आत्मसमर्पीत नक्षवाद्याची केली नक्षलवाद्यांनी गोळी झाडून हत्या, गडचिरोली जिल्ह्यात खळबळ

गडचिरोलीःनक्षलविद्यांनी एका आत्मसमर्पीत नक्षलवाद्याची र्गोळी झाडून हत्या केल्याची घटना शुक्रवारी (26 जुलै) रोजी पहाटेच्या सुमारास उघडकीस आली आहे. जयराम कोमटी गावडे (40) रा. आरेवाडा, तालुका भामरागड असे त्याचे नाव आहे.

प्राप्त माहितीनुसार जयराम कोमटी गावडे आणि त्याची पत्नी नक्षल चळवळीत सामील होते. मागील सात-आठ वर्षापूर्वी दोघांनी गडचिरोली पोलिसांसमोर आत्मसमर्पण केले होते. दोघेही भामरागड तालुक्यातील आरेवाडा येथेच आपली शेती, मोलमजुरी करीत उदरनिर्वाह करीत होते 25 जुलै रोजी नक्षलवाद्यांनी आरेवाडा येथे त्याची गोळी झाडून हत्या केली. ही घटना 26 जुलै रोजी पहाटेच्या सुमारास उघडकीस आल्यावर एकच खडबड उडाली आहे.

नुकतेच 17 जुलै रोजी गडचिरोली पोलिसांच्या सी-60 पथकाने एटापल्ली तालुक्यातील जारावंडी लगत छत्तीसगड सीमेवरील वांडोली जंगल परिसरात 12 नक्षलवाद्यांना कंठस्नान घातले होते. यात मोठ्या कॅडरच्या नक्षलवाद्यांचा समावेश होता. या घटनेला 10 दिवस उलटले नाही तोच नक्षलवाद्यांनी भामरागड तालुक्यात आत्मसमर्पित नक्षलवाद्याची हत्या केली.

विशेष म्हणजे 28 जुलै ते 3 ऑगस्ट दरम्यान नक्षलवादी शहीद सप्ताह पाळतात. यादरम्यान सरकारी मालमत्तेचे नुकसान, सुरक्षा दलावर हल्ले, खबरी असल्याच्या संशयावरून हत्या, रस्ते बंद करणे अश्या घटना घडतात मात्र सप्ताहाच्या पूर्वीच भामरागड तालुका मुख्यालया पासून हाकेच्या अंतरावर असलेल्या आरेवाडा येथे जयराम कोमटी गावडे नामक आत्मसमर्पित नक्षलवाद्याची हत्या करून दहशत पसरविण्याचा प्रयत्न केला आहे.

नवरगावच्या नाल्याच्या पुरात दुचाकी गेली वाहून मात्र, तिघांना गावकऱ्यांनी वाचविले 

 गडचिरोली - : गडचिरोली जिल्ह्यातील लागुनच असलेल्या नवरगाव येथील नाल्याच्या पुरात वाहून जात असलेल्या तीन इसमास गावकऱ्यांनी मोठ्या शर्थीचे प्रयत्न करीत वाचविल्याची घटना २५ जुलै रोजी घडली 

गडचिरोली जिल्ह्यात संततधार पावसामुळे चारही बाजुला पुराचा वेढा आहे. त्यामुळे चारही मार्ग बंद आहेत . अश्यातच  चुरचुरा- नवरगांव मार्गावरून नवरगाव च्या पुर्वीच येणारा पुल त्यावर पावसाच्या पाण्यामुळे पुर आलेला होता नवरगाव ला जाण्यासाठी नागपूर वरून येणारे तिन पाहुणे एक महिला, मुलगा व भाचा बाईक वरून नवरगांव पुलावरून पाणी असतांना सुद्धा पुलावर थोडे पाणी आहे आपण सहज पुल ओलांडू शकतो या हेतुने ते तिघेही नवरगाव फुलावरून जात असतांना पाण्याचा अंदाज चुकला व ते पुढे न जाता पुलाच्या खाली बाईक पडली तर दोघे जुझपाचा आधार घेवुन लटकले तर एकजन पुलावरच मध्यतरी थांबुन कढल्यांला धरून होते.  त्या ठिकाणी चुरचुरा गावकरी पोहचले असता भयावह स्थिती पाहून गडचिरोली पोलिसांना माहीती दिली गडचिरोली पोलीस त्या ठिकाणी पोहचले परंतु हतबल होवून  त्यांना आल्या पावली परत जावे लागले
 आता आप्पती व्यवस्थापन  DDRF पथक जाईल बोट च्या मदतीने त्या तिघांना काढण्याचा प्रयत्न होईल असे वाटत होते. 

मात्र सांयकाळचे ७ वाजले तरीही  काहीच हालचाली दिसत नव्हत्या तेव्हा चुरचुरा येथील अनिल गेडाम व वासुदेव गेडाम यांनी दोरांच्या सहाय्याने सदर स्थळी जावून त्यां निघांना  सुखरूप बाहेर काढले चुरचुरा व नवरगांव चे अख्खे गावकरी त्या ठिकाणी पोहचले होते. त्यांना सुखरूप बाहेर काढले 
आता सरकारी यंत्रणा चुरचुरा येथे त्यांना नेवून त्यांची चौकशी करीत आहेत. त्या तिघाचे नाव अजुनही कळले नाहीत

आश्रयासाठी मंदिरात गेलेल्या महीलेवर अत्याचार करणाऱ्या नराधमांना फाशीची शिक्षा व्हावी - महीला आयोगाच्या अध्यक्षा रुपाली चाकणकर

नवी मुंबई:-

नवी मुंबईतील शीळ परिसरातील मंदिरात आश्रयासाठी गेलेल्या महिलेवर सामूहिक अत्याचार करून तिची हत्या करणाऱ्यांना फाशीच व्हायला हवी. त्यासाठी आम्ही पाठपुरावा करणार आहोत, असे राज्य महिला आयोगाच्या अध्यक्षा रूपाली चाकणकर यांनी स्पष्ट केले आहे.

हा खटला फास्ट ट्रॅक कोर्टात चालवून यातील आरोपींना फाशीची शिक्षा व्हायला हवी. यासाठी आयोग पाठपुरावा करेल, असेही त्या म्हणाल्या. आज पीडित महिलेच्या कुटुंबाची त्यांनी नवी मुंबईतील घरी भेट घेतली. त्यावेळी त्या बोलत होत्या. काही दिवसांपूर्वी ही घटना उघडकीस आली. आयोगाने लगेच दखल घेत पोलिसांना तातडीने कारवाई करण्याचे आणि अहवाल सादर करण्याचे निर्देश दिले होते. आरोपींची अटक, तपास यादरम्यान चाकणकर पोलिसांकडून वेळोवेळी माहिती घेत होत्या.

चाकणकर यांनी गुरुवारी (दि.२५) पीडित कुटुंबाची नवी मुंबईतील त्यांच्या घरी भेट घेतली. आई-वडील, बहीण यांच्याकडून तिच्या सासरच्या त्रासाची पार्श्वभूमी समजून घेतली. कुटुंबीयांचे सांत्वन करत या प्रकरणी सुरू असलेल्या तपासाबाबत कुटुंबियांना माहिती द्यावी, त्यांच्या शंकांचे निरसन करावे अशा सूचना पोलिसांना दिल्या आहेत. आरोपीवर कठोर कलमे लावून लवकरात लवकर चार्जशीट दाखल करावी असेही पोलिसांना सांगितले आहे. या भेटीच्या वेळी सहायक पोलिस आयुक्त योगेश गावडे, वरिष्ठ पोलिस निरीक्षक संदीपान शिंदे, पोलीस निरीक्षक औदुंबर पाटील उपस्थित होते. त्यांनी या प्रकरणाच्या तपासाची सद्यस्थिती सांगितली

हा खटला फास्ट ट्रॅक कोर्टात चालवून फाशीची शिक्षाच व्हावी यासाठी महिला आयोग पाठपुरावा करेल. ही महिला सासरच्या छळाला सामोरे जात होती. त्यांच्यावर देखील योग्य त्या कायद्यांतर्गत कारवाई होईल. पीडित महिलेच्या कुटुंबाला, तिच्या लहान मुलाला शासकीय मदत मिळावी यासाठी ही आयोग प्रयत्न करेल असेही त्यांनी स्पष्ट केले आहे.

दुर्दैवाने एखाद्या महिलेला घराबाहेर पडावे लागले; तर नजीकचे पोलीस स्टेशन, वन स्टॉप सेंटर यांनी जनजागृती करणे आवश्यक आहे. अश्या महिलांना मदत मिळू शकते, असा विश्वास देण्याची गरज आहे. माध्यमांनी जनजागृतीसाठी पुढाकार करावा, असेही त्यांनी माध्यमांशी झालेल्या संवादात सांगितले.

मुख्याधिकारी साहेब अहेरीतील खड्डे बुजवा, अन्यथा सामाजिक कार्यकर्ते वर्गणी करून खड्डे बुजविणार

 सामाजिक कार्यकर्ते देवेंद्र खतवार यांची नगर पंचायत अहेरी च्या मुख्याधिकाऱ्याकडे निवेदनातुन मागणी

अहेरी:- अहेरी नगर पंचायत हद्दीत व अहेरी शहरातील रस्त्यावर खड्डेच- खड्डे पडले असून पावसाळ्याचे दिवस असल्याने सदर खड्डे पाण्याने भरून आहेत.खड्डयात साचलेल्या पाण्यामुळे खड्डा किती खोल आहे याचा असल्याचे अंदाज येत नसल्याने अहेरी शहरात नागरिकांची व वाहनांची वर्दळ नेहमीच असते म्हणून पाणी भरलेल्या खड्ड्यामुळे अपघात होण्याची  शक्यता नाकारता येत नाही म्हणून अहेरी शहरातील व प्रभागातील खड्डे बुजवा अन्यथा अहेरी शहरात सामाजिक कार्यकर्ते वर्गणी गोळा करून सदर खड्डे बुजवण्याचे प्रावधान हाती घेतील  असे अहेरी नगर पंचायत चे मुख्याधिकारी यांना दिलेल्या निवेदनात मागणी व ईशारा दिला आहे.

अहेरी शहरात व्यापार व आठवडी बाजार आणि शासकीय कामे, रुग्णालयात उपचारासाठी, विद्यार्थी शाळा, महाविद्यालयात असे विविध कामे घेऊन सामान्य जनता व विद्यार्थी मोठ्या प्रमाणात येत असतात त्यामुळे मोठी  वर्दळ निर्माण होते
अहेरीतील रस्त्यावर खड्डे पाण्याने भरून आहेत भरलेल्या पाण्यामुळे खड्डा किती खोल आहे याचा अंदाज न आल्याने अपघात होण्याचे दाट शक्यता आहे आणि ये-जा करणाऱ्या नागरीकांना व वाहन धारकांना वाहतुकीस कमालीचा त्रास सहन करावा लागत आहे.करिता खड्डे बुजवणे आवश्यक आहे.नगर पंचायत ने या समस्येचा गंभीरतेने विचार करून  सदर खड्डे बुजवा अन्यथा अहेरीत वर्गणी करून खड्डे बुजवणार  मुख्याधिकारी यांना दिलेल्या निवेदनातुन मागणी व ईशारा देण्यात आले आहे. 

निवेदन देताना सामाजिक कार्यकर्ते देवेंद्र खतवार, सचिन येरोजवार युवक मंडळी उपस्थित होते

आणी...अचानक वाघ समोर आले,वेळ आली पण काळ आला नव्हता!

अंगावर शहारे आणणारा योगायोग 

चंद्रपूर:- "वेळ आली होती परंतु काळ आला नव्हता" याच म्हणी प्रमाणे वाघ अचानक समोर उभा झाल्याने एका शेतकऱ्यास जीव मुठीत धरून त्याचेकडे पहात राहावे लागत होते 
ताडोबा व्याघ्र प्रकल्पात वाघांची संख्या झपाट्याने वाढत आहे. त्यामुळे वाघ कधी आणि कुठे दिसणार हे सांगणे कठीण झाले आहे. वाघाचे नाव ऐकताच लोकांचा थरकाप सुटतो  आणि तो अचानक समोर आला तर भीतीने  बोबळी वळून बोलणेही बंद होते. असाच प्रकार नागभीड तालुक्यात मंगळवारी सायंकाळी उघडकीस आला. गोविंदपूर रस्त्यावर मंगरुडजवळ एका शेतकऱ्यासमोर अचानक वाघ उभा राहिला.
सध्या सर्वत्र संततधार पाऊस पडत आहे. पाऊस असूनही शेतकरी आपल्या शेतात रोपे लावण्यात व्यस्त आहेत. मंगळवारी गोविंदपूर येथील रामदास खांदेवे नावाचे शेतकरी मंगरूड गावातील शेतात काम करण्यासाठी सायकलवरून गेले होते. सायंकाळी साडेपाचच्या सुमारास काम आटोपून ते सायकलवरून गोविंदपूर या गावी परतत होते. मंगरूड ते गोविंदपूर मार्गावरील कालव्याजवळील नागमोडी वळणावर अचानक वाघ जंगलातून बाहेर येऊन रस्त्यावर आला. दोघेही समोरासमोर उभे राहिले. दोघांच्या मागे किंवा पुढे कोणीच नव्हते. शेतकऱ्याने समोर वाघ पाहून तो अवाक होऊन आता आपले काही खरे नाही असे त्याला मनोमन  वाटत होते
तेवढ्यात मंगरुड कडून गोविंदपूरकडे जाणारी एसटी बस तेथे पोहोचली. बस चालकाने तात्काळ बस थांबवून शेतकऱ्याला वाचवण्यासाठी  वेळ वाया न घालवता एसटी बसमध्ये बसवून त्याची सायकलही बसमध्ये ठेवून एसटी बस रवाना केली तेव्हा वाघ ताबडतोब जंगलाच्या दिशेने निघून गेला 'वेळ आली होती, पण काळ आला नव्हता' या म्हणीच्या धर्तीवर शेतकऱ्याचा जीव वाचला. एसटी बस गोविंदपूर गावात पोहोचली आणि शेतकरी गावात उतरला. यावेळी वाघ यांना समोर पाहून शेतकरी काहीच बोलण्याच्या स्थितीत नव्हता. एसटी चालक व वाहकाने गावात हा प्रकार सांगितल्याने वाघ व शेतकऱ्याच्या समोरासमोर उभे टाकल्याच्या घटनेची गावात खमंग जोरदार चर्चा झाली.

धानोरा येथील सोनाली गेडाम ठरल्या पहिल्या मुख्यमंत्री युवा कार्य प्रशिक्षणाच्या लाभार्थी

विभागात 8 हजार 847 उमेदवारांची नोंदणी 10 हजार रुपये प्रतिमहा मिळणार विद्यावेतन

गडचिरोली/नागपूर दि. 25: मुख्यमंत्री युवा कार्य प्रशिक्षण योजने अंतर्गत राज्यातील पहिली नियुक्ती गडचिरोली जिल्ह्यातील सोनाली गेडाम या युवतीला मिळाली आहे. नागपूर विभागासाठी या योजने अंतर्गत 29 हजार 500 उमेदवारांच्या नियुक्तीचे उद्दिष्ट आहे. त्यापैकी 8 हजार 847 उमेदवारांनी नोंदणी झाली असल्याची माहिती विभागीय आयुक्त श्रीमती विजयलक्ष्मी बिदरी यांनी आज दिली. मुख्यमंत्री युवा कार्य प्रशिक्षण योजनेचा दूरदृष्यप्रणालीद्वारे मुख्यमंत्री एकनाथ शिंदे यांनी आढावा घेतला. या योजनेच्या अंमलबजावणीसाठी नागपूर विभागाने पुढाकार घेतला आहे. या योजने अंतर्गत खाजगी व शासकीय अशा 80 आस्थापनांची नोंदणी करण्यात आली असून विभागात नोंदणी केलेल्या उमेदवारांना प्राधान्याने प्रशिक्षणासाठी नियुक्ती देण्यात येणार असल्याची माहिती
श्रीमती बिदरी यांनी दिली.

मुख्यमंत्री युवा कार्य प्रशिक्षण योजने अंतर्गत गडचिरोली जिल्ह्याने प्रशिक्षण योजने अंतर्गत पहिली नियुक्ती केल्याबद्दल जिल्हा प्रशासनाचे विभागीय आयुक्त श्रीमती बिदरी यांनी अभिनंदन केले असून इतर जिल्हाधिकाऱ्यांनी या योजनेच्या प्रभावी अंमलबजावणीसाठी पुढाकार घेवून दिलेले उद्दिष्ट पूर्ण करण्याच्या

सूचना दिल्या आहेत. धानोरा येथील सोनाली गेडाम बिएससी व एमएससीआयटी असून

त्यांची जिल्हा परिषदेच्या समाज कल्याण अधिकारी कार्यालयात डाटा एन्ट्री ऑपरेटर म्हणून नियुक्ती देण्यात आली असून त्यांना प्रतिमहा 6 महिन्यांपर्यत 10 हजार रुपये विद्यावेतन मिळणार आहे. मुख्यमंत्री युवा कार्य प्रशिक्षण योजनेकरिता महास्वयंम या पोर्टलवर विभागातील 8 हजार 847 उमेदवारांनी नोंदणी केली आहे. यामध्ये नागपूर

जिल्ह्यातील 3 हजार 692, वर्धा जिल्ह्यातील 855, भंडारा जिल्ह्यातील 966, गोंदिया जिल्ह्यातील 1 हजार 866, चंद्रपूर जिल्ह्यातील 1 हजार 174 तर गडचिरोली जिल्ह्यातील 294 उमेदवारांचा समावेश आहे. विभागातील 11 खाजगी तर 69 शासकीय आस्थापनामध्ये नोंदणी झालेल्या उमेदवारांची नियुक्ती करण्यात येणार आहे. यासाठी 1 हजार 758 पदे अधिसूचित करण्यात आले असल्याची माहिती श्रीमती बिदरी यांनी दिली. मुख्यमंत्री युवा कार्य प्रशिक्षण योजना, कौशल्य विकास, रोजगार व उद्योजकता, आयुक्त कार्यालयातर्फे राबविण्यात येणार आहे. उद्योजकांना त्यांच्या उद्योगासाठी आवश्यक असणारे मनुष्यबळ या
योजने अंतर्गत उपलब्ध करुन देण्यात येणार असून या योजनेसाठी राज्य शासनाने 5 हजार 500 कोटी रुपयाचा निधी उपलब्ध करुन दिला आहे. या अंतर्गत 12 वी पास झालेल्या उमेदवाराला प्रतिमहा 6 हजार रुपये, आयटीआय अथवा पदवी असलेल्यांना 8 हजार रुपये तर पदवीधर व पदव्युत्तर शैक्षणिक आर्हता असलेल्या उमेदवारांना 10 हजार रुपये प्रतिमहा विद्यावेतन देण्यात येणार आहे. यासाठी उमेदवारांची किमान वय 18 व कमाल 35 वर्षे असणे आवश्यक
आहे.

मुख्यमंत्री युवा कार्य प्रशिक्षण योजने अंतर्गत उद्योजक व विद्यार्थ्याने rojgar.mahaswayam.gov.in या संकेतस्थळाला भेट देवून नोंदणी करता येईल. तसेच या वेबसाईटवर उद्योजकांना मागणी नोंदविण्याची सुविधा आहे. विभागात खाजगी 11 व 69 शासकीय अशा 80 आस्थापनांनी 1 हजार 758 पदांची मागणी नोंदविण्यात आली आहे. या योजनेचा जास्तीत-जास्त युवकांनी लाभ घ्यावा असे आवाहन विभागीय आयुक्त विजयलक्ष्मी बिदरी यांनी केले आहे.

गोमणी ते विवेकानंदपूर या रोडची झाली दुरवस्था,रोडला आले नाल्यांचे स्वरूप 

मुलचेरा:-
मुलचेरा तालुक्यातील गोमणी पासून तर विवेकानंदपूर पर्यंत रस्त्यावर मोठमोठे खड्डे झाले आहे. सार्वजनिक बांधकाम विभागाचे याकडे अक्षरशः दुर्लक्ष झाल्याने आता पावसाळ्यात त्या खड्डयांना तलावाचे स्वरूप आले आहे. या रस्त्यावर मुलचेरा तालुका मुख्यालयात शिक्षण घेण्यासाठी शेकडो विध्यार्थी दररोज ये-जा करतात. विविध कार्यालयात कामानिमित्त जाणाऱ्या नागरिकांची संख्या देखील तितकीच आहे. एवढेच नव्हेतर कर्मचारी आणि अधिकारी देखील याच रस्त्याने ये-जा करतात. या सर्वांना याचा जबर फटका बसत आहे.

मागील एक वर्षांपासून या रस्त्याची दुरुस्ती करण्याची मागणी होत असताना देखील सार्वजनिक बांधकाम विभागाकडून दुर्लक्ष झाल्याने परिणामी खड्डयांना तलावाचे स्वरूप प्राप्त झाले आहे. रस्त्यावरील खड्डे चुकविण्याच्या नादात अपघाताचे प्रमाण देखील वाढले आहे. सदर रस्त्यावर दुचाकी चालविणे कठीण झाले असून एसटी बस आणि इतर खाजगी वाहनधारक कसा प्रवास करत असतील याचा विचार न केलेला बरा.

गेल्या पाच दिवसांपासून या भागात मुसळधार पाऊस सुरू आहे. नुकतेच चार दिवसांपूर्वी आंबटपल्ली आणि खुद्दीरामपल्ली दरम्यान असलेल्या नाल्याला पूर आला होता. पूर ओसरला असला तरी पुराच्या पाण्याने पुलावर साचलेला गाळ आणि कचरा साफ करण्यात आला नाही. एकीकडे कचरा साचला तर दुसरीकडे खड्यात पाणी साचला आहे. त्यामुळे या पुलावर देखील अपघाताची शक्यता बळावली आहे. मागील चार दिवसांपासून पुलावर कचरा पडून आहे मात्र, याकडे कोणाचेही लक्ष नाही.

आलापल्ली ते आष्टी मार्गावर खड्डयांचा साम्राज्य निर्माण झाल्याने खाजगी वाहनधारक मागील दोन वर्षांपासून आलापल्ली ते मुलचेरा याच मार्गाचा अवलंब करत आहेत. सध्या आलापल्ली ते आष्टी रस्त्यावरील दीना नदीवरील पूल पाण्याखाली आल्याने हाच एक पर्यायी मार्ग वापरण्यात आला. अश्या परिस्थितीत या रस्त्यावरून प्रवास करताना नागरिकांना अनेक अडचणींना सामोरे जावे लागत आहे. त्यामुळे नागरिकांमधून रोष व्यक्त केला जात आहे.

सोन्याचे दागिने चोरणाऱ्या टोळीला पोलीसांनी केले जेरबंद,फरार आरोपींचा शोध सुरू 

वरोरा:-
 वरोरा तालुक्यातील टेमृर्डा येथून जवळपास सात लाखाची चोरी करणाऱ्या चोरांना अवघ्या 24 तासात पोलिसांनी तपासाची चक्रे फिरवीत सहा आरोपींना जेरबंद केले आहे 
मिळालेल्या माहितीनुसार वरोरा तालुक्यातील शरद सीताराम गुघाणे वय 53 वर्ष हे टेभूर्डा येथे आपल्या पत्नीसह चहाचे दुकान चालवतात 17 जुलै रोजी ते व त्यांची पत्नी उघडे शटर असलेल्या चहाच्या दुकानात झोपले होते. त्यावेळी अज्ञात चोरांनी चहाच्या दुकानातून सोन्याचे दागिने, रोख एक लाख रुपये, कोको कंपनीचा मोबाईल असा एकूण 7, 80, 500 रुपयाचा माल चोरून नेला. यासंबंधीची तक्रार शरद गुधाने यांनी वरोरा पोलीस ठाण्यात करताच वरोरा येथील गुन्हे शाखा तसेच  चंद्रपूर व कोरपणा पोलिसांच्या मदतीने तपासाची चक्रे शिताफिने फिरवत गोपनीय माहितीच्या आधारे प्रदीप संजय शिरकुरे, आकाश नारायण शिरकुरे, चिंतामण संजय शिरकुरे, हरिणा प्रदीप शिरकुरे, माया देवगडे सर्व राहणार पारधी गुडा धोपटाळा तालुका कोरपणा यांचे सह विकास काळे राहणार चिनोरा यांना अटक केली व त्यांचे जवळून आठ सोन्याच्या अंगठ्या, सोन्याच्या चार बांगड्या, एक चपला कंठी, सोन्याचे कानातले दागीने, सोन्याची पोत व सोन्याचा गोफ या दागिन्यासह दोन मोबाईल व चोरी करण्यासाठी वापरलेली शिवरलेट स्पार्क कार क्रमांक एम एच 34 ए ए 3324 व एक्टिवा क्रमांक एम एच
31 ईव्ही 9188 असा एकूण 6,85000 रुपयाचा माल जप्त केला. या गुन्ह्यातील इतर आरोपी फरार असून त्यांचे जवळून उर्वरित मुद्देमाल जप्त करण्यासाठी पोलीस प्रयत्नशील आहेत. पोलिस फरार आरोपींचा शोध घेत आहेत.

सदर कारवाई जिल्हा पोलीस अधीक्षक मुमक्का सुदर्शन, जिल्हा अप्पर पोलीस अधीक्षक रिना जनबंधु, सहाय्यक पोलीस अधीक्षक व वरोरा उपविभागीय पोलीस अधिकारी नयोमी साटम,  चंद्रपूर स्थानिक गुन्हे शाखेचे पोलीस निरीक्षक महेश कोन्डावार, पोलीस निरीक्षक अजिंक्य तांबडे यांचे मार्गदर्शनाखाली, सपोनि विनोद जांभळे, पोस्टे वरोरा, सपोनि मनोज गदादे, सपोनि विकास गायकवाड, पो.स्टे. कोरपना व पोलीस स्टेशन वरोरा येथील गुन्हे शाखा पथकातील पो.हेड.कॉ. दिपक दुधे, पो.अं. संदिप मुळे, विशाल राजुरकर, महेश गावतुरे, मोहन निषाद, राजु लोधी, यांनी स्थानिक गुन्हे शाखा व पो.स्टे. कोरपना येथील पोलीस कर्मचाऱ्यांच्या मदतीने केली.

राष्ट्रवादी काँग्रेस (शप) पक्षातर्फे सिरोंचात भाजप सरकारच्या विरोधात निषेध आंदोलन

सिरोंचा :- केंद्रीय अर्थसंकल्पात महाराष्ट्राला इतर राज्यांच्या तुलनेत भरीव अशी कोणतीही तरतूद करण्यात आली नाही व निधी वाटपात सुद्धा काहीच दिले नाही म्हणून राष्ट्रवादी काँग्रेस (शरदचंद्र पवार) पक्षातर्फे सिरोंचा निषेध आंदोलन करण्यात आले 
 देशाचा केंद्रीय अर्थसंकल्प सादर करण्यात आला.अर्थसंकल्प देशाचा होता पण महाराष्ट्र देशातच आहे की देशाबाहेर असा प्रश्न महाराष्ट्रातील जनतेला पडलेला आहे.या अर्थसंकल्पात आज पासून सुरू होणाऱ्या जाहिरात बाजीसाठी विविध योजना आहेत, पण आपल्या महाराष्ट्रासाठी काही ठोस निधी सोडा पण इतर राज्याप्रमाणे थोडेफार जरी दिले असते तर समाधान मानले असते. परंतु लोकसभा निवडणुकीत एन. डी. ए. सरकारला आलेल्या कमी जागा मुळे महाराष्ट्रातील जनतेला त्याचे परिणाम भोगावे लागले अशी भाजपची प्रवृत्ती येथून स्पष्ट होत आहे.आंध्र प्रदेश, बिहार व देशातील इतर राज्यांना दिलेल्या मदतीवर नजर टाकल्यास आपल्या लक्षात येईल की महाराष्ट्राला अर्थसंकल्पात- २०२४ मधून काहीही मिळालेले नाही.हे त्रिवार सत्य आहे.
महाराष्ट्रातील जनता ही स्वाभिमानी असून आपल्यावरील अन्याय कदापीही सहन करणार नाही. राज्यातील जनतेच्या मनातील रोष आणि भावना आपण या आंदोलना द्वारे मांडून भाजप पक्षाविरुद्ध निषेध व्यक्त करण्यात आला आहे, याकरिता आज राष्ट्रवादी काँग्रेस शरदचंद्र पवार पक्षाचे जिल्हाध्यक्ष अतुल गाण्यारपवार यांच्या मार्गदर्शनाखाली सिरोंचा येथे राष्ट्रवादी काँग्रेस शरदचंद्र पवार पक्षाचे पदाधिकारी व कार्यकर्त्यांनी सिरोंचा मुख्यालयात बस स्टँड चौक येथे "अर्थसंकल्पात एकच दोष, महाराष्ट्रात रोष, महाराष्ट्रात रोष" असे नारेबाजी करत आंदोलन करून निषेध व्यक्त करण्यात आला आहे,
        त्यावेळी पक्षाचे जिल्हा सरचिटणीस चोक्कामवार, तालुका उपाध्यक्ष सागर मूलकला, सचिव - विनोद नायडू,शहर अल्पसंख्याक आघाडी अध्यक्ष - सलमान शेख, कार्यकर्ते - राजू मूलकला, उदय मूलकला, गणेश संड्रा, आदीसह कार्यकर्ते मोठ्या संख्येने उपस्थित होते.

गडचिरोली जिल्ह्यात जाळपोळ व इतर गुन्ह्यात सहभागी असलेल्या जहाल जहाल नक्षल्याचे आत्मसमर्पण

गडचिरोली, दि. 24 : गडचिरोली जिल्ह्यात जाळपोळ व इतर गुन्ह्यात सहभागी असलेल्या जहाल नक्षल्याने पोलीसासमोर आत्मसमर्पण केले आहे 
 शासनाने 2005 पासून जाहिर केलेल्या आत्मसमर्पण योजनेमुळे तसेच हिंसाचाराच्या जीवनाला कंटाळून वरिष्ठ नक्षल्यांसह अनेक जहाल नक्षल्यांनी आजपर्यंत पोलीसांसमोर आत्मसमर्पण केलेले आहे. त्याचबरोबर आत्मसमर्पित नक्षल्यांचे पोलीस दलाने पुनर्वसन घडवून आणल्यामुळे आजपर्यंत एकुण 670 माओवाद्यांनी गडचिरोली पोलीस दलासमोर आत्मसमर्पण केले आहे. आज 24 जूलै 2024 रोजी जिल्ह्यात मुसाधर पाऊस असतानाही गडचिरोली पोलीस दलासमोर आत्मसमर्पण केले. लच्चु करीया ताडो, पार्टी सदस्य, भामरागड दलम, (वय 45), रा. भटपार ता. भामरागड, जि. गडचिरोली असे त्याचे नाव आहे. मिळालेल्या माहितीनुसार लच्चु ताडो 2012-13 पासुन गावात राहुन जनमिलिशीया म्हणून नक्षल्यांसाठी राशन आणून देणे, सेंट्री ड्युटी करणे, नक्षल्यांचे हत्यार लपवून सुरक्षित ठिकाणी ठेवणे, निरपराध इसमांचे खून करण्याआधी रेकी करुन त्याची माहिती नक्षल्यास पुरविणे, पोलीस पार्टीबद्दल नक्षल्यांना माहिती देणे तसेच नक्षल्यांचे पत्रके जनतेपर्यंत पोहचविणे व इतर काम तो करीत होता. 2023 मध्ये भामरागड दलममध्ये सदस्य पदावर भरती होऊन आजपर्यंत कार्यरत. त्याचा 2022 मध्ये ईरपनार गावातील रोड बांधकामावरील 19 वाहनांची जाळपोळ करण्यामध्ये त्याचा प्रत्यक्ष सहभाग होता. तसेच 2023 मध्ये नेलगुंडा जंगल परिसरातील पायवाट रस्त्यातील जमिनीत स्फोटके पुरुन ठेवण्यात त्याचा प्रत्यक्ष सहभाग होता.

महाराष्ट्र शासनाने लच्चु करीया ताडो याचेवर 02 लाख रुपयाचे बक्षिस जाहिर केले होते.आत्मसमर्पणानंतर पुनर्वसनाकरीता केंद्र व राज्यशासनाकडुन लच्चु करीया ताडो याला एकुण 4.5 लाख रुपये बक्षिस जाहिर केले आहे.

गडचिरोली पोलीस दलाने अतिशय प्रभावीपणे नक्षलविरोधी अभियान राबविल्यामुळे तसेच शासनाने नक्षल्यांना आत्मसमर्पणाची सुवर्णसंधी उपलब्ध करुन दिल्याने, सन्मानाने जीवन जगण्यासाठी सन 2022 ते 2024 सालामध्ये आतापर्यंत एकुण 22 जहाल नक्षल्यांनी आत्मसमर्पण केले आहे. सदर नक्षल्याचे आत्मसमर्पण घडवून मुख्यप्रवाहात आणण्याबाबतची कारवाई संदिप पाटील, विशेष पोलीस महानिरीक्षक (नक्षलविरोधी अभियान) नागपूर, अंकित गोयल, पोलीस उप- महानिरीक्षक गडचिरोली परिक्षेत्र, अजय कुमार शर्मा, पोलीस उप-महानिरीक्षक (अभियान) सीआरपीएफ, नीलोत्पल, पोलीस अधीक्षक गडचिरोली व दाओ इंजिरकान कींडो, कमांण्डट 37 बटा. सिआरपीएफ यांच्या मार्गदर्शनाखाली पार पाडली. यावेळी पोलीस अधीक्षक गडचिरोली नीलोत्पल यांनी आवाहन केले की, विकासकामांना आडकाठी निर्माण करणाया माओवाद्यांवर पोलीस दल सक्षमपणे कारवाई करण्यास तत्पर असुन, जे नक्षली विकासाच्या प्रवाहात सामील होण्यास ईच्छुक असतील त्यांना विकासाच्या मुख्य प्रवाहात आणण्यासाठी तसेच लोकशाहीतील सन्मानाचे जीवन जगण्यासाठी गडचिरोली पोलीस दल सर्वतोपरी मदत करेल, तसेच त्यांनी हिंसेचा त्याग करुन शांततेचा मार्ग स्विकारावा.

गंभीर आजारी महीलेस आपत्ती व्यवस्थापन पथकाने बोटीच्या सहाय्याने सुखरूप पोहचविले रुग्णालयात 

रानमुल - माडेमुल पोटफोडी नदीच्या पुरामुळे ६ दिवसापासून आवागमन बंद 

 गडचिरोली:-
गंभीर आजारी (साप चावल्याचा संशय) महीलेस आपत्ती व्यवस्थापनाच्या पथकाने बोटीच्या सहाय्याने सुखरूप रुग्णालयात पोहचवून उपचारासाठी दाखल केले आहेत 
गडचिरोली  मुख्यालयाला पासून अवघ्या १५ कि.मी अंतरावर अतिदुर्गम भाग रानमुल ते माडेमुल असून पोटफोडी नादीला संततधार पावसामुळे पुर आल्याने गेल्या आठ दिवसापासून त्या गावांच संपर्क  तुटला आहे माडेमुल वरुन रानमुल ते गडचिरोली येणे जाणे अजुनही बंदच आहे.

दि.२४ चे रात्रौ माडेमुल येथील कल्पना परसे हि गंभीर आजाराने त्रस्त असल्यामुळे तिला महिला रुग्णालय गडचिरोली येथे आणावयाचे होते. तेव्हा माडेमुल येथील गावकऱ्यांनी आपत्ती व्यवस्थापन पथक( SD RF)
यांना माहिती दिली तेव्हा त्यांनी बोटीच्या सहाय्याने  कल्पना हिला गडचिरोली रुग्णालयात पोहचविण्यात आले. मालेमुल ते गडचिरोली संर्पक अजुनही तुटला असुन आता मात्र आप्पती व्यवस्थापन व गावकरी सहकार्य करीत आहेत.

पोटफोडी नदी पुरामुळे आजुबाजुच्या शेतात पुराचे पाणी घुसले असुन शेतकऱ्यांचे धानपिक धोक्यात आले आहेत तेव्हा शासनाने पाहणी करून शेतकऱ्यांना नुकसान भरपाई द्यावी अशी मागणी गावकऱ्यांनी केलेली आहे.

शेतात धान रोवणी करीत असताना वाघोबाने शेतकऱ्यावर  हल्ला करून जागीच केले ठार

नागभीड : -
 आपल्या स्वतःच्या शेतात धान रोवणी करीत असताना एका शेतकऱ्यावर वाघोबाने हल्ला करून शेतकऱ्यास जागीच ठार केल्याची घटना नागभीड वनपरिक्षेत्रातील मींडाळा येथील कंपार्टमेंट नं ४२०/ ७५६ मध्ये मंगळवारी संध्याकाळी पाच वाजताच्या सुमारास घडली.  मृतक दोडकू झिंगर शेंदरे  वय(६५) असे शेतकऱ्याचे नाव आहे.

 चंद्रपूर जिल्ह्यात नागभीड तालुक्यात गेले तीन दिवस संततधार पाऊस सुरू होता. या अतिवृष्टीमुळे अनेक शेतकऱ्यांच्या धान पिकास फटका बसला.  काही बांद्यामधील रोवलेले धान वाहून गेले होते त्या ठिकाणी  दोडकू धान रोवणी करीत होता. त्याचे हे काम सुरू असतानाच वाघाने त्याच्यावर हल्ला चढवून त्याला जागीच ठार केले. ठार केल्यानंतर त्याला तो फरफटत लागूनच असलेल्या झुडपी जंगलात नेत असताना जवळपास शेतात काम करणाऱ्या शेतकऱ्यांचे लक्ष पडले. त्यांनी आरडाओरड करून गावात माहिती दिली. गावचे सरपंच गणेश गड्डमवार यांनी लागलीच वनविभाग आणि पोलिस विभागास माहिती दिली. माहिती मिळताच वनपरिक्षेत्र अधिकारी सुनील हजारे आणि ठाणेदार विजय राठोड घटनास्थळी दाखल झाले. संध्याकाळी ७ वाजता मृतकाच्या पार्थिवाचा मोका पंचनामा करुन  त्याचे शव
उत्तरीय तपासणीसाठी ग्रामीण रुग्णालयात रवाना केले.
त्वरित त्या गरीब शेतकऱ्याच्या परीवारास आर्थिक मदत देण्यात यावी अशी मागणी करण्यात आली आहे

सरपंचानी केले गावातील शाळेचा दुरुस्तीसाठी अर्धनग्न आंदोलन 

नंदुरबार:-आपल्या गावातील शाळा दुरुस्ती करीता चक्क सरपंचांनी अर्धनग्न आंदोलन केले आहे 
खांडबारा गावात जिल्हा परिषदेची शाळा आहे त्या शाळेची इमारत ही जीर्ण अवस्थेत पोहचली असल्याने सरपंच अविनाश गावीत यांनी जिल्हा परिषद कडे शाळा दुरुस्ती करीता वारंवार पाठपुरावा केला मात्र या बाबतीत शासन उदासीन असल्याचे दिसून येत होते 
ग्रामस्थांनी गावाच्या विकासासाठी मला निवडून दिले मात्र मी लोकांना काय उत्तर देणार म्हणून त्यांनी अनोखे आंदोलन करण्याचे ठरविले व काही ग्रामस्थांनी सुद्धा सहकार्याचा हात पुढे केला 
तेव्हा त्यानी जिल्हा परिषदेच्या पुढे अर्धनग्न आंदोलन सुरू केले 
 भारतीय लोकशाहीमध्ये गावाचा सरपंच हा तळागाळातील लोकांचा लोकसेवक असतो.

आपल्या गावातील शाळेच्या दुरुस्ती कडे शासकीय अधिकाऱ्यांचे लक्ष केंद्रित करण्यासाठी असे सरपंचास अर्धनग्न आंदोलन करावे लागते ही शोकांतिकाच म्हणावी लागेल 

सरपंचांना आपल्या गावातील लेकरांचा शिक्षणासाठी उत्तम सोय व्हावी म्हणून पहिल्यांदाच सरपंच कपडे काढताना पाहिला असल्याचे बोलले जात आहे सरपंच अविनाश गावित खरंच आपलं पाऊल गावाचा हितासाठी पुढे आहे आपणास शुभेच्छा आपली व खांडबारा ग्रामस्थांच्या लढाईला यश मिळेल काय असा प्रश्न उपस्थित होतो आहे 

ही चमकोगिरी नाही तर वास्तव आहे.

शेतात जात असताना पती- पत्नीवर केला जंगली वराहाने हमला,पती पत्नी दोघेही जखमी

चामोर्शी तालुक्यातील कढोली येथील घटना

कार्यकारी संपादक/ प्रविण तिवाडे वैनगंगा वार्ता १९

चामोर्शी:-
तालुक्यातील कढोली (अनखोडा) या गावातील पती पत्नी मिळून आपल्या शेतशीवाराकडे जात असताना अचानक जंगली वराहाने हमला करुन जखमी केल्याची घटना 23/07/2024 ला सकाळी घडली आहे 

प्रफुल ताराचंद सिडाम वय 38 वर्ष कविता प्रफुल सिडाम वय 35 वर्ष रा. कढोली ता. चामोर्शी जिल्हा. गडचिरोली असे जंगली वराहांच्या हल्ल्यात जखमी झालेल्या पती पत्नीचे नावे आहेत

प्रफुल व त्याची पत्नी कविता दोघेही आपल्या शेतशिवाराकडे जाताना जंगली वराहांनी त्यांच्यावर हल्ला केला व फरफटत नेले त्या दोघांनी जंगली वराहांविरूद्ध भरपूर प्रमाणात प्रतिकार केला व त्यांच्या तावडीतून कसेबसे सुटले जशी गावात ही घटना माहिती झाली ते त्यांना जखमी अवस्थेत आष्टी येथील ग्रामीण रुग्णालयात दाखल करण्यात आले व लागलीच डॉक्टरांनी त्यांच्यावर उपचार सुरू केले आहेत कढोली गावात जंगली डुकरांचा मोठ्या प्रमाणात हैदोस सुरू असून शेतीची नुकसान तर करतातच परंतू आता मानवावर सुद्धा हल्ले सुरू झाले असल्याने या हल्ल्यात जखमीना वनविभागाकडून त्वरीत आर्थिक मदत देण्याची मागणी होत आहे.

मे़ढेबोडी, मोह‌टोला येथे लागते तळीरामांची रिघ 

अशोक वासुदेव खंडारे/मुख्य संपादक वैनगंगा वार्ता १९

वैरागड :-
 आरमोरी पोलीस स्टेशन अंतर्गत येत असलेल्या अनेक गावामध्ये दारुबंदी असली तरी बहुतेक गावामध्ये दारुचा महापूर वाहत आहे. मेंढेबोडी आणि मोहटोला जवळील बहुतेक गांवात दारुबंदी असल्याने दारु पिण्यासाठी मेंढबोडी आणि मोहोला या गावात दररोज संध्याकाठी तळीरामांची गर्दी असल्याने महिलांचे जगणे कठीन होत असून याकडे पोलीस जाणून बुजून दुर्लक्ष करीत असल्याचे चित्र दिसून येत आहे. गडचिरोली जिल्हयात दारुबंदी कायद्याने बंदी असली तरी संपूर्ण जिल्हयात
दारुचा महापूर वाहत आहे गडचिरोली लगतच्या चंद्रपूर गोंदिया आणि भंडारा जिल्ह‌यातून जिल्ह्यात दररोज देशी विदेशी दारुचा पुरवठा होत असतो. तर काही गावात गावठी मोहफुलाची अवैध्य दारू विक्री सुरु आहे असाच प्रकार आरमोरी पोलीस स्टेशन अंतर्गत येत असलेल्या बहुतेक गोव्यामध्ये सर्रासपणे दारुविक्री सुरु असल्याचे दिसून येतेय. काही गांवात महिलाच्या व बचतगटाच्या पुढाकाराने दारुबंदी केल्याचे दिसून येते परंतु आरमोरी पोलीस स्टेशन अंतर्गत येत असलेल्या मेंढेबोडी आणि मोहटोला येथे मुबलक दाऊ विक्री केली जाते. मोहझरी,सुकाळा,शिवणी या गावात दारुबंदी असल्याने नजीकच्या मेंढेबोडी  येथे दारु पिणाऱ्या तळीरामांची सायंकाळच्या सुमारास गर्दी दिसून येते तर कोजबी, लोहारा, करपडा, विहीरगांव येथे दारुबंदी असल्याने न‌‌जीकच्या मोहटोला येथे दारु पिणा-यांची वर्दळ असते त्यामूळे मेंढेबोडी आणि मोहटोला ही दोन्ही गावे तडीरामासाठी आवडीचे ठिकाण असल्याचे दिसून येत आहे 

प्रतिक्रिया,
" दाऊ विक्रेत्यांचा शोध घेणे सुरु असून दाऊ विक्रने विक्री करतांना आढवल्यास त्याचे वर योग्य ती कार्यवाही करण्यात येईल"

सागर बिट अमलदार वैरागड.

जन्मदात्या बापाचा मुलाने  दगड मारुन  केला खून.

उपसंपादक/ प्रमोद झरकर 

सिंदेवाही : दिनांक २२/०७/२०२४ रोजी सिंदेवाही पोलीस ठाणे हद्दीतील मौजा वासेरा येथील पोलीस पाटील श्री देवेंद्र तलांडे यांनी फोन वरून श्री तुषार चव्हाण ठाणेदार पोलीस ठाणे सिंदेवाही यांना माहिती दिली की,आंबेडकर चौक वॉर्ड क्र.२ वासेरा येथे अमित अशोक रामटेके रा.वासेरा यांनी आपल्या वडीलाला मारहाण करून गंभीर जखमी केले आहे.त्यांना तात्काळ मदतीची गरज आहे.

या माहिती नुसार सपोनी तुषार चव्हाण ठाणेदार पोलीस ठाणे सिंदेवाही  तात्काळ पोलीस ठाण्याचे सपोनि स्थूल,पोउपनी सागर महल्ले,पोहवा विनोद बावणे,पोलीस अंमलदार रणधीर मदारे यांचेसह वासेरा गावासाठी रवाना झाले.परंतु प्रशासनाने अतिवृष्टीमुळे रेड अलर्ट घोषित केला होता.अतिवृष्टीमुळे पुलावरून पाणी वाहत असल्यामुळे वासेरा गावाकडे जाणारे सर्व रस्ते बंद होते.त्यामुळे पोलिसांना घटनास्थळी पोहचण्यासाठी आव्हान होते.

शेवटी अथक परिश्रम व पोलीस मित्र तसेच आपत्ती व्यवस्थापन यांच्या मदतीने वाकल ते जामसाळ्या मध्ये असलेल्या शेतातील नाल्यातिल कमरेच्या वर पाण्यातुन ट्रॅक्टरने मार्ग काढत जामसाळ्या पर्यँत पोहचुन पुढील प्रवास ट्रक्टरच्या मुंडीवर बसून घटनास्थळ गाठले.

पोलीस पथक घटनास्थळी पोहचल्या नंतर जखमी अवस्थेत असलेले अशोक आबाजी रामटेके यांना पोलीस पथक व वासेरा गावातील युवक व त्यांचे नातेवाईक यांचे मदतीने आल्या मार्गानेच परत सिंदेवाही ग्रामीण रुग्णालयात हलविण्यात आले.मात्र तिथे डॉक्टरांनी त्यांना मृत घोषित केले.

सदर घटनेसंबंधाने मृतक याची पत्नी अर्चना अशोक रामटेके यांनी सिंदेवाही पोलीस ठाणे येथे तक्रार दिली की,मृतक हा उसनवार घेतलेले पैसे परत करावयाचे आहेत.तुझे कानातील सोन्याचे रिंग मला दे असे म्हटल्याने मृतकाच्या पत्नीने त्याला ५०० रुपये दिले व ज्याचे घेतले त्याला दे म्हणून सांगितले.

मृतकाने त्यातील ४०० रुपये देऊन १०० रुपये स्वतःकडे ठेवून घेतले.त्याबाबत मृतक व त्याचा चुलत भाऊ कैकाडू रामटेके याचे सोबत मृतकाच्या पत्नीसोबत बोलचाल करीत असतांना यातील आरोपी हा येऊन मृतकास तू दारू पिण्यासाठी घरी पैसे का मांगतोस ? तुला दारू प्यायची सवय आहे तर दारू पिऊन चुपचाप झोपस का नाही ? असे म्हटल्याने त्यांच्यात वाद निर्माण झाला.झगडा भांडण होऊन आरोपीने मृतकास लाथाबुक्क्यानी मारहाण करून खाली पाडले.

त्यानंतर मृतक उठून मनोज रामटेके यांच्या घराकडे चालत चालत जात असतांना आरोपीने मृतकास जिवाने मारण्याच्या उद्देशाने त्याचे हातातील दगड मृतकास फेकून मारल्याने कानाचे मागील बाजूस  डोक्यावर लागून मृतक गंभीर जखमी झाला.

ग्रामीण रुग्णालय सिंदेवाही येथे डॉक्टरांनी तपासनिअंती मृत घोषित केले.मृतकाच्या पत्नीच्या तक्रारीवरून आरोपी मुलगा अमित अशोक रामटेके वय २४ रा.वासेरा याच्याविरुद्ध खुनाचा गुन्हा दाखल करण्यात आला आहे.आरोपीस पोलिसांनी ताब्यात घेतले असून पुढील तपास ठाणेदार,तुषार चव्हाण करीत आहेत.

सदर कामगिरी  मुम्मका सुदर्शन जिल्हा पोलीस अधीक्षक चंद्रपूर,रिना जनबंधु अप्पर पोलीस अधीक्षक चंद्रपूर, शिवलाल भगत उपविभागीय पोलीस अधिकारी यांचे मार्गदर्शनात ठाणेदार तुषार चव्हाण सिंदेवाही यांचे नेतृत्वात सपोनि अतुल स्थूल,पोउपनी सागर महल्ले,अनिल चांदोरे,विनोद बावणे,रणधीर मदारे,सुहास करमकर,मोहीत मेश्राम यांनी केली आहे.

 शासनाकडून नैसर्गिक आपत्तीतील मृतकाचे वारसांना १२ लाखाची  मदत वितरित

गडचिरोली दि.२२ : नैसर्गिक आपत्तीने वेगवेगळ्या घटनेत मृत झालेल्या अहेरी व एटापल्ली उपविभागातील तीन मृतकाच्या वारसांना प्रत्येकी ४ लक्ष असे एकूण १२ लक्ष रुपये मदतीचे धनादेश आज त्यांच्या घरी जाऊन अप्पर जिल्हाधिकारी विजय भाकरे यांच्या हस्ते देण्यात आले. 

 याच महिन्यात दिनांक ९ जुलै रोजी तोडसा येथे पुराच्या पाण्यामध्ये वाहून मयत झालेले अमित डोलू तीम्मा यांचे वारस वडील  दोलू लुला तीम्मा यांना, २ जुलै रोजी मौजा जीवनगट्टा येथील  चंदू गिरमा पोरटेत हे वीज पडून मृत्यूमुखी पडले होते, त्याचे वारस  पत्नी नामे प्रेमीला चंदू पोरतेट यांना  तसेच मौजा मरपल्ली येथील  अंकुश  पांडू कुळयेटी हे दिनांक ८ जुलै  २०२४ रोजी  मरपल्ली नाल्या जवळ पाण्यात पडुन वाहून जाऊन मृत झाले होते. त्यांचे वारस आई नामे सुमन पांडू कुळयेटी यांच्या प्रत्यक्ष घरी जाऊन अप्पर जिल्हाधिकारी अहेरी भाकरे यांच्या उपस्थितीत शासकीय मदतीची रक्कम धनादेशाद्वारे देण्यात आली

यावेळी  आदित्य  आंधळे  गटविकास अधिकारी , सचिन  कन्नाके तालुका आरोग्य अधिकारी ,  पी. एन . उसेंडी तलाठी एटपल्ली ,. पी . डी. आत्राम तलाठी तोडसा  , देवाजी गावडे कोतवाल , सुरेश दुर्गे कोतवाल ,  सचिन गेडाम कोतवाल उपस्थित होते.

 आश्रम शाळेतील विद्यार्थ्यांना दुषीत पाण्यामुळे आजाराची लागण, उपचारासाठी रुग्णालयात दाखल 

धुळे:-
जिल्ह्यातील केशव स्मृती आदिवासी आश्रमशाळा कुसुंबा येथील विद्यार्थ्यांना दुषीत पाण्यामुळे आजाराची लागण झाली असून उपचारासाठी धुळे येथील रुग्णालयात दाखल करण्यात आले आहे 
विद्यार्थ्यांना योग्य सुविधा उपलब्ध नसल्याने लहान मुलांना आजार होत आहेत त्यामुळे सदर शाळेच्या संस्थाचालक, मुख्याध्यापक, अधिक्षक,व ईतर बेजबाबदार कर्मचाऱ्यांवर कायदेशीर चौकशी करून विद्यार्थ्यांच्या जीवाशी खेळणाऱ्या दोषींवर गुन्हे दाखल करुन संस्थेची मान्यता रद्द करण्यात यावी अशी मागणी महाराष्ट्र राज्य आदिवासी बचाव अभियान नाशिक शाखा (साक्री) धुळे चे गणेश गावीत, तानाजी बहीरम यांनी प्रकल्प अधिकारी एकात्मिक आदिवासी विकास प्रकल्प कार्यालय धुळे यांना निवेदन देऊन केली आहे 
 प्रत्यक्ष अनुदानित आश्रम शाळा कुसुंबा ता. जि.धुळे या शाळेला भेट दिली असता अजून 45 ते 47 विद्यार्थी बाधित आहेत.या घटने नंतर साफ सफाई करण्यात आली आहे.शाळा सुरू झाल्यापासून एकदा ही पाणी परीक्षण करण्यात आले नाही. स्वयंपाक चुलीवर बनवला जातो गॅसचे अनुदान लाटले जाते मुलांच्या आरोग्याची काळजी घेतली जात नाही.जे विद्यार्थी तक्रार करतात त्यांना बोर्डाच्या परीक्षेत टार्गेट केले जाते.म्हणून विद्यार्थी बोलत नाही.वरून संस्था एका भाजप पक्षाच्या राजकीय नेत्याची शाळा असून या शाळेत असा गंभीर प्रकार घडला आहे.यांच्यावर सरकार कायदेशीर कार्यवाही करणार का ? कुसुंबा येथील आदिवासी आश्रम शाळेतील विद्यार्थ्यांचे भयानक हाल व अपेष्टा होत आहेत 
दि.20/7/2024रोजी  कुसुंबा आदिवासी आश्रम शाळेतील दुषित पाणी पिल्याने उलट्या,ताप संडास  विद्यार्थ्यांना व्हायला लागले.दि.17/7/2024 रोजी विहीरीतील पाणी आटल्याने बाहेरून पाण्याचे टँकर मागितले असेही सांगण्यात येत आहे.एकीकडे विहीरीत संडासाचे पाणी जमिनीत मुरते असे ही शाळेतील विद्यार्थी सांगत आहे.खर तर विद्यार्थाचे निवासी इमारत आहे.त्या इमारतीला लागून विहीर व संडासाचे कुंड्या ही विहीर जवळ आहे. असे दुषित पाणी पिल्याने शाळेतील विद्यार्थी उलट्या, संडास करतांना शिक्षकांना दिसून आल्या नंतर लगेच धुळे जिल्हा रुग्णालयात उपचारासाठी नेले तरी काही मुले ,मुली अजून ही शुद्धीवर नव्हत्या यात लहान मुले जास्त होते.त्याच दिवशी पुन्हा दुपारी आणि संध्याकाळी तीन मुले एम्बुलंस  मध्ये जिल्हा रुग्णालय धुळे येथे उपचारासाठी आणले . धुळे जिल्ह्यातील आदिवासी आश्रम शाळा कुसुंबा येथील ज्या धडगाव शहादा तळोदा अक्कलकुवा या तालुक्यातील पालकांचे विद्यार्थी कुसुंबा आश्रम शाळेत असतील त्या पालकांना आपल्या मुलांना बघण्यासाठी यावे कारण की लहान लहान लेकरू या ठिकाणी राहतात ते कसे राहतात हे पाहणं गरजेचं आहे.अनुदानाच्या पायी लहान जीवाशी खेळलं जात आहे.मी स्वतः त्रास करताना बघितले आहे. तरी या शाळेतील या विद्यार्थ्यांना कशामुळे आजारी पडले याकडेही आपलं लक्ष दिलं पाहिजे प्रत्यक्षपणे आपल्या मुलांना विचारा कोणते पाणी पिले आणि ते पाणी कसे होते तेही विचारा आणि पुढील कारवाई आपल्या पालकांनीही करावी . 25 लोकांना करणे दाखवा नोटीस एकात्मित आदिवासी विकास प्रकल्प अधिकारी धुळे यांनी बजावली आहे.तसेच झालेल्या घटनेची चौकशी तीन अधिका-या मार्फत केली जाणार आहे.संबधित संस्थाचालक व इतर लोकांवर कायदेशीर कार्यवाही करण्यात येईल का?असा प्रश्र्न निर्माण झाला आहे.

कंत्राटदाराच्या चुकीमुळे सती नदीवरील पूल वाहून गेला - खा.डॉ नामदेव किरसान 

कुरखेडा:-
गडचिरोली जिल्ह्यातील कुरखेडा तालुक्यातील सती नदीवरील पूल कंत्राटदाराच्या चुकीमुळे वाहून गेला आहे असा सनसनाटी आरोप गडचिरोली - चिमुर निर्वाचन क्षेत्राचे खा. डॉ.नामदेव किरसान यांनी केला आहे 
प्रत्यक्षात सती नदीवरील वाहुन गेलेल्या पुलाची  पाहणी करताना खासदार गडचिरोली-चीमुर लोकसभा क्षेत्र डॉ.नामदेव किरसान यांनी  यावेळी प्रशासकीय कर्मचाऱ्यांना निर्देश दिले की शाळेंत येणाऱ्या विद्यार्थ्यांना बसेसची व्यवस्था करण्यात यावी व आरोग्य सुदृढ ठेवण्यासाठी  नदीच्या पलीकडे टेन्ट उभारून डॉक्टरची टीम व ॲम्बुलन्सची व्यवस्था करण्यात यावी.
  यावेळी माजी आमदार आनंदराव गेडाम, जिल्हाध्यक्ष काँग्रेस कमिटी गडचिरोली महेंद्र ब्राह्मणवाडे, जिल्हाध्यक्ष अनुसूचित जाती रजनीकांत मोटघरे, जिल्हाध्यक्ष किसान काँग्रेस कमिटी गडचिरोली वामनराव सावसाकडे, जिल्हाध्यक्ष शिवसेना सुरेंद्रभाऊ चंदेल, तालुकाध्यक्ष काँग्रेस कमिटी कुरखेडा जीवन पाटील नाट, सामाजिक कार्यकर्ता रामदासजी मसराम, माजी जिल्हा परिषद सदस्य जयंत पाटील हरडे, नीताराम कुमरे, तालुका अध्यक्ष काँग्रेस कमिटी वडसा राजेंद्र बुल्ले, तालुका अध्यक्ष कुरखेडा आम आदमी पार्टी ईश्वर ठाकरे, नाशिर हासमि, मुनेश्वर बोरकर, मुजफ्फर शेख, गिरधर तीतराम, प्रभाकर तुलावी, छगन शेडमाके, नदीम नाथांनी, गौरव येनप्रेड्डीवार, विपुल एलटीवार पिकु बावणे, मोहित अत्रे, लीलाधर भरे सर्व पक्षाचे पदाधिकारी व कार्यकर्ते उपस्थित होते.

