F नवरदेव गुडग्याला बाशिंग बांधून सज्ज,मात्र वरात निघायला तीन दिवसांची अवधी | My Khabar24

Bahujnancha Buland Aawaj

01-06-2024

नवरदेव गुडग्याला बाशिंग बांधून सज्ज,मात्र वरात निघायला तीन दिवसांची अवधी

एकमेकांवर आरोप-प्रत्यारोप करून विकासाच्या कामांपासून तर जाती धर्मा पर्यंत या वर्षीची लोकसभा निवडणूक जाऊन पोहोचली.आपणच विजयाचे शिल्पकार आहोत किंवा आपलाच पक्ष कसा वर चढ आहे,हे दाखवून देण्याच्या केविलवाना प्रयत्न करताना राजकीय पुढारी आपण उघड्या डोळ्यांनी पाहिलं आहोत आणि एकदाची देशाची लोकसभा निवडणूक पार पडली.

आता राजकीय पुढारी उमेदवार आणि देशातील जनता मोठ्या उत्सुकतेने वाट पाहत आहे,ती म्हणजे निवडणुकीच्या निकालांची आणि हे वावंगच आहे.उत्सुकता असायलाच पाहिजे कारण आपण आपल्या अधिकाराचा मत मतपेटीत टाकून जनतेच्या प्रतिनिधी ठरवत असतो. निकाल चार दिवसांवर येऊन पोहोचला आहे परंतु कित्येक राजकारणी लोकांना कदाचित असाही वाटत असेल की चार दिवस म्हणजे खूप दूर आहेत,आजच असता तर बरं झालं असतं.प्रत्येकाचे विचार वेगवेगळे परंतु निकालाची उत्सुकता मात्र सगळ्यांनाच आहे.ग्रामीण भागापासून तर शहरी भागापर्यंत म्हणजे चाय टपरी पासून तर पेट्रोल पंपापर्यंत.

कित्येक उमेदवारांचे छातीचे ठोके धडधडायला सुरुवात झाली आहे आणि जो स्पर्धेत आहे,जिथे काटेरी लढत आहे तिथल्या उमेदवारांचे जरा जास्तच धडधड चालू आहे.उमेदवारांचे तर आहेतच परंतु त्यांचे जे समर्थक आहेत त्यांचे तर उमेदवारांपेक्षाही जास्तच धडधड चालू आहे.

यावर्षी उन्हाच्या तडाख्याने जनतेचा जीव कासाविसा होऊन गेलाय आणि देशातील जनता रोहिनीच्या पावसाची जशी आतुरतेने वाट पाहत आहे अगदी तसंच राजकीय पुढारी लोकसभा निवडणुकींच्या निकालाची वाट पाहत आहोत,एवढं मात्र नक्की आहे.

लोकसभा निवडणुकीत जे उमेदवार उभे आहेत त्यांची परीक्षा संपली आता वाट फक्त निकालांची आहे परंतु चिंता करू नका जास्त दिवस संपले आहेत आणि तीन दिवसांनी निकाल लागणार आहे. म्हणजे एखदाच सोक्षमक्ष जनतेसमोर येणार आहे कोण कितीने पाणी मे है ? चार जूनला माहित होणारच आहे. म्हणजे आज गुडघ्याला बाशिंग बांधून तयार असणारा नवरदेवांची तीन दिवसानंतर वाजत गाजत वरात निघणार आहे,हे मात्र नक्की.