलीस शिपाई पदभरतीस प्रारंभ

गडचिरोली पोलीस दलामार्फत पोलीस शिपाई चालक भरती – 2022-2023 (प्रत्यक्ष भरती प्रक्रिया 2024) 10 जागांसाठी तसेच गडचिरोली पोलीस शिपाई भरती – 2022-2023 (प्रत्यक्ष भरती प्रक्रिया 2024) 912 जागांकरिता भरती प्रक्रिया राबविण्यात येणार असून सदर दोन्ही भरती करिता मैदानी (शारिरीक) चाचणीची तारिख जाहिर झालेली असून ती दिनांक 19/06/2024 ते 12/07/2024 या कालावधीत गडचिरोली पोलीस मुख्यालयातील पटांगणावर आयोजित करण्यात आलेली आहे.

गडचिरोलीचे पोलीस अधीक्षक सर प्रसिद्धी माध्यमांशी संबोधित करताना

सविस्तर वृत्त असे की, गडचिरोली पोलीस शिपाई चालकच्या 10 पदाकरिता 2258 उमेदवारांनी आपले अर्ज सादर केले असुन त्यापैकी 1967 पुरुष उमेदवार व 291 महिला उमेदवार यांचे आहेत. तसेच पोलीस शिपाईच्या 912 पदाकरिता एकुण 24570 उमेदवारांनी अर्ज सादर केले असुन त्यापैकी 16803 पुरुष उमेदवार व 7767 महिला उमेदवार यांचे आहेत. पोलीेस शिपाई चालक पदाच्या एकुण 10 जागांपैकी अनुसुचित जाति- 01, अनुसुचित जमाति-02, भज(ब)-01, भज(क)- 01, इमाव-02, एसईबीसी-01, इडब्ल्युएस-01, अराखीव-01 अशा स्वरुपात पदभरती घेण्यात येणार असुन ती दि.19/06/2024 ते 20/06/2024 या कालावधीत पुर्ण करण्यात येणार आहे. यासोबतच पोलीस शिपाई पदाच्या एकुण 912 जागांपैकी अनुसुचित जाति-121, अनुसुचित जमाति-210, विज(अ)-54, भज (ब)-50, भज (क)- 57, भज (ड)-46, विमाप्र-46, इमाव-158, एसईबीसी-50, इडब्ल्युएस-50, अराखीव-70 अशा स्वरुपात पदभरती घेण्यात येणार असुन ती दि.21/06/2024 ते 12/07/2024 या कालावधीत पुर्ण करण्यात येणार आहे. पोलीस शिपाई चालक पदाकरीता दरदिवशी सरासरी 1000 उमेदवारांची व पोलीस शिपाई पदाकरीता दरदिवशी सरासरी 1300 उमेदवारांची शारिरिक (मैदानी) चाचणी घेण्यात येणार आहे. सर्व उमेदवारांना पोलीस शिपाई व चालक पोलीस शिपाई पदाच्या मैदानी (शारिरीक) चाचणी परीक्षेचे प्रवेशपत्र हे महाआयटी विभागामार्फत ऑनलाईन पद्धतीने डाऊनलोड करण्यास उपलब्ध करुन देण्यात आले आहे. तरी, सर्व उमेदवारांनी आपले मैदानी (शारिरीक) चाचणी परीक्षेचे प्रवेशपत्र https://policerecruitment2024.mahait.org https://policerecruitment2024.mahait.orgया वेबसाईटवरुन डाऊनलोड करुन घ्यावे तसेच प्रवेशपत्रावर नमूद असलेल्या मैदानी (शारिरीक) चाचणी परिक्षेची तारिख लक्षात घेऊन मैदानी (शारिरीक) चाचणी करीता आवश्यक कागदपत्रासह पोलीस मुख्यालय गडचिरोली येथे हजर राहणेबाबत गडचिरोली पोलीस दलामार्फत कळविण्यात येत आहे.

सदर पदभरती प्रक्रिया ही अत्याधुनिक तंत्रज्ञानाचा वापर करुन पुर्णपणे पारदर्शक पध्दतीने करण्यात येणार असुन यामध्ये उमेदवारांची छाती-उंची या शारीरीक मोजणीकरीता पीएसटी (PST) Digital Physical Standard Test तंत्रज्ञानाचा वापर करण्यात येणार आहे. तसेच उमेदवारांची 1600 मी. धावणे (पुरुष), 800 मी. धावणे (महिला), 100 मी. धावणे (पुरुष व महिला) च्या चाचणी करीता (RFID) Based Technology चा वापर करण्यात येणार आहे. यासोबतच गोळा फेक चाचणीकरीता Prism Technology चा वापर करण्यात येणार आहे. मैदानी (शारिरीक) चाचणीमध्ये उत्तीर्ण होवुन लेखीपरीक्षेकरीता पात्र उमेदवारांची बायोमॅट्रीक पध्दतीने हजेरी घेवुन पडताळणी करण्यात येणार आहे. जर पावसामुळे एखादे दिवशी मैदानी चाचणी होवुन शकली नाही तर त्यांना पुढची सुयोग्य तारीख दिली जाईल. सोबतच काही उमेदवारांना वेगवेगळया पदाकरीता एकापेक्षा जास्त ठिकाणी आणि एकाच दिवशी मैदानी चाचणी करीता हजर राहण्याची सुचना प्राप्त झाली अश्या उमेदवारांना दुसरी तारिख दिली जाईल. उमेदवारांना इतर काही अडचणी आल्यास त्याचे निरसन स्थानिक पातळीवर करण्यात येईल. सदर पदभरती प्रक्रियेमध्ये उमेदवारांनी कोणत्याही गैरमार्गाचा वापर करु नये, असे करतांना आढळुन आल्यास उमेदवाराची उमेदवारी तात्काळ रद्द करुन त्याचेवर प्रचलित कायद्यान्वये योग्य ती कायदेशीर कार्यवाही करण्यात येईल. उमेदवारांनी कुठल्याही प्रलोभन किंवा आमिषाला बळी पडू नये तसेच कोणीही आमिष किंवा प्रलोभन देत असेल तर पोलीस अधीक्षक कार्यालय, गडचिरोली येथील समाधान कक्ष, दुरध्वनी क्र.8806312100 यावर तसेच उपविभागीय कार्यालय/पोस्टे/उपपोस्टे/पोमकें येथे माहिती द्यावी.

गडचिरोली - चिमूर लोकसभा निवडणुकीत काँग्रेसला सुगीचे दिवस! मताधिक्य घटल्याने भाजप आमदार चिंतेत

अहेरी विधानसभा क्षेत्रात कंकडालवार यांच्या काँग्रेस प्रवेशाने कांग्रेसची ताकद वाढली!

गडचिरोली : लोकसभा निवडणुकीनंतर राज्यात विधानसभेची लढत बघायला मिळणार आहे.यासाठी विविध राजकीय पक्षाच्या नेत्यांनी आतापासूनच फिल्डिंग लावली आहे. गडचिरोली जिल्ह्यातील अहेरी विधानसभा मतदारसंघातही विधानसभेच्या निवडणुकीतील इच्छुक उमेदवार सरसावले आहेत.राज्याचे अन्न पुरवठा मंत्री तथा राष्ट्रवादी काँग्रेसचे ज्येष्ठ नेते धर्मरावबाबा आत्राम यांच्या सुकन्या भाग्यश्री आत्राम यांनी विविध कार्यक्रमाचा धडाका लावला आहे. त्यामुळे त्या विधानसभेच्या निवडणुकीत मैदानात उतरणार असल्याचे स्पष्ट झाले आहे.

धर्मरावबाबा आत्राम यांनी गडचिरोली लोकसभा निवडणूक लढविण्याचे संकेत यापूर्वीच दिले होते. लोकसभेची उमेदवारी आपल्याला दिली तर विरोधकांचे पानीपत करू, असे विधान त्यांनी नागपुरात माध्यमांशी बोलताना सांगितले होते.भाग्यश्री आत्राम या गेल्या अनेक वर्षांपासून सक्रिय राजकारणात आहेत.त्या गडचिरोली जिल्हा परिषदेच्या अध्यक्षा होत्या. सध्या त्या सिनेट सदस्य आहेत.गेल्या काही दिवसांपासून त्यांनी विशेषत अहेरी विधानसभा क्षेत्रात विविध कार्यक्रमाचा धडाका लावला आहे.अनेक महत्त्वाच्या ठिकाणी भाग्यश्री आपल्या वडिलांसोबत सक्रिय सहभाग घेत आहेत. धर्मरावबाबा आत्राम हे आता चौथ्यांदा अहेरी विधानसभेचे प्रतिनिधित्व करीत आहे. विशेष म्हणजे त्यांना चारही वेळेस मंत्रिपद मिळाले आहे. 

अशात यावेळी आपल्या कन्येला विधानसभेची उमेदावारी देऊन ते लोकसभा निवडणूक लढण्यासाठी सज्ज झाले होते पण लोकसभेची तिकीट न मिळाल्याने मंत्री धर्मरावबाबा आत्राम हेही विधानसभा निवडणुक लढवू शकतात असेही बोलले जात आहे.अहेरी विधानसभा मतदार संघात निवडणूक लढविण्यासाठी इच्छुकांची लाइन लागली आहे.अनेक जण आमदारकीचे बाशिंग बांधून तयार आहेत.यात भाजपचे राजे अंबरीश आत्राम,दीपक आत्राम,हनमंतू मडावी यांचाही समावेश आहे.सध्या राज्यात भाजप,शिवसेना व राष्ट्रवादी काँग्रेसच्या महायुतीचे सरकार आहे.अशात अहेरी विधानसभा मतदार संघाची उमेदवारी कुणाच्या वाट्याला येणार यावरही बरेच काही अवलंबून असणार आहे.

काँग्रेसनेही गडचिरोली जिल्ह्यात लोकसभेप्रमाणे विधानसभा निवडणूक जिंकण्यासाठी कंबर कसली आहे.यावेळी राज्याचे विरोधी पक्षनेते विजय वडेट्टीवार यांचे गडचिरोलीकडे विशेष लक्ष आहे.गडचिरोली जिल्हा काँग्रेसचे अध्यक्ष महेंद्र ब्राह्मणवाडे हे गावोगावी जाऊन बुथनिहाय कार्यक्रम घेत आहेत.‘आविस’चे अजय कंकडालवार यांचा आलापल्ली येथे काँग्रेस पक्षात जाहीर प्रवेशाचा कार्यक्रम नुकातच झाला होता.कंकडालवार यांच्या काँग्रेस प्रवेशाने पक्षाची ताकद वाढल्याचे कार्यकर्ते सांगत आहेत.भाग्यश्री आत्राम यांना विधानसभेचे नेतृत्व करण्याची संधी देऊन आपली वाटचाल लोकसभेकडे करण्यासाठी धर्मरावबाबा आत्राम सज्ज झाले होते.यासाठी त्यांनी वरिष्ठस्तरावरून फिल्डिंग लावली होती.पण अखेर भाजपाचे खासदार अशोक नेते यांना लोकसभेची तिकीट दिली पण लोकसभेत खासदार अशोक नेते यांचा पराभव झाला.

सध्या गडचिरोलीकडे राज्याचे उपमुख्यमंत्री देवेंद्र फडणवीस यांचे विशेष लक्ष आहे.अशात याठिकाणच्या जागांच्या वाटाघाटीत भाजपचा वरचष्मा राहणार असल्याची शक्यता राजकीय वर्तुळात व्यक्त होत आहे.अजय कंकडालवार काँग्रेसमध्ये प्रवेश केला असल्याने लोकसभा निवडणुकीत भाजपापेक्षा काँग्रेसचे डॉ नामदेव किरसान यांना या अहेरी विधानसभेतून अधिक मते मिळाली आहे.त्यामुळे आता विधानसभा निवडणुकीत अजय कंकडालवार हे कांग्रेस पक्षाची धुरा सांभाळत आपला उमेदवार निवडून आणण्यासाठी कंबर कसली असल्याचे बोलले जात आहे हे विधानसभा निवडणुकीनंतर कोण बाजी मारतील समजेल.पण गडचिरोली- चिमूर लोकसभा निवडणुकीत काँग्रेसला सुगीचे दिवस आले आणि भाजपचे मताधिक्य घटल्याने भाजप आमदार चिंतेत असल्याचे मतदारांना कडून बोलले जात आहे

वीज खांबाला बांधून महावितरण कर्मचाऱ्याला मारहाण

महावितरणच्या कर्मचाऱ्याला वीज खांबाला बांधून सरपंचाने मारहाण केल्याचा धक्कादायक प्रकार शनिवारी घुग्घुस शहरात उघडकीस आला. महावितरणच्या कर्मचाऱ्याने दिलेल्या फिर्यादीनुसार घुग्घुस पोलिस ठाण्यात सरपंचाविरुद्ध गुन्हा दाखल करण्यात आला. सुरज परचाके असे मारहाण झालेल्या कर्मचाऱ्याचे नाव आहे.

घुग्घुस येथील महावितरणचा कर्मचारी सुरज परचाके यांच्याकडे उसगाव आणि नकोडा या गावांचा प्रभार आहे. नेहमीप्रमाणे शनिवारी परचाके उसगावला निघाले होते.

मार्गात नकोडा येथील सरपंच किरण बांदुरकर यांनी त्यांना एसीसी सिमेंट कंपनीजवळ अडविले. बांदुरकर यांनी त्यांना डीपीजवळ काम असल्याचे सांगून नकोड्याला घेऊन गेले. नकोड्याला गेल्यावर त्यांनी महावितरण कर्मचारी परचाके यांना त्यांच्याच दुपट्ट्याने वीज खांबाला बांधले. त्यानंतर गावकऱ्यांना गोळा केले. साधारणतः दोन तास त्यांनी कर्मचाऱ्याला बांधून ठेवले. यामध्ये मारहाण केल्याचे सांगितले जात आहे. नयन भटारकर यांना याची माहिती मिळताच त्यांनी घटनास्थळी जाऊन परचाके यांना सोडविले.

पोलीस भरती शारीरिक मोजमाप व मैदानी चाचणी प्रक्रिया पुढे ढकला

पोलीस भरतीत उतरलेल्या  विद्यार्थ्यांचे आ.कृष्णा गजबे यांना निवेदन

 आरमोरी-पोलीस भरती (२०२३-२४) शारिरीक मोजमाप व मैदानी चाचणी प्रक्रिया पावसामुळे पुढे ढकलण्यात यावी अशी मागणी पोलीस भरतीत उतरणाऱ्या विद्यार्थ्यांनी आ.कृष्णा गजबे यांचेकडे निवेदनाद्वारे केली आहे.
   
  विद्यार्थ्यांनी दिलेल्या निवेदनात म्हटले आहे की,पोलीस भरती (२०२३-२४) शारिरीक मोजमाप व मैदानी चाचणी प्रक्रिया दि. १९ जून २०२४ पासून सुरू होणार असल्याने ही शारिरीक मोजमाप व मैदानी चाचणी प्रक्रिया पावसाळा संपल्यानंतर घेण्यात यावी. वरील शारिरीक मोजमाप व मैदानी चाचणी प्रक्रिया पावसाळ्यात घेतल्यास जिल्ह्यात मुलांचे  नुकसान होण्याची शक्यता आहे.
   पावसात भरतीच्या ठिकाणी एक दिवस अगोदर जाणाऱ्या मुलांना झोपण्यासाठी जागा मिळणार नाही. कारण भरतीचे मुलं बॅनर टाकून रोडवरच आपली रात्र काढतात. गडचिरोली जिल्ह्यातील अती दुर्गम भागातील उमेदवारांना अतीवृष्टीमुळे येण्याजाण्याचे सर्व रस्ते व मार्ग बंद होतात. तसेच दळणवळणाचे साधन पुर्णपणे बंद असतात. १०० मीटर रनिंग चा सराव वर्षभर ग्राऊंडवर केल्यावर चाचणी परीक्षा रोडवर घेतल्यास परिणामी पाय गुंतून गुडघ्याला व पायाला कायमस्वरूपी दुखापत होऊ शकते.पावसात गोळा फेक करतांना गोळा कोरडा/सुखा राहणार नाही. परीणामी गोळा हातातून निसटेल किंवा दुखापत ही होऊ शकते.कधी पाऊस असेल तर कधी नसेल यामुळे मुलांना समान संधी मिळणार नाही. भेदभाव होईल आणि मार्क कमी जास्त येतील.तसेच
मैदानी चाचणी पावसात घेतल्यास मैदानावर चिखल झाल्यास १६०० मीटर रनिंग व १०० मीटर रनिंग धावणे जमणार नाही.
तसेच मैदानी चाचणी तयारी नुसार येणाऱ्या मार्कपेक्षा पावसात घेतल्यामुळे मुलांना खुप कमी मार्क येतील. तरी हा मुलांवर अन्याय असून पोलीस भरती सन २०२३-२४ ची शारिरीक मोजमाप व मैदानी चाचणी प्रक्रिया पावसाळा संपल्यानंतर घेण्यात यावी. 

विद्यार्थ्यांनी निवेदन दिल्यानंतर आमदार कृष्णा गजबे यांनी याबाबत महाराष्ट्र राज्य गृहमंत्री देवेंद्रजी फडणवीस व पोलीस अधिक्षक गडचिरोली यांचेशी संपर्क करून या महत्त्वाच्या विद्यार्थ्यांच्या समस्यांवर तोडगा काढून देण्याचे आश्वासन दिले. 

आ.कृष्णा गजबे यांना निवेदन देताना मंगेश पाटील, स्वप्नील हजारे,अक्षय मारभते, सौरभ गोंदोळे,पूरणानंद सोमजाल, अक्षय मोतेकर, धमेंद रामटेके,प्रशांत सोरते,आदीत्य ठवकर,निशाद वैरागडे,पवन लाकडे,मिथुन कांदोर,पंकज मडावी,सौरभ श्रीरामे,रामू जुरी,इक्सेन नॉनजाल,साहिल मने,अमोल मने,सौरभ सारवे,कुणाल सारवे,आशुतोष सारवे, पंकज सपाटे,संदीप हेडावू,राहुल हेडावू,रोशन मने,जयश्री सुपारे,पायल चौधरी,कल्याणी मेश्राम, सोनाली चंदनखेडे आत्माराम सोरते, रतन गोधोळे,यासहित शेकडो पोलीस भरतीत उतरलेले विद्यार्थी उपस्थित होते.

अवैध गौण खनिज उत्खननावर आळा घालण्याकरीता जिल्हास्तरीय भरारी पथक गठीत

गडचिरोली दि. १६ : जिल्ह्यातील नदीपात्रातून व इतर ठिकाणाहून होणाऱ्या अवैध गौण खनिज उत्खननावर आळा घालण्याकरीता व शासकीय महसूलाचे नुकसान टाळण्यासाठी प्रभारी जिल्हाधिकारी विजय भाकरे यांनी जिल्हास्तरीय भरारी पथकाची नेमणूक केली आहे.

या भरारी पथकात तहसिलदार, नायब तहसिलदार, तलाठी आणि महसूल सहाय्यक यांचा समावेश आहे.

या भरारी पथकाला अवैध गौण खनिज उत्खनन बाबत प्राप्त तक्रारींच्या अनुषंगाने तात्काळ कारवाई करणे, संबंधीत ठिकाणी भेट देवून मौका पंचनामा, जप्तीनामा करणे, उपस्थितांचे जवाब घेणे व उत्खनन झालेल्या ठिकाणाची संबंधीत तालुक्याचे तहसिलदार, उपअधिक्षक भूमी

अभिलेख यांचे उपस्थितीमध्ये मोजणी करुन पंचनामे तयार करणे, कारवाईच्या वेळेस आवश्यकता वाटल्यास पोलीस संरक्षण घेणे, केलेल्या कार्यावाहीच्या अनुषंगाने सविस्तर अहवाल अभिप्रायासह व अभिलेख जिल्हाधिकारी यांना तातडीने सादर करणे, प्राप्त तक्रारी व त्यावर केलेल्या कार्यवाहीच्या अनुषंगाने विहित नोंदवहीत नोंदी ठेवणे आदी जबाबदाऱ्या सोपविण्यात आल्या असून संपूर्ण कार्यवाही दरम्यान गोपनियता बाळगण्याचे निर्देश देण्यात आले आहे

लोकसहभागातून प्रगतीची नांदी.....
बालेकिल्यातच माओवाद्यांना गावबंदी

 उपविभाग भामरागड अंतर्गत पोस्टे धोडराज हद्दीतील सात (07) गावांनी केली माओवाद्यांना गावबंदी 

गडचिरोली: जिल्ह्यातील  माओवादाचे समुळ उच्चाटन करण्यासाठी शासन विविध योजना राबवित असते.  सन 2003 पासून शासनामार्फत नक्षल गावबंदी योजना सुरु करण्यात आली आहे.  या योजनेच्या अनुषंगाने गडचिरोली पोलीस दलामार्फत पोलीस दादालोरा खिडकिच्या माध्यमातून प्रोजेक्ट उडान अंतर्गत पुरविण्यात आलेल्या विविध शासकिय योजनांच्या लाभामुळे दिनांक 14/06/2024 रोजी उपविभाग भामरागड अंतर्गत पोस्टे धोडराज येथे घेण्यात आलेल्या कृषी मेळाव्यामध्ये हद्दीतील परायणार, नेलगुंडा, कुचेर, कवंडे, गोंगवाडा, मिळदापल्ली व महाकापाडी या सात (07) गावातील नागरिकांनी एकत्रितपणे येऊन सर्वानूमते नक्षल गावबंदी करुन त्याबाबतचा ठराव प्रभारी अधिकारी पोस्टे धोडराज यांना सादर केला. 

वरील सात ही गावे गडचिरोली जिल्ह्राच्या शेवटच्या टोकावर स्थित असून माओवाद्यांचा बालेकिल्ला समजल्या जाणा­या अबुझमाड परिसराच्या अगदी जवळ असल्याने या गावांमध्ये माओवाद्यांचे वर्चस्व होते. तसेच गावातील काही सदस्यांचा माओवाद्यांना पाठिंबा होता. त्यामुळे जिल्हा प्रशासन व पोलीस प्रशासनास त्यांच्यापर्यंत पोहचण्यास अडचणी येत होत्या. त्यामुळे येथील नागरिक हे शासनाप्रती उदासीन होते. परंतू मागील तीन वर्षामध्ये गडचिरोली पोलीस दल पोलीस दादालोरा खिडकिच्या माध्यमातून प्रोजेक्ट उडान अंतर्गत विविध जनजागरण मेळावे, दिव्यांग मेळावे, कृषी सहली, कृषी मेळावे, आरोग्य मेळावे, महिला मेळावे इ. च्या माध्यमातून येथील गावक­यांपर्यंत शासनाच्या विविध योजना पोहचविण्यात यशस्वी झाल्याने पोलीस दलाच्या प्रती येथील गावक­यांचा विश्वास दृढ झाला. यासोबतच अलीकडील काळात या परिसरात ईरपनार येथील मोबाईल टॉवरची उभारणी करण्याकरिता आलेल्या कर्मचा­यांच्या वाहणांची माओवाद्यांकडून करण्यात आलेली जाळपोळ व इतर साहित्यांचे कलेले नुकसान, माओवाद्यांकडून पोलीस खब­या असल्याच्या संशयावरुन करण्यात आलेल्या निष्पाप गावक­यांच्या हत्या व मारहाण, नुकसानीच्या विविध घटना, गावांच्या विकास कामात करण्यात येणारा अडथळा, जनतेला दाखविण्यात येणारा धाक इ. घटनांमुळे माओवादी हे जनतेची दिशाभूल करत आहेत हे गावक­यांच्या लक्षात आले. त्याचाच परिपाक म्हणून दिनांक 14/06/2024 रोजी उपविभाग भामरागड अंतर्गत पोस्टे धोडराज येथे घेण्यात आलेल्या कृषी मेळाव्यामध्ये वरील सात (07) गावातील गावक­यांनी हा नक्षल गावबंदी ठराव संमत केला तसेच यापूढे गावामार्फत कोणत्याही माओवादी संघटनेस जेवन/राशन/पाणी देणार नाही, त्यांना कसल्याही प्रकारची मदत करण्यात येणार नाही, गावातील नागरिक स्वत: किंवा त्यांच्या मुलाबाळांना माओवादी संघटनेत सहभागी होऊन कोणत्याही प्रकारचे काम करणार नाही किंवा त्यांची ट्रेनिंग करणार नाही, माओवाद्यांच्या मिटींगला जाणार नाही तसेच माओवाद्यांना खोट्या प्रचारास बळी पडणार नाही असे सांगितले. यावेळी मिळदापल्ली येथील गावक­ऱ्यांनी माओवाद्यांनी पोलीस पथकाला नुकसान पोहचविण्याच्या उद्देशाने खड्डे करुन त्यात पुरुन ठेवलेले धारदार लोखंडी सलाखे (च्द्रत्त्त्ड्ढद्म) काढून आणून पोलीस दलाकडे सुपूर्द केली.
    
सदरची कार्यवाही यशस्वीरित्या पार पाडण्यास उपविभागीय पोलीस अधिकारी भामरागड  अमर मोहिते व पोस्टे धोडराज येथील प्रभारी अधिकारी श्री. शरद काकळीज यांनी महत्वाची भूमिका बजावली. सदर नक्षल गावबंदी ठराव करणा­ऱ्या सात गावातील नागरिकांचे पोलीस अधीक्षक  नीलोत्पल यांनी अभिनंदन केले असून, अबुझमाड जंगल परिसरातील इतर गावातील नागरिकांनीे माओवाद्यांच्या खोट्या प्रचाराला बळी न पडता स्वत:च्या व गावाच्या विकासासाठी प्रयत्नशिल राहावे. गडचिरोली पोलीस दल सदैव तुमच्या पाठीशी असून गडचिरोली जिल्ह्रास माओवादी मुक्त जिल्हा करण्यात अशाच प्रकारची मदत करावी असे आवाहन त्यांनी केले.

आदिवासी खातेदारांना जमीन तारण ठेवण्यासाठी परवानगीची गरज नाही

एका तक्रारीवर सर्वांसाठी जिल्हाधिकाऱ्यांचे परिपत्रक

गडचिरोली दि. 14 : आदिवासी खातेदारांना कर्ज घेतांना जमीन अथवा शेती गहाण ठेवण्यासाठी जिल्हाधिकारी यांच्या परवानगीची आवश्यकता नसल्याने वित्तीय संस्थांनी त्यांना कोणताही त्रास होणार नाही याची दक्षता घेण्याबाबतचे परिपत्रक प्रभारी जिल्हाधिकारी विजय भाकरे यांनी निर्गमित केले आहे. विशेष म्हणजे केवळ एक तक्रार अर्जावरील निकालाचा जिल्ह्यातील सर्व आदिवासी खातेदारांना लाभ होणार आहे. 
कोटगल येथील तुळशिराम नरोटे यांनी याबाबत बँकेकडून नाहक त्रास दिल्या जात असल्याबाबत जिल्हाधिकारी यांचेकडे तक्रार दाखल केली होती. त्यांचे प्रकरण निकाली काढतांना या बाबीचा इतरांनाही  अडचण येत असल्याची जाणवल्याने ठोस उपाय योजना म्हणून जिल्हाधिकारी भाकरे यांनी सर्वांना याला लाभा व्हावा म्हणून परिपत्रक निर्गमित करून जमीन तारणाबाबत शासनाच्या महसूल संहितेकडे वित्तीय संस्थांचे लक्ष वेधले आहे.
*पुर्वस्थिती* : बऱ्याच ठिकाणी सहकारी संस्था, तसेच राष्ट्रीयकृत बँका, महाराष्ट्र जमीन महसूल संहिता 1966 मधिल नविन कलम 36- अ कडे लक्ष वेधुन अनुसुचित जमातीतील व्यक्तींना कर्जासाठी जमीन तारण द्यावयाची झाल्यास, त्याकरीता जिल्हाधिकारी यांची पुर्व परवानगी आवश्यक असल्याचे जाचक अट कळवितात. त्यामुळे आदिवासी खातेदारास शासन, राष्ट्रीयकृत बँका, सहकारी संस्था यांचेकडुन पिककर्ज तसेच इतर कर्ज घेण्यास नाहक त्रास सहन करावे लागतो व विनाकारण जिल्हा मुख्यालयात पुर्व परवानगी मिळणेसाठी फेऱ्या माराव्या लागतात. 
*वस्तुस्थिती* :  महाराष्ट्र जमीन महसूल संहिता, 1966 मध्ये सन 1971 च्या 36 व्या अधिनियमाने सुधारणा केल्यानंतर कलम 36 (4) मधील तरतुदीनुसार, आदिवासी किंवा इतर कर्जदार वर्ग-2 म्हणजे ज्या जमीनीच्या हस्तांतरणावर निर्बंध आहेत, अशा जमीन धारकाबाबत महसुल संहितेत अगर इतर अधिनियमात कोणत्याही तरतुदी असल्या तरी सुध्दा त्यांना शासन, सहकारी संस्था, राष्ट्रीयकृत बँका इत्यादीकडुन कर्ज मिळण्यासाठी जमीन तारण, गहाण ठेवावयाची झाल्यास, त्यासाठी जिल्हाधिकारी यांची पुर्व परवानगीची आवश्यकता नसल्याचे स्पष्ट करण्यात आले आहे.

*यांना होणार लाभ :* गडचिरोली जिल्हाची आदिवासीबहुल, नक्षलग्रस्त व शेतीप्रधान जिल्हा म्हणुन ओळख आहे. सन 2011 चे जनगणनेनुसार गडचिरोली जिल्ह्यातील अनुसुचित जमातीची लोकसंख्या 4 लाख 15 हजार 306 असुन, एकुण लोकसंख्येच्या 38.71 टक्के आहे. तसेच, जिल्ह्यात एकुण 1 लाख 78 हजार 903 अनुसुचित जमातीचे खातेदार आहेत. जिल्ह्यातील एटापल्ली, भामरागड, धानोरा, अहेरी, सिरोंचा, कुरखेडा व कोरची या तालुक्यात अनुसुचित जमातीचे खातेदाराची संख्या साधारणत: 85 टक्के आहे. या सर्वांना या परिपत्रकाचा लाभ होवून त्यांना विनाकारण जिल्हाधिकारी कार्यालयात फेरे मारावे लागणार नाही.
000

वनजमीनीवरील प्रलंबित सहा पूल व 33 केव्ही उपकेंद्र बांधकामाचा मार्ग मोकळा

जिल्हास्तरीय वनहक्क समितीच्या बैठकीत जिल्हाधिकाऱ्यांनी दिली परवानगी

 7 वनपट्टे मंजूर

गडचिरोली दि. 14 : जिल्ह्यातील अतिदुर्गम भागातील दुब्बागुडा-दामरंचा रस्त्यामधील बांडीया नदीवर पूल व जोड रस्ता बांधकाम तसेच भाडभिडी-घोट-रेगडी-कसनसुर-गट्ट- कोठी-आरेवाडा-भामरागड ते राज्य सीमा रस्त्यावरील 5 लहान पुलाचे बांधकाम तसेच पिरमिली येथील 33 केव्ही वीज उपकेंद्रच्या बांधकामाला जिल्हास्तरीय वनक्क समितीचे अध्यक्ष तथा प्रभारी जिल्हाधिकारी विजय भाकरे यांनी मंजूरी दिली. यामुळे वनकायद्यामुळे प्रलंबित या पुलाच्या बांधकामाचा मार्ग मोकळा झाला आहे.

 जिल्हास्तरी वनहक्क समितीची सभा काल श्री भाकरे यांच्या अध्यक्षतेखाली जिल्हाधिकारी कार्यालयात आयोजित करण्यात आली होती. यावेळी उपवनसंरक्षक धर्मवीर सालविठ्ठल, पूनम पाटे तसेच वनविभागाचे वरिष्ठ अधिकारी उपस्थित होते.

 यावेळी 6 नवीन व अपील प्रकरणातील 1 वनहक्काचे दावे मंजूर करण्यात आले तर 2 नवीन व 7 अपील प्रकरणातील दावे फेरचौकशीसाठी पाठविण्यात आले. यासोबतच 46 वनहक्कधारकांच्या सुधारित वनहक्क पट्टे तयार करण्यास मान्यता देण्यात आली.

 बैठकीत वनविभाग व महसूल विभागाचे अधिकारी उपस्थित होते.