मानवी सांगाडा सापडला सार्वजनिक बांधकाम विभागाच्या जीर्ण इमारतीत 

विठ्ठलवाडा येथील घटना 

आष्टी:-
गोंडपीपरी तालुक्यातील विठ्ठलवाडा येथील सार्वजनिक बांधकाम विभागाच्या जीर्ण इमारतीत मानवी सांगाडा आढल्याने एकच खळबळ उडाली आहे. मानवी सांगाडा कुणाचा याबाबत तर्क वितर्क लावले जात आहे.

चंद्रपूर अहेरी राष्ट्रीय महामार्गावर
विठ्ठलवाडा बसस्थानकापासून अवघ्या काही अंतरावर सार्वजनिक बांधकाम विभागाची जुनी इमारत आहे. मागील बऱ्याच वर्षापासून कुणीही या इमारतीत वास्तव्य करीत नसल्याने दुरावस्था झालेली आहे. आजू बाजूला हिरवे गवत यासह छोटे मोठे झाडे झुडपे वाढलेली आहेत. अश्यातच गोंडपिंपरी तालुक्यात मागील दोन तीन दिवसापासून सतत पाऊस सुरू आहे. दि. २१ जुलै रविवारला सकाळ पासूनच पावसाला सुरवात झाली.

दुपारच्या सुमारास पावसाने थोडी उसंत घेतल्याने गावातील एक इसम बकऱ्या चारण्यासाठी सार्वजनिक बांधकाम विभागाच्या परिसरात गेले. बकऱ्या चारत असतानाच अचानक जीर्ण इमारतीत मानवी सांगाडा आढळल्याने सदर इसम चक्रावला. लागलीच सदरची माहिती गावकऱ्यांना दिली. घटनेची महिती गावात पसरताच घटनास्थळी बघ्याची गर्दी उसळली. सार्वजनिक बांधकाम विभागाच्या जीर्ण इमारतीत मानवी सांगाडा असल्याची माहिती गोंडपीपरी पोलीसाना देण्यात आली. गोंडपिंपरी पोलीस स्टेशनचे ठाणेदार रमेश हत्तीगोटे पोलीस कर्मचाऱ्यांसह घटना स्थळी दाखल झाले. पाहणी केली असता जीर्ण इमारतीत मानवी सांगाडा दिसला. यात सदर अज्ञाताची डोक्याची कवटी शरीरापासून वेगळी झालेली दिसली. शरीराचा काही भागाचा सापळाही

दिसून आला. मानवी सांगाडा पोलिसांनी ताब्यात घेतला. वैद्यकीय अधिकाऱ्याला घटनास्थळी बोलविन्यात आले. रात्री सात वाजे पर्यंत चौकशी सुरू होती. तपासणीअंती मानवी सांगाडाचे काही नमुने घेण्यात आले असून पुढील तपासणी साठी पाठविण्यात आले.

एखादा वेडसर इसम तिथे वास्तव्यास राहिला अन् तिथेच त्याचा मृत्यू झाला असावा असा अंदाज वर्तविण्यात येत आहे. सदर इसमाचा सांगाडा एका पिशवीत भरून विठ्ठलवाडा येथील स्मशानभूमीत पुरविण्यात आला आहे. यावेळी गोंडपिंपरी पोलीस स्टेशनचे ठाणेदार रमेश हत्तीगोटे, विठ्ठलवाडा ग्रामपंचायत सदस्य शुभम पिंपळकर, पोलीस पाटील शारदा पिंपळकर, टीकाराम डाहुलेसह गावातील नागरिक हजर होते.

अगदी गावाला लागूनच सार्वजनिक बांधकाम विभागाची जीर्ण इमारत आहे. हाकेच्या अंतरावरच खाद्य पदार्थाची दुकाने यासह इतर दुकाने आहेत. उन्हाळ्याचे दिवसात याच इमारतीच्या परिसरात तरुण मंडळी क्रिकेट खेळत असतात. लघुशंका आली की अनेकजण याच इमारत परीसराचा आधार घेतात. असे असतानाही मृतदेहाची दुर्गंधी का आली नाही असा प्रश्न अनेकांना पडला. अचानक सार्वजनिक बांधकाम विभागाच्या जीर्ण इमारतीत मानवी सांगाडा सापडल्याने नागरिकांकडून तर्क वितर्क लावले जात आहेत

अतिवृष्टीमुळे गोसेखुर्द धरणाचे ३३ तर धापेवाडाचे ५ गेट मधून पाण्याचा विसर्ग सुरू 

प्रतिनिधी / भंडारा : मुसळधार पावसामुळे जिल्ह्यातील शहरांसह ग्रामीण भागातील जनजीवन विस्कळीत झाले. भंडारा शहरातील राष्ट्रीय महामार्गासह अंतर्गत रस्त्यांवरील खोलगट भागात अनेक तास पाणी पाणी साचून राहील्याने हाहाकार उडाला.

वाहतूक प्रभावीत झाली. घरादारात पाणी शिरल्याने जीवनावश्यक वस्तुंचे नुकसान झाले. व्यापारी प्रतिष्ठानांतील तळभागात पाणी शिरल्याने एकच धावपळ उडाली. अतिवृष्टीमुळे गोसे खुर्द धरणाचे ३० गेट अर्धा मिटरने तर ३ गेट एक मिटरने उघडण्यात आली असून ३९८७.७५ क्युमेक्स पाण्याचा विसर्ग सुरू आहे. धापेवाडाची ५ गेट ०.७५ मिटरने उघडण्यात आली असून ३६३.१५ क्युमेक्स पाण्याचा विसर्ग सुरू आहे.

भंडारा शहरात मध्यरात्रीपासून मुसळधार पाऊस बरसला. दुपारी १२.३० पर्यंत ९५.५ मिमी पावसाची नोंद करण्यात आली. जिल्ह्यात एकूण ४० मंडळापैकी २३ मंडळात अतिवृष्टीची नोंद करण्यात आली. सर्वाधिक ३४१.५ मिमी पाऊस लाखांदूर तालुक्यातील बारव्हा मंडळात नोंदविण्यात आला. मुसळधार पावसामुळे शहरातील अनेक मार्ग अवरूद्ध झाले. सखल भागात पाणी साचल्याने नागरिकांना त्रास सहन करावा लागला. शहरातील नाली, गटारे ओसंडून वाहीले. नाली व गटारातून पाणी परिसरात पसरल्याने सगळीकडे प्लास्टीक व कचऱ्यांचा खच पहावयास मिळाला. अनेक ठिकाणी दोन ते तीन फुट पाणी शिरल्याचे चित्र पहावयास मिळाले. प्रशासनाच्यावतीने नुकसानीचा अंदाज घेतला जात आहे. सायंकाळपर्यंत नुकसानीत वाढ होण्याचा अंदाज आहे.

या भागात शिरले पावसाचे पाणी -

शहरातील ग्रामसेवक कॉलोनी परिसर, भोजापूर व शिक्षक कॉलोनी महामार्ग परिसर, शिवाजी नगर नागपूर नाका भाग, भंडारा-वरठी महामार्गावरील डीमार्ट परिसरातील खोलगट भाग, आयटीआय परिसर, खात रोड आनंद मंगल कार्यालय परिसर, जुना साई मंदिर कारधा रोड परिसर, मेंढा परिसरातील सखल भाग पावसामुळे प्रभावीत झाले. खोलगट भागात जलमय परिस्थिती निर्माण झाली होती. जिल्हा सामान्य रूग्णालयातील खोलगट भागातही अर्धा फुटापर्यंत पाणी साचून होते. नागरिकांनी पाण्यातून मार्गक्रमण केले. शहराचा बाहेरील भाग अतिवृष्टीने सर्वाधिक प्रभावीत झाला.

नगरपालिका व आपत्ती व्यवस्थापन मदतीला -

शहरात अतिवृष्टीमुळे नाली व गटारे अवरूद्ध झाली. परिस्थिती सामान्य करण्यासाठी सकाळपासून नगरपालिका कर्मचारी हाती टिकास, फावडे व अन्य साहित्यांसह गटारांची स्वच्छता करताना दिसून आले. नाल्यांतील केरकचरा बाजूला सारून पाणी वाहते करण्याची कामे प्राधान्याने करण्यात आली. आपत्ती व्यवस्थापन कक्षाच्यावतीने सतर्कतेचा इशारा देण्यात आला.

राष्ट्रीय महामार्गावर दरड कोसळली -

शहरातून जाणाऱ्या भंडारा-साकोली महामार्गावरील जूना कारधा टोल नाका शेजारील डोंगराची दरड कोसळल्याने काही काळासाठी वाहतूक प्रभावीत झाली होती. प्रशासनाने तातडीने दखल घेत वाहतूकीचा मार्ग प्रशस्त केला.

 गडचिरोली जिल्ह्यातील सर्व शाळांना  22 जुलै सोमवार ला सुट्टी जाहीर 

गडचिरोली:-
अतिवृष्टीमुळे गडचिरोली जिल्ह्यातील सर्व शाळांना सोमवार ला सुट्टी जाहीर करण्यात आली आहे प्रादेशिक हवामान विभागाने सुचित केल्यानुसार जिल्ह्यातील त्या त्या भागाचा आढावा घेऊन त्या स्थानीक क्षेत्रात शाळांना सुट्टी जाहीर करण्याचे अधिकार संबंधित जिल्हाधिकारी यांना प्रदान करण्यात आले आहेत तसेच आपत्ती व्यवस्थापन अधिनियम २००५ मधील कलम २५ अन्वये जिल्हाधिकारी हे आपत्ती व्यवस्थापन प्राधिकरणाचे अध्यक्ष आहेत 
गेल्या तीन दिवसांपासून ढगफुटी सुरू असल्याने जिल्ह्यातील वैनगंगा , गोदावरी, प्राणहिता,बांडीया,इंद्रावती इत्यादी नद्यांच्या पाणलोट क्षेत्रात नदी नाल्यांना पुर आल्याने ३७ मार्ग बंद आहेत शिवाय गोसेखुर्द धरणातून सध्या सुरू असलेले विसर्ग वाढविण्याची दाट शक्यता असल्याने जिल्ह्यातील शाळांना सुट्टी देने आवश्यक आहे 
त्यामुळे जिल्हाधिकारी संजय दैने यांनी जिल्ह्यातील अंगणवाडी, सर्व सरकारी व खासगी प्राथमिक, माध्यमिक शाळा, आश्रम शाळा, महाविद्यालये, औद्योगीक प्रशिक्षण संस्था अशा सर्व शाळांना २२ जुलै सोमवार ला सुट्टी जाहीर केली आहे 
सदर माहिती सर्व विभागांना पाठविण्यात आली आहे 
 पुन्हा २४ तास पाऊस संततधार कोसळण्याची चिन्हे असल्याने बाहेर गावाहून आवागमन करणाऱ्या विद्यार्थ्यांच्या सुरक्षिततेच्या दृष्टीकोनातून  शाळेला सुट्टी जाहीर करण्यात आली आहे

अतिवृष्टीमुळे गडचिरोली जिल्ह्यातील सर्व तालुक्यांचा मुख्यालयाशी तुटला संपर्क 

गडचिरोली:-
जिल्ह्यातील सर्वच तालुक्यांमध्ये अतिवृष्टी झाल्याने जिल्हा मुख्यालयाशी संपर्क तुटला आहे 
जिल्ह्यात तीन दिवसांपासून ढगफुटी झाली असल्याचे चित्र दिसूत येत आहे आणि संततधार पावसामुळे जनजीवन विस्कळित झाले आहेत जिल्ह्यातील कोरची, कुरखेडा,वडसा (देसाईगंज), आरमोरी, धानोरा, चामोर्शी, मुलचेरा, एटापल्ली,अहेरी, भामरागड, सिरोंचा आदी तालूक्यात अतिवृष्टी झाली आहे त्यामुळे शेतकऱ्यांच्या शेतीची अपरिमीत हाणी झाली आहे . शेतकऱ्यांचे सर्व पीके पाण्याखाली तीन दिवसांपासून असल्याने पीके सडण्याची चिन्हे दिसू लागली आहेत त्यामुळे शेतकरी चिंताग्रस्त होऊन पुढे काय होणार या विवंचनेत सापडला आहे 
जिल्ह्यातील ३० ते ३५ मार्ग नदीनाल्याच्या पुरामुळे बंद झाले आहेत तसेच जिल्ह्याला लागून असलेल्या जिल्ह्यांनी सुद्धा संपर्क तुटला आहे  अशा परिस्थितीत एखाद्या अति आजारी रुग्णांना मोठ्या प्रमाणावर त्रास संभवतो आहे 
शेतकऱ्यांना आता दुबार पेरणी करणं सुद्धा शक्य नाही त्यामुळे नुकसानीचे पंचनामे करून नुकसान भरपाई शासन देणार काय असा प्रश्न उपस्थित होतो आहे

आगामी विधानसभा निवडणुकीच्या अनुषंगाने गडचिरोली जिल्हा काँग्रेस कमिटीची आढावा बैठक सम्पन्न

गडचिरोली :-
राज्यात विधानसभा निवडणूकाचे वारे वाहू लागले असून आगामी विधानसभा निवडणूकीच्या पूर्वतयारी करीता गडचिरोली जिल्हा काँग्रेस कमिटीची आढावा बैठक, आमदार अभिजीत भाऊ वंजारी यांच्या अध्यक्षतेखाली पार पडली. यावेळी प्रामुख्याने गडचिरोली -चिमूर लोकसभा क्षेत्राचे लोकप्रिय खासदार डॉ. नामदेव किरसान,  माजी खासदार मारोतराव कोवासे,  जिल्हाध्यक्ष महेंद्र ब्राह्मणवाडे, माजी आम. आनंदराव गेडाम, माजी आम.  पेंटारामजी तलांडी उपस्थित होते. तसेच माजी जि. प. अध्यक्ष अजय कंकडलावार, माजी जि. प. उपाध्यक्ष मनोहर पा. पोरेटी,  शहराध्यक्ष  सतीश विधाते, माजी जि. प. उपाध्यक्ष तथा कुरखेडा तालुकाध्यक्ष जीवन पा. नाट, तालुकाध्यक्ष  वसंत राऊत, मिलिंद खोब्रागडे, मनोज अग्रवाल, राजेंद्र बुल्ले, प्रमोद भगत, प्रशांत कोराम, डॉ. अब्दुल हकीम, सतीश जवाजी,  दत्तात्रय खरवडे,  दामदेव मंडलवार, सुनील चडगुलवार,  वामनराव सावसाकडे, राजेश ठाकूर, कल्पनाताई नंदेश्वर, सोनलताई कोवे, रजनीकांत मोटघरे, राकेश रत्नावार, लालाजी सातपुते, अनिल कोठारे, शँकरराव सालोटकर, हरबाजी मोरे, केसरी पा. उसेंडी मंगलाताई कोवे, पुष्पलताताई कुमरे, पुष्पाताई कुमरे, रिताताई गोवर्धन, यशवंत हलामी, संदेशाताई, विद्याताई दुग्गा, वैशालीताई कोमलकर, मंजूताई आत्राम, आशाताई वेलादि, मालताताई पुढो, प्रीती बारसागडे,आचल चलकलवार, रजनी नन्नेवार, रवींद्र चलाख, शिवराम कुंभरे, वसंत चलाख,स्वप्निल बेहरे, नीलकंठ गोहने, विनोद कुंभरे, मोहन मस्के, अनिल किरमे, खुशाल कुकुडे, हर्ष भांडेकर, रमेश कोठारे, दिवाकर निसार, ढीवरू मेश्राम, नेताजी गावतुरे, नीलकंठ निखाडे, मनोज बोरकर, मोरे साहेब, सुभाष कोठारे, राजाराम ठाकरे, मिलिंद बारसागडे, पुरुषोत्तम सिडाम, जीवनदास मेश्राम, सह सर्व सेलचे पदाधिकारी व कार्यकर्ते उपस्थित होते.

दोन दुचाकींची आमोरासमोर जब्बर धडक दोन्ही दुचाकीस्वार गंभीर जखमी 

 देसाईगंज:- 
दोन दुचाकींच्या आमोरासमोरच्या धडकेत दोन्ही दुचाकीस्वार गंभीर जखमी झाल्याची घटना कोंढाळा गावाजवळ आज सकाळी १०.३० वाजताचे सुमारास घडली 

प्राप्त माहितीनुसार एक तरुण आपली दुचाकी क्रं.MH40BU8293 ने देसाईगंज कडे जात होता तर विरुद्ध दिशेने आरमोरी कडे एक वयस्क इसम आपल्या स्कुटी क्रं.MH 34 BT8541 ने येत असताना कोंढाळा जवळील धोंडीनाला येथे दोन्ही दुचाकींची आमोरासमोर जब्बर धडक झाली त्यामध्ये दोन्ही दुचाकीस्वार गंभीर जखमी झाले 
 ४० वर्षीय ब्रम्हपुरी येथील वयस्क इसमाचे पाय मोडले असून निलज येथील २९ वर्षीय तरुनही गंभीर जखमी झाला आहे 
सदर घटनेबाबत गावातील नागरिकांना माहिती होताच घटनास्थळी बघ्यांची मोठी गर्दी  झाली होती. गावातील सामाजिक कार्यकर्ते हितेश तुपाट यांनी घटनास्थळी धाव घेत दोन्ही जखमींना देसाईगंज ग्रामीण रुग्णालयात दाखल केले आहे. वृत्त लिहिपर्यंत जखमींची नावे कळू शकली नाहीत.

चिचपल्ली येथील  मामा तलाव फुटल्याने ३०० घरात घुसले पाणी ,नागरिकांचे बेहाल

 नागरिकांपर्यंत तातडीने मदतकार्य पोहोचवा-पालकमंत्री ना. सुधीर मुनगंटीवार यांचे जिल्हाधिकाऱ्यांना निर्देश

चंद्रपूर, दि.२१- संपूर्ण विदर्भात मुसळधार पाऊस झाल्यामुळे अनेक गावांमध्ये पुरसदृष्य स्थिती निर्माण झाली. तर अनेक गावांचा संपर्क तुटला. अश्यात चंद्रपूर येथील चिचपल्ली गावातील ३०० घरांमध्ये पाणी शिरल्याचे कळताच पालकमंत्री ना.  सुधीर मुनगंटीवार यांनी तातडीने मदतकार्य पोहोचविण्याचे निर्देश जिल्हाधिकाऱ्यांना दिले आहेत.

चंद्रपूर येथील चिचपल्ली गावात मामा तलाव फुटल्यामुळे ३०० घरांमध्ये पाणी शिरले. त्यामुळे अनेकांचा संसार उघड्यावर पडला. घरातील वस्तूंचे मोठ्या प्रमाणात नुकसान झाले. या गावातील नागरिकांनी पालकमंत्री ना. सुधीर मुनगंटीवार यांना दूरध्वनी करून यासंदर्भात पहाटे ६.३० वाजता माहिती दिली. तातडीने मदतकार्य मिळणे अपेक्षित असल्याचे गावकऱ्याकडून सांगण्यात आले.

ना. सुधीर मुनगंटीवार यांनी क्षणाचाही विलंब न करता जिल्हाधिकाऱ्यांना मदतकार्य पोहोचविण्याचे निर्देश दिले. ‘चिचपल्ली गावाची प्रत्यक्ष पाहणी करा. तेथील नुकसानीचे पंचनामे करा. यासोबतच गावातील लोकांची तातडीने जिल्हा परिषद शाळेत राहण्याची आणि भोजनाची व्यवस्था करा,’ असे स्पष्ट आदेश पालकमंत्र्यांनी जिल्हाधिकाऱ्यांना दिले. 

भाजपचे महामंत्री डॉ. मंगेश गुलवाडे आणि महानगर उपाध्यक्ष सुभाष कासनगोट्टूवार, राकेश बोमनवार यांनी देखील प्रत्यक्ष जाऊन परिस्थितीची पाहणी करावी, अशा सूचना ना. मुनगंटीवार यांनी दिल्या आहेत.

मासे पकडण्याचा नाद बितला जीवावर,वर्षीय बालकाचा तलावात बुडून झाला मृत्यू.

देसाईगंज:

देसाईगंज तालुक्यापासून जवळच असलेल्या कोंडाळा येथे गाव तलावांमध्ये बुडून आठ वर्षीय बालकाचा मृत्यू झाल्याची धक्कादायक घटना घडली आहे. वंश विजय भुते वय आठ वर्षे असे मृतक बालकाचे नाव आहे सदर घटना 20 जुलै रोजी सायंकाळी चार वाजताच्या सुमारास उघडकिस. आली  कोंडाळा येथील वंश भुते व घराशेजारील दोन ते तीन मुले शनिवारला दुपारच्या सुमारास गावालगत असलेल्या तलावामध्ये मासे पकडण्यासाठी गेले होते मात्र काही वेळानंतर सोबत असलेली मुले आपापल्या घरी आले मात्र वंश हा घरी आला नाही एकटाच तलावाजवळ राहिला गावातील काही नागरिक सतत पाणी येत असल्याने तलाव पाण्याने किती भरला म्हणून बघण्याकरिता गेले असता त्यांना तलावातील पाण्यावर एक मुलगा तरंगताना त्यांना दिसला आणि त्या मुलाचे शालेय कपडे सुद्धा तलावाच्या पाळीवर दिसले असता लगेच तलाव बघण्याकरिता गेलेल्या लोकांनी गावातील पोलीस पाटील यांना माहिती दिली. पोलीस पाटील यांनी घटनेची माहिती देसाईगंज पोलिसांना दिली पोलिसांनी घटनास्थळावर धाव घेऊन मृतक मुलाला पाण्यातून बाहेर काढले आणि घटनेच्या पंचनामा करून मृतक बालकाचे शव शवविच्छेदनाकरिता देसाईगंज ग्रामीण रुग्णालय येथे पाठवीले. सदर घटनेमुळे गावात हळहळ व्यक्त होत आहे. घटनेचा तपास देसाईगंज पोलीस करीत आहेत

नाबालीक मूलीच्या लैंगिक शोषणाच्या आरोपात एका यूवकाला अटक

कूरखेडा-
   शहरातीलच एका नाबालीक मूलीला फूस लावत तिचे लैंगिक शोषण केल्याचा आरोपा वरून येथील आझाद वार्ड निवासी शूभम सूरेश जौसीया वय २७ या यूवकाला आज कुरखेडा पोलीसांनी अटक केली आहे 
 नाबालीक मूलीच्या अज्ञानाचा गैरफायदा घेत हा यूवक अल्पवयीन मूलीचे मागील काही महिण्यापासून लैंगिक शोषण करीत होता  सदर बाब तिचा कूटूंबियाना समजताच त्यानी त्या यूवका विरोधात पोलीस स्टेशन कूरखेडा येथे तक्रार दाखल केली तक्रारीवरून आरोपी शूभम यांच्या विरोधात भारतिय न्याय संहिता ६४(१) ६४(२) एम.आय.,६५ तसेच पोस्को कायदा ४,६,८,१०,१२ अन्वये गून्हा दाखल करण्यात आला होता मात्र आरोपीला गून्हा दाखल झाल्याची कूणकूण लागताच तो फरार झाला होता यावेळी पोलीसानी तत्परता दाखवत दोन दिवसातच गोपनीय सूत्रांच्या माहीतीवरून त्याला अटक केली.घटनेचा पूढील तपास ठाणेदार महेन्द्र वाघ यांचा मार्गदर्शनात साहायक पोलीस निरीक्षक दिनेश गावंडे हवालदार शेखलाल मडावी करीत आहेत.

नाल्याचे पुर पाहण्यासाठी गेलेल्या दोघांना गमवावा लागला जीव 

चंद्रपूर जिल्ह्यातील घटना,  एकाचा मृतदेह सापडला तर दुसऱ्याचा शोध सुरू

नागभीड:-
  तालुक्यात पुर पाहण्यासाठी गेलेल्या दोन व्यक्ती पुरात वाहून गेल्यात त्यातील एकाचा मृतदेह हाती लागला तर दुसऱ्याची शोधमोहीम सुरू आहे.  या दोन घटना वेगवेगळ्या गावातील असल्या तरी एकाच नाल्यावरील आहेत.

पहिली घटना विलम येथे घडली. विलम येथील ऋणाल प्रमोद बावणे (११) हा मुलगा सकाळी साडे अकरा वाजताच्या सुमारास गावातील इतर मुलांसोबत गावाजवळच्या नाल्यावर पूर बघण्यासाठी गेला होता. तेव्हा या नाल्यावर वर्दळ सुरू असल्याने हा मुलगाही नाला पार करीत असताना पाण्यात त्याचा पाय घसरला आणि पाण्याच्या प्रवाहात तो वाहून गेला. आजुबाजूला असलेल्या लोकांनी त्याला वाचवण्याचा प्रयत्न केला, पण तो असफल झाला.

दुसऱ्या घटनेत बोथली येथील स्वप्नील हेमराज दोनोडे (३०) हा तरुणही गावाजवळून वाहणाऱ्या नाल्यावर पूर बघण्यासाठीच गेला होता. त्याचाही पाय घसरला आणि वाहून गेला. मात्र काही अंतरावर चिखल असल्याने तो चिखलात फसला. उपस्थित नागरिकांनी हालचाल करून त्याला वाचवण्याचा प्रयत्न केला. पण तोवर त्याचा मृत्यू झाला होता.

खा.डॉ.नामदेव किरसान यांनी जिल्ह्यातील विविध समस्यांना घेऊन जिल्हाधिकारी यांची घेतली भेट 

गडचिरोली ::  जिल्ह्यातील विविध समस्यांना घेऊन जिल्हाधिकारी संजय दैने यांचे सोबत खासदार डॉ. नामदेव किरसान यांनी भेट घेत विविध विषयांवर चर्चा केली व कामाचा आढावा घेतला. यावेळी आमदार अभिजित वंजारी, जिल्हाध्यक्ष महेंद्र ब्राह्मणवाडे, जि. प. मुख्य कार्यकारी अधिकारी आयुसी सिंग, शहर अध्यक्ष सतीश विधाते, अनु. जाती सेल अध्यक्ष रजनीकांत मोटघरे, आरमोरी तालुकाध्यक्ष मिलिंद खोब्रागडे, गडचिरोली तालुकाध्यक्ष वसंत राऊत, नदीम नाथानी योगेंद्र झंजाळ उपस्थित होते. 
बैठकी दरम्यान आस्टी -सिरोंचा महामार्गाचे काम जलद गतीने करने, ज्या ठिकाणी रस्त्याचे काम चालू आहेत त्या ठिकाणी पर्यायी मार्ग उपलब्ध करून देणे, प्राथमिक आरोग्य केंद्रामध्ये पुरेसा औषधसाठा उपलब्ध करून देणे, शाळेच्या विद्यार्थ्यांकरीता नियमित बससेवा पूरविणे 
या सारख्या इतर विकासात्मक कामाच्या दृष्टीने आणि मान्सून काळात आपत्ती व्यवस्थापण च्या संदर्भात खासदार डॉ. नामदेव किरसान यांनी आढावा घेऊन आवश्यक त्या सुविधा तातकाळ पूरविण्याच्या सूचना केल्या.

 शेतातरोवणीच्या कामात व्यस्त असतांना अचानक कोसळली विज एक महिला ठार तर तीन जखमी

 भंडारा : तुमसर तालुक्यातील मांगली शेत शिवारात शुक्रवारी दुपारी ४ वाजेच्या सुमारास मुसळधार पाऊस बरसला. यावेळी वीज कोसळल्याने रोवणीच्या कामावर असलेल्या एका महिला मजुराचा जागीच मृत्यू झाला, तर अन्य तीन महिला मजूर जखमी झाल्या. अन्य २ पुरुष मजूर थोडक्यात बचावले.

अंतकला हिरामण नेवारे (६०) रा. मांगली असे मृत महिला मजुराचे नाव आहे. तसेच निला नीलकंठ करंडे (६२), शशिकला साहेबलाल शरणागत (५५), विजया मुन्नालाल शरणागत (५७, सर्व रा. मांगली अशी जखमी महिला मजुरांची नावे आहेत. जखमी महिलांना तुमसरच्या उपजिल्हा रुग्णालयात उपचारासाठी दाखल करण्यात आले आहे. तसेच देवसर्रा गावात आलेल्या वादळाने अनेक घरांचे छत उडाले आहे. शेतकऱ्यांचे सौर ऊर्जेवरील पॅनलचे नुकसान झाले आहे.

वीज कोसळून महिला मजूर आणि शतेकरी दगावण्याची ही याच आठवड्यातील सलग तिसरी घटना आहे. जिल्ह्यात सध्या रोवणीचा हंगाम सुरू असल्याने शेतामध्ये काम करणाऱ्या मजुरांचा जीव धोक्यात घालून काम करावे लागत आहे.

कर्णकर्कश बुलेट दुचाकीच्या सायलेन्सवर पोलीसांनी चालविला बुलडोझर

अहेरी :-
अहेरी पोलिसांच्या वतीने शहरामध्ये कर्णकर्कश फटाक्यांचा आवाज करीत फिरणाऱ्या बुलेट दुचाकीच्या सायलेन्सवर बुलडोझर चालविले आहे त्याचबरोबर कागदपत्र नसलेल्या वाहनांच्या विरोधात तसेच फॅन्सी नंबर प्लेट असलेल्या वाहनांच्या विरोधामध्ये धडक कारवाईची मोहीम सुरू करण्यात आली आहे.
या कारवाईदरम्यान कालपासून तब्बल 06 बुलेटवर फटाके फूटण्याचा आवाजाचे सायलेन्सर बसवल्या कारणाने कारवाईचा बडगा अहेरी पोलिसांतर्फे उगारण्यात आला आहे. त्याचबरोबर फॅन्सी नंबर प्लेट असलेल्या वाहनांवर व कागदपत्र नसलेल्या वाहनांवर देखील दंडात्मक कारवाई अहेरी पोलिस स्टेशनचे पोलिस निरीक्षक दशरथ वाघमोडे यांच्याकडून करण्यात येत आहे.
मागील काही दिवसापासून अहेरी व आलापल्ली शहरात बुलेटचा सायलेन्सर बदलवून कर्णकर्कश फटाक्यांचा आवाज करीत फिरणाऱ्यांची संख्या वाढल्याने त्रस्त झालेल्या नागरिकांनी भ्रमणध्वनीद्वारे अहेरीचे पोलीस निरीक्षक दशरथ वाघमोडे यांना माहिती दिली. तेंव्हापासून अहेरी पोलिसांनी अशा टवाळखोर तरुणावर नजर ठेवली होती. अखेर एक-एक करत तब्बल सहा बुलेट धारकांवर त्यांनी कारवाई केली. एवढेच नव्हे तर सहा बुलेटचे सायलेन्सर काढून त्याच्यावर बुलडोजर चालविला आणि त्या सहा बुलेट धारकांवर दंडात्मक कारवाई केली. त्यामुळे अहेरी व अल्लापल्ली शहरातील त्रस्त झालेल्या नागरिकांना मोठा दिलासा मिळाला आहे.
   अहेरी पोलिस विभागाच्या या धडक कारवाईमुळे बेजबाबदारपणे चालविणाऱ्या दुचाकी धारकांचे चांगलेच धाबे दणाणले आहेत. 
त्यामुळे बुलेट धारकांनी आपल्या बुलेटला कंपनीकडून मिळालेले साधेच सायलेन्सर बसवावे जेणेकरून कर्णकर्कश आवाजामुळे नागरिकांना याचा त्रास होणार नाही. व पोलिसांच्या कारवाईला देखील त्यांना सामोरे जावे लागणार नाही याची दखल घेण्याचे आवाहन अहेरी पोलिसांच्या वतीने वतीने दुचाकी धारकांना करण्यात आले आहे.

मोठी बातमी 
मुसळधार पावसामुळे रपटा गेला वाहून, गर्भवतीला जेसीबीच्या बकेटमधून करावा लागला नाला पार

भामरागड:-
तालुक्यातील (१०३) या मुख्य मार्गाचे काम सुरू असून नाल्यांची पुलीयांची कामे सुरू असल्याने तात्पूरत्या रपट्याची व्यवस्था करण्यात आली मात्र काल दि.१८ जुलै ला मुसळधार पाऊस झाल्याने रस्त्याच्या नाल्यावरील रपटा वाहून गेला,अवजड वाहनांची वर्दळ आणि प्रशासनाच्या नाकर्तेपणामुळे आधीच दयनीय अवस्था झालेल्या जिल्ह्यातील रस्त्यांची आता मुसळधार पावसामुळे पुरती 'वाट' लागली आहे. या रस्त्याच्या वाईट अवस्थेचा फटका सर्वसामान्य नागरिकांसह गरोदर मातांनाही सोसावा लागत आहे. आलापल्ली-भामरागड मार्गावरील एका नाल्याचा रपटा वाहून गेल्याने प्रसूतीसाठी जाणाऱ्या एका गरोदर महिलेवर चक्क जेबीसीच्या बकेटमध्ये बसून नाला ओलांडण्याची धोकादायक वेळ ओढवली.
मात्र रुग्णालयात पोहोचल्याचे त्या महिलेला समाधान मीळाले

मुलचेरा तालुक्यातील मछली येथील सुमित्रा पेंदाम या आजार ग्रस्त महिलेला माजी राज्यमंत्री राजे अम्ब्रिशराव महाराज यांनी केली आर्थिक मदत.

मुलचेरा:-  तालुक्यातील गोमनी ग्रामपंचायत अंतर्गत येत असलेल्या मछली येथील रहिवासी सौ.सुमित्रा पेंदाम ही महिला अनेक महिन्यापासून पोटाच्या विकाराने आजारी आहे.त्यांना चंद्रपूर येथील खाजगी रुग्णालयात उपचार घेण्यासाठी आर्थिक परिस्थिती नाजूक असल्याने अडचण झाली होती.ही बाबा अहेरी इस्टेट चे राजे तथा माजी राज्यमंत्री राजे अम्ब्रिशराव महाराज यांना कळताच त्यांनी आपल्या कार्यकर्ते यांच्या माध्यमातून सौ.सुमित्रा पेंदाम यांच्या पुढील उपचारासाठी दहा हजार रुपये आर्थिक मदत केली.आपण सर्वतोपरी पुन्हा सहकार्य करण्याचे आश्वासन सुध्दा दिले.

यावेळी समस्त पेंदाम कुटूंबाने राजे साहेबांचे मनःपूर्वक आभार मानले.अहेरी इस्टेटचे दानशूर राजे तथा माजी राज्यमंत्री राजे अम्ब्रिशराव महाराज हे नेहमी आपल्या अहेरी विधानसभा क्षेत्रातील अपघात ग्रस्त,आजाराने पीडित तसेच अडी-अडचणीत असलेल्या प्रत्येक गरजूला मदत करीत असतात.यावेळी नगरसेवक तथा शहराध्यक्ष दिलीप आत्राम, भाजपा तालुका उपाध्यक्ष गणेश गारघाटे, इंदारशाह पेंदाम हे उपस्थित होते.!

मार्कडेश्र्वर मंदिर जिर्णोद्धार अद्याप पूर्ण झाले नाही यांची खंत 
शिवसेना(ऊबाठा) चे संपर्क प्रमुख शिवाजी खांडवे

चांमोर्शी -: 
विदर्भाची काशी म्हणून ओळखल्या जाणाऱ्या तालुक्यातील मार्कडा देव येथे वैनगंगा नदीच्या तीरावर वसलेले मार्कंडेश्र्वर मंदिराचे जिर्णोद्धार काम गेल्या दहा वर्षांपासून रेंगाळत आहे ते पूर्ण करण्यास भारतीय पुरातत्व विभाग व लोकप्रतिनिधी दखल घेतली याची खंत शिवसेने ( उबाठां) चे संपर्क प्रमुख शिवाजी खोंडवे यांनी मंदिर स्थळाला भेट दिली त्यावेळी व्यक्त केले 
     गडचिरोली जिल्ह्यातील अहेरी, भामरागड व मुलचेरा तालुक्याचे शिवसेना ( उबाठा) चे संपर्क प्रमुख शिवाजी खोंडवे हे १६ व १७ जुलै या दोन दिवशीय जिल्हा दौऱ्यावर आले असता ते १७ जुलै रोजी मार्कडेश्र्वर मंदिराला भेट दिली त्यावेळी दत्ता पवार उपस्थित होते. शिवाजी खोंडवे हे १६ जुलै रोजी अहेरी, भामरागड व मुलचरा येथे शिवसेना कार्यकर्ते , पदाधिकारी व इतर नागरिकांशी संवाद साधत आगामी विधान सभा निवडणुकी संबंधी मत जाणून घेतले दरम्यान कालच हेमलकसा येथे डॉ. प्रकाश आंबटे यांच्याशी ही संवाद साधला असून यावेळी अहेरी व गडचिरोली विधान सभा निवडणुकी साठी संभाव्य उमेदवार बाबत तालुका प्रमुख, व  अरुण कुमार धूर्वे, दिलीप सुरपाम, आदी सोबत चर्चा केली यावेळी  जिल्हा संघटक विलास ठोंबरे, दत्ता पवार आदी उपस्थित होते.

उबाठा शिवसेना शाखाप्रमुख दर्शन वासेकर यांनी आपल्या वाढदिवसानिमित्त शालेय विद्यार्थ्यांना नोटबुक व पेनचे केले वाटप 

अशोक वासुदेव खंडारे/मुख्य संपादक वैनगंगा वार्ता 

आक्सापूर:- येथील उबाठा शिवसेना शाखाप्रमुख दर्शन वासेकर यांनी आपल्या वाढदिवसानिमित्त शालेय विद्यार्थ्यांना नोटबुक व पेनचे वाटप करुन एक नवा पायंडा पाडला आहे 
आजच्या युगात लोक आपल्या वाढदिवसाला वारे माप पैसे खर्च करतात पण काही लोक पैशाचा उपयोग गोरगरीब, होतकरू  विद्यार्थ्यांना होउन त्याचा सदुपयोग व्हावा याकरिता प्रयत्न करीत असतात 
असाच आक्सापुर येथील उबाठा शिवसेना शाखाप्रमुख असलेले दर्शन वासेकर यांनी जिल्हा परिषद शाळा आक्सापुर येथील 105 विद्यार्थ्यांना नोटबुक व पेनचे वाटप केले
वाढदिवसाच्या निमित्ताने नवनवीन उपक्रम राबवणाऱ्या दर्शन वासेकर हे प्रत्येक वर्षी जिल्हा परिषद शाळेत नोटबुकचे वाटप करीत असतात तसेच गावातील शिवाजी चौकात वृक्ष लागवड करून एक आदर्श निर्माण केला आहे 
नोटबुक वाटपाचा कार्यक्रम जिल्हा परिषद शाळेत घेण्यात आला यावेळी मंचावर राष्ट्रवादी काँग्रेसचे जिल्हा उपाध्यक्ष तथा नगरसेवक महेंद्रसिंग चंदेल तालुका काँग्रेस कमीटीचे उपाध्यक्ष महेंद्र कुनघाटकर, ग्रामपंचायत सदस्य नितेश मेश्राम, अनिकेत बुरांडे काँग्रेस शाखाप्रमुख आक्सापुर, विकी शाहू, व बराच मित्रपरिवार उपस्थित होता 
   सदर कार्यक्रमात  मान्यवरांनी आपल्या मार्गदर्शनात दर्शन वासेकर यांच्या कार्यावर प्रकाश टाकला आणि त्यानंतर सर्व शिक्षक वृदांनी दर्शन वासेकर याच्या कार्याचा कौतुक करुन अभिनंदन केले  बहुसंख्य विद्यार्थी व ग्रामस्थ उपस्थित होते

काँग्रेस नेत्या डाॅ.शिलू चिमुरकरांच्या चक्काजाम आंदोलनाने भुमीअभीलेख अधिकाऱ्यांनी दिले लेखी आश्वासन 

देसाईगंज-
     देसाईगंज शहराचा यथाशिघ्र सिटी सर्व्हे करून आखिव पत्रिका देण्यात यावी या मागणीला घेऊन काँग्रेस नेत्या डाॅ.शिलु चिमुरकर यांच्या नेतृत्वात शहराच्या कुरखेडा टी-पाईन्टवर चक्काजाम आंदोलन करण्यात आले असता भुमिअभिलेख कार्यालयीन अधिकाऱ्यांनी येत्या तीन महिण्याच्या आत सर्व्हेक्षण करून नागरीकांना सनद व आखिव पत्रीका देण्यात येणार असल्याबाबत लेखी आश्वासन दिले आहे. काँग्रेस नेत्या डाॅ.शिलू चिमुरकरांच्या चक्काजाम आंदोलनाचे हे फलित असुन सर्व्हेक्षणाच्या कामाला गती देण्यात येणार असल्याने नागरिकांनी सुटकेचा निश्वास टाकला आहे.
      देसाईगंज शहर सिटी सर्व्हेच्या कामासाठी देसाईगंज नगर पालिकेच्या वतीने सन २०१८ मध्ये जवळपास ८० टक्के रक्कम शासना जमा केली आहे.मात्र भुमिअभिलेख कार्यालयाच्या वतिने सिटी सर्व्हेचे काम किमान जमा करण्यात आलेल्या रकमेच्या प्रमाणात करण्यात आलेले नाही.या संदर्भात दि.९ जुलै २०२४ रोजी उपविभागीय कार्यलयास निवेदन सादर करून यथाशिघ्र आखिव पत्रिका देण्यासंदर्भात कळविले होते.मात्र देसाईगंज शहराचा सिटी सर्व्हे करून आखिव पत्रिका देण्याच्या कामाला अद्यापही सुरुवात करण्यात आली नसल्याने दि.१८ जुलै २०२४ रोजी कुरखेडा टी-पाईन्टवर चक्का जाम आंदोलन करण्याचे नियोजित करण्यात आले होते. त्या अनुषंगाने डाॅ.शिलु चिमुरकर यांच्या नेतृत्वात देसाईगंज शहरातील शेकडो नागरिक रस्त्यावर उतरले असता भुमिअभिलेख कार्यालयीन अधिकाऱ्यांने पुढाकार घेत लेखी आश्वासन दिल्यानंतर आंदोलन मागे घेण्यात आला आहे.
     लेखी आश्वासनाचे पत्र देतेवेळी जिल्हा अधिक्षक  भुमी अभिलेख गडचिरोलीच्या नंदा आंबेकर,देसाईगंज भुमिअभिलेख कार्यालयाच्या प्रभारी उपअधीक्षक एस.एन. पवार,चौकशी अधिकारी पी. एल.कुरवाडे प्रामुख्याने उपस्थित होते.आंदोलनात युवा नेते पिंकु बावणे,लिलाधर भर्रे, काँग्रेस ओबीसी विभाग तालुका अध्यक्ष कैलास वानखेडे,युवक काँग्रेस उपाध्यक्ष विजय पिल्लेवान, महादेव कुंमरे,भुमेश्वर शिंगाडे, महिला काँग्रेस तालुकाध्यक्ष पुष्पा कोहपरे,रजनी आत्राम, मालता गेडाम,विमल मेश्राम, वैष्णवी आकरे,गीता नाकाडे, पुजा ढवळे,प्रमोद दोनाडकर, नितीन घुले,भुमित मोगरे, सुनिल चिंचोळकर,अमन गुप्ता,शुभम शिवुरकर,संदीप प्रधान,मनिष मेश्राम,सरस्वती मराठे,शालुबाई कोराम,प्रेमिला लिचडे आदी शेकडो काँग्रेस कार्यकर्ते सहभागी झाले होते.दरम्यान कायदा व सुव्यवस्थेचा प्रश्न निर्माण होऊ नये करीता चोख पोलीस बंदोबस्त ठेवण्यात आला होता.

डी.टी. एड. बी.एड.बेरोजगारांना वगळून निवृत्त शिक्षकांच्या नियुक्त्या कराल त्या शाळांना टाळे ठोकणार - आजाद समाज पार्टीचा इशारा 

गडचिरोली : दि. १५ जुलै २०२४ रोजी महाराष्ट्र शासनाकडून राज्यातील पेसा क्षेत्रातील शाळांमध्ये नियमीत शिक्षकांची भरती होई पर्यंत अनुसूचित जमातीतील रिक्त पदावर तात्पुरत्या स्वरुपात कंत्राटी पद्धतीने शिक्षक नियुक्ती करण्याचे सूचना सर्व जिल्हा परिषद सीईओ ना देण्यात आल्या आहेत तसातर हा आदेश म्हणजे सरकारी शाळांचे व शिक्षकांचे भविष्यात खाजगीकरण करण्याचा डावच आहे यावर वेगळ्या स्वरुपात राज्यव्यापी आंदोलन करूच तथापि सद्यस्थितीमध्ये जिल्ह्यात कंत्राटी शिक्षक भरती करताना संदर्भीय आदेशात क्रमांक १ मध्ये "नियमित शिक्षकांची नियुक्ती होईपर्यंत सेवानिवृत्त शिक्षकांना तात्पुरत्या कालावधीसाठी कंत्राटी नियुक्ती करावी," हि सूचना  आजाद समाज पार्टी कदापी मान्य करणार नाही. ज्याअर्थी जिल्ह्यात अनुसूचित जमातीतील स्थानिक बेरोजगारांची एका बाजूला प्रचंड मरमर होत असताना आणि जिल्ह्यात हजारोच्या संख्येने डी टी एड, बी एड ,एम एड पदवीधारक शिक्षक भरतीसाठी पात्र उमेदवार बेरोजगार असताना प्रशासन जर ५८ वर्षापर्यंत नौकरी करणाऱ्या सेवानिवृत्त शिक्षकांना नियुक्त करून बेरोजगारांशी खेड मांडत असेल तर आम्ही अजिबात खपवून घेणार नाही.
 सदर निवेदनाची तातडीने दखल घेऊन शासनाच्या आदेशातील निवृत्त शिक्षकांना रिक्त पदावर नियुक्त करण्याची क्रमांक १ ची सूचना ताबडतोब मागे घेऊन जिल्ह्यातील पात्र स्थानिक बेरोजगारांना संधी देण्यात यावी, तसे न झाल्यास ज्या शाळेत निवृत्त शिक्षक नियुक्त झाले अशा शाळांना टाळे ठोकून आजाद समाज पार्टीचे जिल्हाध्यक्ष राज बन्सोड व जिल्हा कार्याध्यक्ष विनोद मडावी यांनी तीव्र आंदोलनाचा इशारा दिला. तसेच जिल्ह्यात ८४ सरकारी शाळा शिक्षकाविना आहेत त्या ठिकाणी सुद्धा तातडीने शिक्षक नेमणूक करण्यात यावी अशीही मागणी करण्यात आली.

यावेळी आजाद समाज पार्टीचे  गडचिरोली शहराध्यक्ष नागसेन खोब्रागडे, महिला सचिव शोभा खोब्रागडे, अंकुश कोकोडे, आशिष गेडाम, सतीश दुर्गमवार, घनश्याम खोब्रागडे, महेंद्र गेडाम आदी उपस्थित होते.

चारित्र्यावर संशय घेऊन पतीने केली पत्नीची कुऱ्हाडीने वार करुन हत्या

 पत्नीची हत्या करुन मृतदेहाजवळ  बसून राहिला पती

अहेरी: चारित्र्यावर संशय घेऊन पतीने पत्नीची कुऱ्हाडीने सपासप वार करीत निर्घृण हत्या केल्याची धक्कादायक घटना गडचिरोली जिल्ह्यातून समोर आली आहे. ही घटना गडचिरोली जिल्हातील अहेरी तालुक्यात १७ जुलै रोजी घडली. याप्रकरणी अहेरी पोलिसांनी शून्य एफआयआर दाखल केला आहे. रत्ना सदशिव नैताम (३५) असे मृतक महिलेचे नाव आहे. तर सदाशिव लखमा नैताम (४५ रा. मांड्रा ता.अहेरी) असे या प्रकरणातील आरोपी पतीचे नाव आहे.प्राप्त माहितीनुसार, सदाशिव लखमा नैताम हा पत्नीच्या चारित्र्यावर वारंवार संशय घ्यायचा. बुधवारी १७ जुलै रोजी सकाळच्या सुमारास दोघांत वाद झाला. वाद इतका विकोपाला गेला की, आरोपी पतीने पत्नीच्या तोंडावर आणि मानेवर कुऱ्हाडीने सपासप दोन वार केले अन् ती रक्ताच्या थारोळ्यात जागेवरच कोसळली. त्यांनतर आरोपी पती देखील रक्ताच्या थारोळ्यात तिच्याच बाजूला बसून  राहिला.
 सदाशिव नैताम याचा १८ वर्षीय मुलगा चिरंजीव नैताम हा आपल्या शेतात काम करीत असताना घरी कोणी नसल्याचे पाहून त्याने हत्या केली. त्याला रक्ताने माखलेल्या कपड्यावर आणि रत्नाला रक्ताच्या थारोळ्यात खाली कोसळल्याचे पाहून चिरंजीवचा चुलत भाऊ राहुल हनमंतू नैतामने शेतात धाव घेऊन चिरंजीवला माहिती दिली. मुलगा चिरंजीव घरी येऊन पाहताच त्याने एकच हंबरडा फोडला. या घटनेची माहिती वाऱ्यासारखी पसरताच परिसरात एकच खळबळ उडाली.
चिरंजीवने आपल्या आजी आजोबा आणि गावकऱ्यांच्या मदतीने त्याच्या वडिलांना बांधून ठेवले व घटनेची माहिती दामरंचा पोलिसांना दिली. त्यांनतर लगेच रत्नाला चारचाकी वाहनाने अहेरी येथील उपजिल्हा रुग्णालयात पाठविण्यात आले. मात्र तेथील वैद्यकीय अधिकाऱ्यांनी रत्ना सदाशिव नैताम यांना मृत घोषित केले. सध्या वैद्यकीय अधिकाऱ्यांच्या अभिप्रयावरून व फिर्यादी मुलगा चिरंजीव सदाशिव नैताम याच्या बयानावरून गुन्हा नोंद करून अहेरी पोलिसांनी तपासात घेतला आहे.या घटनेचा पुढील तपास जिमलगट्टा उपविभागीय पोलिस अधिकारी शशिकांत दासुरकर यांच्या मार्गदर्शनात दामरंचा उप पोलिस स्टेशनचे प्रभारी अधिकारी गणेश शिंदे करीत आहेत.

वैद्यकीय अधिकारीच झाले पॉझिटिव्ह तरीही हाताला सलाईन लावून करीत आहेत रुग्णसेवा

गडचिरोली: वैद्यकीय अधिकारी मलेरिया पॉझीटीव्ह झाल्याने हाताला सलाईन लावून रुग्णसेवा करीत आहेत 
 भामरागड तालुक्यातील लाहेरी हे राज्याच्या शेवटचा प्राथमिक आरोग्य केंद्र आहे. लाहेरी पलीकडे जंगल परिसरात अनेक खेड्यापाड्यांचा समावेश आहे. नदी-नाल्यावर पूल नसल्याने पावसाळ्यात या गावांचा बाह्य जगाशी संपर्क तुटतो. या प्राथमिक आरोग्य केंद्रात एकूण ९ उपकेंद्र असून १० हजार ३४६ एवढी लोकसंख्या असलेल्या ४२ अतिदुर्गम व नक्षलग्रस्त गावांचा या आरोग्य केंद्रात समावेश आहे. सध्या या परिसरात मलेरियाने डोकं वर काढले असून जुलै महिन्यात एका लाहेरी प्राथमिक आरोग्य केंद्रात तब्बल अडीचशेच्या वर मलेरियाचे रुग्ण आढळल्याची माहिती वैद्यकीय अधिकाऱ्यांनी दिली. रुग्णांवर उपचार करता करता येथील वैद्यकीय अधिकारी डॉ. संभाजी भोकरे हे स्वतः मलेरिया पॉझिटिव्ह निघाले. या भागात दिवसेंदिवस मलेरिया रुग्णांसोबत इतर रुग्ण वाढत असल्याने त्यांना हाताला सलाईन लावून रुग्णांवर उपचार करावा लागत आहे. लाहेरी प्राथमिक आरोग्य केंद्रात वैद्यकीय अधिकारी (गट अ) म्हणून हिंगोली जिल्ह्यातील औंढा नागनाथ तालुक्यातील डॉ. संभाजी भोकरे हे नोव्हेंबर २०१८ पासून अत्यंत खडतर परिस्थितीत सेवा देत आहेत. त्यांच्यासोबत वैद्यकीय अधिकारी गट ब, औषध निर्माण अधिकारी, आरोग्य सेवक, परिचारिका आदी स्टाफ देखील कार्यरत आहे. या प्राथमिक आरोग्य केंद्रात लाहेरी परिसरातील ४२ गावांतील आणि लगतच्या छत्तीसगड राज्यातील विविध आजाराचे रुग्ण आणि महिला प्रसूतीसाठी येतात. त्यामुळे येथे नेहमीच रुग्णांची गर्दी असते. दोन दिवसांपासून प्रकृती बरं वाटत नसल्याने डॉ संभाजी भोकरे यांनी स्वतःचे रक्त नमुने तपासून बघितले. RDK आणि BS दोन्ही मध्ये ते Positive आढळले. सध्या दिवसेंदिवस मलेरिया रुग्णांची संख्या वाढत असल्याने त्यासोबत इतर रुग्णांवर उपचार करणे आणि ओपीडी सांभाळणे एका गट ब वैद्यकीय अधिकाऱ्यांना शक्य नसल्याने त्यांना हाताला सलाईन लावून उपचार घेत बाह्यरुग्ण विभाग सांभाळावे लागत आहे. एकीकडे अचानक काही अनुचित प्रकार घडल्यास आरोग्य अधिकारी व कर्मचाऱ्यावर खापर फोडले जाते. मात्र, स्वतः मलेरिया पॉझिटिव्ह निघाल्यावरही रजेवर न जाता स्वतःच्या हाताला सलाईन लावून उपचार घेत ओपीडी सांभाळणाऱ्या डॉ. संभाजी भोकरे यांचा करावा तेवढा कौतुक कमीच.

अश्याप्रकारे सुरू आहे उपाययोजना व रुग्णांवर उपचार
सध्या मलेरिया नियंत्रणासाठी जिल्हा परिषदेचे मुख्य कार्यकारी अधिकारी आयुषी सिंह यांच्या संकल्पनेतून "टार्गेट मलेरिया" विशेष मोहीम राबविण्यात येत आहे. हिवताप प्रवण क्षेत्रात कीटकनाशक फवारणी करणे, मच्छरदाणी वाटप करणे, परिसर स्वच्छ करणे, आरोग्य विषयी जनजागृती करणे आणि गावात जाऊन रक्ताचे नमुने घेऊन दूषित आढळल्यास तात्काळ आरोग्य सेवक आणि आशा ताई रुग्णांना फर्स्ट डोस देऊन प्राथमिक आरोग्य केंद्रात पाठवतात. ओरल ट्रीटमेंट मध्ये जर ताप कमी होत नसेल तर प्राथमिक आरोग्य केंद्रात उपचार सुरू करतात. मात्र, ० ते १५ वयोगटाच्या रुग्णांना प्राथमिक आरोग्य केंद्र किंवा ग्रामीण रुग्णालय येथे संदर्भित करण्यात येत असल्याची माहिती डॉ संभाजी भोकरे यांनी दिली.

माजी राज्यमंत्री राजे अम्ब्रीशराव महाराज यांचेकडून सुरेखा येरोजवार यांना आर्थिक मदत.

अहेरी:-

महागाव बूज. येथील सुरेखा येरोजवार ही महिला मागील पुष्कळ दिवसांपासून गाठीच्या कँन्सरने ग्रासलेली होती.गेल्या आठवड्यामध्ये या महिलेच्या गाठीच्या कँन्सरचा ऑपरेशन चंद्रपूर येथील रूग्णालयात करण्यात आले. सुरेखा येरोजवार यांची घरची परिस्थिती फार हलाखिची ( गरिब ) आहे.त्यांना औषधी वगैरे घेण्यासाठी पैशाची फारच चणचण होत आहे. हि बाब जेव्हा राजे अम्ब्रीशराव महाराज यांना कार्यकर्त्यां द्वारे कळाली तेव्हा त्यांनी सुरेखा येरोजवार यांच्या औषधोपचारासाठी आर्थिक मदत ( दहा हजार रू. ) महागाव बूज येथील उपसरपंच संजय अलोने यांच्या मार्फत पाठवले. व पुढे कोणतीही मदत लागल्यास आपण करू असेसुद्धा म्हटलेले आहे.यावेळी येरोजवार कुटुंबियांनी राजे साहेबांचे आभार मानले.या वेळी भाजपचे पदाधिकारी व कार्यकर्ते उपस्थित होते

मार्कंडा (कं) येथील जिल्हा परिषद शाळेतील विद्यार्थ्यांची सुरक्षा ऐरणीवर

संरक्षण भिंत व प्रवेशद्वाराकडे स्थानिक लोकप्रतिनिधींचे दुर्लक्ष 

आष्टी:-
चामोर्शी तालुक्यातील मार्कंडा (कंन्सोबा) ग्रामपंचायत हद्दीत असलेल्या जिल्हा परिषद प्राथमिक शाळेच्या प्रवेशद्वाराची संरक्षण भिंत गेल्यावर्षीच्या पावसाळ्यात कोसळली परंतू अजूनही त्या संरक्षण भिंतीचे बांधकाम करण्यात आले नाही. त्यामुळे विद्यार्थ्यांच्या सुरक्षेचा प्रश्न निर्माण झाला आहे. घोट या मार्गाला लागून असणाऱ्या मार्कंडा कंन्सोबा ग्रामपंचायतीच्या हद्दीत असणारी जिल्हा परिषद ही शाळा सध्या चर्चेचा विषय बनली आहे. या शाळेच्या आवारात अंगणवाडी केंद्र आहे या अंगणवाडी केंद्रात लहान- लहान मुले येतात व शाळेच्या समोर घोट मार्ग असल्याने वाहनांची मोठ्या प्रमाणात वर्दळ असते. खेळण्याची सुट्टी जेव्हा होत असते तेव्हा विद्यार्थी खेळताना सुसाट रोडपर्यंत धावत सुटतात त्यामुळे अपघाताची शक्यता नाकारता येत नाही शाळा सुटण्याच्या वेळेला सर्व विद्यार्थी या मार्गावर येत असल्याने भरधाव येणाऱ्या वाहनांमुळे अपघाता होऊ शकतो त्यामुळे विद्यार्थ्यांच्या सुरक्षिततेसाठी शाळा व्यवस्थापन समिती आणि शाळा प्रशासनाने सकारात्मक विचार करून या शाळेला लवकरात लवकर संरक्षक भिंत व प्रवेशद्वार उभारावे अशी मागणी पालक वर्गातून होत आहे. 

मार्कंडा कंन्सोबा येथील ग्रामपंचायतीच्या सरपंचा वनश्री चापले यांना दुरध्वनी द्वारे संपर्क साधला असता त्यांनी प्रतिसाद दिला नाही 

शाळेच्या प्रवेशद्वाराची भिंत बांधण्याच्या आम्ही प्रयत्नात आहोत तसा प्रस्ताव ग्रामपंचायत प्रशासनाकडे पाठविला आहे - बि. टि. घोडाम मुख्याध्यापक

शाळेची वाट झाली बिकट ,वारंवार तक्रार करूनही ग्रामपंचायत नागेपल्लीचा दुर्लक्ष

आलापल्ली-ग्रामपंचायत नागेपल्ली अंतर्गत येत असलेल्या पुसुकपल्ली येथील जिल्हा परिषद प्राथमिक शाळेच्या दिशेने जाणाऱ्या रस्त्याची अत्यंत दुरवस्था झालेली आहे. शाळे समोरील रस्त्यावर केरकचरा,असून पावसामुळे नाल्या तुंबून रस्त्यावर पाण्याचे डबके तसेच केरकचरा रस्त्यावर आला आहे. आणि सर्वत्र चिखल झाला आहे. या चिखलातून शाळेत जाताना विद्यार्थ्यांना मात्र कसरत करावी लागत आहे.

