F ट्रकच्या धडकेत मोहझरी येथील नीलकंठ सोनुले गंभीर जखमी | My Khabar24

विदर्भ फायर न्यूज

08-01-2025

ट्रकच्या धडकेत मोहझरी येथील नीलकंठ सोनुले गंभीर जखमी

मोहझरी: प्राप्त झालेल्या माहितीनुसार मोहझरी येथील नीलकंठ सोनुले अंदाजे वय 45 हे कढोली येथे तेरवीच्या कार्यक्रमासाठी दुचाकीने गेले होते .

आज सायंकाळी अंदाजे पाच वाजता सुमारास कढोलीवरून वैरागड मार्गे येत असताना कढोली जवळ असलेल्या पूलाच्या जवळ त्यांच्या दुचाकीला ट्रकने धडक दिली. त्या धडकेमध्ये त्यांचा पाय मोडल्याचे घटनास्थळी दिसत आहे.

सदर अपघात ट्रकच्या धडकेमुळे झाल्याचे माहिती मिळालेली आहे .कारण या मार्गावर सतत ट्रकची वर्दळ असते त्यामुळे ट्रकमुळेच अपघात सांगितले जात आहे .या घटनेची माहिती तात्काळ नागरिकांना मिळताच घटनास्थळी मोठ्या प्रमाणात लोकांनी गर्दी केली होती.

नीलकंठ सोनुले यांना कुरखेडा येथील शासकीय रुग्णालयात भरती करण्यात आले होते पण आत्ताच मिळालेल्या माहितीनुसार कुरखेडा वरून त्यांना पुढील उपचाराकरीता गडचिरोली येथील शासकीय रुग्णात हलविण्यात आल्याची माहिती मिळालेली आहे. त्यामुळे अशा अपघात करणाऱ्या ट्रक चालकावर पोलिसांनी ताबडतोब कारवाई करावी अशी मागणी नागरिकांनी केली आहे.