गडचिरोली, ब्यूरो. लग्नाचे आमिष दाखवून एका तरुणाने तरुणीवर अत्याचार केल्याचे प्रकरण आरमोरी येथे समोर आले आहे. हा प्रकार मागील दीड वर्षांपासून सुरू असल्याचे उघड झाले आहे. जेव्हा या तरुणाने लग्नाला नकार दिला. तेव्हा या पीडित तरुणीने आरमोरी पोलिस ठाण्यात आरोपीविरोधात तक्रार दाखल केली असून, आरोपी फरार आहे. शुभम बबन सोरते (वय 27, रा. आरमोरी-बर्डी) असे फरार आरोपीचे नाव आहे.

पोलिसांनी दिलेल्या माहितीनुसार, आरोपी शुभमची मागील दीड वर्षांपूर्वी सोशल मीडियाच्या इन्स्टाग्राम, फेसबुक) माध्यमातून लगतच्या जिल्ह्यातील एका तालुक्यातील 21 वर्षीय तरुणीशी ओळख झाली. ओळखीचे रुपांतर मैत्रीमध्ये होऊन नंतर प्रेम जुळले.

यातूनच त्यांच्यात सातत्याने शारीरिक संबंध प्रस्थापित झाले. गुन्हा दाखल झालेल्या व्यक्तीची 2023 मध्ये सोशल

मीडियाच्या माध्यमातून ओळख झाली होती. 2023 पासून ते मे 2024 पर्यंत सुरू असलेल्या प्रेमादरम्यान त्यांनी वेळोवेळी शारीरिक संबंध प्रस्थापित केले होते. तत्पूर्वी या दोघांनी प्रेमाच्या व लग्नाच्या आणाभाकासुद्धा खाल्ल्या. मे 2024 नंतर सदर तरुणी ही 21 वर्षांची होताच फिर्यादी तरुणीने लग्न करण्यासाठी शुभम सोरते याच्याकडे आग्रह धरला. मात्र, शुभमने लग्नाला नकार दिला. सदर तरुणीने दोनदा तडजोडीअंती दोन्ही घरच्यांच्या मंडळींची सभा लावली.

मात्र, शुभमचा लग्नाला विरोध कायम होता. पीडित तरुणीने 24 जुलैला आरमोरी पोलिस स्टेशन गाठून आरोपी विरोधात तक्रार दाखल केली. पीडित तरुणीच्या फिर्यादीवरून आरमोरी पोलिसांनी आरोपी शुभम सोरते याच्या विरोधात भादंवी कलम 376 नुसार गुन्हा दाखल करण्यात आला. आरोपी फरार असून, आरमोरी पोलिसांद्वारे त्याचा शोध सुरू आहे. अधिक तपास ठाणेदार विनोद रहांगडाले यांचे मार्गदर्शनाखाली महिला पोलिस उपनिरीक्षक संगीता मसराम करीत आहेत.

चंद्रपूर-गडचिरोली जिल्ह्याची सीमा असलेल्या वैनगंगा नदीच्या व्याहड बुज च्या मोठ्या पुलावरून नदीपात्रात गडचिरोली जिल्ह्यातील एका युवकाने उडी घेतल्याची माहिती सावली पोलिसांना प्राप्त होताच सावली चे ठाणेदार राजगुरु यांनी स्वतः घटनास्थळी जावून आपली यंत्रणा कामी लावली आहे.

तसेच बोट सुद्धा आणण्यात आलेली आहे. मात्र संततधर सुरु असलेल्या पावसामुळे व्यत्यय येत असून वैनगंगा नदी ही दुधळी भरून वाहत आहे. त्यामुळे पोलिसांना त्यांच्या शोधकार्यात अडथळा येत आहे. तरी नदी काठावर असलेल्या भागातील गावात सावली पोलिसांनी माहिती पोहचविली असल्याचे कळते. बातमी लिहेपर्यंत शोधकार्य जोमात सुरु आहे.

नागभीड : शेतात काम करणाऱ्या शेतकऱ्यावर वाघाने हल्ला करून जागीच ठार केल्याची घटना नागभीड वनपरिक्षेत्रातील मिंडाळा येथील कंपार्टमेंट नं ४२०/ ७५६ मध्ये मंगळवारी संध्याकाळी पाच वाजेच्या सुमारास घडली. दोडकू झिंगर शेंदरे (६५) असे शेतकऱ्याचे नाव आहे.

नागभीड तालुक्यात गेले तीन दिवस अतिवृष्टी सुरू होती. या अतिवृष्टीमुळे अनेक शेतकऱ्यांच्या धान पिकास फटका बसला. वाहून गेलेल्या धान्याच्या ठिकाणी दोडकू धान रोवत होता. त्याचे हे काम सुरू असतानाच वाघाने त्याच्यावर हल्ला चढवून त्याला जागीच ठार केले. ठार केल्यानंतर

त्याला तो फरफटत लागूनच असलेल्या झुडपी जंगलात नेत असताना जवळ शेतात काम करणाऱ्या शेतकऱ्यांचे लक्ष पडले. त्यांनी आरडाओरड करून गावात माहिती दिली. गावचे सरपंच गणेश गड्डमवार यांनी लागलीच वनविभाग आणि पोलिस विभागास माहिती दिली. माहिती मिळताच वनपरिक्षेत्र अधिकारी सुनील हजारे आणि ठाणेदार विजय राठोड घटनास्थळी दाखल झाले. संध्याकाळी ७ वाजता मृतकाच्या पार्थिवाचा मोका पंचनामा करण्यात आल्यानंतर उत्तरीय तपासणीसाठी ग्रामीण रुग्णालयात रवाना केले.

हर्ष साखरे सुपर फास्ट बातमी संपादक 9518913059

कुलकुलीतील घटना : मृतदेह आढळला

आरमोरी: नाल्याच्या पाण्यात वाहून जात असलेल्या शेळीच्या पिलाला वाचविण्याच्या प्रयत्नात शेळीपालक वाहून गेल्याची घटना आरमोरी तालुक्यातील कुलकुली येथे बुधवारी सायंकाळी घडली. विठ्ठल हणमंत गेडाम (५४) असे वाहून गेलेल्या शेतकऱ्याचे नाव आहे.

आरमोरी तालुक्यातील शेवटच्या टोकावर असलेल्या आदिवासी बहुल कुलकुली येथील विठ्ठल गेडाम यांच्याकडे तीस ते पस्तीस शेळ्या आहेत. नेहमीप्रमाणे बुधवारी सकाळी ते गावापासून एक किमी अंतरावर असलेल्या नाल्याच्या पलीकडे शेतालगतच्या जंगलात शेळ्या चारण्यासाठी गेले होते. बुधवारी कुलकुली परिसरात मोठ्या प्रमाणावर अतिवृष्टी झाल्याने नाल्याला अचानक पूर आला. पाणी आणखी वाढण्याची शक्यता लक्षात घेऊन त्याने शेळ्यांना सोबत घेऊन घराकडची वाट धरली. नाल्याजवळ आल्यानंतर शेळीचे पिल्लू अचानक नाल्यात उतरले. त्याला वाचविण्याचा प्रयत्न करीत असताना विठ्ठल हा सुद्धा नाल्याच्या प्रवाहात वाहून गेला.

सदर घटनेची माहिती मिळताच गावकऱ्यांनी घटनास्थळी धाव घेऊन शोधमोहीम राबविली. परंतु त्याचा पत्ता लागला नाही. गुरुवारी पुन्हा सकाळी शोधमोहीम राबविली असता सकाळी ७ वाजताच्या सुमारास नाल्यातील रेतीत अर्धवट झाकलेल्या अवस्थेत त्याचा मृतदेह आढळून आला. सदर घटनेने गावात शोककळा पसरली आहे. मृतक विठ्ठल गेडाम यांच्या पश्चात पत्नी, तीन मुली, मुलगा आहे. मालेवाडा पोलिस तपास करीत आहेत.

नाला ओलांडताना काळी घ्या

बऱ्याच नागरिकांची शेतजमिन नाल्याच्या पलीकडे आहेत. पावसाळ्यात नाल्यांना पूर येते. बऱ्याचवेळा नाल्यातील पाण्याचा अंदाज शेतकऱ्यांना येत नाही. त्यामुळे नाल्याच्या पाण्यात वाहून गेल्याच्या घटना यापूर्वी सुध्दा घडल्या आहेत. नाल्यात जर जास्त पाणी असेल तर विशेष खबरदारी घ्यावी, असे आवाहन पोलिस प्रशासनामार्फत करण्यात आले आहे.

राजूर/जालना: भोकरदन तालुक्यातील राजूर येथून जवळच असलेल्या वसंतनगर येथील मुख्य रस्त्याच्या बाजूला असलेल्या एका विहिरीत जालना येथून येणाऱ्या काळी पिवळी जीप मोटारसायकल स्वरास वाचवण्याच्या प्रयत्नात ड्रायवरचा ताबा सुटून कोसळली त्यात सात जण मृत्यूमुखी पडले.

ही घटना जालना-राजूर रोडवरील तुपेवाडी फाट्यावरील खडेश्वरी बाबाजी यांच्या शिवशक्ती आश्रम असलेल्या बाजूच्या विहिरीजवळ गुरुवारी सायंकाळी साडेचार वाजेच्या दरम्यान घडली. अपघातातील मृत हे पंढरपूर

यात्रेवरून गावाकडे परत येत असताना हा भीषण अपघात घडला. मृतामध्ये चनेगाव व तपोवन येथील नागरिकांचा समावेश होता. गाडीत एकूण १३ जण होते पैकी ५ जणांना वाचवण्यात गाडी ड्राइव्हर बाबुराव हिवाळे व वसंतनगर येथील स्थानिकांना यश मिळाले. तर ७ मृत्यू झाल्याची माहिती आहे. मृतामध्ये प्रल्हाद उत्तम महाजन (वय ६५), ताराबाई मालुसरे, नंदा बाळू तायडे (वय ३५), प्रल्हाद आनंद बिटले, नारायण किसण निहाळ (वय ४५), चंद्रभागा अंबादास घुगे (वय ४८) व एक महिला जिची ओळख पटली नाही यांचा समावेश आहे.

३ जण सुखरूप असून दोन जणांना शासकीय रुग्णालय जालना येथे हलवण्यात आले आहे. घटनेची माहिती मिळताच पोलीस अधीक्षक दोन अग्निशमक पथकाने भेट देऊन बचावकार्य केल.

५ भाविकांना वाचविण्यात यश

घटनास्थळी क्रेनच्या साहाय्याने गाडी बाहेर काढण्यात आली. आणखी काही मृतदेह विहिरीत असण्याची शक्यता आणखी शोध सुरु आहे.

जिल्हाधिकारी डॉ. श्रीकृष्ण पांचाळ, जिल्हा पोलीस अधिक्षक अजयकुमार यांनी भेट देऊन पाहणी केली.

पाटणा: बिहारमध्ये खळबळजनक घटना घडली आहे. एका विचलित असलेल्या प्रियकराने दोन अल्पवयीन मुली आणि त्यांच्या वडिलांची निघृणपणे हत्या केली आहे. प्रेम प्रकरणाच्या वादातून प्रियकरानेही हत्या केल्याचे वृत्त समोर आले आहे. तर पोलिसांनी गुन्ह्यातील दोन संशयित आरोपींना त्वरित अटक केली आहे.

बिहारच्या सारण जिल्ह्यातील रसूलपूर पोलीस स्टेशनच्या हद्दीत घडलेल्या या तिहेरी हत्याकांडाने जिल्ह्यातील सारेच हादरले आहेत. घटनेची माहिती मिळताच पोलिसांनी घटनास्थळी धाव घेत तिघांचेही मृतदेह तात्काळ पोस्टमॉर्टमसाठी छपरा रुग्णालयात पाठवले. 

तर या जीवघेण्या हल्ल्यात मुलींची आई थोडक्यात बचावली आहे. तिच्यावरही सध्या छपरा रुग्णालयात उपचार सुरु आहेत. घटनेत जीव गमावलेल्या मुलींचे नाव चांदनी कुमारी, १७ वर्षे आणि आभा कुमारी १५ वर्षे असून त्यांच्या वडिलांचे नाव तारेश्वर सिंह आहे. पीडित मुलींची आई शोभादेवी यांनी घटनेबद्दल सांगितले की, हल्लेखोर पहाटे २ च्या सुमारास धारदार शस्त्रांसह त्यांच्या घरात घुसल आणि त्यांनी माझ्यासह मूली आणि नवऱ्यावर हल्ला केला.

 मी त्यातून बचावली आणि मी तेथून पळ काढला आणि गावामध्ये जाऊन आरडाओरड केली. जेणेकरुन गावकरी पोलिसांना घटनेबद्दल कळवतील. याप्रकरणी अधिक माहिती देत शोभादेवी पुढे म्हणाल्या, माझी मुलगी चांदनी कुमारी हिचे खूप दिवसांपूर्वी आरोपी सुधांशू कुमार याच्याशी बोलणे झाले होते. पण नुकताच तिने हे बोलणे थांबवले होते. तसेच त्याने माझ्या मुलीला धमकी सुद्धा दिली होती. पोलिसांनी या घटनेत तातडीने तपासाची चक्र फिरवत सुधांशू कुमार उर्फ रोशन आणि त्याचा साथीदार अंकित कुमार याला अटक केली आहे. तर त्यांच्याकडून गुन्ह्यात वापरलेले शस्त्र जप्त करण्यात आले आहे.

■ काँग्रेसचे 'एक्स'वरून मोदी सरकारवर टीकास्त्र..!

दर तासाला दोन बेरोजगारांच्या आत्महत्या

नवी दिल्ली: विविध प्रकल्पांतून मोठ्या प्रमाणावर रोजगार देण्याचे आश्वासन देणाऱ्या एनडीए सरकारला काँग्रेसने आरसा दाखवला आहे. देशातील बेरोजगारीचा दर तब्बल ९.२ टक्क्यांनी वाढला असून बेरोजगारीला कंटाळून देशात दर तासाला दोन आत्महत्या होत असल्याचे धक्कादायक सत्य काँग्रेसने एक्सवरून केलेल्या पोस्टमध्ये अधोरेखित केले आहे. रोजगार मिळत नसल्याने तरुण, तरुणी प्रचंड चिंताग्रस्त आहेत, परंतु मोदींना त्यांचे दुःख दिसत नाही. ते उलटसुलट आकडे पसरवण्यात व्यस्त आहेत. आम्ही रोजगार देण्यात गेल्या ४ ते ५ वर्षांचा विक्रमही मोडला आहे, असे धडधडीत असत्य मोदी

उघडपणे मांडत आहेत, अशा शब्दांत काँग्रेसने मोदींवर जळजळीत टीका केली आहे. पंतप्रधान नरेंद्र मोदी यांनी लहान उद्योगांना उद्ध‌वस्त केले. रोजगाराच्या संधी संपवल्या. मोदी सरकारच्या धोरणांमुळे तरुण बेरोजगारीच्या दलदलीत ढकलला गेला. परंतु, नरेंद्र मोदी यांना तरुणांना जे भोगावे लागत आहे त्याचे काहीच वाटत नाही, त्यांना काहीच फरक पडत नाही. मोदी आपल्याच दुनियेत मरत आहेत. आपल्या मित्रांना श्रीमंत बनवण्यामध्ये व्यस्त आहेत. नरेंद्र मोदी यांनी तरुणांना डेरोजगार करून देशाला उद्ध‌वस्त केले, हेच सत्य आहे. असे टीकास्त्र काँग्रेसने एक्सवरून मोदींवर सोडले आहे.

८३ टक्के तरुण बेरोजगार

पंतप्रधान नरेंद्र मोदी जे मांडत आहेत ते सत्य नाही. उलट देशात तब्बल ८३ टक्के तरुण बेरोजगार आहेत.

३० लाख सरकारी पदे रिक्त असून २० ते २४ वर्षांच्या तरुणांचा बेरोजगारीचा दर ४४.४९ टक्क्के इतका

आहे. भारतातील तरुणांना नोकऱ्या मिळवण्यासाठी रशिया आणि इस्रायलला जाणे भाग पडत आहे. अशा

अनेक बाबी काँग्रेसने एक्स'वरून मांडल्या आहेत. मेक इन इंडिया आणि स्टार्टअपचा डंका वाजवणारे मोदी

सरकार भारतातील तरुणांना रोजगार देण्यात सपशेल अपयशी ठरल्याचे आंतरराष्ट्रीय श्रम संघटना आणि

इन्स्टिट्युट ऑफ ह्युमन डेव्हलपमेंट यांनी संयुक्तपणे तयार केलेल्या अहवालातून उघड झाले आहे.

विसापूर (चंद्रपूर) : पतीला दारूचे व्यसन होते. दारूच्या व्यसनामुळे घर बर्बाद होऊ लागले. यामुळे पतीपत्नीत वाद होत होता. उभयतात नेहमी कडक्याचे भांडण होत होते. नेहमीच्या भांडणाला कंटाळून पत्नीने टोकाचा निर्णय घेतला. धारदार शस्त्राने तिने पतीचा गळा चिरला. पत्नीने पतीची निर्घृण हत्या केल्याची हृदयदायक घटना बल्लारपूर तालुक्यातील नांदगाव (पोड़े) येथे बुधवार (दि. १७) रोजी मध्यरात्री २ वाजताच्या सुमारास घडली. हत्या झालेल्या पतीचे नात अमोल मंगल पोडे ( व्य ३८ ) रा. नांदगाव (पोहे)

ता. बल्लारपूर जि. चंद्रपूर असे आहे. घटनेतील आरोपी पत्नी लक्ष्मी अमोल पोडे । बय - ३५) हिला चंद्रपूर शहर पोलिसांनी अटक केली आहे. बल्लारपूर तालुक्यात नांदगाव (पोड़े) गात ५ हजारावर लोकसंख्येचे आहे. या गावात पतिपत्निच्या नात्याला काळिमा फासणारी घटना आज गुरुवारी सकाळी ७ वाजता उघडीला आल्यावर घटनास्थळी गावाकऱ्यांनी एकच गर्दी केली.

मृतक अमोल हा पत्नी लक्ष्मी ता दोन मुले देवांश अमोल पोडे (११) आणि सारंग अमोल पोडे (८) सोबत राहत होते. मात्र अमोलला दारू पिण्याचे व्यसन जडले. यामुळे पती पत्नीत नेहमीच वाद होत होता. दारूच्या व्यसनावरून पत्नीची व दोन लहान मुलांची आभाळ होत होती. यामुळे पत्नी लक्ष्मी ग्रस्त होती. नेहमी प्रमाणे काल बुधवारी अमोल घरी मध्यधुंद अवस्थेत आला. घरी आल्यावर त्याने पत्नी लक्ष्मी सोबत वाद घातला. उभयतात कडाक्याचे भांडण झाले. तिने सततच्या जाचाला कंटाळून पती अमोललासंपविण्याच्या कट केला. दोन्ही मुले व लक्ष्मीची आई झोपी गेले. ही संधी साधून लक्ष्मीने कडक लक्ष्मीचा अवतार धारण केला. कोंबड्याच्या कातीने, धारदार शस्त्राने अमोलचा गळा चिरून त्याला यमसदणी धाडले. रक्ताच्या थरोळ्यात तो मृतझाला. या घटनेची माहिती चंद्रपूर शहर पोलिसांना देण्यात आली. विशेष म्हणजे पतीच्या निघून हत्येची माहिती स्वता लक्ष्मीने पोलिसांना दिल्याची माहिती आहे. पोलिसांनी घटनास्थळ गाठून घटनेचा पंचनामा केला. अमोलचे शव शवविच्छेदनासाठी चंद्रपूर शासकीय वैद्यातिय महाविद्यालयात पाठविण्यात आले.

मुलांचे भविष्य आले संकटात

अमोल व लक्ष्मी पोडे यांच्या संसार वेलीवर दोन गोंडस मुले आली. तिच पत्ती पत्नीचा आधार होती. मात्र अमोलच्या दारूच्या व्यसनाने सुखी संसार उध्वस्त झाला. अमोल व लक्ष्मीचे मुले देवांश पोडे व सारंग पोडे कॉन्हेंटमध्ये शिक्षण घेत होती. मात्र अमोलच्या दारूच्या व्यसनामुळे खर्च परवडत नव्हता. त्यामुळे अमोलने ६ दिवसांपूर्वी नांदगाव । (पोडे) वेथील जिल्हा परिषद उच्च माध्यमिक शाळेत देवांशला ८ ल्या, तर सारंगला तिसऱ्या वर्गात प्रवेश घेतला. ऐन आषाढी एकादशीच्या दिवशी लक्ष्मीने कडक लक्ष्मी बनून पतीला यमसदनी पाठविले.

ढाकाः बांगलादेशच्या पंतप्रधान शेख हसीना यांचा नोकर जहांगीर आलम याच्याकडे २८४ कोटी रुपयांची संपत्ती आढळली आहे. आलमकडे एक खासगी हेलिकॉप्टरसुद्धा आहे. जहांगीर हा शेख हसीना यांच्या घरात पाहुण्यांना पाणी देण्याचे काम करत होता. जहांगीरने हसीना यांच्या कार्यालयात आणि घरात काम करत असल्याचे सांगून अनेक लोकांकडून लाच घेतली होती. काम करून देण्याच्या बहाण्याने तो लोकांकडून पैसे उकळायचा. हे प्रकरण समोर आल्यानंतर पंतप्रधान हसीना यांनी तातडीने कारवाईचे आदेश दिले आहेत.

परंतु हे प्रकरण समोर येण्याआधीच जहांगीर परदेशात पळून गेला आहे. बांगलादेशमध्ये माजी लष्करप्रमुख, पोलीस अधिकारी, कर अधिकारी आणि अनेक सरकारी कर्मचाऱ्यांच्या भ्रष्टाचाराशी संबंधित प्रकरणे समोर आली आहेत. पंतप्रधानांच्या नोकराचेही नाव या यादीत आहे. जानेवारीमध्ये पंतप्रधान हसीना चौथ्यांदा सत्तेवर आल्यापासून भ्रष्टाचाराची अनेक प्रकरणे समोर आली आहेत. बांगलादेशच्या लाचलुचपत प्रतिबंधक आयोगाने नुकतीच देशाच्या माजी राष्ट्रीय पोलीस प्रमुख बेनझीर अहमद यांच्याविरोधात चौकशी सुरू केली आहे.

बजेटमध्ये घोषणेची शक्यता

नवी दिल्लीः पुढच्या आठवड्यात २३ जुलै रोजी केंद्रीय अर्थमंत्री निर्मला सीतारामन या एनडीए सरकारच्या तिसऱ्या कार्यकाळातील पहिला पूर्ण अर्थसंकल्प सादर करणार आहेत. या अर्थसंकल्पाकडं संपूर्ण देशाचं लक्ष लागून राहिलेलं आहे. या बजेटमधून केंद्र सरकार शेतकऱ्यांना मोठी भेट देण्याची शक्यता आहे. पीएम किसान सन्मान योजनेच्या रकमेत वाढ केली जाऊ शकते. नुकत्याच झालेल्या लोकसभा निवडणुकीनंतर देशात पुन्हा एकदा भाजपच्या नेतृत्वाखालील सरकार आले आहे. मात्र, हे सरकार आघाडीचं सरकार आहे. त्याचे प्रतिबिंब अर्थसंकल्पात उमटण्याची शक्यता आहे.

त्याशिवाय चालू वर्षात महाराष्ट्रासह इतर काही महत्त्वाच्या राज्यांत विधानसभा निवडणुका होणार आहेत. त्या पार्श्वभूमीवर देशातील विविध घटकांना आर्थिक दिलासा दिला जाईल, अशी एक अपेक्षा आहे. केंद्रीय अर्थमंत्री निर्मला सीतारामन सातत्यानं विविध क्षेत्रांशी संबंधित लोकांना भेटत आहेत. त्यांच्या अपेक्षा जाणून घेत आहेत. त्यामुळं विविध क्षेत्रांकडून वेगवेगळे अंदाज व्यक्त केले जात आहेत. शेतकऱ्यांना दिलासा देण्याचा निर्णय केंद्र सरकारकडून घघेतला जाण्याची शक्यता व्यक्त होत आहे. पीएम किसान सन्मान निधीमध्ये सरकार २ हजार रुपयांची वाढ करू शकते असे बोलले जाते. सध्या या योजनेअंतर्गत तीन हप्त्यांमध्ये ६००० रुपये मिळतात. ही रक्कम ८ हजार रुपयांपर्यंत वाढवली जाऊ शकते, असा दावा प्रसारमाध्यमांतील काही वृत्तांमध्ये करण्यात आला आहे. केंद्र सरकारच्या या योजनेचा लाभ ११ कोटींहून अधिक शेतकऱ्यांना मिळतो.

अनेकांनी काढला व्हिडीओ : आत्महत्येचे कारण अस्पष्ट

 ब्रह्मपुरी : येथील एका 'एमबीबीएस' पदवीधर तरुणीने वैनगंगा नदीच्या पात्रामध्ये उडी घेऊन आत्महत्या केली. ही घटना मंगळवारी (दि. १६) सायंकाळी सहा वाजताच्या सुमारास घडली. आत्महत्या करण्यासाठी गेलेल्या तरुणीने प्रथम नदीत उडी घेतली. पाणी कमी असल्याने ती बचावली, मात्र पुन्हा तिने खोल पाण्यात उडी घेऊन आत्महत्या केली. यासंदर्भातील व्हिडीओ समाजमाध्यमांवर व्हायरल झाले आहेत. ईशा घनश्याम बिंजवे (२४) असे आत्महत्या केलेल्या तरुणीचे नाव आहे.

ब्रह्मपुरी येथील रहिवासी डॉक्टर घनश्याम बिंजवे यांची मुलगी ईशा घनश्याम बिंजवे ही मंगळवारी (दि.१६) रोजी सायंकाळी सहा वाजताच्या सुमारास अॅक्टिवाने (क्रमांक एमएच- ४९, झेड- ४१७६) वडसा येथील वैनगंगा नदीच्या पुलावर आली. पुलावर दुचाकी उभी केली. त्या गाडीवर आपल्या चप्पल ठेवल्या. त्यानंतर नदीच्या पुलावरून उडी घेतली. नदीच्या पात्रात पाणी कमी असल्याने ती बचावली. मात्र, आत्महत्या करण्याचा निश्चय करून आल्याने तिने त्याच नदीमध्ये जास्त पाणी असलेल्या ठिकाणी पुन्हा उडी घेतली. यावेळी मात्र पाणी अधिक असल्याने ती वर आलीच नाही. या घटनेचा पुलावरून येणाऱ्या-जाणाऱ्या काहींनी व्हिडीओ काढला. मात्र, वाचविण्यासाठी कुणीही धावले नाही. घटनेनंतर पोलिसांनी तिचाशोध सुरू केला. रात्री उशिरापर्यंत तिचा शोध लागला नव्हता. बुधवारी सायंकाळी वैनगंगा नदीच्या नीरज गावाजवळील पात्रामध्ये तिचा मृतदेह आढळून आला. तिने आत्महत्या का केली, हे मात्र कळू शकले नाही.

वाचविण्यासाठी नागरिक धावले असले तर...

वैनगंगा नदीच्या पुलावर ईशाने आपली दुचाकी उभी केली. त्यानंतर तिने आत्महत्या केली. या घटनेचा अनेकांनी व्हिडीओ, तर काहींनी फोटो काढले. मात्र, तिला वाचविण्यासाठी कुणीही धावले नाही. पहिल्या प्रयत्नानंतर नागरिकांनी तिला वाचविण्याचा प्रयत्न केला असता तर कदाचित तिचा जीव वाचू शकला असता, असे नागरिकांमधून बोलले जात आहे.

 आश्रम शाळेला सुटी लागल्याने आली होती गावी

 नागभीड पत्नीच्या गैरहजेरीचा फायदा घेत स्वतःच्या अल्पवयीन मुलीशी कुकर्म करून तिला गर्भवती करणाऱ्या नराधम बापास नागभीड पोलिसांनी अटक केली आहे. बाप आणि मुलीच्या नात्याला काळिमा फासणारी ही घटना नागभीड तालुक्यातील एका गावात घडली. विशेष म्हणजे, आश्रम शाळेला सुटी लागल्याने मुलगी आपल्या गावी आली होती.

पती, पत्नी आणि दोन मुले असे कुटुंब तालुक्यातील एका गावात राहत होते. एप्रिल महिन्यात आरोपीची पत्नी पोटाची खळगी भरण्यासाठी दुसऱ्या राज्यात मजुरीसाठी गेली होती. याचवेळी तालुक्यातीलच एका आश्रम शाळेत आठव्या वर्गात शिकत असलेली १३ वर्षीय ही अभागी मुलगी शाळेला सुट्या लागल्याने गावी आली.

पत्नी घरी नसल्याने मुलीला पाहून आरोपीच्या अंगातील सैतान जागा झाला. त्याने पोटच्या मुलीशीच बळजबरी शारीरिक संबंध प्रस्थापित करणे सुरू केले. मुलीने विरोध केला. पण धमकावून तो तिला चूप ठेवत होता. भलेही आरोपी मुलीस चूप राहण्यास भाग पाडत होता. मात्र शरीरधर्म त्याचे कर्तव्य बजावत होता. अशातच शाळा सुरू झाली आणि मुलगी परत शाळेत गेली. शाळेच्या नियमित आरोग्य तपासणीत मुलगी दोन महिन्यांची गर्भवती असल्याचे निदर्शनास आले आणि शाळा प्रशासनात चांगलीच खळबळ उडाली.

शाळेतील महिला शिक्षिकेच्या तक्रारीवरून नागभीड पोलिसांनी आरोपीविरुद्ध भादंविच्या कलम ३७६ व पॉक्सो कायद्यान्वये गुन्हा दाखल केला. त्यानंतर आरोपी बापाला अटक करण्यात आली आहे.

कुरखेडा : कुरखेडा-कढोली मार्गावर गोठणगाव नाका ते मालदुगीदरम्यान अज्ञात चारचाकी वाहनाने धडक दिल्याने दुचाकीस्वार जागीच ठार झाला. हा अपघात बुधवारी (दि.१७) सायंकाळी ७:३० वाजेच्या सुमारास घडला. रघुनाथ तुलावी (५५, रा. मालदुगी) असे अपघातात ठार झालेल्या दुचाकीस्वाराचे नाव आहे. रघुनाथ तुलावी हे कामानिमित्त

गोठणगाव नाक्यावर आले होते. परत मालदुगीकडे जात असताना त्यांचा दुचाकीला एका ढाब्याजवळ चारचाकी वाहनाने धडक दिली. अपघातानंतर चालक वाहनासह पळून गेला. यात रघुनाथ तुलावी यांचा जागीच मृत्यू झाला. तुलावी हे आदिवासी विविध कार्यकारी सहकारी संस्था गोठणगाव येथे संचालकपदी कार्यरत होते. घटनेची माहिती मिळताच पोलिसांनी घटनास्थळ गाठून पंचनामा केला.

गडचिरोली जिल्हा नक्षलमुक्त करण्याचा निर्धार- मुख्यमंत्री एकनाथ शिंदे

मुंबई, दि. १७: महाराष्ट्र- छत्तीसगड सीमेजवळील वांडोली गावात गडचिरोली पोलिसांनी केलेल्या कारवाईत १२ माओवादी ठार झाले असून घटनास्थळावरून पोलिसांनी स्वयंचलित शस्त्रे जप्त केली आहेत. या यशस्वी कारवाईबद्दल मुख्यमंत्री एकनाथ शिंदे यांनी गडचिरोली पोलिसांचे विशेष अभिनंदन केले आहे.  

आज सकाळी दहा वाजेच्या सुमारास उपविभागीय पोलिस अधिकारी (ऑपरेशन्स) यांच्या नेतृत्वाखाली ७ सी ६०पथकांनी विशेष ऑपरेशन सुरू केले. वांडोली गावाजवळ १२-१५ नक्षलवादी तळ ठोकून असल्याचे त्यांना माहिती मिळाली होती. या कारवाई दरम्यान गोळीबार सुमारे ६ तासांहून अधिक काळ सुरू होता. गडचिरोली पोलिसांनी केलेल्या कारवाईत १२ माओवाद्यांना ठार करण्यात यश मिळाले. यावेळी तीन एके ४७,२ INSAS, १ कार्बाइन आणि १ एसेलआर अशी ७ स्वयंचलित शस्त्रे जप्त करण्यात आली आहे.

मुख्यमंत्री एकनाथ शिंदे यांनी गडचिरोली पोलिसांनी केलेल्या यशस्वी कारवाईबद्दल पोलीस अधीक्षक, पोलिस उपमहानिरीक्षक (गडचिरोली परिक्षेत्र), पोलिस महानिरीक्षक (नक्षल विरोधी अभियान) आणि अन्य वरिष्ठ अधिकाऱ्यांशी दूरध्वनीवरून संपर्क साधत त्यांचे अभिनंदन केले. त्यांनी सर्व सहभागी जवानांच्या शौर्याचे कौतुक करून त्यांनाही शुभेच्छा दिल्या.

गडचिरोली जिल्हा नक्षलमुक्त करण्याचा निर्धार- मुख्यमंत्री

"ही कारवाई गडचिरोली जिल्ह्यातील नक्षलवादी हालचालींवर निर्णायक आघात ठरणारी असून विकासाला प्राधान्य देऊन हिंसाचाराला ठाम विरोध करणे, असे आमचे धोरण असल्याचे मुख्यमंत्री श्री. शिंदे यांनी सांगितले. गडचिरोली जिल्हा संपूर्णपणे नक्षलमुक्त करण्याचा आमचा निर्धार असल्याचेही त्यांनी सांगितले. 

पोलिस दलाच्या या अतुलनीय कामगिरीमुळे परिसरातील सुरक्षा व्यवस्था अधिक भक्कम होणार असून नागरिकांमध्ये सुरक्षिततेची भावना वाढण्यास मदत होणार असल्याची त्यांनी म्हटले आहे.

जवानांना ५१ लाख रुपयांचे विशेष बक्षीस

उपमुख्यमंत्री आणि गृहमंत्री देवेंद्र फडणवीस यांनी या कारवाईत सहभागी असलेल्या जवानांना ५१ लाख रुपयांचे विशेष बक्षीस जाहीर केले आहे.

 आरमोरी : चालकाची निष्काळजी व क्लिनरच्या चुकीमुळे टेम्पोखाली सापडलेल्या दोन महिलांपैकी एकीचा उपचारादरम्यान १५ जुलै रोजी रात्री सव्वा आठ वाजता मृत्यू झाला.

आरमोरी येथे १८ जून रोजी गडचिरोलीहून नागपूरकडे दूध वाहतूक करणारा टेम्पो (एमएच ४०-सीटी १७१६) जात होता. आरमोरीत रात्री साडेआठ वाजता रस्त्याच्या कडेला वाहन उभे करून चालक नाश्ता करण्यासाठी गेला.

क्लिनर मात्र केबिनमध्येच बसून होता. गाणी ऐकण्यासाठी त्याने वाहन सुरू केले. ते गीअरमध्ये असल्यानेसमोर जात शतपावली करताना गप्पा मारत थांबलेल्या कल्पना अरुण गोवर्धन (४५) व कवळाबाई लोकमित्र मेश्राम (७२) या दोघींच्या अंगावर टेम्पो आला. पाठीमागून टेम्पाने धडक दिल्याने दोघीही जखमी झाल्या.

नागपूर येथे खासगी दवाखान्यात एक महिना मृत्यूशी झुंज दिल्यानंतर कल्पना गोवर्धन यांची अखेर १५ जुलै रोजी प्राणज्योत मालवली. कवळाबाई मेश्राम यांच्यावर नागपूर येथे खासगी दवाखान्यात उपचार सुरू आहे.

बल्लारपूर : येथील ठाण्यात कार्यरत पोलिस शिपायाने वसाहतीमधील खोलीत गळफास घेऊन आत्महत्या केली. ही खळबळजनक घटना सोमवारी (दि. १५) सकाळी उघडकीस आली. अजय पांडुरंग मोहुर्ले (४०) असे मृत पोलिस शिपायाचे नाव आहे. पत्नी विरहात आत्महत्या केल्याची चर्चा आहे. पोलिस शिपाई अजय मोहुर्ले हे वस्ती विभागातील पोलिस वसाहतीत राहत होते.

चंद्रपुरातील त्यांचे मामा हरिचंद्र निकुरे हे सोमवारी त्यांना भेटण्यासाठी पोलिस वसाहतीत आले. पण आतून दरवाजा बंद दिसला आणि दुर्गंधी येत होती. त्यांनी लगेच शेजारचे कर्मचारी व पोलिसांना माहिती दिली. दरवाजा उघडून बघितले असता अजय मोहुर्ले यांनी घरातच गळफास घेऊन आत्महत्या केल्याचे आढळून आले.

मृतदेहाची अवस्था बघून दिवसांपूर्वी दोन आत्महत्या केली असावी, असा अंदाज पोलिसांनी वर्तविला. पंचनामा करून पोलिसांनी शवविच्छेदनासाठी बल्लारपूर ग्रामीण रुग्णालय येथे पाठविले. अजयला दारूचे व्यसन असल्याने पत्नी सोबत वाद होत असे. त्यामुळे ती सहा दिवसांपूर्वी सात वर्षांच्या मुलाला घेऊन नातेवाइकांकडे गेली. त्यामुळे पत्नी विरहात आत्महत्या केली असावी, अशी चर्चा आहे. या घटनेनंतर उपविभागीय पोलिस अधिकारी दीपक साखरे, पोलिस निरीक्षक आसिफ राजा बी. शेख यांनी घटनास्थळाची पाहणी केली. पुढील तपास पोलिस उपनिरीक्षक संतोष येनगंधेवार, खंडेराव माने करीत आहेत.

 गडचिरोली : एटापल्ली तालुक्यातील कसनसूर या अतिदुर्गम गावातील जि. प. शाळेत १३ जुलै रोजी चक्क शिक्षक दारूच्या नशेत आला. याबाबत शिक्षण समितीच्या पदाधिकाऱ्यांच्या तक्रारीनंतर जि. प. सीईओ आयुषी सिंह यांनी तडकाफडकी निलंबित करून त्या शिक्षकावर फौजदारी कारवाई केली.

जीवनदास गेमा आत्राम असे शिक्षकाचे नाव आहे. कसनसूर जि. प. उच्च प्राथमिक केंद्र शाळेत १४ जुलै रोजी ते दारूच्या नशेत आले. यानंतर शिक्षण समितीच्या पदाधिकाऱ्यांनी शाळेत धाव घेत आत्राम यांना जाब विचारला. मात्र, ते काही बोलण्याच्या स्थितीत नव्हते. त्यामुळेपदाधिकाऱ्यांनी थेट जि. प. सीईओ आयुषी सिंह यांना फोनवरून माहिती दिली. त्यानंतर त्यांनी शिक्षण विभागाच्या अधिकाऱ्यांना शाळेत पाठवून खातरजमा केली. यावेळी जीवनदास आत्राम यांची वैद्यकीय चाचणी करून त्यांच्याविरुद्ध कसनसूर ठाण्यात भारतीय न्याय संहिता (बीएनएस) कलम ३५५ नुसार गुन्हा नोंदविण्यात शिक्षणाधिकाऱ्यांकडून आला. अहवाल मागविला. त्यावरून शिक्षक जीवनदास आत्राम यांना निलंबित केल्याचे आदेश जारी केले.

बेशिस्तीला योग्य 'धडा'

काही शिक्षक शाळेत नियमित जात नाही. त्यामुळे विद्यार्थ्यांचे नुकसान होते. या पार्श्वभूमीवर जि.प. सीईओ आयुषी सिंह यांनी बायोमेट्रिक हजेरी अनिवार्य केली. मद्यपान करून शाळेत गेलेल्या शिक्षकाला निलंबित करून त्यांनी बेशिस्तीला योग्य 'धडा' दिल्याची चर्चा आहे.

गडचिरोली : देसाईगंज तालुक्यातील मेंढेबोठी चक, हिरापूर चक, डोंगरतमाशी बस स्टॉपच्या मागच्या बाजूला येथील महसूल विभागाच्या जागेत मोठया प्रमाणात अतिक्रमण वाढले आहे. ते हटवून रोपवन लागवड करून देण्यात यावी, अशी मागणी काँग्रेस आदिवासी आघाडीचे प्रदेश सचिव छगन शेडमाके यांच्या नेतृत्वाखालील शिष्टमंडळाने १५ जुलैला तहसीलदार प्रीती डुडुलकर यांच्याकडे निवेदनाद्वारे केली.

मेंढेबोडी चक, हिरापूर चक येथील महसूल विभागाच्या जंगल जागेवर गावातील अनेक नागरिकांनी अनधिकृत अतिक्रमण करून जागा बळकावली आहे. यामुळे जंगलाच्या अस्तित्वावर प्रश्नचिन्ह लागले आहे. दिवसेंदिवस जंगलतोड करून

करण्यात येत असलेल्या अतिक्रमणामुळे भविष्यात जंगल राहणार की नाही, असा प्रश्न निर्माण झाला आहे. यामुळे पर्यावरणाचा समतोल राखण्यात मोठी अडचण निर्माण होणार आहे. ही गंभीर बाब लक्षात घेता महसूल विभागाच्या जंगलाच्या जागेवर करण्यात आलेले अतिक्रमण यथाशीघ्र काढून या जागेवर रोपवन लागवड करून देण्यासंदर्भात संबंधित विभागाच्या अधिकाऱ्यांना निर्देशित करण्यात यावे, अशी मागणी यावेळी करण्यात आली. यावेळी राकेश गेडाम, सत्यभामा अलोने, प्रभू गेडाम, ईश्वर कांबळे, राजेश्वर गेडाम, पांडुरंग कांबळे, कृष्णकुमार कोटांगले, कालिदास गेडाम, संदीप मेश्राम, आदी उपस्थित होते.

         ठाणे जिल्ह्यातील धक्कादायक घटना... पीडित महिला ही बेलापूर इथं राहाणारी असून घरात कौटुंबिक वाद सुरु असल्याने मन:शांतीसाठी ती 6 जुलै रोजी शिळ फाटा रोडवरच्या गणेश घोळ मंदिरात सकाळी 10 वाजण्याच्या सुमारास आली. 

दिवसभर ही महिला त्याच मंदिरात बसल्याने मंदिरातील पुजाऱ्यांनी तिला दुपारचे जेवण दिले त्यानंतर संध्याकाळचा चहा देताना त्या चहामध्ये त्याने भांगेची गोळी मिसळून दिली. चहा प्यायला नंतर महिलेची शुद्ध हरपली. त्यानंतर रात्रीच्या वेळी मंदिरातील श्यामसुंदर शर्मा, संतोष कुमार मिश्रा आणि राजकुमार पांडे या तीन पुजाऱ्यांनी आळीपाळीने तिच्यावर बलात्कार केला. पहाटे शुद्ध आल्यानंतर या महिलेच्या ही गोष्ट लक्षात आल्यानंतर  तिने आरडाओरडा करण्यास सुरुवात केली. आपलं बिंग फुटेल या भितीने पुजाऱ्यांनी तिला मारहाण करत जमिनीवर आपटलं, यातच त्या महिलेचा जागीच मृत्यू झाला. त्यानंतर महिलेचा मृतदेह त्यांनी मंदिराच्या बाजूला असलेल्या जंगलात फेकून दिला.

दोन दिवसांनी मंदिरात गेलेल्या एका भाविकाला डोंगरावर जंगलात पडलेला महिलेचा मृतदेह दिसला. त्याने याची माहिती तात्काळ पोलिसांना दिली. पोलिसांनी घटनास्थळी पोहोचत तपास सुरु केला. परिसरातील सीसीटीव्ही तपासल्यानंतर मंदिरातील पुजाऱ्याचा संशय आला. पुजाऱ्यांची चौकशी केली असता त्यांनी या घटनेची कबुली दिली. पोलिसांनी  संतोष कुमार मिश्रा आणि राजकुमार पांडे या दोघांना अटक केली. मात्र तिसरा आरोपी श्यामसुंदर शर्मा हा तिथून फरार झाला. पोलिसांनी आपली सूत्रे हलवत शर्मा याला ट्रॉम्बे इथळ्या चिता कॅम्प परिसरातून अटक केली. श्यामसुंदर शर्मा, संतोष कुमार मिश्रा, राजकुमार पांडे या तीनही आरोपींना अटक करण्यात आलीय... सदर घटनेचा जाहिर निषेध... आरोपींना फाशीचीच शिक्षा झाली पाहिजे अशी आमची मागणी आहे...

आरमोरी : महात्मा गांधी राष्ट्रीय ग्रामीण रोजगार हमी योजनेंतर्गत आरमोरी तालुक्यात यावर्षी मोठ्या प्रमाणात रोजगार हमी योजनेची कामे करण्यात आली, मात्र केलेल्या कामाची मजुरी मिळाली नसल्याने हजारो शेतकरी, शेतमजूर आर्थिक अडचणीत सापडले आहेत.

आरमोरी तालुक्यात कोणताच मोठा उद्योग नसल्यामुळे ग्रामीण भागांतील शेतकरी शेतमजुरांच्या रिकाम्या हातांना काही प्रमाणात रोहयोच्या माध्यमातून रोजगारनिर्मिती होत असते. ग्रामपंचायत व ग्रामसभेच्या माध्यमातून तालुक्यात मजगी, पाणंद रस्ते, बोडी, तलाव खोलीकरण, वनतलाव बांधकाम करणे, नैसर्गिक रोपांचे एकेरीकरण, मिश्र रोपवाटिका तयार करणे आदी विविध कामे करण्यात आली. मात्र केलेल्या कामाची मजुरी दोन ते तीन महिने होऊनही मजुराच्या बँक खात्यात जमा करण्यात आली नाही. सध्या तालुक्यात खरीप हंगामाची लगबग सुरू आहे. मात्र केलेल्या कामाची मजुरी थकल्याने खत, रोवणी मजुरांची मजुरी कुठून करायची हा प्रश्न निर्माण झाला आहे. केलेल्या कामाची मजुरी अजूनपर्यंत मिळाली नसल्यामुळे मजुरांमध्ये तीव्र रोष निर्माण झाला आहे.

मजुरांचा कामावर येण्यास नकार

आदिवासी भागातील ग्रामसभांना अनेक गावांत मिश्र रोपवाटिका तयार करण्याचे काम सुरू करावयाचे आहे. मात्र मजुरी थकल्याने मजूर कामावर येण्यासाठी नकार देत आहेत, त्यामुळे रोहयोंतर्गत केलेल्या कामाची मजुरी देण्यात यावी. प्रशासनाने याकडे लक्ष घालावे, अशी मागणी ग्रामसभा येंगाडाचे ग्रामरोजगार सेवक मुन्नासिंग चंदेल यांनी केली आहे.

• मुंबई, (वा.) आत्महत्येच्या अकरा महिन्यांनंतर MHB पोलिसांनी मृताच्या पत्नीविरुद्ध गुन्हा दाखल केला आहे. गौरी उर्फ आयुषी चेतन मुसले असे आरोपी पत्नीचे नाव आहे. पती चेतनवर मानसिक छळ करून त्याला आत्महत्येस प्रवृत्त केल्याचा तिच्यावर आरोप आहे. चेतनच्या डायरीतून हा प्रकार उघडकीस आल्याचे पोलिसांनी सांगितले. या प्रकरणाचा तपास सुरू आहे. पोलीस लवकरच गौरीचा जबाब नोंदवणार आहेत.

