ProfileImage
146

Post

1

Followers

0

Following

PostImage

Vaingangavarta19

Today

PostImage

 अंतीम आकडेवारीग गडचिरोली-चिमुर लोकसभा मतदारसंघात 71.88 %


 

 अंतीम आकडेवारीग

गडचिरोली-चिमुर लोकसभा मतदारसंघात 71.88 %

गडचिरोली, दि. 21 :12- गडचिरोली-चिमुर लोकसभा मतदारसंघाच्या निवडणुकीसाठी 19 एप्रिल 2024 रोजी झालेल्या मतदान पक्रियेत एकूण 71.88 टक्के मतदारांनी मतदानाचा हक्क बजावला आहे.

लोकसभा निवडणुकीसाठी आमगाव विधानसभा मतदार संघात 69.25 टक्के, आरमोरी 73.69 टक्के, गडचिरोली 71.42 टक्के, अहेरी 66.93 टक्के, ब्रम्हपुरी 75.10 टक्के तर चिमुर विधानसभा मतदारसंघात 74.41 टक्के मतदान झाले.

गडचिरोली-चिमुर लोकसभा मतदारसंघात एकूण 16 लक्ष 17 हजार 702 मतदार आहे. यात 8 लक्ष 14 हजार 763 पुरुष मतदार, 8 लक्ष 2 हजार 434 स्त्री मतदार तर 10 इतर मतदार आहेत. यापैकी 5 लक्ष 95 हजार 272 पुरुष मतदारांनी (73.06 टक्के), 5 लक्ष 67 हजार 157 स्त्री मतदारांनी (70.68 टक्के) तर 5 इतर नागरिक असे 11 लक्ष 62 हजार 434 (71.88 टक्के) मतदारांनी मतदान केल्याचे जिल्हा निवडणूक अधिकारी संजय दैने यांनी कळविले आहे.


PostImage

Vaingangavarta19

Today

PostImage

नाबालीक मुलीचे लग्न समारंभातून अपहरण करून केला बलात्कार व दगडाने ठेचून केली हत्या


नाबालीक मुलीचे लग्न समारंभातून अपहरण करून केला बलात्कार व दगडाने ठेचून केली हत्या

 

गोंदिया :-
 कुटुंबासह गावातीलच लग्न समारंभात गेलेल्या १२ वर्षाच्या नाबालीक मुलीचे अपहरण करून तिच्यावर बलात्कार करण्यात आला. बलात्कारानंतर नराधमाने तिला दगडाने ठेचून तिचा खून करण्यात आला. सदर घटना १९ एप्रिल रोजी रात्री ८ वाजताच्या सुमारास देवरी तालुक्याच्या ककोडी परसिरातील वटेकसा येथील जंगलात घडली. काजल (१२) (बदललेले नाव) रा. गोठणपार असे मृत मुलीचे नाव आहे.

ककोडी परसरातील ग्रामपंचायत गोठणपार येथे १९ एप्रिल रोजी लग्नकार्यात घरातील सर्व मंडळी गेले. त्या लग्नाला काजल १२ ही देखील गेली. लग्न समारंभात ती असतांना अज्ञात आरोपीने तिचे अपहरण करून रात्री ८ वाजताच्या सुमारास वटेकसा येथील जंगलात नेऊन तिच्यावर अत्याचार केला. त्यांतर तिला दगडाने ठेचून तिचा खून करण्यात आला. ही घटना २० एप्रिल रोजी सकाळी ८ वाजता उघडकीस आली. या घटनेमुळे अवघा गोंदिया जिल्हा हादरला आहे.
१९ एप्रिल रोजी सायंकाळी ५ वा.गोठनपार येथे लग्न समारोह होता. या लग्नसमारंभासाठी पिडीत मुलगी आपल्या कुटुंबियासह आली होती. परंतु नराधमाने संधीचा फायदा पाहून तिचे अपहरण करून त्या चिमुकलीवर अत्याचार केला. त्यानंतर दगडाने ठेचून तिचा खून करण्यात आला. या घटनेसंदर्भात चिचगड पोलिसांनी तिच्या वडीलाच्या तक्रारीवरून भादंविच्या कलम ३०२, ३७६, ३६३ सहकलम ४, ६ बाललैंगीक अत्याचार अधिनियमान्वये गुन्हा दाखल करण्यात आला आहे.

तपासासाठी चमू रवाना -


दोषींना अटक करून फाशी द्या -

निरागस मुलीचे अपहरण करून तिच्यावर अमाणूस कृत्य करीत तिचा जीव घेणाऱ्या नराधमाला त्वरीत अटक करा, या प्रकरणातील दोषीला फाशी देण्यात यावी अशी मागणी परिसरातील जनतेकडून होत आहे.

लोकशाहीच्या आनंदावर लगेच पडले विरजन -

लोकशाही मजबूत करण्यासाठी १९ एप्रिल रोजी मतदान करण्यात आले. उमेद्वारांनी महिला सक्षमीकरण आणि महिला सुरक्षेचे वचन देत मत मागितले. परंतु मतदानाचे कार्य होताच १२ वर्षाच्या चिमुकलीवर अत्याचार करून तिचा दगडाने ठेचून खून करण्याचे अमाणूस कृत्य करण्यात आले. या संतापजनक घटनेमुळे गोंदिया जिल्हा हादरला आहे. मुलीच्या सुरक्षेचा आणि संरक्षणाचा प्रश्न ऐरणीवर आला आहे.


PostImage

Vaingangavarta19

Today

PostImage

लॉयड्स कालिअम्मल हॉस्पिटल हेडरी येथे रक्तदान शिबीर


लॉयड्स कालिअम्मल हॉस्पिटल हेडरी येथे रक्तदान शिबीर

संचालक बि. प्रभाकरन यांच्या सह  50 अधिकारी आणि कर्मचाऱ्यांचा सहभाग 

    अशोक खंडारे  /मुख्य संपादक वैनगंगा वार्ता १९                                                एटापल्ली:-
लॉयड्स कालीअम्मल मेमोरियल हॉस्पिटल हेडरी येथे लॉयड्स मेटल अँड एनर्जी लिमिटेड द्वारे आयोजित केलेल्या रक्तदान शिबिर आज दिनांक 20 एप्रिल 2024 रोजी  आयोजन करण्यात आले असुन सर्व प्रथम लॉयड्सचे व्यवस्थापकीय संचालक  बि. प्रभाकरन यांनी शिबिरात रक्तदान केले. लॉयड्स कंपनीचे 50 अधिकारी आणि कर्मचारी यांनीसुद्धा रक्तदान केले. सर्व समुहातील सदस्यांनी दर महिन्याला किमान 50 युनिट रक्त देण्याचे आश्वासन दिले आणि ते आजारी व्यक्तीला उपयोगात पडेल असा उद्देश ठेवला असून लॉयड्स टीम ही मोलाची कामगिरी करीत  आहे.

 अति दुर्गम नक्षलग्रस्त आदिवासी भागात उच्च दर्जेचा मोफत आरोग्य सुविधा 

एटापल्ली तालुक्यातील अतिदुर्गम व आदिवासी नक्षल प्रभावीत सुरजागड परिसरात मुलभूत आरोग्य सुविधा मिळणे ही कठीण होते पण परिसरातील आदिवासीना उच्च दर्जाच्या आरोग्य सुविधा मिळण्याकरिता लॉयड्स मेटल्स कंपनीचे पुढाकाराने हेडरी येथे अत्याधुनिक सुविधांनी सुसज्ज असे काली अम्मल हॉस्पिटल सुरू केले आहे. अण या परिसरातील आदिवासी गरीब व गरजूंना मोठा आधार झालंय. या ठिकाणी तज्ज्ञ डॉक्टर व आरोग्य कर्मचारी 24/7 तास रुग्ण सेवा देत आहेत.
   लॉयड्स काली अम्मल मेमोरियल हॉस्पिटल 8 नोव्हेंबर 2023 ला सामान्यांच्या सेवेत कार्यन्वीत झाले. या ठिकाणी दहा तज्ज्ञ डॉक्टर 40 हुन अधिक आरोग्यं कर्मचारी परिसरातील नागरिकांना मोफत आरोग्य सेवा देत आहेत. या हॉस्पिटल मधे सुरजागड, हेडरी, गट्टा, जांभिया एटापल्ली, भामरागड तालुका  आलापल्ली, अहेरी सह गडचिरोली जिह्यातील दररोज शेकडो रुग्ण मोफत आरोग्य सेवेचा लाभ घेतांना दिसत आहेत


PostImage

Vaingangavarta19

April 19, 2024

PostImage

लोकसभा गडचिरोली-चिमुर मतदारसंघात  ६५.१९ %मतदान


लोकसभा गडचिरोली-चिमुर मतदारसंघात  ६५.१९ %मतदान

 


लोकसभा क्षेत्रात उत्स्फुर्त प्रतिसाद
 

गडचिरोली दि, 19 - लोकसभा सार्वत्रिक निवडणुकीसाठी 12-गडचिरोली-चिमुर लोकसभा मतदारसंघात आज शांततेत व सुरळीत मतदान पार पडले. कुठल्याही मतदान केंद्रावर अनुचित प्रकार घडला नाही. आज सायंकाळी 5 वाजेपर्यंत एकूण 65.19 टक्के मतदान झाले होते. अंतिम आकडेवारी दुर्गम भागातील पथके परत आल्यावर स्पष्ट होणार आहे.

मतदार संघात आज सकाळपासूनच मतदारांनी मोठ्या उत्साहाने लोकशाहीच्या या उत्सवात भाग घेतल्याचे जागोजागी दिसून येत होते. शहरी व ग्रामीण भागत मतदारांनी मतदान करण्यासाठी मोठ्या प्रमाणात गर्दी केली होती. मतदान प्रक्रिया सुरू झाल्यानंतर  प्रशासनामार्फत मतदारांसाठी आवश्यक त्या सर्व प्रकारच्या सोयी सुविधा मतदान केंद्रांवर करण्यात आल्या होत्या. जिल्हा निवडणूक अधिकारी संजय दैने यांचे निवडणूक प्रक्रियेवर चोख लक्ष होते. त्यांनी विविध मतदान केंद्रावर भेटी देवून मतदारांकडून मतदान सुविधेबाबत प्रतिक्रीया जाणून घेतल्या. रांगेत असलेल्या महिलांना मतदानासाठी प्राधान्य देण्याच्या सूचनाही त्यांनी केंद्राध्यक्ष यांना दिल्या. विधानसभा मतदारसंघनिहाय झालेले मतदान लोकसभा सार्वत्रिक निवडणूकीसाठी 1891 मतदान केंद्रावर मतदान प्रकिया पार पडली. सायंकाळी 5 वाजेपर्यंत 12-गडचिरोली-चिमुर लोकसभा मतदारसंघातील आमगाव विधानसभा मतदारसंघात 64.60 टक्के, आरमोरी 65.23 टक्के, गडचिरोली 66.10 टक्के, अहेरी 63.40 टक्के, ब्रम्हपुरी 67.02 टक्के आणि चिमुर 64.49 टक्के मतदारांनी मतदानाचा हक्क बजावला, असल्याची अंदाजीत आकडेवारी निवडणूक अधिकारी संजय दैने यांनी दिली आहे. दुर्गम भागातील मतदान पथके परत आल्यावर तेथील आकडेवारी उशीरापर्यंत उपलब्ध होणार आहे. त्यानंतरच अंतिम आकडेवारी स्पष्ट होईल, असे त्यांनी सांगितले. जिल्हा प्रशासनाकडून मतदाराना प्रोत्साहन जिल्हाधिकारी तथा जिल्हा निवडणूक निर्णय अधिकारी संजय दैने यांनी मतदानाचा टक्का वाढविण्यासाठी विक्रमी संख्येने मतदारांना आवाहन केले होते.  दैने यांचे वडीलांचे 15 एप्रिल रोजी दुःखद निधन झाल्यावर त्यांचे अंतिम संस्कार कार्य उरकून श्री दैने 17 एप्रिल रोजी तातडीने निवडणूकिच्या राष्ट्रीय कर्तव्यावर हजर झाले होते. त्यांनी आज गडचिरोली येथे मतदान करून मतदानाचे कर्तव्य पार पाडून वडिलांना श्रद्धांजली वाहत असल्याची प्रतिक्रिया त्यांनी दिली.

जिल्हा पोलिस अधिक्षक निलोत्पल यांनीही मतदारांना निर्भिडपणे मतदान करण्याचे आवाहन केले होते. त्यांनीही आज सहपरिवार डॉ. बाबासाहेब आंबेडकर नगरपालिकेच्या शाळेत मतदान केले.

जिल्हा परिषदेच्या मुख्य कार्यकारी अधिकारी आयुषी सिंह यांनी गोंडी भाषेतुन आवाहन करत ग्रामिण मतदारांना मतदान करण्याचा संदेश दिला होता. त्यांनी शहरातील पंचायत समिती येथील महिला संचालित पिंक मतदान केंद्रावर भेट देवून महिला मतदारांचा उत्साह वाढविला. तर अतिरिक्त जिल्हाधिकारी विजय भाकरे यांनी अहेरी उपविभागातील दुर्गम भागातील मतदारांशी संवाद साधला.


PostImage

Vaingangavarta19

April 19, 2024

PostImage

महाराष्ट्र राज्याचे अन्न व औषध प्रशासन मंत्री ना.धर्मरावबाबा आत्राम यांनी बजावला मतदानाचा हक्क


महाराष्ट्र राज्याचे अन्न व औषध प्रशासन मंत्री ना.धर्मरावबाबा आत्राम यांनी बजावला मतदानाचा हक्क

अशोक खंडारे/मुख्य संपादक वैनगंगा वार्ता
अहेरी:-
महाराष्ट्र राज्याचे अन्न व औषध प्रशासन मंत्री ना. धर्मरावबाबा आत्राम यांनी आपला मतदानाचा हक्क आज लोकसभा निवडणुकीत बजावला
भारताची लोकसभा निवडणुकीच्या पार्श्वभूमीवर पुर्व विदर्भात आज दि.१९ एप्रिल ला मतदान घेण्यात आले .चिमुर - गडचिरोली लोकसभा क्षेत्राकरीता  अहेरी  विधानसभा क्षेत्रातील जिल्हा परिषद शाळा दिना चेरपल्ली मतदान केंद्रावर राज्याचे मंत्री ना. धर्मरावबाबा आत्राम यांनी मतदान केले व क्षेत्रातील सर्व मतदारांनी डॉ. बाबासाहेब आंबेडकरांनी दिलेल्या संविधानातील मतांचा अधिकाराचा प्रत्येक व्यक्तींनी मतदान केंद्रावर जाऊन मतदान करावे असे आवाहन त्यांनी केले 
मतदान केंद्रावर खूप प्रमाणात गर्दी असल्याने सर्व मतदारांनी शांततेत मतदान करावे अश्या ही सुचना केल्या व पोलीसांनी सुद्धा सहकार्य करावे असेही मंत्रीमहोदय यांनी आवर्जून सांगितले आहे


PostImage

Vaingangavarta19

April 19, 2024

PostImage

अज्ञात मारेकऱ्यांनी युवकाचा  केला खून व  फेकला  शेतशिवारात 


अज्ञात मारेकऱ्यांनी युवकाचा  केला खून व  फेकला  शेतशिवारात 


आरमोरी तालुक्यातील बोडदा येथील घटना

 

आरमोरी :-
तालुक्यातील  पोलीस स्टेशन अंतर्गत येत असलेल्या बोडदा येथील नामे प्रशांत रामदास उरकुडे वय 24 वर्ष रा. बोडदा त. आरमोरी जिल्हा गडचिरोली हा युवक दिनांक 17-4-2024 ला रात्रीच्या दरम्यान सौचास खेमराज राऊत यांच्या शेताकडे गेला असता कुणीतरी अज्ञात दोन ते तीन व्यक्तींनी प्रशांत वरील रागामुळे  दोरीने  गळफास देऊन त्याला जीवानीशी ठार मारून त्याचा मृतदेह जवळच असलेल्या विजय राऊत यांच्या शेतामध्ये फेकून दिला दिनांक 18-4-2024 ला सकाळी या घटनेची वार्ता गावामध्ये पसरताच मृतकाचा भाऊ सुधीर रामदास उरकुडे यांनी घटनास्थळ गाठले आणि गावातील पोलीस पाटील यांच्या मदतीने आरमोरी पोलीस ठाणे गाठून अज्ञात मारेकरी विरुद्ध दिनांक 18-4-2024 ला पोलीस ठाणे आरमोरी येथे अज्ञात मारेकऱ्यां विरुद्ध फिर्याद नोंदविले लागलीच आरमोरी पोलीस घटनास्थळावर जाऊन मृतकाचे शव ताब्यात घेऊन शवविच्छेदनाकरिता आरमोरी येथे पाठविले घटनेची मोका पंचनामा करून आरमोरी पोलिसांनी अज्ञात मारेकऱ्याविरुद्ध अपराध क्रमांक व कलम 118, 2024 कलम ३०२, २०१,३४ भा.द.वी. अन्वये गुन्हा दाखल करण्यात आलेला आहे 
घटनेच्या पुढील तपास पोलीस निरीक्षक आरमोरी यांचे मार्गदर्शनाखाली सहाय्यक पोलीस निरीक्षक संतोष पाटील पोलीस स्टेशन आरमोरी हे करीत आहेत


PostImage

Vaingangavarta19

April 18, 2024

PostImage

आलापल्ली येथील भव्य श्रीरामनवमी शोभायात्रेत राजे अम्ब्रिशराव आत्राम यांच्या उपस्थितीत सम्पन्न


आलापल्ली येथील भव्य श्रीरामनवमी शोभायात्रेत राजे अम्ब्रिशराव आत्राम यांच्या उपस्थितीत सम्पन्न 

 

आलापल्ली:-
श्रीरामनवमी निमित्ताने दि  १७ ला संध्याकाळी आलापल्ली शहरात श्रीराम जन्मोत्सव समिती तर्फे भव्य शोभायात्रा काढण्यात आली, माजी पालकमंत्री मा. राजे अम्ब्रिशराव आत्राम ह्यांची ह्या शोभायात्रेत विशेष उपस्थिती होती, ह्यावेळी राजेंनी श्रीरामाचे विधिवत पूजन व आरती करीत दर्शन घेतले तसेच ह्या भव्य शोभायात्रेत सामील झाले.

अहेरी विधानसभा क्षेत्रात आलापल्ली हे शहर मध्यवर्ती ठिकाण म्हणून ओळखले जाते. याठिकाणी विविध सण मोठ्या उत्साहात व जल्लोषात साजरे केले जातात. रामनवमी निमित्त रामभक्तांनी कालपासूनच शहरात भव्य तयारी केली होती.सकाळपासून विविध कार्यक्रम घेत सायंकाळच्या सुमारास भव्य शोभायात्रा काढली. हाती भगवे ध्वज, भगवे फेटे परिधान केलेले शेकडो युवक, युवती तसेच परिसरातील नागरिक या शोभायात्रेत मोठ्या संख्येने सहभागी झाले होते.कार्यकर्त्याच्या विशेष आग्रहाने राजेंनी बेंजोच्या तालावर ठेका सुद्धा धरला तसेच यावेळी रामक्तांनी राजेंना खांद्यांवर घेऊन डान्स केला.
  

ठिकठिकाणी आलापल्लीकरांनी या भव्य रॅली व शोभायात्रेचे स्वागत केले. श्रीराम मंदिरातून निघालेली शोभायात्रा विर बाबूराव चौक, बस स्टँड चौक, श्रीराम चौक आणि वि.दा. सावरकर चौक परत तिथेच समापन झाले. यावेळी डिजे व बेंजोच्या तालावर महिला, पुरुष, युवक, युवती एकच जल्लोष केले तर चिमुकल्यांनी सुद्धा लेझिम डान्सद्वारे सर्वांना मंत्रमुग्ध केले. विशेष म्हणजे आलापल्ली शहरात हजारो रामभक्तांच्या उपस्थितीत ही शोभायात्रा पार पडली. यावेळी संपूर्ण शहर राममय तथा भक्तिमय वातावरण निर्माण झाले होते


PostImage

Vaingangavarta19

April 10, 2024

PostImage

उभ्या ट्रकला सुरजागड लोहखनिज वाहतूक करणाऱ्या ट्रकची धडक; जिवीतहानी टळली


उभ्या ट्रकला सुरजागड लोहखनिज वाहतूक करणाऱ्या ट्रकची धडक; जिवीतहानी टळली 

आष्टी : -
चामोर्शी तालुक्यातील आष्टी पोलिस ठाण्याच्या हद्दीतील  आष्टी - आलापल्ली महामार्गावरील ग्रामीण रुग्णालयाजवळ आष्टी येथील चौकातून येत असलेल्या ट्रकला सूरजागड कडून लोहखनिजाचा कच्च्या माल वाहतूक करणाऱ्या ट्रकने जोरदार धडक दिली. हि घटना आज सकाळी ६.३० वाजताच्या सुमारास घडली. या घटनेतील दोन्ही ट्रक चालक सुखरूप असल्याची माहिती मिळाली आहे 
ट्रक क्रमांक एम एच ३३ टी ३६८३ हा  आष्टी येथील चौकातून आलापल्ली कडे जात होता व ट्रक क्रमांक एम एच ३४बी झेड ३९७३ हा ट्रक सूरजागड येथून लोहखनिजाचा कच्च्या माल घेऊन येत होता  या महामार्गावर वाहनांची मोठी वर्दळ असते त्यामुळे आष्टी कडून येणाऱ्या ट्रक चालकाने त्या वाहनाचा सुसाट वेग पाहून आपले वाहन उभे ठेवले तरी या उभा ठेवलेल्या ट्रकला सूरजागड कडून लोहखनिजाचा कच्च्या मालाची वाहतूक करणाऱ्या ट्रकने धडक दिली. असे प्रत्यक्षदर्शींनी सांगितले या अपघातात दोन्ही ट्रकचे मोठे नुकसान झाले आहे 
या घटनेची आष्टी पोलिसांना माहिती होताच घटनास्थळी धाव घेतली पोलिसांनी घटनेचा पंचनामा करून अपघातामुळे खोळंबलेली वाहतूक सुरळीत केली. या महामार्गावर सूरजागड लोहखनिजाची कच्च्या मालाची वाहतूक करणाऱ्या ट्रका मोठ्या सुसाट वेगाने धावत असतात या महामार्गावर तर दुचाकी धारकांना जीव मुठीत घेऊन प्रवास करावा लागतो या महामार्गावर नेहमी अपघात होतच असतात आजपर्यंत अनेकांचे जीवही गेले आहेत तरी संबंधित विभागाकडून कोणत्याही प्रकारची उपाययोजना करण्यात येत नसल्याने सुरजागड लोहखनिजाच्या कच्च्या मालाची वाहतूक करणारे ट्रक चालक हे कोणाच्याच बापाला घाबरत नाही आहेत असे सामान्य नागरिकांकडून बोलल्या जात आहे आष्टी येथील ग्रामीण रुग्णालयासमोर एका सुरक्षा रक्षकाची आवश्यकता आहे तरी याठिकाणी सुरक्षा रक्षकाची नेमणूक करावी अशी मागणी जनसामान्यांतून केली जात आहे


PostImage

Vaingangavarta19

April 9, 2024

PostImage

भारतीय राज्यघटनेचे शिल्पकार डॉ बाबासाहेब आंबेडकर यांच्या जयंतीचा सोहळा आष्टी शहरात होणार धुमधडाक्यात साजरा


भारतीय राज्यघटनेचे शिल्पकार डॉ बाबासाहेब आंबेडकर यांच्या जयंतीचा सोहळा आष्टी शहरात होणार धुमधडाक्यात साजरा

 


आष्टी : -
येथील धम्मदिप बौध्द समाज मंडळाचे वतीने भारतीय राज्यघटनेचे शिल्पकार डॉ बाबासाहेब आंबेडकर यांच्या जयंतीचा सोहळा धुमधडाक्यात साजरा करण्यात येणार आहे 
 डॉ. बाबासाहेब आंबेडकर यांचा जन्मदिवस आणि एक प्रमुख भारतीय सण व उत्सव आहे. हा सण दरवर्षी १४ एप्रिल रोजी भारतासह जगभरात साजरा केला जातो.  भारत सरकार सुद्धा राष्ट्रीय सन म्हणून साजरा करीत असतो
 यानिमित्ताने चामोर्शी तालुक्यातील आष्टी शहरात धम्मदीप बौद्ध समाज मंडळाच्या वतीने दिनांक १३ एप्रिल रोजी सकाळी ०९:०० वाजता बाईक रॅली व सायंकाळी ०६:०० वाजता  मुला - मुलींचे सांस्कृतिक कार्यक्रम घेण्यात येणार आहेत आणि दिनांक १४ एप्रिल रोजी सकाळी ०९:०० वाजता मानवंदना व दुपारी १२:०० जुन्या ग्रामीण रुग्णालयाजवळ भोजनदान देण्यात येणार असून सायंकाळी ०६:०० वाजता भव्यदिव्य समाजबांधवांची मिरवणूक काढण्यात येणार आहे करीता आष्टी शहरातील सर्व उपासक तथा उपासीकांनी बहुसंख्येने उपस्थित राहण्याचे आवाहन धम्मदीप बौद्ध समाज मंडळ आष्टी चे अध्यक्ष अमित नगराळे, आणि पदाधिकाऱ्यांनी केले आहे आहे


PostImage

Vaingangavarta19

April 9, 2024

PostImage

स्कॉर्पीओच्या धडकेत दुचाकीस्वार पोलीस ठार


स्कॉर्पीओच्या धडकेत दुचाकीस्वार पोलीस ठार


अहेरी:-
जवळील गेर्रा महागाव रोडवर एका स्कॉर्पीओने दुचाकीला धडक दिल्याने दुचाकीस्वार पोलीस ठार झाल्याची घटना दि. ९ एप्रिल ला दुपारी १२.३० वा.चे दरम्यान घडली
 पोलीस शिपाई चिन्ना विडपी वय ४० रा.अहेरी असे मृतकाचे नाव असून  चिन्ना हे वांगेपल्ली कडून आपल्या दुचाकीने येत असतांना अहेरी कडून महागाव कडे जात असलेल्या एम एच ३२ ए एच  ४०५४ स्कॉर्पिओ ने जोरदार धडक दिल्याने दुचाकीस्वार पोलीस ठार झाले 
घटनेची माहिती मिळताच अहेरी पोलिसांनी घटनास्थळी धाव घेतली व चिन्ना विडपी यांना रुग्णालयात दाखल केले मात्र डॉक्टरांनी त्याला मृत घोषित केले
चिन्ना विडपी यांच्या पश्चात पत्नी,मुलगी,मुलगा,आई,वडील असा परिवार आहे
त्यांच्या अकाली निधनाने मित्र मंडळ व परीवारात शोककळा पसरली आहे
अधिक तपास पोलीस उपनिरीक्षक जनार्धन काळे हे करीत आहेत


PostImage

Vaingangavarta19

April 9, 2024

PostImage

लग्न सोहळ्यात वाढतोय वडिलांच्या डोक्यावर कर्जाचा डोंगर


लग्न सोहळ्यात वाढतोय वडिलांच्या डोक्यावर कर्जाचा डोंगर

ग्रामीण भागांतही लग्नात होतोय वारेमाप खर्च, सामूहिक विवाहाचा सोहळा काळाची गरज

 

गडचिरोली : जिल्ह्यात सध्या सर्वत्र लग्नसराई सुरू असून शहरातच नव्हे तर ग्रामीण भागातही खर्चिक लग्न सोहळ्यांना ऊत आल्याचे चित्र आहे. अलीकडे लग्नसाहित्याच्या किंमती गगनाला भिडल्या आहेत. सोन्या-चांदीच्या दागिन्यांवर महागाईचे सावट आहे. ग्रामीण भागातील शेतमजूर कुटुंबांना आपल्या मुलांमुलीच्या लग्नासाठी दोन पैसे गाठीला जोडावे लागतात. परंतु, दिवसेदिवस वाढत चाललेल्या महागाईमुळे लग्नसोहळ्यातील वाढलेल्या खर्चामुळे अनेकांना कर्जबाजारी व्हावे लागत आहे. पूर्वी ग्रामीण भागातील लग्नसोहळे कमी खर्चात साध्यासुध्या पद्धतीने पार पाडले जात होते. परंतु हल्ली ग्रामीण भागातही शहरी थाटमाटाची संस्कृती रूढ होत चालली आहे.
     प्रत्येकाला वाटते, लग्न एकच वेळा होते त्यामुळे लग्नासोहळ्यात मेंहदी, हळद, पाहुण्यांचा पाहुणचार, कपडे, स्वागतसमारंभ,भेटवस्तू, बॅन्डबाजा, डीजे, लाईटटिंग, मोठी एलएडी स्क्रीन शेवटी मांडव-वाढवणी झाल्याशिवाय पाहुणे जात नाही अशी कार्यक्रमासह खर्चाची यादी वाढली आहे. शिवाय व्हीडीओग्राफी, फोटोग्राफी, ड्रोन कॅमेरा सुटिंग खर्च एकूण गोळाबेरीज केली तर खर्च लाखोंच्या घरात जाते. त्यामुळे ते थाटामाटात आणि अगदीत वाजतगाजतच वेगळ्या पद्धतीने झाले पाहिजे, असा आत्ताच्या तरुणपिढींचा आग्रह घरच्यानसमोर असतो. त्यामुळे सर्वसाधारण घरातील लग्नाचे बजेट वाढत चालले आहे. शहरात होणाऱ्या महागड्या लग्नासारखी लग्न ग्रामीण भागात व्हायला सुरुवात झाली आहेत. त्यामुळे आई-वडिलांच्या डोक्यावर कर्जाचे डोंगर वाढत असल्याचे चित्र पाहायला मिळत आहे.
जिल्ह्यातील लोकांचा शेती हा प्रमुख व्यवसाय आहे. मात्र शेती व्यवसाय हा कधी अवकाळी गारपीठ पाऊस, अतिवृष्टी, महापूर, इतर रोगामुळे हातातोंडाशी आलेला घास वाया जातो. त्यामुळे या व्यवसायातून मिळणारे उत्पन्न नाहीच्या बरोबर असले तरी सध्या सुरू असलेल्या लग्न सोहळ्यात सर्वच दोन ते तीन दिवसांत लाखो रुपयांचा खर्च होत असतो. वेळप्रसंगी लग्न थाटामाटात करण्याचा हट्ट वधू किंवा वर पक्षाकडून घातला जात असल्याने सर्वसामान्यांचे मात्र हाल होत आहेत.


सामूहिक विवाह सोहळा काळाची गरज
समाजात गरीब श्रीमंत अशा सर्वच घटकातील मुला मुलींचे हे सामुहिक विवाह सोहळ्यात करणे काळाची गरज आहे. अलीकडे अनेक धार्मिक, सामाजिक संस्था सामाजिक बांधिलकीतून सामूहिक विवाहाचे आयोजन करतात. या माध्यमातून सर्वांचा खर्च, वेळ, पैसा व श्रम यात बचत तर होतेच व सामाजिक संस्थांकडून लग्न जोडप्यांना घरघुती संसाराकरिता आवश्यक सामान सुद्धा दिल्या जाते. गोरगरीब शेतकरी व सर्वसाधारण पालकांना सामूहिक विवाहामुळे मोठी मदत होते. कर्जबाजारी होण्यापासून वाचता येते. लग्नसोहळयात अमाप खर्च केला जातो. त्यामुळे आर्थिक, कर्जबाजारीपणातून वाचण्यासाठी कमी खर्चात तसेच सामूहिक विवाह सोहळ्याला पसंती देणे हा एक उत्तम पर्याय ठरू शकतो.


PostImage

Vaingangavarta19

April 9, 2024

PostImage

का उचलले टोकाचे पाऊल ? मित्राला फोन करून लगेच केली गळफास घेऊन आत्महत्या 


का उचलले टोकाचे पाऊल ? मित्राला फोन करून लगेच केली गळफास घेऊन आत्महत्या 


आपल्या मित्राला दुरध्वनी ने केला फोन आणि सांगीतले की मी आत्महत्या करतोय

 


अजय बारसागडे प्रतिनिधी आलापल्ली 
 आलापल्ली:+
 असे काय झाले की, त्याला  टोकाचे पाऊल उचलत आत्महत्या करावी लागली हे कोडे आता पोलीसच उलगडणार असे चित्र दिसत आहे
मी आत्महत्या करत आहे, असा कॉल मित्रांना करून पोलिस भरतीची तयारी करणाऱ्या तरुणाने गळफास घेऊन आपली जीवनयात्रा संपवली. ७ एप्रिल रोजी रात्री येथील शंकरराव बेझलवार महाविद्यालयाजवळ ही घटना घडली.

पोलिसांच्या माहितीनुसार, मोहन मोहुर्ले  वय ३०, रा.रंगयापल्ली असे मृताचे नाव आहे. अहेरी येथील त्याची सासुरवाडी आहे. त्यामुळे तो अहेरीतच भाड्याने खोली घेऊन  पत्नीसह राहत होता. पोलिस होण्याचे त्याचे स्वप्न होते. त्यासाठी तो तयारी करत होता. दरम्यान, कौटुंबिक कारणावरून मोहन मोहुर्ले
त्याचा पत्नीशी वाद होत असे. ७ एप्रिलला रात्री साडेदहा वाजता तो घराबाहेर पडला. गावालगतच्या शंकरराव बेझलवार महाविद्यालयाजवळील एका झाडास गळफास घेऊन त्याने आत्महत्या केली.