अनुसुचित जमातीच्या विद्यार्थ्यांनी वसतीगृह प्रवेश ऑनलाइन निश्चित करावा

गडचिरोली,दि.14(जिमाका): एकात्मिक आदिवासी विकास प्रकल्प, गडचिरोली अंतर्गत अनुसुचित जमातीच्या विद्यार्थ्यांकरीता 13 मुलांचे व 8 मुलींचे असे एकुण 21  शासकीय वसतीगृह कार्यरत आहेत. त्यांची एकुण इमारत प्रवेश क्षमता 2115असुन त्यातील सन 2024-25 करीता रीक्त जागांवर प्रवेश घेण्याकरीता www.swayam.mahaonline.gov.in या प्रणालीमध्ये ऑनलाईन पध्दतीने अर्ज सादर करावा. गडचिरोली येथे मुलांचे दोन व मुलींचे एक असे एकुण तीन वसतीगृह आहेत. गडचिरोली वसतीगृहात इयत्ता 11 वी ते पदवी, पदव्युत्तर तसेच व्यावसायीक अभ्यासक्रमास प्रवेश घेतलेल्या विद्यार्थ्यांना प्रवेश मिळणार आहे. तसेच गडचिरोलीचे तीन वसतीगृह वगळता उर्वरीत अठरा वसतीगृहात इयत्ता 8 वी पासुन पुढे शिक्षण घेणा-या विद्यार्थ्यांना प्रवेश देण्यात येणार आहे.
वरील संकेतस्थळावर विद्यार्थ्यांनी अर्ज भरतांना सदर प्रणालीमध्ये दिलेल्या सुचनांचे काळजीपुर्वक वाचन करावे तसेच सदरील सुचनेनुसार कागदपत्रांची जोडणी करण्यात यावी.वसतीगृहातील जुने प्रवेशित विद्यार्थ्यांनी महाविद्यालयात प्रवेश घेऊन अर्ज रिन्यूव हे ऑप्शन निवडुन भरावे. असे न केल्यास सदर विद्यार्थी अनुत्तीर्ण झाला आहे असे समजुन त्याचेजागी नविन विद्यार्थ्यांना प्रवेश दिला जाईल. अर्ज भरल्यानंतर ऑनलाईन अर्जाची प्रिंट काढुन कागदपत्रांसह हार्ड कॉपी संबंधीत वसतीगृहात एक आठवड्याच्या आत सादर करावी. वसतीगृह प्रवेशाचे संकेतस्थळ पदवी, पदव्युत्तर अभ्यासक्रमाकरीता दिनांक 31 जुलै 2024 पर्यत व व्यावसायीक अभ्यासक्रमा करीता 31 ऑगस्ट 2024 पर्यंत सुरू राहील त्यामुळे विद्यार्थ्यांनी लवकरात लवकर अर्ज सादर करावे. तसेच प्रवेशाबाबतच्या लोकप्रतिनिधी शिफारशी दिनांक 25 ऑगस्ट 2024 पर्यंत प्रकल्प कार्यालयात सादर करावे, असे सहायक प्रकल्प अधिकारी धनराज डबले यांनी कळविले आहे.
000

सतीनदीचा पूलाचे संतगती बांधकाम,ग्रामस्थांचा तालूक्याशी संपर्क तूटणार!?

सामाजिक कार्यकर्ते रामदास मसराम यानी केली बांधकामाची पाहणी

कूरखेडा

 तालूका मूख्यालयाशी मालेवाडा,कढोली पूराडा सह कूरखेडा -कोरची या राज्य महामार्गाला जोडणारा सतीनदीचा जूना पूलाला तोडत नविन पूलाचे बांधकाम सूरू करण्यात आले आहे मात्र संतगतीने सूरू असलेले या बांधकामामूळे पावसाळ्यात या मार्गावरील वाहतूक ठप्प पडत ग्रामस्थांचा तालुका मूख्यालयाशी संपर्क तूटण्याचा धोका निर्माण झाला आहे या बांधकामाला यूद्ध स्तरावर गती प्रदान करण्याची व नागरीकाना दिलासा देण्याची मागणी सामाजिक कार्यकर्ते रामदास मसराम यानी केली आहे 

           राष्ट्रीय महामार्ग अंतर्गत ब्रम्हपूरी ते देवरी या महामार्गाचा बांधकामाला टप्या टप्याने सूरवात करण्यात आलेली आहे यावेळी महामार्ग दरम्यान असलेले नदी नाल्यावरील पूलांची क्षमता वृद्धि करीता जून्या लहान किंवा जिर्ण पूलाना तोडत नविन पूलाचे बांधकाम करण्यात येत आहे या अंतर्गत कूरखेडा जवळून वाहणार्या जून्या पूलाला तोडत नविन पूलाचे बांधकाम मागील ६ महिण्यापूर्वी सूरू करण्यात आले आहे मात्र संबंधित विभाग व कंत्राटदाराचा नियोजन शून्यते मूळे बांधकामाला गती नाही मागे काही तांत्रिक अडचणीमूळे अनेक दिवस बांधकामच ठप्प होते सद्या पूलाचा बाजूने कच्चा रपटा तयार करीत येथून वाहतूक सूरू आहे मात्र पावसाळ्यात हा रपटा पूराचा पाण्यात तग धरू शकणार नाही व या मार्गावरील वाहतूकच ठप्प होण्याचा धोका निर्माण झाला आहे या मार्गावरील वाहतूक बंद पडल्यास सतीनदीचा पलीकडील तालूक्यातील अनेक गावांचा संपर्क तालुका मूख्यालयाशी तूटणार आहे, विद्यार्थाना तालुका मूख्यालयात असलेल्या शाळा महाविद्यालयात पोहचणे कठीन ठरणार आहे तसेच ग्रामस्थाना बाजारपेठ व कार्यालयीन कामाकरीता संपर्क तूटल्याने मोठी अडचण होणार आहे या मार्गावरील बस वाहतूक सूद्धा ठप्प पडणार आहे या मार्गाला पर्यायी असलेला मार्ग सूद्धा लांब अंतराचा व अरूंद असल्याने त्या मार्गाने जड वाहतूक शक्य होणार नाही त्यामूळे येथून कोरची व पूढे देवरी तसेच छत्तीसगढ़ कडे जाणारी वाहतूक सूद्धा ठप्प बंद होणार आहे या पूलाचा बांधकाम स्थळाला आज सामाजिक कार्यकर्ते रामदास मसराम तालुका कांग्रेसचे अध्यक्ष तथा माजी जि प उपाध्यक्ष जिवन पाटील नाट वडसा माजी प.स. सभापती परसराम टिकले यूवक कांग्रेसचे तालुका अध्यक्ष गिरीधर तितराम यानी भेट देत पाहणी केली यावेळी येथे मोजक्या मजूराकडून संतगतीने बांधकाम सूरू असल्याचे निदर्शनात आले त्यामूळे संबंधित विभागाने बांधकामाला गती देत यूद्ध स्तरावर बांधकाम करावे व संभाव्य उदभवणार्या परीस्थीतून तालूका वासीयाना दिलासा द्यावा अशी मागणी त्यानी केली आहे.

धक्कादायक : अडथळा दूर करण्यासाठी अपंग पतीचा विहिरीत ढकलून केला खून !

धरणगाव : तालुक्यातील भवरखेडा येथील एका अपंग असलेल्या पतीला २ जून रोजी दुपारी १ वाजता शेतात नेऊन विहिरीत ढकलून खून केला होता. हा धक्कादायक प्रकार बुधवार १२ जून रोजी उघडकीस आला आहे. हा खून पत्नीनेच केल्याचे निष्पन्न झाल्याने खून केल्याचे तिने कबुली दिली आहे या प्रकरणी धरणगाव पोलीस ठाण्यात खुनाचा गुन्हा दाखल करण्यात आला आहे

प्रकाश यादव धोबी (सुर्यवंशी) वय ३६ वर्ष रा. भवरखेडा ता. धरणगाव), असे मयताचे नाव आहे.

या संदर्भात अधिक माहिती अशी की, प्रकाश धोबी हा तरुण आपल्या पत्नी ज्योती प्रकाश धोबी यांच्यासोबत वास्तव्याला होता. २ जून रोजी दुपारी १ ते ३ वाजेच्या दरम्यान, संशयित आरोपी पत्नी ज्योती प्रकाश धोबी हिने पती प्रकाश धोबी यांना तिच्या मार्गातील अडथळा दुर करण्याच्या उद्देशाने पतीला सोबत घेऊन गोविंदा शालिक पाटील यांच्या शेतातील मुंजोबाचे मंदिरात पाया पडण्याच्या बहाण्याने शेतात गेली. नंतर पतीचा अपंगत्वाचा फायदा घेवुन त्याला विहिरीत ढकलुन देवून मारुन टाकले. दरम्यान हा धक्कादायक प्रकार बुधवार 12 जून रोजी रात्री नऊ वाजता समोर आला. याप्रकरणी धरणगाव पोलिसात संशयित आरोपी ज्योती धोबी च्या विरोधात गुन्हा दाखल करण्यात आला. पुढील तपास पोलीस निरीक्षक उद्धव ढमाले हे करीत आहेत

मार्कडेश्र्वर मंदिराचे रघडलेले जिर्णोद्धाराचे काम पूर्ण करा - खासदार डॉ नामदेव किरसान 

भारतीय पुरातत्व विभागाचे अधिकाऱ्यांना आढावा बैठकीत निर्देश

आढावा बैठकीला संत मुरलीधर महाराज यांची उपस्थिती 

चामोर्शी:-

विदर्भाचे काशी म्हणून ओळखली जाणारी मार्कंडा नगरी येथे संत मुरलीधर महाराज हरणघाट पीठ यांनी मार्कंडेश्वराचे जीर्णोदवाराचे बांधकाम लवकरात लवकर पूर्णत्वास न्यावे या मागणीसाठी उपोषण केले होते आणि थातूर-मातूर आश्वासन देऊन उपोषण सोडायला लावले. तेव्हापासून आत्तापर्यंत दोन टक्के सुद्धा जीर्णोद्वाराचे बांधकाम झालेले नाही.ही माहिती नवनिर्वाचित खासदार नामदेवराव किरसाण यांच्या लक्षात आणून देताच खासदारांनी त्वरित पुरातत्व विभागाच्या अधिकाऱ्यांना उपस्थितीत १२ जून रोजी मार्कडा आढावा बैठक आयोजित केली होती त्या बैठकीत खासदार डॉ नामदेव किरसान यांनी पुरातत्व विभागाच्या कार्यपद्धतीवर प्रश्न चिन्ह उपस्थित करत त्वरित जिर्णोद्धार काम सुरू करण्याचे निर्देश दिले 

१२ जून रोजी मार्क डा येथे खासदार डॉ नामदेव किरसान यांच्या अध्यक्षतेखाली आढावा बैठक आयोजित करण्यात आली होती त्या बैठकीला माजी खासदार मारोतराव कोवासे,काँग्रेस पक्षाचे जिल्हाध्यक्ष महेंद्र ब्राह्मणवाडे, संत मुरलीधर महाराज, महाराष्ट्र युवक काँग्रेस सचिव विश्वजीत कोवांसे , राजेश ठाकुर,नगरसेवक नितीन वायलालवार, उपाध्यक्ष चंद्रकांत बुरांडे, बांधकाम सभापती वैभव भिवापुरे, माजी जी.प.सदस्य कविता भगत, नगर सेवक सुमेध तुरे , जिल्हा उपाध्यक्ष अनिल कोठारे,, अशोक पोरेडीवांर, कॉग्रेस तालुका अध्यक्ष प्रमोद भगत, संजय वडेट्टीवार, रजनीकांत मोटघरे, रुपेश टिकले अमर मोगरे, चंदू मस्ककोले, तेजस कोंडेकर, माजी प.स. सदस्य धर्मशिला साहारे, मुखरू शेंडे ,मनोज हेजीब यांच्यासह व परिसरातील बाबांचे भक्त गण आणि भारतीय पुरातत्व खात्याचे अधिक्षण पुरतस्तविध अरुण मल्लिक , संरक्षण सहाय्यक शुभम कोरे आदी उपस्थित होते. यावेळी खासदार डॉ नामदेव किरसान यांनी पुरातत्व विभागाच्या अधिकाऱ्यांना जिर्णोद्धार बांधकाम बंद का पडले, ते सुरू केव्हा करणार आदी विविध प्रश्न उपस्थित करत त्यांच्या कार्यप्रणालीवर नापसंती व्यक्त करत हे काम त्वरित सुरू करण्याचे निर्देश दिले 

 त्यावेळी एक महिन्याची मुदत द्या आम्ही बांधकाम पूर्ण होई पर्यंत काम बंद पडू देणार नाही, असे आश्वासन पुरातत्त्व विभागाचे अधिकारी अरुण मलिक यांनी दिली

विधानसभेच्या अध्यक्षांकडे प्रतिभा धानोरकरांनी सुपूर्द केला राजीनामा 

वरोरा-भद्रावती विधानसभेच्या माध्यमातून जनतेने आमदार म्हणून निवडून दिले. 2019 ते 2024 या कालावधीत विधानसभेच्या माध्यमातून जनसामान्यांची संपूर्ण कामे करण्याचा प्रामाणिक प्रयत्न केल्याचे मत खासदार धानोरकर यांनी व्यक्त केले. यावेळी विधानसभेच्या अध्यक्षांकडे राजीनामा सुपूर्द करुन विधानसभा सचिवालयातील सर्व अधिकारी व कर्मचारी यांचे आभार मानले.
अलिकडेच लोकसभा निवडणूक पार पडून त्यामध्ये चंद्रपूर-वणी-आर्णी लोकसभा क्षेत्राच्या खासदार पदांची धुरा प्रतिभा धानोरकर यांच्याकडे आली. खासदार पदी निवडून आल्याने आज विधानसभा अध्यक्षांकडे आमदार पदाचा राजीनामा सुपूर्द केला. यावेळी अध्यक्षांनी प्रतिभा धानोरकर यांना भावी राजकीय आयुष्यासाठी शुभेच्छा देऊन त्यांनी विधानसभेत केलेल्या कार्याबद्दल स्तुतीसुमने उधळली.

याप्रसंगी प्रतिभा धानोरकर यांनी विधानसभेत वेळोवेळी जनतेच्या प्रश्नांवर चर्चेसाठी संधी दिल्याबद्दल अध्यक्षांचे आभार मानले. तसेच विधानसभा सचिवालयातील सर्व प्रशासकीय अधिकारी व कर्मचारी यांचे आभार मानले व जनतेने ठेवलेल्या विश्वासाबद्दल कायमची ऋणी राहीन व विधानसभेत विविध आयुधांद्वारे जनतेच्या प्रश्नांवर केलेल्या चर्चेच्या अनुभवनातून लोकसभेत नव्या दमाने कार्य करण्याची प्रेरणा मिळणार असल्याचे मत याप्रसंगी खा. प्रतिभा धानोरकर यांनी व्यक्त केले.

दिवंगत खासदार बाळू धानोरकर व मला विधानसभेचा कालावधी पूर्ण करता आला नाही, पण जनतेच्या आशिर्वादाने आम्हाला खासदार म्हणून जनतेने दिलेली संधी माझ्या आयुष्यासाठी प्रेरणादायी ठरलेली आहे. या निवडणूकीत जनतेने भरभरुन दिलेले आशिर्वाद मी विकास कार्यात परावर्तित करण्याचा प्रयत्न करणार असल्याचे मतदेखील यावेळी व्यक्त केले. भविष्यात देखील जनतेच्या कामांसाठी राज्य सरकारच्या माध्यमातून जनतेचे प्रश्न मार्गी लावणार असल्याचे खासदार प्रतिभा धानोरकर यांनी सांगितले

विरोधी पक्षनते वडेट्टीवारांच्या आश्वासनानंतर सरपंचाचे उपोषण मागे

सिंदेवाही तालुक्यातील मरेगाव (तुकुम) येथील सरपंच संदीप बाबुराव ठाकरे यांनी गावगुंडाकडून ग्रामपंचायतीच्या कचरा कुंड्या मालमत्तेची तोडफोड, वारंवार धमक्या व झालेले हल्ले या विरोधात पोलिसात तसेच पंचायत समिती स्तरावर लिखित तक्रार देऊनही  कारवाई न झाल्याने दि.12 जून पासून आमरण उपोषण सुरू केले. याची माहिती मिळताच आज मतदारसंघाच्या दौऱ्यावर असताना राज्याचे विरोधी पक्ष नेते विजय वडेट्टीवार यांनी उपोषण मंडपात भेट देऊन सरपंच संदीप ठाकरे यांच्या समस्या जाणून घेत संबंधित विभागांना तात्काळ चौकशी करून कारवाईचे निर्देश दिले. सदर आश्वासनानंतर सरपंच ठाकरे यांनी विरोधी पक्षनेते विजय वडेट्टीवार यांच्या हस्ते नींबू पाणी घेऊन उपोषण मागे घेतले.

आपले गाव स्वच्छ व सुंदर तसेच निरोगी राहावे याकरिता सिंदेवाही तालुक्यातील मरेगाव (तुकुम) येथील सरपंच संदीप ठाकरे यांनी ग्रामपंचायत अंतर्गत गावात कचराकुंड्या तयार केल्या. मात्र गावातील काही समाजकंटकांनी त्याची तोडफोड केली. सोबतच गावातील मुख्य पानंद रस्त्यावरुन वाळू वाहतूक करणारे अवजड वाहने जाऊन रस्त्याची दुर्दशा करण्यात आली. तरी या विरोधात आवाज उठवणाऱ्या सरपंच संदीप ठाकरे यांचे वर सलग दोनदा हल्ला झाला. याची वारंवार तक्रार पंचायत समिती स्तरावर तसेच पोलिसात देऊनही कुठलीही कारवाई न झाल्याने व गाव गुंडांकडून जीविताचा संभावित असल्याने अखेर न्यायासाठी सरपंच ठाकरे यांनी उपोषणाचा मार्ग पत्करला. त्यांनी कालपासून सिंदेवाही पंचायत समिती तथा तहसील कार्यालय परिसरात आमरण उपोषण सुरू केले. याची माहिती मिळताच आज राज्याचे विरोधी पक्षनेते विजय वडेट्टीवार यांनी मतदार संघातील दौरा दरम्यान थेट उपोषण मंडपाला भेट दिली व सरपंच संदीप ठाकरे यांच्या समस्या जाणून घेत सदर मागण्यांची सखोल चौकशी करून खड्डेमय मार्गांची दुरुस्ती, व संपूर्ण मागण्यांची पूर्तता करावी असे वेळीच निर्देश दिले. यावर समाधान व्यक्त करीत मरेगाव (तुकुम )सरपंच संदीप ठाकरे यांनी विरोधी पक्ष नेते विजय वडेट्टीवार यांच्या आश्वासनानंतर उपोषणाच्या दुसऱ्या दिवशी लिंबू पाणी घेऊन उपोषण मागे घेतले.

याप्रसंगी प्रामुख्याने सिंदेवाही तहसीलदार पानमंद, सहाय्यक पोलीस निरीक्षक तुषार चव्हाण, पंचायत समिती विभागाचे अधिकारी, सिंदेवाही नगराध्यक्ष स्वप्निल कावळे, माजी प.स. सदस्य राहुल पोरेड्डीवार, तालुका सरपंच संघटना अध्यक्ष राहुल बोडने, कृउबा संचालक नरेंद्र भैसारे, जानकीराम वाघमारे, सचिन नाडमवार व बहुसंख्य नागरिक उपस्थित होते.

खा. डॉ. नामदेव किरसान यांनी केले वीज पडून मृत पावलेल्या कुटुंबाचे सांत्वन व आर्थिक मदत

 चामोर्शी तालुक्यातील गोवर्धन कुनघाडा रै येथील रहिवाशी गुरुदास मनिराम गेडाम यांचा तळोधी वरून एक किमी अंतरावर असलेल्या वैनगंगा नदी घाटावर वीज पडून मृत्यू झाला होता. गडचिरोली चिमूर लोकसभा क्षेत्राचे खासदार डॉ नामदेव किरसान यांनी प्रत्यक्ष भेट देऊन पिढीत कुटुंबाचे सांत्वन केले व स्वतःकडून आर्थिक मदत दिली. यावेळी जिल्हा काँग्रेस कमिटीचे जिल्हाध्यक्ष महेंद्र ब्राम्हनवाडे, काँग्रेसचे महासचिव विश्वजित कोवासे, शंकरराव सालोटकर, रजनीकांत मोटघरे, काँगेस कमिटीचे उपाध्यक्ष अनिल कोठारे, रुपेश टिकले, माजी सरपंच अविनाश चलाख, नदीम नाथानी, विपुल ऐलावार, गौरव येंनगंटीवार , माजी जि प सदस्य पितांबर वासेकर, काँग्रसचे तालुकाध्यक्ष प्रमोद भगत, राजेश ठाकूर, दिलीप उडाण, विठ्ठल दुधबळे, हरिभाऊ चापडे, अरुण किरमे, वसंत कुनघाडकर, प्रकाश पिपरे, साहिल वडेट्टीवार, रघुनाथ दुधे व कुनघाडा रै क्षेत्रातील बहुसंख्य कार्यकर्ते उपस्थित होते 

मृत गुरुदास गेडाम हे नाव तयार करून दुरुस्त करणे व मच्छीमारी व्यवसाय करून कुटुंबाचा उदरनिर्वाह चालवत होते 6 जून रोजी ते नातेवाईकाची बिघाड झालेली नाव दुरुस्त करण्यासाठी तळोधी वरून एक किमी अंतरावर असलेल्या वैनगंगा नदिघाटावर गेले होते अचानक वादळी पाऊस गारपीट विजांचा लखलखाट होऊन गुरुदास गेडाम व नीलकंठ भोयर यांच्या अंगावर वीज कोसळली गुरुदास हे जागीच गतप्राण झाले तर नीलकंठ हा जख्मी आहे मृत गुरुदास गेडाम यांना पत्नी व दोन मुले आहेत त्यापैकी एक मतिमंद आहे. पिढीत कुटुंबाची आर्थिक परिस्थिती लक्षात घेऊन खा डॉ नामदेव किरसान यांनी शासनाकडून जास्तीत जास्त मदत मिळवून देण्याचे आश्वासन दिले.

११ जुन रोजी वादळी पावसाने छत हिरवले ; छगन शेडमाकेंनी अस्मानी संकटात सापडलेल्या कुटुंबाला सावरले

देसाईगंज-

     तालुक्यातील अनेक गावांत ११ जुन रोजी सायंकाळच्या सुमारास आलेल्या मान्सूनपूर्व वादळी पावसाने अनेकांच्या डोक्यावरचे छत हिरावले. याबाबत गडचिरोली जिल्हा काँग्रेस कामगार कमिटीचे अध्यक्ष छगन शेडमाके यांच्या निदर्शनास येताच त्यांनी मोका चौकशी करून अस्मानी संकटात सापडलेल्या अतिशय हलाखीचे जीवन जगत असलेल्या कुटंबियांच्या डोक्यावरील छत टाकुन देत कुटुंबीयांना सावरल्याने परिसरात शेडमाके एकच चर्चेचा विषय ठरू लागले आहेत.

     देसाईगंज तालुक्यातील चिखली(रिठ)येथील विनोद विठ्ठल दुमाने या अतिशय हलाखीच्या परिस्थितीत जीवन जगत असलेल्या गरीबाचे ११ जुन रोजी सायंकाळच्या सुमारास आलेल्या वादळी पावसाने छत हिरावले. घरावरील संपुर्ण कवेलु उडाल्याने दुमाने कुटुंबियांना रात्र काढण्यासाठी दुसऱ्याच्या घराचा आधार घ्यावा लागला. देसाईगंज तालुक्यात विहीरगाव,पिंपळगाव,चिखली (रिठ)या परिसरातील घरांना वादळी वाऱ्यासह पावसाचा जबर तडाखा बसल्याचे निदर्शनास येताच अनेक सामाजिक कार्यकर्त्यांनी या गावांकडे धाव घेऊन मोका चौकशी केली मात्र ठोस उपाययोजनेवर भर दिला नसल्याने राहायचे कुठे?असा गंभीर प्रश्न दुमाने कुटुंबीयांसमोर उभा ठाकला होता.

     दरम्यान देसाईगंज तहसील कार्यालयाच्या वतिने मोका चौकशी करून नुकसानीचा पंचनामा करण्यात आला.मात्र दुमाने कुटुंबियांना पर्यायी व्यवस्था होईस्तोवर दुसऱ्याच्या घराचा आधार घेऊन राहावे लागेल,ही बाब गडचिरोली जिल्हा काँग्रेस कामगार कमिटीचे अध्यक्ष छगन शेडमाके यांच्या निदर्शनास येताच त्यांनी घटनास्थळ गाठून मोका चौकशी केली. चौकशीत सदर कुटुंब अतिशय हलाखीचे जीवन जगत असल्याचे निदर्शनास येताच शेडमाके यांनी तत्काळ घरावर छत टाकुन देण्याची संपुर्ण व्यवस्था करून दिली.यामुळे शेडमाके परिसरात एकच चर्चेचा विषय ठरू लागले असुन नैसर्गिक आपत्तीत मदतीला धावून आल्याने भारावलेल्या कुटुंबियांनी शेडमाके यांचे आभार व्यक्त केले.यावेळी विनोद दुमाने, वत्सलाबाई पर्वते,बळीराम बादशाह,भुमेश शिंगाडे, हरिदास बगमारे,अजय मेश्राम आदी चिखली येथील नागरिक उपस्थित होते.

शेडमाकेंनी यापूर्वीही अनेकांना केली मदत

     कुठलाही राजकीय वारसा लाभला नसलेले छगन शेडमाके सामाजिक बांधिलकी जोपासण्यात सदैव अग्रेसर राहात असुन त्यांनी यापुर्वी अनेकांना नगद रोख रक्कम आर्थिक मदत देऊन नैसर्गिक संकटात धाऊन जाण्यात मौलिक भुमिका बजावली आहे.समाज व्यवस्था बळकट करण्यात काँग्रेसच सक्षम असल्याचा ठाम विश्वास असल्याने पक्षाची विचारधारा सोबतीला घेऊन शेडमाके आपली जबाबदारी ओळखून अनेकांना मदतीचा हात देत आहेत.त्यांच्या या कार्याचे सर्वच स्तरातून कौतुक केले जात आहे.

ब्रम्हपुरी तालुक्यातील विकासकामे तातडीने पुर्ण करा. - विरोधी पक्षनेते विजय वडेट्टीवार

 आढावा बैठकीत विरोध पक्षनेते विजय वडेट्टीवार यांचे अधिकाऱ्यांना निर्देश

 लोकसभा निवडणुकीच्या आचारसंहितेमुळे ब्रम्हपुरी मतदार संघातील ब्रम्हपुरी तालुक्यातील अनेक विकास कामे ठप्प होती. या विकास कामांना शीघ्र गतीने पुर्ण करुन जनतेच्या समस्या तातडीने सोडवा असे निर्देश राज्याचे विरोधी पक्षनेते तथा ब्रम्हपुरी विधानसभा क्षेत्र आमदार विजय वडेट्टीवार यांनी ब्रम्हपुरी तहसील कार्यालय येथे आयोजित आढावा बैठकीत दिले. 

आयोजित आढावा बैठकीस उपविभागीय अधिकारी संदीप भस्के, उपविभागीय पोलिस अधिकारी दिनकर ठोसरे, तहसीलदार उषा चौधरी, नगरपरिषद मुख्याधिकारी अर्शिया जुही, काँग्रेस नेते प्राचार्य देविदास जगनाडे, काँग्रेस शहराध्यक्ष हितेंद्र राऊत व सर्व विभागाचे अधिकारी प्रामुख्याने उपस्थित होते.

यावेळी पंचायत समिती अंतर्गत राबविण्यात येणाऱ्या पाणंद रस्ते योजना, घरकुल योजना, अंगणवाडी व शालेय वर्ग खोल्या बांधकाम, नवीन प्राथमिक आरोग्य केंद्र व ग्राम पंचायत भवन बांधकाम याची इतंभुत माहिती घेतली. पाणी पुरवठा अंतर्गत जल जीवन योजना मध्ये एकाच कंत्राटदाराला बहुतांश कामे दिल्याने अपूर्ण व सुरु न झालेल्या पाणीपुरवठा योजना कामे त्वरित करण्यात यावी अन्यथा संबंधित कंत्राटदारावर कारवाई करण्याचे आदेश देत अधिकाऱ्यांची कानउघाडणी केली. तसेच अंगणवाडी सेविका, मदतनीस, आरोग्य सेविका पदांची भरती, जिल्हा परिषद सिंचाई विभागाची विकास कामे, वनविभाग , जलसंधारण विभाग, आरोग्य विभाग,भूमी अभिलेख विभागा अंतर्गत सावली शहरातील मोजणी, महसूल विभाग,तालुका क्रीडा संकुल, नगरपंचायत, सार्वजनिक बांधकाम विभागा अंतर्गत सुरु असलेली विकास कामे, कंत्राटदारांनी केलेल्या चुका, झालेले शेतकऱ्यांचे नुकसान तथा अन्य योजनांचा विस्तृत आढावा विरोधी पक्षनेते तथा ब्रम्हपुरी विधानसभा क्षेत्र आमदार विजय वडेट्टीवार यांनी घेतला.

नुकत्याच पार पडलेल्या लोकसभा निवडणुक काळात आचारसंहिता लागू होती. त्यामुळे विकास कामे ठप्प पडली होती. येणारा हंगाम हा पावसाळी हंगाम असुन यातुन ब्रम्हपुरी तालुक्यातील शेतकरी, सामान्य नागरिक यांना भेडसावणाऱ्या समस्या प्राधान्य क्रमाने सोडविण्यात याव्या. तसेच विकास कामांचा दर्जा उत्तम ठेवून कामे तातडीने पुर्ण करावे. तसेच विकास कामांत हयगय व दुर्लक्ष करणाऱ्या अधिकारी असो अथवा कंत्राटदार यांची गय केल्या जाणार नाही अशी तंबी देखील विरोधी पक्षनेते विजय वडेट्टीवार यांनी उपस्थित संबंधित विभागाच्या अधिकाऱ्यांना दिली. याप्रसंगी प्रामुख्याने संबंधित विभागाचे सर्व अधिकारी उपस्थित होते.

फादर्स डे च्या निमित्ताने. ...

न उमगलेला बाप. ....

बाप हा विषय आपल्यासाठी ब-यापैकी दुर्लक्षितच असलेला विषय.आई घराचे मांगल्य असते तर बाप घराचे अस्तित्व.पण या घराच्या अस्तित्वाला खरंच कधी आपण समजून घेतलं आहे का.?बापाला महत्त्व असूनही त्याच्याविषयी जास्त बोललं जात नाही.संत महात्म्यांनी सुद्धा आईचेच महत्व सांगितलेले आहे.देवांनी सुद्धा आईची तोंडभरून स्तुती केलेली आहे.चांगल्या गोष्टींना आईचीच उपमा दिली जाते,पण बापाविषयी मात्र कुठेच बोलले जात नाही.काही लोकांनी बाप रेखाटला पण तोही खूप तापट,व्यसनी, मारझोड करणारा.समाजात एक-दोन टक्के बाप तसे असतीलही पण चांगल्या बापाबद्दल काय..?

             आईकडे अश्रूचे पाट असतात तर बापाकडे संयमाचे घाट असतात.आई रडून मोकळी होते, पण सांत्वन करायला मात्र बापच लागतो.आणि रडणाऱ्या पेक्षा सांत्वन करणाऱ्यावरच जास्त ताण पडतो.रोजच्या जेवणाची सोय करणारी आई आमच्या लक्षात राहते,पण आयुष्याच्या शिदोरीची सोय करणारा बाप मात्र आमच्या कधीच लक्षात राहत नाही.निकाल लागल्यावर आई जवळची वाटते कारण ती प्रेमाने जवळ घेते म्हणून,पण गुपचूप जाऊन पेढे आणणारा बाप कोणाच्याच लक्षात राहत नाही.आईला वाटलं तेव्हा ती मन मोकळं करून रडते पण बापाला मात्र रडता येत नाही.स्वतःचा बाप मेला तरी त्याला अश्रू डोळ्यातच ठेवावे लागतात कारण त्याच्यावर जबाबदा-या असतात म्हणून.

बाप माणसाला सुद्धा काही भावना असतात त्यालाही आपल्याशी बोलायचं असतं हे आपण सोयीस्करपणे विसरतो.आपण आपल्या वडिलांसोबत कितीदा मनमोकळ्या गप्पा मारल्यात, आपल्यापैकी कोणालातरी आठवते का?बापाचं महत्त्व काय असते हे मुलं कधीच समजू शकत नाही.काही मुले समजून सुद्धा घेत असतीलही पण तेही अगदी बोटावर मोजण्याइतकेच.

      ज्या घरात बाप आहे त्या घराकडे कोणाची वाईट नजरेने बघायची हिंमत सुद्धा होत नाही.कारण घरातला कर्ता माणूस म्हणजेच बाप जिवंत असतो.मुलगा त्याची कर्तव्य विसरू शकतो, पण बापाला बाप होणं कधीच टाळता येत नाही.आईच्या असण्याला किंवा आई होण्याला बापामुळे अर्थ असतो.प्रत्येक मुलाला बापाचं अस्तित्व जाणवायला हवं त्यांच्यामुळे आपलं अस्तित्व अपूर्ण आहे अशी जाणीव व्हायला हवी.

           आपल्याला जर उशीर झाला तर रागावणारा बाप आपल्याला दिसतो पण त्या रागावण्यामागची काळजी मात्र कुणालाच दिसत नाही,का बरं असं होत असेल याचा विचार एकदा तरी नक्कीच करायला हवा..?

  बाप जिवंत असताना त्याची किंमत कळायला हवी .बाप नावाच्या माणसाचा आपल्याला किती आधार असतो हे बाप गेल्यावर कळते. बाप नसल्यावर किती हालअपेष्टा होते हे त्या लेकाला विचारा, ज्याचा बाप या जगात नाही.बाप गेल्यावर आलेल्या जबाबदाऱ्या पेलाव्या लागतात त्यावेळी त्याच्या डोळ्यातून बरसणारे अश्रू सतत बापाची आठवण करून देत असते.एकेका वस्तूसाठी त्याला प्रत्येक वेळी तरसत रहावे लागते.दुस-यांचा बाप बघितलं की,मग त्यालाही आठवतो त्याचा बाप...ज्या बापाने अचानकपणे या जगातून एक्झिट घेतलेली असते.काय असतील त्या लेकाच्या वेदना.?.किती यातना होत असतील त्याच्या मनाला. .?विचाराच एकदा तरी त्याला..तुमचं सुद्धा मन हेलावून जाईल..

