Sajit Tekam

05-10-2024

Pune News Marathi: धक्कादायक! मित्राला झाडाला बांधून 3 नराधमांनी तरुणीवर केला आळीपाळीने बलात्कार

Pune News Marathi: पुण्यातील बोपदेव घाटात इव्हेंट मॅनेजमेंटचे प्रशिक्षण घेत असलेल्या 21 वर्षीय तरुणीवर तीन नराधमांनी सामूहिक बलात्कार केल्याची भयंकर घटना उघडकीस आली आहे. या घटनेने संपूर्ण शहरात खळबळ माजली असून, पीडित तरुणी आणि तिच्या मित्राला कोयत्याचा धाक दाखवून ठार मारण्याची धमकी देत बलात्कार करण्यात आला.

हे देखील वाचा: Chandrapur News: धक्कादायक! शिकवणीच्या नावाखाली अल्पवयीन मुलीचे शिक्षकाकडून लैंगिक शोषण

गेल्या काही दिवसांपासून पुण्यातील बोपदेव घाटातील टेबल पॉईंटवर फिरत असलेल्या तरुणी आणि तिचा मित्र या घटनेचा थेट साक्षीदार बनला. या दोघांना आरोपींनी एकटा गाठून धमकावून आडबाजूला नेले. या वेळेत आरोपींनी त्यांच्या मौल्यवान वस्तू काढून घेत मित्राला क्रूरपणे मारहाण केली. त्याचा शर्ट काढून त्याचे हात झाडाला बांधले, तसेच बेल्टने पाय बांधून त्याला जीवे ठार मारण्याची धमकी दिली.

आरोपींनी कोयता, लाकडी बांबू आणि धारदार चाकूचा धाक दाखवत तरुणीवर आळीपाळीने बलात्कार केला. या भयंकर प्रसंगानंतर पीडित मुलीने आपल्या बहिणीला सर्व घटनाची माहिती दिली. त्या नंतर ती दीनानाथ मंगेशकर हॉस्पिटलमध्ये उपचारासाठी गेली. तेथे प्राथमिक उपचार घेऊन तिला ससून रुग्णालयात दाखल करण्यात आले.

हे देखील वाचा: UP News In Hindi: एकाच कुटुंबातील चार जणांची गोळी झाडून हत्या, शवविच्छेद नंतर धक्कादायक कारण आले समोर

सामूहिक बलात्काराच्या घटनेच्या 30 तासानंतरही आरोपींचा ठावठिकाणा सापडलेला नाही. पुणे पोलिसांची 25 पथके वेगवेगळ्या दिशेने आरोपींचा शोध घेत आहेत. सीसीटीव्ही फुटेज आणि तांत्रिक डेटाचा उपयोग करून पोलिसांचा तपास सुरू आहे. मात्र मोबाईल फोनला रेंज नसलेल्या परिसरामुळे आणि तब्बल दहा किलोमीटरपर्यंत सीसीटीव्ही नसल्याने तपासात अडचणी येत आहेत.