F Gadchiroli News - गडचिरोली तालुक्यातील २८४ निराधारांना मिळणार अर्थसहाय्य संजय गांधी निराधार योजना समितीची बैठक संपन्न | My Khabar24

Rushi Sahare

01-11-2023

Gadchiroli News - गडचिरोली तालुक्यातील २८४ निराधारांना मिळणार अर्थसहाय्य संजय गांधी निराधार योजना समितीची बैठक संपन्न

गडचिरोली, दि. ०१ : विशेष सहाय्य योजने अंतर्गत निराधार वृध्द व्यक्ती, अंध, अंपग, शारीरीक व मानसिक आजाराने ग्रस्त व्यक्ती, निराधार विधवा, परित्यक्त्या, देवदासी महिला, अनाथ बालके आदीचे जीवनमान सुसह्य करण्यासाठी त्यांना विविध योजनेच्या माध्यमातून मासिक अर्थसहाय्य दिले जाते. योजनांचा लाभ अधिकाधिक नागरीकांपर्यंत पोचविण्या करीता गडचिरोली तालुक्यात “शासन आपल्या दारी” तसेच जनजागृती कार्यक्रमाअंतर्गत लाभार्थ्यांचे विहित नमुन्यात अर्ज तलाठयां मार्फत भरुन घेण्यात येतात.

विशेष सहाय्य योजने अंतर्गत प्राप्त झालेले अर्ज दिनांक ३१ ऑक्टोबर, २०२३ रोजी संजय गांधी निराधार योजना समिती गडचिरोली समोर ठेऊन समितीचे अध्यक्ष तहसिलदार, गडचिरोली, महेंद्र गणविर यांच्या अध्यक्षतेखाली सभा आयोजीत करण्यात आली. सदर सभेला मुख्याधिकारी, नगर परिषद, गडचिरोली व संवर्ग विकास अधिकारी पंचायत समिती, गडचिरोली हे शासकीय सदस्य उपस्थित होते. सभेत पुढील प्रमाणे अर्ज मंजुर / नामंजुर करण्यात आले.

संजय गांधी निराधार अनुदान योजनेमध्ये १४३ प्रकरणे प्राप्त झाले आहेत. त्यापैकी मंजूर प्रकरणे १४१

असून नामंजूर २ प्रकरणे आहेत. इंदिरा गांधी राष्ट्रीय विधवा निवृत्ती वेतन योजना योजनेमध्ये ६७ प्रकरणे

प्राप्त झाले आहेत. त्यापैकी मंजूर प्रकरणे ६७ आहे. इंदिरा गांधी राष्ट्रीय वृध्दापकाळ निवृत्ती वेतन योजनेमध्ये

४७ प्रकरणे प्राप्त झाले आहेत. त्यापैकी मंजूर प्रकरणे ४५ असून नामंजूर २ प्रकरणे आहेत. श्रावणबाळ सेवा राज्य निवृत्ती वेतन योजनेमध्ये ३२ प्रकरणे प्राप्त झाले आहेत. त्यापैकी मंजूर प्रकरणे ३१ असून नामंजूर १ प्रकरणे आहेत. सदर सभे करीता डी. ए. ठाकरे नायब तहसिलदार, (सं.गां.यो) तहसिल कार्यालय गडचिरोली, एल. एम. अल्लीवार, अव्वल कारकुन, कु. एस. व्ही. कोडापे, महसूल सहाय्यक व रजनी बांबोळे, (इंगायो) ऑपरेटर यांनी विशेष सहाय्य योजनेची प्रकरणे निकाली काढण्यास सहकार्य केले.

विशेष सहाय्य योजने अंतर्गत शासनाच्या नियमानुसार सदर योजनेचा लाभ घेण्याकरीता पात्र लाभार्थ्यांचे अर्ज तहसिल कार्यालयात तलाठ्यां मार्फत सादर करणेबाबत महेंद्र गणविर, तहसिलदार, गडचिरोली यांनी जाहिर आवाहन केले आहे.