नाली व गटारी पावसाच्या पाण्यानी भरल्याने त्यातील दुर्गंधी युक्त व घाण पाणी रस्त्यावर पावसाच्या पाण्यात मिश्रित होत आहे. सर्वत्र चिखलमय वातावरण निर्माण झाले आहे. मागील दोन वर्षांपासून शाळा बंद होत्या. आता कुठे त्या पूर्ववत व नियमित सुरू झाल्या आहेत.महिन्याभरापूर्वी बऱ्याच कालावधीनंतर शाळेची घंटा वाजली. शैक्षणिक धडे शिकण्यासाठी विद्यार्थी आतुर आहेत, पण चिखलाचा रस्ता आडवा येतोय. या रस्त्यावरून पावसाळ्यात शाळेला जाताना मोठी कसरत करावी लागते.

शाळेला जाणाऱ्या विद्यार्थ्यांना चिखल तुडवीत जावे लागते. अनेक विद्यार्थी तसेच नागरिक चिखलात घसरून पडतात.पावसाच्या पाण्यामुळे झालेल्या चिखलमय रस्त्यावरून नागरिकांना त्याचप्रमाणे खास करून विद्यार्थ्यांना जीव मुठीत घेऊन चालावे लागत आहे. या खराब रस्त्यामुळे विद्यार्थ्यांना नागरिकांना मानसिक व शारीरिक त्रास होताना दिसून येत असून त्यामुळे संताप व्यक्त होत आहे.

नवरगाव जंगलात निलगाईची शिकार,10 आरोपींना अटक,दोन आरोपी फरार

अशोक वासुदेव खंडारे /मुख्य संपादक 

गडचिरोली : जंगलात निलगाईची शिकार करून तिच्या मांसाची गावात विक्री करीत असताना वनविभागाने धाड टाकून १० आरोपींना ताब्यात घेतले आहे तर दोन आरोपी फरार आहेत. सदर घटना दि .१३ जूलैला  नवरगाव येथे घडली. आरोपींकडून नीलगाईचे शिर, पाय, मांस व इतर अवयव तसेच कापण्यासाठी वापरलेले साहित्य जप्त करण्यात आले आहेत. सदर घटनेने वन्यप्राण्यांची शिकार करणाऱ्या टोळीचा पर्दाफाश झाला आहे
खुदकम रघुनाथ गेडाम वय 25 रा. कुऱ्हाडी, अक्षय प्रभाकर सेलोटे वय 22  रा. नवरगाव, रोशन दामोधर भोयर वय 22 रा. नवरगाव, निखिल गिरिधर ठाकरे वय 30 रा. चुरचुरा, सौरभ सुरेश आवारी वय 20 रा. नवरगाव, विक्रांत प्रकाश बोरकुटे  23 वर्ष, रा. गोगाव, संकल्प संजय उंदीरवाडे वय 24  रा. नवरगाव, संदीप कानिफ चुधरी रा. नवरगाव, आकाश प्रभाकर सेलोटे रा. नवरगाव, जगदीश देवराव थोराक रा. नवरगाव यांना अटक करण्यात आली आहे.
समीर रवींद्र मडावी (रा. कुऱ्हाडी) व ओमराज विजय राजगडे (रा. चुरचुरा) हे दोन आरोपी फरार आहेत.
त्यांना रविवारला गडचिरोली जिल्हा न्यायालयात हजर केले असता न्यायालयाने दहाही आरोपींना पाच दिवसांची वनकोठडी सुनावली आहे. सदर कारवाई पोर्लाचे वनपरिक्षेत्र अधिकारी राकेश मडावी चुरचुरा चे क्षेत्र सहायक के. बी. उसेंडी, पोर्लाचे क्षेत्र सहायक अरुण गेडाम, मरेगावचे क्षेत्र सहायक समर्थ, पोर्ला चे वनरक्षक विकास शिवणकर, दिभना चे वनरक्षक, गणेश काबेवार, किटाळीचे, वनरक्षक संदीप लामकासे, वनरक्षक नितीन भोयर, वाहनचालक देवीदास चापले, वनमजूर विजय म्हशाखेत्री, गिरिधर बांबोळे, छत्रपती डहाले, दुर्योधन मेश्राम, सोनू खोब्रागडे, रवि डहाले, रूपेश मुनघाटे यांच्या पथकाने केली.

मलेरिया ग्रस्त चिमुकलीसाठी वडीलानी केला पुरातून जीवघेणा प्रवास 

भामरागड:- मलेरिया ग्रस्त चिमुकलीसाठी वडीलानी  पुरातून जीवघेणा प्रवास करत प्राथमिक आरोग्य केंद्रात उपचारासाठी दाखल केले आहे 
राज्यातील अतिदुर्गम, आदिवासीबहुल व नक्षलग्रस्त गडचिरोली जिल्ह्यात मागील काही वर्षांपासून रस्ते, नदी-नाल्यावर पुलाचे बांधकाम करून खेड्यापाड्यांना मुख्य रस्त्यांशी जोडण्याचे काम केले जात आहे. याठिकाणी विविध विकास कामांना गती मिळाली असली तरी कंत्राटदारांच्या दिरंगाईमुळे अजूनही बरेच ठिकाणी मुख्य रस्ते, नदी-नाल्यावर पुलाचे बांधकाम पूर्ण झालेले नाही. परिणामी पावसाळ्यात दुर्गम भागातील नागरिकांना जीवघेणा प्रवास करावा लागत आहे. नुकतेच १३ जुलै रोजी भामरागड तालुक्यातील बंगाडी गावात ३ वर्षीय मुलीची प्रकृती बिघडल्याने तिच्या वडिलांनी स्वतःचा जीव धोक्यात टाकून लेकीला खांद्यावर घेत तुडुंब भरलेले दोन नाले ओलांडत प्रवास केला होता आणि तिला उपचारार्थ प्राथमिक आरोग्य केंद्रात दाखल केले आहे छत्तीसगड सीमेवर वसलेला भामरागड तालुका जंगल, नदी-नाल्यांचा प्रदेश असल्याने हा तालुका 'इंडोमिक झोन' मध्ये मोडतो. त्यामुळे येथे नेहमीच मलेरियाचे रुग्ण आढळून येतात. लाहेरी ग्रामपंचायत अंतर्गत येत असलेल्या बंगाडी गावातील रविना पांडू जेट्टी हिला ताप येत असल्याने सकाळच्या सुमारास तिच्या वडिलांनी लाहेरी प्राथमिक आरोग्य केंद्रात आणले. तिच्या रक्ताचे नमुने घेतल्यावर तिला मलेरिया असल्याचे कळले. त्यामुळे तिला भरती करून तिच्यावर उपचार करणे गरजेचे होते, तसा सल्ला देखील येथील वैद्यकीय अधिकाऱ्यांनी दिला. मात्र भरती राहून उपचार घेण्यासाठी पांडू जेट्टी तयार नव्हता. अखेर त्याने दवाखान्यातून पळ काढला. भामरागड तालुक्यात आजही अशीच परिस्थिती आहे.

मात्र उपचाराअभावी रविना जेट्टी हिच्या जीवाला धोका संभवला होता. त्यामुळे येथील आरोग्य विभागातील अधिकारी आणि तालुक्यातील वरिष्ठ अधिकाऱ्यांनी गावातील प्रतिष्ठीत नागरिक लक्ष्मीकांत गोगामी आणि ग्रामपंचायतचे संगणक परिचालक ज्ञानेश्वर भांडेकर यांनी लाहेरी वरून ६ किलोमीटर अंतरावर असलेले बंगाडी गाव गाठून पांडू जेट्टीची समजूत घालून चिमुकलीला लाहेरी येथील प्राथमिक आरोग्य केंद्रात उपचारार्थ दाखल करण्यासाठी विनवणी केली.

त्यांनतर त्या मुलीच्या वडिलांनी होकार देताच बाप लेकीला घेऊन तुडुंब भरलेल्या दोन नाले ओलांडत सायंकाळी ७.३० वाजता त्यांनी लाहेरी गाठले. अखेर रविना जेट्टी या चिमुकलीवर उपचार सुरू असून तिची प्रकृती सध्या स्थिर असल्याची माहिती येथील वैद्यकीय अधिकारी डॉ. संभाजी भोकरे यांनी दिली आहे. राज्याच्या शेवटच्या टोकावरील प्राथमिक आरोग्य केंद्र
भामरागड तालुक्यातील लाहेरी प्राथमिक आरोग्य केंद्र हे राज्याच्या शेवटच्या टोकावर व छत्तीसगड सीमेवर असून या प्राथमिक आरोग्य केंद्रात एकूण ९ उपकेंद्रातील जवळपास ४४ अतिदुर्गम गावांचा समावेश आहे. गोरगरिबांना याचा मोठा त्रास संभवतो आहे

भरधाव दुचाकीस्वाराने उडविले बकऱ्या राखणाऱ्या इसमास

देसाईगंज:-
चोप - शंकरपूर मार्गावर भरधाव दुचाकीस्वाराने जोरदार धडक दिल्याने चोप येथील श्यामराव मोतीराम पर्वते वय 63 वर्ष यांचा जागीच मृत्यू झाला 
सदर इसम हा चोप गावाजवळील आग्याबोवा मंदिराच्या शेजारी शेळ्या राखत असताना दुचाकी स्वार स्वप्निल सत्यवान लांजेवार राहणार चोप हा आपल्या ताब्यातील दुचाकी भरधाव वेगाने चालवून दुचावरील नियंत्रण सुटल्याने शामराव मोतीराम पर्वते यांना धडक दिली व धडक एवढी जबरदस्त होती की मृतक हा 50 ते 60 फूटापर्यंत दुचाकी बरोबर फळकटत गेला ग्रामीण रुग्णालय देसाईगंज येथे उपचारासाठी दाखल केले  असता डॉक्टराणी मृत घोषित केले तसेच दुचाकी स्वार हा सुद्धा गंभीर जखमी झालेला होता तेव्हा सदर रस्त्यावरून आरमोरी विधानसभा क्षेत्राचे आमदार कृष्णा गजबे कोरेगाव चे कार्यक्रम आटपून वडसाकडे जात असताना दुचाकी स्वार गंभीर अवस्थेत रस्त्याच्या कडेला पडलेला दिसला  रुग्णवाहिका वेळेवर उपलब्ध होत नसल्याचे पाहून मानुसकिचा परिचय देत स्वतःच्या  गाडीत टाकून रुग्णालयापर्यंत पोहोचवून भरती केले
 सदर घटनेचा तपास देसाईगंज पोलीस स्टेशनचे पोलीस निरीक्षक  जगताप  यांच्या मार्गदर्शनात पोलीस उपनिरीक्षक चौधरी , ज्ञानेश्वर धनगर तसेच पोलीस हवालदार पाडी व कुमोटी हे करीत आहेत

कत्तलखान्यात नेत असलेल्या गोवंशास आष्टी पोलीसांनी दिले जीवदान 

१४ जनावरे मिळून ५ लाख रुपयाचा मुद्देमाल जप्त 

आष्टी:-
कत्तलखान्यात नेत असलेल्या गोवंशास आष्टी पोलीसांनी जीवदान दिले असल्याची घटना  दि.१२ जूलै रोजी घडली आहे 
गोपनीय माहितीनुसार वैनगंगा नदी पुलाजवळ  नाकाबंदी करीत असताना एक पांढऱ्या रंगाची ट्रक क्रं टी एस ०८ यु जी ७७०३ ला पंचासमक्ष तपासणी केली असता सदर वाहनांमध्ये १४ नग गोवंश दाटीवाटीने, निर्दयपणे बांधून नेत असल्याचे दिसून आले 
ट्रक चालक शेख इरफान मोहम्मद अली शेख वय २० रा.ता.जैनूर जि आदिलाबाद यास ताब्यात घेऊन चौकशी केली असता सदर वाहन तेलंगणा येथे नेत असल्याचे सांगितले सदर वाहनात १४ गोवंश किंमत एक लाख तीन हजार रुपये व ट्रक किंमत चार लाख रुपये असा एकूण ५ लाख तीन हजार रुपयांचा मुद्देमाल जप्त करण्यात आला व त्यावरून विविध कलमान्वये गुन्हा दाखल करण्यात आला असून तपासकामी अटक करण्यात  आली आहे 
हि कारवाई पोलीस अधीक्षक निलोत्पल,अप्पर पोलीस अधीक्षक  एम रमेश , उपविभागीय पोलिस अधिकारी  कोकोटे यांच्या मार्गदर्शनाखाली पोलीस निरीक्षक विशाल काळे यांच्या नेतृत्वाखाली पोलीस उपनिरीक्षक मानकर,पोहवा  मडावी ,करमे,पोशी  डोंगरे,राजुरकर,मेदाळे, रायशिडाम, नागुलवार,राउत यांनी केली आहे

अनखोडा येथील पांदण रस्त्याची झाली चाळण,  प्रशासनाचे दुर्लक्ष 

आष्टी,

 चामोर्शी तालुक्यातील अनखोडा येथील शेतशिवारात जाण्यासाठी पांदण रस्ता असून या रस्त्याची दुरवस्था झाली आहे मात्र देखभालीअभावी या पांदण रस्त्यांची दुरवस्था झाली असल्याने शेतकरी प्रचंड त्रस्त आहेत.शेतातील उत्पादित माल व शेताकडे जाण्यासाठी शेतकऱ्यांना सोयीचे होईल याकरिता पांदण रस्त्यांचा उपयोग होतो. या पांदण रस्त्याचे रोजगार हमी योजनेतून काही प्रमाणात मातीकाम झाले असल्याचे गावकरी सांगतात. तर काही शेतकरी रस्ते अतिक्रमणाने गिळंकृत केले आहेत. हा रस्ता पायवाट म्हणून अजुनही वापरले जात आहेत. या पांदण रस्त्यावर मोठमोठे खड्डे पडले असून पाण्याच्या डबक्यातून शेतकऱ्यांना वाट काढावी लागत आहे. पावसाळ्यात पांदण रस्त्याची अवस्था अतिशय बिकट झाली असून पांदण रस्त्याच्या दुरूस्तीकडे शासन व प्रशासनाचे दुर्लक्ष होत आहे. तालुक्यातील अनखोडा येथील बस्टापपासून जंगलाकडे जाणाऱ्या रस्त्यावर काही शेतकऱ्यांनी अतिक्रमण केल्याने पाळीव पशू चारण्यासाठी जंगलात नेण्यासाठी अडचण होत असल्याने गुराखी चराईसाठी नेत नसल्याने घरीच पुर्ण पाळीव पशू ठेवून चाऱ्याअभावी ठेवले जात होते. हि समस्या सोडविण्यासाठी गावातील सरपंच, पोलिस पाटील यांच्याकडे मांडली असता सरपंच, पोलिस पाटील यांनी गावकऱ्यांना सोबत घेऊन पांदण रस्त्याची पाहणी करून अतिक्रमण केलेल्या शेतकऱ्यांना समजावून तात्पुरता समस्या सोडवून दिले.तर ठिकाणी उपस्थित असलेल्या शेतकऱ्यांनी रस्त्यावर छोटा पुल  फुटलेला आहे. जागोजागी रस्त्यावर पाणी जमा होऊन आहे व रस्त्यावर मोठमोठे खड्डे पडले आहेत. परिणामी शेतकऱ्यांना बैलबंडी नेण्यास त्रास सहन करावा लागत आहे. येथे मुरूम टाकून नुतनीकरण करावे व कायमचं अतिक्रमण हटवावे अशी मागणी नागरिकांनी केली आहे.
यावेळी गावातील बहुसंख्य शेतकरी बांधव उपस्थित होते

ट्रकने दिली दुचाकीला धडक भीषण अपघातात 2 जण जागीच ठार तर 2 जण गंभीर जखमी

गडचिरोली:-
चंद्रपूर-गडचिरोली राष्ट्रीय महामार्गावर आज रात्रौ 7:30 च्या दरम्यान हिरापूर येथे एका दुचाकी ला ट्रकने उडविल्याने त्यात 2 जण जागीच ठार तर 2 जण गंभीर जखमी झाले आहेत मृतांमध्ये 3 वर्षाचा बालकाचा समावेश आहे तर दुसरा हा युवा आहे. मृतक हे गडचिरोली जिल्ह्यातील चामोर्शी तालुक्यातील फराळा येथील असल्याची प्राथमिक माहिती पुढे येत आहे.
अपघात झाल्या बरोबर या अपघाताची माहिती हिरापुर येथील सामजिक कार्यकर्ते रवी झरकर यांना मिळताच सावली पोलीसांना अपघाताची माहिती दिली व जखमींना सावली येथील ग्रामीण रुग्णालयात भरती केले आहे. शेवंता कावळे 65 वर्ष, नवेगाव, हरिदास बापुजी बोरुले 30 वर्ष हे जखमी आहेत. 

.पोलीस घटनास्थळी पंचनामा करीत असून नेमका अपघात कसा झाला याची माहिती हे वृत्त लिहे पर्यंत कळू शकली नाही.

आधार कार्ड  अपडेट करण्यासाठी लाडक्या बहिणींची
आधार कार्ड सेंटर वर तूफान गर्दी.

चामोर्शी: आधार सेंटर चामोर्शी येथील आधार कार्ड मध्ये  मोबाईल नंबर जोडणी करण्यासाठी तसेच नाव  चूक भूल ऑन लाइन करण्याच्या प्रक्रिये करीता भल्ली मोठी गर्दी दररोज होतांना दिसत आहे, संथ गतिने होत असलेले काम, आणि कागदाचा बंच हातात घेऊन नंबर लावण्याकरिता महीलांची चांगलीच गर्दी उसळली असल्याचे चित्र दिसून येते आहे 

या प्रतिक्षेत् नागरिक चांगलेच वैतागले आहेत. सदर बाब अशी की आधार कार्ड अपडेट व नावात चूक समाविष्ट करण्यासाठी तालुका परिसरातील शेकडो नागरिक आधार सेंटरवर जात  आहेत, त्यात नव्याने लाडकी बहिण योजनेचा लाभ मिळावा म्हणून ज्यांच्या कड़े जुने आधार कार्ड आहेत ते अपडेट करावे लागते आहे

जिल्हा परिषद शाळेला आले दारु अड्डयाचे स्वरूप 

धाबा:-
धाबा येथील जिल्हा परिषद ची शाळा दारुडे व जुगाऱ्यांचा अड्डा बनली आहे 
चंद्रपूर जिल्ह्यातील पहिली मुलींची शाळा सन 1888 मध्ये धाबा गावात उघडल्या गेली. एका इंग्रज अधिकाऱ्यांनी ही शाळा सुरू केली. या शाळेने अनेक अधिकारी घडविले. क्रांतीज्योती सावित्रीबाई फुले यांच्या जन्मदिनी या शाळेत शिकलेले विद्यार्थी एकत्र येतात. शाळेच्या इमारती समोर नतमस्तक होतात. आता मात्र या शाळेकडे जिल्हा प्रशासनाचे पूर्ण दुर्लक्ष झालं आहे. कधी शिक्षणाचे माहेरघर असलेली ही शाळा आता दारुड्यांच्या आणि जुवारीचा अड्डा बनली आहे. शाळा परिसरात दारूचा रिकामा बाटलांच्या अक्षरस सडा पडलेला. ठीक ठिकाणी शौच केलेलं. शाळा सुरू व्हायच्या आधी आणि शाळा सुटल्यानंतर इथं जुआरी एकत्र येतात. दारूंच्या घोटासोबतच पत्त्यांची अदलाबदली करतात. या शाळेतील शिक्षक चंद्रपूर येथून धाबा गावाला येतात.वेळेवर शिक्षक कधीच हजर होत नाही अशी पालकांची तक्रार. शिक्षक वेळेवर येत नाहीत. आलेच तर मोबाईल मध्ये गुंतलेले असतात. शाळेला लागूनच  लहान नाला आहे. या नाल्यात विद्यार्थी खेळायला जातात. त्यांचा जीव गेला तर जबाबदार कोण? या शाळेत गरिबांची मुलं शिकतात. त्यामुळे पालकांनी तक्रार केली, ओरड केली तरीही शिक्षण विभाग त्याकडे लक्ष देतच नाही असा अनुभव पालकांना आलेला आहे. ज्या शाळेला दैवत मानल्या जाते त्या शाळेची ही दयनीय अवस्था बघून पालकांनी संताप व्यक्त केला आहे.

आदिवासी महिला सरपंचाची बनावट सही करुन बॅंकेतून काढले उपसरपंचानी पैसे 

उमरखेड (दि. 10 जुलै) पंचायत समिती उमरखेड अंतर्गत येत असलेल्या सुकळी (जं) येथील महिला सरपंच प्रणाली मस्के यांच्या नावाने असलेली डिजिटल सिग्रेचर (डीएसी) उपसरपंच शिवाजी रावते यांनी स्वतःच्या मोबाईलला जोडून ग्रामपंचायतीला येथील कार्यरत ग्रामसेवक दीपक भगत यांच्यासोबत संगणमत करून व सरपंच महिलेची बनावट सही करून बँकेतून पैसे काढले असल्याबाचतची तक्रार उमरखेड पोलिसात सरपंच महिलेकडून दाखल करण्यात आली असून या तक्रारीमुळे उमरखेड तालुक्यात - एकच खळबळ उडाली आहे.तालुक्यातील येथील 2023 सुकळी (ज) 2024 या वर्षात झालेल्या ग्रामपंचायत निवडणुकीत एसटी प्रवर्गातून थेट महिला सरपंच म्हणून मस्के या निवडून आल्या व त्यांनी सरपंच म्हणून पदभार देखील स्वीकारला पदभार स्वीकारल्या नंतर ग्रामपंचायतीच्या आर्थीक व्यवहाराच्या खात्यात नियमानुसार बदल झाला.

ग्रामविकासासाठी आलेला निधी उपसरपंच शिवाजी रावते याने स्वतःच्या मोबाईलवर ओटीपी घेऊन काढून घेतला तसेच घरकुल लाभार्थ्यांच्या फाईलवर सरपंच यांच्या बनावट सहह्या मारल्या व तसेच महात्मा गांधी ग्रामीन रोजगार हमी योजनेमध्ये सरपंचाच्या बनावट सह्या करुन भ्रष्टाचार केला.

हा सर्व प्रकार सुकळी ग्रामपंचायतचे सदस्य ज्ञानेश्वर कनचाले, अरबिंद बडेराव, राहुल चानखेडे, यांनी सरपंच यांच्या निदर्शनास आणून दिला त्यामुळे सुकळी (ज.) वेथील सरपंच प्रणाली मस्के यांनी याबाबत वरिष्ठांना लेखी निवेदन देऊन कळविले तसेच बनावट सह्या करून मोठ्या प्रमाणात भ्रष्टाचार

केल्यामुळे शासनाची

फसवणूक झाली असून याबाबतीत सखोल चौकशी करुन संबंधितावर कार्यवाही करण्यात याची यासाठी दिनांक 1 जुलै 2024 रोजी जिल्हाधिकारी यवतमाळ, उपमुख्य कार्यकारी अधिकारी (पंचायत), यवतमाळ उपजिल्हाधिकारी मनरेगा यांच्याकडे लेखी तक्रारी दिल्या तसेच उपसरपंच शिवाजी रावते यांची पत्नी रंजना रावते यांच्या नावे घरकुल योजनेचा लाभ माझ्या बनावट सहीने घेऊन त्या पोटी संगणमताने दोन हप्ते उचलले ही हप्त्याची रकम उचलण्यासाठी जिओ ट्रेकिंग अधिकारी व इतर अधिकारी यांना हाताशी धरून बनावट सह्यांचे आधारे शासन निधी हडपविला असून संगणमताने झालेल्या या प्रकारामुळे सुकळी (जं) येथील सरपंचाने थेट उमरखेड पोलिसात उपसरपंच शिवाजी रावते ग्रामसेवक दीपक भगत व उपसरपंच यांच्या पत्नी रंजना रावते, यांच्या विरोधात

उमरखेड पोलिसात तक्रार दाखल केली आहे.

दोन दुचाकीच्या धडकेत एक युवक ठार, दोन गंभीर,

एटापल्ली; तालुक्यातील तोडसा फाट्याच्या वळणावर दोन दुचाकीच्या सामोरासमोर झालेल्या जबर धडकेत रावजी मेस्सो गावडे, (वय २६ वर्ष) रा तोडसा, जागीच ठार झाला असून उलगे तिम्मा (वय ४५ वर्ष) रा जवेली (खुर्द) व शिवाजी कोत्तु वेळदा (वय ४१ वर्ष) रा तोडसा हे दोघे गंभीर जखमी झाले आहेत. एकाच दिवशी वेगवेगळ्या घटनांत दोन युवकांचा मृत्यू झाल्याने तोडसा गावात शोककळा परतली आहे.
रावजी गावडे, शिवाजी वेळदा व अन्य एक असे तिघे (ता.०९ जुलै) मंगळवारी सायंकाळी सहा वाजता दरम्यान तोडसा येथून एम एच ३३ आर २४०८ क्रमांकाच्या दुचाकीवरून एटापल्लीच्या दिशेने येत होते, त्याच वेळी उलगे तिम्मा व अन्य एक असे दोघे विरुद्ध दिशेने एटापल्लीवरून एम एच ३३ यु २९२५ क्रमांकाच्या दुचाकीवरून जवेली गावाकडे जात होते, यावेळी तोडसा फाट्यावरील वळणावर या दोन्ही दुचाकीत समोरासमोर भीषण धडक झाली, यात रावजी गावडे याच्या छातीला जबर मार लागून त्याचा जागीच मृत्यू झाला तर उलगे तिम्मा व शिवाजी वेळदा या दोघांनाही पायाला जबर मार लागून ते गंभीर जखमी झाले आहेत. दोन्ही जखमींवर ग्रामीण रुग्णालयात प्राथमिक उपचार करून पुढील उपचारार्थ जिल्हा सामान्य रुग्णालयात

हलविण्यात आले आहे.

पोलिसांनी (ता.१० जुलै) बुधवारी दुपारी बारा वाजता घटनेचा पंचनामा केला असून मृतक रावजी गावडे याच्या मृतदेहाची उत्तरीय तपासणी ग्रामीण रुग्णालयात केली जाणार आहे, रुग्णालयात एकाच वैद्यकीय अधिकारी उपस्थित असल्याने जखमींवर वेळीच उपचार करण्यात व मृतदेहाची उत्तरीय तपासणी करण्यात दिरंगाई होत आहे. त्यामुळे ग्रामीण रुग्णालयात पुरेशा वैद्यकीय अधिकाऱ्यांची उपस्थितीवर वरिष्ठ पातळीवरून कारवाही करून वैद्यकीय सेवा सक्षम करण्याची मागणी तालुका भाजप अध्यक्ष तथा तोडसाचे उपसरपंच प्रशांत आत्राम व नागरिकांनी केली आहे. घटनेचा पुढील तपास एटापल्ली पोलिसांकडून केला जात आहे.

सर्पदंशाने युवकाचा मृत्यू , नदीवर पूल असता तर वाचला असता जीव 

- पर्यायी मार्गाचा गंभीर रुग्णांनाही फटका
 
ता. प्र / कुरखेडा  दि. ०९ : तालुक्यातील सावरगांव (येगंलखेडा) येथे शेतात काम करतांना सर्पदंश झाल्याने युवकाचा मृत्यू झाल्याची घटना ८ जुलै रोजी सकाळी ८ वाजताच्या सुमारास घडली. करण संजय उईके (वय २२) रा.बोरटोला भरनोलि ता. अर्जुनी मोर जि.गोंदिया असे मृतक युवकाचे नाव आहे.
मिळालेल्या माहितीनुसार, करण हा कुरखेडा तालुक्यातील सावरगाव (येंगलखेडा) येथे शेती कामानिमित्त आला होता. दरम्यान सोमवार ८ जुलै रोजी शेतात काम करतांना त्याला सर्पदंश झाला. लागलीच त्याला कुरखेडा येथील उपजिल्हा रुग्णालयात उपचाराकरिता हलविण्यात आले मात्र रुग्णालयात पोहचेपर्यंत त्याला मृत्युने कवटाळले होते. डॉक्टरांनी त्याला मृत घोषित करत काही क्षणांपूर्वी पोहचले असते तर रुग्ण दगावला नसता असे सांगितले. युवा शेतकऱ्याचा अशा मृत्युने हळहळ व्यक्त करण्यात येत आहे.

नदीवर पूल असता तर वाचला असता जीव

करन ल सर्पदंश झाल्याने रुग्णवाहिका बोलावण्यात आली मात्र पुलाभावी ते पोहचण्यास अधिक विलंब लागणार असे सांगतात आल्याचे कळते. त्यामुळे सहकाऱ्यांनी कोणताही विलंब न करता खासगी वाहनाने कुरखेडा येथे हलविले मात्र पर्यायी मार्गाचा अधिकचा अंतर आणि लागणारा वेळ यामुळे रुग्णालयात पोहचण्यास विलंब झाला आणि करन चां मृत्यू झाला, नदीवर पूल असता तर जीव वाचला असता असे बोलण्यात येत आहे.
कुरखेडा येथील सती नदीवरील जुना पूल पडून नव्या पुलाचे बांधकाम सुरू आहे. दरम्यान शेजारीच नदीतून रपटा तयार करण्यात आला होता मात्र नदीतील पाण्याची पातळी वाढल्याने ४ जुलै रोजी वाहून गेला. त्यामुळे आता कुरखेडा तालुका मुख्यालय गाठण्यासाठी आंधळी - वाघेडा - मालदुगी - गोठणगाव फाटा असा पर्यायी मार्गाचा वापर करावा लागत आहे. मात्र हे अंतर आता अधिक असल्याने या मार्गाने तालुका गाठण्यासाठी अधिकचा वेळ लागत असल्याने याचा फटका गंभीर रुग्णांना बसत आहे. वेळेवर रुग्ण रुग्णालयात दाखल होऊ शकत नाही अशी ओरड नागरिकांची आहे

ट्रक- कारच्या भीषण अपघातात २ जण ठार, तिघे जखमी

गडचिरोली : नागपूरहून लग्न समारंभ आटोपून परत येत असताना ट्रक आणि कार यांच्यात जोरदार धडक झाल्याने दोन जण ठार, तर तिघे जखमी झाले. ही घटना आज 10  जुलै ला
 पहाटे पाचच्या सुमारास नागभिड-ब्रम्हपुरी मार्गावरील पोद्दार इंटरनॅशनल स्कूलजवळ घडली.

मृतांची आणि जखमींची नावे :
दिलीप परसवाणी (वय ५५) व महेक जितेंद्र परसवाणी (वय ४२, दोघेही. रा. देसाईगंज, जि. गडचिरोली) अशी मृतांची नावे आहेत. या अपघातात जितेंद्र परसवाणी (वय ४५) आणि त्यांची दोन मुले गौरव परसवाणी (वय १७) व उदय परसवाणी (वय १०) हे जखमी झाले आहेत.

जितेंद्र परसवाणी यांची प्रकृती गंभीर
देसाईगंज येथील पत्रकार जितेंद्र परसवाणी हे पत्नी महेक, दोन मुले गौरव व उदय आणि नातेवाईक दिलीप परसवाणी यांच्यासह नागपूरला नातेवाईकाच्या विवाहासाठी गेले होते. विवाह समारंभ आटोपून मध्यरात्री परत येत असताना नागभिड-ब्रम्हपुरी मार्गावरील पोद्दार इंटरनॅशनल स्कूलजवळ त्यांची कार आणि ट्रक यांच्यात जोरदार टक्कर झाली. यात दिलीप परसवाणी आणि महेक जितेंद्र परसवाणी हे जागीच ठार झाले, तर जितेंद्र परसवाणी, गौरव परसवाणी व उदय परसवाणी हे जखमी झाले. तिघांनाही ब्रम्हपुरी येथील खासगी रुग्णालयात भरती करण्यात आले. मात्र, जितेंद्र परसवाणी यांची प्रकृती गंभीर असल्याने त्यांना आज दुपारी नागपूरला हलविण्यात आले. या घटनेमुळे देसाईगंज शहरात हळहळ व्यक्त केली जात आहे.

माकडाने मारली भिंतीवर उडी,एका तरुणाचा भिंत कोसळून गेला बळी!

भंडारा :- पावसामुळे घराची भिंत ओली होती.त्यातच अचानकपणे शेतशिवारातून आलेल्या माकडांच्या कळपातील एका माकडाने भिंतीवरून उडी मारली. यात भिंत कोसळून मलब्याखाली दबून एका ३५ वर्षीय तरुणाचा मृत्यू झाला. योगेश खुशाल देशमुख, रा. कन्हांडला, ता. लाखांदूर असे मृताचे नाव असून ही घटना, रविवार ७ जुलै रोजी दुपारी ३ वाजता घडली.

शौचालय व राहत्या घराच्या मधात असलेल्या मोकळ्या जागेत ही भिंत कोसळली. मागील दोन- तीन दिवसांपासून मुसळधार पाऊस पडत आहे. त्यामुळे तालुक्यातील विविध गावांतील मातीने बनविलेल्या बहुतांश घरांचे पावसाच्या पाण्याने नुकसान झाले आहे. रविवारी योगेश स्वतःच्या राहत्या घराच्या घरगुती उपयोगातील शौचालय व मोठ्या भावाच्या मातीने बनविलेल्या घराच्या मध्यात असलेल्या मोकळ्या जागेत अस्ताव्यस्त पडलेल्या विटा व दगड निवडत होता. यावेळी अचानक शेतशिवारातून गावात प्रवेश केलेल्या माकडाने योगेशच्या मोठ्या भावाच्या राहत्या घरावर उडी घेतली.

माकडाने उडी घेताच योगेशच्या अंगावर भिंत पडली. या घटनेत योगेश गंभीररित्या जखमी झाल्याने त्याचा जागीच मृत्यू झाला. घटनेची माहिती योगेशच्या कुटुंबीयांसह गावकऱ्यांच्या लक्षात येताच भिंतीच्या मलब्याखाली दबलेल्या योगेशला बाहेर काढत घटनेची माहिती लाखांदूर पोलिसांना दिली. पोलिस उपनिरीक्षक विजयसिंह गोमलाडू व पोलिस कर्मचाऱ्यांनी घटनेचा पंचनामा केला.

सह भागिदारांची फसवणूक केल्याने बहीण व भावास अटक

गडचिरोली, 8 जुलै
येथील सोनापूर शिवारातील सर्व्हे क्र. 18/1 मधील शेतजमीन आपल्या सहभागीदारांना अंधारात ठेवून त्या जमिनीला अकृषक करुन परस्पर विक्री केल्याप्रकरणी जयश्री चंद्रिकापुरे (निकोसे) व विशाल निकोसे या दोन भावंडांना आज, 8 जुलै रोजी गडचिरोली पोलिसांनी अटक केली आहे. 
प्राप्त माहितीनुसार, जयश्री चंद्रिकापुरे व विशाल निकोसे या भावंडासह येथील कंत्राटदार नागनाथ (राजू) भुसारे आणि मनोज सुचक यांनी सामूहिकरित्या मौजा सोनापूर शिवारातील सर्वे क्र. 18/1 मधील 0.51.59 हेक्टर आर शेतजमीन जमीनमालक सुरेश नैताम यांच्याकडून खरेदी केली. आपल्याकडे पैसे नाहीत, असे सांगून जमीन खरेदीसाठी निकोसे भावंडांनी भुसारे यांच्याकडून 24 लाख व सूचक यांच्याकडून 24 लाख 13 हजार असे एकूण 48 लाख 13 हजार रुपये घेऊन जमीन मालकाला दिले व जमीन चारही सहभागीदारांच्या नावाने रजिस्ट्री करुन घेतली. जमीनीची खरेदी झाल्यानंतर नागनाथ भुसारे व मनोज सूचक यांना कुठल्याही प्रकारची भनक लागू न देता जयश्री चंद्रिकापुरे व विशाल निकोसे या दोन भावंडांनी सहभागीदार भुसारे आणि सूचक यांच्या खोट्या सह्या करुन त्यांच्या संमतीचे संमतीपत्र नगर परिषदेच्या मुख्याधिकार्‍यांकडे 8 डिसेंबर 2022 रोजी सादर केले व सदरची जमिन अकृषक करुन घेतली. त्यानंतर या जमिनीचे प्लॉट पाडून सहभागीदारांच्या परवानगीशिवाय जयश्री चंंद्रिकापूरे व विशाल निकोसे यांनी सदर जमीनीतील प्लॉट शितल राहुल ठवरे, डॉ. राहुल रमेश ठवरे, मंगला राजेश भट्टलवार व राहुल मधुकरराव निलमवार या चार जणांच्या नावाने करारनामा करुन त्यांच्याकडून प्रती प्लॉट 40 लाख रुपयेप्रमाणे विक्री केली. 
यासंदर्भात सहभागीदार भुसारे व सुचक यांना आपली फसवणूक करुन परस्पर निकोसे भावंडांनी जमीन विकल्याचे माहित झाल्यानंतर त्यांनी गडचिरोली पोलिसांकडे तक्रार दाखल केली. याशिवाय त्यांच्याविरोधात न्यायालयातही धाव घेतली. याप्रकरणी आज, गडचिरोली पोलिसांनी निकोसे भावंडांना फसवणुकीच्या आरोपाखाली अटक केली आहे. 
यासंदर्भात गडचिरोली पोलिस ठाण्याचे पोलिस निरीक्षक अरुण फेगडे यांच्याशी संपर्क साधला असता, निकोसे भावंडांविरोधात चार दिवसापूर्वीच गुन्हा दाखल झाला असून आज त्यांना अटक करण्यात आली असून, उद्या 9 जुलै रोजी त्यांना न्यायालयापुढे हजर केले जाणार असल्याची माहिती दिली आहे.
--------------

पोस्टात खाता उघडण्याचे  प्रवर डाक उपविभागीय निरीक्षक  यांचे लाडक्या बहिणींना आवाहन

सिरोंचा :-
संपूर्ण महाराष्टात चालू असलेल्या मुख्यमंत्री माझी लाडकी बहीण योजनेत दर महा एक हजार पाचसे रुपये देण्याचा निर्णय राज्य सरकारने घेतल्याने या योजनेचा लाभ घेण्यासाठी गडचिरोली जिल्यातील शेवटचा टोकावर असलेले सिरोंचा तालुक्यात पोस्ट ऑफिस जवळ येऊन महिला मोठया संख्येने  कागदपत्रे तयार करून बँक खाते आवश्यक असल्याने सिरोंचा पोस्ट ऑफिसमध्ये महिलांचे मोठया प्रमाणात गर्दी होत आहे.
प्रत्येक तालुक्यात राबविले जात असलेले मुख्यमंत्री माझी लाडकी बहीण योजने अंतर्गत वय २१ते ६५ वयोगटातील महिलांना शासनाच्या माध्यमातून दर महा १५०० रुपये दिले जाणार आहे.या योजनेचे अंमलबजावणी १जुलै २०२४पासून सुरु करण्यात आली आहे.
त्या नुसार विवाहित,अविवाहित घटस्फोटीत, विधवा,परितक्यता, निराधार, महिलांना या योजनेचा लाभ मिळणार असल्याने पोस्ट कार्यालयातून खातेही उघळले जात असल्याने पोस्ट खात्यातील कर्मचारी.समिती, कलाम शेख, वाणी कोठारी, सुधाकर गडपल्लीवार, वकील चव्हाण,  बादेश,अल्ताब शेख, अंजल तल्ला व प्रवर डाक अधीक्षक यांनी जास्तीत जास्त पोस्ट खात्यातील I PPB (इंडियन पोस्ट पेमेंट बँक )खाता उघळून महिलांनी योजनेचा लाभ घ्यावा असे प्रवर डाक उपविभागीय निरीक्षक सुभाष जावळे यांनी आवाहन केले आहेत.

शालेय पोषण आहाराचे वाटप करणाऱ्या इसमाने केला ९ वर्षीय बालीकेचा शाळेतच विनयभंग 

अकोला:-

एका जिल्हा परिषदेच्या प्राथमिक शाळेत शालेय पोषण आहाराचे वाटप करणाऱ्या मदतनीसाने एका नऊ वर्षाच्या मुलीचा विनयभंग केल्याचा धक्कादायक प्रकार शनिवारी उजेडात आला. याप्रकरणी चिमुकलीच्या नातेवाइकांनी सिव्हील लाइन पोलिस स्टेशनमध्ये तक्रार दिल्यानंतर ५० वर्षीय आरोपीविरूध्द विनयभंगासह पोस्को अॅक्ट अन्वये गुन्हा दाखल करण्यात आला आहे.

शहरातील जिल्हा परिषद शाळेत इयता चौथ्या वर्गामध्ये नऊ वर्षीय चिमुकली शिकते. विनयभंग करणारा आरोपी व त्याची पत्नी शालेय पोषण आहार अंतर्गत शाळेत खिचडी तयार करुन वाटप करतात. ४ जुलैला दुपारी आरोपी चंद्रमणी चव्हाण पिडित चिमुकलीला खिचडी तयार करण्याच्या खोलीत घेऊन गेला व तिच्यासोबत अश्लील कृत्य केले. हा प्रकार चिमुकलीने तिच्या घरी नातेवाईकांना सांगितल्यानंतर या प्रकरणाची तक्रार सिव्हील लाइन पोलिस स्टेशनमध्ये देण्यात आली. प्राप्त तक्रारीनुसार सिव्हील पोलिसांनी ५ जुलै ला आरोपी चंद्रमणी चव्हाण याच्या विरोधात भारतीय न्याय संहिता (बीएनएस) कलम ७४,७५ व सहकलम ७,८ पोस्को अॅक्टनुसार गुन्हा दाखल करीत त्याला अटक केली आहे. आरोपीला न्यायालयात हजर केले असता, त्याची न्यायालयीन कोठडीत रवानगी करण्यात आली.

गुन्ह्याचा पुढील तपास सिव्हील लाइन पोलिस स्टेशनचे पोलिस निरीक्षक अजीत जाधव यांच्या मार्गदर्शनाखाली सहायक पोलिस निरीक्षक महेंद्र शिंदे करीत आहेत.

चिमुकली म्हणाली शाळेत जात नाही आरोपीने मुलीचा विनयभंग केल्यामुळे ती भयभित झाली होती. दोन दिवस झाले ती शाळेत का जात नाही, असे आइने विचारले असता तीने घटनेचा उलगडा केला. त्यानंतर कुटुंबियांनी पोलिसांत तक्रार केली.

मुख्याध्यापकाने पाठवला अहवाल शाळेत घडलेल्या प्रकारामुळे शालेय व्यवस्थापन समितीच्या पायाखालची वाळू सरकली आहे. याप्रकरणी शाळेच्या मुख्याध्यापकाने तातडीने शालेय व्यवस्थापन समितीची बैठक घेत आरोपीचे काम बंद करुन त्याच्यावर कारवाइचा अहवाल शिक्षणाधिकाऱ्यांकडे पाठविल्याची माहिती आहे

श्री सद्गुरू साईबाबा विज्ञान महाविद्यालयात" एक पेड मा के नाम"अंतर्गत वृक्षरोपण

आष्टी,
 भारत देश व जगभरातील सर्व नागरिकांना मातृत्व आणि पर्यावरण संवर्धनासाठी मा.पंतप्रधान नरेंद्र मोदी यांनी "एक पेड मा के नाम" हा उपक्रम सुरू केला आहे त्यानिमित्ताने आष्टी येथील श्री सद्गुरू साईबाबा विज्ञान महाविद्यालयाच्या राष्ट्रीय सेवा योजना विभागातर्फे परिसरात जांभूळ, आवळा, साग, नीम, जाम अशा विविध प्रजातीच्या झाडाचे वृक्षारोपण करण्यात आले. झाडांचे वृक्षारोपण प्राचार्य डॉ.पी के सिंग, डॉ.अपर्णा मार्गोनवार, रासेयो प्रमुख प्रा.सुबोध साखरे, प्राध्यापिका पल्लवी शहा यांच्या हस्ते करण्यात आले.
 या आयोजित वृक्षारोपण कार्यक्रमाला महाविद्यालयाचे प्रभारी प्राचार्य डॉ. पी के सिंग, तर रा.से.यो.कार्यक्रमाधिकारी प्रा. सुबोध साखरे, डॉक्टर अपर्णा मारगोनवार, डॉक्टर एम पी सिंग,डॉक्टर प्रदीप कश्यप, डॉक्टर दीपक नागापुरे, डॉक्टर सोनाली ढवस, डॉ. प्रकाश राठोड, प्रा. महेश सीलमवार,प्रा.पल्लवी शहा, शुभांगी डोंगरे, विजुभाऊ खोब्रागडे, पोर्णिमा गोहणे, उषाबाई माहूरपवार, रमेश वागदरकर व रा. से. यो. स्वयंसेवक मोठ्या संख्येने उपस्थित होते.

स्व.लक्ष्मीबाई कला,विज्ञान व वाणिज्य महिला महाविद्यालय आलापल्ली येथे राष्ट्रीय शैक्षणिक धोरण (NEP)2020 च्या सभेचे आयोजन.

आलापल्ली:-

गोंडवाना विद्यापीठ गडचिरोली संलग्नित सर्व महाविद्यालयात राष्ट्रीय शैक्षणिक धोरण 2020 (NEP) लागू करण्यासंदर्भात दिनांक 6 जुलै 2024 ला दुपारी 3 वाजता  स्व. लक्ष्मीबाई कला, विज्ञान व वाणिज्य महिला महाविद्यालय, आलापल्ली येथे सभेचे आयोजन करण्यात आले होते. 

 संस्थाध्यक्ष, प्राचार्य आणि प्राध्यापक वृन्दात, नवीन शैक्षणिक धोरण 2020 लागू करताना अनेक समस्या भेडसावत होत्या.  त्यामुळे या समस्यांचे निराकरण करण्यासाठी आदरणीय कुलगुरू महोदय यांच्या अध्यक्षतेखाली, प्र-कुलगुरू यांच्या प्रमुख उपस्थित सभा झाली 
या सभेला मार्गदर्शन करतांना भारतीय शिक्षण पद्धतीमध्ये झालेले बदल , नवनवीन धोरण लागू करून त्यांची केलेली अंमलबजावणी आणि आता पूर्णपणे नव्याने राष्ट्रीय शैक्षणिक धोरण 2020 (NEP) लागू करतांना विद्यार्थी एडमिशन, प्राध्यापक वर्कलोड, अतिरिक्त प्राध्यापक झाले तर होणाऱ्या समस्या यावर प्रश्नोत्तर चर्चा घेऊन त्यांचे निराकरण प्र-कुलगुरू डॉ. श्रीराम कावळे  गोंडवाना विद्यापीठ गडचिरोली यांच्या कडून करण्यात आले. 

या सभेचे अध्यक्ष दीपक दादा आत्राम  हे होते तर, प्रमुख उपस्थिती प्र-कुलगुरू डॉ. श्रीराम कावळे , बबलूभैया हकीम, सिनेट सदस्य डॉ बूटे, प्राचार्य डॉ. मंडल  विचार मंचावर उपस्थित होते.  प्राचार्य डॉ. मनोरंजन  मंडल ,  प्राचार्य डॉ. टिपले ,  प्राचार्य डॉ. बूटे प्राचार्य डॉ. लाड , प्राचार्य डॉ. सोनकुवर  हेही उपस्थित होते.

 या सभेचे सूत्रसंचालन प्रा . राजेश गर्गम, प्रास्ताविक भाषण सिनेट सदस्य डॉ बुटे  यांनी केलेत तर आभार प्रा अजय बरसागडे  यांनी मानले. 
या सभेच्या यशस्वीतेसाठी स्व. लक्ष्मीबाई कला, विज्ञान व वाणिज्य महिला महाविद्यालय. आलापल्लीचे संस्थाध्यक्ष दिपक दादा आत्राम यांच्या मार्गदर्शनाखाली प्राचार्य अमित कोहपरे  यांच्या नेतृत्वात सर्व प्राध्यापक वृन्द आणि शिक्षकेत्तर कर्मचारी यांचे सहकार्य लाभले.

संघर्षाच्या काटेरी वाटेतुनच उज्वल भविष्यातील यशाचा मार्ग सुकर .-विरोधी पक्षनेते विजय वडेट्टीवार

 ब्रम्हपूरी :-
ज्ञानातुन मिळणारे सामर्थ्य हे चिरकाल टिकते. मिळालेले हे सामर्थ्य अंगिकारून समाजातील प्रत्येक यशस्वी व्यक्ती व विद्यार्थी यांनी संघर्षातुनच उज्ज्वल भविष्य घडविल्याचा इतिहास आहे. यशाचे शिखर गाठण्यासाठी परिस्थिती नाही तर उत्तम मनस्थिती, दृढ आत्मविश्वास, प्रगल्भ इच्छाशक्ती यांची नितांत गरज आहे. आपणा सर्व होतकरू विद्यार्थ्यांच्या पाठीशी मी सदैव खंबीरपणे उभे असुन संघर्षाच्या काटेरी वाटेतुनच प्रत्येक विद्यार्थ्याने आपल्या यशाचा मार्ग सुकर करावा असे प्रतिपादन राज्याचे विरोधी पक्षनेते तथा ब्रम्हपूरी विधानसभा क्षेत्राचे आमदार विजय वडेट्टीवार यांनी केले.

ते ब्रम्हपूरी तालुका काँग्रेस कमिटीच्या वतीने आयोजित ब्रम्हपूरी मतदारसंघातील ब्रम्हपूरी, सावली , सिंदेवाही येथील १०वी व १२वी च्या परिक्षेत गुणवंत ठरलेल्या विद्यार्थ्यांचा सत्कार सोहळा कार्यक्रमप्रसंगी अध्यक्ष म्हणून बोलत होते.

कार्यक्रमाचे उद्घाटक खासदार डॉ. नामदेव किरसान, प्रमुख मार्गदर्शक म्हणून जळगाव येथील दिपस्तंभ फाउंडेशनचे संचालक यजुर्वेंद्र महाजन, मोटीव्हेशनल स्पीकर सचिन बुरघाटे हे होते.
तर प्रमुख अतिथी म्हणून आमदार अभिजीत वंजारी, काॅंग्रेस नेते देविदास जगनाडे, ने.ही. महाविद्यालय माजी प्राचार्य डॉ नामदेव कोकोडे, ॲड. गोविंदराव भेंडारकर, तालुका काँग्रेस कमिटीचे अध्यक्ष खेमराज तिडके, शहर काँग्रेस कमिटी अध्यक्ष हितेंद्र राऊत, बाजार समितीचे सभापती प्रभाकर सेलोकर, माजी जि.प.सदस्य डॉ राजेश कांबळे, माजी जि.प.सदस्य प्रमोद चिमुरकर, न.प.माजी सभापती विलास विखार, माजी नगरसेवक डॉ नितीन उराडे, माजी पं.स.सदस्य थानेश्वर कायरकर, काॅंग्रेस जिल्हा उपाध्यक्ष मोंटु पिलारे, सिंदेवाही तालुका काँग्रेस अध्यक्ष रमाकांत लोधे ,युवक काँग्रेसचे तालुकाध्यक्ष सोनू नाकतोडे, धनराज मुंगले, महीला काँग्रेसच्या तालुकाध्यक्ष मंगला लोनबले, महीला काँग्रेसच्या शहराध्यक्षा योगिता आमले यांसह अन्य मान्यवर यावेळी उपस्थित होते.
कार्यक्रमाचे  सूत्रसंचालन सतीश डांगे, सुरज मेश्राम यांनी प्रास्ताविक डॉ राजेश कांबळे तर आभार खेमराज तिडके यांनी मानले

कोडपे ग्रामस्थांनी केला नक्षल गावबंदीचा ठराव ,व चार भरमार बंदुका पोलीसांच्या केल्या स्वाधीन 

अहेरी:-
नारगुंडा पोलीस स्टेशन अंतर्गत येत असलेल्या कोडपे ग्रामस्थांनी नक्षल गावबंदीचा ठराव संमत करून चार भरमार बंदुका पोलीसांच्या स्वाधीन केल्या आहेत 
दि.५ जुलै  ला गावातील लोकांना एकत्र करून बैठक घेण्यात आली आणि नक्षल गावबंदीचा ठराव मांडला तेव्हा सर्व ग्रामस्थांनी उस्फुर्त प्रतिसाद देत ठराव मंजूर केला.यापुढे नक्षलवाद्यांना कोणतेही सहकार्य करायचे नाही, त्यांच्या प्रलोभनाला बळी पडायचे नाही आणि गावात येऊच द्यायचे नाही असा संकल्प करुन गावातील चार भरमार बंदुका पोलीसांच्या ताब्यात दिल्या.
गावात नक्षल बंदीचा ठराव केल्याने पोलीस स्टेशन नारगुंडाचे प्रभारी अधिकारी सतिश बेले यांनी कोडपे ग्रामस्थांचे आभार मानले आहेत

खळबळजनक: पिता पुत्रानी शेजारी राहणाऱ्या ३४ वर्षीय इसमाचा कुऱ्हाडीने वार करून केला खून 

मूल (चंद्रपूर) :- मूल तालुक्यापासून आठ किलोमीटर अंतरावर असलेल्या हळदी गावामध्ये आज, शनिवार दिनांक- ६ जुलै रोजी सकाळच्या सुमारास भयावह घटना घडली. घराशेजारी असलेल्या झाडाच्या फांद्या तोडल्यानंतर राजू बोदलकर यांनी पिपरे यांना केबल बाजूला करा असे सांगितले, मात्र केबल बाजूला कर असे का म्हटले म्हणून पिता-पुत्रांनी राजू यांच्यावर हल्ला केला. गुरुदास पिपरे व त्यांचा २१ वर्षीय मुलगा सूरज गुरुदास पिपरे यांनी शेजारी राहणाऱ्या ३४ वर्षीय राजू शेषराव बोदलकर यांचा कुऱ्हाडीने वार करत खून केला. या हल्ल्यात बोदलकर यांचा जागीच मृत्यू झाला.

दरम्यान, घटनेनंतर गावात संतापाची लाट उसळली. गावकऱ्यांचा राग अनावर झाल्याने ते आरोपींना पकडण्यासाठी जमले. यावेळी आरोपी गावकऱ्यांच्या हाती लागले असते तर त्यांना जिवंत जाळण्याचा प्रकार गावात घडला असता. मात्र मूल पोलिसांनी तात्काळ घटनास्थळी दाखल होत आरोपी बाप-लेकाला ताब्यात घेतले

घोट- मार्कंडा (कं) रोडवरील खड्यांने घेतला दुचाकीस्वाराचा जीव 

खड्डे चुकवितांना नियंत्रण सुटल्याने बामनपेठ जवळील दासरवाही नाल्याजवळ दुचाकी झाडावर आदळून एक ठार

आष्टीः खड्डा चुकवितांना नियंत्रण सुटल्याने मोटार सायकल झाडावर आदळून एक व्यक्ती जागीच ठार झाल्याची घटना मार्कंडा कंन्सोबा- घोट मार्गावरील बामनपेठ जवळील दासरवाही नाल्याजवळ दिनांक ५ जूलै रोजी सकाळी अंदाजे ९ वाजताच्या सुमारास घडली. मानवेंद्र नरेंद्रनाथ रॉय वय (३८) रा. गांधीनगर असे मृत व्यक्तीचे नाव आहे.

मानवेंद्र नरेंद्रनाथ रॉय हे आपल्या  दुचाकी क्रमांक (एम.एच. ३३ एल ५७५१) ने दिनांक ५ जूलै रोजी सकाळी ७:४५ वाजताच्या दरम्यान गांधीनगर येथून घरून आपल्या मुलास  गोंडपिपरी तालुक्यातील तारसा येथील कारमेल ॲकाडमीला सोडून परत गावाकडे जात असताना बामनपेठ जवळील दासरवाही नाल्याजवळ खड्डे चुकवितांना नियंत्रण सुटल्याने सरळ मोटारसायकल झाडाला आदळून मानवेंद्र हे जागीच ठार झाले.

 १ मुलगा, १ मुलगी, पत्नी असा त्यांच्या पश्चात आप्तपरिवार आहे
सदर रोडवरील खड्डे किती जीव गेल्यानंतर शासनास जाग येणार असा प्रश्न उपस्थित होतो आहे

गावकऱ्यांनी केला रेतीतस्करांवर जिवघेणा हल्ला , एक ठार तर दोन गंभीर 

 चंद्रपूर : -
राजुरा तालुक्यातील
धोपटाळा येथे गावकऱ्यांनी ट्रॅक्टरद्वारे रेती तस्करी करणाऱ्यांवर अचानक हल्ला चढविला. दरम्यान दगडफेक केली. यामध्ये ट्रॅक्टरवरील एक जण ठार झाला तर अन्य चारपैकी दोन जण जखमी झाले.

रात्री ११.३० वाजताच्या सुमारास ही थरारक घटना घडली. याप्रकरणी राजुरा पोलिसांनी गुरुवारी सकाळी पाच जणांना ताब्यात घेतले आहे. आणखी आरोपींचा शोध सुरू आहे. मोहम्मद शहादत खान (५२) असे मृतकाचे नाव आहे. जखमींमध्ये ट्रॅक्टर मालक देविदास येवले (४७) व मजूर कैलास कुळसंगे (३०) यांचा समावेश आहे. तर रोशन बावणे (२८), बंडू कुकर्डे (४०) हे हल्ल्यातून थोडक्यात बचावले.

प्राप्त माहितीनुसार, राजुरा येथून पाच जण ट्रॅक्टरने सास्तीजवळील धोपटाळा नाल्यावर बुधवारी रात्री ११ वाजताच्या सुमारास रेती तस्करीसाठी गेले होते. ही बाब हेरून आधीच गावकऱ्यांनी त्यांना पकडून आणण्याचा बेत आखला होता. ट्रॅक्टर रेती घाटावर पोहचली. यानंतर गावकऱ्यांनी अचानक त्यांच्यावर धावा केला. ट्रॅक्टरमध्ये सुमारे दोन ते तीन घमेले रेती टाकण्यात आली होती. यानंतर गावकऱ्यांनी ट्रॅक्टरसह सर्वांना धोपटाळा येथील चौकात आणले. नंतर आमच्या गावातून रेती चोरता असे म्हणत अचानक त्यांच्यावर दगडफेक करण्यात आली.

यामध्ये एक जण छातीवर दगड लागल्याने खाली कोसळला. ट्रॅक्टरमधील इतर दोन जण जखमी झाले होते. जखमी व इतर दोघांनी जमिनीवर कोसळलेल्या मजुराला ट्रॅक्टरमध्ये टाकून राजुरा ग्रामीण रुग्णालयात नेले. डॉक्टरांनी तपासणीअंती त्याला मृत घोषित केले. या घटनेने रेती तस्करांमध्ये चांगलीच दहशत पसरल्याचे बोलले जात आहे. पुन्हा एकदा रेती तस्करीचा विषय ऐरणीवर आला आहे

मनसे कामगार सेना जिल्हाध्यक्षावर दिवसाढवळ्या गोळीबार,आरोपी फरार

चंद्रपूर :-
शहरातील माध्यभागी असणाऱ्या आझाद बगीचा जवळील रघुवंशी कॉम्प्लेक्स मध्ये जुन्या वैमनशातून मनसेचे कामगार सेना जिल्हाध्यक्ष अमन अंदेवार यांच्यावर जवळपास दुपारी 2.00 च्या दरम्यान अज्ञात इसमांनी गोळीबार केल्याची खळबळजनक घटना घडली असून गोळीबार झाल्यानंतर आरोपी फरार झाले आहे. दरम्यान घटनेची माहिती मिळताच शहर पोलीस स्टेशनं ची चमू घटनास्थळी दाखल झाली व अमन अंदेवार यांना प्राथमिक उपचारासाठी जिल्हा सामान्य रुग्णालयात नेल्यानंतर नागपूर ला पुढील उपचारासाठी पाठविण्यात आल्याची माहिती आहे. दरम्यान या गोळीबार प्रकरणाने शहरात दहशत पसरली आहे.

