Sajit Tekam

25-10-2024

Gadchiroli News: थरारक घटना ! झोपेत असलेल्या पत्नीचा गळा चिरून पतीने केली निर्घृण हत्या

Gadchiroli News: सिरोंचा : पत्नी झोपेत असतानाच पतीने धारदार शस्त्राने तिचा गळा चिरून खून केला. ही धक्कादायक घटना तालुक्यातील कोटा पोचमपल्ली येथे बुधवार, 23 ऑक्टोबर रोजी मध्यरात्री घडली. या प्रकरणातील आरोपी पती मात्र घटनेनंतर फरार झाला आहे.

हे देखील वाचा: Chandrapur News: धक्कादायक! शिकवणीच्या नावाखाली अल्पवयीन मुलीचे शिक्षकाकडून लैंगिक शोषण

मृत महिलेचे नाव पद्मा समय्या बोल्ले (35) असे असून, आरोपीचे नाव समय्या मुथया बोल्ले (40) असे आहे. पद्मा आणि समय्या यांच्यात मागील काही दिवसांपासून घरगुती कारणावरून वाद होत होते. या वादाचे नेमके कारण अद्याप पोलिसांना समजू शकलेले नाही, मात्र घरातील रोजच्या ताणतणावातून हे भांडण उफाळून आल्याचे पोलिसांनी प्राथमिक तपासात स्पष्ट केले.

हे देखील वाचा: Pune News Marathi: धक्कादायक! मित्राला झाडाला बांधून 3 नराधमांनी तरुणीवर केला आळीपाळीने बलात्कार

या वादातून बुधवारी मध्यरात्री पती समय्याने धारदार शस्त्राने पद्माच्या गळ्यावर वार करत तिची हत्या केली. त्यानंतर तो घटनास्थळावरून पळून गेला. घटनेची माहिती मिळताच पद्माच्या नातेवाईकांनी तक्रार दाखल केली असून, पोलिसांनी आरोपीविरोधात गुन्हा नोंदवला आहे. तपास अधिकारी म्हणाले की, आरोपीला पकडल्यानंतर खुनाचे नेमके कारण उघड होईल.