        प्रत्येक मुलानी आपल्या बापाचं अस्तित्व आणि महत्व समजून जगायला पाहिजे.झाड कितीही मोठ्ठं झालं तरी, त्याची मूळे कापली तर ते टिकू शकत नाही‌.जीवनाचं गणितही असच असते,ते ज्याचे त्याने ओळखून जगायला पाहिजे.त्या देव माणसाला कधीतरी सांगायला हवं. ..बाबा मला तुझा अभिमान वाटतो म्हणून.

आजकालची मुलं तर सदानकदा बापावर चिडत असतात की,तुम्ही आमच्यासाठी काय केलय म्हणून, त्यावेळी काय वाटत असेल त्या बापाला. ..विचार करा एकदा? ?

  एकएक पैसा काटकसर करून बाहेरगावी शिकणा-या मुलाला बाप पैसा पाठवतो.आणि हाच मुलगा तिकडे पैशाची उधळपट्टी करतो. ..पटतयं का बघा तुमच्या मनाला? 

    म्हणूनच संस्कार देणारी आई असली तरी संस्कार जपणारा हा बापच असतो.संयम शिकवणारी आई असली तरी खंबीर बनवणारा हा बापच असतो.बाप जिवंत असेपर्यंत तरी बापाची किंमत तुम्हाला कळू द्या,एवढीच कळकळीची विनंती...शेवटी एवढच म्हणावसं वाटते..

     लई अवघड हाय गड्या 

        समजाया बाप रं.....

वृंदा पगडपल्लीवार शिक्षिका 

9421720175

दोन दुचाकींची धडक होऊन झालेल्या अपघातात एकजण जागीच ठार

एटापल्ली : दोन दुचाकींची समोरासमोर धडक होऊन झालेल्या अपघातात एक जण जागीच ठार झाल्याची घटना एटापल्ली पासून 5 किमी अंतरावरील जिवनगट्टा ते डोड्डी गावादरम्यान बुधवारी (दि. 12) घडली. मैनू चैतू बोगामी (वय 17) असे मृतकाचे नाव आहे. प्राप्त माहितीनुसार, मैनू बोगामी हा अल्पवयीन मुलगा बुधवारी दुपारी उडेरावरून एमएच 33 एक्स 7154 क्रमांकाच्या दुचाकीने डोड्डी गावाकडे जात

होता. दरम्यान, त्याचवेळी डोड्डी गावाकडून येणाऱ्या दुचाकीची चैतूच्या दुचाकीला समोरासमोर धडक बसली. यात मैनू याचा जागीच मृत्यू झाला. या मार्गावरून ये-जा करणाऱ्या नागरिकांनी अपघात घडताच 108 क्रमांकावर रुग्णवाहिकेला फोन केला. रुग्णवाहिका घटनास्थळी दाखल होताच, मैनूचा मृतदेह उत्तरीय तपासणीसाठी ग्रामीण रुग्णालय एटापल्ली येथे पाठविण्यात आला. अधिक तपास एटापल्ली पोलिस करीत आहेत.

अहेरी नगरपंचायत येथील नियमबाह्य कामांची चौकशी करून कारवाई करा.- जिल्हाध्यक्ष प्रशांतजी वाघरे यांची जिल्हाधिकाऱ्यांना निवेदानाद्वरे मागणी

जिल्हाध्यक्ष प्रशांतजी वाघरे यांच्या नेतृत्वात अहेरी नगरसेवक व शिष्टमंडळ यांचे जिल्हाधिकारी मा.विजयजी भाकरे यांना निवेदन

गडचिरोली :-मागील अडीच वर्षापासुन नगरपंचायत अहेरीत नियमबाध्य व अवैद्य पध्दतीने कारभार सुरु आहे. शहराच्या विकासासाठी येणारा निधी लोकसंख्यानिहाय व प्रलंबीत महत्वाच्या समस्यांना निराकरणासाठी न वापरता केवळ विशिष्ठ क्षेत्रातच कोट्यावधीचा निधी खर्ची घालत आहेत आणि ऊर्वरीत भागातील समस्या अडीच वर्षांपासुन जैसे थे अवस्थेत आहे. त्याभागातील कर भरणाऱ्या नागरीकांवर हा अन्याय आहे.

आजवरच्या प्रत्येक अवैद्रय निविदा प्रक्रीयेची कंत्राटदार संघटना तथा विविध संस्थांमार्फत तक्रारी झालेल्या आहेत. आणि बरेचदा जिल्हा प्रशासनाला हस्तक्षेप करून सुधारणा करावी लागली तर काहीं निविदा कार्यारंभ आदेश दिल्याननंतर सुध्दा प्रक्रीया रद्द करण्याची वेळ सुध्दा प्रशासनावर आलेली आहे. त्यानंतरही नगर पंचायत प्रशासन वारंवार शासकिय नियमांना व मार्गदर्शक तत्वांना डावलून मनमानी पध्दतीने मर्जीतल्या कंत्राटदारांच्या हितासाठी पायघड्या घालत असते. दोन महीण्यापूर्वी निविदा प्रक्रीयेची कागदोपत्री पुराव्यासह आपणाकडे तक्रार देण्यात आलेली होती परंतु निवडणुक प्रक्रीयेच्या व्यस्तते आडून बेकायदेशीर पध्दतीने विकासकामे घाईघाईने आटोपण्यात आली परंतू तक्रारीला न्याय मिळालाच नाही.

नगर पंचायत अहेरी मार्फत बेकायदेशीर ठराव सुध्दा घेण्यात आलेला असुन त्या विरुध्द आपणाकड़े अधिनियम 44 (¡) नुसार अनर्हतेचे प्रकरण सुध्दा आपणाकडे न्यायप्रविष्ट आहेच तरी या सर्व गंभीर प्रकरणांचा तेवढ्‌याध गांभिर्याने विचार करुन लवकरात लवकर न्याय द्यावा व दोषीवर कठोर कारवाई करण्यात यावे असे निवेदन जिल्हाधिकारी विजयजी भाकरे यांना देण्यात आले.

त्याप्रसंगी नगरपंचायत गटनेत्या तथा महिला मोर्चा जिल्हा महामंत्री भाजपा शालिनीताई पोहनेकर, भाजपा शहराध्यक्ष तथा नगरसेवक मुकेशजी नामेवार, तालुकाध्यक्ष संतोषजी मध्दीवार, नगरसेवक विकास उईक, संजयजी पोहनेकर, जिल्हा महामंत्री ओबीसी मोर्चा भास्करजी बुरे उपस्थित होते.

विमुक्त जाती भटक्या जमाती प्रवर्ग व धनगर समाज प्रवर्गातील समाज बांधवांनी घरकुल योजनेचा लाभ घ्यावा

गडचिरोली,दि.12(जिमाका):विमुक्त जाती भटकया जमाती व धनगर समाज प्रवर्गातील समाज बांधवांनी घरकुल योजनेचा लाभ घेण्याचे आवाहन समाज कल्याण विभागाचे सहाय्यक आयुक्त डॉ. सचिन मडावी यांनी केले आहे. 

ग्रामीण क्षेत्रासाठी संबंधित ग्रामपंचायत अंतर्गत ठराव घेवुन घरकुल योजनेकरीता पात्र अर्जदारांचे प्रस्ताव अर्ज ग्रामपंचायतीच्या माध्यमाने पंचायत समिती, गटविकास अधिकारी यांचे मार्फत सहाय्यक आयुक्त, समाज कल्याण कार्यालयास यादीसह सादर करावे. 

विमुक्त जाती, भटक्या जमाती तसेच धनगर समाज या प्रवर्गातील कुटुंबाचे राहणीमान उंचावणे, त्यांचे उत्पन्नाचे स्त्रोत वाढुन त्यांना स्थिरता प्राप्त व्हावी. त्यांना विकासाच्या मुळ प्रवाहात येता यावे, या उददेशाने राज्यात सामाजिक न्याय व विशेष सहाय्य विभागामार्फत ग्रामीण भागातील विमुक्त जाती, भटक्या जमाती प्रवर्गातील घटकांसाठी यशवंतराव चव्हाण मुक्त वसाहत योजना तसेच धनगर समाज भटक्या जमाती-क प्रवर्गाच्या विकासासाठी पुण्यश्लोक अहिल्यादेवी होळकर घरकुल योजना इतर मागास बहुजन कल्याण विभागाअंतर्गत राबविण्यात येत आहे.

ग्रामीण भागात किमान 10 कुटुंबासाठी सामुहिक वसाहत योजना राबवुन अथवा रमाई आवास योजनेच्या धर्तीवर वैयक्तिक स्वरुपात घरकुलाचा लाभ देण्यात येतो. यासाठी सक्षम अधिका-यांने दिलेले जातीचे प्रमाणपत्र, कुटुंबाचे वार्षिक उत्पन्न रु. 1.20 लाख पेक्षा कमी असल्याचे उत्पन्न प्रमाणपत्र तसेच महाराष्ट्र राज्याचे अधिवास प्रमाणपत्र, कुटुंबातील कोणत्याही व्यक्तीने महाराष्ट्र राज्यात इतर कोणत्याही ठिकाणी घरकुल योजनेचा लाभ घेतला नसल्याबाबतचे 100 रु. स्टॅम्प पेपरवर शपथपत्र लाभार्थी कुटुंबाचे स्वत:चे मालकीचे घर, भुखंड असल्याचा पुरावा, नमुना-8 किंवा 7-12 उतारा दस्त नोंदणीची प्रत, घराचे सद्यास्थितीचे छायाचित्र, ग्रामसभेचा ठराव, अर्जदाराचे आधार ओळखपत्र, बँक पासबुक, राशन कार्ड, जॉबकार्ड, घरकर पावती आदी कागदपत्रासह अर्ज संबंधित ग्रामपंचायतीमध्ये सादर करावे. अधिक माहितीकरीता 07132-222192 या क्रमांकावर संपर्क साधावा असे समाज कल्याण विभागामार्फत कळविण्यात आले आहे.

 पोलिसांनी २४ तासाचा आत दुचाकी चोरी आणि घरफोडी आरोपीच्या मुसक्या आवळल्या

बल्लारपूर : बल्लारपूर पोलीसांनी २४ तासाचा आत दुचाकी चोरी आणि घरफोडीचे आरोपीच्या मुसक्या आवळल्या असून तीन आरोपींना अटक केले आहे.
८ जुन रोजी येथील नवीन बस स्टँड वरून रविंद्र कवडू शिडाम यांची दुचाकी क्र. MH ३४ BW ८७९३ चोरी गेली होती. त्यांनी १० जुन रोजी बल्लारपूर पोलीस स्टेशन येथे तक्रार दिली होती. 
याची दखल घेत पोलीसांनी पोलीस निरीक्षक आसिफराजा शेख यांच्या नेतृत्वात चक्र फिरवून आरोपी किशोर श्यामराव त्रिसुलवार (२८) रा. राजेंद्र प्रसाद वार्ड बल्लारपूर याच्या मुसक्या आवळल्या. तसेच विद्या नगर येथील राजू महादेव पिंपळकर आपल्या परिवार सोबत बाहेर गावी गेले असता त्यांचा घरी अज्ञात चोराने घरच्या दरवाजाची कुंराजु पिंपळकर यांनी पोलीस स्टेशन येथे तक्रार दिली. त्या वरून पोलीसांनी गुन्हा नोंद केले.
पोलीसांनी तक्रार ची नोंद घेत आरोपी तिरूपती उर्फ लड्या अशोक दासरवार (२७) रा. गौरक्षन वार्ड व ऋतिक विठ्ठल उपरे याला अटक करून मुद्देमाल जप्त केले.
     सदर कारवाई कारवाई पोलीस अधिक्षक मुमक्का सुदर्शन, अप्पर पोलीस अधिक्षक रिना जनबंधु, दिपक साखरे उपविभागीय पोलीस अधिकारी, राजुरा यांचे मार्गदर्शनात पो.नि. आसिफराजा बी. शेख, सफौ गजानन डोईफोडे, पोहया. सुनिल कामटकर, पोहवा, संतोष दंडेवार, पोहवा, रणविजय ठाकूर, पुरुषोत्तम चिकाटे, सत्यवान कोटनाके, वशिष्ट रंगारी, सरदचंद्र कारुष, मिलींद आत्राम, शेखर माथनकर, श्रिनिवास वाभिटकर यांनी केली आहे. कुंडी तोडून एक ग्राम सोन्याची नथ, ३ चांदीचे शिक्के, १० ग्राम चांदीचे कुयरी व ६ हजार रुपये नगदी चोरी केले होते.

अमरावती येथील धान खरेदी केंद्राचे उद्घाटन ;माजी जिल्हा परिषद अध्यक्षा भाग्यश्री ताई आत्राम यांच्या हस्ते शुभारंभ

सिरोंचा : तालुका मुख्यालय पासून १० किमी अंतरावर असलेल्या अमरावती येथील आदिवासी विविध कार्यकारी सहकारी संस्थेच्या धान खरेदी केंद्राचे उद्घाटन माजी जिल्हा परिषद अध्यक्षा भाग्यश्री ताई आत्राम यांच्या हस्ते करण्यात आले.

      यावेळी त्यांच्या समवेत कृषी उत्पन्न बाजार समिती सिरोंचाचे सभापती संतीश गंजीवार, अमरावती अविकाचे अध्यक्ष मल्लय्या गावडे, उपाध्यक्ष इंगली नानय्या किष्टयया, जिल्हा मध्यवर्ती सहकारी बँकेचे उपाध्यक्ष श्रीहरी भंडारी,संस्थेचे सचिव सुधाकर भंडारी, बाजार समितीचे संचालक रवि राल्लाबंडीवार, राकॉचे तालुकाध्यक्ष मधुकर कोल्लूरी, नगरसेवक जगदीश राल्लाबंडीवार, नगरसेवक सतीश राचर्लावार, नगरसेवक सतीश भोगे, नगरसेवक रंजीत गागापूरपूवार, तसेच पदाधिकारी उपस्थित होते.

सिरोंचा-आलापल्ली मार्गावर जडवाहतूकीस बंदी;
पर्यायी मार्गचा अवलंब करण्याच्या सूचना

गडचिरोली दि. 12 : राष्ट्रीय महामार्ग क्रमांक 353-सी वरील सिरोंचा ते आलापल्ली मार्गावर सातत्याने सुरु असलेल्या जड वाहतुकीमुळे व निर्माणाधिन महामार्गाचे कामामुळे पावसाळ्यात सदरील मार्गावर मोठी दुर्घटना टाळण्यासाठी महामार्गावरील दोन्ही बाजुने सर्व प्रकारचे जड वाहनांची वाहतूकीस प्रतिबंध करण्यात येत असल्याचे आदेश जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष विजय भाकरे यांनी निर्गमित केले आहे.
यानुसार सदर महामार्गावर 19 जुन च्या मध्यरात्रीपासून ते 31 आक्टोबर 2024 पर्यत जड वाहतुकीस मनाई करण्यात आली असून पर्यायी मार्गाचा वापर करण्याच्या सूचना देण्यात आल्या आहेत.
सिरोंचा ते आलापल्ली मार्गावर येणाऱ्या वाहनांकरिता सिरोंचा मंचेरियाल राजुरा बल्लारशाह-चंद्रपूर-गडचिरोली पर्यायी मार्गाचा वापर करण्यात यावा. तर आलापल्ली हून मंचेरियाल मार्गे जाणाऱ्या मार्गासाठी आलापल्ली आष्टी- बल्लारपूर-मंचेरियाल या पर्यायी मार्गाचा वापर करण्यात यावा. आदेशाचे अंमलबजावणी न करणाऱ्या वाहतुकदारावर भारतीय दंडसंहितेनुसार कारवाई करण्यात येईल, असेही आदेशात नमुद करण्यात आले आहे.
आपातकालीन सेवा, प्रवासी बसेस, पाणीपुरवठा, पोलीस, अन्न-औषध-पुरवठा, महावितरण, दूरसंचार, रस्ते दुरुस्ती व आरोग्य विभाग संदर्भातील वाहनांना सदर आदेश लागू राहणार नाही.

नागरिकांना आरोग्य सेवेचा लाभ मिळणार ना.धर्मराव बाबा आत्राम यांच्या हस्ते रूग्ण वाहीकेचे लोकार्पण

अहेरी :राज्याचे अन्न व औषध प्रशासन मंत्री तथा गोंदिया जिल्ह्याचे पालकमंत्री ना. धर्मराव बाबा आत्राम यांच्या हस्ते शुक्रवार ७ जून रोजी अहेरी येथील हकीम लॉन मध्ये एका भव्य दिव्य कार्यक्रमात सुविधायुक्त रुग्ण वाहिकेचे लोकार्पण करण्यात आले.

लोकार्पण सोहळ्यात मंचावर सिनेअभिनेत्री ईशा कोप्पीकर, मध्य प्रदेश येथील जनजाती कल्याण मंत्री ना. विजय शहा, जिल्हा परिषदेच्या माजी अध्यक्षा भाग्यश्री आत्राम, युवा नेते ऋतुराज हलगेकर, सिनेट सदस्या तनुश्री आत्राम, पंचायत समितीचे माजी सदस्य हर्षवर्धनराव बाबा आत्राम, राजेश पुरी आदी मान्यवर उपस्थित होते.

ठाणे येथील मेयर ऑरगॅनिक्स प्रायव्हेट लिमिटेड या अग्ग्रगण्य औषध उत्पादक कंपनीने सीएसआर कार्यक्रमा अंतर्गत शुभम बहुद्देशीय शिक्षण संस्था या संस्थेला रुग्णवाहिका प्रदान केली असून सदर संस्थेने राज्याचे अन्न व औषध प्रशासन मंत्री ना. धर्मराव बाबा आत्राम यांच्याकडे रुग्णवाहिका हस्तांतरीत केले आहे. अहेरी व ग्रामीण भागातील रुग्णांना सेवेचा लाभ मिळावा यासाठी रुग्णवाहिका उपलब्ध करून देण्यात आले असून मेयरच्या या स्तुत्यप्रिय उपक्रमामुळे उत्तम आरोग्य सेवा व ग्रामीण भागाला याचा लाभ मिळणार आहे. 

        मेयर ऑरगॅनिक्स प्रायव्हेट लिमिटेडचे संचालक राजेश तावडे यांनीही मार्गदर्शन केले. या रूग्णवाहीकेमुळे आरोग्य सेवा बळकटीकरणासाठी साथ व लाभ मिळणार आहे.

ग्रामीण भागात दर्जेदार आरोग्य सुविधा पोहचविणार - ना आत्राम

या प्रसंगी ना. धर्मराव बाबा आत्राम यांनी, ग्रामीण भागातील नागरिकांना आरोग्याची योग्य सोय सुविधा उपलब्ध व्हावी यासाठी आमची धडपड असून सुसज्ज व सुविधा युक्त नवीन रुग्णवाहिका रुग्णांच्या सेवेसाठी उपलब्ध होत असल्याने मेयर कंपनीचे आभार मानून आणि प्रत्येक कंपनीने सीएसआर मार्फत आरोग्य क्षेत्राकडे विशेष लक्ष घालण्याचे आवाहन केले.

मालतीच्या कविता आदिवासी जीवनाच्या वेध घेणाऱ्या-ना.गो. थुटे

गडचिरोली : झाडी बोली साहित्य मंडळ गडचिरोलीच्या वतीने मालती सेमले यांच्या 'पाना तोडणीच्या मोसमात' या कविता संग्रहाचे प्रकाशन डॉ .निलकांत कुलसंगे ज्येष्ठ साहित्यिक तथा माजी उपनिर्देशक गीत व नाट्य, केंद्रीय सांस्कृतिक विभाग दिल्ली यांचे हस्ते तर 'गोष्टी रान पाखरांच्या' या बाल कथा संग्रहाचे प्रकाशन वरोऱा येथील ज्येष्ठ साहित्यिक तथा झाडी बोली चळवळीचे आधारवड ना.गो. थुटे यांचे हस्ते पत्रकार भवन गडचिरोली येथे थाटात पार पडले. मालती सेमले यांच्या कविता आदिवासी जीवन दर्शन घडविणाऱ्याच नसून त्या समाजाला दिशा दर्शक आहेत आहेत असा सर्वसाधारण सूर मान्यवरांच्या भाषणातून या प्रसंगी व्यक्त झाला.

   या प्रसंगी कार्यक्रमाचे अध्यक्षस्थान ज्येष्ठ साहित्यिक ना.गो. थुटे यांनी भुषविले होते.त्यांनी मालती यांनी संग्रहात बालपणातील आदिवासी संस्कृतीचे जगलेले संपूर्ण जीवन मांडलेले असून तेच आजच्या समाजाला पोषक आहे. असे प्रतिपादन केले.

तर मालतीच्या स्त्री जीवनावरील आदिवासी कवितांची दखल सर्वत्र घेतली जाईल. इतका सखोल मतितार्थ त्यांच्या कविता व कथेत आहे. असा आशावाद डॉ. निलकांत कुलसंगे यांनी प्रगट केला. 'पाना तोडणीच्या मोसमात' या कवितासंग्रहावर कवी मोहन शिरसाट , वाशिम यांनी भाष्य केले तर गोष्टी रान पाखरांच्या या बालकथा संग्रहावर कवी प्रदीप देशमुख यांनी भाष्य केले. या प्रसंगी व्यासपीठावर चंद्रपूरचे कवी इरफान शेख ,३१वे झाडी बोली साहित्य संमेलनाचे अध्यक्ष डॉ. चंद्रकांत लेनगुरे , गडचिरोली पंचायत समितीचे माजी उपसभापती मारोतरावजी इचोडकर, नाटककार चुडाराम बल्लारपुरे प्रमुख पाहुणे म्हणून विराजमान होते.या पाहुण्यांनी मनोगतातून दोन्ही संग्रहास शुभेच्छा दिल्या.कवयित्री मालती सेमले यांनी सुध्दा मनोगतातून दोन्ही संग्रहाच्या निर्मिती बद्यल माहिती दिली.प्रास्ताविकेतून सचिव कमलेश झाडे यांनी मंडळाने केलेल्या कार्याचा आढावा सादर केला. कार्यक्रमाचे संचालन संजीव बोरकर यांनी केले. तर उपस्थितांचे आभार उपेंद्र रोहणकर यांनी मानले. याच कार्यक्रमात मंडळाचा उत्कृष्ट कार्यकर्ता म्हणून संजीव बोरकर,संग्रहाचे उत्कृष्ट मुखपृष्ठ रेखाटणारे भारत सलाम, सुदर्शन बारापात्रे यांना 

स्मृतीचिन्ह,शाल,पुष्पगुच्छ देऊन सन्मानित करण्यात आले.,कार्यक्रम यशस्वीतेसाठी भास्कर सेमले,डॉ. सागर सेमले,पराग सेमले, आणि मंडळाचे प्रा. विनायक धानोरकर, मारोती आरेवार, जितेंद्र रायपुरे, पुरूषोत्तम ठाकरे, डॉ. प्रविण किलनाके,वर्षा पडघन,

प्रतिक्षा कोडापे,प्रेमिला अलोने ईत्यादीनी परिश्रम घेतले.कार्यक्रमाला वरोरा, चंद्रपूर , भद्रावती येथील झाडीबोली मंडळाचे कवी तसेच स्थानिक साहित्यप्रेमी मोठ्या संख्येने उपस्थित होते.

बोगस बियाणे आढळल्यास करा कॉल ;तालुका स्तरावर तक्रार निवारण कक्ष व भरारी पथकाची नियुक्ती 

गडचिरोली : खरीप हंगामात खते, बियाणे व कीटकनाशके तसेच पीक कर्जासंबंधी तक्रारींसाठी कृषी विभागाकडून तालुका स्तरावर तक्रार निवारण कक्ष व भरारी पथके नियुक्त करण्यात आली आहेत.

खरीप हंगामात शेतकऱ्यांच्या माथी बोगस बियाणे मारले जाते. तसेच खते व कीटकनाशकांची किमतीपेक्षा अधिक भावात विक्री काही कृषी केंद्र चालकांकडून केली जाते. यात शेतकऱ्यांच्या फसवणुकीसह त्यांची आर्थिक लूटही केली जाते. या प्रकाराला आळा बसावा यासाठी जिल्हा अधीक्षक कृषी अधिकारी कार्यालयाने जिल्हाधिकाऱ्यांच्या आदेशानुसार तक्रार निवारण कक्ष व भरारी पथकांची नियुक्ती करण्यात आली आहे.

पंचायत समिती स्तरावर यांचे भरारी पथक -

पंचायत समिती स्तरावर गडचिरोली व मुलचेरा येथे प्रल्हाद पदा, धानोरा यादव पदा, आरमोरी व चामोर्शी येथे के. जी. दोनाडकर, वडसा येथे जितेंद तोडासे, कुरखेडा जितेंद्र गेडाम, कोरची येथे रेणू दुधे, अहेरी व भामरागड येथे मनीषा राजनहिरे, एटापल्ली येथे तुषार पवार व सिरोंचा येथे डेविड मेश्राम यांच्याशी संपर्क साधावा. जिल्ह्यात बाराही तालुक्यांत कृषी विभागाच्या पथकांची करडी नजर राहणार आहे.

येथे साधावा संपर्क -

जिल्हा भरारी पथकाला संपर्क करण्यासाठी कृषी विकास अधिकारी ९९२२३२०११६, जिल्हा गुण नियंत्रण निरीक्षक ८६९८३८९७७३ तसेच जिल्हा तक्रार निवारण कक्षात ८२७५६९०१६९ या क्रमांकावर संपर्क साधावा. याशिवाय जिल्हा अधीक्षक कृषी अधिकारी कार्यालयात ०७१३२-२२२५९३ या क्रमांकावर संपर्क साधावा, असे कृषी विभागाने कळविले आहे

धबधब्याच्या पाण्यात बुडून दोन पर्यटकांचा मृत्यू; साळ्याला वाचविताना भाऊजीचाही मृत्यू 

भामरागड : लग्नानंतर भामरागड (Bhamragad ) तालुक्यातील बिनागुंडा धबधब्यावर पत्नी व इतर नातेवाईकांसाेबत फिरायला आलेल्या नवरदेवाचा पाण्यात बुडून मृत्यू झाला. त्याला वाचविताना भाउजीचाही मृत्यू झाल्याची घटना ११ जून राेजी दुपारी ३ वाजताच्या सुमारास घडली.नवनीत राजेंद्र धात्रक (२७) रा. चंद्रपूर असे साळ्याचे तर बादल श्यामराव हेमके (३९) रा. आरमाेरी असे मृत्यू झालेल्यांची नावे आहेत.

नवनीत यांचे ७ जून राेजी लग्न झाले. लग्नानंतर ते बादल हेमके यांच्या घरी आले. बादल हे भामरागड तालुक्यातील पल्ली ग्राम पंचायतमध्ये ग्रामसेवक हाेते. ते भामरागड येथे राहत हाेते. हेमके व धात्रक यांचे कुटुंब बिनागुंडा येथे फिरण्यासाठी गेले हाेते. नवनीत हा धबधब्यात आंघाेळ करत असताना खाेल पाण्यात गेला. त्याला वाचविण्याच्या प्रयत्नात बादल हेसुद्धा पाण्यात उरतले. मात्र दाेघांनाही पाेहता येत नसल्याने दाेघांचाही पाण्यात बुडून मृत्यू झाला. याबाबतची माहिती लाहेरी पाेलिस मदत केंद्राला देण्यात आली. दाेघांचेही मृतदेह भामरागड येथे शवविच्छेदनासाठी आणण्यात आले. 

मेहंदी मिटण्यापूर्वीच पतीचा मृत्यूलग्नाला अगदी चार दिवस झाले हाेते. नवनीत व त्यांची पत्नी दाेघेही फिरण्यासाठी बिनागुंडा येथे आले हाेते. दाेघांनीही सुखी संसाराचे स्वप्न बघितले हाेते. मात्र हे स्वप्न अधुरेच राहिले. अवघ्या चार दिवसांतच नवनीतने जगाचा निराेप घेतला. त्यामुळे नवविवाहितेवर दु:खाचा डाेंगर काेसळला आहे.

मृतक नवनीतला पाेहता येत नव्हते. तरीही ताे खाेल पाण्यात गेला. त्याला वाचविण्याचा प्रयत्न बादल यांनी केला. बादल यांनाही पाेहता येत नव्हते. साळ्याला वाचविण्याच्या प्रयत्नात भाऊजीचासुद्धा मृत्यू झाला. एकाच नात्यातील दाेघांचा मृत्यू झाला. हेमके व धात्रक कुटुंबावर शाेककळा पसरली आहे

आपसी समन्वयातून शासकीय योजनेचे लाभ नागरिकांपर्यत पोहोचावा – जिल्हाधिकारी

 आरोग्य यंत्रणेचा समग्र आढावा

प्रत्येकाचे आधार कार्ड व बँक खाते काढण्‍यासाठी विशेष मोहिम

गडचिरोली दि. 11 : प्रत्येक व्यक्तीचा विकास हा केंद्रबिंदू ठेवून शासनामार्फत नागरिकांकरिता विविध योजना राबविल्या जातात. या योजनांची माहिती त्यांचेपर्यंत पोहोचवून योजनेचा लाभ दुर्गम व अतिदुर्गम भागातील गरजूंना मिळावा यासाठी सर्व विभागाच्या तालुकास्तरीय व ग्रामस्तरीय यंत्रणेने आपसात समन्वय राखून एकत्रितपणे काम करण्याच्या सूचना जिल्हाधिकारी विजय भाकरे यांनी आज दिल्या. 

 जिल्हाधिकारी यांच्या अध्यक्षतेखाली आज आरोग्य यंत्रणेचा आढावा घेण्यात आला. जिल्हा परिषदेच्या मुख्य कार्यकारी अधिकारी आयुषी सिंह, जिल्हा आरोग्य अधिकारी डॉ. प्रताप शिंदे, अतिरिक्त जिल्हा शल्यचिकित्सक डॉ. सतिश सोळंके प्रामुख्याने उपस्थित होते.

 जिल्हाधिकारी यांनी पुढे सांगितले की लोकांना सक्षम करणे हाच शाश्वत विकासाचा मार्ग असून यासाठी नागरिकांना त्यांच्यासाठी राबविण्यात येणाऱ्या योजनांची जनजागृतीद्वारे जाणीव करून द्यावी. आरोग्य विभागाकडे असलेल्या संसाधने व उपलब्ध सुविधांचा पुरेपूर वापर करण्याच्या सूचना त्यांनी दिल्या.

 शासनाच्या विविध योजना या आधार संलग्न असल्याने आधार कार्ड व केवायसी झालेले बँक खाते प्रत्येक नागरिकाकडे असणे आवश्यक आहे. त्याअभावी कोणीही शासकीय योजनेच्या लाभापासून वंचित राहू नये म्हणून विशेष मोहिम राबवून 100 टक्के नागरिकांचे आधार कार्ड व बँक खाते काढावे, यासाठी गावनिहाय सर्व्हेक्षण करण्यासाठी सूचनाही श्री भाकरे यांनी दिल्या. 

 मुख्य कार्यकारी अधिकारी आयुषी सिंह यांनी पावसाळ्यात आरोग्य विभाग व महसूल विभागात समन्वय राहावा यासाठी सर्व प्राथमिक आरोग्य केंद्रातील डॉक्टरांची यादी महसूल विभागाला उपलब्ध करून देण्याचे सांगितले. ग्रामीण भागातून रूग्णाला जिल्हा मुख्यालयात पाठविण्याची शिफारस करतांना त्याबाबत उपचारासाठी पूर्वतयारी करण्यासाठी जिल्हा शल्यचिकित्सक यांना तातडीने पूर्वसूचना देण्याचे निर्देशही श्रीमती सिंह यांनी तालुका आरोग्य यंत्रणेला दिले. पावसाळा कालावधीत दुर्गम भागातील प्रसुती होणार असलेल्या गरोदर महिला यांच्या नियमित संपर्कात राहणे, सर्व महिलांची प्रसुती दवाखाण्यातच होईल याबाबत अलर्ट राहणे, गरोदर मातांना तंबाखूजन्य पदार्थाच्या सेवनापासून परावृत्त करणे, बालमृत्यू रोखण्यासाठी गरोदर मातांना योग्य आहार मिळतो का याची खातरजमा करणे आदी सूचना त्यांनी दिल्या.

यावेळी राष्ट्रीय ग्रामीण आरोग्य अभियान, नियमित लसिकरण कार्यक्रम, वातावरणातील बदल आणि मानवी आरोग्य, गाभा समिती, साथरोग सर्वेक्षण, क्षयरोग दुरीकरण आदि विषयांतर्गत विविध बाबींचा आढावा घेण्यात आला. जिल्हा आरोग्य अधिकारी डॉ. शिंदे यांनी जिल्ह्यातील आरोग्‍य यंत्रणेची माहिती सादर केली.

बैठकीला सर्व तालुका आरोग्य अधिकारी, वैद्यकीय अधिक्षक, बाल विकास अधिकारी व इतर संबंधीत अधिकारी उपस्थित होते.