वास्तविक, २९ ऑगस्ट २०२३ रोजी चेतनने बोरिवली पश्चिम येथील राहत्या घरी गळफास घेऊन आत्महत्या केली होती. त्यादरम्यान कौटुंबिक वादातून नैराश्येतून आत्महत्या केल्याप्रकरणी पोलिसांनी एडीआर दाखल केला होता.

मात्र नुकतीच मृत चेतनच्या आईला एक डायरी सापडली. ज्यामध्ये चेतनने पत्नी गौरी उर्फ आयुषीबद्दल लिहिले होते. ती त्याचा मानसिक छळ करत असल्याचे डायरीत लिहिले होते. याला कंटाळून त्यांनी राहत्या घरी गळफास घेऊन आत्महत्या केली. या आत्महत्येला गौरी उर्फ आयुषी जबाबदार असल्याचे डायरीत लिहिले होते. त्यामुळे मृताच्या आईने पोलिसांना घटनेची माहिती दिली. तिच्या तक्रारीनंतर पोलिसांनी गौरीविरुद्ध पतीवर मानसिक आणि शारीरिक छळ करून आत्महत्येस प्रवृत्त केल्याप्रकरणी गुन्हा दाखल केला आहे. याबाबत अधिक माहिती घेऊन त्या महिलाचे अजून कोणी साथीदार आहेत ते तपासून पाहणार असल्याचे सुत्रांकडून समजते

.

नवरगावच्या जंगलातील घटना : वनविभागाची कारवाई; पाच दिवसांची कोठडी

 गडचिरोली : जंगलात नीलगायीची शिकार करून तिच्या मांसाची गावात विक्री करीत असताना वनविभागाने धाड टाकून १० आरोपींना जेरबंद केले. दोन आरोपी फरार आहेत. सदर घटना शनिवारी नवरगाव येथे घडली. आरोपींकडून नीलगायीचे शिर, पाय, मांस व इतर अवयव तसेच कापण्यासाठी वापरलेले साहित्य जप्त करण्यात आले आहेत. सदर घटनेने वन्यप्राण्यांची शिकार करणाऱ्या टोळीचा पर्दाफाश झाला आहे.

पोर्ला वनपरिक्षेत्र अंतर्गत येत असलेल्या नवरगाव (दक्षिण) नियत क्षेत्रामध्ये दि. १३ जुलै रोजी निलगायीची शिकार करण्यात आली. शिकारीनंतर निलगायीच्या मांसाची गावात विक्री करण्यात येत असल्याची गोपनीय माहिती वनविभागाला मिळाली. वनविभागाने गोपनीय माहितीच्या आधारे धाड टाकून दहा आरोपींना अटक केली. त्यांना रविवारी गडचिरोली जिल्हा न्यायालयात हजर केले असता न्यायालयाने दहाही आरोपींना पाच दिवसांची वनकोठडी सुनावली आहे. सदर कारवाई पोर्लाचे वनपरिक्षेत्र अधिकारी राकेश मडावी,चुरचुराचे क्षेत्र सहायक के. बी. उसेंडी, पोर्लाचे क्षेत्र सहायक अरुण गेडाम, मरेगावचे क्षेत्र सहायक समर्थ, पोर्लाचे वनरक्षक विकास शिवणकर, दिभनाचे वनरक्षक गणेश काबेवार, किटाळीचे वनरक्षक संदीप लामकासे, देलोडाचे

वनरक्षक नितीन भोयर, वाहनचालक देवीदास चापले, वनमजूर विजय म्हशाखेत्री, गिरिधर बांबोळे, छत्रपती डहाले, दुर्योधन मेश्राम, सोनू खोब्रागडे, रवि डहाले, रूपेश मुनघाटे यांच्या पथकाने केली.

हे आहेत अटक झालेले आरोपी

खुदकम रघुनाथ गेडाम वय (२५, रा. कुहाडी), अक्षय प्रभाकर सेलोटे (२२, रा. नवरगाव), रोशन दामोधर भोयर (२२, रा. नवरगाव), निखिल गिरिधर ठाकरे (३०, रा. चुरचुरा), सौरभ सुरेश आवारी (२०, रा. नवरगाव), विक्रांत प्रकाश बोरकुटे (२३, रा. गोगाव), संकल्प संजय उंदीरवाडे (२४, रा. नवरगाव), संदीप कानिफ चुधरी (रा. नवरगाव), आकाश प्रभाकर सेलोटे (रा. नवरगाव), जगदीश देवराव थोराक (रा. नवरगाव) यांना अटक करण्यात आली आहे. समीर रवींद्र मडावी (रा. कुहाडी) व ओमराज विजय राजगडे (रा. चुरचुरा) हे दोन आरोपी फरार आहेत.

 सावली रस्त्याच्या मध्यभागी धोकादायक स्थितीत उभ्या असलेल्या ट्रकला भरधाव दुचाकीची धडक बसल्याने दुचाकीवरील चार वर्षीय बालक व एक इसम जागीच ठार झाले. तर दोनजण गंभीर जखमी झाले. ही घटना शनिवारी सायंकाळी चंद्रपूर गडचिरोली राष्ट्रीय महामार्गावरील हिरापूर गावाजवळ घडली. वरुण हरिदास बोरुले (४), उमेश श्रीरंग गुरनुले (वय २७, दोघेही रा. फराळा, ता चार्मोशी, जि. गडचिरोली) असे मृतकांची नावे आहेत. तर शेवंता रामदास कावळे (६५, रा. नवेगाव), हरिदास बापूजी बोरुले (४०, रा. फराळा, ता. चार्मोशी) अशी जखमींची नावे आहेत.

उमेश गुरनुले हा दुचाकीने (क्रमांक एमएच ३३-एई १८३७) शेवंता, वरुण, हरिदास यांना घेऊन फराळा येथे जात होता. दरम्यान, हिरापूर

बसस्थानकाजवळ धोकादायक स्थितीत रस्त्याच्या मधोमध उभ्या असलेला ट्रकला (क्रमांक सीजी ०८- एएक्स ६१७१) जोरदार धडक दिली. यात वरुण व उमेश यांचा जागीच मृत्यू झाला. तर हरिदास व शेवंता हे गंभीर जखमी झाले. अपघात झाल्याचे कळताच ट्रक चालक ट्रकसह घटनास्थळावरून पसार झाला. याबाबतची माहिती सावली पोलिसांना मिळताच त्यांनी घटनास्थळ गाठून पंचनामा केला. तसेच फरार ट्रक चालकाला पकडण्यासाठी शोधमोहीम राबविली. दरम्यान, ट्रक चालकावर भारतीय न्याय संहिता (बीएनएस) कायद्यान्वये १०६ (०१), १२५ (ए), १२५ (बी), २८५ सहकलम १२२, १३४ ए, १३४ (ब) वाहन कायद्यानुसार गुन्हा दाखल करून ट्रक चालकाला ट्रकसह खेडी फाट्याजवळ अटक केली. जखमींवर गडचिरोली जिल्हा सामान्य रुग्णालयात उपचार सुरू आहे.

 देसाईगंज तालुक्यातील चोप-शंकरपूर मार्गावर गावानजीक आग्याबोवा मंदिराशेजारी रोडच्या बाजूला उभा असलेल्या शेळ्या राखत असताना समोरून येणाऱ्या दुचाकीने शामराव मोतीराम पर्वते (रा. चोप) यांना धडक दिल्याने शामराव यांचा जागीच मृत्यू झाला, तर दुचाकी चालक स्वप्निल सत्यवान लांजेवार हा गंभीर जखमी झाला.

शामराव मोतीराम पर्वते (वय ६३) हे स्वतःच्या घरच्या शेळ्या राखत होता.

दुचाकी (एमएच ३३ एस १७३२) ने स्वप्निल सत्यवान लांजेवार हा शंकरपूरकडे जात होता. त्यात शामरावला स्वप्निलच्या दुचाकीने धडक दिली. दुचाकी एवढ्या जोरात होती की शामराव ५० ते ६० फुटांपर्यंत फरपडत नेले. त्यात त्यांचा जागीच मृत्यू झाला. त्यांना ग्रामीण रुग्णालयात देसाईगंज येथे नेण्यात आले असता डॉक्टरांनी शामरावला मृत घोषित केले. दुचाकीस्वार स्वप्निल लांजेवार हा जखमी अवस्थेत असताना आमदार कृष्णा गजबे यांनी त्यांना मदत केली.

जिल्हा परिषद उच्च प्राथमिक शाळा, मरेगाव केंद्र- अमिर्झा पं.स./ जि. गडचिरोली

नुकत्याच विदर्भातील शाळांना सुरुवात झालेली असून वि‌द्यार्थ्यांच्या अध्ययन कार्यास सुरुवात होत आहे. वि‌द्यार्थ्यांना पुस्तकांसोबत नोटबुकची अत्यंत गरज भासत आहे. ग्रामीण भागातील बहुतेक मुले शेतकरी, मजूर व गरीबाची असतात. त्यामुळे आजच्या परिस्थितीत नोटबुकांच्या वाढलेल्या किंमती पाहता विकत घेताना पालकांना अडचणीचे जाते. हिच अडचण लक्षात घेवून आरमोरी येथे स्थित असलेले सामाजिक कार्यकर्ते श्री सिद्धार्थ साखरे यांनी जि प उ प्रा शाळा मरेगाव केंद्र अमिर्झा पं स गडचिरोली येथील सर्व वि‌द्यार्थ्यांना स्वतः नोटबुक वितरण करून सामाजिक दायित्व राखण्याचा प्रयत्न केला. तसेच पर्यावरण संवर्धन रक्षण संदेश विद्यार्थ्यापर्यत पोहचावा याकरिता शाळेला झाडे भेट दिली.

या छोट्याशा कार्यक्रमाता शाळेतील वि‌द्यार्थी व सर्व शिक्षक उपस्थित होते. या प्रसंगी शाळेचे मुख्याध्यापक श्री गुणवंत हेडाऊ यांनी सामाजिक कार्यकर्ते श्री सिद्धार्थ साखरे यांचे स्वागत करून आभार व्यक्त केले.

 गडचिरोली दि. 2 : महिलांच्या आर्थिक स्वातंत्र्यासाठी, त्यांचे आरोग्य आणि पोषणामध्ये सुधारणा करणे, तसेच कुटुंबातील त्यांची निर्णायक भूमिका मजबूत करण्यासाठी शासनाने ‘मुख्यमंत्री – माझी लाडकी बहीण योजना’ सुरू केली आहे. या योजनेंतर्गत पात्र लाभार्थी महिला / मुलींना दरमहा 1500 रुपये देण्यात येणार आहे. जिल्ह्यातील महिलांनी 15 जुलै पूर्वी अर्ज करून या योजनेचा लाभ घेण्याचे आवाहन जिल्हाधिकारी संजय दैने यांनी केले आहे.

             ‘मुख्यमंत्री – माझी लाडकी बहीण योजनेच्या पहिला टप्प्यात १ ते १५ जुलै या कालावधीत लाभार्थ्यांची नोंदणी करण्यात येत आहे. यासाठी पात्र महिला अंगणवाडी सेविका, ग्रामसेवक, परिवेक्षिका, मुख्यसेविका, सेवा सुविधा केंद्र यांच्या सहाय्याने अर्ज करू शकतात. यांनतर या प्रतिनिधींनीमार्फत ऑनलाईन पद्धतीने अर्ज शासनास सादर होतील. तसेच, ज्या महिला स्वत: ऑनलाईन पद्धतीने अर्ज सादर करू शकतात त्यांच्यासाठी ‘नारी शक्ती दूत’ हे ॲप सुरू करण्यात आले आहे.

योजनेचा उद्देश : 1) महिला व मुलींना पुरेशा सोयी सुविधा उपलब्ध करून रोजगार निर्मितीस चालना देणे, 2) त्यांचे आर्थिक - सामाजिक पुनर्वसन करणे, महिलांना स्वावलंबी व आत्मनिर्भर करणे, 3) महिला व मुलींच्या सशक्तीकरणास चालना मिळणे, 4) महिला आणि त्यांच्यावर अवलंबून असलेल्या मुलांचे आरोग्य आणि पोषण स्थितीत सुधारणा करणे.

लाभार्थी पात्रता : 1) वय 21 ते 60 वर्षे असणारी महिला. 2) महाराष्ट्र राज्याची रहिवासी महिला. 3) विवाहित, विधवा, घटस्फोटित परित्यक्त्या, निराधार महिला. 4) कुटुंबाचे वार्षिक उत्पन्न 2.5 लक्ष पेक्षा कमी असणे गरजेचे.

अपात्रता : 1) कुटुंबातील सदस्य आयकर दाता असल्यास, 2) सरकारी नोकरी, 3) आजी/माजी आमदार/खासदार 4) कुटुंबाच्या मालकीची 5 एकर पेक्षा जास्त जमीन असणारे, 6) चार चाकी गाडी असणारे.

अर्ज करण्याची पद्धत : अर्ज नि:शुल्क अंगणवाडी सेविका यांचेकडे भारता येईल. अर्ज विहित नमुन्यात भरून व त्याला आवश्यक कागद जोडून अंगणवाडी सेविका, ग्रामसेवक, सेतू केंद्र, वार्ड अधिकारी यांना देता येईल. वरील सर्वांकडून अर्ज ऑनलाईन भरून घेता येईल. लाभार्थ्याला स्वत: ‘नारी शक्ती दूत’ हे ॲपवर अर्ज करता येईल. 

आवश्यक कागदपत्रे : योजनेच्या लाभासाठी ऑनलाईन अर्ज, लाभार्थ्याचे आधारकार्ड, महाराष्ट्र राज्याचे अधिवास प्रमाणपत्र / महाराष्ट्र राज्यातील जन्म दाखला. सक्षम प्राधिकारी यांनी दिलेला कुटुंब प्रमुखाचा उत्पन्नाचा दाखला (वार्षिक उत्पन्न 2.50 लाखांपर्यंत असावे), बँक खाते पासबुकच्या पहिल्या पानाची छायांकित प्रत, पासपोर्ट आकाराचा फोटो, रेशनकार्ड, सदर योजनेच्या अटी शर्तीचे पालन करण्याबाबतचे हमीपत्र

 अडचणी असल्यास येथे करा संपर्क : अर्ज भरतांना काही समस्या असल्यास नजिकच्या अंगणवाडी केंद्रावर तसेच महिला हेल्प लाईन 181 वर संपर्क करावा, असे जिल्हा महिला व बाल विकास अधिकारी प्रकाश भांदककर यांनी कळविले आहे. 

०००००

गडचिरोली : येणाऱ्या विधानसभा, जिल्हा परिषद, पंचायत समिती निवडणुकांच्या पार्श्वभूमीवर जनसंपर्क आणि तयारी संबंधात शेतकरी कामगार पक्षाच्या जिल्हा समीतीची बैठक आयोजित करण्यात आली होती. या बैठकीत पक्षाच्या जिल्हा परिषदेचे गठन, हर हर जोडो अभियान, बुथ रचना आणि व्यापक जनसंपर्क सुरू करण्याचा निर्णय घेण्यात आला.

यावेळी शेतकरी कामगार पक्षाचे राज्य चिटणीस मंडळाचे सदस्य आणि जिल्हा चिटणीस भाई रामदास जराते यांनी मार्गदर्शन केले. युवक, बेरोजगार, कष्टकरी, कामगार, शेतकरी यांच्या प्रश्नांना घेवून शेतकरी कामगार पक्ष येणाऱ्या निवडणुकांमध्ये उतरणार असून धनशक्तीच्या विरोधात जनशक्ती उभी करण्यासाठी पक्षाच्या ७६ व्या वर्धापन दिनानिमित्त ३ ऑगस्ट पासून संपूर्ण गडचिरोली विधानसभा क्षेत्रात 'जनसंघर्ष यात्रा' सुरू करण्यात येणार असल्याची घोषणा केली.

जिल्हा समीतीच्या या बैठकीला जिल्हा खजिनदार भाई शामसुंदर उराडे, जिल्हा सहचिटणीस संजय दुधबळे, महिला नेत्या व गडचिरोली विधानसभेच्या उमेदवार जयश्रीताई जराते, जिल्हा समीतीचे सदस्य डॉ. गुरुदास सेमस्कर, दामोदर रोहनकर, गंगाधर बोमनवार, तुळशिदास भैसारे, अशोक किरंगे, डंबाजी भोयर, एकनाथ मेश्राम, अविनाश कोहळे, चंद्रकांत भोयर उपस्थित होते.

गडचिरोली जिल्हा माळी समाज संघटनेचे सल्लागार मा.भिमराज पात्रिकर यांनी उपस्थितांना गुणवंत ज्ञानवंत सत्यशोधक होवुन सर्व समस्याचे निराकरण स्वता करण्यास तयार रहावे. प्रमुख मार्गदर्शक म्हणुन लाभलेले मा.धर्मानंद मेश्राम, सेनि शिक्षण विस्तार अधिकारी यांनी 12वी नंतर प्रवेश घेता येणा-या सर्व फॅकल्टीजची माहिती दिली व यवतमाळ येथील सत्यशोधक विज्ञापीठात जीवन बदलविणा-या प्रशिक्षणात भाग घेण्याचे आवाहन केले. त्यानंतर खालील गुणवंतांचा सत्कार करण्यात आला.
॰
*विविध शासकीय विभागात नौकरीवर निवड
वैभव गुरनुले, भाग्यश्री मदनकर, मंगेश मोहुर्ले, सुरज मोहुर्ले, सागर गावतुरे, भाग्यश्री भेंडारे
॰
12वी गुणवंत
87.40 आदित्य मोहुर्ले, 80.83 सानिका गुरनुले, 78.50 मंगेश भेंडारे, 78.16 गायत्री गुरनुले, 77 योगेंद्र कावळे व भुषण कोकोडे, 76 थामदेव निकुरे

10वी गुणवंत
93.20 आस्था वाडगुरे, 91.80 हिमांगी गुरनुले, 89.20 मानशी सोनुले व सुजय मोहुर्ले व तेजस गावतुरे, 88.20 जान्हवी मांदाडे, 87.60 सायली मोहुर्ले व वैभवी सोनुले, 88.60 हर्षाली मांदाडे, 85.40 तनुश्री जेंगटे, 84.80 चंदना निकोडे, 84 जिज्ञासा जेंगठे, 83.60 चैतन्या कोटरंगे, 83.40 सोनी आदे, 83.00 जान्हवी रस्से व गौरव मोहुर्ले, 82.80 किशोर ढोले, 82.40 कुमुदिनी मोहुर्ले, 81.20 आस्था लेनगुरे, 80.20 धिरज पेटकुले, 81.60 प्रतिक जेंगठे

    कार्यक्रमाचे अध्यक्ष फुलचंद गुरनुले, ग.जि.मा.स.सं.चे अध्यक्ष, प्रमुख पाहुणे संजय लेनगुरे, गुरुदास बोरुले, पुरण पेटकुले होते. प्रस्तावना अशोक मांदाडे संचालन गिरीष लेनगुरे व आभार उमेश जेंगठे यांनी मानले. यशस्वीतेसाठी रमेश जेंगठे, योगेश सोनुले, नरेंद्र निकोडे, किसन सोनुले, संतोष मोहुर्ले, शंकर चौधरी, लक्ष्मण मोहुर्ले,भाष्कर गुरनुले, इतर सर्वांनी मदत केली. कार्यक्रमास विद्यार्थी-पालक व समाज बांधवांची मोठ्या प्रमाणात उपस्थिती होती.

एक जखमी : कारगिल चौकातील घटना

गडचिरोली : नादुरुस्त ट्रॅक्टर-ट्रॉलीपिकअपला बांधून नेत असताना पिकअप वाहनाने येणाऱ्या दुचाकीला धडक दिल्याने एक महिला ठार, तर एक युवक गंभरी जखमी झाल्याची घटना २ मे रोजी गुरुवारी सायंकाळी ७:४५ वाजण्याच्या सुमारास शहरातील मुल मार्गावर कारगिल चौकात घडली. विशेष आपल्या लहान मुलाचे लग्न आटोपून सावलीकडे परत जाताना नवरदेवाच्या आईचा अपघाती मृत्यू झाला. या घटनेने सर्वत्र हळहळ व्यक्त केली जात आहे.

रेखा नामदेव राऊत (वय ४४) रा. सावली, जि. चंद्रपूर असे मृत महिलेचे नाव आहे, तर दुचाकीस्वार बंडू भलवे (२७) रा. सावली हा जखमी झाला. अपघात घडल्यानंतर गडचिरोली पोलिसांनी घटनास्थळावर धाव घेत दोनही जखमींना जिल्हा सामान्य रुग्णालयात उपचारासाठी दाखल केले. दरम्यान, रक्तबंबाळ झालेल्या रेखा राऊत या महिलेचा मृत्यू झाला,तर जखमी बंडू भलवे यांच्यावर उपचार सुरू आहेत.सावली येथील नामदेव राऊत यांच्या दोन मुलांचे लग्न होते. अमित राऊत नामक मोठ्या मुलाचे लग्न १ मे बुधवारी सावली येथे पार पडले, तर २ मे रोजी लहान मुलगा अविनाश राऊत याचे लग्न रांगीनजीकच्या निमगाव येथे होते. हे लग्नकार्य आटोपून नवरदेवाची आई रेखा राऊत ही दुचाकीवरून गडचिरोलीमार्गे सावलीकडे जात होती. दरम्यान, कारगिल चौकात पिकअप वाहनाने दुचाकीला धडक दिली.

अपघाताची पुनरावृत्ती.... विशेष म्हणजे मागील वर्षी १ मे

२०२३ रोजी याच कारगिल चौकात एका युवकाला ट्रकने जागीच चिरडले होते. एक वर्षानंतर परत याच ठिकाणी याच तारखेला अपघात झाला. शहरातील वाढत्या अतिक्रमणाकडे प्रशासनाचा दुर्लक्षितपणा जीवघेणा ठरत असल्याचे नागरिकांमधून बोलले जात आहे.

डोंगरगावजवळ चारचाकी वाहनाने चिरडले

वैरागड : कोनसरी येथील लॉयड्स मेटल कंपनीत काम करणारे कनिष्ठ अभियंता युवराज अरविंद लाकडे यांचा आरमोरी-गडचिरोली मार्गावरील डोंगरगावजवळ भीषण अपघात झाला होता. त्यांच्यावर सुरुवातीला आरमोरी उपजिल्हा रुग्णालय येथे उपचार केल्यानंतर नागपूर येथील खासगी रुग्णालयात उपचार सुरू होते. ते कोमात गेले होते. दरम्यान ३० एप्रिल रोजी रात्री ११:३० वाजता त्यांची प्राणज्योत मालवली.

मूळचे वैरागड येथील रहिवासी युवराज अरविंद लाकडे हे काही दिवसांपासून कोनसरी येथील लॉयड्समेटल कंपनीत अभियंता पदावर कार्यरत होते. २६ एप्रिल रोजी वैरागडला लग्न समारंभासाठी आले होते. २८ एप्रिल रोजी कंपनीत महत्त्वाचे काम निघाले. त्यामुळे ते सकाळच्या सुमारास कर्तव्यावर निघाले. गडचिरोली येथे पोहोचल्यानंतर त्यांना वरिष्ठ अधिकारी हे कार्यालयात हजर नसल्याचे एका कर्मचाऱ्याने सांगितले. तेव्हा ते पुन्हा वैरागडकडे जेवणासाठी निघाले. दरम्यान डोंगरगावजवळ एकामागून येणाऱ्या कारने त्यांच्या दुचाकीला धडक दिली होती.

नारायणपूर, दि. 30 : छत्तीसगड-महाराष्ट्र सीमेवरील नारायणपूरच्या अबुझमाड परिसरात आज मंगळवार 30 एप्रिल रोजी सकाळच्या सुमारास डीआरजी आणि एसटीएफच्या जवानांसोबत झालेल्या चकमकीत 7 नक्षली ठार झाल्याची माहिती पुढे येत आहे. यामध्ये 22 महिला नक्षलींचा समावेश आहे. घटनास्थळावरुन एके-47 सह मोठ्या प्रमाणात शस्त्रे आणि स्फोटके जप्त करण्यात आली असून चकमकीनंतर परिसरात शोध सुरु असल्याचे कळते.

अबुझमाडच्या तकामेटा भागात मोठ्या प्रमाणात नक्षली उपस्थित असल्याची माहिती पोलिसांना मिळाली. माहितीच्या आधारे सोमवारी रात्री उशिरा जवान शोधमोहीम करिता निघाले असता मंगळवारी सकाळी जवान या भागात पोहोचले असता नक्षल्यांनी जवानांवर अंधधुंद गोळीबार केला. जवानांनी मोर्चा सांभाळत प्रत्युत्तरादाखल केलेल्या गोळीबारात 7 नक्षली ठार झाले त्यात दोन महिलांचा समावेश आहे.

सदर चकमक महाराष्ट्राच्या गडचिरोली जिल्हा सीमेलगत असलेल्या परिसरात घडली असून. पुन्हा एकदा नक्षली सक्रिय झाल्याचे दिसून येत आहे.

कुरखेडा (Gadchiroli) : तालूक्यातील बांधगाव येथे एका ३० वर्षीय विवाहित महीलेचे (Woman Suicide) स्वंयपाक खोलीचा दाराला गळफास घेतलेला मॄतदेह आढळून आले. सदर घटणा आज सकाळी पहाटे सहाच्या दरम्यान उघडकीस आली. मृतक महिलेचे नाव प्रतिभा गिरीधर राणे असे असून कौटूंबिक कलहाला कंटाळत तिने आत्महत्या केली असावी, अशी शक्यता व्यक्त करण्यात येत आहे. तिचा (Woman Suicide) मृतदेह आज सकाळी स्वंयपाक खोलीचा दाराला गळफास घेतलेला अवस्थेत आढळून आला. परंतु तीच्या माहेरच्यानी आमच्या मुलीची हत्या करण्यात आली, असा आरोप सासरच्या मंडळी वर केला आहे.

घटनेची माहीती मीळताच‌‌ पूराडा पोलीस स्टेशनचा चमूने घटणास्थळ गाठत पंचनामा केला, शवउत्तरीय तपासणी करीता (Kurkheda Hospital) उपजिल्हा रूग्णालय कूरखेडा अंतर्गत शवविच्छेदन सेंटरला पाठविण्यात आले. मृतकाला पती व २ अपत्य आहेत .यासंदर्भात (Kurkheda Police) पूराडा पोलीस स्टेशन येथे मर्ग दाखल करण्यात आले आहे. पूढील तपास (Kurkheda Police) पूराडा पोलीस स्टेशनचे प्रभारी अधिकारी भूषण पवार यांचा मार्गदर्शनात सूरू करण्यात आला आहे.

गडचिरोली:  येथे पोलिस भरतीची तयारी करणाऱ्या युवकाला अटॅक आल्याने त्याचा मृत्यू झाल्याची घटना मंगळवारी सकाळी येथे जिल्हा क्रीडा संकुल परिसरात घडली. सूरज सुरेश निकुरे (२४) रा. भिकारमौशी असे मृतक युवकाचे नाव आहे.

पोलिस भरतीची तयारी करण्यासाठी सूरज हा गडचिरोली येथे खोली करून राहत होता. सकाळी ६ वाजता तो जिल्हा क्रीडांगणावर पोलिस भरतीचा सराव करण्यासाठी गेला होता. काही अंतर धावल्यानंतर त्याच्या

छातीत दुखण्यास सुरुवात त्यानंतर झाली. तो मित्रांसोबत शिवाजी महाविद्यालयाच्या परिसरात असलेल्या मेडिकलमध्ये औषधी घेण्यासाठी गेला. मात्र, त्याच ठिकाणी तो चक्कर येऊन पडला. त्याला तत्काळ जिल्हा रुग्णालयात हलवण्यात आले.

डॉक्टरांनी त्याला मृत घोषित केले. सूरजच्या मृत्यूमुळे गावात भिकारमौशी गावात शोककळा पसरली असून कुटुंबियाने एकच टाहो फोडला.

प्राप्त माहितीनुसार आंबेशिवणी येथील शेतकरी प्रेमिला पुंडलिक म्हस्के आणि पुंडलिक तुळशिराम म्हस्के यांनी उन्हाळी रब्बी फसल सहा एकर मध्ये धान शेतीची लागवड केली आहे, काल दिनांक २१ एप्रिलच्या रात्री ११ वाजताच्या सुमारास जंगली हत्तीचा कळप आंबेशिवणी येथील प्रेमिला पुंडलिक म्हस्के आणि पुंडलिक तुळशिराम म्हस्के यांच्या शेतामध्ये सर्वे अनुक्रमांक १४१/३, १४८/२, १४८/३ मध्ये शेतकुंपण तोडुन शिरले आणि दोन ते तीन एकर क्षेत्रामध्ये अक्षरशः हौदोस घातला, यामध्ये शेतातील पाईपाची तोडफोड केली, धान्य पिक पायांनी तुडवुन पिकाची खुप मोठ्या प्रमाणात नुकसान केले आहे,अशातच शेतक-यांच्या हाती आलेले पिक आता भुईसपाट झाल्यामुळे शेतक-यांवर उपासमारीची वेळ आली आहे आणि शेतक-याच्या कुंटुबांवर खुप मोठे आर्थिक संकट उभे झाले आहे, त्यामुळे वनविभागाने तात्काळ शेतक-यांच्या पिकाचे पंचनामे करुन त्वरीत आर्थिक नुकसानभरपाई देण्यात यावी अशी मागणी जोर धरू लागली आहे, आणि वनविभागाने जंगली हत्तीचे त्वरीत बंदोबस्त करावे अशी मागणी परिसरातील शेतकरी करू लागले आहेत.

ब्रह्मपुरी :  देलनवाडी येथील ८ व्या क्रमांकाच्या केंद्रांवर राज्याचे विरोधी पक्षनेते विजय वडेट्टीवार हे सकाळी ९:३० वाजता सहकुटुंब दाखल झाले. दरम्यान, मतदान केल्यानंतर स्लिप कटून खाली पडते. पण, त्यावेळी लाइट डार्क होतो. त्यामुळे मत कुणाला पहले हे ओळखता येत नाही', अशी तक्रार काहींनी वडेट्टीवारांकडे केली, 'स्वतः मतदान करतो आणि त्यानंतर सांगतो', असे आश्वस्त करून केंद्रात गेले. मतदानानंतर वडेट्टीवारांनीही उपविभागीय अधिकारी संदीप भस्के यांच्याकडे आक्षेप नोंदविला. 'मतदान केल्यानंतर जेव्हा लाइट ऑफ होतो तेव्हा मतदान झाले आहे. केवळ स्लिप कट होताना दिसत नाही, असे स्पष्टीकरण उपविभागीय अधिकारी भस्के यांनी दिल्यानंतर वडेट्टीवारांचे समाधान झाले. नंतर आक्षेपाचे कारण नसल्याचे वडेट्टीवारांनी सांगितले.

यंत्रांतील बिघाड; मतदार ताटकळले

काही केंद्रांवर ईव्हीएम यंत्रांत अचानक बिघाड झाल्याने उशिरा मतदान सुरू झाले. जिवती तालुक्यातील येल्लारपूर केंद्रात तयारी पूर्ण झाल्यानंतरही यंत्र इनव्हॅलिड दाखविल्याने सकाळी ८ पर्यंत मतदार ताटकळले होते. ८:२० वाजेपासून मतदान सुरू झाले. चिमूर तालुक्यातील पळसगाव केंद्रात सकाळी ७:२० वाजता यंत्र बंद पडले. यंत्र बदलल्यानंतर मतदानाला सुरुवात झाली.

चर्चा तामिळनाडूच्या जवानांची

चिमूर तालुक्यातील शंकरपूर केंद्रात तामिळनाडूतील २५ सीआरपीएफ बंदूकधारी जवानांची तुकडी तैनात करण्यात आली. आतापर्यंतच्या निवडणुकांत येथील केंद्रावर सीआरपीएफ जवान तैनात झाले नव्हते. पहिल्यांदाच असा प्रकार घडल्याने नागरिकांमध्ये चर्चेचा विषय झाला होता. अतिरिक्त पोलिस अधीक्षक रिना जनबंधू व ठाणेदार तुषार चव्हाण यांनी वासेरा येथील केंद्राला भेट दिली.

मिळाले नाही पिण्याचे पाणी

भारी जि. प. शाळेतील केंद्रात पाण्याची व्यवस्था न केल्याने मतदारांना समस्याचा सामना करावा लागला. दीड हजारांपेक्षा अधिक मतदार असतानाच एकच केंद्र ठेवल्याने ज्येष्ठ मतदारांची मोठी गैरसोय झाली. राजुरा, रामपूर येथे उन्हात उभे राहावे लागले.

शाळा बांधकामाने घोसरीत खोळंबा

घोसरी येथे प्रत्येक निवडणुकीत दोन केंद्रे दिली जातात. पण, जि.प. शाळेचे बांधकाम सुरु असल्याने यावेळी एकच मतदान केंद्र देण्यात आले. या केंद्रावर १ हजार ३४७ मतदार आहेत. उन्हाची तीव्रता वाढण्यापूर्वीच मतदान करता यावे म्हणून गर्दी झाली. मात्र, एकच केंद्र असल्याने मतदारांना बराच वेळ ताटकळत राहावे लागले.

आरमोरी तालुक्यातील कुरुड येथे भाजप व काँग्रेस कार्यकर्त्यात किरकोळ बाचाबाची झाली. मतदान करण्यासाठी निघालेल्या मतदारांना अमूक उमेदवाराला मतदान करा, असा आग्रह केल्याने वादाची ठिणगी पडली. पोलिसांनी हस्तक्षेप करताच दोन्ही गटाचे कार्यकर्ते शांत झाले.

पोर्ला केंद्रावर मद्यपीची पोलिसांशी अरेरावी

पोर्ला येथे जि. प. शाळेमधील केंद्रावर एक मद्यपी आला. त्याने रांगेत शिरकाव करण्याचा प्रयत्न केला तेव्हा इतरांनी त्यास रोखले. पोलिसांनी समजावण्याचा प्रयत्न केला असता त्याने अरेरावी केली.

नागपूर : मतदान केंद्रांबाहेर लागलेल्या भाजपच्या बूथवर मिनी प्रिंटरच्या माध्यमातून नितीन गडकरी यांच्या फोटोसह कमळाचे चिन्ह छापलेली स्लिप मिनी प्रिंटरच्या माध्यमातून मतदारांना दिली जात होती. यावर ठिकठिकाणी काँग्रेस कार्यकर्त्यांनी आक्षेप घेतला. यामुळे काँग्रेस व भाजप कार्यकर्ते आमनेसामने आले. काही ठिकाणी पोलिसांनी मध्यस्थी करीत मिनी प्रिंटर जप्त केले व तणाव शांत करण्याचा प्रयत्न केला.

सकाळी ११ च्या सुमारास बांगलादेश नाईक तलाव परिसरातील संत कबीर अप्पर प्रायमरी स्कूलच्या समोरील भाजपच्या बूथवर मतदाराच्या चिठ्ठीवर कमळाचे चिन्ह छापून येत असल्याच्या आरोपावरून काँग्रेस आणि भाजपचे नेते व कार्यकर्ते समारोसमोर आले. यामुळे सुमारे ५० मिनिटे गोंधळाची स्थिती निर्माण झाली. लगतच्या चौकीतील पोलिसांनी लहान चार प्रिंटर ताब्यात

घेताच भाजपचे कार्यकर्ते पोलिसांकडे प्रिंटर परत करण्याची मागणी करू लागले. अखेर आ. प्रवीण दटके यांनी मध्यस्थी करून प्रिंटर परत घेतले. त्यानंतर या बूथवर संबंधित प्रिंटर दिसले नाहीत.

झिंगाबाई टाकळी परिसरातील आशीर्वाद शाळेसमोरील भाजपच्या बूथवरही अशाच स्लीप दिल्या जातहोत्या. त्यावर काँग्रेस कार्यकर्ते बंडू ठाकरे यांनी आक्षेप घेतला. यावेळी काँग्रेस व भाजप कार्यकर्त्यांमध्ये शाब्दिक चकमक झाली. नंतर प्रिंटर हटविण्यात आले. फ्रेंड्स कॉलनी परिसरातील बूथवरही असाच तणाव झाला.

काँग्रेसची निवडणूक अधिकाऱ्यांकडे तक्रार

भाजपच्या बूथवर आचारसंहितेचे उघडपणे उल्लंघन करण्यात आले. प्रचारबंदी असताना मतदारांचे नंबर घेऊन त्यांना व्हॉट्सअॅप आणि मॅसेज पाठविण्यात येत होते. अनेक मतदान केंद्राबाहेर भाजपने आपल्या पक्षाचे चिन्ह असलेले पेंडॉलही उभारले होते. हा सर्व प्रकार सुरू असताना मतदान केंद्राबाहेरील पोलिस कर्मचारी आणि प्रशासकीय अधिकारी मात्र बघ्याच्या भूमिकेत हे सर्व बघत होते, अशी तक्रार काँग्रेसचे उमेदवार आ. विकास ठाकरे यांचे निवडणूक प्रतिनिधी अनिल वडपल्लीवार यांनी निवडणूक अधिकारी यांच्याकडे केली आहे.

गडचिरोली, ब्युरो.

सिरोंचा, कुरखेडा तालुकास्थळासह कढोली येथील ईव्हीएम मशिनमध्ये तांत्रिक बिघाड झाल्याने मतदान अधिकाऱ्यांची तारांबळ उडाली. मतदारांनाही प्रचंड मानसिक त्रासाला सामोरे जावे लागले. जिल्ह्याचा शेवटचा टोक असलेल्या सिरोंचा येथील तीन केंद्रावरील ईव्हीएम मशीनमध्ये बिघाड झाल्याने त्वरीत अहेरी येथील हेलिकॉप्टरच्या माध्यमातून नवीन मशीनबोलवाव्या लागल्या. तर कुरखेडा शहरातील एका केंद्रावर ईव्हीएम मशीनबंद पडल्या तब्बल दोन मशिन बदलविण्याची पाळी आली. यामुळे जवळपास दोन तास मतदार रांगेत ताटकळत उभे राहिले. तसेच याच तालुक्यातील कढोली येथील वा) र्ड क्र. 1 व 2 येथील मतदान केंद्रावर सकाळच्या सुमारास काही कारणास्तव मशिनमध्ये बिघाड झाल्याने तब्बल अर्धा तास उशिरा म्हणजे सकाळी 7.30 वाजता प्रत्यक्ष मतदानाला सुरुवात करण्यात आली.

देसाईगंज : गडचिरोली चिमुर लोकसभा क्षेत्राच्या निवडणुकीसाठी आज १९ एप्रिल रोजी मतदानास प्रारंभ झाल्यानंतर देसाईगंज तालुक्यातील कोंढाळा येथील बुथ क्रमांक १९४ वर मतदान करताना कार्यरत कर्मचारी दिपक नाकाडे यांनी मतदारांना फुलावर मतदान करायला सांगुन मतदान प्रभावित करीत असल्याचे दिसून आल्याने मतदान केंद्रावर गोंधळ निर्माण झाला होता.

दरम्यान कोंढाळा येथील जागृत नागरीकांनी उपविभागीय अधिकारी मानसी यांच्याकडे केलेल्या तक्रारीच्या अनुषंगाने नाकाडे यांना तत्काळ निवडणूक कार्यक्रमातुन हटविण्यात आल्याने मोठा अनर्थ टळला. कर्तव्यावरील कर्मचाऱ्याच्या या वर्तणुकीमुळे संताप व्यक्त केला जात आहे.

आरमोरी: लग्नानंतर अकराव्या दिवशीच विवाहितेने गळफास घेऊन आत्महत्या केल्याची घटना तालुक्यातील शिवणी (बुज) येथे मंगळवारी घडली. मोनाली जगदीश ढोरे (वय २२ वर्षे) असे मयत विवाहितेचे नाव आहे. आत्महत्येचे कारण अस्पष्ट आहे.

शिवणी येथील जगदीश ढोरे यांचा विवाह भंडारा जिल्ह्यातील गौराळायेथील मोनाली संजय शहारे हिच्याशी ५ एप्रिलला झाला होता. शिवणी येथे जगदीशच्याच घरी दोघांनी आप्त स्वकियांच्या उपस्थितीत लग्नगाठ बांधली होती. विवाह समारंभ आटोपल्यानंतर मोनाली ही माहेरवरून सासरी शिवणी येथे नांदायला आली.

सुखी संसाराचे स्वप्न रंगवून दोघांनीही आपल्या वैवाहिक आयुष्याची सुरुवात केली. मात्र, १६ रोजी पहाटे मोनाली हिने घरातील आडूला ओढणीने गळफास घेऊन आत्महत्या केली. तिने आत्महत्येचे पाऊल का उचलले याचे नेमके कारण कळू शकले नाही.

आरमोरी पोलिसांनी पंचनामा केला. उपजिल्हा रुग्णालयात उत्तरीय तपासणी करून मृतदेह नातेवाईकांच्या ताब्यात दिला.

कांकेर, दि. 16 : लोकसभा निवडणुकीची रणधुमाळी सुरू झाली आहे

या दरम्यान नक्षली डोके वर काढतांना दिसत आहे. अशातच आज 16 एप्रिल ला पोलीस नक्षल चकमकीत तब्बल 18 नक्षली ठार झाल्याची माहिती पुढे येत आहे.

मिळालेल्या माहितीनुसार छत्तीसगडमधील कांकेरच्या छोटेबेठिया ठाण्याअंतर्गत येत असलेल्या जंगल परिसरात जवान नक्षलविरोधी अभियान राबवित असतांना नक्षल्यांसोबत चकमक उडाली. सुमारे एक तास चाललेल्या या चकमकीत तब्बल 18 नक्षली ठार तर 3 जवान जखमी झाल्याची माहिती आहे. चकमकीनंतर घटनस्थळावरून Ak47 व इतर स्वयंचलित हत्यार जप्त करण्यात आले आहे. आतातापर्यंतची ही मोठी कारवाई मानल्या जात आहे. तसेच ठार नक्षल्यांचा आकडाही वाढण्याची शक्यता वर्तवली जात आहे.

पक्षांतर करून आलेल्या नेत्यांवर भिस्त

दिल्ली, लोकसभा निवडणुकीसाठी सत्ताधारी भाजपाने आतापर्यंत 400 हून अधिक उमेदवारांच्या नावांची घोषणा केली आहे. चारशे पार जागा जिंकण्याचे लक्ष्य गाठण्यासाठी भाजपा सर्वतोपरी प्रयत्न करीत आहे. त्यामुळेच पक्षाने 116 आयात नेत्यांना तिकीट दिलेले आहेत. भाजपाचे तब्बल 28 टक्के उमेदवार दुसऱ्या पक्षांतून आलेले आहेत. आतापर्यंत भाजपाने 417 उमेदवारांची नावे जाहीर केली आहेत. त्यापैकी एकूण 116 उमेदवार दुसऱ्या पक्षांतून भाजपामध्ये दाखल झालेले आहेत. देशातील सर्वांत मोठे राज्य असलेल्या उत्तर प्रदेशात लोकसभेच्या 80 जागा आहेत. तेथे आतापर्यंत 64 उमेदवारांची नावे घोषित करण्यात आली आहेत. विशेष म्हणजे यातील 20 जागांवर निवडणुकीपूर्वी अन्य पक्षातून भाजपामध्ये आलेल्या नेत्यांना उमेदवारी देण्यात आली आहे. केवळ या राज्यातच नाही तर तामिळनाडूत 11, पश्चिम बंगाल व ओडिशात प्रत्येकी आठ व महाराष्ट्रात सात आयाराम-गयारामांना भाजपाने तिकीट दिले आहे.

21 राज्यांत पक्षांतर करून

आलेल्यांना देण्यात आले तिकीट भाजपाने 18 राज्ये आणि 3 केंद्रशासित प्रदेशांत

अन्य पक्षातून आलेल्या नेत्यांना तिकीट दिले आहे. पक्षाच्या 417 उमेदवारांपैकी 116 जणांनी अलीकडेच पक्षात प्रवेश केला आहे.

■ तब्बल 27.82 टक्के उमेदवार मूळ भाजपाचे

नाहीत. पुद्दुचेरीत पक्षाचा एकमेव उमेदवार दुसऱ्या पक्षाचा आहे.

त्याचप्रमाणे आंध्र प्रदेशात पक्षाचे 6 पैकी 5

उमेदवार पक्षांतर करून आलेले आहेत. तेलंगणात

भाजपाने 17 उमेदवार उभे केले असून, त्यापैकी 12

जण दुसऱ्या पक्षातून भाजपामध्ये आलेले आहेत.

सहा राज्यांत 50 टक्के

आयात उमेदवार सहा राज्यांत भाजपा पक्षांतर करून आलेल्या

नेत्यांवर अवलंबून आहे. आंध्र प्रदेशात 83 टक्के,

दादरा आणि नगर हवेली, हरयाणात 60 टक्के,

पुद्दुचेरीत 100 टक्के, तेलंगणात 70.59 टक्के आणि

पंजाबमधील 66 टक्के उमेदवार निवडणुकीपूर्वी अन्य

पक्षातून भाजपामध्ये आलेले आहेत.

आरमोरी: एका महिलेने आपल्या अल्पवयीन मैत्रीणीस फूस लावून जोर जबरजस्ती करून एका इसमासह जबरजस्तीने लैंगिक संबंध करण्यास भागा पाडून लैंगिक अत्याचार केल्या प्रकरणी पीडितेच्या तक्रारीवरुन त्या महिलेसह इसमावर आरमोरी पोलीस ठाण्यात पोस्को व विविध कलमान्वये गुन्हा दाखल केल्याची घटना 2 एप्रिल रोजी घडली. यातील आरोपी महिलेसह एकास अटक करण्यात आली आहे.

मिळालेल्या माहितीनुसार, आरमोरी पोलीस ठाण्याच्या हद्दीत राहणाऱ्या एका 27 वर्षे महिलेने अल्पवयीन पिडीत बालीका मैत्रीणीस तूझे लग्न लावुन देतो असे म्हटले. यासाठी पीडितेचा विरोध असतांना देखील जबरदस्तीने गडचिरोली येथे नेवुन तिथे आरोपी इसमासोबत तुझे लग्न लावुन दिले आहे असे सांगुन जबरदस्तीने सदर आरोपी इसमासोबत शारीरीक संबध करण्यास भाग पाडले. दरम्यान सदर बाबत पिडीत बालीकेच्या आईने यास विरोधा केला असता तिच्या विरोधाला न जुमानता आरोपीत महिलेने पिडीत बालीकेस फुस लावुन तसेच जबरदस्तीने गडचिरोली येथे नेवुन तिथे तिला किरायाने रूम करून देवुन पिडीत बालीकेस यातील आरोपीसोबत शारीरीक संबध करण्यास भाग पाडले. याप्रकरणी पिडीतेने दिलेल्या तक्रारीवरुन 2 एप्रिल 2024 रोजी आरमोरी पोलीस ठाण्यात कलम 366 (अ), 376, POSCO, 4, 6, 8 अंतर्गत गुन्हा दाखल करून आरोपी महिला व व इसमास अटक करण्यात आली आहे. पुढील तपास वरीष्ठांच्या मार्गदर्शनाखाली सुरु आहे.