मनसे कामगार सेना जिल्हाध्यक्ष अमन अंदेवार यांच्यावर झालेल्या गोळीवर प्रकरणाला मागील सन 2020 मध्ये बल्लारपूर येथील कोळसा व्यापारी सुरज बहुरीया याची भरदिवसा भर चौकात गोळ्या झाडून हत्या करण्यात आली होती त्या घटनेशी जोडले जातं आहे, बहुरिया हत्त्या प्रकरणात अमन अंदेवार यांच्यासह त्यांचे बंधू आकाश उर्फ चिन्ना अंदेवार, आल्फ्रेड उर्फ बंटी लॉजिस्ट अँथोनी, प्रणय राजू सैगल, बादल वसंत हरणे, अविनाश उमाशंकर बोबडे सर्व राहणार बल्लारपूर यांचा समावेश होता, या हत्येला दारुतस्करी आणि कोळसा तस्करीचे कारण असल्याचे म्हटल्या जातं होते. दरम्यान हत्येच्या काही दिवसांपूर्वी आरोपी अमन अंदेवार याने व्हाट्सएप स्टेटसवर ‘जंगल जंगल ही रहेगा, मगर शेर बदल जायेगा’ अशी पोस्ट टाकली होती त्यामुळे सुरज बहुरिया यांचा सुनियोजित कट होता हे स्पष्ट होते, या घटनेनंतर सुरज बहुरिया गैगने अमन अंदेवार यांना ठार करण्याचा मन्सूबा जाहीर करून खुलं आव्हान केलं होतं, हा वचपा काढण्यासाठी मागील दीड ते दोन वर्षांपूर्वी याचं सुरज बहुरिया समर्थकांनी अमन अंदेवार यांचे बंधू आकाश उर्फ चिन्ना अंदेवार यांच्यावर याचं रघुवंशी कॉम्प्लेक्स मध्ये गोळीबार केला होता आणि आता त्याची पुन्हा पुनरवृत्ती झाली असून आता अमन अंदेवार यांच्यावर त्याचं प्रकरणातून गोळीबार झाला की आणखी कुठले कारण आहे हे पोलीस तपासात समोर येईल मात्र या गोळीबाराने शहरात दहशतीचे वातावरण आहे

अशिक्षित महीलांसह सरसकट मुख्यमंत्री "माझी लाडकी बहीण योजनेचा लाभ द्यावा - माजी जि.प.सदस्या रुपाली पंदिलवार 

आष्टी:-
महाराष्ट्र शासनाच्यावतीने आगामी विधानसभा निवडणुका डोळ्यासमोर ठेवून अर्थसंकल्पात मुख्यमंत्री माझी लाडकी बहीण योजनेची घोषणा केली मात्र कागदपत्रे ज्या महिलांकडे आहेत अश्या महीलांना त्याचा लाभ मिळणार परंतू ज्या महीला अशिक्षित आहेत त्यांना या योजनेचा लाभ मिळणार नाही असे स्पष्ट दिसत आहे 
सदर योजना एक जुलै २०२४ पासून लागू करण्यात आली असून मतदान करताना १८ वर्षे व लाभ देण्यासाठी २१ वर्षे का असाही प्रश्न उपस्थित होतो आहे
६५ वर्षांपर्यंतच्या महिलांना या योजनेचा लाभ मिळणार परंतू गाव खेड्यातील या वयाच्या महीला मोठ्या प्रमाणात अशिक्षित आहेत आणि हेच वास्तव आहे 
 अशिक्षित महीलांकडे आधार कार्ड, शिधापत्रिका व्यतिरिक्त अन्य कोणत्याही प्रकारचे पुरावे नाहीत मग त्या महीला लाभापासून वंचित राहतील तेव्हा तेव्हा गोरगरीब, निराधार, अश्या महीलांना सरसकट मुख्यमंत्री माझी लाडकी बहीण योजनेचा लाभ देण्यात यावा अशी मागणी माजी जिल्हा परिषद सदस्या सौ रुपाली पंदिलवार यांनी केली आहे

सती नदीवरील रपटा खचला ,पर्यायी मार्ग क्रमन करण्याचे जिल्हाधिकारी यांचे आवाहन 

कुरखेडा :- येथील कोरची मार्गावर असलेल्या सती नदीवर नव्या पुलाचे बांधकाम सुरु आहे. सदर काम सुरू असतांना या मार्गावरील वाहतुक नदीमधून तात्पुरत्या स्वरूपात बाधंण्याता आलेल्या वळण मार्गावरून करण्यात आले होते. मात्र सदर वळती मार्ग हा नदीमध्ये पाण्याची पातळी वाढल्याने पाण्याच्या प्रवाहाने आता खचला आहे. सदर मार्गाची वाहतुक इतर मार्गाने वळती करण्याचे आदेश जिल्हाधिकारी यांनी २२ जून रोजी पारित केले होते.
राष्ट्रीय महामार्ग क्र.५४३ वरील कुरखेडा-कोरची मार्गावरील सती नदीवरील जुना पूल पाडून नव्या पुलाचे बांधकाम करण्यात येत आहे. सदर मार्गावर वाहतुक सुरळीत असावी यासाठी नदीमधून रपटा तयार करून वाहतुक सुरू होती. मात्र सदर नवीन पुलाचे बांधकाम वेळेत पुर्ण होऊ न शकल्याने व सदर तयार करण्यात आलेला रपटा हा पुराच्या पाण्याने वाहुन जाण्याची शक्यता असल्याने जिल्हाधिकारी संजय दैने यांनी २२ जून रोजी आदेश निर्गमित केले होते. सदर मार्गावरील वाहतुक २९ जून पासून बंद करून इतर पर्यायी मार्गाने वळती करण्याचे सांगितले होते. दरम्यान सदर रपटा हा नदीमधील पाण्याची पातळी वाढल्याने पाण्याच्या प्रवाहाने ४ जुलै रोजी काही प्रमाणात खचला आहे. सदर मार्गावरून पुर्णतः वाहतुक आता बंद पडली असुन पर्यायी मार्गाचा वापर करून तालुकास्थळ नागरिकांना गाठावे लागणार आहे.
‘असा’ असेल पर्यायी मार्ग
हलक्या स्वरुपाची वाहनांकरिता कुरखेडा- चिचटोला फाटा- आंधळी-वाघेडा-मालदुगी-गोठणगाव फाटा मार्ग (रा.म.क्र.५४३) या रस्त्याचा
जड वाहतुकीकरिता कुरखेडा-वडसा-आरमोरी-वैरागड मार्ग (रा.म. क्र. ३६३)- गोठणगाव फाटा मार्ग (रा.म.क्र.५४३) या पर्यायी मार्गाचा वापर करावा.

महाराष्ट्र सरकारची 'लाडकी बहीण योजना' बहिणी खूष पण भाऊजी नाराज ?

चामोर्शी  : अर्थमंत्री अजित पवार  यांनी राज्याचा अंतरिम अर्थसंकल्प सभागृहात मांडला. आगामी विधानसभा निवडणुकांच्या पार्श्वभूमीवर हा अर्थसंकल्प महत्त्वाचा होता. या अर्थसंकल्पात लाडकी बहीण योजना मुलींचं मोफत शिक्षण, बेरोजगारांसाठी योजनांची घोषणा करण्यात आली. अर्थसंकल्प मांडताना अजित पवारांनी मुख्यमंत्री माझी लाडकी बहीण योजनेची घोषणा केली. १ जुलैपासून या योजनेची अंमलबजावणी करण्यात आली.
'मुख्यमंत्री माझी लाडकी बहिण योजना' अंतर्गत २१ ते ६५ वयोगटातील पात्र महिलांना शासनातर्फे दरमहा १५०० रुपये दिले जाणार आहेत. जुलै २०२४ पासून अंमलबजावणी होणार असल्याची माहिती अर्थमंत्री अजित पवारांनी दिली. मुख्यमंत्री माझी लाडकी बहीण योजना तात्काळ लागू झाली आहे. पात्र महिलांना महिन्याला दीड हजार रुपये मिळणार आहेत फार्म भरण्यासाठी महिलांची लगबग सुरू आहे तर एकमेकींना महिला  तू लाडकी बहिणचा फार्म भरली का ? असे विचारत आहेत तर आष्टी शहरात व परिसरात सलून दुकानात, पानटपरीवर पुरुषांमध्ये वेगळीच चर्चा ऐकायला मिळत आहे. पुरुष वर्ग एकमेकांना म्हणतात की सरकार लाडकी बहिण योजना चांगली काढली आहे माझी बायको तर मला सरकार माझा भाऊ मला महिन्याला १५०० रुपये देणार आहे म्हणून मस्त खुष आहे म्हणून सांगतो आहे तर दुसरा पुरुष म्हणतो की सरकार भाऊ बहिणीसाठी चांगली योजना काढली पण आम्हाला  (भाऊजी) म्हणून एक योजना काढायला पाहिजे अशी खमंग चर्चा सुरू आहे या होणाऱ्या चर्चेवरून सरकारच्या बहीण सरकार भाऊ वर खुष आहेत आणि भाऊजी मात्र नाराज आहेत यावरून असे दिसून येत आहे
आता तर दाखल्यांचे अटी सुद्धा कमी करण्यात आल्याचे ना.अजीत पवार यांनी विधिमंडळात सांगितले आहे व कोणताही अधिकारी या कामात कुचराई केल्यास त्यांचेवर दंडात्मक कारवाई करण्यात येणार आहे व सदर योजनेचा फार्म भरण्यासाठी मुद्दत वाढविण्यात आली आहे

शाळेतून स्वगावी जात असलेल्या बालकास ट्रकने चिरडले 

एकुलता एक मुलावर काळाचा घाला,अख्खे गाव गहिवरले 

 गडचिरोली, 

 शाळेतून सुटी झाल्यानंतर सायकलने परी जाणाऱ्या विद्यार्थ्यांला ट्रकने चिरडल्याची घटना काल, 3 जुलै रोजी गडचिरोली तालुक्यातील पोर्ला-बसा मार्गावर बुधवारी (दि. 3) सायंकाळी 5.30 वाजताच्या सुमारास घडली. ऋतुराज प्रशांत शिवणकर (वय 11, रा. वसा) असे मृतक विद्यायांचे नाव आहे. प्राप्त माहितीनुसार, ऋतुराज शिवणकर हा पोला येथील शिवाजी हायस्कूल शाळेत पाचव्या वर्गात शिकत होता. नेहमीप्रमाणे तो बुधवारी (दि. 3) सकाळी वसा येथून

सायकलने पोर्ला येथे शाळेत गेला, सायंकाळी 5 वाजता सुटी झाल्यानंतर तो आपल्या वर्गमित्रांसह सायकलने स्वगावी वसा येथे जात दरम्यान, गडचिरोलीवरून होता. आरमोरीकडे जात असलेल्या टीएस 09/ युई 4590 क्रमांकाच्या मालवाहू ट्रकने वसा बसस्थानकानजीक त्याच्या सायकलला मागून जोरदार धडक दिली. या धडकेत ऋतुराजचे नियंत्रण सुटल्याने तो ट्रकच्या मागील चाकात सापडला. यात

त्याच्या डोक्याचा चेंदामेंदा होवून तो जागीच ठार झाला. तर दुसरा वर्गमित्र किरकोळ जखमी झाला. घटनेची माहिती मिळताच वसा व पोलों येथील नागरिकांनी घटनास्थळी एकच गर्दी केली होती. अपघातामुळे या मार्गावरील वाहतूक बराच वेळ ठप्प पडली होती. घटनेची माहिती आरमोरी पोलिसांना देण्यात आली. पोलिसांनी घटनास्थळ गाठून ट्रक व चालकास ताब्यात घेतले. अपघातामुळे घटनास्थळी काही काळ तणावाचे वातावरण निर्माण झाले होते. अधिक तपास आरमोरी पोलिस करीत

संभाजी भिडे तोंड आवरा, नाहीतर मीश्या सावरा - विद्या लोलगे 

सोलापूर:-
 संभाजी भिडे आपल्या तोंडाला आवरा अन्यथा स्वतःच्या मिश्या सावरा असा इशारा सोलापूर विधवा संघटना अध्यक्षा राष्ट्रवादी काँग्रेस पक्षाचे नेत्या विद्या लोलगे यांनी दिला आहे 
वटपौर्णिमेच्या दिवशी नटया आणि ड्रेस घातलेल्या स्त्रियांनी पुजेला जाऊ नये, असे विधान शिव प्रतिष्ठान हिंदुस्थानचे संभाजी भिडे गुरुजी यांनी केले. भिडे यांच्या वक्तव्यावरून पुन्हा एकदा वाद निर्माण झाला असून महिलांनी भिडे गुरुजींना सज्जड दम दिला असून 'भिडे तोंड आवरा, नाहीतर मिशाही कापू' असाही इशारा दिला आहे.

संभाजी भिडे यांच्या वक्तव्यांवरून अनेक वेळा वादाचे प्रसंग ओढवत आहेत. अशातच त्यांनी महिलांबाबत वादग्रस्त विधान करून वाद ओढवून घेतला आहे. मात्र या वेळी भिडे यांच्या वक्तव्याचा सोलापूर शहरातील विधवा संघटनेच्या अध्यक्षा आणि राष्ट्रवादी काँग्रेसच्या नेत्या विद्या लोलगे यांनी निषेध करीत महिलांच्या वतीने त्यांना सज्जड दम दिला आहे. विधवा महिलांसाठी वर्ल्ड ऑफ वुमेन्स संघटनेच्या स्थापनेची माहिती देण्यासाठी घेण्यात आलेल्या पत्रकार परिषदेत त्यांनी भिडेंना इशारा दिला. भिडे यांनी यापुढे महिलांबद्दल वादग्रस्त विधान करू नये, अन्यथा सर्व महिला मिळून त्यांच्या मिशा कापून टाकतील, असे म्हटले आहे.

भिडे गुरुजी म्हणाले...

"वटसाकित्रीच्या पूजेला नट्यांनी जाऊ नये. ड्रेस घातलेल्या महिलांनीही जाऊ नये. साडी घातलेल्या महिलांनी जावं," असे वादग्रस्त वक्तव्य संभाजी भिडे यांनी केलं होतं. तसेच आपल्याला जे स्वातंत्र्य मिळालं ते दळभद्री स्वातंत्र्य आहे. हिंदवी स्वराज्य हे खरं स्वातंत्र्य आहे, असेही संभाजी भिडे म्हणाले आहेत. मात्र संभाजी भिडे यांच्या या विधानानंतर पुन्हा एकदा मोठा वाद पेटला आहे.

कोंढाळा ग्रामपंचायतीचे अँड्रॉइड मोबाईल केले लंपास- सायबर सेलकडे तक्रार दाखल

 मोबाईल परत करावे अन्यथा खावी लागेल जेलची हवा.

मुख्य संपादक/अशोक खंडारे 

कोंढाळा (देसाईगंज) :- देसाईगंज तालुक्याच्या कोंढाळा ग्रामपंचायतीचे अँड्रॉइड मोबाईल एका अज्ञात चोरट्याने ग्रामपंचायत कार्यालयातून चोरून नेले असल्याची घटना काल, मंगळवार दिनांक-२ जुलै रोजी दुपारी २ वाजेच्या सुमारास घडली. याबाबत ग्रामपंचायतीच्या वतीने अज्ञात चोरट्या विरुद्ध देसाईगंज पोलीस पोलीस ठाण्यात सायंकाळपर्यंत तक्रार दाखल केली असून त्वरित सायबर सेलकडे प्रकरण वलती करण्यात आले आहे.

प्राप्त माहितीनुसार, मुख्यमंत्री-माझी लाडकी बहीण
योजनेच्या कागदपत्रांची जुळवाजुळव करण्याकरिता गावातील नागरिकांची झुंबड
रहिवासी प्रमाणपत्र, जन्म प्रमाणपत्र व इतर कागद
पत्रांसाठी कोंढाळा ग्रामपंचायत कार्यालयात सकाळ पासून ते सायंकाळपर्यंत दिसून येत आहे. अशातच काल, मंगळवारी कार्यालयातील कर्मचारी कामात व्यस्त असतांना टेबलावर ठेवलेला ग्रामपंचायतीचा अँड्रॉइड मोबाईल अज्ञात चोरट्याने चोरून नेला आहे. सदर मोबाईल हा मागील वर्षाच्या डिसेंबर महिन्यात खरेदी करण्यात आला होता. एखादा प्रमाणपत्र काढण्यासाठी मोबाईलवर ओटीपी जात असतो. त्यामध्ये ग्रामपंचायतीची संपूर्ण माहिती संकलित करण्यात आली असून इतरांना त्याचा काहीही उपयोग होणार नाही. गडचिरोली जिल्ह्याच्या सायबर सेलकडे याबाबत तक्रार गेली असल्याने 'तो' मोबाईल चोरटा कोण? हे लवकरच कळणार आहे. ज्या व्यक्तीने मोबाईल चोरून नेला असेल, त्यांनी कोंढाळा ग्रामपंचायत कार्यालयात आणून देण्याचे करावे; अन्यथा ग्रामपंचायत आवारातील लावण्यात आलेल्या सिसीटिव्ही कॅमेरा च्या माध्यमातून शोध घेऊन संबंधित चोरट्याला जेलची हवा खावी लागेल; अशी माहिती ग्रामपंचायतीच्या सरपंचा अपर्णा राऊत यांनी दिली

शुल्लक वादातून आई आणि मोठ्या भावाने केली छोट्या भावाची हत्या

 नागपूर :
 आई आणि मोठ्या
भावासोबत क्षुल्लक कारणावरून वाद घालून घरातील साहित्याची तोडफोड करणाऱ्या युवकाला शांत करताना गळा आवळल्या गेल्याने त्याचा मृत्यू झाला. ही घटना जरीपटका पोलिस ठाण्याच्या हद्दीत शुक्रवारी २८ जूनला रात्री ९.३० वाजताच्या सुमारास घडली असून पोलिसांनी आई आणि भावाला अटक केली आहे.

प्रयाग उर्फ बंटी श्रीराम गौर (३४) रा. कुशीनगर जरीपटका असे या भांडणात मृत्यू झालेल्या युवकाचे नाव आहे. तो रागीट स्वभावाचा होता. तो मोबाईल शॉपीत काम करायचा. तर प्रभात श्रीराम गौर (३६) आणि मीरा श्रीराम गौर (६०) दोघे रा. कुशीनगर जरीपटका अशी आरोपी आई आणि भावाची नावे आहेत. जरीपटका पोलिसांनी दिलेल्या माहितीनुसार घटनेच्या दिवशी मृतक प्रयागचा लहान भाऊ सुशांतचे दोन मित्र आणि त्यांच्या पत्नी घरी आल्या होत्या. बोलताना प्रयागचा सुशांतसोबत वाद झाला. त्यामुळे रागाच्या भरात प्रयागने मोठ्या भावाला लग्नात मिळालेली आलमारी फोडली.

यावरून त्याच्या आईने प्रयागला विचारना केली असता त्याने रागाच्या भरात रिमोट टीव्हीला फेकून मारला. तो घरातील साहित्याची तोडफोड करीत असल्याचे पाहून त्याच्या आईने प्रयागचे पाय धरले आणि मोठा भाऊ प्रभातने त्याच्या गळा पकडला असता त्याचा गळा आवळल्या गेल्याने तो जागेवरच निपचित पडला. या प्रकरणी प्रयागचा भाऊ सुशांत श्रीराम गौर (३२) याने दिलेल्या सुचनेवरून जरीपटका पोलिसांनी आरोपी आई आणि भावाविरुद्ध कलम ३०२, ३४ नुसार गुन्हा दाखल करून त्यांना अटक केली आहे

आईलाही नाही आली नव महीण्याच्या बाळाची कीव,बाळाला विष पाजून स्वतःचे संपविले जीवन 

चंद्रपूर 

ज्या जीवाला पोटात 9 महिने आनंदाने वाढवलं त्याला जन्म दिल्यानंतर 9 महिन्यांनी पोटच्या गोळ्याला संपवण्याचा प्रयत्न केला आहे. ९ महिन्यांच्या बाळाला विष देऊन मारण्याचा प्रयत्न केला.इतकंच नाही तर वैतागलेल्या आईनं स्वतः विष प्राशन करुन आयुष्य संपवलं आहे. ही धक्कादायक घटना चंद्रपुरात घडली आहे.
ही धक्कादायक घटना वरोरा तालुक्यातील शेगाव इथे घडली आहे. देश इतका पुढे गेला मात्र अजूनही घरातल्या लक्ष्मीला हुड्यांसाठी किंवा घरातल्या कामावरुन छळण्याचे प्रकार कमी झाले नाहीत. हे धक्कादायक वास्तव आहे चंद्रपुरातलं. पल्लवी पारोधे असं मृत 27 वर्षीय महिलेचं नाव आहे. तिने कुटुंबियांच्या त्रासाला कंटाळून टोकाचं पाऊल उचललं.

पल्लवीने कौटुंबिक वादातून विष प्राशन करून आत्महत्या केली आहे. आपल्यानंतर बाळाचं कसं होणार या विचाराने तिने आपल्या 9 महिन्यांच्या मुलालाही विष पाजलं. मुलाला खासगी रुग्णालयात उपचारासाठी दाखल करण्यात आलं आहे. मुलाची प्रकृती सध्या स्थिर असल्याची माहिती मिळाली आहे. मात्र या दुर्घटनेत आईचा मृत्यू झाला. मुलाच्या डोक्यावरचं आईचं छत्र हरपलं आहे.

मिळालेल्या प्राथमिक माहितीनुसार मृत महिलेच्या आईनं पोलिसांना दिलेल्या जबाबावरुन हुंडाबळीची तक्रार दाखल झाली आहे. नवरा आणि दीर यांना पोलिसांनी ताब्यात घेतलं असून त्यांची कसून चौकशी सुरू आहे. हुंड्यासाठी पल्लवीचा छळ होत होता अशी प्राथमिक माहिती आहे. या प्रकरणी चंद्रपूर पोलीस तपास करत आहेत.

उत्कृष्ट व समाधानी ग्राहकांमुळेच पतसंस्थेची प्रगती- अनिल पाटील म्हशाखेत्री

पतसंस्थेच्या वतीने उत्कृष्ट ग्राहकांचा सत्कार

 गडचिरोली:-
 ज्या पतसंस्थेत समाधानी ग्राहकांची संख्या जितकी जास्त, तितकी त्या संस्थेला दीर्घकालीन व शाश्वत यश मिळण्याची संधी जास्त असते. दी गडचिरोली नागरी सहकारी पतसंस्थेला सुरुवातीपासूनच उत्कृष्ट व समाधानी ग्राहकांची साथ लाभल्यामुळे तिची उत्तरोत्तर प्रगती होत गेल्याचे गौरवोद्गार  दि गडचिरोली नागरी सहकारी पतसंस्थेचे अध्यक्ष अनिल पाटील म्हाशाखेत्री  यांनी  पतसंस्थेच्या ३१ व्या वर्धापन दिनानिमित्त आयोजित कार्यक्रमात कार्यक्रमाच्या अध्यक्ष स्थानावरून काढले. यावेळी कार्यक्रमाचे प्रमुख अतिथी म्हणून पतसंस्थेच्या मानद सचिव श्रीमती सुलोचनाताई वाघरे, ज्येष्ठ संचालक पंडित पुडके  उपस्थित  होते.
  अनिल पाटील पुढे म्हणाले , दि गडचिरोली नागरी सहकारी पतसंस्थेची स्थापना 28 जून 1993 रोजी झाली असून  संस्थापक अध्यक्ष स्व . चुडाराम मुनघाटे,संस्थापक मानद सचिव  स्व. खुशालराव वाघरे विद्यमान  संचालक मंडळ व सेवक वर्ग यांच्या  अथक परिश्रमातून ही पतसंस्था अगदी कमी कालावधीत नावारूपास आली.  आज या पतसंस्थेच्या जिल्ह्यात ९ शाखा असून सर्व शाखा सीबीएस प्रणालीने जोडल्या आहेत. ग्राहक सेवेचा दर्जा पाहून संस्थेला आंतरराष्ट्रीय दर्जाचे ISO 9001-2015 हे मानांकन सुद्धा प्राप्त झाले आहे.
   मागील पाच वर्षाच्या काळात ( २०१७-१८ ते २०२३-२४ ) संस्थेचे अधिकृत भाग भांडवल 2 कोटी वरून 5.39 कोटी वर गेले. एकूण ठेवी 49.62 कोटीवरून 117.85 कोटीवर पोहोचल्या, एकूण गुंतवणूक 33.33 कोटीवरून 56.42कोटीवर पोहोचली. कर्ज वाटप 31.30, कोटीवरून 100.18 कोटीवर पोहोचले. संस्थेचा स्वनिधी 12.04 कोटी वरून 25 कोटीवर पोहोचला आहे. वरील  आकडेवारीवरून संस्थेचा आर्थिक पाया अत्यंत भक्कम असून, संस्थेची आर्थिक भरभराट झालेली दिसून येते.
 संस्थेच्या उत्तरोत्तर आर्थिक वाटचालीबद्दल संस्थेला सलग दोनदा 2022 व  2023 चा बँको पतसंस्था  ब्ल्यू रिबन पुरस्कार प्राप्त झाला आहे. तसेच विदर्भ क्रेडिट को-ऑपरेटिव्ह सोसायटीज फेडरेशन लिमिटेड   अमरावती तर्फे " गडचिरोली जिल्हास्तरीय आदर्श पुरस्काराने" वेळोवेळी सन्मानित केले असल्याचे त्यांनी याप्रसंगी सांगितले. 
     यावेळी अनिल पाटील यांचा 62 वा वाढदिवस  केक कापून साजरा करण्यात आला. तसेच   शाल  व श्रीफळ देऊन संचालक व कर्मचाऱ्यांच्या वतीने त्यांचा सत्कार  करण्यात आला.
   कार्यक्रमाचे प्रास्ताविक  प्रा शेषराव येलेकर, संचालन शाखा व्यवस्थापक भूषण रोहनकर  तर उपस्थितांचे आभार संस्थेचे संचालक  दिलीप  उरकुडे यांनी मानले. 
   

‘गडचिरोली' जिल्ह्यातील तीन शाळा अनधिकृत, मान्यता नसलेल्या शाळेत विद्यार्थ्यांनी प्रवेश घेऊ नये, शिक्षण विभागाचे आवाहन 

आष्टी येथील एका शाळेचा समावेश,पण शहरात अनाधिकृत शाळा असल्याचे फलक नाही 

गडचिरोली :-

बालकांचा मोफत व सक्तीच्या शिक्षणाचा हक्क अधिनियम 2009 महाराष्ट्र राज्यात 1 एप्रिल 2010 पासून अंमलात आलेला आहे. त्यानुसार प्रत्येक शाळा शासन मान्यताप्राप्त असणे अनिवार्य आहे. परंतू गडचिरोली जिल्ह्यात काही शाळा अधिकृतपणे शासनाची मान्यता न घेताच सुरू असल्याचे शिक्षण विभागाच्या निदर्शनास आले आहे. त्या शाळांवर द्रव्यदंडाच्या शिक्षेसह कायदेशीर कारवाई होईल. पण अशा कोणत्याही अनधिकृत शाळांमध्ये विद्यार्थ्यांनी प्रवेश घेतल्यास त्यांचे पुढील शैक्षणिक भवितव्य धोक्यात येण्याची शक्यता आहे. त्यामुळे अशा अनधिकृत शाळांमध्ये प्रवेश घेऊ नये, असे आवाहन शिक्षण विभागाने केले आहे.

अनधिकृत असलेल्या शाळांमध्ये धानोरा तालुक्यातील पारंपरिक कोया ज्ञानबोध संस्कार गोटूल स्कूल मोहगांव, गडचिरोली तालुक्यातील बुध्दीस्ट इंटरनॅशनल स्कूल गडचिरोली आणि चामोर्शी तालुक्यातील बुध्दीस्ट इंटरनॅशनल स्कूल आष्टी या शाळांचा समावेश असल्याचे शिक्षण विभागाने कळविले. याव्यतिरीक्त इतर काही अनधिकृत शाळा सुरु झाल्या असल्यास अशा शाळांमध्ये पालकांनी आपल्या पाल्यांचा प्रवेश घेवू नये. पालकांनी पाल्याचे प्रवेश घेतेवेळी शासनाची मान्यता आहे किंवा नाही याची खात्री करावी, तसेच गडचिरोली जिल्हाात अशा अनाधिकृत शाळा निर्दशनास आल्यास शिक्षणाधिकारी (प्राथमिक) व शिक्षणाधिकारी (माध्यमिक), जिल्हा परिषद, गडचिरोली यांना लगेच लेखी स्वरुपात माहिती द्यावी असे आवाहन शिक्षणााधिकारी (प्राथमिक) बाळासाहेब पवार व शिक्षणाधिकारी (माध्यमिक) वासुदेव भुसे यांनी केले आहे
जिल्ह्यातील ज्या शाळा अनाधिकृत आहेत तशा शाळांचे फलक लावण्याचे जिल्हा प्रशासनाने गटशिक्षणाधिकाऱ्या कळविले आहे पण आष्टी शहरात मुख्य ठिकाणी शाळा अनाधिकृत असल्याचे फलक लावण्यात आले नाही फलक लावले असतेतर या अनाधिकृत शाळेबद्दल पालकांना माहिती मिळाली असती असे पालकवर्गातून बोलले जात आहे

श्री सद्गुरु साई बाबा विज्ञान महाविद्यालयात राजर्षी शाहू महाराजांना अभिवादन

 आष्टी :-

येथील स्थानिक श्री सद्गुरू साईबाबा विज्ञान व वाणिज्य महाविद्यालय येथे राष्ट्रीय सेवा योजनेच्या वतीने  राजश्री शाहू महाराज यांची जयंती सामाजिक न्याय दिन म्हणून साजरी करण्यात आली.
 यावेळी कार्यक्रमाचे अध्यक्ष महाविद्यालयाचे प्रभारी प्राचार्य डॉ. पी के सिंग, मुख्य मार्गदर्शक  म्हणून रासेयो कार्यक्रमाधिकारी प्रा. सुबोध साखरे, डॉ.अपर्णा मारगोणवार, डॉ. एम पी सिंग, डॉ.कश्यप, डॉ. सोनाली ढवस, डॉ.प्रकाश राठोड, डॉ. दीपक नागापुरे, प्रा. महेश कुमार सिलमवार, प्रा. सचिन मुरकुटे, प्रा. राहुल आवारी उपस्थित होते. मान्यवरांनी छत्रपती शाहू महाराज यांच्या प्रतिमेला पुष्पहार अर्पण करून अभिवादन करण्यात आले. यावेळी मुख्य मार्गदर्शक प्रा. सुबोध साखरे यांनी शाहू महाराज यांचे आरक्षणाविषयी धोरण व त्यांच्या सामाजिक कार्यांच्या उल्लेख प्रबोधनातून केला. राजर्षी शाहू महाराजांचे शैक्षणिक विचार हे आपल्या समाजाला प्रेरणादायी आहे. त्यांचे विचार वाचणे,समजणे व त्यानुसार विद्यार्थ्यांनी कृती करणे हे खरे अर्थाने काळाची गरज आहे असे विचार प्राचार्य डॉ.पी के सिंग यांनी आपल्या अध्यक्षीय भाषणातून व्यक्त केले. या कार्यक्रमाचे सूत्रसंचालन प्रा.महेश कुमार सिलमवार तर आभार प्राध्यापिका जया रोकडे यांनी मानले. यावेळी मार्गदर्शक प्राध्यापक,शिक्षकेतर कर्मचारी व विद्यार्थी मोठ्या संख्येने उपस्थित होते.

पोलीसांनी टाकली घरात धाड,मिळाला ७७ हजारांचा अवैध मुद्देमाल 

आलापल्ली:-
पोलीसांनी एका अवैध दारू विक्रीचा व्यवसाय करणाऱ्या व्यक्तीच्या घरात धाड टाकली असता त्यांच्या घरामध्ये ७७ हजारांचा अवैध मुद्देमाल मिळून आला 
मौजा आल्लापल्ली येथील सचिन लक्ष्मण मिसाळ हे अवैध दारू विक्रीचा व्यवसाय करीत असल्याचे खात्रीलायक सूत्रांनी दिलेल्या माहितीनुसार अहेरी पोलीसांनी धाड टाकली असता त्यांच्या घरामध्ये २१६ नग बिअर किंमत ५४ हजार रुपये ,२५० निपा देशी दारू किंमत २० हजार रुपये,१० बंपर काचेचे बिअर किंमत ३ हजार रुपये असा एकूण ७७ हजार रुपयांचा मुद्देमाल पोलीसांनी जप्त केला व आरोपी विरुद्ध कलम ६५ ई नुसार गुन्हा दाखल केला आहे 
अहेरी पोलीसांनी सदर कारवाई केली असल्याने अवैध दारू विक्रीचा व्यवसाय करणाऱ्या लोकांमध्ये दहशत निर्माण झाली आहे

दोन ट्रकच्या भीषण अपघातात ,एक ट्रक चालक जागीच ठार 

आष्टी:-
येथून जवळच असलेल्या कोनसरी व सोमनपल्ली गावांच्या मधोमध दोन ट्रकच्या भिषण अपघातात एक ट्रक चालक जागीच ठार झाले  ही घटना आज सायंकाळच्या सुमारास घडली आहे 
गडचिरोली कडून ट्रक क्रं.CG 04 NJ 4834 हा आष्टी कडे येत असताना सुरजागड चे मेटल घेउन जाणारा ट्रक क्रं एम एच ४० सी एम ५६८५ ह्याने जोरदारपणे धडक दिल्याने समोरच्या गाडीतील चालक जागीच ठार झाला  समोरच्या ट्रक चा क्याबीन पुर्णपणे विस्कळीत झालेला आहे 
जखमी असलेल्या ईसमांचा अजूनही पत्ता लागलेला नाही मृतकाचे नाव विकास कुमार बिंद वय २४ रा.अलाहबाद असे आहे
सदर घटनेची माहिती आष्टी पोलीस स्टेशन ला मीळताच पोलीस निरीक्षक विशाल काळे आपल्या चमूसह घटनास्थळी दाखल झाले व मृतकास आष्टी रुग्णालयात पाठविलें शवविच्छेदन करण्यात आल्या नंतर मृतदेह त्याच्या नातलगांना देण्यात येणार आहे

गडचिरोली-चंद्रपुर जिल्ह्यात वैनगंगा नदीकाठच्या नागरिकांनी सावधानता बाळगावी :
जिल्हा प्रशासनाचे आवाहन

चिचडोहचे ३८ दरवाजे आज खुले करणार 

गडचिरोली,दि.19(जिमाका): गडचिरोली जिल्ह्यातील चामोर्शी तालुक्यात असलेल्या चिचडोह बॅरेजमधून दिनांक 21 जून 2024 रोजी सकाळी 8 वाजता प्रकल्पाचे सर्व 38 दरवाजातून 190.23 क्यूमेक्स पाण्याचा विसर्ग नदीपात्रात सोडण्यात येणार आहे. यामुळे नदीतील निम्न भागातील पाण्याची पातळी वाढणार आहे. त्यामुळे या नदीकाठाने राहणाऱ्या गडचिरोली व चंद्रपुर जिल्ह्यातील नागरिकांनी सावधानता बाळगावी, असे आवाहन जिल्हा प्रशासनाद्वारे करण्यात आले आहे.
गोसीखुर्द धरणातून 40 घ. मी./सेकंद इतका विसर्ग सोडण्यात आला असल्याने दिनांक 29 जून 2024 पर्यंत चिचडोह प्रकल्पाचा पाणीसाठा 179.800 मी. पर्यंत वाढेल, त्या अनुषंगाने खबरदारी म्हणून पाणीसाठा नियंत्रित करण्यासाठी चिचडोह प्रकल्पातून पाण्याचा विसर्ग करण्यात येणार आहे.
    वैनगंगा नदीवर चामोर्शी तालुका मुख्यालयापासून उत्तरेस 5 कि.मी. अंतरावर चिचडोह बॅरेजचे बांधकाम जून 2018 मध्ये पूर्ण झालेले आहे. सदर बॅरेज मार्कंडा देवस्थानापासून वैनगंगा नदीचे वरचे बाजुस 4 किलोमिटर अंतरावर आहे. याची एकूण लांबी 691 मीटर असून त्यावर 15 मीटर लांबीचे व 9 मीटर उंचीचे 38 लोखंडी उभे उचल दरवाजे बसविण्यात आलेले आहेत. चिचडोह बॅरेजमध्ये दिनांक 18 जून 2024 रोजी पाणी पातळी 178.90 मी. व पाणीसाठा 11.285 द.ल.घ.मी. इतका आहे. 
*या गावांनी आहे धोका* : गडचिरोली जिल्ह्यातील मार्कंडादेव, घारगाव, फराडा, वाघोली, चामोर्शी, हल्दीपूरानी, टेकडा, दोटकूली, कळमगाव, खंडाळा. एकोडी, अनकोडा, इल्लूर, नविन लोंढोली, आष्टी, चपराळा, गणपूर व कढोली. तसेच चंद्रपुर जिल्ह्यातील लोंढोली, उसेगाव, पार्डी, बेंबाळ, जिबगाव, पेठगाव, शिर्सी,साखरा, कोरंबी, बोरघाट, देवाळा (बु), चखठाणा,विठ्ठलवाडा, पिपरी व घाटकूळ.
वाढीव पाणी पातळीमुळे जिवित व वित्त हानी होवू नये म्हणून नदीलगतचे सर्व गावकऱ्यांनी सदर कालावधीत नदीकाठावर जाणे टाळावे तसेच नदीकाठावरील शेतामध्ये कामे करतांना उचित सतर्कता बाळगावी. मार्कंडा देवस्थान येथील यात्रेकरी, नदीवर आंघोळ करणारे, मासेमारी करणारे, नदीघाटातुन रेती काढणारे, पशुपालक, नदीतून ये-जा करणाऱ्या नागरिकांनी आवश्यक खबरदारी घेवून प्रशासनास सहकार्य करण्याचे आवाहन गडचिरोली पाटबंधारे विभागाचे कार्यकारी अभियंता राहूल मोरघडे यांनी केले आहे.  
0000

तीन असाह्य अल्पवयीन भगीनींचा घेतला नराधमांनी फायदा,एक  मुलगी गर्भवती झाल्याने फुटले बींग

 मुंबईः- नालासोपारा येथील पेल्हार पोलीस ठाणे हद्दीत एक धक्कादायक बाब समोर आली आहे. येथे 3 सख्ख्या अल्पवयीन बहिणींवर लैंगिक अत्याचार केल्याची संतापजनक घटना घडली आहे. 1 वर्षापासून वेगवेगळे नराधम आरोपी त्यांच्यावर लैंगिक अत्याचार करत होते. याप्रकरणी एकूण 4 आरोपींना पोलिसांनी बेड्या ठोकल्या आहे. यातील एक आरोपी सराईत गुन्हेगार आहे. वडील व्यसनाधीन असल्याने या 3 अल्पवयीन मुलींबाबत ही शोकांतिका आली.

या मुलीचे वडील पिढीत मुलींच्या आईला मारहाण करत होते, त्यामुळे त्यांची आई या मुलींना सोडून गेली. मुलींनाही त्यांचे वडील मारहाण करत होते. त्यामुळे गेल्या वर्षी 17 वर्षाची मुलगी घरातून निघून गेली. याच काळात दत्ता क्षीरसागर वय 35 वर्ष या नराधम आरोपीने तिच्या असहाय्यतेचा फायदा घेऊन तिला आसरा दिला आणि तिच्यावर लैंगिक अत्याचार केला. तिला भेटण्यासाठी तिच्या दोन लहान बहिणी तिच्याकडे येत होत्या. या काळात नराधम दत्ता क्षीरसागर याने एका बहिणीवर अत्याचार केला. त्याचे दोन साथीदार निशाद खान वय 19 वर्ष आणि सय्यद अशा दोन व अन्य आरोपींनीदेखील मुलींवर अत्याचार केले. मागील वर्षापासून हा प्रकार सुरू होता. त्यामुळे एक मुलगी गर्भवती राहिली.

अखेर या प्रकरणाला वाचा फुटल्यानंतर पेल्हार पोलिसांनी तिन्ही मुलींची सुटका केली. याप्रकरणी पोलिसांनी तिन्ही आरोपींना बेड्या ठोकल्या आहे. यातील दत्ता क्षीरसागर हा सराईत गुन्हेगार असून, त्याच्यावर राज्यभरातील विविध पोलीस ठाण्यांत सुमारे 400 पेक्षा जास्त गुन्ह्यांची नोंद आहे.

यावेळी पोलिसांनी नराधम आरोपींना वसई न्यायालयात हजर केले असता, त्यांना 20 जूनपर्यंत पोलीस कोठडी देण्यात आली असून, पुढील तपास पोलीस करत आहे.

विश्वरत्न, भारतीय राज्यघटना शिल्पकार डॉ.बाबासाहेब आंबेडकर यांच्या पदस्पर्शाने पावन झालेल्या वडसा दिक्षाभुमीला सौंदर्याने नटविनार : आ.कृष्णा गजभे 

गडचिरोली - :
विश्वरत्न, भारतीय राज्यघटना शिल्पकार डॉ. बाबासाहेब आंबेडकर यांच्या पदस्पर्शाने पावन पवित्र दिक्षाभुमीला सौंदर्याने नटविनार असे प्रतिपादन आ.कृष्णा गजभे यांनी केले आहे 

त्यांनी नुकताच (देसाईगंज) वडसा येथे दिक्षा भुमीच्या सौदर्यीकरण पायाभरणी कामाचे भूमिपूजन केले  आरमोरी विद्यानसभेचे आमदार कृष्णा गजभे यांनी सदर दिक्षाभुमी च्या कामांकरिता लाखोंचा निधी उपलब्ध करून दिला  देसाईगंज वडसा येथील दिक्षाभुमीचा विकास मोठ्या झपाटयाने झाला पाहीजे कारण की विश्वरत्न भारतीय राज्यघटना शिल्पकार डॉ. बाबासाहेब आंबेडकरांच्या पदस्पर्शाने ही भुमी पावण झालेली आहे  त्यामुळे या स्थळांना विशेष महत्व प्राप्त करून देण्याकरीता मी स्वतः विशेष लक्ष देणार आहे. असे आमदार कृष्णा गजभे यांनी सांगीतले. सौदर्गीकरणाच्या उदघाटनाप्रसंगी मंडळाच्या सचिव ममता जांभुळकर अध्यक्षा कविता मेश्राम सदस्य शामला राऊत, सरिता बारसागडे, मारोती जांभुळकर, प्रकाश बारसागडे ' संजय नंदेश्वर, पुरुषोत्तम बडोले आदि सहीत उपस्थित होते

महात्मा ज्योतिराव फुले जनआरोग्य योजना १ जुलैपासून लागू होणार : राज्य सरकारचा निर्णय

वृत्तसंस्था / मुंबई : मुख्यमंत्री एकनाथ शिंदे यांच्या सरकारने विधानसभा निवडणुकांआधी राज्यातील नागरिकांना मोठे गिफ्ट दिले आहे. आता राज्यातील नवी आरोग्य विमा योजना महात्मा ज्योतिराव फुले जनआरोग्य योजना सर्वांसाठी लागू करण्याचा निर्णय घेण्यात आला.

सरकारने या योजनेचा वार्षिक प्रीमियम ६० टक्क्यांनी वाढवून तो ३ हजार कोटी रुपयांहून अधिक केला आहे. नवी योजना १ जुलैपासून लागू होणार आहे.

नव्या आरोग्य विमा योजनेअंतर्गत राज्यातील सर्व नागरिकांना आता दीड लाखांऐवजी पाच लाख रुपयांचा विमा कव्हर मिळेल. २०१२ मध्ये ही योजना लाँच करण्यात आली होती. त्यानंतर आता १२ वर्षांनी या योजनेत इतका मोठा बदल करण्यात आला. या योजनेसाठी राज्य सरकारने नुकतीच निविदा प्रक्रिया निकाली काढली आहे. यासाठी सार्वजनिक क्षेत्रातील विमा कंपनी युनायटेड इंडिया इन्शूरन्सची निवड करण्यात आली आहे. राज्यातील १२.३ कोटी कुटुंबांसाठी सरकार प्रतिकुटुंब १ हजार ३०० रुपये प्रीमियम भरणार आहे. सरकारी आकडेवारीनुसार २०२३-२४ मध्ये ५.७ लाख कुटुंबांनी या योजनेचा लाभ घेतला.

दरम्यान, मागील वर्षी जूनमध्ये उपमुख्यमंत्री देवेंद्र फडणवीस यांनी महात्मा ज्योतिराव फुले जनआरोग्य योजनेतील विमा रक्कम १.५ लाख रुपयांनी वाढवून ५ लाखांची घोषणा केली होती, पण हे लागू करण्यात आले नव्हते. आता विधानसभा निवडणुकांआधी महाराष्ट्र सरकारने निवडणूक आयोगाला ही योजना लागू करण्यासाठी पत्र लिहून परवानगी मागितली होती. आता आचारसंहिता संपल्यानंतर सरकारने ही योजना अंतिम टप्प्यात आणली. मिळालेल्या महितीनुसार आता ही योजना १ जुलैपासून नव्या स्वरुपात पुन्हा लाँच होणार आहे.

नवी योजना लागू होण्याआधी विमाधारकांना याचा लाभ घेण्यासाठी रेशन कार्ड आणि एक लाखांपर्यंतचे वार्षिक उत्पन्न प्रमाणपत्र द्यावे लागत होते. मात्र आता सरकारने हे कागदपत्र जमा करणे गरजेचे नसून सर्व नागरिकांसाठी समान योजना लागू करण्याचे सांगितले आहे. आता उत्पन्नांचीही कोणतीही मर्यादा ठेवण्यात आलेली नाही. या योजनेंतर्गत १ हजार रुग्णालये होती. मात्र, आता वाढवून ती १ हजार ९०० करण्यात आली आहेत.

एका वृद्धाचा गळफास घेतलेल्या अवस्थेत मिळून आला सांगाडा

भद्रावती - :
शहरापासून एका वृद्धाचा  हाडाचा सांगाडा पिपर बोडी येथील जंगलात गळफास घेतला असल्याची पोलिसांना माहिती मिळाली. कपडे व गळ्यातील माळ यावरून मृतदेहाची ओळख पटली. ही घटना दिनांक १५ रोज शनिवारला उघडकीस आली. प्रभाकर दादाजी नक्षीने वय ७२ वर्ष राहणार हनुमान नगर असे मृतकाचे नाव आहे.
 प्रभाकर हे दिनांक २६ मार्च पासून बेपत्ता होते. त्यांच्या कुंटूबियानी इतर शोधाशोध केली परंतु ते मिळाले नाही. त्यानंतर त्यांची बेपत्ता असल्याबाबतची तक्रार भद्रावती पोलिसात देण्यात आली गेल्या तीन दिवसांपूर्वी भद्रावती येथील काही नागरिक पिपर बोडीच्या जंगलात लटकलेल्या अवस्थेत सांगाडा असल्याची चर्चा करत होते ही माहिती ठाणेदार बिपिन इंगळे यांच्यापर्यंत पोहोचतात त्यांनी पिपर बोडी गावापासून सहा किमी अंतरापर्यंत जंगल शोधून काढले असता त्यांना एका झाडावर अंगावर कपडे असलेला सांगाडा दिसला अंगात असलेले कपडे, गळ्यातील माळ व चप्पल यावरून बेपत्ता असलेल्या तक्रारीचा शोध घेण्यात आला. सचिन नक्षीने याचे वडील असल्याची माहिती मिळाली गळ्याला दोर बांधून  गकफास घेतल्याचा पोलिसांनी अंदाज वर्तविला आहे. ही घटना तीन महिन्यापूर्वी असल्याने शरीरावरील संपूर्ण मास गळून पडले होते. वृद्धाचा सांगाडा हा फॉरेन्सिक लॅब मध्ये तपासीसाठी पाठविला असून आत्महत्या की घातपात याचा शोध भद्रावती पोलीस घेत आहेत

खरचं होणार काय अवैध मुरूम  उत्खनन प्रकरणी २३५ कोटी रुपयांचा दंड 

अशोक वासुदेव खंडारे मुख्य संपादक वैनगंगा वार्ता १९

 गडचिरोली दि.१७ :  वडसा (देसाईगंज) या रेल्वे मार्गाच्या भराव्याकरिता अवैध मुरूम उत्खनन प्रकरणी जिल्हा भरारी पथकाच्या सनियंत्रणात मागील तीन दिवसापासून  मोठ्या क्षेत्राची तांत्रिक मोजणीची कार्यवाही  सुरू होती. आज ती पूर्ण झाली असून  संबंधित जेपी इन्फ्रास्ट्रक्चर कंपनीस  तब्बल २ लाख ७३ हजार ३५१ ब्रास अवैध उत्खननाकरिता २३५ कोटी ८ लाख १८ हजार ६०० रुपये दंडाची रक्कम का आकारणी करू नये, याबाबत नोटिस बजावण्यात आली आहे.
चार दिवसांपूर्वी प्रभारी जिल्हाधिकारी विजय भाकरे यांनी गठीत केलेल्या विशेष जिल्हा भरारी पथकाचे प्रमुख   तहसीलदार संजय पवार यांच्या निगराणीखाली ही कारवाई केली गेली. तहसिलदार हेमंत मोहरे यांनी दंड आकारणीच्या नोटीसा बजावल्या . सार्वजनिक बांधकाम विभागाचे उपविभागीय अभियंता संजय भांडारकर, कनिष्ठ अभियंता श्री इंदुरकर, शाखा अभियंता अभिजीत शिनगारे, भूमी अभिलेखचे अभिलेखापाल व्हि. एल. सांगळे व त्यांच्या चमूने अवैध उत्खननाची तांत्रिक मोजणी करून तहसीलदार  गडचिरोली यांच्याकडे  अहवाल सादर केला त्यानुसार पाचपट दंड आकारणी करण्यात आली आहे.

अहवालानुसार खरपुंडी येथे सर्व्हे क्रमांक ५३/२/अ आणि ५४ मध्ये १३ हजार २५७ ब्रास मुरूम उत्खननाकरिता ११ कोटी ४० लाख १० हजार २०० रुपये,  लांजेडा स.क्र. १४/२६ आणि २४० मध्ये ९ हजार ६९९ ब्रास करिता ८ कोटी ३४ लाख११ हजार ४०० रुपये, माडेतुकूम स.क्र.१८ मध्ये १८ हजार ३५८ ब्रास करिता १५ कोटी ७८लाख ७८ हजार ८०० रुपये, गोगाव स.क्र.१८ मध्ये २० हजार ७७५ ब्रास करिता १७ कोटी ८६ लाख ६५ हजार रुपये, अडपल्ली स.क्र.१८ मध्ये ५० हजार १७६ ब्रास करिता ४३ कोटी १५ लाख१३ हजार ६०० रुपये, काटली स.क्र. १४५ आणि २७९मध्ये ५४ हजार ५७५ ब्रास करिता ४६ कोटी ९३ लाख ४५ हजार रुपये, मोहझरी स.क्र. २५, ३२,२१,९व १५ मध्ये ६२ हजार ६१७ ब्रास करिता ५३ कोटी ८५ लाख ६ हजार २०० रुपये आणि साखरा येथे स.क्र. १०२ व १५२ मध्ये ४३ हजार ८९४ ब्रास करिता ३७ कोटी ७४ लाख ८८ हजार ४०० रुपये असे एकूण २ लाख ७३ हजार ३५१  ब्रास अवैध गौण खनिज उत्खनन प्रकरणी २३५ कोटी ८ लाख १८ हजार ६०० रुपये दंडाची गणना करण्यात आली आहे.  याविषयी  तीन दिवसाच्या आत खुलासा सादर करण्याबाबत नोटीस बजावण्यात आली आहे.
 
000

आष्टी पोलीसांनी अवैध दारूसह बावीस लाख रुपयाचा मुद्देमाल केला जप्त 

दोन आरोपी ताब्यात 

आष्टी:-
येथील पोलीसांनी अवैध दारू तस्करांच्या मुसक्या आवळल्या असून बावीस लाख रुपयाचा मुद्देमाल जप्त करण्यात आला असून दोन आरोपी ताब्यात घेतले आहे 
चंद्रपूर जिल्ह्यातून आलापल्ली कडे जात असलेल्या आयशर ट्रक क्रं.एम एच ४० व्हाय १९०५ ला नाकाबंदी करून चेक केले असता सदर वाहनांमध्ये १५००० निपा  देशी दारू किंमत १२००००० लाख रुपये व ट्रक किंमत दहा लाख रुपये असा एकूण बावीस लाख रुपयाचा मुद्देमाल जप्त केला आहे 
ट्रक चालक राजेश फुलनसिंग यादव वय २७ रा जीमलगट्टा ता.अहेरी व अमोल बाजीराव मैस्कर वय ३५ रा. आलापल्ली ता अहेरी यांना ताब्यात घेण्यात आले व कलम ६५,(अ),९८(२),८३ मदाका नुसार कारवाई करण्यात आली आहे 
सदरची कारवाई पोलीस निरीक्षक विशाल काळे यांच्या नेतृत्वाखाली पोलीस उपनिरीक्षक  मानकर, पोलीस उपनिरीक्षक पवार, महिला पोलिस उपनिरीक्षक वनवे,पोहवा मडावी,करमे ,नापो शडमेक,पोशी डोंगरे,तोडासे,राजुरकर,मेदाळे, रायशिडाम  आदिंनी केली आहे

आता ३०२, ३०७ सह अनेक कलमा होणार इतिहास जमा 
१ जुलै पासून प्रत्येक पोलीस ठाण्यांमध्ये आईपीसी ऐवजी बीएनएस लागू

अमरावती : -
 हत्येकरिता ३०२, प्राणघातक हल्ल्याकरिता ३०७, बलात्काराकरिता ३७६ अशा फौजदारी कलमा अगदी जनसामान्यांनाही पाठ झाल्या होत्या, हे तीन अक्षरी आकडे भुवया उंचाविणारे होते. मात्र आता या भारतीय दंड संहिता म्हणजेच आयपीसी च्या या कलमा इतिहास जमा होणार आहेत. सर्व पोलिस स्टेशनमध्ये १ जुलैपासून भारतीय न्याय संहिता म्हणजेच बीएसएस लागू होवून वेगळ्या कलमा दाखल कराव्या लागणार आहे. त्यामूळे पोलिसांनाही आरोपीविरुध्द गुन्हे दाखल करताना वारंवार उजळणी करावी लागेल.

केंद्रीय गृह मंत्रालयाने १ जुलै ही तारीख अधिसूचित केली, जेव्हा भारतीय दंड संहिता आयपीसी, फौजदारी प्रक्रिया संहिता सीआरपीसी आणि भारतीय पुरावा कायदा अस्तित्वात नाहीसे होईल आणि फौजदारी गुन्ह्यांचे सर्व प्रथम माहिती अहवाल एफआयआर नोंदवले जातील. भारतीय न्याय संहिता बीएनएस अंतर्गत अभियोग आणि खटला अंतर्गत नोंदवलेल्या सर्व प्रकरणांमध्ये भारतीय नागरी संरक्षण संहिता बीएनएसएस द्वारे विहित केलेल्या वेळेनुसार पुढे जाईल आणि इलेक्ट्रॉनिक रेकॉर्ड भारतीय पुरावा कायद्या अंतर्गत कायदेशीररित्या स्वीकार्य पुरावे बनतील.

महत्त्वाचे म्हणजे, बिएनएसएसमध्ये सात वर्षे किंवा त्याहून अधिक शिक्षा असलेल्या गुन्ह्यांमध्ये गुन्ह्यातील घटनास्थळाची अनिवार्य फॉरेन्सिक तपासणी करण्याची तरतूद केली आहे, परंतु १ जुलै २०२४ पासून देशभरात एकसमान अंमलबजावणी होणार नाही. बिएनएसएस च्या कलम १७६ (३) मध्ये ज्या राज्यांनी त्यांची संबंधित फॉरेन्सिक क्षमता अद्याप विकसित केलेली नाही, त्यांच्यासाठी पाच वर्षाच्या वाढीव कालावधीची तरतूद केली आहे.

पुर्वीची आयपीसी कलम -

३०२, ३०४ (अ), ३०४(ब), ३०६, ३०७, ३०९, २८६, २९४, ५०९, ३२३, ३२४, ३२६, आरडब्ल्यू ३४, आरडब्ल्यू १४९, ३२५, ३५३, ३३६, ३३७, ३३८, ३४१,५४, ३५४ अ, ३५४ (ब), ३५४ (सी)

आता झालेली बीएनएस -

१०३, १०६, ८०, १०८, १०९, २२६, २८७, २९६, ७९, ११५, ११८(१), ११८(३), ३(५), १९०, ११८(२), १२१, १२५, १२६, ७४, ७५, ७६, ७७

गुन्हा (थोडक्यात) -

हत्या करणे, निष्काळजीपणामुळे इतरांच्या मृत्यूस कारणीभूत ठरले, घरगुती हिंसेतून विवाहितेचा मृत्यु, आत्महत्येकरिता कारणीभूत ठरणे, हत्येचा प्रयत्न करणे, आत्महत्येचा प्रयत्न करणे, घातपाताकरिता स्फोटक लावणे, सार्वजनिक ठिकाणी अश्लिल वर्तवणूक करणे, इलेक्ट्रॉनिक उपकरणाच्या माध्यमातून लैंगिक छळ, मारहाण करुन जखमी करणे, शस्त्राने जखमी करणे, घातक शस्त्राने जखमी करणे, दोन पेक्षा अधिक व्यक्ती गुन्ह्यात सामील असणे, गैरकायद्याची मंडळी जमवून गुन्हा करणे, स्वतहून दुसऱ्याला गंभीर जखमी करणे, शासकीय कामात अडथळा निर्माण करणे, इतरांच्या जिवीतास धोका निर्माण होईल असे कृत्य करणे, एखाद्याची वाट रोखणे महिलेचा विनयभंग करणे महिलेकडे वाईट नजरेने पाहणे, महिलेवर हल्ला चढवून तिला निवस्त्र करणे, एखाद्या महिलेला तिचे खासगी कार्य करताना.

बकरी ईद च्या पार्श्वभुमीवर अवैद्य जनावर तस्करी व दारूचा साठा जप्त : स्थानिक गुन्हे शाखेची कारवाई

चंद्रपूर : स्थानिक गुन्हे शाखा,चंद्रपुर यांची बकरी ईद च्या पार्श्वभुमीवर अवैद्य जनावर तस्करी व अवैधरीत्या दारूचा साठा करणाऱ्या विरुध्द धडक कारवाई करत ३१ लाख ७९ हजार ५०० रुपये चा मुद्देमाल जप्त केले.

पोलीस अधिक्षक मुम्मका सुदर्शन यांनी जिल्हयामध्ये अवैद्य धंद्यावर कडक कारवाई करण्याचे आदेश स्थानिक गुन्हे शाखा चंद्रपूर यांना दिले. त्या अनूशंगाने पो. नी. महेश कोंडावार स्थानिक गुन्हे शाखा चंद्रपूर यांनी पथक नेमूण त्यांना अवैद्य धंद्यावर कारवाई करण्याचे निर्देश दिले १६ जून २०२४ संपूर्ण चंद्रपूर जिल्हा परीसरात अवैद्य धंद्यावर रेड व पेट्रोलींग करित असताना माहीती मिळाली की गोवंश जनावराना कत्तलीसाठी निर्देयतेने कोंबून वाहना मध्ये भरून त्यांना चंद्रपूर मार्गे घेवून जाणार आहे.

