आष्टी येथे भव्य रात्रकालीन कबड्डी स्पर्धेचे मंत्री धर्मरावबाबा आत्राम यांचे हस्ते उद्घाटन संपन्न

आष्टी येथे भव्य रात्रकालीन कबड्डी स्पर्धेचे मंत्री धर्मरावबाबा आत्राम यांचे हस्ते उद्घाटन संपन्न

मंत्री धर्मरावबाबा आत्राम यांचे आष्टीत आगमन होताच मोठ्या थाटात करण्यात आले स्वागत 

चामोर्शी: तालुक्यातील आष्टी येथे राष्ट्रसंत तुकडोजी महाराज कबड्डी मंडळ आष्टी यांच्या वतीने कबड्डीप्रेमिंसाठी भगतसिंग वार्डातील भव्य पटांगणात ग्रामीण रात्रकालीन खुल्ले कबड्डी स्पर्धेचे आयोजन करण्यात आलं आहे.

या कबड्डी स्पर्धेचा उद्घाटन अन्न व औषध प्रशासन मंत्री धर्मरावबाबा आत्राम यांच्या हस्ते आज दिनांक २१ डिसेंबर रोजी पार पडला. कार्यक्रमाचे सह उद्धघाटक म्हणून युवक राष्ट्रवादी काँग्रेसचे जिल्हासरचिटणीस प्रणय बुर्ले उपस्थित होते तर प्रमुख अतिथी म्हणून राष्ट्रवादी काँग्रेसचे प्रदेश उपाध्यक्ष ऋतुराज हलगेकर,तसेच राष्ट्रवादी महिला काँग्रेसच्या उपाध्यक्षा पुष्पा बुर्ले, सामाजिक कार्यकर्ते संतोष सोयाम, जिल्हा संघटन सचिव डॉ हेमंत भाकरे,सागर जांपलवार, पुरुषोत्तम खेडेकर,बंडू मेश्राम व अन्य मान्यवर या प्रसंगी उपस्थित होते या कार्यक्रमाच्या उद्घाटनप्रसंगी मंत्री धर्मरावबाबा आत्राम म्हणाले की, कबड्डी स्पर्धेच्या माध्यमातून ग्रामीण भागातील असलेला हा खेळ, या खेळाला पुढे घेऊन जाण्याची गरज आहे. ही परंपरा कायमस्वरूपी पुढे चालू ठेवावी. आष्टी मधे कबड्डी स्पर्धा भरवल्याने मनापासून आनंद झाला आहे. तरुणांची खेळाप्रती रुची वाढवणे आणि त्यांना अधिक प्रतिभावान बनवणे हा अश्या स्पर्धांचा मुख्य उद्देश असला पाहिजेत. अशी आशा त्यांनी यावेळी व्यक्त केली.

या स्पर्धेमध्ये हजारोंची बक्षिसे ठेवण्यात आली आहेत.हि स्पर्धा दिनांक २१डिसेंबर ते २३ डिसेंबर पर्यंत होणार आहे. या रात्रकालीन कबड्डी स्पर्धेतील विजेत्या संघास बक्षीस दिली जाणार आहे यावेळी मंत्री धर्मरावबाबा आत्राम यांचे आष्टीत आगमन होताच आष्टी परिसरातील कार्यकर्ते व पदाधिकारीऱ्यांनी पुष्पगुच्छ देऊन स्वागत केले