F Delhi Murder Case: संपत्तीची हाव आणि अपमानाचा बदला, 20 वर्षीय मुलानेच केली आई-वडील आणि बहिणीची निर्घृण हत्या | My Khabar24

Dipak Indurkar

05-12-2024

Delhi Murder Case: संपत्तीची हाव आणि अपमानाचा बदला, 20 वर्षीय मुलानेच केली आई-वडील आणि बहिणीची निर्घृण हत्या

Delhi Murder Case: दिल्लीतील राजेश कुमार, कोमल आणि कविता यांची हत्या काही दिवसांपूर्वी घडली. पोलिसांच्या प्राथमिक तपासानुसार, हत्येनंतर घरात कोणतीही तोडफोड किंवा चोरी झाल्याचे आढळले नाही. सीसीटीव्ही फुटेजवरून देखील कोणत्याही संशयास्पद व्यक्तीचे ठळक चित्र समोर आले नाही. शेजाऱ्यांची चौकशी केल्यानंतर पोलिसांनी सांगितले की, मृतकांचे कोणाशीही वाद झाले नव्हते.

पोलिसांनी त्रिपल मर्डर प्रकरणात आरोपीला ताब्यात घेतले. आरोपीने त्याच्याच आई-वडील आणि बहिणीची हत्या केली होती. पोलिसांनी भारतीय दंड संहितेअंतर्गत तक्रार दाखल केली असून, सीसीटीव्ही फुटेजच्या आधारे काही तासांतच आरोपीला पकडले.

मयताचा मुलगा अर्जून याच्याविरोधात पोलिसांनी ठोस पुरावे मिळवले होते, त्यानंतर त्याला ताब्यात घेतले. कसून चौकशी केल्यावर अर्जूनने आपल्या गुन्ह्याचा कबूल केला. त्याने सांगितले की, त्याचे वडील माजी सैनिक होते आणि सतत त्याला अभ्यासासाठी ओरडत होते. काही दिवसांपूर्वीच त्याने त्याला सर्वांसमोर मारले होते, ज्यामुळे अर्जूनला अपमानित झाल्यासारखे वाटले.

त्याच वेळी अर्जूनला कळले की, त्याचे वडील त्याच्या बहिणीला सर्व संपत्ती देत आहेत. या गोष्टीमुळे तो तिला मारण्याचा निर्णय घेतो. बुधवारी, 27 व्या लग्नवर्धापन दिनी त्याने घरात चाकू काढला आणि त्याच्या आई-वडिलांसह बहिणीची निर्घृण हत्या केली.

हे कुटुंब हरियाणातून 15 वर्षांपूर्वी दिल्लीत शिक्षण आणि करिअरसाठी आले होते. अर्जून आणि त्याची बहिण कविता दोघेही मार्शल आर्टमध्ये ब्लॅक बेल्ट होते. ही घटना शेजाऱ्यांसह नातेवाईकांमध्ये धक्काच ठरली आहे.