News mh33 live

25-01-2024

विसापूर येथील अखेर त्या खुनाच्या गुन्ह्यातील आरोपीस २४ तासात अटक

बल्लारपूर : २३ जानेवारी ला विसापुर येथील सचीन वंगणे वय ४० वर्ष याला अज्ञात इसमाने धारदार हत्याराने मारून हत्या केली होती. त्याचा भाऊ रमेश वंगणे याचा रिपोर्टवरून पो.ठाणे बल्लारपूर अप क्र ८१ / २०२४ कलम ३०२, ४५२ भांदवी अन्वये गुन्हा नोंद करण्यात आला.

सदर गुन्ह्याचे गांभीर्य लक्षात घेता रविंद्र सिंह परदेशी पोलीस अधिक्षक, रिना जनबंधू अप्पर पोलीस अधिक्षक व दीपक साखरे उपविभागीय पोलीस अधिकारी, राजुरा यांनी तात्काळ गुन्ह्याचे घटनास्थळाला भेट देवून सदर घटनास्थळी तळ ठोकुन गुन्ह्याचे संबंधाने उपयुक्त मार्गदर्शन करून पो.ठाणे बल्लारपूर व स्थानीक गुन्हे शाखा, चंद्रपुर असे दोन पथक तयार केले.

पो.ठाणे बल्लारपूर व स्थानीक गुन्हे शाखेचा पथकाने आरोपीबाबत कोणताही सुगावा नसताना अतिशय कौशल्यपुर्ण तपास करून आरोपीबाबत गोपनीय माहिती काढुन २४ तासाचे आत आरोपी यास निष्पन्न करून आरोपी नामे विठ्ठल उर्फ डेनी गोसाईराव डबरे वय ३७ वर्ष रा.वार्ड क्र १ विसापुर ता.बल्लारपूर यास ताब्यात घेवुन अटक करण्यात आली आहे.

सदर कामगिरी पोलीस अधिक्षक चंद्रपुर, अप्पर पोलीस अधिक्षक चंद्रपुर, उप विभागीय पोलीस अधिकारी, राजुरा यांचे प्रत्यक्ष मार्गदर्शनाखाली पोलीस निरीक्षक उमेश पाटील, पोलीस निरीक्षक महेश कोंडावार (स्थागुशा), सपोनी रमेश तळी, सपोनी विकास गायकवाड (स्थागुशा), सपोनी प्राची राजुरकर, पोउपनि वर्षा नैताम, पो.हवा रनविजय ठाकुर, यशवंत कुमरे, बाबा नैताम, संतोष दंडेवार, अनुप डांगे, मिलींद चव्हान, जमीर पठान, नितेश महात्मे (स्थागुशा), पो.अं श्रीनीवास वाभीटकर, प्रसंनजित डोर्लीकर, प्रकाश मडावी, प्रसाद घुलगंडे यांनी केली आहे.