News mh33 live

01-02-2024

हैदराबाद मध्ये चमकले उप्परवाही शाळेचे विद्यार्थी

हैदराबाद मध्ये चमकले उप्परवाही शाळेचे विद्यार्थी.

(कराटे स्पर्धेत घवघवीत यश,अंबुजा फाउंडेशनचे सहकार्य.!)

गडचांदूर:-

अंबुजा सिमेंट फाउंडेशन विद्यार्थ्यांसाठी विविध नावीन्यपूर्ण उपक्रम राबवित असताना नुकतेच 'हैद्राबाद' येथे पार पडलेल्या कराटे स्पर्धेत 'अंबुजा सिमेंट फाउंडेशन' यांच्या सहकार्याने 'जी.प.उच्च प्राथ.शाळा उप्परवाही' येथील विद्यार्थ्यांनी घवघवीत यश संपादन केले आहे.

मागील 3 महिन्यापासून उप्परवाही येथील विद्यार्थ्यांना अंबुजा सिमेंट फाउंडेशनच्या वतीने 'प्रशिक्षक प्रवीण मंगरूळकर' यांच्या माध्यमातून 'मोफत कराटे मार्गदर्शन' देण्यात आले.दरम्यान विद्यार्थ्यांना प्रमाणपत्र,बेल्ट व ड्रेस देत त्यांना प्रोत्साहन देण्यात आले.हैद्राबाद येथे नुकतेच दुसऱ्या आंतरराष्ट्रीय कराटे स्पर्धेचे आयोजन 'वर्ल्ड नाकायामा शुटोकॉन' या संस्थेमार्फत करण्यात आले होते.सदर स्पर्धेत 15 राज्याचे एकूण 1200 विद्यार्थ्यांनी सहभाग घेतला होता.त्यामध्ये उप्परवाहीतील 14 विद्यार्थ्यांनी सहभाग घेत,एक विद्यार्थी सुवर्ण पदक,5 रौप्य पदक,तर 7 विद्यार्थ्यांनी कांस्यपदक जिंकून यश प्राप्त केले आहे.

विद्यार्थ्यांनी आपल्या यशाचे श्रेय पालक, अंबुजा सिमेंट फाउंडेशन विभागीय व्यवस्थापक श्रीकांत कुंभारे,कार्यक्रम समन्वयक सरोज अंबागडे,शा.व्य.समिती अध्यक्ष अशोक तलांडे,मुख्याध्यापक विनोद बेले,क्रीडा शिक्षक उमेश आडे,गिरिधर पानघाटे,कराटे प्रशिक्षक प्रवीण मंगरूळकर, चैताली कन्नाके,अनिकेत दुर्गे यांना दिले आहे.