छत्तीसगडमध्ये चकमकीत १०, मध्य प्रदेशात २ नक्षली टिपले

रायपूर : छत्तीसगडमधील विजापूर जिल्ह्यामध्ये तसेच मध्य प्रदेशमधील बालाघाट येथे सुरक्षा दलांशी झालेल्या दोन स्वतंत्र चकमकींमध्ये १२ नक्षलवाद्यांचा खात्मा करण्यात आला. लोकसभा निवडणुकांच्या पार्श्वभूमीवर नक्षलवाद्यांविरोधात अधिक व्यापक मोहीम उघडण्यात आली. छत्तीसगडमध्ये मंगळवारी सकाळी सहा वाजता सुरक्षा दलाशी चकमक होऊन नक्षलवाद्यांना मोठा दणका देण्यात आला.

छत्तीसगडमध्ये बस्तर लोकसभा मतदारसंघात विजापूरचा भाग येतो. या मतदारसंघात १९ एप्रिलला मतदान होणार आहे. गंगळूर पोलिस ठाण्याच्या हद्दीतील लेंद्रा गावानजीकच्या जंगलामध्ये मंगळवारी सकाळी सहा वाजता नक्षलवादी व सुरक्षा दलामध्ये चकमक झाली. नक्षलवाद्यांना पकडण्यासाठी सुरक्षा दलाच्या जवानांनी शोधमोहीम हाती घेतली असताना ही घटना घडल्याचे बस्तर विभागाचे पोलिस महानिरीक्षक सुंदरराज पी. यांनी सांगितले.

छत्तीसगडमध्ये डिस्ट्रीक्ट रिझर्व्ह गार्ड, स्पेशल टास्क फोर्स, केंद्रीय राखील पोलीस दल, कमांडो बटालियन फॉर रेझोल्यूट अॅक्शन (कोब्रा) या सुरक्षा दलांनी नक्षलवाद्यांना पकडण्यास संयुक्त मोहिम हाती घेतली. मार्च ते जून या कालावधीत नक्षलींकडून जास्त हल्ले होतात.

महाराष्ट्र पोलिसांना हवे असलेले दोघे ठार

मध्य प्रदेशमधील बालाघाट जिल्ह्यात सोमवारी सुरक्षा दलांबरोबर झालेल्या चकमकीत दोन नक्षलवादी ठार झाले. त्यामध्ये एका महिला नक्षलवाद्याचा समावेश आहे. त्यांच्याकडून एके-४७ रायफल, १२ बोअरची रायफल व दारुगोळा जप्त करण्यात आला आहे. केराझारी भागामध्ये सोमवारी रात्री ९ ते १०च्या दरम्यान ही चकमक झाली. त्यात सजांती उर्फ क्रांती ही महिला व रघू उर्फ शेरसिंग या दोन नक्षलवाद्यांचा खात्मा करण्यात आला. अनेक गुन्ह्यांप्रकरणी हे दोन नक्षलवादी पोलिसांना हवे होते. त्यांना पकडून देण्यास सरकारने जाहीर केलेल्या बक्षिसांची एकूण रक्कम ४३ लाख रुपये आहे.

नक्षलवाद्यांकडे आहेत आधुनिक शस्त्रास्त्रे

छत्तीसगड, मध्य प्रदेश येथील चकमकीत ठार झालेल्या नक्षलवाद्यांकडे विदेशी शस्त्रे आढळून आली आहेत. याआधीही नक्षलवाद्यांकडून सुरक्षा दलाने एके रायफली जप्त केल्या आहेत. या नक्षलवाद्यांकडे चिनी बनावटीची शस्त्रेही आढळून आली आहेत.

ग्रेनेड लाँचरही होते नक्षलवाद्यांकडे

■ चकमक थांबल्यानंतर घटनास्थळी चार नक्षलवाद्यांचे मृतदेह आढळून आले.

■ त्यांच्याकडून मशीनगन, बॅरेल ग्रेनेड लाँचर अशी शस्त्रास्त्रे व मोठ्या प्रमाणावर दारूगोळा सुरक्षा दलाने जप्त केला आहे.

■ घनदाट जंगलात शोध घेतला असता आणखी ६ नक्षलवाद्यांचे मृतदेह सापडले.

 दिल्ली : लोकसभा निवडणुकीच्या तोंडावर विरोधी पक्षांविरोधात ईडी आणि आयकर विभागाच्या कारवाईमुळे आणि - विरोधकांच्या टीकेमुळे जनतेच्या मनात पंतप्रधान नरेंद्र मोदी आणि केंद्र सरकारच्या विरोधात वातावरण आहे का? ही चिंता आता सरकारलाही सतावत आहे काय? गेल्या ४८ तासांत सरकारच्या भूमिकेत झालेल्या बदलामुळे ईडी आणि आयकर विभागाचे वरिष्ठअधिकारी आश्चर्यचकित झाले. 

केंद्र सरकारने कठोर भूमिकाघेतली नसती तर आयकर विभागाने काँग्रेस पक्षाला एकापाठोपाठ एक नोटीस पाठवून कारवाई केली नसती. सोमवार हा सर्वोच्च न्यायालयातील संस्मरणीय दिवस असेल. कारण, काँग्रेस पक्षाला पाठवलेल्या ३,५६७ कोटी रुपयांच्या आयकर नोटीसच्यासुनावणीदरम्यान सरकारच्या वतीने सॉलिसिटर जनरल तुषार मेहता यांनी सर्वोच्च न्यायालयात सांगितले की, काँग्रेस पक्ष एक राजकीय पक्ष आहे. आयकर नोटीसवरील सुनावणी निवडणुकीनंतर जूनच्या दुसऱ्या आठवड्यापर्यंत पुढे ढकलण्यात यावी.

आयकर विभागही आता कोणतीही कारवाई करणार नाही. सर्वोच्च न्यायालयात सरकारच्या या भूमिकेमुळे काँग्रेस पक्षाचे वकील आणि नेते अभिषेक मनु सिंघवी यांना सर्वाधिक आश्चर्य वाटले. सिंघवी तर म्हणाले की, ते निःशब्द आहेत.

संजय सिंह प्रकरणातही विरोध नाही

आपचे खासदार संजय सिंह यांच्या प्रकरणात ईडीने सुप्रीम कोर्टात संजय सिंह यांच्या जामिनाला साधा विरोधही केला नाही. त्यामुळे संजय सिंह यांना सहज जामीन मिळाला. सुप्रीम कोर्टाचे न्यायमूर्ती संजीव खन्ना ईडीला विचारत राहिले की त्यांना संजय सिंह यांना आणखी कोठडीत ठेवायचे आहे का? पण ईडीच्या वकिलांनी एका शब्दानेही आक्षेप घेतला नाही.

सरकारच्या भूमिकेत बदल?

हे सर्व केंद्र सरकारच्या सांगण्यानुसार होत असल्याची चर्चा आहे. कारण सॉलिसिटर जनरल तुषार मेहता किंवा ईडीचे वकील सरकारच्या सूचनेशिवाय एवढा मोठा निर्णय स्वतः घेऊ शकले नसते. सरकारच्या भूमिकेत बदल झाला असेल तर त्याचे परिणाम आणखीही दिसून येऊ शकतात, अशीही चर्चा आहे.

मद्य धोरण प्रकरण : ईडीने सर्वोच्च न्यायालयात जामिनाला केला नाही विरोध 

नवी दिल्ली: दिल्ली मद्य धोरण प्रकरणात मनी लाँडरिंगच्या आरोपाखाली गेल्या सहा महिन्यांपासून तुरुंगात असलेले आम आदमी पार्टीचे राज्यसभेतील नेते खा. संजय सिंह यांना सर्वोच्च न्यायालयाने मंगळवारी जामीन मंजूर केला. विशेष म्हणजे संजय सिंह यांच्या जामिनाला कोणताही विरोध नसल्याचे ईडीने न्यायालयाला सांगितले. संजय सिंह यांना लोकसभा निवडणुकीच्या धामधुमीत जामीन मिळाल्याने चहूबाजूंनी संकटात घेरलेल्या 'आप'ला उसंत मिळणार असून विरोधी 'इंडिया' आघाडीचेही मनोधैर्य उंचावले आहे.

दिल्लीचे मुख्यमंत्री अरविंद केजरीवाल सोमवारी तिहार तुरुंगात दाखल होताच २४ तासांच्या आत संजय सिंह यांना जामीन मिळाला.

संजय सिंह यांना अटक का?

ईडी, सीबीआयचा माफीचा साक्षीदार बनलेला व्यावसायिक दिनेश अरोराच्या विधानाच्या आधारे संजय सिंह यांना अटक झाली. अरोराने दोनदा संजय सिंह यांना २ कोटी रुपये नेऊन दिले व त्याचे डिजिटल पुरावे असल्याचा दावा ईडीने केला आहे.

सिसोदिया यांचे काय?

'आप'च्या तीन सर्वोच्च नेत्यांना अटक झालेल्या मद्य धोरण प्रकरणात ईडीने अटक केलेले मुख्यमंत्री अरविंद केजरीवाल आणि माजी उपमुख्यमंत्री सिसोदिया यांनाही दिलासा मिळणार काय, याची चर्चा सुरू झाली आहे. मात्र, केजरीवाल व सिसोदिया मद्य धोरण निर्धारित करण्यात सहभागी असल्यामुळे त्यांचे प्रकरण संजय सिंह यांच्या प्रकरणापेक्षा काहीसे वेगळे असल्याचे विधिज्ञांचे मत आहे.

आपली राजकीय कारकीर्द वाचवायची आणि आणखी वाढवायची असेल तर तुम्ही भाजपमध्ये सामील व्हा, अन्यथा महिन्याभरात ईडीकडून अटक केली जाईल, असा निरोप भाजपने आपल्या अतिशय जवळच्या व्यक्तीच्या माध्यमातून पाठवला आहे.

- अतिशी सिंग, नेत्या, 

नागपूर : आठवडी बाजारातून अपहरण केलेल्या ७ वर्षीय चिमुकलीवर जंगलात नेऊन अत्याचार केला. वैद्यकीय तपासणीतून अशी धक्कादायक माहिती समोर आली. या प्रकरणी कळमना पोलिसांनी आरोपीविरूध्द अपहरण आणि पोक्सो अंतर्गत गुन्हा नोंदवून त्याला अटक केली आहे. सुरेंद्र पराये (२९) रा. अजनी असे अटकेतील आरोपीचे नाव आहे. गुरूवारी न्यायालयात हजर करण्यात आले. न्यायालयाने २ एप्रिल पर्यंत त्याला पोलिस कोठडी सुनावली. आरोपी सुरेंद्र हा मुळचा बिडीपेठ येथील रहिवासी आहे. त्याला आई-वडिल आणि एक भाऊ आहे. तो विवाहित असून त्याला दोन मुले आहेत. मात्र, पत्नी मुलांसह वेगळी राहते. तो दारू पिण्याच्या सवयीचा आहे. दारूच्या नशेत सात महिण्यापूर्वी त्याचा अपघात झाला होता. सध्या तो अजनी परिसरात राहात असून नुडल्स बनविण्याचे काम करतो. कामाला जाताच अ‍ॅडव्हॉन्स घेतो नंतर परत येत नाही.

घटनेच्या दिवशी तो दुचाकीने भटकत भटकत गुलशननगरातील आठवडी बाजारात गेला. पसंत केलेल्या कपड्याचे पैसे देतो अशी बतावणी करून चिमुकलीचे अपहरण केले. दुचाकीवर बसवून तिला जवळपासच्या जंगलात घेऊन गेला. अत्याचार केल्यानंतर तो अजनी परिसरात आला. त्याने दारू पिण्यासाठी एका मित्राला बोलाविले. दोघांनी दारू ढोसली. दरम्यान त्याच्या दुचाकीचे पेट्रोल संपले. तो दुचाकी ढकलत असताना चिमुकली रडत होती. दरम्यान पोलीस कर्मचारी चंदू ठाकरे हे घरी जात असताना सक्करदरा मार्गावर त्यांना हे दृष्य दिसले. तत्पूर्वी एका चिमुकलीचे अपहरण झाल्याचा संदेश वायलेसवर आला होता. ठाकूर यांनी सतर्कता दाखवित त्याची विचारपूस केली. संशय येताच पोलिसांना फोन केला. सक्करदरा पोलिसांनी ताब्यात घेतल्यानंतर अपहरण उघडकीस आले.

चंद्रपूर: लोकसभा निवडणुकीच्या रिंगणात उभ्या वनिता जितेंद्र राऊत या महिला उमेदवाराने खासदार म्हणून निवडून आल्यावर ” गाव तिथे बियर बार ” सुरू करून बेरोजगारांना बिअर बारचे परवाने वितरीत करण्याचे आश्वासन दिल्याने राजकीय वर्तुळात एकच खळबळ उडाली आहे. विशेष म्हणजे या महिला उमेदवाराने खासदार निधीतून दारिद्र्य रेषेखाली असणाऱ्यांना आनंदाच्या शिधामध्ये व्हिस्की, बिअर देण्याची घोषणा केली आहे.

चंद्रपूर -वणी-आर्णी लोकसभा क्षेत्रात निवडणूक रिंगणात एकूण १५ उमेदवार आहेत. यात काँग्रेस, भाजप, वंचित अश्या प्रमुख पक्षांचा समावेश आहे. मात्र सध्या चंद्रपूर लोकसभा मतदार संघात चर्चा आहे ती अखिल भारतीय मानवता पक्षाच्या उमेदवार वनिता जितेंद्र राऊत यांची. विकास कार्याचे आश्वासन घेऊन नेते जनते समोर उभे होतात. याला वनिता राऊत अपवाद ठरल्या आहेत. गाव तिथे बिअर बार उघडू. बेरोजगारांना बिअर बारचे परवाने देऊ, असे आश्वासन त्या देत आहेत.

खासदार झाले तर खासदार निधीतून दारिद्र्य रेषेखाली असणाऱ्यांना आनंदाच्या शिधामध्ये व्हिस्की, बिअर देण्याची घोषणा त्यांनी केली आहे. त्यांनी दिलेल्या आश्वासनाकडे मतदार किती आकर्षित होतात हे बघणे उस्तुकतेचे ठरणार आहे. वनिता राऊत ह्या सिंदेवाही तालुक्यातील पेंढरी गावातील रहिवासी आहेत. त्यांनी यापूर्वी नागपूर येथून २०१९ ची लोकसभा, २०१९ मध्ये चिमूर विधानसभा निवडणुक लढवली आहे. दोन्ही वेळा त्यांचे डिपॉझिट जप्त झाले होते. त्यावेळी जिल्ह्यात दारुबंदी होती. त्यांनी चंद्रपूर जिल्ह्यातून दारुबंदी उठवून ठिकठिकाणी दारूचे दुकाने उघडण्यात यावी अशी मागणी केली होती.

गाव तिथे दारूचे दुकान असे धोरण त्यांचे आहे.समाजाला दारू पिण्यापासून वंचित ठेवणे ही फार मोठी चूक असल्याचे त्या म्हणतात. विशेष म्हणजे चंद्रपूर जिल्हा हा दारुसाठी प्रसिद्ध आहे. बेरोजगारांच्या हाताला रोजगार देण्याऐवजी ही महिला उमेदवार थेट बिअर बारचा परवाना देणार आहे, असे आश्वासन देत फिरत असल्याने मतदारांमध्ये या महिला उमेदवाराची चांगलीच चर्चा रंगली आहे.

शाहरूख खान हा बॉलिवूडचा बादशाह म्हणून ओळखला जातो. गेल्या अनेक दशकांपासून बॉलिवूडवर अधिराज्य गाजवणाऱ्या शाहरुखने तगडी कमाई केली आहे. रिपोर्ट्सनुसार, लाखो चाहत्यांच्या हृदयात वसलेल्या शाहरूखचे नेटवर्थ 5000 कोटी रुपये आहे.

1991 साली शाहरुखने त्याची गर्लफ्रेंडन गौरी खानशी लग्नं केलं. 1997 मध्ये त्यांच्या मोठ्या मुलाचा आर्यनचा तर 2000 साली त्यांची लाडकी लेक सुहानाचा जन्म झाला. तिच्या जन्मानंतर तब्बल 13 वर्षांनी शाहरुख खान आणि गौरी पुन्हा आई-वडील बनले. तिसऱ्यांदा सरोगसीद्वारे जन्मलेल्या अबरामचे त्यांनी खान कुटुंबात जल्लोषात स्वागत केले.

मुलासाठी तगडी फी भरतो शाहरुख खान

अनेक उद्योगपती, बॉलिवूडचे अनेक सेलिब्रिटी यांच्याप्रमाणे शाहरुख खानचा धाकटा मुलगा अबराम हासुद्धा भारतातील सर्वात महागड्या शाळांमध्ये शिकतो. अबराम हा मुंबईतील सर्वात प्रसिद्ध अशा धीरूभाई अंबानी इंटरनॅशनल शाळेचा विद्यार्थी आहे. आत्तापर्यंत त्याने शाळेच्या विविध स्पर्धांमध्ये, ॲक्टिव्हिटीजमध्ये भाग घेतला. त्यांच्या शाळेच्या ॲन्युअल फंक्शनमधील अबरामने सहभाग घेतल्याचा व्हिडीओही सोशल मीडियावर व्हायरल झाला होता. त्याच्यासोबत अनेक सेलिब्रिटी किड्सही या शाळेत शिकतात. मात्र स्टार किड्सच्या या शाळेची फी ऐकून तर लोकांचे डोळेच विस्फारतील.

किती आहे धीरूभाई अंबानी स्कूलची फी ?

धीरूभाई अंबानी इंटरनॅशनल स्कूलची फी प्रत्येक इयत्तेनुसार बदलते. रिपोर्ट्सनुसार, एलकेजी ते इयत्ता 7 वी पर्यंतचे मासिक शुल्क सुमारे 1.70 लाख रुपये आहे. आणि 8 वी ते 10 वी पर्यंतची दर महिन्याची फी ही 4.48 लाख रुपये आहे. तर 11वी आणि 12वी फी सुमारे 9.65 लाख रुपये आहे. शाळेच्या फी रचनेनुसार, अब्रामची वार्षिक फी सुमारे 20.40 लाख रुपये आहे.

धीरूभाई अंबानी इंटरनॅशनल स्कूलची भारतातील सर्वोच्च शाळांमधील एक अशी गणना केली जाते. 2003 साली मुकेश अंबानी यांच्या पत्नी नीता अंबानी यांनी स्थापन केली होती. तेव्हापासून ते आयबी वर्ल्ड स्कूल आहे. 1,30,000 चौरस फुटांवर पसरलेल्या या शाळेत आधुनिक सुविधा आणि सर्वांगीण शिक्षण सुविधा आहेत. शाळेची इमारत ७ मजली आहे ज्यामध्ये अनेक वर्ग, सुंदर खेळाचे मैदान, इंटरनेट सुविधा, टेरेस गार्डन, छतावरील बाग, टेनिस कोर्टही आहे, असे समजते.

 निवडणूकीच्या निमित्ताने कोट्यवधींची रोकड ईकडून तिकडे होण्याची चर्चा झिरपल्यामुळे विविध यंत्रणांनी रेल्वेने येणाऱ्या आणि जाणाऱ्या पार्सल विभागावर नजर रोखली आहे.

लोकसभा निवडणूकीची रणधुमाळी सुरू झाली आहे.

मतदानाचा दिवस जसजसा जवळ येतो, तसतसा सर्वत्र मुक्त हस्ते पैसा उधळला जातो. खास करून मोठ्या प्रमाणात काळा पैसा (ब्लॅक मनी) मोठ्या प्रमाणात बाहेर काढला जातो. या पैशाचा वापर दारू, खाणे-पिणे, वाहने तसेच अन्य सोयी सुविधा खरेदीसाठी केला जातो. ते लक्षात घेता मतदान प्रक्रियेतील गैरप्रकाराला आळा घालणाऱ्या ठिकठिकाणच्या निवडणूक यंत्रणांसह पोलिसांनी प्रत्येक नाके आणि शहराला जोडणाऱ्या दुसऱ्या गावांच्या सिमांवर विविध वाहनांची तपासणी चालविली आहे. खासगी वाहनांची कसून तपासणी केली जात आहे. काही ठिकाणी मोठी रोकडही पकडण्यात आली आहे. पुढच्या काही तासात बसेसचीही तपासणी केली जाणार असल्याची माहिती आहे. हे सर्व लक्षात घेऊन मोठ्या रकमेची हेर-फेर करणाऱ्यांनी रेल्वेकडे नजर वळविली आहे.

विशेष म्हणजे, नागपुरात अशा प्रकारे कोट्यवधींच्या रकमेची हेरफेर केल्या जाण्याचे प्रकार नवीन नाहीत. कुरियर मॅन म्हणून काम करणारांच्या हातात मोठ्या रकमेचे पार्सल देऊन ते रेल्वे किंवा बसने पाहिजे त्या ठिकाणी पाठविण्यात येते. अनेकदा रेल्वेने वेगवेगळ्या बॉक्समध्ये, पिंपामध्येही लाखोंची रोकड भरूनही ती ईकडून तिकडे पाठविली जाते. सध्या सुरू असलेल्या लोकसभा निवडणूकीत आपल्या माणसांपर्यंत अशाच प्रकारे रक्कम पाठविण्यात येत असल्याची कुणकुण लागल्याने रेल्वे पोलिसांसह सर्वच यंत्रणा अलर्ट झाल्या आहेत. या पार्श्वभूमीवर, दोन दिवसांपूर्वी नागपूर स्थानकावरील पार्सल विभागाची पाहणीही करण्यात आली आहे. त्याचप्रमाणे संबंधित अधिकारी, कर्मचाऱ्यांना आवश्यक त्या सूचना, आदेश देण्यात आले आहे.

अशीही क्लृप्ती !

रोकड पकडली जाऊ नये, फारशी तपासणी होऊ नये म्हणून संबंधितांकडून वेगवेगळी शक्कल लढविली जाते. मिठाईचे किंवा चॉकलेटचे बॉक्समध्ये लाखोंची रोकड घालून एका ठिकाणाहून दुसऱ्या ठिकाणी पाठविली जाते. आता मात्र औषधांच्या बॉक्समध्ये रोकड घालून ती संबंधितांपर्यंत पोहचविण्याची क्लृप्ती संबंधितांनी अवलंबिली असल्याची चर्चा वजा माहिती आहे.

"लोकांनी पूर्ण जोर लावून मतदान केलं नाही, तर हे मॅच फिक्सिंगमध्ये यशस्वी होतील. ज्यादिवशी यांची मॅच फिक्सिंग यशस्वी होईल, त्यादिवशी आपलं संविधान नष्ट होईल," असं राहुल गांधी म्हणाले.

"ज्या दिवशी संविधान संपुष्टात आलं, त्यादिवशी आपल्यावर फार मोठा आघात होईल," असंही ते म्हणाले.

"ही काही एखादी साधी निवडणूक नाही. ही संविधान वाचवण्यासाठीची, देश वाचवण्यासाठीची, वंचित आणि गरिबांचा हक्क वाचवण्यासाठीची निवडणूक आहे. या निवडणुकीत स्पष्टपणे मॅच फिक्सिंग दिसत असल्याचं भाजपचेच लोक म्हणत आहेत."

"मोदींनी निवडणूक आयोगात त्यांचे लोक भरले. देशातील दोन मुख्यमंत्री राहिलेल्या प्रमुख नेत्यांना तुरुंगात टाकलं," असा आरोपही राहुल गांधींनी केला.

"त्यांनी आमचं बँक अकाऊंटही बंद केलं. त्यांना हे करायचं होतं तर सहा महिन्यांपूर्वी किंवा सहा महिन्यांनंतरही करता आलं असतं. पण हे सर्व काही निवडणुकीमुळं करण्यात आलं."

नवी दिल्लीः यावर्षी देशात मांस उत्पादनात मोठी वाढ होणार आहे. यंदा देशात मांस उत्पादनात ७ लाख टनांनी वाढ होणार आहे. गेल्या वर्षीच्या तुलनेत यावर्षी मांस उत्पादनात मोठी वाढ होणार आहे. त्यामुळं यंदा देशातून मोठ्या प्रमाणात मांस निर्यात केलं जाणार आहे. मांसाची वाढती मागणी लक्षात घेऊन उत्पादनाताही वाढ होत असल्याचं चित्र दिसत आहे. केंद्रीय पशुसंवर्धन मंत्रालयानं दिलेल्या माहितीनुसार २०२३-२४ मध्ये देशातील मांस उत्पादन १४ दशलक्ष मांस खाणाऱ्यांच्या संख्येत सातत्याने वाढ टनांनी वाढण्याची शक्यता व्यक्त करण्यात आली.

देशात मांस उत्पादनात पोल्ट्रीचा वाटा सर्वात जास्त आहे, तर म्हशीचे मांस दुसऱ्या क्रमांकावर आहे. त्यानंतर शेळ्या-मेंढ्या याचा क्रमांक लागतो. देशातून शेळ्या-मेंढ्याच्या मांसासह म्हशीच्या मांसाची देखील मोठ्या प्रमाणात निर्यात केली जाते. मागील दोन वर्षाचा विचार केला तर देशात मांस उत्पादन सात लाख टनांनी वाढल्याचे आकडेवारीवरुन दिसून येत आहे.

 २०१६ मध्ये केंद्र सरकारने आणलेल्या नोटाबंदीच्या विरोधात मी मत मांडले होते. नोटाबंदीची घोषणा झाली तेव्हा ५०० आणि १,००० रुपयांच्या चलनात असलेल्या नोटा ८६ टक्के होत्या. मात्र, नोटाबंदी झाल्यानंतर ९८ टक्के नोटा जमा झाल्या.

त्यामुळे नोटाबंदी ही काळे पैसे पांढरे करण्याचा एक मार्ग होता, असे माझे मत आहे, असे सर्वोच्च न्यायालयाच्या न्यायमूर्ती बी. व्ही. नागरत्ना यांनी म्हटले आहे. यावेळी त्यांनी संविधानानुसार कर्तव्य न बजावणाऱ्या राज्यपालांवर टीकेचे आसूड ओढले.

नलसर विधि विद्यापीठात आयोजित संविधान परिषदेच्या उद्घाटन सत्रात न्यायमूर्ती नागरत्ना बोलत होत्या. भारत सरकारने ऑक्टोबर २०१६ मध्ये ५०० आणि १ हजार रुपयांच्या नोटा चलनातून बाद करण्याचा निर्णय घेतला होता. सर्व काळा पैसा बँकेत परत आला. सामान्य माणसाला होत असलेल्या त्रासामुळे माझे मन हेलावून गेले होते. त्यामुळे मी नोटाबंदीच्या विरोधात मत दिले, असे न्यायमूर्ती म्हणाल्या.

महाराष्ट्राचे उदाहरण...

राज्यपालांच्या अतिरेकीपणाचे एक उदाहरण म्हणून महाराष्ट्र विधानसभेच्या प्रकरणाबद्दल त्यांनी सांगितले. 'एखाद्या राज्याच्या राज्यपालाची कृती न्यायालयांसमोर विचारार्थ आणणे ही राज्यघटनेनुसार निरोगी प्रवृत्ती नाही,' असे त्यांनी म्हटले.

राज्यपालांना सांगावे लागणे खूप लाजिरवाणे

- मला वाटते की, राज्यपालांच्या पदाला जरी 'गव्हर्नर' म्हटले जात असले, तरी ते एक गंभीर घटनात्मक पद आहे. राज्यपालांनी संविधानानुसार त्यांची कर्तव्ये पार पाडली पाहिजेत, जेणेकरून राज्यपालांविरुद्धच्या अशा प्रकारच्या खटल्यांना आळा बसेल.

- राज्यपालांना एखादी गोष्ट करण्यास किंवा करू नये, असे सांगणे खूप लाजिरवाणे आहे, परंतु आता अशी वेळ आली आहे की, त्यांना आता संविधानानुसार कर्तव्य बजावण्यास सांगितले जाईल, असे त्या म्हणाल्या.

गडचिरोली : पोलीस खबऱ्या असल्याच्या संशयावरुन नक्षल्यांनी एका ईसमाची हत्या केल्याची घटना आज शुक्रवार २९ मार्च रोजी अहेरी तालुक्यातील ताडगाव-दामरंचा रस्त्यावर पहाटेच्या सुमारास उघडकीस

आली. अशोक तलांडे असे मृतकाचे नाव आहे. ताडगावपासून पाच किलोमीटर अंतरावरील रस्त्यावर अशोक तलांडेचा मृतदेह आढळून आला.

घटनास्थळी नक्षल्यांनी पत्रक टाकले असून, अशोक तलांडे पोलिसांचा खबऱ्या असल्याने त्याची हत्या करण्यात आल्याचे

त्यात म्हटले आहे. अशोक तलांडे हा मागील काही दिवसांपासून ताडगाव येथे वास्तव्य करीत होता. मोलमजुरी करून तो आपल्या कुटुंबाचा उदरनिर्वाह करायचा. मात्र, नक्षल्यांनी आज त्याची हत्या केली. लोकसभा निवडणूकीची रणधुमाळी सुरु असताना ही हत्या झाल्याने नागरिकांत दहशत निर्माण झाली आहे. दरम्यान पोलीस अधिक्षक निलोत्पल यांनी मृतक ईसम पोलीस खबऱ्या नसल्याचे सांगितले.

गडचिरोली दि. 31 : निवडणूक काळात वृत्त देतांना माध्यमांनी ते वस्तुनिष्ठ, प्रामाणिक व तटस्थ भूमिकेतून द्यावे अशा प्रेस कौन्सील ऑफ इंडियाच्या मार्गदर्शक सूचना आहेत. तर ‘मोबदला म्हणून रोख स्वरुपात किंवा वस्तु स्वरुपात किंमत देऊन कोणत्याही प्रसार माध्यमात (मुद्रण व इलेक्ट्रॉनिक) प्रसिध्द होणारी कोणतीही बातमी किंवा विश्लेषण’ अशी प्रेस कौन्सिल ऑफ इंडियाने ‘पेडन्यूजची’ व्याख्या केली आहे. सदर व्याख्या भारत निवडणूक आयोगाने सर्वसाधारणपणे स्विकारली असून निवडणूक कालावधीत जिल्ह्यात प्रसारीत होणाऱ्या पेडन्यूजवर माध्यम प्रमाणीकरण व सनियंत्रण समितीच्या (एम.सी.एम.सी.) माध्यमातून लक्ष ठेवण्यात येत आहे.

निवडणूक कालावधीत माध्यमात प्रसारित होणारे वृत्त ही उमेदवाराच्या बाजूने काही मोबदला घेऊन प्रसारित करण्यात येत असतील, अशी शंका समितीला आल्यास अथवा तशी समितीकडे कोणी तक्रार केल्यास त्या वृत्तासंबंधी संबंधित उमेदवाराला एम.सी.एम.सी समिती खुलाशाची विचारणा करू शकते. समितीला 48 तासात खुलासा मिळणे अपेक्षीत आहे. जर समितीला संबंधितांचा खुलासा मान्य झाल्यास त्यावर कोणतीही कारवाई करण्यात येत नाही. मात्र समितीला त्याबाबत खुलासा मान्य न झाल्यास अथवा मुदतीत प्राप्त न झाल्यास संबंधित वृत्त हे पेड न्यूज आहे, असे गृहीत धरून तो खर्च उमेदवाराच्या खर्चात समाविष्ट केला जातो.

जिल्हास्तरीय समितीचा निर्णय उमदेवारास मान्य नसल्यास उमेदवाराला राज्यस्तरीय समितीकडे 48 तासाच्या आत अपील करता येते. राज्यस्तरीय समिती 96 तासाच्या आत तक्रारीचा निपटारा करून तसा निर्णय उमेदवार आणि जिल्हास्तरीय समितीला कळवितात. या निर्णयाविरूध्द उमेदवार आदेश मिळाल्यानंतर 48 तसांच्या आत भारत निवडणूक आयोगाकडे अपील करू शकतो. आयोगाचा निर्णय अंतिम असतो.

*संशयीत पेडन्यूजची उदाहरणे* : प्रेस कौन्सिल ऑफ इंडीयाने संशयित पेडन्यूजसंदर्भात काही उदाहरणे दिली आहेत. यात साधारण एकाचवेळी निरनिराळ्या लेखकांच्या बायलाईन नमुद करून स्पर्धा असलेल्या प्रकाशनामध्ये छापून येणारे छायाचित्र व ठळक मथळे दिलेले समान लेख. निवडणूक जिंकण्याची शक्यता असल्याचा दावा करणाऱ्या उमेदवारांची स्तुती करणारे लेख. उमेदवाराला समाजाच्या प्रत्येक समुहाचा पाठिंबा मिळत आहे व तो मतदारसंघातील निवडणूक जिंकेल, असे नमुद करणारे वृत्त. उमेदवाराला वारंवार अनुकूल असणारे वृत्त प्रकाशित करणे. उमेदवाराची अधिक प्रसिद्धी करणे आणि विरोधकांच्या बातम्या न घेणे. अशा प्रकारचे वृत्त पेडन्यूज मध्ये गणल्या जाते.

*समाज माध्यमांवरही लक्ष* : निवडणूक मोहिमेशी संबंधीत असलेल्या कायदेशीर तरतुदी या इतर माध्यमांप्रमाणेच सोशल मिडियालाही लागू होतात. त्यामुळे ऑनलाईन काहीही पोस्ट करण्याआधी नीट विचार करावा. व्हाट्सॲपवर आलेली माहिती किंवा संदेश पुढे पाठवण्याआधी बातम्यांचे अधिकृत स्रोतबाबत खातरजमा करावी. निवडणूक संबंधातील खोट्या बातम्या अफवा, प्रक्षोभक मजकूर व ग्राफीक यापासून सतर्क रहा. इंटरनेट ॲण्ड मोबाईल असोसिएशन ऑफ इंडिया यांनी निवडणूक प्रक्रियेची अखंडता राखण्यासाठी 2019 मध्ये स्वैच्छिक आचारसंहिता जारी केली आहे, त्याचे पालन करावे. समाज माध्यमांवर लक्ष ठेवण्यासाठी पोलिस विभागामार्फत सायबर कक्ष कार्यान्वित आहे. 

उमेदवार अथवा नोंदणीकृत पक्षांनी आपल्या प्रचारासाठी कोणत्याही अधिकृत माध्यम प्रकारांचा उपयोग करण्यात काहीच गैर नाही. मात्र, हे करत असताना या माध्यमांद्वारे प्रसारित करण्यात येणाऱ्या मजकूराचे प्रमाणीकरण होणे आवश्यक आहे. या जाहिरात मजकूराच्या माध्यमातून कोणाचेही चारित्र्य हनन होऊ नये, समाजा-समाजात तेढ निर्माण होऊ नये, नैतिकता, सभ्यता यांचा भंग होऊ नये, शत्रूत्व-तिरस्काराची भावना निर्माण होऊ नये, याची काळजी घेणे आवश्यक आहे. आदर्श आचारसंहितेमध्ये या सर्व बाबींचा समावेश आहे. 

०००००

गडचिरोली दि. 01 : लोकसभा सार्वत्रिक निवडणुकिच्या अनुषंगाने जिल्हा प्रशासनाने निवडणूक यंत्रणा सज्ज ठेवली आहे. या व्यवस्थेची पाहणी करण्याकरीता निवडणूक निरीक्षक अनिमेष कुमार पराशर यांनी आज येथील स्ट्राँग रुम, इव्हीएम साठवणूक कक्ष व मतदान केद्रांना भेट दिली. 

12-गडचिरोली-चिमुर लोकसभा मतदारसंघाची निवडणूक 19 एप्रिल 2024 रोजी होत आहे. यासाठी जिल्हा प्रशासन पूर्णपणे सज्ज आहेत. प्रत्येक विधानसभा क्षेत्रात निवडणुकीसंदर्भात चोख व्यवस्था करण्यात आली आहे. या अनुषंगाने श्री पराशर यांनी कृषी महाविद्यालय येथील स्ट्राँग रुमची पाहणी करून आढावा घेतला. यावेळी सहायक निवडणूक अधिकारी तथा उपविभागीय अधिकारी राहुल मीना, कार्यकारी अभियंता सुरेश साखरवडे व इतर अधिकारी-कर्मचारी यावेळी उपस्थित होते. 

निवडणुक निरीक्षक श्री पराशर यांनी निवडणूक आयोगाच्या निर्देशाप्रमाणे स्ट्राँगरूममध्ये सर्व व्यवस्था आहे का याबाबत पाहणी केली. तसेच विद्युत शॉर्ट सर्कीटमुळे मतदानयंत्रांना हानी होऊ नये याची दक्षता घेण्यासाठी या कक्षातील व गॅलरीतील तसेच लगतच्या इतर कक्षातील विद्युत पुरवठा बंद करण्याच्या सूचना दिल्या. त्यांनी सीसीटीवी यंत्रणा, अग्नीरोधक यंत्रणा, डबल-लॉक सिस्टीम व परिसरातील सुरक्षा यंत्रणेची पाहणी केली. स्ट्राँगरुम म्हणून निवड केलेल्या कृषी महाविद्यालयाचा परिसर त्रिस्तरीय बॅरिकेट लावून सुरक्षीत करण्याचे त्यांनी सांगितले. 

औद्योगिक प्रशिक्षण संस्थेतील इव्हीएम साठवणूक कक्षाला श्री पराशर यांनी भेट देवून तेथील सुरक्षा यंत्रणेचा आढावा घेतला. याठिकाणी सिसिटीव्ही, सुरक्षा अलार्म, अग्निशामक यंत्रणा व पुरेसे विद्युत दिवे आहेत का याबाबत पाहणी केली. तसेच इव्हीम साठवणूक कक्षाला भेट देणाऱ्यांच्या नोंदी अभ्यागत नोंदवहीत नोंदविल्या जातात का याबाबत विचारणा करून नोंदवहीची तपासणीही केली.

श्री पराशर यांनी एलआयसी चौकातील डॉ. बाबासाहेब आंबेडकर नगर परिषद प्राथमिक शाळा, पंचायत समिती परिसर व रामनगर येथील पीएम जवाहरलाल नेहरू उच्च प्राथमिक शाळा या मतदान केद्रांची पाहणी केली. मतदान केंद्रावर स्वच्छतेसह इतर सर्व आवश्यक सुविधेसोबतच उन्हापासून बचावासाठी शेड व पिण्याच्या पाणी या दोन सुविधा प्रामुख्याने उपलब्ध ठेवण्याच्या सूचना त्यांनी दिल्या. गडचिरोली विधानसभा क्षेत्रातील खर्च निरीक्षण कक्षालाही त्यांनी भेट देवून तेथील नोंदवह्यांची पाहणी केली.  

सहायक निवडणूक अधिकारी श्री मीना यांनी निवडणूक निरीक्षक पराशर यांना जिल्हा प्रशासनातर्फे करण्यात येत असलेल्या उपाययोजनांची माहिती दिली.

०००००००

ता. प्र / कुरखेडा, दि. 01 : येथील देसाईगंज मार्गावर एच.पी पेट्रोल पंप समोर भरधाव ट्रकने दूचाकी स्वाराला चिरडल्याची घटना 31 मार्च रोजी सकाळी 11.30 वाजताच्या सुमारास घडली. हा अपघात एवढा भीषण होता कि मृतक दुचाकीस्वाराचे शरीर छिन्न विछिन्न झाले होते. यशवंत नामदेव गहाणे (वय 58) रा. अंगारा असे मृतकाचे नाव आहे.

दिपक ट्रान्सपोर्ट चा ट्रक नागपुर - कूरखेडा या मार्गावर नियमीत माल वाहतूक करतो. दरम्यान मृतक हा एम एच 33 झेड 6124 क्रमांकाच्या दुचाकी वाहनाने अंगारा येथून मुलीच्या गावी ताडगांव येथे जाण्याकरीता सकाळी निघाला होता. कुरखेडा- देसाईगंज मार्गावर असलेल्या एच.पी पेट्रोल पंप मधून त्याने वाहनात पेट्रोल भरले व कुरखेडा-देसाईगंज या मुख्यमार्गावर निघताच देसाईगंज कडून कुरखेडाकडे येणारा एम.एच 31 सि. बी 8635 क्रमांकाच्या भरधाव ट्रकने दुचाकीला धडक दिली यावेळी दुचाकी हि ट्रकच्यासमोरील चाकात तर दुचाकीस्वार मागील चाकात सापडल्याने दुचाकीस्वराचा जागीच मृत्यू झाला. घटनेची माहीती मिळताच साहायक पोलीस निरीक्षक दिनेश गावंडे यांनी घटणास्थळावर पोहचत पंचनामा केला व शव उत्तरीय तपासणी करीता उपजिल्हा रुग्णालयात पाठविले तसेच ट्रक जप्त करीत पोलीस स्टेशन कुरखेडा येथे जमा केले.

ता.प्र / कुरखेडा, दि. 01 : विद्यार्थ्यांना घडविणाऱ्या एका शिक्षकाने शाळेतील 13 वर्षीय अल्पवयीन विद्यार्थीनीची छेडछाड केल्याप्रकरणी त्या शिक्षकावर कुरखेडा पोलीस ठाण्यात विनयभंग व पोक्सोच्या विविध कलमान्वये आज सांयकाळी गुन्हा दाखल करण्यात आला आहे. सदर घटनेने शिक्षण विभागासह तालुक्यात खळबळ उडाली आहे.

घनश्याम मंगरु सरदारे (वय 47) असे आरोपी शिक्षकाचे नाव असून तो कुरखेडा तालुक्यातील एका जि.प. उच्च प्राथमिक शाळेत शिक्षक म्हणून कार्यरत आहे. शाळेतीलच एका अल्पवयीन मुलीला दोन पानी प्रेम-पत्र देत तसेच तिच्या शरीराचा मुका घेणे, चिमटे घेणे अशी छेड काढत असल्याचा आरोप करीत आज मुलीच्या पालकांनी मुलगी व गावकऱ्यासह कुरखेडा पोलीस स्टेशन गाठून तक्रार दाखल केली. या तक्रारीवरून आरोपी शिक्षकाविरोधात भादवि 354 (अ) 8,10,12 पोस्को अंतर्गत गुन्हा दाखल करण्यात आला आहे. आरोपी शिक्षक फरार असल्याची माहिती असून प्रकरणाचा तपास ठाणेदार रेवचंद सिंगनजूडे यांच्या मार्गदर्शनात महिला पोलीस उपनिरीक्षक अवचार करीत आहेत.

गेल्या काही वर्षांपासून केंद्रीय तपास यंत्रणांचा गैरवापर करून विरोधी पक्षाच्या नेत्यांना लक्ष्य केलं जात असल्याची टीका केली जात आहे. यासंदर्भात भारतीय जनता पक्षामध्ये दाखल झालेल्या वेगवेगळ्या नेत्यांची उदाहरणंही दिली जात आहेत. नुकत्याच उघड झालेल्या इलेक्टोरल बॉण्ड्सच्या माहितीच्या आधारेही यासंदर्भात टीका केली जात असून उद्योगपतींना ईडी-सीबीआयचा धाक दाखवून भाजपाने त्यांच्याकडून देणगी स्वरूपात खंडणी घेतल्याचा आरोप विरोधकांकडून केला जात आहे. त्यामुळे तपास यंत्रणांचा गैरवापर हा मुद्दा प्रचंड तापलेला असताना पंतप्रधान नरेंद्र मोदींनी यासंदर्भात त्यांची भूमिका मांडली आहे.

काय म्हणाले नरेंद्र मोदी?

तमिळनाडूतील एका वृत्तवाहिनीला पंतप्रधान नरेंद्र मोदींनी दिलेल्या मुलाखतीमध्ये यासंदर्भात प्रश्न विचारण्यात आला होता. त्यावर बोलताना मोदींनी ईडी-सीबीआयच्या कारवाईतून मोठ्या प्रमाणावर रोकड जप्त केल्याचा दावा केला.

“ईडीकडे आत्ता किमान ७ हजार प्रकरणं प्रलंबित आहेत. त्यात राजकीय व्यक्तींशी संबंधित प्रकरणं ३ टक्क्यांपेक्षा कमी आहेत. जेव्हा त्यांचा कार्यकाळ होता, तेव्हा १० वर्षांत त्यांनी फक्त ३५ लाख इतकी रोख रक्कम पकडली. आम्ही तब्बल २२०० कोटी रुपये इतकी रक्कम पकडली आहे. नोटांचा ढीग पकडला जातोय. वॉशिंग-मशीनमध्येही नोटा सापडत आहेत. काँग्रेसच्या खासदाराकडून ३०० कोटी मिळाले. बंगालमध्ये मंत्र्यांच्या घरातून मोठी रोकड मिळाली. हे जेव्हा दिसतं, तेव्हा देशातली जनता हे सगळं सहन करायला तयार आहे का? जनता म्हणते हा आजार जायला हवा”, असं म्हणत पंतप्रधानांनी विरोधी पक्षांवरच प्रतिहल्ला केला.

“ईडी काय आमचं सरकार आल्यावर अस्तित्वात आलं का?”

ईडी, पीएमएलए कायदा भाजपा सरकार केंद्रात आल्यानंतर अस्तित्वात आले का? असा उलट प्रश्न मोदींनी विरोधकांना केला आहे. “हे सर्व आधीपासून होतं. ईडीनं नेमकं काय केलं? ईडी ही एक स्वतंत्र यंत्रणा आहे. ती स्वतंत्रपणे काम करते. आम्ही ना त्यांना अडवतो, ना त्यांना पाठवतो. त्यांना स्वतंत्रपणे काम करावं लागतं. कायद्याच्या चौकटीत राहून कारवाई योग्य ठरावी लागेल. आमचा यात काही संबंध यायलाच नको”, असं मोदी ठामपणे म्हणाले.

“आता मी कायदेशीर सल्ला घेतोय की ज्यांचे हे पैसे आहेत, त्यांना परत देता येतील का. याआधी आम्ही जेवढे ताब्यात घेतले आहेत, त्यातले १७ हजार कोटी रुपये आम्ही परत दिले आहेत”, असा दावाही मोदींनी केला.

भाजपा नेत्यांविरोधात कारवाई का नाही?

दरम्यान, भारतीय जनता पक्षाच्या नेत्यांविरोधात कारवाई का केली जात नाही? असा प्रश्न विचारला असता मोदींनी ईडीनं सत्ताधारी नेत्यांविरोधातील बंद केलेली प्रकरणं दाखवून देण्याचं आव्हान दिलं. “ज्या राजकीय व्यक्तीचं प्रकरण असेल, ते चालणार. मला तुम्ही एक प्रकरण सांगा की ते ईडीनं बंद केलं. ईडी स्वत: कोणता गुन्हा दाखल करू शकत नाही. देशातील वेगवेगळ्या संस्था जोपर्यंत गुन्हा दाखल करत नाही, तोपर्यंत ईडी काही करू शकत नाही”, असं मोदी म्हणाले.

“न्यायालयांना शस्त्र बनवण्याचा प्रयत्न चालू आहे”

दरम्यान, यावेळी मोदींनी देशातील न्यायालयांचाही उल्लेख केला. “ईडीनं काम करू नये यासाठी न्यायालयांना हत्यार बनवण्याचा प्रयत्न करण्यात आला आहे. कारण त्यांना माहिती आहे की भ्रष्टाचाराच्या विरोधातील माझा लढा थांबणार नाही. त्यामुळे त्यांना वाटतंय की या संस्थांचा दबावच संपवून टाका जेणेकरून देशात कुणी भ्रष्टाचाराबाबत बोलू शकणार नाही”, असा आरोप पंतप्रधान नरेंद्र मोदींनी केला आहे.

