ध्यास कॅरिअर अकॅडमि
तुमचे स्वप्न पूर्ण करणे,,
हाच आमचा ध्यास..
19-03-2024
*चिन्ह धनुष्यबाण... उमेदवार काँग्रेसचा आणि प्रचार करणार भाजप?*
🎯 *रोखठोक*
_रामटेक लोकसभा_
_नेत्यांचा फार्म्युला कार्यकर्त्यांना पचणार का?_
*केंद्रासह* देशातील विविध राज्यात भाजपची एकहाती सत्ता असतांना सुध्दा भाजपकडून सुरू असलेले नवनवे प्रयोग अनेकांच्या भुवया उंचावणारे आहे. वाढत्या पक्षप्रवेशामुळे मागील काळात 'काँग्रेस मुक्त' भारतचा नारा देणारा भाजप पक्ष आता स्वत:च 'काँग्रेस युक्त' होत असल्याचे शल्य कार्यकर्त्यांच्या मनाला बोचत आहे. रामटेकसाठी भाजपकडून सुरू असलेला प्रयोग 'न भुतो' ठरते की काय? कारण मागील दोन दिवसांपासून ज्यापध्दतीने राजकीय हालचाली सुरू आहेत. त्यानुसार शिंदेच्या धनुष्यबाण चिन्हावर काँग्रेसमधील एक आयात उमेदवार लढणार असुन त्याचा प्रचार माञ देशातील सर्वात शक्तीशाली पक्ष असलेला भाजप करणार असल्याचे चिञ आहे.
रामटेकची जागा शेवटच्या क्षणापर्यंत भाजपच्या पदरात पडेल आणि उमेदवार म्हणून माजी आमदार सुधीर पारवे किंवा माजी जिल्हाध्यक्ष अरविंद गजभीये मैदानात उतरतील. असा विश्वास भाजप कार्यकर्त्यांना आहे. माञ मागील दोन दिवसांपासून प्रत्येक तासाला धक्कादायक राजकीय घडामोडी घडत आहे. काँग्रेसचा एक आमदार गुरूवारला (दि.१३) विदर्भातील शिंदेसेनेची जबाबदारी सांभाळणा-या नागपूर येथील एका नेत्याच्या गृहभेटीला गेल्याची चर्चा आहे. याकरीता स्वत: कोराडीवरून 'फिल्डींग' लागल्याचेही सुञांनी सांगितले. त्यानंतर हाच आमदार राज्याचे उपमुख्यमंञी देवेंद्र फडणविस यांच्या नागपूर निवास्थानी सुध्दा पोहचला. कृपाल तुमाने यांच्या नावाला मतदारांकडून होणारा विरोध लक्षात घेत, काँग्रेसच्या एका 'इमेज डाऊन' आमदाराची शिंदेसेनेत 'एन्ट्री' करायची आणि त्याच्या हाती धनुष्यबान ठेवून रामटेकच्या गडावर चढवायचे. यासाठी भाजपने संपूर्ण ताकत लावायची. अशा प्रयोगाची आखणी कोराडीतून सध्या सुरू आहे. माञ त्यास कार्यकर्त्यांकडून मोठा विरोध आहे. उमेवार काँग्रेस मधून आलेला... त्याला चिन्ह द्यायचे शिंदेसेनेचे आणि मेहनत घ्यायची भाजपने? हा कुठला प्रयोग? असा संतत्प सुर निष्ठावंत भाजप कार्यकर्त्यांकडून होत आहे. महत्वाचे म्हणजे हा अफालातून प्रयोग करण्यामागचे कारण तरी काय? याचे उत्तर माञ कुणालाही मिळालेले नाही.
*_कार्यकर्त्यांनी कुणासाठी लढायच?_*
रामेटक लोकसभा क्षेञात शिवसेेनेचा सुपडासाफ आहे. त्यात सेनेत दोन गट पडल्यानंतर परिस्थीती आणखीनच बिघडली आहे. कुठलीही ताकत नसतांना सुध्दा मागील पंधरावर्षापासून केवळ सेनेच्या उमेदवारासाठी भाजप कार्यकर्ते निवडणुकीत राबत आहे. विजयी झाल्यानंतर माञ सदर खासदार कुणालाही 'मानत' नाही. राबणा-यांना सोडाच, ते मतदारांनाही विचारत नसल्याने भाजप कार्यकर्त्यांना मतदारांच्या रोषाला सामोरे जावे लागते. त्यामुळे भाजप कार्यकर्त्यांनी सेनेच्या उमेदवारासाठी कशाला राबायचे? असा संतप्त सुर उमटत आहे.
*_कुणी तिकीट देता का तिकीट?_*
शिंदे सेनेकडून रामटेक लढण्यासाठी धडपडत असलेला हा काँग्रेसचा 'इमेज डाऊन' आमदार खूद: काँग्रेससाठीच डोकेदुखी ठरला आहे? प्रारंभी त्याने काँग्रेसकडून उमेदवारी मिळविण्यासाठी प्रयत्न चालविले. माञ पक्षनेत्यांसह सामान्य कार्यकर्त्यांचा विरोध होत असल्यामुळे दिल्ली हायकमांडने त्यास नकार दर्शविला. त्यामुळे आता काँग्रेसच्या या 'इमेज डाऊन' आमदाराने भाजपशी जवळीक साधत, पक्षप्रवेशासाठी तयारी दर्शविली. येथेही दुहेरी संकट ओढवले. कोराडीचा होकार असला तरी दिल्लीसह नागपूरच्या वाड्यावरून नकार असल्यामुळे शेवटी त्याला शिंदेसेनेचा पर्याय देण्यात आल्याचे सुञांनी सांगितले. एकंदरीत 'इमेज डाऊन'मुळे विधानसभेची पायरी चढणे कठीन होत असल्याने या आमदार महाशयाने लोकसभेची पायरी चढण्याचा निर्णय घेतल्याचे त्यांच्या निकटवर्तीयांचे म्हणने आहे.
तुमचे स्वप्न पूर्ण करणे,,
हाच आमचा ध्यास..
Today Latest News
Local News
सुपर फास्ट बातमी
Local News
सुपर फास्ट बातमी
Local News
सुपर फास्ट बातमी
Local News
सुपर फास्ट बातमी
International
सुपर फास्ट बातमी
Local News
Vaingangavarta19
Crime
सुपर फास्ट बातमी
Local News
सुपर फास्ट बातमी
Local News
सुपर फास्ट बातमी
Local News
No Comments