News mh33 live

26-12-2023

सिरोंचा ग्रामीण रुग्णालयाला उप जिल्हा रुग्णालय म्हणून दर्जा द्या; राष्ट्रवादी काँग्रेस(शरद पवार)पक्षाचे तालुका उपाध्यक्ष सागर मूलकला यांची मागणी

सिरोंचा :- सिरोंचा ग्रामीण रुग्णालयात उपचारासाठी तालुक्यातील शहरी व ग्रामीण भागातील अनेक गरीब रुग्ण येत असतात.

मागील अनेक वर्षांपासून या ग्रामीण रुग्णालयात अनेक पदे रिक्त असून याची फटका येथील रुग्णांना बसत आहे.

गडचिरोली जिल्ह्यातल्या सिरोंचा तालुका हे शेवटचं टोक असून येथील आरोग्य सुविधा मात्र रुग्णांसाठी कुचकामी ठरत आहे.

सध्याचा परिस्थितीत सिरोंचा ग्रामीण रुग्णालयात क्ष किरण यंत्राचे तंत्रज्ञ नाहीत.यामुळे सर्वसामान्य रुग्णासह गरोदर मातांना अनेक त्रास सहन करावे लागत आहे. तसेच येथील महिलांसाठी स्कॅनिगचे डॉक्टर नाही.या रुग्णालयातील अनेक पद रिक्त असल्याने तालुक्यातील रुग्णांना जीव वाचविण्यासाठी तेलंगाणा राज्यात धाव घ्यावं लागतं आहे.परिणामी तालुक्यातील रुग्णांची आर्थिक व मानसिक शोषण होत आहे.

सिरोंचा ग्रामीण रुगणालायतील रिक्त असलेल्या पदे तात्काळ भरून ग्रामीण रुग्णालयाला उपजिल्हा रुग्णालय म्हणून दर्जा द्यावे असे राष्ट्रवादी काँग्रेस पक्षाचे जिल्हाध्यक्ष - अतुल भाऊ गण्यारपवार तसेच सिरोंचा तालुका अध्यक्ष - फाजील पाशा यांच्या मार्गदर्शनाखाली तालुका उपाध्यक्ष - सागर मूलकला यांच्या सह पदाधिकारी व कार्यकर्त्यांनी येथील स्थानिक तहसील कार्यालयामार्फत मुख्यमंत्री यांना निवेदन पाठविण्यात आली आहे, त्यावेळी निवेदन देताना राष्ट्रवादी काँग्रेस पक्षाचे तालुका सचिव - विनोद नायडू, अल्पसंख्याक आघाडी शहर अध्यक्ष - सलमान शेख, कार्यकर्ता-गणेश सॅन्ड्रा, यांची उपस्थित होते,