News mh33 live

22-04-2024

पोलीस उपनिरीक्षक म्हणून नुकतीच निवड झालेल्या सुरज कोडापे यांचा आमदार होळी यांच्याकडून सत्कार

पोलीस उपनिरीक्षक म्हणून नुकतीच निवड झालेल्या गडचिरोली विधानसभा क्षेत्रात येत असलेल्या चामोर्शी तालुक्यातील मुधोली चक नं. 2 या गावच्या तरुणाने एमपीएससी मधून पोलीस उपनिरीक्षक पद मिळवत जिल्ह्याचा शिरपेचात मानाचा तुरा रोवला. प्रामुख्याने सुरज कोडापे यांची अनु. जमाती प्रवर्गातून राज्यात द्वितीय क्रमांक मिळवत पोलीस उपनिरीक्षक पदाला गवसणी घातली.याचे औचित्य साधून गडचिरोली विधानसभा क्षेत्राचे आमदार डॉ. देवराव होळी यांनी सुरज कोडापे यांच्या घरी जाऊन त्यांचे सत्कार केले.

काही दिवसांपूर्वी एमपीएससीने पोलीस उपनिरीक्षक २०२१ पदाचा निकाल जाहीर केला होता.सुरज कोडापे यांची ह्यामध्ये निवड झाली होती.विशेष म्हणजे सुरज सामाजिक चळवळीत काम करत असल्यामुळे जिल्ह्यात ह्याविषयी कौतुकाचे वातावरण तयार झाले होते.

सुरज यांच्या गावातील घरी जाऊन डॉ.होळी यांनी त्यांचे कौतुक करत शाल,श्रीफळ,पुष्पगुच्छ व फुलहार गळ्यात टाकत त्यांचा आणि त्यांच्या परिवाराचा सत्कार केला व पुढील प्रशासकीय सेवेच्या काळासाठी शुभेच्छा दिल्यात.ह्यावेळी त्यांच्या दोन्ही मोठ्या बहिणी प्रियांका देवतळे,कल्याणी दुर्गे उपस्थित होत्या.

ह्यावेळी प्रामुख्याने भाजपाचे जिल्हा सचिव दिलीप चलाख, रोशन कुमरे, युवा मोर्चा उपाध्यक्ष प्रतीक राठी,सोनू कुमरे,सौरव गौरकर, कृष्णा नैताम, संतोष चीचघरे इत्यादी उपस्थित होते.