News mh33 live

25-01-2024

त्या दुर्दैवी घटनेतील अजुनही तिघींचा शोध सुरूच

चामोर्शी : दिनांक २३ जानेवारी रोजी वैनगंगा नदीत बोट उलटून सहा महिलांना जलसमाधी मिळाली. यापैकी दोघींचे मृतदेह २३ जानेवारी रोजी तर एकीचा मृतदेह आज २४ जानेवारी रोजी सकाळी ७.३० वाजताच्या सुमारास आढळला

. रेवंता हरीचंद्र झाडे असे आज मृतदेह आढळून आलेल्या महिलेचे नाव आहे. मायाबाई अशोक राऊत, सुषमा सचिन राऊत, बुधाबाई देवाजी राऊत या बेपत्ताच आहेत.

पुष्पा मुक्तेश्वर झाडे व जिजाबाई दादाजी राऊत यांचे प्रेत कालच हाती लागले होते. त्यांचे शवविच्छेदन करून मृतदेह नातेवाईकांना सोपविण्यात आले. तर आज २४ जानेवारी रोजी रेवंता हरीचंद्र झाडे यांचा मृतदेह आढळून आला. या तिघींवर आज गणपूर (रै.) येथे शोकाकूल वातावरणात अंत्यसंस्कार करण्यात आले. उर्वरीत तिघींचा शोध अद्यापही सुरूच आहे.

माजी आमदार डॉ नामदेव उसेंडी यांनी शोक व्यक्त केला

गणपूर रै. येथील सात महिला नावेच्या सहाय्याने नदी ओलांडुन मिरची तोडाईच्या कामासाठी जात असतांना नाव नदीपात्रात बुडाल्याची दुदैवी घटना काल 23 जानेवारी रोजी घडली. नदीत बुडालेल्या सहा महिलांपैकी तिघींचे मृतदेह सापडले. या दुदैवी घटनेबद्दल गडचिरोली विधासभा क्षेत्राचे माजी आमदार डॉ. नामदेव उसेंडीं यांनी शोक व्यक्त केला असून आज बुधवारी गणपूर गावाला भेट देउन तीन महिलांच्या आज दिनांक २४ जानेवारी रोजी सायंकाळी पाच वाजताच्या सुमारास अंत्यसंस्काराला उपस्थित राहून कुटुंबियांचे सांत्वन केले.