तत्पूर्वी त्याने एका मित्राला फोन करून मी आत्महत्या करीत आहे, असे सांगितले. मित्राने समजावण्याचा प्रयत्न केला व तु कुठे आहेस असे विचारले असता मात्र त्याचे म्हणने न ऐकताच फोन कट केला   मित्रांनी रात्री सर्वत्र शोध घेतला पण तो कुठेच आढळला नाही व आठ एप्रिल ला सकाळी महाविद्यालय जवळ असलेल्या झाडाला गळफास घेतल्याचे दिसून आले 
मोहन मोहुर्ले याने आत्महत्या का केली, याचे नेमके कारण अद्याप समोर आलेले नाही. पोलिस होण्याचे स्वप्न पाहणाऱ्या तरुणाने हे पाऊल उचलल्याने मित्रांसह नातेवाइकांनाही हादरा बसला आहे.

 आत्महत्येची माहिती मिळताच अहेरी पोलिसांनी धाव घेत पंचनामा करून मृतदेह उत्तरीय तपासणीसाठी उपजिल्हा रुग्णालयात पाठविला आहे


PostImage

Vaingangavarta19

April 8, 2024

PostImage

आष्टी ते गोंडपिपरी वैनगंगेच्या पुलावरील खड्डे अजूनही जैसे थे, खासदार व आमदार यांची बघ्याची भूमिका


आष्टी ते गोंडपिपरी वैनगंगेच्या पुलावरील खड्डे अजूनही जैसे थे, खासदार व आमदार यांची बघ्याची भूमिका

जनतेला करावा लागतोय जीवघेणा प्रवास 

पावसाळ्यात चिखलाचा मारा आणि उन्हाळ्यात धुरीचा मारा 

आष्टी  : -
आष्टी-चंद्रपूर मार्गावरील वैनगंगा नदीच्या पुलावर मागील अनेक दिवसांपासून खड्डयांचे साम्राज्य पसरले आहे. परिणामी नागरिकांना जीवघेणा प्रवास करावा लागत आहे. या पुलावरील खड्डे बुजविण्याची मागणी आष्टी शहरातील नागरिकांसह आमदार डॉ. देवराव होळी यांनीही केली होती. तेव्हा अवघ्या आठ दिवसांत वैनगंगा नदी पुलावरील खड्डे बुजविण्याचे काम पूर्ण होईल असे संबंधित विभागाकडून सांगण्यात आले मात्र पावसाळा संपला आणि आता उन्हाळा सुरू झाला तरीसुद्धा अवस्था जैसे थे आहे

   पुलावरील खड्डे 'जैसे थे' असल्याने शासन  जीव गेल्यावरच खड्डे बुजविणार काय? असा प्रश्न उपस्थित केला जात आहे.
 वैनगंगा नदी पुलावर मागील अनेक दिवसांपासून जीवघेणे खड्डे पडले असल्याने रहदारीस अडथळा निर्माण होत आहे. चंद्रपूर जिल्ह्यातील गोंडपिपरी तालुक्यातील बरेचसे विद्यार्थी विघार्जनाकरीता आष्टी येथील शाळा, महाविद्यालयात शिक्षण घेत आहेत व ते विद्यार्थी,विद्यार्थीनी सायकलने प्रवास करुन शिक्षण घेत आहेत तसेच आष्टी येथील गोडपिपरी तालुक्यात इंग्रजी माध्यमाच्या  शाळेत शेकडो विद्यार्थी जात आहेत. सायकलस्वार विद्यार्थ्यांना पुलावरील खड्डयांमुळे जीव मुठीत घेऊन प्रवास करावा लागत आहे. तसेच गोंडपिपरी तालुक्यातील नागरिकही विविध कामांसाठी तसेच रुग्णालयात आष्टी येथे येत असतात. त्यांनासुद्धा नाहक त्रास सहन करावा लागत आहे. पावसाळ्यात खड्ड्यांमध्ये पाणी साचून राहत असल्याने पावसाळ्यात चिखलाचा मारा आणि  आता उन्हाळ्यात धुळीचा मारा सहन करावा लागत आहे. त्या खड्ड्यांमुळे एखादे वाहन नदीपात्रात कोसळण्याचा धोका असतो. खड्ड्यांमुळे पुलावर अपघात होऊन जीव गेल्यास याला जबाबदार कोण? असाही प्रश्न निर्माण झाला आहे.
 सदर खड्डे त्वरित बुजविण्यात यावेत, अशी मागणी नागरिकांनी केली होती. याची दखल घेत आमदार डॉ. देवराव होळी यांनी पुलाची पाहणी करून राष्ट्रीय महामार्ग अधिकाऱ्यांना खड्डे बुजविण्याचे निर्देश दिले होते परंतू त्यांनी या बाबींवर लक्ष दिले नाही त्यानंतर  आष्टी येथील काही सामाजिक कार्यकर्ते यांनी नदीपुलावरच रास्तारोको आंदोलन केले होते  तेव्हा थातुरमातुर काही खड्डे  बुजविण्यात आले होते ते  अवजड वाहतुकीने काही दिवसातच अवस्था जैसे थे झाली गडचिरोली जिल्ह्यातील एकमेव खासदार  यांनी या बाबतीत शासकिय अधिकारी यांना कधी सुचीत तर केलेच नाही व स्वतः लक्ष घालून पाहिले सुद्धा नाही अशी मतदारांमध्ये चर्चा सुरू आहे व पुलावरील त्या खड्ड्यांची स्थिती 'जैसे थे'राहीली
सदरच्या खड्ड्यांमुळे वाहनातून प्रवास करणाऱ्या प्रवाशांना मनक्यांचे ,कमरेचे आजार होत असल्याचे दिसून येते आहे 
 पुन्हा यावर्षीही पावसाळ्यात चिखलाचा मारा खाण्याची वेळ वाहन चालकांवर येईल काय असा प्रश्न उपस्थित होत आहे


PostImage

Vaingangavarta19

April 8, 2024

PostImage

खरंच केला काय एकनाथ शिंदे यांनी शिवसेना (उबाठा) पक्षात पक्षप्रवेश 


खरंच केला काय एकनाथ शिंदे यांनी शिवसेना (उबाठा) पक्षात पक्षप्रवेश 


चंद्रपूर :-

खरंच केला काय एकनाथ शिंदे यांनी शिवसेना (उबाठा)पक्षात पक्षप्रवेश असा प्रश्न मतदारांना मध्ये चर्चेचा विषय ठरला आहे 
 ऐन लोकसभा निवडणुकीचा धुरळा आता सुरु झाला असतांनाच निवडणुकीच्या पार्श्वभूमीवर प्रत्येक पक्षातून इनकमिंग, आऊटगोइंग चे सत्र सुरु झालेले आहेत अशातच नुकतीच एक मोठी बातमी हाती आली आहे.एकनाथ शिंदे यांनी उद्धव बाळासाहेब ठाकरे यांच्या शिवसेना पक्षात जाहीररीत्या पक्षप्रवेश केला आहे

आता तुम्हालाही धक्का बसेल पण हि बातमी खरी आहे. शिंदे यांनी महाराष्ट्र तेलंगणा सीमावर्ती भागातील घाटकुळ येथे एका अतिशय सामान्य कार्यक्रमात शिवसेना उबाठा पक्षात प्रवेश करीत अनेकांना मोठा धक्का दिला आहे. त्यांच्या प्रवेशानंतर आता एकच चर्चा राजकीय वर्तुळात रंगू लागली. उबाठात प्रवेश करणारे एकनाथ शिंदे हे आपल्या राज्याचे मुख्यमंत्री नसून ते चंद्रपूरातील घाटकुळ या गावातील रहिवासी आहेत.

बाळासाहेब ठाकरे यांचे कट्टर सैनिक असलेले एकनाथ शिंदे यांनी शिवसेना फोडली. अनेक आमदाराना हाताशी घेत त्यांनी भाजपशी हातमिळविनी केली. भाजपने त्यांना “रिटर्न गिफ्ट”दिलय. शिंदे राज्याचे मुख्यमंत्री झाले. शिवसेनेसाठी हा मोठा धक्का होता.यानंतर राज्यात खोके, गद्दार, मिंधे अशा विविध उपमांच राजकारण सुरु झालं. शिवसेनेचे धनुष्यबान चिन्ह गेलं.आमदार गेले, चिन्हही गेलं. अशा स्थितीत उद्धव ठाकरे यांच्या शिवसेनेन आता चांगलाच बदला घेतला आहे.
होय आज रात्री उशिरा एकनाथ शिंदे यांचा उबाठात सार्वजनिक रित्या प्रवेशाचा कार्यक्रम घेण्यात आला. चंद्रपूरातील पोंभुर्णा तालुक्यातील घाटकुळ यां गावात हा कार्यक्रम संपन्न झाला. पण उबाठात प्रवेश घेणारे हे एकनाथ शिंदे आपले मुख्यमंत्री नसून ते घाटकुळ येथील रहिवासी आहेत. एकनाथ रावजी शिंदे असे त्यांचे पूर्ण नाव आहे आज यां एकनाथ शिंदे यांनी आपल्या अनेक समर्थकांसह शिवसेना उबाठात प्रवेश घेतला. या शिंदेच्या प्रवेशाची आता जोरदार चर्चा सुरु झाली आहे.संदीप गिऱ्हे, सुरज माडुरवार, आशिष कावटवार यांच्यासह अनेक शिवसैनिक यावेळी उपस्थित


PostImage

Vaingangavarta19

April 8, 2024

PostImage

पथदिवे सुरू करण्याचा मुहुर्त केव्हा मिळणार प्रशासनाला


 पथदिवे सुरू करण्याचा मुहुर्त केव्हा मिळणार प्रशासनाला 


आष्टी: -

एक महिन्यापूर्वी पासून पथदिवे बंद असल्याने पथदिवे सुरू करण्याचा मुहुर्त केव्हा मिळणार प्रशासनाला असा प्रश्न ग्रामस्थांनी उपस्थित केला आहे 
चामोर्शी तालुक्यातील आष्टी शहरातील पथदिवे एक महिन्यापूर्वी पासून बंद आहेत. याकडे विज वितरण कंपनी व ग्रामपंचायत प्रशासनाचे दुर्लक्ष होत असल्यामुळे शहरातील नागरिकांना मोठय़ा अडचणींचा सामना करावा लागत आहे. आष्टी ग्रामपंचायतीकडून शहरातील विविध मार्गावर दुतर्फा पथदिवे लावण्यात आले आहेत. रात्रीच्या वेळी शिकवणी वर्गाला जाणाऱ्या लहान मुलांना वनागरिकांना अंधारात चाचपडत जावे लागू नये, असाच त्या मागचा उद्देश आहे परंतु गत एक महिन्यापूर्वी पासून शहरातील काही भागातील पथदिवे बंद आहेत. यामध्ये गावातील मुख्य मार्ग ते आंबेडकर चौकदरम्यानचा मार्ग, तसेच अनेक प्रभागातील परिसरातील काही पथदिवे अनेक दिवसांपासून बंद असल्यामुळे परिसरात काळोख असतो. या अंधाराचा फायदा चोरटे सुद्धा घेण्याची शक्यता आहे. त्याशिवाय रात्रीच्या वेळी नागरिकांनाही विविध अडचणींचा सामना करावा लागत आहे. शहरातील इतरही भागातील काही पथदिवेसुद्धा काही दिवसांपासून बंद आहेत. विज वितरण कंपनी आणि ग्रामपंचायत प्रशासन याकडे लक्ष देऊन शहरातील बंद असलेले पथदिवे त्वरीत सुरू करावे, अशी मागणी आष्टी येथील नागरिकांनी केली आहे


PostImage

Vaingangavarta19

April 7, 2024

PostImage

आमच्या शेतजमीनीचे भूसंपादन झाले तेव्हा खासदार कुठे होते, संतप्त ग्रामस्थांकडून भाजपचे 'बॅनर' लावण्यास मनाई


आमच्या शेतजमीनीचे भूसंपादन झाले तेव्हा खासदार कुठे होते, संतप्त ग्रामस्थांकडून भाजपचे 'बॅनर' लावण्यास मनाई 

 प्रचारार्थ गेलेल्या कार्यकर्त्यांना ग्रामस्थांनी केला विरोध,खासदार अशोक नेते यांच्या अडचणीत वाढ 

गडचिरोली : 
चामोर्शी तालुक्यातील १० गावातील नागरिकांनी लोकसभा निवडणुकीत उभे असलेले भाजप चे उमेदवार खा.अशोक नेते यांच्या प्रचारार्थ लावण्यात येणारे बॅनर लावण्यासाठी ग्रामस्थांनी विरोध केला आहे
जिल्ह्यात प्रस्तावित लोहप्रकल्पासाठी चामोर्शी तालुक्यातील शेतकऱ्यांच्या जमिनी संपादित करण्यासाठी शासनाने काही महिन्यांपूर्वी अधिसूचना काढली आहे. यावरून जवळपास १० गावातील नागरिकांमध्ये असंतोष असून ऐन लोकसभा निवडणुकीत पुन्हा एकदा वाद उफाळून आला आहे. गडचिरोली-चिमूर लोकसभेचे भाजपचे उमेदवार अशोक नेते यांच्या प्रचारासाठी गेलेल्या कार्यकर्त्यांना येथील ग्रामस्थांनी हाकलून लावले असून प्रचाराचे ‘बॅनर’ लावण्यास मनाई केल्याने भाजपच्या अडचणीत वाढ झाली आहे.

बऱ्याच नाट्यमय घडामोडीनंतर भाजपचे विद्यमान खासदार अशोक नेते यांना शेवटच्या क्षणी तिसऱ्यांदा उमेदवारी मिळाली. मात्र, प्रचारादरम्यान त्यांना व कार्यकर्त्यांना ग्रामस्थां कडून फटका बसत असल्याचे चित्र आहे. त्यात अधिक भर पडली असून चामोर्शी तालुक्यातील जवळपास १० गावातील नागरिक भूसंपादनावरून पुन्हा एकदा आक्रमक झाले आहे. दरम्यान, मुधोलीचक क्र. १ आणि जयरामपूर येथे भाजपचे काही नेते व कार्यकर्ते प्रचारासाठी गेले असता त्यांना गावकऱ्यांनी हाकलून लावले. इतक्यावरच न थांबता त्यांना गावात बॅनर लावण्यास मनाई केली आहे. भूसंपादनावरून बहुतांश गावातील नागरीकांमध्ये रोष बघायला मिळत असून याविरोधात वर्षभरापासून आंदोलन करण्यात येत असताना खासदार कुठे होते. आता निवडणुका आल्या की ते आमच्याकडे येत आहेत, असे गावकऱ्यांचे म्हणणे आहे. एक-दोन दिवसात सर्व प्रभावित क्षेत्रातील गावकरी एकत्र बैठक घेणार असून त्यानंतर पुढची भूमिका एकत्रितपणे ते जाहीर करणार आहेत.

 


गडचिरोली जिल्ह्यातील प्रस्तावित लोहप्रकल्पासाठी चामोर्शी तालुक्यातील कोनसरी, मुधोली चक क्र.१, सोमनपल्ली, जयरामपूर, मुधोलीचक क्र.२, पारडी देव यांच्यासह जवळपास १० गावातील ९६३.०५२२ हेक्टर जमीन शासनाने संपादित करण्याचे ठरवले आहे. परंतु या भूसंपादनाला गावकऱ्यांचा प्रचंड विरोध आहे. त्यांनी याविरोधात दोन वेळा मोर्चा देखील काढला होता. त्यावेळेस कोणत्याच लोकप्रतिनिधींनी साथ दिली नाही. यामुळे त्यांचा खासदारांवर रोष आहे


PostImage

Vaingangavarta19

April 7, 2024

PostImage

आष्टीत भारतीय जनता पक्षाचा स्थापना दिवस मोठ्या उत्साहात साजरा


आष्टीत भारतीय जनता पक्षाचा स्थापना दिवस मोठ्या उत्साहात साजरा


आष्टी : भारतीय जनता पार्टीचा स्थापना दिवस शनिवारी (ता. ६) रोजी आष्टी येथील भारतीय जनता पार्टीच्या जनसंपर्क कार्यालयात छत्रपती शिवाजी महाराज यांच्या प्रतिमेचे पूजन व पुष्पहार अर्पण करून मान्यवरांच्या उपस्थितीत मोठ्या उत्साहात साजरा करण्यात आला.
भारतीय जनता पक्षाचे माजी जिल्हा परिषद सदस्य धर्मप्रकाश प्रकाश कुकूडकर यांच्या शुभ हस्ते आष्टी येथील जनसंपर्क कार्यालयावर पक्ष ध्वज फडकविण्यात आला.भारतीय जनता पक्षाची स्थापना ६ एप्रिल १९८० साली झाली.आज भाजप पक्षाला ४३ वर्ष पूर्ण झाली असून जगातील सर्वात मोठा पक्ष म्हणून आपली ओळख निर्माण केली आहे.

या प्रसंगी आष्टी शहरातील भाजपचे नेते संजय पंदिलवार, माजी जिल्हा परिषद सदस्य धर्मप्रकाश कुकुडकर, विठ्ठल आवारी, प्रकाश बोबाटे, प्रभुदास खोब्रागडे, राजनाथ कुशवाह  आदींसह कार्यकर्ते मोठ्या संख्येने उपस्थित होते.


PostImage

Vaingangavarta19

April 7, 2024

PostImage

सुधीर मुनगंटीवार यांच्या प्रचारार्थ पांढरकवडा येथे आलेल्या केंद्रीय मंत्री नितीन गडकरी यांना पहाव्या लागल्या रिकाम्या खुर्च्या 


सुधीर मुनगंटीवार यांच्या प्रचारार्थ पांढरकवडा येथे आलेल्या केंद्रीय मंत्री नितीन गडकरी यांना पहाव्या लागल्या रिकाम्या खुर्च्या 

ओबिसीला उमेदवारी नाकारल्याने भाजपला पडणार काय महागात ?

 

पांढरकवडा :- १३ व्या सार्वत्रिक लोकसभा निवडणुकीचे रणशिंग फुंकले असून पहिली टप्प्यातील चंद्रपूर लोकसभा मतदार संघात निवडणूक संपन्न होत आहे. यातील महायुती व भाजपचे उमेदवार सुधीर भाऊ मुनगंटीवार यांच्या प्रचारार्थ दिनांक ६ एप्रिल रोजी दुपारी २ वाजता पांढरकवडा येथे केंद्रीय रस्ते बांधकाम मंत्री ना. नितीन गडकरी यांच्या सभेचे आयोजन केले असता या सभेकडे मतदारांनी पाठ फिरविल्याचे गडकरी यांच्या सभेचा शो फ्लॉप झाल्याने भाजपच्या गोठ्यात कमालीची नाराजी पसरली आहे. भाजपा कडून ओबीसी समाजाला उमेदवारी नाकारल्याने याचे परिणाम या प्रचार सभेतून निदर्शनास येत आहे. सुरवातीला थोडी फार गर्दी दिसून आली असली तरी नेत्यांच्या भाषणावेळी मात्र गर्दी ओसरू लागली होती

येत्या १९ एप्रिल २०२४ रोजी लोकसभेच्या पहिल्या टप्प्यातील निवडणुका संपन्न होत आहेत. यातील चंद्रपूर आर्णी वणी लोकसभा मतदार संघात प्रचाराची रणधुमाळी सुरू झाली आहे. चंद्रपूर लोकसभा मतदार संघात सर्वाधिक मतदार हे ओबीसी समाजाचे असून त्यांच्या सोबतीला एस. सी. एस. टी. विजेएनटी व मुस्लिम समाज मतदार जवळपास १२ ते १४ लाखाच्या वर संख्या आहे. असे असताना देखील भाजपाकडून ओबिसी समाजाच्या नेतृत्वाला डावलून केवळ २ ते ३ हजार मतदान असलेल्या आर्य वैश्य कोमटी (सावकार) समजला उमेदवारी दिल्याने ओबीसी समाजात मोठी नाराजी पसरली आहे. या नाराजीचा परिणाम आता भाजप नेत्यांच्या प्रचार सभेत दिसून येत आहे. आयोजकांनी आयोजित केलेल्या प्रचार सभेतील शेकडो खुर्ध्या रिकाम्या दिसून आल्याने उमेदवारांच्या पायाखालची जमीन सरकायला लागली आहे
महागाई व शेतकऱ्यांच्या शेतमालाच्या भावाचे धोरण ठरविण्यात भाजप पुर्णतः फेल झाल्याने सर्व सामान्य नागरिक मात्र चांगलेच नाराज आहे. त्यामुळे भाजपच्या सभेला देखील जाण्यास निरुत्साही असल्याचे दिसून आले आहे. पांढरकवडा येथील सभेत भाजपचे आमदार व अनेक पदाधिकारी उपस्थित असले तरी मतदारांची अनुपस्थिती बघून मात्र नेते मंडळींचा चांगलाच हिरमोड झाल्याची सूत्रांकडून माहिती मिळाली आहे


PostImage

Vaingangavarta19

April 6, 2024

PostImage

चिचडोह बॅरेजच्या पुलावरून होत होती अवैध दारु तस्करी म्हणून चारचाकी वाहनांचा झाला प्रवेश बंद


चिचडोह बॅरेजच्या पुलावरून होत होती अवैध दारु तस्करी म्हणून चारचाकी वाहनांचा झाला प्रवेश बंद

एलसीबी ने पकडली बारा लाख रुपयांची अवैध तस्करीतील दारु 

गडचिरोली - चिचडोह बॅरेज, लोढोंली घाटावर दोन सुमोत भरलेली १२ लाखाची दारू LCB गडचिरोलीच्या अधिकाऱ्यांनी पाठलॉग करून पकडली असता दारू तस्करांनी जिवाची पर्वा न करता चिचडोह बॅरेजच्या पुलावरुन पाण्यात उडी मारली असता त्याचा पायच फॉक्चर झाला. सदर घटनेमुळे जिल्हा पोलीस अधिक्षक निलोप्पल व पाटबंधारे विभाग चंद्रपूर यांनी सदर पुलावरील रहदारीच बंद केली. दि. ५ एप्रिलच्या पहाटेला दारू तस्करांनी दोन सुमो गाड्यात दारूच्या पेट्या भरून लोंढोली वरून चामोर्शी मार्ग चिचडोह बरेंज वरून दारू तस्करी करीत असल्याचा सुगावा गडचिरोली LCB अधिकारी व कर्मचारी यांना लागताच त्यांनी दोन्ही गाड्याचा पाठलाग करून व चामोर्शी पोलीसांना माहीती देऊन चामोर्शी पोलीसांनी चामोर्शी कडील गेट बंद केला त्यामुळे दारू तस्करीच्या दोन्ही गाड्या चौकीदारांना न जुमानता सुसाट वेगाने जावून पुलाच्या मंध्यतरीच थांबल्या. त्यातील दारू तस्करीचा मोरक्या पुलावरून चक्क पाण्यात उडी घेतली तो पाण्याच्या खाली पडला. पाणी कमी होते परंतु अंदर खडक असल्यामुळे दारू तस्कराचा पाय मोडला त्यामुळे त्याला पळता आले नाही. सापडलेल्या दोन्ही गाड्यांत १२ लाखाची दारू सापडली. पोलीसांनी ती हस्तगत करून पाय मोडलेल्या दारू तस्कराला चामोर्शी रुग्णालयात उपचारासाठी दाखल करण्यात आले. सदर घटनेमुळे जिल्हा पोलीस अधिक्षक गडचिरोली व पाटबंधारे विभाग चंद्रपूर यांनी गेट समोर प्रवेश बंदचा बोर्ड  लावल्यामुळे आता रहद्दारीच बंद पडली. त्यामुळे सर्व सामान्य व्यक्तीच्या गाड्या लग्नसराईतच बंद पडल्या आता त्यांना त्रास सहन करावा लागत आहे. सदर पुलावरून आवागमन करणाऱ्या सर्वच गाड्या दारूची तस्करी करणाऱ्या नसतात. लग्नसराईत जाणाऱ्या व दवाखाणात जाणाऱ्याना आता त्रास सहन करावा लागतो आहे. तेव्हा
जिल्हा पोलीस अधिक्षकांनी दोन्ही बाजुला पोलीस चौकी बसवावी परंतु रहदारी बंद करू नये तसेच रात्रौ गेट बंद करणाच्या वेळेत ७ ऐवजी रात्रौ १० वाजता पर्यंत गेट सुरु ठेवावे अशी मागणी जोर धरू लागली आहे रिपब्लिकन पार्टी जिल्हा चंद्रपूर चे जिल्हा अध्यक्ष गोपाल रायपूरे व रिपब्लिकन पार्टी गडचिरोली जिल्ह्याचे जिल्हाध्यक्ष प्रा. मुनिश्वर बोरकर यांनी निवेदनाद्वारे आवागमन करणाऱ्या प्रवाशांना त्रास देऊ नये असेही निवेदनात म्हटले आहे


PostImage

Vaingangavarta19

April 4, 2024

PostImage

देसाईगंज पोलीसांनी जबरी चोरी करणा­ऱ्या दोन आरोपींना केली अटक


देसाईगंज पोलीसांनी जबरी चोरी करणा­ऱ्या दोन आरोपींना केली अटक

 

वडसा (देसाईगंज):-
पोस्टे देसाईगंज प्रभारी अधिकारी पोनि. अजय जगताप यांचे आदेशान्वये सपोनि. संदिप आगरकर व पोस्टे स्टाफ हे पोलीस स्टेशन परिसरात पेट्रोलींग करीत असतांना, प्रभारी अधिकारी यांना गोपनिय बातमीदारांनी ०१ एप्रिल २०२४ रोजी माहिती दिली की, मौजा अरकतोंडी, पळसगांव महादेव पहाडी येथे दोन इसमांचे मोबाईल व पैसे जबरीे हिसकावुन चोरुन नेले. अशा मिळालेल्या गोपनिय बातमीच्या आधारावर सपोनि. आगरकर व पोस्टे स्टाफ यांचे एक पथक तात्काळ महादेव पहाडी पळसगांव येथे गेले असता, तिथे फिर्यादी नामे जय सहदेव दोनाडकर रा. बरडकीन्ही तह. ब्राम्हपूरी जि. चंद्रपूर यांनी सांगीतले की, जय व त्याचा मित्र हर्षल पहाडी चढत असतांना हर्षल यास दम आल्याने तो थोडा वेळ थांबला असता, हर्षलजवळ दोन अनोळखी पगडी बांधुन असलेले सरदार त्यांचेजवळ येतांना दिसुन आल्याने फिर्यादी जय हा हर्षलजवळ आले असता, पगडी बांधून असलेल्या दोन्ही इसमांनी त्यांना मारण्याची धमकी देऊन तुमच्याकडे असलेले पैस आम्हाला द्या असे धमकावल्याने फिर्यादी जय याने नकार दर्शविल्याने त्यापैकी एक मजबूत बांधा असलेल्या इसमाने फिर्यादी जय यांचे कॉलर पकडुन तुला मारुन टाकीन असे म्हणुन खिशात हात टाकुन खिशातील पॉकीटमध्ये असलेले ९५० रु. हिसकावुन घेतले. तसेच हर्षलकडे असलेले एक रिअल मी ७-१ कंपनीचे मोबाईल किंमत अंदाजे १३ हजार ५०० रु. हिसकावुन घेतले. त्यानंतर तिथे लोकं मदतीला येत असतांना पाहून, ते दोन्ही इसम पैसे व मोबाईल घेऊन पहाडीवर पळून गेले.


असे फिर्यादीने सांगितल्याने, सपोनि. आगरकर व त्यांच्या पोलीस स्टाफ यांनी फिर्यादीस सोबत घेऊन महादेव पहाडी वरील झुडपी जंगलात शोध घेतला असता, दोन अनोळखी इसमांनी त्यांना पाहताच पळ काढला. सदर पळुन जाणाऱ्या दोन अनोळखी इसमांना पोलीस पथकांनी अत्यंत शिताफीने ताब्यात घेऊन सखोल चौकशी केली असता, सदर संशयित इसमांची नावे १) बादलसिंग नैतरसिंग टाक (३२) व २) अनमोलसिंग निर्मलसिंग टाक (२८) दोघेही रा. अर्जुनी मोरगाव सिंगलटोली वार्ड नं. २, तह. अर्जुनी मोरगाव, जि. गोंदिया असे असून फिर्यादी व इतर प्रथमदर्शी साक्षीदार यांचेकडे प्राथमिक तपास करुन तसेच आरोपीतांकडुन गुन्ह्रात जबरीने चोरुन नेलेला एकुण १४ हजार ४५० रु. चा मुद्देमाल मिळून आल्याने त्यांचे विरुद्ध फिर्यादीच्या रिपोर्ट वरुन पोस्टे देसाईगंज येथे अप क्र. १०८/२०२४ कलम ३९२, ३४ भादंवि अन्यये गुन्हा दाखल करण्यात आलेला आहे.

सदर गुन्ह्राचा पुढील तपास सपोनि. आगरकर करीत असून, अटक करण्यात आलेल्या दोन्ही आरोपीतांना न्यायालयाने ०३ दिवस पोलीस कोठडी रिमांड मंजूर केलेला आहे.

सदरची कार्यवाही पोलीस अधीक्षक नीलोत्पल, अपर पोलीस अधीक्षक (प्रशासन) कुमार चिंता तसेच उपविभागीय पोलीस अधिकारी कुरखेडा रविंद्र भोसले यांच्या मार्गदर्शनाखाली प्रभारी अधिकारी पोस्टे देसाईगंज पोनि. अजय जगताप, सपोनि. संदिप आगरकर, पोअं/५५३८ विलेश ढोके, पोअं/३७५५ शैलेश तोरपकवार यांनी केलेली आहे


PostImage

Vaingangavarta19

April 3, 2024

PostImage

एलसीबीच्या अधिकाऱ्यांनीच मागीतली लाच मात्र सापडले लाचलुचपत प्रतिबंधक विभागाच्या जाळ्यात


एलसीबीच्या अधिकाऱ्यांनीच मागीतली लाच मात्र सापडले लाचलुचपत प्रतिबंधक विभागाच्या जाळ्यात

पोलीस निरीक्षकासह दोन पोलीस कर्मचाऱ्यांना लाच मागितल्याप्रकरणी अटक

धुळे : -
धुळे स्थानिक गुन्हे शाखेच्या पोलीस निरिक्षकासह दोन कर्मचाऱ्यांनी एका व्यक्तीकडून हद्दपार कारवाई न करण्यासाठी २ लाखांची लाच मागितल्या प्रकरणी लाच लुचपत प्रतिबंधक विभागाच्या वतीने कारवाई करण्यात आली आहे. धुळे येथे झालेल्या कारवाईने संपूर्ण पोलीस दलात खळबळ उडाली आहे.

