Sajit Tekam

04-10-2024

UP News In Hindi: एकाच कुटुंबातील चार जणांची गोळी झाडून हत्या, शवविच्छेद नंतर धक्कादायक कारण आले समोर

UP News In Hindi: उत्तर प्रदेशातील अमेठी जिल्ह्यातील शिवतरगंज भागात एकाच कुटुंबातील चार जणांची गोळी झाडून निर्घृण हत्या केल्याची घटना उघडकीस आली आहे. हत्येच्या या भयानक घटनेने संपूर्ण परिसरात खळबळ उडवली आहे. मृतांमध्ये कुटुंब प्रमुख, त्यांची पत्नी, आणि दोन मुलींचा समावेश आहे. कुटुंब प्रमुख एका सरकारी शाळेत शिक्षक होते, आणि आपल्या पत्नी व मुलींसह भाड्याच्या घरात राहत होते.

हे देखील वाचा: Chandrapur News: धक्कादायक! शिकवणीच्या नावाखाली अल्पवयीन मुलीचे शिक्षकाकडून लैंगिक शोषण

घटनेच्या दिवशी अचानक गोळ्यांचा आवाज ऐकून शेजारी धावले, मात्र हल्लेखोर घटनास्थळावरून पळून गेले. आश्चर्याची बाब म्हणजे, घरातील कोणत्याही वस्तूला हात न लावता हल्लेखोरांनी फक्त जीवघेणा हल्ला केला. घटनास्थळावर पोलीस तातडीने दाखल झाले आणि मृतांना त्वरित रुग्णालयात नेले, जिथे डॉक्टरांनी त्यांना मृत घोषित केले.

शवविच्छेदनातून धक्कादायक तथ्य समोर आले आहे. मयत महिलेच्या पोटातून दोन गोळ्या सापडल्या, तर त्यांच्या शरीरातून एक गोळी सापडली. दोन्ही मुलींच्या शरीरातून प्रत्येकी एक गोळी सापडली आहे. आरोपींचा शोध पोलीस यंत्रणा घेत आहे.

हे देखील वाचा: Hathras News Today: हाथरस की हैरान कर देने वाली खबर: दूसरी कक्षा के मासूम बच्चे की तड़पा-तड़पा कर लेली जान, वजह जानकर होश उड़ जाएंगे!

या घटनेच्या पार्श्वभूमीवर एक महत्त्वाचा धागा समोर आला आहे. 18 ऑगस्ट रोजी मृत महिलेने रायबरेली ठाण्यात चंदन वर्मा नावाच्या व्यक्तीविरुद्ध विनयभंग आणि एससी/एसटी कायद्यांतर्गत गुन्हा दाखल केला होता. या तक्रारीचा आणि हत्येचा काही संबंध आहे का, याचा तपास पोलीस करत आहेत.

मयत शिक्षकाचे वडील म्हणाले, "मी मजुरीचे काम करतो, घरी जाताना मुलगा, सून आणि नातींच्या मृत्यूची बातमी मिळाली." या घटनेने राज्यात राजकारणही सुरू झाले आहे. मुख्यमंत्री योगी आदित्यनाथ यांनी या हत्याकांडावर शोक व्यक्त केला असून आरोपींना कठोर कारवाई करण्याचे आदेश पोलिसांना दिले आहेत.