000

75 वर्षीय वृद्ध शेतकरी करणार उपोषण ; कारण काय पहा 

गडचिरोली:-

येथील आनंदराव गणुजी कांबळे (वय 75) रा. गडचिरोली यांच्या नावे गडचिरोली येथील जुना

सर्वे नंबर 548/2,549/2 (0.60) हेक्टर आर ही शेती 1995 पासून आहे. त्यांना फेरफार क्रमांक 912,913 असून शेतीवर न विचारता व साधा पत्रही न देता भूमी अभिलेख कार्यालयाने पुनर मोजणी च्या नावाखाली नवीन सातबारा नंबर 513/1 (0.36) व 528/1 (0.24) मुळ मालकाच्या नावाने बनवले. त्यामुळे अजूनही त्या कार्यालयाचे हेलपाटे मारावे लागत आहेत.सदर शेतकऱ्याला कार्यालयाचे कुठलेही हेलपाटे न मारता त्याचे काम पूर्ण व्हावे याकरिता माजी खासदार अशोक नेते यांनी दोन पत्र कार्यलयाला पाठवले त्याचप्रमाणे विद्यमान आमदार डॉ. देवराव होळी यांनी शेतकऱ्याचे काम पूर्ण होण्यासाठी तीन पत्र दिले परंतु अधिकारी त्यांच्या पत्राकडे ढुंकूनही पाहत नसल्याचे दिसून आले आहे.

सदर प्रकरणी उपविभागीय अधिकारी कार्यालय गडचिरोली येथे सर्व लगत धारक शेतकऱ्यांच्या उपस्थित सुनावणी घेण्यात आली व काही त्रुटी पूर्ण करुन 8 दिवसात प्रकरण सादर करण्यासाठी भूमी अभिलेख कार्यालय गडचिरोली ला उपविभागीय कार्यालयाने अवगत केले मात्र कार्यालयाने अजूनही कुठलीही त्रुटी पूर्ण न करता प्रकरण सादर केला. सातबारा दुरुस्ती च्या नावाखाली होणाऱ्या विलंबास जबाबदार कोण ? व माझ्या नावे नवीन सातबारा केव्हा तयार करून देणार ? या मागणीसाठी त्रस्त वृद्ध शेतकरी आनंदराव गणुजी कांबळे (वय 75) रा.

गडचिरोली हे नाइलाजास्तव 24 जून 2024 पासून जिल्हाधिकारी कार्यालयासमोर उपोषणाचा मार्ग स्वीकारत असल्याची माहिती उपोषणाच्या पत्रातून दिली आहे. तसेच जो पर्यंत माझा सातबारा भूमी अभिलेख कार्यालयातून सुधारणा होऊन येत नाही तोपर्यंत मी माझ्या उपोषणावर ठाम राहणार आहे व माझ्या जीवाला काही कमी जास्त झाल्यास सर्व जिम्मेदारी भूमी अभिलेख कार्यालयाची राहील असेही पत्रात नमूद करण्यात आले आहे. सदर गंभीर प्रकरणाकडे प्रशासन काय पाऊल उचलते याकडे लक्ष लागले असून 75 वर्षीय वृद्ध शेतकऱ्याला केवळ सातबारा साठी उपोषणाला बसावे लागत असल्याची वेळ आल्याने प्रशासकीय अधिकाऱ्यांच्या कार्यप्रणालीवरही प्रश्न उपस्थित होत आहे. सातबारा साठी वृद्ध शेतकरी उपोषणाला बसणार असल्यामुळे या प्रकरणाकडे संपूर्ण जिल्हावासियांचे लक्ष्यही लागले आहे

तपासा संबंधाने बोलावले ; अन सूज येई पर्यंत सोलून काढले. 

कोरपना ठाणेदाराचा प्रताप ; पोलीस अधीक्षकाकडे तक्रार

कोरपना – मागील गुन्ह्याचा तपास करायचा आहे. त्या संबंधाने बोलवून ठाणेदारानी पट्ट्या- पट्ट्या ने झोडपून अश्लील शिवीगाळ केल्याप्रकरणीची तक्रार जिल्हा पोलिस अधीक्षक, चंद्रपूर यांना करण्यात आली आहे.

दिलेल्या तक्रारीत, शुक्रवार दिनांक ७ जून रोजी संध्याकाळी सात वाजता कोरपनाचे ठाणेदार , एक वाहतूक पोलीस कर्मचारी, एक महिला पोलीस कर्मचारी यांना घेऊन तांडा ( धानोली ) येथे आले. येथील रमेश सिंगटराव मूनावत यांचे घरी अवध दारू साठा आहे. म्हणून घराची झाडाझडती घेतली. तेव्हा त्यांची लहान मुलगी उपस्थित होती त्या दरम्यान रमेश मुनावत यांचे पुतणे तक्रारदार

विपुल देविदास मुणावत यांनी घरात कुणीही नाही म्हणून सांगितले . तेव्हा ठानेदारानी शासकीय कामात अडथळा आणू नको बजावले. त्यांच्या काकाचे घर तपासल्यानंतर त्यांचे घर कुठे आहेम्हणून विचारले. असता त्यांनी ते सुद्धा दाखवले. तपासात घरात काहीच मिळून आले नाही. तेव्हा ठाणेदार यांनी मागील गुन्ह्याचा तपास आहे. म्हणून दिनांक ८ जूनला बोलावले. ठाण्याच्या आवारात पोहचताच विपुल मुनावत यांनी मोबाईल मध्ये ऑडिओ रेकॉर्डिंग सुरू केली. ठाणेदारानी केबिनमध्ये बोलवले. त्याचबरोबर एका शिपायाला पट्टा घेऊन बोलवून याला पन्नास पट्टे मार म्हणत, त्या अगोदर शिवीगाळ केली. अर्धा तास पट्ट्यांनी सूज येई पर्यंत चोप दिल्यानंतर ठाणेदारांनी बहिण व आई विषयी अश्लील शिवीगाळ केली. दवाखान्यात गेल्यास पुन्हा चोप देतो अशी धमकी देऊन गावाला परत पाठविले. गावकऱ्यांनी त्यानंतर दवाखान्यात नेऊन त्याची वैद्यकीय तपासणी करून घेत डॉक्टर करवी उपचार केले . या अनुषंगाने झालेल्या प्रकरणाची चौकशी करून ठाणेदार व पोलीस शिपायास कारवाई करून तातडीने निलंबित करण्यात यावे अशी मागणी अन्यायग्रस्त व तक्रारदार विपुल मुनावत यांनी केली आहे.

—————————–

आरोपीवर काही महिन्या अगोदर त्यांच्यावर गुन्हा दाखल करण्यात आला होता त्या संबंधित माहिती विचारण्याकरिता त्याला पोलीस स्टेशनला बोलवण्यात आले मात्र आरोपीने जो आरोप केला त्यात कसलेही तथ्य नाही असे मत व्यक्त केले कोरपणा ठाणेदार संदीप एकाडे

जिल्हाधिकारी पदाचा प्रभार श्री विजय भाकरे यांच्याकडे

 लोकाभिमुख प्रशासनावर भर देणार

शेतकऱ्यांच्या तक्रार निवारणासाठी तालुकास्तरावर तक्रार निवारण केंद्र सुरू करण्याचे निर्देश

गडचिरोली दि.१०: जिल्हाधिकारी श्री संजय दैने २० जून पर्यंत रजेवर असल्याने जिल्हाधिकारी पदाचा प्रभार अतिरिक्त जिल्हाधिकारी श्री विजय भाकरे यांच्याकडे सोपविण्यात आला आहे. 

श्री विजय भाकरे यांनी आज दिनांक १० जून रोजी जिल्हाधिकारी म्हणून कार्यभार स्वीकारला. लोकाभिमुख प्रशासनावर भर देण्यात येईल असे त्यांनी यावेळी सांगितले. 

जिल्हाधिकारी श्री भाकरे यांनी आज जिल्हाधिकारी पदाचा कार्यभार स्वीकारल्यानंतर खरीप पिक कर्ज वाटप, तसेच बियाणे, खते व फवारणी औषध उपलब्धतेचा आढावा घेतला. 

     शेतकऱ्यांच्या तक्रारी प्रभावीपणे निकाली काढण्यासाठी तालुकास्तरावर तक्रार निवारण केंद्राची निर्मिती करण्याचे निर्देश जिल्हाधिकारी श्री भाकरे यांनी दिले असून तालुकास्तरावर तालुका कृषी अधिकारी आणि जिल्हास्तरावर जिल्हा अधीक्षक कृषी अधिकारी यांनी तक्रार निवारणाची जबाबदारी पार पाडण्याच्या सूचना त्यांनी दिल्या. 

००००

मुख्य वनसंरक्षक (प्रादे.) कार्यालयासमोर सलग पाचव्या दिवशी सुद्धा ठिय्या आंदोलन सुरू.

गडचिरोली (दि.१० ):- गडचिरोली जिल्ह्यातील एटापल्ली तालुक्यामधील रस्ता बांधकामादरम्यान अवैध मुरुम, माती उत्खनन करुन वाहतूक व वापर केल्याने संबंधित कंत्राटदाराला व त्यास सहकार्य करणाऱ्या अधिकारी व कर्मचाऱ्यांनवर तात्काळ निलंबनाची कार्यवाही करण्यात यावी यासाठी मागील ५ दिवसांपासून सदर ठिय्या आंदोलन सुरू आहे.

      आज ५ दिवस होऊन सुद्धा प्रशासनाने यावर कुठलीही कारवाई केली नाही.कार्यवाही करण्या संबंधित उपवनसंरक्षक यांनी यावर कार्यवाही करण्यात येईल असे आश्वासन दिले परंतु प्रत्यक्षात मात्र यावर काहीही कार्यवाही करण्यात आली नाही.

     आज ५ व्या दिवसी सदर आंदोलनास श्रीकृष्णा वाघाडे, मुकुंद जोशी , रेखाताई वंजारी, मनोहर नाडमवार बसलेले आहेत.

शेतकऱ्यांना ३१ जुलै पुर्वी पिक कर्जाचे वाटप करा : शेतकरी कामगार पक्षाची मागणी 

गडचिरोली : जिल्ह्याची भौगोलिक परिस्थिती दुर्गम असल्याने शेतकऱ्यांना पिक कर्जाकरीता मोठ्या अडचणी येत असल्याने शासनाच्या पिक कर्ज योजने पासून हजारो शेतकरी वंचित राहतात. त्यामुळे कर्ज वाटपाची प्रक्रिया सुलभ करून ३१ जुलै पुर्वी शेतकऱ्यांना पिक कर्जाचे वाटप करण्यात यावे, अशी मागणी शेतकरी कामगार पक्षाने जिल्हाधिकाऱ्यांकडे केली आहे.

शेतकरी कामगार पक्षाच्या वतीने जिल्हाधिकाऱ्यांना दिलेल्या पत्रात जिल्हा चिटणीस भाई रामदास जराते यांनी म्हटले आहे की, २०२४ च्या खरीप हंगामात जिल्ह्यातील कोणताही इच्छुक व पात्र शेतकरी पिक कर्जापासून वंचित राहू नये यासाठी जिल्हा प्रशासनाने आणि सर्व सहकारी आणि राष्ट्रीयकृत बँकांनी काळजी घेण्याची गरज आहे. मागिल अनुभव लक्षात घेता, जिल्ह्यातील अनेक बँका या शासनाने दिलेल्या लक्षांकाप्रमाणे पिक कर्जाचे शेतकऱ्यांना वाटप न करता वेगवेगळी कारणे देवून टाळाटाळ करतात. त्यामुळे रोवण्याचा हंगाम करण्यासाठी शेतकऱ्यांना खासगी सावकारांच्या दारावर उभे राहावे लागते. 

सदरचा प्रकार घडू नये यासाठी जिल्हा प्रशासन आणि बँकांनी पिक कर्ज वेळेत आणि सुलभ प्रक्रीया राबवून तातडीने उपलब्ध करुन देण्यासाठी पुढाकार घ्यावा. तसेच याबाबत जिल्हा प्रशासनाने संबंधीत बँकांना सक्तीचे आदेश द्यावेत, अशी विनंतीही भाई रामदास जराते यांनी केली आहे.

धान खरेदी अपहार प्रकरणात आणखी एका आरोपीतास अटक

आरोपीतांची संख्या झाली 03

विपनन निरीक्षकास दिनांक 15 जून 2024 पर्यंत पोलीस कोठडी 

 गडचिरोली : जिल्ह्रातील उपप्रादेशिक कार्यालय, घोट अंतर्गत मार्कंडा (कन्सोबा) येथील धान खरेदी केंद्रात खरेदी योजना हंगाम 2022-2023 या दरम्यान झालेल्या अपहार प्रकरणात यापुर्वी दोन आरोपीतांना अटक करण्यात आली असुन त्यांना दिनांक 15/06/2024 पावेतो पोलीस कोठडी मिळालेली आहे. 

 सदर गुन्ह्राचे तपासात दिनांक 06/06/2024 रोजी राकेश सहदेव मडावी, वय 34 वर्षे, व्यवसाय – नोकरी (प्रतवारीकार तथा विपनन निरीक्षक आदिवासी विकास महामंडळ, घोट) यास ताब्यात घेवुन विचारपुस केली असता, त्याचा गुन्ह्रातील सहभाग निष्पन्न झाल्याने त्यास दिनांक 06/06/2024 रोजी अटक करुन दिनांक 07/06/2024 रोजी मा. न्यायदंडाधिकारी, प्रथम वर्ग न्यायालय, चामोर्शी येथे हजर केले असता, मा. न्यायालयाने त्यास दिनांक 15/06/2024 पर्यत पोलीस कोठडी सुनावली आहे. सदरचे प्रकरण धान खरेदी घोटाळ्याशी संबंधित असल्याने आणखी काही आरोपीतांचा सहभाग असल्याची शक्यता आहे.

सदरची कारवाई मा. पोलीस अधीक्षक श्री. नीलोत्पल व मा. अपर पोलीस अधीक्षक कुमार चिंता, यांचे मार्गदर्शनात पोलीस निरीक्षक श्री. उल्हास भुसारी यांचे नेतृत्वात सपोनि. राहुल आव्हाड, पोउपनि सरीता मरकाम, तसेच स्थानिक गुन्हे शाखेचे पोलीस अंमलदार यांनी केलेली आहे.

अवैद्य दारु विक्री ने शहरवासीय त्रस्त 

डॉ. बाबासाहेब आंबेडकर वार्ड बौद्ध समाजाची निवेदनातून मागणी 

आष्टी: चामोर्शी येथील डॉ. बाबासाहेब आंबेडकर वार्डात सर्रास देशी दारु, इंग्लीश दारु, मोहफुलाची दारु विक्री केल्या जात आहे. तसेच बोद्ध विहाराच्या मागे आणि पुढे दारु विक्री जोमात चालु आहे आणि बौद्ध विहाराच्या आवारात दारुचा बाटला पडुन राहतात. आणि वंदनेसाठी गेलेल्या महिलांना नाहक त्रास सहन करावा लागत आहे. तसेच बाहेरगावचे लोक आणि इतर वार्डाचे दारु पिण्याकरिता लोक या वार्डात येतात आणि दारु पिणाऱ्या व्यक्तीकडून अतिशय त्रास होत आहे आणि दारु पिऊन वार्डामध्ये दारु प्राशन करून अश्लिल शब्दात शिवीगाळ करित असतात दारु पिऊन पडुन राहत असल्याने वार्डातील लोकांना दारु विक्रेत्यांकडुन त्रास सहन करावा लागत आहे. त्यामुळे वार्डातील अवैद्य दारु विक्री थांबविण्याची विनंती चामोर्शी शहरातील डॉ बाबासाहेब आंबेडकर वार्डातील त्रस्त महिला व पुरुषांनी तहसीलदार व पोलीस निरीक्षकांना निवेदनातून मागणी केली आहे गडचिरोली जिल्ह्यात दारू बंदी असताना देशी विदेशी दारू येते कुठून आणि अवैध दारू विक्री बंद करण्यासाठी ग्रामस्थांना निवेदन देऊन मागणी करण्याची वेळ येत आहे तर संबंधित विभाग अवैध दारू विक्रेत्यांना पाठिशी घालत आहे का? असा सवाल तालुक्यातील सुज्ञ नागरिकांकडून बोलल्या जात आहे 

कराल अशी आशा बाळगुन सेवेशी अर्ज सादर करित आहोत ही नम्र विनंती येत आहे

येत्या आठ दिवसात 33. केवी उपकेंद्राचे उद्घाटन करून बांधकाम सुरू करा अन्यथा रास्ता रोको आंदोलन करू 

 जिल्हाधिकारि यांना 

देण्यात आले निवेदन 

 पेर मिली.. पेर मिली येथे 33. केवी उपकेंद्राचे बांधकाम करण्यासाठी माहे जानेवारी 2024 रोजी उद्घाटन करणार होते परंतु आज सहा महिन्याच्या कालावधी लोटूनही बांधकाम सुरू करण्यात आले नाही त्यामुळे त्रासलेले वीज ग्राहकांनी जिल्हाधिकारी कार्यालयावर धाव घेतली आणि पेर मिली व पेर मिली परिसरात वीज ग्राहक आणि सांगितले की भामरागड वरून पेर मिली परिसरात वीज पुरवठा होतो परंतु हे विज पुरवठा जंगलातूनच असल्यामुळे वीट पुरवठा वारंवार खंडित होत राहते परिणामी वीज ग्राहकांना नाहक त्रास सहन करावा लागतो त्यामुळे येत्या आठ दिवसात 33 केवी उपकेंद्राचे उद्घाटन न केल्यास 19 जून 2024 रोजी प्रेम म्हणजे मुख्य चौकात रास्ता रोको आंदोलन करण्याचा इशारा निवेदनातून विविध ग्राहक केले आहे

12 - गडचिरोली- चिमुर (अ.ज.) लोकसभा मतदारसंघात काँग्रेसचे डॉ. नामदेवराव किरसान विजयी

गडचिरोली,दि.4: 12 - गडचिरोली- चिमुर (अ.ज.) लोकसभा मतदारसंघ निवडणूकीत इंडियन नॅशनल काँग्रेसचे डॉ. नामदेवराव किरसान हे विजयी झाले आहेत. त्यांना एकूण 6 लाख 17 हजार 792 मते प्राप्त झाली. जिल्हाधिकारी तथा निवडणूक निर्णय अधिकारी संजय दैने यांनी हा निकाल जाहिर केला. डॉ. किरसान यांना निवडणूक निर्णय अधिकाऱ्यांच्या हस्ते प्रमाणपत्र देण्यात आले. जिल्हा परिषदेच्या मुख्य कार्यकारी अधिकारी आयुषी सिंह यावेळी उपस्थित होत्या.

शासकीय कृषी महाविद्यालयात मतमोजणी प्रक्रिया झाली. अन्य उमेदवारांना प्राप्त मते - अशोक नेते, भारतीय जनता पार्टी (476096), योगेश गोन्नाडे, बहुजन समाज पार्टी (19055), धीरज शेडमागे, जनसेवा गोंडवाना पार्टी (2174), बारीकराव मडावी, बहुजन रिपब्लीकन सोशालिस्ट पार्टी (2555), सुहास कुमरे,भीमसेना (2872), हितेश पांडूरंग मडावी, वंचित बहुजन आघाडी (15922), करण सयाम, अपक्ष (2789), विलास कोडापे, अपक्ष(4402), विनोद मडावी, अपक्ष (6126), नोटा (16714). एकूण वैध मते 11 लाख 66 हजार 497.

000

रात्रीचे सुमारास गाढ झोपेमधे असलेल्या व्यक्तीवर अज्ञात व्यक्तीने त्याच्या अंगावर पेट्रोल टाकून पेटवून दिले

अहेरी: सध्याच्या घडीला उकाळा वाढल्याने अंगणात खाट टाकून झोपून असलेल्या इसमावर अज्ञात वेक्तीने अंगावर पेट्रोल टाकून पेटवून दिल्याची धक्कादायक तेवढीच खळबळजनक घटना गडचिरोली जिल्ह्यातील अहेरी तालुक्यातील छल्लेवाडा येथे 2 जून रोजी उघडकीस आली. चरणदास गजानन चांदेकर (वय 48) असे जळालेल्या इसमाचे नाव असून त्याच्यावर चंद्रपूर येथील रुग्णालयात येथे उपचार सुरु असल्याची माहिती. मिळाली आहे.

वाढत्या तापमानामुळे अंगाची लाही लाही होत आहे. याची झळ जिल्ह्यातील जंगलव्याप्त भागातही पडतांना दिसत असून ग्रामीण भागात रात्रोच्या सुमारास आपल्या अंगणात नागरिक झोपत असतात. अश्यातच अहेरी तालुक्यातील छल्लेवाडा येथील चरणदास चांदेकर हे सुद्धा घरासमोरील अंगणात खाटेवर निवांतपणे झोपलेले होते. दरम्यान रात्रीचे सुमारास गाढ झोपेमधे अज्ञात व्यक्तीने त्याच्या अंगावर पेट्रोल टाकून पेटवून दिले व तिथून काढता पाय घेतला. यावेळी त्यांच्या बाजूला झोपून असलेल्या कुटुंबातील इतर सदस्यांना लक्षात येताच आग विझविली मात्र तोपर्यंत चरणदास हे आगीत गंभीर जखमी झाले होते लागलीच चंद्रपूर येथे त्यांना उपचारासाठी हलविण्यात आले असून त्यांची मृत्यूशी झुंज सुरु असल्याचे कळते. या थरारक घटनेने परिसरात खळबळ उडाली असून पोलीस पुढील तपास करीत आहे.

कोरची दरोडा प्रकरणाचा अखेर स्थानिक गुन्हे शाखेमार्फत उलगडा 03 सराईत आरोपी जेरबंद 

  दिनांक 25/05/2024 रोजी नवेगांव बांध, जि. भंडारा येथील व्यापारी देवेश पटेल यांनी सोपान पेशने, रा. केशोरी यांचे ईर्टीगा चारचाकी वाहन क्रमांक एम.एच. 35 ए.जी. 7001 ही भाड¬ाने घेवून वाहन चालकासह छत्तीसगड येथील वासडी येथे जावून सुगंधीत तंबाखु गडचिरोली मार्गे गोंदिया येथे नेत असतांना पोलीस स्टेशन, कोरची हद्दीतील मौजा मसेली जंगल परिसरात अज्ञात ईसमांनी त्यांचे वाहन अडवून त्यांना अग्नीशस्त्राचा व इतर शस्त्रांचा धाक दाखवून त्यांना बंदी करून त्यांच्या डोळ्यावर पट्टीवर बांधून त्यांना स्वत:च्या वाहनात बसवून दुस­या स्थळी हलविले. त्यानंतर सुगंधीत तंबाखु असणारी ईर्टीगा वाहन दुसरीकडे नेवून त्यातील संगंधीत तंबाखु जबरीने चोरून नेवून सदरचे वाहन कोरचीजवळ नेवून पेटवून दिले. अशा फिर्यादवरून पोलीस स्टेशन, कोरची येथे दरोडा व जाळपोळीचा गुन्हा नोंद करून तपासात घेण्यात आला. 

  पोलीस अधीक्षक, श्री. नीलोत्पल व अपर पोलीस अधीक्षक कुमार चिंता यांनी प्रकरणाचे गांभीर्य बघून तात्काळ स्थानिक गुन्हे शाखा, गडचिरोली येथील अधिकारी व कर्मचारी यांना घटनास्थळ भेट देवून गुन्हा निष्पन्न करण्याबाबत आदेशित केल्याने स्थानिक गुन्हे शाखा, गडचिरोली येथील पोलीस अधिकारी व कर्मचारी यांची स्वतंत्र 03 पथके तयार करून संपुर्ण परिसर पिंजून काढून, त्यांचे गोपनिय बातमीदारांचे जाळे कार्यान्वीत करून माहिती घेतली असता सदर परिसरात मागील 2-3 वर्षात याचसारख्या 2 ते 3 घटना घडलेल्या असून त्यात काही लोकांना मारहाण देखिल झाल्याची माहिती मिळाली. परंतु, संबंधीत फिर्यादी हे अवैद्य व्यवसायाशी निगडीत असल्याने व आरोपींची दहशत असल्याने त्यांनी पोलीस स्टेशनला त्यांच्यासोबत घडलेल्या प्रकाराबाबत तक्रार दिली नाही. यावरून स्थानिक गुन्हे शाखेने तपासाचे धागे एकत्र करून माहिती संकलीत केली असता गडचिरोली-गोंदिया सिमावर्ती भागातील मौजा राजोली, जि. गोंदिया येथील सुगंधीत तंबाखुची तस्करी करणारा शोएब वकिल सय्यद हा त्याचे साथीदारांसह त्याचे व्यावसायिक प्रतिस्पर्धी यांच्यात त्याची दहशत राहावी या उद्देशाने गुन्हे करीत असल्याची माहिती मिळाली. 

  दिनांक 01/06/2024 रोजी मौजा राजोली येथे जावून, सापळा रचून ईजराईल हकिम शेख, लोकेश हंसराज नगारे व प्रशांत मोहन सांगोळे यांना ताब्यात घेवून कसून विचारपूस केली असता त्यांनी सदर गुन्ह्राची कबुली देवून त्यांचेसह आणखी साथीदार असल्याचे सांगीतल्याने नमूद तिन्ही आरोपीतांना सदर गुन्ह्राचे तपासी अधिकारी तथा उपविभागीय पोलीस अधिकारी, श्री. रविंद्र भोसले यांचे ताब्यात पुढिल तपासकामी देण्यात आले. उर्वरीत आरोपीतांचा शोध घेणे सुरु आहे. 

 यासारखा प्रकार अथवा घटना इतर कोणासोबत घडली असल्यास त्यांनी नि:संकोच व निर्भीडपणे पोलीस अधीक्षक कार्यालयाशी संपर्क साधून तक्रार द्यावी. त्यांच्या तक्रारीची योग्य दखल घेण्यात येईल. असे आवाहन पोलीस अधीक्षक, गडचिरोली, श्री. नीलोत्पल यांनी गडचिरोली जिल्ह्रातील सर्व जनतेला केलेले आहे.

  सदर कारवाई दरम्यान पोलीस निरीक्षक, उल्हास भुसारी, सपोनि राहुल आव्हाड, म.पोलीस उपनिरीक्षक, सरीता मरकाम, पोहवा राकेश सोनटक्के, देवेंद्र बांबोळे, अकबरशहा पोयाम, मपोहवा पुष्पा कन्नाके, पो.ना शुक्राचारी गवई, पंकज भगत, माणिक निसार, पोशि माणिक दुधबळे, रोहन जोशी, सुनिल पुठ्ठावार, सचिन घुबडे, संजु कांबळे, क्रिष्णा परचाके, प्रशांत गरफळे, दिपक लोणारे, विनोद चापले, मपोशि सोनम जांभुळकर, फोटोग्राफर देवेंद्र पिदुरकर, सर्व नेमणुक स्थागुशा, गडचिरोली व सायबर पोलीस स्टेशनचे पोउपनि निलेशकुमार वाघ व नापोशि श्रिनिवास संगोजी तसेच पोलीस स्टेशन, गडचिरोली चे पोउपनि बालाजी सोनुने व चापोहवा शंकर अरवेल्लीवार, मोपवि गडचिरोली यांनी अथक परिश्रम घेवून गुन्हा उघडकिस आणला.

---000---

कुऱ्हाडीने 3 वेळा वार करून पतीने आपल्या पत्नीचे मुंडके केले धडावेगळे

4 मुलींचे संसार आले उघड्यावर

*कोरची* :- तालुका मुख्यालयापासून 10 किलोमिटर अंतरावर असलेल्या बेतकाठी येथे रात्री 3 वाजताच्या दरम्यान पत्नी आणि 5 वर्षाची मुलगी झोपेत असताना पती रोहिदास बंजार याने आपल्या पत्नीच्या गळ्यावर कुऱ्हाडीने 3 वेळा वार करून धडापासून मान वेगळी करून टाकली ही सर्व घटना 5 वर्षाची मुलगी बघत असताना तिला सुद्धा धमकावल्याची माहिती प्राप्त झाली असून आरोपी रोहिदास राऊत बंजार याला पोलिसांनी अटक केलेली आहे.

मृतक अमरोतीन बंझार (वय 33) आणि रोहिदास बंजार (वय 38) यांचे 2009 ला लग्न झाले व त्यांना 4 मुली असून नवव्या वर्गात असलेली सर्वात मोठी मुलगी ही घटनेवेळी छत्तीसगडला आपल्या मामाच्या गावी गेली होती व दोन मझव्या मुली हे आपल्या आजी कडे झोपून होते तर लहान मुलगी आरोपी रोहिदास व आपल्या आई सोबत झोपून होती.

यापूर्वी सुद्धा रोहिदास आपल्या पत्नीला मारझोड करतो म्हणून 4 वर्षापूर्वी बेतकाठी येथे गावात बैठक घेऊन त्याची समझूत सुद्धा काढण्यात आली होती परंतु कुठला तरी राग मनात धरून त्या नराधमाने आज आपल्या पत्नीला लहानश्या चिमुकलीच्या समोर अक्षरशः संपवून टाकल्यामुळे या 4 लहान मुलींचे संसार आता उघड्यावर आले असल्याचे दिसून येत आहे. 

घटनेनंतर आरोपी यांनी आपली कुऱ्हाड लपविली होती ती कुऱ्हाड कुठे लपविली ती त्या लहान चिमुकलीने पोलिसांना सांगितले व पोलिसांनी आरोपी रोहिदास यास अटक केली असून पुढील तपास पोलीस स्टेशन कोरची चे प्रभारी अधिकारी वाबळे यांच्या मार्गदर्शनाखाली सुरु आहे.

काही महिन्यापूर्वी आरोपी हा बोअर चे काम करण्याकरिता दुसऱ्या जिल्ह्यात गेला होता तिथ त्याने आपल्याच मालकाला सुद्धा मारहाण केल्याची माहिती प्राप्त झाली आहे.

*गोंडपिपरी पोलिसांची धडक कारवाई २५ लाखाचे चोर बिटी बियाने जप्त*

गोंडपिपरी :-

गोंडपिंपरी येथे गोंडपिपरी पोलिसांनी व कृषी विभागाच्या भरारी पथकाने दि 23 गुरुवारी रात्री बारा वाजता दरम्यान गडचिरोली जिल्ह्यातील एका आरोपीला २५ लाखाचे चोर बिटी बियाणे वाहतूक करताना बियाणे जप्त केले. 

अनाधिकृत चोरबीटी कापूस बियाण्यास शासनाची परवानगी नाही .कृषी विभागाने अनाधिकृत बियाणांवर नियंत्रण ठेवण्यासाठी जिल्ह्यात व प्रत्येक तालुक्यात भरारी पथकांची नेमणूक केली आहे. मात्र गोंडपिंपरी तालुका हा तेलंगणा सीमेवर असल्याने व गडचिरोली जिल्ह्याला जोडणारा तालुका असल्याने तालुक्यातून मोठ्या प्रमाणात छुप्या मार्गाने चोरबीटी बियाणे वाहतूक होत असते.शेतकऱ्यांना चोर बिटि विक्री करून फसवणूक केली जात आहे.या सगळ्या प्रकरणावर आळा घालण्यासाठी कृषी विभाग,पोलीस विभाग हे अलर्ट आहेत.ठाणेदार रमेश हत्तिगोटे व पोलिस कर्मचारी गस्तीवर असताना दि.२३ रात्री १२ वाजता दरम्यान गुप्त माहितीच्या आधारावर गोंडपिपरी पोलिसांनी आकाश गणेश राऊत वय (24) रा.अहेरी, जिल्हा गडचिरोली यांचे गाडी क्रमांक MH 34 एम 8635 वाहनाची तहसिल कार्यालय गोंडपीपरी समोर वाहन थांबवून झडती घेतली असता वाहनात अनधिकृत कापूस बियाणे 12.90 क्विंटल 25.80 लक्ष रुपये किमतीचे बियाणे सापडले. संबंधित बीटी वाहतूक करणाऱ्याला ताब्यात घेण्यात आले.दि. (24)शुक्रवारी पहाटे पाच वाजेपर्यंत चौकशी व कारवाई प्रक्रिया पार पडली. ही कारवाई जिल्हाधिकारी विनय गौडा,जिल्हा पोलीस अधीक्षक सुदर्शन मुमक्का,पोलीस उपपविभागीय अधिकारी शिवलाल भगत,विकास पाटील संचालक निविष्ठा व गुण नियंत्रण आयुक्तालय,जिल्हा कृषी अधीक्षक शंकर तोटावार,मुख्य गुणवंत्ता नियंत्रण अधिकारी प्रवीण देशमुख,कृषी विकास अधिकारी वीरेंद्र राजपूत,उपविभाग कृषी अधिकारी गिरीश कुलकर्णी,कृषी उपसंचालक चंद्रकांत ठाकरे यांच्या मार्गदर्शनात गोंडपिपरी तालुका कृषी अधिकारी सचिन पानसरे, ठाणेदार रमेश हत्तीगोटे,पंचायत समिती कृषिअधिकरी महेंद्र डाखरे, मोहीम अधिकारी लंकेश कटरे,श्रावण बोढे,विवेक उमरे,पोहवा देविदास सुरपाम,मनोहर मत्ते,शांताराम पाल, प्रशांत नैताम,पूनेश्वर कुळमेथे यांनी कार्यवाही केली. चोरबीटी बियाणे, युरिया खत व पिकप वाहन असा एकूण 30 लाख 86 हजार 290 रुपयाचा मुद्देमाल जप्त करण्यात आला.