धुळे जिल्ह्यातील दोंडाईचा येथील 35 वर्षीय तक्रारदाराच्या तक्रारीनुसार, ते राजकीय व सामाजिक कार्यकर्ता आहेत. राजकीय सहकार्‍यांशी मतभेद झाल्याने त्यांच्याविरोधात दोंडाईचा पोलिसात गुन्हा दाखल आहे.स्थानिक गुन्हे शाखेचे वरिष्ठ पोलीस निरीक्षक दत्तात्रय शिंदे (सम्राट चौक, शाहू कॉम्प्लेक्स, फ्लॅट नं. 2, बीड) व पोलीस हवालदार नितीन आनंदराव मोहने (रा. प्लॉट नंबर 58, गंदमाळी सोसायटी, देवपूर, धुळे) व पोलीस हवालदार अशोक साहेबराव पाटील (प्लॉट नंबर 25, मधुमंदा सोसायटी, नकाने रोड, देवपूर, धुळे) यांना धुळे एसीबीने अटक केली आहे

तक्रारदाराने 1 एप्रिल रोजी धुळे एसीबीकडे तक्रार नोंदवल्यानंतर धुळे येथील स्थानिक गुन्हे शाखेत जावून लाच पडताळणी केल्यानंतर पोलीस निरीक्षक दत्तात्रय सखाराम शिंदे यांनी तक्रारदाराकडून पंचांसमक्ष दोन लाख रुपये लाचेची मागणी करुन रक्कम पोलीस हवालदार नितीन आनंदराव मोहने व अशोक साहेबराव पाटील यांना देण्यास सांगितले. तक्रारदाराने दोन्ही कर्मचार्‍यांशी संपर्क साधला असता त्यांनी तडजोडीअंती दिड लाखांची रक्कम स्वीकारण्याचे मान्य केले व सोमवारी सायंकाळी दोंडाईचा येथील धुळे रस्त्यालगत असलेल्या जैन मंदिरा समोरील मोकळ्या जागेत लाचेची रक्कम स्वीकारताच त्यांना अटक करण्यात आली. पोलीस निरीक्षकांच्या सांगण्यावरून लाच स्वीकारण्यात आल्याचे एसीबीच्या चौकशी निष्पन्न झाल्यानंतर रात्री उशिरा पोलीस निरीक्षक शिंदे यांना अटक करण्यात आली.
कारवाई लाचलुचपत प्रतिबंधक धुळे विभागाचे पोलीस उपअधीक्षक अभिषेक पाटील यांच्या मार्गदर्शनाखाली पोलीस निरीक्षक रुपाली खांडवी, पोलीस निरीक्षक हेमंत बेंडाळे तसेच पथकातील राजन कदम, मुकेश अहिरे, संतोष पावरा, रामदास बारेला, प्रविण मोरे, प्रशांत बागुल, प्रविण पाटील, सुधीर मोरे, जगदीश बडगुजर यांनी केली आहे


PostImage

Vaingangavarta19

April 3, 2024

PostImage

Beed Braking News रामपुरी येथे पहाटेच्या सुमारास लागली घराला भिषण आग


Beed Braking News

रामपुरी येथे पहाटेच्या सुमारास लागली घराला भिषण आग 
 

बिड:-
 रामपूरी येथील पहाटे पाच वाजण्याच्या दरम्यान घराला भीषण आग लागली असून, यामध्ये साडेतीनशे क्विंटल कापूस आणि संसार उपयोगी साहीत्य जळून खाक झाल्याची घटना घडली आहे
 तात्काळ घटनास्थळी अग्निशामक दलाला पाचारण करण्यात आले होते मात्र तोपर्यंत आगीने रौद्ररूप धारण केले असल्याने संपूर्ण घराची राखरांगोळी झाली आहे 
गेवराई तालुक्यातील रामपुरी येथे पहाटेच्या दरम्यान घराला भीषण आग लागली असून, मोठ्या प्रमाणात नुकसान झाले आहे. अंकुश जगदीश मस्के असे त्या घरमालकाचे नाव आहे. शॉर्टसर्किटमुळे घराला आग लागल्याचा अंदाज व्यक्त केला जात आहे. सदर शेतकरी बागायतदार असून घरामध्ये मोठ्या प्रमाणात कापूस असल्याचे सांगण्यात आले. सदर घटना घडताच तात्काळ गेवराई येथील अग्निशामक दलाला पाचारण करण्यात आले. सदर आग आज बुधवारी पहाटे पाच वाजण्याच्या दरम्यान लागली. यामध्ये सदर शेतकऱ्याचा साडेतीनशे क्विंटल कापूस जळून खाक झाल्याची प्राथमिक माहिती दिली आहे. सदर घटनेमध्ये कोणतीही जीवित हानी झाली नसून, मात्र घरात साठवून ठेवलेल्या कापसाचे मोठे नुकसान झाले आहे. यामध्ये घरातील संसार उपयोगी साहीत्य जळून खाक झाल्या आहेत. घटनास्थळी अग्निशामक दल दाखल होऊन आग विझवण्याचा प्रयत्न केला मात्र, तोपर्यंत मोठ्या प्रमाणात नुकसान झाले होते.


PostImage

Vaingangavarta19

April 3, 2024

PostImage

आलेरे बावा जंगली हत्ती चामोर्शी तालुक्यातील विकासपल्लीत


आलेरे बावा जंगली हत्ती चामोर्शी तालुक्यातील विकासपल्लीत


 चार शेतकऱ्यांच्या मक्का पिकांचे केले नुकसान

चामोर्शी:-
 तालुक्यातील घोट वनपरीक्षेत्रा अतर्गत येत असलेल्या विकासपल्ली येथे दोन हत्ती आल्याची माहिती रात्रो 7:30 च्या दरम्यान उजेडात आली असून चामोर्शी तालुक्याच्या शेवटच्या टोक असेलल्या विकासपल्ली येथे आता हत्ती शिरल्याची माहिती असून दोन शेतकरी शेतीची राखण करीत असतांना हत्ती पासून जीव वाचविण्यासाठी झाडावर चढून जीव वाच्यविण्याच्या प्रयत्न केला.

याबाबत घोटच्या वनपरीक्षेत्र अधिकारी निलेश वाडीघरे यांना माहीती देण्यात आली असून हत्तीने विकासपल्ली गावालगत असलेल्या गौतम गौरचंद मंडल, गौरग सिदाम सरकार, निशिकांत दुर्गाचरण गाईन व नरेश नारायण मिस्त्री या चार शेतकऱ्यांचे मक्का पिकाचे मोठ्या प्रमाणात नुकसान केले आहे घटनेचे माहिती मिळताच घोट वन विभागाचे पथक रात्रो व आज सकाळी विकासपल्ली रवाना झाले आहे तसेच ड्रोन कॅमेऱ्याची मदत घेण्यात येणार असल्याची माहिती प्राप्त झाली आहे नागरिकांनी सावधगिरी बाळगावी असे आवाहन वनविभागाच्या वतीने करण्यात आले आहे.

हत्ती या परिसरात असल्याची माहिती मिळताच हुल्ला टिम सुद्धा या परिसरात दाखल झाली आहे.


PostImage

Vaingangavarta19

April 3, 2024

PostImage

श्री सद्गुरू साईबाबा विज्ञान व वाणिज्य महाविद्यालयातर्फे मतदार जनजागृती रॅलीचे आयोजन


श्री सद्गुरू साईबाबा विज्ञान व वाणिज्य महाविद्यालयातर्फे मतदार जनजागृती रॅलीचे आयोजन

 

आष्टी:-
 श्री साईबाबा ग्रामीण विकास संस्था गडचिरोली द्वारा संचालित श्री सद्गुरू साईबाबा विज्ञान वाणिज्य महाविद्यालय आष्टी च्या राष्ट्रीय सेवा योजना विभागाअंतर्गत मतदान प्रक्रियेत जिल्ह्यातील सर्व मतदारांचा सहभाग व मतदानाची टक्केवारी वाढविण्याच्या दृष्टिकोनातून माननीय जिल्हाधिकारी गडचिरोली यांच्या आदेशानुसार  मतदार जनजागृती रॅलीचे आयोजन करण्यात आले.
       या रॅलीचे आयोजन राष्ट्रीय सेवा योजनेचे कार्यक्रम अधिकारी डॉ. रमेश सोनटक्के यांच्या अध्यक्षतेखाली करण्यात आली. लोकशाही पद्धतीने होणाऱ्या निवडणूक प्रक्रियेत मतदान करणे हे प्रत्येकाचे नैतिक कर्तव्य आहे, मतदान जनजागृती च्या माध्यमातून येणाऱ्या लोकसभा 2024 च्या निवडणुकीत मतदानाची टक्केवारी वाढवून लोकशाही अधिक मजबूत करावी असे आव्हान डॉ. रमेश सोनटक्के यांनी केले. या रॅलीमध्ये विद्यार्थ्यांच्या हाती घोषणा फलक देऊन विद्यार्थ्यांनी ' आपल्या अमूल्य मताचे दान, आहे लोकशाहीची शान', 'मतदान करा, देश वाचवा' अशा प्रकारच्या विविध घोषणा देत मतदारांना जागृती करण्यात आले.महाविद्यालयाच्या प्रांगणातून घोषणा देत रॅलीचा शुभारंभ करण्यात आला, ही रॅली आष्टी या गावातून फिरून  रॅलीच्या समारोप प्रसंगी प्राध्यापक व विद्यार्थ्यांनी मतदान करून व मतदारांमध्ये जनजागृती करण्याची शपथ घेण्यात आली. या रॅलीमध्ये महाविद्यालयातील प्राध्यापक, शिक्षकेतर कर्मचारी व विद्यार्थी मोठ्या संख्येने उपस्थित होते.


PostImage

Vaingangavarta19

April 2, 2024

PostImage

Breaking news आपचे खासदार संजय सिंह यांचा जामीन मंजूर, तुरुंगातून निघाले बाहेर


Breaking news
आपचे खासदार संजय सिंह यांचा जामीन मंजूर, तुरुंगातून निघाले बाहेर


नवी दिल्ली : -
आपचे खासदार संजय सिंह यांचा जामीन मंजूर झाला असून तुरुंगातून ते बाहेर पडले आहेत 
आम आदमी पक्षाचे सर्वेसर्वा आणि दिल्लीचे मुख्यमंत्री अरविंद केजरीवाल दारू घोटाळ्यामध्ये तुरुंगात गेले आहेत. केजरीवाल यांना २१ मार्चला ईडीने अटक केली होती, सोमवारी त्यांना न्यायालयीन कोठडीत पाठविण्यात आले आहे. अशातच गेल्या सहा महिन्यांपासून दारू घोटाळ्याप्रकरणी तुरुंगात असलेले राज्यसभा खासदार संजय सिंह यांना जामिन मिळाला आहे.

यामुळे संजय सिंह राजकीय घडामोडींमध्ये, आपच्या प्रचारामध्ये भाग घेऊ शकणार आहेत. सर्वोच्च न्यायालयाच्या तीन न्यायमूर्तींच्या खंडपीठाने संजय सिंह यांच्या जामिन अर्जावर सुनावणी घेतली होती. यामध्ये संजय सिंह यांना आतादेखील तुरुंगात ठेवण्याची गरज का आहे, असा सवाल खंडपीठाने ईडीला विचारला होता. यावर सिंह यांच्या वकिलांनी पैशांच्या अफरातफरीचे काहीच सिद्ध करू शकले नाहीत, तसेच मनी ट्रेलही दाखवू शकले नाहीत, असे कोर्टाच्या निदर्शनास आणून दिले होते.
संजय सिंह यांनी मनी लाँड्रिंग प्रकरणी अटक आणि रिमांडविरोधात सर्वोच्च न्यायालयात आव्हान याचिका दाखल केली होती. यामध्ये खंडपीठाने सिंह यांच्याकडून कोणतेही पैसे जप्त करण्यात आलेले नाहीत. तसेच त्यांच्यावरील दोन कोटींची लाच घेतल्याच्या आरोपांची चौकशी केली जाऊ शकते, असे नमूद केले. ईडीच्या वकिलांनी आपण त्यांना सूट देऊ शकतो असे म्हटले होते.

संजय सिंह यांना गेल्या वर्षी ४ ऑक्टोबरला ईडीने अटक केली होती. हायकोर्टात ईडीने सिंह यांच्या जमिन अर्जाला विरोध केला होता. यानंतर तीन महिन्यांनी सिंह यांनी सर्वोच्च न्यायालयात याचिका दाखल केली होती. यामध्ये त्यांनी मी गेल्या तीन महिन्यांपासून तुरुंगात आहे, परंतु आजवर मला गुन्हा काय आहे आणि माझी त्यात भुमिका काय आहे, हे देखील सांगितले गेल नाहीय, असे म्हटले होते


PostImage

Vaingangavarta19

April 2, 2024

PostImage

९ नक्षल्यांचा पोलीसांनी केला खात्मा


९ नक्षल्यांचा पोलीसांनी केला खात्मा

बीजापूर, दि. 02 : जिल्ह्यातील गांगलूर पोलीस ठाण्याच्या हद्दीतील कोरचोली आणि लेंद्रा जंगल परिसरात आज 2 एप्रिल रोजी सकाळच्या सुमारास पोलीस नक्षल चकमक उडाली. या चकमकीत दुपारपर्यंत 4 नक्षली ठार झाल्याची माहिती समोर आली होती व ठार नक्षलींचा आकडा वाढण्याची शक्यता वर्तविण्यात आली होती दरम्यान दुपारनंतर आणखी 5 नक्षलीचे मृतदेह आढळून आल्याची माहिती पुढे येत असून ठार झालेल्या नक्षलींचा आकडा आता नऊ (9) वर पोहचला आहे. लोकसभा निवडणुकीच्या पार्श्वभूमीवर ही मोठी कारवाई असल्याचे समजते.

बिजापूर जिल्ह्यातील गांगलूर पोलीस ठाण्याच्या हद्दीतील कोरचोली आणि लेंद्रा जंगल परिसरात गांगलूर एरिया कमिटीचे नक्षली मोठ्या प्रमाणात असल्याची माहिती पोलिसांना मिळाली होती. माहितीच्या आधारे डीआरजी, एसटीएफ, कोबरा व सीआरपीएफ चे जवान संयुक्त कारवाई करण्यास निघाले असता चकमक उडाली. या चकमकीत नऊ नक्षल्यांचा खात्मा जवानांनी केला आहे.

घटनास्थळावरून नऊ नक्षल्यांचे मृतदेह, 01 LMG स्वयंचलित शस्त्र / BGL launchers, मोठ्या प्रमाणात साहित्य, स्फोटके व दैनंदिन साहित्य जप्त करण्यात आले. दरम्यान या चकमकीत आणखी काही नक्षली जखमी व ठार होण्याची शक्यता वर्तविण्यात येत असून परिसरात शोधमोहीम तीव्र करण्यात आली आहे.


PostImage

Vaingangavarta19

April 2, 2024

PostImage

बेलोरो वाहनातून अवैध दारू तस्करी तरीही सापडले पोलीसांच्या जाळ्यात


बेलोरो वाहनातून अवैध दारू तस्करी तरीही सापडले पोलीसांच्या जाळ्यात

आष्टी पोलीसांनी तिन लाख ९६ हजार रुपयांचा मुद्देमाल केला जप्त


आष्टी:-
दारू तस्करांनी वेगवेगळ्या शक्कली लढवून अवैध दारू तस्करी करीत आहेत परंतू पोलीस सुद्धा अलर्ट झाले असल्याने ते पोलीसांच्या जाळ्यात अडकणारच आहेत हे सर्वश्रुत आहे 
आगामी लोकसभा निवडणुकीच्या पार्श्वभूमीवर मतदारांना प्रलोभन दाखविण्यासाठी दारुचा सुद्धा प्रयोग केला जातो म्हणून आष्टी पोलीस रात्रीची गस्त करीत असताना  येणापूर ते जैरामपूर मार्ग क्रमण करीत असताना मुधोली चक १ येथे एक बोलेरो  एम.एच.३४ एक.व्ही २१३६ हे वाहन संशयास्पद दिसले असता  पंचासमक्ष तपासणी केली तेव्हा सदर वाहनात ९० एम एल च्या  देशी दारूचे बाक्स किंमत ९६००० हजार रुपये व वाहनाची किंमत तिन लाख रुपये असा मुद्देमाल जप्त करण्यात आला आहे  व कलम ६५ (अ) ८३ मुदाका नुसार गुन्हा दाखल करण्यात आला असून फरार आरोपीचा शोध सुरू आहे 
सदरची कारवाई पोलीस निरीक्षक विशाल काळे यांच्या मार्गदर्शनाखाली पोलीस उपनिरीक्षक मंडल, महिला पोलिस उपनिरीक्षक जगताप, पोलीस शिपाई राउत,मेंदाळे, चापोशी  येनगंटीवार यांनी केली आहे


PostImage

Vaingangavarta19

April 2, 2024

PostImage

श्री हनुमान मंदीर प्रशांत घाम चपराळा येथील मंदिरात यावर्षी रामनवमी उत्सव साजरा होणार


श्री हनुमान मंदीर प्रशांत घाम चपराळा येथील मंदिरात यावर्षी रामनवमी उत्सव साजरा होणार 

देवस्थानचे अध्यक्ष संजय पंदिलवार यांची माहिती

अशोक खंडारे मुख्य संपादक वैनगंगा वार्ता १९

आष्टी: चामोर्शी तालुक्यातील चपराळा हे एक भाविकांच्या श्रद्धेचे स्थान आहे. येथे कार्तिक स्वामी महाराजांचे मंदिर आहे. त्याला लागून साईबाबा, शंकर, मारोती इत्यादीचे मंदिर व शिवलिंग आहे. येथे नेहमीच भाविकांची गर्दी असते. महाशिवरात्रीला येथे यात्रा भरते. हनुमान जयंतीला येथे काला व भजन किर्तनाचे कार्यक्रम आयोजित करण्यात येतात.मंदिरापासून जवळच वर्धा-वैनगंगा नदीचा संगम आहे. यालाच प्रशांत धाम असे म्हणतात. नदीचे पात्र विस्तीर्ण असून त्यांचे दोन्ही काठ नैसर्गिक सौंदर्याने नटलेले आहेत. मंदिरासमोरून आजु-बाजुला घनदाट सागवानाची झाडे व काही चंदनाचे वृक्ष आहेत. या मंदिराच्या परिसरात जंगल असल्यामुळे भाविकांना व पर्यटकांना वृक्ष छायेचा आश्रय घेऊन थांबण्यास अधिक मौज वाटते यावर्षी श्री हनुमान मंदीर प्रशांत घाम चपराळा येथील मंदिरात रामनवमी उत्सव व पालखी पदयात्रा कार्यक्रम बाबत श्री हनुमान मंदीर प्रशांत घाम चपराळा मंदिर समितीच्या वतीने बैठक घेण्यात आली आष्टी परिसरात श्री हनुमान मंदीर प्रशांत घाम चपराळाच्या वतीने पालखी पदयात्रा काढण्यात येणार असल्याची माहिती श्री हनुमान मंदीर देवस्थानचे अध्यक्ष संजय पंदिलवार यांनी दिली


PostImage

Vaingangavarta19

April 2, 2024

PostImage

पाणी द्या हो पाणी द्याहो, गडचिरोलीतील लक्ष्मी नगर महिलांचा टाहो!


पाणी द्या हो पाणी द्याहो, गडचिरोलीतील लक्ष्मी नगर महिलांचा टाहो!

तिन महिन्यांपूर्वी पासून पाणीपुरवठा योजना बंद आहे 

गडचिरोली:-
 अशोक खंडारे मुख्य संपादक वैनगंगा वार्ता १९

गडचिरोली शहरातील पाणीपुरवठा नळ योजना तीन महिन्यापासून ठप्प पडली असून आरमोरी रोड,लक्ष्मी नगर मध्ये पाणी पुरवठा होत नसल्याने लक्ष्मी नगर च्या नागरिकांना पिण्याच्या पाण्यासाठी भटकंती करावी लागत आहे . तीन महिन्यापासून लक्ष्मी नगर शहरवासीयांना पिण्याच्या पाण्याचा पुरवठा होत नसल्याने पिण्याच्या पाण्याचे दुर्भिक्ष्य निर्माण झाले आहे.
गडचिरोली नगर परिषदेच्या अधिकाऱ्यांना निवेदन देऊनही नगर प्रशासन याबाबत उदासीन असल्याचे दिसून येते आहे 
असे असूनही मात्र पाणी कर सुरुच आहे तिन महिन्यात पाणीपुरवठा करण्यात आला नाही तर पाणीकर का द्यावे असे प्रश्न लक्ष्मी नगरवासीयांना पडले आहे
 गडचिरोली शहरातील प्रशासन सुज्ञ असूनही या बाबतीत उदासीन का आहे हाही प्रश्न अनुत्तरित आहे 
उन्हाळ्याच्या सुरुवातीलाच पिण्याच्या पाण्यासाठी लक्ष्मी नगर शहरवासीयांना इतरत्र धाव घ्यावी लागत असल्याने ‘दुष्काळात तेरावा महिना’ म्हणण्याची वेळ लक्ष्मीनगर शहरवासीयांवर आलेली आहे.
गडचिरोली शहराला ईतर वार्डात नियमित पाणीपुरवठा होतो आहे मात्र लक्ष्मी नगर मध्ये का होईना ?
 
तिन महिन्यापासून  पाणी पुरवठा ठप्प झाला असल्याने उन्हाळ्याच्या दिवसात पाण्याच्या टंचाईने गृहिणींचे मात्र गणित कोलमडून पडले आहे.

कठाणी नदी पात्रातील पाण्याची पातळी कमी होऊन पाणीपुरवठा ठप्प असेल तर शहरात पाण्याअभावी आणीबाणी होवू नये म्हणून नगर परिषद प्रशासनातर्फे नदीपात्रातील पाण्याच्या विहीरीतील गाळ उपसा करण्याची गरज आहे असे शहरातील सुज्ञ नागरिकांकडून बोलल्या जात आहे  मात्र या बाबी कडे नगर परिषदेच्या प्रशासनाने लक्ष देण्याची गरज असताना कुणीही लक्ष देईना झाले आहेत अशीच स्थिती दिसून येते आहे
पिण्याचे पाणी मिळत नसल्याने लक्ष्मी नगर येथील ग्रामस्थांना  इतरत्र भटकावे लागत आहे

गडचिरोली नगर परिषदेच्या अधिकाऱ्यांना निवेदन देऊनही लक्ष देईना झाले आहेत 
आता प्रश्न असा  पडतो आहे की, ऐन उन्हाळ्याची चाहूल लागताच पाणी पुरवठा बंद झाल्याने लक्ष्मी नगर वासीयांची ससेहोळपड होते आहे तरीसुद्धा नगर परिषद प्रशासन याबाबत उदासीन आहे असेच दिसते आहे
तात्काळ पाणी समस्या दुर करावी अशी मागणी आरमोरी रोड लक्ष्मी नगर येथील महिलांसह  पवन आखाडे,शंकर रनदीवे, विनोद खोब्रागडे ,नितीन तारवेकर,वैभव कहुरके,दिवाकर ठेंगरे,अवी झीलपे,पराये,दिलीप मानुसमारे,पडीशालवार,अशोक सुत्रपवार आदींसह लक्ष्मी नगर वासीयांनी केली आहे


PostImage

Vaingangavarta19

April 1, 2024

PostImage

अल्पवयीन विद्यार्थीनीचा विनयभंग करणाऱ्या शिक्षका विरोधात गुन्हा दाखल


अल्पवयीन विद्यार्थीनीचा विनयभंग करणाऱ्या शिक्षका विरोधात गुन्हा दाखल


कूरखेडा-:
 शाळेत शिक्षणाचे पवित्र कार्य करणाऱ्या एका शिक्षकानेच शाळेतील १३ वर्षीय अल्पवयीन विद्यार्थीनीची छेड़छाड़  केल्याच्या आरोपावरून त्या शिक्षका विरोधात विनयभंग, पोक्सो व विविध कलमान्वये आज सांयकाळी कूरखेडा पोलीस स्टेशन येथे गून्हा दाखल करण्यात आला आहे 
 आरोपी शिक्षकाचे नाव घनश्याम मंगरू सरदारे वय ४७ असे असून तो तालूक्यातीलच एका जि प उच्च प्राथमिक शाळेत शिक्षक आहे शाळेतीलच एका अल्पवयीन मूलीला दोन पानी प्रेम-पत्र देत तसेच तिचा शरीराचा मूका घेणे,चिमटे घेणे अशी छेड काढत असल्याचा आरोप करीत आज मूलीचे पालकानी मूलगी व गावकऱ्यासह कूरखेडा पोलीस स्टेशन येथे पोहचत तक्रार दाखल केली या तक्रारीवरून आरोपी शिक्षकाविरोधात भादवि ३५४(अ) ८,१०,१२ पोस्को अंतर्गत गून्हा दाखल करण्यात आला आहे आरोपी शिक्षक फरार असल्याची माहिती आहे प्रकरणाचा तपास पोलिस निरीक्षक रेवचंद सिंगनजूडे यांच्या मार्गदर्शनात महिला पोलीस उपनिरीक्षक अवचार करीत आहेत


PostImage

Vaingangavarta19

April 1, 2024

PostImage

काँग्रेस चे लोकसभा उमेदवार डॉ.नामदेव किरसान यांच्या गडचिरोली प्रचार कार्यालयाचे उद्घाटन


काँग्रेस चे लोकसभा उमेदवार डॉ.नामदेव किरसान यांच्या गडचिरोली प्रचार कार्यालयाचे उद्घाटन

गडचिरोली:-
गडचिरोली - चिमूर लोकसभा मतदारसंघात इ़डीया आघाडी प्रणित भारतीय राष्ट्रीय काँग्रेसचे अधिकृत उमेदवार डॉ.नामदेव किरसान यांच्या गडचिरोली प्रचार कार्यालयाचे उद्घाटन विरोधी पक्षनेते विजय वडेट्टीवार यांच्या हस्ते करण्यात आले.
यावेळी इंडीया आघाडीचे राष्ट्रवादी काँग्रेसचे जिल्हाध्यक्ष अतुल गण्यारपवार, शिवसेना उबाठा जिल्हाध्यक्ष सुरेन्द्र चंदेल,  मल्लेलवार, माजी जि. प.अध्यक्ष अजय कंकडालवार, अखिल भारतीय रिपब्लिकन पक्षाचे केंद्रीय उपाध्यक्ष रोहिदास राउत, हसन गिलाणी, महिला कांग्रेस जिल्हाध्यक्ष कविता माहोरकर,व जिल्ह्यातील इंडीया आघाडीचे सर्व पक्षांचे पदाधिकारी आणि कार्यकर्ते मोठ्या संख्येने उपस्थित होते


PostImage

Vaingangavarta19

April 1, 2024

PostImage

आंतरराष्ट्रीय स्तरावर युवा कवी प्रभाकर दुर्गे यांचा सत्कार


आंतरराष्ट्रीय स्तरावर युवा कवी प्रभाकर दुर्गे यांचा सत्कार

    आष्टी :-  
   भिडेवाडा बोलला आंतरराष्ट्रीय काव्य लेखन स्पर्धेचा निकाल आयोजक कवी तथा गझलकार विजय वडवेराव यांनी नुकताचं जाहीर झाला असून  या स्पर्धेत गडचिरोली जिल्ह्यातील मुलचेरा तालुका अंतर्गत येणाऱ्या अडपल्ली चक येथील युवा कवी,लेखक प्रभाकर देविदास दुर्गे यांनी उत्तेजनार्थ क्रमांक पटकावला होता,या स्पर्धेचे पारितोषिक वितरण दिनांक 31 मार्च 2024 ला महाराष्ट्र साहित्य परिषद सभागृह पुणे येथे नुकतेच पार पडले त्या कार्यक्रमात कवी,लेखक प्रभाकर देविदास दुर्गे यांना उपस्थित मान्यवर, प्रमुख अतिथी ज्येष्ठ पत्रकार संजय आवटे, प्रा.डॉ.संदीप सांगळे अध्यक्ष मराठी अभ्यास मंडळ सावित्रीबाई फुले पुणे विद्यापीठ, कार्यक्रमाध्यक्ष विजय वडवेराव, व्यंकनबाई चनलवाड जेष्ठ कवयित्री परभणी, कवी विशाल बोरे वृ.प्र.मुंबई दूरदर्शन, एम.डी.कदम संचालक शालेय शिक्षण भारती विद्यापिठ, दादासाहेब सोनवणे माझी संघ प्रमुख दलित स्वयंसेवक संघ, म.भा.चव्हाण जेष्ठ गझलकार, अहिल्या कांबळे राज्यसमन्वयक भिडेवाडा मुक्ती राज्यस्तरीय स्त्री शिक्षिका मोर्चा, गझलकार अनिल कांबळे अध्यक्ष गझलमंत्रण संस्था यांच्या समक्ष सन्मानपत्र, सन्मानचिन्ह, पुष्पगुच्छ, हजार रुपये रोख रक्कम, मानाचा पट्टा, विजय वडवेराव लिखित काव्यसंग्रह बाभळीचा काटा, देऊन सत्कार करण्यात आला या सत्काराबद्दल उपस्थित मान्यवर, नातेवाईक, मित्रपरिवार, साहित्यिक सहकारी, गावकरी मंडळी या सर्वांकडून त्यांच्या वर अभिनंदनाचा वर्षाव होत आहे..


PostImage

Vaingangavarta19

April 1, 2024

PostImage

जनक्रांती दलित पँथर सोलापूर लोकसभेची निवडणूक लढणार--गोविंद चुबुकनारायण


जनक्रांती दलित पँथर सोलापूर लोकसभेची निवडणूक लढणार--गोविंद चुबुकनारायण

 मंगळवेढा -दि.07. मे 2024 रोजी होणारी सोलापूर लोकसभेची निवडणूक जनक्रांती दलित पँथर सर्व शक्तिनीशी लढवणार असल्याची माहिती प्रदेश उपाध्यक्ष गोविंद चुबुकनारायण यांनी दिली. पक्षाच्या जिल्हा कार्यालयात आयोजित केलेल्या वार्तालाप कार्यक्रमात ते बोलत होते.
   पुढे बोलताना ते म्हणाले की, काँग्रेस व भाजप या एकाच नाण्याच्या दोन बाजू असून प्रणिती शिंदे व राम सातपुते हे एकमेकावर आरोप प्रत्यारोप करून जनतेच्या मूळ प्रश्नांना बगल देत आहेत. हे दोन्हीही पक्ष प्रस्थापित असून त्यांना सर्वसामान्य जनतेशी काही देणे घेणे नाही.
 सर्वसामान्य जनतेच्या व कार्यकर्त्यांच्या आग्रहास्तव आपण ही निवडणूक लढवणार असून सोलापूरची विमानसेवा तसेच मराठा आरक्षण हे आपल्या प्रचारातील प्रमुख मुद्दे असून याबाबतची पुढील रणनीती अखण्यात येत असल्याचे सुतोवाच चुबुकनारायण यांनी केले.
 यावेळी जिल्हाध्यक्ष शहाजान पटेल, जिल्हा सचिव जहागीरदार काझी, जिल्हा कार्याध्यक्ष सोमनाथ मेटकरी व जिल्हा संघटक महादेव माने आदि उपस्थित होते.


PostImage

Vaingangavarta19

March 31, 2024

PostImage

ट्रकने चिरडले दुचाकीस्वारास , जागीच झाला गतप्राण 


ट्रकने चिरडले दुचाकीस्वारास , जागीच झाला गतप्राण 

कूरखेडा:-
 एका दुचाकीस्वारास ट्रकने चिरडल्याची घटना कुरखेडा वडसा  राष्ट्रीय महामार्गावरी  नान्ही हद्दीतील एच पी पेट्रोल पंप समोर आज दि.३१ मार्च ला ११.०० वाजता घडली
 
मृतक दुचाकीस्वार यशवंत गहाणे अंगारा सालई खुर्द येथील आहे 
  दिपक ट्रान्सपोर्ट नागपूर येथील ट्रक क्रं.MH-31CB-8635 वडसा वरुन कुरखेडा येथे ट्रान्सपोर्ट सामान खाली करण्या करीता येत असताना नान्ही गावा लगतच्या राष्ट्रीय महामार्गावरील एच पी पेट्रोल पंप समोर ट्रक मोटारसायकलमध्ये झालेल्या अपघातात मोटार सायकल क्र.MH-33-Z-6124(हीरो-सीडी डिलक्स) मोटार सायकलस्वार ट्रकच्या समोरच्या चाकात आल्याने जागेवरच गतप्राण झाला.
अपघात होताच ट्रक चालक घटना स्थळावरुन भिती पोटी फरार झाल्याने कोणताही अनुचित प्रकार घडला नाही. पोलिस विभागाला माहिती होताच त्वरित घटनास्थळी पोहोचून परीस्थिती आटोक्यात आणली. मृतकाचे शव शवविच्छेदन करण्यासाठी रवाना केले व शवविच्छेदन झाल्यावर मृतकाचे शव नातेवाईकांच्या ताब्यात देण्यात आले
अधीक तपास कुरखेडा पोलीस करीत आहेत


PostImage

Vaingangavarta19

March 30, 2024

PostImage

आष्टी शहरातील नळ योजना एक महिन्यापूर्वी पासून बंद, पिण्याच्या पाण्यासाठी ग्रामस्थांची इलूर कडे धाव


आष्टी शहरातील नळ योजना एक महिन्यापूर्वी पासून बंद, पिण्याच्या पाण्यासाठी ग्रामस्थांची इलूर कडे धाव 

 

आष्टी : अशोक खंडारे मुख्य संपादक वैनगंगा वार्ता १९

आष्टी शहरातील पाणीपुरवठा नळ योजना एक महिन्यापासून ठप्प पडली आहे पाणी पुरवठा होत नसल्याने  शहरातील नागरिकांना ईल्लूरकडे पिण्याच्या पाण्यासाठी धाव घ्यावी लागत आहे. दोन महिन्यापासून शहरवासीयांना पिण्याच्या पाण्याचा पुरवठा होत नसल्याने पिण्याच्या पाण्याचे दुर्भिक्ष्य निर्माण झाले आहे.
आष्टी शहरातील ग्रामपंचायतीमध्ये पंधरा वर्षांपासून एकहाती सत्ता असलेली ग्रामपंचायत म्हणून जिल्ह्यात ओळख आहे.
उन्हाळ्याच्या सुरुवातीलाच पिण्याच्या पाण्यासाठी शहरवासीयांना ईल्लूरकडे धाव घ्यावी लागत असल्याने ‘दुष्काळात तेरावा महिना’ म्हणण्याची वेळ आष्टी शहरवासीयांवर आलेली आहे. आष्टी शहराला नियमित पाणीपुरवठा करण्यासाठी वैनगंगा नदी पात्रातून पाणी पुरवठा केला जातो आणि या शहरात तीन पाण्याच्या टाक्या आहेत  याच दरम्यान वैनगंगा नदीपात्रात पाण्याची पातळी कमी झाली आहे त्यामुळे दोन महिन्यापासून  शहराचा पाणी पुरवठा ठप्प झाला आहे असे ग्रामपंचायत पदाधिकारी सांगतात पण नदीतील पाण्याची पातळी कमी झाली आहे तर तेथील पाण्याच्या टाक्यातील गाळ उपसा करायला पाहिजे असे शहरवासियांची बोंब आहे.
दोन महिन्यापासून  पाणी पुरवठा ठप्प झाला असल्याने उन्हाळ्याच्या दिवसात पाण्याच्या टंचाईने गृहिणींचे मात्र गणित कोलमडून पडले आहे.
वैनगंगा नदी पात्रातील पाण्याची पातळी कमी होऊन पाणीपुरवठा ठप्प असेल तर शहरात पाण्याअभावी आणीबाणी होवू नये म्हणून ग्रामपंचायत प्रशासनातर्फे नदीपात्रातील पाण्याच्या विहीरीतील गाळ उपसा करण्याची गरज आहे असे शहरातील सुज्ञ नागरिकांकडून बोलल्या जात आहे  मात्र या बाबी कडे ग्रामपंचायत प्रशासनाने लक्ष देण्याची गरज असताना कुणीही लक्ष देईना झाले आहेत अशीच स्थिती दिसून येते आहे
पिण्याचे पाणी मिळत नसल्याने आष्टी येथील ग्रामस्थांनी इलूर पेपरमील समोरील नळ हा चोविस तास सुरू राहत असल्याने त्या नळाचे पाणी आपल्या घरात पिण्यासाठी आणण्यास लगबग सुरू आहे असे दिसून येते आहे 

आष्टी शहरातील ग्रामपंचायतीचे उपसरपंच सत्यशिल डोर्लीकर यांना शहरातील पाणी पुरवठा एक महिन्यापासून ठप्प का पडला आहे असे विचारले असता त्यांनी वैनगंगा नदी पात्रातील पाण्याची पातळी कमी झाली असल्याने शहरातील पाणी पुरवठा ठप्प पडला आहे असे सांगितले 
आता प्रश्न असा  पडतो आहे की, ऐन उन्हाळ्याची चाहूल लागताच पाणी पुरवठा बंद झाल्याने गावकऱ्यांनी ससेहोळपड होते आहे तरीसुद्धा ग्रामपंचायत प्रशासन याबाबत उदासीन आहे असेच दिसते आहे
तात्काळ पाणी समस्या दुर करावी अशी मागणी आष्टी येथील ग्रामस्थांनी केली आहे


PostImage

Vaingangavarta19

March 29, 2024

PostImage

अनेक घरफोड्या करणाऱ्या इसमास पोलीसांनी केले जेरबंद


अनेक घरफोड्या करणाऱ्या इसमास पोलीसांनी केले जेरबंद


देसाईगंज (वडसा) पोलीसांची अट्टल गुन्हेगारावर कारवाई 

देसाईगंज (गडचिरोली) :-
 अनेक घरफोड्या करणाऱ्या इसमास पोलीसांनी अटक केली आहे देसाईगंज (वडसा )पोलीस प्रशासनाने गस्ती दरम्यान देसाईगंज ब्रम्हपुरी रोड वरील विर्षी वार्ड जवळ एका संशयित इसमास विचारपूस करून ताब्यात घेतले; विचारपूस करित असताना आरोपीने पळ काढण्याचा प्रयत्न केला. यावरून संशय अधिक बळकट झाल्याने त्याचा पाठलाग करुन सदर आरोपीस ताब्यात घेण्यात आले. अधिक विचारपूस केली असता, सदर इसम हा अनेक घरफोडीच्या गुन्ह्यात आरोपी असल्याचे कळले. सदर आरोपीचे नाव व्यंकटी रामा घोडमारे वय ३८ वर्ष राहणार विर्षी वार्ड देसाईगंज असे आरोपीचे नाव आहे.