इंडिया आघाडीच्यावतीने ३१ मार्च रोजी दिल्लीत ‘लोकतंत्र बचाव महारॅली’ काढण्यात आली. या रॅलीच्या माध्यमातून देशभरातून जवळपास २८ पक्षांनी एकत्र येत भाजपावर हल्लाबोल केला. या सभेला शिवसेना ठाकरे गटाचे प्रमुख उद्धव ठाकरे, राष्ट्रवादी काँग्रेस शरदचंद्र पवार पक्षाचे अध्यक्ष शरद पवारही उपस्थित होते. या सभेत बोलताना बिहारचे माजी उपमुख्यमंत्री तेजस्वी यादव यांनी पंतप्रधान नरेंद्र मोदी यांच्यावर टीका करत पंतप्रधान मोदींची गॅरंटी ही चीनच्या वस्तूंसारखी असल्याचा टोला लगावला आहे.

तेजस्वी यादव नेमके काय म्हणाले?

पंतप्रधान नरेंद्र मोदी यांनी निवडणुकीच्या पार्श्वभूमीवर ‘मोदींची गॅरंटी’ अशा स्वरूपाचा नारा दिला आहे. यानंतर ‘मोदींची गॅरंटी’ अशी एक मोहीम भाजपाकडून चालू करण्यात आली. या मोहिमेवर आता तेजस्वी यादव यांनी टीका केली. यादव म्हणाले, “पंतप्रधान नरेंद्र मोदी यांनी दिलेली गॅरंटी ही चीनच्या वस्तूंसारखी आहे. जोपर्यंत निवडणुका आहेत, तोपर्यंत मोदींची गॅरंटी आहे. मात्र, निवडणुका संपल्यानंतर काही नाही. त्यामुळे मोदींची गॅरंटी ही फक्त निवडणुकीपर्यंत टिकेल”, असा टोला तेजस्वी यादव यांनी लगावला.

भाजपाला सत्तेतून बाहेर खेचा

पंतप्रधान नरेंद्र मोदी यांनी लोकसभा निवडणुकीत ४०० पारचा नारा दिला आहे. यावरूनच तेजस्वी यादव यांनी भाजपावर गंभीर आरोप केला आहे. ते म्हणाले, “भाजपावाल्यांनी निवडणुकीच्या आधीच ४०० पारचा नारा दिल्यामुळे आधीच मॅच फिक्सिंग झाल्यासारखे वाटते आहे. मात्र, भाजपाचे नेते काही म्हणाले तरी जनता हीच देशाची मालक असते. त्यामुळे जनता जे ठरवेल तेच दिल्लीत सरकारमध्ये बसतील. काही झाले तरी या भाजपाला सत्तेतून बाहेर खेचा”, असे तेजस्वी यादव म्हणाले.

ईडी, सीबीआय भाजपाचे सेल

पंतप्रधान नरेंद्र मोदी यांनी गेल्या निवडणुकीवेळी काही आश्वासने दिले होते. त्यावर बोलताना तेजस्वी यादव यांनी तरुणांना भाजपाच्या खोट्या आश्वासनांना आणि खोट्या प्रचाराला बळी न पडण्याचे आवाहन केले. “देशात बेरोजगारी, महागाई हे सर्वात मोठे दुश्मन आहेत. मात्र, पंतप्रधान नरेंद्र मोदी यांनी कोणालाही कोणतीही नोकरी दिली नाही. सर्वच्या सर्व खाजगीकरण करण्याचे प्रयत्न सुरू केले आहेत. ईडी, सीबीआय आणि आयकर विभाग हे भाजपाचे सेल झाले आहेत”, असा आरोप तेजस्वी यादव यांनी केला.

लग्न झाल्यानंतर महिला किंवा पुरुषांनी स्वेच्छेने ठेवलेले विवाहबाह्य शरीर संबंध हा कायदेशीर गुन्हा नाही. असा निर्णय राजस्थान उच्च न्यायालयाने दिला आहे. न्यायमूर्ती बीरेंद्र कुमार यांनी असं म्हटलं आहे की भारतीय दंड संहिता कलम ४९७ नुसार विवाहबाह्य संबंध व्याभिचाराचा गुन्हा या कक्षेत येत होते. मात्र २०१८ मध्ये सर्वोच्च न्यायालयाने असंवैधानिक ठरवत ही बाब रद्द केली आहे.

काय म्हटलं आहे न्यायालयाने?

“विवाह झालेली व्यक्ती स्वेच्छेने विवाहबाह्य संबंध ठेवत असेल तर तो कुठलाही गुन्हा नाही. व्याभिचाराचा गुन्हा आधीच रद्द करण्यात आला आहे.” एका प्रकरणाच्या सुनावणी दरम्यान न्यायालयाने हे स्पष्ट केलं आहे.

काय आहे प्रकरण?

राजस्थान उच्च न्यायालयात एका याचिकेवर सुनावणी सुरु होती. यामध्ये याचिकाकर्त्याने भारतीय दंड संहिता कलम ३६६ (अपहरण किंवा महिलेला लग्नासाठी भाग पाडणं) या प्रकरणावरची ही सुनावणी होती. माझ्या पत्नीला तीन जणांनी पळवून नेलं असं याचिकाकर्त्याने म्हटलं होतं. याचिकाकर्ता या प्रकरणाच्या सुनावणीला उपस्थित राहू शकला नाही कारण तो तुरुंगात आहे. मात्र त्याची पत्नी न्यायालयात आली. तिने हे सांगितलं की ज्याच्यावर आरोप लावला गेला आहे त्या आरोपीसह मी लिव्ह इन रिलेशनशिपमध्ये राहते आहे. त्यानंतर सर्वोच्च न्यायालयाने अशा प्रकरणांमध्ये दिलेले निर्णय तपासण्यात आले. सहमतीने विवाहबाह्य संबंध ठेवणं हे अपराध नाहीत हा निर्णय राजस्थान उच्च न्यायालयाने दिला.

याचिकाकर्त्यांचे वकील अंकित खंडेलवाल यांनी असा युक्तिवाद केला की माझ्या अशीलाच्या पत्नीने हे मान्य केलं आहे की तिचे विवाहबाह्य संबंध आहेत. त्यामुळे कलम ४९४ (पती किंवा पत्नी जिवंत असताना लग्न करणं) आणि कलम ४९७ (व्याभिचाराचा गुन्हा) या अन्वये कारवाई केली जावी. मात्र त्यावेळी न्यायालयाने हे स्पष्ट केलं की विवाहबाह्य संबंध हे व्याभिचाराच्या गुन्ह्याच्या कक्षेत येत नाहीत.Bar & Bench ने हे वृत्त दिलं आहे.

गडचिरोली दि. 30 (जि.मा.का.) : सार्वत्रिक लोकसभा निवडणूक-2024 अंतर्गत 12- गडचिरोली-चिमुर (अ.ज.) लोकसभा मतदारसंघात नामनिर्देशन अर्ज मागे घेण्याच्या आजच्या अंतिम दिवशी मिलींद नरोटे व हरिदास बारेकर या दोन उमेदवारांनी आपले अर्ज मागे घेतले. त्यामुळे लोकसभा मतदारसंघाकरिता आता दहा उमेदवारांमध्ये निवडणूकीची लढत होणार आहे. दरम्यान सर्व उमेदवारांना निवडणूक चिन्हाचे वाटप देखील आज करण्यात आले आहे. याबाबत आज जिल्हाधिकारी कार्यालयात झालेल्या पत्रपरिषदेत जिल्हा निवडणूक अधिकारी संजय दैने यांनी माहिती दिली. 

*हे उमेदवार आहेत रिंगणात :* 

  नामनिर्देश अर्ज मागे घेतल्यानंतर आता 12- गडचिरोली-चिमुर लोकसभा मतदार संघात निवडणूक लढविणाऱ्या उमेदवारांचे नाव, पक्ष व चिन्ह पुढीलप्रमाणे आहे.  

राष्ट्रीय व राज्यस्तरीय मान्यताप्राप्त पक्षाचे उमेदवार : अशोक महादेवराव नेते, भारतीय जनता पार्टी (कमळ), डॉ. नामदेव दसाराम किरसान, इंडियन नॅशनल काँग्रेस (हात), योगेश नामदेवराव गोन्नाडे, बहुजन समाज पार्टी (हत्ती).

नोंदणीकृत राजकीय पक्षांचे उमेदवार : धीरज पुरूषोत्तम शेडमागे, जनसेवा गोंडवाना पार्टी (करवत), बारीकराव धर्माजी मडावी, बहुजन रिपब्लीकन सोशालिस्ट पार्टी (शिट्टी), सुहास उमेश कुमरे,भीमसेना (ऑटोरिक्षा), हितेश पांडूरंग मडावी, वंचित बहुजन आघाडी (गॅस सिलेंडर).

इतर उमेदवार : करण सुरेश सयाम, अपक्ष (ऊस शेतकरी), विलास शामराव कोडापे, अपक्ष(दूरदर्शन), विनोद गुरुदास मडावी, अपक्ष ( अंगठी)

00000

डोंगरगाववासींचा निर्णय : तंबी देऊनही गावात विकायचे दारू

गडचिरोली : तालुक्याच्या डोंगरगाव येथील दारूविक्रेत्यांना वारंवार सूचना देऊनही त्यांनी आपला व्यवसाय सुरूच ठेवला. येथील दारूविक्री बंद व्हावी यासाठी नागरिकांनी गुरुवारी एकत्र येऊन दारू बंदीचा निर्णय घेतला. व्यवसाय बंद न केल्यास विक्रेत्याची दारू नष्ट करणे, पोलिस कारवाई करणे, दारू विक्रेत्याच्या कुटुंबातील विवाह सोहळा, मृत्यूनंतर अंत्यसंस्कार कार्यक्रम व इतर कार्यक्रमात सहभागी न होणे, यासह विविध समारंभाला न जाण्याबाबत निर्णय घेण्यात आले.

डोंगरगाव येथे अनेक वर्षांपासून दारूविक्री बंद होती; परंतु मागील ३ ते ४ वर्षांपासून दारूविक्री पुन्हा सुरू झाली. परिणामी, लोकांचे आरोग्य धोक्यात आल्याने, युवकांमध्ये व्यसनाचे प्रमाण वाढले आहे. दारूविक्री बंदीसाठी गाव संघटना गठित करून दारू बंदीचा प्रयत्न केला; परंतु काही दारू विक्रेते मुजोर असल्याने दारू विक्री सुरू राहिली. यावर निर्णय घेण्यासाठी मुक्तिपथ व गाव संघटनेची बैठक पार पडली.

ग्रामपंचायतीकडून दाखलेही मिळणार नाहीत

डोंगरगाव येथे दारूविक्री सुरूच ठेवल्यास विक्रेत्यांच्या शेती कामावर न जाणे, दारू विक्री बंद न केल्यास ग्रामपंचायतीकडून मिळणारे कागदपत्र न देणे, असे कठोर निर्णय घेण्यात आले. त्यांनतर रॅली काढून व्यवसाय बंद करण्याचे आवाहन करीत कारवाईची तंबी सुद्धा दिली.

सीमावर्ती भागातून दारूची वाहतूक

 डोंगरगावला लागूनच वैनगंगा नदी आहे. नदीपलीकडे चंद्रपूर जिल्ह्याची सीमा आहे. येथे देशी- विदेशी दारू मोठ्या प्रमाणात उपलब्ध होते. त्यामुळे नदीतून चोरट्या मार्गाने दारूची वाहतूक केली जाते. या चोरट्या वाहतुकीवर पोलिसांनी कारवाई करणे गरजेचे आहे.

मोहझरी: आरमोरी तालुक्यातील मोहझरी येथील  जिओचा टावरमधे गेल्या अनेक दिवसापासून तांत्रिक बिघाड झाला असून त्यामुळे मोहझरी आणि आजूबाजूच्या परिसरातील नागरिकांना एकमेकांना संवाद साधण्यासाठी मोठी अडचण निर्माण होत आहे .याबाबत जिओ कंपनीच्या ऑपरेटरला फोन करून ही समस्या कळविण्यात आली परंतु अजून पर्यंत त्यांनी या समस्येकडे दुर्लक्ष केल्यामुळे सतत नेटवर्क गायब होत असल्यामुळे हि समस्या मोठ्या प्रमाणात उद्भवली जात आहे.

मोहझरी गावामध्ये ग्रामपंचायत कार्यालय मध्ये  सर्व कामे ऑनलाईन पद्धतीने होत असतात तसेच या गावांमध्ये जिल्हा परिषद शाळा ,महाविद्यालय असल्यामुळे अशा ठिकाणी मोबाईल नेटवर्कची अत्यंत आवश्यकता असते परंतु गेल्या काही दिवसापासून दिवसातून बरेचदा मोबाइल नेटवर्क गायब होत असल्यामुळे नागरिक त्रासलेले आहेत. प्रति महिना 300 रू 500 रू रुपयाचा jio रिचार्ज प्रत्येक नागरिक करीत असतो परंतु दररोज नेटवर्क गायब होत असल्यामुळे मोबाईल खेळाचे वस्तू बनल्याचे सध्याचे चित्र दिसत आहे.

कुटुंबातील आपल्या मित्र मंडळीला मोबाईल वरून फोन लावल्यास कधीही नेटवर्क गायब होत असल्यामुळे फोन कट होत असतो किंवा अत्यंत महत्त्वाचे बोलणे होत नाही त्यामुळे मोहझरी आणि परिसरातील नागरीक  जिओ कंपनीच्या अशा भोंगळ कारभारावर संताप व्यक्त करत आहेत.

आज सर्व कामे शासकीय कामे ऑनलाईन पद्धतीने होत असतात परंतु मोहझरी येथील जिओ  टावरचा मोबाईल नेटवर्क गायब होत असल्यामुळे शासकीय कामे करण्यास मोठी अडचण निर्माण होत आहे. जिओ कंपनी सर्वात वेगवान इंटरनेट डाटा कस्टमरला पूरवित असल्याचा कांगवा करीत असते देशाने त्याच उद्देशाने अनेक नागरिकांनी जिओची सिम घेतलेली आहे परंतु त्यांचा मारलेला रिचार्ज वाया जात असल्याचे दिसून येत आहे.त्यामुळे मोहझरी येथील जिओ टावर तात्काळ दुरुस्ती करावी अशी मागणी मोहझरी  आणि परिसरातील नागरिकांनी केली आहे अन्यथा आंदोलन करू असा इशारा जिओ कंपनीला नागरिकांनी दिला आहे.

गडचिरोली जिल्ह्यासाठी 85 कोटी मंजूर; ई - पीक नोंदणी आवश्यक

गडचिरोली, ब्युरो. दि महाराष्ट्र स्टेट को-ऑपरेटिव्ह मार्केटिंग फेडरेशन मुंबई यांच्या आदेशानुसार गडचिरोली जिल्ह्यातील धान उत्पादक शेतकऱ्यांना 85 कोटी 35 लाख 47 हजार 780 रुपये एवढी बोनसची रक्कम खात्यात जमा होणार असल्याने शेतकऱ्यांना दिलासा मिळणार आहे.

खरीप पणन हंगाम 2023-24 मधील धान खरेदीसाठी नोंदणीकृत शेतकऱ्यांना प्रोत्साहनपर करण्याबाबत राशीची रक्कम शासनाने 26अदा मार्चला परिपत्रक काढले आहे.

 त्यानुसार नोंदणीकृत शेतकऱ्यांनी महामंडळाला धान विक्री केली असो वा नसो धान उत्पादनाकरिता त्यांच्या धान लागवडीखालील जमीन धोरणानुसार प्रतिहेक्टरी रुपये 20 हजार प्रमाणे दोन हेक्टरच्या मर्यादेत राहून प्रोत्साहन राशी बोनस अदा करण्यास शासनाने मान्यता दिली आहे. 31 मार्च पर्यंत सर्व शेतकऱ्यांना त्यांच्या खात्यात थेट रक्कम जमा करण्याचे निर्देश देण्यात आले आहेत. राज्यातील धान

उत्पादक दहा जिल्ह्यांना हा लाभ मिळणार आहे. त्यामध्ये गडचिरोली जिल्ह्याचाही समावेश आहे. सदर योजनेचा लाभ घेण्याकरिता शेतकऱ्यांनी ई-पीक वर ऑनलाइन नोंदणी करणे आवश्यक आहे. तसेच आदिवासी खरेदी संस्था किंवा महाराष्ट्र स्टेट को-ऑपरेटीव्ह मार्केटिंग फेडरेशन यांच्यामार्फत चालवण्या जाणाऱ्या खरेदी संस्थांकडे नोंदणी करणे आवश्यक आहे.

 चंद्रपूर, ब्युरो. अल्पवयीन मुलीचा पाठलाग करून त्रास देणाऱ्या आरोपीला अटक करून न्यायालयीन कोठडीची मागणी केली. परंतु न्यायालयाने त्याची रवानगी कारागृहात केली. ही सुनावणी बुधवारी (दि.27) करण्यात आली. आरोपी आदित्य बिगनशहा सोनी राहणार गुरुदेव चौक याला सिंदेवाही पोलिस ठाण्याचे पोलिसांनी न्यायालयात हजर केले. यावेळी जिल्हा विधी सेवा

प्राधिकरणाच्या अंतर्गत असलेल्या लोक अभिरक्षक कार्यालयाचे वतीने आरोपीला मोफत विधी सेवा व सहाय्य पुरविण्यात आले. लोक अभिरक्षक कार्यालयाचे मुख्य लोक अभिरक्षक अॅड. विनोद बोरसे यांनी आरोपीच्या वतीने न्यायालयात वकीलपत्र दाखल केले. त्याप्रमाणे आरोपीची न्यायालयीन कोठडीची मागणी मंजूर करण्यात येऊन आरोपीची जिल्हा कारागृहात रवानगी करण्यात आली.

१८०० कोटींचा घोटाळा: शिपिंग कंपनी संचालकाच्या घरी ईडीचा छापा

 मुंबई: काही बनावट कंपन्यांच्या माध्यमातून तब्बल १८०० कोटी रुपये मूल्याचे परकीय चलन परदेशात पाठविल्याचा आरोप असलेल्या मुंबईस्थित एका शिपिंग उद्योगातील कंपनीवर मंगळवारी सक्तवसुली संचालनालयाच्या (ईडी) अधिकाऱ्यांनी छापेमारी केली. मुंबईसह दिल्ली, हैदराबाद, कुरुक्षेत्र आणि कोलकाता येथे ही छापेमारी झाली आहे. मात्र, दक्षिण मुंबईत झालेल्या छापेमारीदरम्यान लाखो रुपयांची रोख रक्कम वॉशिंग मशीनमध्ये आढळली.

 या प्रकरणी संबंधित कंपनीची एकूण ४७ बैंक खाती गोठवण्यात आली आहेत.

मुंबईस्थित कॅप्रिकॉर्नियन शिपिंग अँड लॉजिस्टिक या कंपनीचे संचालक विजय कुमार शुक्ला आणि संजय गोस्वामी यांनी बनावट कंपन्यांच्या माध्यमातून १८०० कोटी रुपये मूल्याचे परकीय चलन परदेशात पाठवल्याचा त्यांच्यावर ठपका आहे.

या प्रकरणी ईडीने परदेशी चलन विनिमय कायद्यांतर्गत (फेमा) तपास सुरू केला आहे. या छापेमारीदरम्यान कॅप्रिकॉर्नियन कंपनीशी संबंधित अन्य पाच कंपन्यांवर ईडीच्या अधिकाऱ्यांनी छापेमारी केली आहे. हे पैसे या लोकांनी सिंगापूरस्थित कंपनीला पाठविल्याचे ईडीचे म्हणणे आहे.

 ब्रह्मपुरी : येथील राष्ट्रीय महामार्गाच्या टोल नाक्यापासून काही अंतरावर अन्नपूर्णा ढाब्याजवळ अज्ञात वाहनाने धडक दिल्याने महिलेचा जागीच मृत्यू झाल्याची घटना बुधवारी (दि. २७) रात्री घडली.

मनोरथा शांताराम बावनकुळे (५५, रा. खरबी) मृत महिलेचे नाव आहे. अन्नपूर्णा ढाब्याजवळ विजेचे दिवे नसल्याने या मार्गावर अंधार असतो. बुधवारी रात्री खरबी येथील मनोरथा बावनकुळे ही रात्रीच्या सुमारासरस्त्यावरून जात होती. दरम्यान, अज्ञात वाहनाच्या धडकेत ती जागीच ठार झाली.

ही महिला मतिमंद होती. त्यामुळे कोणत्याही वेळेला रात्री-अपरात्री घराबाहेर निघत असायची, अशी नागरिकांमध्ये चर्चा आहे. या मार्गावर भरधाव वेगाने वाहने दामटली जातात. त्यामुळे यापूर्वी देखील अपघात झाला आहे. पोलिसांनी अज्ञात वाहनचालकाविरुद्ध गुन्हा दाखल केला. पुढील तपास ब्रह्मपुरी पोलिस करीत आहेत.

 गडचिरोली - मुनिश्वर बोरकर गडचिरोली - चिमुर लोकसभेच्या निवडणुकीत महायुतीची जागा कुणाला मिळणार यांची उत्सुकता सिगेला पोहचली आहे. सदर जागेवर राष्ट्रवादी कांग्रेसचे उमेदवार तथा अन्न व औषधी प्रशासन मंत्री धर्मराव बाबा आत्राम यांनी सुरवातीपासुनच दावा ठोकला आहे. तर भाजपाचे दोनदा खासदार राहीलेले खासदार अशोक नेतेही प्रबळ दावेदार आहेत . तसेच नव्याने डॉ. मिलिंद नरोटे , नुकत्याच भाजपात प्रवेश करणाऱ्या डॉ. नितिन कोडवते आमदार डॉ. देवराव होळी आदि नावाची चर्चा असताना राष्ट्रवादी कांग्रेसचे राजे धर्मराव बाबा आत्राम यांचे पारडे महायुतीत जड होत होते. परंतु वरिष्ठ भाजपा नेते,उमेदवाराची निवड करतांना सर्व शक्यता पडताडूनच पाहिल्या नंतरच भाजपा की राष्ट्रवादी यांचा योग्य विचार करूनच उमेदवारांची निवड करणार असल्याचे कळते. अन्यता सदर जागा हातुन जायची व ४०० पार म्हणता म्हणता आकडा २०० वर यायचा म्हणुन राष्ट्रवादीच्या उमेदवारांनी भाजपाच्या कमळ चिन्हावर लढावे अशी भाजपाकडून गुगली टाकण्यात आली परंतु राष्ट्रवादीचे सर्वासर्व उपमुख्यमंत्री अजित पवार यांनी ते नाकारली व चिमुर लोकसभेसाठी उमेदवार राष्ट्रवादीचाच असे ठणकावुन सांगीतल्या चे कळते . म्हणुनच महायुतीत उमेदवारावरून ताणाताणी सुरच आहे. त्यामुळे महायुतीचे तिन्ही नेते दिल्लीला जावून गृहमंत्री अमीत शहा यांची भेट घेतली. भाजपाच्या स्थानिक कार्यकर्त्यांनी अंतर्गत कलह निर्माण करून विधमान खासदार अशोक नेते यांना तिकीट देऊ नये नवख्या माणसाला संधि घ्यावी असे वरिष्ठांना सांगुन जनू दिशाभुल केल्याचे बोलल्या जात होते. अश्या परिस्थितीत उपमुख्यमंत्री देवेंद्र फडणविस व प्रदेश अध्यक्ष चंद्रशेखर बावनकुळे २६ ला गडचिरोली येत असुन भाजपाच्या स्थानिक मुख्य कार्यकर्त्याचे म्हणणे ऐकून महायुतीच्या उमेदवाराच्या पाठीसी सर्वांनी एकजुटीने उभे राहण्याचा संदेश देण्याकरीता येत असल्याचे कळते . व याच दिवशी महायुतीच्या उमेदवारांचे नामांकन भरतेवेळी त्यांची उपस्थिती राहणार आहे. त्यांचे गडचिरोली येणे भाजपाला बळ देण्यासाठी ठरणार कि राष्ट्रवादीला हे अजुनही गुलदस्त्यातच आहे. भाजपाला एकेक सिट चे महत्व आहे म्हणुन भाजपाचे नेते फुकुन पाणी पित आहेत . महायुतीत सदर जागा भाजपाकडे कायम राहील्यास खासदार अशोक नेते शिवाय पर्याय नाही कारण इडिआ आघाडीने डॉ. नामदेव किरसान च्या रुपाने तगडा उमेदवार दिलेलाआहे. याचेही भान भाजपाच्या वरिष्ठ नेत्यांना आहे. २०१९ च्या निवडणुकीत वंचितचे उमेदवार डॉ. गजभे यांनी १ लाख ११ हजार मते घेतली होती. हिच मते त्यावेळेस कांग्रेसला मिळाली असती तर कांग्रेसचे डॉ. नामदेव उसेंडीस निवडुन आले असते यात शंकाच नव्हती .अश्या अनेक बाबीचा विचार करून उपमुख्यमंत्री देवेंद्र फडणविस योग्य निर्णय घेणार असल्याचे भाजप गोठात बोलल्या जात आहे.

गडचिरोली गडचिरोली- चिमूर लोकसभा निवडणुकीसाठी प्रमुख राजकीय पक्षांचे उमेदवार अद्याप निश्चित झालेले नाहीत. काही जण मुंबईत, काही दिल्लीत तळ ठोकून आहेत. बुधवारी रात्री उशीरा काँग्रेसकडून डॉ. नामदेव किरसान यांच्या नावावर शिक्कामोर्तब झाल्याची माहिती आहे.

लोकसभा निवडणुकीसाठी २० मार्च रोजी अधिसूचना जारी झाली व लगेचच नामनिर्देशनपत्र विक्री व स्वीकृतीलाही सुरुवात केली. पहिल्या दिवशी एकही नामदनिर्देशनपत्र दाखल झाले नाही. चौघांनी एकूण १४ नामनिर्देशनपत्रांची खरेदी केली, पण अर्ज दाखल करण्यास कोणीही पुढे आले नाही.

मतदारसंघातील उमेदवारीवरून निर्माण झालेला पेच कायम आहे. महायुतीत भाजप व राष्ट्रवादी काँग्रेस (अजित पवार गट) यांच्यात रस्सीखेच आहे, तर महाविकास आघाडीत मतदारसंघ काँग्रेसच्या वाट्याला गेला असून नामदेव उसेंडी व नामदेव किरसान यांच्यामध्ये चुरस होती. पक्षश्रेष्ठींनी किरसान यांच्या नावाला हिरवी झेंडी दिल्याची माहिती सुत्रांनी दिली.

काँग्रेसचे सर्व इच्छुक व प्रमुख पदाधिकारी हे दोन दिवसांपासून दिल्लीत ठाण मांडून आहेत. अधिकृत घोषणा गुरूवारी अपेक्षीत आहे.

नेते, धर्मरावबाबांकडून दबावतंत्राचा वापर

 १९ मार्च रोजी गडचिरोलीत खासदार अशोक नेते यांच्या समर्थकांनी पत्रकार परिषद घेऊन भाजपलाच उमेदवारी द्यावी, अशी मागणी लावून धरली होती. यावेळी राष्ट्रवादीला उमेदवारी देण्यास तीव्र विरोध दर्शवला होता. त्यानंतर सायंकाळी मंत्री धर्मरावबाबा आत्राम समर्थकांनी उपमुख्यमंत्री अजित पवार यांची भेट घेत दावेदारी प्रबळ केली. त्यामुळे महायुतीत भाजप विरुद्ध राष्ट्रवादी असा संघर्ष सुरू झाला आहे.

निवडणूक खर्च निरीक्षकांकडून आढावा

गडचिरोली-चिमूर लोकसभा मतदारसंघात २० मार्च रोजी निवडणूक खर्च निरीक्षक एस. वेणुगोपाल यांनी विविध ठिकाणी भेटी देत कार्यालयीन कामकाजाची पाहणी केली तसेच सहायक निवडणूक अधिकाऱ्यांकडून आढावा घेतला. आरमोरी, गडचिरोली, चिमूर व ब्रह्मपुरी या विधानसभा मतदार संघांना एस. वेणुगोपाल यांनी भेट दिली. जिल्हाधिकारी कार्यालयात जिल्हा निवडणूक अधिकारी संजय दैने यांनी त्यांचे स्वागत केले. यावेळी जिल्हा परिषदेच्या मुख्य कार्यकारी अधिकारी आयुषी सिंह, सहायक जिल्हाधिकारी राहुल मीना, ओमकार पवार, उपजिल्हा निवडणूक अधिकारी विवेक घोडके उपस्थित होते. सर्वसामान्य मतदार, निवडणूक लढणारे उमेदवार, राजकीय पक्ष यांनी निवडणूक खर्चविषयक तक्रारी एस. वेणुगोपाल यांच्याकडे किंवा निवडणूक विभागाच्या सी-व्हिजील या मोबाइल अॅपवर नोंदविण्याचे आवाहन करण्यात आले.

काँग्रेसची नवी खेळी : चंद्रपूरच्या उमेदवारीवरून दिल्लीत खलबते

चंद्रपूर : चंद्रपूर लोकसभा मतदारसंघातून काँग्रेस आमदार प्रतिभा धानोरकर यांनाच मैदानात उतरविणार असल्याची चर्चा जिल्ह्यात आली. काही वेळानंतर काँग्रेसचे ज्येष्ठ नेते विरोधी पक्ष नेते विजय वडेट्टीवार यांचे नाव पुढे आले. काँग्रेस नेमकी धानोरकर यांच्या नावावर शिक्कामोर्तब करते वा वडेट्टीवारांना मैदानात उतरवून नवी खेळी करते, याकडे लक्ष लागले आहे. अधिकृत घोषणेकडे जनतेचे लक्ष लागले आहे.

चंद्रपुरात भाजपने सुधीर मुनगंटीवार यांच्या रूपाने दमदार उमेदवार रिंगणात उतरविला आहे. त्यांना टक्कर देण्यासाठी काँग्रेस कोणाच्या गळ्यात उमेदवारीची माळ घालते, यावरून खलबते सुरू होती. एकीकडे आमदार प्रतिभा धानोरकर तर दुसरीकडे नेते विरोधी पक्षनेते विजय वडेट्टीवार यांची कन्या शिवानी वडेट्टीवार यांच्यात उमेदवारीसाठी जोरदार रस्सीखेच सुरू होती. चंद्रपुरात सुरू झालेला उमेदवारीचा तिढा मुंबईमार्गे दिल्लीत पोहोचला. मागील काही दिवसांपासून

धानोरकर आणि वडेट्टीवार गट दिल्लीत ठाण मांडून आहे. दोन्ही गट आपापल्या दावेदारीवर ठाम असल्याने काँग्रेसला ही उमेदवारी जाहीर करताना संभाव्य धोके विचारात घेणे गरजेचे असल्याची चर्चा होती. अखेर बुधवारी दिल्लीत हायकमांडने आमदार प्रतिभा धानोरकर यांच्या उमेदवारीवर शिक्कामोर्तब केल्याची वार्ता चंद्रपुरात पोहोचली. मात्र, काही वेळातच शिवानी वडेट्टीवार याचे नाव मागे पडून त्याऐवजी विजय वडेट्टीवार यांचे नाव अचानक पुढे आल्याने नवीन समीकरणे पुढे येण्याची शक्यता वर्तविली जाऊ लागली आहे. वडेट्टीवारांना उमेदवारी मिळाली तर दोन वारांमध्ये लोकसभेचा महासंग्राम होईल, असे दिसते.

गोंदिया - सालेकसा तालुक्यातील दरबडा येथील सरपंचाने ग्रामसेवकास केलेल्या मारहाणीच्या विरोधात महाराष्ट्र राज्य ग्रामसेवक युुनीयन गोंदिया संघटनेच्यावतीने तहसिलदार,पोलीस निरिक्षकांसह जिल्हाधिकारी यांना निवेदन सादर करुन सरपंचाविरुध्द तत्काळ गुन्हा दाखल करण्याची मागणी केली आहे. दरबडा येथील ग्रामसेवक अरुण सिरसाम हे सालेकसा तहसिल कार्यालयात कार्यालयीन कामाकरीता आले असता त्यांना बाहेर बोलावून सरपंच तमिल टेंभरे यांनी माझ्या मर्जीतील लोकांची नावे अतिवृष्टी नुकसान यादीत वाढविण्याची मागणी केली.त्यावर ग्रामसेवक सिरसाम यांनी यादी प्रशासनाकडे सादर झाल्यामुळे नाव वाढविणे शक्य नसल्याचे सांगितले.नाव वाढविण्याच्या मुद्याला घेऊन सरपंच व सचिव हे तहसिलदार सालेकसा यांच्याकडे आले असता तहसिलदारानीही नाव वाढविता येणार नसल्याचे सांगतिले.त्यामुळे कार्यालयाबाहेर येताच ग्रामसेवकासोबत वाद घालून सरपंचाने आपल्या साथीदारासह मारहाण केल्याचे निवेदनात म्हटले आहे.तसेच देवरी येथील निवडणुक प्रशिक्षण कार्यक्रमाला सुद्दा जाऊ दिले नसल्याचे म्हटले आहे.संविधानिक पदावर असताना सरपंचानी केलेले कार्य चुकीचे असून ग्रामसेवक संघटना या घटनेचा निषेध नोंदवित असून तात्काळ याप्रकरणात गुन्हा दाखल करण्यात यावे,अशी मागणी निवेदनातून केली आहे.तसेच जोपर्यंत गुन्हा दाखल करुन अटक केली जात नाही,तोपर्यंत ग्रामसेवक संघटनेच्यावतीने जिल्ह्यात कामबंद आंदोलन करतील अशा इशारा दिला आहे.निवेदन सादर करतेवेळी ग्रामसेवक संघटनेचे जिल्हाध्यक्ष कमलेश बिसेन,रामेश्वर जमईवार,कुलदिप कापगते,सालेकसा तालुक्यातील सर्व ग्रामसेवक यावेळी उपस्थित होते.

कोरची : भरधाव वेगाने कोरचीकडे येणाऱ्या कारने मोटरसायकलला समोरासमोर जोरदार धडक दिली. यात दुचाकीस्वार गंभीर जखमी झाला, तर कार उलटल्याने तेथील पाचजण किरकोळ जखमी झाले. ही घटना रविवार १० मार्च रोजी सायंकाळी ६ वाजता बोडेना फाट्याजवळ घडली.

कार-दुचाकी अपघातात दुचाकीस्वार प्रताप मडावी (४०) रा. दोडके हे गंभीर जखमी झाले असून यांचा उजवा पाय तुटला. वाहनांची धडक एवढी जोरदार होती, की कार रस्त्याच्या डाव्या बाजूच्या खड्यात उलटून पुन्हा सरळ झाली. कोरचीकडे भरधाव वेगाने एम.एच. ४९, एफ. ०८२९ क्रमांकाची कार येत होती. बोडेना फाट्यावर दुचाकीस्वाराचे नियंत्रण सुटले. तेव्हा कार व दुचाकीची समोरासमोर धडक झाली. दरम्यान, मोटारसायकल क्षतिग्रस्त झाली असून कारचे टायर फुटून बरेच नुकसान झाले.

दुचाकीस्वाराला गंभीर दुखापत झाली असून कारमधील पाच जण किरकोळ जखमी झाले. सायंकाळी घटनास्थळी लोकांनी गर्दी केली. अपघाताची माहिती पोलिसांना देण्यात आली. १०८ रुग्णवाहिकेला संपर्क साधल्यानंतर सदर रुग्णवाहिका एकतास उशिरा येणार असल्याचे सांगण्यात आले. दरम्यान, उशिरापर्यंत जखमींना रुग्णालयात उपचारार्थ भरती करण्यात आले.

चांदागडचा इसम जखमी

कुरखेडा: चांदागडवरून कुरखेडाकडे दुचाकीने येत असताना गोठणगाव नाक्यावरील चौरस्त्यावर दुचाकीची कारला धडक बसल्याने दुचाकीस्वार क्रिष्णा भजने (रा. चांदागड ४०) हा गंभीर झाला. हा अपघात १० मे रोजी सकाळी १० वाजताच्या सुमारास घडला. अपघातानंतर दुचाकीस्वार क्रिष्णा भजने हा रस्त्यावर पडला. यावेळी तो गंभीर जखमी असल्याने लगेच नाक्यावरील युवकांनी १०८ क्रमांकाच्या रुग्णवाहिकेकरिता टोल फ्री क्रमांकावर फोन केला. यावेळी रुग्णवाहिका बाहेर असल्याने थोडा वेळ लागेल असे सांगण्यात आले. अर्धा तास वाट बघूनही रुग्णवाहिका न पोहचल्याने सोहम कावळे, पवन शिडाम, मोहीद शेख व अन्य युवकांनी दुचाकीनेच जखमी इसमाला दोन किलोमीटर अंतर असलेल्या उपजिल्हा रुग्णालयात पोहचविले. जखमीला रुग्णालयात पोहचविण्यात आले.यावेळी १०८ क्रमांकाची रुग्णवाहिका उपजिल्हा रुग्णालयातच उभी होती, असा आरोप युवकांनी केला आहे.

एटापल्ली तालुक्यातील घटना : डॉक्टर गैरहजर, पीडितेची हेळसांड

एटापल्ली : दारासमोरखेळत असलेल्या पाच वर्षाच्या चिमुकलीला स्वतःच्या शासकीय निवासस्थानी बोलावून प्राथमिक आरोग्य केंद्राच्या शिपायाने अत्याचार केला. एटापल्ली तालुक्यातील अतिदुर्गम गावात ९ मार्च रोजी ही घृणास्पद घटना घडली. वैद्यकीय अधिकारी गैरहजर असल्याने पीडितेची उपचाराअभावी हेळसांड झाल्याने संताप व्यक्त होत आहे.

पोलिसांच्या माहितीनुसार, संतोष नागोबा कोंडेकर (५२, रा. भेंडाळा ता. चामोर्शी) असे आरोपीचे नाव आहे. ९ मार्चला दुपारी साडेचारच्या सुमारास पीडित मुलगी स्वतःच्या घरासमोर खेळत होती. शेजारी आरोग्य कर्मचाऱ्यांची शासकीय निवासी वसाहत आहे.

संतोष कोंडेकर हा तिथे एकटाचराहतो. त्याने मुलीला जवळ बोलावले व घरात नेऊन तिच्याशी कुकर्म केले. हा प्रकार एका मुलीने पाहिला व घरी जाऊन सांगितला. त्यानंतर या घटनेला वाचा फुटली. पीडितेला घेऊन कुटुंबीय गावातील प्राथमिक आरोग्य केंद्रात गेले; पण तिथे वैद्यकीय अधिकारीगैरहजर होते. त्यामुळे उपचारासाठी मुलीला घेऊन ते रात्री जिल्हा महिला व बाल रुग्णालयात पोहोचले.

मुलीला १० मार्चला सकाळी अधिक उपचारासाठी नागपूरला हलविण्यात आले आहे. उपचारांत झालेल्या हलगर्जीवरून सामाजिक संघटना आक्रमक झाल्या आहेत. पीडितेच्या आईच्या जबाबावरून गडचिरोली ठाण्यात बलात्कार, बाललैंगिक अत्याचार प्रतिबंधक कायद्यानुसार गुन्हा दाखल करण्यात आला आहे. तपासासाठी प्रकरण एटापल्ली तालुक्यातील संबंधित पोलिसांकडे वर्ग करण्यात येणार आहे.

दरम्यान, वैद्यकीय अधिकारी हजर नसल्याने उपचारात हलगर्जी झाली असेल तर संबंधित दोषींवर कारवाई करण्यात येईल, असे जिल्हा आरोग्याधिकारी डॉ. दावल साळवे यांनी सांगितले

आरोपी फरार, शोध सुरु

या घटनेनंतर आरोपी संतोष कोंडेकर फरार झाला आहे. सुरुवातीला ग्रामपंचायत कर्मचारी म्हणून काम करणारा संतोष दोन वर्षांपासून एटापल्ली तालुक्यातील आरोग्य केंद्रात शिपाई पदावर नियुक्त आहे. त्याचा शोध सुरू असल्याचे पेंढरीचे उपअधीक्षक जगदीश पांडे यांनी  सांगितले.

कुरखेडा : वारंवार बंद होणारा कृषिपंपाचा आणि घरगुती विद्युत पुरवठा सुरळीत करण्यात यावा, या मागणीला घेऊन सोनसरी, बांधगाव व परिसरातील संतप्त शेकडो शेतकऱ्यांनी बुधवारला कुरखेडा विद्युत कार्यालयाला चार तास घेराव घातला. शिवसेना ठाकरे गटाचे जिल्हाप्रमुख सुरेंद्रसिंह चंदेल, तालुकाप्रमुख आशिष काळे यांच्या नेतृत्वात शेतकऱ्यांनी कुरखेडाच्या वीज कार्यालयावर धडक दिली. दरम्यान, यावेळी महावितरणचे उपकार्यकारी अभियंता मुरकुटे यांना कार्यालयाबाहेर बोलावून शेकडो शेतकऱ्यांचा उपस्थित घेराव करण्यात आला. शेतीपंपाचा विद्युत पुरवठा वारंवार बंद का होतो? असा सवाल उपस्थित करण्यात आला. ८ तासांपैकी

शेतीला फक्त २ तासच विद्युत पुरवठा मिळतो. बाकी ६ तास वीजपुरवठा बंद असतो. शेती पिकवायची कशी, असा प्रतिप्रश्न शेतकऱ्यांनी यावेळी केला. घरगुती वीजपुरवठा सायंकाळी बंद होतो. रात्रीही बंद होतो, अशा तीव्र भावना व्यक्त केल्या. त्यानंतर उपस्थित आंदोलकांनी कार्यकारी अभियंता मुरकुटे यांच्याशी चर्चा करण्यात आली. वारंवार शेतीला मिळणारा आणि घरगुती विद्युत पुरवठा बंद राहणार नाही. २४ तासांपैकी चार- चार तास ब्रेक करून विद्युत पुरवठा सुरळीत राहील, असे आश्वासन मुरकुटे यांनी दिले. त्यानंतर आंदोलन मागे घेण्यात आले.

चंद्रपूर : जागतिक महिला दिनाच्या पूर्वसंध्येला शेतीच्या फेरफार प्रकरणात शेतकऱ्याकडून ४ हजारांची लाच घेणाऱ्या नागाळा येथील महिला तलाठीला नागपूर येथील लाचलुचपत प्रतिबंधक विभागाच्या पथकाने गुरुवारी (दि. ७) रंगेहात अटक केली. प्रणाली अनिलकुमार तुंडुरवार असे अटकेतील महिला तलाठीचे नाव आहे.

चंद्रपूर तालुक्यातील सिदूर येथील एक शेतकऱ्याने स्वतःच्या जमिनीचे पत्नी व मुलाच्या नावाने बक्षिसपत्र केले होते. या जमिनीचा फेरफार झाला नव्हता. तक्रारदार शेतकऱ्याने याबाबत नागाळा येथील साजा क्रमांक चारच्या

महिला तलाठी प्रणाली तुंडूरवार यांची भेट घेऊन संबंधित कागदपत्रे सादर केली. मात्र, तलाठीने शेतकऱ्याकडे ५ हजारांची मागणी केली. अखेर ४ हजार रूपये देण्याबाबत तडजोड झाली, मात्र, ही रक्कम देण्याची इच्छा नसल्याने शेतकऱ्याने नागपूर येथील लाचलुचपत प्रतिबंधक विभागाकडे तक्रार केली. दरम्यान, ४ हजारांची लाच घेताना पथकाने रंगेहात ताब्यात घेतले. ही कारवाई पोलिस अधीक्षक राहुल माकणीकर यांच्या नेतृत्वात अप्पर पोलिस अधीक्षक संजय पुरंदरे, पोलिस उपअधीक्षक मंजुषा भोसले, पोलिस निरीक्षक प्रशांत पाटील व जितेंद्र गुरनुले आदींच्या पथकाने केली.

आरमोरी: सध्या उन्हाळ्याचे दिवस सुरू असल्यामुळे उखाडा निर्माण झाला आहे परंतु विजेचा लपंडाव मागील काही दिवसापासून मोहझरी,शिवणी ,सुकाळा, नागरवाही, देलनवाडी, मानापुर, अंगारा , मालेवाडा या परिसरामध्ये मोठ्या प्रमाणात लोड शेडिंग सुरू केल्यामुळे नागरिकांना मोठा त्रास होत आहे. तसेच यावर्षी मोठ्या प्रमाणात धान पिकाची लागवड केली आहे त्या धान्याला पाणी देण्याकरिता विजेची अत्यंत आवश्यकता असते परंतु लोडशेडिंगच्या नावाखाली काही तासाकरिता विज बंद करण्यात येत आहे. त्यामुळे शेतकऱ्यांचे पीक हातात येतात की नाही अशी शंका या विजमुळे निर्माण झालेली आहे. 

 उन्हाळ्याची चाहूल लागल्याने नागरीक घरोघरी पंखे लावून आराम करत असतात परंतु विजेचा लपंडाव सुरू असल्यामुळे नागरिकांना गर्मीचा त्रास सहन करावा लागत आहे. त्याकरिता संपूर्ण आरमोरी तालुक्यातील प्रत्येक ग्रामपंचायतने लोडशेडिंगच्या विरोधामध्ये एक निवेदन सादर करून महावितरणकडे देण्याचे करावे जेणेकरून हा विजेचा लपंडाव बंद होईल याकरिता सर्व ग्रामपंचायतीने पुढाकार घ्यावा अशी विनंती करण्यात येत आहे.

 आपल्या विदर्भातील चंद्रपूर जिल्ह्यात मोठ्या प्रमाणात वीज निर्माण होत असून सुद्धा स्थानिक पातळीवर  विजेची कमतरता दाखवून वेळोवेळी लोड शेडिंग मोठ्या प्रमाणात केली जात आहे. म्हणजे आपल्या विदर्भात वीज तयार होऊन सुद्धा येथील लोकांना अंधारामध्ये जीवन काढावे लागत आहे ही एक मोठी शोकांतिका आहे. त्यामुळे सर्व नागरिकांनी विजेच्या विरोधामध्ये जन आंदोलन उभे करून महावितरणला वीज सुरू ठेवण्याकरिता आग्रहाची भूमिका घ्यावी .

वरील बाबीचा गंभीरपणे महावितरणने विचार करून आरमोरी तालुक्यातील सर्व गावाला वीज 24 घंटे विज पुरवठा करावा अशी मागणी आरमोरी तालुक्यातील सर्व नागरिकांची प्रमुख मागणी आहे. अन्यथा जन आंदोलन करण्यात येईल असा इशारा नागरिकांनी दिला आहे.

कुरखेडा:  कुटुंबात कलह वाढल्याने पत्नी महिनाभरापूर्वी माहेरी निघून गेली. त्यामुळे वाढलेल्या भांडणतंट्यांमुळे पतीच्या मनातही नैराश्य आले. पत्नी माहेरी निघून गेल्याचे व कौटुंबिक कलहाचे दुःख चे दुःख सोसवेना झाल्याने पतीने चिंचेच्या झाडाला गळफास लावून आत्महत्या केली. ही घटना बुधवार ६ मार्च रोजी सकाळी कुरखेडा तालुक्याच्या आंधळी येथे उघडकीस आली. किरपाल रामजी भोंडे (३१) रा. आंधळी,

असे आत्महत्या करणाऱ्या विवाहित इसमाचे नाव आहे. भोंडे यांच्या कुटुंबात सततची भांडणे होत होती. याच कौटुंबिक कलहामुळे महिनाभरापूर्वी किरपालची पत्नी घर सोडून माहेरी गेली. तेव्हापासून किरपाल हा नैराश्यात होता. दरम्यान, बुधवार ६ फेब्रुवारी रोजी सकाळी गावालगतच्या चिंचेच्या झाडाला गळफास लावलेल्या स्थितीत किरपाल यांचा मृतदेह आढळून आला. पुढील तपास कुरखेडा पोलीस करीत आहेत. 

