नेरलवार लाकडी तेल घाणी, गडचिरोली
तुमचे आरोग्य, आमची जबाबदारी
20-07-2023
बॉलिवूडचे ज्येष्ठ अभिनेते नसीरुद्दीन शाह आज (२० जुलै) त्यांचा ७२वा वाढदिवस आहे नसीरुद्दीन शाह यांचं नाव अशा कलाकारांमध्ये घेतलं जातं, ज्यांनी मोठ्या भूमिकांपासून ते छोट्या भूमिकांपर्यंत आपल्या अभिनयाच्या जोरावर लोकांची मने जिंकली.
उत्तम कला चित्रपटांबरोबरच व्यावसायिक चित्रपटातूनहीही त्यांनी मनोरंजन विश्वात आपला ठसा उमटवला आहे. नसीरुद्दीन यांना बॉलिवूडचा टिपिकल 'हिरो' अशी ओळख कधीच मिळाली नाही. मात्र, आजवर त्यांनी ज्या भूमिका स्वीकारल्या त्या त्यांनी अक्षरशः पडद्यावर जिवंत केल्या.
नसीरुद्दीन शाह यांचा जन्म २० जुलै १९५० रोजी एका नवाब कुटुंबात झाला होता. अलीगढ मुस्लिम विद्यापीठातून पदवी घेतल्यानंतर त्यांनी अभिनयात करिअर करायचे ठरवले होते. मात्र, नसीरुद्दीन यांच्या वडिलांना त्यांचा हा निर्णय अजिबात मान्य नव्हता. पण, वडिलांच्या इच्छेविरुद्ध जात नसिरुद्दीन यांनी करिअर म्हणून अभिनय क्षेत्राची निवड केली. त्यांनी जरी अभिनय क्षेत्र निवडले असले, तरी त्यांच्यासाठी या क्षेत्रात टिकून राहणं हा तसा कठीण भाग होता.
त्याच वेळी कारकिर्दीच्या सुरुवातीच्या टप्प्यात नसीरुद्दीन शाह यांना त्यांच्या साध्या उंचीमुळे सतत नकारांना सामोरे जावे लागले. मात्र, याच दरम्यान त्यांची भेट श्याम बेनेगल यांच्याशी झाली होती. यानंतर त्यांचं नशीबच पालटलं. नसीरच्या आत दडलेला कलाकार श्याम यांनी पाहिला होता. नसीरुद्दीन शाह यांच्या पहिल्या चित्रपटाचे नाव 'निशांत' होते. पण, हा चित्रपट काही विशेष जादू दाखवू शकला नाही. या चित्रपटातून त्यांचे कलागुण मात्र दिसले. यानंतर त्यांनी 'स्पर्श', 'इक्बाल', 'कर्मा' असे उत्कृष्ट चित्रपट दिले. नसीर यांची फिल्मी कारकीर्द केवळ हिंदी सिनेमांपुरती मर्यादित नव्हती, तर त्यांनी इंग्रजी, बंगाली, गुजराती, कन्नड, मल्याळम, मराठी अशा विविध भाषांमध्ये चित्रपट केले आहेत.अभिनेता नसीरुद्दीन शाह यांनी आपल्या आयुष्यातील तब्बल ६० वर्षे चित्रपटसृष्टीला समर्पित केली असून, या काळात त्यांनी १००हून अधिक बॉलिवूडppp चित्रपट केले आहेत. त्यांच्या चित्रपट कारकिर्दीबद्दल बोलायचे, तर ते बॉलिवूडमधील एक अष्टपैलू अभिनेता आहेत. त्यांनी 'त्रिदेव', 'विश्वात्मा', 'जाने भी दो यारों', 'अ व्हेनस डे' आणि 'कर्मा' सारखे समीक्षकांनी आवडलेले चित्रपट केले आहेत. तर, दुसरीकडे 'डर्टी पिक्चर', 'इश्किया' आणि 'मोहरा' सारखे चित्रपट देखील त्यांनी यशस्वी केले.......
तुमचे आरोग्य, आमची जबाबदारी
Today Latest News
Local News
सुपर फास्ट बातमी
Local News
सुपर फास्ट बातमी
Local News
सुपर फास्ट बातमी
Local News
सुपर फास्ट बातमी
Local News
Vaingangavarta19
Crime
सुपर फास्ट बातमी
International
सुपर फास्ट बातमी
Local News
सुपर फास्ट बातमी
Local News
सुपर फास्ट बातमी
Local News
No Comments