सदर आरोपी हा नुकताच दोन महिन्याआधी जळगाव जेल मधून सुटला असल्याची माहिती आरोपीने दिली. सदर आरोपी वर जळगाव, भुसावळ, चंद्रपूर, भंडारा, नाशिक, औरंगाबाद, नागपूर जिल्ह्यात घरफोडी चे गुन्हे दाखल आहेत. तसेच नजीकच्या भंडारा जिल्ह्यातील साकोली तालुक्यात घरफोडी चा गुन्हा दाखल आहे. सदर आरोपीला देसाईगंज पोलीस प्रशासनाने ताब्यात घेऊन देसाईगंज येथील अनेक घरफोडी संदर्भात विचारपूस करण्याकरिता देसाईगंज पोलीस स्टेशनला आणण्यात आले आहे. सदर तपास देसाईगंज पोलीस निरीक्षक जगताप यांच्या मार्गदर्शनाखाली सहायक पोलीस निरीक्षक संदीप आगरकर हे करीत आहेत


PostImage

Vaingangavarta19

March 29, 2024

PostImage

गडचिरोली जिल्ह्यात नक्षलवाद्यांनी केली एका इसमाची हत्या


गडचिरोली जिल्ह्यात नक्षलवाद्यांनी केली एका इसमाची हत्या


 भामरागड :-
ऐन लोकसभा निवडणूकीच्या तोंडावर लक्षवाद्यांनी आपले डोके वर काढले असून भामरागड 
तालुक्यातील ताडगाव येथे काल दि .२८ मार्च ला रात्रोच्या सुमारास नक्षल्यांनी एका इसमाची हत्या करून मृतदेह मुख्य रस्त्यावर फेकून दिले आहे. सदर इसमाचे नाव अशोक तलांडी असून तो दामरंचा येथील रहिवासी आहे. त्याला पोलीस खबरी असल्याचे सांगून त्याची हत्या केल्याची नक्षल्यांनी मृतदेह शेजारी पत्रक टाकून कळविले आहे. पुढील तपास भामरागड पोलीस विभाग करीत आहे


PostImage

Vaingangavarta19

March 27, 2024

PostImage

पोलीस नक्षल चकमकीत सहा नक्षली ठार तर अनेक नक्षली जखमी झाल्याची शक्यता


पोलीस नक्षल चकमकीत सहा नक्षली ठार तर अनेक नक्षली जखमी झाल्याची शक्यता

 

बीजापूर:-
 दि. 27 :  बिजापूर जिल्ह्यातील बासागुडा पोलीस स्टेशन हद्दीतील चिप्पूरभट्टी परिसरात तालपेरु नदीजवळ सकाळच्या सुमारास पोलीस-नक्षल चकमक उडाली. या चकमकीत सहा (6) नक्षली ठार झाल्याची माहिती पुढे येत असून त्यात दोन महिला नक्षलीसह डेप्युटी कमांडरचा सहभाग आहे. बस्तर रेंजचे पोलिस महानिरीक्षक सुंदरराज पी. यांनी वृत्तसंस्था पीटीआयला सांगितले की, सुरक्षा कर्मचाऱ्यांचे संयुक्त पथक नक्षलविरोधी कारवाईसाठी निघाले होते. दरम्यान बासागुडा पोलीस ठाण्याच्या हद्दीतील चिकुरभट्टी आणि पुसाबका गावांच्या जंगलात चकमक झाली. या कारवाईमध्ये डीआरजी, सीआरपीएफ 229, कोब्रा टीमचा सहभाग असल्याचे त्यांनी सांगितले. ते म्हणाले की, चकमकीनंतर घटनास्थळावरून दोन महिला व चार पुरुष नक्षल्यांचे मृतदेह सापडले आहेत. ठार झालेल्या नक्षल्यांवर लाखो रुपयांचे बक्षीस होते. तर या चकमकीत अनेक नक्षली जखमी होण्याचीही शक्यता वर्तवली जात आहे. दरम्यान घटनास्थळाची झडती घेतली असता सुरक्षा दलांनी मोठ्या प्रमाणात शस्त्रे, दारुगोळा आणि दैनंदिन गरजेच्या वस्तू जप्त केल्या आहेत. अद्यापही जवान परिसरात शोध घेत आहेत.


PostImage

Vaingangavarta19

March 26, 2024

PostImage

रंगपंचमीच्या दिवशी चामोर्शी पोलिसांनी 28,40,000/- रुपयाचा मोहसडवा केला नष्ट


रंगपंचमीच्या दिवशी चामोर्शी पोलिसांनी 28,40,000/- रुपयाचा मोहसडवा केला नष्ट 
 

चामोर्शी:- 
चामोर्शी पोलिसांनी २८४०००० रुपयाचा मोहसडवा केला नष्ट 
गडचिरोली जिल्हा हा दारुबंदी जिल्हा असून, आगामी लोकसभा सार्वत्रिक निवडणूक – 2024 च्या अनुषंगाने जिल्हयात अवैध व छुप्या रीतीने दारु विक्री व वाहतुक मोठ्या प्रमाणात होण्याची शक्यता असल्याने त्याविरुध्द पोलीस अधीक्षक नीलोत्पल यांचे अवैद्य दारु विक्रीवर अंकुश लावण्याबाबत मिळालेल्या आदेशान्वये काल दिनांक 24/03/2024 रोजी पोस्टे चामोर्शी हद्दीतील मौजा जंगमपूर जंगल शिवारातील जंगमपूर नाल्याच्या शेजारी 1) जुगल लखन दास, 2) देवदास किसन मंडल, 3) सुब्रातो विश्वास व इतर रा. नेताजी नगर (गाव क्रमांक 74) तह. चामोर्शी, जि. गडचिरोली हे मोहा सळवा फुलाची दारु काढून अवैधरित्या विक्री करत आहेत, अशी गोपनिय बातमीदारंाकडुन खात्रीशीर माहिती मिळाल्याने पोस्टे चामोर्शी प्रभारी अधिकारी पोलीस निरीक्षक पुल्लरवार यांच्या नेतृत्वात महिला पोलीस उपनिरीक्षक राधिका शिंदे सह एक पथक चामोर्शी येथून सदर ठिकाणी रवाना करण्यात आले.

पोलीस पथक घटनास्थळावर पोहचताच सदर इसम पळून गेले.त्यानंतर सदर जागेची पाहणी केली असता, घटनास्थळावर 200 लीटर क्षमतेचे 26 प्लॅस्टीकचे ड्रम त्यामध्ये प्रत्येकी 200 लीटर मोहा फुल सडवा असे एकुण पाच हजार दोनशे लीटर अंदाजे किंमत 5,20,000/- चा मुद्देमाल आणि 200 लीटर क्षमतेच्या पांढऱ्या रंगाचे एकुण 116 प्लॅस्टीकच्या थैली त्यामध्ये प्रत्येकी 200 लीटर मोहा सडवा प्रमाणे 23 हजार 400 लीटर अंदाजे किंमत 23,40,000/- मोहा फुल सडवा असे एकुण 28 हजार 400 लीटर अवैध मोहा सडवा बाजार भाव विक्री किंमत 100 प्रती लीटर प्रमाणे एकुण 28,40,000/- चा मुद्देमाल मिळून आला. मुद्देमाल मोक्यावर रीतसर सॅम्पल घेऊन वेळीच घटनास्थळी पंचासमक्ष नष्ट करण्यात आला. त्यानंतर योग्य ती कार्यवाही करुन पोस्टे चामोर्शी येथे आरोपीतांविरुद्ध गुन्हा नोंद करण्यात आलेला आहे. सदर गुन्ह्राचा पुढील तपास मपोउपनि. राधिका शिंदे करीत आहेत.

सदर कारवाई पोलीस निरीक्षक विश्वास पुल्लरवार यांचे नेतृत्वात मपोउपनि. राधिका शिंदे, पोहवा/व्यंकटेश येलल्ला, पोअं/संदिप भिवणकर, मपोअं/मनिषा चिताडे, मपोअं/शिल्पा पोटे, चापोअं/सिंधराम यांनी केलेली आहे


PostImage

Vaingangavarta19

March 24, 2024

PostImage

नाली उपस्याकडे मार्कंडा (कं) ग्रामपंचायत प्रशासनाचे दुर्लेक्ष


नाली उपस्याकडे मार्कंडा (कं) ग्रामपंचायत प्रशासनाचे दुर्लेक्ष

ग्राम निधीचे करताय तरी काय? ग्रामस्थांनचा सवाल


आष्टी - चामोर्शी तालुक्यातील ग्रामपंचायत मार्कंडा कंन्सोबा येथील वार्ड क्र २ मधील बेघर वसाहतीतील भागात गेल्या कित्तेक वर्षापासून नालीची सफाई करण्यात आली नसल्याने नालीमध्ये सांडपाणी, मातीचे थर प्लास्टिक पिशव्या काडी कचरा मोठ्या प्रमाणात साचल्याने पुर्णतः नाली ब्लॉक झाल्यामुळे या परिसरातील रहिवाशांच्या घराजवळ सांडपाण्याचे मोठे डबके तयार झाले असून या कडे ग्रामपंचायत प्रशासन अक्षरशः दुर्लक्ष करीत आहे. वर्षभर नाली सफाई करण्याकडे दुर्लक्ष केले जाते. बुजलेल्या नाल्या, मातीचे व कचऱ्याचे थर जमा होऊन खराब सांडपाणी जागीच अडून दुर्गंधी पसरु लागली आहे. सध्या स्थितीत नालीची अवस्था बिकट स्वरूपाची झाली आहे. नालीच्या उपसा अभावी खराब सांडपाणी एकाच ठिकाणी जमा होऊन डास, किडे व जंत तयार होऊन नागरिकांचे आरोग्य धोक्यात आले आहे. ग्रामपंचायत प्रशासनाने स्वच्छतेवर भर देणे गरजेचे आहे. मात्र या ठिकाणी वेगळीच परिस्तिथी निर्माण झाली आहे. गावातील नागरिकांच्या आरोग्याशी खेळ सुरू असून स्वच्छतेवर नाही तर गलिच्छतेवर भर दिसतो. त्वरित नालीचा उपसा करून साफसफाई करण्यात यावी अशी मागणी बेघर वसाहतीत राहणाऱ्या ग्रामस्थांकडून केली जात आहे. ग्रामपंचायत प्रशासनाकडून विजकर, पाणीकर, आरोग्य कर,गृहकर घेतले जाते पण स्वच्छतेवर लक्ष देत नाही असाही सवाल ग्रामस्थांकडून केला जात आहे


PostImage

Vaingangavarta19

March 24, 2024

PostImage

भंगार गोळा करणाऱ्या महिलांना मोटारपंप चोरी प्रकरणी अटक


भंगार गोळा करणाऱ्या महिलांना मोटारपंप चोरी प्रकरणी अटक

अहेरी:-
शांतीग्राम डांबरप्लान्ट येथील  मोटारपंप चोरी प्रकरणी सहा भंगार गोळा करणाऱ्या महिलांना  अहेरी पोलीसांनी २२ मार्चला अटक केली आहे 
डांबरप्लांट  मधील मोटारपंप ची चोरी झाल्याची तक्रार  चौकीदार याने दिली असता अहेरी पोलीसांनी घटनास्थळी धाव घेऊन चौकशी केली असता पोलिसांना भंगार गोळा करणाऱ्या महिलांनवर संशय आल्याने मीरा खंडेलवार,बालनागी खंडेलवार,मनिषा जगन्नाथ, कविता जगन्नाथ, मिनाक्षी जगन्नाथ,वच्छला कुंभारे सर्व रा.शासकिय विज्ञान महाविद्यालय समोरील झोपडपट्टी गडचिरोली यांना ताब्यात घेऊन चौकशी केली असता त्या सर्व महिलांनी गुन्ह्याची कबुली दिली 
सदर महिला आरोपींकडून ८० हजार रुपये किंमतीची मोटारपंप जप्त करण्यात आली.याबाबतीत अहेरी पोलीस स्टेशन मध्ये गुन्हा दाखल करुन सहाही महिलांना अटक करण्यात आली ही कारवाई उपविभागीय पोलिस अधिकारी अजय कोकाटे यांचे नेतृत्वाखाली पोलीस निरीक्षक दशरथ वाघमोडे, पोलीस उपनिरीक्षक रोहन जावळे, पोलीस शिपाई पुंगाटी, महिला पोलिस शिपाई गोटामी यांनी केली


PostImage

Vaingangavarta19

March 23, 2024

PostImage

महसूल अधिकारी आले रे आले, ट्रॅक्टर घेऊन पळा या नादात तरुण गेला जिवानिशी


महसूल अधिकारी आले रे आले, ट्रॅक्टर घेऊन पळा या नादात तरुण गेला जिवानिशी 

 अवैध रेती तस्करी करणाऱ्या ट्रॉक्टर चालकाचे गाडीवरील सुटले नियंत्रण 

ब्रह्मपुरी;- 
तालुक्यातील बेलगाव देऊळगाव येथील वैनगंगा नदी पात्रातून रात्रीच्या सुमारास अवैद्य रेती उपसा करीत असताना अचानक महसूल अधिकारी आले रे आले ट्रॅक्टर घेऊन पळा असे आवाज येताच ट्रॅक्टर घेऊन पळत असताना चालकाचे नियंत्रण सुटल्याने तो खाली कोसळला व त्यांच्या अंगावरुन ट्रॅक्टर गेल्याने त्याचा मृत्यू झाला
अवैध रेतीचे उत्खनन सुरू असताना पळापळीच्या नादात कुटुंबातील एकुलता एक मुलाला त्याचा जीव गमवावा लागला त्यामुळे गावावर व कुटुंबावर शोक कला पसरली आहे बेलगाव येथे घाटावरील रेती चोरीला आळा घालण्याची मागणी यावेळी नागरिकांनी केली आहे सदर घटनेची माहिती मिळताच ब्रम्हपुरी पोलीस घटनास्थळी पोहोचले व परिस्थितीचे गांभीर्य ओळखून पोलीस निरीक्षक अनिल जिटावार  यांच्या मार्गदर्शनाखाली पोलीस उपनिरीक्षक प्रकाश कावळे आत्राम यांनी पंचनामा करून युवकाचा मृतदेह हा शवविच्छेदनासाठी ग्रामीण रुग्णालय ब्रह्मपुरी येथे पाठविण्यात आला
 मृतक युवकाचे नाव गोलू उर्फ प्रणय गुरुदेव धोटे वय २० वर्षे रा. देऊळगाव असे आहे मागील वर्षी ब्रह्मपुरी तील काही रेती घाटाचा लिलाव झालेला होता बेलगाव देऊळगाव येथील रेती घाटाचा लिलाव झाला होता मुदतीत रेती साठ्याची विक्री न झाल्याने रेतीसाठा शिल्लक होता एका राजकीय पुढाऱ्याने रेतीसाठ्याची विक्री करण्याचे परवानगी प्राप्त केली ठेकेदाराने नदीपात्रामधून दिनांक 14 मार्च च्या रात्रीच्या सुमारास ट्रॅक्टर नी रेती उपसा करण्याचे काम सुरू केले असल्याचे घटनास्थळी उपस्थित गावकऱ्यांनी सांगितले अशातच अधिकारी येत असल्याची चाहूल लागल्याने घाटावरील दिवाणजी यांनी सर्व ट्रॅक्टर वाल्यांना ट्रॅक्टर लपविण्याकरिता सतर्क केले ट्रॅक्टर हा देऊळगाव येथील तलमले यांच्या मालकीचा असल्याने ट्रॅक्टर वर चालक प्रणय गुरुदेव धोटे यांनी ट्रॅक्टर लपविण्याच्या नादात घाटाच्या जवळ असलेल्या शेतामध्ये जोराने वाहन नेल्याने त्यांचे नियंत्रण सुटले व तो ट्रॅक्टरच्या चाकाखाली येऊन त्याचा मृत्यू झाला ही घटना पहाटेच्या सुमारास घडली


PostImage

Vaingangavarta19

March 22, 2024

PostImage

वीस वर्षीय तरुणाचा मृत्यू, घातपात की अपघातच चर्चेला उधाण 


वीस वर्षीय तरुणाचा मृत्यू, घातपात की अपघातच चर्चेला उधाण 


गोंडपिपरी:- दि .२१ मार्चला विस वर्षीय तरुणाचा मृत्यू झाला असून घातपात की अपघातच अश्या चर्चेला गावात उधाण आले आहे 
गोंडपिपरी तालुक्यातील दरुर येथे ग्रामपंचायत समोर किरमिरी मुख्य मार्गावर गावातील युवक शाहीर अनिल आऊतकर वय २० वर्षे याचा मृतदेह आढळला. शाहीर याचे आई- वडिलांचे काही वर्षापूर्वी निधन झाले तो एकटाच असून आजी-आजोबांकडे राहून मोलमजुरी करून कुटुंबाचा उदरनिर्वाह करीत होता. मृतदेह असल्याच्या घटनेची माहिती पोलीस पाटलांनी गोंडपिपरी पोलीसांना दिली. दि २२ शुक्रवारी सकाळी ८ वाजता घटनास्थळी प्रभारी पोलिस निरीक्षक वाघमारे, पोलीस उपनिरीक्षक मनोहर मोगरे, हवालदार शांताराम पाल, मत्ते, सुरपाम घटनास्थळी दाखल होऊन मृतदेह ताब्यात घेत उत्तरीय तपासणी साठी ग्रामीण रुग्णालय गोंडपिपरीला पाठविले आहे. एकीकडे पोलीस अपघात असल्याचे जाहीर करीत मृतदेह उत्तरीय तपासणी साठी पाठीविले असून गावात मात्र त्या युवकाचा  घातपात झाल्याची खमंग चर्चा सुरू आहे. बेदम मारहान करून हत्या करून दुचाकीला बांधून ओढत मृतदेह गावाबाहेर मुख्य मार्गावर नेऊन ठेवल्याची चर्चा जोर धरत आहे. हत्या की अपघात प्रश्न अनुत्तरीत असून पुढील तपास पोलिस निरीक्षक वाघमारे यांच्या मार्गदर्शनात सुरू आहे.


PostImage

Vaingangavarta19

March 21, 2024

PostImage

एक लाख विस हजारांचा मोह सडवा आष्टी पोलीसांनी केला जप्त


एक लाख विस हजारांचा मोह सडवा आष्टी पोलीसांनी केला जप्त

आष्टी:-
चामोर्शी तालुक्यातील आष्टी पोलीस स्टेशन अंतर्गत येणाऱ्या वसंतपूर येथील गुळामोहाचा सडवा पोलीसांनी केला जप्त व दोन आरोपींना जेरबंद केले आहे 

माहे एप्रिल २०२४ मध्ये आगामी काळात देशात  लोकसभा निवडणुक जाहिर झाल्या असल्याने सदर निवडनूका शांततामय वातावरनात पार पडाव्या व प्रत्येक नागरीकास आपला मतदानाचा हक्क बजाविता यावा या उद्देशाने पोलीस अधिक्षक  गडचिरोली. अतिरिक्त पोलीस अधिक्षक अहेरी तसेच उप विभागीय पोलीस अधिकारी अहेरी यांनी अवैद्य धंदयांवर वेळो वेळी धाडी टाकुन त्यांचे विरुध्द कारवाई करण्याबाबत सुचना दिल्याने, दि. २०/०३/२०२४ रोजी पोस्टे आष्टीचे पोलीस निरिक्षक विशाल काळे व त्यांची टिम पोस्टे परिसरात अवैद्य दारू विक्रेत्यावर कार्यवाही करण्याच्या अनुषंगाने फिरत असतांना गोपणीय सुत्रांच्या माहिती आधारे  मौजा वसंतपूर येथील इंद्रजित शितल मंडल व परितोष प्रफुल मिस्त्री दोन्ही रा. वसंतपूर ता. चामोर्शी जि. गडचिरोली हे हातभट्टी गुळामोहाची दारू गाळण्या करीता वसंतपुर जंगल परीसरात मोठया प्रमाणात गुळा मोहाचा सडवा तयार करून ठेवला आहे. अशा खात्रीशीर माहिती  वरून मौजा वसंतपूर जंगल परीसरात शोधमोहीम राबविण्यात आली असता आरोपींच्या ताब्यात ०६ नग २०० लिटर क्षमतेच्या प्लॉस्टिक ड्रम मध्ये एकुन १२०० लिटर हातभट्टी गुळामोहाचा सडवा किंमत १,२०,०००/- रू चा माल मिळुन आला. तसेच एक होंडा शाईन कंपनिची दुचाकी वाहन किंमत अंदाजे ४०,००० रू व ०६ प्लॉस्टिक ड्रम असा एकुन १,६३,०००/- रू चा  मुद्देमाल अवैद्यरित्या मिळून आल्याने  आरोपीतां विरूध्द पोस्टे आष्टी येथे गुन्हा नोंद करून तपासात घेतला पोस्टे आष्टी येथे सदरचा गुन्हयाचा तपास पोहवा  चंद्रप्रकाश निमसरकार हे उप विभागीय पोलीस अधिकारी अजय कोकाटे  व पोलीस निरीक्षक विशाल काळे यांच्या मार्गदर्शनाखाली अधिक तपास करीत आहेत


PostImage

Vaingangavarta19

March 20, 2024

PostImage

आत्महत्येचा केला बनाव मात्र, पोलीसांनी अवघ्या ४८ तासात खुणाचा केला उलगडा


आत्महत्येचा केला बनाव मात्र, पोलीसांनी अवघ्या ४८ तासात खुणाचा केला उलगडा 

उसणे घेतलेले पैसे परत करीत नाही म्हणून हत्या करुन मृतदेह झाडाला लटकावला : एटापल्ली तालुक्यातील घटना

 

एटापल्ली:-
 उसने घेतलेले २६ हजार रुपये परत न दिल्याने कारागिराचा खून करुन मृतदेह झाडाला लटकावत आत्महत्येचा बनाव केला मात्र अवघ्या ४८ तासांत या घटनेचा उलगडा करण्यात एटापल्ली पोलिसांना यश आले आहे. १९ मार्च रोजी पोलिसांनी तीन आरोपींना बेड्या ठोकल्या आहेत 

 प्राप्त माहितीनुसार, संपत लुला दुर्वा (३२) रा. पेठा ता. एटापल्ली असे मयताचे नाव आहे. आशिष कोरामी, सुखदेव मडावी व संजय कोरामी सर्व रा. पेठा यांचा आरोपींत समावेश आहे. तिघेही ३० ते ४० वर्षे वयोगटातील आहेत. संपत दुर्वा हा सुरजागड येथे लोहखाणीत वेल्डर म्हणून काम करीत होता. १७ मार्चला तो काही कामानिमित्य पेठा येथून एटापल्ली येथे गेला होता, पण सायंकाळी घरी परतलाच नाही. दुसऱ्या दिवशी त्याचा मृतदेह एकरा फाटा येथे झाडाला दोरीने लटकलेल्या स्थितीत आढळला होता. त्यामुळे घातपाताचा अंदाज होता. उत्तरीय तपासणी अहवालात त्याचा मृत्यू गळा दाबल्याने झाल्याचे निष्पन्न झाले. त्यानंतर एटापल्ली पोलिसांनी पोलिस अधीक्षक नीलोत्पल, अपर अधीक्षक एम. रमेश, एटापल्लीचे उपअधीक्षक चैतन्य कदम यांच्या मार्गदर्शनाखाली एटापल्ली पोलीसांनी तपासचक्रे फिरवली. पो.नि. नीळकंठ कुकडे, उपनिरीक्षक अश्विनी नागरगोजे, शुभम म्हेत्रे, रोहिणी गिरवलकर, हवालदार हिरामण मारटकर, कालेश पुपरेडीवार, पोलिस शिपाई प्रभाकर नाईक, मोहन शिंदे, पोलीस शिपाई, पंडीत मुंडे, श्रीकांत दुर्गे, कविता एलमुले, प्रकाश गडकर, जोगी मडावी, प्रियंका तुलावी यांच्या पथकाने ४८ तासांत गुन्ह्याची उकल केली.

तिघांचे मिळून २६ हजार उसने

मयत संपत दुर्वा याच्या हत्येचा उलगडा करण्यासाठी पोलिसांनी सर्व बाजू तपासल्या. यात त्याच्याकडे गावातीलच तिघांचे पैसे उसणे होते, अशी माहिती समोर आली. यातून त्यांच्यात वाद झाल्याची माहितीही मिळाली. हा धागा पकडून पोलिसांनी १९ मार्च रोजी तिघांना ताब्यात घेतले. आशिष कोरामी व सुखदेव मडावी यांचे प्रत्येकी सात हजार रुपये तर संजय कोरामी याचे १२ हजार रुपये उसणे होते. पैसे परत देत नसल्याने त्यांनी संपत दुर्वाला कट रचून संपविल्याचे निष्पन्न झाले.

 


PostImage

Vaingangavarta19

March 20, 2024

PostImage

वादळ-गारपिटीमुळे नुकसान झालेल्या शेतपिकांचे तातडीनं पंचनामे करून नुकसान भरपाई द्या  आमदार कृष्णा गजबे यांची मागणी


वादळ-गारपिटीमुळे नुकसान झालेल्या शेतपिकांचे तातडीनं पंचनामे करून नुकसान भरपाई द्या

 आमदार कृष्णा गजबे यांची मागणी

देसाईगंज:-

गडचिरोली जिल्ह्यामध्ये आकस्मिक  गारपीटी सह आलेल्या वादळी पावसामुळे माझ्या आरमोरी मतदारसंघातील आरमोरी, कुरखेडा, देसाईगंज, कोरची तालुक्यातील उभे असलेले मक्याचे अन्य  पीक पूर्णतः उध्वस्त झाली असून शेतकऱ्यांच्या हाती आलेला घास हिरावला गेला आहे त्यामुळे अशा नुकसानग्रस्त शेत पिकांचे तातडीने पंचनामे करून शेतकऱ्यांना आर्थिक मदत द्यावी अशी मागणी आरमोरी विधानसभा क्षेत्राचे आमदार कृष्णा गजबे यांनी प्रशासनाला केली आहे.

मक्याचे पीक झालेले असताना अचानक आलेल्या या वादळी पावसामुळे  तोंडात आलेला घास हिरावला गेल्याने शेतकरी संकटात सापडलेला आहे. त्याला शासनाच्या मदतीची नितांत आवश्यकता आहे. त्यामुळे तातडीने पंचनामे करून आर्थिक मदत करावी अशी मागणी आमदार गजबे यांनी केली आहे.


PostImage

Vaingangavarta19

March 20, 2024

PostImage

ट्राक्टरची शाळेच्या संरक्षक भिंतीला जोरदार धडक,चालक जागीच ठार


ट्राक्टरची शाळेच्या संरक्षक भिंतीला जोरदार धडक,चालक जागीच ठार

अवैध रेती तस्करी बितली जीवावर 

देसाईगंज
  तालुक्यातील मोहटोला येथे
अवैधरित्या रेतीची वाहतूक करणाऱ्या ट्रॅक्टरने शाळेच्या संरक्षक भिंतीला जोरदार धडक दिल्याने चालक जागीच ठार झाल्याची घटना दि.२० मार्चला पहाटे ५.०० वाजताच्या सुमारास घडली

प्राप्त माहितीनुसार, चिखली येथील अवैध रेती तस्कर योगेश शेंद्रे हा ट्रॅक्टरने रेतीची अवैध रित्या तस्करी करीत असतांना मद्यधुंद अवस्थेत असलेल्या ट्रॅक्टर चालकाने मोहटोला येथील जि.प.शाळेच्या भिंतीला जबर धडक दिली. या अपघातात चालक राकेश गजबे रा. पोटगांव ता. देसाईगंज याचा जागीच मृत्यू झाला. विशेष म्हणजे रेती तस्करी करणाऱ्या ट्रॅक्टरला नंबरप्लेट नव्हते. तर सदर प्रकरण  सावरण्याकरीता अवैध रेती तस्करांने हालचाली सुरु केल्याची विश्वसनीय सूत्रांची माहिती आहे. तलाठी, मंडळ अधिकारी यांच्या आशिर्वादाने मोहटोला घाटातून दररोज अवैध रेती तस्करी केल्या जाते परंतू चिरीमिरी मिळत असल्याने अधिकारी वर्ग सुध्दा याकडे दुर्लक्ष करीत आहेत तर परिसरातील गावांमध्ये OBC साठी आताच 15 दिवसापूर्वी प्रत्येक गावात जवळपास 25 ते 30 घरकुल मंजूर झाल्याने त्यांना अद्यापही शासनाने रेतीची पूर्तता केली नाही त्यामुळे त्यांना चोरीची रेती घेतल्या शिवाय पर्याय नाही. अश्यानांही शासनाने रेती दिली असती तर तसेच अधिकाऱ्यांनी तस्करांच्या मुस्क्या आवळल्या असत्या तर सदर अपघात घडलच नसता अशी मोहटोला व परिसरात चर्चा सुरू आहे


PostImage

Vaingangavarta19

March 19, 2024

PostImage

BIG BREAKING   चार नक्षलवाद्यांना गडचिरोली पोलीसांनी केले चकमकीत ठार


BIG BREAKING 
 चार नक्षलवाद्यांना गडचिरोली पोलीसांनी केले चकमकीत ठार 


  गडचिरोली :- 
जिल्ह्यातील अहेरी तालुक्या अंतर्गत येणाऱ्या रेपनपल्लीच्या जंगलात पोलिस आणि नक्षलवाद्यांमध्ये काल १८ मार्चला रात्री भीषण चकमक झाली. या चकमकीत चार नक्षलवाद्यांना गडचिरोली पोलीसांनी ठार केल्याची माहिती पुढे आली आहे. पोलिसांनी घटनास्थळी सर्चिंग ॲापरेशन सुरू केले असल्याचे सांगितले जात आहे. निवडणुकीच्या पार्श्वभूमीवर पोलिसांसाठी ही मोठी उपलब्धी मानली जात आहे.अहेरी उपपोलीस मुख्यालयातून सी-60 आणि सीआरपीएफ क्यूएटीची अनेक पथक यासच अतिरिक्त एसपी ऑपरेशन यतीश देशमुख यांच्या नेतृत्वात परिसरात शोधमोहीम सुरु आहे.
 
