एकाच छताखालील विविध शासकीय योजनांचा लाभ घ्या,माजी जि.प.अध्यक्ष भाग्यश्री आत्राम यांचे आवाहन

एकाच छताखालील विविध शासकीय योजनांचा लाभ घ्या,माजी जि.प.अध्यक्ष भाग्यश्री आत्राम यांचे आवाहन

मलमपोडुर येथे महिला सशक्तीकरण अभियान

भामरागड: केंद्र व राज्य सरकारकडून शासन आपल्या दारी,विकसित भारत संकल्प तसेच महिला सशक्तीकरण अभियानातून नागरिकांना विविध लोककल्याणकारी याजनांचा लाभ देण्याचा काम केले जात आहे.महिला सशक्तीकरण अभियानात खास करून प्रत्येक वयोगटातील महिलांना एकाच छताखाली सर्व योजनांचा लाभ मिळेल अशी व्यवस्था करण्यात आली असून एकाच छताखालील विविध शासकीय योजनांचा लाभ घ्या, असे आवाहन माजी जि.प.अध्यक्ष भाग्यश्री आत्राम यांनी केले.

भामरागड तालुक्यातील मलमपोडूर येथे महिला सशक्तीकरण अभियानाच्या उदघाटन प्रसंगी बोलत होत्या.यावेळी कार्यक्रमाचे अध्यक्ष म्हणून येथील तहसीलदार प्रकाश पुप्पलवार विशेष अतिथी म्हणून अपर जिल्हाधिकारी विजय भाकरे,जिल्हा कृषी अधिकारी अधीक्षक बस्वराज मास्तोडी,प्रमुख पाहुणे म्हणून संवर्ग विकास अधिकारी स्वप्नील मगदूम,गटशिक्षणाधिकारी वडलाकोंडा,मलमपोडूर चे सरपंच रोशन वड्डे,सामाजिक कार्यकर्त्या पुष्पा अलोणे,राष्ट्रवादी काँग्रेसचे भामरागड तालुका अध्यक्ष रमेश मारगोनवार, आदिवासी सेवक सब्बर बेग मोगल,काँग्रेसचे तालुका अध्यक्ष श्रीकांत बोगामी, ग्राम पंचायत सदस्य नीला तिम्मा, अरुणा वेलादी,सुधाकर तिम्मा,रतन दुर्गे आदी मान्यवर उपस्थित होते.

पुढे बोलताना भाग्यश्री ताई आत्राम यांनी खेड्यापाड्यात अजूनही बरेच जणांचे आधार अपडेट झालेले नाहीत.त्यामुळे शासकीय योजनांचा लाभ घेताना अनेक अडचणींना सामोरे जावे लागत आहे.त्यामुळे तालुक्यात आधार केंद्र वाढवून नागरिकांच्या आधार कार्ड बाबत असलेल्या अडचणी दूर करावा असेही त्यांनी प्रशासनाला आवाहन केले.

विशेष अतिथी म्हणून बोलताना विजय भाकरे यांनी महिलांना साध्या आणि सोप्या भाषेत विविध शासकीय योजनांची माहिती दिली आणि दुर्गम भागात त्यांना येणाऱ्या अडचणी जाणून घेतल्या.एवढेच नव्हेतर शासनातर्फे राबविण्यात येणाऱ्या प्रत्येक योजना ह्या आपल्यासाठीच असून त्या सर्व योजना आपल्या हक्काचे आहेत.त्यामुळे प्रत्येक स्टाल वरून योग्य माहिती घेऊन 'यात आमच्यासाठी काय ?' असा सवाल लाभार्थ्यांनी केले पाहिजे.तेंव्हाच विविध योजनांची माहिती आपल्याला मिळेल आणि त्याचा लाभ घेता येणार.असे त्यांनी आवाहन केले.

मलमपोडुर येथील अभियानात विविध विभागाच्या माध्यमातून स्टॉल लावण्यात आले होते. लोककल्याणकारी योजनांचा लाभ घेण्यासाठी लाहेरी, ईरपणार, हिंदेवाडा, बंगाडी, पुंगासुर, कुकामेटा, लष्कर, होडरी, मुरंगल, भुसेवाडा,पेरमलभट्टी, गोपणार, धीरंगी, हालदंडी आदी गावातून मोठ्या प्रमाणात महिला उपस्थित होत्या.कार्यक्रमाचे प्रास्ताविक तहसीलदार प्रकाश पुप्पलवार यांनी केले तर कार्यक्रमाचे सूत्रसंचालन तलाठी महेंद्र वटी यांनी केले. कार्यक्रमाच्या यशस्वीतेसाठी महसूल विभागाचे मंडळ अधिकारी, तलाठी, कोतवाल आणि स्थानिक ग्रामस्थांनी परिश्रम घेतले.