News mh33 live

22-12-2023

मंजूर असलेले एटापल्ली ते चोखेवाडा रोड त्वरित पूर्ण करा, व्यापारी संघटनेचे उपविभागीय अधिकाऱ्यांना निवेदन

एटापल्ली : तालुक्यातील एटापल्ली ते चोखेवाडा रोड मागील ५ ते ६ वर्षापासून मंजूर असून आजपर्यंत सदर बांधकाम पूर्ण झालेले नाही काम अपूर्ण आहे. एटापल्ली येथिल मुख्य मार्गावर प्रतिदिवस शेकडो गाड्या चालतात त्यामुळे मुख्य मार्गावर अनेक खड्डे पडलेले असून गाड्यांच्या वाहतुकीमुळे सदर रोडवरील धूळीमुळे नागरिकांना अनेक प्रकारचे रोग होत आहेत.

तसेच मुख्य मार्गावर प्रतिदिवस शेकडो गाड्या चालत असल्याने वारंवार अपघात सुद्धा होत आहेत. या बाबत व्यापारी संघटनेकडून दिनांक ३०/११/२०२३ रोजी बाजारपेठ बंद करून शासनाला तीव्र आंदोलन करण्याचा इशारा दिला असून यावर कोणतीही दखल घेण्यात आलेलेली नाही.

करिता सदर मंजूर असलेले एटापल्ली ते चोखेवाडा रोड ७ दिवसात सुरु करण्यात यावे. अन्यथा व्यापारी संघटनेकडून व एटापल्लीतील नागरिकांकडून तीव्र आंदोलन व सार्वजनिक बांधकाम विभाग कार्यालय एटापल्ली ला ताला ठोको आंदोलन करण्यात येईल असा इशारा उपविभागीय अधिकाऱ्यांना निवेदनातून देण्यात आला निवेदन देताना एटापल्ली तालुक्याचे व्यापारी संघटनेचे तालुकाध्यक्ष महेश फुल्लुरवर सचिव संदीप सेलवटकर सदस्य दिलीप उपरेड्डीवार महेश कंकणालवार शरीफ शेख यावेळी उपस्थित होते