 
पुढेआलेल्या माहितीनुसार, परिसरात असलेल्या कोलामार्का येथे आज पहाटे सर्च ऑपरेशन सुरु असताना सी-60 दलांच्या एका पथकावर नक्षलवाद्यांनी अंदाधुंद गोळीबार केला. याला पथकांनी जोरदार प्रत्युत्तर दिले. गोळीबार थांबल्यानंतरपरिसराची झडती घेतली असता 4 पुरुष नक्षलवाद्यांचे मृतदेह सापडले आहेत. naxalites killed in Repanpalli गोळीबाराच्या ठिकाणाहून एक एके 47, एक कार्बाइन आणि 2 देशी बनावटीचे पिस्तूल, नक्षलवादी साहित्य आणि सामान जप्त करण्यात आले आहे. ठार झालेल्या नक्षलवाद्यांमध्ये डीव्हीसीएम वर्गेश, डीव्हीसीएम मागटू, पलटन सदस्य कुरसंग राजू आणि  ⁠पलटन सदस्य कुडिमेट्टा व्यंकटेश यांचा समावेश आहे.निवडणुकीच्या पार्श्वभूमीवर पोलिसांसाठी ही मोठी उपलब्धी मानली जात आहे. या नक्षल्यांवर ३६ लाखांचंबक्षीस होतं. या चकमक आणि कारवाई विषयी आज पोलीस अधीक्षक संध्याकाळी पत्रकार परिषद घेऊन सविस्तर माहिती देणार आहे.


PostImage

Vaingangavarta19

March 11, 2024

PostImage

स्मार्टफोन मुळे अंगणवाडीतील रजिस्टर होणार हद्दपार -मंत्री धर्मराव बाबा आत्राम


स्मार्टफोन मुळे अंगणवाडीतील रजिस्टर होणार हद्दपार -मंत्री धर्मराव बाबा आत्राम

अंगणवाडी सेविकांना २३८ मोबाईल वाटप

अहेरी: अंगणवाडी केंद्रात बालकांना पोषण आहार दिला जातो. त्यांचे वजन,उंची त्यांना मिळणारा सकस आहार याकडे लक्ष दिले जाते. या सर्व कामांचा लेखाजोखा सेविकांना विविध रजिस्टर मध्ये लिहून ठेवावा लागत होता.मात्र, शासनाकडून आता अंगणवाडी सेविकांना स्मार्टफोन दिल्याने अंगणवाडीतील विविध रजिस्टर आता हद्दपार होणार असल्याचे प्रतिपादन राज्याचे अन्न व औषध प्रशासन मंत्री धर्मराव बाबा आत्राम यांनी केले.
जागतिक महिला दिनानिमित्त रविवारी बाल विकास प्रकल्प कार्यालय,अहेरी द्वारा आयोजित अंगणवाडी सेविकांचा सन्मान व मोबाईल वाटप कार्यक्रमाच्या उद्घाटनप्रसंगी ते बोलत होते.यावेळी प्रमुख पाहुणे भाग्यश्री ताई आत्राम,प स सदस्य हर्षवर्धन बाबा आत्राम, तहसीलदार हमीद सय्यद,गटविकास अधिकारी राहुल वरठे,राकॉचे अहेरी विधानसभा अध्यक्ष लक्ष्मण येरावार,तालुका अध्यक्ष श्रीनिवास वीरगोनवार आदी मान्यवर उपस्थित होते.
पुढे बोलताना अंगणवाडी सेविकांचे विविध प्रश्न प्रलंबित होते.काही प्रश्न सोडविण्यात आले असून उर्वरित प्रश्न देखील मंत्रिमंडळात सोडविण्यासाठी प्राधान्य दिले जात आहे.त्यामुळे अंगणवाडी सेविकानी काळजी करू नये असे आवाहन त्यांनी केले.दरम्यान बाल विकास प्रकल्प कार्यालय अहेरी अंतर्गत कार्यरत तब्बल २३८ अंगणवाडी सेविकांना व पर्यवेक्षिकांना मंत्री धर्मराव बाबा आत्राम यांच्याहस्ते स्मार्ट फोन वाटप करण्यात आले.त्यामुळे अंगणवाडी केंद्रांची ही आता डिजिटल कडे वाटचाल सुरू झालेली आहे.
जागतिक महिला दिनानिमित्त माजी जि प अध्यक्ष भाग्यश्री ताई आत्राम यांनी उपस्थित पर्यवेक्षिका व अंगणवाडी सेविकांना मोलाचे मार्गदर्शन केले.तर बाल विकास प्रकल्प कार्यालय कडून पाहुण्यांचे शॉल,श्रीफळ व पुष्पगुच्छ देऊन स्वागत करण्यात आले.यावेळी तालुक्यातील विविध भागातून आलेल्या अंगणवाडी सेविका मोठ्या संख्येने उपस्थित होते.


PostImage

Vaingangavarta19

March 11, 2024

PostImage

त्या नराधमास फाशीची शिक्षा द्यावी,जारावंडीत आक्रोश मोर्चा, कडकडीत बंद,व रास्तारोको आंदोलन


त्या नराधमास फाशीची शिक्षा द्यावी,जारावंडीत आक्रोश मोर्चा, कडकडीत बंद,व रास्तारोको आंदोलन 

पाच वर्षाच्या मुलीवर लैंगिक अत्याचार, संतप्त नागरिक उतरले रस्त्यावर


गडचिरोली:-
गडचिरोली जिल्ह्यातील एटापल्ली  तालुक्यातील एका पाच वर्षाच्या चिमुकलीवर अत्याचाराची घटना नुकतीच घडली हाेती. या घटनेच्या निषेधार्थ आज (साेमवार) ला जारावंडी सह परिसरातील गावांत कडकडीत बंद पाळण्यात आला. आज जारावंडीकरांनी आक्रोश मोर्चा  काढत आरोपीस फाशीची शिक्षा द्यावी अशी मागणी केली. या माेर्चात महिलांचा लक्षणीय सहभाग हाेता. 

या घटनेच्या निषेर्धात नागरिकांनी जारावंडी मुख्य चौकात रास्ता रोको आंदाेलन केले हाेते. या घटनेतील आरोपीला फाशीची शिक्षा देण्याची मागणी नागरिकांनी केली हाेती. तसेच जारावंडीतील सर्व व्यापारी प्रतिष्ठान व्यवहार बंद ठेवण्यात आले हाेते.


आजच्या माेर्चात महिलांनी माेठ्या संख्येने सहभाग नाेंदविला. यावेळी माेर्चेक-यांनी घाेषणाबाजी करत जारावंडी सह  परिसर दणाणून साेडला.
दरम्यान महामहीम राष्ट्रपती,मुख्यमंत्री ,राज्यपाल, महाराष्ट्र शासन गृहमंत्री ,पोलीस महासंचालक ,पोलीस अधीक्षक पोलीस निरीक्षक याना निवेदन देऊन कठोर शिक्षेची मागणी केली आहे


PostImage

Vaingangavarta19

March 10, 2024

PostImage

चार वार्षीय बालिकेवर पन्नास वार्षीय नराधामकडून लैंगिक अत्याचार


चार वार्षीय बालिकेवर पन्नास वार्षीय नराधामकडून लैंगिक अत्याचार

 _जारावंडी येथील घटना,परिसरात हळहळ व्यक्त_ 

गडचिरोली:-

जिल्ह्यातील चारवर्षीय बालिकेवर लैंगिक अत्याचाराची घृणास्पद व मन हेलावून टाकणारी घटना जारावंडी येथे घडली आहे ,या प्रकरणी आरोपीला गजाआड करण्यात आल्याची माहिती जारावंडी पोलिसांनी दिली. संतोष  नागोबा कोंढेकर  वय ५० असे या नराधामाचे नाव असून तो पीडित बालिकेच्या शेजारी राहतो.

सविस्तर वृत्त असे की आरोपी हा जारावंडी येथील प्राथमिक आरोग्य  पथक येथे चपराशी या पदावर कार्यरत आहे दरम्यान पीडीत बालिका ही आरोग्य केंद्राच्या समोरच राहायची,
यात आरोपी शनिवारी सायंकाळी 4 ते 5 च्या दरम्यान  बालिकेला आपल्या वसाहत येथे बोलावून तिच्यावर अत्याचार करून पसार झाला,अत्याचार झाल्याची माहिती कळताच पालकांनी पोलीस ठाण्यात धाव घेतली दरम्यान पीडित बालिकेला गडचिरोली येथे महिला रुग्णालयात उपचारासाठी दाखल करण्यात आले परंतु प्रकृती मध्ये सुधारणा न झाल्याने नागपूरला हलवण्यात आले असून बलिकेवर उपचार करण्यात येत  असल्याची महिती पोलिसांनी दिली आहे

 या प्रकरणी गुन्हा दाखल करण्यात आला असून पसार आरोपीला तत्काळ अटक करण्यात आल्याची माहिती जारावंडी पोलिस ठाण्याचे सहाय्यक पोलिस निरीक्षक तेजस मोहिते यांनी दिली आहे.आरोपी वयस्क असून त्यास दोन मुलेही आहेत.


PostImage

Vaingangavarta19

March 10, 2024

PostImage

कारच्या धडकेत दुचाकीस्वार गंभीर


कारच्या धडकेत दुचाकीस्वार गंभीर 

१०८ वर प्रतिसाद न मीळाल्याने दूचाकीवरच न्यावे लागले रूग्णालयात

कूरखेडा-
  चांदागड वरून कूरखेडा कडे दूचाकीने येत असताना गोठणगांव नाक्यावरील चौरस्त्यावर दूचाकीची कारला धडक बसल्याने दूचाकीस्वार क्रीष्णा भजने वय ४० हा गंभीर झाला हा अपघात आज दि १० रोजी सकाळी १० वाजेताच्या सूमारास घडला
  दूचाकी कारला धडकताच दूचाकीस्वार क्रीष्णा भजने हा रस्त्यावर पडला यावेळी तो गंभीर जखमी असल्याने लगेच नाक्यावरील यूवकानी १०८ क्रमांकाच्या रूग्णवाहीकेकरीता टोल फ्री क्रंमांकावर काल केला यावेळी रूग्णवाहीका बाहेर असल्याचे थोडा वेळ लागेल असे सांगण्यात आले अर्धा तास वाट बघूनही रूग्णवाहीका न पोहचल्याने अखेर गोठणगांव नाक्यावरील येथील  सोहम कावळे,पवन शिडाम,मोहीद शेख व अन्य यूवकानी दूचाकीनेच जखमी इसमाला दोन किलोमीटर अंतर असलेल्या उपजिल्हा रूग्णालयात पोहचविले जखमीला रूग्णालयात पोहचविण्यात आले यावेळी १०८ क्रमांकाची रूग्णवाहीका ही येथील उपजिल्हा रूग्णालयातच उभी होती याची चित्रफीत सूद्धा यूवकानी काढलेली आहे त्यामूळे १०८ क्रमांकाच्या रूग्णवाहीकेवरील वैद्यकीय अधिकारी व कर्मचाऱ्यांच्या कार्यप्रणालीवरच प्रश्नचिन्ह निर्माण झाले आहे आणीबाणीच्या प्रसंगीच १०८ क्रमांकाची रूग्णवाहीका उपलब्ध होत नाही त्यामूळे येथील त्यांचा कार्यप्रणालीची चौकशी करण्यात यावी अशी मागणी नागरीकानी केली आहे.


PostImage

Vaingangavarta19

March 9, 2024

PostImage

 महाशिवरात्रीच्या कुलथा यात्रा महोत्सवात  एका तरुणाला जलसमाधी 


 महाशिवरात्रीच्या कुलथा यात्रा महोत्सवात  एका तरुणाला जलसमाधी 

    
गोंडपिपरी:-

तालुक्यातील कुलथा येथे महाशिवरात्री निमित्त यात्रा भरते. कुलथा येथे दोन नद्यांचा संगम असून मोठ्या प्रमाणात नदीवर आंघोळ करण्यासाठी नागरिकांची गर्दी असते अशातच आज दि ९ शनिवारी दुपारी एक वाजता दरम्यान आंघोळ करायला गेलेल्या युवकाचा पाण्यात बुळून मृत्यू झाल्याची खळबळजनक घटना घडली. 
गोंडपिपरी तालुक्यातील कुलथा हनुमान मंदिर येथे सर्व धर्म समभावाचे दर्शन पाहायला मिळते.हनुमानजींच्या मूर्तीचे दर्शन घेणारे हजारो भक्त शिवरात्री,आषाढी एकादशीनिमित्त कुलथा यात्रा महोत्सवाला येतात हजारो भक्त दर्शनासाठी धार्मिक भावनेतून रांग लावतात.यावेळी हनुमानजीची मूर्ती त्यांचे दुःख दूर करतात हा तिथे येणाऱ्या प्रत्येक भाविकांचा आत्मविश्वास आहे.
कुलथा हे गाव गोंडपिपरी - मूल मार्गावर वढोली येथून उजवीकडे ४ कि. मी अंतरावर आहे.अंधारी व वैनगंगा ह्या दोन्ही नद्यांच्या मधोमध वसलेले कुलथा गाव आहे.
महाशिवरात्री निमित्त मोठी यात्रा भरत असते. दि.७ गुरुवार पासून यात्रा महोत्सवाला सूरवात झाली असून ही यात्रा १२ तारखेपर्यंत असते तालुक्यातील धानापुर येथील आकाश अशोक शेडमाके वय २३ याला पाण्याचा अंदाज न आल्याने पाण्यात बुळुन मृत्यू झाल्याची घटना घडली.घटनास्थळी गोंडपिंपरी चे ठाणेदार रमेश हत्तीगोटे दाखल होऊन पंचनामा करत प्रेत उत्तरीय तपासणी साठी पाठविले आहे


PostImage

Vaingangavarta19

March 8, 2024

PostImage

कत्तलखान्याकडे गौवंश तस्करी करणाऱ्या  ट्रकांना उपविभागीय अधिकाऱ्यानी केले जेरबंद


कत्तलखान्याकडे गौवंश तस्करी करणाऱ्या  ट्रकांना उपविभागीय अधिकाऱ्यानी केले जेरबंद


 
तेलंगणा मध्ये नेणाऱ्या पाच ट्रक मधील १४३ गोधन केले जप्त

 गडचिरोली:-
कत्तलखान्याकडे नेत असलेले गोधन उपविभागीय अधिकारी कुरखेडा यांनी जप्त करुन जीवंत गोधन गोशाळे सुखरुप पाठविले आहे 
कोरची मार्गावर अवैध पणे गौवंशाची तस्करी करण्यात येत असल्याच्या माहीती वरून बूधवार रोजी रात्री गोठणगांव नाक्यावर पोलीसानी सापळा रचला होता मात्र तस्कराना याची पूर्वीच कूणकूण लागल्याने ते आड मार्गाने तेलंगाना कडे पळून‌ जाण्याचा प्रयत्नात असताना पोलीसानी त्यांचा पाठलाग करीत मोठ्या शिताफीने त्याना अटकाव केला यावेळी तस्करानी सर्व ट्रकचे वायर तोडत ट्रक तिथेच ठेवत पळ‌ काढला त्यामूळे घटणास्थळावरून ट्रक पोलीस स्टेशन पर्यंत आणने अडचणीचे असल्याने  ट्रकना ट्रैक्टरने ओढत आणत कूरखेडा पोलीस स्टेशन येथे जमा करण्यात आले. ट्रक मध्ये अमानूषपणे सर्व जनावरांचे पाय बांधत त्याना एकावर एक ठेवण्यात आले होते यावेळी १४३ पैकी ४ जनावरे दगावली होती तर मोठ्या संख्येत जनावरे मरनासन्न होती. लगेच जनावराना गौ शाळेत पाठविण्याकरीता पवनी जिल्हा भंडारा येथील गौ शाळा व्यवस्थापकांशी संपर्क करीत त्यांचाच वाहनाने जिवंत असलेले सर्व जनावराना तिथे पाठविण्यात आले मात्र यावेळी पाठविण्यात आलेले अनेक जनावरे ही सूद्धा मरनासन्न अवस्थेत असल्याने गौ शाळेत पोहचे पर्यंत सूद्धा अनेक जनावरे दगावली अशी माहिती उपविभागीय पोलीस अधिकारी रविन्द्र भोसले यानी दिली आहे.
        गौवंशाना अमानुष पणे वाहतूक करीत त्यांचा मृत्यूला कारणीभूत असणारे गौ तस्कराविरोधात कठोर कार्यवाही करीत त्याना अद्दल घडविण्याकरीता त्यांचा विरोधात कूरखेडा पोलीस स्टेशन येथे कलम २७९,४२९ भा द वि ५,५(अ),५(ब), ९,११ महाराष्ट्र प्राणी संरक्षण अधिनियम सहकलम ११(१),ड,ई,फ प्राण्याचा छळ अधिनियम सहकलम ११९ महाराष्ट्र पोलीस अधिनियम सहकलम १८४ अन्वये अद्यात आरोपी विरोधात गून्हा दाखल करण्यात आला आहे या गून्ह्यात एकूण ५ ट्रक सह ५७ लाख ३९ हजाराचा मूद्देमाल जप्त करण्यात आला आहे आरोपींचा शोध सूरू असून लवकरच त्याना अटक करण्यात येईल अशी माहिती सूद्धा यावेळी उपविभागीय पोलीस अधिकारी कूरखेडा रविन्द्र भोसले यानी दिली आहे


PostImage

Vaingangavarta19

March 8, 2024

PostImage

महाशिवरात्रीच्या यात्रेत बंदोबस्तासाठी तैनात सहाय्यक पोलिस उपनिरीक्षकाचा मृत्यू


महाशिवरात्रीच्या यात्रेत बंदोबस्तासाठी तैनात सहाय्यक पोलिस उपनिरीक्षकाचा मृत्यू


आष्टी: -
चामोर्शी तालुक्यातील चपराळा येथे महाशिवरात्री निमित्त आयोजीत यात्रेकरीता बंदोबस्तासाठी तैनात सहाय्यक पोलिस उपनिरीक्षकाचा कर्तव्यावर असताना मृत्यू झाल्याची घटना दिनांक आठ मार्च ला सायंकाळी साडे चार वाजताच्या सुमारास घडली.

भैय्याजी पत्रू नैताम वय 52 वर्ष सहायक पोलीस उपनिरीक्षक कोपरअल्ली ता. मुलचेरा असे मृत  सहाय्यक पोलिस उपनिरीक्षकाचे नाव आहे.

उपपोलीस स्टेशन राजाराम खांदला येथे कर्तव्यावर असलेले सहायक पोलिस उपनिरीक्षक भैय्याजी नैताम यांना चपराळा येथील महाशिवरात्री यात्रेत बंदोबस्तासाठी पाठविण्यात आले.आठ मार्च ला चार वाजताच्या सुमारास यात्रेत कर्तव्यावर असताना अचानक त्यांची प्रकृती बिघडली त्यांना त्वरित आष्टी येथील ग्रामीण रुग्णालयात उपचारासाठी आणण्यात आले मात्र डॉक्टरांनी त्यांना मृत घोषित केले. हृदयविकाराच्या झटक्याने त्यांचे निधन झाल्याच्या अंदाज डॉक्टरांनी व्यक्त केला घटनेचा पुढील तपास आष्टी पोलिस ठाण्याचे ठाणेदार विशाल काळे यांच्या मार्गदर्शनाखाली आष्टी पोलिस करीत आहे. मृत सहायक पोलीस उपनिरीक्षकाचे मृतदेह शवविच्छेदन करून त्यांच्या मूळ गावी कोपरअल्ली येथे पाठविण्यात आले आहे. मृत सहायक पोलीस उपनिरीक्षकाच्या मागे पत्नी दोन मुले व एक मुलगी असा  मोठा आप्त परिवार आहे


PostImage

Vaingangavarta19

March 7, 2024

PostImage

संतोष किराणा स्टोअर्स अनखोडा कडून महाशिवरात्री भक्तगणांना लाख- लाख शुभेच्छा!


संतोष किराणा स्टोअर्स अनखोडा कडून महाशिवरात्री भक्तगणांना लाख- लाख शुभेच्छा!

        🔹 शुभेच्छूक 🔹

मा.संतोष तिमाडे व परिवार अनखोडा ता.चामोर्शी जि.गडचिरोली 
🔔🔔🔔🔔🔔🔔🔔🔔


PostImage

Vaingangavarta19

March 7, 2024

PostImage

मंडळ अधिकारी कार्यालय आष्टी ता.चामोर्शी जि.गडचिरोली तर्फे महाशिवरात्री निमित्त समस्त जिल्हावासियांना अनंतकोटी हार्दिक शुभेच्छा!


मंडळ अधिकारी कार्यालय आष्टी ता.चामोर्शी जि.गडचिरोली तर्फे महाशिवरात्री निमित्त समस्त जिल्हावासियांना अनंतकोटी हार्दिक शुभेच्छा!


        🔸 शुभेच्छूक 🔸

 मा. विनोद ढोरे मंडळ अधिकारी आष्टी.
मा.सचिन गुरनुले, तलाठी आष्टी
मा. चंदन महीन्द्रे, तलाठी कुनघाडा
मा.  सी.डी. नाईक ,तलाठी अनखोडा
मा.अरुण नागरगोजे,तलाठी गुंडापल्ली
🌸🌸🌸🌸🌸🌸🌸🌸


PostImage

Vaingangavarta19

March 7, 2024

PostImage

प्रशांत धाम, श्री हनुमान मंदिर संचालक मंडळ चपराळा ता.चामोर्शी जि.गडचिरोली  कडून महाशिवरात्री निमित्त सर्व भाविक भक्तांना हार्दिक शुभेच्छा!


प्रशांत धाम, श्री हनुमान मंदिर संचालक मंडळ चपराळा ता.चामोर्शी जि.गडचिरोली  कडून महाशिवरात्री निमित्त सर्व भाविक भक्तांना हार्दिक शुभेच्छा!


         शुभेच्छूक
मा. संजयराव  नानाजी पंदिलवार
अध्यक्ष श्री हनुमान मंदिर चपराळा


PostImage

Vaingangavarta19

March 5, 2024

PostImage

"ईव्हीएम हटवा देश वाचवा " याकरिता गोंडपिपरीत विविध पक्षांचे हजारो नागरिक रस्त्यावर


"ईव्हीएम हटवा देश वाचवा "
याकरिता गोंडपिपरीत विविध पक्षांचे हजारो नागरिक रस्त्यावर

गोंडपिपरी:-  "ईव्हीएम हटवा देश वाचवा " या मागणीसाठी गोंडपिपरी येथील विविध पक्षांचे कार्यकर्त्यांनी व नागरिकांनी आंदोलन केले आहे 
ईव्हीएम मशीनचा सत्ताधारी पक्षाकडून गैरवापर केला जात असल्याचा आरोप करीत गोंडपिपरी तालुक्यातील जनतेकडून याचा तीव्र विरोध सुरू आहे.यादरम्यान विविध राजकीय पक्ष सामाजिक संघटनांच्या पुढाकारातून सोमवारी तालुक्यातील हजारो नागरिक रस्त्यावर उतरले.

ओबीसी कृती समिती,भारतीय राष्ट्रीय काँग्रेस,शिवसेना (उद्धव बाळासाहेब ठाकरे),वंचित बहुजन आघाडी,गोंडवाना गणतंत्र पार्टी,सीआयटियु,एआयटियु,भारतीय बौद्ध महासभा,निवृत्त कर्मचारी संघटना,शिक्षण रोजगार बचाव समिती,शासकीय कंत्राटी कर्मचारी संघ यांच्यासह अनेक राजकीय पक्ष व सामाजिक संघटनांनी शासकीय धोरणाचा निषेध केला.ईव्हीएम हटाव,जि.प.शाळा बंद करण्याचा शासन निर्णय रद्द करण्यात यावा,स्वामिनाथन आयोग लागू करा,क्रिमिलियरची अट रद्द करण्यात यावी,जबरानजोत शेतकऱ्यांना कायमस्वरूपी पट्टे देण्यात यावे,जातनिहाय जनगणना व्हावी अशा अनेक मागण्या घेऊन येथील शिवाजी चौक ते तहसील कार्यालयापर्यंत शहरात जनआक्रोश मोर्चा काढला.ईव्हीएममुळे निवडणुका पक्षपाती होत आहेत.जगातील विकसित राष्ट्र या प्रणालीचा वापर करीत नाही.त्यामुळे सत्ताधारी पक्षाकडून ईव्हीएमचा आग्रह का केला जातोय,असा प्रश्न यावेळी उपस्थित मान्यवरांनी मोर्चाला संबोधित करतांना केला.सभेनंतर तहसिलदारांना निवेदन सादर करण्यात आले.मोर्चात हजारो युवक,महिला,शाळकरी मुलांचा सहभाग होता.यावेळी सेवानिवृत्त तहसीलदार के.डी.मेश्राम,संवर्ग विकास अधिकारी शालिकराव माऊलीकर,ओबीसी कृती संघर्ष समितीचे मोरेश्वर सुरकर,शिवसेना तालुका प्रमुख सुरज माडूरवार,काँग्रेस शहर अध्यक्ष राजू झाडे, वंचित बहुजन पार्टी तालुका अध्यक्ष प्रकाश तोहोगावकर,ओबीसी नेते शंकर पाल,नगराध्यक्ष सविता कुळमेथे,उपनगराध्यक्ष सारिका मडावी,नगरसेवक वनिता देवगडे,रियाज कुरेशी,तुकाराम सातपुते,गौरव घुबडे,पंकजसिंह डांगी,दर्शन वासेकर,अशपाक कुरेशी,शुभम ढपकस,शैलेशसिंह बैस,संदीप लाटकर,नबात सोनटक्के,प्रशांत खेडेकर,सरपंच देविदास सातपुते,गौतम झाडे,सारनाथ बक्षी,अशोक कुडे,सुनील फलके,अड.चैताली फुलझले,काँग्रेस महिला तालुकाध्यक्ष सोनी दिवसे,रेखा रामटेके,नितेश मेश्राम यांच्यासह हजारो नागरिकांचा सहभाग होता.


PostImage

Vaingangavarta19

March 5, 2024

PostImage

लॉर्ड्स मेटल ऄड एनर्जी लिमिटेड प्रकल्प कोनसरीतील उद्योगाकरिता शेतजमिनीची दलाली करणाऱ्यांना गावकऱ्यांनी पकडले रंगेहाथ व गुलाल उधळून दिला चोप


लॉर्ड्स मेटल ऄड एनर्जी लिमिटेड प्रकल्प कोनसरीतील
उद्योगाकरिता शेतजमिनीची दलाली करणाऱ्यांना गावकऱ्यांनी पकडले रंगेहाथ व गुलाल उधळून दिला चोप 

उद्योगाकरिता शेतजमिनी  देण्यास  शेतकऱ्यांचा नकार

गडचिरोली :   लॉर्ड्स मेटल ॲड एनर्जी लिमिटेड कंपनी कोनसरीतील  उद्योगाकरिता शेतकऱ्यांना जमिनी देण्यास परावृत्त करण्यासाठी आलेल्या दलालांना गावकऱ्यांनी चांगलाच चोप दिला असल्याचे उघडकीस आले आहे 
चामोर्शी तालुक्यातील लोहखनिज उद्योगाकरिता कोनसरी लगतच्या गावखेड्यातील शेतजमिनी उद्योगाकरिता शासन अधिग्रहित करुन मोजणी करण्यासाठी आलेल्या अधिकाऱ्यांना महिलांनी याअगोदर रिकाम्या हाताने पाठवले आहे 
उद्योगांसाठी जमीन दिल्यावर आम्ही जायचे कुठे? जगायचे कसे? आमचा उदरनिर्वाह शेतीवरच अवलंबून आहे त्यामुळे भूसंपादनावरून शेतकऱ्यांमध्ये खदखद व्यक्त होत आहे  विकासाला आमचा विरोध नाही. लोह खनिजावर आधारित उद्योगांमुळे जिल्ह्याची ओळख बदलत आहे. परंतु यासाठी जर आमची सुपीक शेतजमीन सरकार घेणार असेल तर आम्ही कुठे जायचे, व जगायचे कसे असा प्रश्न चामोर्शी तालुक्यातील शेतकऱ्यांनी उपस्थित केला आहे. या परिसरात उद्योगाकरिता’ प्रशासन मोठ्या प्रमाणात भूसंपादन करणार आहे. त्यामुळे शेतकऱ्यांमध्ये असंतोष निर्माण झाला आहे.


एकेकाळी दुर्गम आणि नक्षलग्रस्त अशी ओळख असलेल्या गडचिरोली जिल्ह्यात लोह खनिजांच्या साठ्यामुळे मोठमोठे उद्यागपती अब्जो कोटी रुपयांची गुंतवणूक करण्यास उत्सुक आहेत. त्यामुळे जिल्ह्यात लोहखनिजावर आधारित उद्योग निर्मितीला वेग आला आहे. त्या पार्श्वभूमीवर चामोर्शी तालुक्यातील कोनसरीलगत महाराष्ट्र औद्योगिक विकास महामंडळाने तब्बल ९६३ हेक्टर जागेची मागणी केली आहे. यासाठी प्रशासनाने परिसरातील मुधोली (चक) २, जयरामपूर, पारडी (देव), सोमनपल्ली, कोनसरी, मुधोली (तुकुम) या ग्रामपंचायत हद्दीतील शेतकऱ्यांना भूसंपादनासाठी नोटीस पाठवली आहे. मात्र, शेजारी बारमाही वाहणाऱ्या वैनगंगा नदीमुळे सुपीक असलेली शेतजमीन देण्यास येथील शेतकरी तयार नाहीत. याविरोधात एकत्र येत या गावातील शेतकऱ्यांनी दोनवेळा मोठे आंदोलन केले होते.गावात जमीन मोजणीसाठी आलेल्या महसुलच्या अधिकाऱ्यांना हाकलून लावले. प्रशासनाने कोणतीही पूर्वसूचना न देता थेट जमीन अधिग्रहण करण्यासाठी नोटीस पाठविल्याने शेतकऱ्यांनी आक्षेप नोंदवला आहे. जयरामपूर, मुधोली (चक) नं २, सोमनपल्ली या गावात तर जमिनीच्या संदर्भात कुणीही गावात येऊ नये असे फलक लावण्यात आले आहेत वर्षातून तीनदा उत्पन्न घेणारे सधन शेतकरी या भागात आहेत. त्यामुळे शेतजमिनी उद्योगासाठी दिल्यास आम्ही कुठे जायचे व जगायचं कसं असा प्रश्न ते उपस्थित करीत आहेत. गावकऱ्यांचे असे मत असताना लायड्स मेटल ॲड एनर्जी कंपनीचे काही दलाल शेतकऱ्यांना भुलथापा देउन जमीन देण्यास बाध्य करण्याचा प्रयत्न करीत आहेत हे वास्तव  अखेर आज समोर आले असून तालुक्यातील सोमनपल्ली या गावी जमीनीची दलाली करणाऱ्या चाणाक्ष डोनुजी संदुकवार आलापल्ली, आंबोलीचे सेवानिवृत्त ग्रामसेवक अरुण विठ्ठल उंदिरवाडे,शिवराम नारायण बारसागडे चामोर्शी यांना पकडून चांगलाच चोप दिला असल्याचे खात्रीलायक वृत्त हाती आले आहे आणि समज देऊन सोडून देण्यात आले आहे अशीही माहिती पुढे आली आहे


PostImage

Vaingangavarta19

March 4, 2024

PostImage

ट्रकने चिरडले दुचाकीस्वारास, एकाचा जागीच मृत्यू तर दुसरा गंभीर


ट्रकने चिरडले दुचाकीस्वारास, एकाचा जागीच मृत्यू तर दुसरा गंभीर

सोनापूर क्रांसिंग जवळ  झाला अपघात 

चामोर्शी :- 

एका ट्रकने दुचाकीला जब्बर धडक दिल्याने एका ईसमाचा जागीच मृत्यू झाला तर दुसरा गंभीर झाल्याची घटना आज सायंकाळी सहा वाजताच्या सुमारास चामोर्शी जवळील सोनापूर फाट्यावर घडली चामोर्शी तालुका मुख्यालयापासून ५ किलोमीटर अंतरावरील सोनापूर क्रासिंग जवळ दिनांक ४ मार्च रोजी सायंकाळी सव्वा सहा वाजताच्या सुमारास अपघात झाला असून,  सुरेश महादेव दुधबावरे, रा - सोनापूर हे आपल्या काही कामा निमित्य MH33 Z 6877 या दुचाकीने चामोर्शीला गेले होते  वापस येतांना सोनापूर क्रासिंग जवळ जिंदाल स्टील कंपनीच्या ट्रक CG ०७,BG५५९७ ने बाईकला जब्बर  धडक दिली हा अपघात एवढा भयानक होता की इथे सुरेश दुधबावरे यांच्या जागीच मृत्यू झाला . तर लुकेश रामभाऊ दुधबावरे हे गंभीर जखमी आहेत घटनेची माहिती मिळताच चामोर्शी पोलिसांनी घटनास्थळी धाव घेऊन घटनेचा पंचनामा करून मृतदेह ग्रामीण रुग्णालय चामोर्शी येथे पाठविण्यात आला असून पुढील तपास चामोर्शी पोलिस करीत आहेत


PostImage

Vaingangavarta19

March 4, 2024

PostImage

जन्मदात्याने 2  तरुण मुलीसह, पत्नीची झोपेत असताना कुऱ्हाडीचे घाव घालून केली हत्या


जन्मदात्याने 2  तरुण मुलीसह, पत्नीची झोपेत असताना कुऱ्हाडीचे घाव घालून केली हत्या

 

नागभीड--:
नागभीड पोलीस स्टेशन अंतर्गत येणाऱ्या मौशी (बाळापूर )येथील वडील अंबादास लक्ष्मण तलमले वय 50 वर्षे याने स्वतःची पत्नी सह 2 तरुण मुलीची हत्या केली असल्याचा प्रकार आज दिनांक 3 मार्च 2024 सकाळी 6=00 वाजता उघडकीस आला असून गावात भीतीचे वातावरण निर्माण झाले. वडील आरोपीस पोलिसांनी अटक केली आहे.
मौशी येथील अंबादास, पत्नी अल्का वय 40 वर्ष मुली  तेजस्विनी वय 20 वर्ष, प्रणाली वय वर्ष 17  व 
अनिकेत वय 15 असे चार व्यक्ती घरी राहत होते   मोठ्या एका मुलीचे लग्न झाले होते,  वडील अंबादास हा व्यसनाधीन असल्याने नेहमी पत्नीला पैसे मागायचा आणि दारू प्यायचा. घटनेच्या दिवशी वडील यांने हत्या करून सकाळी 5=00 वाजता बाहेर गेला आणि 6 वाजता बाहेरून आला असता आरोपीचा मुलगा  अनिकेत हा वर्ग 10 वीत असल्याने अभ्यास  करुण बाहेर  फिरण्यास गेलेला  होता, घरी आल्यावर हा प्रकार दिसला ,यांने काका नामदेव तलमले याला झालेला प्रकार सांगितला. लगेच आरोपीने गळफास घेण्याचा प्रयत्न केला पण तो यशस्वी न झाल्याने गावकऱ्यांनी पोलिसांच्या स्वाधीन केले. पत्नी व  2 मुली यात एक  12 वी ची परीक्षा देत असल्याचे कळते तर मुलगा 10 वी परीक्षा देत आहे. पत्नी व मुली यांचे घटना स्थळावर पंचनामे करून शव विच्छेदन करण्यासाठी ग्रामीण रुग्णालय नागभीड येथे पाठविण्यात आले असून घटना स्थळाला पोलीस अधीक्षक सुदर्शन, अप्पर पो अधीक्षक रीना जनबंधू, उप विभागीय पो अधिकारी  दिनेश ठोसरे , पोलीस निरीक्षक विजय राठोड यांनी भेट दिली असून आरोपीस अटक करून अपराधक्र 75 /2024 अन्वये गुन्हा दाखल करून कलम 302 भा, द वी प्रमाणे अटक करून पुढील तपास ठाणेदार विजय राठोड करीत आहे.


