News mh33 live

30-12-2023

बापरे! भर दुपारीच बाजारासाठी आलेल्या तरुणाची दुचाकी वाहन चोरट्यांनी पळविली

आष्टि शहरातील घटना

चामोर्शी : तालुक्यातील आष्टी येथील आठवडी बाजाराकरीता आलेल्या चंद्रपूर जिल्ह्यातील येनबोथला येथील अक्षय गोंगले या तरुणाची ज्युपीटर झेड एक्स कंपनीची एम. एच ३४ सि जी ४७९० क्रमांकाची नवीकोरी दुचाकी चोरट्यानी भर दुपारला बाजारातून पळवून नेल्याची घटना घटली.

तालुक्यातील आष्टी येथे दर आठवड्याला शुक्रवारी मोठी बाजारपेठ भरते या बाजारपेठेत चंद्रपूर जिल्ह्यातील व तालुक्यातील नागरिक या बाजारपेठेत येत असतात अक्षय गोंगले याचे भाऊ सचिन गोंगले हे आपल्या मित्रासोबत शुक्रवारला दुपारच्या सुमारास आष्टी येथे बाजाराकरीता आले अन बाजार परिसरातिल रस्त्याच्या बाजूला असलेल्या मोकळ्या जागेत नवी कोरी दुचाकी ठेवून दोघेजण बाजार करण्याकरिता बाजारात गेले आपला बाजार आटोपून संध्याकाळी ४:३० वाजताच्या सुमारास आपल्या दुचाकीकडे आले असता ठेवलेल्या ठिकाणी दुचाकी न दिसल्याने दोघानाही धक्का बसला. दुचाकीचा इकडे तिकडे शोध घेतला पण दुचाकीचा शोध काही लागला नाही . आपली दुचाकी चोरट्याने चोरून नेल्याचे लक्ष्यात येताच सायंकाळच्या सुमारास दुचाकी चोरीला गेल्याची तक्रार आष्टी पोलीस ठाण्यात देण्यात आली . चोरीला गेलेल्या दुचाकीचा शोध आष्टी पोलीस घेत आहेत

अक्षय गोंगले या युवकाने फायनान्स करुन दुचाकी घेतली .एका महिन्यांतच दुचाकी चोरीला गेल्याने या दुचाकीचे हप्ते कसे भरायचे हा मोठा प्रश्न या युवकापुढे पडला आहे. चोरीला गेलेल्या दुचाकीचा शोध घेऊन दुचाकी चोरट्यास शिक्षा द्यावी अशी मागणी सचिन गोंगले व अक्षय गोंगले यां भावंडाने केली आहे..