Avinash Kumare

06-08-2024

Aadhar Card Mobile Number Link: आता एकच मोबाईल नंबर इतक्या आधार कार्डशी करता येणार लिंक

Aadhar Card Mobile Number Link: वय, लिंग, जात, धर्म आदी कोणत्याही प्रकारचा भेद न मानता देशात राहणाऱ्या प्रत्येक नागरिकाला आधार कार्ड दिले जाते. प्रत्येक रहिवाशांसाठी आधार कार्ड हे अत्यंत महत्त्वाचे सरकारचे अधिकृत ओळखपत्र आहे.

बँक खाते उघडणे, शैक्षणिक प्रवेश, कर्जासाठी अर्ज, रेल्वेचे तिकीट, सरकारी अनुदान, सेवा तसेच योजनांसाठी हे अधिकृत ओळखपत्र मानले जाते. आधारची ओळख हा डिजिटल इंडियाचा मुख्य आधारस्तंभ आहे. त्यामुळे प्रत्येक कामासाठी हे कार्ड मागितले जाते. नागरिकांना आपले आधार
कार्ड एका मोबाइल क्रमांकाशी लिंक करावे लागते.

हे देखील वाचा : मुख्यमंत्री बळीराजा मोफत वीज योजना 2024 अवघ्या 5 वर्ष मिळणार मोफत वीज..

आधार कार्डासाठी स्वतंत्र नंबर हवा कि नाही ?

आधार कार्ड लिंक करताना प्रत्येक कार्डासाठी स्वतंत्र मोबाइल नंबर गरजेचा नाही, असे आधार प्राधिकरणाने स्पष्ट केले आहे.
कार्डधारकांचे वय कितीही असो ती व्यक्ती घरातील इतर कुणाच्याही मोबाइल नंबरशी आपले आधार कार्ड लिंक करू शकते.
एकाच मोबाइल नंबरशी किती आधार कार्ड लिंक करावी यासाठी कोणतेही बंधन नाही. कुटुंबातील प्रमुख व्यक्तीच्या मोबाइल नंबरशी घरातील इतरांची आधार कार्ड लिंक करता येतात.
लहान मुलांसाठी स्वतंत्र मोबाइल नंबर गरजेचा नाही. शक्यतो आपल्याच मोबाइल नंबरशी लिंक करावे. ते शक्य नसल्यास कुटुंबातील एखाद्या सदस्याच्या नंबरशी लिंक करावे.

हे देखील वाचा : Post Office Scheme: पोस्ट ऑफिस अपघात विमा योजना 550 रुपयात मिळणार 10 लाखाचा अपघात विमा

सुरक्षेसाठी कार्ड असे करावे लॉक

सर्व प्रथम uidai.gov.in या वेबसाईटवर जाऊन माय आधार' या पर्यायावर क्लिक करावे.
वेबसाईटवर सर्व्हिसेसमध्ये 'लॉक / अनलॉक बायोमेट्रिक्स' हा पर्याय निवडावा.
आधार नंबर टाकून कॅप्चा भरावा. त्यानंतर सेंड ओटीपी वर क्लिक करावे.
त्यानंतर रजिस्टर्ड मोबाइलवर आलेला ओटीपी भरताच तुमचे आधार कार्ड लॉक केले जाते.

अशीच माहिती जनून घेण्यासाठी आमच्या WhatsApp ग्रुप ला जॉइन करा, WhatsApp ग्रुप जॉइन करण्यासाठी खालील WhatsApp बटन ला क्लिक करा.