STUDY POINT INSTITUTE
आमच्या सोबत द्या, आपल्या स्वप्नांना आकार ...
20-08-2023
सामान्य फंडात निधीच नाही ; बोळधा ग्रामपंचायत पदाधिकाऱ्यांचा अभिनव उपक्रम
चिमूर प्रतिनिधी :-
चिमूर तालुक्यातील जवळच असलेल्या बोळधा येथील संपूर्ण गावाच्या नाल्या उपसण्यात आल्या. हे काम सामान्य फंडातून करण्यात येते. मात्र ग्रामपंचायतच्या सामान्य फंडात निधी नसल्याने उपसलेला गाळ फेकणार कोण, असा प्रश्न निर्माण झाला. ग्रामसेवकांनी सामान्य फंडातील निधी संपला असल्याचे सांगितले. त्यामुळे गावाच्या हितासाठी स्वतः सरपंचासह सर्व सदस्यांनी पुढाकार घेत श्रमदान करून गाळ फेकण्याचा निर्णय घेत तत्काळ अंमलबजावणी करीत संपूर्ण गाळ सदस्यांनीच उचलला आहे.
पावसाळा लागला की ग्रामीण क्षेत्रात गावातील नाल्यांचा उपसा करण्यात येऊन रोगराईपासून मुक्त करण्यात येते. सदर कामाला गावातील कररूपी निधी म्हणजे सामान्य फंडातून ग्रामपंचायत हा खर्च करीत असते. मात्र, बोळधा येथील ग्रामपंचायतीमध्ये सामान्य निधी काही प्रमाणात उपलब्ध होता. त्या निधीने फक्त नाल्यांचा गाळ मजुरांच्या हाताने उपसण्यात आला. परंतु उपसलेला गाळ आता फेकण्याचा प्रश्न निर्माण झाला तेव्हा सरपंचासह संपूर्ण सदस्यांनी ग्रामसेवकाला विचारणा केली असता ग्रामसेवकाने निधी संपल्याचे सांगताच ग्रामपंचायत कमिटीला प्रश्न पडला हा गाळ असाच रस्त्यावर पडून राहिला तर गावाचे आरोग्य धोक्यात येईल.
त्यामुळे सरपंचासह सर्व सदस्यांनी निर्णय घेत हा गाळ श्रमदान करीत स्वतः फेकण्याचा निर्णय घेतला आणि लगेच त्यांनी संपूर्ण गाळ स्वतःच्या घरचे साहित्य आणून फेकला. तसेच या कामात गावकऱ्यांनीसुद्धा त्यांना मदत करीत स्वतःच्या घरासमोरील गाळ स्वतःच फेकला. या अभिनव उपक्रमाने सर्वच स्तरावरून त्यांचे स्वागत होत आहे. यावेळी सरपंच रोशनी बारसागडे, सदस्य राकेश बरधे, प्रकाश घोनमोडे, लता मेश्राम, सामाजिक कार्यकर्ते दिगाबर बारसागडे, विलास ठिकारे, देविदास देवले, ग्रामरोजगार सेवक आणि इतर सदस्य उपस्थित होते.
आमच्या सोबत द्या, आपल्या स्वप्नांना आकार ...
Today Latest News
Local News
सुपर फास्ट बातमी
Local News
सुपर फास्ट बातमी
Local News
सुपर फास्ट बातमी
Local News
सुपर फास्ट बातमी
Local News
Vaingangavarta19
Crime
सुपर फास्ट बातमी
International
सुपर फास्ट बातमी
Local News
सुपर फास्ट बातमी
Local News
सुपर फास्ट बातमी
Local News
No Comments