F Vairagd news: बायलर कोंबड्या, प्लॅस्टिक खुर्च्या व गॅस सिलेंडर भुट्या चोरांनी केले लंपास | My Khabar24

विदर्भ फायर न्यूज

13-03-2025

Vairagd news: बायलर कोंबड्या, प्लॅस्टिक खुर्च्या व गॅस सिलेंडर भुट्या चोरांनी केले लंपास

वैरागड : आरमोरी तालुक्यातील वैरागड येथील दुकानातील सामान, शेतीचे अवजार, पुलावरील कठडे, रस्त्यावरील लोखंडी सामान आणि इतर किरकोळ सामानाचे चोरी होत असल्याने पोलीस विभागाने चोरांचा छडा लावून बंदोबस्त करण्याची मागणी नागरिकांकडून होत आहे.

ऐतिहासिक विराट नगरी म्हणून समजल्या जाणाऱ्या वैरागडगाव शैक्षणिक, व्यावसायिक आणि शेतीसाठी प्रसिद्ध आहे.येथे शाळा, महाविद्यालयापासून मोठ्या प्रमाणात वेगवेगळ्या प्रकारच्या दुकानाची लाईन आहे. पैशाच्या लालसेपोटी काही भुरटे चोर मिळेल ते सामानाची चोरी करीत आहे.

नदीच्या पुलावरील संरक्षण कठडे, बाहेर असलेल्या ट्रॅक्टरचे बॅटरी, शेतकऱ्यांचे मोटर पंप व इलेक्ट्रिक तार, शेताभोवती लावलेले कुंपणाचे तार तर कुंपणाचे लाकडी मेळे, चुलीसाठी जंगलातून आणलेले सरपण, रस्त्यावरील लोखंडी दिशादर्शक व सूचना फलक तसेच इतर किरकोळ सामानाची भुरटे चोर चोरी करीत आहेत.

दिनांक १० मार्चच्या मध्यरात्री येथील पेट्रोल पंपाजवळील कढोली मानापुर चौरस्तावरील श्रीरामअहिरकर यांच्या पोल्ट्री फार्मचे कुलूप फोडून काही बायलर कोबड्या, प्लॅस्टिक खुर्व्या व गॅस सिलेंडर भुट्या चोरांनी लंपास केले.

चोरी प्रकरणी अनेक जण पोलीस विभागात तक्रार करीत नसतात. त्यामुळे चोरीच्या प्रमाणात वाढ होत आहे. वारंवार होत असलेल्या चोरीमुळे व्यवसायीकापासून शेतकरी व नागरिकांमध्ये भीतीचे वातावरण निर्माण झाले आहे. पोलीस विभागाने भुरट्या चोरांचा छडा लावून त्यांचा बंदोबस्त करण्याची मागणी होत आहे.