अशा माहिती वरून मौजा लोहारा ते चंद्रपूर रोडवरील हनुमान मंदीरा जवळ पंचासह नाकाबंदी केली असता एक अशोक लेयलैंड कपंणीचा दोस्त प्लस वाहना भरधाव वेगाने येत असताना दिसला त्यास ईशारा करून थांबविले असता सदर वाहनाची पंचासमक्ष पहाणी केली असता सदर वाहना मध्ये निर्दयतेने कोंबलेले व त्यांचे पाय, मान दोरी ने बांधून चारा पाण्याची कसलीच व्यवस्था नसलेले एकूण ०७ जिवंत गोवंशीय गाय जनावरे किमंत ७० हजार रू. व एक जूना वापरता अशोक लेयलेंड कपंणीचा दोस्त प्लस कं. एम एच ३४ बि झेड ०१०४ किमंत ५ लाख ५० हजार रू. असा एकुण ६ लाख २० हजार चा माल जप्त करण्यात आला असुन पुढील तपास कामी पोलीस स्टेशन रामनगर यांचे ताब्यात देण्यात आला.

तसेच अवैद्य धंद्यावर रेड व पेट्रोलींग करित असताना माहीती मिळाली की, मौजा सावली येथुन गडचीरोली जिल्हयात तीन वेगवेगळया वाहनामध्ये देशी विदेशी दारूचा साठा अवैधरित्या बाळगुन वाहतूक करित आहे अशा बातमी वरून मौजा पारडी ते सावली रोडवरील रुद्रापूर फाट्या जवळ नाकाबंदी केली असता दोन ईसम ज्युपीटर मो. सा. ने पायलेटींग करित असता मिळून आले व मुखबिरने सांगीतले प्रमाणे तिन वेगवेगळया वाहना मध्ये एकुण ५९ पेटी देशी विदेशी दारूचा मुदेमाल एकुण किमंत २ लाख १४ हजार ५०० रू. व दारू वाहतूकी करिता वापरलेले तिन चारचाकी वाहन व दोन दुचाकी वाहन किमंत २३ लाख ४५ हजार रू असा एकुण २५ लाख ५९ हजार ५०० रू. चा माल एकुण सात आरोपी संगणमत करून वाहतूक करित मिळूण आल्याने त्यांचे कडुन जप्त करण्यात आला असुन पुढील तपास पोलीस स्टेशन सावली यांचे ताब्यात देण्यात आले.

सदरची कारवाई पोलीस अधिक्षक मुम्मका सुदर्शन, अप्पर पोलीस अधिक्षक रिना जनबंधु यांचे मार्गदर्शनाखाली पोलीस निरीक्षक महेश कोंडावार स्थानिक गुन्हे शाखा चंद्रपुर यांचे नेतृत्वात स्था.गु. शा. चे सपोनि मनोज गदादे, पोहवा दिपक डोंगरे, पोशि गोपीनाथ नरोटे, अमोल सावे स्थागुशा चंद्रपूर यांनी केले.

राजीरप्पा धबधब्याच्या पाण्यात बुडून दोन पर्यटकांना जलसमाधी ,नववधू झाली अवघ्या चार दिवसांत विधवा 

अहेरी:-
 गडचिरोली जिल्ह्यातील भामरागड तालुक्यातील प्रसिद्ध बिनागुंडाचा राजीरप्पा धबधब्याच्या पाण्यात बुडून दोघांचा मृत्यू झाल्याची घटना मंगळवारी दुपारी घडली  
 भामरागड तालुक्यातील सुप्रसिद्ध बिनागुंडा येथील राजीरप्पा धबधबा पाहण्यासाठी गेलेल्या दोन पर्यटकांचा धबधब्याच्या पाण्यात बुडून मृत्यू झाल्याची धक्कादायक घटना ११ जून रोजी दुपारच्या सुमारास घडली. नवनीत धात्रक (२८) रा.चंद्रपूर आणि बादल हेमके (३९) रा.आरमोरी हल्ली मुक्काम भामरागड असे या घटनेत मृत्युमुखी पडलेल्या व्यक्तींचे नाव आहेत
अबूझमाड परिसरात निसर्गाने मुक्त उधळण केली आहे. महाराष्ट्र आणि छत्तीसगड या दोन राज्यांच्या सीमेवर बाराही महिने वाहणारा राजिरप्पा धबधबा या भागाचा वैभव आहे. त्यामुळे या मोसमात निसर्गरम्य पर्यटन स्थळाला भेट देण्यासाठी याठिकाणी मोठी गर्दी होत आहे. लाहेरी वरून पुढे १८ किलोमीटर खडतर प्रवास असून देखील बरेच पर्यटक दुचाकी आणि स्थानिक पातळीवरील चारचाकी भाड्याने घेऊन धबधबा पाहण्यासाठी जातात.
भामरागड तालुक्यातील पर्यटन स्थळांना भेट देण्यासाठी चंद्रपूर जिल्ह्यातील नवनीत धात्रक पत्नी मयुरी धात्रक,ताई नेहा बादल हेमके व मुलगी तसेच त्याचा मित्र नानू साळवे त्याची पत्नी आणि छोटासा मुलगा असे ७ जण १० जून रोजी भामरागडात दाखल झाले. सायंकाळच्या सुमारास तालुका मुख्यालयातील पर्यटन स्थळांना भेट देऊन रात्री नवनीत धात्रक याचा भाटवा बादल हेमके यांच्याकडे मुक्काम करून सकाळी बादल हेमके,पत्नी नेहा आणि मुलगी, मेवणा नवनीत धात्रक, पत्नी मयुरी धात्रक आणि मित्र नानु साळवे,त्याची पत्नी आणि मुलगी असे ८ जण ताडगाव येथील चारचाकी वाहन भाड्याने घेऊन बिनागुंडा गाठले.
धबधब्याच्या पाण्यात आंघोळ करताना नवनीत धात्रक खोल पाण्यात बुडत असल्याचे दिसताच बादल हेमके त्याला वाचविण्याचा प्रयत्न केला. यात दोघांचाही बुडून मृत्यू झाला. लगेच हेमके आणि साळवे यांच्या पत्नीनी लाहेरी गाठून आपबीती सांगितल्यावर येथील काही नागरिकांनी मृतदेह पाण्यातून बाहेर काढले. याबाबतची शून्य तक्रार लाहेरी पोलीस मदत केंद्रात दाखल करण्यात आली आहे. रात्री उशिरापर्यंत त्यांचे मृतदेह शवविच्छेदनसाठी भामरागड येथील ग्रामीण रुग्णालयात पाठविण्यात आले. मात्र,रात्रीची वेळ असल्याने शवविच्छेदन होऊ शकले नाही.
नवनीत धात्रक याचे चार दिवसांपूर्वी झालं लग्न
बादल हेमके यांचा मूळ गाव आरमोरी असून ते मागील तीन वर्षापासून भामरागड तालुक्यातील पल्ली ग्रामपंचायतचे सचिव या पदावर कार्यरत आहेत. त्या अगोदर ते चामोर्शी तालुक्यात कार्यरत होते. त्यांची पत्नी नेहा बादल हेमके ह्या चंद्रपूर जिल्हा मुख्यालयात वीज वितरण विभागात लिपिक पदावर कार्यरत आहेत. तर साळा नवनीत धात्रक हा देखील चंद्रपूर येथील रहिवासी असून त्याची पत्नी मयुरी कापकर (धात्रक) ही गडचिरोली जिल्हा मुख्यालयात महिला व बाल रुग्णालयात अधिक परिचारिका या पदावर कार्यरत आहे. विशेष म्हणजे नवनीत धात्रक आणि मयुरी कापकर (धात्रक) यांचा ७ जून रोजी म्हणजे चार दिवसांपूर्वी लग्न झाला होता

भुमी अभिलेख कार्यालयाच्या अनागोंदी कारभारामुळे 75 वर्षीय वृद्ध शेतकरी करणार उपोषण 

गडचिरोली:-

येथील आनंदराव गणुजी कांबळे (वय 75) रा. गडचिरोली यांच्या नावे गडचिरोली येथील जुना
सर्वे नंबर 548/2,549/2 (0.60) हेक्टर आर ही शेती 1995 पासून आहे. त्यांना फेरफार क्रमांक 912,913 असून शेतीवर न विचारता व साधा पत्रही न देता भूमी अभिलेख कार्यालयाने पुनर मोजणी च्या नावाखाली नवीन सातबारा नंबर 513/1 (0.36) व 528/1 (0.24) मुळ मालकाच्या नावाने बनवले. त्यामुळे अजूनही त्या कार्यालयाचे हेलपाटे मारावे लागत आहेत.सदर शेतकऱ्याला कार्यालयाचे कुठलेही हेलपाटे न मारता त्याचे काम पूर्ण व्हावे याकरिता माजी खासदार अशोक नेते यांनी दोन पत्र कार्यलयाला पाठवले त्याचप्रमाणे विद्यमान आमदार डॉ. देवराव होळी यांनी शेतकऱ्याचे काम पूर्ण होण्यासाठी तीन पत्र दिले परंतु अधिकारी त्यांच्या पत्राकडे ढुंकूनही पाहत नसल्याचे दिसून आले आहे.

सदर प्रकरणी उपविभागीय अधिकारी कार्यालय गडचिरोली येथे सर्व लगत धारक शेतकऱ्यांच्या उपस्थित सुनावणी घेण्यात आली व काही त्रुटी पूर्ण करुन 8 दिवसात प्रकरण सादर करण्यासाठी भूमी अभिलेख कार्यालय गडचिरोली ला उपविभागीय कार्यालयाने अवगत केले मात्र कार्यालयाने अजूनही कुठलीही त्रुटी पूर्ण न करता प्रकरण सादर केला. सातबारा दुरुस्ती च्या नावाखाली होणाऱ्या विलंबास जबाबदार कोण ? व माझ्या नावे नवीन सातबारा केव्हा तयार करून देणार ? या मागणीसाठी त्रस्त वृद्ध शेतकरी आनंदराव गणुजी कांबळे (वय 75) रा.

गडचिरोली हे नाइलाजास्तव 24 जून 2024 पासून जिल्हाधिकारी कार्यालयासमोर उपोषणाचा मार्ग स्वीकारत असल्याची माहिती उपोषणाच्या पत्रातून दिली आहे. तसेच जो पर्यंत माझा सातबारा भूमी अभिलेख कार्यालयातून सुधारणा होऊन येत नाही तोपर्यंत मी माझ्या उपोषणावर ठाम राहणार आहे व माझ्या जीवाला काही कमी जास्त झाल्यास सर्व जिम्मेदारी भूमी अभिलेख कार्यालयाची राहील असेही पत्रात नमूद करण्यात आले आहे. सदर गंभीर प्रकरणाकडे प्रशासन काय पाऊल उचलते याकडे लक्ष लागले असून 75 वर्षीय वृद्ध शेतकऱ्याला केवळ सातबारा साठी उपोषणाला बसावे लागत असल्याची वेळ आल्याने प्रशासकीय अधिकाऱ्यांच्या कार्यप्रणालीवरही प्रश्न उपस्थित होत आहे. सातबारा साठी वृद्ध शेतकरी उपोषणाला बसणार असल्यामुळे या प्रकरणाकडे संपूर्ण जिल्हावासियांचे लक्ष्यही लागले आहे.

दोन लाख रुपये बक्षीस असलेल्या नक्षल्यानी केले गडचिरोली पोलीसासमोर आत्मसमर्पण 

गडचिरोली, ता. १०: अनेक हिंसक कारवायांमध्ये सहभागी राहिलेल्या एका नक्षल्याने आज पोलिसांपुढे आत्मसमर्पण केले. किशोर उर्फ मुकेश पेंटा कन्नाके (३७) असे आत्मसमर्पित नक्षल्याचे नाव असून, तो भामरागड तालुक्यातील नेलगुंडा येथील रहिवासी आहे. महाराष्ट्र शासनाने त्याच्यावर २ लाख रुपयांचे बक्षीस जाहीर केले होते.

किशोर कन्नाके यांनी केंद्रीय राखीव दलाच्या अधिकाऱ्यांपुढे आत्मसमर्पण केले. त्यानंतर त्याला गडचिरोली जिल्हा पोलिसांकडे सुपूर्द करण्यात आले. किशोर हा २०१४ मध्ये भामरागड दलममध्ये जनमिलिशिया सदस्य म्हणून सहभागी झाला. २०१५ मध्ये दंडकारण्य किसान मजदूर संघटेचा अध्यक्ष आणि पुढे २०१८ मध्ये नक्षल्यांच्या क्रांतिकारी जनता समितीचा सदस्य म्हणून २०२२ पर्यंत तो कार्यरत होता.

३ चकमकी, ४ खून आणि जाळपोळीच्या ४ घटनांमध्ये त्याचा सहभाग होता. २०१७ मध्ये दरबा पहाडावर, २०२१ मध्ये कोपर्शी आणि २०२२ मध्ये पेनगुंडा जंगलात पोलिसांशी झालेल्या चकमकीत त्याचा सहभाग होता. २०१५ मध्ये मल्लमपोडूर तलावाजवळच्या रस्त्यावर एका नागरिकाचा झालेला खून, २०१८ मध्ये गोंगवाडा टी पॉईंटजवळ झालेला एका महिलेचा खून, २०१९ मध्ये जुव्वी नाल्याजवळ झालेली एका इसमाची हत्या आणि २०२३ मध्ये पेनगुंडा-गोंडवाडा रस्त्यावर झालेल्या एका नागरिकाच्या हत्येत त्याचा सहभाग होता.

शिवाय २०२१ मध्ये मरकनार-मुरुमभुशी मार्गावर, २०२२ मध्ये बोटनफुंडी-विसामुंडी, तसेच पेनगुंडा आणि २०२३ मध्ये हिदूर गावाजवळच्या जंगलात झालेली बांधकामावरील यंत्रे आणि वाहनांच्या जाळपोळीत किशोर कन्नाकेचा सहभाग होता, अशी माहिती पोलिसांनी दिली. किशोरला केंद्र व राज्य शासनाकडून एकूण साडेचार लाख रुपये मिळणार आहेत.

२०२२ पासून आतापर्यंत १५, तर आत्मसमर्पण योजना सुरु झाल्यापासून ६६३ नक्षल्यांनी पोलिसांपुढे आत्मसमर्पण केले आहे.

केंद्रीय राखीव दलाचे उपमहानिरीक्षक जगदीश मीणा, गडचिरोलीचे पोलिस अधीक्षक नीलोत्पल, केंद्रीय राखीव दलाच्या ३७ बटालियनचे कमांडंट एम.एच. खोब्रागडे यांच्या मार्गदर्शनात आत्मसमर्पणाची प्रक्रिया पार पडली.

तक्रार नोंदवन्यासाठी गेलेल्या तरुणीला उपविभागीय पोलीस अधिकारी अशोक बागुल यांनी केली शरीर सुखाची मागणी 

उपविभागीय पोलिस अधिकारी यांच्यावर विनयभंगाचा गुन्हा दाखल 

भंडारा : -
प्रेमप्रकरणात दगा दिलेल्या प्रियकराच्या विरोधात तक्रार करण्यासाठी आणि न्याय मागण्यासाठी गेलेल्या एका तरुणीला शरीर सुखाची मागणी करणाऱ्या भंडारा उपविभागीय पोलीस अधिकाऱ्याविरोधात भंडारा पोलीस ठाण्यात विनयभंगाचा गुन्हा दाखल करण्यात आला आहे. या प्रकारामुळे पोलीस विभागात एकच खळबळ उडाली आहे.

लाखनी तालुक्यातील एक तरुणी नागपूर येथे इंजिनिअरींगचे शिक्षण घेत होती. तिथे तिची ओळख एका तरूनासोबत झाली. ओळखीचे रूपांतर प्रेमात झाले. प्रेमात दोघांनीही आणाभाका घेतल्या काही वर्षांनंतर तरुणीने प्रियकराकडे लग्नाचा हट्ट धरल्यानंतर त्याने टाळाटाळ करण्यास सुरुवात केली. तरुणीला त्याच्यावर संशय आला त्यामुळे तिने लग्नासाठी गळ घातली. त्यावेळी त्याने तिला स्पष्ट नकार दिला. खचलेल्या तरुणीने आत्महत्येचा प्रयत्नही केला. मात्र सुदैवाने ती बचावली. त्यानंतर तिने प्रियकराविरोधत तक्रार करण्याचा धाडसी निर्णय घेतला. तरुणीने त्याच्या विरोधात तक्रार करण्यासाठी भंडारा उपविभागीय पोलीस अधिकारी अशोक बागुल यांच्याकडे एका महिलेसोबत गेली असता भंडारा उपविभागीय पोलीस बागुल यांनी या तरुणीला पुन्हा एकटे येण्यास सांगितले. तरुणीला पोलीस अधिकाऱ्याचा उद्देश न कळल्याने ती पुन्हा तक्रार देण्यासाठी बागुल यांच्याकडे गेली. त्यावेळी त्यांनी तिला तिचे काम करून देण्यासाठी शरीर सुखाची मागणी केली. या प्रकारामुळे खचून गेलेल्या तरुणीने या बाबतची माहिती सामाजिक संघटनेला दिली. प्रकरणाचे गांभीर्य लक्षात घेऊन पोलीस अधीक्षकांकडे निवेदन देण्यात आले. चौकशीअंती पोलीस अधीक्षक लोहित मतानी यांनी गुन्हा दाखल करण्याचे आदेश दिले. अखेर तरुणीच्या तक्रारीवरून भंडारा पोलिसांनी उपविभागीय पोलीस अधिकारी अशोक बागुल यांच्या विरोधात 354 अ,509 कलमान्वये गुन्हा दाखल केला आहे. या प्रकारामुळे शहरासह जिल्ह्यात एकच खळबळ उडाली आहे

सासऱ्याची हत्या घडवून आणणाऱ्या गडचिरोलीच्या नगररचनाकार अर्चना पार्लेवार यांना अटक

गडचिरोली,
 नागपूर येथील वडीलोपार्जित
सुमारे 300 कोटींच्या संपत्तीच्या वादातुन स्वतः च्या सासऱ्याची कट रचुन हत्या केल्या प्रकरणी गडचिरोली येथील नगररचनाकार अर्चना पुट्टेवार (पार्लेवार) हिच्यासह इतर दोघांना पोलीसांनी अटक केली आहे.

नागपूर येथील शुभमनगर परिसरात राहणारे पुरुषोत्तम पुट्टेवार यांचा 22 मे रोजी मानेवाडा चौकाजवळ कारच्या धडकेल मृत्यू झाला होता. त्यांची सुमारे 300 कोटींची वडिलोपार्जित संपत्ती असुन त्यांच्या कुटुंबात पत्नी शकुंतला, मुलगा डॉ. मनीष, सुन अर्चना पुट्टेवार व मुलगी आहे. दरम्यान पुरुषोत्तम पुट्टेवार यांच्या पत्नी शकुंतलाचे ऑपरेशन झाल्याने ते दवाखान्यातून मुलीच्या घरी जात असतांना कारच्या धडकेत पुरुषोत्तम पुट्टेवार यांचा मृत्यू झाला. सदर अपघाताबाबत पुरुषोत्तम यांच्या चुलत भावाला संशय आल्याने त्यांनी पोलीस आयुक्तांची भेट घेतली व तपासाला वेग आला. तपासाअंती त्यांच्या घरातील कारचालक सार्थक बागडे यांची भूमिका संशयास्पद आढळल्याने चौकशी केली असता सचिन धार्मीक व नीरज निमजे उर्फ नायटी यांना पोलीसांनी चौकशीअंती ताब्यात घेतले असता त्यांनी पुरुषोत्तम यांची हत्या केल्याचे उघड झाले. विशेष म्हणजे या प्रकरणात आरापींनी दिलेल्या बयाणानुसार पुरुषोत्तम पुट्टेवार यांची सुन व डॉ. मनीष यांची पत्नी अर्चना पुट्टेवार यांनी चालकाला पुरुषोत्तम पुट्टेवार यांच्या हत्येची सुपारी दिल्याची धक्कादायक बाब स्पष्ट झाली. त्यामुळे पोलीसांनी अर्चना पुट्टेवार हिला अटक केली आहे. 
मालमत्तेचा मोह नडला

अर्चना पुट्टेवार (पार्लेवार) हया गडचिरोली येथे नगररचन सहायक संचालक म्हणून कार्यरत आहेत. त्याच्या सासऱ्याच्या वडिलोपार्जित सुमारे 300 कोटींची संपत्ती असल्याने अर्चना पोर्लेवार यांनी त्या मालमत्तेच्या मोहात सासऱ्याच्या हत्येचा कट रचुन सुपारी देवून हत्या केली. मात्र हाच संपत्तीचा मोह आता त्यांना नडला असुन सासऱ्याच्या हत्ये प्रकरणी अर्चना पार्लेवार यांना अटक करण्यात आली आहे.

दरम्यान अर्चना पार्लेवार हया गेल्या तीन वर्षापासून गडचिरोली नगररचना विभागात नगररचना सहाय्यक संचालक म्हणून कार्यरत आहे. तिच्याकडे चंद्रपूर जिल्ह्याचाही प्रभार आहे. आपल्या कार्यकाळात नगरक्षेत्रातील विकास आराखडा मंजूर करतांना मोठा घोळ केल्याची चर्चाही रंगू लागली आहे. तर गडचिरोली शहरालगत अवैधरित्या अकृषक केल्याच्या तक्रारी असल्याचे समजते. तर तिच्या अवैध संपत्ती बाबत चौकशी केल्यास मोठा घोळ बाहेर येण्याची शक्यता असुन तिच्या अटेकेने आता गडचिरोली शहरातील भूमाफियांमध्ये खळबळ उडाल्याचे बोलल्या जात असुन अर्चना पार्लेवार यांच्याकडून पदभार काढून इतरांकडे देण्यात यावे असेही बोलल्या जात आहे.

स्वतः हच्या जन्मदातत्याला जीवानीशी ठार करुन, दुकानात लपवला मृतदेह

गोंदीया:-
 जन्मदात्याला ठार करुन आपल्या दुकानात प्रेत ठेऊन शोधण्याचा बनाव करणारा मुलगा शेवटी पोलीसांनी शोधला 

वडिलांसाठी मुलं आणि मुलांसाठी आपले पालक सगळ्यात महत्त्वाचे असतात. हे नातं प्रेमाचं, काळजीचं, आपुलकीचं आणि विश्वासाचं असतं. मात्र, कधीकधी अशा काही घटना समोर येतात, ज्या सगळ्यांनाच हादरवून सोडतात. अशीच एक घटना आता समोर आली आहे. गोंदिया जिल्ह्यातील तांडा या गावातील रामलाल कांबळे (४८) यांना दारू पिण्याची सवय होती.

मुलांनी वारंवार समजावून सुद्धा रामलाल यांचं दारूचं व्यसन मात्र सुटत नव्हतं.

या सगळ्याला कंटाळून रामलाल यांचा मुलगा राकेश कांबळे याने आपल्या दुकानामध्येच हातोड्याने वार करून आपल्या वडिलांचा खून केला. यानंतर दुकान बंद करून निघून गेला. यानंतर वडील बेपत्ता झाल्याचा बनाव करून दोन दिवसापासून परिसरातील नागरिकांसोबत वडिलांचा शोध घेत राहिला. घटनेचं गांभीर्य ओळखून पोलिसांनी प्रकरणाची चौकशी केली, त्यावेळी राकेशवर संशय आला आणि स्वान पथकामुळे अखेर घटनेचा खुलासा झाला
पोलीसांनी मुलाला अटक केली आहे

गौण खनिज अवैध उत्खननात कंत्राटदाराला मदत करणाऱ्या वनकर्मचाऱ्यांच्या निलंबनासाठी वाघाडे यांचा ठिया आंदोलन 

गडचिरोल्ली;- जिल्ह्यातील एटापल्ली तालुका हा
वनसंपदा असलेला तालुका आहे. या तालुक्यात अनेक विकासकामे सुरू आहेत. विकासकामे करतांना कंत्राटदार त्याला लागत असलेला अवैध मुरुम, माती, गिट्टी ही वनपरिक्षेत्रातून उत्खनन करून वाहतूक करुन कामासाठी वापरत असतात. यामध्ये त्या वनपरिक्षेत्रातील अधिकारी व कर्मचारी यांच्या संगनमताने हे काम केले जाते. मेंढरी- गर्देवाडा रा.मा. या कामासाठी कंत्राटदाराने खूप मोठ्या प्रमाणात मुरूम, गिट्टी अवैधरीत्या उत्खनन केले आहे. तसेच रेक्कलमट्टा ते रेंगाटोला या रस्ता बांधकामा दरम्यान सुद्धा गट्टा व एटापल्ली वनपरिक्षेत्रातून खूप मोठ्याप्रमाणात अवैध प्रमाणात मुरूम उत्खनन केला गेला आहे याबाबत श्रीकृष्णा वाघाडे यांनी मागील ३ महिन्यापासून तक्रार करूनसुद्धा यावर काहीही कार्यवाही करण्यात आली नाही त्यामुळे आजपासून मुख्य वनसंरक्षक (प्रादे.) कार्यालय गडचिरोली समोर बेमुदत ठिय्या आंदोलन सुरू केले आहे.

जेव्हा पर्यंत वनपरीक्षेत्र अधिकारी, क्षेत्र सहाय्यक, वनरक्षक यांना तात्काळ निलंबित करण्यात येत नाही व कंत्राटदारावर कार्यवाही करण्यात येत नाही तेव्हा पर्यंत सदर बेमुदत ठिय्या आंदोलन सुरू राहील.

सदर ठिय्या आंदोलनास श्रीकृष्णा वाघाडे, रविंद्र सेलोटे बसलेले आहेत.

एस टी महामंडळाच्या बस मध्ये वाढले चोरीचे प्रमाण,याला आळा घालणार कोण?

गडचिरोली:-
महाराष्ट्र शासनाच्या एसटी बसमध्ये चोरीचे प्रकार वाढले असून याला आळा घालणार तरी कोण असा प्रश्न उपस्थित होतो आहे 
गडचिरोली आगाराची बस गडचिरोली मौशीखाब २ वाजता जाणारी एस.टी. तत्बल साडेतिन वाजता उशिरा सुटली त्यामुळे सदर बसमधे जाणाऱ्यांची तोबा गर्दी झाली. बसमधील गर्दीचा फायदा घेऊन भुरट्या चोरट्यांनी दोन व्यक्तींच्या पैसाची चोरी केली. हि घटना आबेशिवणी येण्यापूर्वीच घडली परतु ज्यांची चोरी झाली त्यांना मौशिखाब उतरल्यावर माहीती झाली. गर्दीमधे चोर सापडला नाही. दि. ६ जुन ला गडचिरोली आगारांची बस उशिरा मौशीखाब कडे निघाली त्यामुळे बसमधे प्रचंड गर्दी झाली व या गर्दीचा फायदा घेऊन चोरट्यांनी लालाजी मेश्राम मौशीखाब यांच्या खिश्यातुन साडेनव हजार रुपयावर डल्ला मारला. लालाजी मेश्राम हा  तेंदूपत्ता बोद भरतीवरून गावाकडे मौशीखाबला जात होता.त्याची पुर्ण कमाई चोरीस गेली. जिजाबाई मसराम गोगाव हि लग्नाला जात होती. तिचीही 3 हजार रुपयाची चोरी झाली. सदर बाब बस कंडक्टर यांना सांगीतले परतु चोराला रंगेहाथ कुणीही पकडू शकले नाही त्यामुळे चोरट्याचे फावले. अश्या घटना अनेकदा घडल्या असल्याचे प्रवासांनी सांगीतले. खेडेगावातही
जाणाऱ्या बसमधे चोरी होत असेल तर याला जबाबदार कोण असा प्रश्न उपस्थित होतो आहे

विनापरवाना अवैध सावकारी करणाऱ्यांवर सावकारी कायद्यानुसार कार्यवाही करा

शिवसेना भारतीय कामगार संघटनेचे चंद्रपुर जिल्हाध्यक्ष तथा शिवसेना तालुका प्रमुख संतोष पारखी यांची पालकमंत्री, जिल्हाधिकारी, सहाय्यक निबंधक व पोलिस अधिक्षकांना निवेदनाद्वारे मागणी.

चंद्रपुर:- जिल्ह्यातील विनापरवाना व अवैध सावकारी करणाऱ्या बेकायदेशीर सावकारांना पायबंध घालण्यासाठी महाराष्ट्र सरकारच्या सावकारी कायद्याची काटेकोरपणे अंमलबजावणी करण्याचे संबंधितांना आदेश देवुन सावकारांकडून कर्ज घेणाऱ्या शेतकरी, मजूर व शेतमजूऱ्यांचे होणारी आर्थिक पिळवणूकीला आळा घालून मानसिक व शाररिक शोषणाला जबाबदार सावकारांवर कायदेशीर कडक कार्यवाही करण्यासंदर्भात शिवसेना भारतीय कामगार संघटनेचे चंद्रपुर जिल्हाध्यक्ष तथा शिवसेना तालुका प्रमुख संतोष पारखी यांची पालकमंत्री, जिल्हाधिकारी, सहाय्यक निबंधक व पोलिस अधिक्षकांना निवेदनाद्वारे मागणी करण्यात आली
चंद्रपुर जिल्हा हा औद्योगिक जिल्हा असून त्याचबरोबर शेती व्यवसाय करुन शेतकरी व शेतमजूऱ्यांची संख्या देखील मोठ्या प्रमाणात आहे. बळीराजाचा हंगामा सुरु झाल्याने नाइलाजस्तव शेतकऱ्यांना पिक व शेतीसाठी सावकारांकडून कर्ज घ्यावे लागत असल्यामुळे याच संधी फायदा घेत चंद्रपुर जिल्ह्यातील विनापरवाना व अवैध सावकारी करणारे वर्षानुवर्षे अव्याढव्य व्याज वसूल करुन शेतकरी, मजूर व शेतमजूऱ्यांचे आर्थिक पिळवणूक करुन मानसिक व शाररीक शोषण देखील केले जात असल्याचे निदर्शात येत असल्यामुळे महाराष्ट्र सरकारच्या सावकारी कायद्याचे काटेकोरपणे अंमलबजावणी करण्याचे संबंधितांना आदेश देवुन जबाबदार सावकारांवर कायदेशीर कडक कार्यवाही करण्यात यावी.

बेकायदेशीर सावकारीच्या समूळ उच्चाटनासाठी महाराष्ट्र शासनाने बेकायदेशीर सावकारांना पायबंध घालण्यासाठी शासनाने महाराष्ट्र सावकारी (नियमन) अध्यादेश 2014 कायद्यानुसार विनापरवाना सावकारी करणाऱ्यास पाच वर्षापर्यंत कैदेची शिक्षा किंवा 50 हजार रुपयांपर्यंतच्या दंडाच्या शिक्षेची तरतूद असताना देखील बेकायदेशीर व अवैध सावकारीला लगाम बसविण्यात प्रशासन असमर्थ ठरत असून अपरिहार्य कारणास्तव सावकारांकडून कर्ज घेणारे शेतकरी, मजूर व शेतमजूऱ्याची आर्थिक पिळवणूक होत असल्याने निदर्शात येत आहे.

परवानाधारक सावकारांनी शेतकऱ्यांना पिकासाठी व शेतीसाठी कर्ज देताना स्थावर मालमत्ता तारण घेता न येणे, कर्जाच्या मुद्दलापेक्षा जास्त व्याज न घेणे, कार्यक्षेत्राबाहेर सावकारी व्यवसाय करणे, दुसऱ्याच्या नावावर सावकारी करणे, कोरी कागदपत्रे न घेणे, हिशेब पुस्तके, नोंदवह्या ठेवणे, व्याजावर व्याज न लावणे, शासनाने निश्चित केलेले व्याजदर आकारणे बंधनकारक आहे. तसेच कर्जदाराला कर्जखाते उतारा सावकाराने देणे, दर तीन महिन्याला पावती देणे बंधनकारक, दंड व शिक्षेची तरतूद, असून दरवर्षी सावकारी परवान्याचे नुतनीकरण बंधनकारक केले असतांना देखील अपरिहार्य कारणास्तव कर्ज घेणाऱ्या कर्जदारांस मिळणाऱ्या संरक्षणाचे हनन केल्या जात आहे.

या सर्व बाबींचा विचार करुन बेकायदेशीर सावकारीला चाप लावण्यासाठी आणि परवानाधारक सावकारांवर बंधनासाठी महाराष्ट्र सावकारी (नियमन) अध्यादेश-2014 ह्या कायद्याची काटेकोरपणे अंमलबजावणी करण्याचे आदेश संबंधितांना देवुन परवानाधारक सावकारांचे सर्व आवश्यक अभिलेख तपासून या तरतुदींचे पालन न करणाऱ्यांवर कार्यवाही करुन बेकायदेशीर सावकारीपासून कर्जदाराला होत असलेल्या मानसिक व आर्थिक पिळवणूकीला आळा घालण्यास उपाय योजना करण्याची मागणी जिल्हाधिकारी यांना करता वेळेस शिवसेना वैद्यकीय जिल्हाप्रमुख अरविंद धिमान, उपतालुका प्रमुख गुरुदेव मेश्राम, उपमहानगर प्रमुख विश्वास खैरे, पत्रु भोयर, विठ्ठल लोनबले, शंकर आस्वले, संदीप शिवणकर आदींची उपस्थिती होती.

गडचिरोली पोलिसांनी केले  छत्तीसगढ नक्षल्यांचे शिबिर उद्ध्वस्त 

गडचिरोली:-
 छत्तीसगड राज्याच्या
सीमावर्ती भागात कोरची तालुक्यातील भिमनखोजी गावानजीकच्या जंगलात शुक्रवारी (दि.७) गडचिरोली पोलिसांनी नक्षल्यांचे शिबिर उदध्वस्त केले भिमनखोजी जंगलात पोलिसांचा घातपात करण्याच्या हेतूने नक्षली एकत्र आले होते. ही माहिती मिळताच गुरुवारी संध्याकाळी अप्पर पोलिस अधीक्षक कुमार चिंता यांच्या नेतृत्वात सी-६० पथक आणि केंद्रीय राखीव दलाच्या जवानांनी त्या भागात नक्षलविरोधी अभियान राबविले. पोलिसांचा दवाब पाहून नक्षली पळून गेले. त्यानंतर पोलिसांनी घटनास्थळावरुन पिट्टू, औषध, पुस्तके आणि अन्य साहित्य ताब्यात घेतले, याची पोलिस अधीक्षक नीलोत्पल यांनी दिली असून पुढील कारवाई करण्यात तत्पर राहावे असे मार्गदर्शन केले आहे

अखिल भारतीय रिपब्लिकन पक्षाकडून नवनिर्वाचित खा.डॉ. किरसान यांचा सत्कार 

गडचिरोली- :
गडचिरोली चिमूर लोकसभा क्षेत्रातून निवडून आलेले काँग्रेस महाविकास आघाडीचे खासदार डॉ नामदेव किरसान यांचा अखिल भारतीय रिपब्लिकन पक्षाच्या कार्यकर्त्यांनी सत्कार केला. 
   रिपब्लिकन पक्षाच्या कार्यकर्त्यांनी डॉ किरसान यांच्या कार्यालयात भेट घेऊन पक्षाचे केंद्रीय उपाध्यक्ष रोहिदास राऊत यांचे हस्ते शॉल आणि पुष्पगुच्छ देऊन डॉ किरसान यांचा सत्कार केला. यावेळी पक्षाच्या अन्य कार्यकर्त्यांनीही नवनिर्वाचित खासदारांचे अभिनंदन करून त्यांना शुभेच्छा दिल्या. 
   काँग्रेसचे जिल्हाध्यक्ष महेंद्र ब्राह्मणवाडे, रिपब्लिकन पक्षाचे जिल्हाध्यक्ष हंसराज उंदीरवाडे, प्रदेश सचिव केशवराव समृतवर, विधान सभा प्रभारी प्रदीप भैसारे, जिल्हा सरचिटणीस प्रल्हाद रायपुरे, कार्यालय  सचिव अशोक खोब्रागडे, युवा अध्यक्ष नरेंद्र रायपुरे , पुण्यवान सोरते,  शहर अध्यक्ष अनिल बारसागडे , तालुका सचिव विजय देवतळे, कैलास रामटेके,  महिला आघाडीच्या कल्पना रामटेके, कविता वैद्य व अन्य कार्यकर्ते उपस्थित होते. 
   काँग्रेसचे पदाधिकारी सुनील चडगुलवार, रजनीकांत मोटघरे, रुपेश टिकले हे सुद्धा उपस्थित होते

अखेर प्रादेशिक विकास महामंडळ धान खरेदी अपहारातील व्येंकटी बुर्ले व गजानन कोटलावार या आरोपींना ठोकल्या बेड्या 

सहा कोटी दोन लाख त्र्यानंव हजार आठशे पंचेचाळीस रुपयाचा केला अपहार 

गडचिरोली:-

  गडचिरोली जिल्ह्यातील    शेतक­ऱ्यांनी पिकविलेल्या शेतमालाला आधारभुत किंमत देण्याकरीता शासन विविध योजना राबवित असतात. राज्य शासनाचा उपक्रम असलेल्या महाराष्ट्र सहकारी आदिवासी विकास महामंडळामार्फत शेतक­ऱ्यांनी पिकविलेले धान विविध खरेदी केंद्रावर खरेदी केल्या जाते. खरेदी केलेल्या धानाची प्रादेशिक कार्यालय समिती स्तरावर मा. जिल्हाधिकारी यांचे मान्यतेने नेमलेल्या मिलर्सकडुन बँक गॅरंटीच्या प्रमाणात धानाचे वितरण केले जातात. जावक धानाचे वितरण आदेश मिलर्स व खरेदी केंद्रावरील केंद्रप्रमुख यांच्या स्वाक्षरीने वजन पावत्यासह उपप्रादेशिक कार्यालयास सादर केले जातात. मिलर्स उचल केलेल्या धानाची भरडाई करुन तयार होणार तांदुळ जिल्हा पुरवठा अधिकारी यांचे अधिनस्त गोदामात जमा करण्यात येतो. जमा केलेल्या तांदळाच्या स्विकृत पावत्या मिलर्सद्वारा प्रादेशिक कार्यालयात सादर करण्यात येतात. परंतू, काही अधिकारी/कर्मचारी यात गैरप्रकार करुन आपले आर्थिक हितसंबंध साधतात. 

    गडचिरोली जिल्ह्रातील उपप्रादेशिक कार्यालय, घोट अंतर्गत मार्कंडा (कन्सोबा) येथील धान खरेदी केंद्रात खरेदी योजना हंगाम 2022-2023 या दरम्यान अपहार झाल्याच्या तक्रारीवरुन महाराष्ट्र सहकारी आदिवासी विकास महामंडळातर्फे चौकशी करण्यात आली. सदर चौकशित मार्कंडा (कन्सोबा) येथील धान खरेदी केंद्रात खरेदी योजना हंगाम 2022-2023 या दरम्यान एकुण 59947.60 Ïक्वटल धान खरेदी झाली होती. त्यापैकी प्रत्यक्ष 31532.58 Ïक्वटल धान जावक झालेला आहे. परंतु मिलर्सना दिलेल्या एकुण वितरण आदेशापैकी 28415.02 Ïक्वटल धान प्रति Ïक्वटल 2040/- रुपये प्रमाणे 5,79,66,640/- रुपयांचा मिलर्सना प्राप्त झाला नाही, तसेच गोदामात देखील शिल्लक नाही. त्याचप्रमाणे, महामंडळातर्फे पुरविण्यात आलेल्या एकुण बारदाण्यापैकी 71038 नग, प्रति नग 32.76/- रुपये प्रमाणे 23,27,204/- रुपयांच्या बारदाण्यांचा असा एकुण 6,02,93,845/- रुपयांचा अपहार झाल्याचे चौकशीअंती निष्पन्न झाले. याकरीता, तत्कालीन केंद्रप्रमुख, मार्कंडा (कं),आष्टी व्येकटी अंकलू बुर्ले, विपनन निरीक्षक आर.एस.मडावी, प्रभारी उपप्रादेशिक व्यवस्थापक व्ही.ए.कुंभार, तत्कालीन प्रादेशिक व्यवस्थापक, आ.वि.महा. गडचिरोली जी.आर.कोटलावार असे जबाबदार असल्याचे, प्रभारी प्रादेशिक व्यवस्थापक, म.रा.सह.आदिवासी विकास महामंडळ मर्या. गडचिरोली यांच्या लेखी फिर्यादीवरुन पोलीस स्टेशन आष्टी येथे कलम – 420, 409, 465, 468, 471, 34 अन्वये गुन्हा दाखल करण्यात आला. 

गुन्हा दाखल होताच पोलीसांनी तपासाची गती तीव्र करुन आरोपी नामे (1) व्यंकटी अंकलु बुर्ले, वय 46 वर्षे, व्यवसाय - नोकरी (कनिष्ठ सहाय्यक आदिवासी विकास महामंडळ व तत्कालीन केंद्र प्रमुख, मार्कंडा (कं), आष्टी) रा. आष्टी  ता. चामोर्शी, जि. गडचिरोली (2) गजानन रमेश कोटलावार, वय 36 वर्षे, व्यवसाय - नोकरी (निलंबित प्रादेशिक व्यवस्थापक, आदिवासी विकास महामंडळ, यवतमाळ व तत्कालीन प्रादेशिक व्यवस्थापक, आदिवासी विकास महामंडळ, गडचिरोली) रा. कुंदलवाडी ता. बिलोली जि. नांदेड यांना गडचिरोली पोलीसांनी अटक केले असुन त्यांना मा. न्यायदंडाधिकारी, चामोर्शी यांचेसमक्ष हजर केले असता, त्यांची दिनांक 15/06/2024 रोजी पावेतो पोलीस कोठडी रिमांड मंजुर केलेली आहे. सदर गुन्ह्राचे तपासात राकेश सहदेव मडावी, वय 34 वर्षे, व्यवसाय – नोकरी (प्रतवारीकार आ.वि.म.घोट) यांना ताब्यात घेण्यात आले असुन गुन्ह्रासंबंधाने त्याचेकडे विचारपुस सुरु आहे.

चामोर्शी तालुक्यात वीज पडून दोघे ठार, दोघे  गंभीर जखमी

गडचिरोली:

जिल्ह्यातील चामोर्शी तालुक्यात वेगवेगळ्या ठिकाणी गुरूवारी (दि ६) सायंकाळी वीज पडून दोघांचा मृत्यू झाला, तर दोघे जखमी झाले आहेत. गुरुदास मनिराम गेडाम (वय ४२, रा. गोवर्धन) आणि वैभव देवेंद्र चौधरी (वय २१, रा. शंकरपूर हेटी) अशी मृतांची नावे असून नीळकंठ भोयर (रा. तळोधी, मोकासा) व लेकाजी नैताम (रा. मारोडा) हे दोघे जखमी झाले आहेत. त्यांच्यावर गडचिरोली येथील जिल्हा सामान्य रुग्णालयात उपचार सुरु आहेत.

चामोर्शी तालुक्यात आज सायंकाळी पाचच्या सुमारास जोरदार वादळ आले. त्यानंतर मेघगर्जना आणि विजांचा कडकडाट सुरु झाला. याच सुमारास गोवर्धन येथील गुरुदास गेडाम हे वैनगंगा नदीच्या काठावर लाकडी नाव बनवत होते. एवढ्यात त्यांच्या अंगावर वीज कोसळल्याने ते जागीच ठार झाले. दुसऱ्या घटनेत शंकरपूर (हेटी) येथील वैभव चौधरी या युवकावरही वीज कोसळली. त्याला रुग्णालयात हलविण्यात आले. परंतु उपचारादरम्यान त्याचा मृत्यू झाला. आणखी एका घटनेत तळोधी येथील नीळकंठ भोयर आणि लेकाजी नैताम हे वीज पडल्याने जखमी झाले. त्यांच्यावर गडचिरोली येथील जिल्हा सामान्य रुग्णालयात उपचार सुरु आहेत. कुनघाडा व तळोधी परिसरात वादळ आणि त्यानंतर जोरदार पाऊस आल्याने अनेकांच्या घरांवरील छताचे नुकसान झाल्याची माहिती समोर आली आहे.

 ग्रामपंचायत प्रशासना विरोधात ग्रामस्थांचे बेमुदत  आंदोलन.

गडचिरोली:-:-

जिल्ह्यातील आरमोरी तालुक्यातील कोजबी ग्रामपंचायत अंतर्गत येत असलेल्या सोनपूर येथे बाहेर गावातील व्यक्तींनी आबादी जागेवरती अतिक्रमण केल्याने येणाऱ्या काळात त्या गावातील लोकांसाठी एकही जागा शिल्लक नसल्याने या अतिक्रमणाच्या विरोधात व इतर मागण्यांसाठी पेसा समिती व सोनपूर येथील सर्व नागरिकांच्या वतीने दिनांक 6 जून 2024 पासून कोजबी ग्रामपंचायत कार्यालय समोर बेमुदत साखळी आंदोलन सुरू केले असून
यापूर्वी हे अतिक्रमण काढण्यासाठी सोनपूर पेसा समिती व गावकऱ्यांनी वारंवार ग्रामपंचायत कार्यालय तथा वरिष्ठ कार्यालयांना पत्र व्यवहार केला परंतु या पत्रव्यवहाराची दखल न घेतल्याने शेवटी नागरिकांनी आंदोलनाचा पवित्र घेतला असून जोपर्यंत सोनपुर येथील अतिक्रमण पेसा समितीच्या ठरावाची अंमलबजावणी करणे,ग्रामपंचायत प्रशासनाने गाव नमुना 8 अ वर बाहेरील व्यक्तींची व जागेची गरज नसलेल्या व्यक्तींची नोंद करू नये, बाहेरील व्यक्तींचे सुरू असलेले घर बांधकाम बंद करावे,रस्त्यालगत असलेले खताचे खड्डे हटविणे,पाणी टंचाईवर उपाय योजना करणे व इतर मागण्यांसाठी सोनपुर पेसा समिती व गावकऱ्यांनी बेमुदत आंदोलन सुरू केले असून मागण्यांवर तोडगा निघत नाही तोपर्यंत आंदोलन सुरूच राहणार असल्याचे आंदोलकांनी सांगितले आहे.आंदोलनामध्ये रामदास डोंगरवार सुरेश तुमरेटी माजी सरपंच वैशाली डोंगरवार दर्शना वाकडे पुंडलिक सिडाम रसिका कुमरे गीता मडावी प्रीती रणदिवे रवींद्र डोंगरवार सुरेखा तूमरेटी पुष्पा गावडे सविता तुमरेटी संदीप कुंमरे देवराव चुधरी अशोक डोंगरवार रेखा डोंगरवार आकाश रणदिवे अरुण मडावी खुशाल ठाकूर उर्मिला डोंगरवार शांता ठाकूर संगीता डोंगरवार सीता डोंगरवार ज्ञानेश्वर शेंडे कुसुम बावणे दशरथ डोंगरवार अरुण डोंगरवार श्रीरंग ठाकूर लोमेश वाकडे विश्वनाथ तुमरेटी गोपाल डोंगरवार सुरज गावडे धिरज बडोले रमेश डोंगरवार व गावकरी आंदोलनात सहभागी आहेत.

जिल्हा सामान्य रुग्णालयातील कार्यालयीन अधीक्षकाला २५०० रुपयाची लाच घेतांना रंगेहाथ अटक 

वाशीम:-
वाशीम जिल्हात लाच घेणाऱ्यांचा कर्दनकाळ असणारे ACBचे पोलीस उपअधीक्षक गजानन शेळके यांनी आज पुन्हा दबंग कारवाई केली आहे. त्यांच्यासह टीम ने सामान्य रुग्णालयातील कार्यालयीन अधीक्षकाला २५०० रुपयाची लाच घेतांना रंगेहात पकडले आहे. सचिन शिवाजीराव बांगर वय ३९ वर्ष असे लाच घेणाऱ्या अधिकार्याचे नाव असून वाशीम सामान्य रुग्णालयातील वर्ग ३ चे अधिकारी होते. आरोपी विरुद्ध पोस्टे वाशीम शहर येथे गुन्हा दाखल करण्याची प्रक्रिया सुरू आहे.

मिळालेल्या माहितीनुसार, ५० वर्षीय तक्रारदार यांचे पत्नीचे वैदकीय प्रतिपूर्ती देयक पडताळून सही शिक्का घेण्या करिता आलोसे यांनी दि. 05/06/2024 रोजी पडताळणी करवाई दरम्यान 3000/-रु मागणी करून तडजोडी अंती 2500/-रु स्वीकारण्याचे मान्य केले व सापळा कारवाई दरम्यान 2500/-रु पंचासमक्ष स्वीकारले. आरोपी यांचेविरुद्ध पोस्टे वाशीम शहर येथे गुन्हा दाखल करण्याची प्रक्रिया सुरू आहे.

उन्हाच्या काहलीत थंडीचा आनंद घेण्याच्या नादात तरुणाचा पाण्यात बुडून मृत्यू

वनविभागाने खड्डा केल्यानंतर सुद्धा कुंपण न केल्याने युवकाचा अंत. नुकसान भरपाई देण्याची मागणी.

चंद्रपूर :-
दुर्गापूर येथील तनवीर शेख वय 19 वर्ष हा लालपेठ कॉलरी क्रमांक 2 मध्ये आपल्या मित्राला भेटण्यासाठी गेला असता त्या भागात वेकोली व वनविभागाच्या जागेत खोदलेल्या एका 40-30 चौरस फूट आराजी असलेल्या खड्ड्यात उष्णतेच्या तीव्रतेने थंडीचा आंनद घेण्यासाठी मित्रांसोबत पोहायला गेला असता त्यांचा बुडून दुर्दैवी मृत्यू झाला आहे. ही घटना दुपारी 1 ते 1.30 ची असून मृतदेह शोधण्यासाठी चंद्रपूर मनापाच्या रेस्क्यू ऑपरेशन करणाऱ्या बोटीच्या साहाय्याने तब्बल तीन तासानंतर मृतदेह हाती लागला. या घटनेने सर्वत्र शोक व्यक्त होतं आहे, मात्र एवढा मोठा खड्डा खोदताना वनविभागाने त्या खड्ड्याच्या सभोंवताला कुंपण घातले नसल्याने ही दुर्दैवी घटना घडली त्यामुळे वन विभागाकडून मृतक च्या कुटुंबियांना नुकसान भरपाई मिळाली पाहिजे अशी मागणी होतं आहे.

शहरातील लालपेठ कॉलरी नंबर दोन मध्ये खुली जागा असून तिथे वनविभागाने वृक्षारोपण कार्यक्रमाअंतर्गत जवळपास एक हेक्टर जागेवर झाडे लावण्याचे काम हातात घेऊन भूमिगत कोळसा खान बुजाविण्याच्या कार्यात रेती व माती जी टाकल्या जाते त्यात पाणी पण सोडल्या जाते ते पाणी साठवणूक करून त्या पाण्याच्या माध्यमातून झाडे जगविण्यासाठी मोठा खड्डा खोदला होता त्या खड्ड्यात पाणी असल्याने दुर्गापूर येथील काही युवक जे लालपेठ कॉलरी येथे आले होते त्यांना पोहण्याचा मोह झाला आणि त्यांनी पाण्यात उडया मारल्या दरम्यान काही युवक बाहेर आले पण एक युवक तनवीर शेख हा खड्ड्यात बुडाला आणि त्यातच त्यांचा अंत झाला, या घटनेने परिसरात हळहळ व्यक्त होतं आहे

अज्ञात ट्रकच्या धडकेत दुचाकीस्वार जागीच ठार तर दोन गंभीर 

गडचिरोली,
  जिल्ह्यातील कोरची शहरातील बायपास महामार्गावरील नवरगावच्या फाट्यापुढे कुरखेडा वरून छत्तीसगडकडे निघालेल्या अज्ञात मालवाहू ट्रकने विरुद्ध दिशेने येत असलेल्या दुचाकीस्वारास एका बाजूनं धडक दिल्यामुळे दुचाकी चालक रस्याच्या कडेला जाऊन पडले यामध्ये दुचाकी स्वराचा जागीच मृत्यू  झाला तर मागे बसलेली दोघे जण गंभीर जखमी झाले आहेत. ही घटना शुक्रवारी रात्री आठ वाजता दरम्यान घडली आहे. अज्ञात मालवाहू ट्रकने दुचाकी क्रमांक MH 33 AB 8324 ला धडक देऊन घटनास्थळावरून पसार झालेला आहे.
         मृतक रुपेश गांगसाय नैताम वय २७ वर्ष रा. चांदागोटा तालुका कोरची असे युवकाचा नाव आहे. तर मिनाबाई नीलाराम कल्लो वय ५० वर्षे व महेश निलाराम कल्लो वय २५ वर्ष रा. नवरगाव तालुका कोरची हे दोघेही नात्यात माय-लेक असून गंभीर जखमी झाले आहेत. जखमी मिनाबाईच्या डोक्याला गंभीर दुखापत असून महेशच्या उजव्या पायाला मार लागल्यामुळे दोघांना सुरुवातीला कोरची ग्रामीण रुग्णालयात  १०८ रुग्णवाहिकेनी नेण्यात आले येथील वैद्यकीय अधिकारी डॉक्टर आशिष विटणकर यांनी प्राथमिक उपचार करून डोक्याला गंभीर दुखापत असल्यामुळे या दोघांना पुढील उपचारासाठी गडचिरोली जिल्हा सामान्य रुग्णालयात पाठविण्यात आले आहे.
    नातेवाईकांना याची माहिती झाली ते घटनास्थळी उपस्थित झाले त्यावेळी रक्ताच्या थारोळ्यात पडलेलं मृतक रुपेश नैताम याला ग्रामीण रुग्णालयात घेऊन जाण्यासाठी  रुग्णवाहिका पाठवा म्हणून फोनवरून कोरची ग्रामीण रुग्णालयातील डॉक्टरला विनंती केली परंतु येथील डॉक्टर व वैद्यकीय अधीक्षक यांनी तीन तास लोटून सुद्धा १०२ रुग्णवाहिका पाठविली नाही रुग्णवाहिका का पाठवली नाही याचे कारण डॉक्टरला विचारले असता त्यांनी सांगितले की रुग्णवाहिकेचा वाहनचालक उपस्थित नव्हता आणि उपस्थित झाला तेव्हा जाण्यास तयार नव्हता माझ्याशीच अरे रावी केली असल्याचे डॉ आशिष विटनकर यांनी सांगितले त्यामुळे रुग्णवाहिका घटनास्थळी वेळेत पोहोचू शकली नाही आणि अपघातात मृत्यू पावलेल्या रुपेशची बॉडी रस्त्यावरच तीन तास पडून होती.
         यानंतर मृतकाच्या नातेवाईकांनी कोरची येथील माजी नगराध्यक्ष नसरुद्दीन भामानी यांना घटनेची माहिती दिली तेव्हा माजी नगराध्यक्ष यांनी नगरपंचायतची स्वर्गरथ बोलावून त्यामध्ये मृतक रुपेश नैताम याला टाकून ग्रामीण रुग्णालय येथे आनले. मृतकांच्या नातेवाईकांनी वेळेवर रुग्णवाहिका पोहोचली नसल्यामुळे आरोग्य यंत्रणेच्या कर्मचारी व अधिकाऱ्यांविरोधात ग्रामीण रुग्णालयात रोष व्यक्त केला. अधिक तपास कोरची पोलीस करीत आहेत

सकाळच्या सुमारास फिरायला गेलेल्या १४ वर्षीय मुलीला अज्ञात वाहनाने चिरडले

गडचिरोली:-
सकाळच्या सुमारास फिरायला गेलेल्या  विद्यार्थीनीला अज्ञात वाहनाने चिरडून टाकले ही घटना आज दि १ जून ला सकाळी घडली
मृतक विद्यार्थीनीचे नाव शर्वरी पद्माकर बनकर वय १४ रा देसाईगंज असे असून गडचिरोली जिल्ह्यातील स्थानिक आंबेडकर वॉर्ड देसाईगंज येथील पांच सहा मैत्रिणी आरमोरी रोडवर सकाळी पाच वाजता फिरायला गेल्या असता रस्त्याच्या कडेला विश्रांतीसाठी बसलेल्या शर्वरी पद्माकर बनकर या विद्यार्थिनीला अज्ञात वाहनाने चिरडल्याने ती जागीच मरण पावली.
       सदर विद्यार्थिनी ही स्थानिक प. पू.  डॉ. बाबासाहेब आंबेडकर विद्यालय देसाईगंज (वडसा) येथे आठव्या वर्गात शिकत होती. घटनेची माहिती होताच तिला ग्रामीण रुग्णालय देसाईगंज (वडसा) येथे सकाळी दाखल करण्यात आले व लगेच शवविच्छेदन  करण्यात आले.
शर्वरी पद्माकर बनकर ही तिच्या आईवडिलांना एकुलती एक मुलगी होती. तिचे वडील उदरनिर्वाहासाठी पुणे येथे कंपनीमध्ये काम करतात. मुलीचे कुटुंब फारच गरीब आहेत. आज दुपारी 2.00 वाजता  वैनगंगा नदी घाटावर तिच्या पार्थिवावर अग्निसंस्कार करण्यात आले आहे

तहसीलदारांवर  अज्ञात इसमांनी चढवला हल्ला, गाडीच्या लोखंडी रॉडने फोडल्या काचा

इंदापूर (पुणे) :-
 इंदापूरचे तहसीलदार श्रीकांत
पाटील यांच्यावर अज्ञात इसमांनी हल्ला केल्याची धक्कादायक घटना उघडकीस आली आहे. इंदापूर शहरातील संविधान चौकात हा प्रकार घडला असून घटनेने परिसरात खळबळ उडाली आहे. या घटनेनंतर पोलीस प्रशासन अलर्ट झाले असून परिसरात नाकाबंदी करण्यात आली आहे.

याबाबत सविस्तर वृत्त असे की, इंदापूर तालुक्याचे तहसीलदार श्रीकांत पाटील यांच्यावर हल्ला झाल्याचा धक्कादायक प्रकार समोर आला आहे. आज दि २४ मे शुक्रवारी सकाळी ११:१५ वाजताच्या सुमारास ही घटना घडली. तहसीलदार श्रीकांत पाटील यांची गाडी इंदापूर शहरातील संविधान चौकात आली असता अज्ञात हल्लेखोरांनी त्यांच्या गाडीवर लोखंडी रॉडने जोरदार हल्ला चढवला.

सोबतच खाल्लेखोरांनी मिरचीची पूड देखील आणली होती; ती देखील डोळ्यात टाकण्याचा प्रयत्न केला. या हल्ल्यामध्ये शासकीय गाडीच्या काचा फुटल्या असून सुदैवाने तहसीलदार यातून बचावले आहेत. या घटनेनंतर इंदापूर पोलीस अलर्ट झाले असून इंदापूर तालुका परिसरात नाकाबंदी करण्यात आली आहे.
सदर हल्ला का करण्यात आला याचा शोधही पोलीसांनी सुरू केला आहे

गडचिरोली जिल्ह्यात बिबट्याच्या कातडीची तस्करी मात्र पकडले तेलंगाणा वनविभागाने

गडचिरोली:-

जिल्ह्याच्या शेवटच्या टोकावरील सिरोंचा वाळू, गांजा, दारु, तांदूळ , सागवान तस्करीमुळे सतत चर्चेत असते. आता त्यात बिबट्याच्या कातडीच्या तस्करीची भर पडली आहे. 20 मे रोजी सिरोंचा वनविभागाचा तपासणी नाका ओलांडून दोन दुचाकीवरून बिनबोभाटपणे बिबट्याच्या कातडीसह तेलंगाणात प्रवेश केला. मात्र, तेलंगाणा वनविभागाच्या  सतर्कतेमुळे ते पकडले गेले. पवन (31) रा. वरदल्ली, बरेगुडा, भूपालपट्टणम, छत्तीसगड आणि बाबर खान (42) रा. लिंगापूर (वि), बरेगुडा, भूपालपट्टणम, छत्तीसगड अशी आरोपींची नावे आहेत. त्यांच्याकडून बिबट्याची कातडी, दोन दुचाकी व दोन मोबाइल जप्त करण्यात आले आहेत.