तहसील कार्यालयातील पुरवठा निरीक्षक  सापडले एसीबीच्या जाळ्यात 

आष्टी:-

तहसिल कार्यालय मुलचेरा जिल्हा गडचिरोली येथील पुरवठा निरीक्षक राहूल भाउजी डोंगरे यांना लाच स्वीकारताना रंगेहाथ पकडण्यात आले आहे

  राहुल भाऊजी डोंगरे वय ४० वर्षे रा. आष्टी हे मुलचेरा तहसील कार्यालयात पुरवठा निरीक्षक या पदावर कार्यरत आहेत त्यानी आपल्या पदाचा फायदा घेण्यासाठी राशन कार्ड धारकांना नेहमीच सतावून लाचेची मागणी करीत होते व महाफुड साईडवर कागदपत्रे अपलोड करण्यासाठी ५०० रुपये खर्च येतो ते तुम्ही द्या नाहीतर तुमचे काम होणार नाही असे सांगून हात झटकून टाकीत होते 

त्यामुळे त्रस्त झालेल्या वर्षा गुरुदास गेडाम यांनी एसीबीच्या अधिकारी यांना माहिती दिली त्यावरून प्रत्यक्ष शाहनिशा करुन मुलचेरा तहसील कार्यालयात सापळा रचला असता राहुल भाऊजी डोंगरे ५०० रुपये लाच घेताना साक्षीदार यांच्या समक्ष मिळूण आले 

याबाबत सविस्तर वृत्त असे की, यातील तक्रारदार हे मु. मुखडी टोला पो. गोविंदपुर ता. मुलचेरा जिल्हा गडचिरोली येथील रहीवासी असुन ते शेतीचा व्यवसाय करतात. तक्रारदाराची आई नामे जिवनकला गेडाम हिचे नावे असलेला शिधापत्रिका मध्ये वडील, मजवा भाऊ, वहीणी व भावाची मुलगी यांची नावे होती. तक्रारदार यांचे मजवा भाऊ गुरुदास यांच्या कुंटूबाचे नविन शिधापत्रिका वहीनी नामे वर्षा गुरुदास गेडाम यांचे नावे दि. ३०/०१/२०२४ रोजी तयार करण्यात आले. परंतू स्वस्त धान्य दुकानदार यांच्या कडे थम मशीनवर नाव न आल्याने शासनाच्या योजनेचे राशन मिळत नसल्याचे वहीनी वर्षा यांनी सांगीतले. तक्रारदाराचे वहीणीचे राशन कार्डवर राशन मिळत नसल्याने पुरवठा निरीक्षक राहूल डोंगरे यांना माहिती दिली तेव्हा महाफुड साईडवर कागदपत्रे अपलोड करण्याकरीता ५००/-रू. लाच रक्कमेची मागणी केली. तक्रारदार यांना लाच रक्कम देण्याची मुळीच ईच्छा नसल्याने त्यांनी लाचलुचपत प्रतिबंधक विभाग, गडचिरोली कॅम्प मुलचेरा येथील अधिकाऱ्यांना भेटुन तकार नोंदविली.

पोलीस उपअधीक्षक, श्रीमती अनामिका मिर्झापुरे, ला.प्र.वि. गडचिरोली यांचे पर्यवेक्षणात पोलीस निरीक्षक, श्रीधर भोसले यांनी तक्रारदाराने दिलेल्या तक्रारीची अत्यंत गोपनियरित्या शहानिशा करून सापळ कारवाईचे आयोजन केले असता, त्यामध्ये पडताळणी दरम्यान तक्रारदाराचे वहीणीचे राशन कार्डवर राशन मिळत नसल्याने, महाफुड साईडवर कागदपत्रे अपलोड करण्याकरीता आरोपी राहूल भाऊजी डोंगरे, पद-पुरवठा निरीक्षक, तहसिल कार्यालय मुलचेरा, ता. मुलचेरा, जि. गडचिरोली यांनी ५००/- रूपयाची पंच साक्षीदारासमक्ष सुस्पष्ट मागणी करून ५००/- रू. लाच रक्कम स्विकारतांना रंगेहात मिळुन आल्याने त्यांचे विरूध्द पो.स्टे. मुलचेरा येथे गुन्हा दाखल करण्यात आला. आरोपी डोंगरे यांचे आष्टी येथील निवासस्थानाची ॲन्टी करप्शन ब्युरो, गडचिरोली चम्मु कडुन झडती घेण्यात आली.

सदरची कार्यवाही पोलीस अधीक्षक, श्री राहुल माकणीकर, ॲन्टी करप्शन ब्युरो, नागपूर, सचिन कदम, अपर पोलीस अधीक्षक, ला.प्र.वि. नागपुर यांचे मार्गदर्शनात व पोलीस उपअधीक्षक श्रीमती अनामिका मिर्झापुरे यांचे पर्यवेक्षणात पो. नि. श्रीधर भोसले, पोहवा शंकर डांगे, पोना किशोर जोंजारकर, पोष्टि संदिप उडाण, संदिप घोरमोडे, चापोना प्रफुल डोर्लीकर, सर्व लाचलुचपत प्रतिबंधक विभाग, गडचिरोली यांनी केलेली आहे.

मौजा कोंढाळा ता. देसाईगंज येथील हत्याकांडातील तिन्ही आरोपींना जन्मठेपेची शिक्षा व एकुण 2 लाख 75,000 हजार रुपये द्रव्यदंडाची शिक्षा ठोठावण्यात आली

* मा. विशेष जिल्हा व सत्र न्यायाधीश, गडचिरोली श्री. उत्तम एम. मुधोळकर यांचा न्यायनिर्णय

सविस्तर वृत्त असे आहे की, पोलीस स्टेशन देसाईगंज येथे दि. 24/08/2017 रोजी सायंकाळी तान्हापोळ्याच्या दिवशी 07.30 वा. ते 07.45 वा. च्या सुमारास मयत दिनेश दिगांबर झिलपे, वय 37 वर्षे रा. कोंढाळा याचा भर चौकात आरोपी शामराव सोमा अलोने त्याचा मुलगा आरोपी विनायक शामराव अलोने व आरोपी राजु ढोरे सर्व राहणार कोंढाळा यांनी गोपाल कसारे यांच्या पानठेल्याजवळ लोखंडी रॉड व पावड्याने मारुन निर्घुणपणे हत्या करुन मयताचे प्रेत हे कोंढाळा ते रवि रोडवर जंगलामध्ये फेकुन दिले. याबाबत मयताचे वडील दिगंाबर झिलपे यांनी पोलीस स्टेशन देसाईगंज येथे फिर्याद दाखल केली. त्यावरुन पोलीस स्टेशन देसाईगंज येथे अप.क्र. 367/2017 कलम 302, 201, 34 भादवी अन्वये गुन्हा दाखल करुन तिन्ही आरोपींना दि. 27/08/2017 रोजी अटक करण्यात आली. तपासामध्ये असे निदर्शनास आले की, मयत दिनेश यास दारुचे व्यसन होते. आरोपी शामराव अलोने याने त्याच्या दुकानासमोर एक वर्षापुर्वी मयत दिनेश याच्या पायावर व डोक्यावर कु­हाडीने वार केला होता. परंतु त्याच्या उपचाराचा खर्च हा आरोपी शामराव याने खर्च केला होता. त्यामुळे त्याबाबतची रिपोर्ट पोलीस स्टेशनला देण्यात आली नव्हती. परंतु काही दिवसाने आरोपी शामराव व त्याचा मुलगा विनायक हे पैशाची मागणी मयताकडे करु लागले. त्यावरुन जुन्या रागावरुन सदरचे हत्याकांड घडुन आले. घटनेच्या दिवशी मयताची पत्नी निता दिनेश झिलपे ही मयताला चौकातुन घरी आणण्यासाठी गेली असता, तिला मयताला तिन्ही आरोपी यांनी पावड्याने व लोखंडी रॉडने मारहाण करीत असल्याचे दिसले. त्याबाबत तिने तिचे सासरे दिगांबर झिलपे यांना माहिती दिली.

त्यावरुन फोनद्वारे पोलीस स्टेशनला माहिती दिली. घटनास्थळावर मयताचे प्रेत आढळुन आले नाही. परंतु मयताचे चप्पल, मोबाईल व रक्ताने माखलेली जागा दिसुन आली. तपासादरम्यान आरोपीला अटक केल्यानंतर मयताचे प्रेत आरोपी शामराव यांनी लपवुन ठेवलेली जागा दाखविली व मयताचे प्रेत ताब्यात घेण्यात आले. आरोपीच्या कपड्यांवर रक्ताचे डाग आढळुन आले. तसेच लोखंडी रॉड व पावड्यावर रक्ताचे डाग आढळुन आले. न्यायवैद्यकीय प्रयोगशाळेचा अहवाल व ईतर पुरावे सरकारी पक्षाने न्यायालयात सादर केले. त्यावरुन सेशन केस क्र. 87/2017 नुसार खटला न्यायालयात दाखल करण्यात आला. मा. विशेष जिल्हा व सत्र न्यायाधीश, गडचिरोली श्री. उत्तम एम. मुधोळकर यांनी सर्व बाबींचा व सरकारी पक्षाने सादर केलेला पुरावा योग्य व न्यायोचित ग्राह्य धरुन आज दिनांक 21/05/2024 रोजी आरोपी शामराव अलोने, वय 57 वर्षे व राजु ढोरे, वय 36 वर्षे दोन्ही रा. कोंढाळा यांना कलम 302, 201, 34 भादवी अन्वये दोषी ठरवून जन्मठेप व प्रत्येकी 1 लाख रुपये द्रव्यदंडाची शिक्षा ठोठावली. तसेच आरोपी विनायक अलोने, वय 37 वर्षे, यास कलम 302 अंतर्गत दोषी ठरवुन जन्मठेप व 75,000 हजार रुपये द्रव्यदंडाची शिक्षा ठोठावली. दंडाची रक्कम रु. 2 लाख 75,000 हजार मयताची विधवा पत्नी निता दिनेश झिलपे हिला देण्याबाबतचा आदेश पारित करण्यात आला.

सरकार तर्फे जिल्हा सरकारी वकील श्री. अनिल एस. प्रधान व सहा. सरकारी वकील निलकंठ एम. भांडेकर यांनी कामकाज पाहिले. तसेच गुन्ह्याचा तपास उप-विभागीय पोलीस अधिकारी कुरखेडा श्री. शैलेश काळे, सपोनि./अतुल श्रावन तवाडे, पोस्टे देसाईगंज यांनी केला. तसेच संबधीत प्रकरणात साक्षदारांशी समन्वय साधुन प्रकरणाची निर्गती करिता कोर्ट पैरवी अधिकारी व कर्मचारी यांनी कामकाज पाहिले.

कोंढाळा येथील इसमाचा आंब्याच्या झाडावरून पडून मृत्यू...

- देसाईगंज तालुक्यातील घटना...

देसाईगंज :- आंबे तोडण्यासाठी गेलेल्या एका ६४ वर्षीय इसमाचा आंब्याच्या झाडावरून पडून मृत्यू झाल्याची घटना आज दिनांक- २० मे रोजी देसाईगंज तालुक्याच्या कोंढाळा येथे घडली.तुळशीदास शेंडे असे मृताचे नाव आहे.

आज,सोमवारी सायंकाळी ४ वाजेच्या सुमारास तुळशीदास शेंडे व इतर दोघेजण शेतावर आंबे तोडण्यासाठी गेले होते.तुळशीदास हे आंबे तोडण्यासाठी झाडावर चढले असता; झाडावरून पाय घसरून पडले.त्यात त्यांच्या नाकातून रक्तस्त्राव तसेच शरीरावर जबर मार लागल्याने जखमी झाले.जखमी अवस्थेत त्यांना सायंकाळी ५ वाजेच्या दरम्यान घरी आणण्यात आले.त्यानंतर तुळशीदास यांचे स्वास्थ्य बिघडू लागल्याने त्यांना उपचाराकरिता देसाईगंज ग्रामीण रुग्णालयात दाखल करण्यात आले.त्यानंतर उपचार करतेवेळी सायंकाळी ६ वाजेच्या दरम्यान तुळशीदास शेंडे यांची प्राणज्योत रुग्णालयातच मावळली.तुळशीदास यांच्या पश्चात मुलगा,सून, नातवंड व बराच मोठा आप्त परिवार आहे.तुळशीदास शेंडे यांच्या मृत्यूने गावात सर्वत्र हळहळ व्यक्त केले जात आहे.

पाणीपूरवठ्याची कामे मूदतीत पूर्ण न करणाऱ्यांना ब्लॅकलिस्ट करणार -जिल्हाधिकारी

जिल्हा पाणी व स्वच्छता मिशन समितीची बैठक संपन्न

गडचिरोली,दि.17(जिमाका): पाणीपूरवठा हा नागरिकांच्या जिव्हाळ्याचा विषय असून जिल्ह्यात पाणी पूरवठ्याची कामे मुदतीत पूर्ण न करणाऱ्या व निष्काळजीपणा दाखवणाऱ्या कंत्राटदारांना काळ्या यादीत (ब्लॅकलिस्ट) टाकण्याचा प्रस्ताव सादर करण्याचे निर्देश जिल्हाधिकारी संजय दैने यांनी दिले. यासोबतच कामे गुणवत्तापूर्ण न झाल्यास कंत्राटदारांसोबतच संबंधीत शासकीय अधिकाऱ्यांवरही कायदेशीर कारवाई करण्यात येईल, याबाबत गंभीर दखल घेण्याच्या सूचना श्री दैने यांनी दिल्या.

जल जीवन मिशन कार्यक्रम अंतर्गत जिल्हा पाणी व स्वच्छता मिशन समितीची बैठक काल जिल्हाधिकारी, यांचे अध्यक्षतेखाली संपन्न झाली. जिल्हा परिषदेच्या मुख्य कार्यकारी अधिकारी आयुषी सिंह, अतिरिक्त मुख्य कार्यकारी अधिकारी राजेंद्र भुयार, ग्रामीण पाणीपुरवठा विभागाचे कार्यकारी अभियंता नितीन पाटील, वरिष्ट भूवैज्ञानिक अभिजीत धाराशीवकर उपस्थित होते.

नागरिकांना तातडीने पाणी मिळावे यासाठी कोणत्याही परिस्थितीत योजनेच्या कामांना उशीर होवू नये. ग्रामीण व दुर्गम भागात पावसाळ्यातही कामे बंद पडू नये याची दक्षता घेवून रेती, गिट्टी, सिमेंट आदी साहित्यसाठा आताच उपलब्ध करून घेण्याच्या सूचना त्यांनी दिल्या. पाण्याचे स्रोत स्वच्छ ठेवावे व संबधीत विहिरींवर उंच कठडे व जाळी लावून ते सुरक्षीत केली असल्याची खात्री करून घेण्याचे त्यांनी सांगितले.

कार्यकारी अभियंता नितीन पाटील यांनी जिल्ह्यातील पाणीपूरवठा योजनांची माहिती दिली. जिल्ह्यात एकूण 1082 मंजूर पाणीपूरवठा योजनांपैकी 929 पुर्ण तर 153 प्रगतीपथावर आहेत. तसेच आदीम जमातीसाठीच्या पीएमजनमन योजनेतील 126 पैकी 44 पूर्ण तर 82 योजना प्रगतीपथावर असल्याचे त्यांनी सांगितले. 

बैठकीला जिल्हा परिषद ग्रामीण पाणी पुरवठा विभाग व महाराष्ट्र जीवन प्राधीकरणचे संबंधीत अधिकारी तसेच कंत्राटदार उपस्थित होते.

000

आपत्तीचा सामना करण्यासाठी यंत्रणेने कायम अलर्ट असावे

- जिल्हाधिकारी संजय दैने 

*आपत्ती व्यवस्थापन यंत्रणेचा आढावा*

गडचिरोली दि. 16 : जिल्ह्यात मोठ्या प्रमाणात नद्या व धरणाचा पाणीसाठा आहे. आपल्याकडे पाऊस असला किंवा नसला तरी इतर जिल्ह्यातील धरणाच्या विसर्गाचे पाणी नदीद्वारे जिल्ह्यात येवून पूर परिस्थतीत उद्भवू शकते. यामुळे मान्सून कालावधीत कोणत्याही आपत्तीचा सामना करण्यासाठी यंत्रणेने 24 तास अलर्ट राहण्याच्या सूचना जिल्हाधिकारी संजय दैने यांनी दिल्या.

जिल्हाधिकारी कार्यालयातील नियोजन भवन येथे आज आपत्ती व्यवस्थापन यंत्रणेची आढावा बैठक श्री दैने यांच्या अध्यक्षतेखाली घेण्यात आली. जिल्हा परिषदेच्या मुख्य कार्यकारी अधिकारी आयुषी सिंह. सहायक जिल्हाधिकारी सर्वश्री राहुल मीना, आदित्य जीवने, श्रीमती मानसी, अप्पर जिल्हाधिकारी विजय भाकरे, निवासी उपजिल्हाधिकारी सुनील सूर्यवंशी, अतिरिक्त मुख्य कार्यकारी अधिकारी राजेंद्र भुयार, जिल्हा पुरवठा अधिकारी प्रकाश पाटील उपस्थित होते.

आपत्ती परिस्थिती हाताळण्यासाठी प्रतिबंधात्मक उपाय योजना आतापासूनच राबविण्याचे व दुर्घटनेस कारणीभूत ठरणाऱ्या मानवी चुका टाळण्यावर विशेष भर देण्याचे त्यांनी सांगितले. अधिकाऱ्यांनी नद्या व पुर्वीची पूर परिस्थिती आणि प्रतिबंधात्मक उपाययोजना अभ्यासाव्या. आपल्या भागातील जेसीबी चालक पोकलँन्ड, खोल पाण्यात पोहणारे तैराक, बचाव पथकातील तरूण, यांची यादी तयार ठेवावी. वेळोवेळी तुटलेली झाडे उचलणे, मलबा हटवणे, गाव-खेड्यातील नदीनाल्यांवरील छोटे पूल दुरुस्त करून घेणे, पाणी सुरळीत जाण्यासाठी त्यांची साफसफाई करणे, यात्रेच्या ठिकाणी रस्ते मोकळे राहतील व अतिक्रमण होणार नाही याबाबत दक्षता घेणे, धोकादायक म्हणून प्रमाणित केलेल्या इमारती तसेच बंद व वापरात नसलेल्या जुन्या शासकीय इमारती तातडीने पाडाव्यात. सामुदायिक आरोग्य केंद्रात सर्प चावल्यानंतर द्यावयाची औषधी उपलब्ध ठेवावी.  

ग्रामपंचायतींनी पाण्याची पाण्याच्या स्रोताची स्वच्छता तसेच नालेसफाई करून घ्याव. हॅन्डपंप, विहीर मध्ये ब्लिचिंग पावडर टाकावे. पिण्याच्या पाण्याजवळ सांडपाण्याचे डबके साचू नये व असल्यास तातडीने त्यावर उपाययोजना करण्याचे जिल्हाधिकारी श्री दैने यांनी सांगितले.

जिल्ह्यातील 47 गावे नदीकिनाऱ्यावर असून 112 गावांमध्ये दोन महिन्यासाठी तर 67 गावे दोन आठवड्यांपर्यंत वाहतूक संपर्कात नसतात. त्यामुळे अशा गावांमध्ये किमान चार महिन्याचे राशन व औषध साठा तातडीने उपलब्ध करावा व सदर धान्यसाठा पोहचला की नाही याची खात्री करावी. यासोबतच या गावातील पुढील चार महिन्यात प्रसुतीची तारीख असलेल्या गर्भवती महिलांना इतर जवळच्या शासकीय आरोग्य केंद्रात दाखल करून त्यांच्या राहण्याची व जेवणाची व्यवस्था करावी तसेच त्यांच्या सोबतच्या महिला व बालकांना देखील रिक्त वार्डात राहण्याची जागा उपलब्ध करून द्यावी, अशा सूचना जिल्हाधिकारी यांनी दिल्या.

मान्सून कालावधीत तहसीलदार यांच्या परवानगीशिवाय पाण्यात बोट, होडी, डोंगा नेता येणार नाही. रस्त्यावरून पुलाचे पुराचे पाणी जात असताना गाडी टाकू नये. मेंदूज्वर, मलेरिया, गॅस्ट्रो आदी दूषीत पाणी व डासांमुळे होणारे रोग टाळण्यासाठी गावागावात बैठक घेऊन स्वच्छता ठेवण्याबाबत जनजागृती करावी. वीज पडून जीवीत हाणी होऊ नये यासाठी जिल्ह्यात वीज प्रतिरोधक यंत्रणा मोठ्या प्रमाणात उभारण्याचे त्यांनी सांगितले. तसेच पावसात झाडाखाली आसरा न घेण्याबाबत जनजागृती करण्याच्या सूचनाही त्यांनी दिल्या. सांगितले 

*अवैध होर्डिगवर कारवाई करा*

मुंबईतील होर्डिंग दुर्घटनेच्या पार्श्वभूमीवर जिल्ह्यातील अवैध होर्डिंग बाबत नगर परिषदेने काय कारवाई केली याबाबत जिल्हाधिकारी यांनी विचारणा केली. शासकीय कार्यालयाच्या परिक्षेत्रात शासकीय होर्डिंग शिवाय दुसरे कोणतेही होर्डिंग असू नये. आपल्या हद्दितीलअवैध होर्डिंग तातडीने काढावे. दुर्घटना घडल्यास संबंधित परीक्षेत्रातील अधिकाऱ्याला यासाठी जबाबदार ठरवून कारवाई करण्यात येईल असेही त्यांनी स्पष्ट केले.

आपत्ती व्यवस्थापन सल्लागार कृष्णा रेड्डी यांनी सादरीकरणाद्वारे माहिती दिली. बैठकीला सर्व तहसीलदार गटविकास अधिकारी, सिंचन विभाग, आरोग्य विभाग, पोलीस विभाग, विद्युत विभाग व आपत्ती व्यवस्थापन यंत्रणेतील अधिकारी व कर्मचारी उपस्थित होते.

000

*दर्जेदार आरोग्य सेवेसाठी प्रशिक्षण महत्वपूर्ण – आयुषी सिंह*

*हिवताप चाचणी प्रशिक्षण सत्राचे उद्घाटन*

गडचिरोली,दि.14 (जिमाका): हिवताप प्रतिबंध विशेष कृती कार्यक्रमांतर्गत जिल्हा रुग्णालय, उपजिल्हा रुग्णालय, ग्रामीण रूग्णालय तसेच प्राथमिक आरोग्य केंद्र स्तरावरील प्रयोगशाळा वैज्ञानीक अधिकाऱ्यांकरिता मलेरिया मायक्रोस्कोपी प्रशिक्षण आयोजित करण्यात आले असून या प्रशिक्षण सत्राचे उद्घाटन जिल्हा परिषदेच्या मुख्य कार्यकारी अधिकारी आयुषी सिंह यांच्या हस्ते व आरोग्य विभागाचे सहाय्यक संचालक डॉ. श्याम निमगडे यांच्या प्रमुख उपस्थितीत काल करण्यात आले. आरोग्य सेवा अधिक दर्जेदार करण्यासाठी प्रशिक्षण महत्वपूर्ण असून त्यामुळे हिवताप आजाराचे त्वरित निदान व त्वरित उपचार करणे सोइचे होईल, असे श्रीमती आयुषी सिंह यांनी सांगितले. 

राष्ट्रीय मलेरिया अनुसंधान संस्थान, दिल्ली यांचेतर्फे श्री. साई इंन्स्टीटयूड ऑफ नर्सिंग मेडिकल सायन्स गडचिरोली येथे दिनांक 13 मे ते 18 मे 2024 पर्यत प्रशिक्षण सत्र आयोजित केले आहे. प्रशिक्षणात हिवतापाची लागण झालेल्या रुग्णावर योग्य उपचार करण्यासाठी रक्ताची चाचणी करून हिवतापाचे परजीवी व त्यांचे प्रजाती निश्चित करणे, हिवतापाचे परजीवी मानवी शरीरातील विकासाचे टप्पे व त्यांचे जीवनचक्र तसेच हिवतापाचे जलद निदान व आर.डी.के. चाचन्यांची गुणवत्ता याबाबत प्रात्यक्षिकाद्वारे मुलभूत प्रशिक्षण प्रयोगशाळा वैज्ञानीक अधिकारी यांना दिले जाणार आहे. 

प्रशिक्षण सत्र शुभारंभप्रसंगी जिल्हा आरोग्य अधिकारी डॉ. प्रताप शिंदे, सहाय्यक जिल्हा आरोग्य अधिकारी डॉ. अमित साळवे, जिल्हा हिवताप अधिकारी डॉ. लोकेशकुमार कोटवार,केंद्र स्तरीय प्रशिक्षक श्री. नसीम,टेकनिकल ऑफिसर, श्री. हरीओम,टेकनिकलअसिस्टंट राष्ट्रीय मलेरिया अनुसंधान संस्थान, दिल्ली,राज्य स्तरीय प्रशिक्षक डॉ. संजय कार्लेकर, कनिष्ठ किटकशास्त्रज्ञ, श्री. भास्कर सूर्यवंशी, श्री. कृष्णा अवधूत, आरोग्य पर्यवेक्षक आरोग्य व कुटुंब कल्याण प्रशिक्षण केंद्र नागपूर, श्री. सचिन डोंगरे, प्रयोगशाळा वैज्ञानीक अधिकारी, हिवताप कार्यालय अकोला उपस्थित होते.

000

गडचिरोली जिल्हा भारतीय भ्रष्टाचार निर्मूलन संघर्ष समिती महाराष्ट्र राज्य गडचिरोली जिल्हा अध्यक्ष पदा नियुक्ती झाल्याबद्दल शंकर ढोलगे यांच्यावर अभिनंदनचा वर्षाव !

 जिल्ह्यातील अतिशय मागासलेल्या आल्लापल्ली सारख्या दुर्गम , अतिदुर्गम, अति संवेदनशील भागात स्वतःचा जीव ओतून अनेक आंदोलनात व सामाजिक चळवळीमध्ये हिरारीने पुढाकार घेवून , अनेक गोर,गरीब,आदिवासी बांधवांना मदतीचा हात देवून, व त्यांच्या प्रत्येक सुख दुःखाला धावून जाणारे , शंकर ढोलगे या संघर्षशील नवतरुणाच्या, कार्यकर्तृत्वाची , त्यांचात असलेल्या त्यागमय, सेवाभावी वृत्तीची दखल घेवून ,अखिल भारतीय भ्रष्टाचार निर्मूलन समितीचे राष्ट्रीय अध्यक्ष प्रदीप पाटील खंडापूरकर यांनी दुर्गम ,अतिदुर्गम भागातील अन्यायग्रस्त आदिवासी व इतर समुहातील गोर,गरिबांना न्याय मिळावा , त्यांच्या हक्काची जाणीव करून देण्यासाठी व जिल्ह्यात दिवसेंदिवस फोफावत चाललेल्या भ्रष्टाचारावर अंकुश ठेवण्यासाठी त्यांच्या खांद्यावर फारमोठी जबाबदारी टाकून त्यांची गडचिरोली जिल्हा भ्रष्टाचार निर्मूलन समितीच्या जिल्हाध्यक्ष पदी नियुक्ती करून त्यांना जिल्हा स्तरावर काम करण्याची नवीसंधी दिली आहे 

त्यांच्या नवनियुक्ततीने परिचित त्याचे अनेक चाहते , व सामाजिक चळवळ मध्ये काम करणाऱ्या अनेक कार्यकर्त्यांनी त्यांचेवर अभिनंदचा वर्षाव करून त्यांच्या नव नियुक्तीचे स्वागत सुद्धा केलेले आहे.

आष्टी पोलीसांनी चारचाकी वाहनासह पकडली लाखो रुपयाची दारु

दिनांक. ११/०५/२०२४ रोजी गोपनिय सुआव्दारे माहिती प्राप्त झाली की मौजा गोडंपिपरी ते घाटकुर मार्गानी एक चार चाकी वाहन क्रमांक एम.एच. ३२ ए.एच.५५५६ स्कॉरपिओ या वाहनाने देशी व विदेशी दारूची वाहतुक करणार असल्याची गोपनिय बातमीदाराकडुन खावीशिर खबर मिळाल्याने पोस्टे स्टॉफ यांनी नमुद वाहनास मौजा आष्टी जवळील महात्मा ज्योतीबा फुले महाविद्यालय च्या समोरील रोडवर आष्टीते आलापल्ली कडे जाणा-या मार्गावर पाळत ठेवून बसलो असता एक चारचाकी वाहन संशयीतरित्या भरधाव वेगाने येताना दिसल्याने सदर वाहनास हात दाखवून थांबविण्याचा इशारा केला असता सदर वाहन चालक यांनी जाणीवपूर्वक सदरचे वाहन नाकेबंदी करीत असलेल्या कर्मचा-याच्या अंगावर घालण्याचा प्रयत्न कर्मचा-यास दुखापत करुन शिताफीने आपले ताब्यातील वाहन मागे वळवुन मौजा आष्टी येथील आंबेडकर चौकातून वळवुन चामोर्शी मार्गे निसटून जाण्याचा प्रयत्न करीत असताना पोस्टे आष्टी येथील अधिकारी व कर्मचा- यानी सदर वाहनाचा शिताफीने पाठलाग करून सदर वाहनास मौजा चामोर्शी येथील सार्वजनीक बांधकाम विभाग चामोशीं यांचे कार्यालया समोरील महामार्ग क्रमांक ३५३ सी. या वरती सदर वाहनास चामोर्शी पोलीस स्टेशनचे अधिकारी व कर्मचारी तसेच पाठलाग करीत असलेले पोस्टे आष्टी येथील अधिकारी व कर्मचारी यांनी सदर वाहनास थांबवून चेक केले असता १) पांढ-या रंगाच्या खर्डाचे ०८ बॉक्स प्रत्येक बॉक्स मध्ये ०२ लिटर मापाच्या इम्पेरियल ब्लु कंपनिच्या ०६ बॉटल असे एकुण ४८ बॉटला प्रती बॉटल विक्री किमंत २,०००/- रुपये प्रमाणे एकुण किंमत ९६,०००/- रुपयाचा मुद्देमाल २) खाकी रंगाच्या खांचे ४० बॉक्स प्रत्येकी बॉक्स मध्ये ९० मि.ली. मापाच्या रॉकेट देशीदारु संत्रा कंपनिच्या १०० निपा एकुण ४००० निपा प्रतिनिप विक्री किमंत ८०/- रुपये प्रमाणे एकूण किंमत ३,२०,०००/- रुपयाचा मुद्देमाल ३) एक जुनी वापरती पांढ-या रंगाची स्कॉरपिओ वाहन क्रमांक एम.एच. ३२ ए.एच.५५५६ एकुण किंमत १५,०००,००/- ४) दोन वापरते जुने विचो कंपनिचे मोचाईल एकूण किंमत १००००/- रुपये असा एकूण १९,२६,०००/- रुपयाचा मुद्देमाल अवैधरित्या मिळून आला. सदर चाहनातील इसम नामे १) नितेश वशिष्ट चंदनखेडे वय ३४ वर्ष व्यवसाय चालक रा. नागसेननगर भद्रावती ता. भद्रावती जि. चंद्रपुर २) निखील राजु क्षिरसागर वय २१ वर्ष, व्यवसाय मजुरी रा. गवराळा गणपती वार्ड भद्रावती ता. भद्रावती जि. चंद्रपुर या विरुध्द पोलीस स्टेशन आष्टी अप क्रमांक ७२/२०२४ कलम ३०७,३४ भादवी, सहकलम ६५ (अ),८३ मदाका, १८४ मोवाका अन्वये गुन्हा दाखलकरुन आरोपीस अटक करण्यात आली आहे. पुढील तपास पोलीस उपनिरीक्षक अतुल तराळे पोस्टे आष्टी हे करीत आहेत.