२६ दिवसानंतर आरोपीस केली होती अटक

देसाईगंज - तालुक्यातील कुरूड येथील प्रदीप ऊर्फ पंड्या विजय घोडेस्वार (३०) याच्या हत्येप्रकरणी अटक करण्यात आलेल्या आरोपी विकास जनार्दन बोरकर (५०) रा. कुरुड याला न्यायालयाने ११ मार्च पर्यंत पोलीस कोठडी ठोठावली आहे. विशेष म्हणजे घटनेच्या २६ दिवसानंतर देसाईगंज पोलिसांनी आरोपीस नाट्यमयरित्या अटक केली होती.

यात्रेतील भांडणातून तसेच पूर्ववैमनस्यातून त्याने डोक्यात कवेलू मारून तरुणास संपविल्याचे समोर आले आहे. पोलीस उपनिरीक्षक संजय गोंगले यांच्या फिर्यादीनुसार, ८ फेब्रुवारीला रात्री

कुरुड येथे यात्रोत्सवानिमित्त नाटक आले होते. नाटक पाहण्यासाठी गेलेल्या प्रदीप घोडेस्वार याचा मृतदेह स्वतःच्या थारोळ्यात घरासमोर आढळला रक्ताच्या होता. सुरुवातीला आकस्मिक मृत्यूची नोंद केली होती.

वैद्यकीय अहवालानंतर २८ फेब्रुवारीला उपनिरीक्षक संजय गोंगले यांच्या फिर्यादीवरून अज्ञात आरोपीवर खुनाचा गुन्हा नोंदविण्यात आला. दरम्यान, प्रतीकचा खून झाला तेव्हा अंधार होता, शिवाय सीसीटीव्ही नव्हते, यात्रेमुळे गावात गर्दी होती. त्यामुळे मारेकरी शोधण्याचे आव्हान पोलिसांपुढे होते. अखेर प्रदीपबद्दल पोलिसांनी सखोल

माहिती जाणून घेतली असता त्याचे विकास बोरकरशी नेहमी भांडण होत असे, हा क्ल्यू मिळाला. त्याआधारे पोलिसांनी विकासकडे चौकशी केली असता त्याने सुरुवातीला उडवाउडवीची उत्तरे दिली. मात्र, खाक्या दाखविताच तो वठणीवर आला.

त्याने खुनाची कबुली दिली. दरम्यान, पो. नि. अजय जगताप यांच्या मार्गदर्शनाखाली उपनिरीक्षक ज्ञानेश्वर धनगर यांनी ६ मार्चला विकास बोरकरला अटक केली. त्याला न्यायालयायापुढे उभे केले असता ११ मार्च पर्यंत पोलीस कोठडी ठोठावण्यात आली आहे.

(T.P.)

गडचिरोली मुनिश्वर बोरकर

 गडचिरोली _ विदर्भातील प्रसिद्ध कवी व गझलकार प्रा.डॉ. नोमेश नारायण मेश्राम यांच्या राजहंस प्रकाशन पुणे या महाराष्ट्रातील मातब्बर प्रकाशन संस्थेतर्फे जुलै २०२३ मध्ये प्रकाशित 'रक्तफुलांचे ताटवे' या कवितासंग्रहाला महाराष्ट्रातील विविध साहित्य संस्थांकडून आजपावेतो उत्कृष्ट साहित्यकृती अंतर्गत १२ राज्यस्तरीय उत्कृष्ट काव्यसंग्रह पुरस्कारांनी सन्मानित करण्यात आले आहे. 

       ब्रम्हपुरी येथे वास्तव्यास असलेले प्रा.डॉ. नोमेश नारायण मेश्राम हे आरमोरीच्या महात्मा गांधी महाविद्यालयात इंग्रजी विषयाचे विभागप्रमुख आहेत. त्यांच्या 'रक्तफुलांचे ताटवे' या कवितासंग्रहाला शेगाव येथील स्व.बाबुराव पेटकर काव्य सन्मान,नागपूर येथील साहित्यविहार संस्थेचा राज्यस्तरीय उत्कृष्ट काव्यसंग्रह पुरस्कार,मुक्ताईनगर जळगाव येथील उज्जैनकर फाउंडेशनचा तापी पूर्णा राज्यस्तरीय साहित्य पुरस्कार,आर्वी येथील देवकाई राज्यस्तरीय काव्य पुरस्कार, शिवांजली साहित्यपीठ जुन्नर, अॅग्रोन्यूज साहित्य संस्था फलटण,साहित्य प्रज्ञा मंच पुणे, कृतिशील शिक्षक संघटना ठाणे राज्यस्तरीय उत्कृष्ट कवितासंग्रह, अखिल भारतीय मराठी साहित्य मंडळ मुंबई,सूर्योदय साहित्य पुरस्कार जळगाव, डॉ.शिवाजीराव चव्हाण ग्रंथमित्र राज्यस्तरीय उत्कृष्ट काव्यसंग्रह पुरस्कार हे महाराष्ट्रातील विविध भागातील प्रतिष्ठेचे पुरस्कार प्राप्त झाले आहेत.

त्याबद्दल त्यांचे राजहंस प्रकाशन पुणे,मित्रपरिवार व अनेक साहित्यिकांनी अभिनंदन केले आहे.

गडचिरोली तालुकाध्यक्ष पदी थाॅमस शेडमाके.

गडचिरोली : जिल्ह्यातील राजकारणात आंबेडकरी पक्षांचे महत्त्व ठळकपणे असते. मात्र प्रस्थापित पक्ष आंबेडकरी पक्षांना दुय्यम वागणूक देतात. अशा परिस्थितीत राजकीय स्तरावर बहुजन - आंबेडकरी चळवळीचे राजकारण ताकदीने उभे व्हावे व निवडणूकांमध्ये यश मिळवण्यासाठी पक्षाच्या पदाधिकाऱ्यांनी कामाला लागण्याचे आवाहन जिल्हा प्रभारी राज बन्सोड व जिल्हाध्यक्ष मिलिंद बांबोळे यांनी केले.

स्थानिक सर्किट हाऊस येथे बहुजन रिपब्लिकन सोशालिस्ट पक्षाची बैठक संपन्न झाली. बैठकीच्या अध्यक्षस्थानी जिल्हाध्यक्ष मिलिंद बांबोळे, मुख्य मार्गदर्शक जिल्हा प्रभारी राज बन्सोड, तर विशेष अतिथी म्हणून प्रदेश महासचिव भास्कर बांबोळे प्रामुख्याने उपस्थित होते.

यावेळी बिआरएसपीमध्ये नव्याने प्रवेश केलेल्या कार्यकर्त्यांच्या नियुक्त्याही करण्यात आल्या. महिला आघाडीच्या गडचिरोली तालुकाध्यक्ष पदी सविता बांबोळे, तालुका उपाध्यक्ष पदी पौर्णिमा मेश्राम, गडचिरोली महिला शहराध्यक्ष पदी विद्या कांबळे, शहर सचिव म्हणून प्रतिमा करमे, उपाध्यक्ष म्हणून रेखा कुंभारे, कोषाध्यक्ष पदी सोनाशी लभाने, संघटक पदी आवळती वाळके तसेच गडचिरोली बिआरएसपी तालुकाध्यक्ष पदी 'थामस शेडमाके' व तालुका सचिव पदी 'चंद्रकांत रायपुरे', शहराध्यक्ष पदी प्रतीक डांगे, सचिव पदी नागसेन खोब्रागडे, उपाध्यक्ष पदी मिलिंद खोब्रागडे यांची नियुक्ती करण्यात आली.

बैठकीत पक्षाची पुढील रणनीतीवर चर्चा करण्यात आली. त्यानुसार १५ मार्च रोजी कांशीरामजी जयंती निमित्त नागपूर येथे होणाऱ्या चुनावी महारॅली करीता जिल्ह्यातून ३ हजार कार्यकर्ते सहभागी होण्याचे नियोजन करण्यात आले. व २२ मार्च रोजी 'बिआरएसपी महिला मेळावा' गडचिरोलीत आयोजित करण्याबाबतही या बैठकीत नियोजन करण्यात आले. वडसा, आरमोरी, मुरमाडी, पोटेगाव, पारडी सह जिल्ह्यातील ग्रामीण भागात पक्षाच्या सभा विविध ठिकाणी आयोजित होणार असल्याची माहिती राज बन्सोड यांनी या बैठकीत दिली.

या बैठकीला पक्षाचे जिल्हा महासचिव पुरुषोत्तम रामटेके, उपाध्यक्ष अरविंद वाळके, सचिव जितेंद्र बांबोळे, युवा आघाडी उपाध्यक्ष प्रफुल रायपुरे, घनश्याम खोब्रागडे, करुणा खोब्रागडे, निर्मला बोरकर, शोभा खोब्रागडे, वंदना खेवले, गोकुळ ढवळे, सुनील बांबोळे आदी कार्यकर्ते उपस्थित होते.

दि. ०५ मार्च २०२४

_________________

राज बन्सोड 

जिल्हाप्रभारी BRSP

गडचिरोली

8806757873

चंद्रपूर, ब्युरो. वरोरा येथून जवळच असलेल्या माढेळी येथील अशोक चौधरी (वय 62 रा. गिरसावली) यांच्यावर एका हॉटेलमध्ये सोमवारी सायंकाळी 7 वाजता जीवघेणा हल्ला करून गंभीर जखमी करण्यात आले.

माढेळी येथील काँग्रेसचे नेते व कृषी उत्पन्न बाजार समितीचे माजी सभापती विशाल बदखल व सोबतच्या तीन सहकाऱ्यांनी अशोक चौधरी यांच्यावर जीवघेणा हल्ला केला असून त्यांना वरोरा उपजिल्हा रुग्णालयात दाखल करण्यात आले आहे. मात्र त्याची प्रकृती गंभीर अवस्थेत असल्याने चंद्रपूर येथे हलविण्यात आले आहे.

चार दिवसापूर्वी वेणा नदीच्या घाटातून अवैध रेतीचे उत्खनन करीत असल्याने उपविभागीय पोलिस अधिकारी साटम यांनी विशाल बदखल व इतर तिघांवर कारवाई केली असून 2 हायवा, 1 जेसीबी

व ट्रॅक्टर रेतीसह जप्त केली होती. संबंधित पोलिसांना माहिती देणारा अशोक चौधरी हाच व्यक्ती असल्याचा संशय बदखल यांना आल्याने चौधरी हे हॉटेलमध्ये बसले असते बदखल यांनी रॉडने जबर मारहाण केली. एस.डी.पी.ओ साटम यांच्या नेतृत्वात आरोपीचा शोध घेतला असता पीएसआय अमोल काचोरे यांनी विशाल बदखल (वय 45 वर्ष), राहणार माढेळी, लंकेश बदखल, राहणार येवती, संजय चिंचोलकर, यवती, मंगेश सोनटक्के यांना रात्रीच अटक केली. आरोपींवर गुन्हा दाखल करण्यात आला असून पोलिस पुढील तपास सुरू आहे.

गोंडपिपरी : ईव्हीएम हटाव, देश बचाव म्हणत सोमवार, दि. ४ फेब्रुवारी रोजी गोंडपिपरीमध्ये हजारो नागरिक रस्त्यावर उतरले. निवडणुकीमध्ये ईव्हीएमचा वापर करू नये, बॅलेट पेपरवर निवडणूक घ्या, अशी मागणी यावेळी करण्यात आली.

गोंडपिपरी तालुक्यातील ओबीसी कृती समिती, भारतीय राष्ट्रीय काँग्रेस, शिवसेना उद्धव बाळासाहेब ठाकरे, वंचित बहुजन आघाडी, गोंडवाना

गणतंत्र पार्टी, सीआयटीयू, एआयटीयू, भारतीय बौद्ध महासभा, निवृत्त कर्मचारी संघटना, शिक्षण रोजगार बचाव समिती, शासकीय कंत्राटी कर्मचारी संघ यांच्यासह विविध राजकीय पक्ष सामाजिक संघटनांनी या मोर्चासाठी पुढाकार घेतला. ईव्हीएम हटाव, जिल्हा परिषद शाळा बंद करण्याचा शासन निर्णय रद्द करावा, स्वामिनाथन आयोग लागू करावा, क्रीमिलेअरची अट रद्द करण्यात यावी आदी मागण्या करण्यात आल्या.

नागभीड : शहरातील एका वृद्धाने बोथली रस्त्यावरील विहिरीत उडी घेऊन आत्महत्या केली. ही घटना मंगळवारी (दि. ५) सकाळी ८ वाजता उघडकीस आली. महादेव धोंडूजी वाकडे (८२) असे मृताचे नाव आहे. मंगळवारी सकाळी फिरायला गेलेल्या नागरिकांना बोथली मार्गावरील नाग मंदिराजवळील विहिरीत इसमाचा प्रेत दिसून आला. चौकशी केली असता नागभीड येथील महादेव वाकडे यांचा असल्याचे निदर्शनास आले. या घटनेची माहिती पोलिसांना देण्यात आली. आत्महत्येचे कारण कळू शकले नाही.

येणापूर,आंबोली येथील कायदा दणक्याचा या न्युज पोर्टलचे सं पादक संतोष मेश्राम. यांच्या घरावर तीन गावागुंडानी प्राणघातक हला करून,त्यांच्या बहिणीला,व आईला मारझोड करून त्यांच्या घराची मोडतोड सुधा केलेली आहे.

तसेच त्यांच्या सम्पूर्ण कुटूंबीयांना जीवे मारण्याची धमकी देणाऱ्या तीन गावागुंडाणा आष्टी पोलिसांनी लगेच ताब्यात घेतलेलेअसून. त्यांच्या आईच्या तक्रारीवरून गुन्हेगारांनावर भा. द. वी. 294.323.506.34 अन्वये गुन्हा नोंदवून कायदेशीर कारवाही सुधा केलेली आहे.

 हे तिनही गावगुंड चामोर्शी तालुक्यातील बल्लूचक येथील असल्याचे सांगितले जात आहे

सदर घटनेचा पुढील तपास आष्टी पोलिस स्टेशनचे ठाणेदार काळे करीत आहेत.

एकीची प्रकृती चिंताजनक, हल्लेखोरास अटक

मंगळुरू (ए). कर्नाटकातील मंगळुरू येथे तीन विद्यार्थिनींवर अॅसिड फेकण्यात आले. या विद्यार्थिनी त्यांच्या दुसऱ्या पीयूसी (प्री-युनिव्हर्सिटी एज्युकेशन) परीक्षेसाठी शाळेच्या हॉलमध्ये प्रवेश करत असताना ही घटना घडली. सर्व माध्यमिक पीयूसीच्या विद्यार्थिनी असलेल्या विद्यार्थिनी शाळेच्या बाल्कनीत बसून परीक्षेची तयारी करत असताना मास्क आणि टोपी घातलेल्या आरोपीने परीक्षा हॉलच्या दिशेने जात असताना त्यांच्यावर अॅसिड फेकले. आरोपीचे नाव अबीन असे असून तो केरळमधील 23 वर्षीय एमबीएचा विद्यार्थी

आहे. त्याला कडबा पोलिसांनी अटक केली आहे. त्याने पीडितांपैकी एका विद्यार्थिनीवर ते एकतर्फी प्रेम असल्याची कबुली दिली. तथापि, विद्यार्थिनीच्या नकारानंतर त्याने अॅसिड हल्ला केल्याची कबुली दिली. तिन्ही विद्यार्थिनींवर सध्या सरकारी रुग्णालयात उपचार सुरू आहेत आणि त्यांना पुढील उपचारासाठी मंगळुरूला हलवण्याची तयारी आहे.

चामोर्शी : मालवाहू वाहनाच्या धडकेत कामावरून घरी परतणाऱ्या मिस्त्रीचा मृत्यू झाला. ही घटना ४ मार्चला सायंकाळी सोनापूरजवळ घडली.

सुरेश महादेव दुधबावरे (५५, रा. सोनापूर) असे मयताचे नावच आहे. बांधकामावरील काम आटोपून ४ मार्चला दुचाकीवरून (एमएच ३३ झेड- ६८७७) ते चामोर्शीहून सोनापूरला स्वगावी जात होते. गावाजवळ

वळणावर आष्टीकडे जाणाऱ्या ट्रेलरने (सीजी ०७ बीजी- ५५९७) दुचाकीला पाठीमागून जोराची धडक दिली. यात सुरेश दुधबावरे हे जागीच ठार झाले.

पोलिस निरीक्षक विश्वास पुल्लरवार यांनी घटनास्थळी भेट दिली. पंचनामा करून मृतदेह उत्तरीय तपासणीसाठी पाठवला. त्यांच्या पश्चात पत्नी, एक मुलगा, एक मुलगी असा परिवार आहे.

गडचिरोली : प्रियकराला दिलेले वचन निभावण्यासाठी तिने आई-वडिलांचा विरोध असतानाही प्रेमविवाह केला, मनाचा जोडीदार मिळाल्याने आयुष्यभर सुखाने संसार करण्याचे स्वप्न बघितले होते. मात्र हे स्वप्न अधुरेच राहले. प्रेमविवाहानंतर अवघ्या १५ दिवसांच्या कालावधीत अपघातात पतीचा मृत्यू झाला. काळीज हेलावून टाकणारी ही घटना तालुक्यातील पोर्ला येथे शनिवारी सायंकाळी घडली.

समीर बोंडकूजी भानारकर (२५) असे अपघातात मृत्यू झालेल्या युवकाचे नाव आहे. त्याच्यासोबतच बंटी श्यामराव म्हस्के (२३) रा. पोर्ला हा युवकसुद्धा ठार झाला. समीर हा कुरखेडा येथे सेतूकेंद्र चालवत होता. दरम्यान तेथीलच एका युवतीशी त्याचेप्रेमसंबंध जुळून आले. दोघांनीही लग्न करण्याचे ठरवले. दोघांनीही लग्नाचा प्रस्ताव आई-वडिलांकडे ठेवला. लग्नाला समीरकडील मंडळी तयार झाली, मात्र आंतरजातीय विवाह असल्याने मुलीकडच्या नातेवाइकांनी लग्नाला विरोध दर्शवला. त्यामुळे मुलीने समीर सोबत पोर्ला येथे पळून येऊन १७ मार्च रोजी एका विहारात विवाह केला. काही दिवसांनी विवाहाचा मोठा समारंभ करण्याचा मानससमीरच्या कुटुंबीयांनी व्यक्त केला होता. मात्र हा सर्व आनंद कदाचित नियतीला मान्य नसावा.

समीर हा त्याचा मित्र बंटीसोबत पोर्लाजवळील मोहझरी येथे शनिवारी काही कामानिमित्त दुचाकीने गेला होता. काम आटोपून परत येत असताना दुचाकीला अज्ञात वाहनाने जोरदार धडक दिली. यात दुचाकीस्वार समीर व बंटी हे दोघेही जागीच ठार झाले. या घटनेने सर्वांनाच धक्का बसला.

पोर्लात शोककळा

गावातील दोन युवक एकाच दिवशी एकाच अपघातात ठार झाल्याचे लक्षात येताच पोर्ला गावात शोककळा पसरली. रविवारी शवविच्छेदन झाल्यानंतर त्यांच्यावर अंत्यसंस्कार करण्यात आले.

 गडचिरोली : लोकसभा निवडणुकीच्या पार्श्वभूमीवर येथील जिल्हाधिकारी संजय मीणा यांची बदली करावी, अशी मागणी काँग्रेस कामगार संघटनेचे जिल्हाध्यक्ष छगन शेडमाके यांनी ३ मार्चला केंद्रीय निवडणूक आयोगाकडे केली.

दुर्गम भागातील वेंगपूर, सुरगाव, अळंगेपल्ली तसेच पडकाटोला या चार गावांना मूलभूत सुविधा पुरविण्याकडे दुर्लक्ष केल्याचा ठपका ठेवत मुंबई उच्च न्यायालयाच्या नागपूर खंडपीठाने जिल्हाधिकाऱ्यांना कडक शब्दात फटकारले आहे. पेसा कायद्याची अंमलबजावणीकडे दुर्लक्ष, कथित धान घोटाळ्यात दोषींना पाठिशी घातल्याचे प्रकरण, उद्योगांच्या नावाखाली जमीन संपादन करताना दडपशाही यामुळे जिल्हाधिकारी मीणा हे वादात सापडले असल्याचा दावा करत शेडमाके यांनी त्यांच्या बदलीची मागणी केली आहे. विशिष्ट लोकप्रतिनिधींच्या मर्जीतील म्हणून ते ओळखले जातात, त्यामुळे लोकसभा निवडणुका पारदर्शक पध्दतीने पार पाडण्यासाठी त्यांची बदली गरजेची असल्याचे शेडमाके यांनी तक्रारीत म्हटले आहे.

प्रकरणे प्रलंबित

अतिक्रमणासह इतर प्रकरणे प्रलंबित असून जिल्हा प्रशासन वेळकाढू भूमिका घेत आहे. याचा देखील तक्रारीत उल्लेख आहे.

CM-DCM कडे हर्षवर्धन यांची कैफियत

पुणे, . जसजशा लोकसभा निवडणुका जवळ येऊ लागल्या आहेत तसतसे राजकीय वातावरणही तापले आहे. एकीकडे महायुतीत जागावाटपावरून पेच निर्माण झाला असतानाच भाजपा नेत्यांना उपमुख्यमंत्री अजित पवार यांच्या राष्ट्रवादीच्या लोकांकडून धमक्या येत असल्याचा आरोप केला जात आहे. भाजपा नेते हर्षवर्धन पाटील यांनी हा आरोप केला असून त्यांना इंदापूर तालुक्यात फिरू न देण्याची धमकी देण्यात आली असल्याचा दावा त्यांनी केला. यावरून पाटील यांनी यासंदर्भातमुख्यमंत्री एकनाथ शिंदे व गृहमंत्री व उपमुख्यमंत्री देवेंद्र फडणवीस यांच्याकडे कैफियत मांडली आहे. दरम्यान, पाटील यांची कन्या अंकितापाटील यांनी या प्रकारावर संताप व्यक्त केला असून त्यांनी राष्ट्रवादी काँग्रेसच्या अजित पवार गटाला गंभीर इशारा दिला आहे.

जीवाला धोका

इंदापूरमधील मित्रपक्षांचे काही पदाधिकारी राजकीय जाहीर मेळावे व सभांमधून माझ्यावरती अतिशय खालच्या पातळीवर, एकेरी व शिवराळ भाषेत बेताल वक्तव्य करीत आहेत. मला माझ्या सुरक्षिततेची चिता वाटत आहे. अशा गुंड प्रवृत्तींच्या लोकांना वेळीच आळा घालणे आवश्यक आहे.

 हर्षवर्धन पाटील, नेते, भाजपा

वडिलांना धमक्या द्याल तर खबरदार...

माझ्या वडिलांबाबत असं एकेरी शब्द तुम्ही वापरत असाल, जे तालुकाध्यक्ष आहेत, लोकप्रतिनिधींच्या अवतीभोवती असतात, ते माझ्या वडिलांबाबत असे शब्द उच्चारत असतील तर मी पण त्यांना खूप चांगल्या पद्धतीने ठाकरे शैलीत उत्तर देऊ शकते. ही आपली संस्कृती नाही. मला त्यांना एकच सांगायचं आहे, पातळी सांभाळून बोला.

- अंकिता पाटील

मुंबई, . सासू- सासरे आणि मुलगा यांचा भागीदारीमध्ये प्रिंटिंग व्यवसाय होता. आधी मुलगा वारला तर 2023 मध्ये वडील वारले. सासूबाईला मात्र सुनेकडून छळ सोसावा लागला. सुनेने मालमत्तेवर हक्क सांगितला. परंतु, उच्च न्यायालयाने हा हक्क नाकारला आणि सुनेनेच आता सासूला सांभाळले पाहिजे. तसेच दरमहा देखभाल खर्च दहा हजार रुपये दिलाच पाहिजे, असा निर्णय उच्च न्यायालयाचे न्यायमूर्ती संदीप वी मारणे यांच्या न्यायालयाने दिलेला आहे. तसेच ज्येष्ठ नागरिक प्राधिकरणाने सासू- सासऱ्यांनी मुलाच्या नावे केलेले गिफ्ट पुन्हा सासू-सासऱ्यांच्या नावे करण्याचा निर्णय घेतला. वसंत होळकर हे वडील आणि वैशाली वसंत होळकर असे सासू सासऱ्याचे नाव आहे. आई-वडिलांनी मुलगा समीर होळकर यांच्या नावे गिफ्ट डीड केले होते. त्या गिफ्ट डीडवर प्राधिकरणाने मुलगा आणि सुनेचा अधिकार असल्याचा निर्णय दिला होता. मात्र, या प्रकरणात उच्च न्यायालयाने हा

निर्णय रद्द केला आणि सुनेनेच सासूला सांभाळले पाहिजे. तसेच गिफ्ट डीड हे पुन्हा सासू- सासरे यांच्या नावे केले. तसेच दर महिनाकाठी सून प्रिया समीर होळकर हिने सासू वैशाली होळकर यांना दहा हजार रुपये देखभाल खर्च दिला पाहिजे, असा न्यायमूर्ती संदीप वी मारणे यांनी हा निकाल दिला. 4 मार्च रोजी न्यायालयाने हा निकाल जाहीर केलेला आहे. मालमत्तेवर सून हक्क सांगू शकत नाही: जेव्हा वडील हयात होते तेव्हा मुलाने आणि सुनेने आई-वडिलांच्या नावे असलेल्या भागीदारीच्या फॉर्ममधून जे उत्पन्न मिळाले त्यातून अनेक मालमत्ता खरेदी केल्या. त्या आधारावर त्याने कोट्यवधी रुपयांचे कर्ज घेतले; परंतु 2015 मध्ये मुलगा समीर होळकर याचा मृत्यू झाला. त्यानंतर कर्जाच्या थकबाकीकरिता बँकेकडून तगादा लावण्यात आला.

चिमूर : चिमूर - वरोरा राष्ट्रीय महामार्गावरील शेडेगाव जवळ ट्रक व अवैध वाळू वाहतूक करणाऱ्या ट्रॅक्टरचा अपघात झाला. या अपघातात ट्रॅक्टरवर बसून असलेला मजूर जागीच गतप्राण झाला आहे. हा अपघात शनिवार २ मार्चच्या मध्यरात्री १.३० वाजेच्या सुमारास घडली आहे

ट्रक क्रमांक सीजी ०८४ आर ९५३५ हा वरोराकडून चिमूरकडे येत असताना त्याच वेळी रेती भरून असलेला ट्रॅक्टर नंबर एम.एच.३४ एपी २९२६ चिमूरवरून खडसंगीकडे जात असताना ट्रक व ट्रॅक्टरची जोरदार धडक झाली त्यावेळी रेती वाहतूक करणाऱ्या ट्रॅक्टरमध्ये बसलेल्या मजूराचा जागीच मृत्यू झाला. मृतकाचे नाव सचिन रामदास सोनवाने

(२५) रा. बंदर असून २ वर्षांपासून चिमूर ट्रॅक्टरवर कामावर येथील होता. हा व्यक्ती घरात एकटाच कमविणारा असून त्याच्या मागे आई, वडील व दोन बहिणी असा परिवार आहे.

मध्यरात्री घटनेची माहिती मिळताच पोलिस सहायक चवरे, मानकर, अवधूत, पोलिस कर्मचारी यांनी धाव घेत पंचनामा करून दोन्ही चालकावर गुन्हा दाखल करण्यात आला असून अटक करून अधिक तपास चिमूर पोलीस करीत आहेत. तालुक्यात सध्या अवैधवाहतुकीचा कहर झाला असून महसूल प्रशासनाने आर्थिक गणित डोळ्यासमोर ठेवत सोयीस्करपणे दुर्लक्ष केले आहे. चिमूर तालुक्यातील उमा नदीवरुन रात्री चोरी च्या मार्गाने रेती तालुक्यातील गावागावांत व ठेकेदारांच्या साईटवर टाकली जाते. अवैध वाळू वाहतूक करत असताना मोठ मोठे अपघात होत आहेत.

राष्ट्रीय महामार्गावरील काम अपघाताचे आमंत्रण

चिमूर - वरोरा राष्ट्रीय महामार्गाचे गेल्या सहा ते सात वर्षांपासून काम सुरू आहे तालुक्यातुन अनेक शासकीय कामात जिल्हाच्या ठिकाणी ये-जा करताना प्रवाशाना तारेवरची कसरत करावी लागते. त्यामुळे मोठ मोठे अपघात होत आहेत या वर्षात अपघातांची मालिका सुरूच आहे.

*मुंबई दि (प्रतिनिधी) निवडणुका येऊ घातल्या आहेत. अश्यावेळी आरक्षणावर जे पोट भरत आहेत अश्या गद्दार दलित व बौद्धांना प्रचार करण्यास आपल्या वस्तीत आल्यास त्यांच्या ढुंगणाचे वाभाडे काढा. असे आवाहन विद्रोही पत्रकार डॉ. राजन माकणीकर यांनी प्रसिद्धी माध्यमाद्वारे केले आहे.*

शिव फुले शाहू आंबेडकर अण्णाभाऊ साठे यांच्या महाराष्ट्रात मनुवादी शक्ती तोंड वर काढत आहे. वेगवेगळ्या उक्तीने प्रलोभने देऊन सत्तेत बसत आहे. भारतीय संविधानाची लक्तरे तोडली जातं आहेत. लोकशाही संपवत आहेत, अश्यावेळी कोणीच माईचा लाल विरोध करत नाही. कारण या लोकांनी विरोधक पण संपवला आहे

मनुवादी पिलावळ सत्तेच गाजर दाखवून गुलाम बनवून दलित व बौद्धाना विविध कार्यक्रमाचे अमिश देऊन. बौद्ध परिषदा व जयंत्या साजऱ्या करून बनावट बौद्ध धम्मगुरूंना हाताशी धरून मतांचे राजकारण करत आहेत. यामध्ये दलित / बौद्ध समाजाचे दारूडे कार्यकर्ते तर काहीना पैशे देऊन विकत घेतले आहे. अश्या गद्दारांना वेळीच धडा शिकवणे गरजेचे आहे.

भाजपाच्या वाटेवर किंवा त्यांच्यात सामील झालेल्या किंवा हजेरीवर पैसे घेऊन प्रचार करणाऱ्या मित्र आपटेष्ठा चे मत परिवर्तन करून आंबेडकरी चळवळीशी गद्दारी करु देऊ नका आणि जर आंबेडकरी चळवळीतून राजगृहाला बेईमान होऊन मनुवादी विचार पेरण्यास त्यांना सत्तेत आणण्यास मदत करत असेल तर अश्या दांभीक वृत्ती आणि प्रवृत्तीना जागीच ठेचून काढण्याचे आवाहन विद्रोही पत्रकार पॅन्थर डॉ. राजन माकनिकर यांनी केले आहे.

 मुंबई, . शिखर बँक घोटाळा प्रकरणात राष्ट्रवादीचे नेते आणि उपमुख्यमंत्री अजित पवारांच्या अडचणी कायम आहेत. मुंबई पोलिसांच्या आर्थिक गुन्हे (ईओडब्ल्यू) शाखेने या प्रकरणात क्लोजर रिपोर्ट दाखल केला आहे. पण या रिपोर्टला सक्तवसुली संचलनालयाचा (ईडी) विरोध असल्याचे समजते. या प्रकरणी हस्तक्षेप याचिका दाख करण्याची मागणी ईडीकडून करण्यात आली आहे. त्यामुळे भाजपासोबत गेलेल्या अजित पवारांच्या अडचणी कायम आहेत. गेल्या

वर्षी अजित पवार यांच्यासह राष्ट्रवादीचे 40 आमदार भाजपसोबत गेले आणि सत्तेत सहभागी झाले. शिखर बँक घोटाळा प्रकरणात ईडीच्या भूमिकेनं अजित पवारांच्या समस्या वाढवल्या आहेत.

याचिका दाखल करण्याची परवानगी

ईडीला या प्रकरणात याचिका दाखल करायची आहे. त्यासाठी त्यांनी न्यायालयाकडे परवानगी मिळाली आहे. या प्रकरणी पुढील सुनावणी 15 मार्चला होईल. त्यावेळी ईडीला याप्रकरणी परवानगी मिळाली तर ईडीकडून याप्रकरणी युक्तिवाद केला जाऊ शकतो. 25 हजार कोटी घोटाळ्याचा आरोप आहे.

चंद्रपूर : पोलिसांच्या सहाय्याने मनपाने अतिक्रमण हटवले. या कारवाईने दुखावलेल्या एका मटन विक्रेत्याने रात्री वासेकर पेट्रोल पंपासमोर पोलिसांना शिवागाळ करू लागला. दरम्यान, एका पोलिस कर्मचाऱ्याने त्याला टोकले असता, त्याने पोलिस शिपायास धक्काबुक्की करून मारहाण केली. ही खळबळजनक घटना २७ फेब्रुवारीला रात्री १२ वाजता घडली. याप्रकरणी पोलिस शिपाई विशाल बगडे यांच्या तक्रारीवरून रामनगर पोलिसात शैलेश पारधी याच्यावर कलम ३५३, २९४, ३२३ अन्वये गुन्हा दाखल केला. तो फरार असून रामनगर

पोलिस त्याचा शोध घेत आहेत. पोलिस व मनपातर्फे २७ फेब्रुवारीला रस्त्यावरील अतिक्रमण हटविण्यात आले. यावेळी हजारे मेडिकल समोरील दवा बाजार परिसरातील मटन विक्रेत्यांचीसुद्धा दुकाने हटविण्यात आली होती. यावेळी शैलेश पारधी याचेही दुकान हटविले. याचाच राग मनात घेऊन वासेकर पेट्रोल पंपासमोरील हजारे मेडिकल चौकात तो पोलिसांना शिवीगाड करत होता. दरम्यान, पोलिस शिपाई विशाल बगडे तेथे गेला. त्याने त्याला कशाला शिवीगाळ करतो म्हणून टोकले. यावेळी त्याने बगडे याला धक्काबुक्की करून मारहाण केली.

• मुंबई, . पंतप्रधान नरेंद्र मोदींना तिसऱ्यांदा देशाचे पंतप्रधान बनवण्याच्या उद्देशाने भाजपाची जोरदार तयारी सुरू आहे. शनिवारी भाजपाने लोकसभा निवडणुकीसाठी आपल्या 195 उमेदवारांची पहिली यादी जाहीर केली आहे. यावर प्रतिक्रिया देताना माजी मुख्यमंत्री तथा शिवसेनेचे पक्षप्रमुख उद्धव ठाकरे यांनी भाजपावर जोरदार हल्लाबोल केला. आगामी लोकसभा निवडणुकीत भाजपाला जनतेचा पाठिंबा मिळत नाही. त्यामुळे सत्ताधारी पुन्हा सत्तेवर येणार नाही. मात्र जनादेशाच्या विरोधात ईव्हीएममध्ये छेडछाड करून भाजपा जिंकू शकतो. तसे झाल्यास देशात प्रचंड असंतोष निर्माण होईल, असेही ते म्हणाले.

शिवसेना (ठाकरे गट) उपनेत्या सुषमा अंधारे यांनी सुरू केलेल्या मातृतीर्थ ते शिवतीर्थ खुला संवाद अभियानाच्या समारोपप्रसंगी आयोजित पत्रकार परिषदेत उद्धव ठाकरे बोलत होते. ते पुढे म्हणाले, उद्योजक, शेतकरीआणि कामगारांमध्ये असंतोष आहे. लोकांमध्ये सरकारबद्दल अविश्वास आहे. 'फोडाफाडी करा आणि राज्य करा' हे फार काळ टिकणार नाही. ते कितीही मोठे हुकूमशहा असले तरी ती जनतेसमोर चालणार नाही. जनताच त्यांना धडा शिकवेल, असेही ते म्हणाले.

'जुमला'चे नाव आता 'गॅरंटी'

भाजपाला भारतीय जुमला पक्षसंबोधत उद्धव ठाकरे पुढे म्हणाले, भाजपाने ज्याप्रमाणे रेल्वे स्टेशन, बस स्थानक आणि शहरांची नावे बदलली, त्याचप्रमाणे आता 'जुमला'चे नाव बदलून 'गॅरंटी' ठेवले आहे, असा टोलाही त्यांनी हाणला

ज्यांच्यावर आरोप केले, त्यांना उमेदवारी

भाजपाच्या पहिल्या यादीत ज्येष्ठ नेते नितीन गडकरी यांचे नाव नसल्याबद्दल आश्चर्य व्यक्त करत उद्धव ठाकरे म्हणाले, मोदी आणि अमित शहा यांना कोणी ओळखत नव्हते तेव्हापासून नितीन गडकरी यांचे नाव आपण ऐकत आहोत. बाळासाहेबांचा महत्त्वाकांक्षी मुंबई-पुणे महामार्ग त्यांनी विक्रमी वेळेत पूर्ण केला. घराणेशाहीच्या राजकारणाला विरोध करणाऱ्या भाजपाच्या यादीतील 34 नेत्यांच्या वंशजांना तिकीट देण्यात आले. तसेच ज्यांच्यावर आरोप केले, असे नेते भाजपाच्या कुशीत बसताच त्यांनाही उमेदवारी देण्यात आली. हिच मोदींची हमी आहे का?, असा सवालही त्यांनी उपस्थित केला.

रायपूर. छत्तीसगडमधील कांकेर जिल्ह्यात नक्षलवादी आणि सुरक्षा दलांमध्ये रविवारी झालेल्या चकमकीत बस्तर फायटरचा आरक्षक शहीद झाला तर याच चकमकीत एक नक्षली ठार झाला. रमेश कुरेठी असे शहीद जवानाचे नाव आहे. कांकेर जिल्ह्यातील (छत्तीसगड) छोटेबेठिया पोलिस स्टेशन अंतर्गत हिदूर गावाजवळील संयुक्त पथक नक्षलविरोधी मोहिमेवर असताना ही चकमक झाली. हिदूर जंगलात नक्षलवाद्यांच्या उपस्थितीच्या विशिष्ट माहितीच्या आधारे ही कारवाई करण्यात सुरू आली होती. 

दरम्यान, वृत्त लिहीपर्यंत जंगलात चकमक सुरूच होती. चकमकीच्या घटनास्थळावरून एका नक्षलवाद्याचा मृतदेह आणि एके-47 रायफल जप्त करण्यात आली आहे. परिसरात शोधमोहीम सुरू असल्याचेही पोलिसांनी सांगितले. छत्तीसगडच्या बस्तर भागातील सुकमा आणि विजापूर जिल्ह्यांच्या सीमेवर नक्षलवाद्यांशी झालेल्या चकमकीत केंद्रीय राखीव पोलीस दलाचे तीन जवान, विशेष कमांडो बटालियन रिझोल्युट फॉर ऍक्शनमधील दोन जवान शहीद झाले होते. यानंतर अवघ्या एक महिन्यानंतर ही घटना घडली आहे.

गडचिरोली : पूर्वीच्या काळी १९ ते २२ व्या वर्षी मुला-मुलींची सर्रास लग्न व्हायची. परंतु आता मात्र लग्नाचे वय ३० ते ३८ च्या घरात जाऊन पोहचले आहे. लग्नासाठी मुली मिळत नसल्याने तरुणांचे मानसिक खच्चीकरण होत आहे. मुलीच्या कुटुंबियांना आपल्या मुलींसाठी सरकारी नोकरी किंवा शहरात चांगल्या कंपनीत नोकरीवर असलेलाच जावई पाहिजे असल्याची मानसिकता प्रचंड वाढली आहे. त्यामुळे दिवसेंदिवस लग्नाची समस्या जटील होत चालली असून, गावा-गावांत विवाह इच्छुक मुलांची संख्या वाढत आहे.

मागील काही दशकात ग्रामीण समाजव्यवस्था झपाट्याने बदलली. आधुनिकीकरण, तंत्रज्ञान आणि पाश्चिमात्य संस्कृती, सुख-सोई ह्या गोष्टींची महिती वाढली आहे. परिणामी लोकांच्या मानसिकतेतही बदल दिसू लागले. मुलगी जरी कमी शिकलेली असली तरीही मुलीच्या कुटुंबियांना आपल्या मुलींच्या उज्ज्वल भविष्यासाठी सरकारी नोकरी किंवा शहरात गलेलठ्ठ नोकरी असलेला जावई हवा असल्याची मानसिकता वाढली आहे. काही काही कुटुंबातील तरुण दहा ते पंधरा हजार रुपयांसाठी कंपनीमध्ये जातात परंतु त्याच घरच्या मुलींना जावई मात्र पाहिजे साठ हजाराचा असे विचारसरणी सगळीकडे झाली आहे .जणू काही व्यापारी, सर्वसामान्य मुलगा संसार करू शकत नाही असा भ्रम तरुणींच्या आई-वडिलांना झाल्याचे सध्याचे चित्र दिसत आहे.

मुलीचे लग्नाचे वय निघून गेल्यानंतर त्यांच्याकडे समाजामध्ये वेगळ्या दृष्टिकोन बघायला मिळते आणि मग मुली एखाद्या तरुणाला घेऊन पळून जातात त्यामुळे अशा लग्न विषयाकडे मुलींनी कुठलाही हट्ट , संस्कारी चांगली वर्तणूक असणाऱ्या कष्टाळू तरूणासोबत लग्न करण्यासोबत काही हरकत नाही

झपाट्याने काळ बदलला आणि समाजात चौकसपणा वाढला, अनेकांच्या आयुष्यात सुख, सोई-सुविधा आल्या. शिक्षणाचे प्रमाण वाढले. मोबाईलच्या युगात सोशल मीडियामुळे बरेच बदल झाले. करिअरचा विचार करून उत्पन्नाचा प्रश्न आणि भविष्याचा विचार महत्वाचा वाटू लागला. या सर्व चक्रव्युहात विवाहयोग्य मुला-मुलींचे वय मात्र वाढत चालले आहे. तरुणाईचे रूपांतर प्रौढात होत असून विवाहाचे वय आणि शारीरिक अवस्था देखील निघून जात असल्याची विदारक स्थिती सर्वत्र दिसून येत आहे. समाजातील या गंभीर समस्येला नेमकं जबाबदार कोण? हाच खरा प्रश्न या निमित्ताने उपस्थित होत आहे.

प्रत्येक गावात विवाह इच्छुक मुलांची संख्या वाढतेय!

ग्रामीण भागात सध्या विवाहाची समस्या वडीलधाऱ्या मंडळींसाठी मोठी डोकेदुखी ठरत आहे. मुलाचे विवाहाचे वय होऊनही कुणी मुलगी दाखवण्यास तयार नसल्यामुळे मुले सुद्धा निराशेच्या गर्तेत जात आहेत. परिणामी, प्रत्येक गावात किमान ४० ते ५० च्यावर विवाहयोग्य तरुण असल्याचे दिसून येत आहे.

कित्येक मुले तीस-पस्तीस असताना सुद्धा कुठलाही व्यसन न करता आपले कामे करत आहेत परंतु शासकीय कर्मचारी कशा प्रकारचा असला तरी योग्य वर्तणूक नाही ,शंशाही, दारुडा अशा शासकीय कर्मचाऱ्याला मुली दिल्या जातात म्हणजे सर्व मुलीच्या आई वडिलांना असं वाटते की आपली मुलगी शासकीय कर्मचाऱ्याला जावई करून आपला सर्वांनी विकास करावा.

ज्या तरुण पोरींचे आई-वडील कष्ट करून आपला घर संसार चालवीत असतात अशा तरुनींचे सुद्धा मोठ्या प्रमाणात भाव वाढले आहेत .त्यामुळे कधी कधी त्यांच्या कुटुंबामध्ये भांडण सुद्धा होत असल्याचे चित्र दिसत आहे. परंतु संसार करण्यामध्ये सामंजसपणामध्ये कुठली भूमिका घेतल्यास संसार योग्य दिशेने उत्तम दिशादर्शक ठरू शकते ज्याचा भान ठेवून तरुण-तरुणीने चिंतन मनन करून आपला जोडीदार निवडावा हीच अपेक्षा आहे.

गडचिरोली- आज देशाचे संविधान,लोकशाही व धर्म निरपेक्ष स्वरूप धोक्यात आले असून ते वाचविणे अत्यंत आवश्यक आहे. अशावेळी येणाऱ्या निवडणुकी मध्ये पुरोगामी व समविचारी लोकांसोबत सर्वांनी ताकतीने उभे राहावे असे आवाहन अखिल भारतीय रिपब्लिकन पक्षाने केले आहे. 

   पक्षाचे प्रमुख पदाधिकारी व कार्यकर्त्यांची सभा पक्षाचे केंद्रीय उपाध्यक्ष रोहिदास राऊत यांचे प्रमुख उपस्थितीत चांदेकर भवन येथे आज संपन्न झाली त्यावेळी हे आवाहन करण्यात आले.

    रिपब्लिकन पक्षाचे जिल्हाध्यक्ष हंसराज उंदीरवाडे यांचे अध्यक्षतेखाली झालेल्या या सभेत प्रदेश सचीव प्रा. राजन बोरकर, केशवराव सामृतवर, गडचिरोली विधान सभा प्रमुख प्रदीप भैसारे, आरमोरी विधान सभा प्रमुख कृष्णा चौधरी, महिला आघाडीच्या नेत्या सुरेखाताई बारसागडे, जिल्हा सरचिटणीस प्रल्हाद रायपुरे, कार्यालय सचिव अशोक खोब्रागडे, युवक जिल्हाध्यक्ष नरेंद्र रायपुरे, महिला सरचिटणीस ज्योती उंदीरवाडे प्रामुख्याने उपस्थित होते. 

   या सभेत देशातील सध्याची परिस्थिती आणि जिल्यातील समस्यांबाबत सविस्तर चर्चा करण्यात आली. आज देशातील दलित, आदिवासी, मागासवर्गीय तथा अल्पसंखांक लोकांवर मोठ्या प्रमाणात अत्याचार होत आहेत. बेरोजगारी, महागाई सोबतच शिक्षण आणि आरोग्याचे प्रश्न जटील झाले आहेत परंतु सरकारचे त्याकडे दुर्लक्ष आहे. गडचिरोली जिल्यातील मौल्यवान वन व खनिज संपत्ती लुटल्या जात आहे. शेतकऱ्यांच्या जमिनी उद्योगाच्या नावावर बळकावल्या जात आहेत याकडे सभेत लक्ष वेधण्यात आले आणि या सर्व प्रश्नांवर व्यापक जनलढा उभारण्याचे ठरविण्यात आले. निवडणूक पारदर्शी व निष्पक्ष पद्धतीने लढविण्यासाठी ईव्हीएम त्वरित बंद करण्यात याव्या, अशी मागणीही यावेळी करण्यात आली. 

