News mh33 live

17-02-2024

बिबट्याचा बंदोबस्त करा वनपरिक्षेत्र अधिकारी यांना वंचित बहुजन युवा आघाडी ची मागणी

बल्लारपूर : पेपर मिल न्यू कॉलनी परिसरात वावरणाऱ्या बिबट्याचा बंदोबस्त करण्याची मागणी वंचित बहुजन युवा आघाडी ने केले आहे.

बल्लारपूर पेपर मिलच्या स्लज गार्डन परिसरात तसेच पेपर मिल बांबू डेपो व चंद्रपूर ते बल्लारशा मुख्य मार्गावर बिबट्या वावरत आहे. त्यामुळे तिथून येणारे पेपर मिल कर्मचारी तसेच शाळेकरी मुले व चंद्रपूरला कामाकरिता जाणा येणारे व्यक्तींना भीतीचे वातावरण निर्माण झाले असून त्यामुळे कधी कोणत्या वेळेला व्यक्तीवर हल्ला करण्याची शक्यता होऊ शकते. वन विभागाने या वन प्राण्यांचे लवकरात लवकर पिंजरा लावून जेरबंद कण्याची मागणी केली आहे.जर कोणत्याही सामान्य व्यक्तीचा जीवितहानी झाल्यास त्याचे जिम्मेदार वनविभाग राहणार व काही जीवितहानी झाल्यास वन विभाग जबाबदार राहणार, असे निवेदनात म्हटले आहे. तसेच नरेश भोवरे वनपरिक्षेत्र अधिकारी बल्लारपूर यांना संविधान ची प्रत देण्यात आले.

सदर निवेदन नरेश भोवरे वनपरिक्षेत्र अधिकारी बल्लारपूर यांना दिले. यावेळी अभिलाष चूनारकर, तालुका अध्यक्ष वंचित बहुजन युवा आघाडी बल्लारपूर, सरोज झाडे, सम्यक रामटेके, राहुल वाळके, सोहन वनकर, प्रज्योत करमणकर, अंकित अहिरवार, सुहास दुबे,अंशू पाटील सह युवा आघाडीचे कार्यकर्ते उपस्थित होते.