PostImage

Vaingangavarta19

March 3, 2024

PostImage

शासनाच्या स्पर्धेत तुळशी येथिल शिवाजी विद्यालय तिन लाख रुपयांची मानकरी


शासनाच्या स्पर्धेत तुळशी येथिल शिवाजी विद्यालय तिन लाख रुपयांची मानकरी

गडचिरोली:-
 मुख्यमंत्री माझी शाळा ,सुंदर शाळा स्पर्धेत देसाईगंज तालुक्यातील खाजगी व्यवस्थापनाच्या शाळांमधून तुळशी येथिल शिवाजी विद्यालयाने व जिल्हा परिषद व शासकीय शाळा व्यवस्थापनामधून कोंढाळा येथिल जि.प.वरिष्ठ  प्राथमिक शाळा या दोन्ही शाळांनी वेगवेगळ्या गटातून  तालुकास्तरावर  प्रथम क्रमांक पटकावला असून सदर शाळा प्रत्येकी तीन लाखांच्या तालुकास्तरीय प्रथम क्रमांकाच्या बक्षिसाच्या मानकरी ठरल्या आहेत. महाराष्ट्र शासनाने आयोजित केलेल्या मुख्यमंत्री माझी शाळा, स्वच्छ  सुंदर शाळा स्पर्धा जिल्हा परिषद शाळां /शासकीय शाळा  तसेच खाजगी व्यवस्थापनाच्या शाळां अशा दोन स्वतंत्र गटात ही  स्पर्धा होती. या स्पर्धेअंतर्गत तालुक्यातील सहभागी सर्व शाळांचे केंद्र व तालुका स्तरावर नियुक्त समितीकडून निकषांनुसार मूल्यमापन करण्यात आले होते. तालुक्यातून प्रथम आलेल्या शाळांचे जिल्हा मूल्यांकन समितीने भेट देऊन तपासणी केली. तसेच विद्यार्थ्यांसोबत विविध विषयांवर चर्चा केली.
 विद्यार्थिकेंदित उपक्रमांचे आयोजन व त्यातील विद्यार्थ्यांचा सहभाग यावर एकूण ६० गुण तर शाळा व्यवस्थापनाकडून आयोजित उपक्रम आणि त्यातील विविध घटकांचा सहभाग यावर एकूण ४० गुण अशा १०० गुणांच्या आधारे या शाळांचे मूल्यांकन करण्यात आले होते. यात शाळा व परिसराचे साैंदर्यीकरण, विद्यार्थ्यांच्या विविध उपक्रमातील, व्यवस्थापनातील व निर्णय प्रक्रियेतील सहभाग,शैक्षणिक गुणवत्ता व व्यक्तिमत्व विकासासाठी आवश्यक अवांतर उपक्रम, शाळेची इमारत व परिसराची स्वच्छता, राष्ट्रीय एकात्मतेस प्रोत्साहन देण्याबाबतचे उपक्रम आदीं मुद्दे तपासणी तज्ज्ञ समितीच्यावतीने तपासणी करुन गुणदान करण्यात आले.
  तुळशी येथिल शिवाजी विद्यालयात सध्या शाळेत विद्यादानाचे व अध्यापनाचे कार्य करत असलेले शाळेचे मुख्याध्यापक विष्णू दुनेदार , शिक्षक कैलाश गजापूरे, दुर्गाप्रसाद चुलपार, नाशीक शेंडे हे चारही शिक्षक ,कर्मचारी कु.आरती दाते, कु.प्रियंका पोवळे, निलकंठ मारबते, संदीप शेंडे,  मिलींद मेश्राम शाळेची व विद्यार्थ्यांची गुणवत्ता वाढण्यासाठी  प्रयत्नशील आहेत. तुळशी ग्रामपंचायतचे सरपंच चक्रधर नाकाडे ,उपसरपंच सुरेश तोंडफोडे, ग्रामपंचायत पदाधिकारी , देसाईगंज पंचायत समितीचे गटशिक्षणाधिकारी नरेंद्रकुमार कोकुडे , आमगाव केंद्राचे केंद्रप्रमुख आनंदराव गुरनुले, गटसमन्वयक संजय कसबे, कुरुड केंद्राचे केंद्रप्रमुख मेघराज बुराडे,विसोरा केंद्राचे केंद्रप्रमुख एकनाथ पिलारे तसेच गट संसाधन केंद्राचे अरविंद घुटके,जितेंद्र पटले ,रामकृष्ण राहंगडाले यांनी त्यांचे  अभिनंदन केले आहे


PostImage

Vaingangavarta19

March 3, 2024

PostImage

देवलमारी येथील मंचर्ला परिवारातील तीन घरे जळून लाखो रुपयांचे नुकसान, शासनाने करावी तात्काळ मदत


देवलमारी येथील मंचर्ला परिवारातील तीन घरे जळून लाखो रुपयांचे नुकसान, शासनाने करावी तात्काळ मदत 
          
अहेरी  :-
 मुख्यालया पासून बारा किलोमीटर अंतरावर असलेल्या देवलमारी येथील शेखर मुत्तय्या मंचर्ला,संतोष मुत्तय्या मंचर्ला,मुत्तय्या मंचर्ला या तिघांचे घरे व घरातील संपूर्ण साहित्य, कपडे,खाण्यापिण्याचे सामान तसेच घरातील महागडे वस्तू  अचानकपणे आग लागल्याने प्रचंड नुकसान झाले
यात लाखो रुपयाचे वस्तू जळून खाक झाली आहेत.3 मार्चला रात्री सुमारे तीन सव्वातीन वाजताच्या सुमारास घराला आग लागली त्यावेळी घरातील कुटुंबातील लोक गाढ झोपेत होते आग लागल्याचे लक्षात येताच सर्व कुटुंब घराबाहेर निघाले व गावात आरडा ओरडा केले तेव्हा गावातील नागरिकांनाही धाव घेतलीआणि आग नियंत्रण करण्याचे प्रयत्न सुरू केले.

"ह्या"घटनेची माहिती नागरिकांन कडून आविसं - काँग्रेस नेते व माजी जि.प.अध्यक्ष तथा अहेरी कृषी उत्पन्न बाजार समिती सभापती अजयभाऊ कंकडालवार यांना सांगताच अजयभाऊंनी नगरपंचायत अहेरी येथील अधिकाऱ्यांना दूरध्वनी द्वारे घटनेची माहिती दिली.अधिकाऱ्यांनी लगेच अग्निशमन वाहन तात्काळ घटनेच्या ठिकाणी पाठवून आग आटोक्यात आणली.

माजी जि.प.अध्यक्ष कंकडालवार आणि सेवानिवृत्त सहाय्यक वनसंरक्षक तथा आदिवासी काँग्रेस जिल्हा अध्यक्ष हणमंतू मडावी यांनी घटनास्थळी धाव घेऊन.घटनेची माहिती जाणून घेतले आहे.दूरध्वनी वरून घटनेची माहिती उपजिल्हाधिकारी तसेच तहसीलदारांना सांगून लवकरात लवकर पंचनामे करून मंचर्ला कुटूंबाला शासना कडून मदत करण्यात यावी अशी मागणी केली त्या पिडीत तीन कुटुंबियांना प्रथम अत्यंत घरच्या अत्यावश्यक गरजू वस्तूसाठी अजयभाऊ कंकडालवार यांनी आर्थिक मदत केली.


PostImage

Vaingangavarta19

March 2, 2024

PostImage

जगात आपली बौद्ध म्हणून ओळख व्हावी- राजरत्न आंबेडकर


जगात आपली बौद्ध म्हणून ओळख व्हावी- राजरत्न आंबेडकर 

देसाईगंज:-
महामानव डॉ बाबासाहेब आंबेडकरांनी आपणांस  1956  ला बुद्धाच्या धम्माची धम्मदीक्षा दिल्यानंतर आजही आपण जुन्या जातीच्या नावाने दलीत या शब्दात गुरफटून न राहता आता आपली जगात बौद्ध म्हणून ओळख निर्माण करा. असे प्रतिपादन दि बुद्धिस्ट सोसायटी आँफ इंडिया चे राष्ट्रीय अध्यक्ष डॉ. राजरत्न आंबेडकर यांनी केले.
     ते दि बुद्धिस्ट सोसायटी आँफ इंडिया ग्रामशाखा कोंढाळा व डॉ बाबासाहेब आंबेडकर प्रबोधन संस्था बौद्ध समाज कोंढाळा यांचे वतीने आयोजीत धम्म प्रबोधन कार्यक्रमात मुख्य मार्गदर्शक म्हणून बोलत होते. या कार्यक्रमाचे उद्घाटन ब्रम्हपूरी येथील सामाजीक विचारवंत प्रा. डॉ. युवराज मेश्राम यांचे हस्ते करण्यात आले. त्यांनी देखिल उद्घाटनपर मार्गदर्शन केले.
       याप्रसंगी अतिथी म्हणून भन्ते सचित्त बोधी, दि बुद्धिस्ट सोसायटी आँफ इंडिया चे राज्याध्यक्ष दिनेश हनुमंते, राज्य संघटक वैभव धबडगे, विभागीय अध्यक्ष विजय बन्सोड, उपाध्यक्ष अशोक इंदूरकर, महिला महासचिव यशोधरा नंदेश्वर, महिला प्रतिनिधी दर्शना शेंडे, विभागीय संघटक प्रा.सुरेंद्र तावाडे, इंजि. नरेश मेश्राम, गांवच्या सरपंच अपर्णा राउत,  नितीन राऊत, देसाईगंज शहर बौद्ध समाज कोअर कमेटीचे अध्यक्ष प्रकाश सांगोळे, सल्लागार  अशोक बोदेले, डाकराम वाघमारे, राजरतन मेश्राम, उद्धवराव खोब्रागडे, बुद्धिस्ट सोसायटीचे जिल्हा मुख्य सचिव हंसराज लांडगे, काका गडकरी, राधा नांदगाये, अनिल सोरते,आनंद मेश्राम, रोहीणी सहारे, रमेश रंगारी, नागसेन खोब्रागडे, किशोर साखरे, प्रा.एस.टी.मेश्राम, सुधीर रामटेके आणि सामाजिक कार्यकर्ते जे.बी.लांडगे, मुकुंदा मेश्राम यांनी विचारमंचावर स्थान भूषविले.
     कार्यक्रमाचा प्रारंभ तथागत बुद्ध व महामानव डॉ बाबासाहेब आंबेडकर यांना वंदन करून करण्यात आले. उपस्थित सर्वांचे सुमधूर स्वागत गीताने महिला व मुलींनी केले. पिवळा पितांबर - त्यात लोकशाहीची जळ... या लेझीम नृत्याने उपस्थितांचे मन आनंदाने भरून गेले. या कार्यक्रमाचे संचलन बुद्धिस्ट सोसायटीच्या विभा उमरे, सुकेशिनी ऊके यांनी, प्रास्ताविक बोद्ध समाजाचे कार्याध्यक्ष नागोराव ऊके तर आभार प्रबोधन संस्थेचे राजेंद्र शेंडे यांनी केले. कार्यक्रमाच्या यशस्वीतेसाठी अनिता शेंडे, मंगला शेंडे, तुषार ऊके, प्रशांत मंडपे , रोशन शेंडे, पल्लवी घुटके, प्रज्ञा शेंडे , उत्तरा मेश्राम व बौद्ध समाजाच्या सर्वांनी परिश्रम घेतले.


PostImage

Vaingangavarta19

March 2, 2024

PostImage

संविधानवादी व धर्मनिरपेक्ष शक्तीं सोबत उभे रहा - रिपब्लिकन पक्षाचे आवाहन


संविधानवादी व धर्मनिरपेक्ष शक्तीं सोबत उभे रहा - रिपब्लिकन पक्षाचे आवाहन

गडचिरोली- आज देशाचे संविधान,लोकशाही व धर्म निरपेक्ष स्वरूप धोक्यात आले असून ते वाचविणे अत्यंत आवश्यक आहे. अशावेळी येणाऱ्या निवडणुकी मध्ये पुरोगामी व समविचारी लोकांसोबत सर्वांनी ताकतीने उभे राहावे असे आवाहन अखिल भारतीय रिपब्लिकन पक्षाने केले आहे. 
   पक्षाचे प्रमुख पदाधिकारी व कार्यकर्त्यांची सभा पक्षाचे केंद्रीय उपाध्यक्ष रोहिदास राऊत यांचे प्रमुख उपस्थितीत  चांदेकर भवन येथे आज संपन्न झाली त्यावेळी हे आवाहन करण्यात आले.
    रिपब्लिकन पक्षाचे जिल्हाध्यक्ष हंसराज उंदीरवाडे यांचे अध्यक्षतेखाली झालेल्या या सभेत प्रदेश सचीव  प्रा. राजन बोरकर, केशवराव सामृतवर, गडचिरोली विधान सभा प्रमुख प्रदीप भैसारे, आरमोरी विधान सभा प्रमुख कृष्णा चौधरी, महिला आघाडीच्या नेत्या सुरेखाताई बारसागडे, जिल्हा सरचिटणीस प्रल्हाद रायपुरे, कार्यालय सचिव अशोक खोब्रागडे, युवक जिल्हाध्यक्ष नरेंद्र रायपुरे, महिला सरचिटणीस ज्योती उंदीरवाडे प्रामुख्याने उपस्थित होते. 
   या सभेत देशातील सध्याची परिस्थिती आणि जिल्यातील समस्यांबाबत सविस्तर चर्चा करण्यात आली. आज देशातील दलित, आदिवासी, मागासवर्गीय तथा अल्पसंखांक लोकांवर मोठ्या प्रमाणात अत्याचार होत आहेत. बेरोजगारी, महागाई सोबतच शिक्षण आणि आरोग्याचे प्रश्न जटील झाले आहेत परंतु सरकारचे त्याकडे दुर्लक्ष आहे. गडचिरोली जिल्यातील मौल्यवान वन व खनिज संपत्ती लुटल्या जात आहे. शेतकऱ्यांच्या जमिनी उद्योगाच्या नावावर बळकावल्या जात आहेत याकडे सभेत लक्ष वेधण्यात आले आणि या सर्व प्रश्नांवर व्यापक जनलढा उभारण्याचे ठरविण्यात आले. निवडणूक पारदर्शी व निष्पक्ष पद्धतीने लढविण्यासाठी ईव्हीएम त्वरित बंद करण्यात याव्या, अशी मागणीही यावेळी करण्यात आली. 
   संविधान आणि लोकशाहीचे संरक्षण हि आजची सर्वात मोठी प्राथमिकता आहे.  त्यासाठी आज देशभर मोठे आंदोलन सुरु असून याकामी पुढाकार घेणाऱ्या सर्व संगठना व नेत्यांना  बैठकीत पूर्ण समर्थन जाहीर करण्यात आले. 
   या सभेला साईनाथ गोडबोले,दादाजी धाकडे, अरुण भैसारे, हेमाजीं सहारे, कविता वैद्य यांचेसह प्रमुख पदाधिकारी व कार्यकर्ते उपस्थित होते.


PostImage

Vaingangavarta19

March 2, 2024

PostImage

 विश्चसुंदरीने दिला चंद्रपूरच्या ‘ताडोबा महोत्सवात’ व्याघ्र संवर्धनाचा संदेश


 विश्चसुंदरीने दिला चंद्रपूरच्या ‘ताडोबा महोत्सवात’ व्याघ्र संवर्धनाचा संदेश

वनमंत्री ना.सुधीर मुंनगंटीवार यांच्या पुढाकारातून तीन दिवसीय ताडोबा महोत्सवाचे आयोजन
 

चंद्रपूर :
 ‘मिस वर्ल्ड’स्पर्धेच्या संस्थापक ज्युलिया मॉर्ले यांच्यासह जगातील विविध देशातून आलेल्या विश्वसुंदरी स्पर्धेच्या अंतिम फेरीतील सौंदर्यवती चंद्रपुरातील ताडोबाच्या चांगल्याच मोहात पडल्या. चंद्रपुरातील व्याघ्र संवर्धनाचा मूलमंत्र आपापल्या देशात घेऊन जाण्याचा निर्धार करीत पुन्हा एकदा ताडोबाला भेट देण्याची इच्छाही व्यक्त केली. राज्याचे वन, सांस्कृतिक कार्य व मत्स्य व्यवसाय मंत्री तथा चंद्रपूरचे पालकमंत्री ना. सुधीर मुनगंटीवार यांच्या पुढकारातून तीन दिवसीय ‘ताडोबा महोत्सव 2024’चे आयोजन करण्यात आले आहे.

कार्यक्रमाला ना. सुधीर मुनगंटीवार यांच्यासह वन्यजीव सद्भावना दूत प्रसिद्ध सिनेअभिनेत्री रविना टंडन, विभागाचे प्रधान सचिव बी. वेणुगोपाल रेड्डी, प्रधान मुख्य वनसंरक्षक (वन्यजीव) तथा वनबल प्रमुख शैलेश टेंभुर्णीकर, वाइल्ड लाइफ इन्स्टिट्यूट ऑफ इंडियाचे संचालक विरेंद्र तिवारी, प्रधान मुख्य वनसंरक्षक (कार्मिक) शोमिता विश्वास, महिम गुप्ता, अपर प्रधान मुख्य वनसंरक्षक प्रवीण चव्हाण, वन अकादमीचे संचालक श्रीनिवास रेड्डी, ताडोबाचे क्षेत्रीय संचालक डॉ. जितेंद्र रामगावकर, जिल्हाधिकारी विनय गौडा, मुख्य कार्यकारी अधिकारी विवेक जॉन्सन, पोलिस अधीक्षक मुम्मका सुदर्शन आदी उपस्थित होते. 

ज्युलिया मॉर्ले म्हणाल्या, ‘ताडोबा व्याघ्र प्रकल्पात अतिशय सुदंर वाघ आहेत. वाघांना वाचविले तरच आपण आपले पर्यावरण आणि सृष्टीचे भविष्य सुरक्षित करू शकतो.’ वनमंत्री ना .सुधीर मुनगंटीवार यांनी आमंत्रित केल्याबद्दल मॉर्ले यांनी आभार मानले. जमील अजमल सैद्दी म्हणाले, ‘वनमंत्री आणि चंद्रपूरचे पालकमंत्री ना. सुधीर मुनगंटीवार यांच्यामुळे ताडोबा पाहण्याचे सौभाग्य लाभले. ताडोबा एक वरदान आहे. त्यामुळे प्रत्येक वृक्षाचे संरक्षण करणे गरजेचे आहे. वन हेच जीवन आहे, असे मानून आपले भविष्य सुरक्षित करा.’ 
2015 मधील ‘मिस इंडीया’ नवीनी देशमुख म्हणाल्या, ‘वाघ हे दुर्गामातेचे वाहन आहे. वाघ धैर्याचे प्रतिक आहे. पर्यावरणाच्या संवर्धनाकडे आपले दुर्लक्ष झाले म्हणून प्रदूषण वाढले आहे. त्यामुळे पर्यावरण वाचवण्याची जबाबदारी प्रत्येकाची आहे. विश्वसुंदरी स्पर्धेतील कॅरोलिना व्हेरिस्का म्हणाल्या, ‘वाघांचे संरक्षण या प्रकल्पाबद्दल ऐकून खूप आनंद झाला. येथे कुटुंबासह वाघ बघण्याचा योग आला. वाघ हा सृष्टीच्या जीवनचक्राचा महत्वाचा भाग आहे. सन 2021 आणि 2022 मधील मिस इंडिया सिनी शेट्टी म्हणाल्या, चंद्रपुरात येऊन आज अतिशय आनंद झाला. वाघांचे संरक्षण या प्रकल्पासाठी काम करण्याची संधी मिळाली. ताडोबा-अंधारी व्याघ्र प्रकल्प अतिशय सुंदर पर्यटन स्थळ आहे.’ ऑस्ट्रेलियाच्या क्रिस्टिन लाइज यांनी ‘सेव्ह द टायगर प्रोजेक्ट’ ही अतिशय महत्वाची आणि तेवढीच सुंदर संकल्पना असल्याचे म्हटले. इंग्लडच्या जेसिका म्हणाल्या, ‘येथे येऊन स्वत:ला भाग्यशाली समजत आहे. या कार्यक्रमाचा आम्ही एक भाग बनू शकलो, याचा आनंद आहे. स्पेनच्या पोला म्हणाल्या, वाघ हे धैर्याचे आणि सामर्थ्याचे प्रतिक आहे. जैवविविधतेसाठी वाघ महत्वाचा घटक असून अशा उपक्रमातून पर्यावरणाचे संरक्षण होईल.


PostImage

Vaingangavarta19

March 2, 2024

PostImage

एस.टी.ने घेतला पेट मात्र गाडीत अग्निशमन नसल्याने वाहकाने झाडाच्या फांद्याने विझविली आग


एस.टी.ने घेतला पेट मात्र गाडीत अग्निशमन नसल्याने वाहकाने झाडाच्या फांद्याने विझविली आग

 

आष्टी :-
एस टी ने घेतला पेट मात्र अग्निशमन नसल्याने वाहकाने झाडाच्या फांद्याने आग विझविली हि घटना मुलचेरा - घोट मार्गावर भर जंगलात घडली प्रसंगावधान राखून प्रवाश्यांना सुखरूप बाहेर काढले.
गडचिरोली  जिल्हयात अगोदरच एसटी महामंडळाच्या भंगार बस सेवेमुळे नागरिक त्रस्त झाले असताना आणखी एक घटना समोर आली आहे. आज सकाळच्या सुमारास घोट जवळील निकतवाडा गावापासून ३ किलोमीटर अंतरावरील मुलचेरा ते घोट रस्त्यावर जंगलात धावत्या एसटी बसने अचानक पेट घेतल्याने प्रवाश्यांची भर जंगलात मोठी तारांबळ उडाली.त्यानंतर वाहक चालक यांच्या मदतीने प्रवासी सर्व सुखरूप असले तरी या घटनेमुळे प्रवासी भयभीत झाले होते.

प्राप्त माहितीनुसार गडचिरोली आगाराची एसटी बस मुलचेरा तालुका मुख्यालयात दररोज रात्रो मुक्कामाणे असते ती बस दररोज पहाटे ६ वाजता मुलचेरा वरून घोट-चामोर्शी भाडभिडी मार्गे गडचिरोलीला जाते.शुक्रवार (१ मार्च) रोजी एम एच- ०७ सी-९३१६ क्रमांकाची एसटी बस नेहमीप्रमाणे पहाटे ६ वाजता प्रवाश्यांना घेऊन गडचिरोलीकडे निघाली होती.घोट पासून 3 किलोमीटर जंगलात अचानक बसने पेट घेतल्याने या बस मध्ये असलेले प्रवासी स्वतःचा जीव वाचविण्यासाठी तातळीने बसमधून खाली उतरले. जवळपास ८ प्रवासी आणि चालक-वाहक असल्याची माहिती समोर येत असून सर्वजण सुखरूप आहेत.

एसटी बसच्या इंजिन मधून अचानक धूर निघत बसच्या बॅटऱ्यामध्ये शार्ट सर्कीटने आग लागत असल्याने प्रसंगावधान साधून चालक प्रदीप मडावी व वाहक लोकेश भांडेकर यांनी प्रवाश्यांना खाली उतावरले आणि स्वतःही आपला सामानसुमान घेऊन खाली उतरले.त्यानंतर लगेच बसने पेट घेतला.या बस मधील प्रवासी घाबरलेल्या अवस्थेत जंगलाच्या दिशेने जाऊन दूर उभे झाले.तर चालक आणि वाहकाने झाडांच्या फांद्या हातात घेऊन आग आटोक्यात आणण्याचा प्रयत्न केला.

विशेष म्हणजे गडचिरोली जिल्ह्यातील गडचिरोली आणि अहेरी या दोन आगारात नवीन बसेस नसल्याने जुन्याच बसेसवर दारमदार असल्याने बस मध्ये तांत्रिक बिघाड होणे,भर रस्त्यावर बस बंद पडणे,आग लागणे अश्या घटना हे नित्याचेच झाले आहे.शुक्रवारी सकाळच्या सुमारास तर बसने पेट घेतल्याने प्रवासी चांगलेच भयभीत होऊन धाव घेतली. सुदैवाने जीवितहानी टळली असली तरी नागरिकांना याचा चांगलाच फटका बसला आहे.याबाबत अधिक माहिती घेण्यासाठी गडचिरोलीच्या आगार व्यवस्थापक राखडे यांना विचारले असता बसमध्ये असलेल्या बॅटऱ्या जळाले असून सर्व प्रवासी सुखरूप असल्याची माहिती त्यांनी दिली आहे.


PostImage

Vaingangavarta19

March 1, 2024

PostImage

कर्दूळ येथील पोलिस भरती सराव करणाऱ्या विद्यार्थ्यांना  सहायक पोलीस निरीक्षक नितेश गोहणे यांचेकडून गोळा भेट


कर्दूळ येथील पोलिस भरती सराव करणाऱ्या विद्यार्थ्यांना 

सहायक पोलीस निरीक्षक नितेश गोहणे यांचेकडून गोळा भेट

 

 

घोट:- कर्दूळ या गाव खेड्यातील विद्यार्थ्यांना पोलीस भरती प्रशिक्षणाकरीता मदत व्हावी म्हणून सहायक पोलिस निरीक्षक नितेश गोहणे यांनी गोळा भेट देण्यात आला 

 पोलीस मदत केंद्र घोट येथील प्रभारी अधिकारी हे नेहमीच परिसरातील विद्यार्थ्यांच्या अडीअडचणी , समस्या समजून घेऊन विद्यार्थ्यांकरिता विविध रचनात्मक उपक्रम, मार्गदर्शन कार्यक्रम राबवत असतात. 

 काही दिवसापूर्वी कर्दूळ या गावातील पोलीस भरतीचा सराव करणाऱ्या विध्यार्थ्यानी पोलीस मदत केंद्र घोट चे प्रभारी अधिकारी सहाय्यक पोलीस निरीक्षक नितेश गोहणे यांना भेटुन पोलीस भरतीचा सराव करण्यासाठी गोळा नसल्याबाबत अडचण मांडली तेव्हा त्यांनी विद्यार्थ्यांना पाहिजे असलेला गोळा गडचिरोली येथून विकत मागितला व काल दिनांक 26/02/2024 रोजी पोलीस भरतीची तयारी करणाऱ्या उमेदवाराकरिता 01 गोळा भेट म्हणून देण्यात आला व गोळा फेक मैदान सुद्धा तयार करून देण्यात आले.

 कर्दूळ गावातील पोलीस भरतीचा सराव करणाऱ्या उमेदवार यांना पोमके घोट कडून गोळा व गोलाफेक मैदान तयार करून दिल्याने तेथील विद्यार्थ्यांनी आनंद व्यक्त केला. तसेच गडचिरोली पोलीस दलाचे व प्रभारी अधिकारी सपोनि नितेश गोहणे यांचे मनापासून आभार मानले व वेळोवेळी अशीच मदत व मार्गदर्शन करावे असे उपस्थित विद्यार्थ्यांनी मनोगत व्यक्त केले.


PostImage

Vaingangavarta19

Feb. 28, 2024

PostImage

अवैध दारू तस्करांनी चक्क बैलबंडीने केली दारू तस्करी, सतर्क पोलिसांनी दाखविला इंगा


अवैध दारू तस्करांनी चक्क बैलबंडीने केली दारू तस्करी, सतर्क पोलिसांनी दाखविला इंगा

तिन बैलब़डी व अवैध विदेशी दारू असा चार लाख बाविस हजार रुपयांचा मुद्देमाल केला जप्त 


गडचिरोली:- अवैध दारू तस्करांनी चक्क बैलबंडीने केली दारू तस्करी मात्र सतर्क पोलिसांनी दाखविला आपला इ़गा व बैलगाडी सह अवैध दारू असा चार लाख बाविस हजार रुपयांचा मुद्देमाल जप्त केला आहे 
गडचिरोली जिल्हा हा दारुबंदी जिल्हा असल्याने येथे दारु तस्करी करणारे ईसम पोलीसांची दिशाभुल करण्याच्या उद्देशाने वारंवार नवीन क्लृप्त्या करीत असतात. त्यातील एक प्रकार म्हणजे सिरोंचा तालुक्यातील मौजा टेकडा (ताला) येथील दारु तस्करांनी चारचाकी अथवा दुचाकी वाहनाचा वापर न करता कोणालाही संशय येणार नाही या उद्देश्याने बैलबंडीांचा दारु तस्करीकरीता वापर केल्याचे प्रत्यक्षदर्शी दिसुन  आले आहे  दिनांक 27/02/2024 रोजी स्थानिक गुन्हे शाखा येथे गोपनिय बातमीदारामार्फत माहिती मिळाली की, आगामी लोकसभा सार्वत्रिक निवडणुकीच्या अनुषंगाने मौजा टेकडा (ताला) येथील दारु तस्कर संदिप दुर्गम हा मोठ्या प्रमाणात तेलंगाणा राज्यातून नदीमार्गाने विदेशी दारुची आयात करुन बैलगाडीच्या माध्यमातुन वाहतुक करणार आहे. सदर माहितीबाबत तात्काळ वरीष्ठांना माहिती देवुन त्यांच्या परवानगीने स्थानिक गुन्हे शाखेचे सपोनि राहुल आव्हाड यांच्या नेतृत्वातील एक पथक गडचिरोली येथुन रवाना करण्यात आले. 
या माहितीच्या आधारावर स्थानिक गुन्हे शाखेच्या पथकाने मौजा टेकडा गावालगत असणा­ऱ्या नदी परीसरात सापळा रचुन त्याच्या दिशेने येणा­ऱ्या तीन बैलबंडी व पोलीसांचा कानोसा घेण्याकरीता वापरण्यात आलेल्या दुचाकीस ताब्यात घेऊन पाहणी केली असता, सदर तीन्ही बैलबंडी मध्ये मोठ्या प्रमाणात बिअर व व्हिस्की असा विदेशी दारुचा मोठा साठा दिसुन आल्याने सर्व मुद्देमाल पोलीसांनी जप्त केला.  सदर कारवाईदरम्यान पोलीस पथकाने 50 बॉक्समधील 2,52,000/- रुपये किमतीचा विदेशी दारु साठा जप्त केला तसेच दारु तस्करीकरीता वापरण्यात आलेल्या 3 बैलगाडी व ईतर साहित्य 1,70,000/- रुपये किंमतीचा असा एकुण 4,22,000/- रुपये किंमतीचा मुद्देमाल मोक्यावर जप्त करुन उप पोलीस स्टेशन बामणी येथे आरोपी नामे संदिप देवाजी दुर्गम, व्यंकटी बकय्या कोटम, बापु मलय्या दुर्गम, श्रीनिवास ईरय्या दुर्गम सर्व रा. टेकडा (ताला) या चार आरोपीतांना जेरबंद करुन गुन्हा नोंद करण्यात आला आहे 
सदर कारवाई वरिष्ठांच्या मार्गदर्शनात पोलीस निरीक्षक  उल्हास भुसारी, सपोनि राहुल आव्हाड यांचे नेतृत्वात पोलीस अंमलदार अकबर पोयाम, श्रीकांत बोईना, श्रीकृष्ण परचाके, प्रशांत गरफडे, चापोना/दिपक लोणारे यांनी केलेली आहे.