सदरची कामगीरी ही मा. पोलीस अधीक्षक श्री. निलोत्पल साो. गडचिरोली मा. अप्पर पोलीस अधीक्षक श्री. चिंता साो. गडचिरोली मा. अप्पर पोलीस अधीक्षक श्री. एम. रमेश साो. अहेरी मा. उपविभागीय पोलीस अधिकारी श्री. अमर मोहीते सा. अहेरी यांचे मार्गदर्शनाखाली पोलीसनिरीक्षक श्री. विशाल प्र. काळे यांचे नेतृत्यात पोलीस उपनिरीक्षक श्री. दयाल मंडल, पोउपनि अतुल तराळे पोलीस उपनिरीक्षक श्री. देविदास मानकर, पोशि/३४१२ अतुलतोडासे, पोशि/३३१५ संतोष नागुलवार, पोशि/५६६१ मुनेश रायसिडाम, पोशि/५८४६ पराग राजुरकर, पोशि/ ५६७५ मेदाळे यांनी सदर कामगीरी यशस्वीरीत्या पार पाडली

चपराळा येथे पुरातन महादेव मुर्तीचे पुनर्स्थापना निमित्त विविध धार्मिक कार्यक्रम संपन्न

पंदिलवार दाम्पत्यांनी केली आर्थिक मदत 

आष्टी : चामोर्शी तालुक्यातील चपराळा येथे पुरातन महादेव मुर्तीचे पुनर्स्थापना सोहळा सोमवारी (दि. ०६ ) उत्साहात करण्यात आला. त्यानिमित्त माजी जिल्हा परिषद सदस्य रुपालीताई पंदिलवार, सामाजिक कार्यकर्ते संजय पंदिलवार यांनी महादेव मुर्ती पुनर्स्थापना करीता आर्थिक मदत करुन मदतीचा हात दिला. प. पु.संत कार्तिक स्वामी मुरलीधर महाराज यांच्या हस्ते महादेव मुर्तीची पुनर्स्थापना करण्यात आली व सोमवारी विविध धार्मिक कार्यक्रम घेण्यात आले. सकाळी साडेसात पासून रात्री पर्यंत अभिषेक,हवन,पूर्णाहुती, महाआरती, महाप्रसाद, ्भजन, असे भरगच्च कार्यक्रम पार पडले. चपराळा हे पुर्वीपासुनचे धार्मिक स्थळ म्हणून परराज्यात सुद्धा ओळखला जातो चपराळा विषयी फार पुरातन काळापासून फार मोठी लोकवस्ती असल्याचे बोलले जाते अशी आख्यायिका आहे की बैल पोळ्याच्या दिवशी हरवलेला बैल परत दुसऱ्या पोळ्याच्या दिवशी मालकाला मिळाला असे जुने प्रोढ व्यक्ती सांगतात सध्याच्या लोकवस्तीच्या दोन किमी परिसरात अनेक पुरातन अवशेष सापडतात तसेच जंगल परिसरात बोळ्या, तलाव आजही आहे यावरून ह्या परिसरात फार मोठी लोकवस्ती असल्याचे निष्पन्न होते.

वैनगंगा - वर्धा नदिच्या पवित्र संगमावर प्राणहिता नदिच्या काठावर कार्तिक स्वामी महाराजांचे हनुमान मंदिर प्रशांत घाम चपराळा हे पवित्र स्थळ असले तरी गाव शेजारी अनेक स्थळी देव देवतांचे मुर्ती त्यातीलच एका स्थळाचे महादेव मंदिर म्हणून ती मुर्ती उघड्यावर होती आणि गावातीलच लोकांच्या आर्थिक सहकार्यातून पाच सात वर्षांपूर्वी मंदिर उभे झाले परंतु मंदिरात पुरातन मुर्तीचे स्थापना होऊ शकले नाही परंतु हल्ली कार्तिक स्वामी महादेव मंडळ व गावकरी च्या वतीने मुर्तीचे प्राणप्रतिष्ठापना सोहळा पार पडत आहे.प्राणप्रतिष्ठा सोहळयानिमित्त चपराळा परिसरातील अनेक आबालवृद्ध, माता भगिनी,भाविक भक्त मोठ्या संख्येने उपस्थित होते.

मंत्री धर्मराव बाबा आत्राम यांना विश्रांती घेण्याचा डॅाक्टरांचा सल्ला

( बॅकपेनमुळे बेडरेस्ट, मुंबईत उपचार सुरू)

गडचिरोली - राज्याचे अन्न व औषध प्रशासन मंत्री धर्मराव बाबा आत्राम यांना पाठ व कंबर दुखापतीच्या आजारामुळे डॅाक्टरांनी विश्रांती घेण्याचा सल्ला दिला असून त्यांच्यावर मुंबईत उपचार सुरू आहे. त्यांनी विश्रांती न घेतल्यास त्यांच्यावर शस्रक्रिया करावी लागू शकते, असा ईशाराही डॅाक्टरांनी दिला आहे. 

सविस्तर असे की, मंत्री आत्राम यांना पाठ व कंबर दुखीचा आजार काही महिन्यापासून सुरू होता, मात्र त्यांनी या दुखापतीकडे दुर्लक्ष करून लोकसभेच्या निवडणुकीत महायुतीचे उमेदवार अशोक नेते यांच्या प्रचारात स्वतःला झोकून दिले होते. कंबरेला पट्टा बांधून ते संपूर्ण लोकसभा क्षेत्रात प्रचारासाठी फिरले, तब्येतीकडे त्यांचे झालेले दुर्लक्षच आता त्यांच्या दुखापतीसाठी कारणीभूत ठरले आहे. त्यामुळे डॅाक्टरांनी आता त्यांना विश्रांती घेण्यासाठी सांगीतले आहे. आज ते मुंबईहून गडचिरोलीला परत येणार होते मात्र त्यांना प्रवास करण्यासाठी सुद्धा डॅाक्टरांनी मनाई केल्याचे सांगीतल्या जात आहे.  

त्यांनी विश्रांती घेतल्यास ते लवकर बरे होतील असेही डॅाक्टरांनी म्हटले आहे. 

——————-

नक्षल्यांचा घातपाताचा कट फसला; पोलिसांकडून स्फोटके नष्ट

लोकसभा सार्वत्रिक निवडणूक - 2024 दरम्यान आय.ई.डी. हल्ले करण्याच्या योजनेत माओवाद्यांनी टिपागड परिसरात काही स्फोटके आणि क्लेमोर माईन्स जमिनीत पुरुन ठेवली असल्याबाबतची विश्वासार्ह माहिती प्राप्त झाल्याने कोणत्याही संभाव्य घटना टाळण्यासाठी लोकसभा सार्वत्रिक निवडणूक - 2024 साठी त्या भागात क्षेत्राचे शोध अभियान राबविले आणि सुरक्षा दलांची जोरदार तैनाती करण्यात आली होती, ज्यामुळे माओवाद्यांना त्या वेळी या क्लेमोअर्स / स्फोटकांचा वापर करणे अशक्य होते. खात्रीशिर मिळालेल्या माहितीच्या आधारे काल टिपागड परिसरात एक निश्चित अचूक ठिकाण उघडकीस आले जिथे डोंगरावर ही स्फोटके आणि क्लेमोर माईन्स पुरुन ठेवण्यात आले होते.

     मा. पोलिस अधीक्षक यांच्या मार्गदर्शनाखाली तातडीने 02 बी.डी.डी.एस. च्या पथकासह सी - 60 चे एक पथक आणि सी.आर.पी.एफचे एक क्यु.ए.टी पथक डंप शोध मोहिम राबविणेकामी आणि गरज पडल्यास तो नष्ट करण्यासाठी तैनात करण्यात आला. आज सकाळी जेव्हा पथके घटनास्थळी पोहोचली तेव्हा त्यांना स्फोटके आणि डिटोनेटरने भरलेले 06 प्रेशर कुकर आणि स्फोटकांनी आणि गंजलेले लोखंडी तुकडे भरलेले 03 क्लेमोर पाईप्स देखील सापडले. उर्वरित 3 क्लेमोर पाईप्स कोणतेही स्फोटक नसलेले होते. पथकांना त्याच ठिकाणी प्लास्टिकच्या पिशवीत गनपावडर, औषधे आणि ब्लँकेट सापडले. एकुण 9 आय.ई.डी. आणि 3 क्लेमोर पाईप्स बी.डी.डी.एस. पथकाच्या सहाय्याने घटनास्थळी नष्ट करण्यात आले.

तसेच घटनास्थळी असलेले उर्वरित साहित्य जागीच जळून खाक झाले आहे. पोलीस मदत केंद्रामध्ये आल्यानंतर गुन्हा नोदविण्याची तजवीज ठेवली आहे.

नवोदय व शिष्यवृत्ती परीक्षा पात्र विद्यार्थी व मार्गदर्शक शिक्षकांचा सत्कार

तालुका प्रतिनिधी चामोर्शी -

पंचायत समिती चामोर्शी अंतर्गत येणाऱ्या जि. प. उच्च प्राथमिक केंद्र शाळा कुनघाडा रै. येथील 2 विद्यार्थ्यांची नुकत्याच पार पडलेल्या नवोदय प्रवेश पात्रता परीक्षेमध्ये निवड झाली आहे. तर महाराष्ट्र राज्य परीक्षा परिषद पुणे यांच्या मार्फत घेण्यात आलेल्या शिष्यवृत्ती परीक्षेच्या निकालात 8 विद्यार्थ्यांनी गरुडझेप घेत शिष्यवृत्ती परीक्षेत पात्र ठरले आहेत. याचेच औचित्य साधून दिनांक 04 -05-2024 रोज सोमवारला जि.प. केंद्र शाळा कुनघाडा रै. येथे गुणवंत विद्यार्थी व मार्गदर्शक शिक्षकांचा सत्कार समारंभ पार पडला. याप्रसंगी व्यासपीठावर अध्यक्ष म्हणून शाळा व्यवस्थापन समितीचे अध्यक्ष पुरुषोतम सातपुते उपस्थित होते तर विशेष अतिथी म्हणून आदरणीय रा. णा. सातपुते सर, केंद्रप्रमुख गोमासे सर, किरण कुकडे, रोशन दुधबळे, गिरीधर कुनघाडकर मुख्याध्यापक तावाडे सर, प. शि. कु. गीता शेंडे, जगदीश वैरागडे, कविता कुनघाडकर, वीणा दुधे व लर्निंग लिंक फाऊंडेशन चे कार्यकर्ते उज्ज्वल गोरे आदि मान्यवर उपस्थित होते. याप्रसंगी नवोदय विद्यालय येथील प्रवेश परीक्षा उत्तीर्ण केल्याबद्दल यश संदिप बारसागडे, हिमांशू नितीन कुनघाडकर, या दोन विदयार्थ्यांचा भेटवस्तू पुष्पगुच्छ देऊन मान्यवरांच्या हस्ते सत्कार करण्यात आला. तसेच या शैक्षणिक वर्षात शिष्यवृत्ती परिक्षेत बाजी मारणाऱ्या यश संदीप बारसागडे, हिमांशू नितीन कुनघाडकर, संघर्ष अशोक दुधे, आयुष पुरुषोतम सातपुते, गोविंद किरण कुकडे , वेदांत गिरीधर कुनघाडकर , निरंजन सत्यविजय भांडेकर, आदित्य रमेश वासेकर या विद्यार्थ्यांचा भेटवसू व पुष्प गुच्छ देऊन सत्कार करण्यात आला. सदर प्रसंगी मार्गदर्शन करतांना सेवानिवृत्त शिक्षण विस्तार अधिकारी रा.णा. सर यांनी कुनघाडा येथील शाळेतील शिक्षक, शा. व्य. सामिती, पालक यांचे योगदान फार महत्वपूर्ण आहे, म्हणूनच आज जिल्हयात जास्तीत - जास्त येथील विद्यार्था गुणवंत ठरले आहेत. केंद्रप्रमुख गुरुदास गोमासे म्हणाले कि, छोट्या छोट्या प्रयत्नांतूनच यशाची वाट चाल करता येते, विद्यार्थ्यांनी आयुष्यात कधीच आत्मविश्वास, जिद्द, चिकाटी, अभ्यासातील सातत्य सोडू नये हा बोध आपण सर्व विद्यार्थ्यांनी या सत्कार सोहळ्यातून घ्यावा. अभ्यासाचे आणि कष्टाचे फळ गोड असते. असेच प्रयत्न करीत राहावे. याप्रसंगी मुख्याध्यापक तावाडे किरण कुकडे यांनी समयोचित भाषणे झाली. नवोदय आणि शिष्यवृत्ती परीक्षा चे मार्गदर्शक शिक्षक गुरुदास सोनटक्के, विजय दुधबावरे, कु. गीता शेंडे या शिक्षकांचाही शाळेतर्फे तसेच पालकांतर्फे भेटवस्तू-वस्त्र पुष्पगुच्छ देऊन मान्यवरांच्या हस्ते सत्कार करण्यात आला. या देखण्या सोहळ्याचे प्रास्ताविक पदवीधर शिक्षिका कु.गीता शेंडे यांनी केले तर सूत्रसंचालन व आभार प्रदर्शन शिक्षक प्रमोद बोरसरे यांनी केले. याप्रसंगी बहुसंख्य पालक माताभगिनी विद्यार्थी उपस्थित होते.

कुनघाडा (रै.) जि. प. उच्च प्राथमिक केंद्र शाळेचा सत्कार

*मुख्य कार्यकारी अधिकारी आयुषी सिंह यांनी केला गौरव.

* यश हे परिश्रमपूर्वक वांरवार केलेल्या छोट्या प्रयत्नांचे परिणाम आहे - 

आयुषी सिंह मुख्य कार्यकारी अधिकारी यांचे प्रतिपादन

तालुका प्रतिनिधी चामोर्शी: 

महाराष्ट्र राज्य परीक्षा परिषद पुणे यांच्यातर्फे घेण्यात आलेल्या पूर्व प्राथमिक शिष्यवृत्ती परीक्षेमध्ये एकाच शाळेचे 8 विद्यार्थी पात्र होऊन मिळालेल्या यशाबद्दल जिल्हा परिषद उच्च प्राथमिक केंद्र शाळा कुनघाडा (रै.) शाळेचा सत्कार करण्यात आला. 2 मे 2024 रोजी मुख्याध्यापक आढावा तथा प्रेरणा कार्यशाळा गडचिरोली येथील कार्यक्रमांतर्गत जिल्हा परिषद मुख्य कार्यकारी अधिकारी मा.आयुषी सिंह, डायट प्राचार्य धनंजय चापले, शिक्षणाधिकारी (माध्य.) भुसे साहेब, उपशिक्षणाधिकारी ( प्राथ) विवेक नाकाडे, उप.माध्य. शिक्षणाधिकारी अमसिंग गेडाम साहेब, निरंतर शिक्षणाधिकारी गोंगले साहेब, डायटचे वरिष्ठ अधिव्याख्याता विनीत मत्ते, गडचिरोली पं. स. गटशिक्षणाधिकारी परसा मॅडम, गटशिक्षणाधिकारी चामोर्शी पं.स. गटशिक्षणाधिकारी नरेंद्र म्हस्के व चामोर्शी व मुलचेरा पं.स. अंतर्गत शाळांचे सर्व मुख्याध्यापक यांच्या उपस्थितीत केंद्रशाळा कुनघाडा रै. च्या वतीने केंद्रप्रमुख गुरदास गोमासे व पदवीधर शिक्षिका कु. गीता शेंडे यांचा पुष्पगुच्छ देऊन सत्कार करण्यात आला. राज्यभरात इयत्ता पाचव्या वर्गातील विद्यार्थ्यांसाठी शिष्यवृत्ती स्पर्धा परीक्षा आयोजित करण्यात आली होती. या परीक्षेमध्ये जिल्हा परिषद उच्च प्राथमिक केंद्रशाळा कुनघाडा (रै.) येथील एकाच शाळेतील ८ विद्यार्थी पात्र ठरून जिल्ह्यात आपल्या नावाची मोहर उमटवली. शाळेच्या यशामध्ये मुख्याध्यापक नवराज तावडे, पदवीधर शिक्षिका गीता शेंडे वर्गशिक्षक गुरुदास सोनटक्के, मार्गदर्शक शिक्षक विजय दुधबावरे, विषय शिक्षक प्रमोद बोरसरे,प्राथ शिक्षक अनिल दुर्गे, अंजली तंगडपल्लीवार, अभिषेक लोखंडे यांचे सहकार्य आहे. अध्यक्ष पुरुषोत्तम सातपूते, गटविकास अधिकारी सागर पाटील, गटशिक्षणाधिकारी नरेंद्र मस्के, केंद्रप्रमुख गुरुदास गोमासे यांनी शाळेचे अभिनंदन व कौतुक केले आहे.

चौडमपल्ली - सिंगणपल्ली रस्त्याकडे लोकप्रतिनिधींनी दुरुस्तीकडे लक्ष देऊन रस्ता दुरुस्ती करा गावकऱ्यांची मागणी 

आष्टी: चामोर्शी तालुक्यातील सिंगणपल्ली या गावाला एकमेव पोचमार्ग असून तो पूर्णपणे उखडून गेला असल्याने गावकर्‍यांना ये - जा करण्याकरिता मोठा त्रास सहन करावा लागतो आहे. सिंगणपल्ली हे गाव चपराळा वन्यजीव अभयारण्यात असल्यामुळे रस्ता बनविण्यास अडचण असल्याचे सांगण्यात येत आहे पण हे गाव चपराळा वन्यजीव अभयारण्यात असलेतरी ये - जा करण्याकरिता पक्का रस्ता नाही पाहिजे का? असा सवाल येथील ग्रामस्थ करीत आहेत 

चौडमपल्लीपासून 4 किमी असलेल्या सिंगणपल्ली या गावाला जाण्यासाठी एकमेव असलेल्या रस्त्याचा सत्यानाश झाला आहे. शाळकरी विद्यार्थ्यांचे जाणे येणे, वैद्यकीय सुविधा, अशा अनेक मूलभूत गरजांसाठी असहाय गावकर्‍यांची ओरड आहे 

लोकप्रतिनिधी हा रस्ता लक्ष देऊन बनवून देतील का? याकडे गावकरी आस लावून बसले आहेत. निवडणूकीच्यावेळी लोकप्रतिनिधी गावात येऊन मोठ मोठे आश्वासन देतात आणि निवडणूक झाली की विसरून जातात आमची जाण्यायेण्याची अडचण लक्षात घेऊन लोकप्रतिनिधी या रस्त्याच्या दुरुस्तीसाठी प्रयत्न करून रस्ता दुरुस्ती करावा अशी मागणी गावकऱ्यांकडून करण्यात येत आहे

लोखंडी सळाख भरलेल्या उभ्या ट्रकला मागून येणाऱ्या भरधाव ट्रकची जबर धडक ;ट्रक चालक जखमी 

महाकाली पेट्रोल पंपाजवळील घटना 

आष्टी : परीसरात अपघातांच्या सत्रात वाढ झाली असून एक दिवसाआड अपघातांची मालिका सुरूच आहे. आष्टी चामोर्शी मार्गावर उभ्या ट्रक ला मागून येणाऱ्या भरधाव ट्रक ने जबर धडक दिल्याने ट्रकचालक गंभीर जखमी झाल्याची घटना दिनांक 4 मे शनिवारी दुपारी तीन वाजताच्या सुमारास घडली.

शुभाष मेश्राम रा. डोंगरगाव ता. अर्जुनी जिल्हा गोंदिया असे जखमी ट्रकचालकाचे नाव आहे.

आष्टी चामोर्शी मार्गावरील महाकाली पेट्रोलपंपच्या समोर CG 07 BK 4515 क्रमांकाचा ट्रक लोखंडी सळाखी भरलेला ट्रक उभा होता या या ट्रक ला CG 04LP 4429 या क्रमांकाच्या सळाखी भरलेल्या ट्रकने मागून जबर धडक दिली. यावेळी क्लिनर हा ट्रक चालवीत होता तर ट्रकचालक डाव्या बाजूला होता. या धडकेत ट्रकचालकाचा एक पाय तुटला. तर वाहन चालवीत असणारा क्लिनर मात्र सुखरूप आहे. घटनेची माहीती कळताच आष्टी पोलिस घटनास्थळी दाखल झाले. जखमीला आष्टी येथील ग्रामीण रूग्णालयात उपचारासाठी दाखल करण्यात आले.

धर्मरावबाबा आत्राम यांना सर्वोत्कृष्ट लोकनेत्यासाठी न्यूजमेकर्स अचिव्हर्स पुरस्काराने सन्मानित

मुंबई, : - १ मे महाराष्ट्र दिनानिमित्त आयोजित कार्यक्रमात महाराष्ट्राचे कॅबिनेट मंत्री धर्मरावबाबा आत्राम यांना सर्वोत्कृष्ट लोकनेत्यासाठी न्यूजमेकर्स अचिव्हर्स पुरस्कार 2024 प्रदान करण्यात आला आहे. धर्मरावबाबा आत्राम यांनी महाराष्ट्राची उपराजधानी नागपूर ह्या विदर्भातील जिल्ह्या पैकी एक असलेल्या गडचिरोलीतील लोकांचा लाडका नेता कसा बनला, ह्या जीवन संघर्षाची कहाणी यावेळी स्टेजवर अत्राम यांनी सांगितली. ते म्हणाले नक्षलवाद्यांनी मला 17 दिवस कसे ओलीस ठेवले होते. यात नवसंजीवनी मिळाली असल्याचे धर्मरावबाबा आत्राम यांनी सांगितले. यावेळी हा पुरस्कार स्वीकारण्यासाठी त्यांनी 1400 किलोमीटरचा प्रवास केला.

 हा सन्मान मिळाल्याने त्यांना खूप आनंद झाला असल्याचे सांगितले. त्यांनी गडचिरोलीतील पाच हजार कुटुंबांना खाणकामात रोजगार उपलब्ध करून दिला असून भविष्यातही ते आपल्या गावातील लोकांच्या कल्याणासाठी व रोजगारासाठी कार्यरत राहणार आहेत. महाराष्ट्र दिन आणि कामगार दिनानिमित्त 1 मे रोजी मुंबईतील यशवंतराव चव्हाण सभागृहात 16 व्या न्यूजमेकर्स अचिव्हर्स अवॉर्डचे आयोजन करण्यात आले होते. वैदेही तामन तर्फे आयोजित या कार्यक्रमात धर्मरावबाबा आत्राम यांच्यासह अनेक कर्तृत्ववान यांचा गौरव करण्यात आला.ह्या महान नेत्याच्या चरित्रावरील "धर्मरावबाबा आत्राम - दिलो का राजा" हा चित्रपटही तयार झाला आहे, हे 17 दिवस नक्षलवाद्यांच्या तावडीत घालवणे त्यांना किती कठीण गेले असावे, या संपूर्ण प्रवासाचे चित्रण ह्या चित्रपटात करण्यात आले आहे.

गडचिरोली जिल्ह्यात आदिवासी सहकारी संस्थांनी खरेदी केलेल्या धानाची उचल करा

 सामजिक कार्यकर्ते कृष्णा वाघाडे यांनी आदिवासी विकास विभागाच्या सचिवांना पत्राद्वारे मागणी

गडचिरोली : जिल्ह्यातील आदिवासी विकास महामंडळाच्या मार्फत आदिवासीं विविध सहकारी संस्था मार्फत 2023-24 या खरीप हंगामातील खरेदी केलेल्या धानाची दोन महीने उलटूनही अजूनपर्यंत उचल केली गेली नाही . आदिवासीं विकास महामंडळामार्फत धान खरेदी करताना संस्थांना शासन निर्णयानुसार धान खरेदी करण्यास सांगितले जाते. त्यापेक्षा जास्त धान खरेदी केल्यास संस्थांवर कारवाई केली जाते. मात्र दोन महिन्यात उचल करा असा शासन निर्णय असताना मात्र उचल केली जात नाही यामुळे धानाचे वजन घटल्या मुळे संस्थांना तोटा सहन करावा लागतो. चालू हंगामात गडचिरोली जिल्ह्यात आठ लाख पंचावन्न हजार क्विंटल धान खरेदी संस्थामार्फत केल्या गेली मात्र आजपर्यंत केवळ तीन हजार क्विंटल धानाची उचल केल्या गेली. बहुतांश सहकारी संस्थाकडे गोदामांची पुरेशी व्यवस्था नाक्याने धान उघड्यावर आहे यामुळे वजनात दोन ते तीन किलोची तफावत येते त्यामुळे लवकरात लवकर या धानाची उचल करावी अन्यथा पुढील हंगामात संस्था धान खरेदी वेळेवर सुरू करनार नाही त्यामुळें शेतकऱ्यांची खुप मोठी गैरसोय होणार तसेच व्यापाऱ्या कडून शेतकऱ्यांची होणारी लूट थांबविण्यात यावी अशी मागणी समजिक कार्यकर्ते कृष्णा वाघाडे यांनी केली आहे

पिकअप वाहनाला सुरजागडच्या मालवाहू ट्रकने दिली धडक, तीन जखमी,

सुरजागडच्या मालवाहू वाहनाची अपघातांची मालिका सुरूच

आष्टी : ३ मे :- गडचिरोलीतल्या जीवघेण्या सुरजागड प्रकल्पामुळे आणखी एक अपघात झाला आहे. सुरजागड येथील खाणीतून लोह खनिजाची वाहतूक करणाऱ्या ट्रकने पिकअपला धडक दिली या धडकेत तीन इसम गंभीर जखमी झाले आहेत. हि घटना दिनांक ३ मे रोजी सायंकाळच्या सुमारास घडली. 

पिक अप वाहन हे अहेरी कडे जात होते समोरुन येणाऱ्या सुरजागडच्या मालवाहू ट्रकने जब्बर धडक दिल्याने सागर चुक्कावार पिकअपचा वाहनचालक गंभीर असून चंदा राजन्ना कडरला, राजन्ना कडरला श्रीनिवास जखमी आहेत या जखमींना आष्टी येथील ग्रामीण रुग्णालयात उपचारासाठी दाखल करण्यात आले आहे 

आष्टी – आल्लापली महामार्गावरील महाकाली मंदिराच्या वळणाच्या समोर हा अपघात घडला. दिनांक २ मे रोजी आष्टी जवळील महात्मा ज्योतिबा फुले महाविद्यालयाजवळ एका इसमाने आपली दुचाकी सोडून दिल्याने त्या इसमाचा जीव वाचला त्या इसमाची दुचाकी ट्रकमध्ये घुसल्याने दुचाकीचे मोठे नुकसान झाले.

गेल्या अनेक दिवसांपासून वादात असलेला आणि नागरिकांच्या संतापाचे कारण असलेला गडचिरोली एटापल्ली तालुक्यातील सुरजागड या प्रकल्पामुळे रोजच काहीना काही दुर्घटना घडत असतात.

सुरजागड लोह प्रकल्पामुळे मोठ्या प्रमाणावर अवजड वाहतूक होत असल्याने मोठमोठे खड्डे पडून रस्त्याची अतिशय दयनीय अवस्था झाली आहे. या मार्गावर नेहमीच अपघात होत असून सामान्य नागरिकांचे निष्पाप बळी जात आहेत. शिवाय प्रचंड धुळीच्या प्रदूषणामुळे नागरिकांचे आरोग्य देखील धोक्यात आले आहे. यामुळे या सर्व बाबीमुळे त्रस्त झालेल्या नागरिकांना अपघाताचे निमित्त मिळताच सुरजागड प्रकल्पाला असलेल्या विरोधाचा उद्रेक होताना दिसून येत आहे

दोन दुचाकींची आमोरासमोर धडक एक जण जागीच ठार,

तीन जखमी 

आष्टी येथील को - आपरेटिव्ह बॅंक समोरील घटना

आष्टी:-

दोन दुचाकींची आमोरासमोर धडक बसल्याने एक दुचाकी स्वार जागीच ठार झाल्याची घटना दिनांक 3 मे शुक्रवारी संध्याकाळी साडे सहा वाजताच्या सुमारास आष्टी येथे घडली.

अमोल रोहणकर वय 28 वर्ष रा. किष्टापुर ता. चामोर्शी असे मृत दुचाकी स्वाराचे नाव आहे.

मृत अमोल रोहणकर हा लग्न समारंभात राळापेठ येथे गेला होता कार्यक्रम आटोपून आपली दुचाकी क्र एम एच ३३झेड १०२८ ने तो परत किष्ठापूर आपल्या स्वगावाकडे जात असताना आष्टी - चामोर्शी मार्गावरील को -ऑपरेटिव्ह बँकेच्या समोर अनखोडा येथुन येत असलेल्या दुचाकी क्र एम एच ३३झेड ००३४ या दुचाकीस्वाराला समोरासमोर जबर धडक दिली यात अमोल रोहणकर याचा जागीच मृत्यू झाला तर दुसऱ्या दुचाकी वरील व्यक्ती किरकोळ जखमी झाले आहेत जखमींमध्ये सागर दुर्गे वय २३ रा. अनखोडा , गुलचंद दुर्गे वय १४, वंश दुर्गे वय १२ दोन्ही रा. छल्लेवाडा ता अहेरी असे नावे आहेत

घटनेची माहिती कळताच आष्टी पोलिस घटना स्थळी दाखल झाले व मृतकाला आष्टी येथील ग्रामीण रूग्णालयात शवविच्छेदनासाठी नेण्यात आले. घटनेचा पुढील तपास आष्टी पोलिस ठाण्याचे ठाणेदार विशाल काळे यांच्या मार्गदर्शनाखाली सुरु आहे

जंगली हत्ती पासून सावध राहा‌,वन विभागाकडून नागरिकांना सूचना

गडचिरोली,दि.03 (जिमाका): भामरागड वन परिक्षेत्रातील जंगली हत्ती पुढे छत्तीसगढ राज्यातील जंगलात जाण्याची शक्यता असून त्यांचे द्वारे कोणतीही जिवीत हानी होवु नये म्हणुन गावकऱ्यांनी घराच्या बाहेर एकटे रात्री अपरात्री निघू नये व हत्ती दिसल्यास त्याची छेडखानी न करता त्याबाबत तात्काळ वन विभागास कळवावे, असे उपवनसरंक्षक भामरागड वन विभाग यांनी कळविले आहे.

दिनांक २५ एप्रिल रोजी वन परिक्षेत्र गट्टाचे कार्यक्षेत्रात वन्य प्राणी हत्तीचा वावर असल्याची सुचना मिळाल्यावर त्या वन परिक्षेत्रातील वन परिक्षेत्र अधिकारी, गट्टा, यागेश शेरेकर व क्षेत्रीय कर्मचारी यांचे मदतीने त्या हत्तीच्या हालचालीवर देखरेख ठेवत होते. त्याच दिवशी हत्ती जंगलाकडे जात असतांना सांयकाळी ०४.३० वाजता कक्ष क्रमांक ५२८ नियतक्षेत्र कियर, उपक्षेत्र नांरगुडा परिक्षेत्र गट्टा येथे जंगलात मोहाफुले व चारोळी गोळा करणे करिता गेलेले श्री गोगलु रामा तेलामी, रा. कियर ता. भामरागड जिल्हा- गडचिरोली वय ३८ वर्षे यांचेवर वन्य प्राणी हत्तीने हल्ला करून त्यांना ठार केले. सदरचे माहिती वन विभागाला मिळताच भामरागड वनविभागाचे सहायक वनसंरक्षक अशोक पवार, व ईतर अधिकारी / कर्मचारी सह घटनास्थळी भेट देवुन घटनेचा पंचनामा करून श्री गोगलु रामा तेलामी यांचे शव विच्छेदनासाठी भामरागड रूग्णालयात पाठविले. त्यानंतर त्याच दिवशी रात्री त्यांचे अंतिम संस्कार करण्यात आले. 

सदर जंगली हत्ती रात्री गट्टा वन परिक्षेत्रातुन भामरागड वन परिक्षेत्रात जात असतांना हिदुर गावात कक्ष क्रमांक ६९२ नियतक्षेत्र कृष्णारचे नजीक असलेल्या माता मंदीरात लग्न संभारभाकरिता पुजा आटोपुन परत येत असतांना हिदुर ता. भामरागड जिल्हा गडचिरोली, या गावातील तीन महिला सौ. राजे कोपा हलामी (वय ५५ वर्षे) सौ वंजे झुरू पुंगाटी (वय ५५ वर्षे) व सौ.महारी देवु वड्डे, वय ४७ वर्ष यांचेवर हत्तीने हल्ला केला त्यात सौ. राजे कोपा हलामी, वय ५५ वर्षे यांचा मृत्यु झालेला असुन ईतर दोन महिलांवर रूग्णालयात उपचार सुरू आहे. 

सदर घटनेची माहीती प्राप्त होताच दिनांक २६ एप्रिल २०२४ रोजी भामरागड वन विभागाचे उपवनसंरक्षक शैलेष मीना, घटनास्थळी पोहचले व त्यांनी उपस्थित वन परिक्षेत्र अधिकारी, भामरागड अमर भिसे, व ईतर वन विभागाचे कर्मचारी यांना हत्तीला छत्तीसगड राज्याच्या जंगलात हुसकावुन लावण्यासाठी उपाययोजना करण्याचे सुचना दिल्या. त्या जंगली हत्तीला गावापासुन दुर जंगलात हाकलण्यासाठी व त्याचे हालचालीवर देखरेख ठेवण्यासाठी हुल्ला टिम व ड्रोन च्या सहयाने क्षेत्रीय कर्मचाऱ्यासह सहायक वनसंरक्षक अशोक पवार यांचे नियंत्रणात तसेच वन परिक्षेत्र अधिकारी, गट्टा, यागेश शेरेकर व वन परिक्षेत्र अधिकारी, भामरागड अमर भिसे, यांच्या नेतृत्वात संयुक्त गस्ती पथक निर्माण करून पुढील कार्यवाही सुरू आहे. नागरिकांनी सावध राहावे अशा सूचना वन प्रशासनाने दिल्या आहेत.

जादुटोण्याच्या संशयावरुन महिलेसह दोघांना जिवंत जाळणा­या 15 आरोपींना गडचिरोली पोलीसांनी कले जेरबंद

 सर्व 15 आरोपींना 05 दिवसांची पोलीस कोठडी 

01 मे रोजी एटापल्ली तालुक्यातील बरसेवाडा गावामध्ये जादुटोन्याच्या संशयावरुन महिलेसह दोन व्यक्तींची गावाक­यांनी जिवंत जाळल्याची धक्कादायक घटना समोर आली आहे.

