News mh33 live

01-04-2024

दुचाकी चोरणाऱ्या तीन युवकांना अटक

बल्लारपूर : येथील गांधी कॉम्प्लेक्स येथून मोपेड दुचाकी चोरणाऱ्या तीन युवकांना बल्लारपूर पोलीस स्टेशन गुन्हे शाखेने अटक केले.

येथील जूना बस स्टँड गांधी कॉम्प्लेक्स येथे २७ मार्च रोजी विशाल दिलीप पिसुडे रा. शिवाजी वार्ड बल्लारपूर यांनी आपली मोपेड वाहन क्र. एमएच ३४ एयु ७९४४ ठेवून कॉम्प्लेक्स मध्ये गेले होते. काही वेळा नंतर ते येऊन बघितल्यास त्यांना आपले गाडी दिसले नाही. त्यांनी शोधाशोध केले. पण त्यांना गाडी मिळाली नाही. त्यांनी दुसऱ्या दिवसी बल्लारपूर पोलीस स्टेशन येथे फिर्याद दिले. त्यावरून डी. बी. चे पोहवा सत्यवान कोटनाके, पोहवा रणविजय ठाकूर, पोशि श्रीनिवास वाभीटकर यांना माहिती मिळाली की तीन युवक कारवा रोड कडे मोपेड गाडी घेऊन फिरत आहे.

त्यावरून त्यांना विचारपूस केले असता ती चोरीची वाहन होते. गुलशन मनमित सिंग दलवेद (१९) शिव नगर बल्लारपूर, प्रेम राजेंद्र ढवस (१९) दादाभाई नौरोजी वार्ड बल्लारपूर, आतिफ मुमताज अली (१९) दादाभाई नौरोजी वार्ड बल्लारपूर यांना अटक केले. सदर आरोपी वर रामनगर चंद्रपूर तसेच सिटी पोलीस स्टेशन चंद्रपूर येथे वाहन चोरीचे गुन्हे दाखल होते. ते नुकतेच २० मार्च रोजी सुटून आले होते.

पुढील तपास पोलीस निरीक्षक आसिफराजा शेख यांच्या मार्गदर्शनाखाली पोहवा सत्यवान कोटनाके करीत आहे.