   संविधान आणि लोकशाहीचे संरक्षण हि आजची सर्वात मोठी प्राथमिकता आहे. त्यासाठी आज देशभर मोठे आंदोलन सुरु असून याकामी पुढाकार घेणाऱ्या सर्व संगठना व नेत्यांना बैठकीत पूर्ण समर्थन जाहीर करण्यात आले. 

   या सभेला साईनाथ गोडबोले,दादाजी धाकडे, अरुण भैसारे, हेमाजीं सहारे, कविता वैद्य यांचेसह प्रमुख पदाधिकारी व कार्यकर्ते उपस्थित होते.

 बदलती जीवनशैली आणि खाण्यापिण्याच्या सवयींमुळे आपण शहरी लोकं अनेक आजारांना बळी पडतो. यापैकी एक आजार म्हणजे संधिवात. हा आजार आधी वयाने मोठे असल्यानं होत असे. पण आजकाल हा आजार सर्व वयोगटातील लोकांमध्ये दिसून येतो.

संधिवाताचा त्रास असलेल्या रुग्णांना हाडे आणि सांधेदुखीचा सामना करावा लागतो. या आजारावर वेळीच उपचार करणे गरजेचे आहे. नाही तर याचे गंभीर परिणाम होऊ शकतात. संधिवात जागरूकता दिवस दरवर्षी २ फेब्रुवारी रोजी लोकांना या आजाराविषयी जागरूक करण्यासाठी साजरा केला जातो. आज आपण जाणून घेऊयात की संधिवाताचा त्रास असलेल्या रुग्णांच्या आहारात कोणत्या गोष्टींचा समावेश करावा आणि कोणत्या गोष्टी टाळल्या पाहिजेत.

ड्राय फ्रुट्स

ड्राय फ्रुट्समध्ये मोनोअनसॅच्युरेटेड फॅट पुरेशा प्रमाणात असतात. ज्यामुळे सांध्यांची सूज कमी होण्यास मदत होते. संधिवाताचे रुग्ण त्यांच्या आहारात बदाम, पिस्ता, अक्रोड इत्यादींचा समावेश करू शकतात.

हळद

हळद किती महत्वाची आहे हे तुम्हाला माहीतच आहे. यामध्ये अँटी-इंफ्लेमेटरी आणि अँटी-ऑक्सिडंट गुणधर्म आढळतात. जे सांधेदुखी आणि सूज कमी करण्यास मदत करतात. हळद तुम्ही दुधात मिक्स करून सेवन करू शकता.

धान्य खा

तुम्हालाही ही समस्या असल्यास आहारात संपूर्ण धान्य समाविष्ट करू शकता. त्यामध्ये पुरेशा प्रमाणात फायबर आढळते, जे या समस्येपासून आराम मिळवून देण्यासाठी उपयुक्त आहे.

या गोष्टी खाणे टाळा

> तेलकट पदार्थ खाणे टाळावे.

> मीठ जास्त प्रमाणात सेवन करू नका.

> गोड पदार्थ खाणे टाळावे.

> दारूचे सेवन करू नका.

आगामी लोकसभा निवडणुकीसाठी भारतीय जनता पक्षानं 195 उमेदवारांची पहिली यादी जाहीर केलीय. पंतप्रधान नरेंद्र मोदी हे पुन्हा एकदा वाराणसी मतदारसंघातून लोकसभेच्या रिंगणात उतरणार आहेत.

भाजपच्या या पहिल्या यादीत महाराष्ट्रातील एकाही जागेवरील उमेदवारांचं नाव घोषित करण्यात आलं नाहीय.

केंद्रीय गृहमंत्री अमित शाह (गांधीनगर, गुजरात), केंद्रीय मंत्री किरण रिजेजू, केंद्रीय आरोग्य आणि कुटुंबकल्याण मंत्री मनसुख मांडवीय, केंद्रीय मंत्री सर्बानंद सोनोवाल, राजीव चंद्रशेखर यांची नावं पहिल्या यादीत आहेत.

मध्य प्रदेशचे माजी मुख्यमंत्री शिवराज सिंह चौहान यांना विदिशामधून (मध्य प्रदेश) उमेदवारी जाहीर केली आहे, तर गुणामधून ज्योतिरादित्य शिंदे यांना उमेदवारी जाहीर करण्यात आली आहे

केरळमधून काँग्रेस नेते ए के अँटोनी यांचे पुत्र अनिल अँटोनी यांना भाजपनं उमेदवारी दिलीय.

भाजपचे राष्ट्रीय सरचिटणीस विनोद तावडे यांनी उमेदवारांची घोषणा करताना, पत्रकार परिषदेत म्हटलं की, "प्रत्येक लोकसभा मतदारसंघातून काही नावं आमच्याकडे आली. पक्षाच्या राष्ट्रीय अध्यक्षांसोबत तिथल्या स्थानिक नेतृत्वाने चर्चा केली."

29 फेब्रुवारीला झालेल्या पक्षाच्या केंद्रीय निवडणूक समितीच्या बैठकीत 195 जणांची पहिली यादी निश्चित करण्यात आल्याचं विनोद तावडेंनी सांगितलं.

पंतप्रधान नरेंद्र मोदी वाराणसीतून निवडूणक लढतील, अशी माहिती तावडेंनी दिली.

तसंच, या पहिल्या यादीत 34 केंद्रीय आणि राज्य मंत्र्यांची नावं या यादीत आहेत. लोकसभा अध्यक्षांचं नावही या यादीत आहे, असं विनोद तावडेंनी सांगितलं.

पक्षाचे राष्ट्रीय सरचिटणीस विनोद तावडे यांनी माध्यमांशी बोलताना म्हटलं की “पंतप्रधान नरेंद्र मोदी यांच्या नेतृत्वात सरकारने सेवा, सुशासन, गरीब कल्याण तसंच सबक साथ, सबका विकास यांचं उदाहरण गेल्या दशकभरात जगभरात प्रस्थापित केलं आहे.

“अनेक महत्त्वाचे निर्णय पंतप्रधान नरेंद्र मोदींच्या नेतृत्वात झाले. यावेळी एनडीए चारसौ पारचं उद्दिष्ट घेऊन पुढे जाण्याचं लक्ष्य पंतप्रधानांनी समोर ठेवलं आहे. जनताजनार्दनाच्या आशीर्वादाने गेल्या दोन वेळेपेक्षाही प्रचंड बहुमताने नरेंद्र मोदींच्या नेतृत्वाखाली सरकार बनेल हा विश्वास आम्हाला आहे.”

भाजपच्या पहिल्या यादीतील मोठी नावं

केंद्रीय गृहमंत्री अमित शाह (गांधीनगर, गुजरात), केंद्रीय मंत्री किरण रिजेजू, केंद्रीय आरोग्य आणि कुटुंबकल्याण मंत्री मनसुख मांडवीय, केंद्रीय मंत्री सर्बानंद सोनोवाल, राजीव चंद्रशेखर यांची नावं पहिल्या यादीत आहेत.

मध्य प्रदेशमधील गुणामधून ज्योतिरादित्य शिंदे यांना उमेदवारी जाहीर करण्यात आली आहे.

मध्य प्रदेशचे माजी मुख्यमंत्री शिवराज सिंह चौहान यांना विदिशामधून (मध्य प्रदेश) उमेदवारी जाहीर केली आहे.

राजस्थानच्या बिकानेरमधून केंद्रीय कायदा आणि न्याय मंत्री अर्जुनराम मेघवाल यांना उमेदवारी दिली गेली आहे, तर कोटा इथून लोकसभा अध्यक्ष ओम बिर्ला यांची उमेदवारी जाहीर करण्यात आली आहे.

त्रिपुराचे माजी मुख्यमंत्री बिप्लव देब यांनाही लोकसभेची उमेदवारी जाहीर केली आहे.

मथुरेच्या विद्यमान खासदार हेमा मालिनी यांना पुन्हा एकदा संधी देण्यात आली आहे.

लखीमपूर खिरीमधून अजय मिश्रा टेनी यांना उमेदवारी देण्यात आली आहे.

उन्नावमधून साक्षी महाराज यांना उमेदवारी देण्यात आलीय, तर केंद्रीय संरक्षणमंत्री राजनाथ सिंह यांना लखनौमधून उमेदवारी जाहीर करण्यात आली आहे.

2019 च्या निवडणुकीत राहुल गांधी यांना अमेठीमध्ये पराभूत करणाऱ्या स्मृती इराणी यांनाही पुन्हा एकदा अमेठीतून संधी दिली गेलीये.

-०-

घरात एखादा डास जरी दिसला तरी तो रात्रभर छळतो आणि मग झोप लागत नाही. सतत तो कानाजवळ येऊन त्रास देतो. झोपमोड तर होतेच पण घरात आपल्या नकळतही खूप ठिकाणी डासांची पैदास होत असते. आता काही बिनतोड उपाय केले तर घरातल्या कानाकोपऱ्यातले डास तुम्ही सहज घालवू शकता.

बदलत्या हवामानानुसार आता डासांचं संकट घोंगावणार आहे आणि लवकरच डेंग्यूच्या तापाच्या बातम्या कानावर येतील. या परिस्थितीत साध्या घरगुती उपायांनी आपण डासांपासून दूर राहू शकतो. निसर्गोपचार किंवा घरगुती उपचारांवर जर तुमचा विश्वास असेल तर हे काही उपाय केल्यास तुमच्या घरात खरंच डास येणार नाहीत.

घरातल्या डासांना कसं पळवाल?

१. लिंबू आणि मोहरीचं तेल

एक पिकलेलं लिंबू घ्या. आता सुरीनं ते अर्धं चिरून घ्या. त्यातला चोथा काढून घ्या. मग यात एक चमचा मोहरीचं तेल घाला आणि मग त्यात लवंग, कापूर घालून एक वात लावा आणि ती पेटवून ठेवा. यामुळे सगळे डासे पळून जातील.

२. कापूर

डासांवर बिनतोड उपाय म्हणजे कापूर. यामुळे घरात छान सुगंधही येतो आणि डासही पळून जातात. कापराच्या काही वड्यांचा चुरा कोणत्याही तेलात मिसळा. डासांना घालवण्यासाठी या तेलाचा दिवा लावा. यामुळे डास घरापासून लांबच राहतील.

३. तुळस

डासांना घरातून बाहेर काढण्यासाठी आणखी एक उपाय म्हणजे आयुर्वेदिक वनस्पती तुळस. घरात डास येण्यापासूनच रोखायचं असेल तर घराच्या खिडक्या आणि दरवाजाच्या आसपास तुळशीची काही पानं पसरून ठेवा.

४. लसूण

लसणाच्या उग्र वासाचा एखादा स्प्रे डासांना मारण्यासाठी तयार करून ठेवता येईल.

५. कडूनिंब

कडूनिंबाच्या पानातला कडवटपणा सगळ्या प्रकारच्या कीटकांना आणि विषाणूंवर गुणकारी असतो. डासांना घरापासून लांब ठेवण्यासाठी तुम्ही या पानांचं तेल त्वचेवर लावू शकता किंवा दिव्यामध्येही याच्या तेलाचा वापर करून तो दिवा घरात लावू शकता.

६. लिंबू आणि लवंग

जर तुम्ही लिंबाच्या काही फोडींमध्ये लवंग लावून त्याला घरातल्या कोपऱ्यांमध्ये ठेवलंत तर यामुळे होणारा परिणाम नक्कीच बघा.

७. नीलगिरी तेल

जेव्हा नैसर्गिक पद्धतीनं घरातल्या डासांवर उपाय करायचा असेल तेव्हा नीलगिरी तेल खूप महत्त्वाचं आहे. हे तेल तुम्ही त्वचेवर लावू शकता. यामुळे डास आजिबात चावणार नाहीत.

८. पुदिन्याचं तेल

पुदिन्याच्या तेलाचे काही थेंब पाण्यात मिसळून ते मिश्रण एका स्प्रे बॉटलमध्ये भरून ठेवा. तसंच हे त्वचेवर लावूनही घरगुती उपाय करता येईल. यामुळं डास जवळ येणार नाहीत आणि त्वचेचा ताजंतवानं वाटेल यातून पुदिन्याचा छान सुगंधही येईल.

 गडचिरोली : आरमोरी तालुक्यातील वैरागड येथे महाशिवरात्रीनिमित्त आयोजित महाअभिषेक व भजनस्पर्धेसाठी - अभिनेत्री सोनाली कुलकर्णी येणार आहे.

वैरागड येथे भोलू सोमनानी व मित्रपरिवाराच्या पुढाकाराने महाशिवरात्री महोत्सव होत आहे.  भजन स्पर्धेत पाच विजेत्यांना दोन हजारांपासून ते दहा हजारांपर्यंत आकर्षक बक्षिसे दिली जाणार आहेत. सकाळी ९ वाजता भंडारेश्वर मंदिरात महाअभिषेक केला जाणार आहे. दुपारी हवन, सायंकाळी गोपाळकाला व सायंकाळी सहा वाजेनंतर भोजनदान करण्यात येईल 

मका, उन्हाळी धान पिकाचे नुकसान

गडचिरोली, ब्युरो. देसाईगंज वनविभागाअंतर्गत येणाऱ्या आरमोरी वनपरिक्षेत्रातील पळसगाव उपवनक्षेत्रातील शेतशिवारात शुक्रवारी रात्री जंगली हत्तींनी पुन्हा एकदा हैदोस माजविला. हत्तींच्या कळपाने शेतात लावलेले मका व उन्हाळी धानपीक पूर्णपणे उद्धवस्त केले. या घटनेमुळे पळसगाव येथील 5 ते 6 शेतकऱ्यांचे नुकसान झाले आहे.

गेल्या काही दिवसांपासून या परिसरात हत्तींचा कळप शिरल्याने शेतकऱ्यांचे दररोज नुकसान होत आहे. खरीप हंगामात झालेले नुकसान भरून काढण्यासाठी शेतकऱ्यांनी यंदाच्या रब्बी हंगामात विविध प्रकारच्या पिकांची लागवड केली आहे. मात्र आता ही पिके जंगली हत्तींनी उद्धवस्त केल्याने शेतकरी आर्थिक संकटात सापडला आहे. 3 वर्षांपूर्वी ओरिसा राज्यातील जंगली हत्तींचा कळप गडचिरोलीत दाखल झाला होता. तेव्हापासून या हत्तींकडून जिल्ह्यातील विविध भागात नुकसान केले जात आहे. देसाईगंज वनविभाग अंतर्गत येणाऱ्या आरमोरी, कुरखेडा व देसाईगंज

वनपरिक्षेत्रातील जंगलात गेल्या दीड महिन्यांपासून हत्तींचा कळप धुमाकूळ घालत आहे. शुक्रवारी रात्री हा कळप पळसगावला लागून असलेल्या शेतात शिरला. हत्तींनी गावातील 5 ते 6 शेतकऱ्यांच्या शेतात शिरून मका व भातपीक तुडवले. शेतात सर्वत्र हत्तींच्या पावलांचे ठसे दिसून येत आहेत. शनिवारी वनविभागाच्या पथकाने संबंधित शेतात पोहोचून नुकसानीचा पंचनामा केला. सततच्या नुकसानीमुळे परिसरातील शेतकरी संकटात सापडल्याचे दिसून येत आहे.

गडचिरोली, ब्युरो. अज्ञात वाहनाच्या धडकेत दुचाकीवरील दोन युवक जागीच ठार झाल्याची घटना शनिवारी रात्री 7 वाजताच्या सुमारास पोर्ला गावाजवळ घडली. समीर बोंडकू भानारकर (23) आणि प्रशांत मनोहर म्हस्के (26) रा. पोर्ला, अशी मृतकांची नावे आहेत. प्राप्त माहितीनुसार, समीर आणि प्रशांत काही कामानिमित्त शनिवारला गडचिरोली जिल्हा मुख्यालयात आले होते. काम आटोपून ते सायंकाळच्या सुमारास दुचाकीने स्वगावी पोर्लाकडे जात होते. दरम्यान, पोर्ला नजीकच्या ढाब्याजवळ अज्ञात वाहनाने त्यांच्या दुचाकीला जोरदार धडक दिली. धडक इतकी जबरदस्त होती की, दोघांचाही जागीच मृत्यू झाला. अपघात घडताच नागरिकांची मोठी गर्दी जमली. घटनेबाबत गडचिरोली पोलिसांना माहिती देण्यात आली. अधिक तपास गडचिरोली पोलिस करीत आहेत.

लखनौ, रात्रीच्या वेळी लग्न लावण्यास उशीर होत असल्यान नवरदेवाने मंडपातच भटजीला जोरदार मारहाण केली. यात तो गंभीर जखमी झाल्याची माहिती आहे. माहितीनुसार, मेरठ येथील रहिवास सोनू सिंह हा जाटव ठाण्यात शिपाई पदावर कार्यरत आहे. त्याचा विवाह गुरुवारी रात्री निगोहा गावातील तरुणीशी करण्यात येत होता. भटर्ज विवेक शुक्ला यांच्याकडून रात्री 1 वाजता लग्नविधी सुरू झाले होते उशीर होत असल्याने सोनूने भटजीला लवकर लग्न लावण्यास सांगितले. परंतु, लग्नात सप्तपदी घेताना अनेक नियम आणि मंत्रोच्चा- असल्याचे सांगताच दोघांत जोरदार भांडण झाले.

भद्रावती : : तालुक्यातील एका गावात राहणाऱ्या १३ वर्षीय अल्पवयीन मुलीवर नातेवाईकानेच अत्याचार करून चार महिन्यांची गर्भवती केल्याने पोलिसांनी गुरुवारी आरोपीला अटक केली. पवन नागोसे (१९, रा. मारेगाव, जि. यवतमाळ) असे आरोपीचे नाव आहे.

आरोपी पवन हा नातेवाईकाकडे राहून मोलमजुरीची कामे करायचा. दरम्यान, तो फूस लावून अल्पवयीन मुलीवर आठ महिन्यांपासून अत्याचार करत होता. 

मुलीची प्रकृती बिघडल्याने डॉक्टरांनी तपासणी केली असता, ती चार महिन्यांची गरोदर असल्याचे स्पष्ट झाले. तक्रारीवरून भद्रावती पोलिसांनी आरोपी पवन नागोसे याला अटक केली. पुढील तपास ठाणेदार बिपिन इंगळे, सहायक पोलिस निरीक्षक राहुल किटे करत आहेत.

 1 कोटी कुटुंबांना दर महिना 300 युनिट्सपर्यंत मोफत वीज उपलब्ध करून देण्यासाठी 75,021 कोटी रुपये खर्चाच्या पीएम-सूर्य घर: मोफत वीज योजनेला मंजुरी दिली आहे.

पंतप्रधानांनी 13 फेब्रुवारी 2024 रोजी ही योजना सुरू केली होती.

या योजनेची प्रमुख वैशिष्ट्ये :

घरगुती सौर पॅनल साठी केंद्रीय आर्थिक सहाय्य

या योजनेअंतर्गत 2 kW क्षमतेच्या प्रणालीसाठी खर्चाच्या 60% आणि 2 ते 3 kW क्षमतेच्या प्रणालीसाठी अतिरिक्त प्रणाली खर्चाच्या 40% केंद्रीय आर्थिक सहाय्य प्रदान केले जाईल. सध्याच्या प्रमाणित किंमतीनुसार, 1 kW क्षमतेच्या प्रणालीसाठी 30,000 रुपयांचे अनुदान, 2 kW क्षमतेच्या प्रणालीसाठी 60,000 रुपयांचे अनुदान,3 kW आणि त्याहून अधिक क्षमतेच्या प्रणालीसाठी 78,000 रुपयांचे अनुदान, दिले जाईल.

सर्व कुटुंबाना राष्ट्रीय पोर्टलच्या माध्यमातून अनुदानासाठी अर्ज करता येईल आणि छतावर सौर पॅनल बसवण्यासाठी योग्य विक्रेत्याची निवड करता येईल. हे राष्ट्रीय पोर्टल कुटुंबाना योग्य प्रणालीचे आकारमान, लाभाचा अंदाज, विक्रेत्याचे मानांकन इत्यादींविषयी समर्पक माहिती देऊन निर्णय घेण्याच्या प्रक्रियेत त्यांना सहाय्य करेल.

कुटुंबांना त्यांच्या छतांवर सध्या 3 kW पर्यंतच्या सौर पॅनल सिस्टीमच्या स्थापनेसाठी सुमारे 7% इतक्या तारण-मुक्त कमी व्याजदर असलेल्या कर्जाचा लाभ घेता येईल.

योजनेची इतर वैशिष्ट्ये

देशभरातील प्रत्येक जिल्ह्यात एकआदर्श सौर ग्राम विकसित केले जाईल. हे गाव ग्रामीण भाग, शहरी स्थानिक स्वराज्य संस्था आणि पंचायत राज समित्यांमध्ये त्यांच्या भागात छतावरील सौर पॅनेल बसवण्यासाठी प्रोत्साहन देण्यासाठी एक आदर्श उदाहरण ठरेल

शहरी स्थानिक स्वराज्य संस्था आणि पंचायत राज समित्यांना त्यांच्या क्षेत्रात छतावर सौर पॅनेल बसवण्याला प्रोत्साहन देण्यासाठी प्रोत्साहनांचा फायदा होईल.

ही योजना नवीकरणीय ऊर्जा सेवा कंपनी (RESCO) वर आधारित मॉडेल्ससाठी देयक सुरक्षिततेसाठी तसेच आर टी एस मधील नाविन्यपूर्ण प्रकल्पांसाठी निधी प्रदान करते.

फलनिष्पत्ती आणि परिणाम

या योजनेच्या माध्यमातून कुटुंबाना आपल्या वीज बिलात बचत करता येईल तसेच वितरण कंपन्यांना अतिरिक्त विजेची विक्री करून अतिरिक्त उत्पन्न मिळवता येईल. 3 kW क्षमतेच्या प्रणाली द्वारे एका कुटुंबाला दरमहा सरासरी 300 युनिट्स विजेची निर्मिती करता येईल.

या प्रस्तावित योजनेमुळे निवासी क्षेत्रात छतांवरील सौर पॅनेलद्वारे 30 GW सौर क्षमतेच्या व्यतिरिक्त, 1000 BUs वीज निर्मिती होऊ शकेल आणि परिणामी रूफटॉप व्यवस्थेच्या 25 वर्षांच्या कार्यकाळात 720 दशलक्ष टन इतके कार्बन डाय ऑक्साइडचे उत्सर्जन कमी होईल.या योजनेमुळे दळणवळण, पुरवठा साखळी, विक्री, स्थापना, संचालन आणि देखभाल आणि इतर क्षेत्रात मिळून सुमारे 17 लाख थेट रोजगार उपलब्ध होतील असा अंदाज आहे.

पीएम-सूर्य घर: मोफत वीज योजनेचे लाभ मिळवणे

केंद्र सरकारने या योजनेच्या उदघाटनानंतर लगेचच जनजागृती करण्यासाठी आणि इच्छूक कुटुंबाना अर्ज सादर करता यावेत या उद्देशाने मोठी मोहीम सुरु केली आहे. या योजनेचा लाभ घेण्यासाठी कुटुंब https://pmsuryaghar.gov.in वर स्वतःची नोंदणी करू शकतात.

 बिल गेट्स या नावाला वेगळ्या ओळखीची काहीच गरज नाही. आपल्या सामाजिक कार्यांसाठीदेखील ते जगभर फिरत असतात आणि सगळ्या सुखसुविधा त्यांच्या पायाशी लोळण घेत असतात. असे असतानादेखील अब्जाधीश बिल गेट्स यांना चक्क नागपुरातील चहाविक्रेत्याच्या चहाने भुरळ घातली.

त्यांनी चक्क त्या चहाविक्रेत्याला आमंत्रित करून डोळ्यासमोर चहा बनवताना पाहिले आणि त्याच्यासोबत 'चाय पे चर्चा' करत त्याच्या कौशल्याबाबत कौतुकोद्गारदेखील काढले. खुद्द गेट्स यांनी 'इन्स्टाग्राम'वर शेअर केलेला हा व्हिडीओ वेगाने व्हायरल होत असून अशा अनेक 'मिनी चाय पे चर्चा' भविष्यात दिसतील असे संकेतच यातून त्यांनी दिले आहे.

नागपुरातील सदर परिसरातील 'डॉली चहावाला' हा मागील अनेक काळापासून 'सोशल मीडिया'वर प्रसिद्ध आहे. त्याचे मोठे फॅन फॉलोईंग असून चहा बनविण्याच्या त्याच्या हटके स्टाईलमुळे त्याचे व्हिडीओ व रील्स मोठ्या प्रमाणात व्हायरल होतात. गेट्स यांना सोशल माध्यमांतूनच त्याच्याबाबत कळाले व त्यांनी एका हिल स्टेशनवर त्याला आमंत्रित केले.

PM Kisan samman Nidhi Yojana :

पंतप्रधान किसान सन्मान निधी (PM Kisan samman Nidhi Yojana)

योजनेचा 16 वा हप्ता वितरीत करण्यात आला आहे. काल पंतप्रधान नरेंद्र मोदी (PM Modi) यांच्या हस्ते यवतमाळमधून या हप्त्याचं वितरण करण्यात आलं आहे.

दरम्यान, अनेक शेतकऱ्यांच्या खात्यावर PM किसानचा 16 वा हप्ता जमा झाला नाही. तो नेमका का पोहोचला नाही. आता नेमकं शेतकऱ्यांनी काय करावं? याबाबत सविस्तर माहिती पाहुयात.

PM किसान योजनेच्या हप्त्याची वाट पाहत असलेल्या कोट्यवधी शेतकऱ्यांच्या खात्यावर दोन हजार रुपये वर्ग करण्यात आले आहेत. पंतप्रधान नरेंद्र मोदी यांनी महाराष्ट्र दौऱ्यावर असताना शेतकऱ्यांना ही भेट दिली. या वर्षातील हा पहिला आणि 16 वा हप्ता आहे. गेल्या अनेक दिवसांपासून शेतकरी या हप्त्याची वाट पाहत होते. पंतप्रधान किसान योजनेचे पैसे आल्याने करोडो शेतकरी आनंदी आहेत, तर काही शेतकरी असेही आहेत ज्यांच्या खात्यात ही रक्कम पोहोचली नाही. असे शेतकरी नाराज आहेत. त्यांच्या खात्यात 2,000 रुपये का पोहोचले नाहीत हे समजू शकत नाही. अशा शेतकऱ्यांसाठी शासनाकडून एक सुविधा उपलब्ध करून दिली जात आहे, ज्याद्वारे ते त्यांच्या समस्यांवर मात करू शकतात.

पीएम किसान योजनेचे पैसे तुमच्या खात्यात न पोहोचण्याची अनेक कारणे असू शकतात. यामध्ये ई-केवायसी, तुमचे बँक खाते आधारशी लिंक न होणे आणि नाव किंवा कागदपत्रांमधील तफावत यासारख्या गोष्टींचा समावेश आहे. जर तुम्ही सर्वकाही योग्यरित्या भरले असेल आणि तुम्ही या योजनेसाठी पात्र असाल तर तुम्ही त्याबद्दल तक्रार करू शकता. सर्वप्रथम, तुम्ही पीएम किसान योजनेच्या वेबसाइटवर जाऊन तुमची स्थिती तपासू शकता, तुमच्या खात्यात पैसे का आले नाहीत याचे कारण येथे तुम्हाला कळेल.

या क्रमांकावर तुमची समस्या मांडा

जर तुमची स्थिती पूर्णपणे ठीक असेल आणि तरीही तुमच्या खात्यात रक्कम आली नसेल, तर तुम्ही pmkisan-ict@gov.in वर मेल पाठवून मदत मागू शकता. याशिवाय, तुम्ही पीएम किसान योजनेच्या हेल्पलाइन क्रमांकांवर संपर्क साधू शकता - 155261 आणि 1800115526, 011-23381092. येथे तुम्हाला मदत मिळेल आणि योजनेचे अडकलेले पैसे कसे मिळवायचे ते सांगितले जाईल.

पंतप्रधान नरेंद्र मोदी यांच्या हस्ते 16 वा हप्ता जारी केला. यामध्ये 21 हजार कोटी रुपये डीबीटीद्वारे करोडो शेतकऱ्यांच्या खात्यात पाठवण्यात आल्याची माहिती कृषी मंत्रालयाकडून देण्यात आली आहे. देशातील 9 कोटी शेतकऱ्यांच्या खात्यावर PM किसानच्या 16 वा हप्त्याचा निधी वितरीत करण्यात आला आहे. यापूर्वी, 15 वा हप्ता 15 नोव्हेंबर 2023 रोजी जारी करण्यात आला होता. तो देखील स्वतः पंतप्रधान नरेंद्र मोदी यांच्या हस्तेच वितरीत करण्यात आला होता.

चामोर्शी, (ता. प्र.). दुचाकीने स्वगावी जात असताना रस्त्यावर लावलेल्या बॅरिके ला धडकून दुचाकीस्वार गंभीर घटना चामोर्शी- आष्टी मार्गावरील येनापूर गावाजवळ बुधवारी रात्री 9.15 वाजताच्या सुमारास घडली. प्रवीण आत्राम (30) रा. राजगोपालपूर ता. चामोर्शी, असे जखमी दुचाकीस्वाराचे नाव आहे. प्रवीण हा आपल्या दुचाकीने आष्टीवरून राजगोपालपूरकडे बुधवारी रात्रीच्या सुमारास जात होता. दरम्यान येनापूर गावाजवळ समोरून येणाऱ्या वाहनाच्या प्रखर प्रकाशामुळे त्याचे दुचाकीवरील नियंत्रण सुटून मुख्य रस्त्यावर लावलेल्या आलेल्या बॅरिके ला दुचाकीची धडक बसली. यात तो गंभीर जखमी झाला. अपघात घडताच नागरिकांनी धाव घेत त्याला येणापूर येथील रुग्णालयात प्राथमिक उपचारासाठी दाखल केले. त्यानंतर त्याला चंद्रपूर येथील रुग्णालयात पाठविण्यात आले. राष्ट्रीय महामार्गावर लावण्यात आलेल्या बॅरिके मुळे अनेक अपघात घडत असून नागरिकांना जीव धोक्यात घालून प्रवास करावा लागत आहे. या मार्गावरील बॅरिके हटविण्यात यावे,अशी मागणी नागरिकांनी केली आहे.

येरकड-सिंदेसूर मार्गावरील घटना 

गडचिरोली, ब्युरो. धानोरा तालुक्यातील सिंदेसूरवरून येरडकडे जात असलेल्या दुचाकीचालकाची ट्रकला जबर धडक बसल्याने झालेल्या भीषण अपघातात दुचाकीचालक जागीच ठार झाल्याची घटना गुरुवारी सायंकाळी 5 वाजताच्या सुमारास घडली. देवनाथ काटेंगे (32) रा. अर्जुनी ता. धानोरा, असे मृतकाचे नाव आहे. प्राप्त माहितीनुसार देवनाथ काटेंगे हे काही कामानिमित्य धानोरा तालुकास्थळी होते. 

दरम्यान सायंकाळी काम आटोपून ते स्वगावी अर्जुनी येथे जात असताना सिंदेसूर-येरकड मार्गावरील वळणावर एकाएक ट्रक समोर आल्याने त्याचे वाहनावरील नियंत्रण सुटले. दुचाकीवरून पडून ते थेट ट्रकखाली चिरडल्या गेले. यात त्यांचा जागीच मृत्यू झाला. घटनेची माहिती प्राप्त होताच येरकड पोलिस मदत केंद्रातील जवानांनी घटनास्थळ गाठित पंचनामा केला.

वर्धेतील घटनेने खळबळ; परिसराला पोलिस छावणीचे स्वरूप

 आर्वी (जि. वर्धा) : येथील विठ्ठल वॉर्डातील एका घरासमोरील फाटकाला बॉम्बसदृश वस्तू अडकविल्याचे दिसून आल्याने पहाटेपासून परिसरात दहशत होती. संबंधित वस्तूच्या वायर कापून पोलिसांनी ती निकामी केली व दुर्घटना टळली. प्रेम प्रकरणातून हा प्रकार घडल्याचे समोर आले.

येथील वंदना ज्ञानेश्वर कारमोरे (५७) यांच्या घराबाहेरील फाटकाला बॉम्बसदृश वस्तूची पिशवी अडकविल्याचे दिसले. साफसफाईला उठलेल्या अनुप चोपकर हिला हा प्रकार दिसला

तिने आजी वंदना यांना सांगितले. पिशवीत बॅटरी व टायमर अशी बॉम्बसदृश वस्तू होती. एक आत आणि एक बाहेर अशा दोन चिठ्ठया होत्या. एका चिठ्ठीत 'हात लावू नका, अन्यथा मोठा स्फोट होईल', असे लिहिले होते. पिशवीतील बॉम्बसदृश वस्तूला टायमर होते. त्यावर ७:२९ अशी वेळ होती. त्याला लागूनच बॅटरीही होती. त्यामध्ये विविध रसायनांचे मिश्रण, तसेच आगडबीतील काड्यांवरील गुलाचा वापर केल्याचे दिसून आले.

घरातील मुलाचा साखरपुडा...

ज्ञानेश्वर कारमोरे यांचा मुलगा नवोदय विद्यालय अमरावती येथे प्राध्यापक आहे. त्याचा साखरपुडा एका मुलीशी झाला.त्यामुळे या घटनेला प्रेम प्रकरणाची किनार असल्याचे पोलिस सांगतात, सहायक पोलिस निरीक्षक प्रशांत पाटणकर यांनी साखरपुडा झालेल्या मुलासह त्याच्या कुटुंबाची चौकशी करून माहिती घेतली आहे.

उत्तर प्रदेशच्या बालियामध्ये मुख्यमंत्री सामूहिक विवाह योजनेत मोठा घोटाळा झालेला असताना झाशीमध्येही असाच नवा घोटाळा समोर आला आहे.

येथे विवाह सोहळ्यात पैसे मिळवण्यासाठी भाऊजीसोबतच लग्न लावून देण्यात आले. लग्नात सप्तपदी सुरू असतानाच वधूने सिंदूर पुसला असता हा प्रकार समोर आला.

विवाह सोहळ्यात एक जोडपे संशयास्पद वागत होते. त्यांची चौकशी केली असता झाशीच्या बामोर येथील रहिवासी असलेल्या खुशीचे लग्न मध्य प्रदेश छतरपूरच्या ब्रिषभानसोबत निश्चित झाले होते. वधूचा भाऊजी आणि कथित वराने सांगितले की, तो अधिकाऱ्याच्या सांगण्यावरून वरांच्या रांगेत बसला

मी ब्रिषभान नसून, माझे नाव दिनेश आहे. माझे आधीच लग्न झाले असून, खुशीचा मी भाऊजी असल्याचे त्याने सांगितले. सरकारने दिलेला पैसा हडप करण्यासाठी हा सगळा खेळ केल्याचे त्याने सांगितले.

समाजकल्याण अधिकारी ललिता यादव यांनी या प्रकरणी चौकशीचे आदेश दिले आहेत. तपासात दोषी आढळल्यास अधिकाऱ्यांवरही कारवाई करण्यात येणार आहे.

शेतकरी भयभीत : शेतकऱ्यांपुढे वाघाचे संकट

 बल्लारपूर (ता.प्र.). रब्बी हंगाम सुरू असून, आता अनेक पिके मळणीस तयार झाली आहेत. हाता-तोंडांशी आलेला घास हिंस्र प्राण्यांमुळे हिरावणार म्हणून पळसगाव येथील पंढरी उपरे हे शेतकरी तूर पिकासाठी नियमितप्रमाणे जागली करायला गेले. पण, मचानीपर्यंत जाताच अचानक वाघाने डरकाळी फोडली. आपला बचाव करण्यासाठी शेतकऱ्याने मचानीचाच आधार घेतला.

बल्लारपूर तालुक्यातील पळसगाव येथील संपूर्ण शेतकरी हे रोज हरभरा, तूर, मूग, ज्वारी, गहू आदी पिकांचे रक्षण करण्याकरिता जागल करतात. जेणेकरून शेतातील पीक सुखरूप घरी यावे, रानटी डुकरांमुळे पीक उद्ध्वस्त होऊ नये, यासाठी जागली केली जाते. पंढरी उपरे यांचे शेत पळसगाव येथील शेतशिवारात असून, त्यात तूर पिकाची लागवड केली आहे. त्यासाठी रोज शेतात मचानीवरच जागल करतात. परंतु, रविवारी रात्री 9 वाजताच्या सुमारास पंढरी उपरे शेतात जागलीसाठी गेले असता त्यांना वाघाच्याडरकाळीचा आवाज आला. त्यांनी अचानक वाघाचा आवाज ऐकून मचानीवर धाव घेतली. मचानीवर बसल्यावर वाघ हा अगदी 50 फुटावरच समोर येऊन बसला. त्या शेतकऱ्यांनी गावकऱ्यांना फोन करून बोलावले. वाघ मचानीसमोरून निघून जाईपर्यंत तिथेच बसले. थोड्या वेळातच गावकऱ्यांनी शेताकडे धाव घेतली. संपूर्ण शेत आरडाओरड करत एकमेकांच्या साहाय्याने पालथे घातले.

बल्हारशाह, कोठारी वन अधिकारी मोक्यावर वाघ 

पळसगावातील शेतकऱ्यांच्यामचानीजवळ आल्याची घटना माहिती होताच, बल्लारशाह आणि कोठारी वनपरिक्षेत्रातील वन अधिकारी बी.टी. पुरी व एस. ननावरे हे तत्काळ शेतशिवारात पोहोचले. संपूर्ण परिसरात गस्त घालून रात्री 2 वाजतापर्यंत शेतशिवारातच उपस्थित होते. त्या ठिकाणी ट्रॅप कॅमेरा देखील लावण्यात आला आहे. वन विभागाने समस्त शेतकऱ्यांना सतर्कराहण्याच्या सूचना केल्या आहेत, जेणेकरून कोणतीही दुर्घटना होऊ नये.

सिरोंचा : पंतप्रधानांच्या यवतमाळ येथे होणाऱ्या कार्यक्रमानिमित्त अहेरीआगारातून तब्बल १० बसेस पाठविण्यात आल्याने अहेरी आगारात बसेसेचा तुटवडा निर्माण झाला. सिरोंचासाठी तब्बल पाच तासांनी बस सोडण्यात आली. त्यामुळे बसमध्ये गर्दी एवढी झाली की, बसच्या मागच्या बाजुला गेलेल्या बस वाहकाला त्याच्या सीटकडे येण्यासाठी जागाच उरली नाही. त्यामुळे प्रवाशांच्या सीटवर पाय ठेवत वाहकाने आपली सीट गाठली, त्याचा हा व्हिडीओ सोशल मीडियावर व्हायरल होत आहे.

अहेरी ते सिरोंचा १०७ किलोमीटरच्या या मार्गावर मागील काही वर्षांपासून जीवघेणा प्रवास सुरू आहे. रस्त्यावरील खड्डे अन् एसटी महामंडळात असलेल्या बसची कमतरता यामुळे नागरिकांना अनेक अडचणींना सामोरे जावे लागत आहे. मंगळवारी ८:०० वाजेपासून सिरोंचासाठी एकही बस नसल्याने या मार्गावरील प्रवाशांना पाच तास ताटकळत राहावे लागले. अखेर दुपारी १:०० वाजताच्या सुमारास अहेरी आगारातून सिरोंचासाठी आलापल्ली येथे बस लागली. मात्र, ती बस अगोदरच फुल्ल भरून आल्याने येथील प्रवाशांना नाइलाजास्तव भरगच्च भरलेल्या बसमधून उभ्यानेच प्रवास करावा लागला. बस अगोदरच भरली होती. त्यातच नवीन प्रवाशांना बसवणे आवश्यक होते. उभे असलेले प्रवाशी बसच्या मागच्या बाजूस सरकत नसल्याने नवीन प्रवाशांना जागा होत नव्हती. त्यामुळे वाहकाने प्रवाशांना मागे सरकवले. त्यानंतर वाहकाला आपल्या सीटवर येण्यास जागाच राहिली नाही. परिणामी त्याने प्रवाशांच्या सीटवर पाय ठेवत आपली सीट गाठली. हा व्हिडीओ सोशल मीडियावर मोठ्या प्रमाणात व्हायरल होत आहे.

यवतमाळ : मध्ये पंतप्रधान नरेंद्र मोदी यांची बुधवारी जाहीर शहरालगत भारी येथे सभा पार पडली या सभेसाठी अत्यंत कडक पोलिस बंदोबस्त ठेवण्यात आला होता मागील दोन आठवड्यापासून प्रशासनाची खुप धावपळ सुरू होती. मात्र बुधवारी सकाळी या सभेच्या सुरुवातीलाच उपस्थितांसाठी लावण्यात आलेल्या खुर्त्यांवर राहुल गांधी यांचे स्टीकर लावण्यात आलेले होते. या गोष्टींमुळे विविध चर्चानां उधाण आले होते मात्र ही गोष्ट लक्षात येताच या खुर्थ्यांवरील स्टीकर्स काढण्यात आले. सभास्थळी काँग्रेसचे नेते राहुल गांधी यांचे स्टीकर खुर्चीवर असल्याने नेमकी आज सभा कुणाची असा

सवाल उपस्थित केला गेला घडलेल्या या घटनेमुळे चर्चेला एकच उधाण आले आहे होते. आमचा लढा १३८ वर्षांचा असं या खुर्य्यावर लिहिण्यात आले होते. खासदार राहुल यांची नागपूर येथे सभा झाली. त्याचं ठिकाणीहून यवतमाळ मध्ये या खुर्ध्या पुरविण्यात आल्या होत्या आणि त्यावरील पोस्टर न काढता नजरचूकीने या खुर्ध्या पाठवण्यात आल्या होत्या.

पण या घटनेमुळे मात्र चर्चेचे पेव फुटले होते मिळालेल्या माहितीनुसार नागपूर येथे नुकताच काँग्रेसची सभा झाली. त्यामुळे त्या कार्यक्रमासाठी राहुल गांधींचे फोटो खुर्त्यांवर चिकटवले होते. मात्र, ज्यांनी या खुर्च्छा काँग्रेसच्या मेळाव्याला पुरवल्या, त्याच खुर्च्य भाजपच्या कार्यक्रमाला पाठवल्या. त्यामुळे कार्यक्रमस्थळी मोठा गोंधळ निर्माण झाला होता.

गडचिरोली:- अवैध दारू तस्करांनी चक्क बैलबंडीने केली दारू तस्करी मात्र सतर्क पोलिसांनी दाखविला आपला इ़गा व बैलगाडी सह अवैध दारू असा चार लाख बाविस हजार रुपयांचा मुद्देमाल जप्त केला आहे 
गडचिरोली जिल्हा हा दारुबंदी जिल्हा असल्याने येथे दारु तस्करी करणारे ईसम पोलीसांची दिशाभुल करण्याच्या उद्देशाने वारंवार नवीन क्लृप्त्या करीत असतात. त्यातील एक प्रकार म्हणजे सिरोंचा तालुक्यातील मौजा टेकडा (ताला) येथील दारु तस्करांनी चारचाकी अथवा दुचाकी वाहनाचा वापर न करता कोणालाही संशय येणार नाही या उद्देश्याने बैलबंडीांचा दारु तस्करीकरीता वापर केल्याचे प्रत्यक्षदर्शी दिसुन  आले आहे  दिनांक 27/02/2024 रोजी स्थानिक गुन्हे शाखा येथे गोपनिय बातमीदारामार्फत माहिती मिळाली की, आगामी लोकसभा सार्वत्रिक निवडणुकीच्या अनुषंगाने मौजा टेकडा (ताला) येथील दारु तस्कर संदिप दुर्गम हा मोठ्या प्रमाणात तेलंगाणा राज्यातून नदीमार्गाने विदेशी दारुची आयात करुन बैलगाडीच्या माध्यमातुन वाहतुक करणार आहे. सदर माहितीबाबत तात्काळ वरीष्ठांना माहिती देवुन त्यांच्या परवानगीने स्थानिक गुन्हे शाखेचे सपोनि राहुल आव्हाड यांच्या नेतृत्वातील एक पथक गडचिरोली येथुन रवाना करण्यात आले.  

या माहितीच्या आधारावर स्थानिक गुन्हे शाखेच्या पथकाने मौजा टेकडा गावालगत असणा­ऱ्या नदी परीसरात सापळा रचुन त्याच्या दिशेने येणा­ऱ्या तीन बैलबंडी व पोलीसांचा कानोसा घेण्याकरीता वापरण्यात आलेल्या दुचाकीस ताब्यात घेऊन पाहणी केली असता, सदर तीन्ही बैलबंडी मध्ये मोठ्या प्रमाणात बिअर व व्हिस्की असा विदेशी दारुचा मोठा साठा दिसुन आल्याने सर्व मुद्देमाल पोलीसांनी जप्त केला.  सदर कारवाईदरम्यान पोलीस पथकाने 50 बॉक्समधील 2,52,000/- रुपये किमतीचा विदेशी दारु साठा जप्त केला तसेच दारु तस्करीकरीता वापरण्यात आलेल्या 3 बैलगाडी व ईतर साहित्य 1,70,000/- रुपये किंमतीचा असा एकुण 4,22,000/- रुपये किंमतीचा मुद्देमाल मोक्यावर जप्त करुन उप पोलीस स्टेशन बामणी येथे आरोपी नामे संदिप देवाजी दुर्गम, व्यंकटी बकय्या कोटम, बापु मलय्या दुर्गम, श्रीनिवास ईरय्या दुर्गम सर्व रा. टेकडा (ताला) या चार आरोपीतांना जेरबंद करुन गुन्हा नोंद करण्यात आला आहे 
सदर कारवाई वरिष्ठांच्या मार्गदर्शनात पोलीस निरीक्षक  उल्हास भुसारी, सपोनि राहुल आव्हाड यांचे नेतृत्वात पोलीस अंमलदार अकबर पोयाम, श्रीकांत बोईना, श्रीकृष्ण परचाके, प्रशांत गरफडे, चापोना/दिपक लोणारे यांनी केलेली आहे.