 सविस्तर वृत्त असे आहे की, दिनांक 02-05-2024 रोजी पोस्टे एटापल्ली येथे दिलेल्या फिर्यादी नुसार दिनांक 01-05-2024 रोजी एटापल्ली तालुक्यातील मौजा बरसेवाडा येथील नामे 1) जमनी देवाजी तेलामी वय 52 वर्षे व 2) देवु कटिया अतलामी वय 57 वर्षे या दोघांना गावातील काही इसम एकत्र येवुन गावात पंचायत बोलावुन हे दोघे जादुटोना करतात कु. आरोही बंडु तेलामी वय 3.5 वर्ष रा. बरसेवाडा हिचा मृत्यु जादुटोना केल्यामुळे झाला असा आरोप या दोघावरती करुन यांना अंत्यत निघृनपणे मारहाण करुन अंगावरती पेट्रोल टाकुन जिवंत जाळले. मृतक जमनी देवाजी तेलामी हिचा भाऊ सादु मासा मुहोंदा यांनी दिलेल्या तक्रारीवरुन एटापल्ली पोलीस स्टेशन येथे गुन्हा नोंद करण्यात आला.

 या घटनेची समाजातील सर्व स्तरातुन खेद व्यक्त करुन मारेक­यांना कठोरात कठोर शिक्षा व्हावी याकरीता मागणी करण्यात आली. घटनेची गांभीर्य व तीव्रता लक्षात घेवुन मा. पोलीस अधीक्षक श्री. नीलोत्पल सा. यांनी श्री. चैतन्य कदम उपविभागीय पोलीस अधिकारी एटापल्ली व श्री. निलकंठ कुकडे प्रभारी अधिकारी पोस्टे एटापल्ली यांना तपास पथकासह सदरच्या प्रकरणाचा छडा लावुन आरोपींना जेरबंद करण्याबाबत निर्देशीत केल्याने वरील अधिकारी व सहकारी अधिकारी यांनी अंमलदारासह बारसेवाडा येथे जावुन घडलेल्या घटनेची घटनास्थळ पाहणी करुन सखोल चौकशी अंती 15 आरोपींना अटक करण्यात आली. यामध्ये 1) अजय बापु तेलामी, 2) भाऊजी शत्रु तेलामी, 3) अमित समा मडावी, 4) मिरवा तेलामी, 5) बापु कंदरु तेलामी, 6) सोमजी कंदरु तेलामी, 7) दिनेश कोलु तेलामी, 8) श्रीहरी बीरजा तेलामी, 9) मधुकर देवु पोई, 10) अमित ऊर्फ नागेश रामजी तेलामी, 11) गणेश बाजु हेडो, 12) मधुकर शत्रु तेलामी, 13) देवाजी मुहोंदा तेलामी, 14) दिवाकर देवाजी तेलामी, 15) बिरजा तेलामी सर्व रा. बारसेवाडा ता. एटापल्ली जि. गडचिरोली यांना पोस्टे एटापल्ली अप. क्र. 24/2024 मधील कलम 302, 307, 201, 143, 147, 149, भादवी, सहकलम 3 (2) महाराष्ट्र नरबळी आणि इतर अमानुष, अनिष्ट व अघोरी प्रथा व जादुटोणा यांना प्रतिबंध करण्याबाबत अधिनियम अन्वये दाखल गुन्हयात अटक करण्यात आली. सर्व आरोपींना मा. प्रथम वर्ग न्यायालय, अहेरी येथे हजर केले असता सर्व आरोपींना 05 दिवसांची पोलीस कोठडी मंजुर करण्यात आली. 

सदर कार्यवाही मा. पोलीस अधीक्षक श्री. नीलोत्पल सा., मा. अपर पोलीस अधीक्षक (प्रशासन) श्री. कुमार चिंता सा., मा. अपर पोलीस अधीक्षक (अभियान) श्री. यतिश देशमुख सा., मा. अपर पोलीस अधीक्षक, अहेरी श्री. एम. रमेश सा., यांच्या मार्गदर्शनाखाली उपविभागीय पोलीस अधिकारी एटापल्ली श्री. चैतन्य कदम सा यांच्या नेतृत्वात पोलीस निरीक्षक श्री. निलकंठ कुकडे प्रभारी अधिकारी पोस्टे एटापल्ली, सहायक पोलीस निरीक्षक शिंदे, पोउपनि नागरगोजे, पोउपनि म्हेत्रे, मपोउपनि गिरवलकर, व इतर सर्व अंमलदार यांनी मेहनत घेवुन गुन्हा उडकीस आणला.

आयपीएल वर ऑनलाईन सट्टा (जुगार) खेळणा­यांवर देसाईगंज पोलिसांची मोठी कारवार्ई

           मा. पोलीस अधीक्षक गडचिरोली श्री. नीलोत्पल सा. यांनी सद्या देशात आयपीएलचा सीजन सुरु असुन आयपीएलवर सुरु असलेल्या अवैध सट्टाबाजीवर आळा घालुन कठोर कारवाई करण्याचे निर्देश संपूर्ण जिल्हयातील पोस्टे/उपपोस्टे व पोमके यांना दिलेले आहेत. 

         त्या पाश्वभुमिवर दि.01/05/2024 रोजी पोस्टे देसांईगंज हद्दीत आयपीएल सट्टा खेळवणारे इसमाबाबत खात्रीशिर माहीती मिळाल्याने प्रभारी अधिकारी पोलीस निरीक्षक श्री. अजय जगताप यांचे आदेशान्वये पोउपनि ज्ञानेश्वर धनगर, पोअं/ विलेश ढोके, संतोष सराटे व विलास बालमवार यांनी देसाईगंज शहरातील विर्शि टी. पाँईट चौक येथे सापळा रचुन नाकाबंदी केली असता नाकाबंदीदरम्यान टोयोटा कंपनीेचे हायराईडर मॉडेल चारचाकी वाहन क्र. एमएच 33 एसी 5443 येत असल्याचे पाहून सदर वाहन चालकास थांबण्याचे इशारा देवुन वाहन थांबविले असता, पंचा समक्ष चालकाचे नाव व गाव विचारले असता त्यांनी चेतन पुरूपोत्तम मस्के रा. कोरेगांव ता.देसाईगंज असे सांगितले. तेव्हा सदर वाहनाची झडती घेतली त्यामध्ये वाहन चालकाकडे जुनी वापरते दोन मोबाईल व वाहनामध्ये 3,66,900/- रोख रक्कम मिळून आल्याने सदर ईसमास विचारणा केली असता त्यांनी सर्च इंजीनच्या साहाय्याने वेबसाईटचा वापर करुन युजर आयडी आणि पासवर्डच्या मदतीने आयपीएलवर सट्टा खेळत असून आज रोजी चालू असलेल्या क्च्ख़् विरुध्द घ्एख़्च् यावर सट्टा लावल्याचे निदर्शणास आले.

         तेव्हा पंचासमक्ष आरोपीस ताब्यात घेवून त्यांच्याकडून रुपये 3,66,900/- रोख रक्कम व दोन जुने वापरते मोबाईल तसेच टोयोटा कंपनीेची हायराईडर मॉडेल चारचाकी वाहन असे एकुण 16,31,900/- रुपयेचा मुद्देमाल जप्त केला. सदर आरोपीने हा ऑनलाईन सटटा अन्य एका साथीदाराच्या मदतीने चालु असल्याचे सांगीतले यावरुन पहिजे आरोपी नामे नवीश नरळ रा. शेगांव ता. वरोरा जिल्हा. चंद्रपूर या दोघाविरुध्द पोस्टे देसाईगंज येथे गुन्हा नोंद केला आहे.

  सदरची कार्यवाही मा. पोलीस अधीक्षक श्री. नीलोत्पल सा., अपर पोलीस अधीक्षक (प्रशासन) श्री. कुमार चिंता सा., अपर पोलीस अधीक्षक (अभियान) श्री. यतिश देशमुख सा., अपर पोलीस अधीक्षक अहेरी एम. रमेश सा. यांच्या मार्गदर्शनाखाली उपविभागीय पोलीस अधिकारी कुरखेडा श्री. रविंद्र भोसले सा. यांच्या नेतृत्वात, पोलीस निरीक्षक पोस्टे देसाईगंज. श्री अजय जगताप, पोउपनि ज्ञानेश्वर धनगर हे दाखल गुन्हयाचा पुढिल तपास करीत आहेत. यावेळी संपूर्ण जिल्हयातील नागरिकांनी अशा प्रकारच्या अवैध सट्टेबाजी पासुन दुर राहुन जर कोणी असे अवैध व्यवसाय चालवित असतील त्यांची माहिती पोलीस विभागाला देण्याचे आवाहन मा. पोलीस अधीक्षक गडचिरोली यांनी केले आहे.

विविध गुन्ह्रात पाहिजे असलेल्या एका कट्टर 

जनमिलिशियास गडचिरोली पोलीसांनी केली अटक

 महाराष्ट्र शासनाने जाहीर केले होते एकुण 1.5 लाख रुपयांचे बक्षीस.

माहे फेब्राुवारी ते मे दरम्यान माओवादी टीसीओसी कालावधी साजरा करतात. या दरम्यान ते सरकारी मालमत्तेचे नुकासान करणे, सुरक्षा दलाच्या जवानांवर हल्ला करणे व इतर प्रकारच्या सरकारी कामात अडथळे आणून जाळपोळ करणे इ. देशविघातक कृत्य करत असतात. याच टीसीओसी कालावधीच्या दरम्यान गडचिरोली पोलीस दलाने सुरक्षा दलांविरुद्धच्या अनेक हिंसक घटनांमध्ये सक्रिय सहभाग असलेल्या एका कट्टर जनमिलिशियास आज दिनांक 03/05/2024 रोजी अटक केले आहे.

आज दिनांक 03/05/2024 रोजी 19 मार्च 2024 ला उप-पोस्टे रेपनपल्ली हद्दीतील मोदुमडगु जंगल परीसरात झालेल्या चकमकीच्या अनुषंगाने उप-पोस्टे रेपनपल्ली येथे दाखल अप. क्र. 01/2024 कलम 307, 353, 143, 147, 148, 149, 120 (ब) भादवि, कलम 135 मपोका, 3, 25, 5, 27 भाहका, कलम 3,4,5 भास्फोका, कलम 13, 16, 18, 20, 23, युएपीए अधिनियम मधील जहाल माओवादी नामे शंकर वंगा कुडयाम, वय-34 वर्षे, रा. कांडलापारती, पो. तह. भोपालपट्टनम, जि. बिजापुर (छ.ग.) यास सिरोंचा पोस्ट पार्टी व विशेष अभियान पथकाने सिरोंचा ते कालेश्वरम (तेलगंणा) जाणा­या रोडवर लावलेल्या नाकाबंदी दरम्यान अटक करण्यात आली.

अधिक तपासात असे दिसून आले की, तो कट्टर माओवादी समर्थक व माओवाद्यांचे काम करणारा असल्याचे निष्पन्न झाले. या आधीसुद्धा माओवादी कारवायांमध्ये माओवाद्यांना मदत तसेच माओवाद्यांना राशन पुरवणे, गावातील लोकांना मिटींगसाठी जबरदस्तीने गोळा करणे, गैर कायदयाची मंडळी जमवुन पोलीसांविरुध्द कट रचने, माओवादी सप्ताहामध्ये बॅनर लावणे, पत्रके टाकणे, स्फोटके लावने अशी कामे तो करीत होता.

अटक जनमिलिशिया आरोपीची माहिती

1) नाव- शंकर वंगा कुडयाम

 दलममधील कार्यकाळ

 सन 2015 पासुन नॅशनल एरिया कमिटीमध्ये भरती होवुन आजपर्यत माओवादी चळवळीतील कामे करत होता. 

 कार्यकाळात केलेले गुन्हे

 चकमक - 04

 सन 2022 मध्ये मोरमेड-चिंतलपल्ली (छ.ग.) जंगल परिसरात माओवादी व सुरक्षा दलामधील जवानांसोबत झालेल्या चकमकीमध्ये प्रत्यक्षरित्या सहभाग होता.

 सन 2023 मध्ये बडा-काकलेर (छ.ग.) जंगल परिसरात माओवादी व सुरक्षा दलामधील जवानांसोबत झालेल्या चकमकीमध्ये प्रत्यक्षरित्या सहभाग होता.

 सन 2023 मध्ये झालेल्या डम्मुर-बारेगुडा (छ.ग.) जंगल परिसरात माओवादी व सुरक्षा दलामधील जवानांसोबत झालेल्या चकमकीमध्ये प्रत्यक्षरित्या सहभाग होता.

 सन 2024 मध्ये झालेल्या लिंगमपल्ली-मोदुमडगु (म.रा.) जंगल परिसरात माओवादी व सुरक्षा दलामधील जवानांसोबत झालेल्या चकमकीमध्ये प्रत्यक्षरित्या सहभाग होता. ज्यामध्ये 04 माओवादयांना ठार करण्यात सुरक्षा दलास यश आले होते.

 खुन - 03

 सन 2024 मध्ये मौजा कोरंजेड येथील एका निरपराध व्यक्तिच्या हत्येमध्ये त्याचा प्रत्यक्षरित्या सहभाग होता.

 सन 2024 मध्ये मौजा कचलेर येथील एका निरपराध व्यक्तिच्या हत्येमध्ये त्याचा प्रत्यक्षरित्या सहभाग होता.

 भोपालपट्टनम (छ.ग.) येथील एका निरपराध व्यक्तिच्या हत्येमध्ये त्याचा प्रत्यक्षरित्या सहभाग होता.

 शासनाने जाहिर केलेले बक्षीस.

 महाराष्ट्र शासनाने शंकर वंगा कुडयाम याच्या अटकेवर 1.5 लाख रूपयाचे बक्षीस जाहिर केले होते.

गडचिरोली पोलीस दलाच्या प्रभावी कारवाईमुळे माहे जानेवारी 2022 ते आतापर्यंत एकुण 79 माओवाद्यांना अटक करण्यात गडचिरोली पोलीस दलास यश आलेले आहे. सदरची कारवाई मा. पोलीस अधीक्षक श्री. नीलोत्पल सा., मा. अपर पोलीस अधीक्षक (अभियान) श्री. यतिश देशमुख सा., मा. अपर पोलीस अधीक्षक (प्रशासन) श्री. कुमार चिंता सा., मा अपर पोलीस अधीक्षक, अहेरी श्री. एम. रमेश सा. यांचे मार्गदर्शनाखाली पार पडली. तसेच मा. पोलीस अधीक्षक श्री. नीलोत्पल सा. यांनी माओवाद्यांना माओवादाची हिंसक वाट सोडुन आत्मसमर्पण करुन सन्मानाने जीवन जगण्याचे आवाहन केले आहे. 

गडचिरोली जिल्हा काँग्रेस कमिटीची आढावा बैठक संपन्न

  गडचिरोली :: नुकताच पार पडलेल्या गडचिरोली -चिमूर लोकसभा सार्वत्रिक निवडणुक 2024, च्या अनुषंगाने आढावा घेण्याकरीता गडचिरोली जिल्हा काँग्रेस कमिटीची आढावा बैठक पार पडली. या बैठकीस प्रामुख्याने माजी खासदार मारोतराव कोवासे, जिल्हाध्यक्ष महेंद्र ब्राह्मणवाडे, गडचिरोली - चिमूर लोकसभा क्षेत्र काँग्रेस (इंडिया आघाडी) चे उमेदवार डॉ. नामदेव किरसान, माजी जि. प. अध्यक्ष अजय कंकडलावार, शंकरराव सालोटकर, परसराम टिकले, शहर अध्यक्ष सतीश विधाते, किसान सेल अध्यक्ष वामनराव सावसाकडे, आदिवासी काँग्रेस जिल्हाध्यक्ष हनुमंतू मडावी, काशिनाथ भडके, दामदेव मंडलवार, मिलिंद खोब्रागडे, रमेश गंपावार, वसंत राऊत, मनोज अग्रवाल, पपु हकीम, राजेंद्र बुल्ले, प्रशांत कोराम, सतीश जवाजी, नेताजी गावतुरे, दिवाकर निसार, जयंत हरडे, प्रभाकर तुलावी, गिरीधर तीतराम, रामदास मसराम, सुमेध तुरे, वैभव भिवापूरे, गुरुदेव सातपुते, हरबाजी मोरे, रकजनीकांत मोटघरे,रुपेश टिकले, पुष्पलता कुमरे, मंगला कोवे, अपर्णा खेवले, आशा मेश्राम, पिंकू बावणे, दिलीप फुलबांधे,बीजन सरदार, रमेश कोडापे, प्रफुल बारसागडे, गौरव पेटकर, हेमंतकुमार कुमरे, श्रीनिवास ताटपल्लीवार, लीलाधर भरो, अनिल किरमे, देवेंद्र ब्राह्मणवाडे, सुरेश भांडेकर, नाजूकजी वालके, नितीन शेंडे, पुरुषोत्तम अर्कपटलावार, नीलकंठ गोहने, रुपेश जंजालकर, सुरेश येरेवार, घनश्याम मुरवतकर, माजीत सय्यद, सुरज मडावी, गौरव येनप्रेड्डीवार, विपुल, ज्ञानेश्वर पोरटे, उत्तम ठाकरे, सोनू अलाम, प्रतीक बारसिंगे, नरेंद्र गजपुरे, मिलिंद बारसागडे, सुरेश मेश्राम, के. डी. मेश्राम, गणेश कोवे, हेमंत मोहितकर सर्व सेलचे पदाधिकारी व कार्यकर्ते उपस्थित होते.

 महाराष्ट्र राज्याने प्रतिबंधित केलेल्या सु्गंधित तंबाखुची अवैधरित्या वाहतुक करणा-यांवर स्थानिक गुन्हे शाखेची मोठी कारवाई

महाराष्ट्र शासनाने सुगंधीत तंबाखु विक्री व वाहतुकीवर प्रतिबंध केला असतांना सुध्दा गडचिरोली जिल्हयात शेजारील छत्तीसगड राज्यातुन मोठया प्रमाणात सुगंधीत तंबाखुची वाहतुक करणा­यावर अंकुश बसावा या उद्देशाने मा. पोलिस अधीक्षक श्री. नीलोत्पल सा. यांनी गडचिरोली जिल्हयातील प्रतिबंधीत सुगंधीत तंबाखु, अवैध दारु, जुगार व ईतर अवैध व्यवसायांवर रेड करुन प्रभावीपणे कायदेशीर कारवाई करण्याची जवाबदारी स्थानिक गुन्हे शाखेकडे सोपविली आहे.

स्थानिक गुन्हे शाखेकडे सोपविण्यात आलेली जवाबदारी पार पाडत असतांना दि. 02/05/2024 रोजी स्थानिक गुन्हे शाखेचे पोलीस पथकास गोपनिय सुत्राकडुन माहिती मिळाली की, मौजा ठाणेगाव येथील ईसम नामे गंगाधर चिचघरे हा आपल्या साथीदारांच्या मदतीने छत्तीसगड राज्यातुन मौजा कुरखेडा - वैरागड मार्गे मोठया प्रमाणात प्रतिबंधीत सुगंधीत तंबाखुची वाहतुक करुन आरमोरी हद्दीतील चिल्लर तंबाखु विक्रेत्यांना पुरवठा करणार असल्याबाबात खात्रीशीर माहिती प्राप्त झाल्याने सदरची माहिती पोलीस निरीक्षक उल्हास भुसारी, स्था.गु.शा. गडचिरोली यांना देवुन त्यांचे नेतृत्वात योग्य ते नियोजन करुन पोलीस पथक मौजा वैरागड टी-पार्इंट करीता रवाना करण्यात आले.

मौजा वैरागड टि-पार्इंट चौकात पोलीस पथकातील अंमलदार यांनी सापळा रचुन खबरेतील दोन संशयीत चार चाकी वाहन येत असतांना दिसुन आल्याने सदर वाहनांना तात्पुरता अडथळा निर्माण करुन वाहन थांबवुन वाहनाची तपासनी केली असता दोन्ही वाहनात एकुण 18,27,000/- रुपयाचा प्रतिबंधीत सुगंधीत तंबाखु आरोपी नामे 1) गंगाधर भाष्कर चिचघरे, वय 39 वर्ष, 2) महेश सुधाकर भुरसे, वय 34, 3) सोमेश्वर भाष्कर चिचघरे, वय 36, 4) अमोल अनिल भुरसे, वय 29 सर्व रा. ठाणेगाव ता. आरमोरी, जि. गडचिरोली हे आपल्या ताब्यात बाळगुन वाहतुक करीत असतांना मिळुन आल्याने त्यांच्या विरुध्द कायदेशीर कार्यवाही करण्याकरीता अन्न व प्रशासन विभाग, गडचिरोली यांचे ताब्यात देण्यात आले.

 सदरची कार्यवाही मा. पोलीस अधीक्षक श्री. नीलोत्पल सा., मा. अपर पोलीस अधीक्षक (प्रशासन) श्री. कुमार चिंता सा., मा. अपर पोलीस अधीक्षक (अभियान) श्री. यतिश देशमुख सा., यांचे मार्गदर्शनाखाली पोलीस निरीक्षक उल्हास भुसारी, स्था.गु.शा. गडचिरोली यांच्या नेतृत्वात सहा.फौ. नरेश सहारे, पोहवा/अकबरशहा पोयाम, पोअं/प्रशांत गरफडे, पोअं/श्रीकृष्ण परचाके, पोअं/श्रीकांत बोइना, चापोअं/दिपक लोनारे यांनी पार पाडली.

गडचिरोली जिल्ह्यात एस. टि. बसच्या वाहतुकीचे वाजले तीन तेरा

नव्या बसेस उपलब्ध करून प्रवाशांची होणारी गैरसोय टाळा सामाजिक कार्यकर्ते कृष्णा वाघाडे यांची मुख्यमंत्र्याकडे मागणी

गडचिरोली

                   गडचिरोली जिल्हयात एस. टी. वाहतुकीचे तीन तेरा वाजले असुन अपुऱ्या व भंगार बसेसमुळे नागरिकांना प्रवास करताना गैरसोय व मनस्ताप सहन करावा लागत आहे , जिह्यातील मुलचेरा, भामरागड, सिरोंचा असरअल्ली, कुरखेडा या दुर्गम भागात अजूनही बससेवा नियमित पणे पोहोचली नाही.गडचिरोली आगारातून प्रवशाना जाण्यासाठी चार तास वाट पहावी लागते, भंगार बसेस मुळे अनेकदा बस अर्ध्या रस्त्यातच अडकून पडल्याच्या घटना रोजच होत आहे त्यामुळे प्रवाशांना नाहक त्रास सहन करावा लागत आहे.कॉल सेंटर बंद असल्यामुळें प्रवाशांना बस किती वाजता सुटणार आहे याची माहिती सुध्दा मिळत नाही. बस सोडण्याचे नियोजन खाजगी वाहने सोडल्या प्रमाणे करण्यात येत आहे याबाबत आगार प्रमुखांना कळविले तर ते नादुरुस्त बस, व कर्मचाऱ्यांचा अभाव असल्याची गाऱ्हाणे सांगतात.मुख्यमंत्री महोदय यांच्याकडे जिल्ह्याचे पालकत्व असताना जिल्ह्याला विकसित करण्याचे ध्येय त्यांनी ठेवले होते आता त्यांच्याकडे मुख्यमंत्री व परिवहन मंत्रालयाची जबाबदारी असल्याने त्यांनी गडचिरोली जिल्ह्यातील कोलमडलेल्या एस टी बसेस ची समस्या दुर करुन गडचिरोली जिह्यातील नागरिकांची होणारी गैरसोय दुर करावी अशी मागणी सामाजिक कार्यकर्ते कृष्णा वाघाडे यांनी मुख्यमंत्री व परिवहन विभागाच्या अधिकाऱ्यांना पत्र लिहून केली आहे

चंद्रपूर स्थानिक गुन्हे शाखेची ऐतिहासिक कारवाई.

(गडचांदूर हद्दीत 150 जनावरे,1 कोटी 30 लाखांचा मुद्देमाल जप्त.)

गडचांदूर:-

चंद्रपूर जिल्हा पोलीस अधिक्षक मुम्मका सुर्दशन यांच्या आदेशान्वये चंद्रपूर जिल्ह्यात अवैध धंद्यावर कडक कारवाई करण्याचे आदेश स्थानिक गुन्हे शाखेला दिले. त्या अनुषंगाने स्थानिक गुन्हे शाखेचे पोलीस निरीक्षक महेश कोंडावार यांनी पथके नेमून त्यांना अवैध धंद्यावर कारवाई करण्याचे निर्देश दिले.याच श्रेणीत 1 मे महाराष्ट्र दिनी एका गोपनिय बातमीदाराकडून पोलीस स्टेशन गडचांदूर हद्दीतील मौजा हिरापूर येथील अब्दुल अजीज अब्दुल रा.गडचांदूर,हा आपला भाऊ अब्दूल अनीस रा.गडचांदूर,याच्या शेतात गाई-बैल(गोवंश)गोळा करून एका ट्रकमध्ये क्षमते पेक्षा जास्त प्रमाणात कोंबून अवैधरीत्या वाहतूक करून तेलंगणा राज्यात कत्तलीसाठी नेणार आहेत.अशा खबरे वरून स्थानिक गुन्हे शाखेच्या पथकाने मौजा हिरापुर शेतशिवारात धाड मारून पाहणी केली असता,सदर शेत शिवारात अशोक लेलॅन्ड कंपनीचा आयचर ट्रक, टाटा कंपंनीचा पिकअप,असे एकूण सात वाहने थांबून दिसली.

     सदर वाहनांची पाहणी केली असता,त्यामध्ये अवैधरीत्या जानावरांना कृतेने हात,पाय, तोंड बांधुन चारा पाण्याची व्यवस्था न करता, वाहनाच्या डाल्यात क्षमते पेक्षा जास्त प्रमाणात गाई-बैल(गोवंश)यांना आखूड दोराने कचकचून दाटीने भरून त्यांची कत्तलीसाठी वाहतूक करण्यासाठी अपप्रेरीत करून,डांबून भरून, तेलंगणा राज्यात घेवून जाण्याचे समजले.सदर सातही वाहनातील एकूण 150 जनावरे व वाहने किंमत एकुण 1 कोटी,30 लाख रूपयेचा माल जप्त करण्यात आला असून सदर गुन्ह्यातील एकूण 15 आरोपींना घटनास्थळा वरून ताब्यात घेवून गडचांदूर पोलीस येथे गुन्हा नोंद करण्यात आला आहे. पुढील तपासासाठी आरोपींना गडचांदूर पोलिसांच्या ताब्यात देण्यात आले.तसेच वाहनांतील गोवंशाना राजुरा-नांदाफाटा नगरपालिकाच्या कोंडवाड्यात जमा करण्यात आले.

        सदर कारवाई जिल्हा पोलीस अधीक्षक मुम्मका सुदर्शन,अपर पोलीस अधीक्षक रिना जनबंधू,यांच्या मार्गदर्शनात एलसीबीचे पोलीस निरीक्षक महेश कोंडावार,यांच्या नेतृत्वात व उपस्थितीत सपोनि हर्षल ओकरे,पोउपनि विनोद भुरले,पोहवा धनराज,स्वामीदास,अजय, प्रकाश,नागरे,नितीन,सुभाष,सतीश,किशोर,रजनिकांत,दिनेश,संतोष,पोशि प्रशांत,मिलींद स्थानिक गुन्हे शाखा,चंद्रपूर यांनी केली आहे.

रानटी हत्तीच्या हल्ल्यातील मृतक कुटुंबीयांना भाग्यश्री आत्राम यांनी केली आर्थिक मदत

भामरागड तालुक्यातील कियर व हिदूर गावाला दिली भेट

भामरागड:-रानटी हत्तींच्या कळपातून भरकटलेल्या एका हत्तीने भामरागड तालुक्यात अक्षरशः धुमाकूळ घालून तीन निष्पाप लोकांचा बळी घेतला. तालुक्यातील कियर व हिदूर या गावात अक्षरशा दुःखाचा डोंगर कोसळला होता. याची माहिती मिळताच माजी जि प अध्यक्ष भाग्यश्री ताई आत्राम यांनी दोन्ही गावातील मृतक कुटुंबीयांची सांत्वनपर भेट देऊन आर्थिक मदत केले.

२५ एप्रिल रोजी रानटी हत्तीने कियर येथील गोंगलु रामा तेलामी या इसमावर हल्ला करत जीव घेतला होता. त्याच्यानंतर त्याच हत्तीने रात्रीच्या सुमारास हिदूर गावात प्रवेश करत पूजेसाठी गावाबाहेर असलेल्या माता मंदिर ला जाऊन परत येणाऱ्या लोकांवर हल्ला केले.त्यात राजे कोपा आलामी, महारी देऊ वड्डे आणि वंजे झुरू पुंगाटी या तीन महिला गंभीर जखमी झाल्या होत्या. त्यांना भामरागड तालुका मुख्यालयातील ग्रामीण रुग्णालयात उपचारासाठी दाखल केले होते. मात्र दुखापत गंभीर स्वरूपाची असल्याने त्यांना नागपूर येथे हलविले. 

यातील राजे कोपा आलामीने २६ एप्रिल रोजी तर महारी देऊ वड्डे या महिलेने २८ एप्रिल रोजी उपचारादरम्यान अखेरचा श्वास घेतला.तिसरी महिला वंजे झुरु पुंगाटी हिच्यावर गडचिरोली येथे उपचार सुरू आहेत. मागील ३ एप्रिल पासून तर २६ एप्रिल पर्यंत या रानटी हत्तीने तेलंगाना सह महाराष्ट्रात धुमाकूळ घालत पाच बळी घेतले.भामरागड तालुक्यातील इतरही भागात या हत्तीने शेतीसह गरांची ही नुकसान केले आहे. या सर्व लोकांची भेट घेऊन ताईंनी शासनाकडून लवकरात लवकर मदत मिळण्यासाठी आपले प्रयत्न सुरू केले आहे.

आई वडिलांचा छत्रछाया हरपलेल्या चिमुकल्यांना मिळणार मायेची ऊब

कियर येथील गोंगलू रामा तेलामी यांच्यावर रानटी हत्तीने हल्ला करत ठार केले.गोंगलू यांना एक मुलगा आणि दोन मुली असे तीन अपत्य आहेत.त्या मुलांची आई अगोदरच वारल्याने तिन्ही मुलं सध्या आपल्या आपले मामा कोमटी पेका कुळयेटी यांच्याकडे आहेत. त्या रानटी हत्तीच्या हल्ल्यात वडिलांच्या मृत्यूनंतर तिन्ही मुलांच्या डोक्यावरून आई-वडिलांची छत्रछाया हरपली आहे.आता या तिन्ही मुलांची जबाबदारी भाग्यश्री ताई आत्राम यांनी स्वीकारली असून दोन मुलींना भामरागड येथील आपल्या आश्रम शाळेत आणि मुलाला गोंडवाना सैनिक विद्यालय,गडचिरोली येथे दाखल करण्याची ग्वाही ताईंनी दिली आहे.आता यापुढील शिक्षण ताई स्व खर्चातून उचलणार आहे. आता त्या चिमुकल्यांना चांगले शिक्षण मिळणार आहे.

शिष्यवृत्ती परीक्षेत केंद्रशाळा कुनघाडा रै येथील 8 विद्यार्थ्यांची गरुडझेप

चामोर्शी: महाराष्ट्र राज्य परीक्षा परिषद पुणे यांच्या मार्फत घेण्यात आलेल्या शिष्यवृत्ती परीक्षेच्या निकालात पंचायत समिती चामोर्शी अंतर्गत येणाऱ्या जि. प. उच्च प्राथमिक केंद्रशाळा कुनघाडा रै. येथील 8 विद्यार्थ्यांनी गरुडझेप घेत शिष्यवृत्ती परीक्षेत पात्र ठरले आहेत. यामध्ये यश संदिप बारसागडे, हिमाशू नितिन कुनघाडकर, आयुष पुरुषोत्तम सातपुते, गोविंद किरण कुकडे, संघर्ष अशोक दुधे, वेदांत गिरिधर कुनघाडकर, निरंजन सत्यविजय भांडेकर, आदित्य रमेश वासेकर याच समावेश आहे. केंद्र शाळेने २०१९ पासून नवोदय परीक्षेप्रमाणे शिष्यवृत्ती परीक्षेतही उज्वल यशाची परंपरा याही वर्षी कायम राखली आहे. सत्राच्या सुरुवातीपासून स्पर्धा परीक्षेची तयारी, ज्यादा सराव, रात्र कालीन वर्ग , गृहभेटी, पुरक मार्गदर्शन, प्रत्येक आठवड्यात चाचणी, प्रत्येक आठवड्यात सराव परीक्षा, विविध शैक्षणिक व्हिडिओ, माता पालकांचे मार्गदर्शन इत्यादी उपक्रमामुळे हे यश प्राप्त झाले आहे. यशस्वी विद्यार्थ्यांनी आपल्या यशाचे श्रेय उच्च श्रेणी मुख्याध्यापक तावडे सर, मार्गदर्शक शिक्षक विजय दुधबावरे, गुरुदास सोनटक्के, कु. गीता शेंडे, प्रमोद बोरसरे, अनिल दुर्गे, अंजली तंगडपल्लीवार, अभिषेक लोखंडे सर यांना दिले आहे. गटशिक्षणाधिकारी नरेंद्र म्हस्के, केंद्रप्रमुख गुरुदास गोमासे, शाळा व्यवस्थापन समितीचे अध्यक्ष पुरुषोत्तम सातपुते, सर्व पदाधिकारी व पालकांनी मुलांच्या यशाचे भरभरून कौतुक केले.