PostImage

Vaingangavarta19

Feb. 28, 2024

PostImage

धर्मरावबाबा आत्राम यांच्या सहकार्याने मोफत आयोध्या दर्शनडचिरोलीतून 400 भाविक रवाना


धर्मरावबाबा आत्राम यांच्या सहकार्याने मोफत आयोध्या दर्शनडचिरोलीतून 400 भाविक रवाना

गडचिरोली, 28 फेब्रुवारी
रामललाच्या प्रतिष्ठापनेनंतर ठिकठिकाणाहून भाविक प्रभू श्रीरामाच्या दर्शनाकरीता आयोध्येत दाखल होत आहेत. मात्र गडचिरोली जिल्ह्यातील अनेक भाविकांना इच्छा असूनही आयोध्येत जाता आले नाही. या भाविकांसाठी अन्न व औषध प्रशासन मंत्री धर्मरावबाबा आत्राम यांच्या सहकार्याने मोफत अयोध्या दर्शनाची सोय करून देण्यात आली आहे.
गडचिरोली जिल्ह्यातील जवळपास 400 भाविक आज अयोध्येकडे रवाना झाले असून ना. धर्मरावबाबा आत्राम यांनी या भाविकांसाठी 10 बसेसची मोफत व्यवस्था केली. आज सकाळी या बसेस भाविकांना घेऊन अयोध्येकडे निघाले आहेत. भाविकांसाठी मोफत बसेसची व्यवस्था केल्याने त्यांनी यासाठी धर्मरावबाबा आत्राम यांचे आभारही व्यक्त केले आहे. गडचिरोली जिल्ह्यातील हा पहिलाच प्रयोग असल्याचे सांगीतल्या जात आहे.


PostImage

Vaingangavarta19

Feb. 28, 2024

PostImage

उद्योगाकरिता शेतजमिनी देण्यास चामोर्शी तालुक्यातील शेतकऱ्यांचा नकार


उद्योगाकरिता शेतजमिनी देण्यास चामोर्शी तालुक्यातील शेतकऱ्यांचा नकार

शेतजमिनी मोजणी करण्यासाठी आलेल्या अधिकाऱ्यांना महिलांनी पाठवले वापस

गडचिरोली :  गडचिरोली जिल्ह्यातील चामोर्शी तालुक्यातील लोहखनिज उद्योगाकरिता कोनसरी लगतच्या गावखेड्यातील शेतजमिनी उद्योगाकरिता शासन हस्तगत करुन मोजणी करण्यासाठी आलेल्या अधिकाऱ्यांना महिलांनी रिकाम्या हाताने पाठवले आहे 
उद्योगांसाठी जमीन दिल्यावर आम्ही जायचे कुठे? जगायचे कसे? आमचा उदरनिर्वाह शेतीवरच अवलंबून आहे त्यामुळे भूसंपादनावरून शेतकऱ्यांमध्ये खदखद व्यक्त होत आहे  विकासाला आमचा विरोध नाही. लोह खनिजावर आधारित उद्योगांमुळे जिल्ह्याची ओळख बदलत आहे. परंतु यासाठी जर आमची सुपीक शेतजमीन सरकार घेणार असेल तर आम्ही कुठे जायचे,असा प्रश्न चामोर्शी तालुक्यातील शेतकऱ्यांनी उपस्थित केला आहे. या परिसरात उद्योगाकरिता’ प्रशासन मोठ्या प्रमाणात भूसंपादन करणार आहे. त्यामुळे शेतकऱ्यांमध्ये असंतोष निर्माण झाला आहे.
एकेकाळी दुर्गम आणि नक्षलग्रस्त अशी ओळख असलेल्या गडचिरोली जिल्ह्यात लोह खनिजांच्या साठ्यामुळे मोठमोठे उद्यागपती लाखो कोटी रुपयांची गुंतवणूक करण्यास उत्सुक आहेत. त्यामुळे जिल्ह्यात लोहखनिजावर आधारित उद्योग निर्मितीला वेग आला आहे. त्या पार्श्वभूमीवर चामोर्शी तालुक्यातील कोनसरीलगत महाराष्ट्र औद्योगिक विकास महामंडळाने तब्बल ९६३ हेक्टर जागेची मागणी केली आहे. यासाठी प्रशासनाने परिसरातील मुधोली (चक) २, जयरामपूर, पारडी (देव), सोमनपल्ली, कोनसरी, मुधोली (तुकुम) या ग्रामपंचायत हद्दीतील शेतकऱ्यांना भूसंपादनासाठी नोटीस पाठवली आहे. मात्र, शेजारी बारमाही वाहणाऱ्या वैनगंगा नदीमुळे सुपीक असलेली शेतजमीन देण्यास येथील शेतकरी तयार नाहीत. याविरोधात एकत्र येत या गावातील शेतकऱ्यांनी दोनवेळा मोठे आंदोलन केले होते.
गावात जमीन मोजणीसाठी आलेल्या महसुलच्या अधिकाऱ्यांना हाकलून लावले. प्रशासनाने कोणतीही पूर्वसूचना न देता थेट जमीन अधिग्रहण करण्यासाठी नोटीस पाठविल्याने शेतकऱ्यांनी आक्षेप नोंदवला आहे. जयरामपूर, मुधोली (चक) नं २ गावात तर जमिनीच्या संदर्भात कुणीही गावात येऊ नये असे फलक लावण्यात आले आहेत वर्षातून तीनदा उत्पन्न घेणारे सधन शेतकरी या भागात आहेत. त्यामुळे शेतजमिनी उद्योगासाठी दिल्यास आम्ही कुठे जायचे व जगायचं कसं असा प्रश्न ते उपस्थित करीत आहेत.

गडचिरोली जिल्ह्यात पहिल्यांदाच एवढ्या मोठ्या प्रमाणात शेती उद्योगासाठी अधिग्रहित करण्यात येत आहे त्यामुळे  परिसरातील शेतकऱ्यांशी संवाद साधला असता वेदराज पिंपळकर आणि सुनील गौरकार म्हणाले की, आमच्या दोन पिढ्या या शेतीवर मोठ्या झाल्या. मुलांचे शिक्षण, लग्न समारंभ ,घर सांभाळून पुन्हा शेतीकरिता मिळकत शिल्लक ठेवणे हे सगळे या शेतीच्या बळावर झाले. सिंचनाच्या सोयीमुळे येथील शेतजमीन सुपीक आहे. त्यामुळे आम्ही शेतीतून १० ते १५ लाख रुपयांचे उत्पन्न काढत असतो कंम्पणीला जमिनी दिल्या तर नाममात्र वेतनावर काम करीत राहावे लागते

सूरजागड टेकडीवर उत्खनन करणाऱ्या लॉयडस मेटल्स कंपनीचा कारखाना कोनसरी येथे उभा उभारण्यात येत आहे. पहिल्या टप्प्याचे कामही पूर्ण झाले आहे. सोबतच जिंदाल, मित्तल, सूरजागड इस्पात सारख्या कंपन्यांनी १ लाख कोटीहून अधिक गुंतवणुकीची घोषणा केली आहे. पण यासाठी जमीन कुठून आणणार हा प्रश्न उपस्थित झाला आहे. जिल्ह्यात ७५ टक्के जंगल आहे. खासगी भूसंपादनाबाबत शेतकऱ्यांमध्ये रोष आहे. एवढेच गरजेचे असेल तर शासनाने कायद्यात बदल करून वनजमिन उद्योगांसाठी द्यावी असेही त्यांचे म्हणणे आहे. त्यामुळे भविष्यात प्रशासन विरुद्ध शेतकरी असा संघर्ष अधिक तीव्र होण्याची चिन्हे दिसत आहेत.


PostImage

Vaingangavarta19

Feb. 27, 2024

PostImage

एस टी बसेस चा तुटवडा असलेल्या आगारातून  पंतप्रधानाच्या सभेसाठी पाठविल्या एस टी .बसेस


एस टी बसेस चा तुटवडा असलेल्या आगारातून 
पंतप्रधानाच्या सभेसाठी पाठविल्या एस टी .बसेस

 

प्रवाश्यांना नाहक त्रास सहन करावा लागत आहे 

गडचिरोली: पंतप्रधान नरेंद्र मोदी यांचा यवतमाळ येथे होणाऱ्या कार्यक्रमानिमित्त विविध आगारातून बसेस पाठविण्यात आल्या आहेत. गडचिरोली जिल्ह्यातील अहेरी आगारातून देखील तब्बल १० बसेस पाठविण्यात आल्याने बसेसचा तुटवडा निर्माण झाला. वेळेवर बस सेवा नसल्याने प्रवाशांना भर उन्हात तासंतास ताटकळत प्रतिक्षा करावी लागत आहे. अगोदरच अहेरी आगारात नियमित बससेवा नसल्याने प्रवाशांना नाहक त्रास सहन करावा लागत आहे. अशात मोदींच्या कार्यक्रमासाठी येथील १० बसेस यवतमाळला पाठविल्याने प्रवाशांचे हाल होताना दिसत आहे.

अहेरी आगारात मागील अनेक वर्षापासून नवीन बसेस उपलब्ध झाल्या नाहीत. या भागातील रस्ते अन् भर रस्त्यावर बसेसमध्ये होणारी बिघाड यामुळे प्रवासी हैराण झाले आहेत. अहेरी ते सिरोंचा १०७ किलोमीटरचा अंतर असलेल्या या मार्गावर मागील काही वर्षापासून नागरिकांचा जीवघेणा प्रवास सुरू आहे. रस्त्यावरील खड्डे अन् एसटी महामंडळात असलेल्या बसची कमतरता यामुळे नागरिकांना अनेक अडचणींना सामोरे जावे लागत आहे. अशात मंगळावर (२७ फेब्रुवारी) रोजी अहेरी आगारातून सिरोंचा साठी सकाळच्या सुमारास केवळ एक बस सोडण्यात आली.

जवळपास ८ वाजेपासून सिरोंचासाठी एकही बस नसल्याने या मार्गावरील प्रवाशांना जवळपास ५ तास ताटकळत प्रतिक्षा करावी लागली. अखेर दुपारी १ वाजताच्या सुमारास अहेरी - सिरोंचा बस आलापल्ली बस स्थानकात दाखल झाली. मात्र ती बस अगोदरच फुल्ल भरून आल्याने येथील प्रवाशांना नाईलाजास्तव भरगच्च भरलेल्या बसमधून उभ्यानेच प्रवास करावा लागला. उन्हाळ्याचे दिवस असून वयोवृद्ध, लहान मुलांना याचा चांगलाच फटका बसला होता. अगोदरच तब्बल ५ तास प्रतिक्षा केल्यावर येथील प्रवाशांना पुन्हा तब्बल ४ ते ५ तास उभ्याने प्रवास करण्याची नामुष्की ओढवली होती.

विशेष म्हणजे वाहकाला तिकीट देण्यासाठी जागा नव्हती. वाहक चक्क प्रवाशांच्या डोक्यावरून बसमध्ये ये-जा करत उभं असलेल्या प्रवाशांना मागे करत होता. यावरून भर उन्हाळ्यात प्रवाशांचे काय हाल सुरू आहे, याची प्रचिती येते. प्राप्त माहितीनुसार, २८ फेब्रुवारी रोजी देशाचे पंतप्रधान नरेंद्र मोदी हे यवतमाळ जिल्ह्याच्या दौऱ्यावर असून यवतमाळ - नागपूर मार्गावरील भारी येथे आयोजित महिला बचत गटाच्या कार्यक्रमाला उपस्थित राहून त्यांना संबोधित करणार आहेत. या कार्यक्रमासाठी येणाऱ्या महिलांसाठी गावातच बस उपलब्ध करून देण्यात येणार आहे.

त्यासाठी प्रत्येक आगारातून मोठ्या प्रमाणात बसेस पाठविण्यात आले असून अहेरी आगारातून देखील १० बस पाठविल्या आहेत. एकीकडे नेत्यांचा कार्यक्रमासाठी तामजाम केली जात आहे तर दुसरीकडे बसेस अभावी प्रवाशांचे हाल होताना दिसत आहे. मंगळवारी दिवसभर विविध मार्गावरील प्रवाशांना याचा चांगलाच फटका बसला होता. तर सिरोंचा मार्गावरील सर्वात जास्त प्रवासी बस स्थानक परिसरात आढळून आले. एसटी महामंडळाविषयी प्रवाशांकडून रोष व्यक्त केला जात आहे.


PostImage

Vaingangavarta19

Feb. 27, 2024

PostImage

जिल्ह्यातील महाशिवरात्री भरणाऱ्या यात्रेत भाविकांना योग्य सुविधा उपलब्ध करा - जिल्हाधिकारी संजय मीणा


जिल्ह्यातील महाशिवरात्री भरणाऱ्या यात्रेत भाविकांना योग्य सुविधा उपलब्ध करा - जिल्हाधिकारी संजय मीणा

 


गडचिरोली :-
गडचिरोली जिल्ह्यातील महाशिवरात्री निमित्त भरणाऱ्या यात्रेत योग्य सुविधा उपलब्ध करून देण्यात याव्यात असे जिल्हाधिकारी गडचिरोली यांनी निर्देश दिले आहेत महाशिवरात्रीनिमित्त दर्शनासाठी येणाऱ्या भाविकांना पिण्याचे पाणी, निवास, आरोग्य, स्वच्छता आदी सुविधा उपलब्ध करण्यासाठी आवश्यक उपाययोजना करण्यात याव्या. यासाठी जिल्हा प्रशासनाद्वारे आवश्यक निधी उपलब्ध करून देण्यात येईल अशा सूचना जिल्हाधिकारी संजय मीणा यांनी आज दिल्या.

जिल्ह्यात मार्कंडेश्वर तीर्थक्षेत्र, चपराळा देवस्थान, महादेव डोंगरी यासह विविध ठिकाणी महाशिवरात्री निमित्त 8 मार्चपासून यात्रा प्रारंभ होत आहे. या यात्रेच्या नियोजना संदर्भात श्री संजय मीणा यांनी जिल्हाधिकारी कार्यालयाच्या सभागृहात आढावा घेतला. त्याप्रसंगी ते मार्गदर्शन करत होते. जिल्हा परिषदेच्या मुख्य कार्यकारी अधिकारी आयुषी सिंग, अतिरिक्त मुख्य कार्यकारी अधिकारी राजेंद्र भुयार, उपविभागीय अधिकारी ओंकार पवार, विवेक सांळुके, उत्तम तोडसाम, आपत्ती व्यवस्थापन सल्लागार कृष्णा रेड्डी, जिल्हा आपत्ती व्यवस्थापन अधिकारी निलेश तेलतुंबडे, सार्वजनिक बांधकाम विभागाचे कार्यकारी अभियंता, उपविभागीय पोलिस अधिकारी, तहसिलदार तसेच मार्कडा, चपराळा व पळसगाव येथील मंदिर व्यवस्थापन समितीचे पदाधिकारी आदी उपस्थित होते.

यात्रेच्या ठिकाणी कायदा व सुव्यवस्थेच्या दृष्टीने पोलीस बंदोबस्त, नियंत्रण कक्ष, धर्मशाळेची दुरुस्ती, औषधाचा पुरेसा साठा व वैद्यकीय अधिकाऱ्यांची उपलब्धता, पथदिवे, अखंडित विद्युत पुरवठा, मोबाईल शौचालयाची व्यवस्था, भाविकांसाठी पुरेशा बसेस, अग्निशमन यंत्रणा व रुग्णवाहिका आदी आवश्यक सोयी सुविधा भाविकांसाठी सुसज्ज ठेवण्याचे व संबंधित विभागाला नेमून दिलेले कामे व्यवस्थितपणे करण्याचे निर्देश जिल्हाधिकारी मीणा यांनी दिले. तसेच यात्रेदरम्याने दुर्घटना घडू नये यासाठी संबंधीतांना गॅस सिलेंडर वापरण्यास मनाई करण्याच्या सूचना देण्याचे त्यांनी सांगितले. जिल्हाधिकारी यांनी मंदिर व्यवस्थापन समितीच्या पदाधिकाऱ्यांकडून यात्रेसाठी अतिरिक्त सुविधेच्या आवश्यकतेबाबत विचारणा करून माहिती जाणून घेतली. चपराळा येथे पाण्याची मोटर, मार्कंडा येथे पोलिस बचाव पथकाला बोट व आवश्यक तेथे दुरुस्ती व डागडुजी आदी बाबींसाठी निधी उपलब्ध करुन देण्याचे त्यांनी आश्वासन दिले. बैठकीला महसूल, पोलिस, वन, सार्वजनिक बांधकाम, नगरपंचायत, दूरसंचार, अन्न व औषध प्रशासन, ग्रामपंचायत, परिवहन व संबंधीत विभागाचे अधिकारी उपस्थित होते.


PostImage

Vaingangavarta19

Feb. 26, 2024

PostImage

महाराष्ट्र शासनाच्या सहा लाख बक्षिस असलेल्या जहाल माओवाद्यास गडचिरोली पोलीस दलाने केली अटक


महाराष्ट्र शासनाच्या सहा लाख बक्षिस असलेल्या जहाल माओवाद्यास गडचिरोली पोलीस दलाने केली अटक

गडचिरोली:- महाराष्ट्र शासनाच्या सहा लाख रुपये बक्षीस असणाऱ्या माओवाद्यास गडचिरोली पोलीस दलाने जेरबंद केले आहे 
माहे फेब्रुवारी ते माहे मे दरम्यान माओवादी टीसीओसी कालावधी साजरा करतात. या दरम्यान ते सरकारी मालमत्तेचे नुकासान करणे, सुरक्षा दलाच्या जवानांवर हल्ला करणे व इतर प्रकारच्या सरकारी कामात अडथळे आणून जाळपोळ करणे इ. देशविघातक कृत्य करत असतात. याच टीसीओसी कालावधीच्या पाश्र्वभूमीवर गडचिरोली पोलीस दलाने सुरक्षा दलांविरुद्धच्या अनेक हिंसक घटनांमध्ये सक्रिय सहभाग असलेल्या एका जहाल महिला माओवाद्यास काल दिनांक 25/02/2024 रोजी अटक केले.

काल दिनांक 25/02/2024 रोजी मागील वर्षी माहे एप्रिल 2023 मध्ये

मौजा केडमारा जंगल परिसरात झालेल्या पोलीस माओवादी चकमकीच्या अनुषंगाने पोस्टे भामरागड येथे दाखल अप. क्र. 37/2023 कलम 307, 353, 143, 147, 148, 120 (ब) भादवि. सहकलम 3/25, 5/28, 8/27 भाहका, 3, 4 भास्फोका, 13, 16, 18 (अ), 20 बे. कृ. प्र. अधिनियम मधील आरोपी जहाल महिला माओवादी नामे राजेश्वरी ऊर्फ कमला पाडगा गोटा, वय 30 वर्षे, रा. बडा काकलेर, तह. भोपालपट्टनम, जि. बीजापूर (छ.ग.) हिला गडचिरोली पोलीस दलाने विशेष अभियान राबवून अटक केली.

अधिक तपासात असे दिसून आले की, दिनांक 30/04/2023 रोजी

मौजा केडमारा येथे झालेल्या चकमकीमध्ये तिचा प्रत्यक्ष सहभाग होता ज्यामध्ये 03 माओवाद्यांना कंठस्नान घालण्यात गडचिरोली पोलीस दलास यश आले होते. तसेच पोस्टे तोयनार जि. बीजापूर (छ.ग.) येथील कचलाराम जंगल परिसरात झालेल्या चकमकीमध्ये तिचा प्रत्यक्ष सहभाग असून तिला सदर चकमकीच्या अनुषंगाने दाखल पोस्टे तोयनार येथे दाखल अप. क्र. 05/2018 कलम 307, 147, 148, 149, भादंवि. सहकलम 25, 27 भाहका मध्ये सन 2019 मध्ये अटक करण्यात आली होती.

△ अटक जहाल महिला माओवाद्याबाबत माहिती नामे राजेश्वरी ऊर्फ कमला पाडगा गोटा * दलममधील कार्यकाळ

सन 2006 साली चेतना नाट मंचामध्ये सदस्य या पदावर भरती होऊन माओवादी चळवळीत सक्रीय झाली. सन 2010-11 साली चेतना नाट मंचामध्ये उप-कमांडर या पदावर

पदोन्नती झाली.

सन 2016 साली फरसेगड दलममध्ये बदली होऊन सन 2019 पर्यंत सदस्य पदावर कार्यरत होती.

सन 2019 साली पोस्टे तोयनार जि. बीजापूर (छ.ग.) च्या जंगल परिसरात पोलीस पार्टीसोबत झालेल्या चकमकीच्या अनुषंगाने दाखल गुन्ह्यात तिला अटक करण्यात आली होती.

सन 2020 मध्ये कारागृहातुन सुटका झाल्यानंतर आतापर्यंत टेलर टीम दंडकारण्य स्पेशल झोनल कमिटी अंतर्गत एसीएम (एरीया कमिटी मेंबर) पदावर कार्यरत होती.

A8 कार्यकाळात केलेले गुन्हे

* चकमक 04

* सन 2016 मध्ये मौजा करेंमर्का, फरसेगड (छ.ग.) जंगल परिसरात पोलीसांसोबत झालेल्या चकमकीमध्ये तिचा सहभाग होता.

* सन 2016 मध्ये मौजा मरेवाडा, भोपालपट्टनम (छ.ग.) जंगल

परिसरात पोलीसांसोबत झालेल्या चकमकीमध्ये तिचा सहभाग होता.

* सन 2018 मध्ये मौजा कचलाराम, बीजापूर (छ.ग.) जंगल परिसरात

पोलीसांसोबत झालेल्या चकमकीमध्ये तिचा सहभाग होता.

* सन 2023 मध्ये मौजा केडमारा, (भामरागड, जि. गडचिरोली) जंगल परिसरात गडचिरोली पोलीसांसोबत झालेल्या चकमकीमध्ये तिचा सहभाग होता.

* शासनाने जाहिर केलेले बक्षिस.

8 महाराष्ट्र शासनाने राजेश्वरी ऊर्फ कमला पाडगा गोटा हिच्या अटकेवर 6 लाख रूपयाचे बक्षीस जाहिर केले होते.

गडचिरोली पोलीस दलाच्या प्रभावी कारवाईमुळे माहे जानेवारी 2022 ते आतापर्यंत एकूण 73 माओवाद्यांना अटक करण्यात गडचिरोली पोलीस दलास यश आलेले आहे. सदरची कारवाई पोलीस अधीक्षक नीलोत्पल ,अपर पोलीस अधीक्षक (अभियान)  यतिश देशमुख ,अपर पोलीस अधीक्षक (प्रशासन)  कुमार चिंता ,अपर पोलीस अधीक्षक अहेरी  एम. रमेश  यांचे मार्गदर्शनाखाली पार पडली. तसेच पोलीस अधीक्षक  नीलोत्पल यांनी माओवाद्यांना माओवादाची हिंसक वाट सोडुन आत्मसमर्पण करुन सन्मानाने जीवन जगण्याचे आवाहन केले आहे.


PostImage

Vaingangavarta19

Feb. 26, 2024

PostImage

देसाईगंज उपविभागीय अधिकारी कार्यालयावर शेतकऱ्यांचा आक्रोश मोर्चा 


देसाईगंज उपविभागीय अधिकारी कार्यालयावर शेतकऱ्यांचा आक्रोश मोर्चा 
    
 आजपासून मागण्या मंजुर होईपर्यत श्याम मस्के  पाटलांचे उपोषण सुरु 

देसाईगंज:- येथील उपविभागीय अधिकारी कार्यालयावर शेतकऱ्यांनी आज आक्रोश मोर्चा काढला व आपल्या मागण्यांचे निवेदन रामदास मसराम यांच्या नेतृत्वाखाली देण्यात आले तद्वतच शेतकऱ्यांच्या मागण्यांसाठी श्याम म्हस्के पाटलांनी आजपासून उपोषण सुरू केले आहे 
 मागिल १५ दिवसांपुर्वी शेतकऱ्यांना रब्बी पिकाला सुरळित पाणिपुरवठा व्हावा यासाठी महाराष्ट्राच्या उर्जामंञ्यांनी आश्वासन दिल्याप्रमाणे १२ तास कृषी पंपांना विजपुरवठ्याचे आश्वासन दिल्याप्रमाणे ते पुर्ण करावे यासाठी देसाईगंज तालुक्यातील कृषी पंपधारकांनी आंदोलन उभारले होते तेव्हा स्थानिक आमदारांनी चर्चा करुन ३ दिवसात आरमोरी विधानसभा क्षेञासह गडचिरोली जिल्ह्यातील शेतकऱ्यांना सुरळित विज पुरवठा केला जाईल अशी ग्वाही दिली परंतू तब्बल १५ दिवस उलटुनही विजपुरवठा सुरळीतपणे होत नसल्याने पिक धोक्यात आल्याने शेकडो भुमिपुञांनी रामदास मसराम यांच्या नेतृत्वात देसाईगंज च्या  उपविभागिय कार्यालयावर मोर्चा च्या माध्यमातून धडक दिली आणि शेतकऱ्यांच्या मागण्या पुर्ण होईपर्यंत आमरण उपोषणाची सुरुवात कोरेगांव चे शेतकरी श्याम मस्के पाटिल यांनी केली              निसर्गाशी नेहमीच दोन हात करित शेतकरी शेतात पिक उभारत असतो आपल्या कुटुंबाच्या पोटाची खडगी भागविण्यासाठी कधी तुडतुडा, कधी रानटी जनावरांच्या हैदोषांवर मात करीत शेतकरी शेतात पिक उभे करतो  कालव्याच्या सिंचनाची सोय नसलेले शेतकरी कृषी पंपाच्या माध्यमातुन रब्बी पिकाची लागवड करतात मागिल दोन वर्षापासुन देसाईगंज तालुक्यात कृषिपंपांना विजपुरवठ्याचा प्रश्न सातत्याने निर्माण झाला असून सुरळित पाणिपुरवठा होत नसल्याने धान पिक धोक्यात येवुन करपण्याच्या मार्गावर लागले आहे या समस्यांवर तोडगा निघावा यासाठी १५ दिवसापुर्वी रामदास मसराम यांनी शेकडो शेतकऱ्याना सोबत घेवुन देसाईगंज च्या विद्युत विभागाच्या कार्यालयाला घेराव केल्याने शेतकऱ्यांवर गुन्हे दाखल करण्यात आले होते परिस्थितीचे गांभिर्य ओळखुन स्थानिक आमदार कृष्णा गजबे यांनी महाराष्ट्राचे उपमुख्यमंञी तथा उर्जामंञी देवेंन्द्र फडणविस यांच्याशी चर्चा करुन तिन दिवसात संपुर्ण गडचिरोली जिल्ह्यातिल कृषीपंपधारक शेतकऱ्यांना १२ तास सुरळित विजपुरवठा केला जाईल अशी ग्वाही दिली माञ १५ दिवस उलटुनही विद्युत विभागाकडुन कोणताही सकारात्मक प्रतिसाद मिळाला नाही सद्या रब्बी पिकांच्या रोवणी चे काम जोरात सुरु असुन कृषिपंपधारक शेतकऱ्यांच्या शेतात माञ भेगा पडल्या असुन धान पिक धोक्यात आल्याने भुमिपुञ असलेल्या रामदास मसराम यांच्या नेतृत्वात चोप कोरेगांव बोडधा, शंकरपुर, विहिरगांव, किन्हाळा, मोहटोला आणि देसाईगंज तालुक्यातिल सर्वच कृषिपंपधारक शेकडो  शेतकऱ्यानी उपविभागिय कार्यालयावर मोर्चा काढुन ठिय्या आंदोलन उभारले एवढेच नव्हे तर कोरेगांव चे शेतकरी श्याम मस्के पाटिल यांनी कार्यालयाच्या सामोर शेतकऱ्यांच्या मागण्या पुर्ण करण्याचे शासनासमोर आव्हान उभे करुन आजपासुनच आमरण उपोषनाला सुरुवात केली   

    निवेदन सादर करतांना रामदास मसराम म्हणाले की  उर्जा मंञ्यांनी दिलेल्या १२ तास कृषी पंपांना सुरळित विद्युत पुरवठ्याच्या आश्वासना नुसारच शेतकऱ्यांनी रब्बी पिकाची लागवड केली १५ दिवस उलटुनही शेतकऱ्यांच्या ज्वलंत प्रश्नावर शासन व प्रशासन गांभिर्याने विचार करत नाही पिक नष्ट झाल्याने शेतकरी हवालदिल होईल  आत्महत्येचे प्रमाण वाढतिल शेतकऱ्यांना आर्थिक अडचणिंचा सामना करावा लागेल यासाठी उपाययोजना म्हणून शेतकऱ्यांना २४ तास विजपुरवठ्याची सोय उपलब्ध करुन देण्यात यावी शासकिय धान खरेदी केन्द्रावर हेक्टरी ५० क्विंटल धान शेतकऱ्यांकडून खरेदी करण्यात यावा आधारभूत धान खरेदी ३५०० रुपये प्रति क्विंटल प्रमाणे करण्यात यावी आणि सर्वात महत्वाचे म्हणजे ग्रामिण भागात विज पुरवठा करणाऱ्या शंकरपुर पॉवर ट्रान्सफार्मर वर ५ एमव्हिए ऐवजी १५ एमव्हिए चा ट्रान्सफार्मर लावण्यात यावा या सर्व मागण्या पुर्ण होईपर्यंत शेतकऱ्यांचे प्रतिनिधी म्हणून कोरेगांव चे श्याम मस्के पाटिल यांनी आमरण उपोषण सुरु केले असुन शासन व प्रशासनाने यावर लवकरात लवकर तोडगा काढावा शेतकऱ्यांच्या संयमाचा सत्ताधाऱ्यांनी अंत पाहु नये असा सज्जड इशारा या प्रसंगी रामदास मसराम यांनी दिला आहे


PostImage

Vaingangavarta19

Feb. 25, 2024

PostImage

अखेर विरोधी पक्षनेते विजय वडेट्टीवार यांच्या मध्यस्थीने मार्कंडेश्वर मंदिराचे बांधकाम 1 मार्च पासून पूर्ववत सुरु होणार


अखेर विरोधी पक्षनेते विजय वडेट्टीवार यांच्या मध्यस्थीने मार्कंडेश्वर मंदिराचे बांधकाम 1 मार्च पासून पूर्ववत सुरु होणार

 प्रशासनाच्या लेखी आश्वासना नंतर  उपोषणाची सांगता


गडचिरोली:-
अखेर विरोधी पक्षनेते विजय वडेट्टीवार यांच्या मध्यस्थीने  मार्कंडेश्वर मंदिराचे बांधकाम १ मार्च पासून सुरू होणार असून मुर्लीधर महाराज याचे उपोषण वडेट्टीवार यांनी निंबुपाणी पाजून मागे घेण्यास भाग पाडले आहे 
गेल्या नऊ ते दहा वर्षांपूर्वी गडचिरोली जिल्ह्यातील सुप्रसिद्ध मार्कंडेश्वर मंदिराची पुनर्बांधणीच्या नावावर तेथील दगडांची उकल करण्यात आली होती. याला एक दशकाचा काळ उलटला असतानाही प्रशासन व पुरातन विभागाने काना डोळा केला. या मंदिराचे अर्धवट बांधकाम पूर्ण करण्याची मागणी घेऊन चंद्रपूर जिल्ह्यातील सावली तालुक्यातील हरणघाट येथील संत मुरलीधर महाराज यांनी गडचिरोली येथे मोठे जण आंदोलन करून मार्कंडा येथे  उपोषण सुरू केले. तत्पूर्वी राज्याचे विरोधी पक्षनेते विजय वडेट्टीवार यांनी शासनाच्या या दुर्लक्षित धोरणाविरुद्ध मंदिराच्या दुरावस्थेला जबाबदार लोकप्रतिनिधी प्रशासन व पुरातत्व विभागाला खडे बोल सुनावले होते. आज उपोषणाच्या नवव्या दिवशी पुरातत्त्व विभागाने महसूल प्रशासन करवी येत्या 1 मार्चपासून मंदिराचे पूर्ववत बांधकाम सुरू होईल असे लेखी आश्वासन दिल्यानंतर विरोधी पक्षनेते विजय वडेट्टीवार यांनी उपोषणकर्ते संत मुरलीधर महाराज व प्रशासन यांच्या मध्यस्थी करून उपोषणाची सांगता केली.