रियाध, वृत्तसंस्था. दिग्गज फुटबॉलपटू ख्रिस्तियानो रोनाल्डो सौदी प्रो लीगमध्ये प्रेक्षकांना आक्षेपार्ह हावभाव केल्याचा आरोपामुळे अडचणीत सापडला आहे. अहवालानुसार त्याच्या वर्तनाची चौकशी केली जात आहे. सोशल मीडियावर प्रसिद्ध झालेल्या व्हिडिओत रोनाल्डोने आपले कान धरलेले आणि वारंवार हात त्याच्या श्रोणीजवळ फिरवताना दिसत आहे. असे आक्षेपार्ह हावभाव करून रोनाल्डो आपल्या संघ अल नासरचा प्रतिस्पर्धी संघ अल शबाबच्या समर्थकांना चिडवत असल्याचे दिसते. रविवारच्या सामन्यादरम्यान ही घटना घडली ज्यात अल नासरने अल शबाबचा 3-2 असा पराभव केला. व्हिडिओत प्रेक्षकांना 'मेस्सी eep

मेस्सी' म्हणताना ऐकू येत आहे. अर्जेटिनाचा सुपरस्टार लिओनेल मेस्सी हा अनेक दिवसांपासून पोर्तुगीज खेळाडू रोनाल्डोचा प्रतिस्पर्धी आहे. ही घटना टेलिव्हिजन कॅमेऱ्यात कैद झाली नसली तरी 39 वर्षीय रोनाल्डोवर जोरदार टीका होत आहे. स्थानिक मीडिया रिपोर्ट्सनुसार, सौदी अरेबिया फुटबॉल फेडरेशन या घटनेची चौकशी करत आहे. रोनाल्डोवर निलंबनाची कारवाई होऊ शकते. अल नासरचा पुढील सामना गुरुवारी होणार आहे. रोनाल्डो डिसेंबर 2022 मध्ये या सौदी अरेबियाच्या क्लबमध्ये सामील झाला. त्याने आतापर्यंत लीगमध्ये सर्वाधिक 22 गोल केले आहेत. यामध्ये अल शबाबविरुद्ध पहिल्या हाफमध्ये पेनल्टीवर केलेल्या गोलचाही समावेश आहे 

दिल्ली,. भारतीय संघातील अनेक खेळाडूंनी कसोटी क्रिकेटकडे पाठ फिरवली आहे. कसोटी क्रिकेट आणि देशांतर्गत क्रिकेट न खेळता काही खेळाडूंचा आयपीएलवर जास्त फोकस असतो. भारतीय संघातील अनेक खेळाडूंवर वारंवार हा आरोप केला जातो. आता कसोटी क्रिकेटला प्रोत्साहन देण्यासाठी बीसीसीआय मोठा निर्णय घेण्याच्या तयारीत आहे. सुत्रानुसार, कसोटी खेळणाऱ्या खेळाडूंच्या पगारात वाढ करण्याबाबात बीसीसीआय विचार करत आहे. त्याशिवाय कसोटी मालिकेचा भाग असणाऱ्या खेळाडूंना बोनसही दिला जाऊ शकतो, अशी चर्चा आहे. सुत्रानुसार, अनेक खेळाडू तंदुरुस्त राहण्यासाठी देशांतर्गत क्रिकेट आणि कसोटी क्रिकेटकडे पाठ फिरवत आहेत. त्यामुळे बीसीसीआय हा निर्णय घेणार आहे. नुकताच ईशान किशन आणि श्रेयस अय्यर या स्टार खेळाडूंनी देशांतर्गत क्रिकेटमध्ये न खेळण्याचा निर्णय घेतला. त्यानंतर वादंग निर्माण झाला. याची क्रीडा वर्तुळात चर्चा झाली. रिपोर्ट्सनुसार, ईशान किशन याला बीसीसीआयने स्पष्ट शब्दात देशांतर्गत क्रिकेटमध्ये खेळण्याची सूचना दिली होती. तरीही ईशान किशनने झारखंडकडून एकही सामना खेळला नाही. दुसरीकडे श्रेयसअय्यरनेही रणजी चषकातील क्वार्टर फायनल सामन्यातून माघार घेतली.

मिळतात 15 लाख रुपये बीसीसीकडून

एका कसोटी सामन्यासाठी खेळाडूंना 15 लाख रुपये दिले जातात. 2016 मध्ये कसोटी खेळणाऱ्या खेळाडूंचा पगार दुप्पट केला होता. दुसरीकडे बीसीसीआयकडून एका वनडे सामन्यासाठी सहा लाख रुपये दिले जातात. तर एका टी 20 सामन्यासाठी 3 लाख रुपयांचे मानधन दिले जाते. भारतीय खेळाडूंना ग्रेडनुसार वार्षिक पगारही दिला जातो. खेळाडूंचा बीसीसीआय बोर्डासोबत करार असतो. सुत्रानुसार, आयपीएल 2024 नंतर भारतीय खेळाडूंच्या पगारात वाढ होण्याची शक्यता आहे.

वरोरा : रस्त्याच्या कडेला उभ्या असलेल्या ट्रॅक्टरला दुचाकीने मागून जबर धडक दिल्याने पती जागीच ठार, तर पत्नी गंभीर जखमी झाल्याची घटना रविवारी दि. २५ रात्री ९:३० वाजेच्या सुमारास नागपूर चंद्रपूर मार्गावरील चिनोरा येथे घडली. सुनील नारायण हरिहर (५५, रा. वरोरा) असे मृत पतीचे नाव आहे. पत्नी सविता सुनील हरिहर (४८) हिच्यावर जिल्हा सामान्य रुग्णालयात उपचार सुरू आहे.

वरोरा येथील दत्त मंदिर वार्डातील रहिवासी सुनील हरिहर व सविता हे दाम्पत्य एम. एच. ३४ डब्ल्यू ८९०४ क्रमांकाच्या दुचाकीने हिंगणघाट येथून वरोराकडे येत होते. दरम्यान, चिनोरा येथे रस्त्याच्या कडेला उभ्या असलेल्या एम. एच. ३३ एफ ३३८४ क्रमांकाचे ट्रॅक्टर उभा होता.

अंधारामुळे या दुचाकीने उभ्या ट्रॅक्टरला जोरदार धडक दिली. यात पती सुनीलचा जागीच मृत्यू झाला, तर पत्नी सविता गंभीर जखमी झाला. जखमीवर वरोरा उपजिल्हा रुग्णालयात उपचार केल्यानंतर पुढील उपचारासाठी रात्री जिल्हा सामान्य रुग्णालयात दाखल करण्यात आले. गावाला लागूनच काही शेतकरी बैल- बंडी, व ट्रॅक्टर उभे ठेवतात. या मार्गावर वाहनांची वर्दळ असते. रात्रीच्या सुमारास अपघाताचा धोका निर्माण झाला आहे.

यवतमाळ : एका घरात राहणाऱ्या समवयस्कर अल्पवयीन मुला- मुलीने व्हिडीओ पाहून संबंध ठेवले. तीन महिन्यांपासून हा प्रकार सुरू होता. कुटुंबातील कोणालाच साधा संशय आला नाही. मात्र, अचानक मुलीचे पोट दुखू लागले. सोनोग्राफी केली तेव्हा धक्कादायक प्रकार पुढे आला. मुलगी तीन महिन्यांची गरोदर असल्याचे निष्पन्न झाले. हे रिपोर्ट पाहून संपूर्ण कुटुंबच हादरून गेले. 

शिक्षणासाठी आत्याकडेच मामे भाऊ राहत होता. त्याच्यासोबतच आत्याची मुलगी नेहमी खेळत बागडत असे. दररोज शाळेत जाणे घरी आल्यानंतर अभ्यास करणे, असा नित्यक्रम सुरू होता. अचानक मुलीला उलट्या-मळमळ होऊ लागली. हा त्रास वाढत गेल्याने अखेर सोनोग्राफी केली असता मुलगी गरोदर असल्याचे पुढे आले. मुलीला आईने विश्वासात घेऊन विचारणा केली असता, तिने संपूर्ण प्रकार सांगितला. मुलीच्या तक्रारीवरून अल्पवयीन मामे भावा विरोधात गुन्हा दाखल केला आहे.

धानोरा : पाय अडखळल्याने तोल जाऊन पेटत्या शेकोटीवर पडून वृद्धाचा मृत्यू झाला. ही घटना धानोरा तालुक्याच्या जपतलाई येथे २७ फेब्रुवारी रोजी पहाटे घडली.

रावजी कोदू करंगामी (९५) रा. जपतलाई असे मृत वृद्धाचे नाव आहे. रावजी हे निपुत्रिक होते. ते आपल्या पुतण्याच्या घरी राहत होते. थंडीचे दिवस असल्याने ते घराबाहेरच्या अंगणात शेकोटीजवळ झोपत होते. २७ फेब्रुवारी रोजी पहाटे ते लघवी करण्यासाठी झोपेतून जागे झाले. अंगणात जात असताना त्यांचा पाय अडखळला. यातच त्यांचा तोल गेला व ते शेकोटीवर पडले. त्याच क्षणी त्यांच्या अंगावरील चादराने पेट घेतला. ते आगीत होरपळू लागले. कुटुंबियांनी वेळीच धानोरा ग्रामीण रुग्णालयात उपचारासाठी नेले; परंतु तेथेच त्यांचा मृत्यू झाला.

शंकरपूर : गतवर्षी वन्यप्राणी गणना करत असताना ताडोबा क्षेत्रात एका महिला वनरक्षकाचा वाघाच्या हल्ल्यात बळी गेला होता. सुदैवाने समयसूचकता दाखविल्याने या घटनेची पुनरावृत्ती टळली. अंगावर धावून आलेल्या वाघिणीला हातातील दंडुका दाखवून आरडाओरडा करून वनरक्षकाने स्वतःचा व सोबतच्या वनजुराचा जीव वाचविल्याची धक्कादायक माहिती सोमवारी (दि. २६) उघडकीस आली.

महाराष्ट्रात वन विभागाकडून २० ते २६ फेब्रुवारीदरम्यान ट्रांसिक लाइनवर वन्यप्राण्याचे गणना सुरू आहे. ही गणना सुरू असताना रविवार, दि. २५ चिमूर वनपरिक्षेत्राअंतर्गत डोमा बीटाचे वनरक्षक विशाल सोनोने आणि वनमजूर जग्गू लांजेवार हे कक्ष क्रमांक ४०० मध्ये ट्रांजिक लाइनवर वन्यप्राण्यांची गणना करण्यासाठी फिरत होते. ही ट्रांजेक्शन लाइन दोन किलोमीटर आहे. हे काम जवळपास पूर्ण होत असताना अचानकपणे वाघिणीचा एक बछडा या ट्रांजेक्शन लाइनवर दिसून आला. त्यामुळे हे दोघे जागेवरच थबकले. दरम्यान, नाल्यातबसून असलेल्या वाघिणीने अचानक वायुवेगाने धाव घेतली. सुमारे दहा फुटावर ती वाघीण असतानाच वनरक्षक विशाल सोनोने यांनी समयसूचकता दाखवत हातातील काठी फिरवून जोराने ओरडाओरडा केली. त्यामुळे ही वाघीण तिथून निघून गेल्याने मोठी दुर्घटना टळली.

ट्रांजेक्शन लाइनवर

वाघिणीचा एक बछड़ा दिसून आला. त्यामुळे आम्ही जागेवरच थांबलो; परंतु अचानकपणे दुसऱ्या मागनि वाघीण धावत आमच्याकडे आली. दोघांच्याही हातात दंडुका होता. तो वेगाने फिरवून जोराने ओरडलो, त्यामुळे वाघिणीने जंगलात धूम ठोकली -विशाल सोनुने, वन रक्षक डोमा वनक्षेत्र

गडचिरोली : पी.एम. किसान सन्मान निधी योजनेच्या डिसेंबर २०२३ ते मार्च २०२४ कालावधीतील १६ वा हप्ता पंतप्रधान नरेंद्र मोदी यांच्या हस्ते बुधवार, दि २८ फेब्रुवारी, २०२४ रोजी यवतमाळ येथील समारंभात वितरीत होणार आहे. पी. एम. किसान योजने अंतर्गत २००० रूपये तर नमो शेतकरी महासन्मान निधी योजने अंतर्गत दुसरा व तिसरा हप्ता मिळून ४००० असा एकुण ६००० रूपयांचा लाभ २८ फेब्रुवारी, २०२४ च्या समारंभात गडचिरोली जिल्ह्यासत राज्यातील सुमारे ८८ लाख पात्र शेतकरी कुटुंबांच्या आधार संलग्न बँक खात्यात थेट जमा करण्यासंदर्भातील कार्यवाही करण्यात येईल.

चालक जखमी कोरची- भिमपूर मार्गावरील

कोरची - बंगलोर येथुन पाईप वाहुन नेणाऱ्या ट्रकने झाडाला धडक दिल्याने चालक जखमी झाल्याची घटना आज २७ फेब्रुवारी रोजी दुपारी १ वाजताच्या सुमारास कोरची पासुन १ कि.मी अंतरावर वनश्री कला महाविद्यालय समोर घडली.

सी.जी.०४ एम.जी. ६७२३ क्रमांकाचा ट्रक बंगलोर वरून पाईप घेऊन रायपुरला जात असताना ट्रक चालकाचे नियंत्रण सुटल्यामुळे भरधाव वेगाने विद्युत खांबास धडक देऊन १०० मी अंतरावर असलेल्या झाडाला धडक दिली. धडक इतकी जोरदार होती की, ट्रकचा पुर्णतः चेंदामेंदा झाला. विद्युत खांब खाली कोसळल्याने विद्युत लाईन खंडित झाली. ट्रक चालक जसंवत पटेल रा. सेवरागांव ता. जबलपुर हा ट्रक मध्ये फसला होता. त्यांना आवागमन करणाऱ्या लोकांनी बाहेर काढून कोरची ग्रामीण रुग्णालयांमध्ये भरती केले. त्याच्या डाव्या हाताला व पायाला जबर मार लागला आहे. 

 एएचटीयूने मध्यप्रदेशातून केली आरोपींना अटक

नागपूर : शहरातील निर्माणाधिन इमारतीच्या बांधकामावर आलेल्या दोन तरुणांनी मित्राच्या दोन्ही बहिणीला प्रेमाच्या जाळ्यात ओढले. घरी कुणी नसताना दोघींनाही मध्यप्रदेशात पळवून नेले. 

लग्न करून संसार थाटण्याच्या तयारीत असतानाच गुन्हे शाखेने चौघांनाही ताब्यात घेतले. या प्रकरणी सीताबर्डी पोलीस ठाण्यात गुन्हा दाखल करण्यात आला. देवा चेतराम गोस्वामी (२४) आणि राजू बल्लू गोस्वामी (२०) अशी आरोपींची नावे आहेत.

पीडित १७ आणि १९ वर्षीय तरुणी एकमेकींच्या चुलत बहिणी आहेत. त्यांचा भाऊ नागपुरातील निर्माणाधीन इमारतीवर मजुरी करतो. महिन्याभरापूर्वी दोघीही बहिणी भावाकडे राहायला आल्या होत्या.

भावाच्या सोबत बांधकामावर काम करणारे भावाचे मित्र राजू आणि देवा हे घरी येत होते. यादरम्यान दोन्ही बहिणीवर त्यांची नजर गेली. दोघांनीही त्यांना प्रेमाच्या जाळ्यात ओढण्याचे ठरविले. त्यामुळे मित्र घरी नसतानाही राजू आणि देवा घरी येऊन त्या तरुणींशी गप्पा करून प्रेमाच्या जाळ्यात ओढत होते. महिन्याभरात दोन्ही बहिणी देवा आणि राजूच्या प्रेमात आकंठ बुडाल्या. चौघांनीही पळून जाऊन लग्न करण्याचा निर्णय घेतला. २१ फेब्रुवारीला मध्यप्रदेश-शिवनीमध्ये पळून जाऊन लग्न करण्याचे ठरले. नियोजनाप्रमाणे दोघीही बहिणी औषधी आणण्याच्या बहाण्याने घराबाहेर पडल्या. त्यांना पळून जाण्यासाठी मोहन चेतराम गोस्वामी (२०), मोंन्टी बल्लू गोस्वामी (२०) या दोघांनी मदत केली. दोन्हीं मुलींना राजू आणि देवाने पळवून शिवनी शहरात नेले. 

रायपूर, . छत्तीसगडमधील कांकेर येथे सुरक्षा दलाचे जवान आणि नक्षलवाद्यांमध्ये झालेल्या भीषण चकमकीत तीन नक्षली ठार झाले आहेत. या घटनेनंतर पोलिसांनी चकमक स्थळावरून मोठ्या प्रमाणात शस्त्रसाठा जप्त केला आहे. वेगवेगळ्या क्षेत्रामध्ये पोलिस आणि डीआरजीच्या पथकाने शोधमोहीम चालवली होती. कोयलीबेडाच्या दक्षिण भागामध्ये ही चकमक झाली. याच जंगलांमध्ये शोधमोहीम सुरू आहे. कांकेरचे एसपी आय.के. एलेसेला यांनी

या चकमकीच्या घटनेला दुजोरा दिला. आहे. जिल्हा राखीव गार्ड आणि सीमा सुरक्षा नक्षलविरोधी दलाच्या नेतृत्वाखाली मोहिमेदरम्यान कोयालीबेडा येथील जंगल परिसरात ही चकमक झाली. अंतागढमधील हुरतरईच्या जंगलात दोन तास ही चकमक झाली. या चकमकीनंतर पोलिसांना तीन नक्षल्यांचे मृतदेह आढळून आले. ही कारवाई बीएसएफ आणि जिल्हा पोलिस पथकाने केली. दरम्यान, तीनही नक्षल्यांची ओळख पटली नव्हती.

Gadchiroli: शेतकऱ्यांना दोन हेक्टरच्या मर्यादेत बोनस देण्याचे परीपत्रक आज २६ फेब्रुवारी रोजी अन्न, नागरी पुरवठा व ग्राहक संरक्षण विभागाच्यावतीने काढण्यात आले आहे. या परीपत्रकानुसार किमान आधारभूत किंमत खरेदी योजनेंतर्गत नोंदणीकृत शेतकऱ्यांपैकी प्रत्यक्ष पेरणी केलेल्या क्षेत्राची ईपीक पाहणीद्वारे-खातर जमा करून जमिनीच्या सातबारा उताऱ्यावरील क्षेत्रानुसार त्या प्रमाणात संबंधित शेतकऱ्याला लाभ अनुज्ञेय राहील. शेतकऱ्यांना धान विक्री केली असो वा नसो धान उत्पादनाकरिता प्रती हेक्टरी २० हजार प्रमाणे प्रोत्साहनपर राशी केवळ थेट लाभ हस्तांतरणाच्या माध्यमातूनच वाटप करण्यात यावी.

धान उत्पादक शेतकरी हा मार्कटिंग फेडरेशन आणि आदिवासी विकास महामंडळ या दोन अभिकर्ता संस्थांकडून सुरु केलेल्या कोणत्याही खरेदी केंद्रांवर नोंदणीकृत असला पाहीजे. प्रोत्साहनपर राशीस पात्र होण्यासाठी शेतकऱ्यांनी त्यांचे धान अभिकर्ता संस्थांना विक्री करणे बंधनकारक नाही. शेतकऱ्याने सादर केलेला ७/१२ चा उतारा त्यावरील धान लागवडीखालील जमीनीच्या क्षेत्रफळानुसार प्रोत्साहनपर राशीची रक्कम निश्चित करण्यात यावी. यासाठी महसूल विभागाने विकसित केलेल्या ई-पीक पाहणी अॅपद्वारे संकलित केलेल्या माहितीचा आधार घेण्यात यावा. एखादा शेतकरी दोन्ही अभिकर्ता संस्थाकडे नोंदणीकृत असल्यास, त्याच्या एकूण जमीन धारणेनुसार (दोन हेक्टरच्या मर्यादेत) त्यास प्रोत्साहनपर राशी देय राहील असेही परीपत्रकात नमुद केले आहे.

२४ युनिटची विक्री : ७ कोटी १२ लाख रुपयांची वन विभागाला मिळणार रॉयल्टी

गडचिरोली : तेंदूपत्ता विक्रीतून प्राप्त होणारी संपूर्ण रॉयल्टीची रक्कम मजुरांना बोनसच्या स्वरूपात वनविभागामार्फत वितरित केली जाते. २४ तेंदूपत्ता युनिटचा लिलाव नुकताच पार पडला आहे. त्यामध्ये मागील वर्षीच्या तुलनेत दुप्पट रॉयल्टी मिळणार आहे. त्यामुळे तेंदूपत्त्याचे संकलन करणाऱ्या मजुरांनाही यावर्षी दुप्पट रक्कम मिळेल.

पूर्वी जिल्हाभरातील तेंदूपत्ता वनविभागामार्फत संकलित केला जात होता. मात्र पेसा कायद्याची अंमलबजावणी सुरू झाल्यानंतर तेंदूपत्ता संकलनाचे अधिकार ग्रामसभांना देण्यात आले आहेत. जे जंगल पेसा अंतर्गत येत नाही. केवळ वैथालाच तेंदूपत्ता संकलनाचे अधिकार वनविभागाला आहेत.

गडचिरोली जिल्ह्यात वनविभागाचे आता २५ युनिट आहेत. त्यापैकी २१ युनिटचा लिलाव १४ फेब्रुवारी रोजी झाला, तर तीन युनिटचा लिलाव २१ फेब्रुवारीला झाला. या सर्व युनिटच्या विक्रीतून वनविभागाकडे सुमारे ७ कोटी १२ लाख रुपयांची रॉयल्टी जमा होणार आहे. मागील वर्षी या २४ युनिटच्या विक्रीतून केवळ ४ कोटी रुपयांची रॉयल्टी मिळाली होता. यावर्षी रॉयल्टी दुप्पट झाल्याने बोनसही दुप्पट मिळणार आहे. पेसा अंतर्गतही तेंदूपत्त्याचे संकलन केले जाते. मात्र, ग्रामसभांची अनेक कंत्राटदारांनी फसवणूक केली आहे. त्यामुळे मजूर आता वन विभागाच्या मार्फत तेंदूपत्ता संकलनाकडे वळत आहेत.

३६ हजार ९०० बॅगचे उद्दिष्ट

विक्री झालेल्या २४ युनिटमधून ३६ हजार ९०० स्टैंडर्ड बैंग तेंदूपत्ता संकलनाचे उद्दिष्ट ठेवण्यात आले आहे. हा वनविभागाचा अंदाज असतो. त्यामध्ये थोड्याफार प्रमाणात कमीअधिक संकलन होऊ शकते.

मजुरी ३ हजार ९०० रुपये

प्रती स्टैंडर्ड बॅग (एक हजार तेंदूपत्त्यासाठी) किमान ३ हजार ९०० रुपये मजुरी देणे बंधनकारक करण्यात आले आहे. कंत्राटदार यापेक्षा अधिक मजुरी देऊ शकते. मात्र त्यापेक्षा कमी मजुरी देऊ शकत नाही, अन्यथा संबधित कंत्राटदारावर कारवाई केली जाते.

जानेवारीत होणार बोनसचे वितरण

रॉयल्टीची रक्कम कंत्राटदार सप्टेंबर, ऑक्टोबर व नोव्हेंबर या तीन महिन्यात तीन हप्त्यांमध्ये जमा करतात. त्यानंतर लगेच वनविभाग बोनसची रक्कम वितरण करण्यास सुरुवात करते. जवळपास डिसेंबर महिन्यापासून बोनसचे वितरण होईल.

वाघाच्या भीतीने एक युनिट विक्री लांबली

वडसा युनिटमध्ये वाघ व हत्तींची दहशत आहे. परिणामी या युनिटची  मागील वर्षी विकी  झाली नव्हती. यावर्षीही अजूनपर्यंत विक्री झाली नाही. आता २८ फेब्रुवारी रोजी लिलाव ठेवला आहे.

या दिवशी तरी हा युनिट विकला जाणार की नाही, २ याकडे वनविभागाचे लक्ष लागले आहे. वाघाच्यादहशतीमुळे या जंगलातून तेंदूपत्ता संकलन करण्यास मजूर तयार होत नाही. त्यामुळे कंत्राटदार सदर युनिट खरेदी करीत नाही.

गडचिरोली : जिल्हा मुख्यालयापासून पाच किमी अंतरावरील कोटगल बॅरेजमध्ये मासेमारी करताना नाव उलटल्याने युवक ठार झाल्याची घटना रविवारी सकाळी ९ वाजताच्या सुमारास घडली.

विनोद बाबुराव भोयर (३६) रा. कोटगल असे मृतक युवकाचे नाव आहे. नावेच्या मदतीने विनोद हा त्याच्या सहकाऱ्यांसोबत कोटगल बॅरेजच्या पाण्यात मासे पकडण्यासाठी रात्री ३ वाजता गेला होता. दरम्यान सकाळी ९ वाजता अचानक नाव उलटली.

विनोदच्या सहकाऱ्याला पोहता येत असल्याने तो पोहत बाहेर पडला. मात्र विनोदला पोहता येत नसल्याने तो पाण्यात बुडाला. ही माहिती गडचिरोली पोलिसांना देण्यात आली. पोलिसांनी घटनास्थळ गाठून विनोदचा शोध सुरू केला.

दुपारच्या सुमारास त्याचा मृतदेह सापडला. पोलिसांनी मृतदेह उत्तरीय तपासणीसाठी पाठवला आहे. विनोदचा अचानक मृत्यू झाल्यामुळे गावात शोककळा पसरली आहे. गडचिरोली पोलिस स्टेशनचे ठाणेदार अरुण फेगडे यांच्या मार्गदर्शनात तपास सुरू आहे.

ब्रम्हपुरी : तालुक्यातील लाडज येथील एका अल्पवयीन मुलीला फूस लावून पळवून नेणाऱ्या आरोपीला ब्रम्हपुरी पोोलिसांनी राजस्थान मधून अटक केली. आरोपीला न्यायालयात हजर केले असता न्यायालयाने त्याची पोलिस कोठडीत रवानगी केली. जितेश रामबाबू जागा रा. जयपूर. राजस्थान असे आरोपीचे नाव आहे. लाडज येथील एका अल्पवयीन मुलीला आरोपीने फूस लावून कुटूबियांना न सागता पळवून नेल्याची तक्रार कुटूबियांनी ब्रम्हपुरी पोलिसात दाखल केली होती. 

त्यावरून ब्रम्हपुरी पोलिसांनी घटनेचे गांर्भीय लक्षात घेता आरोपीला त्वरीत शोध लावून मुलीला तिच्या कुटूबियांच्या स्वाधीन करून आरोपीवर गुन्हा दाखल केला.

सदर कामगिरी उपविभागीय पोलीस अधिकारी, ब्रह्मपुरी दिनकरठोसरे, पोलीस निरीक्षक अनिल जिट्टावार यांच्या मार्गदर्शनात पो उपनि निशांत जुनोनकर, सोबत पोलिस हवालदार योगेश, पोलिस शिपाई संदेश, पिएन विजय, मुकेश, प्रमोद, शिल्पा यांच्या पथकाने केली.

डुग्गीपार पोलिसांत आरोपींविरोधात गुन्हा दाखल

 गोंदिया, ब्युरो.आमगाव तालुक्यात नायब तहसीलदार आणि वन कर्मचाऱ्याला रेती माफियांनी मारहाण केल्याची घटना ताजी असतानाच आता सडक अर्जुनी तालुक्यात बुधवारी रेतीमाफियांनी तलाठ्याला शिवीगाळ करीत धक्काबुक्की करून ठार मारण्याची धमकी दिली.

सडक अर्जुनी तालुक्यातील तलाठी किशोर ऋषी सांगोडे (वय 51) हे बुधवारी घाटबोरी तेली परिसरात गस्तीवर होते. दरम्यान एका विना क्रमांकाच्या ट्रॅक्टरमध्ये चुलबंद नदीपात्रातून रेती भरून जात असल्याचे त्यांना दिसले. त्यांनी ट्रॅक्टर थांबवून जप्तीचा पंचनामा करीत ट्रॅक्टर तहसील कार्यालयात जमा करण्यास सांगितले. दरम्यान आरोपी किशोर दामोधर शिवणकर (वय 36, रा. परसोडी) याने रस्त्यातच हायड्रोलिकने ट्रॉली वर उचलून रेती रिकामी केली. 

त्यानंतर ट्रॅक्टर रस्त्याच्या बाजूला उभा करून तलाठ्याला शिवीगाळ करीत धक्काबुक्की करून पसार झाला. काही वेळाने ट्रॅक्टर मालक टिकेश अशोक फुंडे हा दुचाकीने आला आणि पेचकसने ट्रॅक्टर चालू करीत असताना तलाठ्याने ट्रॅक्टर नेऊ नको, असे म्हटले. त्यावर आरोपी टिकेशने तलाठी किशोर सांगोडे यांना तुम्ही मधात याचचे नाही, नाही तर माझ्या हाताने काहीही होऊन जाईल, असे म्हणत ठार मारण्याची धमकी देत ट्रॅक्टरसह निघून गेला. तक्रारीवरून डुग्गीपार पोलिसांनी दोन्ही आरोपींविरोधात गुन्हा दाखल केला असून पुढील तपास पोलिस उपनिरीक्षक आकाश सरोटे करीत आहे.

गाडीच्या धडकेत दोन दुचाकीस्वार जखमी

वर्धा, . लोकांनी दारू पिऊन वाहन चालवू नये यासाठी जनजागरण करणारे पोलिसच दारू पिऊन तसे करत असतील तर काय म्हणावे? दारूबंदी असलेल्या वर्धेत एका मद्यधुंद महिला पोलिस शिपायाने हैदोस घातला आहे. खासगी कार चालवीत जाणाऱ्या महिला पोलिस शिपायाने एका दुचाकीस्वारास उडविले. त्यात ऋतिक कडू व पवन आदमने हे दोघे जखमी झाले. त्यांना त्याच अवस्थेत सोडून देण्यात आले. गुरुवारी सायंकाळी ही घटना घडली. रात्री उशिरा याबाबत रामनगर पोलिसांकडे तक्रार करण्यात आली आहे. अप्पर पोलिस अधीक्षक डॉ. सागर कवडे यांनी, या प्रकरणाची चौकशी सुरू असून त्यानंतर कारवाई केली जाणार असल्याचे सांगितले.

कडू व आदमने हे आपल्या दुचाकीने आर्वी नाक्याकडे निघाले होते. त्याच वेळी मागून येणाऱ्या कारने त्यांनाधडक दिली. दोघेही जखमी झाले. अपघातानंतर उपस्थित नागरिकांनी तिथे धाव घेतली. तेव्हा स्टेअरिंग सीटवर महिला पोलिस दिसून आली.

सोबतचा पुरुष पोलिसही नशेत

लोकांनी हटकले तेव्हा महिला पोलिस नशेत असल्याचे आढळले. सोबतच कारच्या मागच्या सीटवर एक पोलिस अंमलदार नशेत निपचित पडून होता. दोघांना नागरिकांनी जाब विचारणे सुरू केले तेव्हा या दोघांनी पोलिसी तोऱ्यात रुबाब झाडत व हुज्जत घालत तेथून पळ काढला.

ब्रम्हपुरी: सुरबोडी येथील भोजराज मेश्राम (वय अंदाजे ५५) यांनी १९ फेब्रुवारी २०२४ रोजी दुपारी एकच्या सुमारास गावाजवळील रेल्वे रुळावर आत्महत्या केली. पोलिसांनी तात्काळ घटनेवर नियंत्रण मिळवून मृतदेह शवविच्छेदनासाठी ताब्यात घेतला. पोलीस निरीक्षक या प्रकरणाचा तपास करत आहेत. 

या अपघातामुळे सुराबोडी मध्ये चिंतेचे वातावरण निर्माण झाले आहे. भोजराज मेश्राम यांच्या निधनाने समाजात शोककळा पसरली आहे. त्याच्या आजूबाजूच्या लोकांमध्ये दुःख आहे. भोजराजचे कुटुंबीयही या दु:खाच्या गर्तेत बुडाले आहेत. त्यांनी त्यांच्या प्रिय व्यक्तीला गमावले आहे, ज्यामुळे त्यांना खूप दुःख होत आहे. भोजराजच्या मृत्यूने गावाला मोठा धक्का बसला असून सर्वांचे मनोधैर्य खचले आहे.

चंद्रपूर : लाचलुचपत प्रतिबंधक विभागाने शुक्रवारी (दि. १६) दोन लाचखोरांना दोन वेगवेगळ्या कारवायांत अटक केली. आश्चर्य म्हणजे, एका लाच प्रकरणात वीज कंपनीच्या तंत्रज्ञाने वीजपुरवठा सुरळीत ठेवण्यासाठी शेतकऱ्याकडून चक्क २० किलो तांदूळ व दीड हजार रुपये लाचेची मागणी केली. शालेंद्र देवराव चांदेकर असे अटकेतील आरोपीचे नाव आहे. लाचखोर हा महावितरण राजुरा उपविभागाचे वरिष्ठ तंत्रज्ञ पदावर कार्यरत होता.

राजुरा तालुक्यातील एका शेतकऱ्याने कृषिपंपासाठी थ्री फेज वीजपुरवठा सुरू करण्याची मागणी राजुरा उपविभागाचे वरिष्ठ तंत्रज्ञ शालेंद्र चांदेकर याच्याकडे केली. त्यासाठी रीतसर कागदपत्रेही जमा केली. मात्र, वीजपुरवठा हवा असेल तर २० किलो तांदूळ व दीड हजार रुपये असे एकूण ७ हजार ५०० रुपये द्या, असा तगादा लावला होता. अखेर ५ हजार रुपये देण्याबाबत तडतोड झाली. पण, पैसे देण्याची इच्छा नसल्याने शेतकऱ्याने लाचलुचपत प्रतिबंधक विभाग चंद्रपूर पथकाकडे तक्रार दाखल केली. शुक्रवारी वीज कार्यालय परिसरात ५ हजारांची लाच स्वीकारताना लाचलुचपत प्रतिबंधक विभागाने शालेंद्र चांदेकर याला रंगेहाथ अटक केली. आरोपीविरुद्धबल्लारपूर पोलिस ठाण्यात गुन्हा दाखल झाला आहे. ही कारवाई पोलिस उपअधीक्षक मंजुषा भोसले यांच्या मार्गदर्शनात पोलिस निरीक्षक जितेंद्र गुरनुले, संदेश वाघमारे, वैभव गाडगे, राकेश जांभूळकर, रोशन चांदेकर, मेघा मोहूले, हिवराज नेवारे, प्रदीप ताडाम, पुष्पा काचोळे आदींनी केली.

झिलबोडीचा लाचखोर ग्रामसेवकही जाळ्यात

बांधकामाची देयके मंजूर करण्यासाठी कंत्राटदाराकडून १० हजारांची लाच मागताना शुक्रवारी ब्रह्मपुरी तालुक्यातील झिलबोडी येथील ग्रामसेवक जाळ्यात अडकला. पुरुषोत्तम यशवंत टेंभुर्णे (४८) असे अटकेतील आरोपीचे नाव आहे. कंत्राटदाराने जि. प.अंतर्गत १५ व्या वित्त आयोगातून २०२१ ते २०२२ दरम्यान जि. प. शाळेचे शौचालय, मुतारी, अंगणवाडी, किचन शेडचे बांधकाम केले होते. या कामाचे ३ लाख ९० हजार रुपये मंजूर करण्यासाठी ग्रामसेवक पुरुषोत्तम टेंभुर्णे याने १५ हजारांची लाच मागितली. अखेर १० हजार रुपयांवर तडजोड झाली. मात्र, लाच देण्याची इच्छा नसल्याने कंत्राटदाराने लाचलुचपत प्रतिबंधक विभागाकडे तक्रार केली. लाचेची मागणी केल्याचे पंचासमक्ष स्पष्ट झाल्याने ग्रामसेवक टेंभुर्णे याला अटक करण्यात आली.

सिंदेवाहीतील नागरिकांचा आरोप 

सिंदेवाही : शासकीय कामासाठी आवश्यक असलेल्या मुद्रांकासाठी अतिरिक्त शुल्क वसूल केला जात असून, १०० रुपयांच्या मुद्रांकाला ११० ते १२० रुपये मोजावे लागत आहे, असा आरोप नागरिकांना केला आहे.

शासकीय, न्यायालयीन कामकाज व बँकेकडून कर्ज व जमीन व्यवहाराशी संबंधित कामांसाठी ग्रामीण भागातून दररोज शेकडो नागरिक तहसील कार्यालयात येतात. मुद्रांक घेण्यासाठी कार्यालयात रांग लागते. त्यामुळे कृत्रिम तुटवडा भासवून चढ्या दरात विक्री केली जाते.

मुद्रांक मिळविण्यासाठी एजंटही सक्रिय झाल्याची चर्चा आहे. कोर्ट फी, स्टॅम्प मुद्रांकासाठी जादा रक्कम घेऊन गरीब नागरिकांची लुबाडणूक सुरू असल्याची ओरड आहे. यापूर्वीही असे प्रकार तहसील कार्यालयाच्या परिसरात घडले. पण, यावर थातूमातूर कारवाई झाली होती. आता पुन्हा मुद्रांकासाठी अतिरिक्त शुल्क घेण्याचा प्रकार वाढला, असा आरोप नागरिक करीत आहेत.

मुद्रांकाचे अतिरिक्त शुल्क आकारणे चुकीचे आहे. तहसील कार्यालयात परिसरात असा प्रकार घडत असल्यास तक्रारीनुसार चौकशी करून दोषींवर कारवाई केली जाईल, मुद्रांक विक्रेत्यांनी शासकीय शुल्कापेक्षा जादा रक्कम घेऊ नये. -कृष्णा राऊत, दुय्यम निबंधक अधिकारी, सिंदेवाही

चंद्रपूर : सावली तालुक्यातील दाबगाव मौशी येथील उच्चशिक्षित युवकाचा युरोपातील ऑस्ट्रिया देशातील युवतीशी प्रेमविवाहसोहळा नुकताच संपन्न झाला. युवतीला थेट गावात आणून बैलबंडीतून वरात काढत अतिशय साध्या पद्धतीने विवाह केला. या अनोख्या प्रेमविवाह सोहळ्याची जिल्ह्यातभरात होत असून चित्रफिती समाज माध्यमावर प्रचंड व्हायरल होत आहे. विशेष म्हणजे, या विवाह सोहळ्याला अमेरिका, स्पेन, दक्षिण आफ्रिका, फिलिपीन्स, नेदरलॅन्ड, ऑस्ट्रियासह नऊ देशांतील वधूचे आप्तेष्ट सहभागी झाले होते.

आर्थिकदृष्ट्या संपन्न असलेल्या सुकरू पाटील आभारे यांचा एकुलता एक मुलगा हेमंत उच्च शिक्षित असून विदेशातील एका कंपनीत मोठ्या पदावर कार्यरत आहे. त्याचे ऑस्ट्रिया देशातील युडीश हरमायनी प्रित्झ, रा. बियेना ऑस्ट्रिया या युवतीशी प्रेमसंबंध जुळून आले. दरम्यान, दोघांनीही लग्न करण्याचे ठरवल्यानंतर त्यांनी थेट आपले गाव गाठले. आईवडिलांच्या परवानगीनंतर लग्नाची तारीख ठरविण्यात आली. मात्र, गावात समारंभ युक्त सभागृह नसल्याने थेट स्वतःच्या शेतातच लग्न करण्याचे ठरले. कोणताही मंडप किंवा बडेजावपणा न करता शेतातील एका झाडाखाली लग्नविधी सामाजिक रीतिरिवाजाप्रमाणे पार पाडण्यात आला. आधुनिक युगात नावीन्यपूर्ण आणि दिखाऊपणाचा बाज न आणता जुन्या पद्धतीच्या बैलबंडीने वाजतगाजत वरात काढण्यात आली होती. या समारंभाला अमेरिका, स्पेन, दक्षिण आफ्रिका, फिलिपीन्स, नेदरलॅन्ड, ऑस्ट्रियासह नऊ देशांतील वधूचे आप्तेष्ट उपस्थित होते.

बैलबंडीने निघालेल्या वरातीत विदेशातून दाखल झालेल्या पाहुण्यांनी डिजे, बॅन्डच्या तालावर नृत्यृ, डान्स केला. चंद्रपूरच्या सावलीतील युवकांने थेट युरोपातील आस्ट्रिया येथील विवाह केल्याने सर्वत्र चर्चेचा विषय ठरला असून या विवाह सोहळ्याच्या चित्रफीत समाजमाध्यमावर सार्वत्रिक झाली आहे. जागतिक प्रेमदिनाच्या दोन दिवस पूर्वीच हा विवाह सोहळा अतिशय आनंदी व उत्साही वातावरणात पार पडला. लग्नपत्रिकेपासून तर मंगलाष्टके, हळद, संगीत व विवाह समारंभातील सर्व आवश्यक कार्यक्रम भारतीय पध्दतीने येथे पार पडले. विदेशी पाहुणे भारतीय पध्दतीने साजरे होणारे लग्न बघून आनंदीत झाले.

देसाईगंज : मुलगा दहा वर्षांचाअसताना पतीचे निधन झाले. मात्र, माउलीने एकटीने संसार सावरला. मोठ्या कष्टाने एकुलत्या एक मुलाला लहानाचे मोठे केले. राबराब राबून रापलेल्या या मायमाउलीसाठी लेकच आयुष्याच्या सायंकाळी आधाराची काठी होता, पण नियतीने ही काठी हिरावून घेतली. कुरुड येथील प्रतीक विजय घोडेस्वार (३०) हा तरुण नाटक पाहण्यासाठी म्हणून घरातून गेला व सकाळी स्वतःच्याच घराच्या दारात

रक्ताच्या थारोळ्यात आढळला. उपचारादरम्यान तिसऱ्या दिवशी त्याचा मृत्यू झाला. या रहस्यमय घटनेने तालुका हादरून गेला आहे. प्रतीक हा मजुरीकाम करायचा. कुरुड येथे ८ फेब्रुवारी रोजी रात्री यात्रोत्सवानिमित्त गावात नाटक आले होते.

 ते पाहण्यासाठी तो आई मंदाबाई (५०) यांना सांगून सायंकाळी सात वाजता घराबाहेर पडला. पहाटे तीन वाजेपर्यंत शामियानात तो नाटकाचा आनंद घेत असल्याने काही जणांनी पाहिले होते. मात्र, नंतर तो गायब झाला व सकाळी साडेसहा वाजता स्वतःच्या घरासमोर दारात रक्ताच्या थारोळ्यात गंभीररीत्या जखमी स्थितीत आढळला.

तत्काळ नुकसानभरपाईची मागणी

मक्यासह कारले पीक उद्ध्वस्त

 देसाईगंज, (ता. प्र.). मागील दोन महिन्यांपासून जंगली हत्तींनी तालुक्यात ठाण मांडले आहे. चार दिवसांपूर्वी तालुक्यातील कोंढाळा, शिवराजपूर परिसरात पिकांची नासधूस केल्यानंतर बुधवारी रात्रीच्या सुमारास याच भागातील शंकरनगर परिसरात जंगली हत्तींनी धुमाकूळ घालून उभ्या मक्याच्या पिकासह कारल्याचे प्रचंड नुकसान केले  आहे.

22 च्या संख्येत असलेल्या जंगली - हत्तींनी मागील दोन महिन्यांपासून देसाईगंज तालुक्यातील घनदाट जंगलात ठाण मांडले आहे. हत्तींनी डोंगरगाव, चिखली, रिठ, शिवराजपूर, कोंढाळा - परिसरात फिरुन शेतकऱ्यांचे अतोनात - नुकसान केले. 11 फेब्रुवारी रोजी हत्तींनी - उसेगाव जंगल परिसरात मोर्चा वळविला - होता. मंगळवारी हत्ती कक्ष क्रं. 91 मध्ये आढळून आले होते. यावेळी इंटियाडोह - धरच्या पाण्यावर रोवणी झालेल्या धानात हत्तींनी धुडगूस घालून मोठ्या प्रमाणातनुकसान केले होते. 

तर बुधवारच्या रात्री शंकरनगर गाव परिसराकडे हत्तींनी मोर्चा वळविला. निरंजन महिंद्र हलदार, रविन बाला, सुजय विश्वास, बिधान मंडल, निर्मल मिस्त्री, गौरंग मिस्त्री, कृष्णा माझी, समीर विश्वास या शेतकऱ्यांच्या कारले, मक्याच्या पिकांमध्ये कळप शिरला. या हत्तींनी पिक फस्त करण्यासोबत पायदळी तुडवल्याने पिकाचे प्रचंड नुकसान झाले आहे.

20 ते 22 हत्तींचा कळप रात्रीच्या वेळी शेतात शिरतात. यापूर्वीसुद्धा डिसेंबर 2023 मध्ये हत्तींनी शंकरनगर येथे एका महिलेला ठार केले होते. त्यामुळे हत्तींच्या वाट्याला जाण्याची हिंमत शेतकरी करताना दिसत नाहीत. मात्र हत्तींमुळे झालेल्या नुकसानाची तत्काळ भरपाई देऊन हत्तींना पिटाळून लावण्यात यावे, अशी मागणी नुकसानग्रस्त शेतकऱ्यांसह ग्रामस्थांनी केली आहे.

सामाजिक स्वास्थ्य धोक्यात: कारवाई केव्हा होणार?

 वडधा : गडचिरोली जिल्हा हा दारूबंदी जिल्हा असला तरी मात्र जिल्ह्यामध्ये मोठ्या प्रमाणात देशी-विदेशी दारूसह मोह फुलाची दारू सर्रासपणे विकली जात आहे. मात्र, या खुलेआम दारू विक्रीकडे पोलिस प्रशासनाचे दुर्लक्ष होत आहे. आरमोरी तालुक्याच्या वडधा परिसरात देशी-विदेशी, मोह दारू विक्रीला कोणाचा आशीर्वाद? असा सवाल उपस्थित होत आहे.

पोलिस प्रशासनाच्या दुर्लक्षितपणामुळे अनेक कुटुंबे दारूच्या आहारी जाऊन कित्येक नागरिकांनाविषारी दारू पिऊन जीवसुद्धा गमवावे लागले आहेत. अशी स्थिती आरमोरी तालुक्यातील वडधा परिसरामध्ये सुरू असून वडधा हे गाव ग्रामीण भागामध्ये केंद्रस्थान असल्याने येथे मोठ्या प्रमाणात दारू शौकीन आपली शौक भागविण्यासाठी येत असतात

वडधात देशी-विदेशी तसेच मोह फुलाची दारू खुलेआम मिळत असल्याने कायदा शांतता व सुव्यवस्थेचे तीन तेरा वाजले असून दारूमुळे सुजाण नागरिकांना याचा मानसिक त्रास सहन करावा लागत आहे. एवढ्या खुलेआम दारू विक्रीला कोणाचे पाठबळ आहे, असा सवाल आहे. पाठबळ नसेल तर दारू विक्रेत्यांना एवढी मुजोरी येथे कुठून? बरेचसे नागरिक दारूच्या आहारी गेल्याने अतिशौकीन रोडलासुद्धा पडून असतात. वडधा परिसरात वाघाची दहशत असून रोडला पडून असलेल्या व्यक्तीच्या जिवाला धोका आहे.

महिलांना सावध करा

केरळ मध्ये 32000 मुली बेपत्ता झाल्या, महाराष्ट्रात पण खूप प्रमाण वाढलं आहे त्यात हा प्रकार देखील असू शकतो, अवश्य वाचा आणि शक्य तितके व्हायरल करा

         --विश्वास नांगरे पाटील, IPS, महाराष्ट्र पोलीस.

      एक बाई चार दिवसापासून बससाठी थांबत होती. एका मुली सोबत मैत्री केली, बस आली, दोघी बसमध्ये चढल्या, एकाच सीटवर शेजारी बसल्या, बस थोडी पुढे गेली, बाईने दोन चाॅकलेट काढल्या, एक स्वतः खाल्ले व दुसरे तिला दिले, कोणतीही शंका न येता तिने खाल्ले, काही वेळात चक्कर यायला लागली, ही बाई घाबरली ?

      कंडक्टर गाडी थांबवा. हिला दवाखान्यात न्यायचेय. गाडी थांबली, ती बेशुद्ध होती, बाकीच्या प्रवाशांच्या मदतीने दोघी खाली उतरल्या.

      बस निघून गेली आणि मागून एक फोर व्हिलर आली, आतून तीन तरूण उतरले, बेशुद्ध मुलीला गाडीत घेतले, त्या बाईला २० हजार दिले, गाडी निघून गेली,

      या नंतर पुढील चार दिवस अत्याचार होत होते, आणि मग तीला वेश्यांच्या बाजारात एका टोळीला विकले, या काळात तिने अनेकदा पळून जाण्याचा प्रयत्न केला, घरी संपर्क करण्यासाठी धडपड केली,

      पण व्यर्थ, ही मुलगी शांत बसणारी नाही आणि वेश्या व्यवसाय करायलाही विरोध करते, मग काय करावे ?  