पोलिस निरीक्षक विशाल काळे यांच्या संकल्पनेतून आष्टी येथे भव्य रक्तदान शिबिराचे आयोजन 

५२ रक्तदात्यांनी केले रक्तदान 

आष्टी: पोलिसांनी १ मे रोजी आयोजित केलेल्या रक्तदान शिबिराला नागरिकांचा उदंड प्रतिसाद मिळाला.पोलीस अधिक्षक गडचिरोल निलोत्पल, अप्पर पोलीस अधिक्षक गडचिरोली (अभियान) यतीश देशमुख,अप्पर पोलीस अधीक्षक गडचिरोली (प्रशासन) कुमार चिंता,अप्पर पोलीस अधिक्षक अहेरी एम रमेश, यांचे प्रेरणेने व उपविभागीय पोलिस अधिकारी अहेरी अजय कोकाटे,यांच्या मार्गदर्शनात, दिनांक ०१/०५/२०२४ रोजी महाराष्ट्र दिना निमित्य सकाळी ०७:१५ वा. झेंडावंदनाचा कार्यक्रम घेण्यात आला. तसेच महाराष्ट्र दिनाचे औचित्य साधून पोलीस निरीक्षक विशाल प्र. काळे यांच्या संकल्पनेतून सकाळी १०:०० वा. गडचिरोली पोलीस दला अंतर्गत ०१ मे २०१९ रोजी जांभुळखेडा भूसुरुंग स्फोटात पंधरा जवानांना वीरमरण आले होते. त्यांच्या स्मरणार्थ पोलीस स्टेशन आष्टी येथे भव्य रक्तदान शिबिराचे आयोजन करून पोस्टे आष्टी हद्दीतील समाविष्ट असलेल्या गावांमध्ये स्वतःहा जाऊन नागरिकांना रक्तदानाचे महत्त्व पटवून रक्तदान शिबिरामध्ये सहभागी व्हा असे आव्हान केले. सदर रक्तदान शिबिरा मध्ये नागरिकांनी स्वतःहा सहभाग घेऊन पोलीस स्टेशन आष्टी येथे रक्तदान करून ०१ मे २०१९ रोजी शहीद झालेल्या जवानांना भावपूर्ण श्रद्धांजली अर्पण करण्यात आली. सदर रक्तदान शिबिरामध्ये एकूण- ५२ नागरिकांनी तसेच पोलीस स्टेशन आष्टी येथील अधिकारी व अंमलदार यांनी रक्तदान केले. सदर कार्यक्रमास पोलीस स्टेशन आष्टी येथील सर्व अधिकारी व अंमलदार तसेच ग्रामीण रुग्णालय आष्टी येथील वैद्यकीय अधिकारी व त्यांचे कर्मचारी वृंद हजर होते.

खरीप पिक विमा सन २०२३-२०२४ या वित्त वर्षांचा लाभ द्या 

भेंडाळा येथील शेतकऱ्यांची जिल्हाधिकाऱ्यांना निवेदनातून केली विनंती 

चामोर्शी: तालुक्यातील भेंडाळा येथील शेतकऱ्यांनी माहे २५ नोव्हेंबर ते ७ डिसेंम्बर २०२३ दरम्यान भात पिकाची नुकसान झालेल्या प्रधानमंत्री फसल विमा योजना अंतर्गत नुकसान भरपाई देण्याची जिल्हाधिकारी गडचिरोली यांना निवेदन देऊन मागणी केली आहे. 

दिलेल्या निवेदनात म्हटले की, आम्ही खालील सही करणारे सर्व शेतकरी बांधव प्रधानमंत्री फसल विमा योजने अंतर्गत पिक शेतीचा (भात पिक) पिक विमा काढलेला होता.

माहे २५ नोव्हेंबर ते ७ डिसेंम्बर २०२३ दरम्यान आमच्य पिकाची धान कापनी झालेली होती त्या वेळेस २५ नोव्हेंबर ते ७ डिसेंम्बर २०२३ दरम्यान अवकाळी पाऊस आल्याने आमच्या पिकाची नुकसान झाले. त्यामुळे आम्ही सर्व शेतकरी रिलांयन्स पिक विमा कंपनीकडे पिकाची नुकसान बद्दल तक्रार दाखल केली त्यानंतर पिक विमा कंपनीचे अधिकारी हे १ महिण्या नंतर पंचनामा करण्यासाठी आले. पंरतु त्यावेळेस त्याठिकाणी त्यांना कुठलीही नुकसान दिसलेली नाही. कारण आमचे धानाचे कापन बांधन आपआपल्या परीने धान सुकवुन जमा करुण झालेले होते. तेव्हा आमच्या शेतक-यांचे धान पिकाची ८०% नुकसान झालेली असुन अंजुन पंर्यंत आम्हाला पिक विमाचे लाभ मिळालेले नाही. तरी सुध्दा रिलायन्स पिक विमा कंपनीने आम्हाला मौजा भेडाळा येथील नुकसान झालेले सर्व शेतक-यांची योग्य चौकशी करुण प्रधानमंत्री पिक विमा योजनेचे लाभ मिळवुन देण्याची जिल्हाधिकाऱ्यांना दिलेल्या निवेदनातून विनंती करण्यात आली आहे

नागरिकांचा लोकशाहीवरील विश्वास प्रेरणादायी

- जिल्हाधिकारी संजय दैने

*महाराष्ट्र स्थापना दिन साजरा*

गडचिरोली दि.१ मे : लोकसभा निवडणूकीत गडचिरोलीचे विक्रमी 72 टक्के मतदान हे जिल्ह्यातील नागरिकांचा लोकशाहीवर दृढ विश्वास दर्शवित असून गडचिरोलीकरांचा प्रतिकूल परिस्थितीतही मतदानाप्रती असलेला दृढ संकल्प देशभरातील नागरिकांना लोकशाहीची भावना जपण्यासाठी प्रेरणा देणारा ठरेल, असे प्रतिपादन जिल्हाधिकारी संजय दैने यांनी केले.

 महाराष्ट्र राज्य स्थापनेचा 64 वा वर्धापन दिन आज जिल्हा पोलिस मुख्यालयाच्या मैदानावर जिल्हाधिकारी यांच्या हस्ते ध्वजारोहण करून साजरा करण्यात आला. यावेळी मार्गदर्शन करतांना श्री दैने बोलत होते. जिल्हा परिषदेच्या मुख्य कार्यकारी अधिकारी आयुषी सिंह, जिल्हा पोलिस अधीक्षक श्री निलोत्पल, सहायक जिल्हाधिकारी राहुल मिना, उपवनसंरक्षक मितेश शर्मा याप्रसंगी उपस्थित होते.

संयुक्त महाराष्ट्राच्या स्थापनेसाठी आपल्या प्राणांची आहुती देणाऱ्या हुतात्म्यांना तसेच जिल्ह्यातील शहिदांच्या पावन स्मृतीस जिल्हाधिकारी यांनी अभिवादन केले. तसेच शहीदांचे कुटूंबिय, स्वातंत्र्यसेनानी, लोकप्रतिनिधी, प्रशासकीय अधिकारी, कर्मचारी, शेतकरी-बांधव, ज्येष्ठ नागरिक, सर्व जिल्हावासी आणि पत्रकार यांना महाराष्ट्र राज्याचा वर्धापन दिन व कामगार दिनाच्या शुभेच्छा दिल्या. 

याप्रसंगी जिल्हाधिकारी व जिल्हा पोलिस अधीक्षक यांच्या हस्ते उत्कृष्ठ कामगिरी बजावलेले आमगावचे तलाठी कोंडीबा चाटे, पोलिस उपनिरीक्षक नथ्याबा बोडरे, पोलिस नायक सर्वश्री रावजी हिचामी, रूषी विडपी, रुपेश म्हशाखेत्री सत्कार करण्यात आला यांचा समावेश होता. सुरवातीला परेड कमांडर धर्मेंद्र मडावी व सेकंड कमांडर सुरेश मडावी यांच्या नेतृत्वात पथसंचलन करण्यात आले. कमांडो सी-60, महिला पोलिस, पोलिस मुख्यालय, गृहरक्षक दल, बँड, डॉग स्कॉड, बिडीडीएम आदि पथकांनी संचलन करून मानवंदना दिली.  

यावेळी अपर पोलिस अधीक्षक (प्रशासन) कुमार चिंता, अपर पोलिस अधीक्षक (अभियान) यतिश देशमुख, निवासी उपजिल्हाधिकारी सुनिल सुर्यवंशी, उपजिल्हा निवडणूक अधिकारी विवेक घोडके, जिल्हा पुरवठा अधिकारी प्रकाश पाटील, जिल्हा सूचना व विज्ञान अधिकारी एस.आर.टेंभुर्णे यांचेसह जिल्हा व पोलिस प्रशासनातील वरिष्ठ अधिकारी, कर्मचारी व नागरिक उपस्थित होते.

स्कुटीला दिली ट्रॅक्टर ने धडक एक ठार,दुसरा गंभीर 

आष्टी:-

स्कुटीला ट्रॉक्टर ने धडक दिल्याने एक मुलगी जागीच ठार झाली तर दुसरा गंभीर झाल्याची घटना आज दि ३० एप्रिल ला सकाळी सात वाजताच्या सुमारास घडली

मृतक मुलीचे नाव सोनाली समरेश मिस्त्री वय 10 वर्षे रा.राममोहनपुर तर गंभीर जखमीचे नाव अमुल्य प्रभात मिस्त्री वय २६ रा.राममोहनपूर असे असून अमुल्य हा आपल्या पुतनीला सोबत घेऊन स्कुटी क्र एम एच ३३ एक जी १३५८ ने आष्टी कडे येत असताना विरुद्ध दिशेने येणाऱ्या ट्रॉक्टर क्र एम एच ३३ व्ही ६१३७ ने जब्बर धडक दिल्याने दुचाकी वरील दोघेही खाली कोसळले तेव्हा सोनाली हिचे डोक्यावरुन ट्रॅक्टर चे चाक गेल्याने तीचा जागीच करुन अंत झाला तर तीचा काका हा गंभीर जखमी झाला आहे.सदर घटना आनंदग्राम ते अडपल्ली चे मुख्य मार्गावर घडली 

अपघात होताच वाहनचालक घटनास्थळावरून पसार झाला तर सदर ट्राक्टर महेश मृणाल साणा सुभाषग्राम यांच्या मालकिची असल्याचे सांगितले जाते आहे 

घटनेची माहिती मिळताच 

आष्टी पोलीसांनी घटनास्थळी धाव घेतली पंचनामा करून मृतदेह उत्तरीय तपासणीसाठी ग्रामीण रुग्णालय आष्टी येथे पाठविण्यात आला

तर गंभीर जखमीला उपचारासाठी नागपूर ला हलविण्यात आले आहे

अधिक तपास उपविभागीय पोलिस अधिकारी अहेरी, पोलीस निरीक्षक विशाल काळे यांच्या मार्गदर्शनाखाली पोहवा चंद्रप्रकाश निमसरकार हे करीत आहेत

सलाम! खाकी वर्दीचा रक्तदानासाठी पुढाकार; महाराष्ट्र दिनी शिबिराचं आयोजन

आष्टी : 'पोलीस' म्हटलं की समाजाच्या संरक्षणासाठी दिवसरात्र राबणारी यंत्रणा, विना परवाना व्यावसायाला निर्बंध घालून सामाजिक शांतता प्रस्थापित करण्यासाठी तत्पर असणारी यंत्रणा अशी सर्वसाधारण ओळख आहे. पण त्यापलीकडे ही आपले कर्तव्य आणि जबाबदारी ओळखून गडचिरोली पोलिस दलाच्या माध्यमातून आष्टी पोलिसांनी पोलिस निरीक्षक विशाल काळे यांच्या नेतृत्वाखाली महाराष्ट्र दिनाचे औचित्य साधून रक्तदान शिबीराचे आयोजन केले आहे.

ग्रामीण भागातील अनेक रुग्णांना आवश्यक वेळी तात्काळ रक्तपुरवठा करताना अनेक अडचणींचा सामना करावा लागतो. याची दखल घेत गडचिरोली जिल्हा पोलिस दलाच्या माध्यमातून दिनांक १ मे रोजी पोलीस स्टेशन आष्टी येथे सकाळी ८ ते दुपारी १२ वाजेपर्यंत रक्तदान शिबिराचे आयोजन करण्यात आले आहे. शिबिराचे उद्घाटन सकाळी ८ वाजता करण्यात येणार आहे. परिसरातील नागरिकांना भविष्यात रुग्णालयात रक्ताची गरज भासल्यास इतरत्र फिरावे लागू नये यासाठी रक्तदान शिबिराचे आयोजन करण्यात आल्याचे पोलिस निरीक्षक विशाल काळे यांनी सांगितले तसेच आष्टी परिसरातील जास्तीत जास्त नागरिकांनी रक्तदान करून रुग्णाचा जीव वाचवावा असे आवाहनही पोलिस निरीक्षक विशाल काळे यांनी केले आहे. अधिक माहितीसाठी आष्टी पोलिसांशी संपर्क साधून रक्तदात्यांनी आपले नाव नोंदणी करून घेण्याचे पोलिस स्टेशन आष्टी कडून आवाहन करण्यात आले आहे

आयपीएल वर ऑनलाईन सट्टा (जुगार) खेळणा­ऱ्यांवर अहेरी पोलिसांची मोठी कारवार्ई

गडचिरोली : पोलीस अधीक्षक गडचिरोली नीलोत्पल सा. यांनी सद्या देशात आयपीएलचा सीजन सुरु असुन आयपीएलवर सुरु असलेल्या अवैध सट्टाबाजीवर आळा घालुन कठोर कारवाई करण्याचे निर्देश संपूर्ण जिल्हयातील पोस्टे/उपपोस्टे व पोमके यांना दिलेले आहेत.

त्या पाश्र्वभुमीवर दि. 27/04/2024 रोजी पोस्टे अहेरी हद्दीतील आय.पी.एल. सट्टा खेळवणारे इसम बाबत खात्रीशीर माहिती मिळाल्याने अपर पोलीस अधीक्षक अहेरी एम. रमेश सा., उपविभागीय पोलीस अधिकारी अहेरी अजय कोकाटे सा., पोलीस निरीक्षक पोस्टे अहेरी. दशरथ वाघमोडे, पोउपनि. जनार्धन काळे, पोउपनि. गवळी व पोलीस स्टॉफ सह विशेष मोहिम राबवुन मौजा अहेरी येथील बालाजी गेस्ट हाऊस येथे छापा मारला असता, बनावटी अॅप nice.7777.fun या प्लॅटफार्मवर ऑनलाईन आय.पी.एल क्रिकेट वर सट्टयाचा खेळ खेळुन इतर लोकांना त्यावर पैसे लावुन नशिब आजमावुन आय.पी.एल सट्टा जुगार खेळ खेळवित असल्याचे दिसुन आले. घटनास्थळावरुन नामे निखील दुर्गेे व आसिफ शेख यांच्या ताब्यातुन चार मोबाईल फोन व भारतीय चलनाचे रोख 9,420/- रु असा मुद्देमाल मिळुन आला. 

 नमुद दोन्ही आरोपींना विश्वासात घेवुन विचारपुस करुन अधिक चौकशीत असे निष्पन्न झाले की,

नामे इरफान ईकबाल शेख रा. अहेरी याचे अप्पर लाईनला संदिप गुडपवार रा. आल्लापल्ली हा सदरचे रॅकेट चालवत असुन सदर बेकायदेशिर ऑनलाईन आय.पी.एल क्रिकेट वर सट्टयाचा जुगार चालविणारे निखील दुर्गेे व आसिफ शेख हे व्यक्ती एजंट वर्गात मोडतात तसेच त्यांचे (बेस लेवल) खालच्या पातळीवर काम कारणारे निखील गुंडावार, प्रणित श्रीरामवार, अक्षय गनमुकलवार, फरमान शेख, फरदिन पठाण हे सुध्दा आय. पी. एल. सट्टयामध्ये एजंट चे काम करतात.

गुन्हयातील आरोपी नामे 1) निखील मल्लया दुर्गेे, 2)आसिफ फकीर मोहम्मद शेख, 3) धंनजय राजरत्नम गोगीवार, 4) निखील गुंडावार, 5) प्रणित श्रीरामवार, 6)अक्षय गनमुकलवार, 7)फरमान शेख, 8)फरदिन पठाण, 9)इरफान ईकबाल शेख सर्व रा. अहेरी, 10) संदिप गुडपवार रा. आल्लापल्ली यांचे विरुध्द पोलिस स्टेशन अहेरी येथे महाराष्ट्र जुगार बंदी कायदा कलम 4 व 5 कायदयान्वये गुन्हा नोंंद करण्यात आला आहे.

सदरची कार्यवाही मा. पोलीस अधीक्षक नीलोत्पल अपर पोलीस अधीक्षक (प्रशासन). कुमार चिंता सा., अपर पोलीस अधीक्षक (अभियान) यतिश देशमुख., अपर पोलीस अधीक्षक अहेरी एम. रमेश सा यांच्या मार्गदर्शनाखाली उपविभागीय पोलीस अधिकारी अहेरी श्री. अजय कोकाटे सा.यांच्या नेतृत्वात, पोलीस निरीक्षक पोस्टे अहेरी. दशरथ वाघमोडे, पोउपनि जनार्धन काळे, पोउपनि गवळी, पोहवा/काबंळे, पोहवा/संजय बोलीवार,पोहवा/पठाण, पोहवा/मडावी, पोहवा/शेन्डे, पोअं/केंद्रे, पोअं/देवेंंद्र दुर्गेे, पोअं/सुरज करपे, पोअं/दहिफळे व चापोना भंडे यांनी पार पाडली. यावेळी संपूर्ण जिल्हयातील नागरिकांनी अशा प्रकारच्या अवैध सट्टेबाजी पासुन दुर राहुन जर कोणी असे अवैध व्यवसाय चालवित असतील त्यांची माहिती पोलीस विभागाला देण्याचे आवाहन मा. पोलीस अधीक्षक गडचिरोली यांनी केले आहे.

                         ------------।।।--------------

अंगाला हळद लागण्यापूर्वीच नववधूने घेतला जगाचा निरोप

बल्लारपूर : जो आवडत होता त्याच्याशी तिचे लग्न जुळले. भावी आयुष्याचे स्वप्न ती रंगवत होती. एक दिवसा नंतर तिचा विवाह सोहळा पार पडणार होता. मात्र नियतीला काही वेगळेच मान्य होते. २८ एप्रिल रविवारला तिची हळद होती परंतु निर्दयी काळाने तिच्या बापावर तिचे सरण रचण्याची वेळ आणली निशब्द होवून वडील व भावी पती तिच्या शवाकडे एकटक पाहतच होते. हे पाहून गावकऱ्यांचे सुद्धा डोळे पाणावले. ही दुर्दैवी घटना बल्लारपूर तालुक्यातील विसापूर येथे घडली. तिच्या उपचाराच्या खर्चासाठी गावकऱ्यांनी आर्थिक मदत सुद्धा केली होती. परंतु त्याचा काहीच उपयोग झाला नाही. तिचा उपचारादरम्यान नागपूर येथील एम्स रुग्णालयात २७ एप्रिल शनिवारला सायंकाळी ८ वाजता मृत्यू झाला. या घटनेने परिसरात सर्वत्र हळहळ व्यक्त होत आहे. वैशाली महादेव गेडाम (२४) असे मृत पावलेल्या भावीवधूचे नाव आहे. वैशालीचा विवाह तिला आवडत असलेल्या गावातीलच जय टेकाम या युवकासोबत २९ एप्रिल २०२४ ला विसापूर येथे होणार होता. आठ दिवसापूर्वी तिचे पोट खूप दुखत होते अचानक जास्त अस्वस्थता वाटत असल्याने तिला चंद्रपूर शासकीय वैद्यकीय महाविद्यालयात नेण्यात आले.

चार दिवस तिच्यावर उपचार झाल्यावरही प्रकृतीत पाहिजे तशी सुधारणा झाली नसल्याने डॉक्टरांनी तिला कावीळ सदृश आजार खूप मोठ्या प्रमाणात वाढल्याने तिला नागपूर येथील एम्स रुग्णालयात हलविण्याचां सल्ला दिला. तिथे तिच्यावर चार दिवस उपचार चालला होता. परंतु प्रकृती आणखीनच खालवत होती २७ एप्रिल शनिवारला सायंकाळी तिची प्रकृती खूपच गंभीर झाली ही बाब गावकऱ्यांना माहीत झाल्यावर तिच्या उपचारासाठी सर्वांनी यथाशक्तीने आर्थिक मदत केली. परंतु त्याचा मदतीचा काहीच उपयोग झाला नाही. अखेर शनिवारी सायंकाळी ८ वाजता उपचाराला दाद देणे तिने बंद केले. आणि तिची प्राणज्योत मावळली.  

शर्तीचे प्रयत्न करून सुद्धा आपण तिला वाचवू शकलो नाही या विवंचनेत तिचा वडील व भावी पती निशब्द होवून तिच्या कडे एकटक पाहत होते. ज्या दिवशी तिची हळद होती त्या दिवशी तिचे सरण रचण्याची वेळ त्यांच्यावर आल्याचे पाहून परिसरातील नागरिकांचे डोळे सुद्धा पाणावले.

रोजगार हमीची थकीत मजूरी मजूरांच्या खात्यावर जमा : शेतकरी कामगार पक्षाच्या पाठपुराव्याला यश 

गडचिरोली : राष्ट्रीय ग्रामीण रोजगार हमी योजनेअंतर्गत गडचिरोली जिल्ह्यात विविध कामे हातात घेण्यात आली असून मागील चार महिन्यांपासून या कामावरील मजूरांना मजूरी मिळाली नसल्याने होळीसारखा महत्वाचा सण अंधारात गेला आहे. त्यामुळे आपण वरिष्ठ स्तरावर पाठपुरावा करून रोजगार हमी योजनेच्या मजूरांची मजूरी तातडीने मिळवून द्यावी, अशी मागणी शेतकरी कामगार पक्षाने जिल्हाधिकाऱ्यांकडे केली होती. या पाठपुराव्यामुळे जिल्हाभरातील रोजगार हमीच्या कामावरील मजूरांची थकीत असलेली ३० कोटींहून अधिकची मजूरी रक्कम मजूरांच्या खात्यावर जमा करण्यात आली आहे.

शेतकरी कामगार पक्षाच्या वतीने जिल्हा चिटणीस भाई रामदास जराते यांनी जिल्हाधिकाऱ्यांना १२ एप्रिल रोजी लिहिलेल्या पत्रात म्हटले होते की, सध्या लग्नसराई चे दिवस सुरू झालेले आहेत. मात्र रोजगार हमीच्या कामावर राबून चार महिने झाल्यानंतरही मजूरीचा रुपयाही मजूरांच्या खात्यावर जमा झाले नाहीत. लोकसभा निवडणुकीच्या धामधुमीत रोजगार हमीच्या मजूरांकडे दुर्लक्ष होणे दुर्दैवी आहे. त्यामुळे आपण प्राधान्याने याकडे लक्ष द्यावे. व दर आठवड्याला मजूरी देणे बंधनकारक असतांनाही चार महिण्यांचा विलंब झाल्याच्या कारणास्तव अतिरिक्त रक्कमेसह तातडीने जिल्ह्यातील सर्व मजूरांची थकीत मजूरी वाटप करावी. याबाबत प्रशासनाने दखल घेत १४ एप्रिल पर्यंतची संपूर्ण मजूरी मजूरांच्या खात्यावर जमा करणे सुरू केले आहे.

थकीत मजूरी मिळाल्याने जिल्हाभरातील रोजगार हमी योजनेच्या मजूरांनी शेतकरी कामगार पक्ष आणि जिल्हाधिकारी संजय दैने यांचे आभार मानले आहेत.

'त्या' रानटी हत्तीचा बंदोबस्त करा; अन्यथा आंदोलन करु

स्वराज्य फाऊंडेशनचा वनविभागाला इशारा 

गडचिरोली : जिल्ह्याच्या दक्षिण भागातील सिरोंचा, आलापल्ली नंतर आता भामरागड वनविभागात रानटी हत्तीने एन्ट्री केला असून धुमाकूळ माजवला आहे. त्यामुळे परिसरात रानटी हत्तीची दहशत निर्माण झाली आहे.पुन्हा कोणतीही अनुचित घटना घडण्याच्या पूर्वी वनविभागाने रानटी हत्तीचा बंदोबस्त करावा अशी मागणी स्वराज फाऊंडेशन जिल्हा गडचिरोली पदाधिकाऱ्यांनी केली आहे. रानटी हत्तीचा बंदोबस्त न झाल्यास वनविभाग कार्यलयासमोर आंदोलन करु असा इशाराही दिला आहे.

23 एप्रिल ला रात्रोच्या सुमारास रानटी हत्तीने चिरेपल्ली (कोत्तागुडम) येथील परशुराम सोयाम यांच्या घराचे नुकसान करत ताडगूडा गावात धुमाकूळ घातला होता. त्यानंतर पेरमिली वनपरिक्षेत्रातील आरेंदा मार्गे कोरेली गावात रात्रीच्या सुमारास त्या रानटी हत्तीने शेतातील घराचे नुकसान केले. 25 एप्रिल रोजी भामरागड तालुक्यातील कियर गावात एका एसमाचा रानटी हत्तीने पायाने तुडवून ठार केले आणि हिदुर येथील तीन महिलांना गंभीर जखमी केले आहे त्यातील एका जखमी महिलेचा मृत्यू झाला आहे गावालगतच्या जंगलात त्या रानटी हत्तीचा मुक्तसंचार सुरु असून याही परिसरात भीतीचे वातावरण निर्माण झाले आहे.

 गावाच्या अगदी नजीक रानटी हत्ती आला असल्याने नागरिक भयभीत झाले असून पुन्हा कोणतीही अनुचित घटना घडण्यापूर्वी वनविभागाने दखल घेत रानटी हत्तीचा बंदोबस्त करावा अशी मागणी स्वराज फाऊंडेशन जिल्हा गडचिरोली पदाधिकाऱ्यांनी केली असून तसे न झाल्यास वनविभाग कार्यलयासमोर तीव्र आंदोलन करु असा इशाराही दिला आहे.

नुकसानग्रस्त शेतकऱ्याला भाग्यश्री ताई आत्राम यांची आर्थिक मदत

कोरेली येथे रानटी हत्तीने घराचे केले नुकसान

अहेरी:तेलंगाणा राज्यात दोन बळी घेऊन परत आलेल्या रानटी हत्तीने अहेरी तालुक्यातील कोरेली येथील दस्सा कोहला मडावी या शेतकऱ्याच्या घराचा नुकसान केल्याने माजी जि प अध्यक्ष भाग्यश्री ताई आत्राम यांनी अतिदुर्गम कोरेली गाठत त्यांना आर्थिक मदत केले. 

६ एप्रिल रोजी तेलंगणा राज्यातून प्राणहिता नदी ओलांडून भामरागड तालुक्यात गेलेल्या रानटी हत्तीने रेपणपल्ली वनपरिक्षेत्रात तब्बल १८ दिवस मुक्काम ठोकून बाहेर पडताच अहेरी तालुक्यातील चिरेपल्ली, कोत्तागुडम, ताडगूडा,कोरेली आदी गावात पिकांसह घरांचेही नुकसान केले.त्यानंतर सदर रानटी हत्ती भामरागड तालुक्यात दाखल झाले.या दरम्यान त्या रानटी हत्तीने या भागातील नागरिकांचा अतोनात नुकसान केले.

रानटी हत्तीने २४ एप्रिल रोजी रात्रीच्या सुमारास आरेंदा जंगलातून पेरमेली गावातील तलावाजवळून कोरेली जंगलात प्रवेश केला. येथील शेतातील घरावर हत्तीने हल्ला करून पाडले. त्या घरात ७५ वर्षाची आजारी म्हातारी झोपून होती. सुरुवातीला हत्तीने म्हातारी झोपून असलेल्या घरावर हल्ला केला व त्यानंतर बाहेर झोपलेल्या व्यक्तीवर हल्ला करण्याचा प्रयत्न केला. परंतु त्यांनी वेळीच गावाकडे धाव घेतल्याने ते सुदैवाने बचावले. दरम्यान कवेलूचे छत मातारीचा अंगावर कोसळले. ती म्हातारी रात्रभर तिथेच बसून होती. काही वेळाने गावातील नागरिकांनी धाव घेऊन म्हातारीला बाहेर काढले.मात्र तेंव्हापर्यंत रानटी हत्तीने घराचे छत,कवेलू, साहित्य, भांडी, मोहा, धानाची नासधूस केली.

याची माहिती मिळताच माजी जि प अध्यक्ष भाग्यश्री ताई आत्राम यांनी कोरली गाव गाठून नुकसानग्रस्त शेतकऱ्याशी आस्थेने संवाद साधून परिस्थितीचा आढावा घेतला व तात्पुरत्या स्वरूपात आर्थिक मदत करत शासनाकडून नुकसान भरपाई मिळवून देण्याची ग्वाही दिली.यावेळी राष्ट्रवादी काँग्रेसचे पदाधिकारी व स्थानिक पातळीवरील कार्यकर्ते मोठ्या संख्येने उपस्थित होते.

रानटी हत्तीचा हल्ल्यात मूत्यू झालेल्या तेलामी परिवाराला काँग्रेस नेते कंकडालवार यांच्याकडून आर्थिक मदत

भामरागड : जिल्ह्यात रानटी हत्तींचा उपद्रव पुन्हा सुरु झाला आहे. तेलंगणात दोन शेतकऱ्यांचे बळी घेऊन परतलेल्या रानटी हत्तीने काल दुपारी चार वाजता भामरागडच्या कियर जंगलात गोंगलू रामा तेलामी (४६) या शेतकऱ्याला पायाखाली चिरडले. यामुळे असहाय्य झालेल्या तेलामी कुटुंबाला जि.प.चे माजी अध्यक्ष तथा काँग्रेस नेते अजय कंकडालवार यांनी आर्थिक मदत दिली.

दोन आठवड्यांपूर्वी प्राणहिता नदी ओलांडून रानटी हत्तीने तेलंगणात प्रवेश केला होता. सीमावर्ती भागात धुडगूस घालत या हत्तीने दोन शेतकऱ्यांचा बळी घेतला होता. त्यानंतर तो पुन्हा गडचिरोली जिल्ह्याच्या हद्दीत परतला. या हत्तीने बल्लाळम येथील घनदाट जंगलात ठाण मांडल्यानंतर २४ एप्रिल रोजी रात्रीपासून आपला मोर्चा कियर जंगलाकडे वळवला.

या जंगलाला चिकटून गोंगलू तेलामी या शेतकऱ्याची जमीन आहे. २५ मे रोजी ते शेतात काम करत असताना रानटी हत्तीने त्यांना सोंडेने उचलून जमिनीवर आपटले. त्यानंतर पायाखाली चिरडले. रानटी हत्तीच्या हल्ल्यात मूत्यू झालेल्या तेलामी यांच्या कुटुंबियांना काँग्रेसचे अहेरी विधानसभा क्षेत्राचे निरीक्षक व माजी जि.प.अध्यक्ष तथा अहेरी बाजार समितीचे सभापती अजय कंकडालवार यांच्याकडून आर्थिक मदत करण्यात आली.

यावेळी सुधाकर तिम्मा, सुखराम मडावी, दल्लू कुडयेटी, सोवा बोगामी यांच्यासह स्थानिक पदाधिकारी, कार्यकर्ते तसेच गावातील नागरिक उपस्थित होते.

अवैध वाळूची वाहतूक करताना टीप्पर व ट्रॅक्टर जप्त

बल्लारपूर : अवैध वाळूची ची वाहतूक करणारे टिप्पर व ट्रॅक्टर जप्त केले. असून तहसील कार्यालय परिसरात जमा केले आहे. टिप्पर मध्ये अवैध वाळूची वाहतूक होत असल्याची माहिती मंडळ निरीक्षकांना मिळताच, त्यांनी बामणी फाट्यावर टिप्परची तपासणी केली.

     यावेळी टिप्पर चालकाकडे वाळूची वाहतूक परवाना आढळून आला नाही. तसेच नांदगाव पोडे येथील ट्रॅक्टरमधून वाळूची अवैध वाहतूक करीत असताना त्याची चौकशी करून तसेच दोन्ही वाहने जप्त करून तहसील कार्यालय परिसरात जमा करण्यात आली आहेत. जप्त करण्यात आलेला टिप्पर क्रमांक एमएच ३४ बीजी ६२४७ असून ते राजुरा येथील एम. चौधरी यांच्या मालकीचा आहे.टिप्परमध्ये पाच ब्रास रेती आढळून आली. तर ट्रॅक्टर नांदगाव पोडे येथील श्रीकांत देऊळकर यांच्या मालकीचा आहे. दोन्ही वाहनांवर बल्लारपूर तालुका मंडळ निरीक्षक प्रकाश सुर्वे यांनी कारवाई केली आहे. या कारवाईमुळे अवैध रेती उत्खनन करून वाहतूक करणाऱ्यांत प्रचंड दहशत पसरली आहे.