गडचिरोली जिल्ह्यातील चामोर्शी तालुक्यातील मार्कंडा देव येथे गेल्या हजारो वर्षांपूर्वी चे पुरातन काळातील हेमाडपंथी शिव मंदिर आहे. जशी काशी येथे गंगा नदी उत्तर वाहिनी होते तशीच मार्कंडा देव येथे वैनगंगा नदी ही उत्तर वाहिनी होते. यामुळे या सुप्रसिद्ध मार्कंडेश्वर शिव मंदिराचे दर्शन घेण्यासाठी दरवर्षी येथे लाखो भाविक दर्शनासाठी येतात. तसेच दरवर्षी महाशिवरात्री निमित्ताने येथे प्रचंड मोठी अशी यात्राही भरते. मात्र गेल्या नऊ ते दहा वर्षांपूर्वी सदर पुरातन हेमाडपंथी मंदिराची पुनर्बांधणी करणे नियोजनार्थं स्थानिक लोकप्रतिनिधी व चंद्रपूर जिल्ह्याचे पालकमंत्री यांनी मोठा गाजावाजा करून या मंदिराची दगडे उकलून अडगळीत पाडून ठेवत अर्धवट काम केल्याने लाखो भाविकांच्या भावना दुखावल्या गेल्या होत्या. भाविकांची प्रचंड श्रद्धा असलेल्या शिव मंदिराच्या पुनर्बांधणी करिता चंद्रपूर जिल्ह्यातील सावली तालुक्यातील हरणघाट येथील संत मुरलीधर महाराज यांनी शिव मंदिराच्या अर्धवट बांधकाम संदर्भात दिनांक 16 फेब्रुवारी 2024 रोजी गडचिरोली येथे जन आंदोलन करून मार्कंडा देवस्थान येथे  उपोषण सुरू केले. तत्पूर्वी राज्याचे विरोधी पक्षनेते विजय वडेट्टीवार यांनी मंदिराच्या दुरावस्याथे बाबत गंभीर दखल घेऊन प्रशासनाला व पुरातत्त्व विभागाला प्रसिद्धी मध्यामातून सज्जड इशारा दिला होता.तर आज उपोषणाच्या नवव्या दिवशी राज्याचे विरोधी पक्ष नेते विजय वडेट्टीवार यांनी उपोषण स्थळी भेट दिली असता स्थानिक तहसीलदार प्रशांत घरुडे, पोलीस निरीक्षक चामोर्शी, जन आंदोलन व उपोषण समितीचे पदाधिकारी  यांच्याकडून परिस्थिती जाणून घेत जिल्हाधिकारी गडचिरोली व पुरातत्त्व विभागाचे अधिकारी यांच्याशी भ्रमणध्वनी द्वारे चर्चा करून उपोषणाची गांभीर्य पटवून दिले व मंदिराच्या दुरवस्थेबाबत कळवून लवकरात लवकर निर्णय घेण्याचे सांगितले. विरोधी पक्ष नेते वडेट्टीवारांच्या मध्यस्थीनंतर यावर पुरातत्व विभागाने महसूल विभागा करवी उपोषण कर्ते मुरलीधर महाराज यांना लेखी पत्र देऊन येत्या एक मार्चपासून मंदिराचे पूर्ववत बांधकाम सुरू होईल असे पत्र देताच विरोधी पक्ष नेते विजय वडेट्टीवार यांच्या हस्ते निंबुपाणी देऊन उपोषणाची सांगता करण्यात आली. यावेळी काँग्रेसचे अनु. जमाती प्रदेश अध्यक्ष, माजी आमदार डॉ. नामदेव उसेंडी, प्रदेश महासचिव डॉ. नामदेव किरसान, गडचिरोली काँग्रेस जिल्हाध्यक्ष महेंद्र ब्राम्हणवाडे, माजी जिल्हा अध्यक्ष हसन गिलानी,माजी जिल्हा परिषद अध्यक्ष अजय कांकड्यालवार, नंदाताई कोडवते, कवडूजी कुंदावार , सिंदेवाही नगराध्यक्ष स्वप्निल कावळे, बहुसंख्य काँग्रेस कार्यकर्ते, उपोषण समितीचे पदाधिकारी व नागरिक उपस्थित होते.

 

 आश्वासन पाळा... अन्यथा मोठे आंदोलन

मंदिराची पुनर्बांधणीचा गाजावाजा करत मार्कंडेश्वर मंदिराची दुरावस्था करण्यात आली.याला एक दशकाचा काळ लोटला असून एका संताला मंदिराच्या दुरुस्तीसाठी उपोषणाला बसावे लागले.ही फार मोठी खेदाची बाब आहे.तर देशाच्या ईतर मंदिरासाठी कोट्यावधींचा खर्च करणाऱ्या सरकारने या मार्कंडेश्वर मंदिराला निधी दिला पाहिजे. मात्र स्थानिक लोकप्रतिनिधी हे या सर्वस्वी जबाबदार आहेत.तर आज पुरातत्त्व विभागाच्या वतीने महसूल प्रशासन हातून लेखी आश्वासन देत येत्या 1 मार्च पासून मंदिराचे बांधकाम पूर्ण करणे बाबत आश्वासन दिले. तर दिलेल्या तारखेस काम सुरू न झाल्यास मुरलीधर महाराज यांच्या सोबत,प्रचंड भाविक व नागरिकांच्या उपस्थितीत विशाल मोर्चा काढण्यात येईल असा इशारा राज्याचे विरोधी पक्षनेते विजय वडेट्टीवार यांनी यावेळी दिला.

 तर मंदिरात उपोषणास बसणार.

प्रशासनाने लेखी आश्वासन दिले. यामुळे आज राज्याचे विरोधी पक्षनेते विजय वडेट्टीवार यांच्या शब्दावर मी अन्नत्याग उपोषण मागे घेत आहे. प्रशासनाने मंदिर बांधकामास दिरंगाई केल्यास चक्क मंदिरातच उपोषणास बसणार असे संत मुरलीधर महाराज यांनी यावेळी प्रशासनाला ठणकावून सांगितले.


PostImage

Vaingangavarta19

Feb. 25, 2024

PostImage

शिक्षकांनी आपले कार्य प्रामाणिकपणे पार पाडावे ् -प्रा.डॉ. विठ्ठल चौथाले


शिक्षकांनी आपले कार्य प्रामाणिकपणे पार पाडावे
् -प्रा.डॉ. विठ्ठल चौथाले 


चामोर्शी :-
 शिक्षक हा निरंतर विद्यार्थी असतो. आधुनिक तंत्रज्ञानाचा युगात  विद्यार्थ्यांना ज्ञानार्जनाकरिता शिक्षकांनी सदैव आपले ज्ञान वृद्धिंगत करायला पाहिजे. विद्यार्थ्यांच्या ज्ञानाच्या कक्षा उंचावलेल्या आहेत .विद्यार्थी हा व्यावसायिक झाला पाहिजे .त्यासाठी विद्यार्थ्यांच्या विचारांचा अभ्यास करुन शिक्षकांनी आपले कार्य प्रामाणिकपणे पार पडावे असे प्रतिपादन  प्रा.डॉ. विठ्ठल चौथाले यांनी केले.
राज्य शैक्षणिक संशोधन व प्रशिक्षण परिषद पुणे अंतर्गत जिल्हा शिक्षण व प्रशिक्षण संस्था गडचिरोली तर्फे चामोर्शी येथील गटसाधन केंद्रामध्ये आयोजित माध्यमिक व उच्च माध्यमिक शिक्षक क्षमता वृद्धी प्रशिक्षणाच्या समारोपीय कार्यक्रमात अध्यक्ष म्हणून ते बोलत होते.
प्रमुख पाहुणे म्हणून गट समनवयक चांगदेव सोरते , संजय कुनघाडकर , राकेश इनकते , हेमंत पेटकर , शिवराम मोगरकर , प्रमोद भांडारकर , अशोक गजभिये , विवेक केमेकर आदि मान्यवर उपस्थित होते. याप्रसंगी चांगदेव सोरते म्हणाले अध्यापन करतांना विविध साधनांचा वापर करा.विद्यार्थी हा कृतिशील असला पाहिजे.मुलांमध्ये  आत्मविश्वास निर्माण करा.आणि मुलांची गुणवत्ता वाढविण्यासाठी शिक्षकांनी प्रयत्नशील असावे असे मत व्यक्त केले.
नवीन शैक्षणिक धोरणाअंतर्गत आठवी ते बारावीला शिकविणाऱ्या शिक्षकांचे  सर्वसमावेशक प्रशिक्षण गटसाधन केंद्र चामोर्शी येथे २२ ते २४ फेब्रुवारी पर्यंत आयोजित केले होते. या प्रशिक्षणाला चामोर्शी तालुक्यातील सरकारी व खाजगी शाळेतील एकूण ८० शिक्षक उपस्थित होते.
याप्रसंगी प्रशिक्षणार्थी  मुख्याध्यापक पालांदूरकर , सुधीर फरकाडे , रुचिता बंडावार यांनी प्रतिक्रिया व्यक्त केली. कार्यक्रमाचे संचालन तज्ञ मार्गदर्शक हेमंत पेटकर यांनी केले तर आभार प्रदर्शन अर्चना नेरकर यांनी केले.


PostImage

Vaingangavarta19

Feb. 24, 2024

PostImage

तरुणांमध्ये संस्कार,गुणवत्तेसह कौशल्य रुजविणे महत्त्वाचे: राजे अम्ब्रिशराव आत्राम


तरुणांमध्ये संस्कार,गुणवत्तेसह कौशल्य रुजविणे महत्त्वाचे: राजे अम्ब्रिशराव आत्राम

 

आलदंडी येथे भव्य कबड्डी स्पर्धेचे उद्घाटन

 

अहेरी:- देशाची भावी पिढी अर्थात आजचे तरुण ज्ञानसंपन्न, गुणसंपन्न व त्या त्या प्रसंगाला धैर्याने तोंड देणारे बनले पाहिजेत. यासाठी त्यांच्यामध्ये संस्कार गुणवत्ता व कौशल्य ही त्रिसूत्री रुजविणे गरजेचे आहे, असे मत माजी राज्यमंत्री तथा पालकमंत्री राजे अम्ब्रिशराव आत्राम यांनी व्यक्त केले.ते आलदंडी येथे आयोजित भव्य कबड्डी स्पर्धेच्या उद्घाटन प्रसंगी बोलत होते.

यावेळी सहउद्घाटक म्हणून युवानेते कुमार अवधेशरावबाबा आत्राम,तर प्रमुख पाहुणे प्रशांत ढोंगे,कारे आत्राम गाव पाटील,मासू गावडे,पेडू गावडे,शंकर कुंभारे,सुनील कांबडे,संजय सडमेक,रागेंद्र इष्टाम ग्रा.पं.सदस्य पेरिमिली ,सुधाकर दुर्गे ग्रा.पं.सदस्य पेरिमिली, महेश मडावी,राजेंद्र मडावी,तिरुपती कोसरे,सुरज मलिक,महेश हजारे,उमेश चांदेकर,सचिन सिद्धमशेट्टीवार, पंकज एगलोपवार आदी उपस्थित होते.

पुढे बोलताना युवक हे देशाचे आधारस्तंभ असून युवक सुदृढ राहण्यासाठी आरोग्य हे फार महत्वाचे आहे. त्यासाठी दैनंदिन व्यायाम आणि विविध खेळ खेळणे महत्त्वाचे आहे.पूर्वी तालुका स्तरावर क्रीडा स्पर्धांचे आयोजन केले जायचे.तिथे ग्रामीण भागातील मोजके खेळाडूंना संधी मिळायची.मात्र,आता प्रत्येक खेड्यापाड्यात विविध क्रीडा स्पर्धांचे आयोजन केले जात आहे.त्यामुळे प्रत्येक गरीब तरुणांना देखील आपल्या मधील क्रीडा कौशल्य दाखविण्याची संधी मिळत आहे,ही आनंदाची बाब आहे. आलदंडी सारख्या दुर्गम भागात भव्य कबड्डी स्पर्धेचे आयोजन करण्यासाठी येथील युवकांनी पुढाकार घेतला. असाच प्रत्येक गावातील तरुणांनी पुढाकार घेण्याची गरज आहे.त्यासाठी वाटेल ती मदत देण्यासाठी मी तत्पर असल्याचे देखील त्यांनी ग्वाही दिली.

दरम्यान पाहुण्यांचा गावात आगमन होताच ढोल ताशांच्या गजरात पारंपरिक पद्धतीने गावकऱ्यांनी जल्लोषात स्वागत केले.यावेळी मंडळाचे सदस्य,परिसरातील नागरिक व कबड्डी प्रेमी मोठ्या संख्येने उपस्थित होते.


PostImage

Vaingangavarta19

Feb. 24, 2024

PostImage

पदोन्नती झालेल्या मुख्याध्यापक यांना निरोप तथा सत्कार समारंभ 


पदोन्नती झालेल्या मुख्याध्यापक यांना निरोप तथा सत्कार समारंभ 

लगाम:-
जिल्हा परिषद उच्च प्राथमिक शाळा लगाम मुख्याध्यापक दिलीप बारसागडे , उच्च श्रेणी मुख्याध्यापक कोसे  बोंदागुडम यांची पद्दोन्नती झाल्याने निरोप  तथा सत्कार समारंभ जिल्हा परिषद उच्च प्राथमिक शाळा लगाम येथे शाळा व्यवस्थापन समिती लगाम व ग्राम पंचायत लगाम, जिल्हा परिषद कर्मचारी वर्ग यांच्या संयुक्त विद्यमाने आयोजित करण्यात आला  कार्यक्रमाचे अध्यक्ष स्थानी शाळा व्यवस्थापन समिती अध्यक्ष वेदिकाताई गणलावार ,प्रमुख अतिथी म्हणून  गटशिक्षणाधिकारी धनंजय कांबळे मुलचेरा हे होते, यावेळी सत्कार मुर्तीचा शाल, श्रीफळ व भेट वस्तू देऊन सत्कार करण्यात आला, कार्यक्रम प्रसंगीं  गटशिक्षणाधिकारी मुलचेरा यांनी सत्कार मुर्तीच्या कामाचे कौतुक केले व पुढील काळात उत्कृष्ट कार्य करण्यास शुभेच्छा दिल्या, कार्यक्रम प्रसंगीं लगाम केंद्राचे केंद्रप्रमुख  कोमरेवार, लगाम शाळेचे मुख्याध्यापक  समुद्रालवार , लगाम ग्रामपंचायत चे सरपंच  दिपक मडावी, उपसरपंच  मधुकर  गेडाम  व सचीव राकेश दुर्गे , यांनी आपले मते प्रकट केली अतिथी म्हणून  श्रीकोंडावार  गटसमन्वयक मुलचेरा फुलोरा समन्वयक महेश मडावी, दिवाकर मादेशी, तंटामुक्ती समिती लगाम चे अध्यक्ष  क्रिष्णा गावडे व पो. पा. गिरमा मडावी आदी मान्यवर उपस्थित होते
कार्यक्रमाचे संचलन  किशोर कोंडावार  तर आभार प्रदर्शन नागपुरवार यांनी केले. 
कार्यक्रमचे यशस्वीतेसाठी अशोक दुर्गे  व  सौ.दाहगावकर , बंडावार, सुरेश मडावी , अशोक दुर्गे ,  शिवराम मडावी  यांनी परिश्रम घेतले  या प्रसंगी शाळा व्यवस्थापन समिती लगाम चे सर्व सदस्य, , ग्रामपंचायत चे सदस्य व प्रतिष्ठित नागरीक उपस्थित होते.


PostImage

Vaingangavarta19

Feb. 24, 2024

PostImage

इंदिरा गांधी मेमोरियल हॉयस्कूल सुभाषग्राम येथे सावित्रीच्या लेकींना सायकलचे वाटप


 इंदिरा गांधी मेमोरियल हॉयस्कूल सुभाषग्राम येथे सावित्रीच्या लेकींना सायकलचे वाटप

आष्टी:-
चामोर्शी तालुक्यातील सुभाषग्राम येथे सावित्री च्या लेकींना सायकलचे वाटप करण्यात आले
इंदिरा गांधी मेमोरियल हॉयस्कूल तथा कनिष्ठ महाविद्यालय सुभाषग्राम येथे सत्र २०२३-२४ करिता मानव विकास मिशन अंतर्गत शालेय शिक्षणासाठी बाहेर गावावरुन ये - जा  करणाऱ्या विद्यार्थीनी करिता वेळेवर ज्ञानार्जन करण्यासाठी शाळेत उपस्थित होता यावे यासाठी इयत्ता ८ वी ते १२ च्या २७ विद्यार्थींना नुकतेच सायकलचे वाटप करण्यात आले यावेळी प्रमुख पाहुणे म्हणून माजी पंचायत समिती उपसभापती आकुलीताई बिस्वास,माजी सरपंच सतीश रॉय, प्राचार्य बेपारी ,शाळा समिती उपाध्यक्ष निताई विश्वास,पालक संघ सदस्य कालिदास दास आदिंसह शाळेचे शिक्षक वृंद  शिक्षकेतर कर्मचारी , व बहुसंख्य ग्रामस्थ उपस्थित होते


PostImage

Vaingangavarta19

Feb. 23, 2024

PostImage

 "भिडे वाडा बोलला" राष्ट्रीय काव्य लेखन स्पर्धेचे आयोजन


 

 "भिडे वाडा बोलला" राष्ट्रीय काव्य लेखन स्पर्धेचे आयोजन

 देश विदेशातील कवींचा असणार सहभाग

पुणे, दि. २२ (प्रतिनिधी) पुण्यातील भिडेवाडा देशातील मुलींची पहिली शाळा, स्त्री शिक्षणाचे उगमस्थान, स्त्री मुक्ती चळवळीचा जाज्वल्य इतिहासाचा साक्षीदार आहे. हा विषय घेऊन 'भिडे वाडा बोलला' या सुप्रसिद्ध कवितेचे कवी  प्राथमिक शिक्षक विजय वडवेराव यांनी भिडे वाडा बोलला या राष्ट्रीय काव्य स्पर्धेचे आयोजन केले आहे. या स्पर्धेत भारतातीलच नव्हे तर विदेशातील कवी देखील सहभागी होणार आहेत. विदेशातून आतापासूनच कवितांचा ओघ सुरू झाला आहे.
     महात्मा ज्योतिराव फुले व सावित्रीबाई फुले यांनी सन १८४८ साली पुण्यात बुधवार पेठ येथील भिडे वाड्यात देशातील मुलींची पहिली शाळा सुरू केली. या शाळेत शिकवायला फातिमाबी शेख या सुध्दा सावित्रीबाईंसोबत सहकारी स्त्री शिक्षिका होत्या. आद्य क्रांतीगुरू वस्ताद लहुजी साळवे यांनी या शाळेसाठी महात्मा फुले यांना संरक्षण पुरवले होते. अशा स्त्री शिक्षणाच्या उगम स्थानाची, बहुजनांच्या ऐतिहासिक प्रेरणा स्थळाची जी इतकी वर्षे दुरावस्था होती,
तेव्हापासून ते आता भिडे वाड्याचे होऊ घातलेले भव्य राष्ट्रीय स्मारक इथवर भिडे वाड्याचा आत्मकथनपर प्रवास या रचनेत अपेक्षित आहे.
भिडे वाडा ( देशातील मुलींची पहिली शाळा) स्त्री शिक्षणाचे उगमस्थान , स्त्री मुक्ती चळवळीचा आशय केंद्रबिंदू असलेली रचना असावी.
स्पर्धेसाठी कसल्याही प्रकारचे प्रवेश मूल्य नसल्याचे आयोजकांनी सांगितले.
अक्षरछंद, वृत्तबद्ध कविता, गजल, पोवाडा, भारुड, मुक्तछंद अशा कोणत्याही काव्य प्रकारात ही रचना लिहिता येऊ शकेल. कवितेसाठी ५० ओळींची मर्यादा दिलेली आहे. संपूर्ण भारतातून (भारता  बाहेरीलही) कोणत्याही वयोगटाची व्यक्ती या राष्ट्रीय काव्य स्पर्धेत भाग घेऊ शकते. फक्त रचना स्वरचित असावी.
स्पर्धेसाठी कविता पाठवण्याची अंतिम तारीख १ मार्च २०२४ अशी आहे.
स्पर्धेतील विजेत्यांना रोख पारितोषिके देण्यात येणार आहे. प्रथम क्रमांकाला पाच हजार रोख, सन्मानचिन्ह, शाल, पुस्तक असे बक्षिसाचे स्वरूप आहे. तर द्वितीय क्रमांकाला तीन हजार रुपये रोख, सन्मानचिन्ह, शाल, पुस्तक तर तृतीय क्रमांकाला दोन हजार रुपये रोख, सन्मानचिन्ह, शाल, पुस्तक देण्यात येईल. तसेच उत्तेजनार्थ पारितोषिके १० आहेत. प्रत्येकी एक हजार रुपये रोख, सन्मानचिन्ह , शाल, पुस्तक असे बक्षीस देण्यात येणार आहे.
या स्पर्धेचा पारितोषिक वितरण सोहळा दि.३१ मार्च २०२४ रोजी महाराष्ट्र साहित्य परिषद सभागृह, टिळक रोड, पुणे येथे सायं. ५ वाजता होणार आहे.
भिडे वाड्या सारख्या देशातील मुलींची पहिली शाळा असलेल्या, स्त्री शिक्षणाचे उगमस्थान असलेल्या, स्त्री मुक्ती चळवळीचा केंद्र बिंदू असलेल्या ऐतिहासिक वास्तूबद्दल , महात्मा ज्योतिराव फुले, सावित्रीबाई फुले, फातिमा बी शेख , वस्ताद लहुजी साळवे यांच्या शैक्षणिक व सामाजिक कार्यातील योगदानाबद्दल लोकांनी माहिती शोधावी, वाचन करावे, अभ्यास करावा व आशयघन लेखन करावे या एकमेव उद्देशाने या राष्ट्रीय काव्य लेखन स्पर्धेचे आयोजन केल्याचे
आयोजक विजय वडवेराव  यांनी सांगितले.
सुरुवातीला ही काव्य लेखन स्पर्धा राज्यस्तरीय ठेवली होती पण महाराष्ट्राबाहेरील गोवा, कर्नाटक, गुजरात, या राज्यातून, सिल्वासा येथून कवींनी संपर्क साधून काव्यलेखन स्पर्धेत सहभागी होण्याची इच्छा दर्शवून या स्पर्धेसाठी आपल्या रचना पाठवल्याने या स्पर्धेचे स्वरूप आपोआपच राष्ट्रीय झाले. स्पर्धेसाठी भारताबाहेरील इतर देशांतूनही कविता येण्याची शक्यता असल्याने ही काव्य लेखन स्पर्धा आंतरराष्ट्रीय होऊ शकते 
स्पर्धेसाठी कविता पाठवण्याची अंतिम मुदत १ मार्च २०२४ पर्यंत आहे.
 आलेल्या कवितांमधून काही निवडक कवितांचा *भिडे वाडा बोलला* या प्रातिनिधिक काव्यसंग्रहात  समावेश करणार असल्याचे काव्य संग्रहाचे संपादक व स्पर्धेचे आयोजक प्राथमिक शिक्षक कवी विजय वडवेराव यांनी सांगितले.
या स्पर्धेसाठी आपली रचना विजय वडवेराव यांच्या 9021097448 या व्हॉट्सॲप नंबरवर किंवा vijaywadverao@gmail.com या मेल आयडीवर
दि. १ मार्च २०२४ पर्यंत पाठवावी, असे आवाहन आयोजक कवी विजय वडवेराव यांनी केले आहे.


PostImage

Vaingangavarta19

Feb. 23, 2024

PostImage

युवा पिढीने शिवरायांचे विचार आत्मसात करावेत:- माजी राज्यमंत्री राजे अम्ब्रिशराव आत्राम


युवा पिढीने शिवरायांचे विचार आत्मसात करावेत:- माजी राज्यमंत्री राजे अम्ब्रिशराव आत्राम

गडचिरोली:- 

छत्रपती शिवाजी महाराजांनी स्थापन केलेल्या हिंदवी स्वराज्यातील राज्यकारभारामध्ये भारतीय लोकशाहीची बीजे रोवली होती. भारतीय स्वातंत्र्याची प्रेरणा ही छत्रपती शिवाजी महाराजांचीच होती. निष्पक्ष, निरपेक्ष राज्यपद्धतीतून त्यांनी राज्यकारभार केला असल्याचे सांगत आजच्या युवा पिढीने छत्रपती शिवरायांचे विचार आत्मसात केले पाहिजेत,अशी अपेक्षा माजी पालकमंत्री राजे अम्ब्रिशराव आत्राम व्यक्त केली.

गुरुवार (२२ फेब्रुवारी) रोजी शिवजन्मोत्सव समिती टायगर ग्रुप देसाईगंज (वडसा) तर्फे आयोजित छत्रपती शिवाजी महाराज जयंती निमित्त भव्य जाहीर व्याख्यान कार्यक्रमात विशेष अतिथी म्हणून बोलत होते.यावेळी आमदार कृष्णा गजबे,पद्मश्री डॉ परशुराम खुणे, युवानेते अवधेशराव आत्राम,सुप्रसिद्ध युवा व्याख्याते,समाज प्रबोधनकार सोपान कानेरकर महाराज,डॉ.नामदेव किरसान,आकाश अग्रवाल,गणेश फाफट,रामदास मसराम,विक्की बाबू रामाणी,शालू दंडवते,प्रिन्स अरोरा, मोहन वैद्य आणि अतुल डांगे आदी मान्यवर उपस्थित होते.

पुढे बोलताना पंतप्रधान नरेंद्र मोदी यांच्या नेतृत्वात आपला देश पुढे चालला आहे.येणाऱ्या काळात भारत देश इतर देशांच्या तुलनेत बरोबरी करणार अशी आशा आहे. मात्र,त्यासाठी युवा पिढीला सुद्धा पुढाकार घ्यावा लागणार आहे. देशाचे भविष्य हे युवा पिढीच्या खांद्यावर आहे.त्यामुळे तुम्ही शिवरायांनी सांगितलेल्या मार्गावर चला असे आवाहन देखील त्यांनी केले. टायगर ग्रुपच्या या कार्यक्रमामुळे वडसा शहरात परत एकदा येण्याची संधी मिळाल्याचे त्यांनी सांगितले.यापुढे देखील प्रत्येक कार्यक्रमात सहकार्य करणार असल्याचे त्यांनी आश्वासित केले. दरम्यान शहरात आगमन होताच टायगर ग्रुप तर्फे त्यांचे जंगी स्वागत करून पुष्पगुच्छ देऊन स्वागत करण्यात आले.

आयोजित कार्यक्रमात आमदार कृष्णा गजबेसह इतर मान्यवरांनी देखील मोलाचे मार्गदर्शन केले.तर युवा व्याख्याते,समाज प्रबोधनकार सोपान दादा कानेरकर आपल्या प्रबोधनाने सर्वांना मंत्रमुग्ध केले.या कार्यक्रमाला माजी राज्यमंत्री राजे अम्ब्रिशराव आत्राम व युवा व्याख्याते सोपान कानेरकर महाराज सर्वांचे आकर्षणाचे केंद्रबिंदू होते हे विशेष.त्यामुळे हजारो नागरिकांची उपस्थिती होती.


PostImage

Vaingangavarta19

Feb. 23, 2024

PostImage

शासनाकडून पुरवठा न होताही अहेरी तालुक्यातील स्वस्त धान्य दुकानातून साड्यांचे वाटप झालेच कसे


शासनाकडून पुरवठा न होताही अहेरी तालुक्यातील स्वस्त धान्य दुकानातून साड्यांचे वाटप झालेच कसे?


जिल्हा पुरवठा अधिकारी गडचिरोली यांनी पुरवठा निरीक्षक व  गोदाम व्यवस्थापक यांना बजावले कारणे दाखवा नोटीस

गडचिरोली:-
गडचिरोली जिल्ह्यातील सर्व तालुक्यातील स्वस्त धान्य दुकानदार यांच्या मार्फत शासकीय योजना अंतर्गत साड्यांचे वाटप करण्यात येणार होते परंतू गडचिरोली जिल्ह्यात पुरवठा न होताच  अहेरी तालुक्यात साड्या वाटप केल्याचे उघडकीस आले आहे त्यामुळे जिल्हा पुरवठा अधिकारी गडचिरोली यांनी पुरवठा निरीक्षक आडेपवार व गोदाम व्यवस्थापक ताकवाले यांना तहसीलदार अहेरी यांच्या मार्फत २०/०२/२०२४ ला कारणे दाखवा नोटीस बजावली आहे

कॅप्टिव्ह  मार्केट योजने अंतर्गत  अंत्योदय शिधापत्रिका धारकांना दरवर्षी साडीचे वाटप करण्यात यावे यासाठी  यंत्रमाग महामंडळाची नोडल एजन्सी म्हणून नियुक्त  करण्यात आली असून जिल्ह्यातील गोरगरीब कुटुंबातील एका महिला सदस्यांना साडी चे नियतन मंजूर झालेले आहे 
मात्र या जिल्ह्याकरीता साड्यांचा पुरवठा करण्यातच आलेला नाही
तरीसुद्धा अहेरी तालुक्यातील  कार्डधारकांना AePDS ऑनलाईन प्रणालीवर  ५६३ साड्यांचे वाटप केल्याचे दिसून येते आहे 
गडचिरोली जिल्ह्यात साड्यांचा पुरवठा झलेला नसताना  अहेरी तालुक्यातील स्वस्त धान्य दुकानदार यांनी साड्यांचे वाटप कुठून केले  व साड्याचा ऑनलाईन स्टाक कसाकाय उपलब्ध करून देण्यात आला आहे  आपल्या स्तरावरुन साड्यांचे वाटप झालेच कसे व साड्यांची रक्कम वसुल करण्याचे शासनाचे  निर्देश प्राप्त झाल्यास  आपणाकडून ५६३ साड्यांचे पैसे वसूल का करण्यात येऊ नये  या करिता नोटीस मिळाल्यानंतर २४ तासाचे आत खुलासा करावा  अन्यथा महाराष्ट्र नागरी सेवा ( शिस्त व अपील) नियम १९७९  चे तरतुदीनुसार  यास सर्वस्वी आपणास जबाबदार धरुन  आपणा विरुद्ध शिस्तभंगाची कारवाई चे प्रस्ताव वरीष्ठ कार्यालयात सादर करण्यात येईल असे पत्रात नमूद केले असून अशा अधिकाऱ्यांनर खरोखर कारवाई होणार का औसुख्याचा विषय जनतेसमोर उभा ठाकला आहे


PostImage

Vaingangavarta19

Feb. 23, 2024

PostImage

 भाजपा जिल्हा उपाध्यक्ष स्वप्निल भाऊ वरघंटे यांचे हृदयविकाराच्या झटक्याने अकाली निधन


 भाजपा जिल्हा उपाध्यक्ष स्वप्निल भाऊ वरघंटे यांचे हृदयविकाराच्या झटक्याने अकाली निधन 

 

चामोर्शी,

चामोर्शी येथील भाजपचे जिल्हा उपाध्यक्ष स्वप्नील वरघंटे यांचा हृदयविकाराच्या धक्क्याने शुक्रवारी पहाटे 5.35 वाजता जिल्हा सामान्य रुग्णालय गडचिरोली येथे निधन झाले. भाजपच्या युवा पदाधिकाऱ्याची ही अकाली एक्झिट धक्कादायक ठरली आहे. खासदार अशोक नेते यांचे ते खूप खंबीर सहकारी होते.

वरघंटे यांना हृदयविकाराचा झटका आल्याचे कळताच खा. अशोक नेते यांनी जिल्हा शल्य चिकित्सकांना यांना योग्य उपचार मिळण्यासंबंधी सूचना करून जिल्हा सामान्य रुग्णालयाकडे धाव घेतली. परंतु हृदयविकाराचा झटका तीव्र असल्याने त्यांचा पहाटे ५-३५ लाच मृत्यू झाल्याचे डॉक्टरांनी जाहीर केले. एकदा उमदा, निष्ठावंत, गोरगरिबांच्या मदतीस धावणारा, पक्षाला बळकट करणारा, सहकारी गमावला, सर्वत्र कडून स्व. स्वप्नील वरघंटे यांना आपुलकीची भावना व्यक्त करत श्रद्धांजली देत पूर्ण चामोर्शी शहर दुःख व्यक्त करीत आहेत.


PostImage