महाराष्ट्रातील वनउपज तेलंगाणात जाऊ नये, यासाठी प्राणहिता व गोदावरी या प्रमुख नद्यांवर सिरोंचा वनविभागातर्फे दोन वननाके सुरु आहेत. 20 मे रोजी सिरोंचातून दोन दुचाकीवरून दोघे बिबट्याची कातडी घेऊन प्राणहिता नदीपुलावरुन तेलंगाणात पोहोचले. या पुलावर सिरोंचा वनविभागाचा नाका आहे; पण कर्मचाऱ्यांनी दोन्ही दुचाकी तपासल्या नाहीत. तेलंगाणातील मंचेरियल जिल्ह्यातील रापनपल्ली चेकपोस्टवर मात्र ते दोघे पकडले.

सिरोंचाच्या उपवनसंरक्षक पूनम पाटे यांनी दुर्गम, अतिदुर्गम भागातील रस्ते, पुलाची कामे वनकायद्याचा दंडुका दाखवत रोखली होती. उपमुख्यमंत्री देवेंद्र फडणवीस यांनी नियोजन समिती बैठकीत त्यांना यावरुन सुनावले होते. वनकायद्याचा धाक दाखवून विकासकामे रोखणाऱ्या उपवनसंरक्षक पूनम पाटे यांच्या अखत्यारित आंतरराज्य सीमेवरील पुलावरुन वनउपज्ञाची तस्करी कशी काय होते, असा प्रश्न निर्माण झाला आहे. वरीष्ठ अधिकाऱ्यांनी या बाबीची दखल घ्यावी अशी मागणी होत आहे.

श्री सद्गुरू साईबाबा विज्ञान महाविद्यालय आष्टीचा निकाल पैकीच्या पैकी 

अशोक खंडारे मुख्य संपादक वैनगंगा वार्ता १९

आष्टी:-
गडचिरोली जिल्ह्यातील चामोर्शी तालुक्यातील आष्टी येथील श्री सद्गुरू साईबाबा विज्ञान महाविद्यालय या शाळेचा इयत्ता बारावी चा निकाल १००% लागला आहे
या महाविद्यालयात १२९ विद्यार्थी बारावीच्या परीक्षेला बसले होते ते पैकीच्या पैकी पास झाले आहेत
त्यामधील हर्ष हुलके ७७.१७%,चिराग दयालवार ७२%, वैष्णवी अम्मावार ७०.५०% यांनी घवघवीत यश संपादन केले आहे
सर्व उत्तीर्ण विद्यार्थ्यांना पुढील वाटचालीसाठी संस्था अध्यक्ष, प्र प्राचार्य पी.के सिंग, प्राध्यापक, व सर्व कर्मचाऱ्यांनी यशस्वी विद्यार्थ्यांना शुभेच्छा दिल्या आहेत

चालकाचे नियंत्रण सुटल्याने ट्रॅक्टर घुसले घरात एका महीलेचा मृत्यू 

प्रमोद झरकर उपसंपादक वैनगंगा वार्ता १९

गोंदिया : आमगाव तालुक्यातील किंडगीपार येथे मद्यपी ट्रॅक्टर चालकाच्या लापरवाहीने एका महिलेचा जीव गेला. अनियंत्रित ट्रॅक्टर थेट घरात शिरला. या घटनेत कापड धुत असलेली महिला ट्रॅक्टरमध्ये सापडल्याने ठार झाली तर घरातील इतर दोन मुली थोडक्यात बचावल्या. ही घटना किंडगीपार येथील आहे. किसनाबाई बुधराम चोरवाडे (५८) असे मृत महिलेचे नाव आहे.

माहितीनुसार, आमगाव नगर परिषद क्षेत्रातंर्गत येणाऱ्या किंडगीपार येथे किसनाबाई बुधराम चोरवाडे यांचे घर आहे.
घराला लागून रस्ता आहे. किसनाबाई बुधराम चोरवाडे ह्या दैनंदिन कामकाजाप्रमाणे घरातील अंगणात कापड धुत होत्या. तर दोन मुली नात घरात खेळत होती. त्यातच मद्यधुंदीत असलेला संदीप कोरे हा शेत कामे आटोपून ट्रॅक्टर क्रं एमएच-३५/जी-१६३७ घेवून जात होता. किसनाबाई चोरवाडे यांच्या घराजवळ येताच ट्रॅक्टर अनियंत्रित झाला. चालकाचा नियंत्रण सुटल्याने भरधाव ट्रॅक्टर थेट घरात शिरला.

या घटनेत ट्रॅक्टरखाली आल्याने किसनाबाई चोरवाडे यांचा मृत्यू झाला. तर घरात खेळत असलेल्या दोन मुली थोडक्यात बचावल्या. प्रत्यक्षदर्शीने घटनास्थळी धाव घेत मदतकार्याला सुरूवात केली. तसेच घटनेची माहिती आमगाव पोलिसांना देण्यात आली. पोलिसांनी घटनास्थळ गाठून पंचनामा केला.  आरोपीसह ट्रॅक्टर ताब्यात घेतले.

उल्लेखनिय असे की, ट्रॅक्टरची ट्रॉली ही विनानंबर असलेली होती. तर चालक मद्यधुंदीत असल्याचे बोलले जात आहे. आमगाव पोलिस ठाण्यात गुन्हा नोंद करून तपासकार्याला सुरूवात केली आहे

मुलचेरा तहसील कार्यालय येथील पुरवठा निरीक्षक राहूल डोंगरे सापडले एसीबीच्या जाळ्यात 

अशोक खंडारे/मुख्य संपादक वैनगंगा वार्ता १९

आष्टी:-
तहसिल कार्यालय मुलचेरा  जिल्हा गडचिरोली येथील पुरवठा निरीक्षक राहूल भाउजी डोंगरे यांना लाच स्वीकारताना रंगेहाथ पकडण्यात आले आहे

  राहुल भाऊजी डोंगरे वय ४०  वर्षे रा. आष्टी हे मुलचेरा तहसील कार्यालयात पुरवठा निरीक्षक या पदावर कार्यरत आहेत त्यानी आपल्या पदाचा फायदा घेण्यासाठी राशन कार्ड धारकांना नेहमीच सतावून लाचेची मागणी करीत होते व महाफुड साईडवर कागदपत्रे अपलोड करण्यासाठी ५०० रुपये खर्च येतो ते तुम्ही द्या नाहीतर तुमचे काम होणार नाही असे सांगून हात झटकून टाकीत होते 
त्यामुळे त्रस्त झालेल्या वर्षा गुरुदास गेडाम यांनी एसीबीच्या अधिकारी यांना माहिती दिली त्यावरून प्रत्यक्ष शाहनिशा करुन मुलचेरा तहसील कार्यालयात सापळा रचला असता राहुल भाऊजी डोंगरे ५०० रुपये लाच घेताना साक्षीदार यांच्या समक्ष मिळूण आले 
 

याबाबत सविस्तर वृत्त असे की, यातील तक्रारदार हे मु. मुखडी टोला पो. गोविंदपुर ता. मुलचेरा जिल्हा गडचिरोली येथील रहीवासी असुन ते शेतीचा व्यवसाय करतात. तक्रारदाराची आई नामे जिवनकला गेडाम हिचे नावे असलेला शिधापत्रिका मध्ये वडील, मजवा भाऊ, वहीणी व भावाची मुलगी यांची नावे होती. तक्रारदार यांचे मजवा भाऊ गुरुदास यांच्या कुंटूबाचे नविन शिधापत्रिका वहीनी नामे वर्षा गुरुदास गेडाम यांचे नावे दि. ३०/०१/२०२४ रोजी तयार करण्यात आले. परंतू स्वस्त धान्य दुकानदार यांच्या कडे थम मशीनवर नाव न आल्याने शासनाच्या योजनेचे राशन मिळत नसल्याचे वहीनी वर्षा यांनी सांगीतले. तक्रारदाराचे वहीणीचे राशन कार्डवर राशन मिळत नसल्याने पुरवठा निरीक्षक राहूल डोंगरे यांना माहिती दिली तेव्हा महाफुड साईडवर कागदपत्रे अपलोड करण्याकरीता ५००/-रू. लाच रक्कमेची मागणी केली. तक्रारदार यांना लाच रक्कम देण्याची मुळीच ईच्छा नसल्याने त्यांनी लाचलुचपत प्रतिबंधक विभाग, गडचिरोली कॅम्प मुलचेरा येथील अधिकाऱ्यांना भेटुन तकार नोंदविली.

पोलीस उपअधीक्षक, श्रीमती अनामिका मिर्झापुरे, ला.प्र.वि. गडचिरोली यांचे पर्यवेक्षणात पोलीस निरीक्षक, श्रीधर भोसले यांनी तक्रारदाराने दिलेल्या तक्रारीची अत्यंत गोपनियरित्या शहानिशा करून सापळ कारवाईचे आयोजन केले असता, त्यामध्ये पडताळणी दरम्यान तक्रारदाराचे वहीणीचे राशन कार्डवर राशन मिळत नसल्याने, महाफुड साईडवर कागदपत्रे अपलोड करण्याकरीता आरोपी राहूल भाऊजी डोंगरे, पद-पुरवठा निरीक्षक, तहसिल कार्यालय मुलचेरा, ता. मुलचेरा, जि. गडचिरोली यांनी ५००/- रूपयाची पंच साक्षीदारासमक्ष सुस्पष्ट मागणी करून ५००/- रू. लाच रक्कम स्विकारतांना रंगेहात मिळुन आल्याने त्यांचे विरूध्द पो.स्टे. मुलचेरा येथे गुन्हा दाखल करण्यात आला. आरोपी डोंगरे यांचे आष्टी येथील निवासस्थानाची ॲन्टी करप्शन ब्युरो, गडचिरोली चम्मु कडुन झडती घेण्यात आली.

सदरची कार्यवाही पोलीस अधीक्षक, श्री राहुल माकणीकर, ॲन्टी करप्शन ब्युरो, नागपूर,  सचिन कदम, अपर पोलीस अधीक्षक, ला.प्र.वि. नागपुर यांचे मार्गदर्शनात व पोलीस उपअधीक्षक श्रीमती अनामिका मिर्झापुरे यांचे पर्यवेक्षणात पो. नि. श्रीधर भोसले, पोहवा शंकर डांगे, पोना किशोर जोंजारकर, पोष्टि संदिप उडाण, संदिप घोरमोडे, चापोना प्रफुल डोर्लीकर, सर्व लाचलुचपत प्रतिबंधक विभाग, गडचिरोली यांनी केलेली आहे.

जिल्हाधिकारी संजय दैने यांनी सपत्नीक प्रशांत घाम चपराळा येथे सदिच्छा भेट

हनुमान मंदिर देवस्थानचे अध्यक्ष संजय पंदिलवार यांनी मांडल्या अनेक समस्या 

आष्टी: -
येथून जवळच असलेल्या हनुमान मंदिर प्रशांत घाम चपराळा येथील मंदिराला जिल्हाधिकारी सैजय दैने यांनी सपत्नीक प्रशांत घाम चपराळा येथे सदिच्छा भेट आपल्या कुटुंबासह भेट देऊन दर्शन घेतले  व मंदिर परिसरात पाहणी केली यावेळी मंदिराचे अध्यक्ष संजय पंदिलवार यांनी जिल्हाधिकाऱ्यांचे पुष्पगुच्छ देऊन स्वागत केले 
जिल्हाधिकारी संजय दैने यांनी दिनांक १७ मे रोजी आपल्या कुटुंबासह भेट देऊन दर्शन घेतले आणि चौडमपल्ली, चपराळा मार्गावर असलेल्या जिर्ण झालेल्या पुलीयाची पाहणी केली
 कुनघाडा ते चपराळा रस्त्याचे डांबरीकरण करण्यात यावे, प्राणहिता, वैनगंगा, व वर्धा नदीच्या संगमावर भाविक भक्तांना नदीपात्रात उतरण्यासाठी पायऱ्यांच्या कामाची व मंदिरातील समस्या देवस्थानचे अध्यक्ष संजय पंदिलवार यांनी जिल्हाधिकाऱ्यांच्या लक्षात आणून दिल्या यावेळी चामोर्शी चे तहसीलदार गोन्नाडे, तलाठी महीन्द्रे,उपसरपंच कोकेरवार,, तमुस अध्यक्ष साईनाथ गुरनुले, वनपरिक्षेत्र अधिकारी वन्यजीव चौडमपल्ली, उपसरपंच रामचंद्र बामणकर  ईलूर,नायर,आदी मान्यवर यावेळी उपस्थित होते

कंटनेरची ट्रॅव्हल्स ला धडक दोन्ही वाहन चालक गंभीर तर दहा जखमी 

★ २ दोघे गंभीर जखमींवर नागपूर तर १० जखमींवर नागभीड येथील ग्रामीण रुग्णालयात उपचार सुरू आहे.

प्रमोद झरकर उपसंपादक वैनगंगा वार्ता 19

नागभीड : भरधाव कंटेनरने ट्रॅव्हल्सला धडक दिल्याने १२ प्रवासी जखमी झाल्याची घटना शुक्रवारी सकाळी ८:३० वाजेच्या दरम्यान नागभीड - नागपूर राष्ट्रीय महामार्गावरील कानपाजवळ घडली
.यात दोनही वाहनचालक गंभीर जखमी झाल्याने नागपूरला हलविण्यात आले,तर उर्वरित १० जखमींवर नागभीड येथील ग्रामीण रुग्णालयात उपचार सुरू आहेत.
नागभीड-नागपूर राष्ट्रीय महामार्गाने ट्रॅव्हल्स बस (क्रमांक एम.एच.४० बीजी- ६८१८) नागभीडकडून नागपूरकडे जात होती. दरम्यान, विरुद्ध दिशेने येणाऱ्या कंटेनरने (क्रमांक एम.एच.४० सीडी ९६५६ कानपा जवळ साहेब नाल्यावर ट्रॅव्हल्सला जबर धडक दिली. 
या धडकेत ट्रॅव्हल्समधील १० प्रवासी जखमी झाले. कंटेनरचालक अनितकुमार पटेल वय,२९ वर्ष मध्य प्रदेश व विजय राऊत वय,४६ वर्ष टॅव्हल्स चालक,रा.मूल हे दोघे गंभीर जखमी झाल्याने त्यांना तातडीने नागपूरला हलविण्यात आले. 
गीता कायरकर वय,५४ वर्ष मेंडकी,आशा चिलबुले वय,३८ वर्ष,सचिन चिलबुले वय,४३ वर्ष, साची चिलबुले वय,१४ वर्ष,ताराबाई जांभुळे वय,६०वर्ष, धर्मदास राकडे वय,७० वर्ष,ज्योती चिलबुले वय,५१ वर्ष शोभा चिलबुले वय,४० वर्ष सर्व रा .नागभीड, लीला कामडी वय,६० वर्ष नवरगाव,रघुनाथ जिभकाटे वय,७२ वर्ष, ब्रह्मपुरी आदींवर नागभीड ग्रामीण रुग्णालयात उपचार सुरू आहे.अशी माहिती पोलिसांनी दिली आहे

८० लाख रुपयांची चोरबीटी  जप्त करून प्रशासनाने केली मोठी कारवाई 

चोर बीटी तस्करात माजली मोठी खळबळ
गोंडपिपरी:-
चंद्रपूर जिल्ह्यात प्रशासनाने मोठी कारवाई करीत तब्बल ८० लाख रुपयाची चोरबीटी जप्त केली आहे. पोंभुर्णा तालुक्यातील भिमनी येथे भरारी पथकाने काल शेतात असलेल्या पक्क्या घरातून अनधिकृत बियाणांचा साठा हस्तगत केला. प्रशासनाच्या या कारवाईने चोरबीटी तस्करात एकच खळबळ माजली आहे. गेल्या काळातील हि सर्वात मोठी कारवाई मानली जात आहे.

पोंभुर्णा तालुक्यातील भिमनी येथील नीलकंठ गिरसावळे यांच्या शेतातील पक्क्या घरात चोरबीटी चा मोठा साठा असल्याची गोपनीय माहिती प्रशासनाला मिळाली. यानंतर जिल्हाधिकारी विनय गौडा, पोलीस अधीक्षक सुदर्शन मुमक्का, जिल्हा अधीक्षक कृषी अधिकारी शंकरराव तोटावार, वीरेंद्र राजपूत कृषी विकास अधिकारी, चंद्रकांत ठाकरे कृषी उपसंचालक चंद्रपूर यांचे मार्गदर्शनाखाली चंद्रशेखर कोल्हे, तंत्र अधिकारी गुणनियंत्रण, विभागीय कृषी सहसंचालक कार्यालय, नागपूर , लकेश कटरे मोहीम अधिकारी जिल्हा परिषद चंद्रपूर, श्रावण बोढे, जिल्हा गुणनियंत्रण निरीक्षक, चंद्रपूर, महेंद्र डाखरे कृषी अधिकारी,. विवेक उमरे, चंद्रकांत निमोड, नितीन ढवस, काटेखाये, कोसरे, जुमनाके, श्री. आत्राम व तालुका कृषी अधिकारी कार्यालय पोंभुर्णा व चमू यांनी भिमनी येथील नीलकंठ गिरसावळे यांच्या शेतातील पक्क्या घरात तपासणी केली असता याठिकाणी ३९.८८ क्विंटल संशयास्पद अनधिकृत कापूस बियाण्यांचा साठा आढळून आला.७६.57 लक्ष रुपयाचे हे बियाणे असून प्रशासनाने हा माल ताब्यात घेतला आहे. सदरहू अनधिकृत संशयित कापूस बियाण्याचा साठा इतरत्र परिसरात कुठेही विक्री केली आहे काय याचा तपास कृषी विभाग व पोलीस विभाग करीत आहेत.

शेतीचा हंगाम सुरु झाला आहे. याची तयारी म्हणून चोरबीटी तस्कराचे मोठे जाळे सर्वत्र पसरले आहेत. अशात प्रशासनाने केलेल्या या मोठ्या कारवाईने तस्करात चांगलीच खळबळ माजली आहे.

आठ महिन्याच्या गर्भवती महिलेची रुग्णवाहीकेतच झाली प्रसुती 

कोरची :-
कोटगुल येथील प्राथमिक आरोग्य केंद्रामधून रेफर केलेल्या डिलीवरी च्या पेशंटला कोरची येथील ग्रामीण रुग्णालयात घेऊन येत असतांना बेतकाठी ते पांढरीगोटा च्या दरम्यान असलेल्या डोंगरावर, खाचखळगे असलेल्या रस्त्याने येत असतांना जशी 108 ची गाडी खड्यात गेली तशीच महीलेची रुग्णवाहिकेतच प्रसुती झाली. 

सविस्तर वृत्त असे आहे की, दि, १७ एप्रिल ला 11.30 च्या दरम्यान कोरची तालुक्यातील देऊळभट्टी ( पाटील टोला) येथील रहिवासी सौ. लता मुकेश कोरेटी (29) हिला प्रसुतीच्या वेदना सुरू झाल्या 8 महीन्याचा बाळ पोटात होता. त्यामुळे प्रसुतीला वेळ आहे म्हणून घरची लोक बिनधास्त होती. 
अचानक कळा आल्याने तिथून 2 किमी अंतरावर असलेल्या कोटगुल येथील प्राथमिक आरोग्य केंद्रात लागलीच घेऊन आले. 

तेथील डॉ. चौधरी आणि महिला डॉ. नाकाडे यांनी तपासणी केली आणि महीला रुग्णांना तात्काळ गडचिरोली च्या जिल्हा रुग्णालयात घेऊन जाण्यास सांगितले. रेफर स्लीप क्रमांक 1120 दि. 15/5/2024 वेळ दुपारी 1.00.
गडचिरोली ला पेशन्टला घेऊन जाण्यासाठी  108 क्रमांकाच्या  गाडीला बोलाविण्यात आले.गाडी सोबत महिला डॉक्टर किंवा नर्स किंवा आशा वर्कर राहणे अत्यंत आवश्यक असतांना डॉ. चौधरी आणि डॉ. नाकाडे यांनी कुणालाही सोबत पाठविले नाही. 

108 च्या गाडीत डॉ. आतीश सरकार होते. सोबत लताचा पती मुकेश, तिचे नातेवाईक गिरजा कोरेटी ( माजी सरपंच)  ईलेश्वरी नैताम होते. 

पेशन्टची अवस्था पाहता,कोटगुल वरून गडचिरोली ला पेशन्टला न नेता डॉ.सरकारने पेशन्टला कोरची येथील ग्रामीण रुग्णालयात आणण्याचे ठरविले. कारण कोटगुल ते गडचिरोली हा अंतर 140 किमी असून कोटगुल ते कोरची हा अंतर 25 किमी आहे.
कोटगुल वरून येत असतांना कोरची वरून 8 किमी अंतरावर, बेतकाठी ते पांढरीगोटा दरम्यान असलेल्या डोंगरावर जशी गाडी खड्यात गेली तशीच चालत्या गाडीतच बाईची डिलीवरी झाली. सोबत असलेल्या नातेवाईकांना शंका आली त्यामुळे त्यांनी गाडी थांबविली व बाईच्या पोटाला हात लावून तपासणी केली तेव्हा डिलीवरी झाली होती. बाळ बाईच्या साडीतच होता त्यामुळे त्यांना दिसला नाही. 

तिथे असलेले डॉ. सरकार यांनी प्राथमिक उपचार करून लगेच गाडी कोरची ला घेऊन आले. कोरची येथील
ग्रामीण रुग्णालयात बाळ व आईला भरती करण्यात आले. येथे बाळ व आई सुखरूप असून बाळ 8 महीन्याचे आहे व वजन 2.00 किलो आहे.नशीब बलवत्तर होते म्हणून पहिल्या खेपेतील बाळंत नार्मल झाले. परंतु आरोग्य विभागाच्या खेळखंडोबा मुळे बाळ व आई दोघांनाही धोका होता. 
गावात परीचारीका नियुक्त असूनसुद्धा कधीच उपलब्ध राहत नाही याला जबाबदार कोण असा प्रश्न उपस्थित होतो आहे

अज्ञात वाहनाच्या धडकेत दुचाकीस्वार ठार

 गडचिरोली:-
कुरखेडा तालुका सीमे लगत असलेल्या कसारी फाटा नजीक भीषण अपघात होऊन दुचाकी स्वार जागीच ठार झाल्याची घटना 17 मे रोजी सकाळच्या सुमारास घडली
  कैलास मधुकर नाकाडे वय 45 रा .बोळधा  तालुका देसाईगंज असे अपघातात ठार झालेल्या दुचाकी स्वराचे नाव आहे कसारी फाटा रस्त्याच्या कडेला दुचाकी आणि कैलास हे पडलेले काही नागरिकांना दिसले  तेव्हा पोलिसांना माहिती दिली या घटनेचा तपास देसाईगंजपोलीस स्टेशन करत आहेत.

विनाअनुदानित महाविद्यालयात काम करणाऱ्या शिक्षकांना मिळणार अनुदानित महाविद्यालयात बदली 

मुबंई : राज्यात एखाद्या शैक्षणिक संस्थेची काही अनुदानित
आणि काही विनाअनुदानित महाविद्यालये असतील, तर विनाअनुदानित महाविद्यालयांमध्ये काम करणाऱ्या शिक्षकांना त्याच संस्थेच्या अनुदाणीत महाविद्यालयात काम करण्याची संधी मिळणार असल्याचे आता स्पष्ट झाले आहे. महाराष्ट्र शासनाने दि. 8 जून 2020 रोजी अधिसूचना काढून महाराष्ट्र खासगी शाळा सेवा शर्ती विनियमन अधिनियम 1977 मधील नियम 41 अ मध्ये सुधारणा करून विनाअनुदानित विभागात काम करणाऱ्या शिक्षकांच्या व शिक्षकेतर कर्मचाऱ्यांच्या त्याच व्यवस्थापनाच्या अनुदानित विभागात बदल्या करण्याची तरतूद केली होती. या बदल्या करण्याबाबत दि. 1 एप्रिल 2021 रोजी शासननिर्णय काढण्यात आलेला होता. त्यानुसार 1 डिसेंबर 2022 पर्यंत बदल्या करण्यात येत होत्या. परंतु, अशा प्रकारच्या बदल्यांना मान्यता देताना शिक्षणाधिकारी कार्यालयात अनियमितता होत असल्याने आणि यासंदर्भात शासनाकडे अनेक तक्रारी प्राप्त झाल्याचे कारण सांगून शासनाने संबंधित बदल्या स्थगित केल्या होत्या. यामुळे अनुदानित विभागात बदलीला शिक्षणाधिकाऱ्यांकडून मान्यता देण्यात येत नव्हती. यामुळे महाराष्ट्रातील अनेक शिक्षक बदली होऊनही वेतनापासून वंचित राहिले होते. परंतु, नुकत्याच झालेल्या प्रीतम शिंदे विरुद्ध महाराष्ट्र शासन या रिट याचिकेत शिक्षणाधिकारी जिल्हा परिषद सातारा यांनी नागपूर खंडपीठाच्या दि.1/12/2022 चा शासननिर्णय रद्द केलेल्या निर्णयाची दखल घेतलेली नाही, असे याचिकाकर्त्यांचे वकील के. डी. ढमाले यांनी न्यायालयाच्या निदर्शनास आणून दिले आणि उच्च न्यायालयाने याबाबत शासनाला बदल्या सुरू करण्याबाबत योग्य ते निर्देश द्यावेत, अशी मागणी युक्तिवाद करताना केली होती. उच्च न्यायालयाच्या निर्देशांमुळे शासनाने तातडीने परिपत्रक काढून अनुदानित महाविद्यालयाकडे होणाऱ्या शिक्षकांच्या बदल्यांवरील स्थगिती शासन उठवत असल्याचे जाहीर केले. सदर प्रकरणाची सुनावणी न्यायमूर्ती नितीन जामदार व न्यायमूर्ती एम. एम. साठ्ये याच्या खंडपीठासमोर घेण्यात आली आहे

पिता-पुत्राने मिळून पाठविले एका तरुणास यमसदनी

मला खर्रा का?  दिला नाही याचा राग धरुन केली मारझोड 

नागपूर :- 
मला  खर्रा का दिला नाही या वादातून झालेल्या भांडणात एका तरुणाचा पिता - पुत्राने चाकुने भोकसुन खुन केल्याचे उघडकीस आले आहे
.हत्येची ही घटना वाठोडा येथील संघर्ष नगर झोपडपट्टीत मंगळवारी सायंकाळी घडली. देवी नगर गल्लीत राहणारा ३५ वर्षीय जितेंद्र गुर्जर असे मृतकाचे नाव आहे. आरोपींमध्ये ६० वर्षीय आनंदराव बावनकर आणि त्यांचा मुलगा दिनेश बावनकर (२६) यांचा समावेश आहे. या घटनेची तक्रार मिळाल्यानंतर पोलिसांनी दोन्ही आरोपींना अटक करुन पुढील तपास सुरू केला आहे.

 मंगळवारी सायंकाळी आरोपी आनंदराव हा खर्रा घेण्यासाठी घराजवळील पान टपरी येथे गेला होता. त्यावेळी मृतक जितेंद्रही तेथे पोहोचला होता. दोघेही दारूच्या नशेत असल्याचं सांगण्यात येत आहे. या वेळी जितेंद्रने पान टपरीवरुन खर्रा विकत घेतला होता त्यावेळी आनंदराव यांनी जितेंद्रला खर्रा खायला मागितला  मात्र जितेंद्रने खर्रा देण्यास नकार दिला. यावरुन दोघांमध्ये भांडण झाले. या भांडणात जितेंद्रने आनंदराव यांना मारहाण केली. मात्र या घटनेनंतर आनंदराव यांनी  घरी जाऊन हा घडलेला प्रकार त्यांचा मुलगा दिनेश याला सांगितला. यानंतर दिनेश त्याचे वडील आनंदराव यांच्यासह जितेंद्रच्या शोधात बाहेर पडले. घरापासून काही अंतरावर त्यांनी जितेंद्रला मद्यधुंद अवस्थेत पाहिलं. दिनेश याने जितेंद्रला आपल्या वडिलांना का मारलं? याचा जाब विचारला असता त्यांच्यात वाद झाला. वाद विकोपाला गेला आणि आरोपी पिता- पुत्राने जितेंद्रवर चाकूने हल्ला करुन जितेंद्रला जखमी केले आणि तेथून पळ काढला.

जितेंद्र गंभीर जखमी अवस्थेत रस्त्याच्या कडेला पडलेला पाहून परिसरातील नागरिकांनी पोलीस नियंत्रण कक्षाला घटनेची माहिती दिली. घटनेची माहिती मिळताच वाठोडा पोलीस पथक घटनास्थळी पोहोचले आणि गंभीर जखमी अवस्थेत असलेल्या जितेंद्रला उपचारासाठी वैद्यकीय रुग्णालयात नेलं. मात्र डॉक्टरांनी उपचारादरम्यान त्याला मृत घोषित केले. मात्र, नंतर दोघे पिता-पुत्र परिसरात फिरत असताना पोलिसांनी त्यांना अटक केली आहे

अजून किती बळी घेतल्यानंतर गडचिरोली वनविभागाला येणार जाग

अशोक खंडारे मुख्य संपादक वैनगंगा वार्ता १८
गडचिरोली:  जिल्ह्यातील ज़ंगलात स्वापदानांमुळे आजपर्यंत बरेचसे बळी गेले असुन वनविभागाच्या अधिकाऱ्यांची झोप उडाली नसल्याचे चित्र दिसत आहे कुरखेडा तालुक्यातील चारभट्टी येथील तेंदू पत्ता मजूर नतीराम तुळशीराम नरेटी हा इसम आज दिनांक १५ सकाळी 8.30 वाजता जंगलामध्ये तेंदुपत्ता तोडण्यासाठी गेला आणि तेंदूपत्ता संकलन करीत असताना अचानक जंगली डुकराने त्यांच्यावर हल्ला केला त्या हल्ल्यात वरील इसम गंभीर जखमी झाला असून त्याला 
उचारासाठी शासकीय रुग्णालयात दाखल करण्यात आले, दिनांक १३ मे रोजी झालेल्या आंबेशिवणी येथील पार्वता बालाजी पाल वय वर्षे ६४ यापूर्वी चार दिवसाअगोदर वाघाने हल्ला करून जागीच पडशा पाडला ,अहेरी तालुक्यात अशीच एका महिलेवर जंगलात तेंदुपत्ता संकलन करीत असताना रानटी डूक्कराने हल्ला करून तिला गंभीर जखमी केले आणि ती महिला आजही रुग्णालयात उपचार घेत आहे पुन्हा काल दिनांक १४ मे रोजी गडचिरोली तालुक्यातील सावरगाव येथे एका महिलेला तेंदू संकलन करीत असताना झुडपामध्ये दबा धरून बसलेल्या वाघाने अचानकपणे त्या महिलेवर हल्ला करून नरडीच्या घोट घेतला तद्वतच कुरखेडा तालुक्यातील घाटी (गांगोली) येथे तेंदूपत्त्याचा शिजन सुरू झाल्याने घाटी येथील तिनशे ते साडेतीनशे मजूर एकत्रितपणे गाव शेजारी असलेल्या जंगलात पहाटे तेंदूपत्ता संकलनासाठी गेले सदर मजूर तेंदूपत्ता संकलन करीत असताना अचानकपणे जंगली हत्तीने आक्रोश करीत त्या मजूरावर हमला केला तेव्हा सदर मजूर भितीच्या आकांताने आपला जीव वाचवण्यासाठी सैरावैरा पळून गेले मात्र इश्वर नामक मजूर एका झाडावर चढला तरीही रानटी हत्तीचा हैदोस कमी झाला नाही त्या हतींचा एवढा आक्रोश होता की मजूर चढलेल्या झाडाला खाली कोसळवले त्या झाडावर चढून बसलेला मजूर झाडासह खाली कोसळवला परंतु त्याचे नशीब बलवंत्तर म्हणून झाडासोबत खाली पडल्यानंतरही आपला जीव वाचवण्यासाठी उठून त्याने पळ काढला त्यामुळे तो स्वतःचा जीव वाचवू शकला लगेचच वनविभागाला देण्यात आली तेंव्हा वनविभागाचे अधिकारी व कर्मचारी गावात आले असता गावकऱ्यांनी घेराव घालून जर आमच्या जंगलात रानटी हत्ती आले होते तर आम्हाला गावामध्ये मुनारी का देण्यात आली नाही सर्वश्री जवाबदारी वनविभागाची आहे असा हेका गावकऱ्यांनी धरला होता गडचिरोली जिल्ह्यात तेंदूपत्ता सिझन सूरू झाल्यापासून जंगली स्वापदाचे हमले हे मनुष्य प्राण्यावर होत असून नाहक गोरगरीबांचे बळी जात आहेत तेव्हा तेंदूपत्ता संकलन हा सिजन गोरगरीब मजूरांसाठी पोटपाण्याची भाकर आहे अशा परिस्थितीत त्यांची भाकर हिरावल्या जात असेल तर वनविभागाचे काम काय  ? आणि गडचिरोली जिल्ह्यात एकमेव  अभयारण्य सोडता जिल्ह्यात एवढे मोठे स्वापद आले कुठून आणि वनविभागाने ते आणले असतील तर का माहिती दिली नाही असा  प्रश्न जनता करित आहे अजून वनविभाग गडचिरोली जिल्ह्यातील स्वापदामार्फत किती बळी घेतल्यानंतर लक्ष देणार असाही प्रश्न उपस्थित होत आहे

तेंदुपत्ता हंगामात वाघांनी घातले विघ्न,तेंदूपत्ता संकलनासाठी जंगलात  गेली महिला वाघाने हल्ला करून केले ठार.

अशोक खंडारे/मुख्य संपादक वैनगंगा वार्ता

गडचिरोली : -
गडचिरोली मुख्यालयापासून दहा किलोमीटर अंतरावर असलेल्या आंबेशिवणी जवळील बामणी बीट क्रमांक 411 मध्ये आज वाघाने केलेल्या हल्ल्यात 64 वर्षीय महिला ठार झाल्याची घटना घडली आहे.

प्राप्त माहितीनुसार सदर महिला हि तेंदूपत्ता तोडणी करिता पहाटेला जंगलामध्ये गेली होती जंगलात दबा धरून बसलेल्या वाघाने तिच्यावर हल्ला चढवला व तिला ठार केले. 

मृतक महिलेचे नाव पार्वता बालाजी पाल वय,64 वर्ष रा. आंबेशिवणी आहे.

सदर घटनेची माहिती गडचिरोली वन विभागाला देण्यात आलेली असून वन विभागाची टीम आंबेशिवणी येथील बामणी बीट मध्ये दाखल होऊन पंचनामा व पुढील कारवाई करत आहे.

 या घटनेमुळे परिसरात दहशतीचे वातावरण तयार झालेले आहे सदर प्रकरणाची दखल घेत वन विभागाने मृतकाच्या परिवाराला तात्काळ आर्थिक मदत करावी अशी मागणी गावकऱ्यांनी केले आहे.

 या परिसरात वावरत असणाऱ्या वाघाचा तात्काळ बंदोबस्त करावा अशी मागणी सुद्धा याप्रसंगी नागरिकांनी केलेली आहे.

सदर मृतक महिलेचे शवविच्छेदन करण्यासाठी जिल्हा सामान्य रुग्णालय गडचिरोली येथे नेण्यात आले आहे.

 10 वी CBSE परीक्षेत  सौम्या गायकवाड ने मिळविले नेत्रदीपक यश

 अशोक खंडारे मुख्य संपादक वैनगंगा वार्ता १९

पिंपरी चिंचवड:-

वर्ग १० सिबिएससी बोर्डाने नुकताच निकाल जाहीर केला असून 2023-24 मध्ये झालेल्या CBCE  10 वीच्या परीक्षेत कु . सौम्या गायकवाड हिने घवघवीत यश संपादन केले आहे

सौम्या शशिकांत गायकवाड ही ब्लासम पब्लिक स्कूल ताथवडे पिंपरी चिंचवडची विध्यार्थीनी आहे व तिने ९४.०२ टक्के मिळवित आपल्या शाळेचे व आई -वडीलांचे नाव रोशन केले आहे 

सौम्या गायकवाड हिने मिळवलेल्या या नेत्रदीपक यशाबद्दल माजी मंत्री प्रा. लक्ष्मण ढोबळे,पंढरपूर-मंगळवेढा विधानसभा मतदारसंघाचे विद्यमान आमदार समाधान आवताडे दैनिक अचूक निदान चे संपादक प्रा डी . के . साखरे भाजप ओ बी सी मोर्चा सोलापूर जिल्हाध्यक्ष विवेक खिलारे ,भीम बाबा संस्था सोलापूर या संस्थेचे संस्थापक अध्यक्ष आनंद मोरे ,  ब्लॉसम शाळेच्या मुख्याध्यापिका व सर्व शिक्षक शिक्षकेतर कर्मचारी  तसेच आई वडील , आजी-आजोबा यांनी तीचे अभिनंदन करून तिच्या पुढील वाटचालीस शुभेच्छा दिल्या आहेत 

कतरंगट्टा येथील पोलीस – नक्षल चकमकीत दोन महिला नक्षल्यांसह तिघांना कंठस्नान

वैनगंगा वार्ता १९

गडचिरोली, दि. 13 : जिल्ह्यातील दक्षिणेच्या जंगल परिसरात पोलीस नक्षल चकमक उडल्याची घटना समोर आली आहे. या चकमकीत दोन महिला नक्षलींसह तिघांना कंठस्नान घालण्यात गडचिरोली पोलिस दलास यश आले आहे. या घटनेने नक्षली संघटनेला मोठा हादरा बसल्याचेही बोलल्या जात आहे.

मिळालेल्या माहितीनुसार, नक्षल्यांच्या टीसीओसी कालावधी दरम्यान पेरमीली दलमचे काही सदस्य भामरागड तालुक्यातील कतरंगट्टा गावाजवळील जंगल परिसरात लपून बले असल्याची माहिती गडचिरोली पोलीस दलास मिळाली असता गडचिरोली पोलिस दलाचे सी-60 जवानांची तुकडी शोधमोहीम रबविण्याकरिता रवाना करण्यात आली. दरम्यान जवानांची तुकडी सदर परिसरात पोहचली असता नक्षल्यांनी जवानांवर अंधाधुंद गोळीबार केला. जवानांनीही प्रत्युत्तरादाखल गोळीबार केला. काही काळ चाललेल्या या चकमकीत जवानांचा वाढता दबाव पाहून नक्षली जंगलाचा फायदा घेत पसार झाले. चकमकीनंतर परिसराची झडती घेतली असता एक पुरुष व दोन महिला नक्षालींचे मृतदेह आढळून आले. दरम्यान मृतकामध्ये पेरिमिली दलमछा प्रभारी आणि विभागीय समितीचा कमांड वासू अशी ओळख पटली असून इतर दोन महिला नक्षल्यांची ओळख पटलेली नाही अशी माहिती आहे.

घटनास्थळावरून मोठ्या प्रमाणात नक्षली साहित्य व स्वयंचलित शस्त्रे जप्त करण्यात आली असून नक्षल्यांच्या मोठा घातपात करण्याछा डाव होता असेही बोलल्या जात आहे. दरम्यान परिसरात नक्षलविरोधी अभियान अधिक गतिमान करण्यात आले आहे.

सांस्कृतिक भवन परिसरात टाकाऊ कचऱ्याने सुटली दुर्गंधी

परिसरातील नागरीकांचे आरोग्य धोक्यात,पिंकु बावणेचा आंदोलनाचा इशारा

अशोक खंडारे/मुख्य संपादक वैनगंगा वार्ता १९

देसाईगंज-
      शहराच्या नगर परिषद कार्यालयासमोरील जागेत नागरीकांच्या कराच्या उत्पन्नातुन कोट्यावधी रुपये खर्च करून सांस्कृतिक भवन बांधण्यात आले आहे.सदर सांस्कृतिक भवन शोभेची वस्तु बनल्याचे धक्कादायक वास्तव समोर येत असतांनाच परिसरात टाकलेल्या टाकाऊ कचऱ्याने दुर्गंधी सुटली असुन यामुळे परिसरातील नागरीकांचे आरोग्य धोक्यात आले आहे.ही गंभीर बाब लक्षात घेता नगर प्रशासनाने येथील टाकाऊ कचरा यथाशिघ्र उचलुन विल्हेवाट न लावल्यास नगर परिषद कार्यालयासमोर आंदोलन करण्याचा इशारा काँग्रेस कार्यकर्ते पिंकु बावणे यांनी प्रशासनाला दिला असल्याने नगर पालिका वर्तुळात एकच खळबळ माजली आहे.
      देसाईगंज शहरातील नागरिकांना सामाजिक, सांस्कृतिक तसेच धार्मिक कार्य सोपस्कार पार पाडता यावेत करीता शहराच्या सर्व्हे नं. २४/५ मध्ये ८ एकरात कोट्यावधी रुपये खर्च करून सांस्कृतिक भवन बांधण्यात आले आहे.या सांस्कृतिक भवनात विविध कार्यक्रमांचे आयोजनही करण्यात येत असते.कार्यक्रमाच्या अनुषंगाने जेवणाचे कार्यक्रमही आयोजित करण्यात येत असतात.मात्र अलिकडे हे सांस्कृतिक भवन शोभेची वस्तु ठरू लागले असुन परिसरात तयार करण्यात आलेला बगीचा देखील देखभाल दुरुस्ती अभावी नामशेष झाला आहे.
     दरम्यान कार्यक्रमानंतर उरलेला टाकाऊ कचरा उचलुन डंपिंग यार्ड मध्ये टाकण्यासाठी सफाई कामगार यंत्रणा कार्यरत असताना टाकाऊ कचरा सांस्कृतिक भवन परिसरातच टाकण्यात येत असल्याने कुजलेल्या कचऱ्याला दुर्गंधी सुटून उग्र वास लगतच्या परिसरात  पसरला आहे.हा वास इतका दुर्गंधीयुक्त आहे की यामुळे अनेकांना परिसरात वास्तव्य करणे कठिण होऊ लागले आहे.अनेकांना मळमळ, पोटाचे आजार अशा विविध समस्या जाणवू लागल्या आहेत.ही गंभीर वस्तुस्थिती लक्षात घेता नगर प्रशासनाने येथील कचऱ्याची यथाशिघ्र विल्हेवाट लावण्याची मागणी काँग्रेस कार्यकर्ते पिंकु बावणे यांनी केली असुन समस्या मार्गी लावण्यात न आल्यास नगर परिषद कार्यालयासमोर आंदोलन करण्याचा इशारा दिला आहे. याबाबत नगर प्रशासन काय कारवाई करते याकडे येथील नागरीकांचे लक्ष लागून आहे.

सिनेस्टाईलने पकडले आष्टी पोलीसांनी अवैध दारू तस्करी करणारे वाहण

१९ लाख २६ हजार रुपयांचा मुद्देमाल जप्त

अशोक खंडारे/मुख्य संपादक वैनगंगा वार्ता १९

गडचिरोली जिल्ह्यातील मध्यवर्ती ठिकाण असलेल्या आष्टी पोलीसांनी सिनेस्टाईलने अवैध दारू तस्करांची गाडी पकडून मोठी कारवाई केली आहे
चंद्रपूर जिल्ह्यातून दारुबंदी असलेल्या गडचिरोली जिल्ह्यात एका स्कार्पीओ वाहनातून अवैध दारू तस्करी होत असल्याचे माहिती मिळताच आष्टी पोलीसांनी नाकाबंदी केली असता महात्मा ज्योतिबा फुले महाविद्यालय समोरील रोडवर वाहनांची तपासणी करीत असताना एम एच ३२ एक एच ५५५६ ह्या वाहनास पोलीसांनी थांबविण्यास प्रयत्न केला तेव्हा सदर वाहन चालकाने पोलीसांच्या अंगावर गाडी घालण्याचा प्रयत्न केला व तात्काळ वाहन मागे वळविला व आष्टी येथील डॉ बाबासाहेब आंबेडकर चौक येथून चामोर्शी रोडकडे कुच केली
आष्टी पोलीसांनी त्यांचा पाठलाग केला व चामोर्शी. पोलीसांना कळविले त्यानुसार दारु तस्कर वाहन भरधाव वेगाने पळून जात असताना  शासकीय बांधकाम विभाग चामोर्शी येथे पकडले व वाहंनाची चौकशी केली असता आय बी कंपनी चे ४८ बॉटली किंमत ९६००० रुपये,देशी दारू ४०  बॉक्स किंमत ३२००० रुपये व वाहण किंमत पंधरा लाख रुपये वापराती माल असा विस लाख रुपयांचा मुद्देमाल  पोलीसांनी जप्त केला आहे
आरोपी निखील राजू क्षिरसागर
वय २१ रा. गवराळा ता. भद्रावती ,  नितेश वशिष्ठ चंदनखेडे वय ३४ रा. भद्रावती याचे विरुद्ध कलम ३०७ ,३४भादवी सहकलम ६५(अ),८३ मदाका,१८४ मोवाका अन्वये गुन्हा दाखल करण्यात आला आहे 
सदरची  कारवाई पोलीस निरीक्षक विशाल काळे यांच्या मार्गदर्शनाखाली पोलीस उपनिरीक्षक दयाल मंडल,अतुल तराडे, देविदास मानकर, पोलीस शिपाई अतुल तोडासे,संतोश नागुलवार,मुनेश रायशिडाम,पराग राजुरकर,मेदाळे यांनी केली आहे

नदी पात्रात रेती उपसा करताना महसुल विभागाच्या पथकाने पकडले चार ट्रॅक्टर 

प्रमोद झरकर - उपसंपादक वैनगंगा वार्ता १९

मुल : 
तालुक्यातील मारोडा- पेटगांव मार्गावरील उश्राळा गावालगत असलेल्या उमानदीच्या पात्रातच रेती उपसा करताना महसूल विभागाच्या अधिकाऱ्यांनी चार ट्रॉक्टर पकडून मोठी कारवाई केली आहे 
मिळालेल्या माहितीच्या आधारे रेती उपसा करणा-यांवर आळा घालण्यासाठी नायब तहसिलदार नंदकिशोर कुमरे यांचे नेतृत्वात भरारी पथक तयार करण्यांत आले.तयार करण्यात आलेल्या भरारी पथकातील मंडल अधिकारी,संजय कानकाटे, दिपक गोहणे,तलाठी,शंकर पिदुरकर आणि महेश पेंदोर यांनी आज पहाटे 4 वाजता पासून उश्राळा रेती घाटालगत पाळत ठेवली. 
पाळतीवर असतांना चार ट्रॅक्टर सदर रेती घाटावर रेतीचा उपसा करण्यासाठी आले.दरम्यान 8.40 वा.चे दरम्यान भरारी पथकाने धाड मारत रेतीने भरलेले तीन आणि रेती भरण्याचे उद्देशाने उभा असलेला एक असे चार ट्रॅक्टर ताब्यात घेतले.
 ताब्यात घेतलेल्या ट्रॅक्टरची अधिक माहिती घेतली असता सदर ट्रॅक्टर मारोडा येथील सचिन गुरनूले,विकास चौधरी,बाळु मंडलवार आणि श्रीकोंडावार यांच्या मालकीचे असल्याचे समजले. भरारी पथकाने ताब्यात घेतलेले ट्रॅक्टर तहसिल कार्यालयात आणले असून नियमानुसार कारवाई करण्यांत येत आहे.
ताब्यात घेतलेल्या ट्रॅक्टर पैकी दोन ट्रॅक्टरवर नंबर प्लेट नसुन बांधकाम पुर्ण करण्यासाठी अनेकांना रेतीची आवश्यकता असल्याची संधी साधुन तालुक्यातील अनेक मंडळी रेतीचा अवैद्य व्यवसायात गुंतले आहेत.
रेतीचा अवैद्य उपसा करतांना तीन ट्रॅक्टर ताब्यात घेतले, महसुल विभागाच्या भरारी पथकाच्या कारवाईने रेती व्यावसायीकांचे धाबे दणाणले आहेत

चेरपल्लीच्या महिलेवर तेंदू संकलन करताना रानडुकराचा हल्ला 

अहेरी 
जवळील  चेरपल्ली येथील एका महिलेवर तेंदूपत्ता संकलनाचे काम करीत असताना रानडुकराने हल्ला करून जखमी केले आहे

 राजेश्वर बुचम रामटेके यांची पत्नी अंजली राजेश्वर रामटेके हे दिनांक 11 मे रोजी सकाळी तेंदुपत्ता संकलनासाठी जंगलात गेले असता त्यांच्यावर रान डूकराने हल्ला केल्याची घटना घडली आहे त्यामधे ती गंभीर जखमी झाली आहे सदर घटना आज दि ११ मे ला सकाळी सुमारे 8.30 ते 9 वाजताच्या दरम्यान घडल्याची माहिती प्राप्त झाली असून त्यांना अहेरी येथील उपजिल्हा रुग्णालयात उपचारासाठी दाखल करण्यात आल्याची माहिती मिळाली आहे. 
      सध्या अहेरी तालुक्यातील खेळेगावांमध्ये तेंदुपत्ता तोडण्याचा सिजन सुरू झाला असून सामान्यांपासून ते गोर गरीब परिवारातील नागरिक या कामासाठी पहाटेला जंगलात जात असतात मात्र त्यांना जंगली जनावरांचा सामना करावा लागेल याची कल्पना नसते त्यामुळे असे गंभीर अपघात होत असतात. त्यामुळे नागरिकांनी तेंदुपत्ता तोडण्यासाठी जातांना सावधान असणे आवश्यक आहे. जेणेकरून जंगली जनावरांच्या हल्ल्यापासून बचावता येईल.

भाडेकरूच्या घरात घरमालकाच्या मुलगी - जावयाने केली चोरी

मुलगी पोलीसांच्या ताब्यात तर जावई फरार 

भद्रावती:-
शहरातील गोविंद लेआउट येथे राहणाऱ्या घरातून १५ तोळे सोनं व रोख रक्कम चोरी झाल्याची घटना दिनांक 4 मे रोजी घडली. या प्रकरणाचे गांभीर्य लक्षात घेता पोलिसांच्या तपासात घरमालकाची मुलगी व जावईच या घरपोडीचे चोर निघाल्याने आज गुरुवारला मुलीला अटक करण्यात आली असून जावई फरार आहे.

सविस्तर वृत्त असे की, वैशाली सतीश कारेकर वय २८ वर्ष, सतीश कारेकर वय ३८ वर्ष राहणार वणी हल्ली मुक्काम भद्रावती असे आरोपीचे नाव असुन फिर्यादी महेश माशीरकर हे मंदा वरखडे राहणार गोविंद लेआऊट यांच्या घरी भाडयाने राहतात घटनेच्या दिवशी महेश यांचे आई- वडील बाहेर गावी गेले होते व महेश हा काही कामानिमित्त घरातील दरवाज्याला कुलुप न लावता काही वेळासाठी बाहेर गेला. ही संधी साधुन आरोपींनी किरायेदराच्या घरात प्रवेश  करून कपाटातून 15 तोळे सोनं व रोख रक्कम ७ हजार लंपास केले.

महेश घरी आल्यावर त्याला घरात चोरी झाल्याचे लक्षात आले. घरी शोधाशोध करून तसेच शेजारी चौकशी करूनही चोरीचा सुगावा न लागल्याने त्याने दिनांक 5 मे रोजी भद्रावती पोलिसात तक्रार दाखल केली. घटनेचे गांभीर्य लक्षात घेता ठाणेदार बिपिन इंगळे यांनी तपास सुरू करून घराबाहेरील सीसीटीव्ही फुटेज बघितले मात्र घटनेच्या वेळी बाहेरील कोणी व्यक्ती घरात प्रवेश करताना किंवा जाताना दिसला नाही त्यानंतर पोलिसांना घरमालकावर संशय आल्याने त्यांनी चौकशी केली अखेरीस वैशालीला पोलिसी हिसका दाखवताच तिने चोरीची कबुली दिली.

वैशालीला अटक करण्यात आली असून तिचे कडून चोरी केलेला मुद्देमाल हस्तगत करण्यात आला. यातील दुसरा आरोपी सतीश फरार आहे. सदर कारवाई ठाणेदार बिपिन इंगळे यांच्या मार्गदर्शनात सपोनी विरेंद्र केदार, गजानन तुपकर, अनुप आष्टूनकर, निकेश ढेंगे, विश्वनाथ चुधरी, जगदीश झाडे, योगेश घाटोळे यांनी केली.

तेंदूपत्ता गोळा करण्यासाठी गेलेल्या आशिषला वाघाने केले ठार

प्रमोद झरकर उपसंपादक वैनगंगा वार्ता १९

मुल :-
तालुका अंतर्गत पदजारी -रत्नापूर जंगलामधील कक्ष क्र.३२४मध्ये गावातील चार ते पाच लोक तेंदूपत्ता संकलनाचे काम करण्यासाठी गेले असता झुडपात दबा धरून बसलेल्या वाघाने आशिष सुरेश सोनुले वय ३४ याचेवर हमला करुन ठार केले 
मुल तालुक्यातील जंगलव्याप्त ग्रामीण भागात उन्हाळ्यात काम नसल्याने मजूर तेंदूपत्ता संकलनासाठी जंगलात साठी जातात. रत्नपुरा पडझरी परीषदेचे काही सदस्य पहाटे गावाजवळील जंगलात तेदुपत्ता तोडणी साठी गेले होते. नेहमीप्रमाणे सर्वजण वेगवेगळ्या ठिकाणी पाने तोडत असताना झुडपात बसलेल्या पट्टेरी वाघाने आशिष सोनुले यांच्यावर हल्ला करून काही अंतरापर्यंत खेचत नेले. वाघाने आशिषवर हल्ला केल्याचे शेजारी उपस्थित असलेल्या मित्रांना समजताच  आरडाओरडा केल्याने वाघ जंगलात पळून गेला 

 आज घटनेची माहिती मिळताच ग्रामस्थांनी वनविभागाविरोधात संताप व्यक्त करत काँग्रेस नेते संतोषसिंह रावत यांच्या नेतृत्वाखाली वाघांच्या बंदोबस्ताची मागणी लावून धरली. आज वाघाच्या हल्ल्यात मृत्युमुखी पडलेल्या आशिष सुरेश सोनुले यांच्या कुटुंबात पत्नी, दोन मुली आणि एक मुलगा आहे.

घटनेची माहिती मिळताच वनपरिक्षेत्र अधिकारी कोरेकर यांच्या मार्गदर्शनाखाली परिक्षेत्र सहायक पकेवार, वनरक्षक एस.जी. पकडले, वनरक्षक ज्योती दावेवार यांनी तत्काळ घटनास्थळाचा पंचनामा करून मृताचा मृतदेह शवविच्छेदनासाठी उपजिल्हा रुग्णालयात हलवला. यावेळी उपस्थित ग्रामस्थांनी वनविभागाने मृताच्या कुटुंबीयांना तातडीने आर्थिक मदत देण्याची मागणी केली. त्यानंतर क्षेत्र सहाय्यक पकेवार यांनी मृताच्या पत्नीला 25 हजार रुपये देण्याचे आश्वासन दिले व शासकिय मदत मिळवून देण्यासाठी प्रयत्न केला जाईल असेही सांगितले

अवैध रेती वाहतुक करणा-या रेती तस्करांच्या स्थानिक गुन्हे शाखाने आवळल्या मुस्क्या 

चंद्रपुर :-पोलीस अधिक्षक मुम्मका सुदर्शन सा. चंद्रपुर यांचे आदेशान्वये चंद्रुपर जिल्ह्यामध्ये अवैध धंद्यावर कडक कारवाई करण्याचे आदेश स्थानिक गुन्हे शाखा यांना दिले. त्या अनुषंगाने पो.नि. महेश कोंडावार स्थागुशा, चंद्रपुर यांनी एक पथक नेमुन त्यांना अवैध धंद्यावर कारवाई करण्याचे निर्देश दिले.
त्यावरुन स्थानिक गुन्हे शाखा, चंद्रपुर यांचे एक पथक पो.स्टे. शेगाव येथे पेट्रोलिंग करीत असता दि. 09.05.2024 गोपनिय बातमीदारा कडुन मिळाली की, काही ईसम ट्रॅक्टरनी अवैधरित्या बोथली नदी घाटातुन ट्रॅक्टरनी अवैधरित्या चोरट्या रेतीची वाहतुक करुन सावरी, गिरोला व आबमक्ता परीसरात करणार आहेत अश्या गुप्त माहिती वरून पहाटे 07.30 वा. दरम्यान सावरी ते गिरोला रोडवर कर्मविर शाळेजवळ सापळा रचुन तिन वेगवेगळ्या ट्रॅक्टर व ट्रॉली त्यांच्या दिशेने येताना दिसले. तेव्हा त्या तिन्ही ट्रॅक्टरला थांबवुन वरील तिन्ही ट्रॅक्टर व ट्रॉलीचा पंचासमक्ष पाहणी केली असता तिन्ही ट्रॅक्टर च्या ट्रॉलीमध्ये अंदाजे तिन ब्रास रेती मिळुन आली. वर नमुद तिन्ही ट्रॅक्टर चे चालकास रेती वाहतुकीचा परवाना (रॉयल्टी) बाबत विचारले असता त्याचे जवळ रेती वाहतुकीचा परवाना नसुन त्याने ती रेती बोथली नदीघाट येथुन चोरुन आणुन मौजा सावरी, गिरोला परीसरात विकण्याकरीता घेवुन जात असल्याचे सांगितले. सदरच्या कारवाईत एकुण 03 ब्रास रेती किं. 15,000/- रु. व 03 ट्रॅक्टर किं. 18,00,000/- असा एकुण 18,15,000/-रु. (अठरा लाख पंधरा हजार रुपये) चा मुद्देमाल जप्त करुन चालक नामे चालक नामे 1) सुनिल शालीक गायकवाड वय 30 वर्षे रा. खानगाव ता.चिमुर जि. चंद्रपुर 2) रविंद्र अंबादास काळसर्पे वय 35 वर्षे रा. बेंबडा ता. वरोरा 3) नितेश नथ्थुजी झाडे वय 33 वर्षे रा. अमरपुरी ता. चिमुर व मालक नामे 4) प्रविण शंकर मोहारे वय 35 वर्षे रा. गिरोला ता. वरोरा 5) दामोघर ताराचंद शेंडे वय 51 वर्षे रा. गुजगव्हाण ता. चिमुर पाहीजे आरोपी नामे 6) प्रशांत उर्फ माकोडा जनार्धन शामकुळे वय 40 वर्षे रा. खडसंगी ता. चिमुर यांचेविरुध्द पो.स्टे. शेगाव येथे विविध कलमां अंतर्गत गुन्हा नोंद करुन जप्त मुद्देमाल व आरोपी यांना पुढील तपासकामी पो.स्टे. शेगाव यांचे ताब्यात देण्यात आले.

शेताची पाहणी करीत असताना 
सर्पदंशाने शेतकऱ्याचा मृत्यू 

गडचिरोली:-
 कुरखेडा तालुक्यातील मालेवाडा जवळील फरी येथील  एका शेतकऱ्याला  शेतीची पाहणी करीत असताना त्याला विषारी सापाने दंश केल्याने  मृत्यू झाल्याची घटना घडली आहे. 
 धान कापनीचा मोसम सुरु झाला आहे परंतू मागील एक दोन दिवसांपुर्वी परिसरात अवकाळी पाऊस पडल्यामुळे शेतात पाणी साचून ओलावा झाला आहे. शेतातील साचलेल्या पाण्यामुळे धान कापनी करता येईल का हे बघण्यासाठी फरी येथील शेतकरी देवानंद सदानंद मडावी वय ३८ वर्षे शेतात गेला असता, शेतातच त्याला  विषारी सापाने दंश केला प्रथमोपचार करिता त्याला मालेवाडा येथील आरोग्य केंद्रात उपचारासाठी दाखल करण्यात आले परंतु तेथुन पुढील उपचारासाठी कुरखेडा उप जिल्हा रुग्णालयात पाठविण्यात आले मात्र रस्त्यातच त्याचा मृत्यू झाला.

