News mh33 live

26-01-2024

चालक बसलेल्या सिट खालून साप बाहेर निघाला, ट्रॅक्टर पलटी होऊन एकाचा जागीच मृत्यू झाला

किल्लेधारूर : ऊस वाहतूक करणार्‍या ट्रॅक्टर चालक बसलेल्या सिटाखाली साप निघाल्यामुळे चालकाचा ताबा सुटून ट्रॅक्टर पलटी झाले . झालेल्या अपघातात चालकाचा जागीच मृत्यू झाल्याची घटना गुरुवारी (दि.२५) सायंकाळी साडेपाच वाजण्याच्या सुमारास धारूर शहरापासून हाकेच्या अंतरावर केज रोडवर घडली. बळीराम रघुनाथ नाईकवाडे वय २७ वर्षे रा.घागरवाडा असे मयत चालकाचे नाव आहे .

तालुक्यातील घागरवाडा येथील बळीराम नाईकवाडे हे स्वतःचा ऊस एम एच . १९ ए आर या ट्रॅक्टरच्या माध्यमातून येडेश्वरी कारखान्यास नेहण्यात येत होता . सायंकाळी साडेपाच वाजण्याच्या सुमारास राष्ट्रीय महामार्गावर धारूर शहरापासून हाकेच्या अंतरावर हजारी पेट्रोल पंपाजवळ चालक बसलेल्या सिट खालून साप बाहेर निघाला . साप दिसतात चालक गोंधळून गेल्यामुळे त्याचा स्टेरिंगवरील ताबा सुटला . यावेळी उसासह ट्रॅक्टर पलटी झाला . चालकाच्या अंगावर ट्रॅक्टर हेड पडले . यात डोक्याला गंभीर मार लागला होता . या अपघातात चालक बळीराम नाईकवाडे यांचा जागीच मृत्यू झाला . यावेळी साप मात्र त्या ठिकाणी होता . घटनास्थळी जमलेल्या नागरिकांना साप दिसल्यानंतर त्यास मारण्यात आले . अपघातामुळे ऊस रस्त्यावर पडला होता . पोलिसांनी पंचनामा करून वाहतुकीला अडथळा येत असल्यामुळे ट्रॅक्टर रस्त्याच्या बाजूला करण्यात आला . चालकाची नंतर उत्तरीय तपासणीसाठी शव ग्रामीण रुग्णालयात पाठण्यात आले.