Sajit Tekam

27-10-2024

Gadchiroli News: थरारक घटना: जमिनीच्या वादातून पुतण्याने केली काकाची निर्घृण हत्या

Gadchiroli News: सिरोंचा: जमिनीच्या वादातून काका आणि पुतण्या यांच्यात शुक्रवार रात्री कडाक्याचे भांडण झाले, ज्यातून एका दुर्दैवी हत्येची घटना घडली. सिरोंचा तालुक्यातील जंगलपल्ली येथे रागाच्या भरात पुतण्याने काकावर कुऱ्हाडीने वार करून त्याचा जीव घेतला. ही थरारक घटना रात्री 9 वाजण्याच्या सुमारास घडली.

हे देखील वाचा: Gadchiroli News: थरारक घटना ! झोपेत असलेल्या पत्नीचा गळा चिरून पतीने केली निर्घृण हत्या

पोलिसांनी दिलेल्या माहितीनुसार, मृत व्यक्तीचे नाव नरेश पोचम तेरकरी (50) असून, आरोपी पुतण्याचे नाव राजू धर्मय्या तेरकरी (30) आहे. कुटुंबामध्ये जमिनीच्या हिश्श्यावरून वारंवार वाद निर्माण होत होते, आणि शुक्रवारी सायंकाळी त्यांच्यातील वाद उग्र झाला. भांडणाचा ताण वाढल्यावर राजूने घरची कुऱ्हाड आणून नरेशच्या डोक्यावर प्राणघातक वार केला, ज्यात नरेश यांचा घटनास्थळीच मृत्यू झाला.

हे देखील वाचा: Pune News Marathi: धक्कादायक! मित्राला झाडाला बांधून 3 नराधमांनी तरुणीवर केला आळीपाळीने बलात्कार

हत्या झाल्यानंतर राजू गावातून पळून गेला. परंतु आसरअल्ली पोलिसांनी त्वरित कारवाई करत त्याला अटक केली. या प्रकरणात आसरअल्ली पोलिस स्टेशनचे प्रभारी अधिकारी सहायक पोलिस निरीक्षक समाधान दौड यांच्या नेतृत्वाखालील पथकाने उल्लेखनीय कामगिरी केली. या पथकामध्ये पोलिस उपनिरीक्षक निखिल मेश्राम, पोलिस हवालदार गोपी आकुलवार, पोलिस शिपाई बिभीषण अनवने, राजू कळंबे, संजय चाबूकस्वार, सोपान अनकाडे, आणि बापूराव काळे यांचा समावेश होता.