दोन चिमुकल्यांचा तलावात बुडून मृत्यू, गोंडपिपरी येथील घटना 

गोंडपिपरी, ता. ८ : नेहमी आपल्या घराजवळ खेळणारे काही चिमुकले न्यायालयाच्या बाजूला असलेल्या तलाव परिसरात गेले. यापैकी दोघे जण पोहायला तलावात उतरले अन् बुडाले. रात्री उशिरापर्यंत मुले घरी आले नाही. यामुळे कुटुंबीयांनी शोधाशोध सुरू केली. पोलिसांनाही माहिती देण्यात आली. शेवटी तलावाच्या जवळ दोघांचे कपडे आढळून आले. पोलिसांना बुधवार (ता. ८) सकाळी त्यांचे मृतदेह सापडले.

मंगळवारी दुपारी गोंडपिपरीत घडलेली ही घटना रात्री समोर आली. दोन चिमुकल्यांच्या दुर्दैवी मृत्यूने गोंडपिपरीकरांना हेलावून सोडले. गौरव विलास ठाकूर (वय १४), शौर्य भास्कर पिंपळशेंडे (वय १५) अशी मृतांची नावे आहेत. ते येथील शिवाजी चौकातील रहिवासी होते.

उन्हाळ्याच्या सुट्ट्या लागल्या असल्याने व उन्हाचा पारा जास्त असल्याने मंगळवारी दुपारच्या सुमारास शिवाजी वार्डातील काही मुले फिरण्यासाठी गेले. त्यानंतर न्यायालयाजवळ असलेल्या परसबोडी तलावात त्यांना पोहण्याचा मोह आवरला नाही. चिमुकले पोहण्यासाठी तलावात उतरले. काही वेळाने तेथील काही मुले घरी परतले. मात्र, बऱ्याच वेळेपर्यंत गौरव व शौर्य हे घरी परतले नाही. आई वडिलांनी त्यांना शोधण्यास सुरवात केली. जवळच असलेल्या तलावाजवळ ते पोचले. तिथे आपल्या मुलांचे कपडे बघून त्यांना शंका आली. लगेच आई वडिलांनी पोलिस स्टेशन गाठून घटनेची माहिती दिली.

माहिती मिळताच गोंडपिंपरीचे ठाणेदार रमेश हत्तीगोटे पोलिस ताफ्यासह घटनास्थळावर हजर झाले. मृतदेह शोधण्यासाठी पथकाला पाचारण करण्यात आले. मात्र रात्र बरीच झाल्याने पथक पोहचू शकले नाही. दरम्यान तलावाजवळ रात्रभर पोलिसांनी पहारा दिला. सकाळी पोलिसांनी तलावातून दोन मृतदेह बाहेर काढले. आपल्या चिमुकल्या मुलाचे शव पाहता आई वडिलांनी हंबरडा फोडला.

विध्वंसक कारवाया करण्यासाठी माओवाद्यांनी पुरुन ठेवलेले स्फोटके गडचिरोली पोलीसांनी केले नष्ट.

गडचिरोली:-
विध्वंसक कारवाया करण्यासाठी माओवाद्यानी पुरुण ठेवलेले स्फोटके गडचिरोली पोलीसांनी उध्वस्त केले आहे
लोकसभा सार्वत्रिक निवडणूक  2024 दरम्यान आय.ई.डी. हल्ले करण्याच्या योजनेत माओवाद्यांनी टिपागड परिसरात काही स्फोटके आणि क्लेमोर माईन्स जमिनीत पुरुन ठेवली असल्याबाबतची विश्वासार्ह माहिती प्राप्त झाल्याने कोणत्याही संभाव्य घटना टाळण्यासाठी लोकसभा सार्वत्रिक निवडणूक - 2024 साठी त्या भागात क्षेत्राचे शोध अभियान राबविले आणि सुरक्षा दलांची जोरदार तैनाती करण्यात आली होती, ज्यामुळे माओवाद्यांना त्या वेळी या क्लेमोअर्स / स्फोटकांचा वापर करणे अशक्य होते. खात्रीशिर मिळालेल्या माहितीच्या आधारे काल टिपागड परिसरात एक निश्चित अचूक ठिकाण उघडकीस आले जिथे डोंगरावर ही स्फोटके आणि क्लेमोर माईन्स पुरुन ठेवण्यात आले होते.
  पोलिस अधीक्षक यांच्या मार्गदर्शनाखाली तातडीने 02 बी.डी.डी.एस. च्या पथकासह सी - 60 चे एक पथक आणि सी.आर.पी.एफचे एक क्यु.ए.टी पथक डंप शोध मोहिम राबविणेकामी आणि गरज पडल्यास तो नष्ट करण्यासाठी तैनात करण्यात आले होते.  आज सकाळी जेव्हा पथके घटनास्थळी पोहोचली तेव्हा त्यांना स्फोटके आणि डिटोनेटरने भरलेले 06 प्रेशर कुकर आणि स्फोटकांनी आणि गंजलेले लोखंडी तुकडे भरलेले 03 क्लेमोर पाईप्स देखील सापडले.  उर्वरित 3 क्लेमोर पाईप्स कोणतेही स्फोटक नसलेले होते.  पथकांना त्याच ठिकाणी प्लास्टिकच्या पिशवीत गनपावडर, औषधे आणि ब्लँकेट सापडले.  एकुण 9 आय.ई.डी. आणि 3 क्लेमोर पाईप्स बी.डी.डी.एस. पथकाच्या सहाय्याने घटनास्थळी नष्ट करण्यात आले.
तसेच घटनास्थळी असलेले उर्वरित साहित्य जागीच जळून खाक झाले आहे. पोलीस मदत केंद्रामध्ये आल्यानंतर गुन्हा नोदविण्याची तजवीज ठेवली आहे.

सिंगणपल्ली गावाकडे लोकप्रतिनिधीनी फिरवीली पाठ

 रस्त्याचा प्रश्न केव्हा सुटणार, ग्रामस्थांचा सवाल 

लोकप्रतिनिधी फक्त मत मागायला येतात त्यानंतर ते गावात कधी फिरकतच नाहीत 

आष्टी: -
चामोर्शी तालुक्यातील सिंगणपल्ली या गावाला एकमेव पोचमार्ग असून तो पूर्णपणे उखडून गेला असल्याने गावकर्‍यांना ये - जा करण्याकरिता मोठा त्रास सहन करावा लागतो आहे. सिंगणपल्ली हे गाव चपराळा वन्यजीव अभयारण्य अंतर्गत येत असल्यामुळे रस्ता बनविण्यास अडचण असल्याचे सांगण्यात येत आहे पण हे गाव चपराळा वन्यजीव अभयारण्यात असले तरी ये - जा करण्याकरिता पक्का  नको काय? असा प्रश्न येथील ग्रामस्थ करीत आहेत 
चौडमपल्लीपासून 4 कि.मी.अंतरावर असलेल्या सिंगणपल्ली या गावाला जाण्यासाठी एकमेव असलेल्या रस्त्याची अशी चाळण झाली आहे की पादचाऱ्यांना काटकसर करावी लागते आहे. 
शाळकरी विद्यार्थ्यांचे जाणे येणे, वैद्यकीय सुविधा, अशा अनेक मूलभूत गरजांसाठी  गावकर्‍यांना मोठी कसरत करावी लागते आहे
 या क्षेत्रातील लोकप्रतिनिधी यांनी या गावाच्या गोरगरीब जनतेचा मुलभूत गरजांचा विचार करून कमितकमी ह्या रस्त्याकडे  लक्ष देतील काय? याकडे गावकरी आस लावून बसले आहेत. निवडणूकीच्यावेळी लोकप्रतिनिधी गावात येऊन मोठ मोठे आश्वासन देतात आणि निवडणूक झाली की विसरून जातात आमची जाण्यायेण्याची अडचण लक्षात घेऊन लोकप्रतिनिधी या रस्त्याच्या दुरुस्तीसाठी प्रयत्न करून रस्ता दुरुस्ती करावा अशी मागणी गावकऱ्यांकडून करण्यात येत आहे

सप्तशृंगी गडावरुन खोल दरीत उडी घेवून युवक व अल्पवयीन मुलीची आत्महत्या

वणी:- आद्य स्वयंभू शक्तीपीठ असलेल्या वणी गडावरील शीतकड्यावरून सुमारे चारशे फुट खोल दरीत उडी घेवून युवक व अल्पवयीन मुलीने आत्महत्या केल्याची घटना घडली आहे.
सप्तशृंगी गडावर मंगेश राजाराम शिंदे वय 24 वर्ष रा. भायाळे ता. चांदवड जि. नाशिक व अल्पवयीन मुलगी हे मोटर सायकल क्र. Мн 15 HJ 5915 ने वडनेर भैरव ता. दिंडोरी जि. नाशिक येथुन दि. 28/04/2024 रोजी वणी सप्तश्रृंगी गड येथे आले होते.
सप्तशृंगी गडावर अज्ञात कारणाने या दोघांनी सप्तशृंगी गडावरील शीतकडा येथे येवून सुमारे चारशे ते पाचशे फुट खोल दरीत उडी घेवून आत्महत्या केली आहे. शीतकड्यावरून उडी घेतलेल्या मुलीचा मृतदेह हा झाडाला अडकलेला तर मुलाचा मृतदेह दरीत कोसळलेला आढळला. घटनेस साधारण सहा दिवस होवून गेलेले असल्याने मृतदेह कुजलेल्या अवस्थेत आढळले.

याबाबत भातोडे, ता. दिंडोरी चे पोलिस पाटील विजय चव्हाण यांना गुराख्यांनी माहिती दिल्यानंतर वणी पोलिसांत खबर देण्यात आली. वणी पोलिसांनी स्थानिक युवकांच्या मदतीने अवघड अशा दरी पार करीत मृतदेह ताब्यात घेत पंचनामा केला. वैद्यकिय अधिकाऱ्यांनी जागेवरच शवविच्छेदन केले. सदर युवक व युवतीचे प्रेमप्रकरण असल्याची प्राथमिक माहीती असून याबाबत  वनी पोलिस अधिक चौकशी करीत आहे.

कत्तलखान्याकडे नेत असलेल्या जनावरांना पोलीसांनी दिले जीवदान

२२,२०,००० रुपयांचा मुद्देमाल जप्त

नागभीड:-
कत्तलखान्याकडे नेत असलेल्या तिन वाहनांना रेल्वे क्रॉसिंग जवळ नागभीड पोलीसांनी तिन पिक अप मधील १२ बैलांना जीवदान दिले आहे
गुप्त माहिती वरून दि ५ में ला नाकेबंदी केली तेव्हा एम एच ३४ बी झेड १४४१ ,एम एच ३६ एए २८११ ,एम एच ३६ एए २८८४ या तिन वाहनांना थांबवून चौकशी केली असता प्रत्येक वाहनात ४ बैल असे १२ बैल मिळून आल्याने त्यांना ताब्यात घेऊन अक्सर सय्यद अली सय्यद वय ४२ रा.ब्रम्हपूरी देवदास गोमा नेवारे वय ४० रा.सुकडी जिल्हा भंडारा, धनराज बडवाईक ४०, तौशीफ आशीफ पठाण वय २२ दोन्ही रा.पापडा जिल्हा भंडारा या आरोपींना पोलिसांनी ताब्यात घेतले आहे
तीन पिक अप वाहन किंमत २१ लाख रुपये व १२ बैल एक लाख विस हजार रुपये असा एकूण बाविस लाख विस हजार रुपयांचा मुद्देमाल जप्त करण्यात आला आहे
सदर कारवाई पोलीस अधीक्षक मुम्मका सुदर्शन,अप्पर पोलीस अधीक्षक रिना जनबंधू, उपविभागीय पोलिस अधिकारी दिनकर ठोसरे, यांच्या मार्गदर्शनात पोलीस निरीक्षक विजय राठोड,सपोनी पोटभरे, पोलीस अंमलदार अजीत, रोहीत, चापोशी गजानन यांनी केली आहे

तेंदूपत्ता गोळा करण्यासाठी जंगलात गेलेल्या महिलेला वाघाने केले ठार

प्रमोद झरकर/उपसंपादक वैनगंगा वार्ता १८

सिंदेवाही तालुक्यातील शिवनी वनपरिक्षेत्रातील  पेटगाव-खातेरा बीटात कक्ष क्रमांक ३२२ मध्ये बामणी (माल )येथील ४ मे २०२४ ला सकाळी अंदाजे ८:३० वाजता तेंदूपत्ता गोळा  करण्यासाठी जंगलात गेलेल्या सौ. दीपा दिलीप गेडाम (३५) वर्षीय महिलेला दबा धरून बसलेल्या वाघाने ठार केले सदर घटनेची माहिती मिळताच सिंदेवाही पोलिस स्टेशन चे ठाणेदार तुषार चव्हाण आणि त्यांची चमु, वनविभाग मौक्यावर तात्काळ पोहचून पंचनामा व इतर प्रक्रिया पार पाडली.

यावेळी वनपरिक्षेत्र अधिकारी शिवनी विदेशकुमार गलगट, क्षेत्रसहाय्यक एस .वाय .बुले, क्षेत्र सहाय्यक पेंदोर, क्षेत्र सहायक प्रधान शिवनी, वन रक्षक मडावी,  कोवे, शेख, भारत मडावी, सवसाकडे इत्यादी कर्मचारी वन मजूर व पि आर टी सदस्य हजर होते.

आष्टी परिसरात अपघाताची मालीका सुरुच,उभ्या ट्रकला ट्रकने दिली धडक, ट्रकचालक जखमी 

आष्टी येथील महाकाली पेट्रोल पंपा जवळील घटना

आष्टी :- शहरापासून गडचिरोली  जाणाऱ्या राष्ट्रीय महामार्गावरील आष्टी शहराजवळील महाकाली पेट्रोल‌ पंपाजवळ सि .जी. ०७ बि. के. ४५१५ या क्रमांकाचा ट्रक रस्त्याच्या कडेला उभा होता. सि. जी. ०४ एल.पि.४४२९ या क्रमांकाच्या ट्रकने मागून धडक दिली हि घटना दिनांक ०४ मे रोजी दुपारी ०३ वाजता दरम्यान घडली रस्त्याच्या कडेला उभे असलेल्या ट्रकला मागून येणाऱ्या ट्रकने जोरदार धडक दिली, या धडकेत ट्रकची कॅबिन चकनाचूर झाली असून सुभाष मेश्राम रा. डोंगरगाव ता. अर्जुनी जिल्हा गोंदिया असे जखमी ट्रकचालकाचे नाव आहे. मागून धडक देणारा ट्रक चालक हा दारू पिऊन असल्याने क्लिनर बालू पुरषोत्तम उके,वय वर्षे १८ हा गाडी चालवित होता हा सुखरूप असल्याची माहिती मिळाली आहे 
मात्र दारुच्या नशेत असलेल्या चालकाचे प्राण बालंबाल बचावले आहेत 

चारचाकी वाहन असो की ट्रक याला साधा बेल्ट नसला की आरटीओ तसेच पोलीस विभाग तात्काळ चालान मारतात मात्र सध्या अवजड वाहने व नियम भंग करणाऱ्या वाहनांवर कारवाई ही नाममात्र होत आहे. आष्टी शहराजवळील महाकाली पेट्रोल पंपाजवळ व आलापल्ली मार्गावरील कोहळे यांच्या पेट्रोल पंपाजवळ नेहमी ट्रकांच्या रांगा लागल्या असतात या दोन्ही पेट्रोल पंपाजवळ सुरजागड लोहप्रकल्पाचे सुरक्षा रक्षक नेहमी गस्तीवर असतात तरी या ट्रकांच्या रांगा कशा लागतात मग सुरक्षा रक्षकांचा काम काय? या वर्दळीच्या ठिकाणी सुरक्षा रक्षकांनी रस्त्याच्या कडेला ट्रकस उभेच करू दिले नसते तर हा अपघात घडला नसता अशी चर्चा आष्टी शहरासह परिसरात आहे. या वर्दळीच्या ठिकाणी नियम बाहेर रस्त्याच्या कडेला असणाऱ्या ट्रकवर कुणाचा आशीर्वाद अशा चर्चांना उधान आले आहे. या जिवघेण्या सुरजागड लोहखप्रकल्पा मुळे अपघातांची मालिका सुरूच असल्याचे दिसून येत आहे
या बाबतीत कोन लक्ष घालणार असा यक्ष प्रश्न उपस्थित होतो आहे

दिड लाखांचे बक्षीस असलेल्या जहाल नक्षल समर्थकास  पोलिसांनी  केली अटक

सिरोंचा : विविध हिंसक कारवायांमध्ये सहभागी
असलेल्या एक जहाल नक्षल समर्थकास पोलिसांनी अटक केली आहे. शंकर वंगा कुडयामी वय, ३४ वर्ष, असे अटकेतील नक्षल समर्थकाचे नाव असून, तो छत्तीसगड राज्यातील बिजापूर जिल्ह्यातील कांडलापार्ती येथील रहिवासी आहे.

सिरोंचा येथील पोलीस आणि विशेष अभियान पथकाच्या जवानांनी त्याला सिरोंचा कालेश्वरम मार्गावर लावलेल्या नाकेबंदी दरम्यान अटक केली. शंकर हा कट्टर नक्षल समर्थक होता. नक्षल्यांना राशन पुरविणे, नक्षल्यांचे बॅनर लावणे, गावातील नागरिकांना बैठकीसाठी बोलावणे अशी कामे तो करीत होता. २०१५ पासून तो नॅशनल एरिया कमिटीत भरती झाला.

चार चकमकींमध्ये त्याचा सहभाग होता. २०२२ मध्ये छत्तीसगडमधील मोरमेड चिंतलपल्ली आणि २०२३ मध्ये बडा काकलेर व डम्मूर-बारेगुडा जंगलात पोलिस आणि नक्षल्यांमध्ये झालेलया चकमकीत तो सहभागी होता. शिवाय यंदा गडचिरोली जिल्ह्यातील लिंगमपल्ली-मोदुमडगू जंगलात झालेल्या चकमकीतही त्याचा सहभाग होता, ज्यात चार नक्षली ठार झाले होते. २०२४ मध्ये कोरंजेड, कचलेर आणि छत्तीसगडमधील भोपालपट्टनम येथील प्रत्येकी एक अशा तीन निरपराध नागरिकांच्या हत्येत त्याचा सहभाग होता, अशी माहिती पोलिसांनी दिली.पोलीस अधीक्षक नीलोत्पल, अपर पोलिस अधीक्षक यतीश देशमुख, कुमार चिंता, एम. रमेश यांच्या मार्गदर्शनाखाली ही कारवाई करण्यात आली. जानेवारी २०२२ पासून आतापर्यंत पोलिसांनी ७९ नक्षल्यांना अटक केली आहे.

पिकअपला वाहनाला सुरजागडच्या मालवाहू ट्रकने दिली धडक, तीन जखमी,

सुरजागडच्या मालवाहू वाहनाची अपघातांची मालिका सुरूच

आष्टी : ३ मे  :-  गडचिरोलीतल्या जीवघेण्या सुरजागड प्रकल्पामुळे आणखी एक अपघात झाला आहे. सुरजागड येथील खाणीतून लोह खनिजाची वाहतूक करणाऱ्या ट्रकने पिकअपला धडक दिली या धडकेत तीन इसम गंभीर जखमी झाले आहेत. हि घटना दिनांक ३ मे रोजी सायंकाळच्या सुमारास घडली. 
पिक अप वाहन हे अहेरी कडे जात होते समोरुन येणाऱ्या सुरजागडच्या मालवाहू ट्रकने जब्बर धडक दिल्याने सागर चुक्कावार पिकअपचा वाहनचालक गंभीर असून चंदा राजन्ना कडरला, राजन्ना कडरला श्रीनिवास जखमी आहेत या जखमींना आष्टी येथील ग्रामीण रुग्णालयात उपचारासाठी दाखल  करण्यात आले आहे 
आष्टी – आल्लापली महामार्गावरील महाकाली मंदिराच्या वळणाच्या समोर हा अपघात  घडला. दिनांक २ मे रोजी आष्टी जवळील महात्मा ज्योतिबा फुले महाविद्यालयाजवळ एका इसमाने आपली दुचाकी सोडून दिल्याने त्या इसमाचा जीव वाचला त्या इसमाची दुचाकी ट्रकमध्ये घुसल्याने दुचाकीचे मोठे नुकसान झाले.
गेल्या अनेक दिवसांपासून वादात असलेला आणि नागरिकांच्या संतापाचे कारण असलेला गडचिरोली एटापल्ली तालुक्यातील सुरजागड  या प्रकल्पामुळे रोजच काहीना काही दुर्घटना घडत असतात.
सुरजागड लोह प्रकल्पामुळे मोठ्या प्रमाणावर अवजड वाहतूक होत असल्याने मोठमोठे खड्डे पडून रस्त्याची अतिशय दयनीय अवस्था झाली आहे. या मार्गावर नेहमीच अपघात होत असून सामान्य नागरिकांचे निष्पाप बळी जात आहेत. शिवाय प्रचंड धुळीच्या प्रदूषणामुळे नागरिकांचे आरोग्य देखील धोक्यात आले आहे. यामुळे या सर्व बाबीमुळे त्रस्त झालेल्या नागरिकांना अपघाताचे निमित्त मिळताच सुरजागड प्रकल्पाला असलेल्या विरोधाचा उद्रेक होताना दिसून येत आहे

दोन दुचाकींची आमोरासमोर धडक एक जण जागीच ठार,
तीन जखमी 

आष्टी येथील को - आपरेटिव्ह बॅंक समोरील घटना
आष्टी:-
दोन दुचाकींची आमोरासमोर धडक बसल्याने एक दुचाकी स्वार जागीच ठार झाल्याची घटना दिनांक 3 मे शुक्रवारी संध्याकाळी साडे सहा वाजताच्या सुमारास आष्टी येथे घडली.

अमोल रोहणकर वय 28 वर्ष रा. किष्टापुर ता. चामोर्शी असे मृत दुचाकी स्वाराचे नाव आहे.

मृत अमोल रोहणकर हा लग्न समारंभात राळापेठ येथे गेला होता कार्यक्रम आटोपून आपली दुचाकी क्र एम एच ३३झेड १०२८ ने तो परत किष्ठापूर आपल्या स्वगावाकडे जात असताना आष्टी - चामोर्शी मार्गावरील को -ऑपरेटिव्ह बँकेच्या समोर अनखोडा येथुन येत असलेल्या दुचाकी क्र एम एच ३३झेड ००३४ या दुचाकीस्वाराला समोरासमोर जबर धडक दिली यात अमोल रोहणकर याचा जागीच मृत्यू झाला तर दुसऱ्या दुचाकी वरील व्यक्ती किरकोळ जखमी झाले आहेत जखमींमध्ये सागर दुर्गे वय २३ रा. अनखोडा , गुलचंद दुर्गे वय १४, वंश दुर्गे वय १२ दोन्ही रा. छल्लेवाडा ता अहेरी असे नावे आहेत
घटनेची माहिती कळताच आष्टी पोलिस घटना स्थळी दाखल झाले व मृतकाला आष्टी येथील ग्रामीण रूग्णालयात शवविच्छेदनासाठी नेण्यात आले. घटनेचा पुढील तपास आष्टी पोलिस ठाण्याचे ठाणेदार विशाल काळे यांच्या मार्गदर्शनाखाली सुरु आहे

जादुटोण्याच्या संशयावरुन तिघांना जाळले जिवंत, पोलीसांनी १४ जणांना केली अटक

गडचिरोली जिल्ह्यातील एटापल्ली तालुक्यातील घटना 

गडचिरोली, ता. ३ः पुरोगामी महाराष्ट्र राज्याचा वर्धापन दिन धुमधडाक्यात साजरा होत असताना जादुटोण्याच्या संशयावरुन गावकऱ्यांनी एका महिलेस दोन जणांना जीवंत जाळल्याची घटना १ मे रोजी एटापल्ली तालुक्यातील बारसेवाडा येथे घडली. याप्रकरणी १४ जणांना पोलिसांनी अटक केली आहे.
मृतकाचे नाव  जमनी तेलामी हिचा पती देवाजी तेलामी (६०) आणि मुलगा दिवाकर तेलामी (२८) यांचा समावेश आहे.
जननी आणि देवू हे वेगवेगळ्या कुटुंबातील असले, तरी ते पुजारी म्हणून काम करीत होते. त्यामुळे ते जादुटोणा करतात, असा काही जणांना संशय होता. अशातच जीवनगट्टा-चंदनवेली मार्गावरील बोलेपल्ली येथील एका महिलेचा गर्भपात झाला. त्यानंतर महिनाभरापूर्वी एक महिन्याच्या मुलीचा मृत्यू झाला. याच कुटुंबातील एका दीड वर्षीय मुलीचा १ मे रोजी मृत्यू झाला. दोघींचाही मृत्यू जननी तैलामी आणि देवू आतलामी यांनी जादुटोणा केल्यामुळे झाला, असा त्या कुटुंबीयांचा संशय होता. त्यामुळे कुटुंबीय काही जणांना सोबत घेऊन १ मे रोजी रात्री जननी आणि देवूच्या घरी गेले, त्यांनी दोघांनाही बेदम मारहाण केली. यानंतर त्यांना गावाजवळच्या नाल्यात नेऊन जाळले. याप्रकरणी जननीचा वासामुंडी येथे राहणारा भाऊ शाहू मोहनंदा याने पोलिसांत तक्रार केली. त्यानुसार पोलिसांनी १४ जणांना अटक केल्याची माहिती पोलिस निरीक्षक नीळकंठ कुकडे यांनी दिली. घटनेनंतर अहेरीचे अतिरिक्त पोलिस अधीक्षक एम. रमेश, उपविभागीय पोलिस अधिकारी चैतन्य कदम यांनी घटनास्थळी भेट देऊन पाहणी केली.

पाच महिन्यातील दुसरी घटना

जादुटोण्याच्या संशयावरुन हत्या केल्याची गडचिरोली जिल्ह्यातील पाच महिन्यांतील ही दुसरी घटना आहे. ७ डिसेंबर २०२३ रोजी भामरागड तालुक्यातील गुंडापुरी येथे वृद्ध पती, पत्नी आणि त्यांच्या नातीची गळा चिरुन हत्या करण्यात आली होती. याप्रकरणातही मृतांच्या दोन मुलांना अटक करण्यात आली होती. हे गावसुद्धा एटापल्ली तालुक्याच्या सीमेवर आहे. या घटनेनंतर आता बारसेवाडा येथे हत्याकांड झाल्याने जिल्हा हादरला आहे.

रानटी हत्तीने केली पिकाची नासाडी,  नवरगावच्या शेतकऱ्यांचे लाखोचे नुकसान - भरपाई देण्याची शेतकऱ्याची मागणी.

गडचिरोली  / अशोक खंडारे 

 गडचिरोली वरून अवघ्या १५ कि.मी. अंतरावर असलेल्या नवरगांव (पोर्ला) येथे रात्रौ चे सुमारास गडचिरोली जिल्हयात फिरत असलेले रानटी हत्ती नवरगाव शेत शिवारात आले
व कास्तकारांच्या उभ्या पिकाचे लाखोचे नुकसान केले. दि. २ मे चे रात्रौ जंगली हत्तीचा कळप नवरगाव जंगलातून दशरथ धाकडे व भगवंत चुधरी यांच्या शेतात घुसुन उन्हाळी धान पिकाचे नुकसान केले एवढेच नव्हे सदर शेतकऱ्याचे मोटार पॅम्प व पाईप लाईन ची तोडफोड केल्यामुळे सदर शेतकऱ्यांचे लाखो रुपयांचे नुकसान झाले आहे.

शेतकऱ्यांची झालेली नुकसान भरपाई वनविभागाने त्वरीत द्यावी अशी मागणी शेतकऱ्यांनी   केलेली आहे.तेंदू पत्ता सिझन चा हंगाम व कास्तकारांचे उन्हाळी पिक आहे. आता शेतात व जंगलात कसे जायंचे या विवेचनात नवरगांव गावकरी आहेत. वन विभाग पोर्ला चे RFO मडावी अजुनही आपल्या ताफ्यासहीत पाहणी करण्याकरीता पोहचले नाही असी माहिती प्राप्त झाली आहे

गडचिरोली जिल्ह्यात खरचं दारुबंदी आहे काय? बंदी असताना मुबलक प्रमाणात उपलब्ध कशी?

आष्टी परिसरात अवैध दारू विक्री ,कुनाच्या आशिर्वादाने?

जिल्ह्यात दारूबंदी असताना रस्त्यावर दिसतात दारूच्या खाली बाटल्या 

आष्टी -:
 गडचिरोली जिल्हयात दारूबंदी असुन सुद्धा देशी, विदेशी, बिअर च्या बाटला येतात कुठुन ? हे एक पोलीसांना आव्हानच आहे. बिअरच्या बाटल्या चोरट्या मार्गाने आणणे कठीण काम आहे. तरीही अवैध दारू तस्करांनी आपले मार्ग वेगळे शोधले काय असा प्रश्न उपस्थित होतो आहे
एकतर बिअरच्या व इंग्रजी दारुच्या दोन लिटच्या बाटल्या मोठ्या असतात बिअर आणुन त्या फ्रिजमधे थंड कराव्या लागतात एवढे कठीण काम अवैध बिअर विक्रेत्यांना करावे लागतात. यावरून गडचिरोली जिल्ह्यात वैनगंगा नदिपार करून चोरट्या मार्गाने इंग्लीस व देशी दारू किती प्रमाणात येत असेल यांची कल्पना न केलेली बरी. निवडणुकीच्या काळात पोलीसाची नाकेबंदी होती तरीही एवढा दारुचा पुरवठा गडचिरोली जिल्ह्यात झाला कसा असाही प्रश्न उपस्थित होतो आहे
चामोर्शी तालुक्यातील 
आष्टी परिसरात अवैध दारू विक्रीचा व्यवसाय जोमाने सुरू आहे तरीसुद्धा पोलीस नेहमी गस्तीवर असताना पुरवठा कसा होतो आहे की,याला जबाबदार पोलीसच आहेत अशी परिसरातील सुज्ञ नागरिकात चर्चा सुरू आहे
 आष्टी परिसरातील आष्टी,चंदनखेडी (वन), ठाकरी ,कोनसरी  जैरामपूर,मुधोली, चितरंजनपूर अनखोडा,येनापूर , रामक्रिष्णपूर,राममोहनपूर, व बऱ्याच गावात अवैध देशी दारूचे विक्रेते बिनबोभाट पणे दारू विक्री करीत आहेत मात्र पोलीस, राज्य उत्पादन शुल्क विभागाचे अधिकारी शांत झोपले आहेत असेच दिसून येते आहे त्यामुळे "तेरी भी चूप व मेरी चुप" असाच प्रकार सुरू आहे हे दिसून येते आहे  व यात पोलीसांचे चांगभले होत आहे काय? असा प्रश्न परिसरातील नागरिकांना पडला आहे 

सदर बाबीकडे जिल्हा पोलीस अधिक्षक लक्ष देतील काय ? असा प्रश्न नागरिकांना पडला आहे. यावरून जिल्ह्यात  खरचं दारू बंदी आहे की काय ? की बंदीच्या नावाखाली मात्तबरा़चे घर भरण्याच्या धंदा सुरू आहे?
असा विचारात्मक प्रश्न गडचिरोली जिल्ह्यातील सूजान नागरिकाना पडला आहे.

आष्टीत अवैध वाळू वाहतूक करणारा ट्रॅक्टर महसूल विभागाच्या अधिकाऱ्यांनी पकडला 

मात्र कारवाई न करता पोलीस स्टेशन येथे ठेवण्यात आला 

आष्टी:- 
चामोर्शी तालुक्यातील आष्टी येथील वैनगंगा नदीपात्रातून मोठ्या प्रमाणात अवैध वाळू उपसा चालू असून बुधवारी ता. १ मे रोजी सकाळी महसूल विभागाची गस्त चालू असताना आष्टीत अवैध वाळू वाहतूक करणारा एक ट्रॅक्टर पकडला आहे. सदर ट्रॅक्टरला नंबर नसून पोलिस स्टेशन आष्टी येथे ठेवण्यात आला आहे 
तहसीलदार चामोर्शी यांना दुरध्वनी द्वारे संपर्क साधला असता आमच्या महसूल विभागाच्या अधिकाऱ्यांनी रेतीने भरलेला ट्रॅक्टर पकडला आहे व पंचनामा करून पोलिस स्टेशन आष्टी ठेवण्यात आला आज सुट्टी असल्याने कारवाई होऊ शकली नाही आणि कारवाई नक्कीच केल्या जाईल असे सांगितले सदर ट्रॅक्टर मालकाचे नाव विचारले असता माझ्याकडे अजून कारवाईचे कागदपत्रे आले नसल्यामुळे सदर ट्रॅक्टर मालकाचे नाव व ट्रॅक्टर क्रमांक माहीत नाही अशी माहिती तहसीलदारांनी दिली.

 तालुक्यातील वैनगंगा पट्ट्यामध्ये सध्या वाळू माफियांनी मोठ्या प्रमाणात उपसा करून कहर  केला आहे. प्रशासनाकडून अधून मधून होणाऱ्या कारवाईने माफियांना वचक बसवण्याचा प्रयत्न केला जात असला तरी होणाऱ्या कारवाईचा वाळू माफियांना फरक पडत नसल्याचे दिसत आहे. बुधवार एक मे रोजी सकाळच्या  सुमारास महसूल विभागाच्या नायब तहसीलदार यांनी तालुक्यातील आष्टी परिसरात पथका सोबत आले असताना मुख्य रस्त्यावर एक ट्रॅक्टर अवैध वाळू सह त्यांच्या निदर्शनास आला.
यावेळी सदरील ट्रॅक्टर जप्त करत पुढील कारवाईसाठी पोलिस स्टेशन आष्टी येथे  आणून लावण्यात आला आहे . पुढील कारवाईसाठी उपविभागीय अधिकाऱ्यांकडे त्याचा प्रस्ताव दाखल केला जाणार असल्याचे यावेळी महसूल प्रशासनाकडून सांगण्यात आले आहे .

दरम्यान इल्लूर , ठाकरी,कुनघाडा, कढोली, इत्यादी ठिकाणी वैनगंगा नदी पात्रामधून रात्रीच्या वेळी मोठ्या प्रमाणात वाळू उपसा चालू असुन प्रशासनाने कारवाई करत अवैध उत्खनन थांबवावे अशी मागणी होत आहे
विना नंबर चा ट्रॅक्टर कुनाच्या मालकीचा आहे हा कुतुहलाचा विषय आहे त्या मालकावर खरच कारवाई करण्यात येणार काय असा प्रश्न उपस्थित होतो ऊ

स्थानिक गुन्हे शाखेच्या पथकाने  सुगंधीत तंबाखू व अवैध दारू तस्करांनवर केली कारवाई

 १०,१९,२२० रुपयांचा मुद्देमाल जप्त 

चंद्रपुर :-
 पोलीस अधिक्षक मुम्मका सुदर्शन चंद्रपुर यांचे आदेशान्वये चंद्रपुर जिल्हयामध्ये अवैध धंदयावर कडक कारवाई करण्याचे आदेश स्थानिक गुन्हे शाखा, चंद्रपुर यांना दिले त्याअनुषगाने पो. नि. महेश कोडावार, स्थागुशा, चंद्रपुर पथके नेमुण त्यांना अवैध धंदयावर कारवाई करण्याचे निर्देश दिले. दि.२९/०४/२०२४ गोपनिय बातमिदाराकडुन पोलीस स्टेशन, मुल हद्दीतील मौजा राजगड फाटा ता. मुल, जि. चंद्रपुर येथुन एक महिंद्रा कंपनीची पिकअप चार चाकी वाहन क्रमांक एम. एच. ३५ के. ४१५९ मध्ये अवेधरित्या दारूचा साठ वाहतुक करून गडचिरोली जिल्हयामध्ये जात आहे अशा खबरे वरून मौजा राजगड फाटा येथे नाकेबंदी करून नमुद वाहनाला थांबवुन त्यामध्ये गाडीचा चालक १) आदिल पठाण, रा. दसरा चौक, सिंदेवाही, जि. चंद्रपुर, व त्याचे सहकारी २) पलाश बांबोळे, रा. राम मंदिर जवळ, सिंदेवाही, जि. चंद्रपुर यांचे ताब्यातील वाहनाची झडती घेतली असता वाहनामध्ये ३० नग खर्डाचे खोक्यात प्रत्येक खोक्यात १०० नग रॉकेत संत्रा ९० एम. एल. देशी दारूनी भरलेली असे एकुण ३,००० नग प्रत्येकी नग ३५/- रू. प्रमाणे १,०५,०००/- रूपये चा माल तसेच गुन्हयात वापरलेली महिंद्रा कंपनीची पिकअप चार चाकी वाहन क्रमांक एम. एच. ३५ के. ४१५९ किमंत ७,००,०००/- रूपये असा एकुण ८,०५,०००/- रूपये असे जप्त करून आरोपीतांना पुढील कार्यवाही करीता पोलीस स्टेशन, मुल यांचे ताब्यात देण्यात आले.
तसेच दिनांक २९/०४/२०२४ रोजी रात्रौ दरम्यान पोलीस स्टेशन, रामनगर परिसरात पेट्रोलींग दरम्यान मुखबिरचे खबरे वरून आरोपी महेश ध्रुवप्रसाद गुप्ता रा. जी. एम. बंगल्या मागे, रयतवारी कॉलरी, चंद्रपुर याचे घराची तसेच त्यांने किरायाने घेतलेल्या खोलीची पंचा समक्ष झडती घेतली असता, सदर दोन्ही ठिकाणी ईगल हुक्का सुगंधीत तंबाखू, होला हुक्का सुगंधीत तंबाखू तसेच मजा १०८ सुगंधीत तंबाखू असा एकुण २,१४,२२०/- रूपयाचा माल जप्त करून नमुद आरोपी महेश ध्रुवप्रसाद गुप्ता रा. जी.एम. बंगल्या मार्गे, रयतवारी कॉलरी, चंद्रपुर यास जप्त सुगंधीत तंबाखू बाबत विचारणा केली असता त्यांनी जयसुख ठक्कर रा. बल्लारशाह जि. चंद्रपुर याचेकडुन आणल्याचे सांगितले. त्यावरून नमुद दोन्ही आरोपीतांविरूध्द पोलीस स्टेशन रामनगर येथे अन्न सुरक्षा आणि मानके अधिनियम अन्वये गुन्हा नोंद करून आरोपीस पुढील तपास कामी पोलीस स्टेशन, रामनगरचे ताब्यात देण्यात आले.

वरील दोन्ही कारवाई मध्ये स्थानिक गुन्हे शाखा यांनी एकुण १०,१९,२२०/- रूपयाचा माल जप्त करण्यात आला आहे

स्कुटी व ट्रॅक्टर च्या अपघातात पुतनी जागीच ठार तर काका गंभीर

आष्टी:-
स्कुटीला ट्रॉक्टर ने धडक दिल्याने एक मुलगी जागीच ठार झाली तर दुसरा गंभीर झाल्याची घटना आज दि ३० एप्रिल ला सकाळी सात वाजताच्या सुमारास घडली
मृतक मुलीचे नाव सोनाली समरेश मिस्त्री वय 10 वर्षे रा.राममोहनपुर  तर गंभीर जखमीचे नाव अमुल्य प्रभात मिस्त्री वय २६ रा.राममोहनपूर असे असून अमुल्य हा आपल्या पुतनीला सोबत घेऊन स्कुटी क्र एम एच ३३ एक जी १३५८ ने आष्टी कडे येत असताना विरुद्ध दिशेने येणाऱ्या ट्रॉक्टर क्र एम एच ३३ व्ही ६१३७ ने जब्बर धडक दिल्याने दुचाकी वरील दोघेही खाली कोसळले तेव्हा सोनाली हिचे डोक्यावरुन ट्रॅक्टर चे चाक गेल्याने तीचा जागीच करुन अंत झाला तर तीचा काका हा गंभीर जखमी झाला आहे.सदर घटना आनंदग्राम ते अडपल्ली चे मुख्य मार्गावर घडली 
अपघात होताच वाहनचालक घटनास्थळावरून पसार झाला तर सदर ट्राक्टर महेश मृणाल साणा सुभाषग्राम यांच्या मालकिची असल्याचे सांगितले जाते आहे 
घटनेची माहिती मिळताच 
आष्टी पोलीसांनी घटनास्थळी धाव घेतली पंचनामा करून मृतदेह उत्तरीय तपासणीसाठी ग्रामीण रुग्णालय आष्टी येथे पाठविण्यात आला
तर गंभीर जखमीला उपचारासाठी नागपूर ला हलविण्यात आले आहे
अधिक तपास उपविभागीय पोलिस अधिकारी अहेरी, पोलीस निरीक्षक विशाल काळे यांच्या मार्गदर्शनाखाली पोहवा चंद्रप्रकाश निमसरकार हे करीत आहेत

BIG Breking

गडचिरोली जिल्ह्या लगत पोलीस नक्षल चकमकीत सात नक्षली ठार 

नारायणपूर, दि. 30 : छत्तीसगड-महाराष्ट्र सीमेवरील नारायणपूरच्या अबुझमाड परिसरात आज मंगळवार 30 एप्रिल रोजी सकाळच्या सुमारास डीआरजी आणि एसटीएफच्या जवानांसोबत झालेल्या चकमकीत 7 नक्षली ठार झाल्याची माहिती पुढे येत आहे. यामध्ये 22 महिला नक्षलींचा समावेश आहे. घटनास्थळावरुन एके-47 सह मोठ्या प्रमाणात शस्त्रे आणि स्फोटके जप्त करण्यात आली असून चकमकीनंतर परिसरात शोध सुरु असल्याचे कळते.

अबुझमाडच्या तकामेटा भागात मोठ्या प्रमाणात नक्षली उपस्थित असल्याची माहिती पोलिसांना मिळाली. माहितीच्या आधारे सोमवारी रात्री उशिरा जवान शोधमोहीम करिता निघाले असता मंगळवारी सकाळी जवान या भागात पोहोचले असता नक्षल्यांनी जवानांवर अंधधुंद गोळीबार केला. जवानांनी मोर्चा सांभाळत प्रत्युत्तरादाखल केलेल्या गोळीबारात 7 नक्षली ठार झाले त्यात दोन महिलांचा समावेश आहे  सदर चकमक महाराष्ट्राच्या गडचिरोली जिल्हा सीमेलगत असलेल्या परिसरात घडली असून. पुन्हा एकदा नक्षली सक्रिय झाल्याचे दिसून येत आहे.

आष्टी शहरात सामाजिक संस्थांना पाणपोई सुरू करण्याचा पडला विसर

आष्टी - दि. १० (प्रतिनिधी) – वर्षभर विविध उपक्रमाद्वारे सामाजिक कार्याचा डांगोरा पेटवणारे आणि आपल्या नावाच्या पुढे सामाजिक कार्यकर्ते लिहिणारे तथाकथित समाजसेवक यांना यंदाचा उन्हाळा सुरू झाला तरी गोरगरीब,पादचारी यांच्यासाठी पिण्याच्या पाण्याची पाणपोई सुरू करावी या बाबीचा विसर पडल्याचे दिसून येत आहे. आष्टी शहरातील डॉ बाबासाहेब आंबेडकर चौक परिसरात आदी भागांमध्ये ग्रामीण भागातील नागरिक - भगिनी मोठ्या प्रमाणावर येऊन या पाणपोईचा वापर करीत असतात . परंतू उन्हाळा सुरू झाला आहे तरीसुद्धा एकही सामाजिक कार्यकर्ता किंवा सेवाभावी संस्थेला पिण्याच्या पाण्याची पाणपोई सुरू करावी, याचे भान राहिले नाही. प्रत्येक जण आपापल्या पद्धतीने आपापल्या कामात मशगूल आहेत. वेळीच या पाणपोई सुरू झाल्या की त्याचा निश्चितच फायदा ग्रामीण भागातील ग्रामस्थ आणि शहरातील पायी चालणारे नागरीक यांना उपयोगी पडणार आहे.

ग्रामपंचायत प्रशासनालाही पडला विसर 

आष्टी शहर हे चामोर्शी तालुक्यातील मोठी बाजारपेठ म्हणून ओळखली जात असून ग्रामीण भागातील शेकडो नागरिकांची बसद्वारे येथे वर्दळ असते. बस स्टॅण्डवर उतरल्यानंतर पिण्याची पाण्याची व्यवस्था व्हावी म्हणून बसस्टापर या पुर्वी आष्टी ग्रामपंचायत कडून १४ एप्रिल ला डॉ बाबासाहेब आंबेडकर यांच्या जयंतीनिमित्त पाणपोईचे उद्घाटन करुण पाणपोई  सुरू करण्यात येत होती  पण यावर्षी उन्हाळा सुरू होऊनही पाणपोई सुरू करण्याचा ग्रामपंचायत प्रशासनाला विसर पडला का? असा सवाल प्रवाशांकडून उपस्थित होत आहे

 गोरगरिबांचे, पादचारी लोकांचे, आशीर्वाद आणि सर्वसामान्यांचे आशीर्वाद जर मिळवून घ्यायचे असतील तर या ठिकाणी पाणपोई त्वरित सुरू करणे हे सामाजिक कार्यकर्त्यांचे कर्तव्य आहे. त्याचबरोबर मतांसाठी गावोगाव फिरून मताचा जोगवा मागणारे तथाकथित पुढारीसुद्धा या पाणपोई पासून दूर आहेत. त्यांनीही पाणपोई सुरू करून जनतेच्या पिण्याच्या पाण्याची सोय करावी, अशी मागणी जनतेतून होत आहे

पोलिस स्टेशन आष्टी येथे भव्य रक्तदान शिबिराचे आयोजन 

आष्टी दि-२९ :- ग्रामीण भागातील अनेक रुग्णांना आवश्यक वेळी तात्काळ रक्तपुरवठा करताना अनेक अडचणींचा सामना करावा लागतो. याची दखल घेत गडचिरोली जिल्हा पोलिस दलाच्या माध्यमातून  दिनांक १ मे रोजी पोलीस स्टेशन आष्टी येथे सकाळी  ८ ते दुपारी १२ वाजेपर्यंत रक्तदान शिबिराचे आयोजन करण्यात आले आहे. शिबिराचे उद्घाटन सकाळी ८ वाजता करण्यात येणार आहे. परिसरातील नागरिकांना भविष्यात रुग्णालयात रक्ताची गरज भासल्यास इतरत्र फिरावे लागू नये यासाठी रक्तदान शिबिराचे आयोजन करण्यात आल्याचे पोलिस निरीक्षक विशाल काळे यांनी सांगितले तसेच आष्टी परिसरातील जास्तीत जास्त नागरिकांनी रक्तदान करून रुग्णाचा जीव वाचवावा असे आवाहनही पोलिस निरीक्षक विशाल काळे यांनी केले आहे. अधिक माहितीसाठी आष्टी पोलिसांशी संपर्क साधून रक्तदात्यांनी आपले नाव नोंदणी करून घेण्याचे पोलिस स्टेशन आष्टी कडून आवाहन करण्यात आले आहे

समोरच्याला वाचविण्याच्या नादात गमवावा लागला दुचाकीस्वार महिलेला स्वतःचा जीव 

मुलीसह भाचा जखमी

गडचिरोली : आपल्या मुलीला व भाचाला शाळेत सोडण्यासाठी स्कुटीने जात असलेल्या महिलेच्या समोर अचानक एक मुलगा समोर आल्याने त्याला वाचविण्याच्या प्रयत्नात दुचाकी अनियंत्रित होवून झालेल्या अपघातात महिलेचा मृत्यू तर मुलगी व भाचा जखमी झाल्याची घटना शनिवारला सकाळी शहरातील धानोरा मार्गावर घडली. मेघा भरडकर, स्नेहनगर गडचिरोली असे मृतक महिलेचे तर जॉयश्री भरडकर (14) असे जखमी मुलीचे व रेहांश कोलते (5) असे भाचाचे नाव आहे. प्राप्त माहितीनुसार, स्नेहनगर येथील रहिवासी मेघा भरडकर यांची 14 वर्षीय मुलगी जॉयश्री व तिच्या भावाचा 5 वर्षीय मुलगा रेहांश हे धानोरा मार्गावरील कारमेल शाळेत शिक्षण घेतात. रोजच्या प्रमाणे त्या शनिवारला दोघांनाही शाळेत सोडून देण्यासाठी स्कुटीने घरून निघाल्या. दरम्यान, धानोरा मार्गावरील भंगार विक्रेत्याचा मुलगा अचानक त्यांच्या दुचाकीसमोर आला. त्याला वाचविण्याच्या प्रयत्नात मेघा भरडकर यांचे दुचाकीवरील नियंत्रण सुटल्याने त्या रस्त्यावर कोसळल्या. यात त्यांच्या डोक्याला गंभीर मार लागला. तर मुलगी व भाचा जखमी झाले. गंभीर मेघाला उपचारासाठी रुग्णालयात नेण्यात आले. मात्र डॉक्टरांनी तिला मृत घोषित केले. शहरातील मुख्य मार्गासह अंतर्गत रस्त्यांवर अतिक्रमण वाढल्याने शहरात दररोज लहान-मोठे अपघात घडत असतात. मेघा भरडकर यांचा सुद्धा मृत्यू अतिक्रमणामुळे झाल्याचे बोलले जात आहे. नगर परिषदेने अतिक्रमणाच्या या गंभीर समस्येकडे लक्ष देवून अतिक्रमण हटविण्याची कारवाई करावी, अशी मागणी जोर धरत आहे.

दमनमरका गावातील घरे केली रानटी हत्तीने उध्वस्त

मध्यरात्रीच त्या गावातील नागरिकांना सोडावे लागले गाव

प्रा.अजय बारसागडे , आलापल्ली प्रतिनिधी 

आलापल्ली:-
दमनमरका गावातील घरे रानटी हत्तीने उध्वस्त केले हि घटना २७ एप्रिल ला मध्यरात्री चे सुमारास घडली व त्याचवेळी त्या ग्रामस्थांनी आपले गाव सोडून दुसऱ्या गावात आश्रय घेतला 
 काही काळासाठी गोंदिया जिल्ह्यात गेलेल्या रानटी हत्तीचा कळप पुन्हा दक्षिण गडचिरोली जिल्ह्यात परतला असून भामरागड तालुक्यातील दमनमरका गावात रविवारी मध्यरात्री हत्तीने धुमाकूळ घातला. अचानक झालेल्या हल्ल्यामुळे या गावातील गावकऱ्यांना आपले गाव सोडून जाण्यास भाग पडले आहे .
    या गावात तीन घरांची वस्ती असून येथील मजूर व शेतकरी अत्यंत काबाड कष्ट करून आपला उदरनिर्वाह करतात. दहशत माजविणाऱ्या हत्तीने अचानक शनिवारी रात्री गावात प्रवेश करून तीन घरावर हल्ला चढवला त्यामुळे त्यांच्या घराचे फार मोठ्या प्रमाणात आर्थिक नुकसान  झाले आहे. गावकऱ्यांनी हत्तीच्या दहशतीमुळे स्वतःच्या कुटुंबीयांचे जीव वाचवण्यासाठी आपले घरदार सोडले सदर तिनही घरातील कुटुंबीयांनी बाजूच्या फोडेवाला गावात आश्रय घेतला आहे.
सदर रानटी हत्तिंचा शासनाने तातडीने बंदोबस्त करावा जेणेकरून नाहक बळी जानार नाहीत  शेतकरी व गोरगरिबांचे संसार उघड्यावर पडणार नाहीत 
तेव्हा वनविभाग आणि महाराष्ट्र शासनाच्या अधिकाऱ्यांनी तातडीने या बाबतीत उदासीन न राहता लक्ष घालावे अशी मागणी करण्यात येत आहे

आरोग्य केंद्रात डॉक्टरच उपलब्ध नसल्याने शेतमजुरास गमवावा लागला जीव

विकासाच्या नावाखाली सर्वकाही थोडांत

गोंडपिपरी:- प्राथमिक आरोग्य केंद्र तळोधी ता.गोंडपिपरी येथील डॉक्टर रुग्णालयात उपस्थित नसल्याने एका अपघातग्रस्त शेतमजूरास जीव गमवावा लागला ही घटना काल दि.२८ एप्रिलला घडली 
मृतक शेतमजुराचे नाव साईनाथ सुरकर वय ४० रा.भ़गारपेठ ता.गोडपिपरी जिल्हा चंद्रपूर असे आहे 
घरी शेतीचा लहानसा तुकडा त्यात काही भागत नाही म्हणून मिळेल ते काम करायचे अनं कसाबसा आपल्या कुटुंबियांचा रहाटगाडा चालवायचा. आपल्या वाटयाला आलेल्या वेदनांचे ओझे निमुटपणे पेलायचे. पण काल त्याचा काळ ठरला. काहीही चुक नसतांना एका दुचाकीस्वाराने मागून धडक दिली व तो रोडवर कोसळला त्याला खुप भयंकर दुखापत झाली तेव्हा घटनास्थळी जमलेल्या लोकांनी शंभर मिटरवर असलेल्या तळोधी आरोग्य उपकेंद्रात भरती केले पण तिथे डॉक्टरच उपलब्ध नव्हते. उपचाराअभावी कन्हत असलेल्या साईनाथ ला अखेर गोडपिपरी कडे नेत असताना वाटेतच त्याची प्राणज्योत मालवली

शासनाने मोठमोठया इमारती बांधून विकासाचे चित्र रंगविणा-या या व्यवस्थेचा तो बळी ठरला. साईनाथ सुरकर वय 40 गोंडपिपरी तालुक्यातील भंगारपेठ येथील रहिवाशी. पत्नी वैशाली व अथर्व अनं अनमोल असा त्याचा लहानसा संसार आपल्या वाटयाला आलेल्या शेतीचा लहानसा तुकडयात काही भागत नाही म्हणून शेतमजूरी करण्याव्यतिरीक्त त्यांच्यापुढे दुसरा पर्यायच नव्हता. आपल्या वाटयाला येत असलेल्या हालअपेष्टा आपल्या मुलांच्या पदरी येउ नयेत म्हणून रात्रदिवस एक करणा-या साईनाथसाठी कालची सायंकाळ मात्र काळच ठरली. दिवसभर रोजीरोटी करून बाजार करण्यासाठी आपल्या मार्गाने पायदळ निघालेल्या साईनाथला मागून येणा-या दुचाकिने धडक दिली. अनं होत्याच नव्हत झालं.

दरम्यान यासंदर्भात तालुका आरोग्य अधिकारी डॉ. निकीलेश नाकतोडे यांच्याशी संपर्क साधला असता माहिती घेउन प्रतिक्रीया देउ असे ते म्हणाले.एकीकडे विकासाच्या बाता झाडल्या जात आहेत. मोठमोठया इमारती तयार केल्या जात आहेत. पण त्यात विकासाचा मात्र पत्ताच नाही. भंगाराम तळोधी येथे परिसरातील नागरिकांच्या आरोग्य सुविधेसाठी करोडो रूपये खर्चुन प्राथमिक आरोग्य केंद्राची मोठी इमारत तयार करण्यात आली. उपचारासाठी येथे दोन डॉक्टरांची नियुक्तीही करण्यात आली. पण डॉक्टरच उपलब्ध राहत नाही. परिणामी साईनाथसारख्या निष्पापांना आपला जिव गमवावा लागत आहे. उदासिन लोकप्रतिनीधी, असंवेदनशिलतेच कळस गाठणारी प्रशासकिय व्यवस्था असली कि असे गरीबांचे नाहक बळी घेतले जाणार अशी संतप्त प्रतिक्रीया आता सुज्ञ नागरिकांकडून व्यक्त केली जात आहे 

यांना कोणी देणार का मदतीचा हात
 साईनाथ सुरकर या शेतमजूराचा गेलेला बळी प्रशासकिय व्यवस्थेची पुरती पोल खोलणारा ठरला आहे. त्याच्या पश्चात अथर्व व अनमोल या दोन चिमुकल्याचं आता कस होणार हाच विचार करित पत्नी वैशाली आसवांच्या गर्गेत बुडालेली आहे. त्यांना प्रशासन मदत करून आपल्या अनास्थेची भरपाई करणाार का हा खरा प्रश्न आहे.

एसटी बस महिला वाहकाने केली एका शिक्षकाची  पोलीसात तक्रार

सदर शिक्षक करतो नेहमीच हुज्जतबाजी,याला आवर घालणार कोन?

 हिंगणघाटः-
दिनांक 23 एप्रिल 2024 रोजी हिंगणघाट उमरेड या मार्गावर जाणाऱ्या बस वर महिला वाहक म्हणून सौ सुवर्णा साठोणे या कर्तव्यावर होत्या त्या वेळी बसमध्ये कही प्रवाशी प्रवास करीत होते. त्या दरम्यान हिंगणघाट येथून सिर्सी करीता एक शिक्षक नामे मोहन तिनगासे रा. हिंगणघाट हे सिर्सी या गावी जान्या करिता प्रवास करीत होते. त्यावेळी महिला वाहक सौ सुवर्णा साठोणे यांनी तिकीट देण्याकरिता त्यांचे कडे गेली असता त्यांनी सिर्सी येथील तिकीट घेण्याकरिता दोनशे रुपयाची नोट महिला वाहकाला दिली. प्रवाशी संख्या कमी व पहिलीच सकाळची फेरी असल्यामुळे महिला वाहका जवळ सुटे पैसे नसल्यामुळे ६० रुपये तिकीटचे कापून १०० रुपये परत केले व उर्वरित ४० रुपये कर्तव्यप्रमाणे तिकीटच्या मागील बाजूस लिहून दिले व समोरील प्रवाशांना टिकट देण्यास निघून गेले असता मोहन तीनगासे या शिक्षकाने महिला वाहकाला अपमानस्पद शब्द वापरायला  सुरुवात केली  जेव्हा जेव्हा ती वाहक तिकिटे देत होती तेव्हा तेव्हा तो शिक्षक हुज्जतबाजी घालीत असल्याचे त्या महिला वाहकाने आपल्या तक्रारीत नमूद केले आहे.

शेवटी सिर्सी येथे उतरल्यानंतर महिला वाहकाने त्यांना उर्वरित ४० रुपये देण्याचा प्रयत्न केला असता मी तुला बघून घेईल, तू चोर आहेस, तू चोर आहेस असे मोठमोठ्याने ओरडून जणमाणसात त्या महिला वाहकाची बदनामी केली. आपल्या शिक्षकी पेश्याला काळिमा फसण्याचा प्रकार या शिक्षकाने केला. व पैसे नं घेता निघून गेला.परत आल्यानंतर त्या ४० रुपये लिहून असलेल्या तिकटावर एक शून्य वाढवून ४०० रुपये करून त्या महिला वाहकाची आगार व्यवस्थापक हिंगणघाट यांचे कडे खोटी तक्रार केली. शिक्षकाला आपल्या शाळेच्या ठिकाणी मुख्यालयी राहणे बंधनकारक असताना तो शिक्षक नेहमी ४० किलोमीटर हिंगणघाट वरून जाणे येणे करतो आणि नेहमी कुठल्या ना कुठल्या कारणावरून वाहकाशी चालकांशी वाद घालतो अशी चर्चा बस स्थानकावर सुरु होती.

मोहन तिनगासे त्याची वागणूक त्या महिला वाहकाला सहन नं झाल्याने माझी कुठलीही चुकी नसताना व मला सर्व प्रवशासमोर बदनाम केले असल्याने त्याची तक्रार  हिंगणघाट पोलीस स्टेशन येथे दाखल केली व त्या शिक्षकांवर गुन्हा दाखल करण्याची मागणी केली आहे. त्या शिक्षकांवर गुन्हा दाखल झाला पाहिजे अशी मागणी बस आगारातील कामगार यांनी केली.यावेळी मोहन तीनगासे यांनी पण बसची महिला वाहक सौ सुवर्णा साठोणे यांच्यावर गंभीर आरोप लावला असून त्याची तक्रार हिंगणघाट बस डेपो अधिकाऱ्याला केली आहे. आता या प्रकरणी पोलीस आणि बस डेपो अधिकारी काय कारवाई करणार याकडे सर्वाचे लक्ष लागले आहे.