      ही जिवंत ठेवणे फायद्याची नाही, पण हिच्या किडनी, डोळे व रक्त ह्यातुन पैसा मिळवू. आणि जिवंतपणीच तिचे डोळे, किडनी, रक्त आणि इतर अवयव काढून घेतले, यातच तिचा मृत्यू झाला.

एक निष्पाप जीव गेला...

    शिक्षा मात्र कुणाला ? आम्ही आपणाला विनंती करतो. एखादी मुलगी चुकीचे वागली याचा अर्थ सगळ्याच मुली चुकीच्या असतात हा आपला भ्रम दुर करा

      बाहेरच्या अनोळखी व्यक्तीकडून कोणतीही गोष्ट खाऊ आणि घेऊ नका, समाजात विकृत लोक भरपुर आहेत, आपण सावध रहा.

      आज हजारो मुली गायब होत आहेत, अत्याचारासाठी, घरकामासाठी, परदेशात विकण्यासाठी, आतंकवादा साठी, वेश्याव्यवसायासाठी आणि अवयव विक्रीसाठी मुलींना पळवले जाते आणि ठारही मारले जाते. 

           महाराष्ट्र पोलीस

============================

महिलांना सावध करा, कृपया हा मॅसेज सर्व जवळच्यांना पाठवा, ज्यांना आई-बहीण आणि मैत्रीण आहे.

आपला एक मेसेज आपल्या-

🙎आईचा...

🙆 बायकोचा...

👧 मुलीचा...

👭 बहिणीचा...

🙋 प्रेमीकेचा...

जीव वाचवू शकतो...

🙏🏻🙏🏻🙏🏻🙏🏻🙏🏻🙏🏻🙏🏻

हॉनर कंपनी लवकरच आपला नवीन स्मार्टफोन हॉनर एक्स१बी लॉन्च करणार आहे. अल्ट्रा-बाऊंसिंग डिस्प्ले 'एअरबॅग' तंत्रज्ञानाने सुसज्ज असलेला हा भारतातील पहिला फोन असेल, असे कंपनीचे म्हणणे आहे. हे स्नॅपड्रॅगन चिपसेट आणि दीर्घ बॅटरी आयुष्यासह येईल. कंपनी म्हणते की यात अल्ट्रा बाउन्स 360 अँटी-ड्रॉप रेझिस्टन्स असेल, जे अत्याधुनिक कुशनिंग तंत्रज्ञानामुळे शक्य आहे. हा अल्ट्रा बाउन्स अँटी ड्रॉप डिस्प्ले शॉक शोषून घेणारी रचना समायोजित करून अधिक संरक्षण प्रदान करण्याचे वचन देतो. यामध्ये वक्र AMOLED डिस्प्ले असेल असा कंपनीचा दावा आहे. हे सर्व 6 फेस आणि 4 कॉर्नरवर 1.5 मीटरपर्यंत ड्रॉप रेझिस्टन्स प्रदान करते, म्हणजेच फोन कोणत्याही प्रकारे पडला तरी तो तुटणार नाही.

सर्कॅडियन नाईट डिस्प्ले

यात 120 Hz रिफ्रेश रेट आणि 1.5K रिझोल्यूशनसह मोठा 6.78-इंचाचा डिस्प्ले आहे. डोळ्यांच्या संरक्षणासाठी नैसर्गिक प्रकाशाच्या तालासाठी डायनॅमिक डिमिंग आणि रात्रीच्या वेळी वापरताना निळा प्रकाश फिल्टर करण्यासाठी सर्केडियन नाईट डिस्प्ले आहे. हा फोन 12GB रॅम आणि 256GB स्टोरेज सह लॉन्च केला जाईल. यात 8GB व्हर्चुअल रॅमचा सपोर्ट असेल. प्राथमिक लेन्स 108 मेगापिक्सेल, 5 मेगापिक्सेल अल्ट्रा-वाइड एंगल लेन्स आणि 2 मेगापिक्सेल मॅको लेन्स असणे अपेक्षित आहे. सेल्फीसाठी, यात 16 मेगापिक्सेल कॅमेरा मिळू श शकतो. यात 35W फास्ट चार्जिंग सपोर्ट आणि टाइप-सी पोर्टसह 5800 mAh बॅटरी असेल.

मनोज पांडे हा भाजपचा एजंट आहे

स्वामीप्रसाद मौर्य यांचा हल्लाबोल

लखनौ, . सोने की चिडिया संबोधल्या जाणाऱ्या भारताला धर्माच्या ठेकेदारांनी गरीब आणि लाचार केले असल्याची टीका समाजवादी पक्षाचे नेते स्वामीप्रसाद मौर्य यांनी केली. अपयश लपविण्यासाठी ते धर्म आणि रामाच्या नावाचा बिगुल वाजवत आहेत, अशा शब्दांत त्यांनी भाजपावर निशाणाही साधला तसेच मनोज पांडेय हे भाजपाचे एजंट असल्याचा दावादेखील त्यांनी केला. या देशातील दलित, आदिवासी आणि मागासवर्गीयांवर अत्याचार करणे, अत्याचार करणे हा आपला हक्क मानणारे, आपल्यासाठी प्राण्यांपेक्षाही वाईट जगण्याची परिस्थिती निर्माण करणारे आपले गुणगान कसे करू शकतात ? असा सवालही त्यांनी केला. रामचरितमानसच्या चौपईचा उल्लेख करत त्यांनी केंद्र सरकारवर निशाणा साधला. ढोल, रानटी, शूद्र, पशु स्त्री, घोर शिक्षेचे अधिकारी या आधारावर तुम्ही जर सावध राहिले नाही तर तुनचे शोषण सुरूच राहील.

अयोध्येत हजारो वर्षांपासून रामाची पूजा केली जाते. भाजप त्याचे मार्केटिंग करत आहे. तरुण बेरोजगार आहेत, पण त्यांच्या नोकरीचा प्रश्नच नाही. ईडीच्या माध्यमातून सरकार विरोधी नेत्यांना त्रास देत आहे. लोकशाहीप्रधान देशात लोकशाही गिळंकृत करण्याची तयारी सुरू आहे.

 - स्वामीप्रसाद मौर्य, नेते सपा

सोशल मीडियावर वेगळ्याच चर्चा; पाणी आले काय अन् न आले काय?

चंद्रपूर : सद्य:स्थितीत सोशल मीडिया हे प्रभावी व्यासपीठ म्हणून समोर येत आहे. मात्र, आजची तरुणाई सोशल मीडियावर केवळ वायफळ चर्चा अन् चॅटिंग करण्यात गुंग दिसून येते. केवळ वाढदिवसाच्या शुभेच्छा, मॅरिज अनिवर्रसरीच्या शुभेच्छा देण्यातच तरुणाई धन्यता मानत आहे. याउलट देशातील, शहरातील समस्यांवर चर्चाच होताना दिसून येत नाही.

द्विटर, व्हॉटसअॅप यावर एखादी समस्या टाकली तर बऱ्याचदा तिची सोडवणूक झाल्याचे समोर आले आहे. मात्र, अनेक जागरूक नागरिक शहरातील विविध समस्यांचे फोटो टाकून त्यावर चर्चा करताना दिसतात. बऱ्याचदा तर राष्ट्रीय पातळीवरील घडामोडींवरसुद्धा चर्चा केली जाते. सर्वांत मोठ्या प्रमाणातसोशल मीडियाचा वापर तरुणाईच करीत असतानासुद्धा या चर्चेमध्ये आजचा तरुण सहभागी झालेला दिसूनयेत नाही. केवळ आपल्या मित्र- मैत्रिणीसोबतच चॅटिंग करणे, एकमेकांच्या वाढदिवसासंदर्भात स्टेटस ठेवणे, इन्स्टावर रिल्स बनविणे यामध्ये हे तरुण गुंतले असल्याचे दिसून येत आहे.मात्र, ही अत्यंत गंभीर अन् चिंतेची बाब असल्याचे सुज्ञ व्यक्तींचे म्हणणे आहे.

या प्रश्नांवर सोशल मीडियावर आवाज कुठे?

*शहरातील पाणी समस्या :

चंद्रपूर शहरात अद्यापही बऱ्याच भागात अमृत योजनेचा पाणीपुरवठा सुरु झालेला नाही. मात्र त्याची चर्चाच होताना दिसून येत नाही.

*वाढलेली बेरोजगारी :

जिल्ह्यात बेरोजगारी मोठ्या प्रमाणात वाढलेली आहे. ना नोकरी, ना उद्योगासाठी भांडवल तरीही तरुण सोशल मीडियावर शांतच आहे.

*शेतमालाला भाव नाही:

शेतकऱ्यांनी पिकविलेल्या धान, कापूस, सोयाबीनला अत्यल्प भाव आहे. तरीही त्याबाबत चर्चा होताना दिसून येत नाही.

तलाठी भरतीसंदर्भात किती ओरड झाली. आंदोलने निवेदन दिले काय फलित झाले, शासनाने झोपेचे सोंग घेतले असल्याने चर्चा करून फायदाच काय?

- प्रतिश नागोसे, तरुण

शुभेच्छा अन् चॅटिंगसाठीच वापर

सोशल मीडियाचा वापर आता लहान थोरांपासून ज्येष्ठ नागरिकसुद्धा करताना दिसून येत आहेत. मात्र, यात आवश्यक विषयावर बगल देऊन आजकाल वाढदिवस, मॅरिज अनिवर्रसरीच्या शुभेच्छा किंवा मित्र मैत्रिणीसोबत चॅटिंगसाठी मोठ्या प्रमाणात होत असल्याचे दिसून येते.

■ बऱ्याचदा राज्यापासून देश-विदेशांतील प्रश्नांवर, राजकारणावर सोशल मीडियात पोटतिडकीने मते माडली जातात. पण, स्थानिक प्रश्नाविषयी गांभीर्य दिसून येत नाही.

अनहेरनवरगाव : ब्रहपुरी तालुकातील अन्हेरनवरगाव येथील आईवडिलांचा एकुलता एक असलेल्या एका युवकाने गळफास घेत जीवनयात्रा संपविली. ही घटना रविवार दि. ११ फेब्रुवारी रोजी सायंकाळी उघडकीस आली. अंकित राजू लोखंडे (२४) असे गळफास घेतलेल्या युवकाचे नाव आहे.

अंकितने रविवारी सायंकाळी राहत्या घराच्या छताच्या हुकाला गळफास घेतला. यासंदर्भात कुटुंबीयांना कळताच त्यांनी तत्काळ पोलिसांनी यासंदर्भात माहिती दिली. घटनास्थळी पोलिस दाखल झाले. त्यानंतर पंचनामा करून पार्थिव शवविच्छेदनासाठी नेण्यात आले. युवकाच्या आत्महत्येमागील कारण अद्याप समजू शकले नाही.

माणूस मरतो, आत्मा जिवंत राहतो

गडचिरोली : जिल्हाधिकाऱ्यांच्यायेथील शासकीयशिखरदीप बंगल्यात सुरक्षारक्षक म्हणून काम करणाऱ्या राज्य राखीव दलाच्या सुरक्षारक्षक जवानाने माणूस मरतो, आत्मा जिवंत राहतो... असे स्टेटस व्हॉट्सअॅपला ठेवून स्वतःच्या डोक्यात गोळी झाडून आत्महत्या केली. १२ फेब्रुवारी रोजी सकाळी साडेअकराच्या सुमारास ही घटना घडली.

या घटनेने एकच खळबळ उडाली. उत्तम किसनराव श्रीरामे (३२) असे आत्महत्या केलेल्या जवानाचे नाव आहे. ते मूळचे नांदेड जिल्ह्यातील देगलूर तालुक्यातील रहिवासी आहेत. श्रीरामे यांचा तीन वर्षांपूर्वीच विवाहझाला होता. राज्य राखीव दलाच्या पुणे येथील गट क्र. १ मध्ये सेवा बजावत होते. सध्या ते गडचिरोली जिल्ह्यात कार्यरत होते. कॉम्प्लेक्स परिसरात जिल्हाधिकारी संजय मीणा यांचे शिखरदीप नावाचे शासकीय निवासस्थान आहे. या निवासस्थानी उत्तम श्रीरामे हे सुरक्षारक्षक म्हणून कर्तव्य बजावत होते. सोमवारी सकाळी साडेअकरा वाजेच्या सुमारास ड्युटी संपल्यावर बंगल्यातीलच विश्रामगृहात खाटेवर झोपून स्वतःच्या डोक्यात पिस्तूलमधून गोळी झाडून घेतली

आत्महत्येचे कारण अस्पष्ट

पोलिस अधीक्षक नीलोत्पल यांनी घटनास्थळी सुसाईड नोट आढळली नाही, असे स्पष्ट केले. त्यांच्यावर कामाचा ताणही नव्हता, त्यांनी आत्महत्या का केली, हे स्पष्ट झालेले नसून अधिक तपास सुरू असल्याचे त्यांनी सांगितले.

जबलपूर, : जर एखादी महिला स्वतःच्या इच्छेने वेगळी राहात असेल तर तिला तिच्या पतीकडून देखभाल भत्ता घेण्याचा अधिकार नाही, असे जबलपूरच्या कौटुंबिक न्यायालयाने स्पष्टपणे म्हटले आहे. असे म्हणत न्यायालयाने पतीपासून विभक्त राहणाऱ्या महिलेची याचिका फेटाळून लावली.

 न्यायालयाने म्हटले की, महिलेने स्वतःच तिच्या पतीपासून वेगळे राहण्याचा निर्णय घेतला असल्याने तिला भरणपोषण मागण्याचा अधिकार नाही. कोर्टात महिलेच्या अर्जावर सुनावणी सुरू असताना तिच्या पतीने सांगितले की, दोघेही 15 डिसेंबर 2020 पासून वेगळे झाले आहेत. पतीने सांगितले की, त्यावेळी पत्नी स्वतः विभक्त झाली होती. त्यानंतर पतीने हिंदू विवाह कायद्याच्या कलम १ अंतर्गत मिळालेले वैवाहिक हक्क बहाल करण्याची मागणी करत न्यायालयात धाव घेतली होती.

 कोरबा, वृत्तसंस्था. भाजपा सरकारने नोटाबंदी केली आणि त्यानंतर जीएसटी लागू करण्यात आला. सरकारच्या या निर्णयांमुळे छोटे व्यापारी देशोधडीला लागले. प्रत्येक क्षेत्र काही लोकांमध्ये विभागले जात आहे. सत्ता, संरक्षण, आरोग्य, रिटेल, विमानतळ... देशातील कोणत्याही उद्योगात निवडक लोक असतात, याचा अर्थ संपूर्ण यंत्रणा तीन-चार लोकांसाठी चालवली जात आहे. बाकीची जनता महागाई खाली दबली गेली आहे. हा आर्थिक अन्याय असल्याची टीका काँग्रेस नेते राहु गांधी यांनी केली. भारत जोडो न्याय यात्रेदरम्यान ते छत्तीसगडमधील कोरबा येथे आले असताना एका सभेला संबोधित करीत होते.

केंद्र सरकारवर घणाघात मागासलेले लोक, दलित आणि आदिवासी हे देशातील 74 टक्के आहेत, परंतु या समुदायातीलएकही व्यक्ती भारतातील सर्वोच्च 200 कंपन्यांचा मालक नाही किंवा ज्यांना देशाचा पैसा दिला जात आहे त्यांच्या व्यवस्थापनात सहभागी नाही. ते म्हणाले की, भाजपा याला हिंदु राष्ट्र म्हणतो पण देशातील 74 टक्के लोकसंख्या आणि सर्वसामान्य गरिबांना काहीच मिळत नाही. ते फक्त ताट वाजवायला, बेल वाजवण्यासाठी, मोबाईल दाखवायला आणि उपाशी मरण्यासाठी आहे, अशा शब्दांत त्यांनी टीका केली.

लोकांच्या कष्टाचा सर्व पैसा भांडवलदारांच्या कंपन्यांमध्ये जात आहे. त्यांच्या कंपन्यांमध्ये दलित आणि मागासलेले लोक नाहीत. देशातील विविध क्षेत्रात दलित आणि मागासवर्गीयांचा सहभाग नाही. भाजपा हिंदू राष्ट्राबाबत बोलते, मात्र मागास, दलित, आदिवासी वर्गाला काहीच मिळत नाही. राम मंदिराच्या उद्घाटनाच्या वेळीही एकही गरीब-मजूर शेतकरी दिसला नाही.

- राहुल गांधी, नेते, काँग्रेस

गडचिरोली : राजाराम येथील धान खरेदी केंद्रावर मापात पाप केले जात असल्याचा दावा करुन १२ फेब्रुवारीला मन्नेराजाराम पोलिस ठाण्यात तक्रार करण्यात आली. या प्रकरणात खरेदी केंद्रावर गुन्हा नोंदवावा, अशी मागणी सामाजिक कार्यकर्ते संतोष ताटीकोंडावार यांनी केली.

पोलिसांत केलेल्या तक्रारीत ताटीकोंडावार यांनी म्हटले आहे की, शासनाच्या हमीभाव योजनेअंतर्गत जिल्ह्यात आदिवासी विकास महामंडळ आणि मार्केटिंग फेडरेशन मार्फत शेतकऱ्याकडून धान खरेदी करण्यात येते. सध्या आदिवासी विकास महामंडळाचे ९३ आणि मार्केटिंग फेडरेशनचे २१ असे

साधारणतः ११४ खरेदी केंद्रांवर ही धान खरेदी सुरु असून आर्थिक संकटात असलेल्या शेतकऱ्यांची मुस्कटदाबी केली जात येत आहे. शासन नियमा प्रमाणे खरेतर एका गोणी (पोते) मध्ये ४० किलो ६०० ग्रॅम वजनापेक्षा अधिक धानाची खरेदी करता येत नाही. मात्र जिल्हाभरातील सर्व धान खरेदी केंद्रांवर शेतकऱ्यांकडून ४२ ते ४३ किलो प्रती गोणी (पोते) वजनाने शेतकऱ्यांकडून धान खरेदी करण्यात येत असल्याचा आरोपही त्यांनी केला आहे.

राजाराम येथील खरेदी केंद्रावरही हा प्रकार होत असून गुन्हा नोंदवावा, अशी मागणी त्यांनी केली. सरपंच शारदा कोरेत, पोलिस पाटील इंदरशाह मडावी, कृष्णा सेडम उपस्थित होते.

ब्रह्मपुरी : पत्नीने शिवीगाळ केली या क्षुल्लक कारणावरून झालेल्याभांडणातून पतीने पत्नीची हत्या केल्याची घटना ब्रहापुरी तालुक्यातील मालडोंगरी येथे सोमवार, दि. १२ रोजी सकाळी ७ वाजेच्या सुमारास घडली. हिरकण्या जयदेव पिल्लेवान (५०), रा. मालडोंगरी, असे मृत महिलेचे नाव आहे. जयदेव पिल्लेवान (५५), रा. मालडोंगरी असे आरोपीचे नाव आहे.

मागील तीन दिवसांपासून हिरकण्या पिल्लेवान व तिच्या पतीमध्ये भांडण सुरू होते. रविवारी रात्रीसुद्धा पती-पत्नीमध्ये भांडण झाल्याचे त्यांच्या मुलाला दिसले. परंतु नेहमीच भांडण आहे, म्हणून त्याने लक्ष दिले नाही. सोमवारी सकाळी झोपुन उठल्यानंतर मुलाला त्याची आई झोपून असलेली दिसली. 

तिला हलवून बघितले असता तिचा मृत्यू झाल्याचे आढळून आले. त्यानंतर त्याने ब्रह्मपुरी पोलिसांना माहिती दिली. घटनेची माहिती मिळताच ब्रहापुरी पोलिसांनी आरोपी जयदेव पिल्लेवान याला ताब्यात घेतले.

आरोपीने पत्नीला हाताबुक्क्यांनी मारहाण केल्याने डोक्याला मार लागला. यातच तिचा मृत्यू झाला. असे मृतक महिलेच्या मुलाने पोलिसांत दिलेल्या तक्रारीत नमूद केले आहे. घटनेचा पुढील तपास पोलिस निरीक्षक अनिल जिट्टावार यांच्या मार्गदर्शनाखाली सहायक पोलिस निरीक्षक नागलोत करीत आहेत.

कोरबा (छत्तीसगड) : मोबाइल वापरणे हे एक प्रकारचे व्यसन असून, ते तुमच्यावर लादले जात आहे. जेणेकरून उद्योगपती अधिकाधिक पैसे कमावू शकतील. तुम्ही तुमचा मोबाइल जितका जास्त वापरता तितके ते (उद्योगपती) जास्त पैसे कमावतात, असे काँग्रेस नेते राहुल गांधी यांनी सोमवारी येथे म्हटले.

छत्तीसगडच्या कोरबा जिल्ह्यात 'भारत जोडो न्याय यात्रे'दरम्यान एका जाहीर सभेला संबोधित करताना ते बोलत होते. ते पुढे म्हणाले की, आजकाल लोक आणि विद्यार्थी सुमारे ८-१० तास मोबाइलवर असतात. हे सर्वांत धोकादायक व्यसन आहे. उद्योगपती दिवसातून फक्त १०-१५ मिनिटे मोबाइल वापरतात. कारण त्यांचे लक्ष पैसे कमावण्यावर असते. ते २४ तास पैसे कमावतात. हे पैसे तुमच्या खिशातून जात आहेत. मी सतत हे सांगतोय; पण तुम्हाला ते समजत नाही. तुमचे लक्ष दुसरीकडे वळवले जात आहे. फोन असो किंवा मीडिया, कधी ते अक्षय कुमारला नाचताना दाखवतील तर कधी ऐश्वर्या रायला आणि तुमचे पैसे जात राहतील. तुम्ही मोबाइल पाहा, सकाळी, दुपारच्या जेवणात आणि रात्री स्वतःला एकच प्रश्न जरूर विचारा की, तुम्हाला भारताच्या तिजोरीतून दररोज किती पैसे मिळतात. ज्या दिवशी १० लाख लोक हा प्रश्न विचारू लागतीलतेव्हा संपूर्ण देश हादरून जाईल.

तुम्हाला हे (मुद्दे) समजत नाही असे म्हणणे मला आवडत नाही; मात्र प्रत्यक्षात दिशाभूल करून तुमच्या खिशावर दरोडा टाकला जातोय, असेही ते म्हणाले. (वृत्तसंस्था)

परीक्षेमुळे यात्रेचा

कालावधी घटवला

■ 'भारत जोडो न्याय यात्रे'चा उत्तर प्रदेश (यूपी) टप्प्याचा कालावधी कमी करण्यात आला असून, आता ही यात्रा ११ दिवसांऐवजी फक्त सहा दिवसच उत्तर प्रदेशात राहणार आहे.

■ १०, १२ वीच्या परीक्षांमुळे हा निर्णय घेण्यात आला, अशी माहिती काँग्रेसच्या एका नेत्याने दिली. पूर्वनियोजित रापत्रकानुसार ही यात्रा १६ फेब्रुवारी ते २६ फेब्रुवारी या कालावधीत उत्तर प्रदेशात भ्रमंती करणार होती;

■ परंतु राज्यात २२ फेब्रुवारीपासून दहावी व बारावीच्या परीक्षा सुरू होणार असल्याने आता २१ फेब्रुवारीपर्यंतच ही यात्रा या राज्यात राहणार आहे.

मुंबई : पश्चिम बंगाल, पंजाब बिहारमध्ये सुद्धा भाजपच्या मनासारख्या घटना घडून इंडिया आघाडीची शकले पडत असताना आता दिल्लीचे लक्ष्य महाराष्ट्राकडे लागले आहे. लोकसभा निवडणुकीपूर्वी उध्दव ठाकरे यांची शिवसेना, शरद पवारांची राष्ट्रवादी काँग्रेस आणि काँग्रेस यांची महाविकास आघाडी फोडण्याचे डावपेच आखले जात असल्याची माहिती सूत्रांनी दिली. तपास यंत्रणांना हाताशी धरून उध्दव आणि पवारांच्या शिल्लक आमदारांना सुद्धा भाजपमध्ये आणायचे आणि नंतर ऐन निवडणुकीच्या तोंडावर काँग्रेसचे बडे नेते गळाला लावून उरल्या सुरल्या आघाडीला सुरुंग लावण्याची तयारी सुरू आहे.

ममता बॅनर्जी, अरविंद केजरीवाल, नितीश कुमार या इंडिया आघाडीच्या प्रमुख नेत्यांनी वेगळी चूल मांडल्याने भाजपमध्ये सध्या खुशीचे वातावरण आहे. राममंदिर आणि कलम ३७० मुळे २०२४ मध्ये आमचा विजय निश्चित झाला असून आम्हाला आता वेध लागले आहेत ते २०२९ असा भाजपचा सध्या प्रचार प्रसार सुरू आहे. मात्र भाजप हा देशात असा एकमेव पक्ष आहे जो वर्षाचे ३६५ दिवस फक्त राजकारण करतो. आपल्या विरोधकांना किंचितही मोकळीक राहता कामा नये, असा विचार करत असतो.याच मुळे आता त्यांनी महाराष्ट्रात आघाडीची कोंडी करण्याचा निर्णय घेतला आहे.

एकनाथ शिंदे आणि अजित पवार यांना सोबत घेऊन सुद्धा महाराष्ट्रात लोकसभेच्या ४८ पैकी ४५ जागा जिंकण्याचे मिशन यशस्वी होताना दिसत नसल्याने भाजप पक्षश्रेष्ठी अस्वस्थ आहेत. गुप्तचर यंत्रणा आणि पोलिसांचा तसेच भाजप आणि खासगी यंत्रणांचा अहवाल हा भाजपचे मिशन यशस्वी होत नसल्याचे सांगत आहे. महाविकास आघाडी ४८ पैकी किमान २५ ते ३० जागा मिळवतील, असा अंदाज सांगितला जात आहे. उध्दव ठाकरे यांची सहानभुती कायम असून शरद पवार आपले सारे कसब पणाला लावत आहेत. काँग्रेस सुद्धा अजून डळमळीत झालेली नसल्याने भाजपचे निवडणूक रणनीतिकार नवीन चाल खेळण्याचे डावपेच आखत आहेत. उध्दव ठाकरे यांना यापुढे कुठल्याही प्रकारची सहानुभूती मिळवू द्यायची नाही आणि यासाठी भाजप नेते तसेच प्रवक्ते यांनी मातोश्रीवर आधी सडकून टीका करणे बंद करावी, असे आदेश निघाले आहेत. यामुळे गेले काही महिने सतत टीकेचा आसूड घेऊन उभे असलेले नारायण राणे आणि त्यांची दोन चिरंजीव निलेश आणि नितेश राणे, आशिष शेलार, प्रवीण दरेकर, प्रसाद लाड यांना सध्या थोडे शांत बसण्यास सांगण्यात आल्याचे कळते. यामुळे गेले काही  महाराष्ट्रातील.. उध्दव आणि आदित्य यांच्यावर होणारी टीका आता कमी झाली आहे. याबरोबर किरीट सोमय्या सुद्धा शांतचित्त झाल्याचे दिसत आहे.

टीकेच्या आघाडीवर एक पाऊल मागे घेताना तपास यंत्रणा मात्र आघाडीची कोंडी करताना दिसत आहेत. आमदार रवींद्र वायकर आणि माजी महापौर किशोरी पेडणेकर यांना अटक होण्याची शक्यता वर्तवली जात असून अनिल परब, संजय राऊत यांना त्रास देण्याचे काम सुरू आहे. संजय राऊत यांचे भाऊ संदीप राऊत यांना अटक झाल्यानंतर आता आदित्य ठाकरे यांना दिशा सालियनप्रकरणी चौकशीला बोलावले जाऊ शकते. आदित्य यांना अटक केली तर राज्यात मातोश्रीला निवडणुकीत आणखी फायदा होईल, या शक्यतेने फक्त चौकशीचा फास फेकण्याचा विचार केला जात आहे, असे समजते.

दुसऱ्या बाजुला रोहित पवार यांची चौकशी झाल्यानंतर आता पवारांचे आणखी कोण नेते चौकशीच्या रडारवर आणता येतील आणि कोण फुटू शकतील, याचा सुद्धा भाजपकडून विचार केला जात आहे. प्रदेशाध्यक्ष जयंत पाटील यांना आपल्या तंबूत ओढण्याचा प्रयत्न अयशस्वी झाल्यानंतर सुद्धा भाजपने आशा सोडलेली नाही. हे कमी म्हणून की काय काँग्रेसचे नेते आपल्या बाजूने वळवण्यासाठी अटोकाट प्रयत्न सुरू आहेत. सुशीलकुमार शिंदे, अशोक चव्हाण यांच्यासयासह निवडणुकीच्या तोंडावर काही महत्वाचे काँग्रेस नेते आपल्याकडे येतील, यासाठी भाजपडावपेच आखत असल्याचे कळते.

दारूबंदीवर जनमत चाचणीसाठी न्यायालयाचे दरवाजे ठोठावणार

गडचिरोली : आदिवासीबहुल व मागास गडचिरोलीतील दारूबंदीबाबत पुनर्विचार करावा व बनावट दारूमुळे जात असलेले बळी रोखावेत. त्याकरिता जनमत चाचणी घ्यावी, अन्यथा लोकशाही मार्गाने आंदोलन करून न्यायालयात याचिका दाखल करणार असल्याचा इशारा महाराष्ट्र आदिवासी व मागासवर्गीय कृती समितीचे समन्वयक डॉ. प्रमोद साळवे यांनी १० फेब्रुवारीला येथे पत्रकारांशी बोलताना दिला.

जिल्ह्यातील दारूबंदीचे विदारक चित्र सर्वांसमोर आहे. असे असताना केवळ काही लोकांच्या हट्टापायी बंदी कशासाठी असा सवाल त्यांनी केला आहे. दारूबंदीमुळे मोहफुलांची कवडीमोल दराने विक्री करावी लागत आहे. अनेक युवक तस्करीच्या धंद्यात अडकले असून यातून त्यांचे आयुष्य उ‌द्ध्वस्थ होत आहे. काही जणांना बनावट दारूमुळे जीव गमवावा लागलेला आहे. 

बंदी असतानाही चढ्य दराने खुलेआम दारूविक्री होत असेल तर ही आदिवासींची लूट नाही का, असा प्रश्न डॉ. साळवे यांनी केला. यासंदर्भात तातडीने जनमत चाचणी घ्यावी म्हणजे सामान्यांच्या भावना लक्षात येतील, असे त्यांनी सांगितले. यांसदर्भात त्यांनी मुख्यमंत्री एकनाथ शिंदे, उपमुख्यमंत्री अजित पवार, उत्पादन शुल्कमंत्री शंभूराजे देसाई, राज्यपाल, प्रधान सचिव व जिल्हाधिकाऱ्यांना निवेदन पाठवले आहे. अॅड. संजय गुरू, संतोष ताटीकोंडावार, अनिल मेश्राम, भूषण सहारे, स्वप्निल पवार, रोशनी पवार, अन्वर हुसेन उपस्थित होते.

गोंडपिपरी पुलिस की कार्रवाई

 चंद्रपुर, ब्यूरो। शनिवार को, गोंडपिपरी शहर में एक संगीत शिक्षक ने उसी स्कूल के 10 वीं कक्षा के एक छात्र से छह तोला सोना चुरा लिया, यह दावा करते हुए कि उसकी चाची ठीक नहीं थी और उसके इलाज के लिए पैसे की जरूरत थी। गोंडपिपरी पुलिस ने आरोपी को चंद्रपुर से गिरफ्तार कर लिया है. अखिल रोहनकर  आरोपी का नाम गोंडपिपरी है.

गोंडपिपरी में एक सीबीएसई स्कूल है। इस स्कूल में अधिकारियों, कर्मचारियों और पेशेवरों के बच्चे पढ़ते हैं। अखिल रोहनकर को संगीत शिक्षक के रूप में नियुक्त किया गया था। कुछ ही समय में उन्होंने छात्रों का दिल जीत लिया। 

माता - पिता के साथ अच्छा परिचय दिया. इसका फायदा उठाते हुए रोहनकर ने 10वीं कक्षा की छात्रा से पैसे की मांग की, जिसने कहा कि उसे अपनी चाची के स्वास्थ्य के लिए पैसे की सख्त जरूरत है। छात्रा ने अपने परिवार को बताए बिना आरोपी को छह तोला सोना दे दिया। कुछ दिन बाद जब सोना वापस मांगा गया तो वह टालमटोल करने लगा। आखिरकार अपने माता-पिता को यह बताने के बाद कि उसके साथ धोखा हुआ है, उसने गुरुवार को शिकायत दर्ज कराई। पुलिस ने अखिल रोहनकर को चंद्रपुर से गिरफ्तार किया है. बताया जाता है कि आरोपी शिक्षक ने कई अभिभावकों के घर जाकर अलग-अलग बहाने से हजारों रुपये वसूले.

 Gadchiroli : Bureau, The wild elephants that have entered Gadchiroli district from the state of Odisha show no signs of abating. Every day crops are being damaged by wild elephants in some areas. Wild elephants have been on the rampage in Desaiganj taluka for the past few days. On Saturday night, elephants entered the paddy field in Vihirgaon sub-area under Desaiganj forest area.

And Carly Peek was literally trampled. Due to this, farmers have to face losses again. Farmers are shocked to see the scene of damage. According to information received, a herd of wild elephants has been roaming in the village area of Armori and Desaiganj forest area for more than one month. But these crops are being targeted by wild elephants.

 Neri, (Va.). A young man from Vadsi near Neri in Chimur taluka learned line repair work in Nagpur and came to the village Vadsi to construct a house a month ago. On Sunday, he was killed when his friend and he touched a high voltage power line while he and he were in the village repairing the line due to a fault in the line at Khatoda Shetshiwar. The name of the dead youth is Vinod Shivdas Dadmal (27 years resident of Vadsi Dist. Chimur). This incident happened on Sunday February 11 at 10 am.

Vinod was always doing the repair work of the small and big lines of the village on the public pole of the village. But today, Vinod suddenly got electrocuted when he touched a live star, in which he died on the spot. Meanwhile, the dead body was taken to Upazila Rogunalya Chimur for autopsy. Police Patil from Chaware, Khatoda Vadsi attended the spot. Chimur Police is conducting further investigation.

प्रेम निःस्वार्थपणे केले जाते. त्याला ना वयाचे बंधन असते ना समाजाचे. मात्र, पाश्चात्य संस्कृती, पैशांचा लोभ आणि इंटरनेटवरील अश्लीलता यामुळे प्रेमात विष कालविले जात आहे. ते इतके घातक ठरत आहे की, अनेक वर्षे सुखाने संसार केल्यानंतरही पती-पत्नी जोडीदाराला धोका देतात, तरुणांमध्येही हे प्रमाण वाढले आहे. प्रेमात नेमके कोण धोका देते ते जाणून घेऊ...

लोक आपल्या २३% जोडीदाराला धोका देत आहेत.

लोकांनी जोडीदाराला१४% धोका दिल्याचे मान्य केले आहे.

जण धोका दिल्यावर १७% जोडीदाराकडून पकडले जातात.

लोक आपल्या २५% जोडीदाराला धोका देत आहेत.

लोक धोका दिलेल्या ४९% जोडीदाराला स्वीकारत नाहीत.

भारतीय जोडीदाराला ५५% एकदा सुधारण्याची संधी देतात.

प्रेमप्रकरणे जवळचा ६०% मित्र किवा सहकारी यांच्यासी असतात.

कोणतं वय धोक्याचं?

• भारतात १९ ते २९ वर्षे वयोगटातील महिला पुरुषांच्या तुलनेत अधिक धोका देण्याच्या तयारीत असतात.

 या वयात ४० टक्के महिला जोडीदाराला धोका देण्याच्या तयारीत असतात.

• पुरुषामध्ये हे प्रमाण २१ टक्के आहे. या वयात मेदू आणि शरीरात अनेक बदल होतात,यामुळे ते असे पाऊल उचलतात.

(स्रोत: ग्लीडन डेटिंग वेबसाइट)

मुंबई : एका महिला न्यायिक अधिकाऱ्याने तिच्या पती व सासरच्याविरोधात क्रूरता व अन्य दाखल केलेले गुन्हे शुक्रवारी रद्द केले. अधिकारी महिलेने वैवाहिक वादातून गुन्हा दाखल केल्याचे म्हणत न्यायालयाने त्यांना दिलासा देण्यास नकार दिला.

संबंधित अधिकारी महिलेने गुन्हा दाखल करण्यास विलंब केला. तसेच वर्णन केलेल्या घटना आणि दाखल केलेला गुन्ह्याचा ताळमेळ नाही. सासरच्यांनी गुन्हा दाखल केला म्हणून अधिकाऱ्याने त्यांच्याविरोधात तक्रार केली, असे निरीक्षण न्या. अतुल चांदूरकर व न्या. जितेंद्र जैन यांच्याखंडपीठाने नोंदविले.

 गुन्हा रद्द करण्यासाठी अधिकारी महिलेचा पती व सासरच्यांनी उच्च न्यायालयात धाव घेतली. संबंधित महिलेचा २०१८ मध्ये विवाह झाला. मॅट्रिमोनिअल साईटवरून त्यांचा विवाह जुळला. पतीने शारीरिक संबंध ठेवण्यास नकार दिल्यावर दोघांमध्ये वाद निर्माण झाला. प्रकरण घटस्फोटापर्यंत पोहोचले.कुटुंब न्यायालयात घटस्फोटाची याचिका अद्याप प्रलंबित आहे.

न्यायिक अधिकाऱ्याने केलेल्या तक्रारीनुसार, तिचा पती आणि दीर जबरदस्तीने त्यांच्या चेंबरमध्ये घुसले आणि समझोत्याने घटस्फोट घेत आहोत, असे नमूद केलेल्या घटस्फोट याचिकेवर जबरदस्तीने सही घेतली. तेच कृत्य सासरच्या अन्य मंडळींनी त्याच दिवशी केल्याचा आरोप महिलेने केला आहे. त्यांनी तक्रार केल्यानंतर पोलिसांनी पतीसह सासरच्या अन्य मंडळींवर आयपीएसच्या काही कलमांतर्गत गुन्हा दाखल केला. हा गुन्हा रद्द करण्यासाठी पतीसह सासरच्यांनी उच्च न्यायालयात धाव घेतली.

सकाळच्या सत्रात तक्रारदाराला त्यांचे 3 कर्तव्य पार पाडण्यास त्यांचे पती व दीर याने अडथळा निर्माण केल्याचे दर्शविणारे ठोस पुरावे सादर करण्यात आले नाहीत.

सासरचे चेंबरबाहेर वाट 3 पाहात होते आणि तक्रारदार स्वतःहून चेंबरच्या बाहेर आल्या. त्यामुळे त्यांना कर्तव्य पार पाडण्यास सासरच्यांनी अडथळा निर्माण केला, हा गुन्हा दाखल करू शकत नाही, असे म्हणत न्यायालयाने पती व सासरच्या मंडळींवरील गुन्हा रद्द केला.

गडचिरोली - गेल्या दहा दिवसापासून चातगाव मधून बेपत्ता असलेल्या योगेश बारीकराव पेंदाम (३९) याचा मृतदेह गावालगतच्या विहिरीत आढळला. सदर इसम २९ जानेवारी २०२४ ला रात्री १ वाजून ५ मिनिटांनी घरून कोणाला काही न सांगता निघून गेला असल्याची माहिती

त्याच्या पत्नी कीर्तना पेंदाम यांनी पोलीस ठाण्यात दिनांक ३० जानेवारी रोजी सायंकाळी ६.३० वाजता केलेल्या तक्रारीतून दिली होती. त्या अनुषंगाने पोलीसांनी तपास सुरू केला. पोलीस ठाणे हद्दीत पोलीस विभागाने शोध मोहीम सुरू केली. गावात दवंडी देऊन शोधमोहीम सुरू केली. 

पण कोठेही पत्ता लागला नाही. गावकऱ्यांनी सुद्धा चातगाव येथे गावात दवंडी दिली होती शेवटी त्याचा मृतदेह चातगाव येथीलच सुधाकर मारोती मडावी यांच्या शेत शिवाराला लागून असलेल्या विहिरीमध्ये दिसून आल्याची माहिती चातगांव पोलीस ठाण्यात देण्यात आली. 

चातगाव पोलीसांनी लागलीच घटनास्थळी धाव घेऊन मृतदेह विहिरीबाहेर काढून पंचनामा केला व त्याचे शव शवविच्छेदन करण्यासाठी रवाना केले. सहाय्यक पोलीस निरीक्षक पाटील यांनी मृत्यूचे कारण अजूनही कळलेले नसल्याचे सांगितले. चातगाव पोलीस अधिक तपास करीत आहेत.

सत्र न्यायालयाचा निर्णय : एकूण ६५ हजार रुपये दंडही ठोठावला

नागपूर : कोंढाळी पोलिसांवर घातक हल्ला करणाऱ्या सर्व दहा आरोपींना गुरुवारी दोन वर्षे सहा महिने कारावासाची कमाल शिक्षा सुनावण्यात आली व एकूण ६५ हजार रुपये दंड ठोठावण्यात आला. सत्र न्यायालयाचे न्यायाधीश राहुल भोसले यांनी हा निर्णय दिला.

आरोपींमध्ये शेख शरीफ शेख अझीझ, सरफराज शेख जब्बार शेख, शेख इकबाल शेख सत्तार, शेख जाहीद शेख समदानी, मो. सईद शेख अझीझ, शेख राशीद शेख अझीझ, शेख मुख्तार शेख सत्तार, सलमान शेख गफार शेख, सूरज ऊर्फ भोदू रमेश राऊत व शेख गफार शेख भुरू यांचा समावेश आहे. वर्धा रोडवरील सायखोड वस्तीमध्ये अवैध दारूचा साठा असल्याची माहिती कोंढाळी पोलिसांना मिळाली

होती. त्यामुळे पोलिस उपनिरीक्षक पवन भांबुरकर व त्यांचे सहकारी १६ मे २०१८ रोजी शहानिशा करण्यासाठी सायखोड वस्तीमध्ये गेले असता आरोपींनी त्यांना घेरून लाठ्या व दगडांनी घातक हल्ला केला. दरम्यान, आरोपी मारो सालो को, खतम करो, असे ओरडत होते. सहायक पोलिस निरीक्षक पुरुषोत्तम अहीरकर यांनी प्रकरणाचा तपास केला. न्यायालयात सरकारच्या वतीने अॅड. एल. बी. शेंदरे यांनी कामकाज पाहिले.

अशी आहे पूर्ण शिक्षा

• प्रत्येकाला भादंवि कलम १४३ अंतर्गत तीन महिने सश्रम कारावास.

• कलम 147 अंतर्गत एक वर्ष सश्रम कारावास आणि एक हजार रुपये दंड.

• कलम १४८ अंतर्गत एक वर्ष सहा महिने कारावास व एक हजार रुपये दंड.

• कलम ३५३ अंतर्गत दोन वर्षे सहा महिने कारावास व तीन हजार रुपये दंड.

• कलम ३२३ अंतर्गत सहा महिने कारावास व ५०० रुपये दंड.

• कलम ३३२ अंतर्गत एक वर्ष सहा महिने कारावास व एक हजार रुपये दंड,

तक्रार निवारण प्रणाली' पोर्टल : २१ दिवसांत तक्रारींचे निवारण करणे अनिवार्य

गडचिरोली: नागरिक विविध कामानिमित्त शासकीय कार्यालयांमध्ये जातात, परंतु, त्यांचे काम वेळीच होत नाही. अनेकदा अधिकारी किंवा कर्मचारी कामे अडवून ठेवतात. अशावेळी काय करावे, असा प्रश्न संबंधित नागरिकाला पडतो. परंतु, यावर आता पर्याय उपलब्ध झाला आहे. काम अडलेल्या विभागाविरोधात 'तक्रार निवारण प्रणाली' या पोर्टलवर तक्रार नोंदवता येते.

शासकीय विभागातील कार्यप्रणाली ऑनलाइन झाल्याने नागरिकांना विविध सेवा ऑनलाइन स्वरुपातच प्राप्त कराव्या लागतात. ऑनलाइन अर्ज सादर करून दाखले, प्रमाणपत्र प्राप्त करावे लागते. गेल्या वर्षभरात पंचायत समित्यांमधील कामांबाबत सर्वाधिक तक्रारी या पोर्टलवर आल्या.

* काम वेळेत होत नसल्यास करा पोर्टलवर तक्रार

शासकीय कार्यालयात नागरिकाचे काम अडले असल्यास त्यांना तक्रार निवारण प्रणाली या पोर्टलवर तक्रार सादर करता येते. तक्रारीच्या माध्यमातून त्याला आपले म्हणणे मांडता येते.

 कामासाठी अर्ज केव्हा केला, किती अवधीत काम होणे आवश्यक होते. यासह विविध बाबींचा अंतर्भाव करावा लागतो. संबंधित विभागाला तक्रार प्राप्त झाल्यानंतर तक्रारीविषयी पडताळणी केली जाते.

*तांत्रिक अडचण आल्यास हेल्पलाईन

तक्रार निवारण प्रणाली पोर्टलवर तांत्रिक अडचण आल्यास किंवा या प्रणालीबाबत अधिकची माहिती हवी असल्यास कॉल सेंटर प्रतिनिधींशी केव्हाही संपर्क साधून आपली अडचण सांगता येते. यासाठी१८००१२०८०४० हा टोल फ्री क्रमांक तक्रार निवारण प्रणालीवर शासनाकडून उपलब्ध करून देण्यात आला आहे. या क्रमांकाचा वापर नागरिक अडचणीच्या काळात करू शकतात

*किती तक्रारींचे झाले निराकरण

विविध विभागात कामे अडल्याबाबत जिल्ह्यात २००वर तक्रारी पोर्टलवर प्राप्त झाल्या, यापैकी १००हून अधिक तक्रारींचे निराकरण करण्यात आले. त्यामुळे नागरिकांचे शासकीय कार्यालयातील हेलपाटे थांबण्यास मदत झाली.

*वर्षभरात २००वर तक्रारी

जिल्ह्यातील नागरिकांकडून विविध विभागातील काम अडल्याबाबत जवळपास २००वर तक्रारी पोर्टलवर प्राप्त झाल्या आहेत. या तक्रारींचे निवारण संबंधित विभागाकडून करण्याची कार्यवाही काही प्रमाणात करण्यात आली.

*महसूल विभागाबाबतही अनेकजणांच्या तक्रारी

महसूल विभागामार्फत नागरिकांना विविध दाखले, प्रमाणपत्र तसेच शेतीविषयक दाखले व प्रमाणपत्र वितरित केली जातात. सदर प्रमाणपत्र प्राप्त करण्यासाठी नागरिकांना कार्यालयात हेलपाटे मारावे लागतात. याबाबत अनेकांनी ऑनलाइन तक्रारी करून लक्ष वेधले.

*सर्वच तक्रारींचे निवारण होते का?

 तक्रार निवारण प्रणाली पोर्टलवर तक्रार सादर केल्यानंतर सर्वच तक्रारींचे निवारण केले जात नाही. ५० ते ६० टक्केच तक्रारींचे निवारण होते. अनेकदा संबंधित विभागातील अधिकारीसुद्धा दुर्लक्ष करतात, तर काही लाभार्थीसुद्धा त्रास वाढल्याचे कारण दाखवून माघार घेत असल्याची प्रकरणे आहेत.