आय.पी.एल. टी २० - २० क्रिकेट सट्टेबाज अहेरी पोलिसांच्या जाळ्यात

गडचिरोली  :- 
सध्या देशात आयपीएलचा टि २०-२० क्रिकेट सीजन सुरु असुन ऑनलाईन सट्टा चालविणाऱ्या सट्टेबाजांचे रॅकेट अहेरी पोलिसांनी पकडल्याने एकच खळबळ उडाली आहे.

अहेरी येथील बालाजी गेस्ट हाऊस  येथे 27 एप्रिल रोजी पोलिसांनी छापा मारून सदर कारवाई केली. यावेळी सट्टेबाज हे बनावटी अँप (fake app) nice. 7777.fun या प्लॅटफार्मवर ऑनलाईन आय.पी.एल सट्टा घेत असल्याचे पोलिसांना दिसून आले. पोलिसांनी घटनास्थळावरुन निखील दुर्गे व आसिफ शेख यांच्या ताब्यातुन चार मोबाईल फोन व रोख 9 हजार 420 रुपये जप्त केले.या दोन्ही आरोपींची पोलिसांनी चौकशी केली असता नामे इरफान ईकबाल शेख रा. अहेरी याचे अप्पर लाईनला संदिप गुंडपवार रा. आलापल्ली हा सदरचे रॅकेट चालवत असुन सदर बेकायदेशिर ऑनलाईन (online) आय.पी.एल २०-२० क्रिकेट वर सट्टयाचा जुगार चालविणारे निखील दुर्गे व आसिफ शेख हे व्यक्ती एजंट वर्गात मोडतात. त्यांचे (बेस लेवल) खालच्या पातळीवर काम कारणारे निखील गुंडावार, प्रणित श्रीरामवार, अक्षय गनमुकलवार, फरमान शेख, फरदिन पठाण हे सुध्दा आय. पी. एल. सट्टयामध्ये एजंट चे काम करत असल्याची माहिती पोलिसांना मिळाली गुन्हयातील आरोपी नामे 1) निखील मल्लया दुर्गे, 2) आसिफ फकीर मोहम्मद शेख, 3) धंनजय राजरत्नम गोगीवार, 4) निखील गुंडावार, 5) प्रणित श्रीरामवार, 6) अक्षय गनमुकलवार, 7) फरमान शेख, 8) फरदिन पठाण, 9) इरफान ईकबाल शेख सर्व रा. अहेरी, 10) संदिप गुडपवार रा. आल्लापल्ली यांचे विरुध्द पोलिस स्टेशन अहेरी (Police Station Aheri) येथे महाराष्ट्र जुगार बंदी कायदा कलम 4 व 5 कायदयान्वये गुन्हा नोंद करण्यात आला आहे.

सदर कारवाई जिल्हा पोलीस अधीक्षक निलोप्पल यांच्या मार्गदर्शनात अपर पोलीस अधीक्षक अहेरी एम. रमेश, उपविभागीय पोलीस अधिकारी अजय कोकाटे, पोलीस निरीक्षक पोस्टे दशरथ वाघमोडे, पोउपनि. जनार्धन काळे, पोउपनि. गवळी यांनी पार पाडली.

वसुधा नाईक यांना समाजभूषण पुरस्कार जाहीर

साकुरी -

ओम साई प्रतिष्ठान आणि बी. सी. सी. फिल्म प्रोडक्शन तर्फे दिला जाणारा 2024चा साई कलारत्न समाजभूषण पुरस्कार पुणे येथील अरण्येश्वर विद्यामंदिर या प्रशालेच्या शिक्षिका सौ. वसुधा वैभव नाईक यांना जाहीर झाला असून त्याचे  वितरण शुक्रवार दि.03.05.2024 रोजी सायं.06 ते 10 यावेळेत शिर्डीपासून जवळच असलेल्या शिर्डी अहमदनगर रोडवरील सिद्ध संकल्प लॉन साकुरी शिर्डी येथे होत आहे.सदरचा पुरस्कार अतिशय भव्य दिव्य असून गेल्या 35 वर्षांपासून वसुधा नाईक ह्या वर नमूद विद्यालयात अध्यापनाचे काम करीत आहेत.वसुधा नाईक ह्या सेवाभावी वृत्तीच्या असून स्टार ऍपवर त्यांची जवळजवळ 3000 गाणी प्रसिद्ध आहेत.नवनिर्मिती करणे व स्वहस्ते शैक्षणिक साधने बनवून नावीन्यपूर्ण शिक्षण देण्यावर त्यांचा भर असून विविध प्रकल्पांची निर्मिती करून विविध क्षेत्रात त्यांनी आपला सहभाग हिरीरीने नोंदविला आहे.त्यांना यापूर्वी अनेक छोटेमोठे पुरस्कार मिळाले असून एक कृतिशील शिक्षिका म्हणून त्यांचा नाव लौकिक असुन महाराष्ट्रातील विविध वृत्तपत्रांमध्ये  लेखन करून त्यांनी आपल्या नावाचा वेगळा ठसा उमटवीला आहे.तसेच 'रमाची पाटी ' हा तत्यांचा लघुपट यू ट्यूब वर खूप गाजत आहे.यालाही त्यांना 60 च्या वर पुरस्कार मिळाले आहेत.त्यांना मिळालेल्या या पुरस्काराबद्दल विविध क्षेत्रातील मान्यवरांनी त्यांचे अभिनंदन केले असून समाजातील सर्व स्तरातून त्यांचे कौतुक होत आहे.

कोलपल्ली येथील रा.कॉ. (अजित पवार गट) कार्यकर्त्यांचा काँग्रेस पक्षात पक्षप्रवेश

अहेरी : तालुक्यातील देवलमरी ग्रामपंचायत अंतर्गत येणाऱ्या कोलपल्ली येथील राष्ट्रवादी काँग्रेस पक्ष अजित पवार गटाचे विद्यमान आमदार व महाराट्र राज्याचे कॅबिनेट मंत्री ना. धर्मरावबाबा आत्राम यांचे खंदे समर्थक व गेल्या 15 वर्षांपासून राष्ट्रावादी  काँग्रेस पक्षाचे युवा कार्यकर्ते असलेल्या सडमेक, वेंकटेश चालूरकर, विजय शंकर चालूरकर, रंगू चालूरकर, भीमराव पुल्लिंवार, सिद्धार्थ सोयाम, अनेक वेलादी, चंद्र कोरेत, नयन कोरेत, विशाल, अश्या कार्यकर्त्यांनी त्यांच्या पक्षातील नाराजीमुळे मुळे त्यांच्या पक्षाला राम राम करीत काँग्रेस अहेरी विधानसभा क्षेत्राचे निरीक्षक व गडचिरोली जिल्हा परिषदेचे लोकप्रिय माजी अध्यक्ष तथा अहेरी कृषी उत्पन्न बाजार समितीचे सभापती अजयभाऊ कंकडालवार यांच्या नेतृत्वावर विश्वास ठेवून भारतीय राष्ट्रीय काँग्रेस पक्षात प्रवेश केला 
माजी जिल्हा परिषद अध्यक्ष अजयभाऊ कंकडालवार यांनी अहेरी येथील जनसंपर्क कार्यालयात काँग्रेस पक्षात पक्ष प्रवेश केलेल्या सर्व कार्यकर्त्यांचा शाल व पक्षाचा दुप्पटा टाकून पक्षात स्वागत केले आहे.

यावेळी अहेरी काँग्रेस कमिटीचे तालुका अध्यक्ष निसार ( पप्पू ) हकीम, देवलमरी ग्रामपंचायतचे सदस्य महेश लेकूर, श्रीनिवास राऊत, पुरषोत्तम आईलवार, दिवाकर गावडे, संजय गोंडे, कोमल सडमेक, शंकर बोरकूटे सह आविसं व काँग्रेसचे पदाधिकारी कार्यकर्ते उपस्थित होते.

स्वयंपाक खोलीत आढळली गळफास घेतलेल्या अवस्थेत विवाहीत महिला 

कुरखेडा :
गडचिरोली जिल्ह्यातील कुरखेडा तालूक्यातील बांधगाव येथे एका ३० वर्षीय विवाहित महीलेचे स्वंयपाक खोलीचा दाराला गळफास घेतलेला मृतदेह आढळून आल्याने एकच खळबळ उडाली आहे
. सदर घटणा आज सकाळी पहाटे सहाच्या दरम्यान उघडकीस आली असून मृतक महिलेचे नाव प्रतिभा गिरीधर राणे आहे कौटूंबिक कलहाला कंटाळत तिने आत्महत्या केली असावी अशी शक्यता व्यक्त करण्यात येत आहे. तिचा मृतदेह आज सकाळी स्वंयपाक खोलीचा दाराला गळफास घेतलेल्या अवस्थेत आढळून आला. परंतु तीच्या माहेरच्यानी आमच्या मुलीची हत्या करण्यात आली, असा आरोप सासरच्या मंडळीवर केला आहे. घटनेची माहीती मिळताच पूराडा पोलीस स्टेशनच्या चमूने घटणास्थळ गाठत पंचनामा केला, शव उत्तरीय तपासणी करीता  उपजिल्हा रूग्णालय कूरखेडा  सेंटरला पाठविण्यात आला आहे. मृतकाचे मागे पती व २ अपत्य आहेत. यासंदर्भात पूराडा पोलीस स्टेशन येथे मर्ग दाखल करण्यात आले आहे. पूढील तपास पूराडा पोलीस स्टेशनचे प्रभारी अधिकारी भूषण पवार यांचा मार्गदर्शनात सूरू करण्यात आला आहे.

गावठी पिस्तूल व जिवंत काडतूस बाळगणारा आरोपी भिंगार कॅम्प पोलीसांकडून जेरबंद 

अहमदनगर:-
दि.२५/०४/२०२४ रोजी सहाय्यक पोलीस निरीक्षक योगेश राजगुरु यांना गुप्त बातमीदारामार्फत माहिती मिळाली की, एक इसम हा त्याचे कंबरेला गावठी कटटा (अग्नीशस्त्र) लावुन बु-हाणनगर रोडवरील दमडी मशिद जवळ संशयास्पदरीत्या फिरत आहे. अशी माहिती प्राप्त झाल्याने त्यांनी भिंगार कॅम्प पोलीस स्टेशनचे गुन्हे शोध पथकातील अंमलदारांना तात्काळ सदर ठिकाणी जावून स्वताची सुरक्षितता बाळगून प्राप्त माहिती आधारे सदर ठिकाणी दोन प्रतिष्ठीत पंचांना घेवुन जावून खात्री करुन व काही आक्षेपार्ह मिळुन आल्यास त्याचेवर कारवाई करा असा तोंडी आदेश दिल्याने गुन्हे शोध पथकातील अंमलदारांनी सदर ठिकाणी जावून दमडी मशिदजवळ  पाहणी केली असता तेथे एक इसम संशयास्पद फिरतांना दिसून आल्याने पंचांची व पोलीसांची खात्री होताच त्यास जागीच ताब्यात घेवुन त्याची अंगझडती घेतली असता त्याचे अंगझडतीत कंबरेला खोचलेला एक २५२००- रु किं चा लोखंडी पिस्टल मॅगजिन गावठी बनावटीचा कटटा (अग्नीशस्त्र) व दोन जिवंत काडतुस असे आरोपी जाबीर सादिक सय्यद वय-३४ वर्षे रा. घर नं.-६ शहा कॉलनी, गोविंदपुरा, अहमदनगर याच्या कब्जात मिळुन आल्याने त्यास ताब्यात घेवुन त्याचे विरोधात भिंगार कॅम्प पोलीस स्टेशन येथे पोकों/ संदिप थोरात यांचे फिर्यादीवरुन गुन्हा रजिस्टर नंबर ४४३/२०२४ आर्म ॲक्ट ३/२५ सह महा.पो.का.क.: (१) (३) प्रमाणे दाखल करण्यात आला आहे. सदर गुन्ह्याचा अधिक तपास पोलीस उपनिरीक्षक अतुल बोरसे हे करत आहेत.

फक्त पाच हजार रुपयाची लाच पडली महागात ,पोलीस उपअधीक्षक एसीबीच्या जाळ्यात 

धुळे :-
 नर्सिंग ऑफिसर म्हणून कार्यरत असणाऱ्या पाच महिलांकडून प्रत्येकी एक हजार प्रमाणे पाच हजार रूपये लाच घेताना धुळे येथील राज्य आपत्ती प्रतिसाद दलाचे सहायक समादेशक तथा पोलीस उपअधीक्षक चंद्रकांत बाबुराव पारसकरांना धुळे लाचलुचपत प्रतिबंधक विभागाने  रंगेहात पकडले. ही कारवाई सोमवारी (दि.22) एसआरपी कॉलनी, नकाणे रोड, धुळे येथे राहत्या घरी केली.

तक्रारदार हे राज्य राखीव पोलीस बल गट क्रमांक 6 अंतर्गत राज्य आपत्ती प्रतिसाद दल, धुळे येथे नर्सिंग ऑफिसर म्हणून कार्यरत आहेत. तक्रारदार व त्यांच्या सोबत इतर पाच महिला नर्सिंग ऑफिसर हे 14 व 15 एप्रिल रोजी कर्तव्यावर गैरहजर होते. त्यामुळे सहायक समादेशक तथा पोलीस उपअधीक्षक चंद्रकांत पारसकर यांनी त्यांच्याकडून गैरहजेरीबाबत खुलासा घेतला होता. त्यानंतर पारसकर यांनी तक्रारदार यांना बोलावून गैरहजर राहिलेल्या कर्मचाऱ्यांकड़न प्रत्येकी एक हजार प्रमाणे पाच हजार रुपये जमा करून आणून द्या, नाहीतर सर्वांना बिनपगारी करेल, असे तक्रारदारांना सांगितले होते. तक्रारदार यांनी कर्मचाऱ्यांकडून पैसे जमा केले. मात्र, लाच देणे मान्य नसल्याने तक्रारदार यांनी एसीबीकडे तक्रार केली.
  एसीबीच्या पथकाने पडताळणी केली. त्यावेळी येथील राज्य आपत्ती प्रतिसाद दलाचे सहायक समादेशक तथा पोलीस उपअधीक्षक चंद्रकांत बाबुराव पारसकर यांनी लाच मागितल्याचे निष्पन्न झाले. त्यानुसार पथकाने सापळा रचला. एसीबीच्या पथकाने सापळा रचल्याचे समजताच पारसकर यांनी लाचेची रक्कम खाली टाकून दिली असता त्यांना ताब्यात घेतले. त्यांच्या विरोधात देवपुर पोलीस ठाण्यात गुन्हा दाखल करण्यात आला आहे.

ही कारवाई नाशिक लाचलुचपत प्रतिबंधक विभाग, नाशिक परिक्षेत्र पोलीस अधीक्षक शर्मिष्ठा वालावलकर, अपर पोलीस अधीक्षक माधव रेड्डी, वाचक पोलीस उप अधिक्षक नरेंद्र पवार, लाचलुचपत प्रतिबंधक धुळे विभागाचे पोलीस उप अधिक्षक अभिषेक पाटील यांच्या मार्गदर्शनाखाली पोलीस निरीक्षक रुपाली खांडवी, तसेच राजन कदम, मुकेश अहिरे, प्रशांत बागुल, संतोष पावरा, रामदास बारेला, प्रविण पाटील, मकरंद पाटील, प्रविण मोरे, सुधीर मोरे व जगदीश बडगुजर यांच्या पथकाने केली आहे.

ट्रक ने चिरडले दुचाकीस्वारास, आजोबा गंभीर तर दोन नातवंड जखमी 

सुरक्षा रक्षकांची बघ्याची भूमिका 

आष्टी:-
एका दुचाकीस्वारास ट्रकने चिरडल्याची घटना मार्कंडा (कं) क्रासींगवर आज दि.२४ एप्रिल ला ४.३० वाजताचे सुमारास घडली
एम एच ३४ बि जी ४२२४ हा ट्रक आष्टी कडून मार्कंडा (कं)कडे भरधाव वेगाने जात असताना विरुद्ध दिशेने येणाऱ्या दुचाकी क्र एम एच ३३ के २१४५ ला जब्बर धडक दिल्याने दुचाकी समोरील चाकात फसली दुचाकीवरील आजोबा गंभीर तर दोन नातवंड जखमी जखमी झाले आहेत गंभीर इसमाचे नाव प्रभाकर लोणारे वय ५२ वर्षं  रा.मार्कंडा (कं) तर जखमी नातवंडाची नावे रिदांश कैलास लोणारे वय ७ वर्ष,सिदांश कैलास लोणारे वय ५ वर्ष असे आहेत घटनेची माहिती मिळताच ग्रामस्थांनी तिघांनाही ग्रामीण रुग्णालयात उपचारासाठी दाखल केले, प्रभाकर लोणारे ची प्रकृती चिंताजनक असल्याने त्यास पुढील उपचारासाठी चंद्रपूर ला हलविण्यात आले आहे दोन नातवंडावर आष्टी येथील ग्रामीण रुग्णालयात उपचार सुरू आहेत 
मार्कंडा (कं) च्या क्रासींगवर सुरजागड लोह प्रकल्पाचे तीन सुरक्षा रक्षक ठेवण्यात आले आहेत मात्र ते एकाच ठिकाणी बसून बघ्याची भूमिका घेत आहेत असे असेल त्या सुरक्षारक्षकांचे काम तरी काय असा प्रश्न उपस्थित होतो आहे
या ठिकाणी क्रासींग असल्याने मार्कंडा (कं) कडून येणाऱ्या वाहनांना आष्टी कडून येणारे वाहन दिसून येत नाहीत तेव्हा सदर सुरक्षा रक्षकांनी त्याच वळणावर दोन्ही बाजूला तत्परतेने नजर ठेवल्यास असे अपघात टाळण्यासाठी मदत होते यावर संबंधीतांनी लक्ष घालण्याची आवश्यकता आहे

अतीभारी ट्रकला लागली आग,  ट्रक जळून खाक

कोरपना:-
कोरपना तालुक्यातील आसन गावाजवळ अतीभारी गिट्टी भरलेल्या एका धावत्या हायवा ट्रकला अचानकपणे आग लागून ट्रक जळून खाक झाल्याची घटना आज 22 एप्रिल रोजी सकाळी अंदाजे 9 च्या सुमारास घडली.या घटनेत सुदैवाने कोणतीही जीवितहानी झालेली नसून ट्रक मात्र पुर्णपणे जळाला.यवतमाळ जिल्ह्यातील मोहदावरून कोरपना मार्गे गिट्टी भरून येत असताना मागच्या टायरने अचानक पेट घेतला.टायर पेटत असल्याची माहिती रस्त्याने जाणाऱ्या काही नागरिकांनी चालकास दिली असता तो वाहन थांबवून लगेच खाली उतरला.वाहनात कुठलेही अग्निशामक साहित्य नसल्याने तो आग विझवण्यात अपयशी ठरला आणि पाहता पाहता आगीने भीषण रौद्ररूप  धारण केले. 
   राजुरा,गोविंदपूर राष्ट्रीय महामार्गाचे काम युद्धपातळीवर सुरू आहे.या मार्गाच्या कामावर असलेल्या पाणी टँकरच्या पाईपने सुद्धा आग विझवण्याचा प्रयत्न झाला.मात्र,आग नियंत्रणात आली नाही.दरम्यान घटनेच्या अर्धा तासानंतर गडचांदूर नगर परिषद व अल्ट्राटेक सिमेंट कंपनीचे अग्निशमन वाहन आले व आगीवर नियंत्रण मिळवले.तोवर हायवा ट्रक पुर्णपणे जळून खाक झाला होता.आगीचा थरार पाहण्यासाठी परिसरातील नागरिक व वाटसरूंनी मोठ्या प्रमाणात गर्दी केली होती. सदर घटनेची माहिती मिळताच गडचांदूर पोलीसांनी घटनास्थळ गाठून पंचनामा केला. पुढील तपास सुरू आहे.

नान्ही येथे आदिवासी कंवर समाजाचे २९ जोडपी सामुहिक विवाह सोहळ्यात विवाहबद्ध

मागील २५ वर्षापासून सुरु आहे सामुहिक विवाह सोहळा आयोजनाची परंपरा

कुरखेडा:-
 कुरखेडा तालूक्यातील नान्ही येथे आदिवासी कंवर समाज क्षेत्रीय समीती नान्ही यांच्या वतीने दि .२२ एप्रिल सोमवार रोजी आदिवासी कंवर समाज आदर्श विवाह सम्मेलनाचे आयोजन करण्यात आले होते. यावेळी कंवर समाजाचे महाराष्ट्र व छत्तीसगढ़ या दोन राज्यातील २९ वर-वधू जोडपी विवाहबद्ध झाली. खाजगी विवाह सोहळ्यात होणारा अनावश्यक खर्च टाळता यावा, समाज व वधु पक्ष कर्ज बाजारी होऊ नये याकरीता आदिवासी कंवर समाजाचा वतीने नान्ही येथे मागील सलग २५ वर्षापासून सामुहिक विवाह सोहळ्याचे आयोजन करण्यात येत आहे. आज आयोजित सामूहिक विवाह सोहळ्याचे उदघाटन स्थानिक  आमदार कृष्णा गजबे यांचा हस्ते करण्यात आले यावेळी अध्यक्षस्थानी आदिवासी कंवर समाज राजनांदगांव (छत्तीसगढ़) चे अध्यक्ष बिंदुलाल फुलकूवंर होते तर प्रमुख अतिथी म्हणून आदिवासी विकास महामंडळाचे संचालक भरतभाऊ दूधनांग, कंवर समाज संघटनेचे मार्गदर्शक डॉ. प्रा. मेघराज कपूर, माजी प. स. सभापती परसराम टिकले, भाजपा तालुका अध्यक्ष चांगदेव फाये, कांग्रेस तालुका अध्यक्ष जिवन नाट, गोंदिया जि. प. सदस्य श्रीकांत घाटबांधे, आदिवासी समाज कार्यकर्ते रामदास मसराम,सूनेर सोनटापर, ब्रिजलाल बागडेरीया,चंन्द्रभान हूंडरा,देवरी पंचायत समिति सभापती अंबिका बंजार,माजी नगराध्यक्ष रविन्द्र गोटेफोडे, माजी प.स .सभापती गिरीधर तितराम,गणपत सोनकूसरे,पत्रकार  सिराज पठान, चंपाबाई सोनकूकरा आदि मान्यवर उपस्थित होते.  यावेळी प्रास्ताविकातून डॉ.मेघराज कपूर यानी समाजाला भेडसावणाऱ्या समस्यांचा उहापोह करीत शासकीय स्तरावरून आदिवासी कंवर समाजाचा समस्या मार्गी लावण्याची अपेक्षा व्यक्त केली तर आमदार कृष्णा गजबे यानी समाजाला भेडसावणाऱ्या समस्यां जाणून घेण्याकरीता समाजाची बैठक  आयोजन करीत त्या मार्गी लावण्याकरीता शासन स्तरावर पाठपूरावा करण्याचे आश्वासन दिले.  कार्यक्रमाचे संचालन सोनू कपूर व गणेश सोनकलंगी यांनी तर आभार प्रदर्शन शिक्षक कृष्ण चन्द्रमा यानी केले कार्यक्रमात महाराष्ट्र व छत्तीसगढ़ राज्यातील कंवर समाज बांधव मोठ्या संख्येत उपस्थिती होते

अल्पवयीन विद्यार्थिनी बरोबर अश्लील चाळे करीत शरीर सुखाची शिक्षकानी केली मागणी

 नागपूरः- 
येथून एक संतापजनक घटना समोर आली आहे. एका नराधम शिक्षकाने 15 वर्षीय अल्पवयीन विद्यार्थिनी बरोबर अश्लील चाळे करीत शरीर सुखाची मागणी केली. ही घटना समोर येताच संपूर्ण नागपुर जिल्हा हादरला आहे.

वर्गात एकटीच अभ्यास करीत बसलेल्या विद्यार्थिनीला पाहून वासनांध शिक्षकाने तिच्याशी अश्लील चाळे करीत शारीरिक संबंधांची मागणी केली. या प्रकरणी पोलिसांनी आरोपी शिक्षका विरोधात पोक्सो कायद्यान्वये गुन्हा दाखल केला आहे. अमोल पाटील वय 40 वर्ष रा. येरखेडा, कामठी, असे आरोपी शिक्षकाचे नाव आहे. अमोल विरुद्ध यापूर्वीही विनयभंगाचा गुन्हा दाखल झाला आहे. आरोपी शिक्षक अमोल हा कोराडीतील एका खासगी शाळेत शिक्षक असून शिकवणी वर्गही घेतो. शांतीनगर पोलीस स्टेशन हद्दीत राहणारी पीडित अल्पवयीन 15 वर्षीय विद्यार्थिनी त्याच्याच वर्गात शिकते. तसेच तिने त्याच्याकडे शिकवणी वर्गही लावला आहे. गत 15 एप्रिल रोजी सकाळी 9.00 वाजताच्या सुमारास विद्यार्थिनी त्याच्याकडे शिकवणीला गेली होती. इतर विद्यार्थी यायचेच असल्याने ती वर्गात एकटी बसून अभ्यास करीत होती. दरम्यान आरोपी तिच्याजवळ आला. तिला एकटी पाहून त्याने तिच्याशी अश्लील बोलण्यास सुरुवात केली. तिने विरोध केला असता अमोलने तिच्याशी अश्लील चाळे केले. तिला शारीरिक संबंधाची मागणी केली. संबंध ठेवल्यास परीक्षेत पास होण्यासाठी मदत करण्याचे आमिषही शिक्षकाने दिले. मात्र, विद्यार्थिनीने त्याला वारंवार प्रतिकार केला. त्याला अनेकदा दूर लोटण्याचा प्रयत्न केला. ती चिडल्यामुळे शिक्षकाने माघार घेतली.

शिक्षकाने तिला कोणाकडेही वाच्यता न करण्याची धमकी दिली. या प्रकारामुळे घाबरलेल्या मुलीने घरी परतल्यानंतर आईकडे रडायला सुरुवात केली. या घटनेची माहिती आईला दिली. त्यानंतर शांतीनगर पोलिसात अमोल विरुद्ध तक्रार करण्यात आली. पोलिसांनी पोक्सो व इतर कलमान्वये गुन्हा नोंदवून घटनेचा तपास सुरू केला आहे.

गडचिरोली जिल्ह्यात विजांच्या कडकडाटात व वादळीवाऱ्यासह अवकाळी पावसाने  मांडले थैमान

घरांच्या छतासह शेतातील रब्बी व भाजीपाला पिकाचं प्रचंड नुकसान, शेतकरी हवालदिल 

गडचिरोली ता. २२:-
 
गडचिरोली जिल्ह्यात अनेक ठिकाणी रविवार व सोमवारला (ता.२१/२२) झालेल्या विजांच्या कडकडाटात व वादळीवाऱ्यासह अवकाळी पाऊस पडल्याने शेतकऱ्यांना मोठा फटका बसला आहे तर चामोर्शी तालुक्यातील कढोली येथे विज कोसळल्याने एक मुलगी जखमी झाल्याची घटना घडली आहे
आणि काही ठिकाणी झालेल्या वादळी वाऱ्याने  घरांवरील छत उडाले आहेत 
 रविवारी दिनांक (२१) ला तालुक्यातील कढोली येथे  आपल्या घराच्या दारात उभी असताना त्यांच्याच नारळाच्या झाडावर वीज कोसळल्याने एका १५ वर्षीय मुलगी गंभीर जखमी झाली.
 या अवकाळी पावसामुळे झालेल्या शेतकऱ्यांच्या नुकसानीचे तात्काळ पंचनामे करून शेतकऱ्यांना व विज कोसळून जखमी झालेल्या मुलीला नुकसान भरपाई देण्यात यावी, अशी मागणी आष्टी परिसरातील नागरिकांनी केली आहे 
मागील काही दिवसांपासून जिल्ह्यात मोठ्या प्रमाणात उकाडा वाढला होता. यातच रविवारी सकाळपासूनच शहर व ग्रामीण भागासह जिल्हाभरात ढग दाटून आले. जिल्ह्यातील अनेक भागात वादळी वारा व विजांच्या गडगडाटासह पावसाने जोरदार हजेरी लावली. या पावसामुळे काही तास विद्युत पुरवठा खंडित झाल्याने नागरिकांना मोठा त्रास सहन करावा लागला.आष्टी परिसरातील व तालुक्यातील परिसरात शेतकऱ्यांचे रब्बी व भाजीपाल्याचे मोठे नुकसान झाले आहे. या भागामध्ये गारांचा पाऊस देखील झाला आहे.
जिल्ह्यातच झालेल्या अवकाळी पाऊस आणि गारपिटीमुळे भाजीपाला या पिकांबरोबरच आंबा, फळबागा व पालेभाज्यांचे नुकसान झाले आहे. याशिवाय कढोली येथे वीज पडून १५ वर्षीय मुलगी गंभीर जखमी झाल्याची घटनाही घडली आहे. काही दिवसापूर्वी गडचिरोली जिल्ह्यामध्ये अवकाळी पावसाने हजेरी लावली होती. त्यावेळी शेकडो क्षेत्रावरील शेतपिकांना अवकाळी पावसाचा फटका बसला होता. त्याबद्दल माहिती घेण्याचे काम प्रशासनाकडून सुरू असतानाच त्यातच २१, २२ एप्रिलला झालेल्या अवकाळी पावसामुळे पुन्हा एकदा शेतकऱ्यांचे मोठे नुकसान झाल्याने नुकसान क्षेत्रात आता वाढ झाली आहे. त्यामुळे याचे पंचनामे करून नुकसान भरपाई द्यावी, अशी मागणी जिल्ह्यातील समस्त नागरिकांनी केली आहे

देश विघातक माओवाद्यास गडचिरोली पोलीसांनी केली अटक

 महाराष्ट्र शासनाने जाहीर केले होते एकुण 1.5 लाख रुपयांचे बक्षीस.

गडचिरोली; देश विघातक माओवाद्यास गडचिरोली पोलीसांनी अटक केली आहे माहे फेब्रुवारी ते माहे मे दरम्यान माओवादी टीसीओसी कालावधी साजरा करतात. या दरम्यान ते सरकारी मालमत्तेचे नुकासान करणे, सुरक्षा दलाच्या जवानांवर हल्ला करणे व इतर प्रकारच्या सरकारी कामात अडथळे आणून जाळपोळ करणे इ. देशविघातक कृत्य करत असतात. याच टीसीओसी कालावधीच्या तसेच लोकसभा सार्वत्रिक निवडणूक 2024 च्या दरम्यान पोलीस दलाने सुरक्षा दलांविरुद्धच्या अनेक हिंसक घटनांमध्ये सक्रिय सहभाग असलेल्या एका कट्टर जनमिलिशियास काल दिनांक 21/04/2024 रोजी अटक करण्यात आली आहे 

काल दिनांक 21/04/2024 रोजी उपविभाग भामरागड हद्दीमध्ये उपविभागीय पोलीस अधिकारी भामरागड यांना, भामरागड गावात एक संशयित व्यक्ती वावरत असतांना आढळून आल्याने त्याची अधिक सखोल चौकशी केली असता, त्याचे नाव दिलीप मोतीराम पेंदाम वय 34 वर्षे रा. नेलगंडा, तह. भामरागड जि. गडचिरोली असे असून तो कट्टर माओवादी समर्थक व माओवाद्यांचे काम करणारा असल्याचे तसेच दिनांक 22/03/2023 रोजी नेलगंडा
जंगल परिसरात 01 क्लेमोर व 02 कुकर बॉम स्फोटके लावुन सुरक्षा दलाच्या जवानांना जिवे ठार मारुन त्यांची शस्त्रास्त्र व दारुगोळा लुटण्याचे अनुषंगाने उप-पोस्टे लाहेरी येथे दाखल अप. क्र. 01/2023 कलम 307, 353, 341, 143, 147, 148, 149, 120 (ब) भादवि, सह कलम 4,5 भास्फोका, वाढीवकलम कलम 13, 16, 18, 20, 23, 38, 39 युएपीए अॅक्ट मध्ये त्याचा प्रत्यक्ष
सहभाग असल्याचे निष्पन्न झाल्याने त्यास काल दिनांक 21/04/2024 रोजी सदर गुन्हात अटक करण्यात आली. अधिक तपासात असे दिसून आले की, या आधीसुद्धा माओवादी कारवायांमध्ये माओवाद्यांना मदत तसेच माओवाद्यांना राशन पुरवणे, गावातील लोकांना मिटींगसाठी जबरदस्तीने गोळा करणे, गैर कायदयाची मंडळी जमवुन पोलीसांविरुध्द कट रचने, माओवादी सप्ताहामध्ये बॅनर लावणे, पत्रके टाकणे अशी कामे तो करीत होता

शासनाने जाहिर केलेले बक्षीस. महाराष्ट्र शासनाने दिलीप मोतीराम पेंदाम याच्या अटकेवर 1.5 लाख रूपयाचे बक्षीस जाहिर केले होते.

गडचिरोली पोलीस दलाच्या प्रभावी कारवाईमुळे माहे जानेवारी 2022 ते आतापर्यंत एकुण 78 माओवाद्यांना अटक करण्यात गडचिरोली पोलीस दलास यश आलेले आहे. सदरची कारवाई पोलीस अधीक्षक नीलोत्पल, अप्पर पोलीस अधीक्षक (अभियान) यतिश देशमुख , अप्पर पोलीस अधीक्षक (प्रशासन) कुमार चिंता, अप्पर पोलीस अधीक्षक अहेरी, एम. रमेश यांचे मार्गदर्शनाखाली उपविभागीय पोलीस अधिकारी भामरागड अमर मोहिते यांच्या नेतृत्वात पार पडली. तसेच  पोलीस अधीक्षक नीलोत्पल  यांनी माओवाद्यांना माओवादाची हिंसक वाट सोडुन आत्मसमर्पण करुन सन्मानाने जीवन जगण्याचे आवाहन केले आहे.

आंनंदनगरी चा राडा पोहचला  सरकारी दवाखान्यात व तिथेच तुफान हाणामारी, 16 लोकांवर गंभीर गुन्हे दाखल 

आंबेजोगाई:-
शहरातील रस्त्यावर दोन गटात तुतू-मिमी झाली. याचे रूपांतर तुफान हाणामारीत झाले. मार लागला म्हणून उपचारासाठी सरकारी रुग्णालयात गेल्यानंतर विरुद्ध पार्टी तेथे आले असता रुग्णालयाच्या अपघात विभागामध्ये दोन्ही पार्ट्यांची तुंबळ हाणामारी होऊन सोळा लोकांवर जीवे मारण्याचा प्रयत्न केल्याचे गंभीर गुण्यासह इतर गुन्हे दाखल झाले आहेत शासकीय रुग्णालयात झालेल्या या हाणामारीच्या घटनेमुळे एकच खळबळ उडाली असून रुग्णालयामध्ये तरी हाणामारी करू नये असाच सूर शहरात सध्या उमटत आहे.

 आंबेजोगाई मंडी बाजार भागामध्ये पाटील चौक येथे आनंद नगरी म्हणून उन्हाळ्याच्या सुट्टीचा आनंद होण्यासाठी बाहेरगावाहून आनंद नगरी खेळणीचे साहित्य, विविध प्रकारचे वस्तू विक्री, झोके असे प्रकार असलेली आनंद नगरी गेल्या चार दिवसापासून सुरू झाली. या आनंदनगरी च्या समोर पार्किंग मध्ये मोटरसायकल लावण्यावरून दोन गटात कुरबुर झाली त्याचे रूपांतर हाणामारीत झाले गंभीर मार लागल्यामुळे यातील चार पाच जणांवर स्वामी रामानंद तीर्थ रुग्णालयात अपघात विभागामध्ये उपचार चालू असताना तेथे दुसऱ्या गटातील पंचवीस ते तीस लोकांचा जमाव चालून गेल्यामुळे व तिथं परत बाचाबाची आणि तुफान हाणामारी चालू झाली याची माहिती पोलिसांना कळताच पोलिसांनी तात्काळ रुग्णालयात धाव घेऊन दंगे करणाऱ्या दोन्ही गटातील गुन्हेगारांना पोलिसांनी व रुग्णालयातील सुरक्षा रक्षकांनी काट्याने बेदम चोप दिल्यानंतर हे दंगेखोर पळाल्यामुळे मोठा अनर्थ टळला. रुग्णालयात अतिदक्षता लावण्याचे कारणावरुन जिवे मारण्याच्या उद्देशाने लोखंडी रॉड, काठी, दगड, लोखंडी एक किलो वजणाचे माप मारूण गंभिर दुखापत केली व लाथाबुक्याने मारहान करून शिवीगाळ करत जिवे मारण्याची धमकी दिली म्हणून साकीब जहीर पठाण, जहांगीर मीर पठाण,दौलत मीर पठाण,साहील पठाण,सोहल नाजखन मिरखान पठाण,साकेब पठाण, आफताब अखीब शेख,
 मुशरफ माजीद शेख , पठाण फरद्यीम मिरखान , कलीम नियामत पठाण ,मार्ज पठाण, फेरोज पठाण, इफाजत मिरखान पठाण, नदीम जलील शेख , शारुख मिरखान पठाण , अख्तरखान पठाण सर्व रा. सदर बाजार अंबाजोगाई यांच्या विरोधात गुन्हा 174/2024 कलम 307,326,324,323,504,506, 143, 147, 148, 149 भादवी 135 मपोका. नुसार गुन्हा दाखल करण्यात आला असून पुढील तपास पोलीस उपनिरीक्षक कांबळे हे करत आहेत.

कढोली येथे वीज कोसळली,  नशीब बलवत्तर म्हणून नंदिनीला मिळाले जीवदान 

अशोक खंडारे/मुख्य संपादक वैनगंगा वार्ता १९
आष्टी:-
गडचिरोली जिल्ह्यातील 
चामोर्शी तालुक्यातील कढोली येथे दि २१ ला सायंकाळी  ७ वाजता विजेच्या कडकडासह वादळी वाऱ्यासह पाऊस सुरू झाला आणि  क्षणार्धात विज कोसळली, ती विज नारळाच्या झाडावर पडली तेव्हा अंगनात असलेल्या नंदिनी ला शाक बसला व ती खाली कोसळली तेव्हा तीला त्वरीत ग्रामिण रुग्णालय आष्टी येथे दाखल करण्यात आले
मात्र नारळाच्या झाडाला आग लागली असल्याने चामोर्शी येथील अग्निशमन बोलाविण्यात आले व आग विझविण्यात आली व मोठा अनर्थ टळला आहे 

 नंदिनी भारत घ्यार वय १५ रा. कढोली हिच्या शेजारीच विज कोसळल्याने ती गंभीर जखमी झाल्याने तीला ग्रामीण रुग्णालयात उपचार करण्यासाठी दाखल केले असता प्रसंगावधान राखत  डॉक्टरांनी योग्य उपचार करुन तिचे प्राण वाचवले आहे 
सदर घटनेची माहिती होताच चामोर्शी तहसीलदार प्रशांत घोरुडे हे तातडीने ग्रामीण रुग्णालयात पोहचले व कुटुंबीयांना धिर दिला
नंदिनी ही नवव्या वर्गात शिक्षण घेत असून तिचे आयुष्य मोठे असल्याने तीचा जीव वाचला आहे
 नारळाच्या झाडावर विज कोसळली व त्याने पेट घेतला त्यामुळे गावातील घरांना आग लागेल या भीतीने ग्रामस्थ भयभीत झाले होते मात्र अग्निशमन दलाचे वेळीच आग आटोक्यात आणली त्यामुळे ग्रामस्थांचा जीव भांड्यात पडला 

झाली. नंदिनी ही आपल्या घरासमोरील अंगणात असताना तिथे असलेल्या नारळाच्या झाडावर विज कोसळली. ती झाडाच्या अगदी जवळच असल्याने विजेच्या धक्क्याने ती खाली कोसळली तीला त्वरित आष्टी येथील ग्रामीण रूग्णालयात उपचारासाठी दाखल करण्यात आले. घटनेची माहिती शिवसेना जिल्हाप्रमुख राकेश बेलसरे यांना कळताच त्यांनी तातडीने रुग्णालयात धाव घेतली व या घटनेची माहिती चामोर्शी चे तहसीलदार प्रशांत घोरुडे यांना कळविताच क्षणाचाही विलंब न लावता तहसीलदार प्रशांत घोरुडे तातडीने आष्टी येथील रूग्णालयात दाखल झाले. त्यांनी कुटुंबीयांची भेट घेऊन तातडीने कर्मचाऱ्यांना पंचनामा करण्याचे आदेश दीले. व कुटुंबीयांना धीर दिला. नंदिनी ही नवव्या वर्गात शिकत असून नशीब बलवत्तर म्हणून तिचा जीव वाचला. विज कोसळल्याने नारळाच्या झाडाने पेट घेतला. त्यामुळे वित्तहानी होण्याचा धोका निर्माण झाला मात्र लवकरच हि आग आटोक्यात आल्याने धोका टळला.

 अंतीम आकडेवारीग

गडचिरोली-चिमुर लोकसभा मतदारसंघात 71.88 %

गडचिरोली, दि. 21 :12- गडचिरोली-चिमुर लोकसभा मतदारसंघाच्या निवडणुकीसाठी 19 एप्रिल 2024 रोजी झालेल्या मतदान पक्रियेत एकूण 71.88 टक्के मतदारांनी मतदानाचा हक्क बजावला आहे.

लोकसभा निवडणुकीसाठी आमगाव विधानसभा मतदार संघात 69.25 टक्के, आरमोरी 73.69 टक्के, गडचिरोली 71.42 टक्के, अहेरी 66.93 टक्के, ब्रम्हपुरी 75.10 टक्के तर चिमुर विधानसभा मतदारसंघात 74.41 टक्के मतदान झाले.

गडचिरोली-चिमुर लोकसभा मतदारसंघात एकूण 16 लक्ष 17 हजार 702 मतदार आहे. यात 8 लक्ष 14 हजार 763 पुरुष मतदार, 8 लक्ष 2 हजार 434 स्त्री मतदार तर 10 इतर मतदार आहेत. यापैकी 5 लक्ष 95 हजार 272 पुरुष मतदारांनी (73.06 टक्के), 5 लक्ष 67 हजार 157 स्त्री मतदारांनी (70.68 टक्के) तर 5 इतर नागरिक असे 11 लक्ष 62 हजार 434 (71.88 टक्के) मतदारांनी मतदान केल्याचे जिल्हा निवडणूक अधिकारी संजय दैने यांनी कळविले आहे.

नाबालीक मुलीचे लग्न समारंभातून अपहरण करून केला बलात्कार व दगडाने ठेचून केली हत्या

गोंदिया :-
 कुटुंबासह गावातीलच लग्न समारंभात गेलेल्या १२ वर्षाच्या नाबालीक मुलीचे अपहरण करून तिच्यावर बलात्कार करण्यात आला. बलात्कारानंतर नराधमाने तिला दगडाने ठेचून तिचा खून करण्यात आला. सदर घटना १९ एप्रिल रोजी रात्री ८ वाजताच्या सुमारास देवरी तालुक्याच्या ककोडी परसिरातील वटेकसा येथील जंगलात घडली. काजल (१२) (बदललेले नाव) रा. गोठणपार असे मृत मुलीचे नाव आहे.

ककोडी परसरातील ग्रामपंचायत गोठणपार येथे १९ एप्रिल रोजी लग्नकार्यात घरातील सर्व मंडळी गेले. त्या लग्नाला काजल १२ ही देखील गेली. लग्न समारंभात ती असतांना अज्ञात आरोपीने तिचे अपहरण करून रात्री ८ वाजताच्या सुमारास वटेकसा येथील जंगलात नेऊन तिच्यावर अत्याचार केला. त्यांतर तिला दगडाने ठेचून तिचा खून करण्यात आला. ही घटना २० एप्रिल रोजी सकाळी ८ वाजता उघडकीस आली. या घटनेमुळे अवघा गोंदिया जिल्हा हादरला आहे.
१९ एप्रिल रोजी सायंकाळी ५ वा.गोठनपार येथे लग्न समारोह होता. या लग्नसमारंभासाठी पिडीत मुलगी आपल्या कुटुंबियासह आली होती. परंतु नराधमाने संधीचा फायदा पाहून तिचे अपहरण करून त्या चिमुकलीवर अत्याचार केला. त्यानंतर दगडाने ठेचून तिचा खून करण्यात आला. या घटनेसंदर्भात चिचगड पोलिसांनी तिच्या वडीलाच्या तक्रारीवरून भादंविच्या कलम ३०२, ३७६, ३६३ सहकलम ४, ६ बाललैंगीक अत्याचार अधिनियमान्वये गुन्हा दाखल करण्यात आला आहे.

तपासासाठी चमू रवाना -

दोषींना अटक करून फाशी द्या -

निरागस मुलीचे अपहरण करून तिच्यावर अमाणूस कृत्य करीत तिचा जीव घेणाऱ्या नराधमाला त्वरीत अटक करा, या प्रकरणातील दोषीला फाशी देण्यात यावी अशी मागणी परिसरातील जनतेकडून होत आहे.

लोकशाहीच्या आनंदावर लगेच पडले विरजन -

लोकशाही मजबूत करण्यासाठी १९ एप्रिल रोजी मतदान करण्यात आले. उमेद्वारांनी महिला सक्षमीकरण आणि महिला सुरक्षेचे वचन देत मत मागितले. परंतु मतदानाचे कार्य होताच १२ वर्षाच्या चिमुकलीवर अत्याचार करून तिचा दगडाने ठेचून खून करण्याचे अमाणूस कृत्य करण्यात आले. या संतापजनक घटनेमुळे गोंदिया जिल्हा हादरला आहे. मुलीच्या सुरक्षेचा आणि संरक्षणाचा प्रश्न ऐरणीवर आला आहे.

लॉयड्स कालिअम्मल हॉस्पिटल हेडरी येथे रक्तदान शिबीर

संचालक बि. प्रभाकरन यांच्या सह  50 अधिकारी आणि कर्मचाऱ्यांचा सहभाग 

    अशोक खंडारे  /मुख्य संपादक वैनगंगा वार्ता १९                                                एटापल्ली:-
लॉयड्स कालीअम्मल मेमोरियल हॉस्पिटल हेडरी येथे लॉयड्स मेटल अँड एनर्जी लिमिटेड द्वारे आयोजित केलेल्या रक्तदान शिबिर आज दिनांक 20 एप्रिल 2024 रोजी  आयोजन करण्यात आले असुन सर्व प्रथम लॉयड्सचे व्यवस्थापकीय संचालक  बि. प्रभाकरन यांनी शिबिरात रक्तदान केले. लॉयड्स कंपनीचे 50 अधिकारी आणि कर्मचारी यांनीसुद्धा रक्तदान केले. सर्व समुहातील सदस्यांनी दर महिन्याला किमान 50 युनिट रक्त देण्याचे आश्वासन दिले आणि ते आजारी व्यक्तीला उपयोगात पडेल असा उद्देश ठेवला असून लॉयड्स टीम ही मोलाची कामगिरी करीत  आहे.

 अति दुर्गम नक्षलग्रस्त आदिवासी भागात उच्च दर्जेचा मोफत आरोग्य सुविधा 

एटापल्ली तालुक्यातील अतिदुर्गम व आदिवासी नक्षल प्रभावीत सुरजागड परिसरात मुलभूत आरोग्य सुविधा मिळणे ही कठीण होते पण परिसरातील आदिवासीना उच्च दर्जाच्या आरोग्य सुविधा मिळण्याकरिता लॉयड्स मेटल्स कंपनीचे पुढाकाराने हेडरी येथे अत्याधुनिक सुविधांनी सुसज्ज असे काली अम्मल हॉस्पिटल सुरू केले आहे. अण या परिसरातील आदिवासी गरीब व गरजूंना मोठा आधार झालंय. या ठिकाणी तज्ज्ञ डॉक्टर व आरोग्य कर्मचारी 24/7 तास रुग्ण सेवा देत आहेत.
   लॉयड्स काली अम्मल मेमोरियल हॉस्पिटल 8 नोव्हेंबर 2023 ला सामान्यांच्या सेवेत कार्यन्वीत झाले. या ठिकाणी दहा तज्ज्ञ डॉक्टर 40 हुन अधिक आरोग्यं कर्मचारी परिसरातील नागरिकांना मोफत आरोग्य सेवा देत आहेत. या हॉस्पिटल मधे सुरजागड, हेडरी, गट्टा, जांभिया एटापल्ली, भामरागड तालुका  आलापल्ली, अहेरी सह गडचिरोली जिह्यातील दररोज शेकडो रुग्ण मोफत आरोग्य सेवेचा लाभ घेतांना दिसत आहेत

लोकसभा गडचिरोली-चिमुर मतदारसंघात  ६५.१९ %मतदान

लोकसभा क्षेत्रात उत्स्फुर्त प्रतिसाद
 

गडचिरोली दि, 19 - लोकसभा सार्वत्रिक निवडणुकीसाठी 12-गडचिरोली-चिमुर लोकसभा मतदारसंघात आज शांततेत व सुरळीत मतदान पार पडले. कुठल्याही मतदान केंद्रावर अनुचित प्रकार घडला नाही. आज सायंकाळी 5 वाजेपर्यंत एकूण 65.19 टक्के मतदान झाले होते. अंतिम आकडेवारी दुर्गम भागातील पथके परत आल्यावर स्पष्ट होणार आहे.

मतदार संघात आज सकाळपासूनच मतदारांनी मोठ्या उत्साहाने लोकशाहीच्या या उत्सवात भाग घेतल्याचे जागोजागी दिसून येत होते. शहरी व ग्रामीण भागत मतदारांनी मतदान करण्यासाठी मोठ्या प्रमाणात गर्दी केली होती. मतदान प्रक्रिया सुरू झाल्यानंतर  प्रशासनामार्फत मतदारांसाठी आवश्यक त्या सर्व प्रकारच्या सोयी सुविधा मतदान केंद्रांवर करण्यात आल्या होत्या. जिल्हा निवडणूक अधिकारी संजय दैने यांचे निवडणूक प्रक्रियेवर चोख लक्ष होते. त्यांनी विविध मतदान केंद्रावर भेटी देवून मतदारांकडून मतदान सुविधेबाबत प्रतिक्रीया जाणून घेतल्या. रांगेत असलेल्या महिलांना मतदानासाठी प्राधान्य देण्याच्या सूचनाही त्यांनी केंद्राध्यक्ष यांना दिल्या. विधानसभा मतदारसंघनिहाय झालेले मतदान लोकसभा सार्वत्रिक निवडणूकीसाठी 1891 मतदान केंद्रावर मतदान प्रकिया पार पडली. सायंकाळी 5 वाजेपर्यंत 12-गडचिरोली-चिमुर लोकसभा मतदारसंघातील आमगाव विधानसभा मतदारसंघात 64.60 टक्के, आरमोरी 65.23 टक्के, गडचिरोली 66.10 टक्के, अहेरी 63.40 टक्के, ब्रम्हपुरी 67.02 टक्के आणि चिमुर 64.49 टक्के मतदारांनी मतदानाचा हक्क बजावला, असल्याची अंदाजीत आकडेवारी निवडणूक अधिकारी संजय दैने यांनी दिली आहे. दुर्गम भागातील मतदान पथके परत आल्यावर तेथील आकडेवारी उशीरापर्यंत उपलब्ध होणार आहे. त्यानंतरच अंतिम आकडेवारी स्पष्ट होईल, असे त्यांनी सांगितले. जिल्हा प्रशासनाकडून मतदाराना प्रोत्साहन जिल्हाधिकारी तथा जिल्हा निवडणूक निर्णय अधिकारी संजय दैने यांनी मतदानाचा टक्का वाढविण्यासाठी विक्रमी संख्येने मतदारांना आवाहन केले होते.  दैने यांचे वडीलांचे 15 एप्रिल रोजी दुःखद निधन झाल्यावर त्यांचे अंतिम संस्कार कार्य उरकून श्री दैने 17 एप्रिल रोजी तातडीने निवडणूकिच्या राष्ट्रीय कर्तव्यावर हजर झाले होते. त्यांनी आज गडचिरोली येथे मतदान करून मतदानाचे कर्तव्य पार पाडून वडिलांना श्रद्धांजली वाहत असल्याची प्रतिक्रिया त्यांनी दिली.

जिल्हा पोलिस अधिक्षक निलोत्पल यांनीही मतदारांना निर्भिडपणे मतदान करण्याचे आवाहन केले होते. त्यांनीही आज सहपरिवार डॉ. बाबासाहेब आंबेडकर नगरपालिकेच्या शाळेत मतदान केले.

जिल्हा परिषदेच्या मुख्य कार्यकारी अधिकारी आयुषी सिंह यांनी गोंडी भाषेतुन आवाहन करत ग्रामिण मतदारांना मतदान करण्याचा संदेश दिला होता. त्यांनी शहरातील पंचायत समिती येथील महिला संचालित पिंक मतदान केंद्रावर भेट देवून महिला मतदारांचा उत्साह वाढविला. तर अतिरिक्त जिल्हाधिकारी विजय भाकरे यांनी अहेरी उपविभागातील दुर्गम भागातील मतदारांशी संवाद साधला.

महाराष्ट्र राज्याचे अन्न व औषध प्रशासन मंत्री ना.धर्मरावबाबा आत्राम यांनी बजावला मतदानाचा हक्क

अशोक खंडारे/मुख्य संपादक वैनगंगा वार्ता
अहेरी:-
महाराष्ट्र राज्याचे अन्न व औषध प्रशासन मंत्री ना. धर्मरावबाबा आत्राम यांनी आपला मतदानाचा हक्क आज लोकसभा निवडणुकीत बजावला
भारताची लोकसभा निवडणुकीच्या पार्श्वभूमीवर पुर्व विदर्भात आज दि.१९ एप्रिल ला मतदान घेण्यात आले .चिमुर - गडचिरोली लोकसभा क्षेत्राकरीता  अहेरी  विधानसभा क्षेत्रातील जिल्हा परिषद शाळा दिना चेरपल्ली मतदान केंद्रावर राज्याचे मंत्री ना. धर्मरावबाबा आत्राम यांनी मतदान केले व क्षेत्रातील सर्व मतदारांनी डॉ. बाबासाहेब आंबेडकरांनी दिलेल्या संविधानातील मतांचा अधिकाराचा प्रत्येक व्यक्तींनी मतदान केंद्रावर जाऊन मतदान करावे असे आवाहन त्यांनी केले 
मतदान केंद्रावर खूप प्रमाणात गर्दी असल्याने सर्व मतदारांनी शांततेत मतदान करावे अश्या ही सुचना केल्या व पोलीसांनी सुद्धा सहकार्य करावे असेही मंत्रीमहोदय यांनी आवर्जून सांगितले आहे

अज्ञात मारेकऱ्यांनी युवकाचा  केला खून व  फेकला  शेतशिवारात 

आरमोरी तालुक्यातील बोडदा येथील घटना

आरमोरी :-
तालुक्यातील  पोलीस स्टेशन अंतर्गत येत असलेल्या बोडदा येथील नामे प्रशांत रामदास उरकुडे वय 24 वर्ष रा. बोडदा त. आरमोरी जिल्हा गडचिरोली हा युवक दिनांक 17-4-2024 ला रात्रीच्या दरम्यान सौचास खेमराज राऊत यांच्या शेताकडे गेला असता कुणीतरी अज्ञात दोन ते तीन व्यक्तींनी प्रशांत वरील रागामुळे  दोरीने  गळफास देऊन त्याला जीवानीशी ठार मारून त्याचा मृतदेह जवळच असलेल्या विजय राऊत यांच्या शेतामध्ये फेकून दिला दिनांक 18-4-2024 ला सकाळी या घटनेची वार्ता गावामध्ये पसरताच मृतकाचा भाऊ सुधीर रामदास उरकुडे यांनी घटनास्थळ गाठले आणि गावातील पोलीस पाटील यांच्या मदतीने आरमोरी पोलीस ठाणे गाठून अज्ञात मारेकरी विरुद्ध दिनांक 18-4-2024 ला पोलीस ठाणे आरमोरी येथे अज्ञात मारेकऱ्यां विरुद्ध फिर्याद नोंदविले लागलीच आरमोरी पोलीस घटनास्थळावर जाऊन मृतकाचे शव ताब्यात घेऊन शवविच्छेदनाकरिता आरमोरी येथे पाठविले घटनेची मोका पंचनामा करून आरमोरी पोलिसांनी अज्ञात मारेकऱ्याविरुद्ध अपराध क्रमांक व कलम 118, 2024 कलम ३०२, २०१,३४ भा.द.वी. अन्वये गुन्हा दाखल करण्यात आलेला आहे 
घटनेच्या पुढील तपास पोलीस निरीक्षक आरमोरी यांचे मार्गदर्शनाखाली सहाय्यक पोलीस निरीक्षक संतोष पाटील पोलीस स्टेशन आरमोरी हे करीत आहेत

आलापल्ली येथील भव्य श्रीरामनवमी शोभायात्रेत राजे अम्ब्रिशराव आत्राम यांच्या उपस्थितीत सम्पन्न 

आलापल्ली:-
श्रीरामनवमी निमित्ताने दि  १७ ला संध्याकाळी आलापल्ली शहरात श्रीराम जन्मोत्सव समिती तर्फे भव्य शोभायात्रा काढण्यात आली, माजी पालकमंत्री मा. राजे अम्ब्रिशराव आत्राम ह्यांची ह्या शोभायात्रेत विशेष उपस्थिती होती, ह्यावेळी राजेंनी श्रीरामाचे विधिवत पूजन व आरती करीत दर्शन घेतले तसेच ह्या भव्य शोभायात्रेत सामील झाले.

अहेरी विधानसभा क्षेत्रात आलापल्ली हे शहर मध्यवर्ती ठिकाण म्हणून ओळखले जाते. याठिकाणी विविध सण मोठ्या उत्साहात व जल्लोषात साजरे केले जातात. रामनवमी निमित्त रामभक्तांनी कालपासूनच शहरात भव्य तयारी केली होती.सकाळपासून विविध कार्यक्रम घेत सायंकाळच्या सुमारास भव्य शोभायात्रा काढली. हाती भगवे ध्वज, भगवे फेटे परिधान केलेले शेकडो युवक, युवती तसेच परिसरातील नागरिक या शोभायात्रेत मोठ्या संख्येने सहभागी झाले होते.कार्यकर्त्याच्या विशेष आग्रहाने राजेंनी बेंजोच्या तालावर ठेका सुद्धा धरला तसेच यावेळी रामक्तांनी राजेंना खांद्यांवर घेऊन डान्स केला.
  

ठिकठिकाणी आलापल्लीकरांनी या भव्य रॅली व शोभायात्रेचे स्वागत केले. श्रीराम मंदिरातून निघालेली शोभायात्रा विर बाबूराव चौक, बस स्टँड चौक, श्रीराम चौक आणि वि.दा. सावरकर चौक परत तिथेच समापन झाले. यावेळी डिजे व बेंजोच्या तालावर महिला, पुरुष, युवक, युवती एकच जल्लोष केले तर चिमुकल्यांनी सुद्धा लेझिम डान्सद्वारे सर्वांना मंत्रमुग्ध केले. विशेष म्हणजे आलापल्ली शहरात हजारो रामभक्तांच्या उपस्थितीत ही शोभायात्रा पार पडली. यावेळी संपूर्ण शहर राममय तथा भक्तिमय वातावरण निर्माण झाले होते